'jig rten gsum gyi shes pa bsgral ba'i rgyud
Rgyagarskadputrilokapidarbinitra
Text
ff. 94a–106b · 26 folio sides
- 94a
@#bka' yi gzhung bzhin bya// snang stong gnyisu med par bskor// ngan sngags btsug lag gi rgyud las/ rdzas dang sngags dang ting 'dzin gyi bsgom bsgrub dang / 'phrin las nyam su blangs pa'i le'u ste brgyad pa'o// ngan sdug sa btsug lag gi rgyud phyi ma'i yang phyi ma rdzog so// na pam pa/ rgya gar skad pu tri lo ka bi dar bi ri tra/ Shod skad du/ 'jig rten gsum gyi shes pa bsgral ba'i rgyud/ bac+doMs dpal kun tu bzang po la phyag 'tshalo// 'di skad bdag gis thos pa dus gcig na// bac+doMs gsang ba gsum gyi bdag po gnyi su med pa'i thig le/ 'od zer kha dog sna tshogs pas khrigs pa// sku rdo phyogs bcu'i de bzhin gshegs pa'i sku rnam par dag pa'i bdag nyid/ pad+mo chen po las yongasu grub pa'i 'bras bu dang bcas pa'i gsungs dri ma med pa'i rnam par dag pa'i rdo yongs 'dzin pa/ ting nge 'dzin la mnga' skyes pa'i thugs/ rang bzhin lhan gcig yongasu grub pa'i yid bzhin nor bu rin po che/ yon tan kun gyis brgyan pa'i rgyal po// rmongs pas mdongs pa'i lam chen po// ti mug gi mun pa sel ba'i sgrol me// shin du sra ba'i brag 'joms pa'i rdo// rgya mtsho chen po skam pa'i me chen po// rlung po 'bar bar byed pa'i bdag nyid// rang bzhin gyi 'od gsal ba'i sku la khyad par byed pa// gang la yang 'gugs pa med pa'i 'phrin las kun tu 'dul bar byed pa// sku gsum thugs kyis sa nyid du// mi bsrungs srung ba med pa'i dam tshig chen po// phyogs bcu dus gsum gyi chos ma lus pa'i bdag nyid// 'jig rten
- 94b
khams na rdzu 'phrul rnam pa sna tshogs pa sprul ba'i mnga'i bdag/ mi mthun pa'i phyogs tha~Md yongasu 'dul bar mdzad pa'i rgyal po// thabs dang thabs las bud pa'i yongasu smin par mdzad pa'i zhing // stobs dang stobs las yongasu sgrol ba'i gru chen po// nyams pa thod skong ba'i mngar bdag/ mtshan ma thad 'jom pa'i rdo/ med pa las zlog pa'i bdag nyid chen po yongasu grub cing rnam par dag pa la ma'ang mnyes pa ni// 'og min gyi gnas na sku dang gsung dang thugs gsang ba mchog gi gnas// dkyil 'khor chen mo yongasu grub pa'i btsun me'i b+ha ga pho brang lhun gyis grub pa/ dur khrod kyi gzhal yas khang brtsegs ma pad+ma sna tshogs pas steng dang 'og du brgyan pa// dbyibs sna tshogs dang kha dog sna tshogs dang // 'dod pa'i yon tan rnam pa lnga dang // rin po che rnams la sna tshogs pa'i rgyan gyi khrig pa// ye nas rnam par dag pa'i rgyan/ dpe dang tshad las 'das pa'i sa// phyi dang nang med par phyogs bcur 'khrigs shing // rnam par dag pas khums pa/ thog ma dang tha med par ye nas rang 'byung gyi gnas na/ bye brag gi rnam pa can du bzhugaso// rgyal ba sangs rnal 'byor gyi dbang phyug chen po// mtshan dang dpe byad kyi brgyan pa// na mkha'i mthas smad pa dang / rnal 'byor ma chen mo// longs spyod yongasu rdzogs pa'i bdag nyid ma rnams dang // rnal 'byor chen po'i tha snyad thaMd dang ldan pa/ btsun mo yongasu grub pa'i bdag nyid dang / wang 'byung ba'i bzhi dang ldan dang / he ru ka rol pa'i tshogs/ dpe byang zad kyi ngo ga yongasu grub pa'i bdag nyid chen po dang // gzhan yang rkyen las sprul pa'i sras kyi tshogs// grangs med cing brjod du med pa dang
- 95a
rigs pa las kyis med pa'i sras kyi rnams// na rnal 'byor ma'i tshogs dang / thabs yongasu bsgrub pa'i 'khor rnams kyang / bac+doMs dang thabs cib tu mtshan ma la sogs pas snyems pa mi mnga' bar bzhugs pa ni/ nyung 'bru snum gyis gang ba bzhin du kun du gang zhing khyad nas bzhugs// nyid kyi btsun mo yang nyid kyi sku la dgyes pa'i tshul gyis 'khril te/ byang chub sems kyis ngo bor tha~Md bsnyen pa/ mi mnga' bar 'du mdzad do// 'khor du 'dus pa'i tshogs de nyid la/ rnal 'byor gyi dbang phyug chen mo rdo rje chos rab dam pa dang / btsun mo grub pa mo dang / gnyi su med pa'i tshul gyis bac+doMs kyis spyan mnga' na/ bran ji ba la bka' nod pa'i tshul du bzhugaso// de nas bac+doMs/ gsang ba mchog gi bdag po des/ sems dang sems lasu byang ba'i chos tha~Md ni/ thig le spros pa med pa bzhin du gzigaso// 'byung ba dang 'byung ba las gyur ba'i chos thaMd ni// shel gyi mtshan nyid dri ma med pa ltar gzigs so// dus gsum gyis bsdus pa'i chos tha ni// snang ba la sogs pa ni rang bzhin du gzigaso// srid gsum gyis bsdus pa'i chos thaMd ni/ yongasu grub pa la sogs par gzig so// bsam gtan la sogs pa'i chos thad ni/ thang 'byung ba'i tshe su gzig so// snyoms par 'jug pa'i chos zang ni/ ting 'dzin gyis bye brag tu gzig so// ting 'dzin gyi bye brag thang ni bden pa'i rnam pa can du gzig so// sa'i khyad par la sogs pa'i chos thad ni/ stobs kyi khyad par can du gzig so// ji ltar grags pa'i chos thaMd la/ bac+doMs kyis rdzu 'phrul gyi spyan gyis gzig so// kun la khyab par gzigs/
- 95b
rnam par gzig so// de bzhin du sngar 'das pa'i phyogs bcu'i dus bzhi'i rgyal ba sang+yas grangs med pa rnams kyis kyang gzig so// rnam par gzig so// de bzhin du phyis byon pa'i rgyal ba/ sangs grangs med pa rnams sa kyang gzigaso// rnam par gzigs nas kyang brjod pa las 'das te/ don dam pa bcos pa ma yin pa'i ngang la bzhugaso te/ chos thad kyi ngo bo nyid kyi rgyan thad rdzogs pa'i ting nge 'dzin la snyoms par zhugaso// de'i tshe 'khor ba'i chos tha~Md bcos ma yin pa'i rgyun du rnam par gzigs la/ mya ngan las 'das pa'i chos thad ni yang dag pa'i yis stong pa chen por rnam par gzigs/ dpe na mkha'i mtshan nyid tsam du 'di yin no bar kyang bstan du yod pa mi yin no// de nas yum kun tu bzang mos bac+doMs gsang ba mchog gi bdag po// dgongs pa chos nyid la chos kyi dbyings la ba rnal nas bzhugs pa la klu 'di bskul lo// e ma ye nas ma bad+mo/ bde chen klong yang ni// rgyal ba rnams kyi dgongs pa dam pa'i dbyings// ye nas ma bcos rang bzhin dbyings nyid nas// snyoms ma'i thig le 'byung bar mi dmigs kyang // thabs la mkhas pas sku'i khyad par ni// dbyibs dang kha dog pa dag la bstan du gsol// ma bcos pa nas bdag gis bskul ba yis// 'od zer sna tshogs bdag la bstan du gsol// ngo bo gnyis las sems can don du bskul// brjod med sku mchog bdag la bstan du gsol// ye nas rnam dag na mkha'i rang bzhin la// khyab pa'i thugs rje chen po'i dgongasu gsol// tsi zhes bskul bas gsang ba mchog gi bdag po des bskul ba mkhyen nas/ 'khor ba dang mya ngan las 'das pa'i
- 96a
chos dzang // mtshan nyid dang bral ba'i ting nge 'dzin la snyoms par bzhug so// de'i tshe chos thaMng 'od zer dang ldan pa'i bdag nyid du gsol so// de nas yum gos dkar mos/ klu 'di bskul lo// e ma ho// kun la khyab pa'i snying rje yod kyi khyab// ma bcos dbyings nas g.yo ba smon lam dbang // ji ltar gnas pa sku'i bye brag tu// bde chen khyad par bdag la bstan du gsol// hoHbskul bar mkhyen nas/ bde ba chen po'i dang las smon lam gi dbang gi bstag pa'i cho 'phral rnam par ston to// zla ba nya gang ba lta bur mngon du phyung ngo // de'i tshe chos phod brjod pa dang bral ba'i ngang du gsal bar snang ngo // de nas yum ma mA kis klu 'dis bskul lo// e ma ho/ cir yang gsal ba'i sku mchog ma bsgrib gsol// ye nas dag las rtogs pa'i yul dang bral// de rtags gsal zhing rnam par dag pa'i sku// yongs rdzogs sku mchog bstan du gsol// ha~M/ sku le ba mkhyen nos so so'i sku'i bye brag tu rnam par gsal bar gyur to// de'i tshe chos thaMd dri ma dang bral ba'i ngang du gsol lo// de nas yang yum dam tshig sgrol mas glu 'di bskul lo// e ma ho/ ma bsgrib gsal zhing dri ma rnams dang bral// yongasu rdzogs ba'i sku na sna tshogs 'byin// sems kyi de nyid ma 'gags gsal ba'i 'od// so so'i lam rnams bdag la bstan du gsol// hU~M/ bskul bar mkhyen nas so so'i sku'i bye brag tu gsal bar mdzad do// de nas yum sang+yas sbyin gyi rnam par mdzes pa'i spyan gyis mi g.yo bar gzigs te// rmang du byung ba'i mchod pas mchod de// glu 'di bskul lo// a ho ho i mang bu a ra ga me hU~M \u0f7fha ba/ zhes rnam par bskul bas/ rol pa'i sku tshul rnam pa bzhi dang ldan zhing /
- 96b
yis kyi rang bzhin sangs rgyas yab yum sras dang bcas pa gzigs pa gzigs par gyur to// de nas yang oM A hU~M zhes brjod pas// 'khor ji snyed pa thaMd nyid kyi sku la bsdu bar mdzad do// de nas yang yum kun tu bzang mos/ glu 'dis/ bskul lo// e ma ho// ye nas rnam par dag pa'i dbyings// yis chen po'i ngang nyid can// 'od dang bcas pa'i gzhal yas su// bdud rtsi ga bur gnas par mdzod// ho// skul bar mkhyen nas/ rol pa chen po'i ting 'dzin la gnas par 'gyur/ de'i tshe chos tha~Md rol pa chen po'i ting 'dzin la gnas par gyur to// de nas rol pa'i bdag nyid mas glu 'di bskulo// e ma hoHskyon gyis ma ges pad+ma rak+ta'i mdog/ thaMng rgyan gyis ma lus yongasu brgyan// bsrung med bde ba chen po'i byang chub sems// ye nas rnam dag chu bo'i rgyan bzhin 'bab// ho/ thaMd dri ma dang bral ba'i ting nge 'dzin la gnas par gyur to// de'i tshe chos thaMd dri ma med pa'i rang bzhin du gsal bar gyur to// de nas yang rab tu mdzes mas/ glu 'di bskule// rab tu gsang ba'i byang chub sems// kun gyis bdag nyid kun gyi ngos// rab tu rtag pa kun gyi rgyu// kun gyi 'byung gnas chen po yin// hoHbyang chub sems kyi ting 'dzin la gnas par gyur to// de'i tshe chos thaMd byang chub sems kyi rol ba chen por gyur to// de nas yang yum gyi byang chub sems kyis glu 'dis bskul lo// e me ho// gsang ba rol pa dur khrod nas/ rol pa mkha' 'gro thang bzhugs pa'i gnas// ma bcos lhun gyis grub pa'i gzhal yas khang / de 'dra bcom ldan pade chen chag pa'i gnas/ ho ho// bde ba chen po ril ba la chags pa'i rang bzhin can du gyur to/ khabs dang shes rab gnyisu meng ba las/ gsang ba 'di gsung so// e ma ho// gsang ba'i bdag nyid can// e ma sngags
- 97a
@#/ kyi bdag po can// e ma rigs pa'i bdag nyid can/ e ma ho// bzung ba'i bdag nyid cag/ rtag par bya ba'i phyag rgya can// dus gsum sang+yas kun gyis thugs// snod bcud kun gyis bdag po yin// 'od zer sna tshogs 'byung ba'i bzhi// thig le spros med byang chub sems// dus gsum sangs rgyas gshegs pa'i sa// se ni nyon mongs sel ba'i sman// dug lnga sel bya'i rtse mchog yin// ma rig mun sel sgron me'i mchog/ de nyid bde nga chen po ste// rang rig lta ba shes bya mchog/ spros med byang chub sems nyid des// yongs rtogs bde ba chen po 'grub// zhes gsung so// rten gyi dkyil 'khor 'di phyung ngo // e bskyob pa med pa'i ting 'dzin phyung ngo // yaM smin par byed pa 'di phyung ngo // raM bsdad par byed pa'i ting 'dzin 'di phyung ngo // baM gnas par byed pa'i ti nge 'dzin 'dri phyung ngo // sum dag par byed pa'i ting 'dzin 'di phyung ngo // haM spro bar byed pa ting 'dzin 'di phyung ngo // phaT shin tu spros pa'i glu 'di gsungs so// e ma ho d+ha sang+yas thaMd kyi gsang ba gsum gyi don las 'byung // bde mchog gsang ba gsum gyi gnas// rdo 'khor lo rin chen brgyan// pad+ma ral gri zla ba'i brgyan// nyi ma'i 'od zer kha dog mdzes// mchog gi gnas la mchog gi brgyan// bla re 'od zer lnga yis 'khrigs// rgyal mtshan bzhi yis rab tu mdzes// 'bar ba'i phan gyis phyogs bcur 'khrigs// rab tu zlum pa'i dkyil 'khor la// sgo drug dag gis rab tu brgyan// 'dod nas dag pa'i 'khor los 'khrigs// rnam dag brgyan ni mdzes pas brgyan// 'byung 'jug gnas pa kun gyi zhal// dus gsum bde gshegs sras bcas gnas/ zhes gsung so// chos tshad 'od rnam par gsal ba zhes bya ba la gnas par gyur to// cheng du brjod pa'i glu 'di gsungs/
- 97b
hUM nga ni bcom ldan yis mchog/ dus gsum sang+yas kun gyi yab// khams gsum kun gyi 'byung gnas gtso// bde bar gshegs pa'i gshegs bzhugs gnas// shin tu gnas pa'i ting 'dzin can// brjod bral brjod med de nyid gsums rabs dang shes rab las 'byung 'od// gnyis med byang chub sems kyi bzhugs// hUM a haM/ zhes brjod de pho brang chen po'i dbusu gzhug so// 'jig rten gsum gyi shes pa sgral ba'i rgyud las// mi brgya chen po'i gleng gzhi'i le'u ste dang po'o// de nas bcom ldan 'das dpal rdo rje sems dpas/ bcom ldan 'das dpal kun tu bzang po la 'di skad ces gsol to// e ma ho// bcom ldan gsang ba'i bdag nyid che// khams gsum kun gyis mnyan gcig po// nyon mongs 'dra ba lnga bcos bdag/ ye shes lnga yis pa tshul can// 'od zer lnga yis rab tu 'khrigs// 'khor ba dang ni mya ngan 'das// thams cad kun la khyab chen po// nyon mongs lnga rnams sbyang ba dang // bskyod pa'i lam la bstan pa'i phyir// rgyud chen drug dkyil 'khor drug go// nyon mongs bcos pa'i ral gri ste// dngos grub thams cad 'byung ba dang // 'di lnga'i dkyil 'khor dam par gnas// bde gshegs bcom ldan thugs la gnas// khyod ni ngo mtshar rdzu 'phrul can// gsang ba sbas pa'i thabs rnams 'chang // ji lta ji ltar phan pa'i sems// rab tu gdungs pa'i sems 'chang zhing // rnal 'byor rnams la thugs rtse phyir// bdag cag 'khor bcas zhugs par 'tshal// zhes gsol ba dang // bcom ldan 'das dpal kun tu bzang pos bka' stsal pa// thabs dang bcas pa'i dngos grub mchog/ bde gshegs rjes 'brang slob dpon rnams// de yis mtshan nyid bshad par bya// phyi nang rnam rtogs mi skye zhing // rgyu dang mdo sde dag la mkhas// thabs mkhas ting 'dzin/
- 98a
@drod tshod brtson// sde snod gsum la ma rmongs dang // rtogs bcas the tshom thams cad sel// gsang ba spras pa'i thabs rnams mkhyen la skyo dub med// gsang ba'i sde snod drug rnams kun// rtogs bcas snod ngan rnam mi gter// gsang ba'i chos rnams sems la 'chang // sbas pas stobs kyi man ngag tshol// rtsa bar bcas pa srung byed pa// khrag 'thung rgyal po'i slob dpon yin// sku gsung thugs kyi dam chi ba rnams/ shin tu 'dul ba chen po ste// 'di las 'da' bar ma byed dang // yan lag dam tshig dang du len// spyod pa'i bye brag thabs yin pas// mi spyad mi 'dor 'bangad bsrungs la// mdog dkar gzugs rags stobs dang ldan// ga bur dri 'chang ri mo 'chang // rtag par sems can don la rgal// sems can sgrol ba'i thabs lo mkhas// skad mdangs dung sgra yod pa ni// bcom ldan khrag thung he ru ka'i// slob dpon bya ba shis pa'o// phyi nang chos la ma rmongs mkhyen// khyad par shes pa phun sum tshogs// rig pa'i gnas mchog ma 'gag shes// chos spyod bcu rnams ma 'gags spyod// slob dpon khur zhing mched la gdungs// sems can cig dga' spyod pa med// thabs kyi bye brag rnams la mkhas// gcig gam thams cad mtshan nyid kyis// don mthos dge ba mtha' dag yod// gshin rje gshed po'i slob dpon yin// thabs kyis thabs rnams khyad par ston// rtag par zlos shing 'bre du dga'// snying po sngags la dad mos che// blo gsal rigs pa khyad par yod// spyod la sna bzhi seng ger spod// glu gar rol mo rnams la dga'// mchod pa'i bye brag thabs mchog mkhas// lung bstan bka' bzhin byed cing brko
- 98b
spun la gdung zhing sems can gdung // pad+ma dbang chen slob dpon yin// phyi nang gsang ba'i dbang thob cing // sngags rnams ma 'dres so sor mkhyen// shes rab gsal ning brtson 'grus che// phyi nang rgyud shes cho ga skong // thabs/ kyi spyod pa sna tshogs la// gang dang gang la ma rmongs shes/ las kyi bye brag thams cad la// lhag chad med par thabs mkhas shes// gsang ba mchog gi thabs rnams sbed// che mchog he ru ka'i slob dpon yin// thos brtson yon tan kun gyis brgyan// mdo sde 'dul ba mngon pa gsum// de'i thabs kyi thams cad 'dul// de'i spyod pa ma 'gags med// byams dang snying rje gang 'dul ba// rje su 'thun pa'i thabs mchog gi/ ji lta ji ltar 'dul mdzad cing / thabs mkhas dang ldan ting 'dzin gsal// gnyis med blo ldan brtul shugs che// mngon rdzogs rgyal po'i slob dpon yin// de nas slob ma mtshan nyid bstan// lung mdzes rtag tu ngag bsnyen smra// 'drin pa dang ldan slob dpon 'khur// 'khur lo'i las mkhas spun la gdungs// bden pa'i tshig smra bsgyur mi brtag/ mang po'i thos brtson ston mi nus// pad dkar zhes bya'i gang zag de// he ru ka'i slob mar bzung // thabs dang stobs chen gyis brtsal zhing // rin chen sna tshogs sbyin par gtong // spyod dang lhan brtag gang bsnyen bde// ji ltar ji lha'i spyod pa yis// de lta de ltar slob dpon 'khur// bla ma shes rab dgos 'dod skor// nga bdag skyon spangs dang brtson chen/ dam tshig dag cing shes rab ldan// rgyud thos legs par ston pa ni// gshin rje gshed pos slob ma yin// dge bcu dag spyod mi dge slong // bde 'jam khro ba'i sems mi 'byung // glu gar rol mo sna tshogs ston// mdog medz+ra/
- 99a
@#tsan dan dril ldan// stong smad phye cing rked pa phra// yan lag dade 'jam 'bar 'bur med// skra mthong sen mo zangs 'dra dmar// sbyor ba'i yan lag thabs la mkhas// dad ldan thos brtson snying rje che bad dmar zhes bya'i gang zag ste// pad+ma dbang chen slob ma ra bzung // dpa' zhing snying stobs shin tu ni// phyi nang 'dul ba'i thabs la mkhas// lhan stug 'phrin las bdag la mkhas// dgongs pa nyams len mu stags zlog lha log sun 'byin yang dag 'god// bde ba'i lam ston thabs la mkhas// bzo khas rigs gsal bla ma skong // 'dzin la mkhas zhing rjes 'gyur ba// at+pal zhes bya'i gang zag de// che mchog he ru'i slob mar bzung // rtsa ba dang ni yan lag gi/ dam tshig ma nyams nges thub srung // shes rab che zhing dad pa dpa'// ston pa'i bka' lung dgal mos// slob dpon khur zhing dbun la gdung // nyon mongs snying rje snying rje snying re rje/ spyod bzos lus la ga bur dri// thos med nga rgyal mang du smra// rjesu gzung ba don med pa// tsan dan zhes bya'i gang zag de// khrag 'thung rol pa slob mar bzung // gong gi yan lag kun tshang zhing // rgyal po'i sde bcas kun gyis bstod// mu stegs sbed pas sngags pa brjod// sde pa bzhi yis spyi bor khur// dkyil 'khor mtha' dag las lam las// gsang drug rbas gab man ngag thub// slob dpon khur zhing spyod par yang // mngon rdzogs rgyal po'i slob mar bzung // gnas kyis mtshan nyid bstan pa'i// spang blang gnyisu shes par bya// rgyud gzhan dag dang mthun pa rung // ngang du spangs pa'i gnas rnams su// bsgrubs na dngos grub ya mtshan nyid// slob dpon
- 99b
slob bu'i mtshan nyid dang // gnas kyis mtshan nyid bstan pa'i le'u ste gnyis pa'o// / de nas dpal rdo rje sems dpas// bcom ldan 'das kun tu bzang po la bskor ba byas nas/ mchod pa sna tshogs pa phul te/ kye ma gsang bdag kun tu bzang // rnal 'byor gdug pa 'dul ba la// ched du 'di la dad don du// dkyil 'khor dam pa mi 'tshal lam// 'jigs byed chen pos lung bstan gsol// bcom ldan 'das kyis bka' stsal ba// rnal 'byor las dang don ched du// rdo rje sems dpa' zhes pa legs// don rnams bde bar ngas bshad kyis// ma yengs dag pa'i sems kyis nyom// ye shes rang snang dkyil 'khor la// na mkha'i dbyings kyis dbus gnas par// rang sngags dkyil 'khor gsal bar bsgom// ye shes rol pa'i tshogs chen kun// thugs dam dbang gi rang bzhin byon pa rnams// rnam dag dbang gi bde ba dam pa bzhengs// gsang ba'i rang bzhin rang dang shes rab ste// ngo bo nyid dag dang gi rang bzhin med// bdag dang tshogs bcas ma lus de bzhin te// ye shes tshegs can rdzogs pa'i rang bzhin te// de thob 'bras bu mthar phyin sa la gnas pa'o// nyi ma'i dkyil 'khor/ dbus su bsam// bdag nyid ye shes bde bas gang ba dang // zas pa gshes ma'i tshogs kyis gang ba gnyid// sngags kyis dug mda' khong du 'phangs pa dang // rang gi shes mas srog la dbab pa dang // rang gi sngags bcas slong ba'i yi ge ste// drag pa'i dusu gsal ba'i yi ger bcas// mkhas pas spyi dang mnga' bzhugs par bya ba yin// tha mar skul dang bcas pa'i snying po ste// gtan bcas bsgrub par bya ba'i phyir na ni// brgya spangs brgyad dang
- 100a
@#stong bzlas par bya'o// 'bum 'am khri ru bzlas par bya'o// gnas yul gnyis dang srin mo dbang phyugs tshogs// kun gyis gsod pa'i drag sngags 'di yin te// shA na bzhi dang se mo re ma ti/ 'khor lo chen po bzhi ru gnas pa las// dkyil du ma bkod g.yas su yang // g.yon du rang bkod dbus su phaT// 'og tu nir dgos gang ba su dza// g.yon du byang dgos steng 'og rbad kyang dgod// de yis las rnams grub par ngas lung bstan// dang por king ma yang ste 'bru dgu ni// 'bum phrag gsum dung ba bzlas par bya'o// nyi khri gsum ste drug yin no// oM badz+ra kI li kI la ya hUM phaT// don dam pa snying po yongs su grub pa'i cho// zlas dang ma zlas tshig gi tha snyad yin ye nas rang 'byung zlas pa chen po ni// ngo bo nyid kyi rang bzhin no// de 'dra'i zlas pa chen po don gyi snying po ni// ma bcos rang 'byung snying po'i sngags ste// zab mo'i zlas pa yin zhes brgya ru bstan// rang bzhin lhan cig skyes pa'i rang bzhin las// ma ra ya'i zlos pa bya ste// zlas pa mthar phyin bya// 'di 'dra'i zlas pa ye shes mchog tu 'phags// gsang ba'i zlas pa zhes ni brgya ru bstan// dngas ma 'dus pa'i ngo bo las// 'od 'bar ye shes rab bskul bas khrag gi dmigs ma mgo dgu dag du gsal// dbus ni mgo ni dbus kyi srog rtse 'dzin// rtsa brgyad nang nas mgo brgyang zhugs nas ni// yul brgyad gnas brgyad dag la stobs par byed// nyi ma'i snying po bzhin du tshor zhing gsal/ brjod pa kun las 'das pa'i snying po yin// stong bskor 'bar bas dmigs bu bcu drug 'gyur// de'i steng dmigs bu sum cu rtsa gnyis so// 'og tu 'dzag pas drug cu rtsa bzhi ste// de'i 'og tu dmigs bu lnga ru 'gyur// dang po gan+d+ha
- 100b
ba'i sa pa'i sa bon las// 'phreng ba oM dang phaT la gtugs// bskul ba ma nas bo Ta la gtugs// skul ma nas byon na gtugs// mtshon ma nas rbad la gtugs// 'gugs ba ma nas dza la gtugs// mnan pa nas nan la gtugs// rbang nan zhes ni gzir bar bya// dril ba ma nas phro ma la gtugs// dbab pa ma nas hri la dang shar dang pho ba la gtugs// tsha ba ma nas ram la btugs// hri dang shar dang phobs kyis mthara' ru las rnams dbyi ba zhi/ de yis rten byas dam pa'i byang chub sems// ye shes lnga gsal don dam dbyings nas bskyod// rten 'brel gnas lugs gsang ba'i gnas byin brlabs// sa dbus dmigs dang bcas pas snying po len// 'phra ba'i tshe na ma lnga shugs kyi 'byung // zlas pa mthar phyin 'bras bu chen po yin// nang gi zlas pa yin zhes brgya ru bstan// rnal 'byor dam pa rnams kyis zlas pa 'di bya// gang la btab kyang snying po len par nges// gal te zlas pa 'di dang 'bral ba/ ni dus min tshe'i bar chad byas nas ni// 'bras bu ngan song gsum du lhung bar nges// zlas pa 'di la gnas pa'i rnal 'byor dam pa ni// tshe ring nad med phun sum tshogs pa dang // lus ma bor ba nyid nas byang chub sems dpa'i sa// sangs rgyas nyid kyis sa la gnas pa yin// dgyes pa chen po'i mchod pa rtag tu 'bul// thams cad bdud rtsi lnga la rab tu grub// rdo rje gzhon nu 'khor lo rgyas 'debs gnyis// ye shes chu zla'i dkyil 'khor dam pasgom// rtsa ba'i lab yum dang // ke'u sing yan chad kyi 'phrin las so// rtsa ba'i rang bzhin yang dag gsungs// rtsa ba'i lha'i bye brag rnams// ji ltar sngags kyi mtshan nyid gsungs// srung ma rnam gsum las rnams kun// 'di las bsad pa ji ltar lags
- 101a
@/ bcom ldan dag la bka' drin gsung // bcom ldan 'das kyi bka' stsal pa// rdo rje nges pa khyod kyis ni// dregs pa can dag sgral don du// zhu ba'i rnam pa legs so legs// de'i bstan bsrung don du/ rnam gsum 'khor lo bshad bya ba/ ma yengs yid kyis bstan par gyis// dngas ma 'dus pa'i ngo bo las// 'od 'bar ye shes rab bskul nas// khrag gi dmigs pa mgo dgu tu gsal// spro du'i rim pa gong bzhin shes/ bar bya'o// dbusu ma dang g.yas par ya// g.yon par ra gter dbu su phaT// gong bzhin kun la sgom par bya// ye nas snang dang mi snang med// shU na bzhi dang lha mo bzhi// sa bdag mched bzhi la sogs kun// rtag dang ched ba yod me dang // brjod dang bral lam yul la 'das// rang bzhin gnas pa'i snying po de// len par phyin na ma rangs dang // de 'dra'i don chen ma mthong ste// nyon mongs lnga'i dri mar dgos// de len phyir na 'khor lo bsgyur// de dag ded phyir ni ye shes kyis// bye brag rnam gsum gsung ba yin// de la dbang bsgyur khyad par du// thabs mchog dam pa'i rang bzhin gyis// gnas nas dbang byas de thong tshe// rang gi ye shes len zhes bya// sku gsung/ thugs kyi rgya ru bstan// byi nang gsang ba de shes bya// gsang chen dang ni yang gas gtor// de dag rim par bshad par bya// ye shes mchog 'gyur dam pa la// rang gi rang bzhin de bzhin te// bden pa'i snying po re bzhin las/ yang dag don du mkhas pas rtag/ gsum pa'i mya ru 'di rang bstan// rdo rje zur ba'i le'u ste gsum pa'o// de nas ston pa kun bzang la// rnga rje chos kyi 'di skad zhus/ e ma ha// thams/
- 101b
cad don mchog khyad par can// don rnams ma lus gsungs lags na// 'di don 'jug tshal rnal 'byol te// dug lnga dug gsum dbang gis na// zhes sdang don rnams bstan lags na// nga rgyal bsgral ba ji ltar lags// bcom ldan 'das la bka' drin gsungs// 'jam dpal gshed po khyod kyis ni// dug lnga bsgral don zhu ba legs// so so'i bye brag khyod la bstan// nga rgyal dug gis khengs pa rnams// spang nas bsgral don snyed pa min// rab tu bcings nas gnas ngas len// skyon rnams rnam par 'phel bar 'gyur// yongasu khengs pa'i nga rgyal po// nga'o snyams pa'i sems 'chang zhing // gzhan las lhag pa'i stobs 'tshang zhing // de yis 'og pa'i lam gnas te// spangs bas bden pa'i tshig mi skyed// spangs pas gsang ba'i sngags don dang // sbas pa'i don nyid ma bcings pas// gab pa'i mchog de bsnyed 'gyur ro// gzhan la nga rgyal dbang bsgyur bas// zhen pa'i tshig gis gzhan don 'gegs/ de yis 'bras bu log par rnyed// de yis bden pa'i tshig mi 'byung // spangs pas mu stegs lam du 'gro// spyad pas nga rgyal chen po yis// don la ma lus de gnas tshe// rtog med bde ba'i lam gnas shing // ye shes chen por de nas 'gyur// dag pa'i gnod chen zab mo'i nang // zla ba'i dkyil 'khor mtha' ru ni// mthar byed lnga dang khro bo bcu// yab yum gnyis med bde bas gsal// nam grang nag mo'i tshogs bcas kun// rang rang rgyud ltar gsag sgom ste// ma ra ya yi yi ge ni// dbusu ma dang g.ya su ya// g.yon par ra ste g.ya su phaT// 'og mar Ni bskod g.ya su dza// g.yon du b+h+yo bskong steng du rbad kyang dgos// de yis las rnams rang lung bstan// dang por a kro 'bru
- 102a
bdun mi// 'bum phrag bdun du bzlas pas bya// nyi khri gsum ste drug yin no// oM a kro ti ka hU~M phaT/ bsreg pa'i sa bon mthar bzhag la// byang chub sems chung ngam par 'gyur// stong dang len pa'i ting 'dzin gyis// mnyam pa nyid kyi ye shes gsal// ma las gyur pa'i bdag po de// pad+ma ra ka'i mdog 'dra bar// de bzhin gshegs pa'i dam tshig gis// 'od 'bar ye shes rab bskul bas// lcag gi sdig pa mgo dgur gyur/ lhung rgyas nang nas 'gur du bzhugs// rnam shes brgyad kyi bcus rnams len// dbus kyi mgo ni dbus kyi srog rtsa 'dzin// steng du 'phrog pas bcu bdun te// de steng sum cu rtsa gsum mo// 'og 'phros drug cu rtsa bzhi te// dbus ma dang ni drug cu lnga// gsang bar 'phros pas lnga ru 'gyur// bcud kyi dang ma dri ma med// rin chen rigs kyi dam tshig ste// mnyam nyid ye shes ngo bo nyid// grub pas de'i ngo bo 'od du gnas// zos pas de nyid las byung te// me tog dang bcas yi ge sbas// lo thog can gyi shes pa le ni// 'jam dpal rtsa ba'i rgyu ru bstan// de nas yang 'jam dpal gshed pos 'di skad gsal lo// rgyu 'bras ngo bor bzhugs pa ni// gsang sngags bdag po khyod lags na/ dkyil 'khor nyam su len byed pa'i// rnal 'byor dam pa gang dag gi/ ting 'dzin dang las mi gnas tshe// de tshe bzlas pa mi gnas lam// rdul mtshon dkyil 'khor mnyan ma ste// gsang ba'i dkyil 'khor de ma lags/ rdzas kyi 'khor lo ma lags te// 'khor lo chen po bsgrub pa la// gsang rgyud ji snyed 'byung 'gyur bas// bzlas pa'i gsang sngags ji ltar lags// 'das pa'i thabs rnams ji ltar lags// de'i 'bras bu ji ltar 'byung //
- 102b
yang dag rdzogs kyi bka' gsol cig/ 'jam dpal gshed po khyod kyi ni// rnal 'byor las dang don chen du// sngags don zhu ba rab tu legs// sngags dang bzlas thabs 'bras bu kun// gsang bar bshad kyis gus par nyon// rang bor a kro 'bru bdun ni// sku gsung thugs kyi bzlas pa ste// 'byung dang 'dus dang gnas pa nyid// gsang ba gsum po len pa yin// ma ni rang dbang byed pa ste// ru lu srog gi snying por gsung // rbad ni gsang ba'i sngags yin te// zum ril gzir po'i sngagasu bstan// ma ra ya zhes bya ba ni// gong bzhin kun la shes par bya// dbang snying kun la gsal byas la// thugs kyi snying po gnas la zhugs// gnas pa'i ngo bo gsal la mtshar/ 'bras bu ma ra ya yis len// yang dag rigs 'dzin 'bras bu 'bar ba ste// yon tan snying po dam pa len// gsang ba thugs kyi zlas pa ste// 'phro 'du 'byung ba'i gnas mchog gi/ thugs kyi 'bras bu len par byed// gshin rje gshed po'i rgya ru bstan// 'jam dpal gshin rje'i le'u ste bzhi pa'o// / de nas pad+ma sems dpa' yis// bcom ldan 'das la 'di skad zhus// kye ma gsang ba'i sngags kyi bdag/ phyogs bcu dus bzhi rdzogs pa yis// ye shes gsang ba'i rang bzhin las// ngo bo nyid las 'bras bu 'byung // dbang chen gsang sngags gang lags pa// bcom ldan 'das kyis lung bstan gsol// de nas kun tu bzang pos bka' stsal pa// oM las 'byung ba'i snying po de// ma 'ong don du zhu ba legs// nga yis khyod la bshad par bya// lus ngag yid gsum gus par nyon// 'dod la chags pa'i rang bzhin gyis// mtshan ma'i dbang lba
- 103a
'byas nas ni// khrus cu brlag par byed/ sras pasangon rnams skyed pa rgyas/ 4 sa nus gnas pan snam+bu// skyod rnams rnam pa pa ma rab tu ngas dag pal rjod na spyad pas 'bras bu chen po thob// spang bas bden pa'i tshig mi 'gyur// spang bas mu stegs lam du 'gro/ me tog dang bcas yi ge oM// ha ya gri ba hU~M hri druM// yi ge bdun pa rtsa ba yin// grub pas de'i 'od du gnas// tha ska ni dang tha to la// dam pa'i chos las 'byung ba yis// so sor rtog pa'i ye shes te// pad+ma'i rigs kyi dam tshig go// yongs rdzogs ngo bo las byung ba// de'i tshe rgyu nyid 'bras bu yin// zla ba'i dkyil 'khor dang bcas pa// 'dro 'dur 'gyur ba'i dngas pa dang // le'u rngan lta bur gyur pa ste// ma ra ya'i ting 'dzin gyis// khrag gi sbal ba mgo dgur 'gyur// rtsa brgyad nang nas mgo brgyad zhugs// dbus kyis mgo ni dbus kyi srog rtsa 'dzin// gnas yul bcu drug sbrang mo bcu drug ste// steng du spros pas spang mo bcu bdun ste// de steng spros pas sum cu gsum// 'og tu 'phros pas drug cu rtsa lnga ste// gsang ba la ni sngags yin no// ye shes tshogs kyi gang ba dang // sbas pa'i tshogs kyi gang ba gnyis// srog sum las grub mchog gi las/ bsam gtan nyid kyi de grub po// 'khor ba'i bag chags rtogs bcas mthun// gnas ngan len pa thams cad kun// gdong nas sangs rgyas nyid gnas pas// dag dang ma dag gnyis med de// rang bzhin rmongs la gsad pas na// skal tshwa ba can gsang nyid gsang ba// nyon mongs mnga' bdag gnas ngan len// pad+ma'i gsang rgyad thams cad du// ma ra ya'i de nyid 'di// thad kun la 'di bzhin rtag/ bden pa'i snying po rang bzhin pas// khyab pa'i ye shes chen po des// lha'i gnasu
- 103b
sgom pa / wA na pa / d+hA rnan kyi du rdzu sa / rnams pa hU~M / sa ga ldam sa/ sa gyu ma ra ba rnams// so so'i bye brag bstan lags na// phrag dog dbang 'gyur sems cani bsgrilo// bcom ldan 'das kyis lung bstan gsol// brag dog sems can don phyir ro// khyod kyis zhus pa rab tu legs// nga yis bshad kyi gus pas nyon dngos la gnas shing 'tshor med pas// de yis 'bras bu len pa med// log pa'i sems can phrag dog de// spang bas 'bras bu 'byung mi 'gyur// spang bas chos nyid don gsal 'gyur// phrag dog can gyi sems can te// da'o snyam pa'i sems 'chang zhing // gzhan pas lhag pa'i stobs snyems pas// de yis log pa'i lam bstan te// spang bas bden pa'i tshigs mi snyed// sbyang bas gsang ba'i gsang ba'i gsang don dang // sbas pa'i don nyid ma bcings bas gab pa'i chos nyid des bsnyed 'gyur// gzhan la phrag dog dbang sgyur nas// zhen pa'i tshig gi gzhan don 'gegs// de'i 'bras bu 'og snyed kyi// de las bden pa'i tshig mi 'byung // spang bas mu stegs lam du 'gro/ spyad pas phrag dog chen po yis// don la ma lus de gnas te// rtog med bde ba'i lam la gnas// ye shes chen por de gnas 'gyur// de'i don nyid bshad bya ba// rtsa ba brgyad ni snying po'i mchog/ oM ru lu ru lu hU~M b+h+yo hU~M// 'khor ba rnam grol byang chub sems// 'di ltar gnang ba'i chos nyid ni// ye nas rang gi rang bzhin dag/ ngo bo nyid kyi ma skyed pas// gzugs dang sgra la sogs pa la// rab tu rtag gsal sngos mang bsgoms// dang po nyid bsgrub byang chub sems// de rtag
- 104a
don rang gnyisu gsal// mtshan dang dpe'i rnam grol shes// nyon mongs mi gnas ngo bo nyid// de rgyu yul dmigs ye shes min// rnam par dag pa'i sems de la// bdag gi kun shes rnam shes ni/ 'bru brgyad dag tu yang dag gnas// ji ltar rtag pa'i snying po la// ma ra ya'i 'phreng ba ni// rab tu g.yo ba'i byang chub sems// dngas ma 'dus pa'i ngo bo nyid// le'u rgan 'bar ba'i mdog tu snang // de las shel gyi mdog tu gnang // de las shel gyi sdig par 'gyur// rtsa brgyad nang nas mgo brgyad bzhugs// dbus kyi mgo ni srog rtsa 'dzin// steng du 'phros pas bcu bdun te// de steng sum cu rtsa gsu mo// 'og tu 'phros pas drug cu lnga// de'i 'og gsang ba lnga ru brtag par bya// de ltar rab tu rtag gsal na// bdag gi lus 'di rgyu mar snang // bzas pa gshed ma'i tshogs kyis gang // de'i don rab gnyisu 'gyur// lus de'i sems kyi ngo bo len// bsod nams mthu las grub pa ste// snang ba yongasu dag par mdzad// bde gshegs gzhal yas bsod nams rdzogs// de'i rjes 'gro snang ba dang // snang ba dag pa'i ye shes te// ru lu'i 'phro 'du sbyor ba ste// dkyil du ma bskod g.ya su ya// g.yon du ra bskod dbusu phaT/ 'og ma ri ni bskor g.yu su dza// g.yon du b+h+yo bskong de'i steng rbad kyang dgod// de'i sa las rnams 'grub par ngas lung bstan// bstan pa las grol byang chub sems// de rtags ma gnyis mi gnas 'gyur// rtag tu rgyud las byang chub sems// chos dbyings dag pa'i gzhal yas te// de la sems bstan gsal 'gyur na// don nyid mi snang rten 'brel shes// ye shes lnga'i gzugs brnyan gyis// ltar snang ye shes lan shes bya/ bye brag mang po'i byang chub som/
- 104b
'bras bu shes pa len shes byang // sgyu ma'i gsang rgyad ji snyed du// gsung ba'i sngags rnams thams cad la// 'di bzhin kun la shes par bya// karma he ru ka'i le'u ste drug pa'o// / de nas badz+ra he ru kas// bcom ldan 'das gsang bdag dgyes chen la// bskor ba byas nas rkyang phyag 'tshal// phyi nang gsang ba'i mchod pas mchod// de rjes bstod pa dag kyang bya// e ma ho gsang ba dgyes pa che// dus gsum 'du 'bral med pa'i dbyings// dreg pas myos pas sems can rnams// 'dul lam char bcad ji ltar bgyi// yang dag dbang pos lung bstan gsol// bcom ldan dgyes chen dbang po yis// de skad zhus pa'i tshigs san nas// 'khor gyi dkyil 'khor thams cad kun// hUM zhes brjod nas rang la bsdus// 'jig rten khams kun mi rmigs te// yi ge gsum gyi rang bzhin du// thams cad ma lus gsal bar byas// de nas bcom ldan mngon rdzogs sku/ ye shes lnga las rab 'bar ba'irnga ma dpung nang na rab 'jigs bzhugs// snang las sngags kyis rab bskul bas// phyag rgya'i dkyil 'khor gsal bar 'gyur// rten dang rten can de bzhin te// sngags bzlas pa yis de nyid gsal// oM hU~M ha ma phaT b+ho dzaHsngags 'dris bde ba'i lam gsal nas// brgyan dang rol mo thams cad kyis// bde ba'i gnas mchog khyad par 'phags// tsak+ka 'khor lo las 'byung ba// gser las byas pa'i 'khor lo bcu// gsang chen rdzogs be ri bdag nyid ni// thugs kyi sa bon las byung ba// stobs dang bcas pa'i dbang byed pa'i// bzhi la 'dus pa'i dngas ma rnams// gser gyi dmigs pa'i mgo dgur 'gyur/ rtsa brgyad nang nas mgo brgyad du// dbus kyi mgo ni srog
- 105a
'jag/ khyed du 'bras byas su bdun / sbyangasas spya gsus sku// rag tu 'azlas pas byu lnga / ras Anams rdzu mnas 'phro dra 'di dag rnams ca / ma sna tshogs pa ru rtags// dregs pa thams cad bsgral nas ni// kun rdzob don dam gnyis la dgod// bden gnyis las rnams 'grub par 'gyur// gsal ba'i dkyil 'khor rdzogs pa la// rang bzhin 'grub pa'i byin dang ba phyir gsang sngags zab mo rab skyod pas// dbyings nas dkyil 'khor spyan 'dren mchod// rang rang gnasu bde bzhugs pas// dbang bskur byin dang ba thams cad rdzogs// yang dag dpa' bo'i sku lhun grub// ye shes lnga ldan sangs rgya surba sku gsung thugs kyi bdag nyid can// bde bar gshegs pa'i rang bzhin can// sangs rgyas lnga yis rab tu khrigs// de yis bsam pa thams cad rdzogs// mngon rdzogs rgyal po'i rgyad tshin ji snyed gsungs pa rnams// ma ra ya ni 'di bzhin bskul la shes par bya// bdud mos gsad pa'i yi ge de nyid ni// mnyen par gnas te du ya ling // ma ra ya ni rnam pa gsum du shes par bya// ma yi 'khor lo lnga ru sdig pa'i tshogasu 'gyur// ma lus bung ba'i tshogasu de 'dzin 'gyur// ma lus sbrul gyi tshogs myu ngab/ mag bong gu gu sa shes par bya// rgya nga du gong rgyang drugs/ sa kyi gam sra bo rba lam// steng du gros pas bcu bdun dug tu 'gyur// de stung chucu rtsa gsum ste// 'og tu 'phros pas drug cu rtsa lngar 'gyur// de 'og rnam pa lnga yin ste// spyi ru bsgrub na sdig pa kho nar des// so so'i 'khor lo chen po ni// sdig pa bung bu sbrul du rtag par bya// ma ra ya'i ge ni// dbusu ma dang g.ya su
- 105b
ya Ta g.yon par lta ba'i dbus su phaT// 'og mar tri bskong g.yas su dza// g.yon par b+h+yo bkod steng du rbad kyang bkod// g.yas par ling rbad tsi te'i dbusu shes par bya// mngon rdzogs rgyal po'i rgyud chen ji snyed du// 'di bzhin thams cad kun la shes par bya'o// mngon rdzogs rgyal po'i le'u ste bdun pa'o// // de nas 'khor rnams kyis bcom ldan 'das kun tu bzang po la 'di skad ces zhug so// legs pa'i shes pa bang bcas pa|gang zhig bden pa'i mi 'dul ba// lnga brgya dus kyi tha ma la// de bsgral gsang sngags ji ltar lags// rang dbang med pa ji ltar 'gyur// de'i man ngag ji ltar lags// mngon rdzogs yab kyis lung bstan gsol// zhes gsol pa/ dpal kun tu bzang pos bka' stsal pa// lnga brgya dus kyi tha ma la// skal med dag dang mi ldan la// gang zhig dregs pa bsgral don du// khyod kyi zhus pa rab tu legs// bden don rab tu rtog par khyed// gdug pa 'dul ba'i don slad du// nga yis khyod la bstan par bya// pad+ma'i steng du hUM bsams la// phyogs bcu'i rgyal ba rnams bskul te// hU~M las khro ba'i skur bzhengs te// 'jig rten dreg pa sum cu kug nas// de yi rnal 'byor las rnams byed// ming ni sre du lcags dang gsum// dang po sri'i mtshan nyid ni// gser dang mthun gyi nang ma gtong // de nas dung gi mtshan nyid ni// smyo 'bog mdze shu zha drum gtong // de nas lcags kyi mtshan nyid ni// chos dri chu 'gab nad rnams gtong // ma ra ya yi kun tu gsod// 'di ni las rnams grub pa ste// mkha' dbyings dag pa'i rang bzhin ni// bstan pa'i don rnams dag pa ste// dag pa nyid na dag pa ste// mi shigs pa'i ngo bo las//
- 106a
dang brdas pan las rgyung ba// busum dag gas sus// gsan dur nganang ngangs laT// 'ag mar rdzi kong g.yas sung// gson du snro gang snang ba nang kyang yang // da yis sa grub rgyar bstam/ brtsol dang bral ba'i rang bzhin no// dngas ma lnga 'dus ngo bo ni// shel gyi dpung ba mgo dgu dag tu 'gyur// rtsa brgyad nang nas mgo brgyad zhugs// dbus kyi mgo na srog rtsa 'dzin// steng du 'phros pas bcu bdun te// de steng sum cu rtsa gsug/ mo// 'og tu 'phros pas drug cu lnga// de 'og 'phres pa lnga ru 'gyur// dang po g.yo bar gyur pa ni// sngags kyi dug zla 'khor du 'phen zhes bya// bum pa'i tshogs kyi gang ba ni// gshed mas srogs la 'babs zhes bya// khams gsum sems can la gnod tshe// 'di yis gdug pa 'joms pa ste// 'joms pa nyid na 'joms pa med// bstan pa'i rang bzhin 'od 'bar bcas// gsal ba'i 'od dang bcas pa ste// yang dag don chen zab mo'i mchog/ gsal nyid na gsal ba med// rdzogs pa'i sangs rgyas thams cad kyis// ma ra ya'i rgya ru bsten// dkyil du ma bkod g.yas su ya// g.yon dur bkod dbusu phaT// 'og mar ni dkod g.ya su dza// g.yon du b+h+yo bkod steng 'og rbad kyang dgod// 'di yis las rnams grub pa'i rgya ru bstan// zang gi dmigs pa 'og sgyur gyur pa de// rtsa brgyad nang nas 'og brgyad zhugs// dbus kyi mgo ni srog rtsa 'dzin// spro bsdus rim pa gong bzhin shes par bya'o// ma ra ya zhes pa sa'i rgya ru bstan// dbus sum bkod g.ya su ya// g.yon du ra bkod dbusu phaT/ 'og mar Ni bkod ga ya su dza// g.yon par b+ho bkod steng 'og rbad kyang bkod// spro bsdu sngags kyi rim pa
- 106b
g.yos pa'i tshe// rnam dag rang gi ngo bo de nyid len// ngo bo nyis dag rang gi rang bzhin med// bdag dang tshogs bcas ma lus de bzhin te// ye shes tshogs chen rdzogs pa'i rang bzhin ni// de thob 'bras bu mthar phyir bde ba gang // gshed mas srog la 'bebs pa'i gshed bdag ni// nyi ma'i dkyil 'khor dbus su gsal// rang gi sngags bcas rmos pa'i yi ge ste// lcags kyi dmigs pa 'og rgyu dag tu 'gyur// 'og rgyad rtsa brgyad nang du 'jug/ dbus kyi margan srog ci 'dzin// steng du 'bras pas bcu bdun dag tu 'gyur/ sa rnam b+ha wA ru 'gyur // bzas pa bsheng ma'i tshigs kyi gang ba ni// 'byung ba lnga khrug sdug bsngal nyams myong // ma bcos rang 'byung rnying po sam dbar len// gsang ba mdog med ze'u rang rgya ru brgyan// sre dung lcags dang gsum gyi le'u ste brgyad pa'o// rdzogs so// shin pa shigapa pa che gying ma pa ga dus pa cung / @#// rgya gar skad du/ sarba ta thA ga ta srA b+ha wa oM kro d+ha tan+t+ra na ma/ bod skad du/ de bzhin gshegs pa thams cad kyi dgongs pa khro bo 'dus pa'i rgyud ces bya ba/ bcom ldan 'das dpal kun tu bzang po he ru ka la phyag 'tshalo// de nas bcom 'das chos thams cad kyi rang bzhin de kho na nyid/ ye shes chen po'i ngo bo/ sku gsung thugs lhun gyis grub pa/ rdo rje'i bdag nyid ye shes thugs rje'i rol pa/ gnyis su med pa'i thig le/ longasu bkod pa'i snying po// thams cad nas thams cad du khyab brdal te/ mi skye mi 'gal na mkha'i ngo bor le nas sangs rgyas pa/ cis kyang btsal du med pa/ mi 'gyur ba 'gyur ba med pa/ ma bcos pa bcos pa med pa/ mi snang ba snang ba med pa/ ma grub pa grub du med pa / gnyis