phur pa bcu gnyis 'byung ba'i rgyud chung ngu bstan pa
Text
ff. 502a–515b · 28 folio sides
- 502a
dang ldan pa dang // snying rje che zhing shes rab gsal// 'gro ba'i don la mos pa la// rgyud 'di yongs su 'byung bar 'gyur// rdo rje bur ba chen po bsha pa'i rgyud las/ rgyud yongs su gtang pa'i le'u sta bzhi bcu zhe bzhi pa'o// // rdo rje phur ba chen po bshad rgyud dri med 'od ldan zhes bya ba rdzogs s+ho// / rgya gar skad du/ kI la ya dA da shod yAlpa tan tra de sha/ bod skad du/ phur po bcu gnyis 'byung ba'i rgyud chung ngu bstan pa'o// bcom ldan 'das 'jigs byed chen po la phyag 'tshal lo// 'di skad bdag gis thos pa dus gcig na// bcom ldan 'das khro bo 'jigs byed kyi rgyal po badz+rA kI la ya/ drag po mthing nag 'bar ba'i nang na bzhugs nas gdug pa can thams cad gdul ba dang / dregs pa can thams cad tshar gcad pa'i phyir// rab tu drag po mi g.yo ba'i ting nge 'dzin la snyoms par zhugs nas/ nyid kyi byin rlabs las karma shrI he ru ka zhes brjod pas/ khro bo kar+m+ma he ru ka sku ljang nag shin tu mi bzad pa 'thon nas/ bcom ldan 'das badz+ra kI la ya la 'di skad ces gsol to// kye bcom ldan 'das chos thams cad zhi ba chen po'i ting nge 'dzin gyis mi 'dul na thugs rje gang gi dus la bab par shes pa lags// gang
- 502b
gis 'dul ba'i dus la bab par gzigs pa lags/ khro bo chen pos lung bstan du gsol/ bde bar gshegs pas lung bstan du gsol/ thabs mkhas pa'i bdag nyid can 'di de'i dus bab pa lags so// 'phrin las kyi mnga' bdag ces gsol pa dang / dpal badz+ra kI la yas/ e he sha hUM zhes brjod pas gnam gyi gtos kyi phyogs ris med pa chos nyid bde ba'i ro la brdal pa bskyed// yaM karma ra ga sha haM zhes brjod pas rdo rje'i rlung nag tshub mas dbang du bsdus shing byin gyis brlabs te rgyas btab pas 'phrin las thogs pa med pa'i don mdzad/ ma hA rag ta dz+wa la maN+Dal zhes brjod pas khrag gi rgya mtsho gting dpag med pas sdug bsngal dbang du bsdus nas 'bras bu gcig gi rang bzhin du shar bas mdzad/ keng ni ra dza la maN+Dal zhes brjod pas 'khor ba gnas su dag pa dang cho 'phrul mngon par 'du mdzad pa'i phyir keng rus kyi ri rab tu gyur/ ban d+ha dz+nyA na tsakra zhes brjod pas ban d+ha'i gzhal yas khang gru gsum mthing nag 'bar ba gcig tu gyur// de nas khro bo karma he ru kas/ bcom ldan 'das la 'di skad ces gsol to// e ma ho/ bcom ldan 'das thugs rje'i dpyang thag chad cing ngan song 'khor bar skye nges pa la 'di lta bu'i rdzu 'phrul bstan pa ngo mtshar che'o// 'di lta bu'i cho 'phrul bstan pa ngo mtshar to//
- 503a
'di rjes su grub pa'i rnal 'byor pas// gnas ni gang dang gang du bstan// dmigs ni gang dang gang ma bgyi// rnal 'byor pa ci dang ldan pas bya// phur pa'i rgyu ni gang dang gang lags// phur pa bsgom pa ji ltar bsgom// byin gyis brlab pa ji ltar brlab// brdeg pa'i dus tshod gang la bab pa lags// dam tshig gang du bsten pa lags// lta ba ci la dmigs pa lags// yo byad dang rdzas gang 'tshal// rtags du na 'byung / 'di brtsams pas dgos ched dang yon tan ci thog bcom ldan 'das kyis lung bstan du gsol// ki la ya yis bka' stsal pa// nyon cig karma he ru ka/ phur pa sgrub pa'i gnas rnams ni// yang dag don du bshad par 'tshal// dang po gzhung dang ldan byas nas// dur khrod gnas dang shing gcig dang // rgya gram lam du bya ba dang // 'byung po mang po gang yod bar// drag po'i las 'di bya bar shis// las la phan 'dogs yod pa dang // grims 'byin shugs kyis ting 'dzin gsal// de la thabs dang rtags med na// bdag gi gzugs phung rlag pa dang // tshe dang srog gi bar chod 'ong // nags tshal chen po gang na 'bar// der ni legs par spyad pa yi// klu yi mig dang
- 503b
'byung po'i srang // sa yi gegs dang ma rungs so// sa sgo dmyal ba'i rgyu med par// las kyi bya ba'i gzhung brtsams na// bkra shis don gyi gnas yin pas// 'grub yun ring bkra shis so// me tog gling dang rin chen ri// dpag bsam shing dang skad snyan bya// 'bru sna tshogs dang gnam sa legs// dbyibs legs lung pa ran par ni// bkra shis gzhung bzang yun ring bas// gnas kyi dam pa yin zhes ba shad// drag po'i las su bya ba la// dang po phur pa sgrub pa'i gnas// nags ri tsher ma can gyi shing // gcan gzan ga dug pa sna tshogs yod// ga na ma ni gri mda' ral gri shul// sa gzhi gru gsum me dpung 'dra// logs la dur khrod gling yod pa// mkhas pas brtags te btsal byas na// 'di ni phur pa bsgrub gnas yin// tsher ma can gyi shing dag dang // dug shing gdug pa yod pa dang // zag la rad rod mang ba dang // grog po ngam pa gting zab dang // stag gi so 'dra sbrul gyi lce// sdig pa'i rA ba dra chu srin kha// ban glang sna 'thab brag chu bar// rkang gcig shing dang ma rungs sa// sngon chad lha mi phungs dang // g.yul bkye ba dang mtshon phab dang // bsad bcad sa dang ma rungs dus// srin po bsgral ba'i
- 504a
bcas gzhi dang // srog chags bskal ba'i khrag rjes dang // g.yul ngo bgos pa'i sa mkhar rnying // dmar pos gsad cing phung ba'i sa/ 'di ni brdeg cing bsgral gnas yin// sems la chos nyid mi gsal zhing // nyams dang ting 'dzin g.yal bas ni// gnas 'di dag tu yong mi bya// nam phugs / rnal 'byor bdag la gnod// de bas gzhung dang 'thun pa'i gnas// bkra shis pa yi gnas dag tu// yun rings bsrings na gdon rtol med// dam tshig mnyams nges thub dang // ting 'dzin brtan pa'i blo can gyis// gnas ni de dang de dag tu// cho ga'i las 'di brtsam par bya// nges par 'grub la gdon rtol med// de lta bu yi sa rnyed na// dang por byin brlabs mtshams kyang gcad// ma rungs yod na gtor ma sbyin// de nas zhag grangs 'di tsam mam// drag po'i las 'di ma 'grub par// gnas 'dir rnal 'byor bdag gnas pas// gtor ma byin pa 'di long la// ma grub bar du gzhan du dengs// de skad byas la gtor ma sbyin// bsgo ba'i tshig
- 504b
rnam bsgo bar bya// de nas gzhung bzhin dkyil 'khor brtsig/ dam rdzas chag chag gzhung bzhin gdab// kha dog tshen rnams dgye byas nas// dbus su drag po gru gsum bri// mtha' ma mtshon gyi 'khor lo la// khro bo rnams kyang rim bzhin dgod// de bzhin brgya dang brgyad du bstan// bzhi po dag tu gang bstan dang // nyi shu rtsa brgyad la sogs pa// mkhas pa gzhung bzhin dgod par bya// gzhan yang phur pa'i rdzas dgod pa// 'og nas 'byung bas shes par bya// de ba'i mtshan dang ldan pa dang // zhag grangs tshang ba'i bsgrub rdzas dang // yo byad 'tshogs par mchog tu bya// gnas rnams 'di dag yon tan ni// myur bar 'grub dang shugs 'byin dang // ngan pa'i las kyis ngan pa 'grub// don la 'thab med nges par ni// ngan pa'i gnas su 'grub par bshad// bkra shis bzang ba'i gnas su ni// yun rings bsrings na phung 'tshengs med// don la des kyang 'grub par bshad// bzang ngan gnas kyi cha dbye bar// bdag nyid rtogs pa'i tshad dang sbyar// rtogs pa chung na bzang po gdams// ting 'dzin zab na ngan pa gdams// myur bar thogs pa med par ni// gang la dmigs pa 'grub ces bshad// 'di ni phur pa'i gnas bstan pa'i le'u ste dang po'o// /
- 505a
bsgral ba'i dmigs rnams bstan pa ni// kun la bya bar gzhung las med// nyams par gyur pa bdun yod de// srog las nyams dang dam las nyams// bka' las nyams dang don las nyams// las kyis nyams dang mtshan mas nyams// 'dod par gyur pas nyams pa ni// 'di la nyams pa zhes bya ste// de dag so so'i mtshan nyid bstan// srog las nyams pa'i mtshan nyid ni// pha dang ma dang mkhan po gsod// slob ma gsod dang nang rme can// 'di ni nams kyang lhung bas na// bsgral ba'i dmigs ni 'di yin no// dam las nyams pa'i mtshan nyid ni// rdo rje slob dpon bka' smad pa// ngan sems dpya sems byed pa dang // sngags dang phyag rgya rgyun gcod dang // gsang ba'i man ngag gzhan la spel// 'di ni nyams pa chen po ste// 'di ni bsgral ba'i dmigs cig lags// bka' las nyams pa'i mtshan nyid ni// dam la btags na sku mtshang 'bru// sgrub la spun na ya ka 'dogs// man ngag bstan na skur pa 'debs// bden par bstan na log par khrid// don rtogs bstan na gol bar 'dzin// 'di ni nyams pa'i dam pa ste// 'di la bsgral bar lhur yang brtsam// 'di dag bsgral ba'i 'phrin las ni// gzhang kun las kyang
- 505b
gsal bar 'byung // don las nyams pa'i mtshan nyid ni// bya ru mi rung sna tshogs byed// rdzas dang lag cha mngon du 'byin// stan 'gran sbyor sgrol dngos por spyod// lta ba ting 'dzin rgyab tu bor// spyod pa spang blang dang du len// khro gtum nga rgyal rang khar gtong // don gyi man ngag log par go// pha rol 'dren la log pa'i chos// phyin ci log gi don la ma bas// bka' gzhung por la rtsom pa che// log par spyod pa mtha' dag yod// 'di ni ru \u0f7f dngos yin te// mngon spyod bsngal kyang mi skyon no// las kyis nyams pa'i mtshan nyid ni// bdag dang rkyen gnas mi gcig par// bsgral ba'i las kyi klo yongs dang // sngon chad kha kho na yong med par// glags la bab par dran nas kyang // zhi ba drang por mi nyan par// nyes med gzhan la 'dzugs pa dang // dpung pa sgrogs la klan ka tshol// kha lce dgod la bzhin mdog bzlog brgal sa med par bdag la rgol// 'phrog mi dgos par bdag la 'phrog/ bdag gis nyes pa ma dran zhing // bdag gis brgal bar ma bsams kyang // las kyis bdag la gnad 'dzugs shing // bdag la mthu dang rtsal 'dod pa// las kyis nyams pa 'di yin no// gzhan yang las kyis nyams pa ni// gal mi che bar ya ka tshol// phan
- 506a
rgyu med par bdag la 'tshe// 'ong rgyu med par sgrub sar 'ong // las kyi nyams pa'i rtags yin pas// 'di ni nams kyang bsgral dgos pas// las kyi 'khor bas sdig med bshad// mtshan mas nyams pa'i mtshan nyid ni// chos la phyogs char bzung bas nyams// lta ba sgro skur btab pas nyams// dam can yongs la thugs dkrugs shing // rang bzhin med pa'i chos bshad kyang // mtshan ma can gyi chos bzung nas// lha srin bran du nga 'khol lo// mthu 'gran byed pa su zhig yod// nga yi nyams su dpal chen byung // nga ni khro bo'i rgyal po yin// gzhan la khro zhing 'tshe la sogs// 'di ni mtshan mar nyams pa ste// bsgral ba byas kyang dam mi nyams// 'dod par gyur pas nyams pa ni// de yi mtshan nyid bshad bya ba// nyams pa go rtogs gsal med par// la mar mthu chen btsan 'dod pas// las kyis don du mtshan ma spyod// bsdigs pa'i phyag rgyar mi mgo thogs// ral pa gsig cing so gtsigs byed// dmar gyi gtor ma blo la btags// zhing gi pags pa phrag la bkal// spro ba nag po sha dang tshil// snod bkang khur zhing log chos spyod// spyod pa'i don kun gzhung bor nas// bya bar mi brtsams sna tshogs byed// ngo dang
- 506b
gdong pa khrag gis byugs// tshul 'ga' dam 'dral sna tshogs byed// the tshor spyod cing dam mi bsrun// spyod pa brlang pos bka' gzhung smod// sangs rgyas kun gyi zhabs// 'dren byas// rnal 'byor sngags pa'i rkang nas drang // dpal chen 'bar ba thugs khral bskyed// ma mo mkha' 'gro gzan tshogs bkram// rnal 'byor yongs kyang rma rtsog byas/ gzhan yang mtshan nyid gang yin pa// 'dod pas nyams pa'i mtshan nyid ni// 'dod chags nor la tshim pa med// shi bar shes kyang 'dod pas brgyal// phung bar rtogs kyang sngags 'chang 'joms// dug tu snang yang lho ru za// gzhan ma yin gyis thabs mi smod// btsun pa yin kyang dam par shom// thob tu 'dod na gsang sngags rku// bza' ru yod na rnal 'byor za// zas su bsgrub pa po'i longs spyod rku// nor du gzhung spyod rnal 'byor 'joms// 'di dag 'dod pas nyams pa skye// 'di dag bsgral na rnal 'byor btsun// btul zhing tshar gcad bstan pa gnyan// med cing stongs na bar chad nyung // 'di dag bsgral bar ma byas na// mtho ris 'gribs la dmyal khams 'phel// rnal 'byor dam can sgyid lug nas// theg pa chen po'i chos sgo 'gag/ 'di dag bsgral bar byas na ni// dmyal ba'i gnas su yun thung 'gyur//
- 507a
rnal 'byor sgrub la bar chad med// theg pa chen po mthu dar bas// legs pa'i yon tan brjod las 'das// thabs kyis tha ma tha ma ni// ting nge 'dzin gyi rtsal chung yang // 'di dag bsgral bar byas na ni// dmyal ba'i gnas su yun thung 'gyur// 'di ni bsgral ba'i dmigs bstan pa'i le'u sgra gnyis pa'o// / / rnal 'byor gang dag gis bya ba// yang dag nyid du bshad bya ste// dang por shes rab rnam gsum gyis// gtan tshigs don la yid ches na// de nas nges par dbang thob ste// snying rje sems dang ldan pa yis// khams gsum 'khor ba gzung bar bya// don 'di dag dang mi ldan zhing // nges pa'i lung rnams ma thob na// mkhas la sgro skur 'debs pa dang // gsang sngags theg chen skur 'debs dang // rang shes sbyang tshig tshul gnas dang // dam tshig nyams par gyur pa dang // de med phyal pa stong pa rnams// 'di ni rnal 'byor ma yin te// log pa'i lam du shes par bya// de yis spyad kyang yongs mi 'grub// slar yang rang sems rlag pa dang // 'bras bu mnar med dmyal bar skye// 'di dag brtsam pa'i rnal 'byor pas// rigs kyi rnal 'byor gral du sgos// theg pa bsam yas sems la gsal// lta ba phyogs mang gdang/
- 507b
du 'jom// sgom pa ma yangs gser phur 'debs// dam tshig nyan thos khrims bzhin bsrung // rgyud dang sgrub thabs mtha' dag 'chang // phyogs 'dzin spong la mkhas pa bsten// rdzas dang lag cha rtag tu 'chang // don dang man ngag gzhung du bsgrub// tshul ldan ngang tshul bzang la shis// sbyor sgrol mchod pa rgyun med mchod// phung po lha dang gnyis su med// sems ni chos nyid ngang la gnas// rnal 'byor rtags ldan dam pa de// las su bya ba kun rdzogs nas// 'dzab zlos grangs med rgyun 'don pas// sngags dang phyag rgya mthu byin che// las dang bya ba gdon mi za// nges par brtsams pas dgongs pa 'grub// dmar gyi gtor ma gzhung srong zhing // ci bgyi bka' nyan 'khol mkhas pa// dkar zhing dgug par bya bar shis// drag shul thabs kyis pho nya ni// rdzu 'phrul shugs la thabs kyis 'gyed// rnam rtog mtshan ma las kyis 'dul// de dag byas na chud mi za// shes pa'i nang na dam pa ni// rgyud la blo zhen sgrub la zhugs// yi dam lha la rtags gnas pas// de la bar chad yong mi 'byung // gal te 'byung bar gyur na yang // de la reg pa tsam gyis 'grub// gzhan yang 'di brtsam pa yi// rnal 'byor pa ni gang yin pa// 'phrin las bye brag byed pa dang // rnam rtog mtshan ma
- 508a
spangs pa dang // gtsang sbra med par spyod pa dang // blang dor med par bsgrub pa yis// gang la dmigs pa 'grub par byed// phun sum tshogs pa gsu/ 1ldan zhing // dus tshod grangs su bstan par shas// nya dang shi kha tshes brgyad la// drag po las la rab brtson pas// las su bya ba des bya ste// ma mo mkha' 'gro bka' nyan tshogs// de yis bkol na zan bzhin nyan// de yis bcol na bu bzhin sgrub// de yis bya ba chud ma zos// tshe dang longs spyod 'byor pa dang // legs pa kun rdzogs dngos grub ste// de yis yid la bsam pa bzhin// ci 'dod rang la 'byung bar 'gyur// gzhan yang 'jig rten bsam pa dag/ phan pa dang ni gnod pa gnyis// / gzhan la phan zhing sgrub 'dod na// sad dang sar ba gcad pa dang // char chu dus su phebs pa dang // mi nad phyag nad gcod la sogs// de yi gtan tshigs 'di na gnas/ gzhan la gnod pa'i rgyu btsal na// dbyar ston gnyis la gnod bya ba// sad dang ser gtang gtan tshigs dang // shwa dang chu dang thog gtang dang // dbyar rgun mi nad rims gtang dang // bu tsha rabs chad tshe thung ba// de yi gtan tshigs 'di na yod// de ltar gtan tshigs sus shes pa// rnal 'byor don dang ldan pa ste//
- 508b
'dis ni brtsam par bya bar gsung // rnal 'byor ci ldan brtsam par bya ba'i le'u ste gsum pa'o// // kai la ya yi rgyud rnams ni// gang dang gang las bya ba dag/ don dang gtan tshogs 'dir zhib ste// mchog tu sngags pa 'di las byung // lcags sam zangs sam gang rnyed pa// drag po lcags kyi phur pa la// gri chag mde'u rnying rtags phyin dang // gnam lcags thog gi lcags dag dang // gcod dang rno dang sra la sogs// lcags sna lnga po dag la ni// khro rgyal gnas pa'i rgya mdud/ dang // gzhal yas khang gi rtags su bya// logs brgyad khro mo brgyad po la// bar gyi rgya mdud brtsegs ma la// thabs dang shes rab dbyer med don// gzhal yas rang bzhin brtsegs mar gnas// rtse mo zur gsum 'joms pa'i tshul// drag po rkyen gyis yang dag bshad// dbang la zangs kyi phur pa la// rgyas pa gser la sogs pa dang // zhi ba tsan dan dkar po dag/ rtse mo dbyings ni so so bar// bya ba'i tshad rnams 'thun par bshad// gzhan yang tsher ma can gyi shing // rab tu mi srun gnas dag nas// gang dag skyes pa gang yin dang // dug dang gcan gzan gdug pa dang // rab tu gtum pa'i gnas dag nas// skyes pa'i shing mchog tshar ma
- 509a
can// sbyar ba dang ni seng ldeng dang // gang dag myur ldeng mdze mo shing // rtsa ba logs su rgya mdud bya// rtse mo logs su zur gsum bya// dbyings kyi kha dog gong dang 'thun// gzhan yang gdug pa tsher ma can// gong ma de dag ma 'byor na// gang rnyed pa yang bya bar bshad// gzhung dang 'thun pa rnyed na legs// de dag gang yang ma rnyed na// ting 'dzin gyi dkyil 'khor lha// yid la dran zhing gsal bar bsgom// sngags dang bya ba ma nor bar// des kyang bya bar gzhung las byung // 'di dag ring 'thung tshad bstan pa// sor bzhi pa dang sor brgyad dang // bcu gnyis dag tu bshad pa ste// de yang thung bar ma gsungs shing // de las ring bar yong ma bstan// sor bzhi 'byung ba bzhi yi tshad// sor brgyad rnam shes brgyad kyi tshad// bcu gnyis khams ni bcu gnyis te// rtags dang sbyar te de rnams bstan// rtags phyin pa yi lcags rnams kyi// de yi yon tan bshad pa ni// dper na nags kyi sdong po la// sngon chad chod pa'i sta re dag/ de dag yod par gyur na ni// chod mi chod kyi the tsom med// de dag sngon chad ma chad pas// chod dam mi chod yongs ma nges// de bzhin rgyu yang de dang 'dra// mdo ni rnal 'byor rtsal mchog ces// re zhig de yang
- 509b
skyon med de// yon tan yod par 'di las bstan// nag po shing gi dug can la// phur pa byas pa'i phan yon ni// nag po gzhan gyis mi tshugs la// dug gis pha rol gsod par byed// tsher ma can gyi shing rnams kyi// skyur pas tshe dang longs spyod 'phal// mdzodze mos dbang du bya ba 'grub// gzhan yang kha dog rigs su sbyar// mdor na bde gshegs sa bon gyis// byin gyis brlabs pa gces par bshad// de bas kyang ni dam tshig gtso// rnal 'byor rnams la dam par bsngags// dang por gzhung las 'byung ba bzhin// de dag ma nor bsham par bya// 'tshogs pas the tshom med ces bya// bshams pas bya ba chud mi zos// kun gyi rgyu ni byang chub sems// byang chub sems ni sngags pa ste// rgyu yi rgyal por rang shar ba'o// gzhan yang phur pa'i rgyu bstan pa// zangs lcags 'khar ba gang yod pa// de yang dod cing legs par bya// ma dod pa yi skyon rnams ni// gar dgar byas na tshul las nyams// tom tshol byas na tshul las nyams// rnyed btsan byas na byin rlabs chung // yod btsa byas na sgom mi bde// ngan dgur byas na rtog par gyur// legs par byas na yid rang bzhin// 'tshogs par bsogs na gzhung dang 'thun// dod par byas na dad pa skye//
- 510a
bka' byin byas na byin rlabs yod// mdor na rtogs pa gtso ba yang // rtogs pa'i don la mthar phyin na// rnam rtog las 'di yong mi dgos// / ma rtogs pa la 'di dgos pas// log pa'i phyogs rnams gdul slad du// 'di la rgyu ba sham 'byung ba yin// mi rtog pa la rtog mi dgos// rnam par rtog la 'gro 'dul bzang // nyon mongs pa la bskyen po 'jebs// rtog pa bsal bar bsham pa gces// gzhan la 'dzugs na grang mang zlos// rtags phyin 'dod na yun du srings// don// la rub nam yangs kyis// rings par 'dod na brtson 'grus bskyed// don 'di yid la gzhag nas kyang // sngags pas de la nan tan skyed// 'di ni phur pa'i rgyu bstan pa'i le'u ste bzhi pa'o// // phur pa ji ltar bsgom pa yi// don 'di yang dag bstan pa ni// nges pa nyid du bshad bya ba// byin gyis brlabs pa'i thabs la ni// nges pa rnam pa lnga yod de// gnyis su med par byin brlabs dang // khro bo chen por byin brlabs dang // shin tu brjid cher byin brlabs dang // phur pa sras su gyin brlabs dang // mthu dpung che bar byin brlabs pa'o// oM badz+ra kI li kI la ya/ hUM ha he phaT dza b+h+yo ru lu mA ra ya phaT/ de nas lag pa'i rting sbyar la// sor bcu bar du
- 510b
phur pa gzhag/ bcu yis byin brlabs tshul bzhin bya// hUM hUM kI la ya sarba big+h+nAn ya ka sarba ta kha ha ha khANi hUM phaT/ de nas byin gyis brlabs bya ba// lcags sam shing ngam gang yod pa// byi khrag ra khrag gis byugs la// dug dang ma rungs pas kyang byugi/ hUM dang dza dang phaT la sogs// spro bsdu tshal bzhin byas nas kyang // byin brlabs bsam rgyud nges par gzhag/ yang na byin brlabs nges pa ni// dbu yi rgya mdud chos kyi sku// bar gyi rgya mdud longs spyod rdzogs// rtse mo sprul pa'i sku yin te// khro rgyal dpal chen yab yum dang // 'khor gyi dkyil 'khor gsal bkod pa// pho nya yang sprul la sogs pa// ci bgyi bka' nyan rim bzhin spro// khrag 'thung sngags kyi rgyal po yi// nges par legs pa'i phur pa la// yang dag bstan par byin gyis brlabs// rnal 'byor sngags kyis blo ldan pas// dam pa'i don du gzhung bsrang nas// drag po zlos pa yid brtson bya// nges par snying po 'bru bkod de// cho ga gsum gyi sbyor ba yis// tsa na kha tsam dgod par bya// rim pas 'phro 'du mang po yis// stong gsum 'jig rten phur par brlabs// mtha' yas sems can la sogs pa// bsgral ba'i dngos po gang yin pa// raM yaM khaM gis bsregs sbyangs nas// rnam shes snying gi dkyil
- 511a
'khor du/ byang chub sems kyi rtsa gtad de// dkar nag mtshams su brgyabapa nas kyang // dge sdig las kyi gshag che ste// rnam par rtog pa'i sdig sbyangs nas// maN+Dal las kyi sa ba du la sbyong gis// dug gsum rim par bcom nas kyang // khro bo ta kha yis rngam par bya// ser zhun bzhin du sems gnas pa// 'phro ba'i dgongs pas bte gnas kyang // gnyis med yum gyi kha la bstim// nges par rigs kyi sras byas la// oM AHhUM gis byin brlabs kyi// sku gsung thugs su gsal byas nas// phyir yang ngan song sgo gsum gcad// rnam rtog bsgral ba zhing bcur brlab// bsgral dang dbyings dang ye shes te// don du thabs dang shes rab la// chos kyi sku yi byin brlabs kyi// rnam par dag pa'i ngang du bsgom// 'di ni phur pa bsgom pa'i le'u ste lnga pa'o// // byin gyis brlabs pa bstan pa ni// rgya mdud rtsa ba'i logs su ni// chos kyi sku yi khro bor brlabs// logs brgyad khro mo brgyad yin te// bar gyi rgya mdud longs spyod rdzogs// rtse mo sprul pa'i skur brlabs te// don du mnga' gsol 'di skad do// hUM/ bzhi gsal 'phro ba ni tshogs las bskyed// dbu la rgya mdud bstan pas khro rgyal bcu// rtsibs la sogs brgyad bstan pas khro mo brgyad//
- 511b
rtse mo zur gsum bstan pas sku gsung thugs// khong stong byang chub sems kyi thig le las// khro rgyal 'dus pa'i sras mchog kI la ya// ma g.yos chos mchog sku gsung thugs kyi bdag/ sdug bsngal log par 'khyams pa'i sems can rnams// thugs rje bye brag dbyings su sgrol mdzad pa// thabs kyi bsgral ba'i skal dang mi ldan yang / shugs kyis bsgral ba'i 'phrin las mdzad du gsol// oM badz+ra g+ha g+ha g+hA ta ya g+hA ta ya/ sarba pA bAM kI la ya badz+ra d+ha ra a dz+nyA pa ya ti/ kA ya wA ka tsit+ta hUM hUM phaT phaT/ byin brlabs mtshams gcad drag po yis// dbang bsdus yongs su spang bar bya// thabs la mkhas pa'i byin rlabs kyis// yongs kyis bsdus shing gzir ba dang // thabs kyi dbang du bya ba'i phyir// 'bar ba'i thugs rjes mtshams gcad do// 'di ni phur pa byin gyis brlabs pa'i le'u ste drug pa'o// // brdeg pa'i dus chod bstan pa ni// gnam stong dang ni tshes brgyad dang // bcwa lnga nyi shu gnyis la bya// mig dmar phur bu gza' rnams kun// brdeg pa'i dus la bab par bya// dang por dkyil 'khor gzhung btsugs te// bsnyen bsgrub cho ga tshang byas nas// 'dzab grangs bsnyen pa 'bum du gdon// bzlas brjod nyin mtshan par mi gcad// rtags dang mtshan ma phyin pa dang //
- 512a
brdeg pa'i dus la bab par shes// nam gyi gung dang nyi mi'i gung // de la brdegs par rab tu shis// dur khrod chen por gang na bar// bsgral ba la sogs tshul bzhin bya// rgya gram lam gyi gang na bar// brdeg pa la sogs tshul bzhin bya// 'di dag brdeg pa'i dus tshod kyang // srog la zhugs pas tho rangs kha// 'di dag brdeg par yong mi bya// 'di dag brdeg par bya ba ni// yun ni lo zla tsam du bsring // grangs ni bye ba 'bum du bzlas// mchod pa dus drug rgyun mi gcad// cho ga bzlas bcod tshang byas nas// dbang pos mngon par khugs na rab// tha na mig rnon la sogs pa// der ni nges par 'ongs pa yin// bya ba la sogs mtshan ma la// brdeg pa'i dus chod yin par ni// rnal 'byor pas ni shes par bya// gzhan yang brdeg pa'i dus tshod ni// dang por bsgrub par khas blangs nas// ma thon par du dus tshod men// tshangs nas brdeg/ pa'i dus tshod de// bla dgug pa yi pho nya la// 'di dag gtang nas brdeg bya ste// hUM/ dpal gyi pho nya las mkhan mo// dkar mo dung gi mche ba can// mkha' la 'byung ba'i mdzed skyil ma// lag na sems can srog gcod ma// zhal nas sems can yongs su gsol// bskal pa'i thog thog char pa 'bebs// bskal pa brgyad kyi pha rol nas// dam
- 512b
nyams dgra yi za 'dren ma// dgra bo bla la nan ma chung // nag mo lcags kyi ldan tshar can// khyung gi khra thogs g.yas pa ni// ban d+ha gri thogs gsod la rngam// tshangs pa bskyil ba'i cha lugs can// mi sdug mgo la gcer bu lus// bskal pa brgyad nas bla tshe la tshol// dpag tshad brgyad nas srog 'gugs 'gugs// dgra bo bla dang srog la yang // dmar mo nyi ma'i mig 'phro ma// gdug pa 'dul ba grangs pa sel// gsod la rngam pa las la brtson// mche gtsigs g.yang gzhi gos su gon// rab tu mi srun bla 'gugs ma// dam nyams dgra la sa ma ya// ljang na ga bsgyel ba'i dkyil 'khor nas// ser mo ral can 'bum gyis bskor// sngon nas dgra bo bla 'gugs ma/ gang la bya ba grub par byos// dus la bab bo sa ma ya// nam mkha'i lha mo phur pa'i lha// lag pa brgya ni phur pa 'dril// spyan brgya khrag gi mchi ma 'dzag/ zhal brgya gdug pa'i sngags zer zlos// tshems kyis skye shi rtsa yang gcod// phur bu'i las mkhan chen po ma// rab tu mi sun las la brtson// gang la bya ba 'grub par byos// gzhan yang po nyar grags pa kun// de dag pas la gtang bar bya// de dag sngon du khugs pa dang // ting 'dzin rab 'bring gsum dang sbyar/
- 513a
rab kyis sngon du khugs par 'gyur// 'bring gis ling kha 'gul bar 'gyur// tha ma nyams tsam rtags tsam 'ong // bzod cig brdeg pa'i dus chod yin// de rnams med par dus tshod men// cho ga tshang bar gyur pa ni// brdeg pa'i dus tshod yin par ni// dus la bab par shes par bya// 'di ni brdeg pa'i dus tshod kyi le'u ste bdun pa'o// // dam tshig gang yin bstan pa ni// gzhi ni dam smyig gtso bo g+ha// dam tshig ma nyams gzhung yod na// 'di dag 'grub par 'gyur ba yin// nyams par gyur pas mi 'grub ste// slar la rang nyid rlag par 'gyur// sku yi dam tshig 'da' dka' ba// gsung gi dam tshig par mi gcad// thugs / kyi dam tshig gsang thub pas// las 'di btsams na 'grub ces ni// dpa' bo khro bas yang dag bshad// dam tshig dam pa 'di yis ni// rgyal ba mnyes te dngos grub thob// bka' bzhin spyod la gzhung bzhin bsgrubs// nges pa'i dam tshig dam pa yin// nges par dam tshig bstan par ni// yang dag rgyal pos nges par gsung/ 'di ni dam tshig bstan pa'i le'u ste brgyad pa'o// // lta ba ci la dmigs pa ni// yang dag nyid du bstan bya ste// lta ba'i rgyal po nges pa'i don//
- 513b
gzod nas ma skyes sems kyi dbyings// rnam par dag pa yum gyi tshul// ma skyes mi 'gag thabs kyi sku// rig pa'i rgyal po rang byung bas// thams cad ma lus dang du sdud// thabs kyi rgyal por bdag gnas pa// 'gro kun bla na med par sgrol// chos kyi rtsa ba sems yin pas// brtag pa'i don du rang sems bza'// rang gi sems kyi don rtogs shing // mnyam pa'i rgyal po klung gyur na// zhal nas gsungs pa thams cad dang // tshig tu brjod pa bsnyen pa la// thugs la dgongs pa ting 'dzin te// phyag gis bsgyur ba phyag rgya ste// phur pa'i phyag rgya lnga ru bshad// phur pa dam tshig phyag rgya ste// lag pa gnyis kyi ting sbyar nas// gung mo rtsa spra dag tu sgril// de ni phur bu dam tshig rgya// tshang bas sor brgyad rim pas gzung // lhag ma rtse mo man chad pa// phur pa brdeg pa'i phyag rgya yin// lag pa gnyis ni thal sbyar nas// gung mo rtse sprad mthe'u chung brkyang // srin lag mdzub mo rgyab bsnol te// mthe bong gshibs te bar du sgril// 'di ni phur pa sgril ba'i rgyu// lag pa gnyis kyi rting sprad nas// sor bcu khro bcur byin brlabs te// sras mchog dkyil du gzhag nas kyang // byin gyis brlab par byas pa ni// phur pa byin gyis brlabs pa'i
- 514a
rgya// mtheb mdzub gnyis kyi bar du ni// phur pa bcug la yar 'phangs nas// babs pas brdeg pa'i gzugs la bsnun// 'di ni phur pa bskul ba'i rgya// don du phyag rgya la sogs pa// yang dag rtogs na kun kyang rgya// ma rtogs mtshan ma rtogs pa'i zhing // rtogs pa'i rgyu tid chos nyid la// 'khor ba'i rgyu nyid byang chub ste// bsad pa 'ba' zhig las su rung // rnam rtog sems can kun gsad na// dam pa'i bde gshegs kun mnyes te// nges par legs pa'i dgongs pa 'phel// sangs rgyas bka' las de ltar 'byung // dam pa sems kyi rang bzhin pa'o// lta ba 'di la dmigs pas bya// 'di ni lta ba dmigs kyi le'u ste dgu pa'o// / / yo byad rdzas rnams bstan pa ni// spyang dug la sogs dug rnams ni// drag po bsgral phyir bsag par 'byung // khyad par la sogs gtor ma ni// mkha' 'gro bskul phyir dgod pa 'byung // zangs lcags mchog phur tsher ma can// drag po gdul phyir gong bzhin bsham// rkang rjes gos dang dri ma rnams// nges par yod na bzang bar bstan// gzhan yang phur pa'i rdzas rnams kun// gong nas 'byung ba de shes bya// 'di ni yo byad rdzas kyi le'u ste bcu pa'o// /
- 514b
rtags kyi zhag grangs bstan pa ni// khyad par bsnyen pa gzhung btsugs te// bka' yi bsgrub pa tshul bzhin du// gzhung las 'byung ba de byas na// rab kyis zla pa gcig gis 'grub// rtags ni zhag bdun nyid kyis 'ong // 'bring gis lo gcig dag na 'grub// rtags ni zla ba lnga na 'ong // tha ma la gsum tshun chad kyis// 'grub par 'gyur te gdon mi za// rtags ni lo dus dag na 'byung // yan lag bskum pa'i nad la sogs// rtags rnams kun kyang tshul bzhin 'byung // 'di ni phur pa'i rtags bstan pa'i le'u ste bcu gcig pa'o// // 'di brtsam pa yi dgos chad ni// sems can gang zag phal pa dag/ ras chod byed cing tshul la skyom// bka' 'gal byed cing dkyil 'khor 'dral// mnyes 'joms shing skur pa 'debs// de la 'di brtsam dgos ched yod// don 'di ma nor gang spyod pa// kI la ya yi yon tan ni// tshe ring nad kyang med pa dang // dpal dang 'byor pa 'phel ba dang // gdon dang 'byung po thub pa dang // lha srin mthu chen kun khol dang // dregs pa dbang phyug bka' nyan dang // ci bgyi la sogs bran bzhin 'khol// 'jig rten 'dir yang kun bsam 'grub// gzhan yang yon tan brjod mi lang / 'jig rten pha rol
- 515a
dag tu yang // bsgral ba rnams kyang mtho ris thob// bdag kyang byang chub gnyis su med// bsam pa 'byor pa'i shes rab lags// chos kyi sku 1dang dbyer med nas// ngan song gsum po sgo bkag nas// thar pa bde ba gnas kyang 'dren// sdig can gsad na las ngan 'chad// dam nyams bsgral na bka' gzhung brtan/ phyogs log bsgral na dkyil 'khor brtan// sku dgra bsgral na bar chad nyung // des na yon tan thob pa yin// des na legs pa kun 'phel te// 'bras bu nges par chud mi za// bla med go 'phang thabs kyang che// khro bo rgyal po thabs mkhas pas// bskal ba'i las rnams bya ba 'byung // dpa' bo chen pos yang dag bshad// 'di dag yon tan bstan pa ni// rigs 'dzin rnam gsum 'di las 'grub// dpal dang dang bas 'byor pa 'grub// legs pa'i lam rnams kun rdzogs te// gzhan yang 'dod pa'i yon tan rnams// yid la dmigs pa bzhin du 'grub// 'di ni brtsam pa'i dgos ched dang / yon tan ci thob bstan pa'i le'u ste bcu gnyis pa'o// / / de skad ces bcom ldan 'das badz+ra kI lA yas bka' stsal nas/ de nas karma he ru kas phyi nang gsang ba'i mchod pas mchod nas nyid kyi sku la mi snang ba'i tshul gyis
- 515b
thim par 'gyur to// phur pa bcu gnyis 'byung ba'i rgyud chung ngu/ bcom ldan 'das rdo rje gzhon nus gsungs pa rdzogs s+ho// // rgya gar gyi slob dpon bi ma la mi tra dang // lo ts+tsha ba gtags dz+nyA ne ku mA ras bsgyur cing zhus te gtan la phab pa'o// // rgya gar skad du/ kro d+ha hUM ka ra tA na tra ra tsa/ bod skad du/ rgyud kyi rgyal po khro bo hU~M ka ra'i rgyud/ bcom ldan 'das dpal khrag 'thung gi rgyal po la phyag 'tshal lo// 'di skad bdag gis thos pa'i dus gcig na/ bcom ldan 'das dpal khrag 'thung gi tshogs/ 'og min chos kyi dbyings kyi pho brang na// mtha' dang dbus med pa'i/ dar mor chos kyi 'byung gnas gru gsum e'i dkyil 'khor 'jam pa'i ga zhal yas khang na/ yum dang gnyis su med pa ru/ lhun gyis gnyis med du bzhugs te/ 'khor mche ba can gyi tshogs dang / gshog pa can gyi tshogs dang / mgo brnyan gyi tshegs mtha' dag gis bskor te/ rang bzhin lhun gyis grub par bzhugs so// de nas mgo brnyan gyi tshogs kyis/ bcom ldan khrag 'thung rgyal po la// phyi nang mchod pa mnyes byas nas// e ma'o// gsal ba yum gyi dkyil 'khor na// dus gsum 'du 'bral med par bzhugs// gnyis