'phags pa mi rgod rnam par 'joms pa zhes bya ba'i mdo
Āryacauribidhvansannāmadhāraṇi
Text
ff. 7b–8b · 3 folio sides
- 7b
khyed cag rtag tu bde legs shog/ khyed cag sdig par ma gyur cig/ sangs rgyas lha rnams stong dag gis// yongs su bskor te gshegs mdzad kyis// sdang sems ldan pa rnams byer cig/ snying rje'i bdag nyid can rnams 'khod// sangs rgyas rang sangs rgyas rnams dang // dgra bcom slob pa'i bden tshig gis// 'jig rten mi phan byed pa rnams// grong khyer 'di ni gtong gyur cig/ sems can kun dang srog chags kun// 'byung po kun dang khyed cag kun// bde ba 'ba' zhig ldan gyur cig/ thams cad nad rnams med par shog/ kun gyis bzang rnams mthong gyur cig gang yang sdig par ma gyur cig/ 'byung po gang dag 'dir ni lcags gyur te// sa dang bar snang dag la gnas pa rnams// skye dgu rnams la rtag tu byams byed shog/ nyin dang mtshan du chos kyang spyod gyur cig/ 'phags pa yangs pa'i grong khyer du 'jug pa'i mdo rdzogs so// / rgya gar gyi mkhan po su ren+d+ra bo d+hi dang / zhu chen gyi lo tsa ba ban d+he ye shes sdes bsgyur cing zhus te gtan la phab pa/ / rgya gar skad du/ ar+ya tsau ri bi d+hA na sna nA ma d+hA ra Ni/ bod skad du/ 'phags pa mi rgod rnam par 'joms pa zhes bya ba'i gzungs// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das zhabs 'bring ba tshe dang ldan pa kun dga' bo dang thabs cig tu lus 'phags ril gshegs
- 8a
pa'i tshe/ tshe dang ldan pa kun dga' bos mi rgod phal po che zhig rgyang ma nas mthong ngo // mthong nas kyang skrag ste spu zing zhes byed nas/ bcom ldan 'das la 'di skad ces gsol to// bcom ldan 'das mi rgod dag cig go/ / bde bar gshegs pa mi rgod dag cig go// bcom ldan 'das kyis bka' stsal pa/ kun dga' bo khyod mi rgod rnams kyis 'jigs sam/ gsol pa/ bcom ldan 'das 'jigs lags so/ / bde bar gshegs pa 'jigs lags so// bcom ldan 'das kyis bka' stsal pa/ kun dga' bo mi rgod rnams kyis ma 'jigs shig/ de nas bcom ldan 'das kyis de'i tshe gti mug chen po'i tshogs rab tu gzhom pa 'di bka' stsal to/ / tad+ya thA/ a nu le me pra ti lo me/ a nu lo ma pra ti lo ma/ a ti ke/ pra taM ke/ paM ke/ a ti pa ke/ gau ri/ gan+d+ha ri/ paN+Da li/ ma taM gi/ puk+ka si ri mi ri mi/ ran+ti/ matse baSh+Ti ti tso ra pra dan+ta/ bis+t+ra hAn+tu/ b+ha man+t+ra/ ma mi yan+tu/ ya bad dgran thin muny+tsa mi swAhA/ kun dga' bo ngas dpag tshad bcu tshun chad kun tu srung ba dang / mi rgod thams cad dang ri sul gyi grong khyer gyi mi thams cad dang / gseb lam srung ba thams cad dang / gnod par sems pa thams cad kyi rkang pa bcing bar byas so// rmugs par byas so// rengs par byas so// ji ltar rdza mkhan gyi 'khor lo bskor ba 'am/ ji ltar rdza mkhan gyi 'khor lo yongs su bskor ba ltar/ mi rgod rnams 'dar bar gyur cig/ rengs par gyur cig/ mgo rmongs par gyur cig/ bcom ldan 'das kyis
- 8b
de skad ces bka' stsal nas/ tshe dang ldan pa kun po yi rangs te/ bcom ldan 'das kyis gsungs pa la mngon par bstod do// cho ga ni shing kun dang / bong bu'i spu bregs te/ bu mo gtsang mas bkal ba'i srad bu la lan nyi shu rtsa gcig bzlas brjod bya'o/ / yang na gos kyi mtha' ma la bdud pa bor te bde bar phyin na dgrol bar bya'o// 'di ni grub pa'o// 'phags pa mi rgod rnam par 'joms pa zhes bya ba'i gzungs rdzogs so/ / / rgya gar skad du/ Ar+ya sarba an+ta ra saM grA sa d+hA ra Ni man+ta/ bod skad du/ 'phags pa bar du gcod pa thams cad sel ba'i gzungs sngags/ sangs rgyas dang byang chub sems dpa' thams cad la phyag 'tshal lo// bcom ldan 'das kyis/ byang chub sems dpa' sems dpa' chen po phyag na rdo rje la bka' stsal pa/ phyag na rdo rje gzungs sngags 'di su 'dzin pa dang / 'chang ba dang / bzlas brjod byed pa de la ni dug dang mtshon gyis 'chi ba dang / ltogs pa dang / mtshon brgyab pa dang / gcan gzan ma rungs pas za ba dang / mes tshig pa dang / chur 'chi ba dang 'go ba'i rims gzhan yang ba dang / mdze'i nad dang / gsor mi rung ba'i nad yang ba dang / g.yang la lhung ba dang / gzhan gyi byad dang / zas kyis brnangs pa dang / bdag rang gis gsod pa dang de ltar gshis ngan du 'chi ba bcu gsum gyis rkyen byed par mi 'gyur ro/ / phyag na rdo rje gzungs sngags 'di su 'dzin pa dang / 'chang ba dang / bzlas brjod byed pa de la ni sa dang nam mkha' la gnas
Colophon
'phags pa mi rgod rnam par 'joms pa zhes bya ba'i gzungs rdzogs so/