Q846MW1PD96684_0846mdo sna tshogsAll versions of this work

'phags pa kun rdzob dang don dam pa'i bden pa bstan pa zhes bya ba theg pa chen po'i mdo

Text

ff. 255a–279a · 49 folio sides

  1. 255a

    kyang yin no/ / 'jam dpal de blta bas na/ dge slong yul 'khor gyi bsod snyoms don yod par yongs su bza' bar 'dod pa dang / bdud 'dul bar 'dod dang / 'khor ba las yang dag par 'da' bar 'dod pa dang / mya ngan las 'das pa thob par 'dod pa dang / sdug bsngal rnams las grol bar 'dod pas chos 'di dag la brtson par bya'o// chos kyi rnam grangs 'di bstan pa na lha'i bu sum khri nyis stong gis chos mngon par rtogs par gyur nas de dag gis bcom ldan 'das la man d+ha ba'i me tog gis gtor te tshig 'di skad ces smras so/ / bcom ldan 'das chos bstan pa 'di su dag gi rna lam du grag par 'gyur ba de dag ni/ de bzhin gshegs pa'i bstan pa la leg par rab tu byung ba legs par 'gyur na/ gang dag thos nas mos pa dang / dad pa dang / de bzhin nyid du 'dzin par 'gyur ba dag lta smos kyang ci 'tshal/ bcom ldan 'das chos bstan pa 'di su dag gi rna lam du grag par 'gyur ba de dag rimangon pa'i nga rgyal ma mchis par 'gyur ro/ / bcom ldan 'das kyis de skad ces bka' stsal nas// 'jam dpal gzhon nur gyur pa dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa byang chub kyi phyogs bstan pa zhes bya ba theg pa chen po'i mdo rdzogs s+ho// / rgya gar gyi mkhan po 'dzin mi tra dang / dz+nyA na si d+hi dang zhu chen gyi lo tsA ba ba ne de ye shes sdes bsgyur cing zhus te skad gsar chad kyis kyang bcos nas gtan la phab pa'o/ / shu log dgu bcu rtsa gnyis// // rgya gar skad du/ Ar+ya sa ma bri te pa rA mA drA sad t+ya ning dwe sha nA ma ma hA yA na sU tra/ bod skad du/ 'phags pa kun rdzob dang don dam pa'i bden pa bstan pa zhes bya ba theg pa chen po'i mdo// // bam po dang po// // sangs rgyas dang byang chub sems dpa' thams cad la phyag 'tshal lo// 'di

  2. 255b

    skad bdag gis thos pa dus gcig na/ bcom ldan 'das rgyal po'i bab na/ bya rgod kyi phung po'i ri la dge slong brgyad stong gi dge slong gi dge 'dun chen po dang / byang chub sems dpa' bdun khri nyis stong dang / 'dod pa na spyod pa dang gzugs na spyod pa'i lha'i bu rnams dang thang zhig su bzhugs te/ de ni bcom ldan 'das 'khor brgya stong du mas yongs su bskor cing mdun gyis bltas nas chos ston// de nas lha'i bu rab tu zhi ba rnam par dul ba dbang byug ces bya ba 'khod dang 'dus par gyur te 'dug pa des/ bcom ldan 'das kyi zhabs la spyi bos phyag 'tshal te/ bcom ldan 'das gal ba de legs su thal mo sbya rab btud nas/ bcom ldan 'das la 'dis ces gsol to/ / bcom ldan 'das 'jam dpal gzhon nur gyur pa de ltar gang na mchis bcom ldan 'das bdag dang 'khor mang po 'di rnams kyang skyes bu dam pa des chos bstan par rab tu 'tshal lo// bcom ldan 'das kyis bka' stsal pa/ lnga'i bu sangs rgyas kyi zhing 'di nas shA daphyogs su sangs rgyas kyi zhing stong phrag bcwo brgyad 'das pa na 'jig rten gyi khams rin po che dang ldan pa zhes bya ba zhig yod de/ den de bzhin gshegs pa dgra bcom pa yang dag par rdzogs pa'i sangs rgyas rin po che'i tog ces bya bar snang bzhugs te/ tsho zhing gnas la chos kyang stor te/ 'jam dpal gzhon nur gyur pa'ang da ltar de na dag go// des de ces bka' bram pa dang / bcom ldan 'das la kwa'i bu ba tu zhi ba rnam par dul ba dbang phyug gis 'di skad ces gsol to// bcom ldan 'das 'dam dpal gzhon ra dgung pa la ci nas de mtsha ma ga pas 'di ma bar sem bdeg bu'i mtshan pa zhig mdzad na lags so/ / de ci'i slang du shen/ bcom ldan 'das ji ltar 'jam dpal gzhon nur gyur pa las thos pa la bung nyan thos dang / rang sangs rgyas thams cad dang / byang chub sems

  3. 256a

    dpa' dmigs pa can rnams las de lta bu'i chos bstan pa mi thos te/ de bzhin gshegs pa ma gtogs par gzhan su yang de lta bur chos ston mi nus so// bcom ldan 'das nas 'jam dpal chos ston pa de ni bdud kyi khang pa thams cad mog mag por 'gyur ro/ / bdud thams cad kyis kyang glags mi rnyed do// pha rol rgol ba thams cad kyang shin du tshar chod par 'gyur ro// dmigs pa can rnams kyang dmigs pa ma mchis par 'gyur ro/ / dam pa'i chos kyang yun ring du gnas par 'gyur ro// de bzhin gshegs pa yang de la rjes su yi rang zhing rab tu gzung ba mdzad do// de nas bcom ldan 'das kyis lha'i bu rab tu zhi ba rnam par dul ba'i dbang phyug gsol ba 'debs par mkhyen nas/ zhal gyi mdzod spu nas 'od zer gcig btang ste/ des stong gsum gyi stong chen po'i 'jig rten gyi khams 'di snang ba chen pos snang bar byas nas/ sangs rgyas kyi zhing stong phrag bcwo brgyad po de dag las thal te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i sangs rgyas kyi zhing 'jig rten gyi khams rin po tshe dang ldan pa zhes bya ba de snang ba chen pos khyab par byas so/ / dedas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog bzhugs pa la byang chub sems dpa' sems dpa' ched pa kha cig gis gas papa/ bcom ldan 'das 'di ltar 'od chen po rab tu gda' ba 'di su'i lhas sngon du byung ba lags/ bcom ldan 'das rin po che'i tog gis bka' stsal pa/ rigs kyi bu sangs rgyas kyi zhing 'di nas nub phyogs su sangs rgyas kyi zhing stong phrag bcwa brgyad 'das pa na 'dzig rten gyi khams mi mjed ces bya ba yod de/ de nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya

  4. 256b

    thub pa da lta na bzhugs te 'tsho zhing gzhes la chos kyang ston to/ / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa des zhal gyi mdzod spu nas 'od zer gcig btang bas/ 'od zer gyi snang ba des sangs rgyas kyi zhing stong phrag bcwo brgyad las thal nas 'jig rten gyi khams 'dir snang ba chen pos snang bar byas so// byang chub sems dpa' sems dpa' chen po de dag gis gsol pa/ bcom ldan 'das ci'i slad du de bzhin gshegs pa dgra bcom pa yang dag par rdzogs pa'i sangs rgyas des 'od zer 'di btang / bcom ldan 'das rin po che tog gis bka' stsal pa/ 'jam dpal gzhon nur gyur pa sbran pa'i phyir/ de ci'i phyir zhe na/ 'jam dpal gzhon nur gyur pa der 'ong bar bya ba'i phyir te/ byang chub sems dpa' sems dpa' chen po bgrang ba las 'das pa rnams dang / lha dang / klu dang / gnod sbyin dang / dri za mang po la sogs pa 'khor dang tshogs pa de dag 'jam dpal gzhon nur gyur pa la blta ba dang / chos nyan par 'dod do// de nas de bzhin gshegs pa rin po che'i tog gis 'jam dpal gzhon nur gyur pa la 'di skad ces bka' stsal to// 'jam dpal bcom ldan 'das de bzhin gshegs pa shAkya thub pa dang / 'khor de dag thams cad khyod la lha 'dod kyis/ 'jig rten gyis khams mi mjed ces bya ba der song shig/ 'jam dpal gyis gsol pa/ bcom ldan 'das bdag gis kyang ltas sngon du byung ba 'di 'tshal to/ / de nas 'jam dpal gzhon nur gyur pa byang chub sems dpa' stong phrag bcu dang lhan cig tu de bzhin gshegs pa rin po che'i tog gi zhabs la mgo bos phyag 'tshal te/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog la lan gsum du bskor ba byas nas 'di lta ste/ skyes bu stobs po che lag pa bskum pa las brkyang pa 'am/ lag pa brkyang ba las bskum

  5. 257a

    pa bzhin du skad cig yud tsam thad cig de nyid kyis 'jig rten gyi khams mi mjed 'dir dbyin te/ de bar snang la lus mi snang bar 'dug nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la mchod pa bya ba'i phyir/ me tog sngon ma mthong ma thos pa/ dri zhim pa kha dog dang ldan pa yid du 'ong ba'i char chen po mngon par pa ba ste/ me tog gi char chen po phab pa des stong gsum gyis stong chen po'i 'jig rten gyi khams 'di pus mo nub tsam du gang bar gyur to/ / de nas 'khor de thams cad me tog gi char chen po mthong nas ngo mtshar du gyur te/ bcom ldan 'das la gsol pa/ bcom ldan 'das su'i mthus 'di lta bur blta na sdug pa'i me tog gi char chen po mngon par phab/ bcom ldan 'das kyis bka' stsal pa/ 'di ni 'jam dpal gzhon nur gyur pa/ 'jig rten gyi khams rin po che dang ldan pa nas byang chub sems dpa' stong phrag bcu dang 'grogs te 'jig rten gyi khams mi mjed 'dir phyin nas de dag gi lus mi snang bar de bzhin gshegs pa la mchod pa'i phyir 'di lta bu'i me tog gi char chen po mngon par phab po/ / 'khor de dag gis gsol pa/ bcom ldan 'das 'jam dpal gzhon nur gyur pa de dang / byang chub sems dpa' sems dpa' chen po de dag bdag bcag gis blta'o// de nas 'jam dpal gzhon nur gyur pa/ byang chub sems dpa' stong phrag bcu dang lhan cig tu bar snang las babs te/ bcom ldan 'das kyi zhabs la mgo bos phyag 'tshal nas byang chub sems dpa' sems dpa' chen po de dag dang / 'jam dpal gzhon nur gyur pa rang rang gi rdzu 'phrul gyis sprul pa'i gan pa 'khod do// de nas lha'i bu rab tu zhi ba rnam par dul ba'i dbang phyug gis bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das 'khor 'di dag nyan 'tshal na/ bcom ldan 'das kyis bka' mchid kyi

  6. 257b

    rgyud 'ga' zhig 'jam dpal gzhon nur gyur pa la smrar gsol/ bcom ldan 'das kyis bka' stsal pa/ lha'i bu khyod nyid kyis gang 'dod pa dris shig/ lha'i bus smras pa/ 'jam dpal bcom ldan 'das de bzhin gshegs pa rin po che tog de'i sangs rgyas kyi zhing na chos bstan pa ji lta bu dag 'byung na der mngon par dga'/ 'jam dpal gyis smras pa/ don dam pa na 'dod chags bskyed pa'i phyir yang ma yin/ 'dod chags zad par bya ba'i phyir yang ma yin no// don dam par na zhe sdang bskyed pa'i phyir yang ma yin/ / zhe sdang zad par bya ba'i phyir yang ma yin no// don dam par na gti mug bskyed pa'i phyir yang ma yin/ gti mug zad par bya ba'i phyir yang ma yin no// don dam par na ye shes bskyed pa'i phyir yang ma yin/ ye shes zad par bya ba'i phyir yang ma yin no// lha'i bus smras pa/ 'jam dpal ci'i phyir/ 'jam dpal gyis smras pa/ lha'i bu mi skye ba la skye ba 'am zad pa gang yang med do// lha'i bu don dam par na byang chub sems dpa' sems dpa' chen po rnams la rnam par rtog pa skyes pa 'am/ skye ba 'am/ skye bar 'gyur ba gang yang med do// de ci'i phyir zhe na/ don dam par na chos thams cad rang bzhin gyis ma skyes pa'i phyir ro// lha'i bus smras pa/ 'jam dpal de bzhin gshegs pa de ci zhig spang ba'i phyir chos ston/ 'jam dpal gyis smras pa/ don dam par na rang bzhin gyis mi skye mi zad pa'i phyir de bzhin gshegs pa de chos ston to// ci'i phyir zhe na/ byang chub sems dpa' sems dpa' chen po de dag ni don dam pa'i bden pa la lhur byed pa yin gyi kun rdzob kyi bden pa la yang lhur byed pa ma yin no/ / lha'i bus smras pa/ 'jam dpal don dam pa'i bden pa gang yin// 'jam dpal gyis smras pa/ lha'i bu gal te don dam par na don dam pa'i bden pa lus dang / ngag dang / yid kyi yul gyi rang bzhin du 'gyur na ni don dam pa'i bden pa zhes bya ba'i grangs su mi 'gro ste/ kun rdzob kyi bden pa nyid du 'gyur ro// 'on kyang lha'i bu don dam par na don dam

  7. 258a

    ba'i bden pa'i tha snyad thams cad las yang dag par 'das pa/ bye brag med pa/ ma skyes pa/ ma 'gags pa/ smra bar bya ba dang / smra ba dang / shes par bya ba dang / shes pa dang bral ba'o// lha'i bu don dam pa'i bden pa ni rnam pa thams cad kyi mchog dang ldan pa dang / thams cad mkhyen pa'i ye shes kyi yul gyi bar las yang dag par 'das pa yin te/ lha'i bu de la rtog pa dang / rnam par rtog pa thams cad 'jug pa'ang med/ ldog pa'ang med do// don dam par na de la pha rol yang med/ tshu rol yang med/ dbus kyang med de/ lha'i bu 'di ni don dam pa'i bden pa zhes sgro btags te brjod mod kyi// ji ltar don dam pa'i bden pa'o zhes bya ba ltar ni ma yin no// lha'i bu don ni don dam par mi skye ba ste/ de la tha snyad thams cad mi 'jug go/ don dam par gang la tha snyad thams cad mi 'jug pa de ni lha'i bu don dam pa'i bden pa ste/ ji ltar don dam pa'i bden pa'o zhes brjod pa ltar ni ma yin no// lha'i bu de bzhin gshegs pa dgra bcom pa yang dag par rdzogs pa'i sangs rgyas kyis kyang don dam par chos thams cad dang / sgra thams cad ni brdzun te slu ba'i tshes so// zhes bka' stsal to// lha'i bus smras pa/ 'jam dpal ji ltar de bzhin gshegs pas chos bshad pa de brdzun du mi 'gyur ram/ 'jam dpal gyis smras pa/ lha'i bu de bzhin gshegs pa ni don dam par na brdzun du'ang mi 'chad bden par yang mi 'chad do// de ci'i phyir zhe na/ lha'i bu don dam par na de bzhin gshegs pa ni ma skyes pa ste/ de don dam par na bden pa dang brdzun par mi 'chad do// lha'i bu de ji snyam du sems/ de bzhin gshegs pa'i sprul pas bshad pa de bden nam 'on te brdzun/ lha'i bus smras pa/ 'jam dpal de bzhin gshegs pa sprul pas bshad pa ni bden pa'ang ma yin/ brdzun pa'ang ma yin no// de ci'i phyir zhe na/ 'jam dpal don dam par na de bzhin gshegs pas sprul pa la yang dag par yongs su grub pa/ gang yang med do/

  8. 258b

    'jam dpal gyis smras pa/ lha'i bu de de bzhin te/ de bzhin gshegs pas don dam par chos thams cad yongs su ma grub par mkhyen to// gang don dam par yongs su ma grub pa de ni don dam par na bden pa zhes kyang mi bya/ brdzun pa zhes kyang mi bya'o// ci'i phyir zhe na// don dam par na chos thams cad ma skyes pa'i phyir ro// lha'i bus smras pa ci 'jam dpal de bzhin gshegs pa don dam pa'i bden pa ston tam/ 'jam dpal gyis smras pa/ lha'i bu don dam pa'i bden pa ni bstan par mi nus so// ci'i phyir zhe na/ gang ston pa dang / gang gis ston pa dang / ci ston pa dang / gang la ston pa dang / ci'i phyir ston pa dang / thams cad don dam par na rab tu ma skyes pa'o/ / rab tu ma skyes pa'i chos rnams kyis ni rab tu ma skyes pa'i chos rnams bshad mi nus so// 'jam dpal gzhon nur gyur pas don dam pa'i bden pa bstan pa 'di ni ston pa'i tshul gyis bstan pa na dge slong lnga brgya len pa med par zag pa rnams las sems rnam par grol lo/ / byang chub sems dpa' sems dpa' chen po bgrang ba las 'das pa rnams ni mi skye ba'i chos la bzod pa ma skyes pa'i tshul gyis bzod pa skyes so// lha'i bus smras pa/ 'jam dpal don dam pa'i bden pa la mos par dka'o// 'jam dpal gyis spras pa/ lha'i bu don dam pa'i bden pa la ni dmigs po can thams cad kyis mos par dka'o// lha'i bus smras pa// 'jam dpal don dam pa'i bden pa khong du chud par dka'o/ / 'jam dpal gyis smras pa/ lha'i bu mi brtson pas don dam pa khong du chud par dka'o// lha'i bus smras pa/ 'jam dpal ji ltar na dge slong mngon par brtson pa yin// 'jam dpal gyis smras pa/ lha'i don dam par na nam yongs su shes pa dang / spang ba dang / bsgom pa dang / mngon du bya ba'i phyir brtson par ma gyur na lha'i bu de ltar dge slong mi brtson pa'i tshul gyis mngon par brtson pa yin no// de ci'i phyir

  9. 259a

    zhe na/ gang 'di snyam du don dam par 'di yongs su shes par bya'o// 'di spang bar bya'o// 'di bsgom par bya'o// 'di mngon du bya'o snyam du sems pa'i sbyor ba de ni mtshan ma dang bcas pa/ spros pa dang bcas pa/ dmigs pa dang bcas pa/ nyon mongs pa dang bcas pa/ 'khrugs pa dang bcas pa/ 'jigs pa dang bcas pa/ nad dang bcas pa/ sdug bsngal dang bcas pa/ zug rngu dang bcas pa/ dug dang bcas pa ste/ de'i sbyor ba de ni yang dag pa ma yin no/ / lha'i bus smras pa/ 'jam dpal yang dag par sbyor ba ni gang yin/ 'jam dpal gyis smras pa/ lha'i bu don dam par na de bzhin nyid dang / chos kyi dbyings dang / shin du mi skye ba gang dang mnyam pa/ don dam par na mtshams med pa lnga po dag kyang de dang mnyam mo// don dam par na de bzhin nyid dang / chos kyi dbyings dang / shin du mi skye ba gang dang mnyam pa// don dam par na lta bar gyur pa rnams kyang de dang mnyam mo/ / den dam par na de bzhin nyid dang / chos kyi dbyings dang / shin du mi skye ba gang dang mnyam pa/ don dam par na so so'i skye bo'i chos rnams kyang de dang mnyam mo// don dam par na de bzhin nyid dang / chos kyi dbyings dang / shin du mi skye ba gang dang mnyam pa/ don dam par na/ slob pa'i chos rnams kyang de dang mnyam mo// don dam par na de bzhin nyid dang / chos kyi dbyings dang / shin du mi skye ba gang dang mnyam pa/ don dam par na mi slob pa'i chos rnams kyang de dang mnyam mo/ / don dam par na de bzhin nyid dang / chos kyi dbyings dang / shin du mi skye ba gang dang mnyam mo// don dam par na yang dag par rdzogs pa'i sangs rgyas kyi chos rnams kyang de dang mnyam mo/ don dam par na yang dag par rdzogs pa'i sangs rgyas kyi chos rnams gang dang mnyam pa/ don dam par na de bzhin nyid dang / chos kyi dbyings dang / shin du mi skye ba 'ang de dang mnyam mo// don dam par na yang dag par rdzogs

  10. 259b

    pa'i sangs rgyas kyi chos rnams gang dang mnyam pa/ don dam par na mya ngan las 'das pa yang de dang mnyam mo// don dam par na mya ngan las 'das pa gang dang mnyam pa/ don dam par na 'khor ba yang de dang mnyam mo// don dam par na 'khor ba gang dang mnyam pa/ don dam par na kun nas nyon mongs pa yang de dang mnyam mo// don dam par na kun nas nyon mongs pa gang dang mnyam pa/ don dam par na rnam par byang ba yang de dang mnyam mo// don dam par na rnam par byang ba gang dang mnyam pa/ don dam par na chos thams cad kyang de dang mnyam mo// de ltar don dam par chos thams cad mnyam pa nyid la yang dag par sbyor ba'i dge slong ni lha'i bu don dam par na yang dag par sbyor ba zhes bya ste/ ji skad brjod pa bzhin du ni ma yin no/ / lha'i bus smras pa/ 'jam dpal mnyam pa nyid gang gis don dam par na rnam par byang ba'i bar du gang dang mnyam pa don dam par na chos thams cad kyang de dang mnyam zhes bya/ 'jam dpal gyis smras ga/ don dam par na chos thams cad shin du mi 'byung bar mnyam pa dang / don dam par na chos thams cad shin du mi skye bar mnyam pa dang / don dam par na chos thams cad shin du dngos po med par mnyam pas/ lha'i bu don dam par na chos thams cad mnyam mo/ / de ci'i phyir zhe na/ lha'i bu don dam par na shin du mi 'byung ba nyid kyi phyir chos thams cad ni tha dad du bya ba med do// lha'i bu 'di lta ste dper na/ kham pa'i snod kyi nang gi nam mkha' gang yin pa dang / rin po che'i snod kyi nang gi nam mkha' gang yin pa de ni nam mkha'i khams nyid yin te/ de la don dam par na chung zad kyang tha dad du bya ba med do// lha'i bu de bzhin nyid du nyon mongs pa gang yin pa de don dam par na shin du mi 'byung ba nyid do// rnam par byang ba gang yin pa de yang don dam par na shin du mi 'byung ba nyid do/ / don dam par na 'khor ba yang shin du mi 'byung ba nyid do// don dam par na mya ngan las 'das pa'i bar du yang shin du mi 'byung ba nyid de/ 'di la don dam par na tha dad du bya ba chud zad kyang

  11. 260a

    med do/ / de ci'i phyir zhe na/ don dam par na chos thams cad shin tu mi 'byung ba'i phyir ro// lha'i bus smras pa/ 'jam dpal byang chub sems dpa' sems dpa' chen pos 'phags pa'i bden pa dag la ji ltar brtson par bya/ bajam dpal gyis smras pa/ lha'i bu gal te byang chub sems dpa' sems dpa' chen po 'phags pa'i bden pa dag la brtson par mi byed na/ ji ltar nyan thos rnams la mi ston pa'i tshul gyis chos ston/ lha'i bu de lta mod kyi byang chub sems dpa' sems dpa' chen po'i bden pa sgom pa ni lta ba dang bcas pa'o/ / nyan thos kyi bden pa sgom pa ni mi lta ba'o// de ci'i phyir zhe na/ lha'i bu byang chub sems dpa' sems dpa' chen po rnams ni kun rdzob tu sems can thams cad la lta ba ste/ bden pa rnams mi sgom pa'i tshul gyis kyang sgom mod kyi/ dngos po med par dmigs pa'i rnam pas yang dag pa nyid kyi mtha' de yang mngon du mi byed do// kun rdzob tu thabs mkhas pa sgrub pa'i phyir byang chub sems dpa' sems dpa' @chen po dag bden pa rnams la mi sgom pa'i tshul gyis sgom mo/ / kun rdzob tu 'khor ba dang / mya ngan las 'das pa'i bden pa yang mi 'dor la/ kun rdzob tu sangs rgyas kyi ye shes la so sor btag pa'i phyir byang chub sems dpa' sems dpa' chen po dag bden pa rnams la mi sgom pa'i tshul gyis kyang skom mo/ / lha bu 'di lta ste/ dper na 'gron pa mang po bcings nas skyes bu gcig bros te/ 'gro pa mang po'i nang nas byung nas/ 'brog dgon par zhugs pa dang / yid 'jigs shing skrag nas phyir mi ldog par 'brog dgon pa las 'das so// lha'i bu de bzhin du nyan thos rnams 'khor bas 'jigs shing skrag nas 'khor ba las bros te 'jig rten 'dir phyir mi 'od zhing gcig pa gnyis su med pas bden pa sgom ste/ thabs kyi rigs pa dang bral bas sems can thams cad la mi lta ba nas thams cad mkhyen pa'i ye shes kyi bar la me lta ba'o// lha'i bu 'di lta ste/ dper na ded dpon g.yog mang po lam rgyags thams cad

  12. 260b

    'byor pa/ / zong chen po bsdu ba'i phyir 'gro'o snyam nas skye bo mang po bsdus te/ de 'jigs shing skrag pa med par 'brog dgon pa de las 'da'o// lha'i bu de bzhin dbyang chub sems dpa' sems dpa' chen po yang kun rdzob tu dang dpon chen po ltar 'jig rten gyi spyod pas sems can thams cad nye bar 'tsho ba/ thog mang po rje chen po'i sbyor ba can/ dge ba'i rtsa ba thams cad kyi lam rgyags 'byor pa/ pha rol tu phyin pa drug dang / bsdu ba'i dngos pos yongs su bzung zhing bla na med pa'i bsod nams dang ye shes yang dag par bsdu ba'i khe chen po dang ldan pa yang sems can gyi khams thams cad kyi don byed cing sangs rgyas kyi zhing nas sangs rgyas kyi zhing du 'gro ste/ sems can thams cad nye bar 'tsho bar gyur cing thabs mkhas pas bden pa rnams la bsgom mo/ / lha'i bu 'di lta ste/ dper na sha na'i ras la me tog tsam pa ka dang me tog 'bar shi kas sgos na de'i dri myur du yal bar 'gyur ro// lha'i bu de bzhin du nyan thos kyi bden pa la sgom pa ni yun thung bar blta ste/ de myur du mya ngan las 'das nas sangs rgyas kyi tshul khrims dang / thos pa dang / ting nge 'dzin dang / shes rab dang / ye shes kyi dri yang mi 'byin/ bag chags kyi mtshams sbyor ba'i nyon mongs pa yang spong mi nus so/ / lha'i bu 'di lta ste/ dper na yul ka shi ka'i gos rin po che la/ mi dang lha'i spos dang / me tog gi dris bskal pa chen po brgya stong du bsgos na/ de'i lha'i dri de rtag tu bro zhing / drigatsang mas lha dang mi zil gyis gnon te/ lha'i bu de bzhin du byang chub sems dpa' sems dpa' chen po'i bden pa slob pa mi sgom pa'i tshul gyis bskal pa brgya stong grangs med par bsgoms pa ni rnam pa thams cad kyi mchog dang ldan pa thams cad mkhyen pa'i ye shes ma thob kyi bar dra bar ma dor de yongs su mya ngan las mi 'da' zhing 'di lta ste/ rnam pa thams cad kyi mchog dang ldan pa thams cad mkhyen pa'i ye shes kyi dri mi dmigs pa'i tshul gyis

  13. 261a

    shin du dririm par 'gyur ro/ / 'jig rten gyi tha snyad du nyon mongs pa'i bag chags thams cad kyang spong shing lha dang / mi dang / lha ma yin du bcas pa'i 'jig rten rnams kyang 'du bar 'gyura'o// de nas lha'i bu ba tulci ba rnam par dul ba'i dbang phyug gis 'jam dpal gzhon nur gyur pa la 'di skad ces smras so/ / 'jam dpal bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos kyi dge 'dun ci 'dra/ 'jam dpal gyis smras pa/ don dam par na dad pa'i rjes su 'gro ba yang ma yin/ gzhan la dad pas 'gro ba yang ma yin no// don dam par na rigs kyi rjes su 'grub yang ma yin te/ don dam par na de bzhin gshegs pa'i rigs kyang mi gtong ngo / / don dam par na chos kyi rjes su 'gro ba yang ma yin te/ don dam par na chos gang yang mi dmigs so// don dam par na brgyang pa yang ma yin te/ kun rdzob tu nalog pa'i chos brgyad dang yang bral lo/ / don dam par na rgyun du zhugs pa yang ma yin te/ 'jig rten gyi tha snyad kyi bden pa na ngan song thams cad las kyang 'das so// don dam par na lan cig phyir 'ong ba yang ma yin// kun rdzob tu na sems can yongs su smin par bya ba'i phyir yang 'ong ngo / / don dam par na phyir mi 'ong ba yang ma yin// kun rdzob tu na chos thams cad las 'ong ba med do// don dam par na dgra bcom pa yang ma yin te/ 'jig rten gyi bskyed dun lha dang bcam pa'i 'jig rten gyis bla na med pa'i mchod par 'os pa yang yin no/ / na dam par na nyan thos kyang ma yin te/ mi dmigs pa'i tshul gyis sangs rgyas bcom ldan 'das thams cad las thos pa yang 'dzin to// don dam par na 'dod chags dang bral ba yang ma yin te/ kun rdzob tu na 'dod chags kyi yongs su gdung bas kyang mi garung ngo // don dam par na zhe sdang dang bral ba yang ma yin te/ kun rdzob tu na zhe sdang gi yongs su gdung bas kyang mi gdung //

  14. 261b

    don dam par na gti mug dang bral ba yang ma yin te// kun rdzob tu na chos thams cad mun pa mun nag dang bral ba'o// don dam pa na nyon mongs pa dang bral ba yang ma yin te/ kun rdzob tu na sems can thams cad kyi nyon mongs pa gdul ba'i phyir yang brtson no/ / don dam par na thog ma nas ma skyes pa nges par zhugs kyang kun rdzob tun bsams bzhin du sred pa len to// kun rdzob tun 'khong ba yang yongs su 'dzin mod kyi/ don dam par na chos gang yang yongs su ni pa dang gtong ba yang med do/ / de don dam par na chos thams cad shin du dran pa dang bral bar mi mthong bas mthong ste/ kun rdzob tu na dran pa nye bar gzhag pa rnams kyang sgom mo// don dam par na chos thams cad shin du ma skyes ma 'gags par mi shes pa'i tshul gyis kyang rab tu shes la 'jig rten gyi spyod par na yang dag par spong ba rnams kyang sgom mo/ / de don dam par na lus dang sems med pa yang 'jig rten gyi kun rdzob kyi bden pa ngan rdzu 'phrul gyi rkang pa rnams kyang sgrub bo/ / de don dam par na dbang po thams cad dang bral yang kun rdzob tu na dbang po rnams kyang sgrub bo// don dam par na chos thams cad rab tu dngos po med par mi mthong ba'i tshul gyis mthong yang nga rgyal can dmigs pa can thams cad tshar gcod pa'i phyir mi sgom pa'i tshul gyis stobs rnams kyang sgom mo/ / de don dam pa na chos thams cad shin du dngos po med par khong du chud par bya ba'i phyir mi sgom pa'i tshul gyis byang chub kyi yan lag rnams kyang sgom mo/ / de don dam par na shin du dngos po med kyang kun rdzob tu mi sgom pa'i tshul gyis lam yang sdom mo// de don dam par na yang dag pa'i mtha' la zhi gnas mngon par sgrub bo// dedon dam par na lhag mthong shin du mi skye bar mi sgom pa'i tshul gyis mthong ngo / / de don dam par na ma rig pa zad pa nyid du mi dmigs pa'i tshul gyis rig pa bskyed de/ don dam par na zad pa 'am/ skye ba de mi dmigs so//

  15. 262a

    de sha'i mig gis sems can thams cad dang / sangs rgyas kyi zhing thams cad kyang mthong la de don dam par na ci yang mi mthong ngo // de lha'i mig gis sems can thams cad kyi 'chi 'pho dang skye ba yang dag/ pa ji lta ba bzhin du mthong yang don dam par na ci yang mi mthong ngo // de shes rab kyi mig gis sems can thams cad kyi sems kyi spyod pa dang / g.yo ba rnams yang dag pa ji lta ba bzhin du shes kyang don dam par na yang mi shes so/ / de chos kyi mig gis chos thams cad yang dag pa ji lta ba bzhin du mthong yang don dam par na chos ci yang mi mthong ngo // de sangs rgyas kyi spyan gyis sangs rgyas kyi mdzad pa thams cad byed kyang don dam pa na ci yang mi byed do/ / de lha'i rna bas sangs rgyas bcom ldan 'das thams cad kyis chos bstan pa thos kyang don dam par na ci yang mi thos so// de sems gcig gis sems can thams cad kyi sems la lta/ yang don dam par na ci la yang mi lta'o// de rjes su dran pa'i ye shes kyis sngon gyi mtha' yang rjes su dran mod kyi don dam pa na ci yang mi dran no// de rdzu 'phrul gyi sangs rgyas kyi zhing bsam gyis mi khyab par 'gro yang don dam par na 'ong ba 'am 'gro ba med do/ / de ni zag pazad kyang don dam par na zad pa'i chos can ma yin no// snang yang snang la don dam par na de'i lus yongs su sgrub pa yang med do// smra yang smra la don dam pa na yi ger yang mi brjod do/ / sems kyang sems la don dam par na sems dang sems las byung ba'i chos su brjod par bya ba ma yin no// don dam par na gzugs su yang mi snang la kun rdzob du skyes bu chen po'i mtshan sum ban rtsa gnyis kyis ni brgyan/ dpe byad bzang pos ni spras/ bsod nams dang ye shes kyi tshogs kyis ni brgyan/ gzi brjid ni bsnyen par dka' brjod pa ni rnam par bsgrags/ tshul khrims kyi thug pas na

  16. 262b

    byugs/ ngan du smra ba'i tshig rnams kyis ni kun nas nyon mongs par gyur pa med/ mngon par shes pas ni rnam par rol/ thos pas ni rnam par shigs/ spobs pas ni rab tu sgrog/ kun rdzob tu ni ye shes kyis rnam par 'phrul/ ye shes kyi 'od kyis ni mun pa mun nag sel/ shes rab kyis ni snang bar byed/ mtha' yas par bstan pa ni rtogs par khong du chud do// kun rdzob tu ni sems can thams cad kyi ni bskyabs/ sangs rgyas bcom ldan 'das rnams kyis ni rtag tu gzigs/ / nyan thos dang / rang sangs rgyas dang / mu stegs can dmigs pa can thams cad kyis ni mi lta zhing byang chub kyi phyir ni rtag tu blta ba ste/ kun rdzob tu ni bstan pa ni zad mi shes/ dran pa ni rgya mtsho dang 'dra/ ting nge 'dzin ni ri rab dang mtshungs/ bzod pa ni sa dang 'dra'o// kun rdzob tu ni rnam par rtog pa thams cad sel ba'i phyir dpa' ba'o// mi shes pa'i mun pa mun nag sel ba'i phyir nyi ma lta bu'o// rab tra snang ba'i phyir zla ba dang 'dra'o/ / kun rdzob tu ni 'du ba'i phyir dbang po dang mtshungs so// kun rdzob tu ni sems la dbang byed pa'i phyir tshangs pa dang 'dra'o// kun rdzob tu ni nam mkha' la dbang byed pa'i phyir mi mnyam pa dang ma pa'o/ / kun rdzob tu ni thams cad rjes su song yang don dam par ni gang du song ba 'am 'ongs pa'am 'dug pa med do// de ci'i phyir zhe na/ don dam par na chos thams cad shin du ma byung ba'i phyir ro// lha'i bu bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos kyi dge 'dun ni de dang 'dra ste/ / de bas kyang lhag par bsam gyis mi khyab pa'i chos dang yang ldan no// 'jam dpal gzhon nur gyur pas mi dmigs pa'i tshul gyis bstan pa 'di bshad pa na/ / dge slong lnga brgya dang / dge bsnyen lnga brgya dang / lha'i bu lnga stong dmigs pa can de dag thams cad kyis 'di skad ces gsol to// bcom ldan 'das bdag cag kyang

  17. 263a

    de bzhin gshegs pa dgra bcom pa yang dag par rdzogs pa'i sangs rgyas rin po che'i tog de'i nyan thos su gyur cig/ 'jam dpal gyis smras pa/ kye grogs po dag sangs rgyas kyi zhing der dmigs pa can thams cad mi skye'o/ / grogs po dag byang chub sems dpa' sems dpa' chen po dmigs pa med pa rnams ni mi skye ba'i tshul gyi sa der skye'o// kye grogs po dag gal te khyed kyang der 'dod na byed kyis mi dmigs pa'i tshul gyis shes rab kyi pha rol du phyin pa la brtson par gyis shig/ kye grogs po dag khyed nam shes rab kyi pha rol tu phyin pa la mi dmigs pa'i tshul gyis brtson par gyur pa de'i tshe/ grogs po dag khyed la rnam pa'i mchog thams cad dang ldan pa/ thams cad mkhyen pa'i ye shes kyang snyed par mi dka' na sangs rgyas kyi zhing yongs su dag par skye ba lta smos kyang ci dgos/ lha'i bu rab tu zhi ba rnam par dul ba'i dbang phyug gis yang 'jam dpal gzhon nur gyur pa la 'di skad ces smras so/ / 'jam dpal nyan thos kyi 'dul ba ni ji lta bu byang chub sems dpa' sems dpa' chen po'i 'dul ba ni ji lta bu/ 'jam dpal gyis smras pa/ lha'i bu khams gsum gyis skrag pas btul ba ni nyan thos gyi 'dul ba'o/ / dge ba'i rtsa ba'i tshogs thams cad bsags shing / sems can thams cad dang bugs 'byin pa dang / khams gsum du bsams bzhin du skye bas btul ba ni kun rdzob tu na byang chub sems dpa' sems dpa' chen po'i 'dul ba'o/ / nyon mongs pa thams cad la sdang ba ni nyan thos kyi 'dul ba'o// sems can thams cad kyi nyon mongs pa spang ba'i phyir rjes su btul ba ni kun rdzob tu na byang chub sems dpa' sems dpa' chen po'i 'dul ba'o/ / phyogs gcig rig pa ni nyan thos kyi 'dul ba'o// phyogs bcu mtha' yas mu med pa'i 'jig rten gyi khams thams cad rig pa ni kun rdzob tu na byang chub sems dpa' sems dpa' chen po'i 'dul ba'o// bdud

  18. 263b

    thams cad la btang snyoms pa ni nyan thos kyi 'dul ba'o/ / phyogs bcu mtha' yas mu med pa'i 'jig rten gyi khams su gtogs pa'i bdud kyi rigs thams cad bsgrags shing / phyir rgol ba thams cad 'joms pa ni kun rdzobatu dbyang chub sems dpa' sems dpa' chen po'i 'dul ba'o/ / bdag gi rgyud gsal bar byed pa ni nyan thos kyi 'dul ba'o// sems can thams cad kyi rgyud gsal bar byed cing / thams cad mkhyen pa'i ye shes snang bar byed bang / sa thams cad sa bsgribs pa med pa'i yeshes mthong ba snang par byed pa na kun rje bdun byang chub sems dpa' sems dpa' chen pa'i 'dus ba'i/ rigs sems kyis bsams can nyan zas kyi 'dul bag/ 'das pa dang sa rkyen pa dang / da ltar gyi sangs rgyas thams cad kyi dgongs pa ni kun rdzab can byang chub sems dpa' sems dpa' chen po'i 'dul pa la/ chag pa'i 'phra ma 'byor blta bu ni nyan thos kyi 'dul pa la/ gsang dang / dngum chag rbe 'byor bas bra ni kun rdzob tun byang chub sems dpa' sems dpa' chen po'i 'dul ba'o/ / sangs rgyas kyi chos thams cad dang / thabs mkhas pa dang bral ba ni nyan thos kyi 'dul ba'o// bas mkhas pa chen po dang / sangs rgyas kyangs thams cad du bsgrubs bsdus pa ni kun rdzob tu na byang chub sems dpa' sems dpa' chen pa'i 'dul ba'o/ / bas bcu dang / mi 'jigs pa dang / ma 'dres pa dang / thams cad mthun pa'i le gas dang bras ba nas kyi 'dum cig sebs bcu dang mi 'jigs pa dang / ma 'dres pa dang / thams cad mkhyen pa'i ye shes kyi bsgrubs bsdus pani kun rje rgyan byang chub sems dang 'a mas dpa' chen po 'alus bgams sa 'phros pa sa brani nyan thos kyi 'dral ba'o/ / skyed mos tshal dang / gzhal med khad ga bur chos kyi dga' bas dga' ba ni kun rje btun byang chub sems dpa' sems dpa' chen pa'i 'dul ba'o// gachags kyi rgyun

  19. 264a

    bcad pa ni nyan thos kyi 'dul ba'o/ / bag chags thams cad yang dag par bcom pa ni kun rdzob tu na byang chub sems dpa' sems dpa' chen po'i 'dul ba'o// lha'i bu ma dor na tshad tu gtogs pa tshad kyi chos kyis drangs pa ni nyan thos kyi 'dul ba'o/ / tsang du gtogs pa ma yin pa tshad med pa'i chos kyis drangs pa ni kun rdzob tu na byang chub sems dpa' sems dpa' chen po'i 'dul ba'o// tshad yod pa'i tshul khrims dang / thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba thob par byed pa ni nyan thos kyi 'dul ba'o// tshad yod pa ma yin pa/ tshad med pa'i yon tan dang ldan zhing / tshad med pa'i tshul khrims dang / thos pa dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba thob par byed pa ni kun rdzob tu na byang chub sems dpa' sems dpa' chen po'i rnam par grol ba'o// de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal khyod kyis kun rdzob tu na byang chub sems dpa' sems dpa' chen po rnams kyi 'dul ba legs par bshad pa legs so legs so// / 'jam dpal yang 'di ltar don de nyid bstan pa'i phyir khyod la dpe bstan to// 'jam dpal 'di lta ste/ dper na skyes bu gnyis shig yod do// de las skyes bu gcig ni ba lang gi rjes kyi bsngags pa smra/ skyes bu gcig ni rgya mtsha chen po'i sngags pa smra na/ 'jam dpal de ji snyam du sems/ skyes bu des pa lang gi rjes kyi bsngags pa ji snyed cig brjod nus/ 'jam dpal gyis gsol pa/ bcom ldan 'das pa lang gi rjes thams cad kyang chung na/ de'i bsngags pa lta ci smos/ bcom ldan 'das kyis bka' stsal pa/ 'jam dpal de bzhin du ba lang gi rjes chung ba ltar nyan thos kyi 'dul bar blta'o// 'jam dpal 'di ji snyam du sems/ skyes bu gcig shos des rgya mtsho

  20. 264b

    chen po'i bsngags pa ji tsam zhig brjod nus/ 'jam dpal gyis gsol pa/ bcom ldan 'das rgya mtsho chen po'i bsngags pa ni shin du mang ste/ dpag tu ma mchis/ bsam gyis mi khyab po// bcom ldan 'das kyis bka' stsal pa/ 'jam dpal de bzhin du rgya mtsho chen po'i bsngags pa dpag tu med pa ltar kun rdzob tu na byang chub sems dpa' sems dpa' chen po'i 'dul bar blta'o// de nas bstan pa 'di mi ston pa'i tshul gyis bshad pa na lha'i bu khri nyis stong gis don dam par na ma skyes pa'i tshul gyis bla na med pa yang dag par rdzogs pa'i byang chub tu sems skyes nas tshig 'di skad ces kyang smra ste/ bcom ldan 'das bdag cag ni byang chub sems dpa'i bslab pa 'di la mi slob pa'i tshul gyis slob po/ / de nas lha'i bu rab tu zhi ba rnam par dul ba'i dbang phyug gis 'jam dpal gzhon nur gyur pa la 'di skad ces smras so// ci 'jam dpal khyod nyan thos kyi 'dul ba la bslabs sam/ 'on te byang chub sems dpa'i 'dul ba la bslabs/ 'jam dpal gyis smras pa/ lha'i bu 'di ji snyam du sems/ rgya mtsho chen por mi shod pa'i chu gang yang yod dam/ lha'i bus smras pa/ 'jam dpal rgya mtsho chen por pi shod pa'i chu gang yang med do/ / 'jam dpal gyis smras pa/ lha'i bu de bzhin du kun rdzob tu na byang chub sems dpa' sems dpa' chen po'i 'dul ba ni rgya mtsho chen po dang 'dra'o// lha'i bus smras pa/ 'jam dpal 'dul ba 'dul ba zhes bya ba'i tshig gi don gang yin/ 'jam dpal gyis smras pa/ lha'i bu nyon mongs pa 'dul ba ni kun rdzob tu na 'dul ba'o// nyon mongs pa yongs su shes pa'ang 'dul ba'o// lha'i bus smras pa/ 'jam dpal ji ltar na nyon mongs pa 'dul bar 'gyur/ ji ltar na nyon mongs pa yongs su shes pa yin/ 'jam dpal gyis smras pa/ don dam par na chos thams cad ma byung ba/ ma skyes dngos po med pa yin na kun rdzob tu med pa la phyin ci

  21. 265a

    log tu gyur te/ med pa las phyin ci log tu gyur pa de las kun du rtog pa dang / rnam par rtog pa'o// kun du rtog pa dang / rnam par rtog pa de las tshul bzhin ma yin pa yid la byed pa'o// tshul bzhan pa yin/ pa yid la byed pa de las bdag tu sgro 'dogs pa'o// bdag tu sgro 'dogs pa de las lta ba kun nas ldang ba'o// rtswa ba kun nas ldang ba de las nyon mongs pa rnams 'byung ngo // gang yang lha'i bu don dam par na chos thams cad shin du ma skyes/ ma byung dngos po med par mi shes pa'i tshul gyis rab tu shes pa de ni don dam par na phyin ci ma log pa'o// gang don dam par na phyin ci ma log pa de ni rtog pa med cing rnam par mi rtog pa'o// gang rtog pa med cing rnam par mi rtog pa de ni tshul bzhin rab tu sbyor ba'o/ / gang tshul bzhin rab tu sbyor ba de la don dam par na bdag tu sgro 'dogs pa mi 'byung ngo // gang la don dam par na bdag tu sgro 'dogs pa mi 'byung ba de la lta bkun nas ldang bar mi 'gyur ba nas don dam par na mya ngan las 'das par lta ba kun nas ldang bar yang mi 'gyur te/ de ltar ma skyes pa la spyod pa de ni nyon mongs pa shin du rnam par dul bar mi lta ba'i tshul gyis blta ste/ lha'i bu 'di ni nyon mongs pa 'dul ba zhes bya'o// lha'i bu nam nyon mongs pa rnams la snang ba med pa'i shes rab dang ye shes kyis don dam par na shin du stong pa dang / shin du mtshan ma med pa dang / shin du smon pa med do/ / don dam par na shin du ma skyes/ ma byung / dngos po med par mi shes pa'i tshul gyis rab tu shes na/ lha'i bu de'i tshe mi shes pa'i tshul gyis nyon mongs pa rnams yongs su shes pa yin no// lha'i bu 'di lta ste/ dper na sbal kha gdug pa'i rigs 'don pa des ni sbrul kha gdug pa'i gdug pa rab tu zhi bar byed do// lha'i bu de bzhin du gang nyon mongs pa rnams kyi rigs rab tu shes pa de'i nyon mongs pa rnams shin du mi

  22. 265b

    dmigs pa'i tshul gyis rab tu zhi bar 'gyur ro/ / lha'i bus smras pa/ 'jam dpal nyon mongs pa'i rigs de gang yin/ 'jam dpal gyis smras pa/ lha'i bu don dam par na chos thams cad shin du ma skyes/ ma byung / dngos po med pa la gang kun du rtog pa de ni nyon mongs pa rnams kyi rigs so// don dam par na kun du mi rtog pa'i phyir kun nas nyon mi mongs so// lha'i bu kun nas nyon mongs pas kun gzhi med do// kun gzhi med pas don dam par ni mi gnas so/ / mi gnas pas don dam par mi 'tshig go// mi 'tshig pas don dam par na nye bar zhi ba zhes bya'o// don dam par na ji gad smras pa bzhin du ni ma yin te/ lha'i bu kun rdzob tu na 'di ni nyon mongs pa 'dul ba'o/ / lha'i bus smras pa/ 'jam dpal ji ltar na nyon mongs pa rnams 'dul bar 'gyur/ ci yod pa zhig gam/ 'on te med pa zhig/ 'jam dpal gyis smras pa/ lha'i bu 'di lta ste/ dper na skyes bu zhig gnyid kyis log pa'i rmi lam la sbrul kha gdug pas zin nas de sdug bsngal gyis gtse ba las yang dug sman btang nas de'i gdug pa med par gyur te/ gdug pa med par gyur pas sdug bsngal yang med par gyur na/ lha'i bu de ji snyam du sems/ skyes bu de yang dag par zin tam/ 'on te yang dag pa ma yin/ lha'i bus smras pa/ 'jam dpal don dam par na shin du yang dag pa ma yin no// 'jam dpal gyis smras pa/ lha'i bu ji ltar dug de med par gyur/ lha'i bus smras pa/ 'jam dpal ji ltar zin pa shin du mi bden pa de bzhin du/ dug med par gyur pa yang shin du bden pa ma yin no// 'jam dpal gyis smras pa/ lha'i bu de bzhin du 'phags pa rnams kyi nyon mongs pa thams cad kyang don dam par mi blta ba'i tshul gyis blta'o// lha'i bu gang yang 'di skad du ji ltar na nyon mongs pa rnams 'dul bar 'gyur zhes

  23. 266a

    zer ba ni ji ltar bdag don dam par na bdag med pa de bzhin du lha'i bu don dam par na nyon mongs pa rnams kyang nyon mongs pa ma yin no/ / lha'i bu de ste don dam par na bdag de bzhin nyid yin na/ ni lha'i bu don dam par na nyon mongs pa yang de bzhin nyid du 'gyur ro// lha'i bu 'di ltar bdag don dam par na bdag ma yin te/ lha'i bu de bas na nyon mongs pa rnams kyang don dam par na nyon mongs pa ma yin no// lha'i bu de la bdag don dam par na nyoran mongs pa 'dul ba dmigs par 'gyur ba na don dam par na gang yang mi dmigs so// de ci'i phyir zhe na/ lha'i bu don dam par na shin du ma byung ba'i phyir chos thams cad ni zhiba'o// lha'i bdon dam par na 'dzin pa med pa'i phyir chos thams cad ni nye bar zhi ba'o/ / lha'i bu don dam par na chos thams cad sgro btags pa med pa'i phyir chos thams cad ni rab tu zhi ba'o// lha'i bu don dam par na shin du ma skyes pa'i phyir chos thams cad ni mi zad pa'o/ / lha'i bu don dam par na shin du dngos po med pa'i phyir/ chos thams cad ni shin du ma skyes pa'o// lha'i bus smras pa/ 'jam dpal chos thams cad kyi sgo gang yin/ 'jam dpal gyis smras pa/ lha'i bu smra bar bya ba dang / smra ba dang / shes pa dang / shes par bya ba dang / bya ba dang / tha snyad dang / byed pa thams cad 'jug pa'i kun rdzob kyi bden pa ni chos thams cad kyi sgo'o// smra ba dang / smra bar bya ba dang / shes pa dang / shes par bya ba dang / bya ba dang / tha snyad dang / byed pa thams cad las rnam par log pa'i phyir don dam pa'i bden pa ni chos thams cad kyi sgo'o// yang lha'i bu kun rdzob tu na tshul bzhin ma yin pa yid la byed pa ni 'khor ba'i sgo'o/ / kun rdzob tu na tshul bzhin yid la byed pa ni mya ngan las 'das pa'i sgo'o// kun rdzob tu na the tsom ni sgrib pa'i sgo'o// kun rdzob tu na rnam par grol ba ni sgrib pa med pa'i sgo'o// kun rdzob tu na kun tu rtog pa ni nyon mongs pa

  24. 266b

    rnams kyi sgo'o/ / kur rdzob tu na mi rtog pa ni nyon mongs pa med pa'i sgo'o// kun rdzob tu rwa rnam par g.yeng ba ni rnam par rtog pa rnams kyi sgo'o// kun rdzob tu na ni gnas ni nye bar zhi ba'i sgo'o// kur rdzob tu na lba bar gyur pa rnams ni nga rgyal kyi sgo'o/ / kun rdzob tu na stong pa nyid ni nga rgyal med pa'i sgo'o// kun rdzob tu na sdig pa'i grogs po dang bsten pa ni mi dge ba'i rtsa ba thams cad kyi sgo'o// kun rdzob tu na dge ba'i bshes gnyen dang bsten pa ni dge ba'i rtsa ba thams cad kyi sgra'o/ / kun rdzob tu na log par lta ba ni sdug bsngal thams cad kyi sgo'o// kun rdzob tu na yang dag par lte ba ni bden pa thams cad kyi sgo'o// kun rdzob tu na ser sna ni dbul ba'i sgo'o// kun rdzob tu na sbyin pa ni longs spyod chen po'i sgo'o// kun rdzob tu na ngang tshul ngan pa ni ngan 'gro thams cad kyi sgo'o/ / kun rdzob tu na tshul khrims ni lha dang mir skye ba thams cad kyi sgo'o// kun rdzob tu na gnod sems ni byad gzugs ngan pa'i sgo'o// kun rdzob tu na bzod pa ni gzugs phun sum tshogs pa'i sgo'o/ / kun rdzob tu na le le ni mi rtogs pa'i sgo'o// kun rdzob tu na brtson 'grus ni rtogs pa'i sgo'o// kun rdzob tu na rnam par rtog pa ni rgod pa'i sgo'o// kun rdzob tun bsam gtan ni sems shin du sbyangs pa'i sgo'o// kun rdzob tu na 'chal ba'i shes rab ni bong du mi chud pa'i sgo'o/ / kun rdzob tu na shes rab ni byang chub kyi phyogs kyi chos sum bcu rtsa bdun gyi sgo'o// kun rdzob tu na byams pa ni khong mi khro ba'i sgo'o// kun rdzob tu na snying rje chen po ni lhag pa'i bsas pa'i sgo'o/ / kun rdzob tu na lhag pa'i bsam pa ni g.yo ba med pa'i ske'o// kun rdzob tu na dga' ba ni chos la mos pa'i sgo'o// kun rdzob tu na gtang snyoms ni nyes pa thams cad dang bral ba'i sgo'o// kun rdzob tun dran pa nye bar gzhag pa rnams ni dge ba'i rtsa ba thams cad yongs su mi bri ba'i sgo'o/ / kun rdzob tu na yang dag par spong ba rnams ni yang dag pa'i nan tan gyi sgo'o// kun rdzob tu na rdzu 'phrul gyi rkang pa rnams ni lus dang sems las su rung ba'i sgo

  25. 267a

    kun rdzob tu na dbang po rnams ni dad pa 'thob pa'i sgo'o/ / kun rdzob tun stobs rnams ni nyon mongs pa thams cad 'joms pa'i ske'o// kun rdzob kun byang chub kyi yan lag rnams ni thams cad mkhyen pa khong du chud pa'i sgo'o/ / kun rdzob tun 'phags pa'i lam yan lag brgyad pa ni lam ngan pa thams cad las 'da' ba'i sgo'o// lha'i bu gzhan yang kun rdzob tun byang chub kyi sems ni sangs rgyas kyi chos thams cad kyi sgo'o// kun rdzob tun dam pa'i chos yongs su 'dzin pa ni chos thams cad kyi dbang phyug gi sgo'o/ / kun rdzob tu na sems can smin par bya ba ni dam pa'i chos yongs su 'dzin pa'i ske'o// kun rdzob tu na thabs ni gnas dang gnas ma yin pa la mkhas pa'i sgo'o/ / kun rdzob tu na shes rab kyi pha rol tu phyin pa ni mya ngan las 'das pa sgo'o// don dam par na shin du mi 'byung ba ni chos thams cad kyi sgo'o// // bam po gnyis pa ste tha ma// lha'i bus smras pa/ 'jam dpal shin du mi skye ba'i sgo gang / 'jam dpal gyis smras pa/ lha'i bu don dam par na shin tu mi 'byung ba ni kun nas sgo'o// lha'i bus smras pa/ 'jam dpal shin du mi 'byung ba'i rang bzhin gang / 'jam dpal gyis smras pa/ lha'i bu don dam par na shin du dngos po med pa ni shin du mi 'bung ba'i rang bzhin no/ / lha'i bus smras pa/ 'jam dpal shin du mi 'byung ba la cha shas dbye ba gang yang med dam/ 'jam dpal gyis smras pa/ lha'i bu de ji snyam du sems// nam mkha' la cha shas dbye ba gang yang yod dam/ lha'i bus smras pa/ 'jam dpal med do// jam dpal gyis smras pa/ lha'i bu de bzhin du ji ltar nam mkha' la cha shas dbye ba med pa de bzhin du lha'i bu shin du ma skyes pa la yang cha shes dbye ba med do/ / lha'i bus sbas pa/ 'jam dpal khyod kyis don dam par na shin du mi 'byung ba yongs su shes sam/ 'jam dpal gyis smras pa/ lha'i bu shin du mi 'byung bas shin du mi 'byung ba yongs su mi shes so// de ci phyir

  26. 267b

    zhe na/ lha'i bu chos thams cad ni shin du ma skyes shing ma byung la dngos po med pa'i phyir ro// lha'i bus smras pa/ 'jam dpal khyod kyis chos gang yongs su shes shing gang khong du chud pas 'di lta bu'i spobs par gyur/ 'jam dpal gyis smras pa/ lha'i bu 'di ji snyam du sems/ brag chas chos gang yongs su shes na/ gdong las sgra 'byung / lha'i bus smras pa/ 'jam dpal brag chas chos gang yang yongs su shes pa med mod kyi kun rdzob tu na rkyen las sgra 'byung ngo / / 'jam dpal gyis smras pa/ lha'i bu de bzhin du sems can thams cad la dmigs pa'i rkyen gyis kun rdzob tu na byang chub sems dpa' sems dpa' chen po smra'o// lha'i bus smras pa/ 'jam dpal khyod ci la gnas te de ston/ / 'jam dpal gyis smras pa/ lha'i bu de bzhin gshegs pa sprul pa gang la gnas te de ston pa la'o// lha'i bus smras pa/ 'jam dpal de bzhin gshegs pa sprul pa ni don dam par ni ci la'ang gnas pa med do// 'jam dpal gyis smras pa/ lha'i bu de bzhin du don dam par na chos thams cad la mi gnas par bdag mi ston pa'i tshul gyis ston to// lha'i bus smras pa/ 'jam dpal de ste khyed don dam par na chos thams cad la mi gnas par mi ston pa'i tshul gyis ston na khyod ci la gnas te bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'jam dpal gyis smras pa/ lha'i bu dag ni mtshams med pa rnams la gnas te mngon par rdzogs par 'tshang mi rgya ba'i tshul gyis bla na med pa yang dag par rdzogs pa'i byang chub tu mngon par rdzogs par 'tshang rgya'o/ / lha'i bus smras pa/ mtshams med pa rnams ci la gnas/ 'jam dpal gyis smras pa/ lha'i bdon dam par na mtshams med pa rnams ni shin du ma byung zhing dngos po med pa la mi gnas pa'i tshul gyis gnas so// lha'i bus smras pa/ 'jam dpal mtshams med pa rnams byed pa ni de bzhin gshegs pas

  27. 268a

    sems can dmyal bar bshad do/ / 'jam dpal gyis smras pa/ lha'i bu ji ltar de bzhin gshegs pas mtshams med pa byed pa sems can dmyal bar bshad pa de bzhin du/ lha'i bu de bzhin gshegs pas mtshams med pa byed pa/ mi gnas pa'i tshul gyis mtshams med pa la gnas na myur du bla na med pa yang dag par rdzogs pa'i byang chub mngon par rdzogs par 'tshar rgya'o// zhes mi ston pa'i tshul gyis ston to// lha'i bus smras 'jam dpal mtshams med pa de gang yin/ 'jam dpal gyis smras pa/ lha'i bu mtshams med pa gang gis byang chub sems dpa' sems dpa' chen po rnams myur du bla na med pa yang dag par rdzogs pa'i byang chub mngon par rdzogs par 'tshar mi rgya ba'i tshul gyis mngon par rdzogs par 'tshang rgya ba'i byang chub sems dpa' sems dpa' chen po rnams kyi mtshams med pa ni 'di lta ste/ / lha'i bu mtshams med pa lnga po de dag gang zhe na/ lha'i bu 'di la nam byang chub sems dpa' sems dpa' chen po lhag pa'i bsam pas bla na med pa yang dag par rdzogs pa'i byang chub tu mi skye ba'i tshul gyis sems bskyed nas par ma dor nyan thos dang / rangs ngas rgyas dang / dmigs pa can dang / mu stegs can thams cad kyi sar sems mi bskyed pa 'di ni lha'i bu byang chub sems dpa' sems dpa' chen po'i mtshams med pa dang po'o// lta bu gzhan yang nam byang chub sems dpa' sems dpa' chen po bdog pa thams cad gtor pa la mi skye ba'i tshul gyis sems bskyed nas/ / nam byang chub kyi snying po la 'dug gi bar du ser sna dang lhan cig mi gnas pa 'di ni lha'i bu byang chub sems dpa' sems dpa' chen po'o// mtshams med pa gnyis pa'o// lha'i bu gzhan yang nam byang chub sems dpa' sems dpa' chen po sems can thams cad la bdag gis rnam pa thams cad kyis yongs su bskyab po snyam du sems mi bskyed pa'i tshul gyis

  28. 268b

    de ltar sems bskyed nas par mdor mi rung ba de ni lha'i bu byang chub sems dpa' sems dpa' chen po'i mtshams med pa gsum pa'o/ / 'i bu gzhan yang byang chub sems dpa' sems dpa' chen po don dam par nacho thams cad rab tu ma skyes pa/ mabyung ba/ dngos po med pa'o zhes bzod pa ma thob pa'i tshul gyis bzod pa thob nas bar du rdzas dang / ngo bo dang / dngos por 'dzin pa len pas ma zin pa 'di ni lha'i bu byang chub sems dpa' sems dpa' chen po'i mtshams med pa bzhi pa'o/ / lha'i bu gzhan yang nam byang chub sems dpa' sems dpa' chen po skad cig gcig dang ldan pa'i shes rab kyis chos thams cad rnam pa thams cad du mngon par rdzogs par byang chub par bya'o zhes de ltar bskyes pa'i tshul gyis sems bskyed nas/ rnam pa'i mchog thams cad dang ldan pa thams cad mkhyen pa'i ye shes mi thob pa'i tshul gyis ma thob kyi bar du mi 'dug/ kun du mi 'dug pa ni lha'i bu byang chub sems dpa' sems dpa' chen po'i mtshams med pa lnga pa'o/ / de ltar mi gnas pa'i tshul gyis gnas na byang chub sems dpa' sems dpa' chen po myung du bla na med pa yang dag pa'i byang chub don dam par mngon par rdzogs par 'tshar mi rgyu ba'i tshul gyis mngon par rdzogs par 'tshang bya'o/ / lha'i bus smras pa/ 'jam dpal mtshams med pa gang dag gis byis pa so so'i skye bo rnams sems can dmyal bar 'gro bar 'gyur ba'i mtshams med p a nyid la byang chub sems dpa' sems dpa' chen po gnas na mngon par rdzogs par 'tshar mi rgya ba'i tshul gyis bla na med pa yang dag par rdzogs pa'i byang chub mngon par rdzogs par 'tshang rgyabar 'gyur ba de lta bu'i rnam grangs yod dam/ 'jam dpal gyis spras pa/ lha'i bu yod do// ci'i phyir zhe na/ lha'i bu don dam par na chos thams cad ni shin du stong pa ste/ lha'i bu shin du stong pa nyid khong du dud pa ni byang chub ste/ don dam par na byang chub tsas

  29. 269a

    ji skad du brjod pa ltar ni ma yin no/ / lha'i bu don dam par na chos thams cad ni mtshan ma med pa ste/ lha'i bu mtshan ma med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no/ / lha'i bu don dam par na chos thams cad ni shin du smon pa med pa ste/ lha'i bu smon pa med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin du gzung bar bya ba med pa ste/ lha'i bu shin du gzung bar bya ba med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin du mngon par 'du mi byed pa ste/ lha'i bu shin du mngon par 'du mi byed pa'i khong du chud pa ni byang chub ste/ don dam par na byang chub ces ji skad du brjod pa ni ma yin no// lha'i bu don dam par na chos thams cad ni shin du 'dus ma byas pa ste/ lha'i bu shin du 'dus ma byas pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin du mi mthong ba ste/ lha'i bu shin du mi mthong ba khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin du ma skyes pa ste/ lha'i bu shin du ma skyes pa khong du chud pa ni byang chub ste/ don dam par na byang chub ces ji ltar brjod pa ltar ni ma yin no// lha'i bu don ngan par na chos thams cad ni shin du ma byung ba ste/ lha'i bu shin du ma byung ba khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bu don dam par na chos thams cad ni shin du dngos po med pa ste/ lha'i bu shin du

  30. 269b

    dngos po med pa khong du chud pa ni byang chub ste/ don dam par na byang chub ces ji skad du brjod pa ltar ni ma yin no// lha'i bus smras pa/ 'jam dpal chos kyi rnam grangs 'di la su dad par 'gyur/ 'jam dpal gyis smras pa/ lha'i bu don dam par na de bzhin gshegs pa la yang dag pas mi 'gro na/ gang nyan thos dang / rang sangs rgyas dang / mu stegs can dmigs pa thams cad lta ci smos/ lha'i bus smras pa/ su dag mos par 'gyur// 'jam dpal gyis smras pa/ gang don dam par chos gang la yang mngon par mi chags pa de mos par 'gyur ro// lha'i bus smras pa/ yang bu dag nan tan byed par 'gyur// 'arnam dpal gyis smras pa/ gang don dam par na chos gang la yang nan tan mi byed pa'o// lha'i bus smras pa/ su dag mngon par rdzogs par 'tshang rgya bar 'gyur/ 'jam dpal gyis smras pa/ gang don dam par na chos thams cad gang yang mngon par rdzogs par 'tshang mi rgyu'o/ / lha'i bus smras pa/ 'jam dpal don dam par na su dag chos gang yang mngon par rdzogs par 'tshang mi rgya/ 'jam dpal gyis smras pa/ lha'i bu kun rdzob tun rnam pa'i mchog thams cad dang ldan pa thams cad mkhyen pa'i ye shes mngon par rdzogs par 'tshang rgya ba dag go/ / lha'i bus smras pa/ 'jam dpal de dag ji lta bu'i rang bzhin du 'gyur/ 'jam dpal gyis smras pa/ lha'i bu don dam par na de dag rab tu ma skyes pa'i rang bzhin du 'gyur ro// lha'i bus smras pa/ 'jam dpal mdo sde 'di lta bu su dag gi lag tu 'gro// 'jam dpal gyis smras pa/ lha'i bu kun rdzob tu na gang sems can thams cad dam pa'i chos kyi lag sbyin par byed pa rnams kyi'o/ / lha'i bus smras pa/ 'jam dpal de dag ji lta bur gnas par 'gyur/ 'jam dpal gyis smras pa/ lha'i bu don dam par na shin du ma skyes/ ma byung / dngos po med pa la de

  31. 270a

    dgaganas par 'gyur / myu bus smras pa/ 'jam dpal dag cos 'am bar sh+tha/ la ma dpal kyib sgrus pa/ 'i bro na dam par nam s+hos/ sa byung/ dam pa med par da/ kra bar 'gyur / lha'i bus smras pa/ 'jas dpal phyir mi ldog pa'i byang chub sems dpa' sems dpa' chen pos ci byang chub 'thobab sa/ 'jam dpal gyis smras pa/ khA'i zug dpyir mi ldog pa'i byang chub sems dpa' sems dpa' chen/ po des byang chub mi 'thob pa ni gnas ma yin te/ go skabs med do// lha'i bus smras pa/ 'jam dpal byang chub sems dpa' sems dpa' chen po rnams ci las ldog par 'gyur/ 'jam dpal gyis smras pa/ lha'i bu byang chub sems dpa' sems dpa' chen po don dam par na rnam par rtog pa thams cad las ldog go/ / nyan thos dang / rang sangs rgyas thams cad dang / mu stegs can dmigs pa can gyis las ldog go// lha'i bus spras pa/ 'jam dpal byang chub sems dpa' sems dpa' chen po tsa las mi ldog/ 'jam dpal gyis smras pa/ lha'i bu byang chub sems dpa' sems dpa' chen po rnams ni chos thams cad shin du mi 'byung ba'i mnyam pa nyid las mi ldog go/ / de ci'i phyir zhe na/ don dam par na chos thams cad shin du mi 'byung bar mnyam pa'i phyir byang chub sems dpa' sems dpa' chen po dag mnyam ste/ de bas na phyir mi ldog go// lha'i bus smras pa/ chos thams cad shin du 'byung bar mnyam pa nyid ces bya ba de 'jam dpal chos gang gis tshig bla dgas/ 'jam dpal gyis spras pa/ chos thams cad shin du mi 'byung bar mnyam zhes bya ba ni lha'i bu don dam par sna tshogs med pa'i tshig bla dgas so/ / lha'i bus smras pa/ 'jam dpal chos thams cad shin du mi 'byung bar mnyam pa la ci'i phyir sna tshogs su snang / 'jam dpal gyis smras pa/ gang lha'i bu chos thams cad shin du mi 'byung bar mnyam pa la don dam

  32. 270b

    bar rdzas dang / dngos po dang / ngo bor yongs su rtog pas de dag don dam par na sna tshogs su spyod do// de dag don dam par na tshogs su spyod pa la dmigs pa'i lta ba mang du 'gyur ro// de dag dmigs pa'i lta ba mang pos 'gro ba rnam batha dad pa rnams su dbang med par 'khyam mo/ / gang lha'i bu chos thams cad shin du mi 'byung bar mnyam pa la don dam par ngo bo dang / rdzas dang / dngos po yongs su me tog na/ de dag don dam par na sna tshogs su mi spyod do/ dag don dam par na snga tshogs su pi spyod na/ don dam par shin du dngos po med par 'gro ba'i tshul gyis don dam par chos thams cad shin du ma skyes pa'i mtshan nyid dang mnyam par khong du chud par 'gyur ro// khwa'i bus spras pa/ rab grangs gang gis nyon mongs pa dang bcas pa'i byang chub sems dpa' sems dpa' chen po la byang chub yod kyi/ nyon mongs pa med pa la ma yin pa'i rnam grangs yod dam/ 'jam dpal gyis smras pa/ lha'i bu yod de/ ci byar zhe na/ lha'i bu chos thams cad ni kun rdzob tu 'byung ba yang 'byung ngo // mi 'byung ba yang mi 'byung ste/ byang chub sems dpa' sems dpa' chen po rnams kyi byang chub kyang kun rdzob tu 'byung ngo // de ci'i phyir zhe na/ lha'i bu don dam par na/ sa thams cad na nyon mongs pa med cing mi skye me 'gag ste/ chos gang don dam par ma ste mi 'gag pa dang nadam par gang gis kyang mdon par rdzogs par sangs ma rgyas so// don par rdzogs pa 'chad rgyabangar mi 'gyu // ngon ba rdzogs par 'chang mi bya'o/ ci 'byor zhon/ ba na das par chos thams cad shin du ma skyes pa'i phyir te/ lha'i byanam zang sa de la bus byung chub sems dpa' sems dpa' chen po can mos pa dang mas pal rgya rlab 'thung ste/ tshe mangs pa med pa la nim med no// lha'i dus smras pa 'jam dpa' rnam thangs gang gas byang chub sems dang bes sa dpa' chen po med ba can la sbyin pa'i pharol tu phyin par 'gyur// gtong ba na

  33. 271a

    pa la ma yin pa'i rnam grangs yod dam/ 'jam dpal gyis smras pa yod de/ lha'i brarnam grangs gang gis byang chub sems dpa' sems dpa' chen po sar sta can gyi sbyin pa'i pha rol du phyin par 'gyur gyi/ gtong bang ldan pa la ma yin pa'i rnam grangs yod do/ / de ci'i phyir zhe na/ gang sems can thams cad dang sangs rgyas kyi chos thams cad kun rdzob tu yongs su mi gtor mi 'dor ba de ni lha'i bu byang chub sems dpa' sems dpa' chen po'i ser sA'o/ / lha'i bus smras pa/ 'jam dpal gang byang chub sems dpa' sems dpa' chen po ngan pa'i ngang tshul can gyi tshul khrims kyi pha rol du phyin par 'gyur gyi/ tshul khrims dang ldan pa la ma yin pa'i rnam grangs yod dam/ 'jam dpal gyis smras pa/ yod de/ lha'i bu byang chub sems dpa' sems dpa' chen po gang sems can yongs su smin par bya ba'i phyir sems can la lta'i/ tshul khrims lam yin pa de ni kun rdzob tu byang chub sems dpa' sems dpa' chen po'i tshul khrims kyi pha rol tu phyin pa'o/ / lha'i bus smras pa/ 'jam dpal byang chub sems dpa' sems dpa' chen pos gang bzod pa bor la/ bzod pa can gyi rnam grangs yod dam/ 'jam dpal gyis smras pa/ lha'i bu yod de/ byang chub sems dpa' sems dpa' chen po gang la la don dam par chos thams cad la rdzas dang / dngos po dang / ngo bor mi bzod pa de ni shin du ma smras pa'i tshul gyis bla na med pa'i bzod pa dang ldan par 'gyur te/ lha'i bu de ni mi dmigs pa'i tshul gyis byang chub sems dpa' sems dpa' chen po'i bzod pa dam pa'o// lha'i bus smras pa/ 'jam dpal byang chub sems dpa' sems dpa' chen po le lo can brtson 'grus dang ldan par 'gyur ba'i rnam grangs yod dam/ 'jam dpal gyis smras pa/ lha'i bu yod de/ lha'i bu byang chub sems dpa' sems dpa' chen po le lo can du gyur pa ni bla'i nyan thos dang / rang sangs rgyas dang / mu stegs can dmigs pa'i

  34. 271b

    brtson 'grus kyis brtson 'grus dang ldan pa ni de lta ma yin no/ / lha'i bus smras pa/ 'jam dpal byang chub sems dpa' sems dpa' chen po brjed ngas pa gang mnyam par bzhag par 'gyur ba'i rnam grangs yod dam/ 'jam dpal gyis smras pa/ lha'i bu yod de/ lha'i bu byang chub sems dpa' sems dpa' chen po gang la la rmi lam du yang don dam par rdzas dang / ngo bo dang / dngos po'i sems mi skye ba de ni mi dmigs pa'i tshul gyis shin du mnyam bar gzhag par 'gyur ro/ / lha'i bus smras pa/ 'jam dpal byang chub sems dpa' sems dpa' chen po gang shes rab med pa/ shes rab chen por 'gyur ba'i rnam grangs yod dam/ 'jam dpal gyis smras pa/ lha'i bu yod do/ / de ci'i phyir zhe na/ lha'i bu don dam par na chos thams cad la shes rab kyis rnam par dpyad de brtsal na shin du med cing mi dmigs te/ shes rab de yang don dam par shin tu med cing mi dmigs pas na kun rdzob tu shes rab kyis shes rab can zhes bya ste/ shes rab de yang don dam par na shin du ma skyes pa yin no// lha'i bu rnam grangs des na byang chub sems dpa' sems dpa' chen po shes rab med pa ni shes rab chen po can zhes bya'o// shes rab bye brag tu 'phags pa zhes bya'o/ / shes rab dam pa dang ldan pa zhes bya'o// shes rab kyi nom pa zhes bya'o// mi dmigs pa'i shes rab can zhes bya ste/ don dam par na ji skad du brjod pa ltar ni ma yin no// de nas bcom ldan 'das kyis 'jam dpal gzhon nur gyur pa la legs so zhes bya ba byin te/ legs so legs so// 'jam dpal khyod kyis byang chub sems dpa' sems dpa' chen po rnams kyis bya ba dang mi bya ba mi bstan pa'i tshul gyis bstan ni tshig 'di legs par smras so/ / 'jam dpal 'di lta ste/ dper na skyes bu bkres pa ltogs pas nyams chud pa mnags pa sla'i/ mi shes pas kha zas dug can zos pa de lta ma yin no// 'jam dpal de bzhin du byang chub

  35. 272a

    sems dpa' sems dpa' chen po mi dmigs pa'i ser sna can dang / ngan pa'i ngang tshul can dang / gnod sems can dang / le lo can dang / brjed nges pa dang / shes rab med pa sla'i/ nyan thos dang rang sangs rgyas dmigs pa can gyi sems kyi sbyin pa dang / tshul khrims dang / bzod pa dang / brtson 'grus dang / bsam gtan dang shes rab kyi sbyor ba ni de lta ma yin no// de ci'i phyir zhe na/ dmigs pa'i dug gi skyon chags pa'i phyir de la kun rdzob tu 'jigs par shes par bya'o/ / de nas bcom ldan 'das la lha'i bu mtsham bzangs kyis 'di skad ces gsol to// bcom ldan 'das byang chub sems dpa' sems dpa' chen pos nyon mongs pa rnams la 'jigs par/ mi bgyi 'am/ bcom ldan 'das kyis bka' stsal pa/ lha'i bu kun rdzob tu byang chub sems dpa' sems dpa' chen pos nyon mongs pa la 'jigs par bya'o// de bas kyang des nyan thos dang / rang sangs rgyas dmigs pa can gyi sems la shin du 'jigs par bya ste/ / nyon mongs pa rnams la ni de ltar ma yin no// lha'i bus gsol pa/ bcom ldan 'das de ci'i slad nas/ bcom ldan 'das kyis bka' stsal pa/ lha'i bu khyod nyid la dris khyod kyis ci nus pa de bzhin du lung ston cig/ lha'i bu 'di yid la ji snyam/ skyes bu 'tsho bar 'dod par gyur pa sa yan lag gcad pa la 'jigs par bya 'am/ 'on te mgo gcad pa la rab tu 'jigs par bya/ lha'i bus gsol pa/ bcom ldan 'das yan lag gcad pa'i skyes bu ni 'tsho ste/ bsod nams 'dod pa bsod nams kyi lam yang dag par blangs shing gnas pa de ni nga mtho ris su skye ba'i rgyur 'gyur gyi/ bcom ldan 'das mgo bcad pa ni 'tsho ba las yongs su nyams te/ bsod nams 'tshal ba bsod nams kyi lam yang dag par len cing spyod mi nus so// bcom ldan 'das kyis bka' stsal pa/ lha'i bu de bzhin te/ byang chub sems dpa' sems dpa' chen po mi dmigs pa ni

  36. 272b

    spyod pa nyams kyang sla'i/ nyan thos dang / rang sangs rgyas dmigs pa can gyi lta bar ltung ba rnams kyis bslab pa dang / sbyangs pa'i yon tan thams cad dang ldan pa ni de lta ma yin no// byang chub sems dpa' sems dpa' chen po ser sna can ni sla'i/ sems can thams cad yong su btang ste/ sangs rgyas kyis chos thams cad 'dor ba ni de lta ma yin no// byang chub sems dpa' sems dpa' chen po ngan pa'i ngang tshul can du gyur pa ni sla'i/ sems can thams cad yongs su smin par mi byed par gyur pa ni de lta ma yin no/ / byang chub sems dpa' sems dpa' chen po dad pa spyod pa'i sa la spyod pa/ mi dmigs pa la mos shing nyon mongs pa dang bcas pa sla'i/ nyan thos dang / rang sangs rgyas dmigs pa can nges par gyur pa thob pa/ nyon mongs pa med pa de lta ma yin no// lha'i bus gsol pa/ bcom ldan 'das byang chub sems dpa' sems dpa' chen po rnams kyi mi spyod pa'i tshul gyis spyod pa ni 'jig rten thams cad dang mi mthun pa lags so/ / bcom ldan 'das dmigs pa'i dug gi skyon chags pas na/ gang nyan thos dang / rang sangs rgyas dmigs pa can rnams kyi tshul khrims de ni byang chub sems dpa' sems dpa' chen po rnams kyi ngan pa'i ngang tshul lags so/ / ji tsam du gang nyan thos dang / rang sangs rgyas dmigs pa can rnams kyi brtson 'grus de ni dmigs pa'i dug gi skyon chags pa'i phyir byang chub sems dpa' sems dpa' chen po'i le lo'i bar du'o/ / bcom ldan 'das kyis bka' stsal pa/ lha'i bu 'di lta ste/ dper na gang mi dbul po'i kha zas de ni 'khor los sgyur ba'i rgyal po'i dug go// lha'i bu de bzhin dugang nyan thos dang / rang sangs rgyas dmigs pa can rnams kyi tshul khrims dang / brtson 'grus kyi bar du de dag ni byang chub sems dpa' sems dpa' chen po'i ngan pa'i ngang tshul dang le lo'i bar du'o// de ci'i phyir

  37. 273a

    zhe na/ dmigs pa'i dug gi skyon chags pa'i phyir ro// lha'i bu 'di lta ste/ dper na gang bdag nyid bsgrub pa'i las byed pa'i skyes bu'i nor des grong khyer gyi skye bo thams cad bde bar spyor mi nas so// lha bu de bzhin du gang nyan thos dag rang sangs rgyas dmigs pa can dbul ba'i sems dang / dman pa'i sems dang / dmigs pa'i sems dang ldan pa rnams kyi brtson 'grus kyi bar gyis 'dzam bu'i gling gi sems// can yongs su thar bar byed kyang mi nus na sems can thams cad lta ci smos/ lha'i bu 'di lta ste/ dper na nor chen po longs spyod chen po gtong ba dang ldan pa/ byams pa la gnas pa/ snying rje chen po dang ldan pa/ ded dpon chen po sems can thams cad bla na med pa'i bde bar byed pa la zhugs pa'i nor de grangs med dpag tu med pa'i sems can bde bar byed do/ / lha'i bu de bzhin du gang byang chub sems dpa' sems dpa' chen po lhag pa'i bsam pa la zhugs pa/ sems can thams cad la shes rab dang / thabs dang / snying brtse ba chen pos bskul ba/ bskal pa chen po bye ba khrag khrig brgya stong grangs med par bsod nams dang ye shes/ kyi tshogs bsags pa'i nor chen po mi dmigs pa'i brtson 'grus kyi bar du de dag gis sems can grangs med/ dpag tu med pa yongs su smin par byed do// mi gzhog pa'i tshul gyis rnam pa thams cad mkhyen pa nyid la'ang rab tu 'god do/ / de nas bcom ldan 'das la tshe dang ldan pa 'od srung chen pos 'di skad ces gsol to// bcom ldan 'das nyan thos kyis 'dus ma byas kyis chos rnams mngon sum du bgyis la/ bcom ldan 'das byang chub sems dpa' sems dpa' chen po ni 'dus byas su gtogs pa lags na/ de ji ltar 'dus ma byas su gtogs pa'i nyan thos dang rang sangs rgyas dmigs pa can thams cad

  38. 273b

    zil gyis gnon/ bcom ldan 'das kyis bka' stsal pa/ 'od srung de'i don rab tu grub par bya ba'i phyir dper bya ste/ skyes bu mkhas pas smras pa'i don rig pa la la dpes de'i don go bar 'gyur ro// 'di lta ste/ dper na rgya mtsho chen po bzhi mar gyi gang bar gyur la/ de nas skyes bu la las sgra brgyar bshegs pa'i rtse mo'i thog mas mar gyi thigs pa gcig blangs na/ 'od srung 'di ji snyam du sems// brgyar bshegs pa'i rtse mo'i thog mas mang gyi thigs pa bcus pas rgya mtsho chen po bzhi mar gyis gang bzil gyis gnon par nus sam/ 'od srung gis gsol pa/ bcom ldan 'das de ma lags so// de bar gshegs pa da ma lags so// bcom ldan 'das kyis bka' sbal pa/ yang 'od srung de dag las ches mang ba dang / ches mchog tu gyur pa dang / che sa dam pa dang / chas rin che ba gang yin/ 'od srung gis gsol pa/ bcom ldan 'das 'di ltar rgya mtsho chen po gcig gi bye ba brgya stong gi cha shas de'ang bcom ldan 'das shin du mar/ shin du mchog shin dadam pa/ shin du rin che ba lags te/ bcom ldan 'das brgyar bshegs pa'i skra'i rtse mo'i thog mas mar gyi thigs pa blangs pa de ltam lags na/ bcom ldan 'das rgya mtsho chen po bzhi lta ci smos/ bcom ldan 'das kyis bka' stsal pa/ 'di lta ste/ dper na brgyar bshegs pa'i sgra'i rtse mo'i thog mas mar gyi thigs pa blangs pa tshad yod pa de bzhin du nyan thas dang rang sangs rgyas dmigs pa can gyi 'dus ma byas kyi ye shes ni chung ngo/ dmigs pa dang bcas pa'o/ 'od srung 'di lta ste/ dper na rgya mtsha chen po bzhi mar gyis gang ba de tsam du byang chub sems dpa' sems dpa' chen po dmigs pa med pa/ dang pa spyod pa sa la mi spyod pa'i tshal gyis spyod pa'i rnam pa'i mchog thams cad dang ldan pa/ bsod nams dang ye shes kyi tshogs thams cad bsdus pa/ 'dus byas kyi ye shes su mi lta ba'i tshul gyis blta'o// de yang don dam pa'i me 'bar bas

  39. 274a

    yongs su smin par byas pas rnam pa thams cad kyi mchog dang ldan pa'i thams cad mkhyen pa'i ye shes su mi dmigs pa'i tshul gyis 'gyur ro/ / 'od srung de bzhin du byang chub sems dpa' sems dpa' chen po yang 'dus ma byas thob pa'i nyan thos dang / rang sangs rgyas dmigs pa can thams cad mi dmigs pa'i tshul gyis zil gyis gnon to// 'od srung 'di lta ste/ dper na grong khyer chen por chud pa'i mching bu'i nor bu khur brgya stong du gyur pa dang / rgya mtsho chen po'i nang na yod pa grur bcug pa rin che ba'i bai dUr+ya nor bu rin po che chen po de bde zhing nye zho med par 'dzam bu'i gling du phyin nade ji snyam du sems/ grong khyer chen por chud pa'i 'ching bu'i nor bus gru'i nang du bcug pa rin po che bi dU bya nor bu rin po che zil gyis non par nus sam/ 'od srung gis gsol pa/ bcom ldan 'das de ma lags so// bde bar gshegs pa de ma lags so// bcom ldan 'das kyis bka' stsal pa/ 'od srung ji ltar grong khyer chen por chud pa'i mching bu'i nor bu bzhin du 'dus ma byas thob pa'i nyan thos dang / rang sangs rgyas dmigs pa can thams cad du blta'o// 'od srung ji ltar nor bu rin po che chen po bai dUr+ya rgya mtsho chen po'i nang na yod pa grur bcug pa bde zhing nye zho med par tshe khang gi bar du 'ongs par gyur pa/ 'od srung de bzhin du byang chub sems dpa' sems dpa' chen po 'khor ba'i grong khyer gyi tsher khang gi bar du 'ongs na sems can thams cad bla na med pa yang dag par rdzogs pa'i byang chub tu mi 'jog pa'i tshul gyis rab tu 'god par blta'o/ / 'od srung 'di lta ste/ dper na pyid zla tha chungs kyi zla ba las chen po lo tog gis rab tu gang ba la grog sbur phra mos zas kyi 'bru cig khyer ba dang / sa chen po 'di de dag gis gang ba gnyis gang mang bar sems/ / 'od srung gis gsol pa/ bcom ldan 'das la tog gis gang ba'i sa chen po de dpag tu ma mchis pa'i 'bru'i phung po chen po 'byung bar 'gyur te/ des sems can grangs ma mchis dpag tu ba mchis pa rnams chis

  40. 274b

    par 'gyur mi/ bcom ldan 'das thog sbyar phra mos 'tshal ba'i zas kyi 'bras bus lha ci zhig bgyi ste/ des sems can gdang yang 'tsho bar mi 'gyur ba/ bcom ldan 'das kyis bka' stsal pa/ 'od srung ji ltar thog slar bu mos khyer pa'a'as kyi 'bru gcig po de bzhin du'o srung nyan thos dang / rang sangs rgyas dmigs pa can thams cad kyi zag pa med pa'i rnam par grol ba'i 'bras bur ba lta'o// 'od srung rdzi ska lo tog mang pos rab tug pa'i sa chen po bzhin du 'od srung byang chub sems dpa' sems dpa' chen po mi gnas pa'i tshul gyis kun rdzob dang don dam pa'i bden pa la gnas pas/ pha rol tu phyin pa drug la sogs pa// sangs rgyas kyi chos thams cad dang / blan med par bsdus pa'i bsod nams dang ye shes kyi tshogs kyi dge ba'i rtsa ba'i lo tog tu blta'o/ yongs su smin par gyur nas 'di lta ste/ blan med pa rnam pa thams cad kyi mchog dang ldan pa'i ye shes kyi bde ba mi dmigs pa'i tshul gyis sems can thams cad kyi 'tshe bar 'gyur ro/ / de nas bcom ldan 'das la tshe dang ldan pa 'od srung chen pos 'di skad ces gsol to// bcom ldan 'das ngo mtshar to// bde bar gshegs pa ngo mtshar to// bcom ldan 'das kyis mi 'chad pa'i tshul gyis ji ltar bshad pa de de bzhin no/ / bcom ldan 'das de ltar rnam pa thams cad kyi mchog dang ldan pa// bla na ma mchis pa mi dmigs pa'i ye shes kyis byang chub sems dpa' sems dpa' chen po dad pa'i spyod pa'is la mi spyod pa'i tshul gyis spyod pas nyan thos dang / rang sangs rgyas dmigs pa can thams cad zil gyis non to// de nas bcom ldan 'das de bzhin gshegs pa rin po che'i tog gis sangs rgyas kyi zhing nas 'phags pa 'jam dpal gzhon nur gyur pa dang lhan cig tu 'jig rten gyi khams mi mjed ces bya ba 'dir 'ongs pa'i byang chub sems dpa' sems dpa' chen po dag gis bstan pa 'di thos nas/ bcom ldan 'das la 'di skad ces gsol to//

  41. 275a

    bcom ldan 'das 'di lta ste/ nyan thos dang / rang sangs rgyas dmigs pa can kun nas nyon mongs pa spong ba'i dka' mching dang / ltung ba rnam par gzhag pa'i bar gyi bka' mchid 'di dag thams cad ni spros pa'i bka'/ mchid ngo // rnam pa tha dad pa'i bka' mchid // dmigs pa'i bka' mchid ngo do// bcom ldan 'das de bzhin gshegs pa'i dgra bcom pa yang dag par rdzogs pa'i sangs rgyas rin po che ni tog gi sangs rgyas kyi zhing na de lta bu'i dmigs pa can gyi bka' mchid ma mchis so/ / de lta bu'i dmigs pa can gyi bka' mching mi gda' ste/ bcom ldan 'das de ni byang chub sems dpa' sems dpa' chen po rnams kyi dag pa'i bka' mchid mi thos pa'i tshul gyis thos so/ / phyir mi ldog pa'i bka' mchid mi thos pa'i tshul gyis thos so// mi dmigs pa'i bka' mchid mi thos pa'i tshul gyis thos so// don dam par chos thams cad shin du ma skyes pa'i bka' mching mi thos pa'i tshul gyis thos so// / don dam par chos thams cad shin du ma byung ba'i bka' mchid mi thos pa'i tshul gyis thos so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ni shin du dka' ba mdzad de/ gang 'di snyed kyi nyam ba bzod cing gang chos thams cad don dam par shin du ma skyes pa la/ chos rnams rab 'bring tha mar ston par mdzad de/ 'di lta ste/ don dam par na shin du ma skyes pa dang / mabyung ba dang / dngos po ma mchis pa'i rnam pa ste/ / bcom ldan 'das de ltar don dam par chos thams cad rnam pa gcig las sems can rnams kyi dmigs pa gzhom pa'i srad du mi ston pa'i tshul gyis rnam pa du mar chos ston to// de nas byang chub sems dpa' sems dpa' chen po de rnams kyis lha'i me tog dang / spos dang / bdug pa dang / phreng ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang bcas pa'i bla res/ bcom

  42. 275b

    ma pashin gagags pa dbya som pa ya dag pa mas pa sa sa nas kyu thub pa la blan med pa' batshad pa byas nas 'ang ma dpa la gzhon nudung byung ba la 'dim ces sna go'angamadapal bdag / ga nga/ bya mas rin po che dang ldan pa zhes bya bar 'dod/ dam dpal gyis smras pa/ rigs kyi byudag / de'i dus la bab par shes na dang sheg/ byang chubasems dpa' sems dpa' chen pa ga gis smras pa'angam dpal khyod du ni 'gro'am/ 'jam dpal gyis smras pa/ rigs kyi bu sangs rgyas kyi zhing thams cad ni sangs rgyas kyi zhing gcig go// de bzhin du sangs rgyas thams cad ni sangs rgyas gcig go/ de bzhin du rjes thams cad ni cho gcig go/ / de bzhin du sems can thams cad ni sems can gcig go// de dag 'di las khyad par ci yod na/ rigs kyi bu bdag der 'gro// de skar smras pa dang / byang chub sems dpa' sems dpa' chen po de dag gis smras pa/ yang la dza ltar sangs rgyas kyi zhing thams cad sangs rgyas kyi zhing ga N+DI// 'jam dang la ji kar sangs rgyas thams cad sangs rgyas gc-i/ 'ang ma dpal ji ltar chos thams cad chos gcig/ 'dam dpal ra sems can thams cad sems can gcig/ 'jam dpal gyis smras pa/ rigs kyi bu dag sangs rgyas kyi zhing thams cad ni ning ma yin no// de ci'i phyir zhe na/ don dam par shin dum skyes pa'i phyir ro/ rigs kyi bdag sangs rgyas thams cad nisangs rgyas ma yin no/ ci byor zhe na do drim pa na shin du ma byung ba'i phyir ga/ rigs kyi budag chos thams cad ni chos ma yin na/ ci phyir bye/ nadam par na shin du ngos pa med pa phyi / rigs kyi bu dag sems can thams cad ni sems can ma yin no// de ci'i phyir zhe na/ don dam par na shin du kun nas mabyung ba'i phyir ro// de nas de'i tshe 'jam dpal gzhon nung gyur pas ci nas stong gsum gyi stong chen po

  43. 276a

    ' jig rten gyi khams 'di bcom ldan 'das de bzhin gshegs pa rin po che'i tog gi 'jig rten gyi khams rin po che dang ldan pa zhes bya ba de ci 'dra bar lhag chad med par snang ba de lta bur bsam pa rab tu rdzogs nas de 'dra bar ting nge 'dzin la snyoms par zhugs so/ / de nas byang chub sems dpa' sems dpa' chen po de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rin po che'i tog de dang / 'jig rten gyi khams rin po che dang ldan pa zhes bya ba de 'dra mthong ste/ byang chub sems dpa' sems dpa' chen po de dag 'di snyam du 'jig rten gyi khams rin po che dang ldan pa zhes bya bar phyin par sems so/ / de dag gis bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa yang bcom ldan 'das de bzhin gshegs pa rin po che'i tog gi kha dog dang dbyibs ci 'dra ba bzhin du mthong ngo / / nyan thos chen po de dag kyang byang chub sems dpa' sems dpa' chen po yin snyam du sems so// de nas byang chub sems dpa' sems dpa' chen po de dag bcom ldan 'das de bzhin gshegs pa shAkya thub pa la rin po che'i tog yin snyam pa byed nas 'di skad ces gsol to/ / bcom ldan 'das bdag cag 'jig rten gyi khams rin po che dang ldan pa zhes bgyi ba 'dir sus byin par bgyis/ bcom ldan 'das shAkya thub pas bka' stsal pa/ rigs kyi bu dag khyed sus khrid/ byang chub sems dpa' sems dpa' chen po de dag gis gsol pa/ bcom ldan 'das 'jam dpal gzhon nur gyur pas bdag cag khrid do// bcom ldan 'das shAkya thub pas bka' stsal pa/ rigs kyi bu khyed ni 'jam dpal gzhon nur gyur pas ma 'ongs ma song ba'i tshul gyis phyin par byas so// de nas 'jam dpal gzhon nur gyur pas byang chub sems dpa' sems dpa'

  44. 276b

    chen po de dag la 'di skad ces smras so/ / rigs kyi bu dag khyod gang du khrid/ gang nas khrid par byas pa mnyam par zhog la ltos shig/ de nas byang chub sems dpa' sems dpa' chen po de dag gis rang rang gi ting nge 'dzin la/ mnyam par bzhag ste bltas na/ 'jig rten gyi khams mi mdzad de nyid nas bdag nyid gang du yang ma g.yos par mthong ste/ ngo mtshar du gyur rmad du gyur nas 'di ltar bdag cag stan 'di nyid las ma 'phags par 'jig rten gyi khams rin po tshe dang ldan pa zhes bya bar yang phyin pa snyam byed de/ 'jam dpal gzhon nur gyur pa'i byin gyi rlabs med pa'i tshul gyis byin gyi rlabs bsam gyis mi khyab bo zhes ched du brjod pa ched du brjod do// de dag gis yang smras pa/ bcom ldan 'das sems can thams cad kyis kyang mi dmigs pa'i tshul gyis byin gyi rlabs 'di thob par gyur cig/ de nas bcom ldan 'das shAkya thub pas byang chub sems dpa' sems dpa' chen po de dag la bka' stsal pa/ rigs kyi bu dag 'di lta ste/ dper na nam mkha' ni sa'i snod dang / shing gi snod dang / khar ba'i snod dang / zangs kyi snod dang / dngul gyi sdong dang / gser gyi snod dang / nor bu dang / mu tig dang / bai dUr+ya dang / dung dang / man shel dang / byi ru dang / a sma gar ba dang / spug dang / dung g.yas phyogs su 'khyil pa dang / mu tig dmar po'i snod la sogs pa'i nang du zhugs par gyur pa rigs kyi bu dag kun rdzob tu snod la tha dad pa yod mod kyi nam mkha' la yod pa ma yin no/ / de ci'i phyir zhe na/ don dam par na nam mkha' shin du dngos po med pa'i phyir te/ de bzhin du rigs kyi bu dag don dam par chos thams cad shin du ma skyes/ ma byung / dngos po med mod kyi/ 'jig rten kun rdzob kyi thad+had kyis kyad du'o// shi rab tu 'jog ste/ 'di ni gzugs so// 'di ni tshor ba'o// 'di ni 'du shes so// 'di ni 'du byed rnams so// 'di ni rnam par shes pa'o// di dag ni skye mched rnams so//

  45. 277a

    'di dgan khams rnams sa// 'ad na sangs rgyas dkan mchog ga/ don ces dkau mchog/ nga/ dge 'dun dkon pa chag ka/ 'dan nyan thos kyi khrag pag/ na nga sangs rgyas kyi zag pa / na med pa'i theg pa chen pa'o/ / di dag ni dge ba bcu' las kyil pa rnams so// 'di dag na ma dag pa bcu' las kyil pa rnams sa// da dgan sems can dmyal ba'o// de dag na dud 'grob ste gnas so/ di ga yi dgas kyi yul lo/ / 'di dag ni lA ma yin no// 'di dag mi'o// 'di dag ni lnga'o// 'di dag ni 'dod pa na spyod pa'i lnga'o// 'di dag ni gzugs na stod pa'i lha'o// 'di dag ni gzugs med pa na stod pa'i lha'o// da ni 'ad pa'i khams so/ / 'di ni gzugs kyi khams so// 'di ni gzugs med pa'i khams so// 'di ni lus kyis legs par spyod pa// 'di ni dag gis legs par spyod pa'o// 'ad ni yid kyis legs par stod pa'o// 'di ni sbyin pa'i pha rol tu phyin pa'o/ / 'di ni tshul khrims kyi pha rol tu phyin pa'o// 'di ni bzod pa'i pha rol tu phyin pa'o// 'di ni brtson 'grus kyi pha rol tu phyin pa'o// 'di ni bsam gtan gyi pha rol tu phyin pa'o// 'di ni shes rab kyi pha rol tu phyin pa'o/ / 'di ni thabs kyi pha rol du phyin pa'o// dan smon lam gyi pha rol tu phyin pa'o// din stobs kyi pha rol tu phyin pa'o// di ni ye shes kyi pha ral du phyin pa'o// di ni sa bcu dang / dbang brgya dang / byang chu sems dpa'i stobs bcu dang / de bzhin gshegs pa'i stobs brgyad ga mi 'jigs pa bzhi dgas so yang dag par rig pa bzhi dang / dbang po lnga dang / stobs lnga dang / ji tsam du sangs rgyas kyi chos ma 'dres pa bcwa brgya/ dang / ji tsam du rnam pa thams cad kyi mchog dang ldan pa'i thams cad mkhyen pa'i ye shes dang / ji tsam du sangs rgyas kyi byang chub dang / ji tsam du de bzhin nyid dang / yang dag pa'i mtha' dang / stong pa nyid dang / mtshan ma med

  46. 277b

    pa dang / smon pa med pa dang / mngon par 'dus ma byas pa dang / ji tsam du 'dus byas dang / 'dus ma byas pa'i chos thams cad dang / ji tsam du 'khor ba dang / mya ngan las 'da' ba dang / ji tsam du smra ba dang / smra bar bya ba dang / shes pa dang / shes byar tha snyad 'dogs pa dang / 'brel bar 'jug pa de tsam du 'jig rten kun rdzob kyi tha snyad 'jug go// don dam par na spyod pa thams cad med par gyur pa ste/ de ci'i phyir zhe na/ rigs kyi bu don dam par na chos thams cad shin du ma skyes pa/ ma byung ba dngos pa med pa'o// de nas byang chub sems dpa' sems dpa' chen po de dag shin du ngo ma char du gyur nas stan las langs te/ bcom ldan 'das de bzhin gshegs pa dag bcom pa yang dag par rdzogs pa'i sangs rgyas shAkya thub pa la yang shin du rgya che ba/ shin du khyad par dang ldan pa'i mchod pa byas nas/ bcom ldan 'das kyi zhabs la mgo bos phyag 'tshal te/ tshig 'di skad ces gsol to/ / bcom ldan 'das sems can thams cad 'di lta bu'i seng ge'i sgra/ bye brag tu 'phags pa'i sgra/ khyu mchog gi sgra/ skyes bu chen po'i sgra/ yang dag pa'i sgra/ de kho na'i sgra/ mi dmigs pa'i sgra/ don dam pa'i sgra/ mi dmigs pa'i tshul gyis 'byin par gyur cig/ de nas byang chub sems dpa' sems dpa' chen po de dag dga' mgu rangs nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thab pa la lan brgya stong du mar bskang ba byas nas/ bcom ldan 'das kyi gnanas slar dong ste/ de dag phyogs bcur song nas mi dmigs pa'i brtson 'grus kyi go cha chen pa gom med pa'i tshul gyis bgos nas don pa dang / kun rdzob kyi bden pa gnyis la gnas pa'i chos bstan pa 'di nyid mi sten pa'i tshul gyis ston to// chos 'dul ba 'di nyid la sems can thams cad 'dul zhing ston te/ mi 'jog pa'i tshul gyis rab tu 'god do//

  47. 278a

    'jam dpal gzhon nur gyur pa stan de la 'dug ste ma langs par 'di 'dra ba'i ting nge 'dzin la mnyam par bzhag ste/ ting nge 'dzin des 'jam dpal gzhon nur gyur pa'i gtsug tor gyi gseb spyi bo gtsug nas/ sems can thams cad kyi dmigs pa dang mi shes pa sel ba zhes bya ba'i 'od zer byung ste/ de byung nas phyogs bcu'i 'jig rten gyi khams thams cad du sangs rgyas kyi zhing rab 'byam du snang bar byas so// 'od zer snang ba des bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pas chos bshad pa/ kun rdzob dang don dam pa'i bden pa gnyis la rten po'i mi thos pa'i tshul gyis thos so// 'di ltar phyogs bcu mtha' yas mu med pa'i 'jig rten gyi khams thams cad na bzhugs pa'i sangs rgyas dang / byang chub sems dpa' sems dpa' chen po thams cad la mchod pa bya ba'i phyir 'od zer gyi snang ba de las lha'i me tog gi char 'bebs pa'i sprin byung ngo / / lha'i bdug pa'i char 'bebs pa'i sprin byung ngo // lha'i spos kyi char 'bebs pa'i sprin byung ngo // lha'i phreng ba'i char 'bebs pa'i sprin byung ngo // lha'i byug pa'i char 'bebs pa'i sprin byung ngo // lha'i phye ma'i char 'bedra pa'i sprin byung ngo / / lha'i gos kyi char 'bebs pa'i sprin byung ngo // lha'i gdugs kyi char 'bebs pa'i sprin byung ngo // lha'i rgyal mtshan gyi char 'bebru pa'i sprin byung ngo // lha'i ba dan gyi char 'bebs pa'i sprin byung ngo // lha'i rnam par rgyal ba'i ba dan gyi char 'bebs pa'i sprin byung ngo / / lha'i bla re'i char 'bebs pa'i sprin gyi bar du byung ngo // lha'i me tog dang / bdug pa dang / spos dang / phreng ba dang / thug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang / bla re'i char 'bebs pa'i sprin byung ngo // rnam pa thams cad mchog dang ldan pa/ bla na med pa'i bden pa chen po thams cad phun sum tshogs pa'i lha'i me tog dang / bdug pa dang / spos dang / phreng

  48. 278b

    ba dang / byug pa dang / phye ma dang / chos gos dang / gdugs dang / rgyal mtshan dang / ba dan dang / rnam par rgyal ba'i ba dan dang / bla re'i char gyi sprin rab tu gtod ngo do// de nas 'jam dpal gzhon nur gyur pa ting nge 'dzin de las langs te l angs nas bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa la lan brgya stong du mar mi dmigs pa'i tshul gyis bskor ba byas nas 'jig rten gyi khams mi mjed ces bya ba 'di nas slar song ngo / / de nas bcom ldan 'das kyis tshe dang ldan pa kun dga' bo la bka' stsal pa// kun dga' bo chos kyi rnam grangs sangs rgyas dang byang chub sems dpa' sems dpa' chen po thams cad kyi 'byung gnas 'di zung shig/ rgyas par gyis shig/ de nas tshe dang ldan pa kun dga' bos bcom ldan 'das la 'di skad ces gsol to// bcom ldan 'das chos kyi rnam grangs 'di bdag gis gzung ba ni lags na/ rgyas par bgyid mi nus so// de ci'i slad du zhe na/ bcom ldan 'das don dam par dmigs pa la mngon par zhen pa'i sems can shin tu mang ste/ rdzas la mngon par zhen pa nas dngos po'i bar la mngon par zhen te/ log par 'dzin pa de las dbye ba shin du dka'o/ / de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ kun dga' bo chos kyi rnam grangs 'di ni 'das pa dang / ma 'ongs pa dang / da ltar gyi sangs rgyas bcom ldan 'das thams cad kyis byin gyi mi slob pa'i tshul gyis byin gyis brlabs so/ / kun dga' bo khyod rkyen tsam gyis shig/ kun dga' bos gsol pa/ bcom ldan 'das rigs kyi bu'am/ rigs kyi bu mo gang chos kyi rnam grangs 'di chung ngun nyan par 'gyur ba de dag ci 'dra bar 'gyur/ bcom ldan 'das kyis bka' stsal pa/ kun dga' bo chos kyi rnam grangs 'di las de bzhin gshegs pas yang dag par bstan pa/ de kho na bstan pa/ mi dmigs pa bstan pa/ don

  49. 279a

    dam pa bstan pa/ mi ston pa'i tshul gyis bstan to// bstan pa de yang bsam gyis mi khyab/ dpag tu med de/ kun dga' bo de bzhin du gang chos kyi rnam grangs 'di las chung ngun yig 'bru gcig tsam yang mi nyan pa'i tshul gyis mnyan na sangs rgyas kyi chos thams cad bsam gyis mi khyab cing dpag tu med par 'gyur ro/ / de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci/ 'di ltar bzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di kun rdzob dang / don dam pa'i bden pa bstan pa zhes bya bar zung shig/ bcom ldan 'das kyis de skad ces bka' stsal nas/ byang chub sems dpa' sems dpa' chen po de dag dang / nyan thos chen po de dag dang / tshe dang ldan pa kun dga' bo dang / 'khor de dag thams cad dang / lha dang mi dang lha ma yin dang dri zar bcas pa'i 'jig rten yi rangs te/ bcom ldan 'das kyis bshad pa la mngon par bstod do// / 'phags pa kun rdzob dang don dam pa'i bden pa bstan pa zhes bya ba theg pa chen po'i mdo rdzog s+ho// / rgya gar gyi mkhan po shAkya pra b+ha dang / 'dzin mi tra dang / zhu chen gyi lo ts+tsha ba ban da d+harma ta shI la la sogs pa bsgyur cing zhus nas gtan la phab pa// / rgya gar skad du/ Ar+ya sarba d+harma pra brid ti nir de shA nA ma ma hA na sU tra/ bod skad du/ 'phags pa chos thams cad 'byung ba med par bstan pa zhes bya ba theg pa chen po'i mdo// / bam po dang po// // sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab kyi bya rgod phung po'i ri la/ dge slong lnga brgya tsam gyi dge slong gi dge 'dun chen po dang thabs gcig tu bzhugs te/ byang chub sems dpa' stong

Colophon

'phags pa kun rdzob dang don dam pa'i bden pa bstan pa zhes bya ba theg pa chen po'i mdo rdzog-s.ho|| ||rgya gar gyi mkhan po shAkya bra bha dang| 'dzi+na mi tra dang| zhu chen gyi lo ts+tsha ba ban de dha+rma ta shī la la sogs pa[s] bsgyur cing zhus nas gtan la phab pa||