F50MW1KG13607_0050dkon btsegsAll versions of this work

yul 'khor skyong gis zhus pa zhes bya ba theg pa chen po'i mdo

Aryasartrāpalapiripridcanāmamahayanasutra

Text

ff. 315b–355a · 80 folio sides

  1. 315b

    pa bcu bdun pa// rdzogs s+ho// rgya gar skad du// a ra stab la/ bi ri brid ca na ma ma ha ya na su tra// / bod skad du/ 'phags pa dkon mchog brtsegs pa chen po'i chos kyi rnam grangs stong phrag brgya pa las/ yul 'khor skyong gis zhus pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus gcig na/ bcom ldan 'das rgyal po'i khab na bya rgod kyi phung po'i ri la dge slong stong gis brgya lnga bcu'i dge slong gi dge 'dun chen po dang / byang chub sems dpa' lnga stong thams cad kyang spogs pa thogs pa med pa bzod pa thob pa/ bdud phyir rgol ba bcom pa/ sangs rgyas kyi chos thams cad la shin tu nye bar gyur pa/ skye ba gcig gis thogs pa/ gzungs thob pa/ ting nge 'dzin thob pa/ spos pa mtha' yas pa thob pa/ mi 'jigs pa thogs pa med pa thob pa/ rdzu 'phrul gyi stobs dang / dbang dam pa'i pha rol tu son pa nas/ yon tan gyi tshogs thams cad zad mi shes la 'di lta ste/ byang chub sems dpa' sems dpa' chen po kun tu bzang po dang / kun tu mig dang / kun tu lta ba dang / kun tu 'od gzer dang / kun tu 'od dang / blo gros mchog dang / blo gros 'phel dang / blo gros mtha' yas dang / blo gros rgya chen dang / blo gros mi zed pa dang / sa 'dzin dang / 'gro ba 'dzin dang / rgyal ba'i blo gros dang / khyad par blo gros dang / byang chub sems dpa' sems

  2. 316a

    dpa' chen po gzungs kyi dbang phyug gi rgyal po dang / 'jam dpal las stsogs pa byang chub sems dpa' dpe med pa drug cu dang / bzang skyong las stsogs pa skyes bu dam pa bcu drug dang / mi mched kyi bdag po tshangs pa dang lha'i dbang po brgya byin dang / 'jig rten skyong ba bzhi dang / lha'i bu mtshan bzang dang / lho'i bu blo gros legs gnas dang / lha'i bu dbang po thams cad dang / klu'i dbang po dang / mi 'am ci'i dbang po dang / dri za'i dbang po dang / gnod sprin gyi dbang po dang / lha ma yin gyi dbang po dang / nam mkha' lding gi rgyal po 'khor brgya stong du ma yod pa thams cad dang / 'khor de nyid du 'dus te 'khod pa rnams dang / thabs gcig tu bzhugs so// de nas bcom ldan 'das dpal gyi snying po'i seng ge'i khri la bzhugs te/ lhun po ltar 'khor gyi dkyil 'khor thams cad las ni mngon par 'phags/ nyi ma ltar 'jig rten thams cad la ni snang / zla ba ltar 'gro ba thams cad la snang ba ni mdzad/ tshangs pa ltar rab tu zhi bar ni bzhugs/ brgya byin ltar skra ni bsnyen par dkal 'khor los sbyar ba ltar byang chub kyi yan lag gi rin po che bdun dang ni ldan/ seng ge ltar chos thams cad bdag med pa dang / stong par ni sgrogs/ me'i phung po chen po ltar 'gro ba thams cad la snang ba'i sku dang ni ldan/ lha thams cad snang ba'i nor bu rin po che kun nas bsdus pa'i nor bu rin po che'i rgyal po ltar gzi brjid kyi ni kun tu 'bar zhing stong gsum

  3. 316b

    gyi stong chen po'i 'jig rten gyi khams thams cad snang bas khyab par mdzad nas/ don shin tu rnam par nges pa chos thams cad kyi dam pa'i pha rol tu byon pa 'khor gyi nang na bzhugs shing / tshangs pa'i sgra dbyangs bsgrags pa sems can thams cad go bar byed pa dang ldan pa'i dbyangs kyis chos ston te/ tshang sa par spyod pa/ thog mar dge ba/ bar du dge ba/ tha mar dge ba don bzang po// tshig 'bru ba zang po// ma 'dres pa yongs su rdzogs pa/ yongs su dag pa/ yongs su byang ba/ yang dag par rab tu ston to// de nas byang chub sems dpa' chen po mchog tu dga' ba'i rgyal po zhes bya ba/ 'khor de nyid du 'dus par gyur te/ 'dug pa des bcom ldan 'das seng ge'i khri la bzhugs pa/ nyi ma stong las lhag pa'i 'od kyis/ 'khor gyi dkyil 'khor thams cad zil du rlag par mdzad nas/ shin tu lha nger bzhugs pa mtho ste/ dga' ba dang mgu ba dang / dad pas 'dun pa'i sems kyis stan las langs nas/ thal mo sbyar te bcom ldan 'das la tshul dang 'dra ba'i tshigs su bcad pa 'di dag gis mngon par stong do// lha tshogs lha ma yin dang mi 'am ci/ klu dang nyan thos dag dang sangs rgyas sras/ 'gro ba 'di dag rgyal bas gzi yangs kyis// zil mnan khyod ni gser gyi ri ltar gsal/ rgya mtsho'i dbus na gnas kyang rnams mdzes pa/ lhun po lha'i tshogs kyi gnas lta bu/ thugs rjes rgya mtsho'i dbus su de bzhug

  4. 317a

    @te/ 'od zer stong phrag brgya dag 'gyed pa mdzad/ tshangs pa'i gnas la gnas pa'i tshangs pa de/ tshangs pa'i mdun na gnas te mngon mdzes ltar bsam gtan rnams thar ting nge 'dzin la bzhugs/ sems can dam pa 'gro ba kun la gsal/ brgya byin sum cu rtsa gsum lnga nang du/ gnas na gzi brjid yangs pas mdzes pa ltar mtshan gyis smras pa ye shes yon tan phyag/ thub pa'i rgyal po 'gro ba kun lags la/ gling bzhi mi'i bdag po snang ldan pa/ 'jig rten 'di la ston pa mdzes pa ltar/ 'phags bI lam du 'dzud pa rab mdzad cing // thugs rje'i dgongs pa'i thugs mnga' yang mdzes/ mkha' la nyi ma lam me tha le ba/ nor bu me 'od mgo mog byed 'di ltar/ nyi ma stong pas khyed par 'phags pa'i 'od// sangs rgyas nyi ma 'gro ba 'di na gnas/ dri med zla ba nam gyi gung gsal ltar// shin tu rnam dag 'gro ba kun la gsal// rgyal ba'i zhal ras zla ba nyi ma 'dra/ kun 'od zil kyis mnan nas rnam par mdzes// ji ltar ri bo'i zom la me 'bar ba// mtshan mo mi nyal tsam na kun snang ltar/ gti mug mun pa ma lus bcom nas ni/ drang srong chen po'i ye shes 'od kyang gsal/ seng ge ri sul brtan pa'i sgra sgrog cing // sa la ri dgas tshogs rnams skrag bgyid ltar/ mi dbang stong pa bdag med gsung sgrog cing // @ rol mu stegs can rnams skrag par mdzad/ nor bu'i rgyal po bzang po gzi brjid 'bar// nor bu thams cad zil mnan lam me ltar// rgyal ba sku ni gser gyi mdog 'dra ba/

  5. 317b

    kun zil kyis mnan nas lam mer bzhugs/ 'jig rten gang na 'ang khyod dang mtshungs ma mchis// lhag pa'i sems can mchis par ga la 'gyur// bsod nams ye shes brtson 'grus thab rnams dang / yon tan kun kyis khyod dang mtshungs mchis/ mi'i dbang po 'gro la lam me ba/ mgon po yon tan rgya mtsho bdag gis mthong / gus pa skyes shing dga' ba rnam par 'phel rgyal ba'i zhabs kyi mthil la bdag gis gdug/ yon tan kun gyi 'byung gnas 'jig rten sgron// grags pa dam pa rgya chen thugs mnga' la/ bdag gis bstod de bsod nams 'dis thob des/ 'gro ba thams cad byang chub mchog re gshog/ de nas byang chub sems dpa' sems dpa' chen po mchog tu dga' ba'i rgyal pos bcom ldan 'das la tshigs su bcad pa 'di dag gis mngon par bstod nas/ thal mo sbyar te mig gnyis mi 'dzums par de bzhin gshegs pa'i ska la ni lta/ chos kyi dbyings nyid la ni rnam par dpyod/ zab pa dang / gting dpag dka' ba dang / mthong bar dka' ba dang / khong du chud par dka' ba dang // brtag mi nus pa dang / rtog ge'i spyod pa ma yin pa dang / zhi ba dang phra ba la ni 'jug/ sangs rgyas kyi spyod yul bsam gyis mi khyab pa la ni rjes su rnam par dpyod// de bzhin gshegs pa'i ye shes chos kyi dbyings thams cad du zhugs pa la ni rjes su rnam par sems/ sangs rgyas kyi yul mi mnyam pa dang / mnyam pa la ni yang dag par lta/ de bzhin gshegs pa'i thabs kyi yul gyis dpyod yul bsam gyi mi khyab pa la ni 'jug/ sangs rgyas

  6. 318a

    bcom ldan 'das rnams kyi chos kyi dbyings gcig gcig gi tshul gyi ngo bo nyid la 'jug pa la ni rtog/ sangs rgyas bcom ldan 'das rnams kyi gnas med pa nam mkha'i spyod yul du ni yang dag par lta/ chos thams cad yang dag pa'i mtha' mtha' ma yin pa'i rang bzhin la 'jug pa la ni mos/ sangs rgyas kyi rnam par thar pa sgrib pa med pa la ni mngon par 'dod/ sangs rgyas bcom ldan 'das rnams kyi sku rtag pa dang / zhi ba dang ther zug pa la ni 'jug/ de bzhin gshegs pa'i sku/ zhing rab 'byam thams cad kyi rjes su song ba dang / sems can thams cad la mngon tu phyogs pa la ni 'jug/ sangs rgyas bcom ldan 'das rnams kyi yon tan phyi ma'i mtha'i bskal pa'i mur yang thug pa med pa ni rjes su dran par byed// chos kyi dbyings nyid la ni rnam par dpyod cing / byang chub sems dpa' chen po mchog tu dga' ba'i rgyal po cang mi smra bar 'dug par gyur to// de'i tshe tshe dang ldan pa yul 'khor skyong mnyan yod du dbyar zla ba gsum gnas par dam bcas te/ de zla ba gsum 'das nas/ chos gos byas te chos gos zin nas/ de lhung bzed dang / chos gos thogs te dge slong gi dge 'dun dang gsar bu las dang po pa/ rab tu byung nas ring por ma lon pa dag dang lhan gcig tu/ mthar kyis yul rgyu ba rgyu zhing rgyal po'i khab kyi grong khyer chen po ga la ba dang / bya rgod kyi phung po'i rig la ba der song ngo // de nas tshe dang ldan pa yul 'khor skyong / bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ btso

  7. 318b

    ldan 'das la lan gsum bskor ba byas nas/ phyog gcig tu 'dug go// phyogs gcig tu 'dug nas kyang tshe dang ldan pa yul 'khor skyong gis kyang thal mo sbyar te tshigs su bcad pa 'di ngag gis bcom ldan 'das la mngon par bstod do// mi mchog 'od mdzod khyod la phyag 'tshal lo// nam mkha' mtshungs pa'i thugs la phyag 'tshal lo// rgyal ba yid gcod khyod la phyag 'tshal lo// srid gsum mthar byon thub la phyag 'tshal lo// zhing rnams bye ba rab 'byam kun tu yang / 'dren pa dag ni khyod kyi bsngags pa gsung / rgyal ba'i sras kyis thos nas rab dga' zhing / yon tan rgya mtsho thub pa mchod du mchi// bde gshegs tshul dang mthun pas mchod bgyis te/ thub pa che las rdul bral chos thos nas/ de dag khyod kyi yon tan 'phreng brjod cing // yid rab dga' nas rang gi zhing du mchi/ byang chub dam pa mchog ni tshol ba na/ khyod kyi thugs ni skyo ba mi mnga' bar/ bskal pa bye ba khrag khrig bsam yas su// sems can rnams kyi ched du spyod pa sprad/ 'dren pa khyod kyis sprin dang tshul khrims sprad/ bzod dang brtson 'grus dang ni bsam gtan bslabs shes rab thabs dang dbang gi pha rol gshegs/ des na rnam 'dren che la phyag 'tshal lo// rdzu 'phrul rkang dang mngon shes mchog la mkhas/ dbang po stobs dang rnam par thar pa bslabs// sems can kun gyi spyod pa thugs chud rtogs/ mnyam med ye shes mtsho la phyag 'tshal lo// 'gro ba rnams kyi sems rgyud rab tu mkhyen/ spod pa gang dang ji ltar las 'byung dang // tshul sgo gang gis rnam par grol 'gyur ba/ de

  8. 319a

    ni bcom ldan mi'i mchog gis mkhyen// 'dod chags zhe sdang gti mug 'byung ba spob gang gis sems can ngan song gsum mchi dang // 'gro bas legs pa bgyis dang nongs bgyis mkhyen// 'gro ba phan mdzad gang dag 'das rnams dang / da ltar lha dang mi yis mchod rnams dang / gang dag ma byon yon tan mchog mthar phyin// bde gshegs de dag thams cad rab tu mkhyen/ dag pa'i zhing dang phun sum tshogs 'khor dang // byang chub sems dpa'i tshogs dang nyan thos dang / drang srong chen po rnams kyi sku tshe'i ched/ rnam pa kun tu ma lus rnam par mkhyen/ mya ngan 'das nas chos gnas ci 'dra dang / rgyal ba'i ring bsrel mchod pa ci 'dra dang / der ni chos mchod 'dzin pa ci 'dra ba// de dag ma lus mi'i dam pas mkhyen/ dus gsum rnams su rtag par stobs bcu'i ye shes mkhyen pa'i sgrib pa mi mnga' 'jug/ chos rnams kun la thug ni tha chags mi mnga'/ phyag 'tshal ba ye shes mtsho khyod la// khyod dang mtshungs mnyam ma mchis ga la lhag/ skar ma rnams kyis nam mkha' spras pa ltar/ mtshan rnams kyis kyang skra ni rab spras pa// mi mchog thub pa mchog la phyag 'tshal lo// gzungs kyang mtshungs pa ma mchis yid du mchi// lhar bcas 'gro ba zil du rlag par bgyid// tshangs pa brgya byin 'og min lha'i rnams/ khyod kyi spyan sngar de dag mdzes ma lags/ khyod ni gser gyi ri ltar dri mi mnga'/ pu snum 'jam zhing g.yas su 'khyil

  9. 319b

    par gnas// lhun po rgyal po lta bur spyi gtsug 'phags// bsod nams rgya chen byung ba lam mer bzhugs/ 'od gzer bye ba khrag khrig rab 'gyed cing // khyod kyi smin mi'i mtshams kyi mdzod spu mdzes// 'gro la thugs rje dgongs pas gang gzigs pa/ spyan ni ud dpal 'dra zhing yid du mchi/ zla nyi dri med mkha' la ji lta bar// rnam 'dren khyod kyi zhal ni lam me ste// lta ba'i skye bo ngoms par mi 'gyur ba// zhal bzangs mi'i mchog la phyag 'tshal lo// ngang pa rma bya ri dgas rgyal gyi stabs/ glang po dregs pa dal gyis mchi stab kyis// sa rnams g.yo bar mdzad cing rab gshegs pa/ stobs bcu brtul zhugs brtan la phyag 'tshal lo// phyag gi sen mo ring zhing zlum la mdzes// sen mo zangs mdog dag cing dra bas spras/ bzhengs kyang pus mo'i lha ngar reg cing slebs/ sku mdog gser mdog 'dra la phyag 'tshal lo// 'khor lo dra bas khyab pa'i zhabs 'dor bas// sa steng ri mor mdzad cing rab tu gshegs/ zhabs kyi 'od zer gyis ni yongs smin pa'i/ mi rnams gum nas lha'i 'jig rten mchi/ chos kyi rgyal po nor bdun sbyin pa po// chos kyi sbyin ba dag dul ba'i thugs mnga' ba// chos kyis spyod pas 'gro ba rjes ston pa// 'dren pa chos kyi rje la phyag 'tshal lo// byams pa'i go ca dra ba'i ral gyi mchog/ tshul khrims gzhu dang shes rab thabs kyi mnga'/ de yis skye 'chi srid sred 'bel bgyid pa/ nyon mongs dgra dag rnam par bcom par gyur/ rgal nas sems can khrag khrig rnams kyang sgrol/ grol nas

  10. 320a

    'ching ba las ni 'gro ba 'grel/ bde gshegs gang gis zhi ba'i gnas mchi ba// bde ba rims nad ma mchis lam yang ston/ gang na skye dang 'chi ba ma mchis shing // bral ba'i sdug bsngal 'byung bar mi 'gyur ba// gnas mchog zhi ba 'dus ma bgyis pa de/ thugs rje brnyas nas khyod kyis bstan pa mdzad// chos kun dbang gi pha rol gshegs pa'i rgyal// thub pa chen po 'jig rten mchog bstod pas// bdag gis 'dir ni bsod nams gang bstsags des/ 'grol ba byang chub mngon par 'tshang rgyar sho ga// de nas tshe dang ldan pa yul 'khor skyong gis// bcom ldan 'das la tshigs su bcad pa 'di dag gis mngon par bstod nas thal mo sbyar te/ stan las langs nas blo gos brag pa gcig tu gzar te pus mo g.yas pa'i lha nga sa la btsugs nas/ bcom ldan 'das ga la ba der logs su thal mo sbyar ba btud de/ bcom ldan 'das la 'di skad ces gsol to// gal te zhus nas zhu ba lung bstan pa'i slad du// bcom ldan 'das kyis bdag la skabs bye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu lags so// de skad ces gsol ba dang / bcom ldan 'das kyis tshe dang ldan pa yul 'khor skyong la 'di skad ces bka' stsal to// yul 'khor skyong khyod ci dang ci 'dod pa dris shig dang / ngas dris pa de dang de nyid kyi lung bstan pas khyod kyi sems rangs par bya'o// de skad ces bka' stsal pa dang / tshe dang

  11. 320b

    ldan pa yul 'khor skyong gis bcom ldan 'das la 'di skad ces gsol to// bcom ldan 'das byang chub sems dpa' sems dpa' chen po chos du dang ldan na/ chos thams cad kyi yon gyi khyad par 'thob par 'gyur/ gzhan la rag ma las pa'i shes pa thob/ myur ba'i shes rab 'thob/ spros pa rnam par nges pa 'thob/ snang ba 'thob/ thams cad mkhyen pa nyid la 'jug pa dang / sems can thams cad yongs su smin par bgyid pa dang / yid gnyis spong ba dang / so nyid spong ba dang / thams cad mkhyen pa nyid du rnam par nges pa 'thob/ sems can 'dzud pa la mkhas pa dang ji skad smras pa de bzhin du bgyid pa dang / ldem po ngag yang dag pa dang / sems can gyi khams la mkhas pa dang / sangs rgyas rjes su dran pa 'thob pa dang / zhu ba thams cad zhu ba dang / chos thams cad 'dzin pa dang / myur du thams cad mkhyen pa nyid 'thob par 'gyur/ de nas tshe dang ldan pa yul 'khor skyong gis de'i tshe tshigs su bcad pa 'di dag gsol to// byang chub sems dpa'i spyod pa rab nges pa/ yang dag nyid du ji ltar de 'byung dang // ye shes rgya mtsho'i bka' mchid rnam nges pa/ mi mchog rgyal ba bdag la bshad du gsol// shin tu sbyangs pa'i gser gyi gzugs lta bu// sems can dam pa bsod nams mchog bstsags pa/ khyod ni skyabs dang gnas dang dpung nyen lag/ byang chub spyod mchog dri med de bdag gsungs/ gzungs dang bdud rtsi byang chub 'byung ba yi/ ye shes mi zad ji ltar thob par 'gyur/ gong gis skye ba'i dogs pa gcon

  12. 321a

    / 'gyur ba// shes rab rgya mtsho ji ltar rnam par dag/ 'khor bar bskal pa bye ba mang por ni/ 'jig rten sdug bsngal nyen la lha bgyid kyang / skye ba'i blo ni nam yang mi skyed cing / de dag don dge ston par 'gyur ba dang / dag pa'i zhing dang phun sum 'khor dang // tshe mchog dang ni phun sum tshogs zhing dang / sems can ched kyi bka' mchid bla med dang / byang chub spyod pa dri med bshad du gsol/ bdud 'joms mdzad pa lta ngan sbyong ba po// sred pa skoms pa rnam grol reg mdzad pa// chos kyi tshul yang bskyed par mi 'gyur par// sems can rin cen spyod mchog bstan du gsol/ gzungs dang longs spyod spobs pa phun sum cho gas/ snum pa'i gsung gis 'khor rnams tshi ma mdzad pa/ bde gshegs sprin ltar 'gro ba tshim mdzad pa// sangs rgyas spyod yul legs par bstan tu gsol/ ka la bing ki'i sgra snyan gsung 'byin pa/ tshangs pa'i dbyangs kyis blo ngan rab 'jig pa/ chos 'tshal gyur pa'i 'khor rnams lhags kyis/ btso bo bdud rtsi ro yis tshim par mdzod/ byang chub dam pa mchog la 'dun pa mchis chos la 'dun pa bzlog pa'i mi rigs te/ 'dren pa bstan pa mdzad pa'i dus 'di lags// rin chen dam pa/ bsgrags pa'i dus la bab/ thub pa bdag ni byang chub re ba mchis/ bdag gi bsam pa rgyal bas rab tu mkhyen/ rgyal bco bri ma lags don du gnyer/ spyod pa dam pa/

  13. 321b

    legs par bshed du gsol/ de skad ces gsol pa dang / bcom ldan 'das kyis tshe dang ldan pa/ yul 'khor skyong legs so legs so// yul 'khor skyong khyod skye bo mang po la phan pa'i phyir zhugs pa dang / yul 'khor skyong khyod skye bo mang po la bde ba dang / lha dang mi rnams kyi don dang / phan pa dang da ltar dang / ma 'ongs pa'i byang chub sems dpa' sems dpa' chen po rnams yongs su gzung ba'i phyir/ de bzhin gshegs pa la don 'di 'dri bar sems pa ni legs so// yul 'khor skyong khyod de'i phyir legs par rab tu nyon la yid la zung shig dang / ngas khyod la bshad do// bcom ldan 'das legs so zhes gsol to// tshe dang ldan pa yul 'khor skyong gis bco ldan 'das kyi ltar mnyan pa dang / bcom ldan 'das kyis de la 'di skad ces bka' stsal to// yul 'khor skong byang chub sems dpa' sems dpa' chen po chos bzhi dang ldan na/ yongs su dag pa 'di dag 'thob bo// bzhi gang zhe na 'di lta ste/ bsam pa dang / lhag pa'i bsam pas nan tan byed pa dang / sems can thams cad le sems mnyam pa dang / stong pa nyid sgom pa dang / ji skad smras pa de bzhin byed pa ste/ yul 'khor skyong byang chub sems dpa' sems dpa' chen po chos bzhi po de dag dang ldan na yongs su dag pa 'di dag 'thob bo// 'di la 'di ni chos nyid yin te de la 'di skad ces bya'o// bsam pa thag pas rtag tu mngon brtson pa// byang chub lam

  14. 322a

    las mi ldog yid ldan pa// g.yo mad 'thab pa med cing sgyu med pa// ye shes mtha' yas ldan pa de dag yod// skye dang na dang rga dang 'chis gzir ba/ se can mgon med sdug bsngal mthong nas ni/ srid pa'i mtsho las 'gro ba bsgral ba'i phyir/ de dag chos kyi gru ni yang dag sbyor/ nges pa sems can kun la sems mnyam pa/ bu cig pa bzhi/ 'gro ba rnams la lta/ 'di dag thams cad bdag gis grol lo zhes/ gang zag mchog gi bsam pa de 'dra'o// stong nyid rtogs par khong du chud/ bdag yod ma yin sems can yod ma yin/ 'dus byas sgyu ma rmi lam 'dra ba la/ byis pa mi mkhas 'di la rnam par rmongs mkhas pa de dag ji skad tshig smras pa/ de la nan tan byed cing kun tu gnas/ dul zhing zhi la rtag tu skyon rnams spangs/ rgyal ba'i sras rnams byang chub lam la dga'/ yul 'khor skyong bzhi po 'di dag ni/ byang chub sems dpa' rnams kyi dbugs 'byin pa 'thob pa te/ bzhi gang zhe na/ gzungs 'thob pa dang / dge ba'i bshes gnyen rnyed pa dang / chos zab mo la bzod pa 'thob pa dang / tshul khrims yongs su dag pa yang dag par spyod pa ste/ yul 'khor skyong bzhi po dag ni byang chub sems dpa' rnams kyi dbugs 'byin pa 'thob pa'o// 'di la 'di ni chos nyid yin te/ de la 'di skad ces bya'o// gang gis sangs rgyas kun gyis gsungs pa'i chos mchog 'dzin 'gyur ba/ gzungs rnams grag pa chen po de dag gis ni rtag tu thos/ nam yang chud zar mi 'gyur phyir zhing blo gros rab tu 'phel/ de dag ye shes chags pa

  15. 322b

    med cing chos kun pha rol phyin/ byang chub yan lag 'bel bar byed pa'i dge ba'i bshes gnyen rnyed// de dag 'dren pa rnams ni grang nas bzhud pa'i lam mchog ston/ de dag sdig pa'i grogs po dag la bsten pa ma yin te// tshig byed bdag nyid med ltar de dag ring du rnam par spong // dpa' bo stong pa nyid dang ldan pa zab me'i chos thos nas/ de dag bdag dang sems can srog tu lta ba kun mi 'byung / de dag tshul khrims skyon med dul zhing zhi ba'i yid dang ldan/ sangs rgyas tshul khrims bla na med la sems can rnams kyang sbyor/ yul 'khor skyong bzhi po 'di dag ni byang chub sems dpa' 'khor ba na 'khod pa rnams dga' bar byed pa'i chos te/ bzhi gang zhe na/ yul 'khor skyong sangs rgyas mthong ba/ byang chub sems dpa' 'khor ba na 'khod pa rnams dga' bar byed pa'i chos dang / yul 'khor skyong rjes su mthun pa'i chos thos pa/ byang chub sems dpa' 'khor ba na 'khod pa rnams dga' bar byed pa'i chos dang / yul 'khor skyong bdog pa thams cad yongs su gtong ba/ byang chub sems dpa' 'khor ba na 'khod pa rnams dga' bar byed pa'i chos dang / yul 'khor skyong dmigs su med pa'i chos la bzod pa/ byang chub se mas dpa' 'khor ba na 'khod pa rnams dga' bar byed pa'i chos te/ yul 'khor skyong bzhi po de dag ni byang chub sems dpa' 'khor ba na 'khod pa rnams dga' bar byed pa'i chos so// 'di la 'di ni chos nyid yin te/ de la 'di skad ces bya'o// gzi brjid kyis ni 'jig rten thams cad kun nas snang mdzad pa'i// rdzogs pa'i sangs rgyas mi mchog

  16. 323a

    tshe rabs kun tu de dag mthong / byang chub dam pa mchog tshol chen sems can dgrol ba'i phyir/ dga' zhing gus par gnas nas de ltar mi dbang rgyal po mchod/ 'dren pa rnams las zhi ba rjes su 'thun pa'i chos kyang nyan/ thos nas bsam pa thag pas brtan pa tshul bzhin rab tu sbyar/ dmigs med chos thos chos 'di thams cad sems can med pa dang / 'di la bdag med par ni chos la som nyi de mi skye/ de ni bdog pa thams cad yongs tong rtag tu kun 'dzin med/ slong ba nye bar 'ongs pa mthong na sems ni rab tu dga'// grong dang yul 'khor sa dang srog dang bu dang chung ma dang / thams cad gtong zhing de'i sems ni gang du'ang g.yo ba med/ yul 'khor skyong byang chub sems dpas chos bzhi la blta bar mi bya ste/ bzhi gang zhe na/ yul 'khor skyong byang chub sems dpa' khyim gyi gnas la blta bar mi bya ba dang / yul 'khor skyong byang chub sems dpa' rab tu byang nas rnyed pa dang / bkur bsti la blta bar mi bya ba dang / yul 'khor skyong byang chub sems dpa' khyim la 'dris par bya ba la blta bar mi bya ba dang / yul 'khor skyong byang chub sems dpas lus dang srog la blta bar mi bya ba ste/ yul 'khor skyong byang chub sems dpas chos bzhi po de dag la blta bar mi bya'o// 'di la 'di ni chos nyid yin te/ de la 'di skad ces bya'o// skyon gyi gzings pa mtha' yas ldan pa'i khyim yang rtag tu nor mi lta/ yon tan ldan pa nges pa de dag dgon par dga' zhing dbang po dul/ de dag gang du'ang bud med rnams

  17. 323b

    dang skyes pa dag dang 'dris mi byed// bse ltar gcig pu gnas shing bsam pa dri med dag la dri ma bral/ de dag rnyed pa rnams kyis dga' bar mi 'gyur ma thob yid zhum med/ 'dod pa chung ste ngan ngon tsam la dga' zhing sgra dang tshul 'chos spangs// sems can don phyir brtson 'grus yid ldan sbyin dang dul la rab tu gnas// sangs rgyas ye shes don gnyer bsam gtan brtson 'grus yon tan pha rol phyin// lus dang de bzhin srog la mi lta sdug pa'i rtsa lag rnam spangs te/ bsam pa rdo rje lta bur rab brtan rtag tu byang chub la ma la sbyor// lus ni dum bu dum bur bcad kyang de dag sems la g.yo ba med/ thams cad mkhyen nyid re ba phyir zhing brtson 'grus shin tu brtan 'dir rtsom/ yul 'khor skyong bzhi po 'di dag ni byang chub sems dpa' rnams kyi gdung ba med par byed pa'i chos te/ bzhi gang zhe na yul 'khor skyong tshul khrims skyon med pa byang chub sems dpa' rnams kyi gdung ba med par byed pa'i chos dang / yul 'khor skyong dgon pa la gnas pa mi 'dor ba byang chub sems dpa' rnams kyi gdung ba med par byed pa'i chos dang / yul 'khor skyong 'phags pa'i rigs bzhi dang mthun par byed pa/ byang chub sems dpa' rnams kyi gdung ba med par byed pa'i chos dang / yul 'khor skyong mang du thos pa thob par byed pa/ byang chub sems dpa' rnams kyi gdung ba med par byed par byed pa'i chos te/ yul 'khor skyong bzhi po de dag ni byang chub sems dpa' rnams kyi gdung ba med par byed pa'i chos so// de la 'di ni chos nyid yin te/ de la 'di

  18. 324a

    skad ces bya'o// sangs rgyas tshul khrims dam pa 'di la 'dod byed cing / tshul khrims dri med nor bu rin cen 'dra ba srung / de dag nga ni khrims ldan legs sdom yin mi sems/ tshul khrims de nyid la ni rtag tu sems can sbyor// de dag stong pa dgon par rtag tu gnas par byed/ de dag bdag gi 'du shes srog gi 'du shes med/ gzugs kun rtsa dang shing dang rtsig pa 'dra bar mthong / 'di la skyes pa bud med bdag gi med par mthong / 'phags rigs bzhi la dga' zhing g.yo med tshul 'chos med/ ba ga yod de dag bsam pa thag pas rab tu sbyor/ thos dang yon tan rnams la rtag tu brtson par byed/ bde bar gshegs pa'i yon tan mthu chen don tu gnyer skye na 'chi bas gzir zhir nad gzir ba// 'gro ba mgon med srid pa'i btson ra 'dir bltas nas/ zhi ba dam pa mchog gi chos kyi gra sbyar te/ srid pa'i rgya mtsho'i chu las skye bo sgrol bar byed/ 'dus byas gyur par 'jig rten 'khyam pas skyabs mgon dang / dpung nyen byed pa gzhan ni gang yang yod min gyis/ bdag gis sems can 'di dag thams cad yongs dgrol zhes/ de phyir byang chub mchog tu bdag gis smon lam btab// yul 'khor skyong byang chub sems dpa' chos bzhi po 'di dag ni cang shes kyi 'gros su shes par bya ste/ bzhi gang zhe na/ bde 'gro 'thob ste/ de yang sangs rgyas 'byung ba dang 'phrad pa dang / bla ma la sri zhu byed de/ de yang zang zing med pa'i sems kyis sten pa dang /

  19. 324b

    bas mtha'i gnas mal la mngon par dga' ste/ de yang rnyed pa dang / bkur sti la mi lta ba dang / spobs pa thob ste de yang zab mo la bzod pa dang ldan pa ste/ yul 'khor skyong byang chub sems dpa' bzhi po de dag ni cang shes kyi 'gros shes par bya'o// 'di la 'di ni chos nyid yin te de la 'di skad ces bya'o// brtan pa nags dang sul na rtag tu gnas par byed/ de dag rtag tu khor mor rnyed pa don gnyer min// chags med blo can rtag tu spobs dang ldan pa yin/ zab mo'i chos la mkhas shing spros pa rnams dang bral/ rtag tu khor mor bla ma rnams la sri zhu byed/ de dag ji skad smras pa de bzhin de dag sbyor/ bde gshegs dpag tu med pa mang po mnyes pas byed/ rgyal ba'i ye shes ched du mchod pa rgya chen byed/ grags pa chen po rnams kyi 'gro ba gtso bor 'gyur/ lha mi rnams kyi nang na spyi bor phyin pa yin/ rdzogs pa'i byang chub lam la rtag tu sems can 'dzud/ dge ba bcu po dag la'ang yang dag sbyor bar byed/ sangs rgyas yon tan thos nas de dag dga' 'gyur te/ de dag ring por mi thogs dang nye bar 'gyur/ de dag byang chub rdul bral dam pa sangs rgyas nas// sems can khrag khrig sdug bsngal mtha' yas rnams las 'grel/ yul 'khor skyong bzhi po 'di dag ni byang chub sems dpa' spyod pa yongs su sbyong ba'i chos te/ gzhi gang zhe na/ khong khro ba pa'i sems byang chub sems dpa'i spyod pa dang / tshul 'chos pa dang / kha gsag dang / thob kyis 'jal ba yongs su spangs te/ dgon par gnas pa dang / bdog pa thams cad yongs su gtong zhing rnam

  20. 325a

    par smin pa la re ba med pa dang / nyin mtshan du chos 'dod cing chos smra ba rnams la 'khrul pa mi tshol ba ste/ yul 'khor skyong bzhi po de dag ni byang chub sems dpa' rnam kyi byang chub sems dpa'i spyod pa yongs su spyod pa'i chos so// de nas bcom ldan 'das kyi de'i tshe tshigs su bcad pa 'di dag bka' stsal to// bla na med pa'i byang chub 'dod pa na/ tha ba dri ma med cing khro sems med/ de ni su la'ang skyon tshol byed ma yin/ g.yo med tshul 'chos med cing spros sems med/ khyim gyi blo gros yang mya ngan rtsa/ skye bo ngan 'grogs tshul bzhin ring 'gyur ba/ spangs te de la mi ltar ba byung nas/ thar pa 'dod pa ri khrod gnas par byed/ dgon pa bas mtha'i rnam pa sten pa na/ shes khe 'thob pa kun la mi rten cing / lus dang srog la'ang lta bar mi byed la/ seng ge lta bur gnas shing dgra las rgyal/ byang chub lam phyir ye shes tshol ba na/ ngan ngon tsam gyis chog par 'dzin byed cing / rtag tu bya ltar stsogs pa spangs nas ni/ 'jig rten kun la gnas pa ma yin no// dper na ba se ltar gcig pu gnas byed cing / seng ge lta bur 'jig pa yod ma yin/ ri dgas lta bur sar 'jigs yid mi rton/ de ni mchod pas khengs pas 'gyur ba med/ g.yang sar lhung ba'i 'gro ba 'di bltas nas/ rab tu thar bar bya phyir 'bad par byed// gal te bag yod dge ba'i chos spyod na/ bdag kyang 'gro ba 'di'i dpung nyen 'gyur/ mi mchog spyod pa 'di dag 'dod pa na/ 'dzum pa'i bzhin gyis rab snyan tshig smra zhing // sdug dang mi sdug rtag tu rnyog sems med/ rlung dang 'dra bar chags pa med par gnas/

  21. 325b

    stong pa nyid dang mtshan ma med la mos/ 'dus byas kun la sgyu ma lta bur rtog/ yangs pa'i blo tsan zhi dang dul la dga'/ de ni rtag tu bdud rtsi'i ro yis mgu/ ci nas byang chub lam ni sgrub byed cing / de ni rtag tu bsam pa yongs su sbyong gzungs dang spobs pa tshol bar byed pa na/ yon tan 'dod pa sdug bsngal brgya dag bzod/ byang chub sems dpa' spyod pa 'di bltas nas/ gang zhig don tu gnyer ba de dgar 'gyur gang zhig byang chub 'di la ma mos pa/ blo chud de ni nyes pa brgya yang skyed/ yul 'khor skyong bzhi po 'di dag ni byang chub sems dpa' rnams kyi g.yangs sa ste/ bzhi gang zhe na/ yul 'khor skyong byas pa mi gzo zhing g.yol sten pa byang chub sems dpa' rnams kyi g.yang sa dang / yul 'khor skyong rnyed pa dang bkur sti la chags pa byang chub sems rnams kyi g.yang sa dang / yul 'khor skyong tshul 'chos pa dang / kha gsag gis rnyed pa dang / bkur sti sgrub pa byang chub sems dpa' rnams kyi g.yang sa ste// yul 'khor skyong bzhi po de dag ni byang chub sems dpa' rnams kyi g.yang sa'o// de nas bcom ldan 'das kyis de'i tshe tshigs su bcad pa 'di dag bka' stsal to// 'phags pa bla ma rnams dang pha ma la/ de dag rtag tu gus pa med pa yin/ de dag byas pa mi gzo g.yon can te/ rtag tu kun tu ma bsdams spyod cing rmongs/ rnyed la rtag tu chags shing zhen pa ste// de dag tshul 'chos pa dang g.ye dga'/ kha cig tshul khrims brtul zhugs ji ltar kyang / 'di na bdag dang mtshungs pa med ces smra/ de dag phan tshun sdang bar sems pa ste/ glags tshol ba la rtag tu brtson pa yin/

  22. 326a

    de dag zhing gi las dang tshong la dga'/ de dag dge sbyong yon tan shin du ring // phyi ma'i dus na 'di ltar ma bsdams pa'i// dge slong tshul khrims yon tan rab ring ba/ de dag 'tshang 'dru ba dang 'thab pa dang / phrag dog dbang gis chos 'di nub par byed// byang chub lam las rtag par shin tu ring // 'phags pa'i nor las de dag shin tu ring / 'phags ba'i nar las da dag shin tu rang / 'phags lam gya nom rnam par spangs nas ni/ de dag 'gro ba lngar ni 'khyam par 'gyur/ yul 'khor skyong bzhi po 'di dag ni byang chub sems dpa' rnams kyi byang chub la bgegs byed pa'i chos te/ bzhi gang zhe na/ yul 'khor skyong le lo byang chub sems dpa' rnams kyi byang chub la bgegs byed pa'i chos dang / yul 'khor skyong ma dad pa byang chub sems dpa' rnams kyi byang chub la bgegs byed pa'i chos dang / yul 'khor skyong nga rgyal byang chub sems dpa' rnams kyi byang chub la bgegs byed pa'i chos dang / yal 'khor skong nga rgyal bang chub sems dpa' rnams kyi bang tshab la bgags byed pa'i chos dang / yul 'khor skyong pha rol gyi mchod pa la phrag dog dang / ser sna'i sems dang ldan pa byang chub sems dpa' rnams kyi byang chub la bgegs byed pa'i tshe te/ yul 'khor skyong bzhi po dag ni byang chub sems dpa' rnams kyi byang chub la bgegs byed pa'i chos so// de nas bcom ldan 'das kyis de'i tshe tshigs su bcad pa 'di dag bka' stsal to// ma dad le lo rtag tu rmongs pa'i sems// de dag mngon pa'i nga can rtag tu khro// bzod ldan rtag brtson dge slong mthong nas

  23. 326b

    ni/ gtsug lag khang nas 'gro tshe dbyig pas rdeg/ pha rol mchod phyir 'dir ni phrag dog skye// de dag sems ni gnas pa yod ma yin/ glags lta byed cing 'khrul pa tshol ba tsan/ su la 'khrul yod gang la gleng bya snyam/ de dag nga'i bstan pa 'di las ring / de dag yon tan sdang zhing ngan song gzhol/ de dag rgyal ba'i bstan pa bor nas ni/ ngan song shin tu mi bzad 'bar bar 'gro// de dag rnams kyi sdig pa'i spyod pa dang / chos min ldan 'gro rab sdigs 'dir thos nas/ rtag tu khor mor byang chub lam la sbyor/ ngan 'gror skyes shing gdung bar gyur ta re/ sangs rgyas 'jig rten phan pa drang srong che/ bskal pa bye mang po 'byung bar 'gyur/ da ltar dal ba dam pa rnyed pa la/ gal te thar 'dod bag med spangs par gyis/ yul 'khor skyong gang zag bzhi po 'di dag ni byang chub sems dpas bsten par mi bya ba ste/ bzhi gang zhe na/ yul 'khor skyong byang chub sems dpa' sdig pa'i bshes nyen gyi gang zag bsten par mi bya ba dang / yul 'khor skyong byang chub sems dpas dmigs par lta ba can gyi gang zag bsten par mi bya ba dang / yul 'khor skyong byang chub sems dpas dam pa'i chos spong ba'i gang zag bsten par mi bya ba dang / yul 'khor skyong byang chub sems dpa' zang zing la brkam pa'i gang zag bsten par mi bya ba ste/ yul 'khor skyong gang zag bzhi po 'di dag ni byang chub sems dpas bsten par mi bya ba'o// de nas bcom ldan 'das kyis de'i tshe tshigs su bcad pa 'di dag bka' stsal to// gang gi sdig pa'i bshes gnyen rnams spong

  24. 327a

    @zhing // gang dag dge ba'i bshes gnyen bsten byed pa// de dag rtag tu byang chub lam la 'phel// dper na mkha' la zla ba yang ngo bzhin/ dmigs par lta la rtag tu zhen pa dang / bdag dang srog dang gso bar zhen pa dang / de dag dug phyi bzhin du rtag tu spangs/ gang dag sangs rgyas ye shes don mi gnyer/ gang dag mi mchog rnams kyi zhi ba'i chos// 'dod chags bral ba bdud rtsi 'thung spong ba/ de dag dper ngan skyugs rdza bzhin spang / gang zhig byang chub dam pa 'tshang rgyar 'dod/ zang zing dag dang chos gos lhung bzed chags// rtag tu khyim la 'dris par byed brtson pa/ de dag rnams dang 'dris par mi bya ste/ de dag me'i 'obs bzhin spang bar bya/ gang zhig bdud ni gdul bar bya ba dang / 'khor lo dam pa bla med bskor ba dang / de ltar sems can don yangs byed 'dod pa// des ni sdig pa'i bshes gnyen spang bar bya/ gang zhig byang chub dam pa 'tshang rgyar 'dod// de yis rnyed dang sdug dang mi sdug dang // grag gas dang 'tshang 'dra phrag dog nga spangs te/ sangs rgyas ye shes rtag tu btsal bar bya/ yul 'khor skyong bzhi po 'di dag ni byang chub sems dpa' rnams kyi sdug bsngal rnam par smin pa'i chos te/ bzhi gang zhe na/ yul 'khor skyong shes pas mngon par rlom sems byed pa// byang chub sems dpa' rnams kyi sdug bsngal rnam par smin pa'i chos dang / yul 'khor skyong phrag dog dang ser sna dang ldan pa'i sems byang chub sems dpa' rnams kyi sdug bsngal rnams par smin pa'i chos dang / yul 'khor skyong ma mos pa byang chub sems dpa'

  25. 327b

    rnams kyi sdug bsngal rnam par smin pa'i chos dang / yul 'khor skyong yongs su ma dag pa'i shes pa dang / bzod pa'i longs spyod yongs su tshol ba byang chub sems dpa' rnams kyi sdug bsngal rnam par smin pa'i chos te/ yul 'khor skyong bzhi po de dag ni byang chub sems dpa' rnams kyi sdug bsngal rnam par smin pa'i chos so// de nas bcom ldan 'das kyi de'i tshe tshigs su bcad pa 'di dag bka' stsal to// gang dag sa la chos ni 'dzin 'gyur zhing / 'gro ba thams cad kyis kyang mchod 'gyur ba/ de la mi shes pas ni brnyas byed na/ des na de ni sdug bsngal mtha' yas rnyed/ yang ba ni gang zhig long spyod tshol/ shes pa ma dag rtag tu 'dun cing 'dod/ gang zhig rtag tu nga rgyal khengs gyur la/ bla ma 'phags pa'i skye bo mi 'dud cing / sangs rgyas la yang mos pa yod min ba/ chos dang tshogs la de ni mos pa med/ bslab dang sbyangs pa rnams la de mi mos/ sdig pa'i blo can ngan song gsum phyogs pa// de ni mi nang 'di nas 'chi 'phos nas// las kyi dbang gis mi mkhas rnam par rmongs/ dmyal ba 'am 'on te dud 'gro'i 'gro rnams sam/ yi dgas 'gro ba rnams su sdug bsngal rnyed/ gang zhig 'jig rten sgrom 'gyur blo ldan zhing / mi'i dpa' bo sdug bsngal mthor 'byin pa// de yis ngan song lam rnams rab spangs te/ byang chub lam ni rtag tu brten par bya/ yul 'khor skyong bzhi po 'di dag ni byang chub sems dpa' rnams kyi 'ching ba ste/ bzhi gang zhe na/ pha rol la brnyas pa/ byang chub sems dpa' rnams kyi 'ching ba dang / 'jig rten pa'i thabs kyis bsgo ba'i lam la sbyor ba dang / mtshan ma'i 'du shes byang chub

  26. 328a

    sems dpa' rnams kyi 'ching ba dang / kun 'dzin pa'i sems dang ldan pa dang / ye shes dang bral ba dang / bag med pa la bsten pa byang chub sems dpa' rnams kyi 'ching ba dang / phyir 'brang ba'i sems kyis khyim la 'dris par byed pa/ byang chub sems dpa' rnams kyi 'ching ba ste/ yul 'khor skyong bzhi po de dag ni byang chub sems dpa' rnams kyi 'ching ba'o// de nas bcom ldan 'das kyis de'i tshe tshigs su bcad pa 'di dag bka' stsal to// rtag tu gzhan dag la ni brnyas byed cing / rtag tu 'jig rten pa'i bsam gtan sgom/ lha gyur 'di dag gis ni de bcings te/ glang po lus ring 'dam du song ba bzhin khyim la 'dris byed 'ching dang ldan pa dang / gang zhig bag med rtag tu kun 'dzin sems/ ye shes spangs shing blo gros rmongs gyur pa/ mi rigs spyod pa 'di dag rnams kyis cings gang zhig sdug bsngal 'jig pa 'di dag dang // skye rga 'chi la smog pas grol 'dod pas// brnyas par byed dang rlom sems bor nas ni/ byang chub lam la rtag tu brtson par 'gyur// sdug bsngal mtha' yas ma lus bzod byas te// bde ba kun la chags pa med gyur nas/ sdug dang mi sdug gnyen pa ma lus btang brtan pa dag ni sdig bral sangs rgyas 'gyur/ pha rol phyin drug sa dang yon tan dang // stobs dang dbang po dag dang shes la sbyod// yon tan kun dang rtag tu ldan gyur nas// dge ba'i dra ba grol ba'i sangs rgyas 'gyur/ bskal pa bsam mi

  27. 328b

    khyab par spyod spyad tshe// sems can phan phyir byang chub mchog don tu/ sbyin dang dul dang des la rtag tu spyad/ gnyen pa spangs nas bde bar gnas par gyur/ bas mtha' nags su rtag pa nga dga' ste/ byang chub ched du bsam pa rnam par sbyangs/ brgya lam na yang brtson 'grus nyams ma gyur/ skyes chen rnam kyi ye shes de 'dra'o// srid pa'i btson rar 'gro ba lnga 'khyams pas/ sems can 'khyams pa'i 'gro ba mthong nas ni/ sngon cad 'dir ni snying rje rgya chen bskyed/ 'gro ba'i don tu byang chub dam pa bsgrubs/ bskal ba mang por byang chub mchog tshol zhing / rang gi bu bo bu mo chung ma sdug/ bangs pa'i srog dang shin tu sbyor sa dang / grong khyer nor dang 'bru rnams mang po btang // me tog 'dra bu chu 'byor nyams dga' ba'i// nags su thub pa nga ni bzod dgar gyur/ su mtshan rgyal pos lag pa rkang pa bcad/ de'i tshe nga ni sdang ba'i yid ma gyur/ nags dang sul na/ sngo bslangs zhes bya ba'i// thub pas bla ma rgas pa gso ba na/ mi'i dbang pos sra ba'i mangs bsnun kyang / yid ni yongs su gnon par sems ma gyur/ legs par gsungs pa'i ched du g.yangs nas// lus la ma bltas rab tu mchongs par gyur/ da ni byang chub mchog gi rgyu'i phyir// lus dang srog la bltas par ma gyur to// stag mo bu dang bcas pa'i srog gi phyir// lus gtang nas ni stag mo tshim par byas// nam mkha' las ni lha'i tshogs rnams kyis// skyes chen brtson 'grus btang pa lags zhes bsgrags// gang

  28. 329a

    tshe sngon chad srid par spyod pa na// sbyin la rang dga' bram ze khyera'u gyur te// rin can chang du rgya mtsho bskams nas ni// nor bu rnyed nas sems can bde bar byas rgyal po zla ba'i bu zhes bya gyur te/ brjod pa grags shing nga ni spyod pa'i tshe/ de'i bden pa'i tshul gyis rgyal po brgya/ gsang bar byas pa myur du thar par byas// dbul zhing sdug bsngal ba'i mi mthong nas// de'i phangs pa'i lus ni btang byas te// nga yis nor rnyed de ni phyug por byas/ de ched ni kun sbyin rgyal por gyur gang 'di mi'i rgyal por gyur pa'i tshe/ skyabs su 'ongs pa'i bug ron mthong nas ni// rang gi lus las sha yang bcang byas te// reng lus ngas btang 'jigs pas phongs ma bting / rgyal po ral pa can zhes sngon gyur te// sman pa mchog gis de'i ched du ni/ mtshungs med sman rnams ma lus sbyar ba yang / srog btang nas ni de dag gzhan la sbyin/ 'gro ba'i don phyir bsngon chad spyod pa na// rgyal po mche ba bzang zhes bya gyur te// chung ma ma dri khyo las mi 'phyo ba// bur bcas bu mo ma chags ma bltas btang / gang tshe brtson 'grus 'bar zhes bya gyur te// nga sngon lon stong du chang bar yang // bya dka' brgyad bcu rtsa bzhi bdod par byas// nor dang dpal yang sngon cad ngas btang ngo // rgyal bu gzi brjid dri ma med gyur tshe// nga yis rgyal ba'i ring bsrel mchod rten bdun/ mchog tu gus pas lus la bye btang ste/ bcu mnga' ba rnams la mchod pa byas// nga ni rgyal po zla 'od gyur pa'i tshe/ mi bzang mig can khros par gyur nas ni/ de yis nga yi mgo bo bslangs pas na// de che nga yi mgo nga phog du/

  29. 329b

    bcad de byin/ nga ni bsod nams mnyam zhes bya gyur te/ grong dang grong khyer dag dang lam srang sgo// thams cad du yang rgya che sman gyi rnams// de dag sems can don phyir ngas bzhag go// srid pa rnams na spyod pa gang gi tshe/ nga sngon rgyal po dge bar gyur pa na/ bud med gzugs bzang gser dang mu tig gis/ lus brgyan stong dag ngas ni btang ba byas/ gang che sngon mi'i rgyal po ni// rin cen gtsug pud gyur che me tog dang / spos mchog rnams dang gser gyis brgyan pa'i/ cod pan dpal ldan dam pa ngas btang ngo // nga sngon rgyal po mos ldan gyur pa'i che// shing bal 'da' ba 'jam pa ltar bu dang / pad ma'i 'dab gnyan lta bur 'jam gzhon pa'i// lag pa rkang pa dag kyang ngas btang ngo // ded dpon seng ge 'dzin du gyur pa na// snying rje med cing mi bzad rab gtum pa/ srin mo rgya dag shin tu tshar bcad nas rgya shug gling du mi rnams bkod par 'gyur/ gang che mig bzangs shes byar gyur pa na/ byis pa 'dod dang ldan zhing yid rmongs pa/ srin mo dag la na cung 'du shes pa/ tshong pa lnga brgya de dag thar bar byas/ gang che bsod nams 'od zer gyur pa na/ lha'i bu mo lta bu'i gzugs ldan pa/ bud med bye ba phrag bzhi spangs nas su/ rgyal ba'i bstan pa la ni rab tu byung / sems can don byir nga ni spyod pa na/ dri med dag pa'i gser gyi mdog can gyi rgyal po gang tshe nga ni gyur pa na/ sor mo dra bas 'bral ba rgya chen btang / rgyal po ud bal mig ces bya gyur tshe/ pad ma sngon po bzang po'i mdog 'dra'i mig/ yid du 'ong zhing snying

  30. 330a

    du sdug gyur pa/ 'gro ba'i don tu nga yis btang ba byas/ sman pa'i rgyal po sgra 'drar gyur pa'i tshe/ sdug dang bral bas zhen pa mthong nas ni// bud med cha byed gzug dang blo gnyis pa// ngas ni snying rjes yongs su thar bar byas/ sngon gyi srid par kun mthong gyur pa na/ nad kyis btab pa nad pa'i mi mthong nas/ nga yis rang gi khrag kyang byin gyur te/ mi de ngas ni nad dang bral bar byas/ rgyal po me tog bzang zhes bya 'gyur tshe/ nga yis lus las rus pa byung nas ni/ nad kyis ring bar gyur la rkang byin te// ngas ni nam yang sems can ma btang / rgyal po don grub ces byar sngon gyur tshe/ gang gi mdzod rnams thams cad ngas btang zhing / phangs shing yid du 'ongs pa'i srog btang ste/ phongs par gyur pa'i mi ni thar bar byas/ rgyal po phyogs kyi tog tu gyur pa'i tshe/ byang chub 'dod nas 'gro ba'i don gyi phyir/ 'khor lo'i mtshan can pad ma lta bu'i// lag pa thugs kyang ma bltas rab tu byin/ rgyal po thams cad mthong du gyur pa'i tshe/ snying rje ldan zhing 'gro don pan 'dod de/ skyes pa bud med dag gis rgyas pa'i/ gling bzhi pa yang ngas ni btang ba byas/ rgyal po'i bu mo ye shes ldan gyur tshe/ 'jam zhing ma la dri med dka' ba'i brlal/ dga' zhing mgu ba'i yid kyis bcad nas ni/ rang gi sha dang khrag kyang ngas byin no// bud med gzugs ldan zhes ni bya gyur che/ bud med bkres skom nyams thag ngas mthong nas/ gser ltar ser zhing shin tu bzhon pa'i/ num snying du sdug pa gnyi ga btang // rgyal po dpal grags zhes byar gyur pa na// shin tu nyams dga' ba'i rgya mchog dang / rin

  31. 330b

    cen du ma gos dang shing rta bzhon/ gtang bar dka' ba rnam pa du ma btang rgyal bu byas pa gzo bar gyur pa'i tshe/ rgya mtsho las ni byas pa mi gzo bsgral/ rin cen byir ni de yis dmig byung 'on kyang ngal khros pa'i sems med do// srog chags go d+har sngon srid pa'i \u0f7f// grog sbur dag ni 'chi bar gyur dogs nas// lus kyi dam pa ma bltas btang bar byas/ de menga'i sems ni g.yo ba med/ sprad pa spyod che bya sreg gyur pa na/ rgan la snyen bkur bya bar rtag dga' ste/ nga ni rim gro gus la rab tu dga' nga rgyal ldan pa ma yin khengs pa med/ skyabs su 'ongs pa'i don phyir nga yis ni/ snying rje bskyed pa byas nas lus btang ste/ gdol pa mi yis mda' rnams bsnun kyang ni/ spre'u gyur ngas ni mi de ma btang ngo // rgyal po dbang du gyur tshe nga yis ni/ glang po ba po bla ma rgan dran lus bskyabs te/ shin tu yid 'ong zas kyang ngas ma zos// de tshe glang po bdag nyid thar par gyur// bgrod dka' gangs can ri la dred dbang gyur// nga yis zhag bdun bar du bsrungs pa'i mi/ de yis gsod pa nga la btang byas kyang / nga ni de tshe khong khro byas pa med// kha ba kun 'da' 'dra' ba'i glang por gyur// byang chub mchog brten sang rgyas yon tan tshol/ dug dang bcas pa'i mda' yis bsnun kyang ni/ mche ba dam pa byin gyi khros pa med/ 'dzam bu'i gling du nags tshal spyod yul pa/ sreg pa'i phru gu byams la gnas gyur te// mthong ba tsam gyis mi ni zhi gyur nas// lha tshogs dag gis me tog rnams kyang gtor// ri dgas gyur tshe gang ga'i rlabs shugs kyis/ khyer ba zhig ni nga yis bsgral byas

  32. 331a

    pa de yis gsod par khrid de 'ongs// 'on kyang de la nga ni yid ma khros// rgya mtsho'i dbus su son te mgon med pa// tshong pa lnga brgya dag ni bsgral byas nas/ bkres pa de dag rnams kyis gsang gyur che// ru sbrul skye gnas gyur kyang byams dang ldan// da ni byang chub spyad pa spyod pa na// sngon cad chun rgyu ba'i 'gyur che/ sems can phan phyir nga yis lus btang ste// srog chags brgya stong dag gis zos par gyur/ srog chags nges par gang che gyur pa na/ nad brgyas gzir ba'i 'gro ba mthong nas su lus ni sman lta bur yang bsgyur bya ste// sems can bde zhing nad kyang med par byas/ ri dgas rgyal po seng ger gyur pa'i tshe// mthu stobs ldan par gyur cing snying rje ldan// mda' yis bsnan kyang khros pa'i sems med de/ de tshe gsod la nga yis byams pa byas/ dung dang ba mo'i lta bu'i rta rgyal du/ nga sngon rgya mtsho'i dogs su gyur pa'i tshe// srin mo'i nang du son pa'i tshong pa rnams// nga yis snying brtse snying rje bskyed nas bsgral// 'gro ba'i don tu byang chub spyad spyod che/ mdab chags kun lar ni nga gyur che// 'dod pa'i yon tan nyes pa ma spangs nas/ bud med du nga ni song ma gyur// gel ba nags gnas ri bong gyur pa'i tshe// legs spyod ri bong tshogs gyur de la bstan// thub pa nags la gnas pa bkres 'phongs pa// de'i ched du ngas ni gnas kyang btang / sdong po me tog 'bras rgyas ne tso'i tshe// sdong po skams kyang ngas ni de ma btang // de tshe brgya byin bya gzongs mthong nas// sdong po de ni lo 'bras rgyas par byas/

  33. 331b

    nga ni spu'i rgyal por gyur pa'i tshe// mi'i rgyal po klu yis yul bcom ste/ spu'i tshogs la gnas pa byung mthong nas/ rgyal po'i 'jigs las de dag ngas bton to// nga sngon ne cor gyur te ba/ ma'i phyir// sa lu blangs tshe mi'i yis bzung nas ni/ ne tso ci phyir nga'i sa lu len/ lo tog smin 'di ma rung byar sems sam/ ne tse des smras bzang po gsan du gsol/ bdag ni rku bas khyod kyi 'bras myi len/ pha ma rgan rgon gnyis ni gso ba'i phyir// de la snying rje bdag gis sa lu blangs/ gang tse thog ma sa bon 'debs pa'i tshe/ 'gro ba kun la shas shas byin no zhes/ de skad tshig smras de ni bdag thos te// des na bdag ni rku bar gzhan mi 'gyur// ne co legs so sa lu ci dgar khyer// srid zhu 'di ni mi'i nang na dkon/ khyod ni mi'i nang 'dir dud 'gro yin// legs so// khyod ni dul zhing yang dag bsdams// byang chub rdul bral dam pa tshol ba na// sngon cad spyod pa de las stsogs pa rnams// spyod pa'i tshe na dka' ba brgya la yang // nga yi yid ni skyo bar gyur pa med// nang gi dag gam 'on te phyi yang rung // nga yis dngos po ma btang gang yang med// tshul khrims bzod dang de bzhin brtson 'grus dang / bsam gtan thabs dang shes rab nges spyad do// dang pags pa de bzhin rkang dang khrag/ de dag rang gi lus las sbyin pa byas pas mtha' dag dang bug na brgyu ba'i tshe// ngas ni de tshe lus ni skams par byas/ gang la sbyar na rgyal bar 'gyur ba'i spangs pa gang dag rgyal bas bstan mdzad pa/ sbyangs pa de la rtag tu rab brtson te// sngon spyod tshe na nga ni rtag tu 'jug/ spyod pa'i tshe na nga yis gang bsten pa// brtul zhugs rgya chen de 'dra de dag dang /

  34. 332a

    spyod pa 'di thos nas ni de dag rnams// tshig gcig la yang 'dun par mi 'gyur ro// 'di thos gyur nas de'i tshen no// bstan pa 'di nyid la ni 'phya bar 'gyur/ de dag zas dang 'khrig pa lhur len cing // rtag tu gnyid non kha ltar g.yo ngan 'gyur// rtag tu 'phags pa ma yin chos la sdang / bstan pa sun par byed cing yon tan nyams// zhi ba'i chos 'di thos par gyur pa na/ 'di ni rgyal bas gsungs pa min zhes 'dzer// nga'i slob dpon thos pa rgya mtshor gyur/ mang du thos pa smra ba'i gtso bo yin// des ni 'di'i rnam pa ji ltar yang // sangs rgyas bka' ma yin zhes gdags pa byas/ pha rol las kyang rgan par gyur de'i/ bla ma de ni dpag med yon tan chung // des kyang 'di ni blang ba ma byas kyis// 'di la ma 'jug 'di ni nor ma yin/ gang la bdag yod ma yin srog med dang // rnam pa cis kyang gang zag med bstan pa// tshul khrims sbyor dang sdom pa'i bya ba la// gang 'bad de'i nga la ba don med 'gyur// gal te theg pa chen po yin na ni// 'di la bdag dang sems can shed skyes med// gang la bdag dang sems can mi dmigs pa// de la bdag gis ngal byas don med 'gyur// sdig pa'i blo dang mu stegs ngan mtshungs bas// rang gi blo yis rang bzo byed pa ste// dge slong 'khor gyi nang du rgyal ba'i// tshig 'di gsung bar nam yang mi 'gyur ro// ngo tsha khrel dang 'dzem dang bral ba dang // kha ltar spyi rdol che ma rgod gtum zhing / phrag dog nga rgyal rgyags pas tshig pa'i/ dge slong dag ni nga'i bstan la 'byung // lag pa dang ni rkang pa rdob byed cing // chos gos gru rnams kyang ni dkyog por byed/

  35. 332b

    chos gos thogs shing chang dang rgyags myos nas// grong dang khyim dag du ni rnam par rgyud/ de dag sangs rgyas rgyal mtshan thogs nas ni/ khyim na gnas pa'i skye bo sten par byed// bstan pa yon tan phung po 'di spangs nas// de dag rtag tu phrin yig khyer bar byed// de dag ba lang rta dang bong bu dang // de dag phyugs dang bran po bran mo srel// zhing gi las dang tshong gi sbyor ba la/ brtson yid ldan zhing rtag tu 'phags ma yin/ de dag 'phags min tshig kyang mi smra med// bya ba ma yin pa yang gang yang med// de dag rnams la mchod rten nor dang ni// dge 'dun gyi dang gang zag nor de mtshungs// dge slong yon tan 'byor pa mthong nas ni// de dag la yang mi snyan brjod byed de// tshul khrims 'chal ba slu ba zhugs nas ni/ bud med 'jigs byed mi bzad rab ces brjod// rab tu byung ba de dag brkam pa ltar/ khyim pa 'dod pas brkam pa de ltar min/ khyim par mtshungs par de dag chung ma dang // bu dang bu mo dag kyang yod par 'gyur/ gang gi khyim du de dag chos gos dang // las dang longs spyod dag gis bsnyen bkur ba// de'i chung ma la ni yongs chags shing // nyon mongs dbang 'gro rtag tu 'phags ma yin/ 'dod pa 'di dag bsten bya ma yin te// dud 'gro yi dgas dmyal bar ltung byed ces// de dag khyim pa rnams la rtag smra zhing / de dag bdag cid ma dul nye zhi min// ji ltar de dag bdag nyid ma dul ba// de dag slob ma tshogs kyang rab ma dul// kha zas dag dang 'khrig pa'i gtam rnams la// de dag nyin dang mtshan du 'gro bar byed// bsten pa'i phyir gyi yon tan phyir min te// de dag la ni de dag

  36. 333a

    'gro las nag 'dir mchod pa tho snyam nas/ bsdub sbyin/ rang gi slob ma'i tshogs kyis bdag kyang bskor// de dag skye bo rnams la smra ba ni// bdag gis snying rje 'di dag sdud byed kyi/ slob ma'i tshogs de dag las nam yang ni// rim gro don du gnyer ba med ces smra// de la nad kyis non tang mdzen can mang // lus la sha bkra can dang gzugs mi sdug/ rtag tu 'phags min mi dag kha cig kyang 'ongs shing lhags pa rab tu 'byin par 'gyur// lung nod pa dang sdom pa rnam par nyams// de dag dge slong yon tan rtag mi brtson// de dag khyim pa ma yin dge slong min/ de dag spangs pa du khrod shing dang mtshungs// de drag so sor thar dang bslab pa dang // 'dul ba la yang gus par byed mi 'gyur/ de dag rang nyam rang dbang 'gro ba ste/ lcags kyu btang ba'i glang po'i dbang po 'dra// de dag nags su gnas par gyur kyang ni// sems ni grong du 'gro bar 'gyur ba ste/ nyon mongs me'i rtag tu rab gdungs la// de dag sems kyang gnas pa med par 'gyur// de dag sangs rgyas yon tan thams cad dang // bslab dang sbyangs dang thabs kyang brjed nas ni/ rgyags dang nga rgyal dregs pa yongs rgyas te// de dag mi bzad mnar med ltung bar 'gyur// de dag rgyal po gtam la rtag dga' zhing // rgyal ba'i gtam brjod pa la'ang rab tu dga'// rke du bsnyen la yang rab tu dga' ba ste// de dag nyin dang mtshan du sems par byed// bsam gtan dang ni kha don btang nas su/ rtag tu gtsug lag khang gi las la brtson// gnas la brkam zhing khro gnyer 'byin par byed// de dag slob ma 'khor yang ma dul ba// nga ni gtsug lag khang gi bla// bdag gi ched

  37. 333b

    du 'di ni ngas byas te// dge slong gang dag nga'i rjes mthun pa/ gtsug lag khang 'dir de dag gnas yod do// gang dag tshul khrims ldan zhing yon tan ldan// chos 'dzin skye bo'i don la mngon bcom su gnas la brkam zhing khro gnyer 'byin par byed// de dag slob ma 'khor yang ma dul ba// nga ni gtsug lag khang gi glas bdag gi ched du 'di ni ngas byas te/ ka dge slong ga dag de'i rjes mthun pa/ gtsug lag khang 'dir de dag gnas yod do// gang dag tshul khrims ldan zhing yon tan ldan// chos 'dzin skye bo'i don la mngon brtson la// dul zhing yang dag sdom la rtag brtson pa// de dag rnams ni sdud par mi byed do// 'di ni nga'i gnas su bskos pa ste// 'di ni nga'i lhan cig gnas pa yin// khyod kyi gnas ni gang yang med kyis song / 'dir ni dge slong dag kyang mang bkod de// mal cha rnams kyang ma lus bgos zin la// 'di ni rnyed pa 'byung ba yod ma yin/ 'di ni ci zhig spyad kyis dge slong song // de dag la ni mal stan bgo bya ba// nam du'ang srid par 'gyur ba ma yin te// de dag khyim pa lta bur stsogs 'gyur zhing // 'tshog ces rnams dang g.yog 'khor mang bar 'gyur// phyi ma'i dus na nga'i bu de dag/ kun tu smad pa byas par gyur nas ni/ de dag nga'i tshig ni dran 'gyur te// bas mtha' dag dang nags su de che gnas// kyi hud rnyed pas zil non yon tan snga pa// dge slong mang po gang du byung gyur pa/ rgyal ba dam pa yi ni bstan pa dag/ ring por mi thogs par yang 'jig par 'gyur// phyi dus tshul khrims yon tan ldan pa dag/ rtag par yongs su brnyes par 'gyur ba ste/ de

  38. 334a

    @dag grong dang yul 'khor grong khyer rnams// spangs nas dgon pa nags su gnas par 'gyur// 'byed dang zug zer zab mo dgar ba dang // yon tanam la rtag tu sti stang byed// de dag skye bo yi ston par grags 'gyur te// de dag nga rgyal rgyags pas tshig par 'gyur// 'dir ni nga'i bstan pa yon tan gter/ yon tan kun gyi 'byung gnas mchog dga' ba/ 'dir ni tshul khrims nyams dang phrag dog dang / rgyags pa'i skyon rnams kyis ni 'jig par 'gyur// ji ltar rin cen 'byung gnas brus pa dang // pad ma'i rdzing bu yod su bskams pa dang // rin ce na mchod sdong chag par gnas pa ltar// phyi ma'i dus na bstan pa 'jig par 'gyur// phyi ma'i dus kyi tshe na dam pa'i tshes// rnam par 'jig 'gyur shin tu mi bzad tshe// dge slong dul ba ma yin de 'dra ba// de dag nga'i bstan 'di 'jig pa yin/ spyod pa 'di la sten par dga' ba rnams// de dag bzang 'gro ga la yod de ring // 'di nas shi 'phos yi dgas 'gro ba dang // dud 'gro'i 'gro dang sems can dmyal bar gnas// lo brgya du mar sdug bsngal mtha' yas pa// mi bzad drag po nyams su myong bar 'gyur/ ci sde de yis mi'i lus rnyed kyang / rtag tu sdug bsngal mya ngan ldan par 'gyur// sdig pa'i spyod pa 'di la rtag bsten pa// long ba 'am 'on pa 'am zhar bar skye bar 'gyur/ lus la rtag tu sha bkra 'byung bar 'gyur/ 'jigs pa'i gzugs can mthong na 'jigs par 'gyur// gang zhig ya nga'i spyod pa sten pa ni/ de la su yang yid rton mi 'gyur ro// de'i tshig la yid

  39. 334b

    ces mi 'gyur zhing de ni rtag tu sma 'bab par yang 'gyur/ de dag nad dang sdug bsngal brgya'i sa gdungs// mtshon dang shing dang bong ba rnams kyis bsnun// bkres dang skom pa'i 'jigs bas yongs su gdungs// yang na de ni rtag par rab tu brnyas// sdug bsngal mtha' yas pa dag thos nas ni/ nges pa rnams kyis sdig pa'i spyod 'or la/ legs pa'i spyod la rtag tu bsten par gyis/ 'di nas phyin cad 'gyod par gyur ta re/ gang zhig sangs rgyas dang ni 'phags tshogs dang / bslab dang sbyangs pa'i chos la dga' 'gyur ba/ gnyen dang rnyed dang grags brjod spyong byos la/ de ltar rtag tu mngon par brtson par gyis/ 'dus byas 'di ni sgyu ma lta bu dang / 'jig par 'gyur dang rmi lam lta bu dang // sdug pa kun dang mi ring 'bral 'gyur zhing / 'di la rtag pa gang yang med rtogs la/ pha rol phyin dang sa dang stobs rnams la/ rtag tu rab tu sbyor zhing 'bad par gyis// ji srid byang chub mchog sangs rgyas pa/ de srid brtson 'grus nam yang nyams ma bya// / gling gzhi'i le'u zhes bya ste dang po'o// yul 'khor skyong byang chub sems dpa'i theg pa ba'i gang zag bal cher skyon de dag 'byung bar 'gyur te// mi brtson pa dag ni mi brtson pa dag la mchod par 'gyur/ g.yo dang ldan pa dag ni g.yo dang ldan pa dag la mchod par 'gyur/ mi shes pa dag ni mi shes pa dag la sti stang byed par sems par 'gyur la/ zang zing la dga' bar 'gyur zhing chag

  40. 335a

    bamang ba dang / khyim las su byed 'das gus dang ldan pa dpa rgya khyA ga co pa dang / rgyal 'tsham pa dang du gyur ldan 'gyur phan tshun pa smra bas rnyed pa sgrub par 'gyur/ rnyed pa yongs su btsal ba'i phyir de dag grong du 'jug gi/ de dag sems can yongs su smin par bya ba'i phyir ma yin// sems can la snying brtse ba'i phyir ma yin par 'gyur// de dag shes bzhin du ji ltar bdag la pha rol gyis mang du thos pa dang / dge ba'i chos dang ldan par shes par 'gyur snyam du// bdag shes pa dang ldan par khas 'che bar 'gyur// ji ltar 'dir mi brtson pa de bzhin du/ zhes med par 'gyur/ snod chag pa bzhin du 'gyur/ gcig la gcig 'khrul pa tshol ba dang // sbyor ba nyams pa dang / mi shes pa dang / le lo can dang / phan tshun mi mthun pa'i chos bgro ba byed pas ye shes la mi rtog pa mang ba dang / rang dgar byed pa dang // shar gnyer ba dam pa dang // gnod sems kyis rgyas pa dang / rigs pa ma yin pa'i 'khor kyi skye bo dang bgro ba byed pas bstan pa 'di la spyod par 'gyur// yongs su mi 'dri ba'i ngang tshul can dang // chos mnyan pa don du mi gnyer bar 'gyur/ mi rigs pa'i spyod pas dbul po'i khyim rnams su skye ba yongs su 'dzin par 'gyur/ de dag dbul po'i khyim nas rab tu byung nas rnyed pa tsam gyis bstan pa 'di la dga' ba skyed par 'gyur ro// de dag la nyes pa bshags pa yang med par 'gyur na/ ye shes mngon par rtogs pa lta smos kyang ci dgos/ de dag ni

  41. 335b

    sangs rgyas kyi yon tan rnams bor nas/ shes kyi khe dang / rnyed pa tsam gyis bdag dge sbyong ngo // zhes bdag nyid khas 'che bar 'gyur te/ yul 'khor skyong ni gang zag de lta bu de dag la rjes su 'thun pa'i bzod par yang mi smra na/ sangs rgyas kyi ye shes lta ga la zhig/ de dag la ni bde 'gro yang ring na/ byang chub lta smos kyang ci dgos/ yul 'khor skyong gang zag de lta bu de dag byang chub kyi bar chad byed pa'i chos brgyad yod par smra ste/ brgyad gang zhe na/ ngan song gsum du skye ba dang / mtha' 'khob pa'i mi'i nang du skye ba dang / dbul be'i khyim du skye ba dang / darigs dma' bar skye ba dang / mdog ngan cing rtogs pa zhan pa dang / sdig pa'i bshes gnyen dang phrad pa dang / nad mang ba dang / yang ba ma spangs pas 'chi ba'i dus byed par 'gyur ba ste/ yul 'khor skyong chos brgyad po de dag ni byang chub kyi bar chad byed par brjod do// de ci'i phyir zhe na/ yul 'khor skyong tshig gis khas 'che ba la nga byang chub ces mi smra'o// tshul 'chos pa la spyod pa yongs su dag pa zhes mi smra'o// g.yo byed pa la byang chub kyi spyod pa zhes mi smra'o// zang zing lhur len pa la sangs rgyas la mchod bzhes mi smra'o// mngon pa'i nga rgyas can la shes rab yongs su dag pa zhes mi smra'o// shes rab 'tshal ba la the tsam gcod pa zhes ngami smra'o/ mi brtson pa mang ba la gzungs 'thor ces nga mi spo'o// khyim la ser sna byed pa la lus yongs su dag pa zhes ngami smra'o// spyod pa bcos ma can la sangs rgyas dang phrad pa zhes ngami smra'o// khyim la chags pa la ngag yong ser sna can la bsam pa yongs su dag pa zhis nga mi smra'o// yang dag pa'i nan tan ma yin pa yongs su tshom pa la 'di 'gro 'thob ces pa po smre'o//

  42. 336a

    su dag pa zhes nga mi smra'o// ma gus pa la sems yongs su dag pa zhes nga mi smra'o// lus dang srog la lta ba dang bcas pa la chos yongs su tshol ba zhes nga mi smra'o// yul 'khor skyong ji ltar skyes bu blun po de dag la smang ba ltar// ston pa drug la de ltar nga mi smod do// de ci'i phyir zhe na/ de dag ni gzhan du spru la gzhan du byed pa'o// lha dang bcas pa'i 'jig rten la slu ba'o// de nas bcom ldan 'das kyis de'i tshe tshigs su bcad pa 'di dag bka' stsal to// yang dag ma bsdams rgod cing khengs pa can/ mgus pa rgyal ldan zhing chags shas che/ nyon mongs zil non tha ba nyon mongs bcas/ dri 'dra dag la byang chub mchog rab ring / chags pas zil kyis non na le lo 'phel/ le lo zil kyis non dad pa nyams/ dad pa nyams na tshul khrims 'chal par 'gyur/ tshul khrims 'tshal par gyur na bzang 'gro nyams/ dbul por gyur pas rab tu byung gyur te/ mchod pa rnyed nas dbul las grol bar 'gyur/ de dag ser gyi khur ni bor nas su/ gso ma'i khur ni len par byed dang mtshungs/ rnyed pa don du gnyer bas thar par 'gro// der song nas kyang gos dang nye du tsho la/ mngon shes rig dang spobs pa phun sum tshogs/ bor nas de ni phyir yang nye du 'dzin/ slongs nas nga rgyal dbang gis ngan song la/ mi khom 'gro ba rnams dang dbul po dang / dam pa'i rigs su skye dang long ba dang / mdog ngan pa dang mthu chung de dag 'dzin// de dag tshul dang spyod pa yongs nyams dngos/ bag med rnyed nas dran pa rab tu nyams/ g.yang sa chen po mi bzang

  43. 336b

    ltung bar 'gyur/ de nas bskal ba bye bar thar pa med// gal te 'dir ni 'thob pas byang chub na/ de pyir lha sbyin gyis kyang byang chub 'thob/ rnam par 'thor rlung gis ni bya ltung ltag/ chags pas kyang ni de ltar mi rigs so// bsod nams nyam shing gzhan gyi chung ma chags/ tshul khrims ma dag dge ba rnams las nyams/ byang chub sems kyis ye shes gang ma thob// de dag bstan la mi dgos dur shing bzhin/ byang chub don gnyer sangs rgyas chos tshol ba/ dper na thar pa de bzhin mi gnas so// de ni rnyong gis spre'u la dam byas ltar nga rgyal zil non byang chub de 'dra'o// byang chub don tu gnyer bas chos tshig phyir// nga'i rang gis srog ni bangs pa'ang btang / chos de btang nas brtson dang mi ldan pa/ don med gyur nas bstan las ltung bar 'gyur/ nga ni sngon chad legs par bshad don phyir/ g.yang se chen por me lce 'bar bar mchongs// de thos nas ni sdug dang mi sdug pa/ thams cad rnam par spangs te nan tan gnas/ bstan pa sna tshogs yon tan 'byor thos la/ de dag nam yang 'dod pa mi skye na/ chos min 'dod la byang chub ga la yod// dper na long ba lam gsal med dang mtshungs/ yul 'khor skyong sngon byung ba 'das pa'i dus na bskal pa grangs med pa'i yang ches grangs med pa/ rgya che ba bsam gyis mi khyab pa/ mtshungs pa med pa/ dpag tu med pa/ tshad med par gyur pa/ de'i tshe de'i dus na/ de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan te bde

  44. 337a

    bar gshegs pa// 'jig rten mkhyen pa// skyes bu 'dul ba'i kha lo sgyur ba/ bla na med pa/ lha dang mi rnams kyi ston pa/ gangang sangs rgyas bcom ldan 'das don grub blo zhes bya ba 'jig rten du byung ngo // yul 'khor skyong de'i tshe de'i dus na// rgyal po 'od zer ldan zhes bya ba zhig byung ngo // yul 'khor skyong rgyal po 'od zer ldan ni 'jam bu'i gling dpag tshad khri drug stong la rgyal srid byed do// yul 'khor skyong de'i tshe de'i dus na 'dzam bu'i gling de na grong khyer dang khyim bye ba phrag stong yod do// yul 'khor skyong rgyal po 'od zer ldan de rgyal po'i pho brang gang na gnas pa rgyal po 'od zer ldan de'i grong khyer rin po che snang ba zhes bya ba shar nub du chur dpag tshad bcu gnyis yod pa/ lho byang du rgyar dpag tshad bdun yod pa/ rin po che sna bdun gyi phyir rim pa bdun dang / mig mangs rigs su bris pas mdzes par byas pa yod do// de'i tshe sems can rnams kyi tshe'i tshad ni/ lo bye ba phrag bcu thub par gyur to// yul 'khor skyong rgyal po 'od zer ldan gyi bu bsod nams kyis 'od zer zhes bya ba gzugs bzang ba/ mdzes pa/ blta na sdug pa/ kha dog bzang po rgyas pa mchog dang ldan pa zhi yod do// de bcas ma thag tu rin po che sna bdun gyi gter stong byung bar gyur to// rgyal por khang bzangs kyi nang na yang rin po che sna bdun gyi gter mi bcu'i chad tsam byung bar gyur to// yul 'khor skyong rgyal bu gzhon bsod nams kyi 'od zer de btsas ma thag tu 'dzam bu'i gling pa'i sems can thams cad yid rangs par gyur to// sems can gang dag btson ra na 'khod pa de dag kyang btson ra

  45. 337b

    nas thar bar gyur to// yul 'khor skyong / rgyal bu gzhon nu bsod nams kyi 'od gzer nges nyi ma bdun gyis 'jig rten pa'i sbyar rtsal ji snyed pa de dag thams cad rtogs par gyur to// yul 'khor skyong de na gnas gtsang ma'i ris kyi lha rnams kyis nam gyi gung gi dus la bab pa dang / rgyal bu gzhon bsod nams kyi 'od zer la gzhon khyod bag yod par gyis shig/ mi rtag par so sor brtag pa mkhas par gyis shig/ gzho nu mi rnams kyi srog ni chen po med pa ste/ che 'pho bar 'gro ba yin gyis 'jig rten pha rol la 'jigs par blta bar bya zhing / las dang bya ba dang mi 'gal bar gyis shig ces bskul te/ de'i tshe lha'i bu de dag gis tshigs su bcad pa 'di dag kyang smras so// gzho nu bag med par ni gyur ta re// bag med dbang du song bar gyur ta re/ bde bar gshegs pas bag yod rab bstod cing / bder gshegs rnams kyis bag med rnams kyang smad// nges pa gang dag 'di na bag yod cing // legs sdom dga' la ser sna med pa dang // sems can kun la snying rje byams yid ldan// de dag ring por mi thogs mi mchog 'gyur// bde bar gshegs pa gang dag 'das pa dang // 'di na da ltar dag dang gang ma byon// de dag thams cad dge ba rnams kyis 'phags// bag yod lam nyid la yang shin tu gnas// bza' dang btu dang gos dang kha zas dang // gser dang dngul dang nor bu mu gtig rgyan// brtul pa bye bar de dag rnams kyis btang // byang chub dam pa 'dir ni don tu gnyer// lag pa rkang pa de bzhin rna dang sna/

  46. 338a

    slong ba rnams la rab tu dga' byinan// byang chub yon tan kun gyis bsam rdzogs nas// de dag ring por mi thogs mi mchog 'gyur// rgyal srid bde dang sdug pa'i bud med dang // nor rnams thams cad du yang rnam spangs te// 'dus byas gar la lha dang sgyu ma 'dra// 'dod pa med par dgon par gnas par gyis// srog ni brtan pa med de rtag tu g.yo// 'jim pa'i bum pa lta bur 'jig pa can// brnyan ma 'dra zhing rtag tu zhing rtag ther zug min// gzhon 'di la rtag med dge ma yin// ngan 'gror lhung ba'i che na 'di na ni// pha ma yang 'dzin par byed pa med// de yis dge dang mi dge gang byas pa// de ni rtag tu phyi bzhin 'brang bar 'gyur// 'dod pa'i rgyu yis bskal mang rgya mtshor ni// don med par yang gcig gis gcig bsad de// khyod kyis mi phan ma byas ci yang med// don med nyid du ngal ba bstan par gyur// da ltar khyod kyi 'gro phan byang chub zhi/ mtshungs med go 'phang dam btsal ba'i phyir// rkang dang sho dang pags pa de bskams kyang // de lta na yang khyod ni ngal ma sems// bde bar gshegs pa 'byung ba rnyed par dka'// zhi ba'i chos thos pa yang shin tu dka'// bsgrim pa byas te bdud kyi phyogs bstsal dan// sangs rgyas ye shes ring por mi thogs 'thob// bshe gnyen bzang la rtag tu yongs sten cing // sdig pa'i bshes gnyen yongs su spang bar gyis/ de dag rtag tu bzang lam khrid par byed/ lam gol las kyang rtag tu zlog par byed/

  47. 338b

    brtson 'grus shin tu brtan pa legs byos te// lus dang srog la 'dod pa rnam spangs nas// rdo rje lta bu snying gi bsam gtan par// sangs rgyas lam nyid 'di la gnas par gyis// sngon gyi mi mchog dam pa 'ong byed pa// kun kyang go 'phang dam pa bla med pa// tshol ba'i che na spyod yul dgon par dga'// khyod kying de dag spyod pa'i lam du phyogs// dgon par gnas la rtag tu dga' bar gyis// pa dang ma dang bu dang sdug pa'i gnyen// skye bo snying du sdug pa kun spangs la// lus dang srog la sten par ma byed par// ba der gshegs ye shes rgya chen btsal bar gyis// yul 'khor skyong / de nas rgyal bu gzhon bsod nams kyi 'od gzer gyis// de nas bzung ste/ lo bcu'i bar du nam yang rmug ba dang / gnyid kyis non par ma gyur/ nam yang rgod par ma gyur// rtses par ma gyur/ dga' ba byed par ma gyur/ yongs su spyod par ma gyur/ nam yang skyed mos tshal du ma so/ nam yang grogs po mthong nas ngo mtshar du mi 'dzin// nam yang glu la dga' bar ma gyur/ rgyal srid dang nor dang khyim dang grong khyer rnams la 'dod pa skyed par ma gyur te/ de ltar dngos po thams cad la mi lta bar gcig pu sems shing gnas par gyur to// nang du yang dag 'jog lhur len cing 'jig rten la snying po med pa dang / 'jigs pa dang dbug 'byin pa med pa dang / mi sdug pa dang phrad pa dang / sdug pa dang bral ba dang / byis pa 'drid pa dang / 'khor ba la dga' ba dang / ro bro ba med pa dang / rgyal srid kyi bde bslu ba'i

  48. 339a

    chos can dang / srid pa la mngon par dga' bas cho ga mi shes pa dang / so so'i skye bo nyid rtag tu mi mthun par rnam par sems shing bdag ni byis pa'i skye bo mi brtson pa'i nang na gnas kyis/ bdag gis cang mi smra bas 'da' bar bya'o snyam nas de phyogs cig tu cang mi smra bar gyur te/ bag yod pa la sems shing sdug pa dang bral bar gcig bu gnas par gyur to// yul 'khor skyong/ de nas rgyal po 'od zer ldan gyis gzho nu'i long spyod kyi phyir/ sa phyogs shig tu grong khyer dga' mchog ces bya ba byas te/ lho dang byang gi ngos su lam srang bdun brgya byas so// rin po che sna bdun gyi phyir dril bu g.yer ka'i dra bo bres pa/ mu tig gi dra ba dang rin po che'i srog shing dang / bla re dang ldan pa rim pa bdun kyis kun nas bskor to// lam srang thams cad kyi sgor yang rin po che'i srog shing stong btsugs so// rin po che'i srog shing thams cad kyang rin po che'i skud pa drug khris sbrel to// rin po che'i skud pa thams cad kyang phyogs bzhi nas shing rta'i 'phreng bye bas sbrel to// de dag rlung gis bskyod de bskul na 'di lta ste/ dper na rol mo sil snyan brgya stong gi sgra snyan pa lta bu'i sgra yang 'byung ngo // lam srang gi sgo thams cad na bu mo glu mkhas pa/ gar mkhas pa/ dang po dar la bab la/ skye bo thams cad kyis spyad pa'i 'os su gyur pa lnga brgya bkod do// de dag thams cad la rgyal po 'od gzer ldan gyis nyin mtshan nyid du glu dang gar dang rol mo'i sgras gang dag phyogs bzhi nas lhags pa'i sems can rnams yang dag par dga' bar

  49. 339b

    bya zhing / ci nas gzho nu dga' bar bya ba'i sems bskyed pa ma gtogs par/ gtam gzhan ma byed cig/ sems can gang la yang yid du mi 'ong ba ma smra shig ces bsgo'o// las srang de dag thams cad kyi sgor yang bza' ba 'dod pa rnams la ni bza' ba/ btung ba 'dod pa rnams la ni btung ba/ gzhon pa 'dod pa rnams la ni bzhon pa nas/ gos dang spos dang 'phreng ba dang / byug pa dang / mal dang rgyab rten dang / 'tshe ba'i yo byad dang / gser dang / rdul dang nor bu dang / mu tig dang bye dur+ya dang / dung dang man shal dang / byi ru dang / sa le sbram dang / dngul sil ma dang / glang po ce dang / rta dang / shing rta dang / ba lang dang / nor dang / rgyan thams cad byin zhing / skye bo thams cad kyis yongs su spyad pa'i phyir/ rin po che'i phung po yang bzhag par gyur to// de'i tshe grong khyer dbus su gzhon nu'i longs spyod kyi phyir/ khor yug du dpag tsad tsam yod pa// rin po che sna bdun mog mangs ris su bres pa/ rta babs brgyas rab tu brgyan pa byas so// de'i nang du khang bzangs gcig byas te/ der gzho nu'i longs spyod kyi phyir ma la bye ba phrag bzhi bshams so// de'i dbus su bskyed mos chal byas te/ dror gzho nu'i longs spyod kyi phyir ma la bye ba phrag bzhi pashams so// de'i dbus su bskyed mos chal byas te/ me tog gi shing ljon pa thams cad dang 'bras bu'i shing ljon pa thams cad dang / rin po che'i shing ljon pa thams cad kyis khyab par bkang ngo // yul 'khor skod mos tshal de'i dbus su rin po che thams cad kyi rdzing /

  50. 340a

    rin po che sna bzhi'i them skas dang ldan pa byas pa la 'di lta ste/ gser dang dngul dang be dur+ya dang shel lo// gang nas spos chu 'bab pa'i seng ge'i khri brgya rtsa brgyad btsugs so// rdzing de'i seng ge'i khri brgya rtsa brgyad po nganas kyang chu 'bab bo// me tog ud pal dang / ku mu dang / pad ma dkar po rnams rtag par rgyun tu rgyas so// ra yug tu yang rin po che'i shing ljon pas yongs su bskor to// dus thams cad pa'i me tog dang 'bras bu'i shing ljon pa rnams kyis kyang yongs su rgyas so// rdzing de'i 'gram du rin po che'i shing ljon pa brgyad rgya bskyed de// rin po che'i shing ljon pa thams cad kyang rin po che'i skud pa rnams kyis sbrel cing thams cad du yang shing ta la'i 'phreng ba bye bas sbrel to// de dag kyang rlung gis bskyod cing rlung gis bsgral na/ 'di lta ste/ dper na rol me'i sil snyan brgya stong blangs pa lta bu'i sgra byung ngo // gzho nu'i lus las dang rdul gyis reg du 'ong zhes/ rdzing de'i steng rin po che'i dra bas bka' bar gyur to// de'i tshe khang bzangs der rin po che sna bdun gyi khri bye ba phrag bzhi bshams te/ khri thams cad kyi steng du yang ras bco bu lnga rgya bting bar gyur to// gang du rgyal bu gzhon bsod nams kyi 'od zer 'dug par gyur pa'i khri rin po sna bdun las byas pa/ 'phangs du mi bdun tsam yod pa bshams pa dbus ma dang / ras bcos bu bye ba phrag brgya cu rtsa bdun bting bar gyur to// khri thams cad kyi drung du yang bog nas a gdus gdugs shing / kaun lan gsum mtshan lan gsuM

  51. 340b

    du me tog 'grems par byed do// gser gyi lnga ldi bres so// gser gyi pad ma rab tu sbyangs so// mu tig dang nor bu'i dra ba bres so// nor bu rin po che'i 'od kyis snang bar byas so// rin po che'i dra ba brgyad khri rab tu spungs so// rin po che'i shing ljon pa thams cad la yang ba ngan brgya brgya sbyangs so// bskyed mos tshal kun tu yang nor bu rin po che 'od dpag tshad tsam yod pa 'bum phrag dgu bcu rtsa dgu bzhag par gyur to// yul 'khor skyed mos tshal de ni bya'i cho gas mi'i skad du smra ba// ne co dang / ri skegs dang / khrung khrung dang / khu byug dang / rma bya dang / ngang pa dang / dur pa dang / kun pa dang / ka la bing ka dang / shang shang te'u 'khod do// de dag skad 'byin cing / sgra sgrogs na dga' tshal gyi lha rnams rgyag bar gyur pa lta bu'i sgra 'byung ngo // gzho nu'i longs spyod kyi phyi rol gyi rnam pa thams cad phun sum tshogs pa ro rnam pa lnga brgya' ba'i kha zas rnams rtag par rgyun tu bshams par gyur to// de'i tshe gzho nu lo bcu drug lon na lo nyi shu lon pa'i sred pa dang ldan pa ngag grong khyer thams cad nas bsdus nas grong khyer dor btsud de/ thams cad kyang bzo'i gnas dang las kyi gnas kyi bya ba shes pa/ thams cad kyang 'jig rten pa'i dga' ba dang / mchog chas kyi bya ba shes pa bye ba phrag brgyad bcu grong khyer der btsung par gyur to// pha ma gnyis kyis de la bu mo bye ba byin no// nye du'i tshogs kyis bye ba dang / grong rdal ba'i mis bye ba dang / rgyal po thams cad kyis bu mo bye ba byin par gyur te/ de dag thams cad kyang gzugs bzang ba/ blta na sdug

  52. 341a

    pa sha stag go// thams cad kyang na tshod lo bcu drug lon pa glu mkhas/ pa/ rol mo'i sgra mkhas pa/ gar mkhas pa dgod mkhas pa/ drang ba gzhon pa/ mnyen pa yan lag 'jam pa/ gsong bor smra ba/ bzhin 'dzum pa/ tshul mkhas pa/ sgyur rtsal thams cad kyi bya ba la mkhas pa/ ha cang yang mi ring ba/ ha cang yang mi thung ba/ ha cang yang mi skem pa/ ha cang yang mi sbom pa/ ha cang yang mi dkar ba/ ha cang yang mi sngo ba/ kha nas me tog ud pa la'i gsung 'byung ba/ lus rnams las tsan dan gyi dri 'byung ba/ lha'i bu mo daltar gsal ba/ shin tu yid du 'ong ba'i tshul dang ldan pa/ glu dbyangs len pa de dag gi nang na rgyal bu gzhonu bsod nams kyi 'od gzer gnas so// glu dbyangs dang rol mo'i sgra de la kye mu'o bdag dang mi mdza' ba'i tshogs chen po// bdag gi dge ba'i chos yongs su nyams par byed pa byung ste/ blta bar mi bya'i snyam pa'i sems bskyed do// de de'i tshe 'di lta ste/ dper na/ gsad par bya ba'i mis mthong na/ ngo mtshar gyi sems mi skyed pa de bzhin du/ rgyal bu gzho nu bsod nams kyi 'od zer yang bud med de dag mthong na/ ngo mtshar du mi 'dzin to// grong khyer de la yang grogs dang lhan cig ngo mtshar du mi 'dzin to// lo bcu po de dag gi bar du bdag nam zhig ni mi mdza' ba'i tshogs rnams pa 'di lta bu'i nang nas thar par 'gyur snyam pa dang / bdag nam zhig na bag yod pa'i spyad pa spyod cing des bdag par bar 'gyur zhig gu snyam pa de lta bu'i sems 'jug pa ma gtogs par/ nam yang gzugs

  53. 341b

    kyi mtshan ma bzung bar ma gyur te/ sgra'i mtshan ma dang / dri'i mtshan ma dang / ro'i mtshan ma dang / reg gi mtshan ma bzung bar ma gyur to// de nas bu mo de dag gis rgyal po 'od gzer ldan la smras pa/ lha gzho nu ni mi rol to// dgyes par mi mdzad do// dgyes dgur mi spyod do zhes smras so// yul 'khor skyong de nas rgyal po 'od gzer ldan/ rgyal po brgyad khri dang lhan cig tu rgyal bu gzho nu bsod nams kyis 'od gzer ga la ba der song ste phyin nas/ gdong las mchi ma 'dzag cing lus 'dar te/ mya ngan gyis sa la sgyel to// de sa las lang nas rgyal bu gzhon bsod nams kyi 'od gzer la tshigs su bcad de smras pa/ bu cig rin chen dam dam pa nga la ltos shig smros// nga ni mya ngan gzer te khyim ngan sa la skyel/ su yis khyod mi dga' byas myur du nga la smos// de 'dir de'u re chad pa chen pos bcad par bya// khyod kyis ched du ngas 'dir yid kyis gang smras pa// lha'i khyim ltar nyams dga' grong khyer deng ltos shig/ 'di la yan lag ma tsang ci yod de myur smros// brgya byin lha'i bu'i 'byor pa de ring khyod la bstan// pad ma'i mig can mig mdzes mya ngan nyam tha ga pa// lha'i bu mo lta bu'i bud med tshogs smra ltos// mya ngan thul te de dag rnams dang de ring rtses// ci'i phyir zug rngus zug bzhin lus dman sems shing 'dug/ de dag rab dga' tshul mkhas dbyangs kyi yan lag skan// glu dbyangs pheg rdo dus kyi rnam par nges pa shes// khyod dga' dus la deng bab mya ngan ma byed cig/ pad ma rnyings pa lta bur ci phyir deng lus dman// me tog

  54. 342a

    'bras bu yal ga mdab rgyas bskyed mos tshal// sna tshogs steng bzhag lnga'i sna tshogs shing rta 'dra// soms shig khyod kyin chod 'di ni thog ma yin// dag ba'i dus la bab kyis deng 'dir bu dga' gyis// khyod kyi khrus chen rdzing 'di lha rnams kyi yang 'dra// ung ba la dang pad ma dag gi tshal gyis gang // pad ma rnams kyang bung ba rgyags pa mchog gis brgyan// de la bu soms su zhig 'di la dga' mi byed// ngang ba rma bya ne tso khu byug ri skegs dang // ka la bid ka shang shang te'u dang kun la// yid 'ong sgra ldan gangs nye spos dang ldang 'dra ba// thos nas mi gang 'di la dga' ba 'thob mi 'gyur// gzhal med khang dag mu tig drar bcas nor bu gtsug/ gser dang bye du rus spras rnam rgyal khang pa 'dra/ rin cen khri mchog dam pa rnams kyang rab bting ba// gser dril g.yer ka ta la'i 'phreng ba sgra snyan pa// zab cing brtan pa mchod kyi sman sgra bsgrags pa// khyod kyi ched du srang rnam su yang sbyin rgya che// bu mo stong dag gru mchog snyan pa'i sgra 'byin pa// dga' tshal lha'i bu mo rnams kyi 'dra ba sgron// mtho ris 'dra' ba'i gnas yid 'ong la ci'i phyir// rnam par g.yeng ba'i sems kyis dga' mi byed// gzhon khyod kyi rtsed grogs lha'i bu 'dra ba// bu bo de dag rnams dang ldan gcig rtsed mo gyis// khyod kyi pha dang ma yang mchi mas brnangs shing 'dug/ skye bo 'di la sdug bsngal snying rje med dam ci// 'dus byas yid byung 'dod pa'i longs spyod don mi gnyer// yon tan bstsags pa srid pa'i skyon mthong des smras

  55. 342b

    pa// 'khor ba'i dra bar chud pa'i 'gro ba 'di bltas nas// thar pa don gnyer ba la smras pa yab gson cig/ lha cig sus kyang bdag la mi dga' bgyis ma mchis// bdag ni da ltar 'dod pa'i yon tan mos ma lags// nyon mongs gang dag ngan 'gro'i g.yang sar ltung byed pa// sdug pa thams cad dgra dang mtshungs te rjes mi srung // mi mkhas bus pa skye bo bud med de dag dgal/ bdud kyi zhags pa yon tan 'ching ba g.yangs sa che// rtag tu 'phags pa'i skye bos de dag de ltar smad// sems dmyal ngan 'gro mya ngan rtsa ba ci phyir bsten// bud med 'di dag 'phags pa'i gzugs kyis dga' ba tsam// bdag ni rus rgyus 'khrul 'khor mi gtsang don mi gnyer// khrag dang gcin dang mi gtsang ba dang dri ma 'dzag/ gsal bar dur khrod 'dra la ci ltar dga' bar bgyi// glu dang gar dang rol mo'i dbyangs sgra gzung mi bgyi// dga' ba rmi lam 'dra ba mi mkhas rmongs par bgyid/ kun tu rtog pa sred gyur mi mkhas 'dir brlag gis// ci phyir byis pa'i skye bo lta bur nyon mongs khol// shing lcug 'di dag thams cad dgun gyi dus byung na// dgon tung shing ltar 'gyur ste dga' bar 'gyur ma lags// mi rtag 'di yis dpal rnams thams cad bshig gyur te// srog g.yor gyur kyang gti mug gis ni bag med 'gyur// sems ni rgya mtsho tshim pa lta bur byed mi nus// sred pa rab tu phel la dga' bas byir zhing 'dod// 'dod rgyus phan tsun gsod pa'i 'gro la bltas nas su// 'dir ni ji ltar lhun po klung gis mi bskyod bzhin

  56. 343a

    rgyal po khyod dang pa dang lhan cig skyes pa dang // gnyen gyi sde bo chung ma ngan song bdag skyabs min// bdag cag thams cad tsartse'i zil pa 'dra ba ste/ sems kyi dbang du 'gro ba sa gyur bag sod mdzod/ mi dbang dang la bab pa mi rtag cir mi ru srog kyang ri'i chu ste myur 'gro thar mi rub/ 'dus byas 'di zang zlog sbyin rje ste cir mi rung // rgyal po mkhas la srid gsum 'dod la chags pa ngan// lha rnams kyis ni bdag la bag yod 'gyur gyis shig/ byang chub sems dpa' yul la chags pa mi bas bskul// 'jig rten phan pa snying brtse sangs rgyas 'dir 'gyur bgyi// rgyal po bag med spyod la byang chub yod ma lags// rgyal po gang zhig 'dod pas g.yen spyo sems 'khol ba// de ni bsod nams chung za dga' zhing mtho ris ldog/ 'tshe ba shin tu rgyas pa nam yang spyad mi bgyi// khams rnams sbal dang 'ang zhing / skon par bcug pa'i bya ltar ji ltar dbugs byin 'gyur// khams rnams sbrul dang 'dra zhing phung po gshed ma 'dra// zag dang bcas pa'i sems ni don med grong stong mtshungs// rgyal po 'di na dug sdong me tog rgyas 'dra lus// chu bo rnams kyis gsad na bdag 'dir ji ltar dgal/ rab tu gsal nas 'bar ba nam ka lta bu dang // 'gro ba ngan zhugs 'gro ba 'di la bdag bltas nas// rgyal po de ring 'dir ni de dag dgrol ba dang // gnyid log sad par bgyid dang nad pa gso ba dang // zug rngu rtsa nas gdon dang lam log bzlog pa'i phyir// bdag gis/

  57. 343b

    zhi ba'i chos kyi su ni rab tu sbyar// stong chen du ni bcings pa rnam grol rab bsgrags nas// legs par bshad pas ring nas dbul ba tshim par bgyi// ngan 'gro'i lam du ltung ba dag kyang gdon par bgyi// long ba mig sbyin sred pa'i khri shing bskam par bgyi// rnam grol mchog phyir shes rab 'od zer mar mer byas// de yis srid gsum gar la lta ba 'drang mthong 'gyur// byams dang snying rtse snying rje ba rol phyin pa sprin// sems pa klu 'brug lhag mthong grog gi 'phreng ba dang // byang chub yan lag bde bsil char rgyun 'dra ba yis// 'gro ba yu/ ring dus nas gsungs pa bsil bar gyi// rgyal po bdag ni de dran gyur nas 'dir mchis te// bdag ni 'dus byas 'dod pa kun la smon ma mchis// byang chub don gnyer sems can ched du 'dir spyad bgyi// gcig tu nges te bdag ni srid la dga' ma mchis// rgyal po 'di na shes bzhin su zhig dgra khrod gnas// blo dang ldan pa su zhig 'jigs bcas lam du 'gro/ mig dang ldan pa su zhig 'di na g.yang sar ltung // byang chub lam shes nas ni su zhig bag med 'gyur// 'gro ba thams cad rgyan 'gro ba dag ni rgyun bzlog pa// rgyal po tshig tsam gyis ni byang chu thob mi nus// lhun po'i rtse nas rgya mtsho'i nang du mchod spro zhing // bdag 'dir 'dod pa rnams kyis yid dga' de lta min// rgyal po dam pa rang gnyen thabs gcig myur du bzhud// yul 'khor dga' ba thams cad 'jig rten kun la stsol// gang dag bsam pa ji bzhin blangs nas mchi bar 'gyur// yab bdag bag med rgyal srid bye ba 'tshal ma lags/

  58. 344a

    bud med tshogs kyi nang du gnas pas byang chub dang // grub bde zhi ba bla med gnas ni thob mi nus// dgon par dgyes pa rgyal bas byang chub brnyes pas na// bdag ni ri dang nags khrod mchis te gnas par bgyi// yul 'khor skyong de nas rgyal bu gzho nu bsod nams kyi 'od gzer khang bzangs kyi nang na 'dug bzhin du// yid byung ba dang ldan pa'i sems kyis bud med de dag dang // lhan cig 'chag cing de spyod lam gsum gyis gnas so// gsum gang zhe na/ 'di lta ste 'greng ba dang // 'gro ba dang / 'dug pa ste/ rmugs pa dang / gnyid yongs su spangs so// khang pa'i steng du song ste// sa brgyad la gnas nas// de nam gyi gung la bab pa'i dus kyi tshe// gnas gtsang ma'i rig kyis lha rnams sangs rgyas kyi bsngags pa rgya cher brjod cing // bar snang las 'gro ba dang / chos dang dge 'dun gyi bsngags pa rgya cher brjod cing 'gro ba zos so// thos nas kyang yul 'khor skyong // rgyal bu gzho nu bsod nams kyi 'od gzer spu zing zhes byed par gyur nas mchi ma zag cing skyob skyes te// thal mo sbyar nas/ lha rnams la tshigs su bcad de smras pa// lha rnams sdug bsngal ba dag la thugs rje bskyed nas ni// gal te skyo mi mdzad na chung zhig zhu bar bgyi// su yi yon tan brjod cing bar snang 'di nas bzhud// tshig de thos nas bdag 'dir yid ni bde bar gyur// yul 'khor spyod/ de nas lha de dag gis/

  59. 344b

    rgyal bu gzho nu bsod nams kyi 'od gzer la tshigs su bcad pas slar smras pa// gzhonu khyod kyis sangs rgyas thos par ma gyur tam ngon grub blo zhes bya ste skyabs med rnams kyi skyabs// de gzhan spyod mkhas bsod nams shes rab yon tan mchog/ de'i dge 'dun khrag khrig stong bcu bsam gtan pa/ bsod nams kyi 'od gzer gyis smras pa// bdag ni rgyal ba blta 'tshal de'i gzugs ci 'dra// de'i kha dog ci 'dra thams cad bka' stsol cig/ ji ltar spyad na sems can kun mgon gcig 'gyur ba// byang chub spyod pa ji 'dra ba dag ni yongs su 'dri// de nas lha de dag gis rgyal bu gzho nu bsod nams kyi 'od gzer la tshigs su bcad pas slar smras pa/ de'i gtsug tor ri'i rtsel gser mdzes bzhin// dbu skra 'jam zhing mdzes la g.yas su 'khyil pa ste// de'i mdzod spu mkha' la nyi ma lam ma ltar// nor bu shes ltar rnam par dag cing g.yas su 'khyil// spyan dag bung ba'i tshogs dang ud dpal sngon po 'dra// mi dbang seng ge'i 'gram pa rang 'byung ba'i spros// sems can lhan cig 'od gzer bye ba mtha' yas 'gyed// stong gsum rgyas par 'gengs shing ngan 'gro rnams kyang skems// de'i tshems ni rab dkar kha ba dngul ltar dag/ zhing bcu mnyam zhing thag bzangs rmad byung legs par grub// rgyal ba dam pa mchog de tshems kyi mche ba bzhi// de'i ljags ni rab yangs rang gi zhal gdong khe bas// rgyal

  60. 345a

    ba de'i gsung ni ri mchog 'dra ba'i don// shin tu tshim byed 'brel cing gya gyu med pa ste// tshangs dbyangs shin tu rigs pa sil snyan stong 'dra ba// yid gnyis 'joms pa 'dod pa rnams ni tshi mas byed pa// rgyal ba'i gsung ni lha'i sgra skad tshims byed pa// yon tan sna tshogs tshang ba byang chub yan lag mthun// chos kyi 'phreng ba yid 'od brgya stong rab rgyas pa// sil snyan dga' ba bsgrags pa lha klu nyams dga' ba// mi tsi ka la bing ka khyu byug ngur pa dang // rma bya dang ba sgra snyan ku na la ka'i sgra// tshangs pa'i sgra dbyangs mi cis dbyangs kyi yan lag 'dra// mi khrul sdig med don rnams thams cad rtogs byed pa// rmad byung shel ltar 'jam zhing mkhas pa'i yid 'ong ba// ska las 'dul bar 'gyur ba sbyong ba dgar 'gyur ba// gzhan gyi spyod dang 'thun pa zhus nas tshim byed pa/ chos kyi dbang phyug de'i gsung gi yon tan 'di// ston pa'i mgul mdzes drung dang 'dra zhing dpung mgo zlum// dbyug pa lta bur phyag ring de'i bdun yang mtho// phyag mdzes sna tshogs sor mo rnams ni ring zhing zlum// rgyal ba de'i sku ni btso ma'i gser gyi mdog/ ba spu ga su 'khyil cing gyen tu re re skyes// lte ba mthara' dag zab cing gsang sbubs rta'i 'dra// rang byung en ye'i byin pa glang po sna 'dra'i brla zhabs mthil mdzes par bris pa bkra shis 'khor lo'i mtshan// glang po'i dbang po'i 'gros thabs seng ge'i rtsal gyi thabs// khyu mchog bsgyings pa'i bstabs can dbang po mchod sdong rgyas/ mkha' las me tog char

  61. 345b

    'bab me tog gdugs su 'gyur// gshegs pa'i rjes 'gro 'di dag de'i rmad byung chos// rgyas pa rnyed dang ma rnyed bde dang sdug bsngal dang // grags dang ma grags de bzhin bstod dang smad pa yis// pad ma chu ltar thams cad du yang gos pa med// mi yi seng ge de 'dra mtshungs pa'i sems can med// yul 'khor skyong de nas rgyal bu gzho nu bsod nam kyi 'od gzer gyis// sangs rgyas kyi bsngags pa thos shing chos dang dge 'dun gyi bsngags pa thos nas tshim zhing mgu la yid rangs shing rab tu dga' ste// dga' ba dang bde ba skyes par gyur to// yul 'khor skyong // de nas rgyal bu gzhon nu bsod nams kyi 'od gzer 'di snyams du sems te// sangs rgyas bcom ldan 'das de ci 'dra ba dang / de'i dge 'dun phun sum tshogs pa ci 'dra ba dang // des mngon sum du byas pa'i chos ci 'dra ba dang // de'i slob ma phun sum tshogs pa ci 'dra ba dang // ji ltar 'khor ba yang ba dang phrad pa dang byas pa mi gzo ba dang // ji ltar 'khor ba na byis pa so so'i skye bo dag byas pa mi gzo ba dang // ji ltar 'jig tshogs la lta ba yang ba dang // ji ltar khyim gyi gnas nyes dmigs mang ba dang // ji ltar 'dod pa dag nyes pa mang ba dang // ji ltar mkhas pa rnams kyis bag med pa smad pa dang // ji ltar ma rig pa'i mun nag rmongs pa dang / ltar 'du byed rnams rtogs par dka' ba dang // ji ltar sems gdul dka' ba dang // ji ltar ming dang gzugs zab pa dang // ji ltar skye mched drug dbugs 'byin pa med pa/

  62. 346a

    dang // ji ltar reg pa yongs su ma shes te// sdug bsngal rnam par smin pa dang/ ji ltar tshor ba nyes dmigs mang ba dang // ji ltar sred pa'i 'ching ba dam pa dang // ji ltar nye bar len pa las 'byung bar dka' ba dang // ji ltar srid pa'i sred pa 'phags pa ma yin pa dang // ji ltar srid pa yod na skye ba rgyun gca dka' ba dang // ji ltar dag pa rnam par 'gyur bar byed pa dang // ji ltar nad kyis rnam par 'jig par byed pa dang / ji ltar 'chi ba rjes su mi srung ba dang // ji ltar 'jug pa ro bro ba chung ba dang // ji ltar srid pa mngon par 'grub pa nyes dmigs mang ba dang // ji ltar de bzhin gshegs pa'i bstan pa nyams dga' ba ltar 'di mi nus te// 'dod pa'i khol po nyon mongs pas rmongs pa/ sems tha ba can bag med pa la dga' ba byis pa'i nang na 'dug pa tshul bzhin ma yin pa'i sems dang ldan pa// 'khor ba la chags pa'i sems dang ldan pa// skye bo ma rungs pa'i nang na 'dug pas ni// bde 'gro'i lam yang sbyang bar mi nus na// bla na med pa yang dag par rdzogs pa'i byang chub mngon par rdzogs par sangs rgyas par lta ga la 'gyur snyam mo// de yang 'di snyam du sems te// bdag sgo nas byung na ni nye du'i tshogs kyis bar chad byas su 'ong gis bdag khang steng 'di nas thur du mchod ngo snyam mo// yul 'khor skyong // de na rgyal bu gzhon bsod nams kyi 'od gzer// bcom ldan 'das de bzhin gshegs pa don grub blo de gal ba de logs su phyogs te// khang pa de nas mchongs nas// tshi ga 'di skad

  63. 346b

    du// gal te de bzhin gshegs pa de thams cad mkhyen cing thams cad gzigs shes na// de bzhin gshegs pa de bdag la dgongs su gsol zhes kyang smras so// yul 'khor skyong // de nas de bzhin gshegs pa dgra bcom pa yang dag par rdzogs pa'i sangs rgyas don grub blos phyag g.yas pa brgyad ste// 'od phyung nas/ 'od des rgyal bu gzho na bsod nams kyi 'od gzer la reg go// 'od de las kyang pad ma mdab ma brgya stong yod pa shing rta'i pang lo tsam byung bar gyur to// pad ma de las kyang 'od gzer brgya stong byung ste/ sde ba chen par gyur nas/ snang ba chen por gyur nas/ sna ba des rgyal bu gzho nu bsod nams kyi 'od gzer khyam par gyur to// yul 'khor skyong / de nas rgyal bu gzhonu bsod nams kyi 'od gzer pad ma de la 'dug nas/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas don grub blo de ga la ba de logs su thal mo sbyar ba bdud te// sangs rgyas la phyag 'tshal lo zhes lan gsum ched du brjod pa ched du brjod do// yul 'khor skyong // de nas de bzhin gshegs pa don grub blo des/ 'od de brtul ba dang gzhonu de sdong po bcad pa 'gyel pa de bzhin du/ de bzhin gshegs pa'i zhabs kyi drung du babs te// de bzhin gshegs pa de la lan brgya stong du phyag 'tshal to// yul 'khor skyong // de nas rgyal bu gzhon bsod nams kyi 'od gzer gyis bcom ldan 'das de bzhin gshegs pa don gru blo la tshigs su bcad de gsol pa// bdag ni ri/

  64. 347a

    / nas na ste ring nas gdod/ tshegs ches sman pa'i rgyal po khyod rnyed do// ji ltar bde gshegs bstan las langs nas ni// bdag gis thob 'gyur mgon po bstan du gsol// 'dren pa bdag gis bag mchis thos pa ni// mtshan mo bar snang lha las thos lags te// thos nas skyo ste bdag ni 'dir mchis na// mi rnams ba ga mchis 'gyur ba ji lta bu// lam nyams pa la de ring ston gyur cig/ ldongs par gyur pa'i mig tu deng gyur cig/ dad pa'i 'byung gnas gso mdzad thugs rje ldan// g.yangs chen po 'di las bdag phyung shig/ dbul por gyur pa dag ni bsdu bar mdzod// mgon po bcing ba dag ni deng grol mdzod/ som nyi bcas pa'i yid gnyis gcad du gsol// byang chub lam la spyod pa bdag lung ston// chus khyer bdag la 'gram ni bstan du gsol// mun pa bdag la sgron ma mdzad du gsol// rmad gyur pa dag la rma med mdzad du gsol/ sman pa'i rgyal po bdag ni zug rngu phyung // khyod kyis ngan 'gro dog las bdag thar mdzod// srid par dmigs pa 'dzin pa gcad du gsol// yan lag brgyad pa'i lam gyi lam chen gyis/ mya ngan chu chen pha rol bsgral du gsol// srog gis zad pa'i chos can tshe yang thung // dge ba bar chad mang po 'byung ba ste// bsod nams rnam smin ring por mi thogs 'grub// bdag gis dal ba gdod rnyed gcig nges gsungs// byang chub sems dpa' ji ltar bag mchis 'gyur// ji ltar byang chub spyod pa mchog spyod na// 'gro ba srid pa'i 'ching las thar 'gyur ba/

  65. 347b

    'jig rten mgon po de dag bdag lung ston/ yul 'khor skyong // de nas de bzhin gshegs pa don grub blos rgyal bu gzhon bsod nams kyi 'od gzer gyi lhag pa'i bsam pa mkhyen nas/ byang chub sems dpa'i spyod ba rgya cher yang dag par bstan to// rgyal bu gzhon bsod nams kyi 'od gzer gyis de thos nas rnams par thar pa zhes bya ba'i gzungs thob bo// mngon bar shes pa lnga yang thob ste/ de nam kA la gnas nas me tog rnams mngon par sprul te// de bzhin gshegs pa de la gtor// mngon par gtor to// yul 'khor skyong // de nas rgyal bu gzhon bsod nams kyi 'od gzer bar snang de las thabs te// bcom ldan 'das de bzhin gshegs pa don grub blo de la tshigs su bcad pas mngon par bstod pa// mtshan mchog ldan pa dri med zla ba'i zhal/ gser mdog 'dra ba khyod la phyag 'tshal lo// rdul bral khyod 'dra srid pa gsum ma mchis// mnyam med mkhyen cen khyod la phyag 'tshal lo// rgyal ba dbu skra 'jam mdzes snum zhing bzang // khyod kyi gtsug tor 'di ni ri rgyal bzhin// gtsug tor mi mthong khyod dang mtshungs ma mchis// thub pa khyod kyi smin mtshams mdzod spu mdzes// kun da zla ba kha ba dung ltar dkar thugs rje gang gis 'gro ba 'di gzigs pa spyan mchog bzang po ud pa la sngon po 'dra// rgyal ba dri med spyan la phyag 'tshal lo// lhag yangs srab la zangs kyi mdog 'dra ba// de yis rang gi zhal gyi gdong yang khebs chos gsungs pas ni 'gro ba 'dul bar bgyid// 'jam snam gsung ldan khyed la phyag 'tshal lo//

  66. 348a

    / tshems ldan shin tu brtan pa rdo rje 'dra// bcu dang sum cu snyoms shing thags bzang ba// 'dzum pa mdzad na 'gro ba 'dul bar bgyid// bden gtam snyan pa khyod la phyag 'tshal lo// rgyal ba khyod kyi gzugs dang mtshungs ma mchis// 'od kyis zhing brgya dag kyang snang bar bgyid// 'jig rten na ni tshangs dbang skyod de dag/ bcom ldan khyod kyi 'od kyis zil kyis rlag/ e ne'i byin pas mnyam byed bcom ldan 'das// glang po'i rgyal po rma bya seng ge'i stabs/ bcom ldan gnya shing gang du gzigs shing gshegs// sa dang ri dang dam pa g.yo bar mdzad// bcom ldan 'das sku mtshan gyis rgyas pa ste// khyod kyi bags pa 'jam zhing gser mdog 'dra/ 'gro ba gzugs 'di lta bas ngoms mi 'gyur khyod ni mtshungs pa ma mchis gzugs dang ldan// khyod sngon bskal pa brgyar ni dka' thub spyad// khyod gtong dul dang sbyin pa kun la dgyes// sems can kun la thugs rje byams thugs ldan// mchog tu thugs rje can la phyag 'tshal lo// khyod ni sprin dang tshul khrims rtag tu dgyes// khyod ni bzod dang brtson 'grus dgyes rab brtan// khyod ni bsam gtan she rab 'od gzi mnga'// mtshungs med ye shes mnga' la phyag 'tshal lo// khyod ni smra ba ngan pa'i tshogs can 'jom// khyod ni seng ge lta bur 'khor du sgrogs// khyod ni sman pa'i rgyal po dri gsum sel// mchog tu dga' mdzad khyod la phyag 'tshal lo// thub pa sku gsung thugs ni rnam par dag/ pad ma chu ltar srid pa gsum mi gos// khyod ni tshangs dbyangs ka la bing ka'i

  67. 348b

    skad// srid gsum pha rol gshegs la phyag 'tshal lo// khyod kyis 'gro 'di sgyu ma lta bu dang // gar la lta dang rmi lam 'dra ba dang // bdag med sems can med cing srog 'gro med// chos rnams smig rgyu chu zla 'dra bar mkhyen// stong pa zhi ba skye ba med pa'i tshul// mi shes pas na 'gro ba 'khyam gyur te// thugs rje thabs tshul rig pa brgya dag gis// de dag rnams ni 'dzud par mdzud pa lags// 'dod chags la stsogs nad mang brgya dag gis// skrag par gyur pa'i 'gro la rtag gzigs te// bde gshegs sems can brgya dag yongs 'grel cing // zla med sman pa lta bur rnam par rgyu// skye dang rga dang 'chi dang mya ngan non// sdug dang bral dang smre sngags 'don pa brgyas// rtag tu na ba'i 'gro ba gzigs nas ni// thub pa thugs rjes yongs su 'grel cing rgyu// dud 'gro yi dgas dmyal ba'i 'gro rnams su// 'gro kun shing rta'i 'phang lo bzhin du 'khor// glen pa dmigs bu ma mchis 'gon ma mchis// de la lam gyi dam pa ston pa mdzad// gtso bo mtshungs pa med pas gang bstan pa// 'phags lam de nyid gang dag sngon cad kyi// chos kyi dbang phyug 'gro ba'i don mdzad ga brgyal ba de dag rnams kyis rab tu gsungs// 'jam zhing mnyen la yid du 'ong ba'i mchog/ tshangs las lhag par mchog tu dga' bgyid pa// dri za mi ci lha yi bu mo mchog/ sgra de zil gyis mnan nas gsung ba mdzad// bden dang drang ba mi zad thabs tshul gyis// yongs sbyangs yon tan mtha' yas ldan pa'i gsung // de thos sems

  68. 349a

    / can khrag khrig phrag brgya dag/ theg pa gsum gyis zhi bar mchi bar bgyid// khyod la mchod pas lha'i bde ba'i// rnam pa mang dang de bzhin mi yis thob// mi'i bdag po 'gro la phan bgyid pa/ phyug cing nor che 'byor pa chen por 'gyur// mtshungs med khyod la dad pa skyed pa ni// gling bzhi'i bdag po 'khor los bsgyur ba mchog/ 'gro la dge ba bcu po kun 'byed pa// rin cen rab bzang bdun ldan thob par 'gyur// rgyal ba khyod la mchod pa bgyis pas ni// tshangs pa brgya byin 'jig rten bdag po dang // yongs su dga' ldan lha'i bdag po dang gzhan 'phrul pa dang 'thab bral rab dga' 'gyur// 'gro ba'i sdug bsngal rnam mang sel mdzad pa// mnyam med khyod la mchod dang mthong ba dang / thos pa'ang de ltar 'bras bu mchis lags te// gnas mchog rga shi med pa 'thob par 'gyur// bcom ldan lam la mkhas shing lam mkhyen pa// 'jig rten 'di ni ngan pa'i lam las zlog/ bcom ldan 'gro ba dag ni 'phags pa'i lam// bde bzhi pa rdul bral la 'god pa// bsod nams gter khyod bsod nams don gnyer ba'i// bsod nams bgyi ba rtag tu mi bas te// byang chub dam pa ma thob bar du ni// bskal pa bye ba mang por bas mi 'gyur gzhan 'phrul 'dra ba rtag tu dga' ba gyid pa// yongs su dga' zhing mdzes pa 'thob par 'gyur// dam pa'i zhing du lus dang ngag yid kyis// sems can dag ni rnam par dag par 'gyur// rgyal ba mchod pa'i mi yis 'di las stsogs// yon tan

  69. 349b

    rnam pa du ma 'thob par 'gyur mtho ris thar pa mi'i bde ba dang // 'gro ba kun gyi bsod nams gter thob 'gyur// khyod kyi brjod dang grags pa rgya chen po// phyogs rnams kun gyi zhing mang brgyar yang mchis// rgyal ba khyod kyi bsngags pa'i 'phreng ba ni// bde bar gshegs rnams 'khor du rtag par sgrogs// rims nang bral zhing 'gro ba thar bar mdzad/ mthong na dga' ba thugs rje mchog ldan pa// bcom ldan dbang po zhi bzhi dgyes pa/ mi mchog dam pa khyod la phyag 'tshal lo// bdag gis rgyal ba khyod kyi gsung thos nas// mngon par shes pa lnga thob mkha' la gnas// dpa' bo bde gshegs mtshungs par bdag gyur te// dri med chos ni 'gro la rnam par dbye// lha dang mi dang klus mchod bde bar gshegs// yon tan kun gyi mtha phyin deng bstod pas// bsod nams rgya chen gang bsgrubs gyur pa 'dis// 'gro ba sangs rgyas go 'phang thob par shog/ yul 'khor skyong / de nas mtshan me de'i nam nangs pa dang // rgyal po 'od gzer ldan gyis gzho na'i bud med kyi 'khor du ma'i sgra thos so// thos nas kyang myar ba myar bar rings pa'i gzugs kyis// grong khyer dga' mchog ga la ba der song ste byin nas// 'di skad ces smras so// khyed ci'i phyir du de dag gis smras pa// rgyal bu gzho nu bsod nams kyi 'od gzer mi me gda' ba'i slad du'o// yul 'khor skyong// de nas rgyal po 'od ni gzer ldan gzho nu'i phyir shing bcad pa bsgyel ba ltar sa la 'gyel to// langs nas ngu zhing grong khyer der lan stong du yongs su btsal to// yul 'khor skyong de nas grong khyer de na grong khyer gyi lha gang yin pa

  70. 350a

    des// rgyal po 'od gzer ldan la 'di skad ces smras so// rgyal po chen po gzhon ni de bzhin gshegs pa don grub blo la blta ba dang // phyag bya ba dang / mchod pa dang // bsnyen bkur bya ba'i phyir shar phyogs logs su song ngo // yul 'khor skyong/ de nas rgyal po 'od gzer ldan gzho nu btsal ba'i phyir btsun mo'i 'khor dang // srog chags bye ba khrag khrig brgya stong phrag brgya bcu rtsa bzhi dang lhan cig tu/ shar phyogs kyi phyogs cha ga la ba der srong ste// de bzhin gshegs pa dgra bcom pa yang dag par rdzogs sangs rgyas don grub blo ga la ba der song nas phyin pa dang // bcom ldan 'das kyis zhabs la mgo bos phyag 'tshal te phyogs gcig tu 'dug go// phyogs cig tu 'dug nas kyang rgyal po 'od zer ldan gyis/ bcom ldan 'das la tshigs su bcad pas mngon par bstod pa// srid gsum khyod ma mtshungs ma mchis// sems can dam pa lha dbang lha min rgyal por bkur// skye bo khyod kyi gzugs la lta bas ngoms mi 'gyur// yon tan ye shes rgya mtsho dpal la phyag 'tshal lo// rgyal ba khyod skra sum bcu rtsa gnyis mtshan rab dag/ lhun po rin cen mchog gis spras ltar yongs su dag/ rgyal ba sdug cing 'jam pa gser gyi kha dog 'dra// blta sdug gzugs mngar thub pa'i sku la phyag 'tshal lo// bskal pa bye ba brgya bsam gyis mi khyab brtul zhugs spyad// bskum pa bye ba brgya mang sangs rgyas sti stang mdzad// sngon chad mchod sbyin brgya phrag bsam gyi mi khyab mdzad// des na khyod sku bzang zhing shin tu mdzes pa lags// sbyin dang tshul khrims ting

  71. 350b

    nge 'dzin dang shes rab dang / bzod dang brtson 'grus bsam gtan thabs kyis khong gzugs sbyangs// khyod kyi spyan sngar brgya byin tshangs 'od gsal ma lags// chu shel nor bu klog gi 'od kyang mdzes ma lags// 'gro ba'i don du yid du mchi ba'i gzugs kyang ston// chu zla 'dra zhing sgyu ma 'dra bar gda' ba lags// rang gi phyogs rnams kun tu rgyal ba'i sku yang gda'// bde gshegs rnams kyi sku'i chad ni gda' ma lags// khyod ni dga' ldan 'ga' zhig na yang bzhugs par gda'// 'chi 'bo mdzad cing rab dkar glang por gyur nas ni// dpa' bo yum gyi lhums su gshegs par gda' ba mdzad// thub chen nam mkha' lta bur thams cad rjes su zhugs// bcom ldan phyogs gar bltam pa ston pa'ang mdzad pa ste// sa 'gar dag tu gom pa bdun 'dor gda' ba mdzad// nga'i lha mir bcas 'gro nang gtso shin tu lha// 'gro ba sdug bsngal mtsho las gdon ces gsung yang phyug/ thub khyod chos gang la yang the tsom mi mnga' yang // yi ge shes pa slob ltar 'jig rten dag na ga da'// bsam gtan ting 'dzin zhi ba spr-i de yal zhi ba spyod yul zhi ba brnyes gyur kya// kha cig tu ni bud med nang na bzhugs par gda'// yab dang yum dang sa dang bud med rnams kyang btang // gnyen rnams mya ngan non te rnam par brgyal zhing du// sems can dam pa bye ba brgya lngas yongs bskor nas// nags gnas gnas gcig po nas 'byung bar gda' ba'ang mdzad// khyod kyi bdud bzhi pham par mdzad nas yun ring yang // zhing na bdud 'dul ba yang gda' ba ston pa mdzad// sngon chad 'khor lo bsam gyis mi khyab

  72. 351a

    bskor gyur kyang // khyod ni thugs rjes 'khor lo bskor bar gda' ba mdzad// rtag tu rtag lta 'du shes ldan pa'i 'gro gzigs nas// mya ngan bzla zhes 'khor gyi nang gyi nang du tshig tu gsungs// rtag tu 'khor bar dga' ba'i 'gro ba gzigs nas ni// khyod kyi bsod nams ye shes shes rab thabs mtshungs med// thub pa khyod sku 'od kyis zhing mang rgyas par 'gengs// phyogs rnams dag na 'dren pa khyod kyi bsngags pa gsung // kun tu spyod yul thub pa'i rgyal la phyag 'tshal lo// chos nyid ma lus brnyes par gyur la phyag 'tshal lo// chos nyid ma lus brnyes par gyir la phyag 'tshal lo// sems can kun gyi bgyi ba sgyu ma ltar gda' yang // thub pa khyod ni gang du bzhud pa 'am byon ma lags// sgyu ma'i chos tshul gan la mngon par phyag 'tshal lo// 'gro ba'i don tu gang gis byang chub mchog thob pa// lam mchog mi'i dpa' bo khyod legs gsung // bdag gis chos nyid 'di ni myur du sangs rgyas nas/ mi dga' 'gro ba'i don tu chos nyid bshad par bgyi// mi'i dpa' bo thub pa kun mkhyen rims bral ba// srid gsum mtshungs pa ma mchis lhag pa ga la zhig/ bdag gis 'dir bstod bsod nams gang bsgrubs des// 'jig rten byang chub bla mod zhi mchog thob par shog/ yul 'khor skyong de nas de bzhin gshegs pa don grub blo ngas// rgyal po 'od gzer ldan de'i lhag pa'i bresam pa mkhyen nas ci nas thams cad bla na med pa yang dag par rdzogs pa'i byang chub las phyir mi ldog par 'gyur ba de lta de ltar chos bstan to// yul 'khor skyong / de nas

  73. 351b

    rgyal bu gzho nu bsod nams kyi 'od gzer gyis// bcom ldan 'das de bzhin gshegs pa don grub blo de la 'di skad ces gsol to// bcom ldan 'das sang bdag gis grong khyer du gdugs tshod gsol bar gnang bar mdzad du gsol// bcom ldan 'das kyis rgyal bu gzho nu bsod nams kyi 'od gzer la thugs brtse bar dgongs te cang mi gsung bar gyur pas gnang ngo // yul 'khor skyong / de nas rgyal bu gzhon bsod nams kyi 'od gzer gyis pa ma de gnyis dang grogs de dag dang bud med dag la smras pa// khyed cag thams cad rjes su yi rang bar gyis shig/ ci nas grong khyer dga' mchog brgyan te ma chags par de bzhin gshegs pa la dbul du rung bar gyis shig/ de dag sgra skad gcig tu rjes su yid rang ngo// yul 'khor skyong / de nas rgyal bu gzho nu bsod nams kyi 'od gzer gyis ci nas grong khyer dga' mchog brgyan te// ma chags par de bzhin gshegs pa la phul lo// ro bro ba bkod pa lnga brgya pa'i zhal zas kyang de bzhin gshegs pa dge slong gi dge 'dun dang bcas pa de dag la gsol to// dge slong de dag thams cad kyi phyir rin po che sna bdun gyis g.yogs pa'i gtsug lag khang nor bu'i 'chag bshams pa/ steng du rin po che'i dra ba'i bla re bres pa/ g.yas g.yo me tog gi shing ljon pa legs par yongs su grub par byas pa/ me tog gi shing ljon pa legs par yongs su grub par byas pa/ me tog pad ma dkar po'i rdzing gis mdzes par byas pa/ ras bcos bu mu gnyis dri ma med pa brgya stong gting ba'i mal bshams pa/

  74. 352a

    dge slong re re la gos kha na ma tho ba med pa gang yin pa de/ phyid nyid mi sbyin gyi nyin cig bzhin gos gzhan dang gzhan sbyin par 'gyur ba byas so// de lo bye ba phrag gsum gyi bar du rmugs pa dang / gnyid gyis non par ma gyur/ bdag la dga' ba ma byas// sangs rgyas la mchod pa'i phyir gzhan yid ma byas so// bar skabs der 'dod pa la rnam par rtog pa dang / gnod sems kyi rnam par rtog pa dang / 'che ba'i rnam par rtog pas rnam par rtog par ma gyur/ rgyal srid la sred par ma gyur te/ lus dang srog la yang mi lta na/ dngos po gzhan lta la smos kyang ci dgos/ bar skabs der bcom ldan 'das kyis gang gsungs pa de thams cad kun tu bzung ste/ de bzhin gshegs pa de la lan gnyis su ma zhus so// / bar skabs der khrus ma byas/ mar dang 'bru mar gyis lus ma bskas/ rkang pa ma bkrus/ ngal ba'i 'du shes ma bskyed do// zan za ba dang / bshang gci byed pa ma gtogs par nam yang 'dug par ma gyur/ gang gi tshe de bzhin gshegs pa de yongs su mya ngan las 'das pa de'i tshe/ tsan dan dmar po'i zhugs la bzhen pa byas so// gang du de bzhin gshegs pa de zhugs la ba zhen pa'i sa phyogs de nyid du/ 'dzam bu gling thams cad pa'i me tog thams cad dang / 'phreng ba thams cad dang / spos thams cad dang / rol mo'i sgra thams cad kyis lo brgya stong/ du ring bsrel la mchod pa byas par gyur pa nas/ rgyu rkyen thams cad bstsogs te phyis mchod rten bye ba phrag brgyad bcu rtsa bzhi'i bar du byas so// mchod rten de dag la yang rin po che sna bdun gyi

  75. 352b

    rin po che'i dra bas g.yogs so// mu tig gi dra ba'i bla re dag bres so// mchod rten re re la yang rin po che sna bdun gyi gdugs lnga brgya lnga brgya bul lo// mchod rten thams cad la yang sil snyan brgya stong bul lo// 'dzam bu gling kho ra khor yug tu me tog gi shing ljon pa bskrun to// mchod rten re re la yang mar me'i rdza bo brgya stong nas mar me bus so// mar me'i rdza bo re re nas kyang mer ma bse spos kyi 'bru mar drug cu rtsa bzhi pa stong gis mar me bus so// spos dang / 'phreng ba dang / byug pa rnams kyis kyang mchod pa byas so// tshul de lta bus lo bye ba'i bar du mchod pa byas te/ phyis rab tu byung ngo // de rab tu byung nas kyang / chos gos gsum par gyur cing / rtag tu bsod snyoms spyod par dang / rtag tu cog pu pa ste/ nam yang glos ma phab po nam du yang rmugs pa dang gnyid kyis non par ma gyur to// de zung zing med pa'i sems kyis lo bye ba phrag bzhi'i bar du chos kyi sbyin pa byin te/ des gzhan la tha na legs so zhes bya ba tsam yang re bar gyur na/ rnyed pa dang bkur sti lta smos kyang ci dgos/ de chos mnyan pa 'am chos bshad pas kyang ngal bar ma gyur to// de la lha rnams kyang bsnyen bkur byed do// yul gyi mi thams cad dang / btsun mo'i 'khor dang / nang mi thams cad dang / grogs po thams cad kyang / de'i rjes su bslabs te rab tu byung ngo // yul 'khor skyong / de nas gan gtsang ma'i lha'i bu rnams 'di snyam du sems te/ bsod nams kyi 'od zer gyi rjes su slob cing / yul gyi mi thams cad rab tu byung gis/ bdag cag gis de la rim 'gro dang / bsnyen

  76. 353a

    @bkur byas na/ dkon mchog gsum la rim 'gro byas par 'gyur ro snyam mo// de bzhin gshegs pa de yongs su mya ngan las 'das nas kyang // dam ba'i chos lo bye ba phrag drug cu rtsa bzhi'i bar du gnas te/ dge slong bsod nams kyi 'od zer gyis/ thams cad yongs su bzung ngo // tshul 'di lta bus sangs rgyas bye ba khrag khrig stong phrag dgu bcu rtsa bzhi la rnam par de lta bu'i mchod pa byas so// yul 'khor skyong de'i tshe de'i dus na/ rgyal po 'od zer ldan zhes bya bar gyur pa de gzhan zhig yin pa snyam du khyod de lta dogs shing the tsom za 'am yid gnyis su gyur na de khyod kyis de ltar mi blta'o// de ci'i phyir zhe na/ de bzhin gshegs 'od dpag med de/ de'i tshe de'i dus na/ rgyal po 'od zer ldan zhes bya bar gyur to// yul 'khor skyong / de tshe de'i dus na/ rgyal bu gzhon bsod nams kyi 'od zer zhes bya bar gyur pa de gzhan zhi yin pa snyam du// khyod de ltar dogs shing the tsom za 'am/ yid gnyis su gyur na khyod kyis de ltar mi lta'o// de ci'i phyir zhe na/ nga nyid de'i tshe de'i dus na/ rgyal bu gzho nu bsod nams kyi 'od zer ces bya bar gyur to// grong khyer gyi lha gang yin pa de ni/ de bzhin gshegs pa mi 'khrugs par gyur to// yul 'khor skyong de lta bas na/ byang chub sems dpa' sems dpa' chen po de bla na med pa yang dag par rdzogs pa'i byang chub mngon par rdzogs par 'tshang rgya bar 'od pas/ lhag pa'i bsam pas bsgrub pa dang / sdug pa dang mi sdug pa yongs su spangs pa dang /

  77. 353b

    ba ga yod pa'i spyod pas rgyal bu gzhon bsod nams kyi 'od zer de'i rjes su bslab par bya'o// ngas bya dka' ba mngon par 'du bya ba de lta bus/ bla na med pa yang dag par rdzogs pa'i byang chub thob bo// de lta bas na de dag mi brtson pa dang / rnyed pa dang bkun sti dang / tshigs su bcad pa lhur len pa dang / shes kyi khe la chags pa dang / nga rgyal gyis bcom pa dang / 'dod pa'i rgyus nyon mongs pa dag sha zang ba dang / 'dod pa'i rgyus bstan pa las ring du gyur pa dang / rab tu byung ba don med pa dang / dge sbyong sun bar byed pa dang / byang chub sems dpa' dmu rgod dang / lus dang ngag dang sems mi drang ba dang / ltas lta ba dang // bas che ba nor ba dang / rang gi dam bcas pa las nyams pa dang / gos dang zas dang / mal cha dang / na ba'i ched kyi sman dang / yo byad kyi mtshan ma la chags pa dang / ngo tsha mi shes pa dang / khrel med pa dang / cho ga nyams pa dang / dam pa'i chos ma yin pa la 'jug pa dang / spyod yul dang bral ba dang / sangs rgyas kyi spyod yul las ring du gyur pa dang / sangs rgyas kyi theg pa dang bral ba dang / rdzogs pa'i byang chub kyi sems dang bral bar gyur to// yul 'khor skyong de lta bas na/ rnam pa 'di lta bu'i chos 'di thos nas/ sdig pa'i bshes nyen rigs pa med pa/ rnyed pa don tu gnyer ba/ mi bsten par shes par bya'o// de nas bcom ldan 'das kyis de'i tshe tshigs su bcad pa 'di dag bka' stsal to// stobs bcu mnga' ba'i spyod pa dpag med na/

  78. 354a

    snying ni shes dang thob kyi khe la song / byang chub yon tan brgyas khebs bor nas ni// de dag 'thob phyir gzhan gyi khyim la dga'// khwa 'dra sdang ba khrel dang mos blo bral// shes kyi khe phyir bdud kyi dbang du song // nyon mongs rag lus srid pa'i 'gro ba gzhol// bdag 'dir yon tan ldan zhes de skad smra// lus ni dgon na dran pa grong khyer du/ 'thob phyir de dag rnam par rtog pas spyod// gnam dang sa ltar thar las ring ba ste// de 'dra de dag sprul 'drar ring du spang // de dag sangs rgyas chos dang de bzhin du// dge 'dun yon tan brgyas gang dga' ma yin// mtho ris bor nas ngan pa'i lam du song // sdug pas phongs nas srid pa'i 'gro bar 'khyams// nga'i spyod pa nye bar bstan pa 'di thos nas// yang dag lhag pa'i bsam pa'i bsgrub pas 'di la sbyor// bskal ba bye ba mang pos rnyed dka' dal rnyed kyis// de ltas ji skad bstan pa'i chos nyid 'dir brtson gyis// gang zhig theg mchog byang chub dam pa 'tshang rgya 'dod// de yis rgyal po de'i yon tan dran par bya// bsams te yang dag ji bzhin tshul bzhin gnas par bya// de ltas bder gshegs rnams kyi byang chub chags med 'grub// yon tan 'di dag rtogs pas 'phags pa'i rigs la bsten// rang gis 'dir ni kun tu shes pa bskyed par bya// bstan pa yon tan snying po 'di 'dra ma spang shig/ byis pa lta bur 'gro ba lngar ni 'khyams sa re// 'dir ni ri dang dgon pa bug du gnas par bya// der gnas na ni bdag mi bsnyengs shing gzhan mi smad// sngon chad bye ba phrag brgya mnyes ma byas/

  79. 354b

    rjes su dran nas rtag par rgyun tu bdag la spos// lus dang srog la sred pa ma chags spang bar bya// gus pa drag po bskyed nas chos la brtson par gyis// nga'i mdo' 'dir bsgrub pa bshad pa 'dir gnas na// de dag rnams kyis byi nas byang chub rnyed mi dka'// gang dag rgyal ba'i theg pa 'di la dga' brtson pa// thos nas phyir zhing yid ni 'jig par bya ba'i rigs// de lta ba na bstan la mos pa bskyed par bya// rnam par rgyu ba'i tshe na phyis 'gyod gyur ta re// yul 'khor skyong byang chub sems dpa' gang zhig gi pha rol tu phyin pa lnga la spyod la// yang gang zhig bdag 'di la slob bo// bdag sdom pa 'di la gnas par bya'o snyam du/ chos kyi rnam grangs 'di la nan tan gyis sgrub na bsod nams kyi phung po de/ bsod nams kyi phung po'i 'di'i gan na brgya'i char yang nye bar mi 'gro ste/ stong gi cha dang brgya stong gi cha dang / bye ba brgya stong gi cha dang / grangs dang cha dang bgrang ba dang dpe' dang rgyur yang nye bar mi 'gro'o// bcom ldan 'das kyis chos kyi rnam grangs 'di bshad pa na// sngon sems ma bskyed pa'i lha dang mi dang lha ma yin du bcas pa'i skye dgu khrag khrig brag sum cu bla na med pa yang dag par rdzogs pa'i byang chub tu sems bskyed nas/ bla na med pa yang dag par rdzogs pa'i byang chub las phyir mi ldog par gyur to// dge slong bdun stong ni len pa med par zag pa rnams las sems rnam par grol lo// de nas bcom ldan 'das la yul 'khor skyong gis 'di skad ces gsol to// bcom ldan 'das chos kyi rnam grangs 'di'i ming ci lags// 'di ji ltar gzung

  80. 355a

    bar bgyi/ de skad ces gsol ba dang / bcom ldan 'das kyis tshe dang ldan pa yul 'khor skyong la 'di skad ces bka' stsal to// yul 'khor skyong de bas na khyod kyis chos kyi rnam grangs 'di dam bcas pa don yod pa rnam par dag pa zhes bya ba bzung shig/ skyes bu dam pa rnam par rol pa dang / byang chub sems dpa' rnam par nges pa zhes bya bar yang zung shig/ don yongs su rdzogs pa zhes bya bar yang zung shig/ bcom ldan 'das kyis de skad ces bka' stsal nas// tshe dang ldan pa yul 'khor skyong dang / lha dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa dkon mchog mchog brtsegs pa chen po'i chos kyi rnam grangs le'u stong phrag brgya pa las// yul 'khor skyong gis zhus pa'i le'u zhes bya ste// / 'dus pa bcwo brgyad pa rdzogs rgya gar gyi mkhan po 'dzin mi tra dang / da na shi la dang / mu ni bar ma dang / zhu chen gyi lo rtsa ba ban de ye shes sde bsgyur cing zhus ste/ skad gsar chad kyis kyang bcos nas gtan la phab pa// rgya ga sa du// a r+ya sug za ba de bring tsanam ma hA yan su dra/ bod skad du/ 'phags pa dkon mchog brtsegs pa chen po'i chos kyi rnam grangs stong

Colophon

rgya gar gyi mkhan po 'dzi na mi tra dang / da na shi la dang / mu ni bar ma dang / zhu chen gyi lo tsa ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa'o//