Q2405MW1KG13126_2405rgyud 'grelAll versions of this work

dpa' bo gcig pa dpal he ru ka phyag bcu drug pa'i sgrub pa'i thabs zhes bya ba

Ekabīraśrīherukaṣoḍaśabhujasādhanāṃnāma

Text

ff. 530b–533a · 6 folio sides

  1. 530b

    gnas skabs dang sbyar ba ni rdo rje sgrub pa/ tha ma la/ slob dpon la/ yi ge rang lha'i sdig sgrib kun// brgya pa'i gsang sngags sreg pa rnams// brgya'am stong du bzlas par bya// rdo rje 'dzin pa rang lha sdig byed ni/ gzugs kyis gzugs ni gzugs su bsgoms la/ sbyang ba'i cho ga'i man ngag ste/ brgyud pa'i thabs kyis shes par bya/ de nas gar gyi dkyil 'khor gyi lha la phyag byas la/ oM AHhUM muHsa gshegs su gsol zhing smon lam gdab po// yi ge brgya pa lan gsum bzlas nas rdzas kyi lhag ma ci 'byor pas me lha mchod pa bya'o// de nas bsangs la/ mchod pa dang / bstod pa la sogs pa bya'o// de nas yang bsangs la gshegs su gsol ba ni// bdag gi don dang gzhan gyi don// bsrubs kyis byin za khyed gshegs shig/ de ltar dus bzhin slar gshegs nas// bdag gi dngos grub thams cad mdzod// ces gshegs su gsol lo// dam tshig gis mi dmigs par bsam mo// de nas rus bu bsdus la/ shi ba la phan mchod rten bya'o// de ltar nyi ma gsum ni lon pa dang // rus pa'i phreng ba bsdus byas la// dri dang 'o mas bran nas ni// de yis mchod rten du bya'o// zhes gsungs so// yon tan brjod kyis mi lang ba'i// sbyin sreg cho ga 'di byas pas// bdag gi bsod nams phung po 'dis// nyams thag rnams ni rgyal gyur shog/ slob dpon mkhas pa chen po// ye shes snying po'i zhal snga nas mdzad pa ro bsreg pa'i dbang du bya ba rdzogs so// gda' ga pa da nyengag cag du 'i thub thabs bzhugs/ @#// rgya gar skad du/ e ka pI ra shrI he ru ka Sho Da sha b+hu dza sA d+ha nAM nA ma/ bod skad du/ dpa' bo gcig pa dpal he ru ka phyag bcu drug pa'i sgrub pa'i thabs zhes bya ba/ dpal rdo rje sems dpa' la phyag 'tshal lo// dang por rang nyid thun mong dang khyad par gyi mtshan nyid dang ldan pas bgegs dang 'tshe ba la sogs pa med par rjes mthun pa'i gnas su zhugs te

  2. 531a

    bya ba'i rim pa ni maN+Dal dang ras ris la sogs pa dgod pa dang / mchod pa nye bar bshams te/ khrus sngon du song bas lhar mos shing / stan bde ba la 'dug nas/ oM badz+ra puSh+pe oM A hUM zhes pa la sogs pa mchod pa lnga byin gyis brlab pa dang // mchod pa gzhan dag kyang oM AHhUM zhes so// de nas rang gi snying gar raM yongs su gyur pa'i nyi ma la hUM bsams te/ de'i 'od zer dag gnas pa'i khang pa la phog pas rdo rjes gtas par mos shing / oM he badz+ra a d+hi tiSh+Tha sta ta na ra rak+Sha hUM hUM hUM phaT swA hA/ zhes pas gnas bsrung ba dang / de bzhin du bdag srog dang rnal 'byor bsrung ba la yang sbyar te/ oM A ta ma dzi ba yo ga zhes pas dag gis so de nas snying ga'i sa bon las 'o// zer 'phros pas/ bsod nams tshogs kyi dkyil 'khor spyan drangs te/ mngon sum lta bur gsal bar dmigs te/ chu dang zang la skyes pa yi// lha rdzas bzang po'i me tog 'di// gus pas mchog gis bdag dbul na// ci bde bar ni bzhes su gsol// oM badz+ra puSh+pe pU dza me g+ha sa mu dra s+pha ra Na sa ma ye hUM/ de la sogs pa thun mong gi mchod pa byas la/ yang rang gi snying ga'i sa bon las lha mo brgyad phyung ste mchod do// de yang gau rI ma ni ri bong 'dzin/ tsitsau rI ma ni nyi ma'o// ro langs ma ni 'bab chu 'dzin/ g+ha sma rI ni stobs 'dzin pa'o// spo sa mo tsan dan sdong bu 'dzin// ri khrod ma ni sbrang rtsi'o// gtum cang te'u sgra brdung zhing // g.yung mo mgul ba la sbyor ba'o// skyes bu bzhin du byed par bshad// de nas bshags pa bya ste// bdag gis sdig pa bgyid pa dang // rjes su yi rang bgyis pa dang // rdzogs sangs rgyas kyi spyan sngar ni// thams cad ma lus so sor bshags// de nas rjes su yi rang ba bya ste// sangs rgyas byang chub sems rnams dang // 'phags pa nyan thos rang rgyal dang // so so skye bo'i bsod nams de// kun la rjes su yi rang ngo // de nas sngo ba bya ste/ bdag gi dge ba 'di dag kun// bla med byang chub/

  3. 531b

    yang dag rdzogs// sems can kun dang thun mong du// yongs su smin cing rdzogs par bgyi// de nas skyabs su gsol te// rdzogs pa'i sangs rgyas rkang gnyis mchog/ de yis gsungs pa'i dam chos dang // byang chub sems dpa'i dge 'dun la// byang chub bar du skyabs su mchi// de nas smon lam byang chub mchog tu sems bskyed de// bdag gi bla med byang chub tu// yang dag rdzogs par gyur nas ni// sems can kun don phan pa'i phyir// mi gnas mya ngan 'das la dgod// de nas 'jug pa byang chub mchog tu sems bskyed de// bdag gis sbyin pa la sogs pa// pha rol phyin pa kun rdzogs pa// rdo rje theg pa bla med pa'i// la ma ni yang dag bstan par bya// de nas sngar gyi hUM las byung ba'i 'od zer gyis 'gro ba'i sems can thams cad bkug nas// bshes dang 'brel lta bur gsal bar dmigs nas/ tshad med pa bzhi brtse gdung gi rnam pa dang / sdug da thos ba pa dang / bangs bangs dag dang pa ga sa 'jug pa pa rnams bsam par byag// da'i tshul thugs dag pa pa/ nga du bas pa sh+tsa d+harmA te swa b+hA ba shud+d+ho haM/ zhes pa des ni/ chos kun rnam par dag pas na// bdag kyang rang bzhin rnam par dag/ ces par bsgrubs na/ oM shU n+ya tA dz+nyA na badz+ra swa b+hA ba At+ma ko haM/ zhes pa des ni stong nyid ye shes rdo rje yi/ rang bzhin nga'am bdag yin no// zhes pa de la gnas par bya'o// de nas bdag nyid skad cig tsam gyis ni// ye shes dang ldan lha ru mos pa re// de yi mdun na nam mkha' re pha las// gyur pa nyi ma'i steng du hUM las ni/ sna tshogs rdo rje ye shes lnga ldan bsam// de yi lte bar hUM las 'od zer 'phros pas// bgegs bsregs ra ba dang ni gur yang bsam// de yi nang du pad+ma nyi ma la// rang gi sems nyid ye shes rnam pa yis// hUM gi de nyid

  4. 532a

    / yongs su gyur pa las// rdo rje rtse lnga'i lte bar yi ge hUM// yang ni de yi 'od zer gyis ni khams gsum gyi// sems can rnam par sbyangs te 'od zer bsdu// de rjes rdo rje yongs su gyur pa las// he ru ka dpal zla ba chu shel 'od// zhal brgyad nyi shu rtsa bzhi spyan gyis che// bcu drug phyag ldan zhabs bzhis bdud bzhi mnan// rang snang mos pa tsam ste dngos su min// mtsha ba cung zad gtsigs shing ral pa dang // thod pa'i dbu rgyan thod pa'i phreng ba dang // spyi gtsug 'khor lo la sogs phyag rgya lnga// brkyang bsum skyil krung phyed pa gar mos bya// de tshe rang gi snying gar nyi ma la// hUM gi rnam pa bdud rtsi thig ler bcas// srog dang rtsol ba'i sbyor bas 'od zer 'gro// oM de ba pi tsu badz+ra hUM hUM hUM phaT swA hA/ zhes pa ce nus bzlas bya ste// de rjes de yang smin par bya ba'i phyir// shing 'bras tshos pa ltar gur 'bras bu yi// he ru ka dpal phyag mtshan zhal sogs ni// sngar sogs mig sman bcag pa lta bu'i mdog/ de rjes de yang rdzogs par bya ba'i phyir// rang gi snying ga' zhi stengs sa bon las// rdo rje sa bon dang bcas yangs gyur pa// ye shes sems dpa' dang 'dra'i snying ga ru// ting 'dzin sems dpa' mtshan ma sa bon bsam// de yi 'od kyis ye shes bdag po bsdu// de brjod dzaHhUM baM hoHsa rang la bstim// rdzogs sangs rgyas las gzhan du yang ma yin// bstan par bya phyir skye mched drug po dang // su gsung thugasu byin brlabs dbang ba sur bya// dbang gi sngags rnams dag ni brjod kyang rung // mchod nas bstod dang bdud rtsi myang ba'ang bya// de dag sngags brjod pa'ang 'di yin te/ oM sarba ta thA ga ta pU dza badz+ra swa b+hA ba At+ma ko ha// oM sarba ta thA ga tA pra s+yA de badz+ra swa b+hA ba At+ma ko ha// oM sarba ta thA ga ta a mri ta su ta na badz+ra swa b+hA ba At+ma ko he/ da ni rdzogs rim la 'jug pa// shes bya'i gtso mo gtum mo spa ra// yang /

  5. 532b

    ni srog dang rtsol sbyar bas// ye shes rlung dang me sbang bas// haM la sa bdud rtsi'i thig le bab// ngal so dbugs dbyung dbyer med 'gyur// de la sems brtan rtse gcig bya// nyams chen gtso bo'i rnam pa ni// dga' dang / skad cig rig pa gsum las// mtshan nyid bral ba'i lhan skyes bsgom// sems brtan pa yi mtshan ma ni// gzung 'dzin bral zhing ye shes rnyed// rtags ni mig rgyu du ba dang // mar me sprin med nam mkha' 'dra// nges par chos nyid mngon du byed// de lta ci nus bsgom bya ste// skyo bar gyur na sngags bzlas bya// bdag nyid rim gnyis tshogs pa gcig/ bskyed rim 'bras bu he ru ka/ mig sman chag pa lta bur mos// phyag mtshan zhal sogs sngar bzhin no// rdzogs rims bde la mi rtog cing // mi dmigs pa ru mos pas bzlas// zla ba lta bu'i bsam gtan dang // chu klu lta bu'i rnam pa ste// brag cha lta bu'i bzlas pa ni// oM aSh+TA na na ya/ ping+ka ur+b+ha ke sha/ warta ma na ye tsa turbi sha ti ne tA ya/ Sho Ta sha b+hu dzA ya kr-iSh+Na dzI mU ta wa pu She/ ka pA la mA lA ne ka d+hA ra ri Ne/ A d+hA ta kru ra tsit+tA ya/ ar+d+ha in+d+ra daMSh+Ta Ne/ oM mA ra ya mA ra ya/ kA ra ya kA ra ya/ gardza ya gardza ya/ tardza ya tardza ya/ sho Sha ya sho Sha ya/ sap+ta sA ga ga rAn/ ban+d+ha ban+d+ha/ aSh+Ta na ga kAn/ gr-ih+Na gr-ih+Na/ sarba sha tru na/ ta hA hi hI hu hwA he hi ho ho he haHhU~M phaT swA hA/ zhes pa bdag ni bzlas byas nas// 'byung po kun gyi gtor ma'am// mtshan phyed yin na tshogs 'khor bya// de nas cung zad mchod byas la// oM AHhUM muHyis ni// ye shes bdag po gshegs su gsol// dam tshig rang gi thugs kar bsdu// spyod lam lhag par mos pa yis// bskyed rim lha yi nga rgyal dang / rdzogs rims gnyis su med par mos// // gang zhig thar pa'i lam ni 'dod pa des// bla med mchog gi theg par zhugs nas kyang // bla ma dam pa'i gdams ngag la brten nas// tshe 'di nyid la phyag rgya chen po bsgrub//

  6. 533a

    de ltar bdag la 'di ni rim par 'byung // rjes su 'brangs pas 'di bzhin bsgrub par bya// dge ba gang thob des ni thams cad kyang // 'phral la yid ches mngon du byed gyur cig/ dpa' bo gcig pa dpal he ru ka phyag bcu drug pa'i bsgrub pa'i thabs rdzogs so// 5/ na gyi tsha sra/ @#// rgya gar skad du/ pra ti sti bi d+hi/ bod skad du/ spyan dbye ba'i cho ga/ rnal 'byor ma rnams la phyag 'tshal lo// rdo rje slob dpon gyi rab tu gnas pa'i las bya ba'i phyir/ cho ga gang gis gang la rab tu gnas pa de'i mtshan nyid bshad par bya'o// de yang thams cad la 'thad cing dgos pa ma yin te/ skye ba med pa la gang zhig rab tu gnas par bya// kun rdzob gtso bor spyod pas kyang // de nyid byin rlabs yin shes na// rab gnas cho ga mi 'thad do// sems can dang po'i las can gyis// rgyud rnams yang dag smin phyir byas// de yang slob dpon mthu thob pa dang // 'thob pa'i bye brag gis cho ga bsdus pa dang / rgyas pa'i bye brag gis ci rigs par bla ma'i man ngag la brten pa rnams kyis shes par bya'o// de la cho ga rgyas pa na dang po bsnyen pa gtso bo'i 'bum 'am/ 'khor gyi khrir/ de ltar grangs sam/ mtshan ma'i bsnyen pa byas la/ dkyil 'khor bri ba'i cho ga dag tshul bzhin du byas la/ khrus sa'i stegs bu brtsigs la/ bum pa rnams bkod la/ bzlas brjod kyi cho ga ni rang gi yi dam gyi lha'i sbyor bas mtshan nyid ldan pa'i bum pa las/ thams cad chu las 'am phor du/ cung zad thugs te rnam rgyal gyi// bum pa pa las skyes pa yi// rin po che'i steng du bzhag der ni dkyil 'khor bskyed bya ste// dam tshig bdag nyid rdzogs pa dang // ye shes dkyil 'khor spyan drangs te// zhal bsil la sogs rim par dbul// dam tshig lhan cig bcug byas te// mchod pa rnams kyis

Colophon

dpa' bo gcig pa dpal he ru ka phyag bcu drug pa'i bsgrub pa'i thabs rdzogs so/