kun nas sgor 'jug pa'i 'od zer gtsug gtor dri ma med par snang ba de bzhin gshegs pa thams cad kyi snying po dang dam tshig dang rnam par lta ba zhes bya ba'i gzungs
Samanahamukhaorabeśaraṣmibimaloṣṇiśaprabhabhasarbatathāgatahridayasamāyabilokitanamadharani
Text
ff. 204b–217a · 26 folio sides
- 204b
rgya gar skad du/ sa man tam kha pra be shar shrI bi ma'o/ ka pra b+hab+ha/ sarbata dag ta rbad la/ sa mA ya bi lo ki ta na ma d+ha ra ni/ bod skad du/ kun nas sgor 'jug pa'i 'od zer gtsug gtor dri ma med par snang ba/ de bzhin gshegs pa thams cad kyi snying po dang / dam tshigs dang rnam par blta ba zhes bya ba'i gzungs/ sangs rgyas dang / byang chub sems dpa' thams cad la phyag 'tsha lo// de nas bcom ldan 'das dga' ldan lha'i gnas na/ byang chub sems dpa'i dge 'dun chen po dang / zhabs ring ba lha'i tshogs chen po dang / tshangs pa dang / khyab 'jug dang / dbang phyug chen po la sogs pa lha'i bu rnams dang thabs gcig tu bzhugs te/ 'khor mang po'i tshogs pa la/ bcom ldan 'das pha rol du phyin pa drug dang ldan pa'i chos ston pa mdzad de/ 'di lta ste/ ji lta sbyin pa'i 'bras bu bsod nams kyi tshogs chen po bsags pa/ 'khor lo bsgyur ba'i dbang phyug gi 'bras bu rnam par smin pa dang / rin po chen sna bdun gyi char 'bab pa dang / lhun gyi grub par
- 205a
gter chen po rnyed par 'gyur ba/ sbyin pa'i pha rol du phyin pa dang / ji ltar de bzhin gshegs pa'i bstan pa dang / mngon bar shes pa lnga dang / tshul khrims dang ldan pa dang / tshangs dang / lhar skye ba'i 'bras bu rnam par smin par 'gyur ba/ tshul khrims kyi pha rol du phyin pa dang / ji ltar lha'i gzugs 'dod pa dang / blta bas mchog mi shes pa'i mtshan dang / dpe byad bzang pos legs par brgyan pa'i 'bras bu rnam par smin par 'gyur ba/ bzod pa'i pha rol du phyin pa dang / ji ltar brtson 'grus brtsom pa la lta ba dang / bdud 'dul ba dang / rga shi dang skye ba las sgrol ba dang / rdzas te skye ba'i sangs rgyas kyi zhing du 'gro ba'i 'bras bu rnam par smin par 'gyur ba/ brtson 'grus kyi pha rol du phyin pa dang / ji ltar dpa' bar 'gro ba'i ting nge 'dzin la sogs pa ting nge 'dzin bye ba khrig khrig brgya stong phrag du ma thob pa'i 'bras bu rnam par smin par 'gyur ba/ bsam gtan gyi pha rol du phyin pa dang / ji ltar shes rab dang / ye shes kyi tshogs chen po dang / thos pa rgya mtsho bsags pa dang / mang du thos pa'i 'bras bu rnam par smin par 'gyur ba'o// shes rab kyi pha rol du phyin pa'o// de nas lha'i bu de dag gis pha rol tu phyin pa drug gi chos kyi sgo 'di nyin mtshan du rjes su bsams shing rjes su dpyad de/ dga' ba chen po'i phyir bsgom par yang byed do// de nas lha'i 'khor de nyid kyi nang na sum bcu rtsa gsum gyi ris kyi lha'i
- 205b
bu nor bu'i dri ma med pa zhes bya ba/ g.yog lha'i bu bye ba brgyad stong dang ldan pa/ lha'i bu mo khri brgyad stong gis bskor ba/ lha'i rnam par 'phrul pa'i gzhal med khang rin po che sna bdun dang ldan pa'i rtsig pa brtsigs pa'i khang bzang bskyed mos tshal sna tshogs dang / lha'i me tog gis mdzes par byas pa'i rdzing gis legs par brgyan pa dang ldan pa/ zhig yod do// lha'i bu nor bu'i snying po dri ma med pa de/ lha'i bu mo'i mchog me tog rgyas pa dang ldan pa zhes bya ba dang lhan cig dga' ba chen po mang po dang ldan zhing / lha'i bde ba la ni chags/ rin po che sna bdun las byas pa'i sgo bzhi dang ldan pa'i khang bzang gi nang na/ 'dod pa'i yon tan lnga 'byor cing rgyags pa dang / nga rgyal gyis dregs te bsnyems shing nyal lo// de nas nam phyed 'das pa tsam na lha'i bu de gnyid log cing / lha'i bu mo'i tshogs thams cad kyang sgra bskyangs te nyal bar gyur to// de nas gnas mchog de na lha'i gnod sbyin gyi gtso bo skar mda' gtor zhes bya ba zhig gnas pa des/ lha'i bu nor bu'i snying po dri ma med pa de la bskul nas tshig 'di skad ces smras so// kye nor bu'i snying po dri ma med pa long longs/ khyod gnyid la dga' zhing chags pas ci zhig bya/ dga' ba la goms par byed cing chags par gnas pas ji zhig bya/ lha'i longs spyod dpag tu med pa la spyod pas ci zhig bya/ da ste zhags bdun na 'chi ba'i dus byed par 'gyur te/ lha'i longs spyod dang bral zhing sdug bsngal gyi tshor ba chen po myong 'gyur na/ khyod
- 206a
kye gnas gzhal med khang dam pa rin po che sna bdun las byas pa ci dgos/ khyod kyi srog yang med kyis thabs ni myur/ bamyur bar soms shig ces smras nas/ lha'i gnod sprin gyi gtso bo skar mda' gtong mi snang bar gyur to// de nas lha'i bu nor bu'i snying po dri ma med pas tshig mi snyan pade thos nas brgyal te mal nas khas brab du sa la ltung ngo // de nas lha'i bu mo'i tshogs de dag kyang skra bshig rgyan rnams ni bkrol/ gos ni bsnyil/ gdong khrag gis ni gsher/ mchu dang / kan dang / ming dang / lce ni skams la smre sngags stong phrag du ma ni sme ste/ ngu zhing cho nges 'debs la/ kyi hud kyi hud ces 'dzer cing / lha'i rin po che'i snod nas spos nu dang / tsan dan gyi chu grang mos 'thor zhing / kha cig ni mgul nas 'ju/ kha cig ni lag pa nas 'ju/ kha cig ni de'i skra la 'o byed/ kha cig ni rkang pa nas 'ju/ kha cig ni gos la 'dzin/ kha cig ni brgyal te 'gyel/ kha cig ni sa'i steng na chu dang bral ba'i nya bzhin 'dre ldog/ kha cig ni lus la mes tshig bzhin 'dre ldog/ kha cig ni smre sngags du ma 'don cing / kyi hud ces 'dzin cing du'o// de nas lha'i bu nor bu'i snying po dri ma med pa de brgyal ba sangs te/ dran pa thob cing kha nas khrag skrag cing / sdug bsngal chen po nyamasu myong nas shugs nar zhes phyung ste/ lus 'dar zhing rlung gi shugs kyis btab pa bzhin du g.yo bar gyur pa/ nga ro dang snying sro shi nas de rings pA rings par lha'i
- 206b
dbang po brgya byin ga la ba der song ste byin nas/ lha'i dbang po brgya byin gyi rkang pa la gtugs te/ rkang pa gnyis la 'jus nas 'di skad ces smras so// brgya byin bdag bskyab du gsol// lha'i rgyal po che ba'i bdag nyid can bskyab du gsol// lha'i gnod sbyin gyi gtso bo skar mda' gtong gis bgo' ba thos nas/ bdag dgung bdun nas 'gu ba'i dus bgyi'o zhes mchi zhing / sems can dmyal ba'i tshor ba soms shig ces mchi na/ lha'i dbang po thabs gang gis bdag 'chi bdag gi dbang du 'chi bar mi 'gyur ba dang / ngan 'gror 'chi bar mi 'gyur ba/ 'jigs pa ma mchis pa'i gnyen po bka' stsal du gsol// lha'i dbang po ci nas kyang bdag 'chi bdag gi sgo nas thar pa'i cho ga bdag la bskyab du gsol// de nas lha'i dbang po brgya byin gyis tshig de thos nas/ snying rabs du sdug pas/ lha'i nor bu snying po dri ma med pa la 'di skad ces smra so// lha'i bu ma 'jigs shig/ gang gis 'chi bdag 'pham par 'gyur ba/ sems can dmyal ba pa las thar par 'gyur ba dang / sangs rgyas bcom ldan 'das 'jig rten lha dang mi rnams kyis ston pa/ skye ba dang / rga ba dang / na ba dang / 'chi ba dang / mya ngan las skyob pa/ bla na med pa'i sman yod de/ de ni khyod kyi skyabs dang / rtsa lags de'i bzang po dang / dpung gnyen dang / pha ma lta bur gyur pa yin no// de ni ngan 'gro thams cad 'jigs par mdzad pa yin gyis/ 'dren pa de bzhugs pa ga ba la ba der bdag
- 207a
cag myur du 'dong ngo // de nas de'i tho rangs lha'i dbang po brgya byin dang / lha'i bu nor bu'i snying po dri ma med pa dang / lha dang / lha'i bu mo stong phrag du ma dang / lhan cig dga' ldan ga ba der phyin pa dang / bcom ldan 'das kyi zhabs la mgo bos phyag 'tshal te/ lan gsum bskor ba byas nas/ bcom ldan 'das kyi spyan sngar 'khod do// de nas lha'i dbang po brgya byin sro shi ba'i bzhin gyis/ bcom ldan 'das la 'di skad ces gsol to// bcom ldan 'das lha'i bu nor bu'i snying po dri ma med pa 'di la/ lha'i gnod sbyin gyi gtso bo skar mda' gtong gis bskul te/ dgung bdun gyi gdugs la/ nor bu'i snying po dri ma med pa 'di 'chi bdag gis sgo'i dbang du 'gyur ro zhes mchi na/ bcom ldan 'das de la ji ltar bsgrub par bgyi/ de nas bcom ldan 'das de bzhin gshegs pa shAkya thub pa/ lha'i dbang po brgya byin gyi tshig gsan nas 'dzum pa mdzad de/ 'dzum pa bstan pa des/ zhal nas kha dog sna tshogs kha dog dam pa dang ldan pa'i 'od zer byung ste/ 'od zer byung ba des stong gsum gyi stong chen po'i 'jig rten gyi khams snang bar byas pa/ 'od zer gyi snang ba des lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / srin po dang / 'byung po thams cad kyi gnas rnams snang bar byas nas bskul lo// bskul nas kyang 'od
- 207b
zer de slar log ste/ bcom ldan 'das la lan gsum bskor ba byas nas/ bcom ldan 'das kyi zhal gyi sgor zhugs so// zhugs ma thag tu lha'i dbang po brgya byin la 'di skad ces bka' stsal to// lha'i dbang po nor bu'i snyid dri ma med pa 'di zhag bdun gyi nyin par 'chi bdag gi sgo'i 'jigs par 'gyur ba de nyon cig/ 'di gal te 'chi ba'i dus byas par gyur na/ sdug bsngal shin du chen po drag pa'i tshor ba/ sems can dmyal ba'i tshor ba rnams myong bar 'gyur ro// thog mar ni grong khyer chen po ba ra na ser/ smig ma mkhan gyi phyi khung gi 'dab rdzab kyi nang du/ sha za phag mgo can du skye bar 'gyur te/ phyi sa khung de na bshang lci za'o// phyi sa khung de nyid kyi nang na srog chags bye ba/ brgyad stong gnas te/ de dag dus gsum du phag mo de'i sha la za zhing / kyeng rus 'ba' shig lus par byed do// de nas yang las kyi dbang gis lus kun rdzogs par 'gyur te/ lo bdun chad par 'gyur ro// de nas 'chi ba'i dus byed par 'gyur te/ de nas dgon pa ru/ rus sbal gyi skye gnas su skye la/ de na chu'i ming yang mi drag cing shing grib kyang med de/ nyin mtshan gyis lus gdungs shing tshig la bye tshan gyis tsha zhing / bya rog dag gis lus gtogs nas lus dum bur 'gyur ro// de nas yang las kyi dbang gis lus byung nas yang zhig par 'gyur te/ lo lnga tshang par de ltar 'gyur ro// de nas 'chi ba'i dus byed par 'gyur te/ ba ra na se de nyid du 'bab chu chen
- 208a
por skye bar 'gyur ro// de nas las kyi dbang gis gangan chu med par der 'phangs nas/ lus chen po de la sbrul bdug pa dang / bya rol dang / sre mo dang / khyi dang / gzigs dang / lce lung la sogs pas za'o// srog chags sna tshogs gzhan dag gis kyang ba'o// de nas yang las kyi dbang gis/ lus byung zhing za bar 'gyur te/ lo gsum du de ltar 'gyur ro// de nas 'chi ba'i dus byas nas khyim bdun du skye zhing / 'dzam bu'i gling gi sdug myong bar 'gyur te/ mdze can gyi khyim dang / gsu/ dbul po'i khyim dang / g.yung po'i khyim dang / shan pa'i khyim dang / rigs ngan gyi khyim dang / gdol pa'i khyim dang / dmus long gi khyim du skye ste/ lo drag babacu'i bar du sdug bsngal myong bar 'gyur ro// sdug bsngal de dag myong nas de nas shi 'phos te/ sems can dmyal ba chen po bcu drug tu bskal pa brgyad bcu rtsa bzhir sdug bsngal myong bar 'gyur ro// lha'i dbang po de lta bu'i sdug bsngal chen po nyams su myong bar 'gyur ro// ji ste brgya la mi'i lus thob na yang dbul ba dang / yan lag ma tshang ba dang / shes rab chung ba dang / yi ge mi shes pa dang / sangs rgyas dang / chos dang / dge 'dun dang bral ba dang / 'jig rte thams cad kyis smad pa dang / rtag tu bsgom pa dang / bkres pa sems pa dang / tshe 'thung ba zhing nad mang bar 'gyur ro// de nas lha'i dbang po brgya byin gyis/ lha'i bu
- 208b
dbang po nor bu'i snying po dri ma med pa'i gtam ngan thos nas/ bcom ldan 'das kyi spyan sngar shin du 'jigs skrag ste/ yid mi dga' nas 'di skad ces gsol to// bco ldan 'das bdag re ba ma mchis par 'gyur ro// bdag la skyabs ma mchis so/ bcom ldan 'das kyis bka' stsal pa/ lha'i dbang po 'chi ba'i chad pa chen po'i gnye po yod kyis/ de bas na re ba med par ma byed cig/ des phyi ma'i tshe phyi ma'i dus na/ sems can de dag 'chi ba'i dus kyi tshe/ bde bar 'chi ba'i dus byed par 'gyur ro// sa can dmyal ba dang / dud 'gro'i skye gnas thams cad las yongs su thar par 'gyur ro// dran pa tsam gyis sgrib pa thams cad dang bral bar 'gyur ro// tshe ring por 'gyuraro// shin du yongs su dag pa'i lus thob par 'gyur ro// de nas lha'i dbang po brgya byin dang / rgyal po chen po bzhi dang / tshangs pa dang / khyab 'jug dang / dbang phyug chen pos/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das la 'di skad ces re ba 'phel bar mdzad du gsol// bcom ldan 'das lha thams cad bskyab du gsol// bcom ldan 'das skye rgu'i 'jig rten bsgral du gsol// bcom ldan 'das 'a ba'i 'jigs pa zhi bar mdzad du gsol// bcom ldan 'das sems can dmyal ba'i mi bzad pa gsol du gsol// bcom ldan 'das chos kyi rgyal po gshin rje dgu
- 209a
/ tu gsol// bcom ldan 'das gling bzhi pa'i 'jig rten pa'i sems can rnams dbugs dbyung du gsol// btso// ldan 'das sum bcu rtsa gsum pa'i lha'i gnas la gzigs su gsol// bcom ldan 'das phyogs bcu 'jig rten gyi khams rnams/ phyogs bcu kun gyi de bzhin gshegs pa'i ye shes kyi phyag rgya chen pos gdab du gsol// de bzhin gshegs pa'i byin gyis brlabs kyis byin gyis brlab du gsol// bcom ldan 'das bdag la thugs brtse ba'i slad du gnyen po'i ston pa chen po bshad du gsol// de nas bcom ldan 'das de bzhin gshegs pa shAkya thub pas/ de skad gsol pa thugs su chud nas/ rnam pa kun du rnam par gzigs pa zhes bya ba'i ting nge 'dzin la snyoms par bzhugs te/ ting nge 'dzin de la snyoms par bzhugs pas/ rnam pa kun du blta ba zhes bya ba'i 'od zer gtsug gtor gyi dbus nas byung nas/ des phyogs kun du snang bar byas te/ rin po che'i gdugs lta bu na mkha' la 'dug pa dang / bcom ldan 'das kyis 'dzum pa mdzad de gzigs nas/ lha'i dbang po brgya byin la 'di skad ces bka' stsal to// lha'i dbang po kun nas sgor 'jug pa'i 'od zer gtsug gtor dri ma med par snang ba de bzhin gash+ye pa thams cad kyi snying po dang dam tshig la rnam par lta ba zhes bya ba'i gzungs sngags zung shig/ phyag rgya 'di ni gang ga'i klung bye ba khrag khrig 'bum phrag dgu bcu rtsa gnyis de bar gshegs pa bshad du gsol/
- 209b
kyi bye ma snyed kyi de bzhin gshegs pa rnams kyis kyang gsungs shing rjes su yid rang ba'o// gzungs sngags 'di mthong ba dang / thos pa tsam gyis sdig pa sgrib pa dang sems can dmyal ba dang / dud 'gro dang / ngan 'gro'i 'jigs pa thams cad las grol bar 'gyur ro// sngon gyi sgrib pa thams cad kyang rnam par 'jigs par 'gyur/ zhing / sems can dmyal ba thams cad 'jig par 'gyur te/ dper na me yis rtsa bsregs pa// rlung gis thal ba myur du deng // de bzhin tshe rabs snga ma la// bsags pa'i sdig pa thams cad bsreg/ dper na char pa 'bab gyur te// ri las 'bab chu bab pa yis// sa'i steng gi phyag dar dang // nyal nyi la thams cad ded par 'gyur// de bzhin gzungs 'di mthong ba dang / thos pa tsam gyis sdig pa byang // dper na me yis gser spangs pas// sos bcad rung bar snyi bar 'gyur// de bzhin zlas brjod byas tsam gyis// lus sbyongs 'gyur te the tshom med// dper na nyi ma shar gyur na// 'od zer kun du rab du byung // de bzhin su zhig gzugs 'chang ba// de'i lus kyang rnam par mdzes// dper na skam por nya 'dre ldog/ chu dang bral bas 'chi sgor 'gro// la las slar yang chu bor na// de na gnas shing yang rtse'o// de bzhin dran pa tsam gyis kyang // mi rnams tshe ni bzlog par byed// lha'i dbang po gzungs sngags kyis nyon// na ma sarba ta thA ga ta naM/ ma hA tshin d+ha ma ni/ dz+wa la ni/ a ga ra/ gam b+hi ra/ a kar ShA ya/
- 210a
a kar Sha ya/ a yun d+ha ra/ san d+ha ra san d+ha ra/ k+Sha nak+ta na/ k+Sha Na k+Sha Na/ k+Shak+Sha sarba ta thA ga ta ga ta sa ma ye/ ti/ Sh+Tha tiSh+Tha/ ma hA b+hu ba na/ swang ga re/ sang sho d+ha man/ b+ha ga ba ti/ sarba pA paM/ bi ma le/ dza ya dza ya/ dza ya la ba te/ sUT s+phuT/ s+pho Ta ya s+phoT ya/ bi ga ta A ba ra Ni/ b+ha ya ha re/ ha ra ha ra/ hU hU hUM/ srid tu daH d+ha ra/ A pA ya pra pe/ uSh+NI Sha bya ba lo ki te/ sa nam ta mu khe/ san ta bya ba lo ka te/ ma hA pa sha d+ha re/ a mo g+ha/ bi ma le/ a kar Sha ya/ a kar Sha ya/ a kad D+ha ya/ A kad D+ha ya/ b+ha ra b+ha ra/ saM b+ha ra saM b+ha ra/ in dwi ya bi sho d+ha ni/ b+hu Shi ta b+hu dze/ ma ha mud drA/ bi lo ki te/ dza ya dza ya/ sid d+he/ bo d+ha ni bo d+ha ni/ saM b+ho d+ha ne/ bi sho d+ha ni/ sho d+ha ni/ saM sho d+ha ni/ ta tha ga ta ku la bu dze/ sa ma ya niSh+Tha te/ pra sa ra tu/ mun d+ha/ bin sh+ya tu pA paM/ ki la bi sha ha re/ ma Ni bi shud d+he/ sho d+ha ya/ bi ma le/ bi ka si ta pad me/ bi ka sid ta/ b+hu ba ne/ ShaT pA rA mI tA/ bar pu raN/ sarba ta thA ga toSh+Ti Sha baM ma le bi lo ki te/ ta thA ga ta g+hu h+ya/ a d+hiSh+ThAn/ a d+hiSh+Thi te swAhA/ oM A yur da te swAhA/ puN+ye bi lo ki te sAd/ mrid pa t+yu daHd+he swAhA/ yam dan de swA hA/ lam d+hu te swAhA/ yam ya sahA/ sa he ra Ni swAhA/ sa~M b+ha ra Ne swA hA/ san d+ha ra Ni swA hA/ pra ti sa ra Ni swA hA/ oM dzo ba ti swA hA/ te dzo ba ti swA hA/ oM sarba ta thA
- 210b
ta su tra/ a tiSh+Tha na/ a d+hiSh+Thi te swA hA// lha'i dbang po gzungs sngags 'di lha'i bu nor bu'i snying po dri ma med pa la rjes su ston cig/ des na khyod la yun rin ring por phan pa dang / bde bar 'gyur ro// kun nas sgor 'jug pa'i 'od zer gtsug gtor dri ma med par snang ba/ de bzhin gshegs pa thams cad kyi snying po dang / dam chis la rnam par blta ba zhes bya ba'i gzungs sngags 'di bris la mchod rten gyi nang du btsugs te/ mchod rten gsar pa 'am/ mchod rten snying pa bcos pa'i nang du bzhug go/ spos dang byug pa yang phul la/ gzungs kyi rig sngags lan brgya rtsa brgyad dran pa bya zhing / lan brgya rtsa brgyad bskor ba bya'o// nyin zhag gcig la nyin lan gsum mtshan lan gsum du dran par bya'o// de nas nyi ma shar ba dang / shar phyogasu bltas te/ spos kyi dkyil 'khor byas la/ nyi ma log su me tog gis gtor to// a ga ru dang / du ru ska'i bdug pas bdug ste/ de bzhin gshegs pa thams cad la phyag byas la/ lan brgya rtsa brgyad bzlas brjod byas zhing / mchod rten brgya rtsa brgyad btab la/ rig sngags kyi snying po 'di bris te/ mchod rten gyi snying po 'di bris te mchod rten gyi nang du bcug la/ dkyil 'khor gyi steng du bzhag na/ gang ga'i klu'i bye ma khrag khrig 'bru phrag dgu bcu rtsa dgu'i bye ma snyed kyi de bzhin gshegs pa rnams kyi sku gdung ring bsrel mchod rten re re'i nang du bcug par 'gyur ro// ring bsrel gyi snying por 'gyur ro//
- 211a
snying po 'di bris la shes la bzhug go/ oM tre yang d+he/ sarba ta thA ga ta hri da ya gar+b+he/ dz+wa la d+harma d+har tu gar+b+he/ sa/ ha ra a yun saM sho d+ha ya pA paM/ sarba ta thA ga ta sa man tr-iSh+Ti Sha bi ma le bi shud+d+he swA hA// kun nas sgor 'jug pa'i gtsug gtor dri ma med pa zhes bya ba/ dus gsum gyi de bzhin gshe pa'i snying po 'di la gus par byas te/ mchod rten gyi las byas na tshe zad pa las che slar nur te/ tshe ring por skyong bar byed do// gal te shi 'phos na yang sbrul gyi lpags pa brjes pa bzhin du las bor nas/ skal pa mnyam pas 'jig rten gyi khams bde ba can du 'gro bar 'gyur ro// 'chi ba'i sdug bsngal myong bar ma 'gyur ro// phyin chad nam yang 'chi bI tshor ba mthong bar ma gyur ro// phyin chad sems can dmyal ba dang / dad 'gro dang / gshin rje'i dang / ngan 'gror 'gro zhing skye bar mi 'gyur na/ phyin chad sems can dmyal bi sgra rna lam du yang grag par mi 'gyur na/ 'bras bu rnam par smin par 'gyur ba lta ci smos te/ de ni gnas med do// de nas lha'i dbang po brgya byin gyis rig sngags 'di/ bcom ldan 'das las bzung nas/ lha'i bu nor bu'i snying po dri ma med pa dang lhan cig tu nam langs pa dang / rang gi gnas su song ste/ de bzhin gshegs pas bka' stsal pa'i lung bzhin du cho ga go rims bzhin du mchod rten gyi las byas nas/ bzlas brjod kyi cho ga byas pa dang / byas ma thag tu lha'i bu nor bu'i snying po dri ma med pa sdug bsngal thams
- 211b
nye bar zhe nas/ sdig pa thams cad dang bral te/ las rnam par dag nas/ lpags pa'i mdog ni gser gyi kha dog lta bur gyur/ skra dang mig ni 'bon gting lta bur gyur de bzhin gshegs pa thams cad ni mngon tu mthong / namakha'i dkyil nas de bzhin gshegs pas legs so legs so zhes bya ba'i gsung ni phyung ngo // de nas lha'i bu de sgra ba dang bral ba'i lus su gyur pa mthong nas/ ya mtshan cher bzung ste/ rab du dga' nas/ a la la sangs rgyas/ a la la rig sngags/ a la la chos/ 'bras bu 'phral du ston pa/ bcom ldan 'das de bzhin gshegs pa shAkya thub pa thugs rje mchog tu che ba yid bzhin gyi nor bu lta bu de la phyag 'tshal lo// phyag 'tshal lo zhes ched du brjod pa ched du brjod do// de nas lha'i bu de rang gi gnas su song nas/ lha'i me tog dang / bdug pa dang / spos dang / phreng ba dang / byug pa sna tshogs blangs te/ lha'i gos dang / spud pa dang / rgyan kyang blangs nas/ g.yog 'khor thams cad dang / lha'i bu mo dang / lha'i tshogs dang / lha'i dbang po brgya byin la sogs pa dang / dga' ldan gyi gnas su ste/ bcom ldan 'das ga la ba der dong nas phyin pa dang / bcom ldan 'das la mchod pa chen po byas te/ lan brgyad stong du ma bskor ba byas nas chos nyan pa'i phyir de nyid du bcom ldan 'das kyi spyan sngar 'dug/ de nas rgyal po chen po bzhi dang / tshangs pa dang / khyab 'jug dang / dbang phyug chen po dang / gnod
- 212a
sbyin gyi sde dpon chen po lag na rdo rjes bcom ldan 'das ga la ba der logs su thal mo sbyar ba btud nas/ bco 'das la 'di ces gsol to// bcom ldan 'das sug las gang gis lha'i bu nor bu'i snying po dri ma med pa la mi bzad cing shin du tsha ba'i 'bras bu rnam par smin pa rnams 'byung bar 'gyur/ bcom ldan 'das kyi bka' stsal/ skyes bu dam pa'i legs par bris so// de'i phyir nyon cig dang shad par bya'o// lag na rdo rje sngon byung ba 'das pI dus na lho phyogs kyi rgyud na yangs pa 'khyil ba zhes bya ba'i grong khyer chen po yod de// de na bram ze dri ma med pa zhes bya ba mkhas pa byang ba/ gsal ba/ yid bzhungs pa gzugs bzang ba zhing mdzes pa/ blta na sdug pa/ mdog bzang po rgyas pa mchog dang ldan pa/ dad pa ldan pa/ dge ba'i bsam pa can/ rig pa smra ba zhib zhig gnas te/ de rig sngags kyi rgyal mo 'di rjes su sems shing bsgo ba lan mang du byed de/ sems can thams cad la phan par 'dod do// de nas grong khyer de nyid na khyim bdag rab snang zhes bya ba phyug pa/ nor che ba/ longs spyod che ba g.yog 'khor meng ba zhig gnas te/ khyim bdag de ni dad pa dang yid ldan zhing gzhan mu stegs can la dad do// de nas grong khyer bram ze de ni khyim bdag de la yang dang yang rig sngags kyi rgyal mo 'di snying po dang bcas pa sgrogs kyang / khyim bdag de ni de la dang ba'i sems mi snyed kyi/
- 212b
de 'di snyam du sems te/ ngas bram ze 'di dum bu dum bur btubs la nya dang / rus sbal bsreg pa bzhin du bor te/ khar ngan skyugs kyis dgang snyam mo// de de snyam du bsams ma thag tu khyim bdag de sha bkra dang / mdzend kyis btab po// de nas 'chi ba'i dus byes nas/ 'chi kar sdug bsngal gyi tshor ba chen po myong ste/ shi nas sems can 'phos nas/ nya dang / phag dang / rus sbal gyi nang du bskal par sdug bsngal myong ngo // de nas 'chi ba'i dus byas nas/ sems can dmyal ba thig nag tu skyes te/ der bskal pa'i tshad du sdug bsngal chen po myong ngo // de nas shi 'phos nas grong khyer de nyid du dmus long gi khyim du skyes te/ dmus long du gyur nas/ phan tshun slongs mo la song ba/ gtsug lag khang zhig tu phyin nas/ de na dge slong snying rje la gnas pa zhig 'dug te/ des de mthong nas byams pa rgyas par byas te/ zas byin no// rig sngas rgyal mo 'di yang bsgrags so// dmus long des gzungs sngags 'di thos pa dang / tshe rabs dran par gyur nas bram ze de yang dran te/ rjes su sems shing kye ma'o// mi zad pa'i las byas so snyam nas ngo tsha ba dang / khrel yod par 'gyur te/ 'chi ba'i dus byas pa dang / gzungs sngags 'di'i mthus sum bcu rtsa gsum gyi lha'i nang du skyes te/ gzhal med khang chen po nang na lha'i bu mo'i tshogs kyis bskor cing lha'i longs spyod chen po myong bar gyur to// de'i tshe de'i dus na khyim bdag dmus long du
- 213a
du gyur pa de bzhin zhig yin pa snyam du khyod dogs shing the tshom za ba'am/ yid gnyis su gyur na de de ltar mi lta ste lha'i bu nor bu'i snying po dri ma med pa 'di nyid do// lag na rdo rje de ltar bas na sdom pa gsum gyis bsdom par bya'o// lag na rdo rje las des 'bras bu rnam par smin pa sdug bsngal gyi tshor ba 'di lta bu myong ngo // lha'i bu 'di byang chub kyi snying po mthar thug gi bar du/ las kyi 'bras bu tha ma 'di myong ngo // lag na rdo rje de'i tshe de'i dus na bram ze dri ma med par gyur pa de gan zhig yin pa snyam du khyod dogs shing the tshom za ba'am/ yid gnyis su gyur na de de ltar mi blta ste/ lag na rdo rje khyod nyid do// dmus long la gzungs sngags 'di sgrogs pa'i dge slong ni 'jam dpal gzhon nur gyur pa 'di yin te/ de'i tshe de'i dus na dge slong du gyur to// de nas lha'i 'amang po des sngon byung ba 'di thos nas rmad du byung bar gyur/ dga' ba thob par gyur te/ caco dang gzha' sgra chen po byung nas/ a la la de bzhin gshegs pa'i dam tshig rig pa'i gzungs sngags 'di'i mthu ni pad bzhin gyi nor bu rin po che lta bu'o// zhes ched du brjod pa ched du brjod do// de nas 'khor de las lha'i bu dgu khri nyis stong phyir mi ldog par gyur to// lha'i bu mo bye ba phrag 'bram ni bud med kyi dngos po dang bral nas skyes pa'i dbang po byung ste/ phyir mi ldog pa nyid la gnas pa'o// de nas bcom ldan 'das khaM gnod sbyin gyi sde dpon chen po las
- 213b
na rdo rjes 'di skad ces gsol to// bcom ldan 'das gzungs kyi rig sngags kyi rgyal mo 'di ni mthuche ba/ phan yon che ba lags so// bcom ldan 'das ji ltar spangs che/ srad ma'i dus na/ sems can rnams la phan pa dang / bde bar 'gyur zhing / gang gis sems can dmyal ba dang / dud 'gro'i skye gnas nas yongs su grol bar 'gyur// bsgrub pa'i cho ga bshad du gsol// bcom ldan 'das kyi bka' stsal pa/ lag na rdo rje gzungs sngags 'di'i phan yon dang / bsgrub pa'i cho ga 'di nyon cig/ 'di ltar phyi ma'i tshe phyi ma'i dus na rigs kyi bu 'am/ rigs kyi bu mo'am/ dge slong ngam/ dge bsnyen nam/ dge bsnyen ma 'am/ rig sngags kyi rgyal mo 'di dus gcig tu dran par bya zhing / ring srel gyi snying po 'am/ de bzhin gshegs pa'i ring srel gyi snying po'i mchod rten la bskor bar bya'o// yid bzhin gyi nor bu rin po che 'di gnyis kyang dus gcig tu dran par bya'o// des na gang ga'i klung gi bye ba khrag khrig 'bum gyi bye ma snyed kyi de bzhin gshegs pa rnams la dge ba'i rtsa ba bskyed par 'gyur ro// bsod nams chen po dang ldan par 'gyur ro// mtshams med pa lnga'i las kyi sgrib pa rnams kyang yongs su byang bar 'gyur ro// sems can dmyal ba dang / dud 'gro'i skye gnas dang / gshi rje'i 'jig rten gyi ngan song rnams las yongs su thar par 'gyur ro// tshe ring por 'gyur ro// sbrul gyi lpags pa bzhin du/ lus bor nas bskal pa mnyam pa'i phyir 'jig rten
- 214a
gyi khams bde ba can du 'gro bar 'gyur ro// phyin chad mngal gyi gnas kyi mas mi gos par rig par 'gyur ro// gang dang gad du skye ba deng der brdzus te pad ma las skye bar 'gyur ro// tshe rabs thams cad du tshe rabs dran par 'gyur ro// rtag tu de bzhin gshegs pa thams cad la blta bar 'dod par 'gyur ro// bsam pa thams cad yid kyi bzhin du yongs su rdzogs par 'gyur ro// gal te cho ga bya bar 'dod na/ de khrus byas la gos gtsang ma bgos te/ spos kyi dkyis 'khor gru bzhi pa bya'o// snying po'i rig sngags gro ga la bris par bya'o// mchod rten lnga gdab par bya'o// rig sngags de yang mchod rten gyi nang du bzhug par bya'o// ma rten bzhi ni grwa bzhir bzhag go// gcig ni dkyil 'khor gyi dbus su bzhag go/ srog shing btsugs te ba dan dmar po spang bar bya'o// me tog gis gtor ro// bum pa gang ba bzhi bzhag go/ grwa bzhir spos phor bzhi nas du ru ka dang / a ga ru dang / tsan dan dang / gu gul gyi bdug pas bdag par bya'o// spos kyi mchod yon gyi snod bzhi bzhag par bya'o// yid bzhin gyi nor bu rin po che 'di gnyis kyang lan brgya rtsa brgyad bzlas brjod bya'o// dkyil 'khor la bskor bar bya'o// nad kyis pa pa dang / zin dang / nad tshab che ba dang / tshe zad pa dang / dus ma yin par 'chi bas 'jigs pa dang / rgyal po dang / pha rol gyi dmag tshogs kyis 'jigs skrag
- 214b
dang / bu 'dod pa dkyil 'khor la mngon du phyogs par bzhag la rma bya'i sgro lngas byab par bya'o// mchod rten gyi dkyil 'khor la mchod par bya'o// cho ga 'di lan gcig byas na bskal pa 'bum du bsags pa'i sgrib med par 'gyur ro// nad thams cad dang / nyon mongs pa thams cad dang / sems can dmyal ba dang / dud 'grol skye gnas dang / gshin rje'i 'jig rten gyi ngan song thams cad dang / 'jigs pa thams cad las yongs su 'thar bar 'gyur ro// 'jig rten dang 'jig rten las 'das pa'i sdug bsngal dang / sgrib pa dang / sdig pa dang / bdug pa thams cad che rabs gcig nas gcig tu rgyu de/ byang chub kyi snying po'i mthur thug gi bar du rnam par 'jig par 'gyur ro// tshe zad pa yang che phyir nur zhing tshe ring bar 'gyur ro// yun ring du nad kyis zin te sha zad pa yang lus yongs su rdzogs par 'gyur ro// lus shin du yongs su rdzogs par 'gyur ro// lus shin du yongs su dag par 'gyur ro// bsam pa yang bzhin du yongs su rdzogs par 'gyur ro// phyin chad 'chi bdag gi sgo'i sdug bsngal mi mthong bar 'gyur ro// sbrul gyi lpags par brjes pa bzhin du/ lus bor nas bskal pa mnyam pa'i phyir 'jig rten gyi khams bde ba can du gang dang gang du skye ba de pad ma las skye bar 'gyur ro// thams cad kyang rgyan thams cad kyis brgyan par 'gyur ro// skye ba thams cad du tshe rabs dran par 'gyur ro// 'di bzlas brjod kyi cho ga bzhin
- 215a
du nyi ma gcig gcig bzhin du dus gsum du lan nyi shu rtsa gcig bzlas brjod byas na/ de'i sgrib pa dang / sdig pa dang / nyon mongs pa thams cad las rnam par grol bar 'gyur ro// bzlas brjod cho ga bzhin du lo gcig tshang bar byas na/ 'jigs pa med par lta ba kun nas sgo'i 'od zer zhes bya ba'i ting nge 'dzin thob bo// phyogs bcu'i sangs rgyas kyi zhing thams cad du de bzhin gshegs pa mthong bar 'gyuraro// dri ma med pa rnam par dag pa 'bar ba'i gan brjid ces bya ba'i lus yongs su dag pa thob par gyur ro// tshe rnam par dag pa thob par 'gyur ro// gang ga'i klung gi bye ba khrag khrig 'bum phrag brgya bcu rtsa gnyis kyi bye ma snyed kyi de bzhin gshegs pa rnams la dge ba'i rtsa ba bskyed par 'gyur ro// tshe rabs gcig nas gcig tu rgyud pa rnams su yang shin du yongasu dag par 'gyuraro// sangs rgyas kyi zhing gang dang gang du 'gro 'dod pa der 'gro bar 'gyur ro// sbrul gyi lpags pa brjes pa bzhin du lus bor nas skal pa mnyam pa'i phyir 'jig rten gyi khas bde ba can du skye bar 'gyur ro// 'chi bdag gi sgo mthong bar mi 'gyur zhing / rmi lam lta bur kun du shes so// ches brgyad dam/ bcu bzhi'am/ bcwo lnga la yid bzhin gyi nor bu rin po che chen po'i gzungs sngags 'di gnyis lan brgya rtsa brgyad bzlas brjod byas shing / ring srel dang bcas pa'i mchod rten la bskor ba bya na/ bzlas brjod
- 215b
byas pa tsam gyis 'phral du mchod rten las sgra 'byung ste/ legs so zhes bya ba 'byin par 'gyur ro// 'phral du sdig pa dang sgrib pa dang / nyon mongs pa thams cad dang / 'dod chags dang / zhe sdang dang / gti mug gi dri ma dang / ser sna dang / phra dog dang bral bar 'gyur ro// lus dri ma med cing yongs su dag par 'gyur ro// skyes pa 'am/ bud med dam/ khyi'u 'am/ bu mo gang dang gtam byas pa de dag thams cad kyang sdig pa rnams las grol bar 'gyur ro// dud 'gro'i skye gnas su song ba la smras na yang / dud 'gro'i skye gnas su gtogs pa thams cad las yongs su thar par 'gyur ro// bya'i tshogs thams cad las yongs su grol bar 'gyuraro// tha na khyi dang / rus sbal dang / byi la dang / srin mo dang srog chags sna tshogs la smras na yang / thams cad las yongs grol bar 'gyur ro// bye ma la lan nyi shu rtsa gcig bzlas brjod byas te/ dur khrod du gtor na/ gang gi rus pa la phog pa de dag sems can dmyal ba gang dang gang du skyes pa de dang de nas yongs su thar te/ mtho ris su skye bar 'gyur ro// gang dag mtho ris su skyes pa de dag gi lus la me tog gi char 'bab par 'gyur ro// gcan zan dang / bya sna tshogs gang dag tu ngur khrod der 'gro ba de dag thams cad kyang bde 'gror 'gro bar 'gyur ro// ri la gtor na ri dgas dang / bya rgya ba de dag thams cad bde 'gror 'gro bar 'gyur ro// ku nas
- 216a
gtsug gtor dri ma med pa dus gsum gyi de bzhin gshegs pa'i snying po lan brgyad stong bzlos brjod byas na/ gal te mtshams med pa lnga byed pa dag mnar med par ltung nas/ gdung bas bsregs pa las 'phral du yongs su thar par 'gyur ro// lan 'bum bzlas brjod byas na/ gal te mgul nas thag pas btags te/ khrid pa yang gshin rje'i gnas nas 'phral du ldog par 'gyur ro// tshe'i 'jigs pa chen po las yongasu grol bar 'gyuraro// sems can dmyal ba thams cad rnams par zhi zhing 'jig par 'gyur te/ the tshom med do// chos kyi rgyal po gshin rje yang bran bzhin du sems shing 'dag go// lus bsam gtan gyi lam bzhin nam/ sbrul gyi lpags pa brjes pa bzhin du lus bor nas/ 'jig rten gyi khams bde ba can du mngon par dga' zhing myur du 'gro bar 'gyur ro// 'chi bdag gi sdug bsngal mi mthong bar 'gyur ro// lan 'bum bzlas brjod byas na lpags pa'i mdog gser gyi kha dog lta bur 'gyur ro// dus gsum gyi de bzhin gshegs pa rnams kyi sras gcig pur 'gyur ro// 'bum bris te mchod rten 'bum byas la de'i nang du bcug na/ 'bum tshang nas mchod rten thams cad 'bar bar 'gyur ro// bdag kyang 'bar bar 'gyur ro// nges par 'phral du phyir mi ldog par 'gyur ro// sa bcu la gnas par 'gyur ro// gang ga'i klung gi bye ba khrag khrig phrag dgu bcu
- 216b
rtsa dgu'i bye ma snyed kyi bcom ldan 'das de bzhin gshegs pa rnams la dge ba'i rtsa ba bskyed cing lung bstan pa thob par 'gyur ro// de nas mchod rten gcig gi nang du bcug ste/ srog shing sgreng ba byas na/ dus gsum gyi de bzhin gshegs pa'i ring bsrel gyi snying po 'bum gyi mchod rten zhes bya'o// gang dag de la bskur sti rnaM par byed pa de dag thams cad phyir mi ldog par 'gyur ro// bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// tha na dud 'gro'i skye gnas gtogs pa rnams dang / gzhan yang srog chags kyi rigs sna tshogs gang dag der 'dong ba de dag thams cad kyang phyir mi ldog par 'gyur ro// than grib mas pog na yang yongs su grol bar 'gyur na/ bkur sti mang du byed pa lta smos kyang ci dgos te/ de'i yon tan dang phan yon ni brjod par mi nuso// de nas gnod sprin gyi sde dpon chen po lag na rdo rje dang / rgyal po chen po bzhi dang / tshangs pa dang / khyab 'jug dang / dbang phyug chen po dang / dga' ldan gyi gnas na gnas pa'i lha'i bu de dag dang / brgya byin la sogs pa sum bcu rtsa gsum ris kyi bu rnams dang / lha'i bu nor bu'i snying po dri ma med pa dang / de dag thams cad bcom ldan 'das ga la ba der dong ste phyin nas/ bcom ldan 'das la lan gsum bskor ba byas te/ bcom ldan 'das ga la ba dar log su thal mo sbyar ba btud nas bcom ldan 'das la 'di skad ces gsol to// bco
- 217a
ldan 'das gzungs sngags mthu chen po 'di ni/ yid bzhin gyi nor bu rin po che chen po lta bur mthong ba dang / thos par dka' ba lags te/ bcom ldan 'das bdag cag lhan cig tshogs nas/ slad ma'i tshe slad ma'i dus na/ yid bzhin gyi nor bu rin po che 'di bzung bar bgyi// rgyas par bgyi'o// sems can thams cad la bsgrags par bgyi'o// 'di 'dzin pa'i sems can chen po de'i slad bzhin du 'brang zhing rtag tu rgyun mi chud par bsrung ba dang / bskyab pa dang / sba bar bgyi'o// bu bzhin du yongasu bskyang bar bgyi'o// bcom ldan 'das kyis bka' stsal pa/ grogs po dag legaso leg so// khyod kyis de ltar gyis shig/ rig sngags kyi rgyal mo yid bzhin gyi nor bu rin po che 'di ngas khyed la gtad do// 'phags pa kun nas sgor 'jug pa'i 'od zer gtsug gtor dri ma med par snang ba de bzhin gshegs pa thams cad kyi snying po// dam tshig la rnam par blta ba zhes bya ba'i gzungs// / rdzogs s+ho// / rgya gar gyi mkhan po su ren dra bod de dang / zhu chen gyi lo tsA ba ban de ye shes sdes bsgyur cing zhus te gtan la phab pa'o// rgya gar skad du/ sarba ta thA ga to uSh+NI Sha shaM bi dza ya na ma d+ha ra ni kal bas hi ta/ bod skad du/ de bzhin gshegs/
Colophon
'phags pa kun nas sgor 'jug pa'i 'od zer gtsug gtor dri ma med par snang ba de bzhin gshegs pa thams cad kyi snying po dang dam tshig la rnam par lta ba zhes bya ba'i gzungs// //rdzogs s+ho// //rgya gar gyi mkhan po su ren dra bo de dang/ zhu chen gyi lo ts+tsha ba ban de ye shes sdes bsgyur cing zhus te gtan la phab pa'o