shis par brjod pa'i le'u
Text
ff. 375a–378b · 8 folio sides
- 375a
rin chen gang zhig 'jig rten mchog/ ji ltar nga'i 'di de bzhin bden mchog na// bden pa 'dis ni shin tu bde legs shog bde legs kyi tshigs su bcad pa rdzogs s+ho// // rgya gar gyi mkhan po 'dzin mi tra dang / zhu chen gyi lo tsa ba ban de ye shes sdes bsgyur zhing zhus te gtan la phab pa'o// / @#// rgya gar skad du/ swa sti ya na gA tha/ bod skad du/ bde legs su 'gyur ba'i tshigs su bcad pa// thams cad mkhyen pa la phyag 'tshal lo// 'jig rten 'dren pa'i drung du ni// lha zhig nye bar song nas su// gang gis kun tu bde legs pa// bdag gis zhus yis bcom ldan gsungs// dam pas de dag gsan pa dang // 'jig rten 'dren pas lung bstan pa// gang gis kun tu bde leg su// 'gyur bar lnga khyod legs par nyon// gang gis de bzhin gshegs pa la// dad pa mi g.yo legs rab brtan// gang zhig dge ba'i tshul khrims can// de dag kun la bde legs 'gyur// gang zhig pha dang ma dag dang // bu dang bu mo bran dag la// rtag tu legs par bsnyen bkur ba// de dag kun tu bde legs 'gyur// gang zhig dgra bcom grags pa la// legs par rab gnas yon phul dang // lha'i bka' bzhin byed pa dag/ de dag kun tu bde legs 'gyur// gang zhig lus dang ngag dang ni//
- 375b
yid la nyes byas med pa dang // gang zhig gnas gsum rnam bsdams pa// de dag kun tu bde legs 'gyur// gang zhig 'byung po thams cad la// tshad med kun tu/ mi 'khrugs pa'i// byams sems legs par bsgom byed pa// de dag kun tu bde legs 'gyur// gang zhig sdug bsngal kun spangs phyir// 'phags pa'i lam gyi yan lag brgyad// bde ba 'dren pa legs bsgoms pa// de dag kun tu bde legs 'gyur// gang gis 'dus byas thams cad kyi// stong nyid rtag tu legs mthong zhing // de la sems ni gnas 'gyur ba// de dag kun tu bde legs 'gyur// gang gis lus kyis dri med chos// mngon sum byas nas rgyu ba dang // dgra bcom rnam grol sems ldan pa// de dag kun tu bde bar 'gyur// gang gis 'dod chags zhe sdang dang // gti mug rnams las chags bral zhing // ye shes 'khrug med skyes gyur pa// de dag kun tu bde legs 'gyur// gang zhig lhar bcas 'jig rten gyi// mgon po yang srid spangs pa yi// sangs rgyas khong du chud gyur pa// de dag kun tu bde legs 'gyur/ bde legs su 'gyur ba'i tshigs su bcad pa rdzogs s+ho// / dkon mchog gsum la phyag 'tshal lo// lha yi bkra shis don sgrub phyir// phyogs rnams bkra shis byed pa des// khyed kyi don rnams grub gyur cig/ thams cad myur du 'thun par shog/ phreng ba mgo la 'dug pa ltar// lag pa
- 376a
g.yas na yang dpal yod shog/ g.yon na dpal ni gnas gyur cig/ yan lag kun la'ang dpal yod shog/ tshong pa dag ni nor tshol/ zhing // phyogs bcu dag tu 'gro ba rnams// rnyed pa chen po rnyed gyur cig/ de dag bde ba bskyed par shog/ dgos pa la la gang gi phyir// shar phyogs su ni 'gro ba na// gang dag phyogs der gnas pa yi// rgyu skar byed la skyong gyur cig/ smin drug dang ni snar ma dang // mgo dang lag dang nam so dang // rgyal dang skrag ces bya ba ste// de dag rnam ni shar phyogs pa// rgyu skar bdun po de dag ni// 'jig rten skyong ba grags ldan pa// shar phyogs log na yod ces brtan// de dag khyed la kun tu srungs// de dag bdag po/ rgyal po ni// yul 'khor srung zhes grags pa ste// de ni dri za kun gyi bdag/ nyi ma lhan cig srung bar shog/ de la bu ni mang yod pa// mkhas shing ming yang mthun pa ste// bgu bcu rtsa gcig zad par yang // dbang po zhes bya stobs po che// de rnams khyed la nad med cing // shis par lhag par skyong gyur cig/ shar phyogs log kyi phyogs chan// lha mo gzhon nu brgyad yod de// rgyal dang rnam par rgyal ma dang // don grub ma dang mi 'pham dang // dga' mchog ma dang dga' sde dang // dga' can ma dang dag 'phel ma// de dag khyed la nad med cing // shis par lhag par skyong bar shog/ shar phyogs logs kyi phyogs chan// gzhi 'dzin ces bya'i mchod rten yod// rgyal
- 376b
ba skyob pa dgra bcom pa// de rnams kyis ni bzhugs shing mkhyen// de yang khyed la nad med cing // shis par lhag par skyong gyur cig/ phyogs na khyed cag bde bar/ shog/ khyed cag sdig par ma gyur cig/ lha rnams kun gyi rab bsrungs nas// nor rnams rnyed de ldog par shog/ dgos pa la la gang gi phyir// lho phyogs su ni 'gro ba na// gang dag phyogs der gnas pa yi// rgyu skar khyed la skyong gyur cig/ mchu dang gre dang dbo dang ni// me bzhi nag pa lnga pa yin// sa ri dang ni sa ga ste// de dag rnams ni lho phyogs pa// rgyu skar bdun po de dag ni// 'jig rten skyong ba grags ldan pa// lho phyogs logs na yod ces bstan// de dag khyed la kun tu bsrungs// de dag bdag po rgyal po ni// 'phags skyes po zhes bya bar brjod// de ni grul bum kun gyi bdag/ gshin rje lhan cig bsrung bar shog/ de la bu ni mang yod pa// mkhas shing ming yang mthun pa ste// dgu bcu rtsa gcig zad par yang // dbang po zhes bya stobs po che// de rnams khyed la nad med cing // shis prar ldar par skyong gyur cig/ lho phyogs logs kyi phyogs chan// lha mo gzhon nu brgyad yod de// dpal ldan ma dang grags ldan ma// grags pa thob dang grags 'dzin dang // legs par langs dang rab snga dang // legs par sad dang bde bsgrub ma// de dag khyed la nad med cing // shis par lhag par skyong bar shog/ lho phyogs logs kyi phyogs can// pad+ma zhes bya'i
- 377a
mchod rten yod// rtag tu gzi brjid kyis kyang 'bar// rtag tu thams cad gsal byed pa// de yang khyed la nad med cing // shis par lhag par skyong gyur cig/ phyogs na khyed cag bde bar shog/ khyed chag sdig par ma gyur cig/ lha rnams kun gyi rab bsrungs nas// nor rnams rnyed de ldog par shog/ dgos pa la la gang gi phyir// nub phyogs su ni 'gro ba na// gang dag phyogs der gnas pa yi// rgyu skar khyed la skyong gyur cig/ lha 'tshams dang ni snron dang yang // brtson 'grus rten ldan sgrub dang ni// chu stod chu smad ji zhun dang // gro bzhin de ni bdun pa yin// rgyu skar bdun po de dag ni// 'jig rten skyong ba grags ldan pa// nub phyogs logs na yod ces bstan// de dag khyed la kun tu bsrungs// de dag bdag po rgyal po ni// mig mi bzang zhes bya bar shes// de ni klu rnams kun gyi bdag/ chu lha ldan cig bsrung bar shog/ de la bu ni mang yod pa// mkhas shing ming yang mthun pa ste// dgu bcu rtsa gcig zad par yang // dbang po zhes bya stobs po che// de dag khyed la/ nad med cing // shis par lhag par skyong gyur cig/ nub phyogs logs kyi phyogs chan// lha mo gzhon nu brgyad yod de// rna cha sgra 'dres ma dang ni// pad ma dkar dang skya reng dang // cha med gcig dang dgu pa dang // rol dang gnag dang stabs myur sring // de dag khyed la nad med cing // shis pa lhag par skyong bar shog/ nub phyogs
- 377b
logs kyi phyogs can// nub ces bya ba'i ri bo yod// sem zla ba rnams kyang gnas/ nub pa'ang byed la nor sbyin gyur// de yang byed la nad med cing // shis par lhag/ par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos pa la la gang gi phyir// byang phyogs su ni 'gro ba na// gang dag phyogs der gnas pa yi// rgyu skar khyed la skyong gyur cig/ mon gru dang ni mon gre dang // khrums stod dang ni khrums smad dang // nam dang yang tha skar dang // bra nye de ni bdun pa yin// rgyu skar bdun po de dag ni// 'jig rten skyong ba grags ldan pa// byang phyogs logs na yod ces bstan// de dag khyed la kun tu bsrungs// de dag bdag po rgyal po ni// mi la zhon pa lus ngan po// gnod sbyin kun gyi bdag po ste// nor bzangs lhan cig bsrung bar shog/ de la bu ni mang yod pa// mkhas shing ming yang mthun pa ste// dgu bcu rtsa gcig zad par lnga/ dbang po zhes bya stobs po che// de dag khyed la nad med cing // shis par lhag par skyong gyur cig/ byang phyogs logs kyi phyogs chan// lha mo gzhon nu brgyad yod de// rab chags lha mo stong lha mo// sa dang de bzhin pad+ma can// rgyal po che la nye gnas dang // re dang khrel yod dpal ldan ma// de dag khyed la nad med cing //
- 378a
shis par lhag par skyong bar shog/ byang phyogs logs kyi phyogs can// spos ngad ldan pa'i ri bo yod// gnod sbyin 'byung bo rnams kyi gnas// rtse mo sna tshogs blta na sdug/ de yang khyed la nad med cing // shis par lhag par skyong gyur cig/ phyogs na khyed cag bde bar shog khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ rgyu skar nyi shu rtsa brgyad po// phyogs bzhi dag na bdun bdun gnas// lha'i bu mo sum cu gnyis// phyogs bzhi dag na brgyad brgyad gnas// dge sbyong brgyad dang bram ze brgyad// yul rnams na ni grong rdal brgyad// dbang por bcas pa'i lha brgyad rnams// de dag khyed la kun tu bsrungs// khyed cag 'gro ba na'ang bkra shis gyur// ldog pa na yang bkri shog/ gnyen la lta ba bkra shis gyur// gnyen gyis lta ba'ang bkra shis shog/ dbang bcas nor sbyin rgyal chen dang // dgra bcom pa dag snying brtse bas// thams cad du ni bkra shis dang // bdud rtsi shis pa thob par shog/ tshangs pa dang ni de bzhin nor rgyas dang // zag pa med pa rnam par grol rnams dang // klu dang gnod sbyin rtag tu snying rjes bsrungs// ston brgyar mtshungs par tshe ni skyong bar shog/ rnams 'dren zla med 'jig rten mgon po yis// de dag 'thun par sbyin pa'i bsngags pa
- 378b
gsungs// khyed rnams kyi ni dge ba'i las 'di yis// sbrang rtsi 'byung zhes bya ba'i rgyal bar 'gyur// 'jig rten rnam par 'dren pa rgyal ba yis// lung bstan chags med 'di ni ngang ba yin// phyin chad byang chub sems dpa' mtha' yas mang // gang dag lung bstan de dag phyir mi ldog/ rgyal bas lung bstan pa ni 'di thos nas// sems ni 'gu zhing mchog tu dga' gyur te// de dag spun dang grogs dang lhan cig tu// de dag sangs rgyas chos la skyabs su dong // shis par brjod pa'i le'u zhes bya ba rdzogs s+ho// @#/ rgya gar skad du/ nir pi ka la pa ste/ bod skad du/ rnam par mi rtog pa'i bstod pa/ bcom ldan 'das ma shes rab kyi pha rol tu phyin ma la phyag 'tshal lo// dpag med shes rab pha rol phyin// rnam par mi rtog phyag 'tshal lo// gang sku ston rnams kun med pa// skyon bral rnams kyis nges par mthong // nam mkha' bzhin du gos pa med// spros pa med pa mi 'gyur ba'i// ngo bor gang gis mthong gyur pa// de yis de bzhin gshegs pa mthong // 'phags ma yon tan rdzogs khyod dang // 'gro ba'i bla ma sangs rgyas la// zla ba dang ni 'od zer bzhin// dam pa rnams kyi dbye ma mthong // sangs rgyas chos kyi sngon 'gro ba/ brtse ba'i bdag nyid khyod brten nas/
Colophon
shis par brjod pa'i le'u zhes bya ba rdzogs s+ho/