rnal 'byor ma kun tu spyod ma'i bshad sbyar tshig don rab tu gsal ba zhes bya ba
Text
ff. 150a–164b · 30 folio sides
- 150a
phreng cig dang ldan par rig par bya'o/ /phreng ba nyi shu rtsa lnga yin/ zhes pa ni mgo bo'i phreng ba nyi shu rtsa lngas mgo la brgyan pa'o/ /yang na phreng ba zhes pa ni mgul rgyan byas pa ste/ de yang ri lu nyi shu rtsa lngar rig par bya'o/ / 'di ni bcu bdun pa'i nges par bstan pa'o// //bdag gis kun spyod rgyud 'di gsal bar byas pa yi/ /gang zhig zla ba 'dra ba'i bsod nams mkha' khyab pa/ /de yis 'gro ba kun la phan par bya ba'i phyir/ /dga' ba med par byang chub myur thob shog /rnal 'byor ma kun tu spyod pa'i bshad sbyar/ slob dpon ta thA ga ta rak+Shi tas mdzad pa rdzogs so// //rgya gar gyi mkhan po de nyid dang/ bod kyi lo tsa ba pa ri rin chen grags pas bsgyur ba'o/ /sems can thams cad bde dang ldan gyur cig/ // */ (/rnal 'byor ma kun spyod kyi 'brel pa dpa' bo rdo rjes mdzad pa bzhugs//) //dpal 'khor lo sdom pa'i bshad pa'i rgyud rig pa rgya mtsho rgyud phyi ma 'di la dang po 'bri ka ra wa tis nor gling pa la phyag 'tshal ba ni/ gang gi drin gyis zhes pa la sogs pa ste go sla'o/ /rgyud la gnyis te/ rgyud 'byung ba'i rgyud dang rgyud dngos so/ /rgyud dngos la le'u bcu bdun te/ de yang bskyed pa'i rim pa bstan pa dang/ rdzogs pa'i rim pa bstan pa dang/ thun mong gi cho ga bstan pa dang gsum mo/ /de las dang po rgyud 'byung ba'i rgyud zhes bya ba lus rnam par bzhag pa ni/ /de nas zhes pa la sogs pa bstan te/ de las dang po thabs kyi rgyud bstan pa ni/ /de nas zhes pa la sogs pa tshig phyed dang gnyis kyis bstan te/ de nas zhes bya ba'i don ni rig pa rgya mtsho'i rgyud bshad nas/ rgyud phyi ma bshad pa'i don du gsol ba btab pa'i rjes la bshad pa de nas ro?/ /yang dag ces pa ni/ bskyed rim dang rdzogs rim/ kun tu spyod pa ni sam tsar zhes mnyam par spyod pa ste
- 150b
bskyed rim la dpa' bo gcig pa dang/ dkyil 'khor 'khor lo'i dpa' bo dang dpa' mo gnyis su med par spyod pa'o/ /rdzogs rim la thabs bzhi dang shes rab bzhi mnyam pa ste gnyis su med par spyod pa'o/ /cho ga zhes pa ni thabs sam lam mo/ /de nyid gzhan las khyad par du gyur pas mchog go /kun du spyod pa de nyid kyi dbye ba bstan pa'i phyir 'khor lo bdag ces smos so/ /de la rdzogs rim gyi dbang du byas na 'khor lo gsum mo/ /rtsa dang rlung dang sems kyi 'khor lo'o/ /de gsum gyi bdag nyid 'di bsgom pa 'di ni rnal 'byor gyi lam rdzogs pa'i rim pa'i lam la gnas pa'o/ /de yang ji ltar gnas she na/ lugs 'byung zhes pa la sogs pa ste/ lugs 'byung ni 'khor lo gsum gyi bye brag gis byang sems 'thur la 'bab pa dang/ dbugs phyir rgyu ba dang/ sgyu ma lta bu gsum go rim bzhin no/ /lugs bzlog pa ni gtum mo gyen la 'bar ba dang/ rlung nang du 'jug dang/ stong pa nyid bsgom pa dang gsum mo/ /bskyed rim la phyogs lugs bzlog mtshams lugs 'byung ngo/ /de lta bu'i thabs de rtsa ba'i rgyud rnams su spangs pa ltar mi rtogs par gnas pa'i kun tu spyod pa de ni thabs kyi rgyud do/ /nga ni 'bras bu'i rgyud bstan pa'i phyir/ /bstan pa ru ni zhes pa tshigs bcad gcig gis bstan te/ sprul sku la sogs pa gsum dang/ tshig rkang dang po gsum rim bzhin du sbyar ro/ /brnga'i cho ga zhes bya ba ni rnal 'byor ma rnams kyis gsum la bstan pa la sogs pa brda bstan pa'o/ /de la bstan pa ni sprul sku gdul bya la snang ba'o/ /de gang las byung snyam pa las longs sku las byung zhes pa ni bshad pa'o/ /de yang chos sku'i ngo bo 'am rnam par yin zhes pa ni shin tu bshad do/ /gang zhig ces pa rkang pa brgyad kyis rgyu'i rgyud bstan te/ gang zhig ni bskyed rdzogs gnyis so/ /shes pa zhes pa ni nyams su blangs pa'o/ tsam zhes pa ni rgyu lhag pa bzhan 'gog pa'o/ /sgrub pa po ni rnal 'byor pa'o/ /yis zhes
- 151a
pa ni thabs de dang ldan pa'i rnal 'byor pas bsgrubs na'o/ /grub thob ces pa ni dngos grub gsum mo/ /de ltar na thabs 'ga' zhig bstan pas dngos grub thob par 'gyur ba'i rnal 'byor pa khyad par can de ni rgyu'i rgyud do/ /sum cu zhes pa rkang pa bzhi yis thabs kyi yan lag bstan te/ sum cu rtsa bdun ni byang chub kyi phyogs so/ tshul gyis zhes pa ni ngo bo 'am sgo nas so/ /byang chub phyogs pa la gnas ces pa ni kun kyang mthar byang chub kyi phyogs kyi tshes sum cu rtsa bdun gyi ngo bor gnas shing bsgom zhes pa'o/ /de'i don ni rtsa dang rlung dang mtshan bcas gang bsgoms kyang/ mthar mtshan med stong nyid bsgom zhes pa'o/ /de lta bu ni rnal 'byor pas 'jig rten du bsgom byar bshad pa'i dpal he ru ka thob pa'i rgyu'i gtso bo yin no/ /de ltar rgyud 'byung ba'i rgyud bshad nas nga ni rgyud dngos la le'u dang po bskyed pa'i rim pa'i yan lag phung po khams dang skye mched byin gyis brlab pa ni de la zhes pa la sogs pas bstan te/ thog ma zhes bya ba ni thun nam sgrub thabs kyi'o/ /rnal 'byor pa ni zhi gnas dang lhag mthong dang ldan pa'o/ /dbang phyug ni thabs ma tshang ba med pa'o/ /phung po lnga zhes pa ni mtshon pa ste/ skye mched dang khams kyang bzung ste tha mal pa'i phung po dang skye mched dang khams so/ /nga rgyal bskyed pa ni dbugs dbyung gi lam gyis tha mal pa bkag nas lha'i rnam dag tu bsgom pa'o/ /rgyas bshad las gzugs kyi phung po ni dmigs pa'i yul/ de chu zla lta rtogs pa ni rnam par snang mdzad/ shes pa de nyid me long lta bu'i ye shes so/ /de bzhin du kun la sgre'o/ /rdo rje nyi ma la sogs pa ni drag po 'jigs byed 'dul ba'i dus kyi ming ngo/ /de bzhin gshegs pa thams cad kyi bdag nyid ces pa ni/ phung po lnga sgyu ma lta bu'i ngo bo ni rigs lnga yin la de'i chos nyid stong pa'i ngos nas dpal he ru ka ste/ de yang phung
- 151b
po lnga char gyi chos nyid yin pas na thams cad kyi bdag nyid do/ /gti mug rdo rje la sogs pa ni sa'i snying po dang/ phyag na rdo rje dang nam mkha' i snying po dang spyan ras gzigs dang sgrib pa rnam par sel ba dang/ kun tu bzang po la drag po'i 'jigs byed 'dul ba'i dus kyi ming ste/ de la gti mug chen po ni rnam par snang mdzad de/ de'i rigs yin pas gti mug rdo rje'o/ /de bzhin du kun 'dre'o/ /ltung byed ma la sogs pa yang sangs rgyas spyan la sogs pa'i ming ngo/ /de ltar zhes pa rnams kyis mjug bsdu ba bstan to/ /'di skad ston te 'od zer rang gi lus la phog pas rkyen byas nas phung po la sogs pa sgyu ma ltar rtogs pa de nyid lha rnams kyi rnam par dag pa 'am don yin pa de bsgom par bya'o zhes pa'i don to/ /le'u dang po'i bshad pa'o// // le'u gnyis pa dang gsum pa ni bskyed rim gyi yan lag sems kyi bde mchog 'khor lo bstan te/ de yang byang chub kyi phyogs kyi chos sum cu rtsa bdun la gnyis te/ byed pa las byung pa ste/ rgyu'i gnas skabs dang/ gnas pa las gyur pa ste 'bras bu'i gnas skabs so/ /de la rgyu'i gnas skabs su rim gyis bsgom la/ 'bras bu'i gnas skabs ni cig car bsgom pa'o/ /rnal 'byor pa yang 'bras bu'i lam du byed pas cig car bsgom pa ste/ de yang bskyed pa'i rim pa la dpa' bo rnams sgyu ma lta bu la dpa' mo rnams stong pa nyid du bsgom pa'o/ /de lta bu de bstan pa'i phyir de nas ces pa la sogs pa bstan te/ byang chub phyogs ni 'og nas ston pa rnams so/ /lha'i sbyor ba sbyar ba zhes pa la lha'i sbyor ba ni sum cu rtsa bdun gyi tshul gyis so/ /sbyor ba ni byang chub phyogs la sbyor ba ste/ de yang rnal 'byor pas lha sum cu rtsa bdun rang gi sems kyi snang ba yin par bsgoms la/ 'bras bu'i gnas skabs na byang chub phyogs sum cu rtsa bdun gdul bya la lha sum cu rtsa bdun du snang ba'o/ /des na rgyu dang 'bras buAm/ mtshon bya mtshon byed do/ /de thams cad kyang
- 152a
ces sa rnams kyis ni sbyar bya byang chub phyogs bstan te/ de la tshogs lam gyi gnas skabs kyi gang zag gis/ /lus dang tshor ba dang chos dang sems ni dmigs pa'i yul lo/ /dran pa dang shes rab ni dmigs pa'i yul can no/ /nye bar gzhag ces pa ni zhi gnas so/ /'dun pa la sogs pa ni grogs so/ /rdzu 'phrul ni nam mkha' la 'gro ba la sogs pa'o/ /rkang pa ni rgyu ste ting nge 'dzin no/ /rtse mo'i gnas skabs nyid dang pa la sogs pa lnga rang gi rigs 'dra ba bskyed pa la rang dbang yong pas dbang po'o/ /bzod pa dang chos mchog gi gnas skabs kyi dad pa la sogs pa ni rang gi rigs mi mthun pa'i phyogs kyis mi brdzi bas stobs so/ /byang chub ni mthong ba'i lam gyi ye shes so/ /de yan lag ni shes rab la sogs pa'o/ /yang dag pa ni phyin ci ma log pa'o/ /lta ba la sogs pa ni go sla'o/ /yang dag par spong ba phyis bshad pa ni lha'i rim pa'o/ /de ltar zhes pa rnams mjug bsdu ba'o/ /byang chub ni zad pa dang mi skye ba shes pa'o/ /de'i phyogs ni de dang mthun par ro/ /le'u gnyis pa'i bshad pa'o// // de ltar sbyar bya bshad nas de la lha'i sbyor bas bshad pa ni/ de la zhes pa la sogs pa rnams kyis bstan te/ lus dran pa nye bar gzhag pa ni mkha' 'gro ma'o/ /zhes pa ni lus dran pa nye bar gzhag pa ni mkha' 'gro mar snang ngo zhes pa'o/ /snang ba'i rgyu ni lhan cig byed pa'i rkyen sems can gyi mos pa'i dbang gis so/ /de bzhin du kun kyang 'dre'o/ /le'u gsum pa'i bshad pa'o// //de nas ces pa la sogs pas ni lus kyi bde mchog mdor bstan te/ yang dag bshad bya ba zhes pa ni lus kyi bde mchog go / dpa' bo ni nyi shu rtsa lnga'o/ /dpa' mo ni sum cu rtsa bdun no/ /gnyis med ni thabs shes rab snyoms par 'jug pa'o/ /dam pa ni zag med kyi snad pa'o/ /de rnams kyang he ru ka dpal sku'i yan lag ces pa dpal he ru ka'i chas so/ /yan lag kun ni zhes pa
- 152b
lus la lha drug cu gnas pa'o/ /rgyas bshad ni sen mo la sogs pas bstan te/ sen mo dang so la ni zhes pa dang mtshan par byed pa ste/ sen mo dang so skyed par byed pa'i khams gnas pa'i rtsa ni mgo la yod pas na gnas der bsgom zhes pa'i gnas mchog pa'o/ thod pa'i dum bu ni mtshon la ste/ rab sgyu ma dang gnyis su med par bsgom pa'o/ /de bzhin du kun 'dre'o/ /de'i don ni 'di yin te pu la sogs pa'i yi ge la sogs par nyi ma'i dkyil 'khor brgyad bsam/ de rnams su hUM las thugs kyi dpa' bo dpa' mo brgyad cig car bskyed pa'o/ /de bzhin du A:las gsung gi dbang po dpa' mo brgyad bskyed do/ /oM las sku'i dpa' bo dpa' mo brgyad do/ /de bzhin du bu ga brgyad la lha mo brgyad bskyed do/ /snying ga'i rtsa bzhi la yum bzhi/ dbus su bcom ldan 'das yab yum/ mtshams bzhir bum pa bzhi bskyed do/ /rdzogs pa'i rim pa la ni rtsa dang khams kyi rang bzhin du bsgom mo/ /le'u bzhi pa'i rnam par bshad pa'o// //da ni le'u gnyis kyis sprul pa'i 'khor lo bstan te/ dang pos ni rten dang brten pa'i dkyil 'khor bskyed pa dang/ lha rnams kyi grangs dang gnas bstan la/ gnyis pas ni mdog dang phyag mtshan la sogs pa bstan to/ /de las dang po mdor bstan pa ni/ de nas ces pa la sogs pa rkang pa bzhis bstan te/ gzhan yangs pa ni lus kyi 'khor lo las gzhan sprul pa'i 'khor pa bshad par bya'o/ /dngos grub thams cad ni gsum mo/ /sgrub par byed pa ni bskyed pa'i rim pa'o/ /de gang gis shes shing bsgoms pa tsam gyis sgrub pa po dngos grub 'grub par 'gyur ba'i bskyed pa'i rim pa de bshad ces pa'o/ /rgyas bshad las dang po ni ji ltar zhes pa la sogs pa ste/ nang gi bdag nyid ces pa'o/ /rgyas bshad las dang po ni ji ltar ces pa la sogs pa ste/ nang gi bdag nyid ces pa ni grub pa dper byas pa ste/ rang gi lus kyi gnas lugs la 'byung ba bzhi dang/ yul gzhal yas khang
- 153a
dang/ gnas nyi shu rtsa bzhi la sogs pa ji ltar gnas pa de bzhin du phyi'i dkyil 'khor dam pa yin te/ phyi rol du yang 'byung ba rims brtsegs la sogs pa sngon du song ba'i bskyed pa'i rim pa'i dkyil 'khor bsgom ces pa'o/ / de yang ji lta bu zhig bsgom zhe na/ dam pa ste zhes pa zag med kyi snang ba ste/ sngon sprul pa'i sku ji ltar 'byung ba de bzhin bsgom zhes pa'o/ /de nyid bshad pa ni rnam rgod ces pa la sogs pa smos te/ rnam rgod ces pa ni rten dang brten pa'i dkyil 'khor ji ltar sbyar ba ni zhes pa ni bskyed pa'i rim pa'i man ngag gis so/ /de ji lta bu zhe na snying po thams cad bsdus pa ste/ snying po dngos grub gsum mo/ /bsdus ni 'byung ba'i rgyu'i bskyed pa'i rim pa'i man ngag de yang rten dang brten pa'i zhes pa la sogs pas bsgom pa'i rim pa bstan te/ rten ces pa ni 'byung ba bzhi'o/ /brten pa ni ri rab sna tshogs rdo rje pad+ma'o/ /yang ni de rnams kyi gzhal yas khang ni rten no/ /brten pa ni lha'o/ /tshul zhes pa ni go rims kyis so/ /bai raM ba ni yaM las byung ba'i rlung ngo/ /sogs zhes pa ni me dang chu dang sa dang ri rab la sogs pa'o/ /gnas zhes pa ni gnas par sgom zhes pa'o/ /de yang 'byung ba rim rtsegs sngon du song bas rdzus skyes sam sgong skyes sam/ drong? skyes sam/ mngal skyes gang rung gi lha rnams bsgom par bya'o/ / shin tu rgyas bshad ni/ bla ma zhes pa la sogs pas bstan te/ de yang bskyed pa'i rim pa ji lta bu'i chul gyis bsgom zhe na/ bla ma las brgyud ces pa smos te/ bsgom pa'i rim pa de slob dpon gcig nas gcig tu brgyud pa'i man ngag gis so/ /gang gis zhes pa rnal 'byor pa cho ga gang gis gdams ngag brgyud pa'o/ /shes pa zhes pa ni rnal 'byor pa ste rten gyi gang zag go /ri ni gsum las byung ba'o/ /sna tshogs pad+ma ge sar dang bcas pa ni h+rI:las byung ba'o/ /de'i dbus na bzhugs pa ni gtso bo yab yum mo/ /
- 153b
pad+ma'i phyogs kyi gnas ni shar la sogs pa'i 'dab ma la'o/ /sna tshogs gzugs ces pa ni sngo ba dang ljang ba dang dmar ba dang ser ba'o/ /rnam rol ni de'i nyams dang ldan pa'o/ /mtshan gyi ni pad+ma'o/ /pu la sogs dang yang dag sbyar zhes pa ni/ pu la sogs pa'i yi ge nyi shu rtsa bzhis mtshon pa'i nyi shu rtsa bzhi'o/ /yul dang yul du gnas pa yin zhes pa ni ming nyi shu rtsa bzhis brjod pa'i yul nyi shu rtsa bzhi'i phyi rol du 'dzam bu'i gling gi yul rtsa bzhir gnas la nang du rnal 'byor pa'i lus po la yul nyi shu rtsa bzhir gnas pa'o/ /spyan drangs pa'i 'khor lo'i dbus gnas la rnal 'byor rig pas rtag tu mchod ces pa ni go bskon ye shes sems dpa' spyan drangs nas dam tshig sems dpa' la bcug/ dbang bskur ba'i rjes la gzhal yas khang gi dbus na gnas pa mchod zhes pa'o/ /pu zhes pa la sogs pa go sla'o/ /gnas ces pa la sogs pa mi'i skad du yul la lha rnams kyis brdar btags pas gnas zhes bya/ dri za rnams kyis nye ba'i gnas zhes bya/ gnod sbyin dang gnod sbyin gyi 'khor gyis zhing dang nye ba'i zhing/ srin po dang srin po'i 'khor gyis tshan do dang nye ba'i tshan do ha/ klu dang klu'i 'khor gyis 'dus dang nye pa'i 'dus/ lha ma yin dang lha ma yin gyis dur khrod dang nye ba'i dur khrod ces ming btags so/ /de dag kyang sngon de rnams kyis bzung ngo/ /thugs kyi 'khor lo ces pa 'dul byed nam mkha' la rgyu ba gdul bya gsung gi 'khor lo 'dul byed sa la rgyu ba gdul bya/ sku'i 'khor lo 'dul byed/ sa 'og na gnas pa gdul bya'o/ /de ltar zhes pa la sogs pas ni sprul pa dang sems kyi bde mchog rnams mtshan ma thob kyi bar du ni bsgom zhes pa'o/ /le'u lnga pa'i bshad pa'o// //de nas zhes pa la sogs pa ni sku mdog dang phyag mtshan la sogs pa bshad par dam bca' pa bstan te/ bdag po la sogs ces pa gtso bo dang 'khor ro/ /mtshan ma ni phyag mtshan no/ /phyag
- 154a
rgya'i tshogs ni drug go /rang mdog ni sku mdog go /phyag mtshan ni 'dzin stangs so/ /bzhugs tshul ni g.yas brkyang ba la sogs pa'o/ /rgyud du sbas pa ni rtsa ba'i rgyud du'o/ /rgyas par bshad pa ni rgyal chen ces pa la sogs pas bstan te go sla'o/ /rdo rje dang dril bu ni shes rab kyi pha rol tu phyin pa/ glang po che'i lpags pa bzod pa dgra sta tshul khrims rtse gsum sbyin pa/ gri gug ye shes/ Da ma ru smon lam kha TwAM ga bsam gtan/ thod pa thabs zhags pa brtson 'grus/ tshangs pa'i mgo bo stobs/ sku gsung thugs kyi rdo rje ces pa ni 'khor lo gsum gyi lha'o/ /yi ge gsum ma dngos grub kyi ces pa ni/ oM A(rgyud 'grel): hUM gsum las skyes pa'o/ /de'i ces pa'i dbang du byas nas lus skyes pa'o/ /de'i ces pa la sogs pa ni phan yon no/ /le'u drug pa'i bshad pa'o// //da ni bskyed pa'i rim pa'i yan lag gi go cha bskon pa bshad pa las dang po mdor bstan pa ni/ de nas ces pa bzhis bstan te/ de nas ces pa ni bsgom pa'i dbang du byas nas lus kyi 'khor lo'i rjes la yin la/ bshad pa'i dbang du byas nas sku mdog dang phyag mtshan bstan pa'i rjes la'o/ /gong ma gnyis ni yab yum gyi'o/ /shes pa zhes pas ni bsgoms pas so/ /sbas pa ni rtsa ba'i rgyud do/ /rgyas par bshad pa ni/ oM zhes pa la sogs pas bstan te/ de la oM na ma swAhA po ShaT hUM hUM phaT ces pa ni bcom ldan 'das don yod grub pa'i he ru ka'i sngags so/ /de drug tu bgos nas ha hi hu he ho haM drug dang sbyar bas go cha'i sngags su 'gro'o/ /de yang oM ha ces pas snying gar rdo rje sems dpa' dkar po rdo rje dang/ dril bu bsnams pa'o/ /na ma hi zhes pas mgo bor rnam snang ser po 'khor lo dang dril bu bsnams pa'o/ /swAhA hu zhes pas spyi gtsug tu pad+ma gar dbang dmar po pad+ma dang dril bu bsnams pa'o/ /pau ShaT he zhes pas
- 154b
brag par he ru ka sngon po rdo rje dang dril bu bsnams pa'o/ /hUM hUM ho zhes pas mig la rdo rje nyi ma ser po rin po che dang dril bu bsnams pa'o/ /phaT haM ces pas mdzod spu dang lag pa'i mkhrig ma gnyis dang/ rkang pa'i long pu gnyis la rta mchog ljang gu sna tshogs rdo rje dang dril bu bsnams pa'o/ /oM haM h+reM h+riM? hUM phaT ces pa ni yum gyi nye pa'i sngags te de dang lha mo drug gi ming mtshan gyi dang po drug dang sbyar bas yum gyi go char 'gyur ro/ /de la oM baM las ste bar phag mo haM yoM las snying gar gshin rje ma/ hiM maM las khar rmongs byed ma/ h+reM triM las mgo la skyong byed ma/ hUM hUM las spyi bor sgras byed ma/ phaT phaT las yan lag lngar gtum mo ste/ dmar pa dang ser pa dang/ dkar ba dang du ba'i mdog dang sngon po ljang ba ste/ kun kyang zangs gri dang ka pA la 'dzin pa'o/ /bcom ldan 'das yab yum la bkod pas dpa' bo dpa' mo kun la byung bar bsam le'u bdun po des ni bskyed pa'i rim pa bstan to/ /le'u bdun pa'i bshad pa'o// //da ni bskyed rdzogs thun mong gi ye shes sems dpa' dgug pa'i cho ga bstan pa las/ /de nas ces pa rkang pa bzhis mdor bstan/ /de las ces pa go cha'i rjes la'o/ /go cha gnyis shes nas zhes pa rnams kyis bsgom pa'i go rim bstan to/ /de yang dang po go cha bskon pa de nas ye shes sems dpa' spyan drangs la sngags dang phyag rgyas gzhug ces pa'o/ /rgyas bshad las dang po bskyed rims kyis bstan pa ni/ rkang pas ces pa la sogs pas bstan te/ rkang pa mnan pa ni rkang pa'i phyag rgya'o/ /steng du blta ba ni mig gi phyag rgya pheM gyi sgra sgrogs pa ni dag gi phyag rgya'o/ /mdzub mo mdung byas lag pa'i phyag rgya'o/ /de ltar phyag rgya bzhis ye shes sems dpa' spyan drang ba ni rdo rje'i tshig 'di gang zag gsum dang sbyar na mdzub mo mdung byas chags lam la thabs shes rab 'khyud ba/ grol lam pa la g.yas g.yon rlung bkag pa rang lhag par gnas pa la rtag chad kyi mdza' bkag pa'o
- 155a
gung mo nges par sbyar ces pa ni/ dang po la gsang ba'i rdo rje dang pad+ma sbyar ba gnyis pa la rlung dbu mar gzud pa gsum pa la dbu ma'i lam la sbyar ba/ mthe bong rdo rje brtan por nges par sbyar ba ni dang po la a ba d+hU tI'i sgo sprad pa/ gnyis pa la lte ba sprul pa'i 'khor lo'i dbus su a ba b+hU tI sbyor ba/ gsum pa la so sor rtog pa'i shes rab kyi dmigs pa'o/ /de ni dpral ba'i phyogs su rab bzhag pa ni/ dang po nam mkha' i rtsa sbrang pa/ gnyis pa la a ba d+hU ti spyi gtsug tu bsgom pa/ gsum pa la chos kyi dbyings la dmigs pa'o/ /gcu zhing gcu zhing bskor ba ni/ dang po la hUM phaT kyis bskyed pa gnyis pa la gnyis po g.yas g.yon srub thag gis bsrub pa gsum pa la thos bsam sgom gsum gyis sbyang ba'o/ /rkang pas mnan pa ni dang po dang gnyis pa la bshad pa'i rlung dgag pa/ gsum pa la mdza' gnyis dgag pa'o/ /steng du lta ba la dang po dang gnyis pa la 'khor lo bzhi la dmigs pa/ gsum pa la lam lnga la dmigs pa/ gyen du pheM gyi sgra sgrogs pa ni/ dang po dang gnyis pa gtum mo spar ba/ gsum pa la gsung rab mdo sde yan lag bcu gnyis kyis gzhan don bya ba'o/ /phyogs bcu'i 'jig rten khams na bzhugs pa'i dpa' bo rnal 'byor ma dgug pa ni/ dang po gnyis la spyi gtsug rtsa sum cu rtsa gnyis nas byang sems dgug pa'o/ /gsum pa la rang gi rgyud rdzogs pa'i ye shes sems dpa' dgug pa ni sngags pas zhes pas bstan te/ sngags pa ni chags lam pa bde ba'i ting nge 'dzin bsgom pas so/ /dpa' bo ni rang ltar bsgom pa/ rnal 'byor ma ni rig ma lha mor bsgom pa/ byin gyis brlab pa ni sngags kyis so/ /de ni sna rtser sbyar ces pa ni gsang ba'i rdo rje la'o/ /bya ni rig ma la'o/ /lte ba ni sprul pa'i 'khor lo/ snying ga la sogs par yang chos dang longs spyod dang bde ba chen po'i 'khor lo'o/ /sngags kyi tshogs
- 155b
dang bcas pas byin gyis brlab ces pa ni/ 'khor lo bzhi la rlung gis mtshon byed yi ge dgong pa'o/ /lte ba snying ga dag tu zhes pa ni rig ma'i'o/ /rnal 'byor ma ni yum gyi snying po'o/ /sangs rgyas mkha' 'gro ma'i sngags ni yum gyi nye ba'i snying po ste de gnyis dgong pa'o/ /a ba d+hU tIr rtsa zhes pa ni rang gi snying ga dang lte ba la'o/ /dpa' bo byin brlabs zhes pa ni bcom ldan 'das kyi snying po dang nye ba'i snying pos byin gyis brlabs pa'o/ /rnal 'byor ma dang dpa' bo gnyis med zhes pa ni thabs shes rab snyoms par 'jug pa'o/ /dang por dga' ba dpa' bo ste zhes pa ni dga' ba rang bzhin sum cu dang bral ba'o/ /mchog tu dga' ba rnal 'byor ma zhes pa ni bde ba 'phel ba ste/ mchog dga' rang bzhin bcu dang bral ba'o/ /rab tu dga' ba ma lus nyid zhes pa ni/ lhan cig skyes pa yid bde ba rang bzhin bdun dang bral ba'o/ /bde de zhes pa ni gong gi dga' ba gsum zhi gnas de la'o/ /thabs kyis zhes pa ni bla ma'i man ngag gis so/ /kun rig pa zhes pa ni sems kyi stong nyid rtogs pa'i don gyi lhan skyes 'byung zhes pa'o/ /lha yul thugs kyi 'khor los stengs gsung/ /sa 'og sku'o/ /skad cig gis ni ces pa ni gtum mo sbar nas byang sems phab pas rtsa bkang ba'i dus su gzugs gcig 'gyur zhes yul thams cad bde ba ro gcig pa'o/ /da ni thun mong gi yan lag bshad de/ bsdu ba de gnyis ces pa ni bskyed rdzogs gnyis kyi ye shes sems dpa' bkug pa'i rjes la gzhug pa'o/ /g.yas dang zhes pa rnams ni lag pa g.yas g.yon bskor bas/ mkha' 'gro ma'i bde ba dam pa zhes pa snying po'i phyag rgya gzhug/ yang na bde ba dam pa ces pa dam tshig sems dpa' la bya ste de la gzhug go /spyi bor gsal byed rtsa gnyis dang/ dbyangs yig nyis 'gyur/ de la lte ba sbrul pa'i 'khor lo dbyangs yi ge bcu drug phrag gnyis dang gsal byed sum cu rtsa bzhi las dang po tha ma bzhag pa dgod/
- 156a
snying khar i u e o bzhi dang/ ya ra la wa bzhi ste/ brgyad dgod/ a lkog mar dbyangs yig bcu drug/ rdzogs rim pa g.yas dang g.yon gyi zhes pa rnams g.yas g.yon gyi rlung dbu mar gzhug pa'o/ /le'u brgyad pa'i bshad pa'o/ /da ni 'bras bu'i rgyud bshad do/ /de las dang po mdor bstan pa ni/ de nas zhes bya ba rkang pa bzhis bshad de/ sprul pa'i skur shes par bya ba'i mtshan nyid dang/ longs sku'i mtshan nyid shes par 'dod pa de nyid cig ces pa'o/ /theg pa chen po zhes bya ba ni rnam par mi rtog pa'i ye shes te 'dir 'dod pas so/ /phyag rgya zhes bya ba ni chos kyi dbyings dang ye shes dang/ gnyis su med de chos sku'o/ /rnal 'byor ma'i rgyud du chos sku de lta bu bsgom pas 'bras bu chos sku'i dngos grub steng bar byed pa de bshad par bya yis nyon zhes par sbyar ro/ /rgyas bshad las dang po chos sku bstan pa ni/ phyag rgya chen po zhes pa la sogs pas bstan te/ phyag rgya chen po ni chos kyi dbyings so/ /rnal 'byor kun zhes pa ni shes byed ni zhi gnas dang lhag mthong ngo// de'i yul du phyag rgya chen po las lhag pa'i yul mchog gzhan med ces pa'o/ /he ru ka dpal rgyal po che zhes pa ni shes byed mchog tu gyur pa'o/ /rnal 'byor kun gyi dbang phyug rgyal zhes pa ni gong gi zhi gnas lhag mthong de chos sku'i byed pa po mchog tu gyur par bshad pa'o/ /da ni sprul sku bshad pa/ mkha' 'gro ma'i zhes pa la sogs pa ni mkha' 'gro ma ni dra ba'i sngom?/ nam mkha' dang mnyam zhes bya ba le'u 'bum pa dang shlau ka 'bum pa nas bshad pa de blangs nas brjod par byas pa'o/ /brjod bya de gang zhes kun mkhyen ye shes rang bzhin te zhes pa ye shes kyi rang bzhin nam/ rnam pa ste sprul sku'o/ /de yang he ru ka dpal dpa' bo mchog ces pa 'bras bu'i he ru ka'o/ /skye bo dam pa kun 'dus pa ni tshogs 'khor ro/ /zhi ba'i btung ba ni dngos so/ /'grub 'gyur
- 156b
zhes pa ni/ rgyu de las grub pa'i 'bras bu sangs rgyas so/ /rtag pa ni sangs rgyas dang/ byang chub sems dpa' o/ /go 'phang zhes pa ni de'i ngo bor sbrul sku'o/ /skyon med pa ni ye shes kyi snang ba'o/ /pu la sogs ces pa longs sku bstan te/ pu la sogs pa gnas nyi shu rtsa bzhir bsdu zhes pa ni sa bcur ro/ /yul ni gnas la sogs pa yul du nye ba'i gnas la sogs pa ste lus rnam par gnas so/ /he ru ka dpal bdag nyid dgong ces pa ni/ he ru kar byas pa'i lus la'o/ /yi ge nyi shu rtsa bzhi zhes pa ni/ pu la sogs pa'i ming gis brjod par bya ba'i yul nyi shu rtsa bzhi rang gi lus la bsgom pa ni rgyu'i longs spyod rdzogs pa'i sku'o/ /rnal 'byor che ni lus kyi bde mchog gi rnal 'byor la'o/ /mdor bsdus pa ni longs sku dang sprul sku'i mtshan nyid do/ /mdor bsdus nas bshad ces pa'o/ /de dag kyang ji lta bu zhe na/ rab tu 'jug ces bya ba ni sku gnyis po de gzhan gyi don sems can gyi don du 'jug pa snang ba'o/ /da ni chos su'i shin tu rgyas bshad ni ldog pa zhes pa la sogs pa ste/ de la ldog pa zhes pa ni chos sku de sems can gyi don du gzhan la snang bar mi 'jug pas ldog pa zhes pa'o/ /ji ltar bstan pa ni bshad bya sgrub pa po rnams nyon zhes pa'o/ /sh+rI ni gnyis med ye shes zhes pa ni gzung 'dzin dang bral ba'o/ /rgyu sogs spangs pa ni mtshan ma med pa'o/ /bkod pa dang bral ba stong pa nyid do/ /gang du mi gnas pa ni smon pa med pa ste/ de'i rang bzhin stong pa ste zhes pa rnam thar sgo gsum gyi rang bzhin no/ /kun du 'gro ces pa ni kun la khyab pa'o/ /mi shigs pa zhes pa ni glo bur rnam rtog gis tshur la mi tshugs pa'o/ /mdor bsdus nas ni chos sku sems kyi stong nyid dang ngo/ /dngos grub ni chos sku thob par 'gyur ba'o/ /chos dang zhes pa rnam pa gsum ka'i mjug bsdu ba'o/ /le'u dgu pa'i bshad pa'o// //da ni thun mong gi yan lag tshogs kyi 'khor lo dang/ gtor ma'i
- 157a
le'u ston te/ de nas zhes pa rkang pa bzhis ldang ba'i rnal 'byor bstan te/ dub pa ni bsgom bzlas kyis dub nas ldang bar 'dod na bsdus pa spyod tshul zhes pa la sogs pa snying gar bsdu ba'o/ /khyad par gyi sbyor ba dang bral bar mi bya ba ni dus thams cad du lha'i nga rgyal dang mi 'bral bar thun mtshams he ru kar bsgom zhes pa ste/ spyod pa'i rnal 'byor zhes pa ni bag tsha ba med pa dang rigs ma nyams pa dang/ rnam par mi rtogs pa'i spyod pa gsum mo/ /da ni gtor ma'i cho ga bstan te/ sngar ni zhes pa la sogs pas sngon du bya ba'i cho ga bstan te/ gtor ma gtong ba'i sngon du sngar bshad pa bzhin bskyed pa'i rim pas lhar bsgom zhes pa'o/ /rang 'dod ces pa la sogs pa ni 'bras bu ste zhi ba la sogs pa'i phyir gtor ma btang zhes pa'i zla ba mar ngo zhes pa rnams kyis dus bstan te/ bcu dang nyi shu lnga'o/ /bshad pas zhes pa rnams kyis gtor ma'i rdzas bstan to/ /sngar bshad ces pa rnams kyis gtong ba'i thabs bstan te/ sngar bshad pa'i pheM phreM la sogs pa'i sngags dang phyag rgya dang bcas pa go cha bgos la spyan drang zhes pa'o/ /spyan drang ba'i khyad par sngags ni/ oM a ral+li ho zhes pa la sogs pa'o/ /dam tshig ces pa la sogs pas gtor ma byin gyis brlab pa bstan te/ shapda bdud rtsi lngar byin gyis brlab pa'o/ /rdo rje thal mo zhes pa dbul ba'i phyag rgya'o/ /oM a kA zhes pa sngags so/ /dpa' bo rnal 'byor ma mngon bzlas zhes pa spyan drangs pa'i dpa' bo dang rnal 'byor ma de mngon du byas la bzlas zhes pa ste/ gtor ma dbul ba'i sngags so/ /dpa' bo'i zhes pa rnams kyis bdag nyid rnal 'byor du bya ba bstan te/ gnas ri mthon po zhes pa ni ri rab kyi steng du 'dus pa'o/ /nye bar mtshon pa zhes pa ni/ chad la sogs pa ste 'byor tshad do/ /dgun zla 'bring po zhes pa la sogs pa ni mchog gi tshogs
- 157b
kyi 'khor lo bstan te/ dgun zla 'bring po'i tshes gcig la gnas kyi mkha' 'gro ma mchod/ de bzhin du gnyis pa la sogs pa la nye ba'i gnas kyi mkha' 'gro ma la sogs pa rnams mchod la tha mar tshes bcu la thams cad tshang ba la mchod la mchod pa'i tha mar gtor ma btang ngo/ /skye bo dam pa kun 'dus pa ni mi lhar bskyed pa'i rnal 'byor pho mo'o/ /bde ba thams cad ces pa ni gzugs la sogs pa 'dod yon lnga'o/ /bshos rnams ni rtsA ru la sogs pa'o/ /lhag ma snod du bzhag la gtor ma bya'o/ /de'i yan lag ces pa la sogs pa phan yon bstan te/ lag tu 'ongs pa zhes bya ba ni lag tu 'ongs ba dang 'dra bas na lag tu 'ongs pa ste/ dpal de zhi ba la sogs pa'i dngos grub bo/ /de nas ni zhes pa ni tshogs kyi 'khor lo'i lha ste rnal 'byor pho mo'o/ /he ru ka dpal dgyes pa ni rnal 'byor pa de rnams so/ /lag gnas zhes pa ni lag tu thogs pa'o/ /mtshan mo zhes pa la sogs pa ni gtor ma gtong ba'i spyod pa bstan pa'o/ /le'u bcu pa'i bshad pa'o// // da ni thun mong gi yan lag rgyu dang thabs dang 'bras bu'i rgyud gsum bstan de las dang po 'bras bu'i rgyud las chos sku bstan pa ni/ de nas zhes pa rkang pa bzhis bstan te/ pha rol tu phyin pa drug dang byang chub kyi phyogs kyi chos sum cu rtsa bdun dang/ sa bcu la sogs pa'i sangs rgyas kyi chos de rnams kyi rten ni ngo bo chos sku ste don dam pa'i lha'o/ /dngos po zhes pa la sogs pas gzugs sku rnam gnyis bstan te/ dngos po gang dang gang gis ni zhes pa ni gzugs sku gang dang gang gis so/ /mi rnams yid ni yang dag sbyor zhes pa ni/ gdul bya gang dang gang la mos so/ /de'i dngos 'gyur zhes pa ni/ gang mos pa de la der snang bar byed pa'o/ /sna tshogs gzugs can nor bu dang ba ni rkyen gos la sogs pas gzugs su du ma 'dzin pa bzhin lhan cig byed pa'i rkyen
- 158a
gdul bya'i bsam pa la bltos nas sku du mang snang ba'o/ /zhar la thabs kyi bye brag gis rnam pa ni de bzhin zhes pa la sogs pa ste/ 'jigs bcas ni las dang po pa'o/ /'jigs med ni mchog tu gyur pa'i rnal 'byor pa mtshan ma thob pa'o/ /bsam gtan dag gis ni las dang po yi'o/ /bsam gtan tsam gyis ni mchog tu gyur pa'i rnal 'byor pa'o/ /yang na de dag bskyed pa'i rim pa dang/ rdzogs pa'i rim pa la sbyar ro/ /spyod pa ni 'jig rten pa'i dngos grub grol ba ni mchog gi dngos grub/ log pa'i shes pa zhes bya ba la sogs pa dor bya'i gang zag mdor bstan no/ /bla ma'i zhes pa rnams kyis bslab bya mdor bstan to/ /bla ma'i rim pas ji skad bstan zhes pa ni bskyed rdzogs kyi don to/ /gang gis ni slob mas so/ /myur du shes pa ni bla mas bstan pa de'o/ /skye ba zhes pa la sogs pa ni tshe snga ma la sogs pa ste/ lha bsgoms pa'i bag chags sad pa'o/ /dad pa bskyed pa ni tshe 'di la'o/ /rnal 'byor spyod tshul ni zhi gnas lhag mthong ste tshe la gnas pa'o/ /lkugs cing la sogs pa dor bya rgyas bshad do/ /lkugs pa ni bzlas pa mi shes pa/ glen pa lha sgom mi shes pa/ byis pa'i shes pa ni dran pa g.yengs shing sems mi brtan pa'o/ /phyi rol bstan bcos mu stegs pa'i lta bas bslad pa'o// spyod yul gsang ba ni bskyed rdzogs gnyis so/ /blang bya'i rgyas bshad ni he ru ka dpal zhes pa la sogs pas bstan te/ he ru ka dpal yang dag 'jug ces pa ni ye shes phab pa'o/ /de yang sus phab ce na slob dpon bdag nyid chen po yis zhes smos so/ /myur du dngos grub bskyed pa ni ye shes phab pas so/ /'phral du yid ches pa yin zhes pa ni mngon shes la sogs pa bskyed pa'o/ /thabs kyi rgyud ni kun spyod ces pa la sogs pa ste/ de la kun spyod ni bshad zin to/ /cho ga'i bya ba ni bskyed
- 158b
rdzogs gnyis so/ /srid pa gsum po zhes pa la sogs pa ni phan yon no/ /mthong ba dang zhes pa la sogs pas ni grol lam pa'i rdzogs rims bstan te/ 'dod pa'i yon tan lnga las dga' ba bzhi'i ting nge 'dzin bsgoms nas stong pa'i rgyas btab na sdig pa las grol zhes pa'o/ /lha rnams bzlog pa zhes pa la sogs pas bskyed rims bstan to lha dgod pa lugs bzlog dang/ bsgom pa lugs byung lugs bzlog tu bsgoms pa'i bskyed rim gyi dkyil 'khor de ni snying po len pa 'am bsgrub pas dkyil 'khor ro/ sbyor sogs ni lhar bsgom pa bder gshegs dbugs dbyung ba zhes pa ni bskyed pa'i dgos pa ste/ dbugs dbyung gi lam mo/ /ngag pa'i lus ni lhar bsgom pa'o/ /bsod nams chung ba'i zhes pa la sogs pa ni rigs ngan zhing longs spyod chung bas kyang mnyes par byas na 'grub ces pa'o/ /le'u bcu gcig pa'i bshad pa'o// //da ni thun mong gi yan lag thabs kyi rgyud 'chad do/ de la dang por rnam par dag pa'i rnal 'byor bstan te/ srung ba la sogs pa'i dam tshig dang/ dkyil 'khor dang gzhal yas khang dang bzlas pa dang/ brtul zhugs dang sbyin sreg de bskyed pa'i rim pa dang 'brel pa de dag mi bya zhes pa'o/ /'o na ci bya zhe na mdor na sems 'dus tshul can yin zhes pas te/ sems kyi stong nyid rtogs par bya zhes pa'o/ /de ltar rtogs pa'i thad ka na srung ba la sogs pa ni dgos pa'o/ /da ni rnam shes dang ye shes kyi rang bzhin gyi rdzogs rim bstan te/ bzung bya ni yul lo/ /rnam shes ni dga' ba gsum mo/ /ye shes ni don gyi lhan cig skyes pa'o/ /de nas bla mas mngon sum du bstan pa de la ston par bya ba ste/ mngon sum lam de yang phyi rol gyi bstan bcos la lam de med pas so/ /rnal 'byor pa rnams zhes pa ni rnal 'byor pa bskyed rdzogs kyi thabs dang/ bla ma'i bsnyen bkur la brtson pa de la nye ces pa'o/ /da ni bskyed pa'i rim
- 159a
pa bstan te/ ston pa'i mtshan nyid he ru ka yab yum mo/ /dpa' bo ni dpa' bo nyi shu rtsa bzhi dang/ dpa' mo nyi shu rtsa bzhi'o/ /de nyid bskyed pa'i thabs so/ /skad cig rnam par zhes pa rdzus skyes so/ /rnal 'byor bdag ni dpal he ru ka'o/ /phyag rgya ni yum mo/ /kun nas thams cad ni rten dang brten pa'o/ /sngags brjod pa ni hUM brjod pa'o/ /dgod dang ces pa la sogs pas ni gdul bya 'dod chags can rnam pa bzhi'i don du de dang mthun pa'i gsang sngags kyi dbugs dbyung gi lam bstan zhes pa'o/ /gong nas gong du ces pa ni bskyed rim thog tu rdzogs rim bsgom ces pa'o/ /rnam pa gzhan rtswa dang 'dre zhes pa ni/ lam gzhan la 'bras bu med ces pa'o/ /da ni rdzogs rim 'chad de nyid ces pa srog d+hU tIr bcug pa'i rlung dbu ma de'o/ /mi 'gyur ba ni gnas pa'i rlung ngo/ /de nyid sangs rgyas ye shes zhes pa ni srog d+hU tir bcug nas stong pa'i rgyas btab de'o/ /skyes pa ni phyir rgyu ba'i rlung/ ma ning ni gnas pa/ sogs ni nang du 'jug pa'o/ /phra ba'i snying po 'dzin pa ni g.yas g.yon gyi rlung dbu mar bcug nas nam mkha' i rlung du byas pa'o/ /de la stong pa'i rgyas btab pa ni ye shes bdag 'byung ces pa'o/ /gang zhig 'chang ba zhes pa la sogs pa dang/ de med par ni zhes pa ni rlung dam srog d+hU tIr bcug pa med na'o/ 'di ni snying por zhes pa ni bde ba stong pa nyid 'di'o/ /da ni zab pa'i rdzogs rim bstan te/ 'gro ba 'di kun sangs rgyas lnga bdag nyid ces pa ni dbang bzhi po thob pa'i thad ka na'o/ /gar mkhan dag dang ri mo bzang ltar zhes pa ni dpa' o/ /bde chen ni bde ba stong pa nyid do/ /gcig pu'i nyams zhes pa sems 'od gsal de nyid do/ /du ma'i gar mdzad pa ni du mar snang ba'o/ /da ni bskyed pa'i rim pa 'chad de/ 'dug dang zhes pa la sogs pa de nyid dag bstan te 'dug pa ni lnga'o/ /ldang ba ni bdun no//
- 159b
'jug pa ni nyi zla'i bar du sems 'jug pa'o/ /rdzogs pa ni gsum mo/ /byin gyis brlab pa ni gnyis so/ /dbang bskur ba ni gcig go /ting nge 'dzin ni gnyis so/ /mchod pa gsum mo/ /nye bar bsdu ba gnyis so/ /de ltar dgu po de bskyed pa'i sdom mo/ de nas cho ga'i ming gzhan zhes pa ni/ gong gi de nyid dgu las gzhan pa'i ming gis brtags pa'o/ /thabs dang shes rab ni A li kA li'o/ /de nyid du ni kun bskyed ces pa ni yi ge gsum gyis byin gyis brlabs pa lha rnams bskyed pa'o/ /'di ni bcom ldan 'das zhes pa ni thabs dang shes rab kyi ngo bo yi ge de'o/ /lha kun ni drug cu rtsa gnyis so/ /sngags rnams kyi ni zhes pa ni sngags thams cad A li kA li las byung ba'o/ /lha la sogs rgyan yin zhes pa ni lus kyi gnas rnams su pu? la sogs pa bkod pa'o/ /da ni mtshan bcas kyis rdzogs rim bstan te/ A li ni shes rab kyi rang bzhin lte ba'i thig le'o/ /kA li thabs snying ga'i thig le'o/ /mdun bsam ni mngon du byas pa'o/ /rnal 'byor chen pos gnas pa mtshan bcas kyi rdzogs rim la gnas pa'o/ /zla ba'i dkyil 'khor legs rdzogs pa/ /lte ba'i rtsa bar gnas par bsgom zhes pa ni/ lte bar gtum mo sbar bas snying ga'i byang sems phab nas lte ba'i khrag dang ro gcig par bya'o/ /yi ge zhes pa ni bde ba'i thig le'o/ /sku gsung thugs ni dag pa gsum mo/ /rdo rje ni rang bzhin brgyad cu dang bral ba'o/ /lha'i bde ba'i ting nge 'dzin to/ /de ni zhes pa rnams ni mtshan med do/ /gzugs las 'das pa ni gzung ba bkag pa/ dngos po med pa 'dzin pa bkag pa/ bsam gyis mi khyab pa gzung 'dzin gnyis su med pa'o/ /le'u bcu gnyis pa'i bshad pa'o// //de ltar bskyed rdzogs thun mong gi yan lag le'u lnga bshad nas/ da ni rdzogs pa'i rim pa'i le'u bstan te/ de yang de nas zhes pa la sogs pas mdor bstan te/ dpa' bo nyi
- 160a
shu rtsa bzhi/ rnal 'byor ma sum cu rtsa bdun no/ de gang du bsgom zhe na/ he ru ka dpal rnal 'byor che/ zhes pa rnal 'byor pa'i lus la bsgom pa de'i tshe/ rnal 'byor chen po'o/ /gnas ni zhes pa lus kyi bye brag nyi shu rtsa bzhi/ yi ge'i sa pa zhes pa ni pu la rim la sogs pa'i ming gis brjod par bya'o/ /rgyas par bstan pa'i pul+li zhes pa la sogs pa ste/ de yang phyi rol du gnas nyi shu rtsa bzhi bskyed rims la 'khor lo'i rtsibs nyi shu rtsa bzhi la brdas btags/ nang du lus kyi bye brag nyi shu rtsa bzhi la brdas bya ba ste gsum las skabs 'dir lus kyi la bya ste/ rdzogs pa'i rim pa bsgom pa'i rnal 'byor pas byang sems phab pa las rtsa nyi shu rtsa bzhi'i khams sbyangs nas byang sems gang nas bde ba skyes pa'i dus der gnas su bzhag go /pu la sogs pa ni ming mtshan gyi yi ge dang po'o/ /gang yin de ni rnam dgod ces pa ni go cha chen po lus la bkod na'o/ /gnyid log ces pa la sogs pa ni phan yon/ de gang nas bshad ce na/ ming gi rgyud ni zhes pa la sogs pa ste/ ming gi rgyud 'bum sde ni le'u 'bum pa'o/ /de las bsdus pa ni nam mkha' dang mnyam pa'i rgyud de shu logs 'bum pa 'bum gcig nang nas 'bum phyung ba'o/ /shes rab rgyud ni gsang ba ni shlo ka 'bum pa las btus pa le'u lnga bcu rtsa gcig pa'o/ /de dag gis bshad rgyud bstan pa ni nges brjod rgyud kyi bshad pa yin zhes pa ste/ nges par brjod pa'i rgyud bla ma'o/ /da ni 'bras bu'i rgyud le'u dang po nas bstan pa de bshad pa ni bstan pas zhes pa la sogs pa sngar bshad zin to/ /mya ngan 'das pa chos sku'o/ /sku gsum 'khor lo gsum du bshad ces pa ni rtsa dang rlung dang byang chub phyogs gsum mam/ yang na sprul pa dang lus dang sems gsum mo/ /bsod nams zhes pa la sogs pa sku gnyis ni tshogs
- 160b
gnyis las byung ba yin la de yang bden pa gnyis la gnas pa yin zhes pa'o/ /da ni rgyu'i rgyud las dor bya ston te/ blo ngan zhes pa la sogs pa ste go sla'o/ /cha ni skal ldan/ cha min chi sal? med do/ /da ni tshogs kyi 'khor lo'i lha mo'i dbye ba ni dag byed ces pa la sogs pa ste/ dag byed ni sems 'dzin pa'i lha mo'o/ /dbang ni gsang ba'i dbang bskur ba'i'o/ /dpa' bo ni tshogs kyi 'khor lo yi'o/ /bkas gnas pa ni mchod pa yi'o/ /kun tu spyod pa ni khams rtas pa yi'o/ /'khor ba las sgrol gtso bo yin zhes pa ni las dang po pa chags khams pa'i byang chub thob pa'i rgyud khyad par can yin pa'o/ /ma lus rig byed las sprul zhes pa ni/ ma lus rig byed ni ye shes yin la de las byung bas sprul pa ste ye shes las skyes ma'o/ /yang na ma lus rig byed ni sngon gyi las bzang po yin la/ de las byung bas na sprul pa ste zhing skyes so/ /yang ma lus rig byed ni dbang dang dam tshig yin la de dang sprul pa ste sngags skyes so/ /grub pa'i mdza' ni/ gsang sngags kyi grub pa'i mthar ro/ /sangs rgyas mu stegs can la spa zhes pa ni bde ba stong pa nyid bsgom pa la mi mos pa'o/ /sgra ni legs par sbyar ba'o/ /sgra nyams ni tha mal pa'i skad de de lta bu'i ngag gi brda dang/ lus brda dang/ shes par byas la mngon sum lam 'di nyid kyi rjes su 'brang zhes pa'o/ /bsdus don yan lag blangs pa dang/ zhes pa ni rtsa ba'i rgyud kyi tshogs kyi 'khor lo'i le'u bcu gnyis kyi bsdus don 'dir bshad ces pa'o/ /gang gis zhes pa rnams phan yon/ 'gro la 'phags pa sngon gsungs pa ni rtsa ba'i rgyud rnams su'o/ /gsungs pa ni rtsa rgyud du'o/ /da ni yi ge rnams kyi las tshogs bsgrub pa bstan te/ rgyud chen po zhes pa la sogs pa ni le'u 'bum pa la sogs par ro/ /sngags kyi yi ge ni yi ge lnga bcu'o/ /bsgrub pa ni las so/ /las kyi bya ba ni yi ge'i las so/ /dge mi dge
- 161a
ni zhi ba dang mngon spyod kyi las so/ /brtags te bya zhes pa ni gang 'dod pa'o/ /yi ge'i mdza' na hi/ dbus zhes pa thams cad kyi khong na yod pa a'o/ /de'i thams cad ni yi ge lnga bcu'o/ /de'i don ni 'di yin te/ rdo rje mkha' 'gro nas bshad pa bzhin a la sogs pa'i yi ge re re la lhag ma'i bco lngas bskor ba'i yi ge'i 'khrul 'khor lus kyi gnas su bsams pas las rnams byed pa'o/ /de bzhin du gsal byed rnams kyi yi ge re re la rang sde sde tshan gyis bskor ba'i 'khor bsam mo/ /le'u bcu gsum pa'i bshad pa'o// //da ni lag pa'i mchod pa la sogs pa ste/ de nas zhes pa ni snga ma bzhin no/ /rgyud thams cad du sbas pa ni bya ba la sogs par ro/ /der sbas pas cho ga ni lag mchod do/ /sangs rgyas bzhi ni bum pa bzhi'o/ /de'i gdan la bzhugs pa bdud rtsi lnga'o/ /bdud rtsi lnga po de sangs rgyas lnga yab yum gyi ngo bo ste/ rdo rje la sogs pa ni mi bskyod pa la sogs pa'i sangs rgyas lnga'o/ /mkha' 'gro ma la sogs pa ni yum lnga'o/ /rdo rje'i dpa' bo ni nyi shu rtsa bzhi/ de'i dbang phyug ni gtso bo ste rigs lnga'o/ /me long la sogs pa ye shes bzhi'i rnam pa sangs rgyas bzhi bum pa bzhi'o/ /gnyis med gnyis su med sbyor nyid ni/ thabs dang shes rab lnga gnyis su med pa'o/ /gnyis med ni lha mo bzhi dang bum pa bzhi'o/ /rdzas ni me tog la sogs pa ste/ me tog ni rang byung ste/ sogs ni sha lnga bdud rtsi lnga'o/ /re re nas ni zhes pa ni lha rnams la rim gyis sngags kyis dbul zhes pa'o/ /phyag rgya ni lnga'o/ /sogs ni go cha drug go /mchog lus ni lha'i 'khor lo'o/ /pha rol son pa zhes pa rnams ni go cha drug gi lha ni pha rol tu phyin pa drug ste/ lag pa'i mchod pa'i dus su lag pa la dgod pa'o/ /sogs ye shes can zhes pa ni bdud rtsi myang ba dbang bskur ba blo ldan gyi rnal 'byor pa ste/ lag pa g.yon
- 161b
pa'i sor mo rnams dang/ sen mo la dpa' bo drug bkod la/ lag mthil du yang dgod do/ /rnal 'byor ma drug go rims bzhin zhes pa ni g.yas g.yon la dgod do/ /rdo rje sems sogs g.yas pa la dgod pa'o/ /lag pa'i mchod pa la sogs pas bstod ces pa ni/ lag pa'i mchod pa dang/ gtor ma dang tshogs bya'o/ /lnga po bdud rtsi lnga dang bsre ba ni bdud rtsi 'o ma dang byang sems mchod pa des ces pa ni oM A:hUM gsum gyis byin gyis brlab pa'o/ /spyod dang zhes pa phan yon te/ dbul ba'i 'dod don ni rang la gang med pa'i don bsgrub par 'dod nas bsgrubs na 'grub ces bya ba'o/ /sems ni gzhan du gyur pa dang/ zhes pa na sems g.yengs pa dang ma g.yengs pa dang bcas kyang rung ste 'grub ces pa'o/ /dpa' bo 'di ni zhes pa 'di rnams kyis ni mtshan nyid dang ldan pa'i dpa' bo dang rnal 'byor mas tshogs 'khor byas nas dngos grub thob ces pa'o/ /le'u bcu bzhi pa'i bshad pa'o// //da ni spyod pa bstan pa las dang por de nas bcas pa gnyis kyis mdor bstan/ gnyis med spyod pa ni dngos gzhi rjes thob ro snyoms pa'o// rgyas par bstan pa la gsum las/ dang po spyod pa'i dus bstan pa ni/ dang por zhes pa la sogs pas bstan te/ dang por mnyam gzhag rnal 'byor zhes bya ba ni las dang po pa'i rnal 'byor pas bskyed rdzogs gnyis kyi don bsgoms la/ 'bad de nus pa bskyed ces pa mtshan ma ma thob bar du bya ba'o/ /mtshan ma thob nas yid la bya ba'i brtul zhugs zhes pa bskyed pa'i rim pa la dpa' bo gcig pa dang/ rgyal tshab lta bu'i spyod pa rdzogs pa'i rim pa la spros bcas spros med shin tu spros med do/ /sems can zhes pa la sogs pa ni dgos pa bstan te/ dpa' bo chen pos 'gro bya ni gnas rtsa bzhir ro/ /srog chags yan lag las byung bgo ni/ stag gi lpags pa dang/ glang po che'i lpags pa la sogs pa'o/ /bde don gnyer bas bde ba srung zhes pa ni/ rnal 'byor pa
- 162a
bde ba'i ting nge 'dzin dang ldan par 'dod pas dga' bral du mi btang zhes pa'o/ /mchod phyir thogs spangs pa ni bskyed pa'i rim pa'o/ /he ru ka'i gtsang sbra ni cha lugs su gnas pa'o/ /grol ba'i 'bras bu ni mchog gi dngos grub bo / rnal 'byor ma kun mnyes pa ni bde ba'i ting nge 'dzin no/ /da ni spyod pa dngos bstan te/ de la gsum las dang po spros bcas kyi spyod pa bstan pa ni/ rtsa ba'i sngags zhes pa la sogs pas bstan te/ de yang sbyor ba'i dus su rtsa ba'i sngags kyis byin gyis brlabs pa'i tshangs skud lus la gdags zhes pa'o/ /lhag ma yang nges 'dre/ ming? ngam? sngags ni sum b+ha'o/ /tshangs par spyod pa ni spro bsdu shes pa'o/ /rkang pa brgyad kyis rang la'o/ /spros med ni nyin mo zhes pa rnams te/ de la nyin mo ni snang ba'i rang bzhin/ mtshan mo ni snang ba lkog gyur te/ kun thabs dang shes rab du bya'o/ /mi bya zhes pa ni sems kyi stong nyid rtogs pa'i ched na'o/ /he ru ka dpal gzhir gnas zhes pa ni sems kyi chos nyid rtogs pa'i thad ka na'o/ /rigs lnga ni rgyal rigs la sogs pa lnga'o/ /rigs gcig ni he ru ka'o/ /gnyis med ces pa rnams kyis shin tu spros med bstan te gnyis med ni gzung 'dzin dang bral ba'i cha'o/ /le'u bco lnga pa'i bshad pa'o// //da ni tshogs 'khor bstan te/ de la lnga las dang po dgos pa bstan pa ni/ gzhan yang zhes pa rnams te/ dus mthar dngos grub mi thob ste zhes pa ni snyigs ma lnga'i dus su rnal 'byor pas bsgrub kyang 'bras bu thob par dka' zhes pa'o/ /de ci'i phyir zhe na/ blo ni zhes pa rnams smos te/ blo gzhan du gyur pa ni nyon mongs pa mang bas so/ /bde ba nyam thag tu mi 'grub pas sdug bsngal dang bcas par gyur pas na de lta bu'i bskyar chog tu tshogs 'khor bstan pa'o/ /'bad de zhes pa rnams kyis 'bras bu bstan te/ 'dod bya
- 162b
ni dngos grub gsum mo/ /de nyid kyi bdag rnal 'byor pa ji ltar he ru ka'i ye shes yin zhes pa ni/ dper na thabs phyag rgya bzhis rnal 'byor pa la he ru ka'i ye shes skyes pa bzhin du rnal 'byor pa la mngon shes kyang skye ste/ ci 'dod par ni zhes pa la sogs pas bstan to/ /chos 'di ces pa la sogs pas bstan te/ chos 'di ces pa rnams mjug sdud do/ /da ni thabs bstan pa ni shes zhes pa rnams te/ shes rab chen por byas pa tshogs 'khor byed pa'i rnal 'byor pa'o/ /gnyis med ni rtog pa med pa'o/ / brtul zhugs ni lha'i cha lugs su zhugs pa'i rnal 'byor rnams so/ /A li ni shes rab kA li ni thabs te/ rgyu rkyen chogs pa 'di na rtogs par chos shes pa/ 'bras bu 'dod pa'i gang zag gis thabs gzhan brten pa don med ces pa ste/ /de yang rtsa ba'i rgyud las shes rab thabs kyi sbyor ba ji bzhin zhes gsungs so/ /rgyud dang brten pa gzhan las bstan pa dag gis don kyang bden pa gnyis su 'dus par bstan pa ni/ mdo dang zhes pa la sogs pa ste/ /mdo sde la sogs pa theg pa bye brag dang/ sems can la bshad pa ni byang chub thob pa'i phyir bshad pa yin la de yang tshogs gnyis la brten zhes pa ni tshogs gnyis zhes pa rnams so/ /thams cad bden pa gnyis la ni/ brten par ngas ni bshad pa zhes pa ni bskal ba bar ma la mtshan nyid kyi theg pa bshad pa'i dus su'o// de dag bden pa gnyis la brten par bshad kyang rgyud la mngon sum du skye ba'i thabs med de/ gsang sngags kyi theg pa 'di 'dir ni mngon sum ston to/ /spos pa kun ni bskyed rim lha'i bsgom pa'o/ /spros pa med par bya ba ni bskyed rim la brten nas tha mal pa'i rnam par rtog pa bkag la rdzogs rim bsgom mo/ /da ni thabs kyi rgyud lnga dang shes rab kyi rgyud bzhi las bstan pa ni rgyud rnams kun tu zhes pa bstan te/ thabs dang shes rab kyi rgyud rnams su gsang ba'i sprul pa zhes pa lnga dang/ de nyid ces pa stong
- 163a
pa nyid dang/ sems ni rang bzhin brgyad cu'o/ /longs spyod ni 'dod yon lnga'o/ /da ni khyad par du bde mchog 'khor lo bstan pa ni/ blo ldan zhes pa la sogs pa ste/ 'khor lo sdom pa la rnam par spyod pa ni lha drug cu rtsa gnyis so// rnal 'byor pa'i mtshan ma ni gdong brnyan no/ /gzugs kha dog dang dbyibs/ brda drug khyim lnga ni/ mkha' 'gro ma bzhi dang phag mo'i gnas yul nyi shu rtsa bzhi ste/ de dag tu rnal 'byor ma ni lnga nyid gnas zhes pa ni/ gong gi khyim lngar rnal 'byor ma lnga lnga lha'i cha byad can bzhag pa'o/ /bsgrub par bya ba'i gnas kun zhes pa ni/ gnas rtsa bzhir rnal 'byor pho mo rtsa bzhi lha'i cha byad ces dgod pa'o/ /ji ltar sngar bshad ces pa ni le'u lnga pa dang drug par bshad pa'i/ lnga'i grangs dang mnyam pa'i brtul zhugs can zhes pa ni rnal 'byor pa'o/ /dpa' bo'i sngags tshogs zhes pa ni lus la dgong pa'o/ /shar gyi 'dab mar zhes pa ni khyad par dus 'og gi dngos grub bsgrub pa'i phyir des brjod nas 'byung ba bzhin bya ba'o/ /he ru ka dpal go 'phang ni cha byad do/ /lus ngag yid kyi las ni sku gsung thugs kyi dngos grub bo/ /bshad pas sa 'og sku'i dngos grub bo/ /ma bshad pa gsung dang thugs so/ /le'u bcu drug pa'i bshad pa'o// //le'u bcu pa 'dis gtso bor rdzogs rim bstan pa las/ dang po bskyed pa'i rim pa'i lha rnams thun mtshams su sprul par mdor bstan pa ni/ de nas zhes pa la sogs pas bstan te/ sprul pa las byung dpa' bo rnams zhes pa ste/ lha drug cu'o/ /sems ni hUM las sprul pa'o/ /de ltar sprul pa'i yum rdo rje phag mo ni chos kyi dbyings kyi rnam par dag ba'i rang bzhin no/ /thabs dang zhes pas ni thabs dang shes rab sbyor ba las byung ba'i de nyid ces pa ye shes lnga las skyes pa thams cad zhes pa lha rnams so/ /rgyas bshad las dang po me la sogs pa rnam pa bzhi'i sangs rgyas
- 163b
bzhi ste thod pa bzhi'o/ /pad+ma'i 'dab gnas ni yum bzhi ste/ mA ma kI la sogs pa bzhi'o/ /thod pa'i dum bu sogs zhes pa ni dpa' mo rtsa bzhi'o/ /sems can 'dul ba'i thabs su dpa' bor bstan pa'o/ /khro bo rnam rgyal sogs pa ni lha mo brgyad do/ / sgo bzhi dang mdza' zhes pa phyi'i mtshams su dgod de/ de yang sna tshogs 'dul ba'i thabs chen zhes pa mi 'am ci 'dul ba'o/ /gsang ba'i gnas kyis rnam gnas zhes pa ni thabs shes rab kha sbyor gyis gnas pa ste rtsa ba'o/ /rnal 'byor ma sum cu rtsa bdun/ dpa' bo rtsa lnga'o/ /de bsgoms pas ji ltar 'dod pa'i dngos grub ster ba'o/ /rgyud kyi snying po bsdus pa ste zhes pa ni tshogs 'khor gyi lha de rnams snying po len pas dkyil 'khor ro/ /bla ma'i slob ma zhes pa ni sangs rgyas kyis nyan pa pos rtogs par sla ba'i phyir rgyas par ma bshad ces pa'o/ /da ni phan yon bstan te/ sems la rnam gnas rnal 'byor pa/ zhes pa ni bde ba chen po las mya ngan las 'das pa zhes bya ba logs shig tu mi ston pa'o/ /de ltar spyod pa ni bde chen la'o/ /sdig pa thams cad rnam par dag pa ni/ spangs pa phun sum tshogs pa yin la tshe 'di 'am pha rol du sangs rgyas pa ni ye shes lnga dang ldan pa'o/ /ji ltar sngar bshad sdig pa rnams/ zhes pa ni sngar bshad pa ni lkugs shing glen pa la sogs pa'o/ /phan yon dang po'o// // phan yon gnyis pa ni he ru ka dpal mtshan brjod pas zhes pa ni sngags bzlas pa'o/ /lha sogs kun gyi gnas gang dang zhes pa ni lha'i yon tan no/ /mi la sogs pa ni mi'i yon tan no/ /bsam gtan gyis ni las dang po'o/ /bsam gtan zhes pa mchog tu gyur pa'i rnal 'byor pas so/ /phan yon gsum pa ni rnal 'byor pa ni 'pho ba'i tshe zhes pa la sogs pa rnams te/ 'chi ba'i dus su dpa' bo dang rnal 'byor ma rnams kyis lag na me tog la sogs pa dang bcas pa rnam par rtog pa tsam gyis 'chi
- 164a
ba'i tshe mkha' spyod ces bya ba rig pa 'dzin pa'i gnas su 'khrid par byed par bya'o/ /da ni dgos pa dman pa bstan pa ni/ ji ltar bud med byis gtam rjes yi rang/ /kun smra rten pa'i lam yang brjod par byed/ /lam yang ma bshad 'ching bar 'gyur ba yin zhes pa ni ji ltar byis pa bud med rnams/ phan gtam smra zhing mngon par dga' la gtam du yang brjod par byed kyang des thabs dang/ shes rab kyi lam bshad cing 'chang bar 'gyur ba bzhin du/ rnal 'byor las don de dang 'dra bar bshad ces pa las thabs 'ba' zhig gam shes rab 'ba' zhig sgoms pa de ni bud med byis pa'i gtam dang 'dra ba ste 'bras bu mi thob ces pa'o/ /da ni tshogs kyi 'khor lo rgyas par ston te/ de nas gzhan yang bshad bya ba/ gnas sogs rnal 'byor ma'i gnas zhes pa ni yul nyi shu rtsa bzhi nas tshogs 'khor gyi rnal 'byor ma btsal te/ de yang ye shes las skyes ma dang/ sngags skyes ma dang/ zhing skyes ma dang/ gsum mo/ /'di yang zhing skyes ma bstan pa ni mtshon pa tsam mo/ /he ru ka dpal zhes pa ni tshogs 'khor gyi dus su'o/ /rgyas par bshad pa ni pu l+lir ma la yar rab gtum ma mtshon pa ste/ de dang de'i 'khor na gnas pa'i mkha' 'gro ma rnams dang/ der skyes pa'i zhing skyes so/ /de dag brda dang mtshan nyid kyis shes par byas la brten pa'o/ /de bzhin kun la 'dre/ yul 'di rnams kyi bu mo gang zhes pa ni sngags skyes zhing skyes lhan cig skyes pa gsum mo/ /dpa' bo gnyis med rnal 'byor ma'o/ /zhes pa ni de dang lhan cig dga' ba bzhi'i ting nge 'dzin bsgom pa'o// gsang ba'i sngags la gnas pa ni srog d+hU tIr bcug pa'o/ /rnal 'byor ma ni re re zhing zhes pa ni/ ye shes las skyes pa de dag gi'o/ /mtshan ma ni brda'o/ /mtshan nyid ni kha dog dang dbyibs dang spyod lam gyi'o/ /g.yon pa'i sgrub pa po ni bde
- 164b
ba lam du byed pa'o/ /mi bzad pa las ni 'dod chags dang/ mi tshangs par spyod pa la sogs pa'o/ /thabs dang bcas pa ni bde ba rtog med rang bzhin mgur chu zhes pa la sogs pa tshogs 'khor gyi spyod pa bstan pa ste/ rnal 'byor pa dang rnal 'byor ma la brgyan par bya'o/ /re steng zhes pa la sogs pa ni tshogs 'khor gyi dang po lhar bskyed pa bstan te/ gnas dang ldan pa la sogs pa'o/ /de nas rtag tu zhes pa la sogs pa byung ba dang/ rgyan la sogs pa bgo ba'o/ /kha dog la sogs zhes pa ni gdong brnyan bgo ba la sogs pa'o/ /rnal 'byor lam la legs gnas pa ni dga' ba bzhi'i ting nge 'dzin bsgom pa'o/ /da ni tshogs kyi 'khor lo'i dus kyi gar rnam pa bzhi ston te/ yan lag can ni g.yas brgyad la sogs pa'i stangs stabs so/ /tshogs can ni rdo rje'i glu'o/ /sdud pa ni rgyan no/ /snying stobs ni ting nge 'dzin no/ /de nyid mthong ba ni mchog tu gyur pa'i rnal 'byor pas so/ /de la tha lhag sdud pa bshad pa ni sdud pa po'i zhes pa la sogs pa'o/ /kun tu 'bugs pa ni rna cha ste/ de yang 'bugs dang 'di ni zhes pa la sogs pas bstan to/ /bcings pa ni tshangs skud de/ tshangs skud las la bkrol ba ni zhes pa la sogs pa'o/ /gzhan pa ni rkang gdub ste/ rkang gdub rab tu gzhag pa ni zhes pa rnams so/ /skyeng ba ni ska rags te/ de yang 'og pa gces pa la sogs pas bstan to/ /srog shing gcig gyur srang bu zhes pa ni 'khor lo bzhi dang rtsa gsum gyi dbus kyi a ba d+hu tI'o/ /'og bag ni ska rags so/ /ro ldan bcu drug ni kham bcu drug bde bas gang ba'o/ /phreng ba rtsa lnga ni mi mgo lnga bcu'o/ /rnal 'byor ma kun tu spyod ma'i bshad pa/ tshig don rab tu gsal ba zhes bya ba/ slob dpon dpa' bo rdo rjes mdzad pa rdzogs so// //paN+Di ta pa ra he ta dang/ lo tsa ba 'phags pa shes rab kyis bsgyur ba'o// //
Colophon
rnal 'byor ma kun tu spyod ma'i bshad pa tshig don rab tu gsal ba zhes bya ba slob dpon dpa' bo rdo rjes mdzad pa rdzogs so/_/paN+Di ta pa ra he ta dang /_lo tsA ba 'phags pa shes rab kyis bsgyur ba'o