ye shes mar me'i rgyud ces bya ba
Jñanakalatantranama
Text
ff. 132a–137b · 12 folio sides
- 132a
snying rgya 'jibs// ces dga' rab rdo rjes 'jam dpal bshes gnyen la gdam so// / de nas yang rim par gdam so// paN+Di ta dpal ldan seng ge'i 'od can dang lo tsA ba chen po bai ro tsa nas bsgyur ba'o// ye shes mar me'i rgyud 'azhug so// @#rgya gar skadadu/ dz+nyA na kA la tan+t+ra nA ma/ bod skadadu/ ye shes mar me'i rgyud ces bya ba/ bcom ldan 'das de pal rdo rje sems dpa' la phyag 'tshalo// 'di skad bdag gis bstan pa'i dus gcig na/ ma bris pa'i dkyil 'khor rang bzhin gyi gsel ba na/ srogs med ba'i sku/ sangs mi rgyas mi 'gyur ba chen po// longs spyod rdzogs pa'i sku dang / chos kyi sku zung thal chen po'i dgongs pa la bzhug so// 'di skad bdag gis thos pa'i dus gcig na/ rnam dag stug po bkod pa'i zhing khams/ 'phags pa na mkha' mdzod ces pa shin tu phung ba/ mtshan rdzogs rdo rje 'chang gi 'khor gyis bskor nas/ ye shes kyi dkyil 'khor gsal ba la bzhugs so// de'i tshe gsang ba'i bdag pos 'di skad ces zhus// kye bcom ldan 'das yang dag par rdzogs pa'i sangs rgyas bya ji tsam cig la zer ba yin zhes zhuso// de nas bcom ldan 'das kyis bka' stsal pa/ kye gsang ba'i bdag po khyod nyon cig/ rang gi snying gi dkyil na/ yang dge par rdzogs pa'i sangs rgyas/ rig pa ma 'gogs pa chos kyi sku/ lhun grub ye shes kyi kha mig can du bzhug so// shes rab la gsal ba longs spyod rdzogs pa'i sku/ shes rab
- 132b
kyi kha mig can du bzhugaso// gdul bya la snang ba thugs rje sprul pa'i sku/ 'od kyi kha mig can du bzhugaso// yangs sprul zer gyi kha mig can du bzhug so// de'i tshe gsang ba'i bdag pos 'di skad ces zhuso// kye ba ldan 'das/ rang gi snying gi dkyil na chos nyid sku lhun grub ye shes kyi kha mig tsam du ji ltar bzhugaso// zhes zhuso// de nas bcom ldan 'das kyis bka' stsal pa/ gsang ba'i bdag po// chos sku mtshan med dkyil na chos sku mtshan mar ma grub pas/ stong por bzhugaso// rig pa ma 'gags pas gsal bar bzhugaso// sgrib pa ma 'gags par zang thal du bzhugaso// zhes bka' stsal to// de nas yang gseng ba'i bad pos 'di skad ces zhuso// kye bcom ldan 'das/ rang gi snying gi dkyil na/ chos sku mtshan mar ma grub pa stong pa ji ltar bzhugs/ zhes zhuso// bcom ldan 'das kyis bka' stsal pa/ gsang ba'i bdag po// chos mtshan mar ma grub pas stong par bzhugs pa ni/ rang gi shes rig ngo bo seng nge ba 'di dngos po dang kha dog gar yang ma grub pas/ stong sang ba 'dug pa 'di yino// kye gsang ba'i bdag po/ gdos bcas sha khrag lus kyi stong / 'gyu byed yid kyi lus kyi stong ngo // dmigs pa tshur dag pa'i tingange 'dzin gyis lus kyi stong ngo // mtshan ma 'od kyi lus kyis stong / bcos byed shes rab kyi lus kyi stong pas/ mtshan mar ma grub pas stong / kyi gsong ba'i bdag po// gdos bcas sha khrag gi lus dang gcig/ 'gyu byed yid kyi lus dang gnyis/ dmigs pa rnam par dag pa'i ting 'dzin gyis lus dang gsum/ mtshan ma lus kyi 'od dang
- 133a
bzhi po de med pas stong par song / gcod byed shes rab kyi lus med pas stong par song ngo // zhes bka' stsal to// de nas yang gsang ba'i bdag pos 'di skad ces zhuso// kyai bac+doMs rang gi snying gi dkyil nas sangs rgyas rigs pa ma 'gags par gsal ba ji ltar lags/ zhes zhuso// bcom ldan 'das kyis bka' stsal pa/ gsang ba'i bdag po rang gi snying dkyil na/ chos sku rigs pa ma 'gags par gsal bar bzhugs pa ni/ rig pa rang gi ngo bo wa la le gsal ba 'di yin// kye gsang ba'i bdag po// rang gi rig pa skye shi med pas/ dus gsum mnyam pa nyi du gas lo// sangs rgyas kyi sku la mdun rgyab med pas/ ye shes zang thal du gsalo// ye shes rang gdangs la phyi nang med pa/ yul dang yul can gnyis med du gsalo// mkhyen pa la phyogs ris med pas/ ye shes kyi spyan la chos tha~Md kyi dgongs pa nyag gcig tu gsalo// zhes bka' stsal to// de nas yang gsang ba'i bdag pos 'di skad ces zhus// kyai bac+doMs rang gi snying gi dkyil na sangs rgyas kyi sku sgrib pa med par ji ltar bzhugaso// zang thal du ji ltar bzhugs/ zhes zhuso// bcom ldan 'das kyis bka' stsal pa/ gsang ba'i bdag po// sangs rgyas chos kyi sku bstan pa rang gi lus la rten nas yod// bzhugs pa rang gi snying gi dkyil na bzhu'o// gsal ba rang gi mig na phar gsol// sangs rgyas rang gi snying gi nang na bzhugs pas/ sha khrag gis lus kyis snum kyang ma 'thums par/ rang gi mig na phar mthong ba ma mthong ba ma 'gags par gsal ba'o//
- 133b
zang thal le gsal ba 'di ka sangs rgyas ye shes kyi sku zang thalo// kye gsang ba'i bdag po// dus snga phyis ma sgrib pas dus gsum du zang thal du bzhug so// rang gi rig pa skye 'chi med pa'i don yino// mtshan ma'i lus lngas ma sgrib pas/ zang thal du bzhugaso// sangs rgyas kyi sku la mdun rgyab med pa'i yon tan yino// las dge sdig gi bag tshogs kyis sgribs pas/ zang thal du bzhugaso// ye shes kyi gdangs la/ phyi nang med pas yul dang ye shes pa gnyisu med pa'i yon tano// mun nag gi rkyen gyis ma sgribs pas zang thal du bzhugs/ ye shes kyi spyan la gsal 'grib med pa'i yon tan yi no// zhes bka' stsal to// kye bcom ldan 'das lhun gyis grub pas/ thams cad du 'char gzhi ji ltar ma 'gags zhes zhuso// de nas bcom ldan 'das kyis bka' stsal pa/ kye gsang ba'i bdag po/ lhun gyis grub pa ni/ rang gi snying gi dkyil na rang gi rig pa 'od kyi phung por bzhugs pa yin no// thams cad 'char gzhi ma 'gags par ni/ rang gi rig pa mig ni phar song bas/ gzugs mthong ba ma 'grags par shar ro// rang gi mig gi mthong ba ma 'ag bas gsal ba de ka/ chos sku'i ye shes yino// rna bar sgra thos mkhyen gyi rig pa da ka yang chos kyi sku'i ye shes yino// rang gi rig pa sna nas phar song bas dri ma 'gags par myong // dri tshor mkhan gyi rig pa de rang chos kyi sku yino// rang gi rig pa mar la song bas/ pho mo'i dbang po spang bas bde ba ma 'gags par shar ro// bde ba myong mkhan gyi rigs pa de sangs rgyas chos kyi sku yin// de ngo shes par gyis shig ces
- 134a
bka' stsal to// de nas yang gsang ba'i bdag pos 'di skad ces nus// kye bcom ldan 'das shes rab la gsal ba longs spyod rdzogs pa'i sku/ shes rab kyi kha mig can gsung du gsol/ zhes zhuso// de nas bcom ldan 'das kyis bka' stsal pa/ gsang ba'i bdag po// shes rab kyi skur gsal ba longs spyod rdzogs pa'i sku/ ngo bo chos nyid stong pa nyid ye shes kyi bskur gsal bla/ sku dang ye shes rgyun ma chad do// kye rdo rje 'dzin pa/ shes rab kyi sku mtshan ma'i gzugs med pas/ sku dang ye shes tha dad du 'dzin pa'i rtogs pa las grol te/ ngo bo nyid chos kyi skur gsal/ shes rab rang gsal gyi sku la yul snang gzhan med pas/ rgyu rkyen gyis bskyed pa'i shes rab med do// rang byung ye shes su gsol/ ye shes rlung rta shes rab kyi lhar byung bas/ shes rab kyi sku'i zer 'dangs sku dang ye shesu shar bas/ shes rab kyi sku de sku lnga'i bdag por gsalo// zhes bka' stsal to// de nas yang gsang ba'i bdag pos 'di skad ces bka' stsal to// kyai bcom ldan 'das/ gdul bya la snang ba thugs rje sprul pa'i sku 'od kyi kha mig can gsung du gsol/ zhes zhus// de nas yang bac+doMs kyis bka' stsal pa/ kyai gsang ba'i bdag po/ de'i yon tan rnam par phye ba mdzadadu smi no// rang gi rig pa'i ngo bo stong par 'dug pa 'di/ chos kyi dbyings kyi ye shes yin// de'i gdangs 'od mthing khar sha ro// rang gi rigs pa ma 'gag par gsal ba 'di/ me long lta bu'i ye shes yino// de'i dngos 'od dkar por sha ro// de ngo shes pas sangs rgyas rdo rje sems dpa'i skungs pa/
- 134b
rgya'o// rang gi rig pa gsal stong dbyer med 'di mnyam pa nyid kyi ye shes yino// de'i 'dangs 'od ser por sharo// de ngo shes pas rin chen 'byung ldan du sangs rgya'o// rang gi rigs pa de shes rab kyi chal ma 'gag/ pa'i ngos nas/ so sor rtogs pa'i ye shes yino// de'i 'dangs 'od dmar por shA // de ngo shes pas snang ba mtha' yasu sangs rgyu'o// rang gi rig pa 'di thogs ma med pa'i dngos nas bya ba grub pa'i ye shes yin// de'i 'drangs 'od lhungs khur sha ro// de ngo shas na don yod grub par sangs rgya'o// kye rdo rje 'dzin pa khyod nyon cig/ ye shes lnga po 'di gzhi gnas pa'i ye shes bya'o// 'od lnga ni mtshan nyid 'dzin pa'i 'od ces bya'o// sku lnga ni sprul pa'i sku 'od kyi kha mig can yino// zhes bka' stsal to// de nas yang gsang ba'i bdag pos 'di skad ces zhus// kye bac+doMs/ sprul pa'i sku 'od kyi kho mig can de ltar lags na/ yang sprul zer gyi kha mig can gsungs du gsol/ zhes zhuso// de nas bcom ldan 'das kyis bka' stsal pa/ gsang ba'i bdag po// longs sku yab yum sbyor bar mdzad pa'i zhal gyi rabar nas/ yab kyi 'od 'od zer dka/ rol 'tsher ba/ yu gyi 'od zer dmar la dngas pa 'phros nas/ las dag pa'i gang zag 'phro 'du byed pa'i dus su/ yab kyi mig la thim nas sbrul tshigs kyi rta rgyud nas/ rdo rje'i khong seng gi lam du byon nas/ pad+ma'i rdzing bur byor pas/ yab yum gyi bde bas/ ngag gi sla ba rgyun chad// yid kyi rtog pa rgyun chang ngo // de ni sangs rgyas kyi bdeb de ltar bzhugs pa yin// yum gyi zam tog gi 'og pad+ma'i rdzing bu zla dgu ngo bcu bzhugs nas/ sems can
- 135a
gyi don mdzad pa de ni/ yang sprul zer gyi kha mig can yin no// zhes bka' stsal to// ye shes mar me'i rgyud las/ sangs rgyas sku bzhi bstan pa'i le'u ste dang pa'o// / de nas yang gsang ba'i bdag pos 'di skad ces zhuso// kye bcom ldan 'das/ yang dag par rdzogs pa'i sangs rgyas da de ltar rang gi lus la ji ltar bzhugs zhes zhus so// de nas bcom ldan 'das kyis bka' stsal pa/ kye gsang ba'i bdag po khyod nyon cig/ sangs rgyas chos kyi sku rang gi snying gi dkyil na bzhugaso// ye shes zang thal gyi sku rang gi mig gi dkyil na bzhugaso// sangs rgyas khro bo'i sku rang gi klad pa'i nang na bzhugaso// gi lus 'di la sangs rgyas kyi grong khor nyi khri tshig stong yod do// grong khar de dag thams cad ni sangs rgyas kyis skas khengs nas yod do// kye rdo rje 'dzin pa khod nyon cig/ rang gi spyi bo bde ba chen po'i rtsa'i dkyil na/ rang byung gi dbang po brgya byin sku mdog dkor por bzhugs so// rang gi lhag pa'i rtsa ba man gyi rwa lta bu'i nang na rang byung gi thag zangs ris sku mdog ljang khur bzhugaso// rang gi snying gi dkyil na rang byung gi sangs rgyas shAkya thub pa sku mdog ser por bzhug so// rang gi rgyab kyi srogs pa rtsa dmar po'i nang na rang byung gi gshin rje chos kyi rgyal po sku mdog dmar por bzhugaso// rang gi lte ba sprul pa'i 'khor lo'i rtsa'i nang na/ rang byung gi kha 'bar ma mdog smug por bzhug so// rang gi skang pa'i mthil gyi rtsa'i nang na/ rang byung gi a ba glang mgo can sku mdog por bzhug so// gsang ba'i bdag po rang gi spyi bo'i gzugs nas skang ba'i mthil yan chad sangs rgyas kyi
- 135b
grong khyer du shes par gyis shig/ ces bka' stsal to// ye shes mar me'i rgyud las rang gi lus la sangs rgyas bzhugs tshul bstan pa'i le'u ste gnyis pa'o// / de nas yang gsang ba'i bdag pos 'di skad ces zhuso// kye bcom ldan 'das/ sangs rgyas dgongs pa de ngo shes na sangs ji ltar rgya/ zhes zhuso// de nas bcom ldan 'das kyis bka' stsal pa/ kye rdo rje 'dzin pa khyod nyon cig/ sangs rgyas kyi dgongs pa de ngo shes nas/ gcig 'gags pas ldog tshul bzhi sgo nas sangs rgya'o// gcig skyes pas chos tshul lnga'i sgo nas sangs rgya'o// gcig gnas pas chos kyi snying po lnga'i sgo nas sangs rgya'o// zhi ba mya ngan 'das 'da'o// zhes bka' stsal to// de nas yang gsang ba'i bdag po rdo rje 'dzin pas 'di skad ces zhuso// kyai bcom ldan 'das sangs rgyas thugs rje can/ sangs rgyas kyi dgongs pa ngo shes pa de/ gcig 'gags ldog tshul bzhi sgo nas sangs ji ltar rgya/ zhes zhuso// de nas bcom ldan 'das kyis 'di skad ces bka' stsal to// kye rdo rje 'dzin pa gsang ba'i bdag po khyod nyon cig/ sangs rgyas kyi sku ngo shes pa ni/ gcig 'gags bas/ ma dag pa 'khrul pa'i snang 'di/ sangs rgyas kyi zhing khams rnam par dag par ldog pa 'di yino// 'khor ba'i grong khyer 'di ye shes kyi gzhal med khang du ldog pa yin no// yid rtog pa can 'di ye shes rtogs me ldogs pa yino// sha khrag gi lus gdos pa can 'di 'od kyi lus su ldog pa yin no// zhes gsungaso// de nas yang gsang ba'i bdag pos 'di skad ces zhus// kyai bcom ldan 'das 'khrul pa'i snang ba 'di dag pa'i
- 136a
snang ba ji ltar zlog/ ces zhuso// de nas bcom ldan 'das kyis bka' stsal pa/ kye gsang ba'i bdag po 'khrub snang 'gags pas/ snang ba thams cad dag snang du 'cha ro// dag pa'i snang ba shar bas de rang gi rim pa las byung / rang gi rig pa'i ngang du zhi/ nam mkha' dang sprin lta bur sangs rgya'o// zhes bka' stsal to// de nas yang gsang ba'i bdag pos 'di skad ces zhus// kyai bcom ldan 'dra/ 'khor ba'i grong khyer sangs rgyas kyi gzhal yas khang du ji ltar ldog ces zhus so// de nas bcom ldan 'das kyis 'di skad ces bka' stsal to// kye gsang ba'i bdag po 'khor ba'i 'di rang gi rig pa rang las shar/ rang gi rig pa'i ngang du grol/ nyi ma dang zer lta bur sangs rgya ba yin// zhes gsungaso// de nas yang gsang ba'i bdag pos 'di skad ces zhus// kyai bcom ldan 'das yid rtogs pa dang bcas pa 'di ye shes rtogs med du ji ltar bzlog ces zhus so// de nas bcom ldan 'das kyi 'di skad ces bka' stsal to// gsang ba'i bdag po rnam par rtogs pa thams cad rang gi rig pa rang la snang / rang gi rig pa rang la ldog/ rgya mtsho dang chu bran lte bur sangs rgya ba yino// zhes gsungaso// de nas yang gsang ba'i bdag pos 'di skad ces zhuso// kye bcom ldan 'das/ rang ngo rang gi shes pas sha khrag gi lus 'od gyi lus su ji ltar ldog/ ji ltar grol zhes zhuso// de nas bcom ldan 'das kyis 'di skad ces bka' stsal to// gsang ba'i bdag po 'od lnga rang la gsal/ rang 'od kyi ngang du 'dug/ man shel dang snang ba lta bur sangs rgya ba yino// zhes gsungs
- 136b
so/ de nas yang gsang pa'i bdag pos 'di skad ces nuso// kye bcom ldan 'das/ gcig shes pas chos tshul lnga'i sgo nas sangs ji myu rgya/ zhes nuso// de nas bcom ldan 'das kyis bkara' stsa pa/ kye rdo rje 'dzin pa chen po// gcig shes pas chos tshul lnga'i sgo nas sangs rgya'o// rigs kyi bu 'di lta ste/ sku las 'das pa ye shes kyi sku ru sangs rgya'o// yid las 'das pa shes rab kyi sku ru sangs rgya'o// chos las 'das pa sangs rgyas kyi sku sangs rgya'o// 'byung ba las 'das pa rang gdangs kyi sku ru sangs rgya'o// tshig las 'das pa rang snang gi sku ru sangs rgya'o// zhes bka' stsal to// de nas yang bcom ldan 'das kyis 'di skad ces bka' stsal pa/ gsang ba'i bdag po gcig skyes pa ni/ yul shes su skyes pa yino// chos tshul lnga ni chos kyi sku'i gnas lugs lnga ru shes pa yin// sangs rgyas pa ni snang ba thams cad rang gi rig pa la thim/ rig pa ka dag gis sa la rang sa zin nas mi 'gyur ba yin no// zhes gsungaso// de nas yang gsang ba'i bdag pos 'di skad ces zhuso// kye sangs rgyas thugs rje can/ sku las 'das pa'i ye shes su ji ltar rgya/ zhes zhuso// de nas bcom ldan 'das kyis 'di skad ces bka' stsal to// kye gsang ba'i bdag po// sku las 'das pa'i ye shes ni/ gzugs sku las 'das nas chos sku stong pa/ stong pa ye shes kyi snying po can/ 'od lnga'i phung por bzhugs pa yino// yid las 'das pa'i shes rab ni/ yid rtogs bcas las grob cing 'das nas/ shes rab rtsoms
- 137a
med kyi sku ru bzhugs pa yin// chos las 'das pa'i sangs rgyas ni/ 'bad rtsol dang bral te rang gi rig pas rang ngo shes nas sangs rgyas yino// 'byung ba lnga mdud pa las grol nas/ rang gi rigs pa'i rang gdangs 'od kyi phung po chen po dang 'du 'dral med par bzhugs pa yino// tshig las 'das pa'i radwa nI/ lus ngag yid gsum sku gsum thugasu mthar phyin nas/ gzung 'dzin dang bral ba'i rig pa rang gsal rtogs pa med par gnas pa yino// zhes bka' stsal to// de nas yang gsang ba'i bdag pos 'di skad ces gsol to// kyai sangs rgyas thugs rje can/ gcig gnas pas snying po lnga'i sgo nas sangs rgyas zhi ba mya ngan las ji ltar 'da'/ zhes gsol to// de nas bcom ldan 'das kyis 'di skad ces bka' stsal to// kyai gsang ba'i bdag po rdo rje 'dzin pa chen po// gcig gnas pa ni sha khrag gi lus 'od kyi lus su gnas pa yino// snying po lnga ni/ sangs rgyas chos kyi sku stong pa rig pa'i snying po can du gnaso// rigs pa shes rab kyi snying po can du gnaso// shes rab thugs rje'i snying po can du gnaso// thugs rje'i ye shes kyi snying po can du gnaso// ye shes 'od kyi lus can du gnas// 'od mtha' med pa'i yul can du gnaso// de ngo shes pas mchog/ don de la ni sgom du me // zhes rgyal ba rdo rje sems dpa'i zhal nas gsungaso/ ye shes mar me'i rgyud las/ grol tshul bstan pa'i le'u gsum pa'o// / sgron ma rnam par bkod pa'i rgyud ces bya ba/ sangs rgyas rdo rje sems dpa'i zhal nas gsungs pa ji/
- 137b
so ma tsho gas gsus pa'i rgyud bachug // rgya gar skadu/ sa mdzin ya~M trinA ma tA nA tra/ bod skadadu/ sangs rgyas ye shes sems dpa'i dgongs pa tshigs gsum pa zhes bya ba'i rgyud/ bcom ldan 'das mgon po 'od mi 'gyur ba la phyag 'tshalo// ye shes kyi snang ba 'gag pa med pa 'od kyi dkyil 'khor chen po gsal ba'i klong na/ rang snang rtogs pa'i 'khor rigs lnga dang / snang ba 'od kyi phung po la 'du 'brel med par bzhugaso// 'di skad bdag gis thos pa'i dus cig ni/ sangs rgyas 'od mi bskyod pa'i zhing khams mngon par dga' ba'i tshal na/ rgyal ba rdo rje sems dpa' la/ rigs kyi 'khor bya ba khrag khrig sa yas bskor na/ rang gi rig pa'i ye shes/ ye nas rang bzhin 'od kyi phung po chen por gsal ba'i ngang la bzhugs/ de'i tshe gsang ba'i bdag pos/ sangs rgyas 'od dpag med/ chen po la/ 'di skad ces gsol to// kye sangs rgyas thams cad kyi mes po ma rig pa'i sems can rnams la/ sangs rgyas gang yin gsung du gsol/ zhes zhuso// de nas bde bar gshegs pa thams cad kyi mes so// sangs rgyas 'od mi 'gyur ba chen pos 'di skad ces bka' stsal to// kye gsang ba'i bdag po khyod nyon cig/ rang gi shes rig gi ngo bo// sang nge ba 'di dngos po dang kha dog gi ngo bor yang ma grub par sto/