F259MW1KG13607_0259mdo sdeAll versions of this work

'phags pa lhags pa'i bsam gtan pa'i le'u zhes bya ba theg pa chen po'i mdo

Āryadrudhaadhaśayabanirtonāmamahayanasūtra

Text

ff. 222a–237b · 32 folio sides

  1. 222a

    mngo/ thos nas/ bdag gis byang chub dam pa thob par bsams/ gang gi lag na mdo sde 'di yod pa/ de ni da ltar 'jig rten phyag bya ba'i 'os/ de ni 'jig rten mgon po rnams par 'dren/ khrid byed rnam par khri byed sngags pa'i 'os gang gis lag la mdo sde 'di yod pa/ de ni de ltar chos kyi rgyal zhe bya/ gang gis lag na mdo sde 'di yod pa/ mi'i khyu mchog chos kyi sgron ma 'dzin/ de ni zla ba nya lta bur blta ba'i 'os/ 'jig rten mgon po lta bur phyag bya'i gnas/ bcom ldan 'das kyis de skad ces stsal nas/ byang chub sems dpa' rdo rje'i blo gros dang / thams cad dang ldan pa'i byang chub sems dpa'i tshogs de dang nyan thos chen po de dag dang / 'khor bzhi po dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa mngon par stod do// 'phags pa de bzhin gshegs pa'i snying po zhes bya ba theg pa chen po'i mdo// rdzogs s+ho/ rgya gar skad du/ ar+ya dri d+ha a d+ha sha ya ba ni rto nA ma ma ha ya na sU tra/ bod skad du// 'phags pa lhags pa'i bsam gtan pa'i le'u zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus

  2. 222b

    gcig na/ bcom ldan 'das rgyal po'i khab na bya rgod phung po'i ril/ dge slong nyi brgya lnga bcu'i dge 'dun chen po dang / byang chub sems dpa' lnga brgya tsam dang / thabs cig tu bzhugs so// de'i tshe byang chub sems dpa' lhag pa'i bsam pa bstan pa/ nang par sngaran sham thabs dang chos gos bgos lhung bzed thogs te/ rgyal po'i khab du bsod snyoms la song ngo // de nas byang chub sems dpa' lhag pa'i bsam pa brtan pa'i bsod snyoms kyi phyir/ rgyal po'i khab kyi grong khyer chen por mthar chags su rgyu ba na/ tshong dpon zhig gi khyim na/ bu mo gzugs zang ba mdzes pa/ blta na sdug pa/ kha dog bzang po rgyas pa mchog dang ldan pa zhig yod pa mthong ngo // des bu mo de mthong nas 'dod chags kyi yongs su gdung ba skyed de/ des mi sdug pa yid la bya'o snyams du bsam kyang / de'i sems sdug pa'i mtshan 'ba' shig gis yongs su zad de/ 'dug par gyur to// de byang chub sems dpa' lhag pa'i bsam pa brtan pa/ dga' bar 'dzin pa'i sems kyis khyim de nas bsod snyoms ma blangs pa rgyal po'i khab nas lhung bzed stong bzhin du phyir song ste/ 'dod pa'i rtogs pa de yid la mi bya bar bya ba'i phyir 'bad na/ sa sor btags pa'i sems kyis kyang 'dod pa'i rtog pa gsal ma nus nas// bcom ldan 'das kyis lha'i spyan rnams par dag pa/

  3. 223a

    mi'i las 'das pas byang chub sems dpa' lhag pa'i bsam pa brtan pa'i 'dod pa'i rtog pa dang ldan pa/ so sor rtog pa'i stobs// kyis kyang 'dod rtog pa bsal ma nus pa gzigs so// de nas bcom ldan 'das kyis byang chub sems dpa' lhag pa'i bsam pa brtan pa 'dul bar bya ba'i dbang gi phyir/ byang chu sems dpa' lhag pa'i bsam pa brtan pa/ lam rnam gang nas 'gro ba'i lam der tshong dpon gyi bu mo de ci 'dra ba'i bu mo de 'gro ba'i zhig tu sprul nas/ byang chub sems dpa' lhag pa'i bsam pa bstan pas sprul pa'i bu mo de mthong ngo // mthong nas kyang 'di skad ces smras so// rigs kyi bu khyod gar 'gro// sbrul pa'i bu mos smras pa/ khyod gar bzhug pa der bdag mchi'o// de nas byang chub sems pa lhag pa'i bsam pa rtertan pa 'jigs shing skrag nas bros so// bros nas ri bgrod dka' ba zhig tu song ngo // sprul pa'i bu mo de yang ri bgrod dka' ba de nyid du song ngo // de nas byang chub sems dpa' lhag pa'i bsam pa brtan pa lus ngal chad de 'dug go// sprul pa'i bu mo de yang byang chub sems dpa' lhags pa'i bsam pa brtan pa'i mdun du 'dug go// 'dug nas kyang tshig su bcad pa 'di skad ces smras so// bdag ni sems kyang spang bar gyis/ lus ni bros pas ci zhig bya/ brtan po lus ni bros pa yin/ 'dod chags spod par mi 'gyur ro// de nas/

  4. 223b

    sprul pa'i bu mo des tshigs su bcad pa de skad ces smras nas/ ri bgrod dka' ba de las lhung ngo // lhung nas de'i mgo bo yang logs shig tu song ngo // lag pa yang log shig/ rkang pa yang log shig/ yan lag dang nyid lag rnams dang log shig tu song ste/ 'di lta ste dper na/ kha ba bcangs pa las/ rab tu dres shing rab tu zhu nas/ sa la thim pa de bzhin du/ sprul pa'i bu mo de de nyid du mi snang bar gyur to// de nas byang chub sems dpa' lhag pa'i bsam pa brtan bas/ sprul pa'i bu mo de ma mthong nas/ 'dod chags kyi sems de nyid zhi bar gyur te/ de skyo ba chen po skyes so// de nas skyo ba chen po thob nas/ sprul pa'i tshigs su bcad de smras pa/ de mngon sum du 'gyur nas/ de 'di snyam du sems nas te/ rang bzhin 'di dag thams cad bcom ldan 'das la bdag gis gsol to// de ltar byas na bcom ldan 'das kyi thugs kyis sems mkhyen nas/ ci nas bdag gis chos mngon par rtogs par gyur chos ston par 'gyur ro snyam mo// de nas byang chub sems dpa' lhag pa'i bsam pa brtan pa bgrod dka' ba de nas byung nas/ bcom ldan 'das ga la ba der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// de'i tshe bcom ldan 'das 'khor 'bum phrag du mas yongs su bskor cing mdun

  5. 224a

    gyis bltas nas chos ston to// de nas byang chub sems dpa' lhag pa'i bsam pa brtan pos/ bcom ldan 'das kyi bka' mchid rdzogs par rigs nas/ bla gos phrag pa gcig tu bzar te/ pus mo g.yas pa'i lha nga sa la btsugs nas/ bcom ldan 'das ga la ba der logs su thal mo sbyar ba btud te/ bcom ldan 'das la rang bzhin thams cad gsol to// bcom ldan 'das kyis bka' stsal pa/ rigs kyi bu gang lam gyis 'byung ba yod su tshol ba de ni de bzhin te/ rigs kyi bu de bzhin gshegs pas ni chags par 'gyur ba'i chos rnams spangs pas/ 'dod chags spongs pas ma gsungs so// de bzhin du zhe sdang bar 'gyur bar dang / gti mug par 'gyur ba'i chos rnams spangs pas/ de bzhin gshegs pas gti mug spongs par ma gsungs so// de ci'i phyir zhe na/ rigs kyi bu de bzhin gshegs pas ni chos gang dor bar bya ba dang / thob par bya ba'i phyir chos mi ston to// yongs su shes par bya ba dang / yongs su spang bar bya ba dang / bsgom par bya ba dang / mngon sum du bya ba dang / mngon par rtogs par bya ba dang / 'khor ba las bskyod par bya ba dang / mya ngan las 'das par grol bar bya ba dang / gsal bar bya ba dang / gzhag par bya ba dang / dbye bar bya ba'i phyir chos mi ston to// rigs kyi bu gnyis su dbye ba ni de bzhin gshegs pa

  6. 224b

    rnams kyi chos nyid ma yin no// gnyis su spyod pa gang yin pa de dag ni yang dag pa la zhugs pa ma yin no// gnyis su spyod pa gang yin pa de dag ni yang dag pa la zhugs pa ma yin no// gnyis su sbyor ba gang yin pa de dag yang dag pa la zhugs pa ma yin no// rigs kyi bu gnyis gang zhe na/ bdag gis 'dod chags spangs par bya'o// bdag gis zhes sdang spang bar bya'o// bdag gis gti mug spang bar bya'o snyam pa 'di ni gnyis so// de ltar sbyor ba gang yin pa de dag ni yang dag pa la zhugs pa ma yin te/ de dag ni log par zhugs pa zhes bya'o// rigs kyi bu 'di lta ste dper na/ mi la la zhig gis/ sgyu ma mkhan gyi rol mo byung ba'i tshe/ sgyu ma mkhan gyis sprul pa'i bud mthong nas 'dod chags kyis sems dkris nas/ 'khor gyis 'jigs shing bag cha ste/ stan las langs nas song ste/ de/ ngag song nas bud med de nyid la mi sdug pa yid la byed cing mi rtag pa dang / sdug bsngal ba dang / stong pa dang bdag med par yid la byed pa rigs kyi bu 'di ji snyam du sems/ ci mi de yang dag par zhugs pa ma yin nam/ 'on te log par zhugs pa yin/ gsol pa bcom ldan 'das gang bud med ma mchis pa la mi sdug par yid la bgyid cing mi rtag pa 'am/ sdug bsngal ba dang / stong pa dang bdag med par yid la bgyid pa'i mi de'i mngon par brtson pa de ni/

  7. 225a

    pa lags mngon/ logs so// bcom ldan 'das kyis bka' stsal pa/ rigs kyi bu 'di na dge slong dang / dge slong ma dang / dge bsnyen dang // dge bsnyen ma kha cig ma skyes byung ba'i chos rnams la mi rtag pa yid la byed cing mi sdug pa dang / sdug bsngal ba dang / stong pa dang / bdag med par yid la byed pa gang yin pa rnams kyang de dang 'dra bar bya'o// nga ni blun po de dag la lam sgom pa yin no// zhes mi smra ste/ de de dag ni log par zhugs pa zhes bya'o// rigs kyi bu 'di lha dper na/ mi la la gnyis log pa'i mi lam du/ bdag khyim du rgyal po'i btsun mo mthong nas de dang lhan cig nyal bar byed de/ dran pa nyams pa'i phyir bdag ni sad do snyams du sems nas/ rgyal pos mtshor grang des bdag gsad du 'ong ngo snyam nas/ de 'jigs shing skrag ste bros na 'di ji snyam du sems/ ci mi de 'jigs skrag ste bros pas rgyal po'i btsun mo'i phyir 'jigs pa de las thar bar 'gyur ram/ gsol pa bcom ldan de ni ma lags so// de ci'i slad du zhe na/ bcom ldan 'das 'di ltar mi des bu med ma mchis par bud med kyi 'du shes bskyed de/ yang dag pa ma lags pa kun rtogs pa'i slad du'o// bcom ldan 'das kyis bka' stsal pa/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig 'dod chags med pa la/ 'dod chags kyi 'jigs pas skrag ste/ 'dod

  8. 225b

    chags las nges par 'byung ba yongs su tshol ba dang / de bzhin du zhe sdang med par zhe sdang gi 'du shes bskyed/ gti mug gi 'dus shes bskyed nas/ gti mug gi/ 'jigs pas skrag ste/ gti mug las nges par 'byung ba yongs su tshol pa gang yin pa rnams kyang de dang 'dra bar blta bar bya'o// nga ni mi blun po de dag la lam bsgom pa yin no zhes mi smra ste/ de dag ni log par zhugs pa zhes bya'o// rigs kyi bu 'di lta ste/ dper na/ mi de med bzhin du bsgo ba sgro btags pas/ 'jigs pa med pa'i 'du shes bskyed pa de bzhin du/ rigs kyi bu byis pa so so'i skye bo rnams ni 'dod chags ma shes nas/ 'dod chags kyi mtha'i 'jigs pas skrag ste/ 'dod chags kyi mtha' las nges par 'byung ba yongs su tshol lo// zhe sdang gi mtha' cing yang med pa'i mtha' ma shes nas/ zhe sdang gi mtha' 'jigs pas skrag cing / ci yang med pa'i mtha' las nges par 'byung ba yongs su tshol lo// gti mug gi mtha' stong pa nyid kyi ma shes nas/ gti mug gi mtha'i 'jigs pas skrag ste/ stong pa nyid kyi mtha' las nges par 'byung ba yongs su tshol bar byed do// nga ni mi blun po de dag la lam sgom pa yin no// zhes mi smra ste/ de dag ni log par 'jugs pa zhes bya'o// rigs kyi bu 'di lta ste dper na/ mi la la zhig sos kyi zla ba tha ma'i nyi ma'i gung la lam du zhugs

  9. 226a

    mngon/ @nas/ tsha bas nyan te ngal chang na/ skom zhing gdungs te shin tu so sor stobs dang ldan par gyur nas des/ 'brog dgon pa'i/ smig rgyu'i chu 'dal pa chen po rgyun 'ba' par mthong la/ de de 'di ltar so sor rtogs par byed de/ bdag khyim du phyin kyi bar du re shig chu 'di btung bar mi bya'o snyam nas/ smig rgyu de bor te rang gi khyim du song ngo // rang gi khyim du song nas bdag skom la/ chu mthong bzhin du ma 'thungs par bor ba ni/ bdag gis ngo mtshar cig byas so// bdag gi mchog tu ngo mtshar ba zhig byas so zhes mched du brjod na/ rigs kyi bu 'di ji snyam du sems/ mi des chu med cing yod pa ma yin pas ma 'thung te/ bor ba la ngo mtshar gcig byas pa yod dam/ gsol pa/ bcom ldan 'das de ni mags so// de ci'i slad du zhe na/ bcom ldan 'das de na chab kyang ma mchis/ chab du bdags pa yang ma mchis te/ bcom ldan 'das mi de ni chab ma mchis par 'du shes 'khrul te/ de de chab dor bar so sor rtogs par bgyid cing / mi bden pa'i dga' ba dang / mchog tu dga' ba bskyed nas/ dga' ba des mgu bar 'dzin par byas so// bcom ldan 'das kyi bka' stsal ba/ rigs kyi bu 'di ni dge slong dang / dge slong ma dang / dge bsnyen ma kha cig/ de bzhin gshegs pa'i dgongs pa'i tshig ma shes nas/ ser sna'i sem

  10. 226b

    yongs su spang ba'i phyir/ sbyin pa med par sbyin pa'i 'du shes bskyed do// me de bzhin du so sor rtogs par byed la/ mi bden pa'i dga' ba dang mchog tu dga' ba bskyed cing bdag cag gi ni ser sna'i sems bsal to snyam ste/ dga' ba des mgu bar mdzad pa dang / 'chal pa'i tshul khrims kyi sems yongs su spang ba'i phyir/ tshul khrims med par tshul khrim kyi 'du shes bskyed de/ med bzhin du so sor rtog par byed la/ mi bden pa'i dga' ba dang / mi mchog tu dga' ba skyed cing / bdag cag gis ni 'tshal ba'i tshul khrims kyi sems stsal to// snyam ste/ dga' ba des mgu bar 'dzin pa dang / gnod sems kyi sems yongs su spang ba'i phyir bzod pa'i 'du shes bskyed de med bzhin du so sor rtog par byed la/ de bden pa'i dga' ba dang / mchog tu dga' ba bskyed cing / bdag cag gis ni gnod sems kyi sems bstsal to snyam ste/ dga' ba des mgu bar 'dzin pa dang / le lo'i sems yongs su spang ba'i phyir/ brtson 'grus med par brtson 'grus kyi 'du shes kyi 'du shes bskyed de/ med bzhin du so sor rtog par byed la/ mi bden pa'i dga' ba dang mchog tu dga' ba bskyed cing bdag cag gis ni le lo'i sems stsal to snyam ste/ dga' ba des mgu bar 'dzin pa dang / rnam par g.yes pa'i sems yongs su spang po'i phyir/ bsam gtan

  11. 227a

    mngonamed par bsam gtan gyi 'du shes bskyed de/ med bzhin du so sor rtog par byed la/ mi bden pa'i dga' ba dang / mchog tu/ dga' bskyed cing / bdag cag gis ni rnam par g.yengs pa'i sems bstsal to snyam ste/ dga' ba de mgu bar 'dzin pa dang / mi shes pa'i sems yongs su spang pa'i phyir/ shes rab med par shes rab kyi shes rab 'du shes bskyed de/ med bzhin du so sor rtog par byed la/ mi bden pa'i dga' ba dang / mchog tu dga' ba bskyed cing bdag cag gis ni mi shes pa'i sems bstsal to snyam te/ dga' ba des mgu bar 'dzin pa gang yin pa rnams kyang de dang 'dra bar lta bar bya'o// da ni mi blun po de dag la lam bsgom pa yin no zhe mi smra ste/ de dag ni log par zhugs pa zhes bya'o// rigs kyi bu 'di lta ste dper na/ mi zhig chu med par 'du shes 'khrul ste/ de chu dor bar so sor rtogs par byed la/ mi bden pa'i dga' ba dang mchog tu dga' ba skyed cing dga' ba de'i mgu bar 'dzin pa dang / de bzhin du rigs kyi bu/ dge slong dang / dge slong ma dang / dge bsnyen dang / dge bsnyen ma kha cig de bzhin gshegs pa'i chos kyi dbyings ma shes nas/ rgyun du zhugs pa'i 'bras bu med par/ rgyun du zhugs pa'i 'bras bur 'du shes 'khrul/ lan cig phyir 'ong ba'i 'bras bu med par/ len cig phyir 'ong ba'i 'bras bur 'du shes

  12. 227b

    'khrul/ phyir mi 'ong ba'i 'bras bu med par/ phyir mi 'ong ba'i 'bras bur 'du shes 'khrul/ dgra bcom pa nyid kyi 'bras bu med par dgra bcom pa nyid kyi 'bras bur 'du shes 'khrul/ rang sangs rgyas nyid kyi 'bras bu med par rang sangs rgyas nyid kyi 'bras bu nyid kyi 'bras bur 'du shes 'khrul/ mya ngan las 'das pa'i 'bras bu med par mya ngan 'das pa'i 'bras bur 'du shes 'khrul te/ med bzhin du so sor rtog par byed la/ mi bden pa'i dga' ba dang mchog tu dga' bskyed cing / dga' ba des mgu bar 'dzin pa gang yin pa rnams kyang de dang 'dra bar lta bar bya'o// nga ni mi blun po de dag la lam bsgom pa yin no zhes nga mi smra ste/ de dag ni log par zhugs pa zhes bya'o// rigs kyi bu de lta bas na rigs kyi bu 'am/ rigs kyi bu mo dad pa can rnams kyi/ ji ltar smig rgyu la chu'i 'du shes skyed pa de lta bur chos rnams rab tu shes skyed pa de lta bur chos rnams rab tu shes par ba'o// de ltar chos rnams rab tu shes pa de dag ni yang dag par zhugs pa yin no// gzhan du 'du shes pa gang dag yin pa de dag ni yang dag par zhugs pa yin no// nga ni mi blun po de dag la lam bsgom pa yin no zhes mi sgra ste/ de dag ni log par zhugs pa zhes bya'o// rigs kyi bu 'di lta ste dper na/ bud med cig me long blangs te/ bzhin gyi mtshan ma brtags nas/ des

  13. 228a

    me long shin tu phyis pa de la gzugs brnyan mdzes shing blta na sdug pa mthong nas/ des de la bdag gis gzugs/ brnyan de/ la 'dod chags kyi sems bskyed par mi bya'o// de ci'i phyir zhe na/ 'di ni bdag gi ma yin la/ bdag dang 'di'i ma yin pa'i phyir ro snyams du so sor rtog bar byed na/ rigs kyi bu 'di ji snyam du sems/ de ltar gzugs brnyan de/ bud med 'di bdag 'dod chags kyi sems mi bskyed pa ngo mtshar to snyam du 'dzin tam/ gsol pa/ bcom ldan de ni ma lags so// de ci'i slad du zhe na/ bcom ldan 'das gzugs brnyan ni rnam par rtogs pa ma mchis pa dang / yongs su ma grub pa lags te/ de la ni rtog pa ci yang ma mchis pa'i slad du'o// bcom ldan 'das kyi bka' stsal pa/ rigs kyi bu de de bzhin te/ byis pa so so'i skye bo rnams ni/ gzugs rnams la rtog par byed de/ gzugs 'di dag ni ngan no// 'di dag ni 'bring po'o// 'di dag rab po snyam du sems mod kyi/ 'or ra kyang gzugs rnams ni gzugs kyi ngo bo nyid la rnam par rtogs par mi skyed do// rtog par mi byed/ rnam par rtog par mi byed do// sgra dang dri dang / ro dang / reg bya rnams dang de dang 'dra'o// 'di ltar byis pa so so'i skye bo mas ni chos rnams la rtog par byed de/ chos 'di dag ni ngan no// chos 'di dag ni 'bring ngo //

  14. 228b

    'di dag ni rab bo snyam du sems mod kyi/ 'on kyang chos rnams ni chos kyi ngo bo nyid la rnam par rtog pa mi skyed de/ rtog par mi byed rnam par rtog par mi byed do// rigs kyi bu 'di lta ste dper na/ bud med des med pa de la yod pa'i 'du shes bskyed nas/ de yang so sor rtog par byed cing de la mngon par shes pa de bzhin du/ rigs kyi bu 'di na dge slong dang / dge slong ma dang / dge bsnyen dang / dge bsnyen ma kha cig chos thams cad gzugs brnyan lta bur ma shes nas/ 'di skad du bdag cag gzugs rnams la chags par mi bya'o// de bzhin du bdag sgra rnams dang / dri rnams dang / ro rnams dang / reg rnams dang / chos rnams la chags par mi bya'o// bdag cag gis bsdom pa bsgrub par bya'o zhes zer te/ de dag med pa de la yod par 'du shes bskyed nas/ med bzhin du so sor rtogs par byed de/ de la mngon par zhen pa/ des kyang dga' bar 'dzin cing / bdag la ni stong par byed/ gzhan la ni brnyan par byed pa gang / ngag yin pa rnams kyang de dag 'dra bar lta bar bya'o// da ni mi blun po de dag la lam bsgom pa yin no zhes mi sba ste/ de dag ni log par zhugs pa zhes bya'o// rigs kyi bu 'di lta ste dper na/ mo sham cig yod la/ de dran pa nyams las 'di ltar bdag ni bu mi 'dod par bya'o zhes dam bcas par byed pa de la/ bud

  15. 229a

    mngon/ med la la zhig gis yid srung ba'i phyir/ shes shing rtogs bzhin du 'di skad ces/ khyod kyi bu gzugs bzang zhing ming mdzes la blta/ na sdug pa zhig yod par 'gyur gyis/ 'di ltar dam mi bca' bar gsol zhes zer la/ de nas mo sham des bud med de'i tshig nyan nas/ dran pa ma nyams pas bdag gi bu gzugs bzang zhing mdzes la lta na sdug pa zhig yod par 'gyur ro// snyam du bde ba'i sems bskyed par byed de/ sems 'khrul pa des 'du shes kyi rnam pa de sem yongs su mgu bar byed pa la bu ni skyes kyang ma skyes skye bar yang mi 'gyur ba de bzhin du/ rigs kyi bu de bzhin gshegs pa ni chos thams cad mo sham gyi bu dang 'dra bar mkhyen cing gzigs bzhin du 'jig rten gyi rjes su 'thun par bya ba'i phyir/ gnyis su ston te/ 'das pa'i dus na mkhyod mang ni 'di zhes bya bar gyur/ rigs ni 'di zhes bya/ rus ni 'di zhes bya/ kha dog ni 'di 'dra bar 'gyur/ zas ni 'di lta bu zhig za za/ yun ni 'di srid cig lags nas/ bde ba dang sdug bsngal ba ni 'di lta bu nyams su myong / de'i tshe mtha' ni 'di srid gcig tu gyur to// ma 'ongs pa'i dus na ni/ 'di lta bu zhig tu gyur te/ ming ni 'di skad ces bya bar gyur/ rigs ni 'di zhes bya/ rus ni 'di zhes bya/ kha dog ni 'di dang 'dra bar gyur/ zas ni 'di la zhig za bar 'gyur/ yun ni 'di srid gcig gnas par gyur/ bde bar/

  16. 229b

    sdug bsngal ba ni 'di lta bu zhig nyams su myong bar 'gyur/ tshe'i mtha' ni 'di srid gcig tu 'gyur ro// de bzhin du da ltar byung ba'i dus na/ ming ni 'di zhes bya/ rigs ni 'di zhes bya/ rus ni 'di zhes bya/ kha dog ni 'di 'dra ba zhig/ zas ni 'di lta bu zhig za/ yun ni 'di srid gcig nas/ bde ba dang sdug bsngal ba ni 'di lta bu zhig nyams su myong / tshe'i mtha' ni 'di srid gcig thub po// zhes ston par mdzad do// rigs kyi bu dper na/ mo sham de rang gis brtags pas bu'i 'du shes des re bar byed la/ bu de ni skye ba'i chos can no// mi skye ba'i chos can pas na mi 'gag pa'i chos can no// mi 'gag pa'i chos can yin pas na// rnam par byed pa ma yin pa'i chos can no// rigs kyi bu de bzhin du/ gzugs thams cad ni gzugs kyi ngo bo nyid kyis mi skye ba'i chos can no// mi skye ba'i chos can yin pas na/ mi 'gag pa'i chos can no// mi 'gag pa'i chos can yin pas na/ rnam par rig byed ma yin pa'i chos can no// tshor ba thams cad dang / 'du shes thams cad dang / 'du byed thams cad dang / rnam par shes pa thams cad kyang de dang 'dra ste/ rnam par shes pa'i ngo bo nyid kyis mi skye ba'i chos can yin no// mi skye ba'i chos can yin pas na/ mi 'gag pa chos can no// mi 'gag pa'i yin pas na/ rnam par rig byed ma

  17. 230a

    mngonayin pa'i chos can te/ chos kyi ngo bo nyid de skar mi shes pa gang dag yin pa de dag ni/ yang dag par zhugs pa ma yin no// nga ni mi blun po de dag la lam bsgom pa yin no zhes mi smra ste/ de dag ni log par zhugs pa zhes bya'o// chos rnams de ltar shes par gang de dag yang dag pa la zhugs pa yin te/ de dag ni lam la gnas pa yin no// de dag ni lam las mi g.yo ba yo ba yin no// de ci'i phyir zhe na/ de bzhin gshegs pa rnams kyi chos gnas pa ni/ chos kyi dbyings mi g.yo ba'i tshul gyis mi g.yo ba'i phyir ro// rigs kyi bu de lta bas na rigs kyi bu 'am/ rigs kyi bu mo de bzhin gshegs pa rnams kyi chos kyi tshul 'jug par 'dod pas/ 'dod chags las g.yo bar mi bya'o// zhe sdang las g.yo bar mi bya'o// gti mug las g.yo bar mi bya'o// nyon mongs pa thams cad la g.yo bar mi bya'o// de bzhin du rna ba dang / sgra dang / rna ba'i rnam par shes pa dang / sna dang / dri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnam par shes pa dang / yid dang / chos dang / yid kyi rnam par shes pa las g.yo bar mi bya'o// chos thams cad kyi 'du shes las g.yo bar mi bya'o// chos thams cad kyi 'du shes la yang gnas par mi bya'o//

  18. 230b

    de ci'i phyir zhe na/ gal te 'dod chags las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ stong pa nyi g.yo ba'i don gyis/ 'dod chags nyid chos kyi dbyings yin pa'i phyir ro// gal te zhe sdang las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ mtshan ma med pa'i don gyis/ zhe sdang nyid chos kyi dbyings yin pa'i phyir ro// gal te gti mug nyid las g.yo bar 'gyur na/ chos kyi dbyings las g.yo bar 'gyur ro// de ci'i phyir zhe na/ smon pa med pa mi g.yo ba'i don gyis/ gti mug nyid chos kyi dbyings yin pa'i phyir ro// gal te nyon mongs pa thams cad las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ nyon mongs pa thams cad kyi ngo bo nyid ji lta ba bzhin du rtogs pa mi g.yo ba'i don gyis/ nyon mongs pa thams cad ni chos kyi dbyings yin pa'i phyir ro// gal te ming dang gzugs dang / mig gi rnam par shes pa las g.yo bar gyur na/ chos kyi dbyings las g.yo bar 'gyur ro// de ci'i phyir zhe na/ rten cing 'brel bar byung ba mi g.yo ba'i don gyis mig dang / gzugs dang / mig gi rnam par shes pa nyid chos kyi dbyings yin pa'i phyir ro// de bzhin du gal te rna ba dang / sgra dang / rna ba'i rnam par shes pa dang / sna dang //

  19. 231a

    mnadri dang / sna'i rnam par shes pa dang / lce dang / ro dang / lce'i rnam par shes pa dang / lus dang / reg bya dang / lus kyi rnan par shes pa dang / yid dang / chos dang / yid kyi rnam par shes pa las g.yo bar gyur na/ chos kyi dbyings g.yo bar 'gyur ro// de ci'i phyir zhe na/ rten cing 'brel pa 'byung ba mi g.yo ba'i phyir gyis/ yid dang / chos dang / yid kyi rnam par shes pas pa' nyid chos kyi dbyings yin pa'i phyir ro// gal te chos thams cad kyi 'du shes las g.yo bar gyur na/ chos kyi dbyings la g.yo bar 'gyur ro// de ci'i phyir zhe na/ chos thams cad kyi 'du shes ngo bo nyid ji lta ba bzhin du rtogs pa mi g.yo ba'i don gyis/ chos thams cad kyi 'du shes nyid chos kyi dbyings yin pa'i phyir ro// ngas de las dgongs nas tshig 'di skad du log par lta ba/ log par lta ba yin par mthong na/ de de'i yang dag par lta ba yin no// zhes gsungs so// gsal ba med pa dang / bzhag pa med pa dang / tshul gyi log par lta ba las mi g.yo la/ log par lta ba med par gyur pa las gud na yang dag par lta ba med de/ chos thams cad gnyis su dbyer med pa'i phyir ro// log par yang dag pa ji lta ba bzhin du mthong ba nyid yang dag par lta ba yin gyi/ gnyis su 'du shes pa la ni yang dag par lta ba med de/ rigs kyi bu 'di lta ste dper na/ mi la la zhig nu mo mun

  20. 231b

    ba mun nag gi nang du zhugs ste nges 'brog khong khang zhig tu shing ljon pa phal po che sdug po mthong la/ des der shing zhig gi drung du/ chom rkun yod pa'i 'du shes bskyed nas skrag ste lam der ma song na/ rigs kyi bu 'di ji ska du sems/ ci mi de snang ba yang ma byung / shing de yang mang mngon gsum du ma byas par shing lhug po de las 'phags pa 'am/ chom rkun gyi 'jigs pa med par 'gyur ram/ gsol pa/ bcom ldan 'das de ni ma lags so// bcom ldan 'das kyis bka' stsal pa/ rigs kyi bu 'di ji snyam du sems/ ci mi de snang ba yang yod/ shing yang mngon sum du byas nas/ shing stug po de las 'phags pa 'am/ chom rkun gyi 'jigs pa med par 'gyur ram/ gsol pa/ bcom ldan 'das de ni ma lags so// de ci'i slad du zhe na/ bcom ldan 'das 'di ltar mi des/ 'jigs pa ma mchis pa la 'jigs pa'i 'du shes bskyed cing yang dag par ma lags pa kun brtags pa'i slad du'o// bcom ldan 'das kyis bka' stsal pa/ rigs kyi bu de bzhin du bris pa so so'i skye bo rtsod pas yang dag pa ma yin pa'i phyin ci log gis phyin ci log tu gyur nas/ ma rigs pa'i mun pas mig gud nas g.yogs pa thams cad med bzhin du sgra rtags pas/ 'khor ba'i 'jigs pas skrag nas/ 'khor ba las nges par 'byung ba yod

  21. 232a

    su tshol lo// de dag gis gang du 'jigs pa'i 'du shes bskyed pa'i 'khor ba de yang don dam par mi dmigs na/ de dag mya ngan las ni 'jigs pa'o// zhes yongs su tshor bar byed do// dge ba'i bshes gnyen gyis yongs su zin pa na/ yang dag par zhugs pa rnams ni/ 'khor ba de nyid mya ngan las 'das pa yin par yang dag pa ji lta ba bzhin du rab tu shes te/ de ltar yang dag par zhugs pa de dag ni chos gang yang len par mi byed/ 'dod par mi byed/ sel bar mi byed/ 'jog par mi byed do// chos kyi dbyings la gnas te g.yo ba med do// mi g.yo bas na gnas bsgom par mi byed do// mi sgom pas na gnas med do// gnas med pas na mi g.yo ba med do// 'di ni de bzhin gshegs pa rnams kyi chos kyi tshul g.yo ba med pa ste/ de la ni g.yo bar bya zhing 'phags par bya 'am/ dor bar bya blang bar bya ba'i chos ci yang mi dmigs so// de ci'i phyir zhe na/ chos kyi tshul na mkha'i tshul nyid yin la/ na mkha' la ni g.yo ba yang med/ 'phags pa yang med pa'i phyir ro// rigs kyi bu de ltar yang dag par zhugs pa shes pa dang ldan pa ni/ sems can thams cad kyang shes pa'i yongs su shes pa de las bskyod par 'am bsgyur bar mi nus so// de ci'i phyir zhe na/ 'di ltar

  22. 232b

    des mi g.yo ba'i ye shes thob pa'i phyir ro// de nas tshe dang ldan pa shA ri'i bu bstan la langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di ces gsol to// bcom ldan 'das rigs kyi bu 'am/ rigs kyi bu mo gang chos kyi rnams grangs 'di 'dzin pa 'am/ kun chub par bgyid pa 'am/ mos par bgyid pa de dag ni shes pa dang ldan pa'i mchog tu bstan pas bgyi ba lags so// de ci'i slad du zhe na/ bcom ldan 'das chos kyi rnams grangs 'di ni mi shes pa thams cad sel ba dang / chos thams cad dang ldan pa'i slad du'o// bcom ldan 'das la tshe dang ldan pa me'u 'gal gyi bu chen pos 'di skad ces gsol to// bcom ldan 'das rigs kyi bu mo gang dag chos kyi rnam grangs 'di 'dzin pa 'am/ kun chub par bgyid pa de dag ni/ rdzu 'phrul dang ldan pa'i mchog tu bstan par bgyi ba lags so// de ci'i slad du zhe na/ bcom ldan 'das mig gis rnam par shes par bgyid pa gang lags pa de ni rdzu 'phrul ma lags gyi/ bcom ldan 'das gang mig gis rnam par shes par bgyi ba'i chos thams cad la se gol gtogs pa tsam yang mos par mi bgyid pa de ni rdzu 'phrul

  23. 233a

    mngon/ gyi mchog lags pa'i slad du'o// de nas bcom ldan 'das la tshe dang ldan pa nam grus 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnams grangs 'di 'dzin pa 'am/ kun chub par bgyid pa 'am/ mos par bgyid pa de dag ni/ bsam gtan pa'i mchog tu bstan par bgyi ba lags so// de ci'i slad du zhe na/ bcom ldan 'das chos kyi rnam grangs 'di ni nyon mongs pa thams cad nges par sreg pa'i slad du'o// de nas bcom ldan 'das la tshe dang ldan pa rab 'byor kyis 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnams grangs 'di 'dzin pa 'am/ kun chub par bgyid pa 'am/ mos par bgyid pa de dag ni/ nyon mongs pa ma mchis par gnas pa'i mchog tu bstan par bgyi ba lags so// de ci'i slad du zhe na/ bcom ldan 'das chos kyi rnam grangs 'di ni nyon mongs pa'i dgra thams cad dang bral ba dang / chos thams cad kyis ma gos pa'i slad du'o// de nas bcom ldan pa 'od srung chen pos 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnams grangs 'di 'dzin pa 'am/ kun chub par bgyid pa 'am/ mos par bgyid pa de dag ni sbyangs pa'i yon tan smra ba'i mchog tu bstan par bgyi ba lag so// tshe dang ldan

  24. 233b

    de ci'i slad du zhe na/ bcom ldan 'das chos kyi rnams grangs 'di ni nyon mongs pa thams cad sbyangs pa dang / chos thams cad kyis kun nas nyon mongs pa can du mi 'gyur ba'i slad du'o// de nas bcom ldan 'das la tshe dang ldan pa sgra can zin gyis 'di skad ces gsol to// bcom ldan 'das rigs kyi bu bum/ rigs kyi bu mo gang dag chos kyi rnams grangs 'di 'dzin pa 'am/ kun chub chub par bgyid pa de/ mos par bgyid ni bslab pa la dga' ba'i mchog tu bstan par bgyi lags so// de ci'i slad du zhe na/ bcom ldan 'das chos kyi rnam grangs 'di ni bslab pa thams cad kyi pha rol tu phyin pa lags pa'i slad du'o// de nas bcom ldan 'das la tshe dang ldan pa nye ba 'khor gyis 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di 'dzin pa dang / kun chub par bgyid pa 'am/ mos par bgyid pa de dag ni 'dul ba 'dzin pa'i mchog tu bstan bgyi ba lags so// de ci'i slad du bcom ldan 'das chos kyi rnams grangs 'di ni nyon mongs pa thams cad sems par bgyid pa lags pa'i slad du'o// de nas bcom ldan 'das la tshe dang ldan/ pa kun dga' bos 'di skad ces gsol to// bcom ldan 'das rigs kyi bu 'am/ rigs kyi bu mo gang dag chos kyi rnam grangs 'di lung nod pa 'am/ kun

  25. 234a

    mngon/ chub par bgyid pa 'am/ mos par bgyid pa ni/ mang du thos pa'i mchog bstan par bgyi ba lags so// de ci'i slad du zhe na/ bcom ldan 'das chos kyi rnams grangs 'di ni thos pa thams cad dang ldan pa lags pa'i slad du'o// de ltar nyan thos chen po de dag thams cad kyis rang rang gi mchog brjod pa dag gis chos kyi rnams grangs 'di mngon par bstod do// de nas bcom ldan 'das kyis tshe dang ldan pa kun dga'o la bka' stsal pa/ kun dga' bo de lta bas na khyod kyis/ chos thams cad gsal ba med cing / gzhag pa med pa la gnas pas sangs rgyas kyi byang chub 'di/ bdag nyid kyis yang dag par ston cig/ chos gang dor du med pa dang / thob par byar med par chos ston cig/ yongs su shes par byar med pa dang / spang du med pa dang / bsgom du med pa dang / mngon sum du byar med pa dang / 'khor ba las bskyod du med pa dang / mya ngan las 'das par 'gror med pa dang / rgyun tu zhugs pa'i 'bras bu thob par byar med pa dang / lan cig phyir 'ong bar 'gyur ba dang / phyir mi 'ong bar 'gyur ba dang / dgra bcom pa nyid kyi 'bras bur thob par byar med par chos ston cig/ de ci'i phyir zhe na/ kun dga' bo chos thams cad ni/ rgyun tu zhugs pa dang / lan cig phyir ma 'ong ba dang / phyir mi 'ong ba dang / dgra bcom pa'i chos yin te//

  26. 234b

    chos kyi dbying mnyam pa nyid kyi phyir ro// kun dga' bo de lta bas na/ khyed kyis byang chub sems dpa'i theg pa pa'i gang zag rnams la/ nyon thos dang rangs rgyas kyi sa la bzlar med pa/ sangs rgyas kyi chos rnams thob par byar med par chos ston cig/ de ci'i phyir zhe na/ kun dga' bo chos thams cad ni/ sangs rgyas kyi chos yin te/ chos kyi dbyings mnyam pa nyid kyi phyir ro// kun dga' bo gzhan yang khyod kyis/ rnal 'byor spyod pa'i dge slong dgra bcom pa nyid mngon sum du bya bar 'dod pa rnams la/ 'dod chags dang zhe sdang dang / 'dod chags dang zhe sdang dang / gti mug spang du med par chos ston cig/ de bzhin gshegs pa bltar med pa dang / chos mnyan du med pa dang / dge 'dun la bsnyen bkur byar med par chos ston cig/ kun dga' bo 'dod chags dang / zhe sdang dang / gti mug rnams ni spang du med pa kho na ste/ 'dod chags dang / zhe sdang dang / gti mug rnams ya ma brla yin pa'i phyir ro// kun dga' bo skad cig pa rnams ni spang bar bya ba ma yin te med pa'i phyir ro// de nas bcom ldan 'das la tshe dang ldan pa kun dga' bo 'di skad ces gsol to// bcom ldan 'das ji ltar de bzhin gshegs pa bltar ma mchis pa lags/ ji ltar chos mnyan du ma mchis pa lags/ ji ltar dge 'dun bsnyen bskur ma mchis lags//

  27. 235a

    ma#bcom ldan 'das kyi bka' stsal pa/ kun dga'o de bzhin gshegs pa ni bstan du med pa ste/ de ni mig gis blta bar/ mi nus so// kun dga' bo chos ni brjod du med pa ste/ de ni rnabs mnyan par mi nus so// kun dga' bo dge 'dun ni 'dus ma byas pa ste/ de ni lus sam/ dag gam/ sems kyis bsnyen bkur byar mi nus so// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das sangs rgyas bcom ldan 'das rnams chos nyid rtogs par dga' ba ni ngo mtshar lags so// bcom ldan 'das kyi bka' stsal pa/ kun dga' bo de ni khyod ji skad zer ba de bzhin te/ rnam grangs 'dis na sangs rgyas bcom ldan 'das rnams kyi chos nyid par dga' bo// de ci'i phyir zhe na/ kun dga' bo nyon mongs pa thams cad las kyang sems yongs su spangs dgos la/ chos gang las kyang bskyod par yang mi bya/ dpag par yang mi bya ba'i phyir ro// kun dga' bo gang rnam grangs 'dis/ de bzhin gshegs pa rnams kyi chos kyi tshul 'jug cing mos par byed pa sems can de dag ni/ ngo mtshar du 'gyur ba yin par rig par bya'o// kun dga'o rigs kyi bu 'am/ rigs kyi bu mo gang dag nga'i bstan pa 'di la rab tu byung ba/ chos kyi rnam grangs 'di 'dzin pa 'am/ kun chub par bgyid pa 'am/

  28. 235b

    mos par byed pa de dag ni/ yul 'khor gyi zas legs par zos so// de dag ni de bzhin gshegs pa'i bstan pa la legs par rab tu byung ngo // de dag/ gis mi lus thob pa legs par thob po// de dag gis bdud bdul lo// de dag gis ni nga'i snyam pa'i nga rgyal nges par bcom mo// de dag gis ni sbyin gnas sbyangs so// de dag gis yon gnas su bzung bar bya'o// de dag ni bsod nams kyi zhing du blta bar bya'o// de ci'i phyir zhe na/ kun dga' bo chos kyi rnams grangs 'di ni/ mngon pa'i nga rgyal can rnams dang / 'bras bu la dmigs pa rnams dang / sngon gyi rgyal ba rnams la bya ba ma byas pa rnams kyis bzod par mi nus pa'i phyir ro// chos kyi rnam grangs 'di bstan pa na/ byang chub sems dpa' lhag pa'i bsam pa brtan pas/ mi skye ba'i chos la bzod pa thob par 'gyur ro// de nas bcom ldan 'das de'i tshe 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma kha dog sna tshogs 'di lta ste// sngon po dang // ser po dang // dmar po dang // dkar po dang // bcod ka dang // shel dang / dngul gyi kha dog lta bu dag byung nas/ 'od zer de dag gis 'jig rten gyi khams mtha' yas mu med pa

  29. 236a

    snang bas khyab par byas te/ tshangs pa'i 'jig rten gyi bar du song nas/ phyir log ste/ bcom ldan 'das la lan gsum bskor ba byas nas/ bcom ldan 'das kyi spyi gtsug tu nub par 'gyur ro// de nas sangs rgyas kyi byin gyis rlabs kyi tshe dang ldan pa kun dga' bo stan la langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba der logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das de bzhin gshegs pa rnams ni rgyu ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags rkyen gang lags/ de skad ces gsol pa dang / bcom ldan 'das kyi tshe dang ldan pa kun dga' bo la 'di skad ces bka' stsal to// kun dga' bo 'khor 'di'i nang nas/ dge slong mngon pa'i nga rgyal can nyid rgyal po de dag gis mngon pa'i nga rgyal med pa'i chos 'di thos nas/ gshegs pa'i bstan pa la legs par rab tu byung ngo // de dag gi ni lus thob pa legs par thob po de dag gis bdud 'dul lo// de dag gis ni de'i snyam pa'i nga rgyal nges par bcom mo// de dag gis ni sbyin gnas sbyangs so// de dag gis yon gnas su bzung bar bya'o// de dag ni bsod nams kyi zhing du lta bar

  30. 236b

    bya'o// de ci'i phyir zhe na/ kun dga' bo chos kyi rnams grangs 'di ni mngon pa'i nga rgyal can rnams dang / 'bras bu la dmigs pa rnams dang / sngon/ gyi rgyal ba rnams la bya ba ma byas pa rnams kyis bzod par mi nus pa'i phyir ro// chos kyi rnams grangs 'di bstan pa na/ byang chub sems dpa' lhag pa'i bsam pa bstan pas/ mi skye ba'i chos la bzod pa thob par 'gyur ro// de nas bcom ldan 'das de'i tshe 'dzum pa mdzad do// 'di ni sangs rgyas bcom ldan 'das rnams kyi chos nyid de/ gang gi tshe 'dzum pa mdzad pa de'i tshe/ bcom ldan 'das kyi zhal gyi sgo nas 'od zer kha dog du ma kha do ga sna tshogs 'di lta ste/ sngon po dang / ser po dang / dmar po dang / dkar po dang / btsod ka dang / shel dang / dngul gyi kha dog lta bu dag byung nas/ 'od zer de dag gis 'jig rten gyi khams/ mtha' yas mu med pa snang bas khyad par byas te/ tshangs pa'i 'jig rten gyi bar du song nas/ phyir log ste/ bcom ldan 'das la lan gsum bskor ba byas nas/ bcom ldan 'das kyi spyi gtsug tu nub par 'gyur ro// de nas sangs rgyas kyi byin gyis brlabs kyi tshe dang ldan pa kun dga'o stan las langs te/ bla gos phrag pa gcig tu gzar nas/ pus mo g.yas pa'i lha ngas la btsugs te/ bcom ldan 'das ga la ba der logs su/

  31. 237a

    mngon/ thal mo sbyar ba btud nas/ bcom ldan 'das la 'di skad ces gsol to// bcom ldan 'das de bzhin gshegs pa rnams ni rgyu ma mchis par rkyen mchis par 'dzum pa mi mdzad na/ bcom ldan 'das 'dzum pa mdzad pa'i rgyu gang lags rkyen gang lags/ de skad ces gsol pa dang / bcom ldan 'das kyi tshe dang ldan pa kun dga'o la 'di skad ces bka' stsal to// kun dga' bo 'khor 'di'i nang nas/ dge slong mngon pa'i nga rgyal can nyid rgyal po de dag gis mngon pa'i nga rgyal med pa'i 'di thos nas len med pa zag pa rnams las sems rnam par grol lo// byang chub sems dpa' lhag pa'i bsam bstan pas ni mi skye ba'i chos la bzod pa thob po// kun dga' bo byang chub sems dpa' lhags pa'i bsam pa bstan pa 'di ni bskal pa khri bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur te/ bskal pa rin pa rin po che thams cad kun tu snang ba la/ 'jig rten gyi khams me tog thams cad kyis rnam par bkra ba zhes bya bar de bzhin gshegs pa dgra bcom pa yang dag par rdzogs pa'i sangs rgyas rin po che'i pad ma dpal gyi snying po zhes bya bar 'gyur ro// de'i tshe sangs rgyas kyi zhing yon tan bkod pa dpag tu med pa dang ldan par 'gyur te/ sangs rgyas kyi zhing de yang ba byang chub sems dpa' 'ba' zhig gis yongs su gang bar

  32. 237b

    'gyur ro// de nas bcom ldan 'das la/ tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di'i ming ci lags 'di ltar bzung bar bgyi/ bcom ldan 'das kyis bka' stsal pa/ de'i phyir kun dga' bo khyod kyis chos kyi rnam grangs 'di/ chos thams cad g.yo ba med pa zhes bya bar bzung shig/ lhag pa'i bsam pa bsten pa'i le'u zhe bya bar yang zung shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / byang chub sems dpa' lhag pa'i bsam pa bstan pa dang / byang chub sems dpa' de dag dang / dge slong de dag dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa lhags pa'i bsam pa'i bsta ni lce'u zhes bya ba thegs pa chen po'i mod rdzogs s+ho// rgya gar skad du/ bi mug ti mA ra ge d+hu ta gu ni nar de sha na ma/ bod skad du/ rnam par grol ba'i lam las sbyangs pa'i yon tan bstan pa zhes bya ba/ 'jam dpal gzhon nur gyur pa la phyag 'tshal lo// de nas de ltar tshul khrims rnam par dag pi rnal 'byor la spyod pa/

Colophon

'phags pa lhags pa'i bsam pa' bstan pa'i le'u zhes bya ba theg pa chen po'i mdo rdzogs s+ho/