Q2031MW1KG13126_2031bstod tshogsAll versions of this work

yang dag par rdzogs pa'i sangs rgyas kyi mtshan la bstod pa

Saṃmyaksambuddhayakatastotraṃ

Text

ff. 118b–119a · 2 folio sides

  1. 118b

    rgya gar gyi mkhan po bi d+ha ka ra siM ha pra b+ha dang / zhu chen gyi lo tsA ba par de dpal brtsegs rak+Shi ta sa bsgyur cing zhus te ga tan la phab pa// yang dag par rdzogs pa'i sangs rgyas kyi mtshan la bstod pa/ rgyo gar skad du/ saM mya k+Shi mAd+hA ya ka ta s+t+wa~M traM/ bod skad du/ yang dag par rdzogs pa'i sangs rgyas kyi mtshan la bstod pa/ dkon mchog gsum la phyag 'tshal lo// lha dang lha min rnams kyis rgya cher mchod gyur cing // bcom ldan mdzes pa yid 'ong mtha' yas dang ldan pa'i// zas gtsang rigs rnams kyi ni rgyar gyi mchog gyur pa// gangs ri lta bur rgya cher mdzes la phyag 'tshal lo// gang zhig khu b+hag bung ba sngon po lta bur 'jam gnag 'khyil zhing mdzes pa'i dbu// gser gyi ri ngos tsam pA ka dang ldong ros lta bur dpral ba dri ma med// gangs dngul ku mu da dang pad rtsa mu tig zla 'od las lhag mdzod spr-i dkar// bcom gser gyi kha dog lta bur 'phyang zhing rab tu mdzes pa'i skar// in dra nI la bung ba sprin nag dang 'dra smin madri med 'jam// shangs kyi gzengs mtho rab mdzes sme na ma rgyas pa lta bur mkhur tshes dmar// mchu ni bim pa gzhon zhing 'gram pa seng ge dang 'dra go ko'i dkyil 'khor mdzes// mnyam zhing thags bzang tshems mnga' ut+pal rgyas pa'i 'dab ltar dkyus ring gnyin pa'i ljags nga pa khu bu ga ka la bing ka lta bur yid du 'ong ba'i gsung // lha rnga mchog dang 'brug dang tshangs dbyangs lta bur snyan cing dri ma med pa'i dbyangs// zlum rgyas mgur ni dung 'dra yangs shing dkyus ring rgyas pa'i thal gong mtho// gser sbyangs dang 'dra gser gyi ri ngos mtshungs shing phrag gong dri ma med// sum cu gsum dbang glang po'i snga 'dra bcom gser gyi kha dog lta bu'i phyag/ mdzes par 'khyil zhing

  2. 119a

    / bkra shis lcags kyo nya dang 'khor lo dag gis phyag mthil mtshan// brang ba'i lus dang khu byug mdog 'dra ba spu re re g.yas su 'khyil// gser gyi ri rtser pad+ma rA ga'i myu gu mthon pas khyab dang 'dra ba yi// mchog gi rab mchog pad+ma rA ga lta bu'i dbus na lte ba g.yas phyogs 'khyil// 'doms kyi sra ba srubs nub pus mo'i lha nga'i dkyil 'khor 'bar 'bur med cing mnyam// gser gyi chu shing 'dzam bu na da dang ni gser gyi ta la 'dra ba'i brla// legs skyes rim gyis phra zhing seng ge dang ni ri dgas lta bur rje dar zlum// ngang pa'i rgyal po lta bur mnyam la dra bas 'brel zhing rab tu mdzes pa'i zhabs// dal zhing brtan la mi g.yo seng ge dang ni glang po'i stabs su mdzes par gshegs// ngos dmar mtshams kyi nyi ma dmar bas khyab pa lta bur 'od zer rnam par 'phro// gser dang nor bu chu shel lta bur mdzes shing yid du 'ong ba'i sku// dri med nyi ma dbang po'i gzhu 'dra bcom ldan g.yas phyogs gshegs pa'i sku// rdzu 'phrul rkang pa'i zhabs brtan yang dag brtson 'grus mdzes pa'i snam logs can// bcom ldan seng ge lha dbang klu dang mi yi dbang pos mchod byas zhabs// bdud kyi bu mo zur mig lta bas gang gi ting 'dzin mi g.yo ri ltar brtan// dpa' bo'i mtshon gyis mi bsnyil cod pan gyis btud dbang chen rnams la mgos phyag 'tshal// de ltar bcom ldan 'das la bdag gis mngon par bstod pa bgyis pa las// bdag gis dge ba gang bsags de yis 'gro kun sangs rgyas myur grub shog/ yang dag par rdzogs pa'i sangs rgyas kyi mtshan la bstod pa/ snyan dag mkhan chen po slob dpon ma ti tsi thas mdzad pa rdzogs so// mang+ga maM

Colophon

yang dag par rdzogs pa'i sangs rgyas kyi mtshan la bstod pa/_snyan ngag mkhan chen po slob dpon ma ti tsi tras mdzad pa rdzogs so/