rDzogs chen - Sems sdeAll versions of this work

dpal kun tu bzang po bde ba chen po'i man ngag

Śrisamantabhadrasukhaupadeśa

Text

ff. 107a–120b · 28 folio sides

  1. 107a

    bcung phyung nas/ don bsdus pa/ bang mdzod 'phrul gyis lde mig las/ gsang ba'i bdag pos/ sems dpa' rdo rje la gdam ngag rim par phogs pa rdzogaso// yab phyed 'phrul gyi rdzi mig bzhugs/ @#/ rgya gar ska du/ shrI sa man+ta b+ha dra su kha u pa de sha/ bod skadadu/ dpal kun tu bzang po bde ba chen po'i man ngag/ bcom ldan 'das dpal kun tu bzang po phyag 'tshal lo// de nas gsang ba'i bdag po de/ chos kyi dbyings kyi pho brang mkha' klong dag la/ rgyu yongasu ma chad pa na/ 'byed pa med pa'i 'khor gyi skor/ byang chub sems kyi don rnam par 'brel cing dus gsum ji bzhin par bzhugaso// de nas sems dpa' rdo rjes 'khor gyis nang nas langs nas/ 'di skad ces gsol to// kye gsang ba'i bdag po lags/ bde gshegs pa'i snying po yis// 'gro ba kun la khyab ces pa// 'gro kun ma grol ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye songa' chen po nyon cig/ bde bar gshegs pa'i snying po yis// 'gro ba kun la de yis khams gsum 'khor bar 'khor// kye sems dpa' chen po nyon cig// nges pa'i gsang mdzod chen mo na// mi zang rin gter yod kyang // ma rig mtha' ma sngon po dang // de phyir 'phrul gyi sde mig

  2. 107b

    stor da ye shes 'phrul gyi bzo bo yis// dang po lcags btsal 'gar ba bkug/ bar du gyong btul thar yang bya// lnga gnyisu gsum dang bcas pa yis// man ngag lus tshad lde mig gis// nges pa'i gas sgo phye nas ni// mi zad rin chen gter chen len// thob med 'bras bu rang la smin// ces gsungs so// yang byed 'phrul gyi lde mig las/ gleng gzhi dang gleng slang ba'i le'u ste dang po'o// / de nas yang sems dpa' rdo rje yis// bcom ldan 'das gsang ba'i bdag po la 'di skad ces gsol to// kye gsang ba'i bdag po lags// chos nyid byang chub sems kyi don// ma bshad go bar mi 'gyur na// de yis bshad lugs ji ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ khyud chen bshog rdzogs lta bu'i blos dang don gyis spyi khog phug ste bshad// sta gi mchod stabs lta bu'i blos// sgyus kyang sa rnams ces de ba shad// rus sbal nur 'gros lta bu'i blos// yi ge 'bru rnams chom par bshad// ces gsungaso// yang gsol pa/ kye gsang ba'i bdag po lags// don gyi spyi khog ji ltar dbub// gsang ba'i bdag pos bstan du gsol// gsang ba'i bdag pos gsungs pa/ kye seda' chen po nyon cig/ don gyi spyi khog dbub pa ni// sngon du 'gro ba'i yan lag gi/ chos gta mo rims pas dbug dbyung 'tshal// dgongs pa nye bar bzhag nas ni// bstan pa'i rim par dgod kyang 'tshal// 'dod pa rang rkyen

  3. 108a

    'cham pa ru// rang snang ngo bos chos bstan dgos// byin rlabs snang ba mi nub phyir// theg pa'i bab tshul bstan yang dgos// lo rgyus yid ches bya ba'i phyir// bka' bstan chos khung bstan yang dgos// ces gsungaso// yang gsol pa/ kye gsang ba'i bdag po lags// rgyud kyis sa rnams ji ltar bcing // gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ lnga gnyis gsum gyi yan lag gis// rgyud kyis rnams bcad bshad// ces gsungs so// yang gsol pa/ kye gsang ba'i bdag po lags yi ge 'bru rnams ji ltar gzhom// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ grong gis shugs dang 'og shugs// rgyal ba'i lung dang don sbyar nas// yi ge 'bru ni chom par bshang // ces gsungs so// yang byed 'phrul gyi lde mig las// byang chub kyi sems bshad thabs kyi le'u ste gnyis pa'o// / yang gsol pa/ kye gsang ba'i bdag po lags// theg pa'i 'jug sgo gang dang gang // gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ nyan thos bden pana'i sgo nas 'jug// mdo sde bden gnyis sgo nas 'jug/ kr-i ya dag gsum sgo nas 'jug/ u paM yai la nges pa med// yo ga dag gi 'jug sgo ni// mngon par byang chub lnga sgom nas/

  4. 108b

    ma hA yo ga'i 'jug sgo ni// ting 'dzin rnam gsum sgo nas 'jug/ rdzogs pa a nu yo ga ni// dbyings dang ye shes sgro 'jug nas// rdzogs chen a ti yo ga nI// dmigs med dag pa'i sgo nas 'jug ces gsungaso// yang gsol pa/ kye gsang ba'i bdag po lags// theg pa'i bsrung mtshams gang dang gang // gsang ba'i bdag pos bstan du gsol// gsang ba'i bdag pos gsungs pa/ kye si nga' chen po nyon cig/ nyan thos rang rgyal bsrung mtshams ni// nyis brgya lnga bcu'i 'dul khrims yin// theg pa chen mdo sde'i bsrungs mtshams ni// rtsa ba'i sdom pa nyi bsrungs// bya ba rgyud kyi bsrungs mtshams ni// rtsa ba dang ni yan lag bsrung // de yang ji ltar bsrung zhe na// dkon mchog gsum dang byang chub sems// sngags dang phyag rgya mi spang zhing // rdo rje dril bu spang mi bya// lho dang bla ma de bzhin no// de ni yan lag dam tshig yin// rtsa ba'i dam tshig lnga po ni// khri la nyal bar mi bya zhing // sha mi za zhing chang mi btung // sgrog pa la phug za mi bya// rnal 'byor rgyud kyi bsrung ba mtshams ni// gong gi bsrung mtshams steng du ni// lung cig chu la mi btung zhing // nyams dang kha mi sre ba bsrungs// rnal 'byor chen po'i bsrungs mtshams ni// rtsa ba'i dam tshig gsum po dang // yan lag nyi shu rtsa lnga bsrungs// yan lag dam tshig bstan pa ni// sgyu dang mi spang dang du blang // shes dang sgrub par bya ba'o// a nu yo ga'i bsrungs mtshams ni// dbyings las mi 'anga'i dam tshig bsrungs// a ti yo ga'i dam tshig ni// med pa dang ni phyal ba dang

  5. 109a

    @#/ gcig pu dang ni lhun gyis grub// de ni don las 'da' mi bya// ces gsung so// yang gsol pa/ kye gsang ba'i bdag po lags// theg pa'i bgrod lam ji ltar lags// gsang ba'i bdag pos bsnun du gsol// gsang ba'i bdag pos gsungs pa/ kye sems dpa' rdo rje chen po nyon cig/ theg pa'i bgrod lam bstan pa ni// spong 'gegs skyong dang bsgyur ba'i lam// shes par byed pa'i lam dang lnga// ces gsungaso// yang gsol pa/ kye gsang ba'i bdag po lags// theg pa rnams kyi lta ba gang // gsang ba'i bdag pos bstan du gsol// gsang ba'i bdag pos gsungs pa/ kye seMda' chen po nyon cig/ nyan thos theg pa'i lta ba ni// chos la bdag med ma rtogs te// don dam phra rab rdul phran tshwa// kun rdzob g.yag rnga ni sing tshul// sde pa gnyis kyi 'dod gzhung yin// gang zag la ni bdag med rtogs// phyi nad bzung 'dzin gnyisu 'dod// rang rgyal 'dzin pa'i semasu 'dong // sems tsam lta ba gnyis yod de// rnam bcas pa dang rnam med// sems tsam rnam bcas lta ba ni// phyi rol dkar dmar la sogs pa// dbang po'i yul du snang ba kun// sems la sogs pa cig pa yin// shes pa bdag nyid bden par 'dod// rnam med dag pa'i lta ba ni// rnam par shes dang mgo mnyam du// yang dag yod pa ma yin te/ shes bden rnam pa brdzun par 'dong // dbu ma'i lta ba'i 'thun te// la l-i bden pa gnyi su 'dod// la la rang reg 'od gsal 'dod// la la dag gis lta ba ni// chos nyid stong pa na mkhar 'dod// la la rab tu mi gnas pa// sems

  6. 109b

    dang sems las byung ba'i chos// ye shes rgyun chad lta bar 'dod// gsang sngags thun mong lta ba ni// don dam skye 'gag med par 'dod// cung zad kun rdzob mi 'thun te// dam tshig ye shes se der gnyis// la la rje dang bran gyi tshul// la la dpon dang g.yo gi yul// la la spun dang grogs kyi tshul// bskyed pa ma hA yo ga ni// ye shes dam tshig tshul mi 'dzin// rang rgyud dag pa'i lha ru 'dod// rdzogs pa a nu yo ga ni ma bskyed rdzogs pa'i lha ru 'dod// rdzogs chen a ti yo gA ni// kun bral ci ma spangs pa dang // rgya ched phyogs lhung med pa dang // lcug med yongasu rdzogs par 'dod// ces gsungaso// yang gsol ba/ kye gsang ba'i bdag po lags// sa dang sa yi rim pa gang // gsang ba'i bdag pos bstan du gsol// gsang ba'i bdag pos gsungs pa/ kye seMde' chen po nyon cig/ mtshan nyid sde gsum sa bstan pa// brgya dang bcu rnams sbyangs nas ni// bcug kun tu 'od kyis// thun mong sngags kyi sa bstan pa// ma chags pad+ma spyan gyi sa// rdzogs pa chen po'i sa bstan pa// rang bzhin lhun grub mngon du sna // de nyid mngon gyur pa'i sa// 'khor lo tshon sa ru 'dod// ces gsungaso// yang gsol pa/ kye gsang ba'i bdag po lags// theg pa rim par phye ba yis// 'bras bu thob tshul ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye senga' chen po nyon cig/ la la dgra bcom 'bras bu yin// zung bzhi ya brgyad go 'phang thob// la la gse ru lta bu ste// la la sku gsum ye shes bzhi// thun mong sngags kyis 'bras bu

  7. 110a

    thun mong phyag mya rig 'dzin thob// rdzogs chen a ti'i 'bras bu ni// gdong nas snying po byang chub tu// thog med 'bras bu rang la sbyin// ces gsung so// yang 'byed 'phrul gyi sde mig las/ sgo kunas bsrungs pa'i yan lag bstan pa'i le'u ste gsum pa'o// yang gsol pa/ kyi gsang ba'i bdag po lags// dam tshig zhes bya ba ji ltar lags// srung ba'i thabs ni ji ltar lags// nyams pa'i gso thabs ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dam tshig dam tshig zhes bgyi ba// rang rang rtogs pa'i lta ba de de las 'das na tshig par 'gyur// sa steng ko bas g.yogs 'dod na// de nyid g.yogs pas gan lang // rkang mthil gang gis ko ba yis// sa stengs g.yogs dang ci ma 'dra// sdom dang ngam tshig bsrungs mtshams kun// thams cad bsrung bas ga na lang // ji bzhin yis chos nyid la// ma bcos pa yis blo bzhag ste// de yis ngang la ma yengs na// dam tshig thaMd bsrung ba yin// nyams pa'i chad pa byung bas// gso ba'i thabasu de nyid che dman pa'i theg pa thaMd kyi// srung du med na bsrungs pa nyams// rdzogs chen a ti yo ga la// nyams dang ma nyams gnyis med pas// ma g.yeng gsal ba'i ngang du bsdams// ces gsungaso// yang 'byed 'phrul gyi sde mig las/ dam tshig khong 'khyigs kyi yan lag bstan pa'i le'u ste bzhi pa'o// yang gsol pa/ kye gsang ba'i bdag po lags/ brda'athun don gyi khyad par ci// gsang po'i bdag pos

  8. 110b

    bstan du gsol// gsang ba'i bdag pos gsungs pa/ kye sems dpa' chen po nyon cig/ ye shes sna tshogs lus can dang // 'khyal pa sna tshogs lus can gnyis// sna tshogs lus su 'dra mod kyang // mi 'thun khyad par shin tu// ye shes sgyu mar snang ba'i sangs rgyas dang // lo tog sgyu mar snang ba'i sems can gnyis// sgyu ma tsam du ming du 'dra mod kyang // mi 'thun khyad par shin tu che// 'gro drug lus dang bag chags ngan 'khrul dngangang sngags lam sku ngo nga ye shes bzang 'khrul gnyis// 'khrul pa tsam gyis ming du 'dra mod kyang // mi 'thun khyad par shin tu che// bzang rtogs ngan rtogs log rtog sum// ngo bo nyid kyi rtogs pa bzhin rtogs pas bsdus pas 'dra mod kyang // mi 'thun khyad par shin tu che// rdzogs chen shugs 'byung spyod pa dang // theg dman byis pa'i spyod pa gnyis// spyod pa tsam du 'dra mod kyang // mi thun khyad par shin tu che// rdzob chen rang byung ye shes dang // theg dman gnas 'gyur ye shes gnyis// ye shes tsam du 'dra mod kyang // mi 'thun khyad par shin tu che// rdzogs chen lhun grub 'bras bu dang // theg dman tshogs bsags 'bras bu gnyis// 'bras bu tsam du 'dra mod kyang // mi mthun khyad par shin tu che// pra sran 'bras kyi dpe bzhin nam// re nye dang ni gser sku bzhin// sku gzugs tsam du 'dra mod kyang // mi 'thun khyad par shin tu che// ngos bzung / can gyis lta ba dang // ngos bzung med pa'i lta ba gnyis// lta ba tsam du 'dra mod kyang // mi 'thun khyad par shin tu che// phyogs tsam 'dzin pa'i snying rje dang // phyogs ris med pa'i snying rje gnyis// snying rje tsam du 'dra

  9. 111a

    mo dang // maM 'ardzum byung bar she // rjes gas so// yang byed phrul gyi sde rig lngas/ brda brgyun don 'phags pa'i yan lag bstan pa'i le skye rdza ba / yang gsol pa/ kye gsang ba'i bdag po lags// sangs rgyas sems can gzigs mi gzigs// 'gro don ched du mdzad mi mdzad// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ sad+yas se naM sau ru// ye shes chen pos yongs mi gzigs// des na snying rje cir mi 'dzin// chos sku mngon du gyur tsam na// gzugs sku rnam gnyis shugs byung nas// grol nas grol ba'i lam yang ston// ces gsungaso// yang gsol pa/ kye gsang ba'i bdag po lags// sangs rgyas sems can mi gzigs ni// kun tu bde gshegs bskal bzang gis// 'gro rnams sna tshogs sna tshogs la sprul pa sna tshogs pas// 'dul ba sna tshogs ji ltar lags// gsang ba'i bdag pos bstan du gsol// gsang ba'i bdag pos gsungs pa// kye seMnga' chen po nyon cig/ kun tu bde gshegs skal bzang gis pa sde tshogs 'jul ba yong // sde tshogs 'gro rnams rang rangagis// las 'gro bajigs snang bar zang // bde gshegs rgyal ba tha~Md kyis// ngos po rdul yang mi gzigs pas// me du dzad mi sprul yang dpas myong bar gyis// bajig shegs su la rdza pa mas// sa mangs bya tshogs / margyas pa gas snga mang // ces margya 'o// yang com pa rjes tshul pa kyi

  10. 111b

    theg pa thun mongs 'bras bu dang // rdzogs pa chen po'i 'bras bu la// don la khyad par yod dam med// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ theg pa thun mong sang+yas dang // rdzogs chen 'bras bu'i sangs rgyas gnyis// thun mongs mchog dngos grub te// mi 'thun khyad par shin tu che// thun mongs sti gnas sa la gnas// ces gsungaso// yang gsol par dkye gsang ba'i bdag po lags// dus gsum sang+yas cig mi gcig/ gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dper na gzugs rnams sna tshogs kyang // ri rab ngo la phyin tsam na// kun kyang gser gyi mdog tu cig/ dper na chu rnams thams cad kyang // rgya mtsho chen por phyin tsam na// kun kyang lan tshwa'i ro ru cig/ de bzhin dus gsum sangs kyi ma bcos sems kyi lam du zhugs nas// chos sku namakha' lta bu cig/ ces gsungaso// yang gsungs pa/ kye gsang ba'i bdag po lags// rtogs dang ma rtogs khyad par ci// gsang ba'i bdag pos bstan du gsol// gsang ba'i bdag pos gsungs pa/ kye so de' chen po nyon cig/ rtogs dang ma rtogs khyad par ni// mu long dang ni mig ldan bzhin// phyogs rtogs ji bzhin nyid ma rtogs// mig can rnams kyis ji bzhin rtogs// ma rtogs pa dang log par rtogs// phyogs tsam rtogs dang ji bzhin pa// log par rtogs pa mu stegs te// nyan thos rang rgyal rtogs pa// theg pa thug phyogs tsam rtogs// rdzogs chen rtogs

  11. 112a

    @#/ pa ji ltar rtogs// ces gsungaso// yang gsol pa/ kye gsang ba'i bdag pos lags// 'khrul dang ye shes bde sdug bsngal// rgyun dang dum bu ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dus gsum sangs rgyas thams cad la// ye shes rgyun du gnas pa yin// 'gro drug sen thaMd la// 'khrul pa rgyun du gnas pa yin na lam la gnas pa'i rnal 'byor la// 'khrul dang ye shes dum bu gnas// ces gsungaso// yang gsol pa/ kye gsang ba'i bdag po lags// dus gsum sang+yas thaMd la// bde pa rgyun du gnas pa yin// ngan song rnam pa gsum po la// sdug bsngal rgyun du gnas pa yin// mtho ris mi dang lhur bcas la// bde dang sdug bsngal dum bur gnas// chos nyid rang gi ngo bo la// bde dang sdug bsngal dbyer med mnyam// ces gsungaso// yang gsol pa/ kye gsang ba'i bdag po lags// lha zhes bya ba gang la bgyi// 'dre zhes bya ba gang lags bgyi// gsang ba'i bdag pos bstan du gsol// gsang ba'i bdag pos gsungs pa/ kye songa' chen po nyon cig/ ya ma dam sri la sogs pa// ma rtogs pa yi 'du yin yang // gang gis rtogs na de yi lha// sangs rgyas byang chub se der yang // rtogs pa rnams kyi lha yin te gang gis ma rtogs de 'phro 'o// chos nyid rang gi ngo bo lo// rtogs dang ma rtogs gnyi su med// ces gsung so// yang gsol pa/ kye gsang ba'i bdag po logs// 'khor 'das gnyis med thog mtha' gang

  12. 112b

    gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ ji bzhin pa la thog mtha' med// 'khor ba la yang thog mtha' med// mya ngan 'das la phog mtha' med// ma rigs 'khrul pa log pa dang // rang byung ye shes shar ba gnyis// 'khor 'das gnyis kyi thog mtha' cig/ ces gsung so// yang byed 'phrul gyi lde mig las/ gnang bsdus pa'i le'u ste drug pa'o// // yang gsol pa/ kye gsang ba'i bdag po lags// snang ba rkyen gyis yan lag gis// gang dang gang gis rgyu rkyen byed// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ snang ba'i rten 'brel 'khor lo 'di// bla ma'i gdams ngag dran tsam na// rang byung yis chen po des// rang byung ye shes chen po des// rtogs pa mngon du gyur pa yis// bde chen chos sku'i rgyu rkyen byed// bla ma'i ngag dam ngam dran tsam na// ma rig 'khrul pa'i rgyu rkyen byed// ma rig pa yi 'khrul rtog gis// khams gsum 'khor ba'i rgyu rkyen byed// chos nyid rang gis ngo bo la// rtogs dang mi rtogs khyad par las// sangs rgyas sems can gnyisu med// ces gsungs// yang 'byed 'phrul gyi lde mig las/ snang ba rkyen gyi yan lag bstan po'i lo'u ste bdun pa'o// / yang gsol ba/ kye gsang ba'i bdag po lags// dran pa rgyun gyi thag pa yis// gong la ji ltar gdags par bya// gsang ba'i bdag

  13. 113a

    @pos bstan du gsol// gsang ba'i bdag pos gsungs pa// kye sems dpa' chen po nyan cig/ lta ba rtogs pa byed dus su// bla ma'i gdam ngag dran byas la// rang byung ye shes gsal 'phang stong // sgom pa nyam su lan dus su// lta ba'i srog dang ma bral bar// de yis rlan dang ldan par bya// / mar me 'bar ba'i rtse mo 'am// chu bo 'bab pa'i rgyun bzhin du// ting 'dzin 'byung 'jug med pa yis// rgyun chad med pa'i bsam gtan bya// rjes thob shes pa'i dus nyid// / lha sgom srog dang ldan pa yis// dran pa'i thug pa gdags par bya// ces gsungaso// yang 'byed 'phrul gyi lde mig las dran pa rgyun gyi yan lag bstan pa'i le'u ste brgyud pa'o// // yang gsol pa/ kye gsang ba'i bdag po lags// drod rtags tshad kyis yan lag gang // gsang ba'i bstan bdag pos bstan du gsol// gsang ba'i bdag pos gsungs pa// kye se de' chen po nyon cig/ rtags ni rnam pa bzhi yin te// chu bo dag la rgal ba dang // rdzing chen dag la khrus byed dang // gzhan gyis bum pas khrus byed dang // bag chags sbyong ba'i snga ltas yin// mas yar gyen du 'gro ba dang // rin skas la 'dzeg pa dang // phal pa'i skas la 'dzeg pa dang // sa rnams bgrod pa'i sngo ltas yin// tog gar rtse la phyin pa dang // ri bo'i rtse la 'dug pa dang // nyi zla gdan du gting ba ni// sa rnams nor pa'i snga ltas yin// gnyis kyi rtog pa chom pa dang // shig dang srin bu med pa dang // khams kyi zas dang bral

  14. 113b

    / mod kyang // dbang po'i gzi mngangs mi nyams shing // gang la zhen chags mi skye na// nang rtags phyi ru byung ba yin// snga ltas de dag byung ba yang // re ba mi skyed shugs las byung // ting 'dzin tshad du bstan pa ni mtshan mar g.yo ba med pa ni// rgya mtsho gting gi chu bzhi no// rnam rtog g.yo ba mi 'byung ba// skyes bu snying phyung lta bu'o// ting 'dzin brtan par gyur pa ni// ru sbal khar gzhong bcug pa 'dra// rnal 'byor nyam kyi drod bstan pa// phyi nang dang nang dang gsang ba'o// lus kyang ras bal 'dab ma 'am// shing bal 'dab ma bzhin du 'gyur// shin tu yang shing yod mi tshor// 'gro nA ga yang sar lhung snyam byed// de ni phyi yis drod du bstan// phyi nang rgyu ba'i dbugs dag kyang // rgyu ba rang gis mi tshor na// de ni nang gis drod du bstan// dper na ngag gi ma'i 'dod chags bzhin// brjod med pa'i bde ba cig/ pags kyis nyams su myong bar 'gyur// de ni gsang ba'i drod du bstan// ces gsungaso// yang 'byed 'phrul gyi lde mig las/ drod rtags yan lagi le'u ste dgu pa'o// // yang gsol pa/ kyi gsang ba'i bdag po lags// chos nyid don gyis ngo bo de// rang gi ngo bor nges legs// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ chos nyid don gyi ngo bo de// ye nas rang la yod par nges// rang bzhin lhun gyis grub pa'i nges// dus gsum 'du 'bral med par nges// 'pho zhing 'gyur ba med par nges// skye zhing 'gag pa med

  15. 114a

    par nges// gnyen pos zhig tu med par nges// shes shing rig pa'i ngo bo nges// snang tshul cir yang snang bar nges// yin tshul nges pa med par nges// rgya chad phyogs lhung med par nges kun bral dri ma spangs par nges// kun gyis 'byung gnas yin par nges// don la bkol ba med par nges// lAM ba ngos bzung med par nges// sgom pa dmigs gtad med par nges// spyod pa blang dor med bar nges// 'bras bu spangs thob med par nges// sems nyams bstan du med par nges// dam tshig bsrung du med par nges// phrin las brtsal du med par nges// sa la sbyang du med pa ro nges// ces gsungs song la yang gsungs pa/ kye sems dpa' chen po nyon cig/ ci snang ci srid thaMd kun// byang chub sems kyi snang ba ste// sems las ma gtogs chos rnams med// ji ltar snang ba'i chos rnams kun byung yang byang chub sems las byung // byas kyang byang chub sems kyis byas// snang yang byang chub sems kyis smang // 'dus kyang byang chub sems su 'dus// rdzogs kyang byang chub sems la rdzogs// yin yang byang chub sems nyid yin// byang chub sems kyi chos nyid // snang ba med par kun la khya ba// brtsal ba med par lhun gyis grub// bgrod pa med par sa rnams non// byas pa med par lha rnams zi no// ces gsung so// yang 'byed 'phrul gyi lde mig las/ nges pa ton gyi yan lag bstan pa'i le'u ste bcu pa'o// / yang gsol ba/ kye gsang bas

  16. 114b

    bdag po lags// byang chub sems kyi chos nyid de// mthun pa'i dpe yis ma mtshon na// don gyis ngo bo rtogs mi 'gyur// de yis mthun dpe ji ltar lags// gsang ba'i bdag pos bstan du gsol// gas ba'i bdag pos gsungs pa/ kye so 'a chen po nyon cig/ byang chub sems kyi 'thun dpe ni// nam mkha' rje rin po che// rgya mtsho dang ni ri bo ste// brdar brtags ming la nges pa med// na mkha'i dpe yang ma nges ste dpe yang don du 'gro ba yod// 'byung ba'i na mkha' dpe yin to// chos nyid na mkha'i don du 'gro/ rgya mtsho'i dpe yang ma nges ste// 'byung ba rgya mtsho'i dpe yin te// chos nyid rgya mtsho'i don du 'gro// nor bu'i dpe yang ma nges ste// 'jig rten nor bu'i dpe yin te// chos nyid nor bu'i don du 'gro/ rdo'i rab yang ma nges ste// rdo rje pha lam dpo yin te// chos nyid rdo rje'i don du 'gro/ phyag mtshan rdo rje'i rtagasu 'gro/ btags pa'i ming gis rdo rje yis// de yis lung du bstan pa med// ri bo dpe yang ma yis ste// 'byung ba'i ri bo dpe yin te// chos nyid ri bo'i don du 'gro// dper na na mkha'i mtshan nyid ni// pho mo ma yin ma ning min// kha dog ma yin dbyibs ma yin// phyogs bzhi mtshams dang bla 'og min// gcig pa ma yin tha dad min// skye 'gags med cing 'phel 'grib med// snang ba med pa kun la khyab// dus gsum 'dus ma byas pa yin// med la yod pas 'gagos mi byed// thams cad kun gyi gzhi ma yin// byang chub sems kyang ro dang mtshungs// kun nas 'dra ba'i dpe med pas// phyogs tsha 'dra ba'i dpe ru blangs// na mkha' rig pa med

  17. 115a

    sbyang ba sa// sems nags bcas spyong ba ste// ngan la khyang ba shA b+h+ya ma// dardza phre ru bstar ba yang // dusgra gsum 'gro 'gyur med pa dang // gnyen pos pashIg par dga' ba man byang chub sems kyang de dang mtshungs// de yang phyogs cha 'dra ba'i dpe// thams cad kun tu mi 'dra ste// khyi lung lan/ tshwa ra gzho ba gsum// de dag rkyen 'dus rdo rje yang // pha lam shin tu 'jig pa blar byang chub sems la 'jig rten med// de phyir don la khyad par che// rgya mtsho dpe ru blangs pa ni// dper na rgya mtsho chen po la// chu bran rnam pa mang po yang // byung yang rgya mtsho nyid la byung // 'dus kyang rgya mtsho nyi du 'dus// 'dus kyang de la 'phel ba med// de bzhin byang chub sems nyid la// chos rnams sna tshogs byung ba yang // byung yang byang chub sems las byung // byung yang sems la sgrib pa med// 'dus kyang byang chub semasu 'dus// 'dus kyang sems la 'phel ba med// de yang phyogs cha 'dra ba'i dpe// dper na rgya mtsho chen po ni// skal pa'i cha 'gyur byung tsam na// rgya mtsho gting nas skam par 'gyur byang chub sems kyi chos nyid ni// skal par bkrugs kyang med mi 'gyur// de phyir mi 'thun khyad par dbye// nor bu dpe ru blangs pa yang // ji ltar nor bu rIn la// dgos 'dod zad med byung 'gyur yangs 'dam gyis g.yogs na 'byung mi 'gyur// legs par byi dor byas tsam na// dgos 'dod re ba zad med 'gyur// byang chub sems kyi chos sku la// che ba'i yon tan 'byung mod kyang // rnam rtog mtshan

  18. 115b

    mas sgribs pa tsam na// che ba'i yon tan 'byung mi nus// rang byung ye shes chen po yis// sems kyi byi ngor legs byas nA// rnam rtog ye shes la ngos tsam nA// che ba'i yon tan zad med 'byung // de yang phyogs cha 'dra ba'i dpe// thams cad kun tu mi 'dra ste// yid bzhin nor bu rin chen la// 'jig rten dgos 'dod 'byung mod kyang // sangs rgyas che yon 'byung mi srid// sems nyid yid bzhin nor bu la// sang+yas che ba'i yon rgyun mi chud// don la khyad par shin tu che// ri bo dpe ru bstan pa yang // ri bo mi 'gyur brtan pa bzhin// byang chub sems kyang 'gyur ba med// de yang phyogs cha 'dra ba'i dpe// thams cad kun tu mi 'dra ste// ri bo shin tu rten pa yang // skal pa'i rlung gis 'jig rten 'gyur// byang chub sems kyi chos nyid ni// dus gsum 'gyur ba med par gnas// re phyir khyad par shin tu che// ces gsu song yang gsol pa/ kye gsang ba'i bdag po lags// chos can mtshan mor snang ba dang // chos nyid rang gi ngo bo nyid// de yis 'thun dpe ji ltar lags// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dung mthong dung la lta dus su// dung la dkar por 'dzin pa las// gser 'dzin ser por skye mi sring // gser mthong gser la lta dus su// gser la ser por 'dzin pa las// dung gis dkar por 'dzin mi srid// ma rig 'khyil par shar tsam na// chos can mtshan mar 'dzin pa las// chos nyid za bo mo rtogs mi srid// lhag mthong /

  19. 116a

    @#shar tsam na// chos nyid zab mo rtogs pa lnga// chos can mtshan mar 'dzin mi srid// ces gsung so// yang gsol pa/ kye gsang ba'i bdag po lags// kun gzhi zhes ni gang la bgyid de ni 'thun dpe ji ltar lags// ji ltar sems can thaMd la// chos skas khyab par gnas pa la// de la kun gzhi zhes bgyi 'am// ma rig 'khrul par gnas pa la// de la kun gzhi zhes bgyi 'am// 'on te de nyid 'dres pa bgyi// de la kun gzhi zhes bgyi 'am// gsang ba'i bdag pos gsungs pa// kye sems dpa' chen po nyon cig/ kun gzhi kun gzhi zhes bgyi ba// thams cad kun gyis gzhir gyur pas da de phyir kun gyis gzhi ming brtags// dper na sa la rnyog mi zer// de bzhin chu la rnyog zer brtags// de bzhin sems can thams cad la// chos sku khyad par gnas pa la// de la kun gzhir ming mi brtag/ rnam rtog mtshan mar snang ba la// de la kun gzhir ming mi brtags// chos sku chu dang 'dra ba la// bag chags sa 'dras bslad pa la// kun gzhi zhes pa'i ming du brtags// ces gsung so// yang gsol pa/ kye gsang ba'i bdag po lags// chos sku dri med yod pa na// kun gzhi'i rnam shes yod dam med// kun gzhi rnam shes yod pa na// chos sku dri med yod dam med// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dper na dung nyid yod pa na// de bzhin dgar por yod par nges// de bzhin gar po yod pa na// dung nyid yod par nges pa med

  20. 116b

    kun gzhi rnam shes yod pa na// de bzhin cho skye sku yang yod// chos sku dri med yod pa na// kun gzhi rnam shes yod pa yin// rnam dag de bzhin gshegs pa la// kun gzhi'i ming yang mi grags go// ces gsung so// yang gsol pa/ kye gsang ba'i bdag po lags// chos kyi sku dang kun gzhi gnyis// gang gis gang la khyab pa lags// gsang ba'i bdag pos bstan du gsol// gsang ba'i bdug pos gsungs pa// kye sems dpa' chen po nyon cig/ dkar pos dung la khyab mod kyang // dung gis dkar la khyab pa med// chos sku'i kun gzhi la khyab kyang // kun gzhis chos sku khyab pa med// ces gsungs / yang gsol pa/ kye gsang ba'i bdag po lags// chos kyi sku dang kun gzhi gnyis// cig ldog cig ni ldog mi ldog/ gsang ba'i bdag pos bstan du gsol// gsang ba'i bdag pos gsungs par kye sems dpa' chen po nyon cig/ dper na dkar po log tsam na// de bzhin dung yang log par 'gyur// dung log pas ni dkar mi ldog/ chos sku log pas kun gzhi log/ kun gzhi rnam shes log gyur pas// de bzhin chos sku ldog mi 'gyur// ces gsungaso// kye gsang ba'i bdag po legs// rnam rtogs gnyis pos bcos mi bcos// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ ji ltar grong gang byis pa dag/ srin bu 'dus pa'i phung po la// kha yig dbugs kyi zhi bar 'dod// 'byung chen rlung gis ma gtor na// de ci

  21. 117a

    dengs par ga la 'gyur// de bzhin rnal 'byor byis pa'i blos// bzung 'dzin rnam rtog sprin 'dra bas// mi rtog gnyen pos dengs par 'dong // rnam rtog ye shes ma shar na// mi rtog gnyen/ bos gtan mi zhi// ces gsungaso// yang 'phrul gyi lde mig las// mtshon pa dpe'i yan lag bstan pa'i le'u ste bcug pa'o// // yang gsol ba/ kye gsang ba'i bdag bo lags// rdzogs chen spyod pa'i rnal 'byor pas// don nyid gtan la ji ltar 'bebs// gsang ba'i bdag pos bstan du gsol// gsang ba'i bdag pos gsungs pa/ kye se 'a chen po nyon cig/ rdzob chen spyod pa'i rnal 'byor pas// lta sgom spyod pa 'bras la sogs pa// de dag gtan la dbab par bya// lta ba gtan la phab nas ni// gdeng dang yid ches ldan par bya// sgom pa gtan la phab nas ni// / blo ngos sems kyis zhun par bya// spyod pa gtan la phab nas ni// gang la thogs pa med par spyod// 'bras bu gtan la phab nas ni// rdzogs chen lhun grub rtsol ba yang // rdzogs par byed pa'i lta ba skye / sa/ pa nA~M/ // du sa / rin yang zhus sbram bu 'dra// rnal 'byor pa yis spyod pa ni// glang chen rgya mtshor 'jug pa 'dra// lta ba gtun la ma phebs na// chongs pa lam rgyud med pa 'dra// sgom pa gtan la sa phebs na// lage rdum brag

  22. 117b

    la 'dzeg pa 'dra// spyod pa gtan la ma phebs na// don gnyer the tshom za ba 'dra// 'bras bu gtan la ma phebs ma// sgo ngaru lta ba'i bye phyag 'dra// lta ba gtan la ma phebs tsam na// gang la yang ni rtogs mi skye dang sgom pa gtan la phebs tsam na// blo spos ma 'bral tha dad med// spyod pa gtan la phebs tsam na// re dang dogs pa'i blo mi skye// 'bras bu gtan la phebs tsam na// rang rig sems kyi sgring bo dang rtsol zhing sgrub pa'i nad dang bral// gang la rtog pa mi skye na// lta ba khyod chen lding ba yin// rtogs pa'i ngangal ma yengs na// sgom pa gsar phur btab pa yin// gang la blang ngor mi byed na// spyod pa blung chen chur zhugs yin// gang la zhen chags mi skye no// nang rtags phyi ru byung ba yin// rtags la rten nas lam gyis bar chad sel// rang gi sems la sros med na// dam tshig shel sgong phyig pa yin// ces gsungs so// yang 'byed 'phrul gyi lde mig laso/ don gtan la phabs pa'i le'u ste bcus pa'o// / yang gsol pa/ kye gsang ba'i bodag po lags// gnas pa tshad kyi yan lag go/ ting 'dzin don la ji ltar sgom// gsang ba'i bdag pos bstan du gsol// gsang ba'i bdag pos gsungs pa/ kye songa' chen po nyon cig/ gnas pa'i ting 'dzin tshang bstan pa// rab dang 'bring dang tha ma'o// rab kyi dngos po lta bu zin// 'bring gis nyin par lta bu zin// tha mas zin pa'i tshad bstan pa// nam langs nyi ma shar

  23. 118a

    @#/ ba dang // hi nub mun pas ma nor bar// de lta bu yi tshang du zin// rab kyi tshad du phyin pa la// gdam dag myur du dbog par bya// ting 'dzin rab la lung bstan pa// gser ri ga yu yi brgyan pa 'dra// ye shes gsal la gdugs 'dral 'dra// rdo rje sems dpa' de ma thag/ sangs rgyas kun gyis snying por 'gyur// rnal 'byor dbang phyug chen po yin// 'bring gi don du gyur pa la// mkhas dang sbyar la gdam pa dbog/ yang dang yang du rten du bzhugs// goms dang rab kyis tshang du 'gro/ ting 'dzin 'bring la lung bstan po// rin chen gser gling phyin pa 'dra// ting 'dzin tha mar phyin pa la nga lung bston gdams ngag dbog na ni// gser gyi nya thag zin pa 'dra// 'dren pa'i gnas su nya mi nga// de ni rjes 'jug rnal 'byor de// gong nas gong du btol bar 'gro/ ting 'dzin rtsa la gsum ma rdzogs par rang lung bstan gong du rdzogs byed pa// kha med bza' bca' tshol ba 'dra// shes rab ting 'dzin ma rdzogs par// sangs rgyas yin zer khas len pa// nor bu'i rgyal bur khas len 'dra// snying po'i aM/ don dam ma shes par// rdzogs pa tshon a tir khas len pa// rang la myed pa'i nor rnams la// de la yid smon 'dings pa 'dra// shes rab ting 'dzin mi ldan par// rnal 'byor yin zhes khas len pa// bye phrug g.yang la bstan pa 'dra// lha srin drag po'i srog 'phrog pa// srog gis sgo lcags mi shes par// drag po'i las spod byed pa yang // sprin med mkha' la 'char 'dod 'dra// ting 'dzin tshad

  24. 118b

    dang mi ldan zhing // bla ma'i gdams ngag ma dran na// thos pa mang pos blo sbyangs kyang // chu long lag tu gser byin 'dra// ser po'i phyogs tsam mi shes par// gser gyi ser po gang la rtogs// don gyis nyams// bag rtogs mi 'gyur// des na bla ma'i gdams ngag dang // ting 'dzin thob po shin tu gces// gdams pa 'bogs pa dngos po la// tha ma'i tshad du gyur pa la// nyi ma'i dkyil 'khor bsam pa dang // sbyor ba don du gnyer ba dang // rtsa rlung thig le na tsha rtso// mkhas pas de la gdams ngag sbyin// tha ma'i tshad dang med pa na// de la gdams ngag sbyin mi bya// ji ltar khyi la gser byin bzhin// rin chen snying po mi shes pa// sgo skur mang po'i gnasu 'gyur// ces gsungaso// yang 'byed 'phrul gyi lde mig las/ gnas pa tshad kyi yan lag bstan pa'i lo'u stau bcu gsum pa'o// / yang gsol pade kye gsang ba'i bdag po lags// mi mthun skyon gyis yan lag ci// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po ci nyon cig/ mi mthun skyon gyis yan lag ni// 'khrul dang gol sgrib bying dang rgod// bar chad lam gyi cho 'phrul lo// ces gsungs so// yang gsol pa/ 'khrul pa'i bye brag ji ltar lags// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ 'khrul pa'i bye brag bstan pa ni// gzhi dus rgyu rgyan ngo bo las// ngape dang dbye ba yod lugs yun// log pa'i

  25. 119a

    yon tan ma log skyon// 'bras bu dag dang bcu gsum mo// ces gsung so// yang gsol pa/ kye gsang ba'i bdag po lags// 'khrul pa'i rnam par bye ba'i don// lnga gnyis gsum gyis bstan pa ni// de don legs par bston du gsol// gsang ba'i bdag pos gsungs pa// kye sems dpa' chen po nyon cig/ gzhi ni chos sku dri btsos yin// dus ni thog med dus nas 'khyal ma rig 'khrul pa'i rgyu bstan pa// lhan cig skyes pa'i ma rig pa// phyi nang rtog pa'i rkyen gzhi dang // yul du bskal pa gsum po ni// ma rig 'khrul po'i rgyu rkyen yin// 'khrul pa rang gi ngo bo ni// nang du ngar 'dzin 'phro zhing rlom// phyir ni bzung 'dzin rtog pa rgyas// de ni 'khrul pa'i ngo bo yin// las kyi dge sdig rnam pa gnyis// mtho mi thag sbrul mig sgyu chu// de ni ma rig 'khrul pa'i dpe// dbye ba bzang 'khrul ngan 'khrul gnyis// yod lugs rnam pa bzhi yin te// bdag dang yul dang gnyis ka dang // 'khrul pa'i dpe la yod pa'o// lung ldan rkyen dang ma phrad cing // lhag mthong shes rab ma shar na// gtan du mi ldog 'khrul yang srid // rkyen dang ma phrad bar du 'khrul// 'khrul pa log pa'i yon tan ni// mya ngan 'das pa'i 'bras bu yin// khams gsum 'khor ba ma log skyon// 'khrul pa'i 'bras bu bstan pa ni// las kyi rgyu mthun 'gro drug yin// de ni theg pa thun mongs dbang // rdzogs chen a ti yo ga la// 'khrul pa skyon du che rgyu med// ye shes rtsi su che rgyu med// 'khrul dang ma 'khrul gnyis ka la// byang chub

  26. 119b

    sems kyi ngo bor mnyam// ces gsungs// yang gsol pa/ kye gsang ba'i bdag po lags// gol sgrib skyon du 'gyur mi 'gyur// gsang ba'i bdag pos bstan du gsol// gsang ba'i bdag pos gsungs pa// kye sems dpa' chen po nyon cig/ dman pa'i theg pa brgyad po yis// rang rang rtogs pa'i lta ba yis// stong pa ma mthong sgrib par 'gyur// lus ngag yid kyis rtsol ba yis// theg pa gong las 'og tu la bsam pas sgribs la sgom pas 'khrul// bsrungs pas nyams la btsal bas gol// rdzogs chen sa ti yo ga ni// rig pa shar bas sgrib tu med// chos nyid bkol ba med pas gol sa med// ces gsungs so// yang gsol pa/ kye gsang ba'i bdag po lags// bying rgod skyon du ji ltar 'gyur// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ dman pa'i theg pa thams cad la// bying rgod ting 'dzin dgra yin te// bying ba'i rgyu ni phra rags gnyis// slong slong co dang mug mug po// zi zi bo dang long long po// ngal dub gnyid kyi bying ba'i rgyu// lus kyi bya ba rgod pa'i rgyu bying na rgod byed 'od la lta// rgod na lhag mthong phur la gtong // rdzogs tshon a ti yo ga la// bying rgod skyon du mi che te// bying ba mi g.yo chos nyid dang // rgod pa lhag mthong shes rab gsang // chos nyid ngang du dbyer med mnyam// ces gsungaso// yang gsol pa/ kye gsang ba'i bdag po lags// yang dag lam du zhugs pa la// bdud kyi cho 'phrul 'byung yang srid// bdud la rnam pa du zhig yod// bdud

  27. 120a

    kyi cho 'phrul ji ltar ston// zlog pa'i thabs ni ji ltar lags// gsang ba'i bstan pos bstan du gsol// gsang ba'i bdag pos gsungs pa// kye sems dpa' chen po nyon cig/ bdud la rnam pa bzhi yod de// nyon mongs bzhi dang ma rig 'khrul// phyi rol skyon dang bar chad lam// nyon mongs bzhi yis rgyu byas nas// ma rig 'khrul pa'i 'bras bu shar// thams cad bzang ngan gnyis su brtags// ngan pa zhe sdang spangs par 'dod// bzang la 'dod chags blang bar 'dod// gnyisu phye bas gti mug byung // dug gsum nad kyi gcod sran zhugs// de yis khams gsum gnasu 'khor// bstan pa'i bar du gcod byed dang // 'byung ba'i mthun rkyen gyis sgros// phyi rol rkyen gyis bdudadu byed// bar chad lam gyis bdud bstan pa// dang po so so skye bo bskul// bar du mi ma yin gyis gdon// tha mar rang dang sder bcas 'khor// bdud kyis spyod yul sna tshogs ston// de dang dogs pa'i blo skyes nas// bdud kyis bar du gcod par 'gyur// yid ches gdeng ldan rnal 'byor pas// ting 'dzin don la ma nyams shing // re dogs gnyis kyi sems spangs nas// yang dag grub pa'i lam du 'gro// rdzogs chen spyod pa'i rnal 'byor pas// bdud kyi cho 'phrul ci ston yang // byang chub semasu thag chod na// thams cad chos nyid ngo bor 'gyur bdud ces bya ba ming yang med// thams cad gnyen du song tsam na// dgra zhes bya ba btsal mi rnyed // ces gsungaso// yang 'byed 'phrul gyi lde maug las/ mithun skyon gyi le'u ste bcu pa'o//

  28. 120b

    yang 'byed 'bras gyi lde mig las/ man ngag lus tshad kyis rgyud phyi mar byas pa'o// dgongs pa'i don mdor bsdus pa/ tshig le'un byas pa rang snang gi spyon pa kum tu bzang po la/ zer gyi bsdus pa'i bo rdo rje sa yis man ngag gi don yang nas yang du zhus pa'i don/ yang 'byung 'phrul gyi lde mig zhes kyang bya/ kun tu bzang po bde ba chen po'i man ngag zhes kyang bya ba rdzogs so// / ma me long bcugs// bcom ldan 'das bya bral rdzogs pa'i ngeng la phyag 'tshalo// de nas gsang ba'i bdag pos chos nyid kyi ngang las bzhengs te/ phyogs bcur zhal rnam par gzigs nas/ 'di skad ces gsol to// kye gsang ba'i bdag po nyon cig/ khyod la sogs pa'i 'khor rnams kyis// kun tu bzang po'i don mchog ste// nga yis don 'di rtogs mi 'dra// rtogs mi 'dra bas yid ma ches nga yis don rtogs par gyis ces gsung so// de nas sems dpa' rdos 'khor gyis nang nas langs te/ 'di skad ces gsol to// 'khor los bsgyur rgyal ma mthong na// che zhing gnyen par yid mi ches 'khor los bsgyur rgyal mthong tsam na// bzod cig che zhing gnyen blo skyes// bu ram khar bcug ma mur na// bu ram mngar ba'i ro mi tshor// bu ram khar bcug mur tsam na// bzod cing mngar ba'i ro dang phrad // kun tu bzang po nyid kyi don// ma bshad bar du go mi 'gyur// bshad na bzod cig pa skye// de don bdag la bstan du gsol// ces gsol pas/ gsang ba'i bdag pos gsungs pa/ kye sems dpa' chen po nyin cig/