N987MW22704_0987rgyud 'grelAll versions of this work

de kho na snying po zhes bya ba'i sgrub pa'i thabs

Tattvagarbhanāmasādhana

Text

ff. 137b–139b · 3 folio sides

  1. 137b

    phyag rgya drug dang ldan/ /mi yi phreng ba'i dbang po dang/ /khams gsum tha dad med pa nyid/ /gnas ngan len sogs ma rungs dag /btsam phyir stag lpags na bza' bsnams/ /zhal sprad chos kyi phyag rgya ste/ /las kyi nang du bskul mdzad cing/ / dam tshig skad cig phag mo dang/ /'khyud pas phyag rgya chen por ldan/ /ye shes chen po sdom mdzad pas/ /ral pa zla bas mtshan pa 'chang/ /la la nA sogs kyis brgyan pa/ /steng 'og 'jal ba'i spyan dang ldan/ /mthar bcom nam mkha' lding dang ni/ /thod pa yis ni thod kyis mtshon/ /rgyu 'bras mnyam par sbyor bas na/ /dbus ma rigs lnga'i bdag nyid can/ /byang chub phyogs dang bdud rtsi'i khams/ /gsang ba'i gnas kyi spyod yul nyid/ /mngon shes go cha dam pa yi/ / snying sogs yan lag rnam drug mtshan/ /rtse gsum gri gug dgra sta sogs/ /thod pa kha TwAM zhags pa dang/ /tshangs mgo rdor dril glang po yi/ /pags bsnams nam mkha' dang 'dra ni/ /tshim dang chang dang 'jigs pa dang/ /sad dang ye shes bzhi 'dzin phyir/ /bdud bzhi po ni bkug pa yi/ /dag pa'i phyag ni rnam par brgyan/ /rnam pa kun tu rgya che ba/ /spro dang bsdu bar mdzad pa'o/ /zhi gnas rnam par rtogs med bdag /dag pa'i blo ni gcig par 'grub/ /phung po la sogs byin brlabs pa/ /sems rgyud dgod pa'i rgyur 'gyur bas/ /rnam rtog gzugs brnyan yin pa'i phyir/ /bya min rnal 'byor mthar son pos/ /yi ge nyi shu rtsa bzhi yis/ /mgo sogs gnas rnams dgong bya zhing/ /go cha chen po dang ldan pas/ /ye shes phyag rgya rab tu bstan/ /ye shes sku lus spyi tshugs su/ /mkha' las rab tu 'bab 'gyur ba/ /zhu ba'i ye shes bdud rtsir ro/ /hi ru ka yi rnam pa ni/ /'bab pa gang yin rgyu mi 'gyur/ /bcas pa'i khams gsum 'di khyab pa/ /shin tu bsil ba steng gi

  2. 139a

    sgo/ /dza lan d+ha ra gnas gzhug bya/ /gnas su rgyu ba'i sbyor bas ni/ /thim dang longs spyod dbang byas pa'i/ /rim gyi zla ba mthar rgyas shing/ /rang bzhin dri ma med pa'i lus/ /nges rgyas g.yo ba med pa dang/ /gnyis med gnyis su med ba dang/ /lhan cig skyes dga' dam pa'i dngos/ /dngos dang dngos ming spyod dang bral/ /sprul pa chos dang longs spyod dang/ /bde chen 'khor lo rnam par brgyan/ /a haM ka ras bskyed pa yi/ /ye shes srad bus rab brgyus shing/ / sprul pa'i lus las yang dag 'byung/ /dag pa'i shel ltar dri med cing/ /sngags phreng brjed med skad cig dang/ /ldan pa'i sbyor ba bzlas brjod bya/ /ji srid 'bar bar 'gyur ba na/ /skad cig 'jig rten gsum sreg byed/ /mi shigs yi ge'i sgo nas ni/ /bsil byed zhu ba g.yos 'gyur ba/ /lan stong bdud rtsi'i rgyun sum cu/ /rtsa gnyis yan lag spros ba che/ /ma yi mdza' ma'i mthar thug bzhi/ /gang ba rgyun chen 'gyur ba med/ /'khor lo'i mthar thug g.yo zhing 'bab/ /bde chen nam mkha' khyab par byed/ /skra grol mthon por rab 'dug cing/ /gcer bur gnas pa'i sgrub pa mchog /lus ni lho ru mngon phyogs te/ /yi ge pheT sgrogs rkang pa ni/ /mnan cing gyen du blta ba nas/ /nam byed gtor ma btang bar bya/ /sum cu rtsa drug rnam rig can/ /ting 'dzin stobs kyis dag pa'i phyir/ /skad cig ma yis rnal 'byor bdag /gnyis bo thams cad rnam par spangs/ /cho ga'i rnam pa 'di yis ni/ /myur du dngos grub 'thob byed cing rdo rje byang chub myur 'di byas/ /kun mkhyen ye shes snying po dad khams blo chen 'jam dpal dang 'dra mkhas pa rnams/ /mi shes rtsa ba las byung rmongs pa mi mthun byas pa gang yin de bzod mdzod/ /rdo rje mkha' rgyu 'byung ba ma lus

  3. 139b

    'bar mdzad cing/ /pad mchog rgyas dang rtogs pa'i me tog rgyas mdzad pa/ /nyi ma lta bur gzi brjid dang ldan bram ze? mchog /dpal ldan bla ma shar ba'i dam tshig drin gyis bsdebs/ /'di las bdag gis dge ba ni/ /dri med bsags sgrub ster byed pa/ /thob des 'gro ba ma lus 'di/ /rdzogs pa'i byang chub mthar bgrod shog /de kho na'i snying po zhes bya ba'i sgrub thabs/ slob dpon dang byed go chas mdzad pa rdzogs so// //kha che'i mkhan po bi na ya ka dang/ /le tsa ba dge slong blo ldan shes rab kyis bsgyur ba'o// //bcom ldan 'das 'jam pa'i rdo rje la phyag 'tshal lo/ /bcom ldan rje btsun dpal he ru ka'i rnam par dag pa gsungs pa ni/ yang dag pa'i ting nge 'dzin rnam par dag pa'i rang bzhin can no/ /yang dag pa ni phyin ci ma log pa ste/ nyan thos la sogs dang thun mong ma yin pa'i phyir ro/ /sems so sor rig pa la sogs pa zla ba dang/ rdo rje'i rnam pa dang/ rigs lnga dang/ bung po gcig gi rnam par shes pa'i rang bzhin nyid yin pa'i phyir/ de nyid ni mos pas spyod pa'i sa yin la /mos pa ni lhag par mos pas te/ khyad par can gyi lha'i rnam pa bsgom pa'i byang chub kyi phyogs kyi chos ma lus pa ro gcig pa'i bdag nyid can gyi spyod pa ni/ /ma rig pa'i gnyen po yin pa'i phyir ro zhes bya ba'i don to/ /yang na dngos po so so'i rnam par dag pa gzhan dang gzhan yin te/ zhal bzhi ni dga' ba bzhi'i rang bzhin can te/ 'byung ba chen po bzhi 'dus te reg pa las byung ba'i dga' ba dang/ stong pa nyid la sogs pa rnam par thar pa'i sgo'i khyad par can gyi 'bras bu'i rang bzhin yin pa'i phyir ro/ /de la phyag bcu gnyis kyi dang po na Da ma ru ni/ sbyin pa'i pha rol tu phyin pa'i rnam

Colophon

de kho na'i snying po zhes bya ba'i sgrub thabs//slob dpon dad byed go chas mdzad pa rdzogs so//kha che'i mkhan po bi na ya ka dang //lo tsA ba dge slong blo ldan shes rab kyis bsgyur ba'o