'phags pa dgongs pa'i rgyud kyi phreng ba chen po byang chub sems dpa'i rnam par nges pa chen po bstan pa las nor bu chen po rin po che la mkhas pa bstan pa yongs su bsngo ba chen po'i rgyal po zhes bya ba
Āryasandhimālamahātantrabodhistvamahābiniścayanirdeśādamahāmaṇiratnakouśallyanirdeśamahāpariṇamananāmarāja
Text
ff. 448a–452a · 9 folio sides
- 448a
ma mchis pa dang / spros pa ma mchis pa dang / yi ge ma mchis pa dang / nyon mongs pa ma mchis pa dang / chags pa ma mchis pa dang / nam mkha' ltar mnyam pa dang / lus dang sems grol ba dang / rnam par thams cad kyi mchog dang ldan pa'i stong pa nyid kyi yongs su bsngo bas yongs su bsngo bar bgyi'o// ji ltar 'das pa dang / ma 'ongs pa dang / da ltar byung ba'i sangs rgyas bcom ldan 'das dang byang chub sems dpa' de rnams kyis gnyis su med pa'i chos nyid sngon du mdzad nas yongs su bsngos pa/ yongs su sngo bar 'gyur ba de ltar bdag gis kyang yongs su bsngo bar bgyi'o// ji ltar chos nyid de dang / ji ltar de bzhin nyid de dang / ji ltar yang dag par mtha' de dang / ji ltar chos nyid kyi dbyings de dang / ji ltar stong pa nyid de dang / ji ltar rnam pa thams cad mkhyen pa nyid de nas/ ji ltar de kho na nyid mthong ba'i bar gang la gnyis su med cing gnyisu ma yin pa med pa de ltar yongs su bsngo bar bgyi'o/ / sangs rgyas dang byang chub sems dpa' thams cad la phyag 'tshal lo// tad+ya thA/ bud+d+he/ bud+d+he/ sarba bud+d+ha/ bi Sha ya/ bi sho d+ha ni swAn+da/ 'phags pa yongs su sngo ba'i rgyal po sngags dang bcas pa ji snyed pa rdzogs so// / rgya gar gyi mkhan po bid+ya kar pra b+ha dang / lo tsa ba ban d+hi ye shes snying pos bsgyur/ zhu chen gyi lo tsa ba ban d+he dpal brtsegs kyis zhus te gtan la phab pa// / rgya gar skad du/ Ar+ya san d+hi mA la ma hA tan+na bo d+hi satwa ma hA'i
- 448b
nish+tsA ya nir de shA da ma hA ma Ni rat+na ko'u shal l+ya nir de sha ma hA pa ri Na ma na nA ma rA dza/ bod skad du/ 'phags pa dgongs pa'i rgyud kyi 'phreng ba chen po byang chub sems dpa'i rnam par nges pa chen po bstan pa la sa nor bu chen po rin po che la mkhas pa bsten pa yongs su sngo ba chen po'i rgyal po zhes bya ba/ sangs rgyas dang byang chub sems dpa' thams cad la phyag 'tshal lo// de nas bcom ldan 'das nor bu rin po che rdorje ri po me lo la bzhug nas/ byang chub sems dpa' phyag na rdo rje la 'di skad ces bka' stsal to// kye rgyal ba'i sras 'di la byang chub la rab tu gnas pa'i byang chub sems dpa' sems dpa' chen po sems can thams cad kyi skyabs byed/ par 'dod pa/ byang chub sems dpa'i bslab pa'i sdom pa blangs pa/ byang chub tu sems bskyed pa/ snying rje'i bdag nyid can/ de bzhin gshegs pa thams cad mnyes par byed 'dod pa/ byang chub sems dpa' chen po'i spyod pa'i tshogs nye bar sogs par 'dod pa/ de bzhin gshegs pa thams cad kyi ye shes rab tu thob par 'dod pa/ sgrib pa med pa'i ting nge 'dzin dang / gzungs dang / rnam par thar pa'i sgo rnams kyis rnam par rtse bar 'dod pa/ nam mkha' mdzod nyid dang lag na rin chen nyid thob par 'dod pas 'di ltar bsngo bar bya ste/ sangs rgyas bcom ldan 'das rnams dang / sa bcu la rab tu gnas pa'i byang chub sems dpa' rnams dang / rdo rje 'chang rnams bdag la dgongs su gsol/ bdag byang chub tu sems bskyed pa/ lam la rab tu gnas pa ming 'di zhes bgyi ba/ de bzhin gshegs pa thams cad dang byang chub sems dpa' thams cad la
- 449a
dus thams cad du yong ye 'bul zhing mchis na/ de bzhin gshegs pa mnga' chen po can rnams dang / byang chub sems dpa' sems dpa' chen po sa chen po brnyes pa rnams kyis bzhes shing bdag la rtag du bsod nams kyi stobs chen po dang / ye shes kyis nye bar brtan pa dang / brtson 'grus dang / brtson pa'i bdag nyid dang / zhi ba dang / dul ba dang / nye bar zhi ba'i gnas dang / mngon par shes pa dang / pha rol tu phyin pa rnams yongs su rdzogs par mdzad du gsol/ de'i 'og tu yang 'di skad ces brjod par bya ste/ thugs rje chen po dang ldan pa dag bdag la dgongs su gsol/ bdag ming 'di zhes bgyi ba 'khor bar lhung ba// 'ching bas bcings pa/ btson rar chud pa// chos kyi lam stor ba// nyon mongs pa'i dgra bdo bas mngon par gtses pa/ mgon ma mchis pa/ skyabs ma mchis pa/ skyobs pa ma mchis pa/ gnas ma mchis pa/ dpung gnyen ma mchis pa/ ston pa ma mchis pa/ lam gol bar zhugs pa/ 'khor ba la mngon du phyogs pa/ mya ngan las 'das pa la rgyab kyis bltas pa/ ngan song la gzhol ba// ngan song la 'bab pa ngan song la bab pa/ mi dge ba'i bshes gnyen dang 'grogs par lhung ba/ dge ba'i bshes gnyen dang bral ba/ sman pa la mi sman pa dang / mthun pa la mi mthun pa dang / dge ba la mi dge bar bzung ba/ slob dpon ma mchis pa/ de bzhin gshegs pa dang byang chub sems dpa' lta ba la rgyab kyis phyogs pa/ skye ba dang / rga ba dang / na ba dang / 'chi ba dang / mya ngan gyi 'tshe bas gtses pa/ bde ba ma thob pa/ mi skrag pa ma thob pa/ mi 'jig
- 449b
ba ma thob pa/ rtag tu mnyam par ma bzhag pa/ zhi ba dang / dul ba dang / sbyin pa dang / nges pa dang / yang dag par sdom pa dang / bag yod pa dang bral ba/ ting nge 'dzin dang / gzungs dang / sa dang / bzod pa dang / shes rab kyi pha rol tu phyin pa rnams la gnas pa dang bral ba/ byams pa dang / snying rje dang / dga' ba dang / btang snyoms la gnas pa dang bral ba/ byang chub sems dpa'i tshul khrims kyi sdom pa rnam gsum la rgyab kyis phyogs pa/ sgrib pa med pa'i ye shes chen po dang bral ba/ shin tu gnas pa'i chos kun tu 'byung ba'i rgyu nyid la mi gnas pa/ mngon par shes pa dang bral ba/ stobs rnams ma thob pa/ mi 'jigs pa dang mi ldan zhing mi gnas pa mi brjed pa'i chos kyi rjes su 'gro ba'i skabs dang mi ldan pa/ yon tan gyis stong pa/ byang chub kyi yan lag bdun gyi gos kyis ma g.yogs pa/ 'phags pa'i lam yan lag brgyad kyis bgrod pa dang bral ba/ sdug bsngal brgya stong phrag du mas mngon par gtses pa/ rtag tu gdungs pa/ rtag tu dman pa/ rtag tu rmongs pa/ rtag tu mnyam par ma bzhag pa/ rtag tu nyon mongs pa'i rjes su zhugs pa lags na/ thugs rje chen pos dgongs te bdag gi skyabs mdzad du gsol/ bdag gi dpung gnyen mdzad du gsol/ bdag gi byang chub chen po'i lam dang / byang chub kyi lam dang / byang chub kyi tshogs yongs su rdzogs par mdzad du gsol/ de bzhin gshegs pa'i stobs bcu dang / mi 'jigs pa bzhi dang / sangs rgyas kyi chos ma 'dres pa bco brgyad dang / so so yang dag par rig pa bzhi dang / ting nge 'dzin dang / rnam par grol ba dang / gzungs rnams skyabs mdzad du gsol/ bdag gi phun
- 450a
sum tshogs pa thams cad yongs su rdzogs par mdzad du gsol/ yon tan thams cad yongs su rdzogs par mdzad du gsol/ sangs rgyas bcom ldan 'das dang mthu chen po mnyes pa'i byang chub sems dpa' rnams bdag la dgongs su gsol/ bdag gis sangs rgyas dang byang chub sems dpa' thams cad la mchod pa dang bkur sti chen po bgyis nas bdag 'bul lo// phyogs bcu'i 'jig rten gyi khams na bkod pa chen po rnams kun tu gnas pa'i rin po che sna tshogs kyi rin po che'i gzhal med khang rnams dang / rin po che'i shing ljon pa rnams dang / rin po che'i ri rnams dang / rin po che'i gdan rnams dang / rin po che'i lan kan rnams dang / rin po che'i 'phreng ba rnams dang / rin po che'i gdugs rnams dang / rin po che'i rgyal mtshan rnams dang / rin po che'i chun po rnams dang / rin po che'i mu tig dra ba rnams dang / rin po che'i snod rnams dang / rin po che'i 'phreng ba rnams dang / rin po che'i 'bar ba'i tshogs rnams dang / rin po che'i gling brgya dang / nor bu chen po rnams dang / mar me'i sdong bu gtsang ba nor bu dang rin po che sna tshogs kyis spras pas 'tsher ba/ gser gyi tso tsong mang po btags pa rnams dang / pad+ma 'dzam bu chu bo'i gser gyi ge sar chen po can rnams dang / gser gyi 'phreng ba rnams dang / gser gyi gzhal med khang rnams dang / rin po che'i sprin rnams dang rin po che'i 'bru'i char rnams dang / rin po che'i snying po can gyi khang bzang rtsig pa nor bu rab mchog sna tshogs kyi spras pa rin po che'i lan kan can rnams dang / rig sngags 'chang chen po'i skyed mos tshal nyams dga'
- 450b
ba rnams dang / gnas nyams dga' ba rnams dang / gzhal med khang nyams dga' ba rnams dang / skyed mos tshal nyams dga' ba rnams dang / lha'i nye bar spyad pa nyams dga' ba yongs su ma spyad pa ji sed pa mchis pa de dag thams cad sangs rgyas dang byang chub sems dpa' thams cad la 'bul lo/ / gang dag 'dzam bu'i gling na mchis pa'i sman rnam pa sna tshogs pa rnams dang / bcud kyis len gyi rigs rnams dang / gang dag dus thams cad pa'i nor bu dang / gang dag zhal zas ro zhim po phun sum tshogs pa khyad par du 'phags pa rnams dang / gang dag dri bda' ba'i ljon shing rnams dang / tsan dan gyi ljon shing rnam pa sna tshogs dus kyi rjes su 'brang ba dang / tsan dan dmar po rnams dang / rtag tu me tog dang ldan pa'i nags tshal chen po rnams dang / spos kyi ngang rgyas pa yid du mchis pa'i dri bda' ba'i ljon shing gi rigs rnams dang / gang dag dpag bsam gyi shing bdag gi ma mchis shing yongs su 'dzin pa ma mchis pa rnams dang / gang dag rgya mtsho'i nor bu rnam pa sna tshogs dang / yid bzhin gyi nor bu rnams dang / gang dag ri lhun po dang / ti se dang spos kyi ngad ldang dang / ma la ya dang / 'bigs byed dang / man da ra dang / rdo rje'i ri la sogs pa'i rin po che sna tshogs kyi zom rnams la rin po che sna tshogs kyi khang pa brtsegs ma rnams dang / rin po che sna tshogs kyi phug rnams dang / rin po che sna tshogs kyi brag rnams dang / rin po che sna tshogs kyi sa gzhi brtan pa rnams dang / rin po che sna tshogs kyi gzhal med khang rnams dang / rin po che sna tshogs kyi phung po rnams dang / rin po
- 451a
che sna tshogs kyi them skas rnams dang / nor bu rin po che sna tshogs kyi ka ba rnams dang / rin po che sna tshogs kyi khang pa'i tshar rnams dang / nor bu bai DU sna tshogs kyi sgron ma rnams dang / gang dag lha yul gyi gzhal med khang blta na sdug pa rnams dang / gang dag lha yul gyi lha'i grong khyer gyi gzhal med khang yongs su bzung ba ma mchis pa rnams dang / gang dag lha yul gyi me tog blta na sdug pa rnams dang / gang dag lha yul gyi klu dbyangs kyi cha byad rnams dang / gzhal med khang stong pa rnams kyi tshar rlung gis bskyod pa na sgra snyan pa 'byin pa rnams dang / rol mo'i cha byad kyi rnam pa ma dkrol bar pa sgra snyan pa 'byin pa rnams dang / gang dag lha yul gyi bya'i tshogs gzhal med khang stong pa rnams na gnas shing skad snyan pa 'byin pa rnams dang / gang dag rin po che'i sprin sgra dbyangs chen po snyan par 'byin pa rnams dang / gang dag lha'i nor bu rnams dang / gang dag glu dbyangs rnams dang / gang dag dri bda' ba'i me tog gi ljon shing rnams dang / 'phreng ba'i ljon shing rnams dang / spos kyi ljon shing rnams dang / rgyal mtshan gyi ljon shing rnams dang ba dan gyi ljon shing rnams dang / rin po che'i ljon shing yongs su longs ma spyad pa de dag thams cad sangs rgyas dang byang chub sems dpa' thams cad la 'bul lo// gang dag sangs rgyas kyi spyan gyis gzigs pa'i 'jig rten gyi khams thams cad na mchod pa chen po'i sprin me tog gi sprin rnams dang / dri'i sprin rnams dang / 'phreng ba'i sprim rnams dang / bdug pa'i sprin rnams dang / lhab lhub kyi sprin rnams dang / byug pa'i
- 451b
sprin rnams dang / rin po che'i gdugs kyi sprin rnams dang / rin po rje'i rgyal mtshan gyi sprin rnams dang / rin po che'i bdan gyi sprin rnams dang / rin po che'i gos kyi sprin rnams dang / rin po che'i ljon gyi sprin rnams dang / rin po chos bkang ba'i snod kyi sprin rnams dang / rin po che nor bu chen po spungs pa'i sprin rnams dang / rin po che rnam pa sna tshogs kyi sprin rnams dang / mar me'i snod stong gi 'jig rten gyi khams kyi tshad tsam la dri zhim po'i 'bru mar gyis yongs su bkang zhing snying po'i ras ri rab brgya'i tshad tsam rab tu 'bar ba rnams/ sangs rgyas bcom ldan 'das thams cad dang byang chub sems dpa' thams cad la 'bul lo/ / de dag thams cad la gsol ba ni/ byang chub kyi snying por gshegs pa dang / bdud 'dul ba dang / mngon par byang chub pa dang / chos kyi 'khor lo bskor ba dang / yongs su mya ngan las 'da' ba bzhed par rnams la sems can rnams kyi don du bskal pa mang por bzhugs par gsol lo/ / ji ltar de bzhin gshegs pa rnams kyis yongs su mi dmigs par bzhugs te bsngos pa ltar/ bdag gis bsod nams thams cad bla na med pa yang dag par rdzogs pa'i byang chub tu yongs su bsngo bar bgyi'o/ / de bzhin gshegs pa thams cad dang / byang chub sems dpa' thams cad dang / sems can thams cad kyi bsod nams la rjes su yi rang ngo / / sdig pa thams cad kyang so sor bshags so// oM sma ra sma ra/ bi mA na ska ra ma hA dza ba tsu/ de'i 'og tu ji ltar 'dod pa bzhin lha rdzas kyi mchod pa chen po'i sprin rnams de bzhin gshegs pa thams cad
- 452a
kyi spyan sngar 'byung bar 'gyur ro/ / rigs kyi bu 'am// rigs kyi bu mo gang la la zhig sangs rgyas dmigs pa yid la byed pas yongs su sngo ba chen po'i 'khor lo 'di nyin par ram/ mtshan mo 'dod pade'i sdig pa rnams yongs su zad par 'gyur zhing / nyon mongs pa thams cad kyang bsrabs par 'gyuraro// gong du smos pa'i yon tan rnams kyang 'thob par 'gyur ro// lan cig bzlas brjod byas ma tshangs pa brgya'i bsod nams thob par 'gyur ro/ / rmi lam na'ang rtag tu de bzhin gshegs pa rnams chos ston pa mthong bar 'gyur ro// rig sngags rnams kyang yang dag par grub par 'gyur ro// rdo rje 'chang gis yongs su bzung bar yang 'gyur ro/ / ji ltar 'dod pa'i sangs rgyas kyi zhing rnams su'ang skye bar 'gyur ro// 'phags pa dgongs pa'i rgyud kyi 'phreng ba chen po byang chub sems dpa'i rnam par nges pa chen po bstan pa las nor bu chen po rin po che la mkhas pa bsten pa yongs su sngo ba chen po'i rgyal po rdzogs so/ / / kha che'i mkhan po d+harma ka ra dang / lo tsa ba ban d+he dpal 'byor gyis bsgyur ba las/ rgya gar gyi mkhan po bi d+ya kar pra b+ha dang / zhu chen gyi lo tso ba ban d+he dpal brtsegs kyis zhus te gtan la phab pa// / rgya gar skad du/ Ar+ya pa ri Na ta tsakranA ma ma hA yA na sU tra/ bod skad du/ 'phags pa yongs su sngo ba'i 'khor lo zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo// 'di sang bdag gis thos pa dus gcig
Colophon
'phags pa dgongs pa'i rgyud kyi 'phreng ba chen po byang chub sems dpa'i rnam par nges pa chen po bstan pa las nor bu chen po rin po che la mkhas pa bsten pa yongs su sngo ba chen po'i rgyal po rdzogs so/ /kha che'i mkhan po d+harma ka ra dang/ lo tsa ba ban d+he dpal 'byor gyis bsgyur ba las/ rgya gar gyi mkhan po bid+ya ka ra pra b+ha dang / zhu chen gyi lo tsa ba ban d+he dpal brtsegs kyis zhus te gtan la phab pa/