F369MW1KG13607_0369mdo sdeAll versions of this work

'khar gsil bcang ba'i kun tu spyod pa'i cho ga

Text

ff. 148b–150a · 4 folio sides

  1. 148b

    na med pa mkhas pa dang ldan pa'i sems can yang rnyed par 'gyur/ tshe 'di la yon tan 'di dag thob par 'gyur te/ sha ri'i bu de bzhin gshegs pa de ni yon tan dang phan yon chad med do// de'i nas bcom ldan 'das kyis de'i tshe tshigs su bcad pa 'di dag gsungs so// nam mkha' yongs su brgyan pa'i zhingad de na grags chen sangs rgyas na// chos kyi nam mkha' sgron ma mtshan// skyes bu dag gi khyud mchog ste// de'i mtshan kyang thos nas ni// skal ba drug bcur phyir zlog cing // bla med sangs rgyas chos rnams dang // sangs rgyas 'gro ba'ang thob par 'gyur// sangs rgyas dpa' bo chen po dag/ tshe 'di nyid la mthong bar 'gyur// lhag pa'i bsam pa byams pa'i sems// dkyil 'khor lnga yis phyag byas te// mi lam na yang rdzogs sangs rgyas// kun tu bzang po mthong bar 'gyur// yid kyi rtog pa gzhan mi sems// chos kyi rgyal po drug nas su/ ges la mkhas pa'i sems can rnams// bsnyen bkur bya ba brnyed par 'gyur// de'i tshe 'di'i yon tan te// ston pa yon tan chad med cing // chos kun gyi yang pha rol byin// phun sum tshogs pa kun gnyer bas// byams pa'i sems kyis phyag gyis shig/ steng gi phyogs shin tu rnam par

  2. 149a

    bye ba'i 'jig rten gyi khams na/ de bzhin gshegs pa yon tan thams cad 'byung ba zhes bya ba bzhugs so// ci'i phyir 'jig rten khams de shin tu rnam par phye ba zhes bya zhe na/ 'jig rten gyi khams de gzhi ga ser la/ bai DUr+yas mig mangs ris su bris pa/ mig mangs ris thams cad nas/ me tog gi shing dang / rin po che'i shing dang / tsan ngan sogs pa spos kyi shing dag gis/ shin tu rnam par phye zhing / de dag las dri byung bas/ sangs rgyas kyi zhing thams cad gdug gcig tu khyab par 'gyur ro// de bzhin gshegs pa yon tan thams cad 'byung ba de/ chos kyi gnas la bzhugs pa'i mtshan thos nas/ dbang po thams cad rab tu rnam par bya ba yongs su 'dzin to// sangs rgyas kyi chos rab tu rnam par phye ba yang yongs su 'dzin to// bskal pa brgyad bcur 'khor ba la rgyab kyis phyogs par yang byas par 'gyur ro// de nas de'i tshe bcom ldan 'das kyis tshigs su bcad pa 'di dag gsungs so// 'jig rten khams ni bla med pa// shin tu rnam par phye zhes bya// shin gyis mig mangs ris su byas// spos kyi shin tu mdzes// de dag las ni dri byung bas// sa kun tu yang rgyas par 'gyur// gdugs cig tu ni byas rag ser

  3. 149b

    nas su// bar snang la yang de bzhin sngo// de la sangs rgyas bzhugs pa ni// yon tan yan lag thams cad 'byung // ming mtshan shin tu phun sum tshogs// chos kyi rgyal po 'jigs med de// de'i mtshan kyang thos nas ni// yan lag thams cad mdzes par 'gyur// byad bzhin bzang zhing lta na sdug/ gzugs mdzes mthong na dga' ba dang // shin tu bye ba'i lus su 'gyur// chu zheng gab pa n+ya gro bzhin// dpal gyis shin tu 'bar gyur cing // sangs rgyas dag gi zhing du 'gro// bskal pa brgyad bcur 'dor bar byed// 'dus byas rnams kyang rnam par zlog/ sangs rgyas rnams phye ba yang // rnam pa thams cad myur du 'thob// yon tan yan lag kun 'byung ba// sangs rgyas rjes su dran byas na// yon tan phan yon dag pa na// sangs rgyas chos kyi go 'bangs granas// steng gi phyogs na 'jig rten gyi khams bzang po'i mchog ces bya ba na/ de bzhin gshegs pa bzang po'i tog gi rgyal mtshan rgyal po zhes bya ba bzhugs te// de'i mtshan thos na sangs rgyas kyi chos rnams las phyir mi ldog par 'gyur ro// de dag gis bskal pa lnga bcur 'khor ba la rgyad kyis phyogs pa byas par 'gyur ro// de nas de'i tshe bcom ldan 'das kyis tshigs su bcad pa 'di dag gsungs so// 'jig rten khams ni bzang

  4. 150a

    // mchog ste// bzang po dga' ba zhes kyang bya// de nas rdzogs pa'i sangs rgyas na// bzang po dga' ba zhes kyang bya// de na rdzogs pa'i sangs rgyas na// bzang tog rgyal mtshan drang srong ste// rgyal mchog chos kyi rgyal po yin// mtshan mchog sum cu rtsa gnyis ldan// de'i mtshan kyang thos nas ni// sangs rgyas chos rnams mi 'bri zhing // bskal pa dag ni lngar bcur yang // 'khor ba dag ni rnam par spang // 'jig rten du yang myur bar ni// grangs chen lha'i lhar 'gyur ro// steng gi phyogs na 'jig rten gyi khams rin chen rigs shes bya ba na/ de bzhin gshegs pa rin po che thams cad kyis brgyan pa'i gzugs 'dzin pa zhes bya ba bzhugs so// ci'i phyir 'jig rten gyis khams de rin po che'i rigs shes bya ba zhe na/ 'od srung sangs rgyas kyi zhing de'i sems can rnams/ bla na med pa yang dag par rdzogs pa'i byang chub tu yang dag par rab tu bzhugs te/ sangs rgyas kyi zhing de nas se go la gtogs pa tsam gyis/ byang chub sems dpa' bye ba khrag khrig brgya stong mang po// phyogs bcu'i 'jig rten gyi khams gang ga'i klung gi bye ma snyed kyi sems can rnams byang chub tu yongs su smin par byed/ sangs rgyas bcom ldan 'das la mchod pa byed cing / phyir yang

Colophon

'khar gsil gyi mdo dang/ cho ga 'di zhu chen gyi lo tsha ba ban de chos grub kyis/ rgya'i dpe' las bsgyur cing zhus te gtan la phab pa/