Q2172MW1KG13126_2172rgyud 'grelAll versions of this work

dpal 'khor lo bde mchog gi rgyun bshags bsdus pa

Text

ff. 4a–5a · 3 folio sides

  1. 4a

    de nas ldang bar 'dod na gtor ma btang bar bya'o// oM a ra li ho/ badz+ra DA ki ni sa ma ya s+t+rI dre sh+ya ho// rdo rje snyim pa kha phye ste/ mtshan byed na gtor ma sbyin no// oM kha kha khA hi khA hi/ sar+b+ba yak+Sha/ rak+Sha sa b+hU ta pre ta pi shA tsen+ma da/ a basma ra/ badz+ra DA ka DA ki n+ya da ya/ i daM ba li/ grih+Na du sa ma ye rak+Shan+ta/ ma ma sarba sid+d+him+me pra yats+tshan+na/ ya thaM baM ya thoSh+TaM/ b+huny+dza tha/ pi ba tha dzi gra tha/ mA ti kra ma tha/ ma ma sarba ka ri ta ya/ sa ta su khaM bi shud+d+ha ye/ sa ha yi ka b+ha ban+d+ha hUM hUM phaT/ ces brjod la btang ngo // 'di ni gsang ba'i mchog nyid kyis// rnal 'byor me yi mkha' la byung // rtag tu sems ni bzang po yis// sbyor ba'i mchog ni bsgom par bya'o// 'dir ni rab tu gsang ba che// gzhan du bstan par mi bya ste// dbang po gnyis ni sbyor ba dang // mchog gis bsgom pa sbyar bar bya// rtag tu dam tshig srung bar bya// bza' dang bza' min gnyis mi bya// bgrod dang bgrod min mi bya ste// mthung dang 'thung min sbyor ba'i las// 'di ltar ye shes goms pa las// sngags pa dngos grub myur gu 'grub// bla ma'i zhal nas rnyed pa ni// rab tu gsang ba'i dngos grub ni// gzhan gyis gsol btab gsal bar bya// thams cad ma lus 'grub pa 'gyur// 'di byas bsod nams gang thob pa// des na sems can ma lus pa// don rtogs stobs dang ye shes ni// bsam gyis mi khyab thob par shog/ bde mchog gi sgrub thabs// slob dpon chen po lnga yi pas mdzad pa rdzogs so// // bcom ldan phyogs kyi zhal bzhi phyag bcu gnyis// bcu gnyis phyag gis blang chen lpags sogs bsnams// bde gshegs drug 'gyur phyag rgya drug gis brgyan//

  2. 4b

    phag mo sku brgyan bde ba mchog la rol// mkha' 'gro la sogs tshogs kyi 'khor lo bskor// mkha' 'gro sogs dang de bzhin sa 'og bcas// 'jig rten gsum mchog 'khor bcas bzhugs su 'tshal// ye shes rdo rje dam can dgongs su gsol// thog ma med nas skye ba 'di bar du// shin tu mi bzang 'khor bar bdag 'khyams pas// bskal pa'i dus mtha' bstan pa'i snyigs ma la// khyed kyi zhal gyi 'od zer glog tsam mthong // sngon gyi 'phro dang khyed kyi thugs rje yis// theg pa mchog gyur bla na med pa dang // gsang sngags rdo rje theg pa'i don chen 'di// blo ngan bdag gis spyad cing bsgrub pa'i phyir// bdag gis khas blangs dam bcas tshun chad du// bsgrub pa'i 'bras bu mngon du ma gyur kyang // dam tshig mi 'da' bde gshegs bka' mi bslu// mngon sum zhal bzhin rtag tu khyed la dgongs// nyon mongs rang bzhin rnam shes ma sbyangs pa// khyed kyi sku gsung thugapa ni ma mthong yang // khyed kyi bka' las bdag ni mi 'da' na// bka' yi byin brlab pa dag la grub par mdzod// bdag gi rang bzhin khyed dang yongs su mnyam// ma lus 'gro tshogs rnams kyang de bzhin lags// bdag gis lus kyis nyes pa ci spyad par// sku'i dkyil 'khor tshegs la bzod par gsol// bag med tshul gyis ngag gis nyes smras pa// rig sngags lha yi snying po phyag rgya dag/ rgyun mi 'chad par yongs su spyad pa las// nyams gyur gsung gi tshogs la bzod pa gsol// bdag gi yid kyis gzhan gyis nyes bsams shing // ting 'dzin lta spyod lha dang slob dpon dang // rig sngags lha yi snying po'i phyag rgya dag/ rgyun mi 'chad par tsho gsal bzod par gsol//

  3. 5a

    slob dpon brnyas shing bka' las 'das pa dang // spun la nyes smras byams pa chen po spangs// byang chub sems spangs theg pa gsum spangs dmod// skal min gsang bsgrags bdag nyid phung po dmod// chos la yid gnyis sdug la chags bral byams// chos la gnyis 'byed dad pa'i sems la dmod// dam tshig ji bzhin bsnyad pa mi bsten dang / rtags pa'i rig ma smad par byed pa dang // rtsa ba 'di nyams khyed la bzod par gsol// dam tshig mi ldan rigs ma bsten par dga'// dkyil 'khor tshogs rtsod gsang ba'i chos ston dang // sems can dad la dam tshig gzhan du ston// nyan thos dag dang lhan cig gnas byed cing // sbyor ba ma byas snod min gsang ba ston// phyag rgya mi shes phyag rgya bsten pa dang // bsnyen pa dag par ma byas dkyil 'khor zhugs// sdom pa gnyis kyi bcad pa dgos med bzlas// yan lag dam tshig 'di las 'gal bgyis pa'i// bka' chad gnas su gyur pa ci mchis pa// bzod par gsol lo tshangs par stsal du gsol// da lta'i dus su bstan pa 'jigs dus su// nyon mongs shas chen khyen gyis rab tu mkhyen// so sor thugs dam bzhin du nyer dgongs la// ji ltar 'tshal ba bzhin du phrin las mdzod// ji ltar bu yis rab tu mi shes kyang // pha yis brtse bas legs par skyong ba ltar// bdag gis gzhung 'di rab tu ma shes kyang // thugs rje chen pos yongs su gzung du gsol// dpal 'khor lo bde mchog gi rgyun bshags bsdus pa/ dpal ur+yan lha mo'i gnas pa/ rgyal po in+d+ra bo d+his mdzad pa rdzogs s+ho// ma rgya nga ma #

Colophon

dpal 'khor lo bde mchog gi rgyun bshags bsdus pa/_/dpal aR+Ya lha mo'i gnas pa/_/rgyal po in+d+ra bo d+his mdzad pa rdzogs so/