S334MW22083_0334rgyudAll versions of this work

rgyud kyi rgyal po dpal bde mchog nyung ngu zhes bya ba

Tantrarājaśrīlaghusaṃbaranāma

Text

ff. 1b–55b · 109 folio sides

  1. 1b

    @##// rgya gar skad du/ tan+t+ra rA dza shrI la g+hu saM ba ra nA ma/ bod skad du/ rgyud kyi rgyal po dpal bde mchog nyung ngu zhes bya ba/ bcom ldan 'das rdo rje sems dpa' la phyag 'tshal lo// de nas gsang ba bshad par bya// mdor bsdus pa ste

  2. 2a

    @##// rgyas par min// dpal he ru ka yang dag sbyor// 'dod pa'i don kun sgrub byed yin// bla ma las kyang bla ma ste// mkha' 'gro ma yi dra ba sdom// gsang ba mchog gi dgyes pa na// thams cad bdag nyid rtag tu bzhugs// mkha' 'gro kun dngos sems dpa' ni// rdo rje sems dpa' bde ba'i mchog / 'di ni rang byung bcom ldan dpa'// mkha' 'gro dra ba'i sdom pa yin// sgra

  3. 2b

    yi tshul las nges 'byung rnams// dam tshig spyod pa'i spyod yul yin// 'jig rten gsum du rnyed dka' ba// thog ma dbus mthar yang dag gnas// bsrub bya srub byed yang dag sbyor// ji lta ba ni de bzhin du// sngags bzlas bsam gtan la sogs ldan// sbyor nyid cho ga'i ye shes ni// rgyud las gsungs pa mnyan par gyis// dbugs 'byin bar ma mchog dag dang // dri yi chu dang bcas pas kyang // rnal 'byor pas dus khyad par du// rigs ldan rtag tu mchod par bya// pho nya lhan cig skyes grub ma// mchog dang 'bring dang tha ma ste// yid ni nang du chud pa yis// 'dod pa yi ni dngos grub bya//

  4. 3a

    rang rdzas thig les sangs rgyas dang // byang chub sems dpa' mchod par bya// mthong ba dang ni reg pa dang // thos pa 'am ni dran pa yis// sdig pa kun las grol 'gyur ba// de ltar nyid du the tshom med// rnal 'byor pa nyid bsod nams mchog / dag byed sdig pa 'joms byed pa// gsang sngags zlos dang bsam gtan dang // bde bas kyang ni 'grub par 'gyur// dam tshig rtag tu bskyang bar bya// shin tu mnyam gzhag sgrub pa pos// dam tshig nyams pas dkyil 'khor du// dbang bskur dngos grub thob mi 'gyur// sbrang rtsi mar dang ga pur bcas// tsan dan dmar po dang sbyar ba// tshogs kyi nang du bzhag pa ni// thams cad rdor mtshan mtshan ma 'dzin// ming med mthe bong rtse sbyar bas// rnal 'byor rig pas rtag tu spyad// myangs pas zhi ba'i btung ba bzhin// dngos grub rtag pa thob par 'gyur// 'di

  5. 3b

    ni mi 'chi bcu phyed 'gyur// dngos grub thams cad 'jug byed yin// mchod bzhi dpa' bo chen po ni// yid la 'dod pa byed pa ste// dbang gnyis snyoms par 'jug pa yi// snyoms par zhugs pa'ang de nyid 'dzin// lha dang mi yi bde ba ni// bsdus byas rdo rje 'dzin pa yis// de lta bur ni byed pa yi// bcu drug char ni mi phod do// ri bo tshang tshing sman ljongs sam// chu bo che rnams ngogs dag dang // gdod nas grub pa'i dur khrod du// der ni dkyil 'khor bri bar bya// dpal he ru ka'i nges par brjod pa las dkyil 'khor du 'jug pa'i le'u ste dang po'o// der ni lci ba ma lhung bas// dkyil 'khor sa ni nye bar byug / dur khrod thal bar ldan pa dang // bdud rtsi lnga dang bcas pa yis// dkyil 'khor sa ni nyar byugs te// der ni dkyil 'khor yang dag brtsam// gnas de ru ni bsgoms pa yis// dur khrod du ni kun tu brtag / ro bsregs sol ba'i phye ma dang // dur khrod so phag ldan pa yis// dkyil 'khor bzang po bri bar bya// slob dpon dge ba'i mtshan nyid can// yang dag shes shing rgyud shes pa// dpal ldan khrag 'thung gsang sngags shes// khro med gtsang zhing mkhas pa dang // sbyor shes ye shes pha rol 'gro// thod pas spyi bor brgyan byas shing // yan lag thal bas byugs pa dang // gug skyed dag gis lus brgyan cing // rus pa'i phreng la sogs

  6. 4a

    pas brgyan// dum gcig spyi bor brgyan pa dang // rus pa'i phreng ba rnam par 'phyang // kha T+wAM ga ni lag na gnas// bdag nyid khrag 'thung dpal byas nas// de 'og khrag 'thung dpal dran byas// 'khor lo 'di ni snying gar dgod// bdag nyid de ltar go bgos nas// ra ba rnams ni phyogs su dgod// de ltar bdag nyid go bgos nas// 'og tu yang ni mtshon cha dgod// 'khor lo mtshon cha'i phreng ba dag / steng du mda' yi dra ba nyid// slar yang bdag nyid mkha' spyod du// gur byas de ni go char 'gyur// de ltar go cha de bgos nas// sum cu pas kyang mi phyed do// de ltar bdag nyid rab bsrungs shing // sngags dang phyag rgyas rnam brgyan nas// dngos grub chen po rab ster ba'i// dkyil 'khor 'jigs pa bri bar bya// de nas sems med srad bu 'am// ru d+hi ra ni chen pos brlan// he ru ka dpal grong khyer mchog / dkyil 'khor 'jigs pa'i thig gdab bya// khru gang khru bzhi 'am khru brgyad pa// sgo bzhi kun nas zur bzhi pa// rta babs bzhi yis rnam par brgyan// sngags pas nyis 'gyur rnam par spyad// mkha' 'gro dra ba'i bde mchog mchod// de yi dbus su pad+ma ni// 'dab bcas lte ba 'bar dang bcas// ge sar yang dag ldan par bzhag / lte bar dgod bya dpa' bo ni// 'jigs byed kyang ni 'jigs par mdzad// mdangs dang ldan zhing rab tu 'bar// ha ha zhes pa'i sgra cher bzhad// thod pa'i phreng ba'i rgyan

  7. 4b

    dang ldan// bzang po spyan gsum zhal bzhi mnga'// glang po'i pags pa rnam par bgos// smin ma bzang po rdo rje dbyes// phyag na kha T+wAM mi thod bsnams// brgya phyed phreng bas rnam par brgyan// de mdun gnas pa'i lha mo ni// rdo rje phag mo rab 'jigs ma// he ru ka dpal che la phyogs// spyan gsum drag po'i gzugs can yin// ka pA la ni an+tas bkang // kha nas ru d+hi ra dzag cing // lha dang lha min mir bcas pa// phyogs kun tu ni sdigs mdzub byed// mkha' 'gro ma ni nyi shu bzhi// phag mo yi ni rigs las byung // phyogs dang phyogs kyi mtshams rnams dang // 'khor lo'i dbus su mchod par bya// de bzhin 'dir ni dpa' bo yang // 'khor lor yang dag gnas pa mchod// sgrub po gal te dngos grub 'dod// gnyis med dpa' bo mchod par bya// de nas bum pa bya ba ni// rtsa ba nag po la sogs med// mu tig gser dang rin chen dang // byu ru dngul dang zangs ma ste// bza' ba kun gyis legs bkang ba'i// snod ni steng du gzhag par bya// mgrin pa srad bus dkri ba dang // kha ni 'dab mas brgyan par bya// gos zung gis ni legs dkris pa// brgyad ni sgo ru rnam par dgod// gos zung gis ni legasadakris pa'i// bum pa dgu pa dbus su gzhag / gser ram dngul lam rin chen nam// mu tig rnams kyis mdzes par bya// dkyil 'khor kun tu rin chen dang // gser gyis mdzes par spras par bya// grong mchog yid 'ong

  8. 5a

    mchod na ni// grub pa nyid du the tshom med// bdag nyid kun nas sgo la ni// dri yi chu yis legs par gdab// gal te dngos grub mchog 'dod na// mar me brgya ni dbul bar bya// nam mkha'i mkha' 'gro ma rnams ni// yid kyis thams cad steng du dgod// sa steng mkha' 'gro ma gang yin// dkyil 'khor kun tu dgod par bya// gang yang 'og mkha' 'gro ma// de ni sa 'og rnams su dgod// ma mo thams cad phyogs dang ni// phyogs mtshams rnams su dgod par bya// gal te dngos grub mchod 'dod na// dri dang me tog de bzhin spos// cho ga bzhin du de bzhin mchod// mar me brgya yang dbul bya zhing // dpal he ru ka'i dkyil 'khor gnas// dpa' bo rnal 'byor ma rnams mchod// rgyal mtshan dmar dang de bzhin ser// dkar dang gnag dang ser cha dang // me tog phreng ba du ma dang // de bzhin gos ni sna tshogs dang // bla re dang ni yol ba dag / mdzes pa ji lta de bzhin te// de bzhin bza' bca' btung ba yis// rab mnyam bzhag ste mchod par bya// dpal he ru ka'i nges par brjod pa las 'khor lo mchod pa'i cho ga'i le'u ste gnyis pa'o//// de nas sgrub pos dngos kun gyis// dang por slob dpon mnyes par bya// grub 'dod shin tu mnyam bzhag pas// ci nus pas ni bla ma mchod// dril bu sgra ldan dpyangs pa dang // me tog spos rnams kyis brgyan cing //

  9. 5b

    shin tu sgra snyan dril bu dkrol// sgrub pa po yis rnga brdung zhing // ha ha zhes ni brjod par bya// de ltar cho ga bzhin dkyil 'khor// 'dod pa kun ldan mchod nas ni// bu sdug de dag gdong pa la// dar ras legs par bkab nas su// thal mo me tog gis bkang ste// yang dag par ni zhugs pa dag / sgrub po shin tu mnyam bzhag pas// de nas bskor ba byas nas ni// blo bzang yid ni mnyam bzhag pa// pho brang nyams dgar gzhug par bya// lho yi phyogs su lus brten la// thal mo'i me tog de nas dor// dkyil 'khor steng du dor bar bya// gang du me tog de lhung ba// shrI he ru ka'i gnas sogs bstan// de yi rigs ni rnam bstan te// de ni rigs de'i ming 'gyur bar// slob dpon gyis ni ming bstan to// de nas slob dpon legs par ni// mnyam par bzhag ste phyag rgya mchod// de nas slob ma phyi de nyin// las ni yang dag spyad par bya// mtshal chen lan gsum bzlas pa yis// de rnams su ni thig le bya// slob ma yi ni gdong phye la// de nas dkyil 'khor bstan par bya// lha gang gi ni gnas gang yin// der de yang dag bstan par bya// slob dpon dang bcas pho brang la// de nas slob mas rab btud nas// phyir yang g.yon nas brtsams pa yis// de nas bskor ba byas nas ni// dkyil 'khor dang ni bla ma la// ji bzhin cho gas phyag bya'o// de nas bla ma dag la yon// de

  10. 6a

    bzhin gshegs pas gsungs pa dbul// gser ni brgya stong dbul ba dang // rin chen rnam pa sna tshogs dang // ras ni zung 'gyur brgya nyid dang // glang po rta dang yul 'khor dang // rna rgyan nam ni gdu bu dang // mgul rgyan sor gdub dam pa dang // gser las byas pa'i mchod phyir thogs// chung ma bzang dang bu mo nyid// bran pho bran mo sring mo rnams// phyag btsal nas ni dbul bar bya/ ji skad gsungs bzhin slob ma ni// blo dang ldan pas bla ma la// dngos po kun gyis bdag nyid ni// de bzhin du ni dbul bar bya// deng nas brtsams te bran du bdag / khyed la bdag gis phul ba lags// de nas sgrub pos rab nges par// de ltar cho ga byas na ni// de nas de la mkha' 'gro ma// rnal 'byor ma mo rnams mnyes 'gyur// mkha' 'gro ma dang lA ma dang // khaN+Da ro he gzugs can ma// sgrub po mkha' 'gro ma lhan cig / de dang rnam spyod kun tu 'gro// thams cad sgrub po de yi ni// ci bgyid byed par the tshom med// rnal 'byor 'di ni bsgrub gyur na// 'jig rten gsum du mi zlogs shing // mi snang 'og dang nam mkhar rgyu// rkang mgyogs de bzhin bcud kyis len// sgrub pa po ni 'dod tsam gyis// rtag par rgyun du bskyed par 'gyur/ gzugs ni du ma byed pa dang // nam mkha' la ni 'gro bar 'gyur// mkha' 'gro rnams kyang khyad par du// skad cig de la sbyor bskyed de// 'gro ba rnams kyang nges gnon par// lan cig

  11. 6b

    bltas pas rnal 'byor pas// sngags pa dkyil 'khor ma mthong bar// gang zhig rnal 'byor pa nyid 'dod// mkha' la khu tshur gyis rdeg dang // smig rgyu'i chu ni 'thung dang mtshungs// rnal 'byor 'di ni mchog rab dang // sbyor ba kun gyi dam pa yin// gang zhig rtag tu 'dod gyur pa// lha dang lha min mi rnams te// 'di dag zil gyis gnon par 'gyur// rgyud 'di ru ni dbang bskur bas// thams cad kyi ni sgrub pa po// dgod dang lta dang lag 'dzin gyis// 'khyud dang gnyis sprod la sogs la// dbang bskur bar ni gyur pa yin// thams cad rgyud las dam pa'o// 'di ni lha mi zil gnon 'gro// de nyid bsdus pa'am sdom pa'am// gsang ba'am rdo rje 'jigs byed las// dkyil 'khor rnams kyi rgyal po 'di// ma byung 'byung bar mi 'gyur ro// bshad dang ma bshad gang ci'ang rung // de kun he ru ka la gnas// dpal he ru ka'i nges par brjod pa las yon tan dang bcas pa'i dbang bskur ba'i cho ga'i le'u ste gsum pa'o//// de nas mkha' 'gro ma rnams ni// gnas na rnam par 'gying ba ste// brtson chen 'khor lo sgyur ma dang // stobs chen ma dang rab dpa' mo// 'khor lo'i go cha chang 'tshong ma// khaN+Da ro he 'khor lo'i shugs// bya gdong ma dang rta rna mo// shin tu bzang mo ljang lha mo// chang 'thung ma dang rlung shugs ma// de bzhin 'jigs byed chen mo

  12. 7a

    dang // srung ma dang shing grib ma// lang ka'i dbang phyug mi'u thung ma// dpa' bo'i blo ma sna chen ma// 'od ldan ma dang gtum mig ma// rab gtum ma ste sgrub byed yin// mkha' 'gro ma ni nyi shu bzhi// 'di dag sngon nyid grub pa yin// rang ming brjod pa'i sngags la ni// mthar ni hU~M hU~M phaT sbyar te// rnal 'byor rab mchog 'di mthong na// me ste gzhan dag sog mar mtshungs// o~M ni kun la gsal byed de// grub stsol 'dod pa thams cad byed// dpa' bo nyid 'gyur grub pa ni// khyim du dkyil 'khor mthong ba yin// de nas de rtag bsgom par bya// dngos grub de bzhin gshegs gsungs bzhin// dpal he ru ka'i nges par brjod pa las dpa' bo dang rnal 'byor ma gnyis su med par dgod pa'i le'u ste bzhi pa'o// de nas thams cad chos 'byung bar// sna tshogs lte bar mi shigs dge// sngags pas chog bzhin du bri// chos kun gcig tu bsdu bar bya// 'dir sngags tshig ni 'di yin te// A li kA li mnyam byas nas// sde tshan la ni yongs bsdoms pa// bzhi bzhi ru ni shes byas la// thub pa mchog gi re mig la// der gnas dpa' bo btu bar bya// 'dod don thams cad sgrub byed pa'o// bzhi pa'i lnga pa gang yin dang // lnga pa yi yang lnga pa dang // lnga pa yi ni bzhi pa dang // dang po'i gsum pa gang yin dang // de bzhin nyi shu rtsa dgu pa// bzhi pa'i dang po gang

  13. 7b

    yin dang // mthar gnas pa yi bzhi pa dang // de nyid kyi ni gnyis pa dang // sum cu pa ni yang dag blang // de bzhin nyi shu drug pa nyid// de dag thams cad legs bsdus la// de bzhin brgya yi phyed phyed yang // de nas sum cu rtsa gsum gzung // dang po'i dang po nyid dag dang // mthar gnas pa'i gsum pa dang // lnga pa yi ni dang po dang // dang po yi ni gsum pa dang // sum cu rtsa gnyis nyid dag dang // bzhi pa yi ni lnga pa dang // lnga pa yi yang bzhi pa dang // mthar gnas pas yi dang po gang // gnyis pa yi ni gsum pa dang / gsum pa'i dang po gang yin dang // lnga pa yi yang lnga pa dang // dang po yi yang dang po dang // de bzhin bcu gcig pa nyid dang // de bzhin mkhas pas bcu drug pa// gsum pa'i dang po gang yin// de bzhin nyi shu rtsa drug pa// bzhi pa'i gsum pa gang yin dang // uSh+ma Na yi gnyis pa nyid// dang po'i dang po gang yin dang // de bzhin nyi shu rtsa bdun pa// nyi shu rtsa brgyad pa yang ngo // dang po yi ni gsum dang // lnga pa yi yang gzhi pa dang // de bzhin sum cu rtsa gcig blang // bco lnga pa ni nyid dag dang // de bzhin nyi shu rtsa lnga pa// dang po'i gnyis pa gang yin dang // de bzhin nyi sha rtsa drug pa// yi ge sum cu rtsa gnyis dang // uSh+ma Na yi tha ma nyid sum cu rtsa gnyis pa nyid dang // lnga pa yi ni bzhi pa dang // gnyis pa yi ni gsum pa dang // lnga pa yi ni bzhI ba dang // uSh+ma Na yi bzhi pa dang // gzhan yang nyi shu rtsa bdun pa// an+ta s+thA yi

  14. 8a

    dang po dang // de bzhin nyi shu rtsa gcig pa// an+tas+thA yi gnyis pa dang // de bzhin yang ni sum cu pa// lnga pa yi ni dang po dang // uSh+ma Na yi dang po nyid// de bzhin yi ge rgya nyid dang // bzhi pa'i dang po gang yin dang // uSh+ma'i dang po gang yin dang // de bzhin nyi shu rtsa brgyad pa// dang po'i gnyis pa gang yin dang // gsum pa'i dang po nyid dag dang // dang po'i gsum pa gang yin dang // bzhi pa'i bzhi pa gang yin dang // an+tas+thA yi gnyis dang // gsum pa yi yang lnga pa dang // yi ge byA ni de nas blang // dang po yi ni bzhi pa dang // de nas brgyad pa nyid dag dang // bzhi pa'i lnga pa nyid dag yin// lnga pa yi yang lnga pa dang // de bzhin nyi shur rtsa bdun pa// bzhi pa yi ni bzhi pa dang // slar yang nyi shu rtsa bdun pa// de bzhin nyi shu rtsa drug pa// nyi shu rtsa lnga yang dag blang // sum cu rtsa gsum nyid dag dang // bzhi pa yi ni bzhi pa ni dang // lnga pa yi ni lnga pa dang // bzhi pa yi yang lnga pa dang / / dang po'i dang po nyid dag dang dang po nyid dag dang po'i dang po nyid dang // de bzhin nyi shu rtsa bdun pa// an+tas+thA yi bzhi pa dang // de bzhin nyi sha rtsa gcig pa// uSh+ma Na yi gnyis pa nyid// de bzhin nyi shu rtsa dag pa'o// dang po'i dang po nyid dang ni// mthar gnas pa yi gnyis pa nyid// gnyis pa yi ni dang po nyid// drug pa yi yang gnyis pa'o// dang po yi ni dang po dang // mthar gnas gnyis pa de bzhin te// gnyis pa yi ni dang pi dang // bdun pa yi ni gnyis pa

  15. 8b

    dang // drug pa yi yang gsum pa dang // bzhi pa yi yang lnga pa la// bzhi pa yis ni sbyar bar bya// mthar gnas pa yi bzhi pa dang // lnga pa yi yang lnga pa la// gzhi pa yis ni gdan du bya// lnga pa yi ni dang po la// 'og tu me yi gdan dang ldan// uSh+ma Na yi gsum de bzhin// mthar gnas pa yi dang po yang // bzhi pa yi ni dang po nyid// me yis gdan du byas pa'o// bdun pa yi ni gsum pa dang // drug pa yi yang dang po gang // ka Shar grags pa'i dang po gzung // lnga pa yi ni bzhi pa dang // mthar gnas pa yi dag po gang // de bzhin yang ni ril po nyid// lnga pa yi ni bzhi pa dang // bdun pa yi yang dang po dang // uSh+ma Na yi bzhi pa gzung // bdun pa yi ni bzhi pa la// rdo rje sems dpas phye ba dag / uSh+ma Na yi bzhi pa nyid// 'od byed gdan byas tsheg drag ldan// bdun pa yi ni bzhi la// 'og tu yang ni me yi gdan// tsheg drag dang ni yang dag ldan// lnga pa yi ni gnyis pa dang // de bzhin nyi shu gnyis pa nyid// drug pa yi ni gnyis nyid dang // de bzhin bcu gcig par ni nges// slar yang nyi shu rtsa gnyis gzung // gsum pa yi ni dang po dang // bzhi pa yi ni gsum pa dang // uSh+ma Na yi gzhi pa nyid// lnga pa yi ni gsum pa dang // bdun pa yi ni bzhI ba dang // nyi shu gcig pa de nas btu// gnyis pa yi ni dang po dang / lnga pa yi ni dang por nges// gnyis las drug pa'i yi ge'o// lnga pa yi ni bzhi pa dang //

  16. 9a

    de bzhin ka Shar grags nyid dang // nyi shu bzhi pa de nas btu// slar yang ril po ji bzhin dang // lnga pa yi ni gsum pa dang // uSh+ma Na yi gsum pa dang // mthar gnas pa yi gnyis pa nyid// lnga pa yi ni bzhi pa dang // slar yang 'od byed sbyin par bya// yi ge nyi shu'i 'og tu ni// bcu drug pa ni gdan du bya// 'og tu me yis gsal byas la// lnga pa yi ni lnga pa dang // mthar gnas pa yi gsum pa dang // lnga pa yi ni gnyis pa dang // drug pa yi yang gsum pa dang // mtha' gnas pa yi bzhi pa dang // nyi shu lnga pas khyad par dbye// bzhi pa yi ni lnga pa dang // gnyis pa yi ni gsum pa la// nyi ma'i bu yis khyad par dbye// uSh+ma Na yi bzhi pa dang // 'og tu bco lnga pa yi gdan// dang po yi ni gsum pa dang / de nas me yis gdan du bya// bdun pa yi ni bzhi pa dang / 'og tu bco lnga pa yi gdan / uSh+ma Na yi gsum pa nyid// lnga pa yi ni dang po la// bcu drug pa yis gdan du'o// de nas nyi shu gcig pa blang // bzhi pa yi ni dang po dang // mthar gnas pa'i gsum pa dang // gnyis pa yin gsum pa dang // bzhi pa yi ni dang pi dang // lnga pa yi ni bzhi pa dang / dang po yi ni gsum pa dag / uSh+ma Na yi gsum pa'i gnyis// de bzhin nyi shu rtsa gcig pa// 'od byed mnyam par mnan pa'o// lnga pa yi ni gsum pa dang // bzhi yi ni dang po dang / gsum pa

  17. 9b

    yi ni gsum pa la// me yis steng nas gsal bar bya// mthar gnas pa yi dang por gsungs// de nas yi ge bcu drug pa'o// gsum pa yi ni gsum pa dang // spyi bor me yi yi ges mtshan// de bzhin nyi shu rtsa drug nyid// dang po yi ni dang po dang // gnyis pa yi ni dang po dang // sum pa yi ni bzhi pa la// bcu gsum pa yis mnan pa'o// dang po'i dang po de bzhin te// gnyis pa yi ni dang po dang // gsum pa yi ni bzhi pa yi// steng du bcu gsum pa nyid dang // uSh+ma Na yi bzhi pa la// nyi shu bdun pas gdan du bya// dbyangs yig bzhi pa'i sa bon la// 'od byed kyis ni gsal byas pa// gnyis pa yi ni gsum pa la// bco lnga pa yis gdan du bya// gnyis pa yi ni gsum la// gsum pa'i lnga pa la ni skyon// ka Sha'i sa bon btus nas ni// nyi shu lnga pas gdan du bya// ril po mdzes pa btus nas ni// yi ge ma yis gdan du bya// uSh+ma Na yi bzhi par nyid// bdun pa yi ni bzhi pa dang // ya tshogs brgyad pa'i sa bon dang // de bzhin sum cu gsum par nges// lnga pa'i bdag nyid yongs btus la// yang ni de la gnyis par nges// gnyis pa yi ni dang po dang // mthar gnas pa yi gsum pa dang // de bzhin sum cu rtsa gnyis pa// drug pa yi ni gsum pa dang // bdun pa yi ni bzhi dang // drug pa'i gsum pa de bzhin te// lnga pa yi ni bzhi pa dang / drug pa yi ni gsum pa ste// gnyis gnyis rkang pa bzhi yin no//

  18. 10a

    rig pa'i rgyal po'i gsang sngags te// bya ba thams cad rab sgrub pa'o// 'di las shin tu mchog gyur pa// 'jig rten gsum na yod min te// he ru ka dpal sngags shes na// me ste gzhan dag sog ma 'dra// rtsa ba'i sngags su rab tu grags// dpal he ru ka'i nges par brjod pa las rtsa ba'i sngags kyi yi ge btu ba'i cho ga'i le'u ste lnga pa'o// gzhan yang yi ge nyi shu gnyis// snying po nye snying yi ge bdun// ya tshogs brgyad pa'i sa bon dang // de bzhin gug skyed bcu gnyis kyis// yi ge bar ma dor byas la// yan lag drug ni he ru ka / dpa' bo drug dang mnyam sbyor ba// yi ge re rer yang dag gnas// oM hA na ma hI swa hA hU~M// bau ShaT+Te hU~M hU~M ho// phaT hang ni dang yang dag ldan// sgrub pos snying por shes par bya// dang po snying ga nyid du ste// gnyis pa spyi bor shes par bya// gsum pa spyi gtsug dag tu sbyar// bzhi pa go cha nyid du yin// lnga pa mig tu gyur pa ste// drug pa mtshon cha zhes byar 'dod// dpal he ru ka'i ngesapar brjod pa las dpa' bo drug gi go cha btu ba'i le'u ste drug pa'o//// de nas dbyangs yig bcu gsum nyid// yi ge gnyis pa dag dang sbyar// dbyangs yig bcu gcig yang dag ldan// yi ge drug pa brgyan par bya// dbyangs kyi bzhi pa nyid kyang ni// yi ge bdun pa nyid dang sbyar// dbyangs yig bcu bcig pa nyid ni// mkhas

  19. 10b

    pas yi ge brgyad dang sbyar// dbyangs yig gnyis pa dang ldan par// yi ge dgu pa brgyan par bya// dbyangs kyi yi ge gnyis pa nyid// yi ge bcu gnyis pa dang sbyar// dbyangs yig gnyis par ldan par ni// yi ge nyi shu gcig pa gzung // mkhas pas yi ge bcu bzhi pa// yi ge nyi shu pa dang sbyar// dbyangs kyi gsum pa nyid dang ni// yi ge bco lnga pa dang sbyar// dbyangs yig bco lngar yang dag ldan// yi ge bcu drug pa mdzes bya// dbyangs yig gsum pa dang ldan pa'i// yi ge bcu bdun pa ru 'dod// dbyangs kyi gnyis pa nyid dang ni// yi ger bco brgyad pa ru sbyar// dbyangs yig gi ni gnyis pa nyid// yi ge nyi shu gcig par sbyar// dbyangs yig lnga pa nyid dang ni// yi ge'i nyi shu gsum par sbyar// dbyangs yig bcu gsum pa nyid ni// yi ge nyi shu bzhi par sbyar// sde tshan dang po blangs nas ni// yi ge nyi shu lnga par sbyar// dbyangs yig gnyis pa dang ldan pa// yi ge nyi shu rtsa drug 'gyur// nyi shu brgyad pa nyid dag ni// dbyangs yig bco lnga pa dang sbyar// gsum pa'i dang po yang dag ldan// 'og ma'i cha ni me dang bcas// de bzhin dbyangs yig gnyis par sbyar// yi ge nyi shu rtsa dgu pa'o// yi ge sum cu rtsa gcig pa// dbyangs yig gnyis pa'i dag dang sbyar// yi ge sum cu rtsa gnyis pa// dbyangs yig bcu gsumapa dang sbyar// yi ge sum bcu rtsa

  20. 11a

    gsum pa// nyi mar yang dag ldan par bya// dbyangs yig bzhi pa nyid dang ni// yi ge sum cu bzhir ldan pa// 'dod pa'i don kun sgrub byed yin// dbyangs yig lnga pa nyid dag ni// sum cu bdun par yang dag ldan// mkha' 'gro ma rnams sgrub byed yin// sum cu brgyad pa 'di dag ni// dbyangs yig gnyis pa dang sbyar ba// lha rnams thams cad sgrub pa ni// 'di nyid yin par the tshom med// bzhi bcu rtsa gnyis pa nyid la// 'og gi char ni sgrub pa pos// me dang sbyar ba bya ba nyid// bzhi bcu gsum pa nyid dag ni// dbyangs yig lnga pa nyid dang sbyar// yi ge bzhi bcu lnga pa ni// dbyangs kyi yi ge gnyis par sbyar// dbyangs yig lnga pa nyid dag kyang // bzhi bcu rtsa drug pa ldan pa// dpa' bo thams cad rab mchod yin// bzhi bcu rtsa bdun pa nyid ni// dbyangs yig gnyis dang sbyar ba// 'di ni rdo rje sems dpa' mchog / de bzhin lnga bcu rtsa gcig pa// dbyangs yig lnga pa nyi dag gis// mdzes pa mchog ni yin par 'dod// lnga bcu rtsa gnyis pa nyid ni// dbyangs yi gnyis pa dang sbyar ba/ lha rnams thams cad sgrub pa'i ni// 'di nyid yin par tha tshom med// de bzhin lnga bcu rtsa gsum pa// dbyangs yig bcu gsum pa dang sbyar// brgya yi yi ge blangs nas ni// lnga bcu rtsa bzhi pa ru 'gyur// yi ge lnga bcu rtsa drug pa// dbyangs yig drug pa dang yang sbyar// dgra rnams nges par gsod

  21. 11b

    byed yin// an+ta s+tha yi bzhi pa dang // dbyangs yig gnyis par sbyar bar bya// de bzhin bco lnga pa dang sbyar// dngos grub thams cad sgrub par yin// yi ge lnga bcu rtsa dgur 'gyur// yi ge drug cu rtsa gcig nyid// dbyangs yig gnyis pa dag dang sbyar// 'di nyid mchog ni yin par bshad// de bzhin drug cu rtsa gnyis pa// dbyangs yig gsum par sbyar ba ni// mkha' 'gro ma yi mchog tu 'dod// yi ge drug cu rtsa gsum nyid// dbyangs yig bcu gcig yang dag ldan// mdzes pa'i yi ge kun mchog nyid// de bzhin drug cu rtsalnga pa// rdo rje sems dpas phye ba dag / sa bon 'di ni lha rdzas mchog / grub sbyin thar pa sbyin chen po// yi ge drug cu rtsa drug pa// dbyangs yig gsum dang yang sbyar// bya ba kun la grub sbyin par// de ltar de bzhin gshegs pas gsungs// yi ge drug cu rtsa bdun pa// dbyangs yig gnyis pas yang dag ldan// rnal 'byor ma yi bya ba kun// 'di nyid yin par the tshom med// drug cu brgyad pa nyid la yang // der ni yi ge ba sbyar ba// sa bon yi ge 'di yis ni// 'og gi char ni brtag par bya// yi ge bdun cu rtsa gcig pa// dbyangs yig gnyis dang yang dag sbyar// yi ge kun la mdzes pa ni// 'di nyid yin par the tsom med// bdun cu rtsa bzhi pa nyid ni// dbyangs yig gnyis par sbyar ba dag / gdod nas grub pa yin par ni// de bzhin gshegs pa'i zhal nas

  22. 12a

    gsungs// yi ge bdun cu lnga pa nyid// ma mo drug pa dang ldan pa// 'di ni rnal 'byor rab mchog ste// bya ba kun la dam pa yin// bdun cu rtsa drug pa nyid ni// dbyangs yig gnyis pa dang ldan zhing // nyi ma yis ni dbye bya ste// yi ge ba ni der sbyar bya// mchog tu mdzes pa gzhan yod min// yi ge bdun cu rtsa bdun pa// der ni d+ha dang sbyar bar bya// sa bon 'di ni rdzas kyi mchog / mkha' 'gro ma yi mdzes par 'dod// bdun cu rtsa brgyad pa nyid ni// dbyangs yig gnyis pa dang lan zhing // sa bon 'di ni mchog bzang po// rgyu yi mchog ni yin par 'dod// yi ge brgyad cu rtsa gcig pa// bzhi pa'i mtha' yi khyad par byed// gdod nas grub byed 'di yin te// dngos grub kun la 'jug byed pa'o// yi ge brgyad cu rtsa gnyis pa// dbyangs yig gnyis pa dang sbyar bya// ma mo rnams las lnga pa nyid// de bzhin yi ge brgyad cu brgyad// ma mo dag las lnga pa nyid// yi ge brgyad cu rtsa dgu pa// ma mo rnams las lnga ba nyid// de bzhin yi ge dgu bcu pa// ma mo dag las lnga ba dang // yi ge dgu bcu rtsa gcig pa// ma mo rnams las gnyis pa nyid// yi ge dgu bcu rtsa drug pa// dbyangs dag las ni gnyis pa dang // yi ge dgu bcu rtsa dgu pa// gdug pa rnams ni skrag byed cing // sngags pa rnams la bde 'byung byed// dbyangs rnams kyi ni bcu gsum pa// yi ge gnyis par yang dag ldan// dbyangs las

  23. 12b

    bcu gsum pa nyid dang // yi ge lnga par yang dag ldan// gdug pa rnams ni zad byed cing // mkha' 'gro rnams kyi bde 'bab pa'o// dbyangs rnams las ni bcu bzhi nyid// yi ge brgyad par yang dag ldan// bco lnga pa yis gdan du byas// dbyangs dag las ni bcu bzhi pa// yi ge dgu par yang dag ldan// spyi bor thig les mtshan pa'o// sgrub po mkha' 'gro ma rnams ni// khyad par du ni dga' byed pa'o// dbyangs rnams la ni bcu gcig pa// bcu gnyis pa yi yang dag ldan// spyi bor theg les mtshan pa'o// 'byung po thams cad skrag byed cing // sgrub po rnams la phan 'byung ba'o// bcu gcig par ni yang dag ldan// yi ge bcu gsum pa nyid la// thig les rnam par brgyan pa'o// 'byung po thams chad skrag byed cing // sgrub po rnams la phan 'byung ba'o// dbyangs rnams las las ni lnga pa nyid// yi ge sum cu gnyis par ldan// dbyangs rnams las ni gsum pa dang // yi ge sum cu gsum par ldan// dbyangs kyi gnyis pa nyid dang ni// yi ge sum cu bzhi par ldan// dbyangs rnam las ni gnyis pa nyid// yi ge sum cu/ drug par ldan// thog ma'i gnyis par yang dag ldan// yi ge sum cu rtsa bdun pa// dbyangs las gsum par yang dag ldan// yi ga bzhi bcu pa la'o// ma mo'i bcu gcig yang dag ldan// yi ge gzhi bcu rtsa gcig pa// dbyangs dag las ni gsum pa nyid// yi ge bzhi bcu gnyis par

  24. 13a

    ldan// dbyangs dag las ni gsum pa nyid// yi ge bzhi bcu bzhi par ldan// ma mo las ni gnyis pa nyid// yi ge bzhi bcas brgyad par ldan// dbyangs dag las ni gnyis pa nyid// yi ge'i bzhi bcas lnga par ldan// ma mo las las ni lnga pa nyid// yi ge lnga bcu gsum par ldan// yi ge lnga bcu rtsa bzhi pa// thig les kyang ni rnam brgyan pa'o// yi ge lnga bcu rtsa lnga pa// spyi bor thig les mtshan pa la// dbyangs kyi gnyis pa sbyar ba'o// yi ge lnga bcu rtsa bdun pa// spyi bor thig les gnan pa'o// dbyangs rnams las ni gnyis pa nyid/ yi ge lnga bcu rtsa brgyad pa// ma mo las ni gnyis nyid// yi ge drug cu rtsa lnga pa la'o// ma mo las ni gnyis po nyid// yi ge drug cu brgyad par ldan// dngos grub thams cad 'gugs byed cing // sgrub po rnams la dpal sbyin pa'o// ma mo las ni bzhi pa nyid// yi ge bdun cu gcig par ldan// thig les kyang ni rnams par brgyan// ma mo las ni bzhi ba nyid// yi ge bdun cu gnyis par ldan// sems can thams cad dbang byed pa// thig le yis ni mnyam par mnan// dbyangs kyi bcu bzhi par nges ldan// yi ge bdun cu rtsa gsum pa'o// ma mo las ni bcu bzhi pa// yi ge bdun cu bzhi par ldan// de bzhin thig les rnam brgyan pa'o// dbyangs rnams ni gnyis pa nyid// yi ge bdun bcu lnga par ldan// phyi mo yi ni gnyis pa nyid/

  25. 13b

    yi ge bdun cu drug pa ldan// ma mo las ni gnyis pa nyid// yi ge bdun cu brgyad par ldan// steng du thig les mtshan pa'o// ma mo las ni bzhi pa dang // yi ge bdun cu rtsa dgu pa// spyi bor thig les mnan pa'o// dbyangs rnams las ni drug pa nyid// rta yi rgyal po bskyed pa la// thig le nA das rnam brgyan pa// dbyangs rnams las ni gsum pa nyid// yi ge bcu drug ldan pa'o// yi ge'i grangs ni brgya yi steng // dgu bcu dang ni rtsa brgyad do// 'di ni re mig las btus pa// he ru ka dpal mgon po yi// rtsa ba'i sngags mchog tu shes pa// dngos grub kun gyi gnas yin zhing // mkha' 'gro'i snying ni 'joms pa yin// dpal ldan khrag 'thung lha rig rgyal// bklags pas grub pa don yod pa// yi ge oM ni dang po ste// hU~M hU~M phaT ni mtha' mar sbyar// rtsa ba'i sngags de sngags 'di ni// grub pa thams cad sbyin byed yin// dpal he ru ka'i nges par brjod pa las sngags btu ba'i cho ga'i le'u ste bdun pa'o// de nas rang gi bdag nyid kyi// dpa' bo thams cad mnyam sbyor ba// mkha' 'gro ma yi dra ba yi// 'khor lo bde mchog yin par 'dod// hA sA raM mA sa la dzA nI ki DA Ta phaHhU~M hU~M kaM ru ru he he badzra shrI oM// rig pa'i rgyal po'i snying po ni// ma byung 'byung bar mi 'gyur ro// Ta pha hU~M hU~M ha ha ha hI oM// yi ge baM dang ya~M dang ni// yi ge ma~M dang hrI nyid dang // hU~M dang phaT ces bshad pa ni// rnal

  26. 14a

    'byor ma ni drug tu bshad// oM badzra bai ro tsa ni ye swA hA/ mkha' 'gro ma yi rig pa che// ma byung 'gyur bar mi 'gyur ro// sa steng na ni rin chen bzhi// phreng ba'i sngags ni dam pa yin// mkha' 'gro ma yi rig pa ste// rig pa'i rgyal po he ru ka / dpal he ru ka'i nges par brjod pa las go bzlog pa'i snying po dang rnal 'byor ma drug gi sngags btu ba'i cho ga'i le'u ste brgyad pa'o//// de nas rtsa ba'i gsang sngags kyi// las mchog go rims ji bzhin du// de ni rnam par bshad par bya// 'jig rten gsum gang ci yod rnams// thams cad skad cig gis 'grub par// las rnams thams cad byed pa'o// lha thams cad dang / klu thams cad dang / gnod sbyin thams cad dang / dri za thams cad kyi skye gnas thams cad dran pa tsam gyis gsod par byed do// sprin thams cad 'thor ba dang / char 'bebs par byed pa dang / zlog par byed pa'o// rgya mtsho skems par byed do// chu bo rgyun phyogs las bzlog ste 'bab par ston to// dbang po zlog par byed do// gsang sngags 'di bzlas brjod 'bum byas pas sa g.yo bar byed pa dang / shing la 'dzegs te gang du 'dod pa der 'gro bar byed do// sngags thams cad 'phrog par byed pa dang / dngos grub thams cad 'phrog par bya ste/ khrag 'dren par byed pa dang / slar yang gtong bar byed do//

  27. 14b

    gzugs brgya stong phrag du mar byed do// 'dod na snang bar byed cing 'dod na mi snang bar byed do// khang bzangs dang shing gi rtse mo la sogs pa phye mar byed do// dug bdud rtsir byed pa dang / bdud rtsi'ang dug tu byed do// zla ba chur byed pa dang / chu'ang zla bar byed do// dri thams cad 'phrog par byed do// gang du 'dod pa der 'pho bar byed do// nam mkha' lding gi gdong dang 'gro ba 'byin par byas pa zhi ba 'dus pa'i lha mo dang / gang zhig kun tu spyod pa'i mi'i mchog de'i lag mthil na yod pa'i dpal gang gis kyang mi 'phrog par 'gyur ro// rnam pa de lta bu'i cho ga dang ldan pa'i dngos grub kyi 'bras bu thams cad 'grub par 'gyur ro// dran pa tsam gyis gsod par byed pa dang / me skyed par byed do// sa 'og rnam par gshegs par byed pa dang / ser ba'ang zlog par byed de dran pa tsam gyis glog skyed par byed do// lha thams cad kyi gzugs brnyan gar byed du 'jug go / gang gis grub pa'i phyir ming nas bzung ste lan cig bzlas na de de'i mod la 'chi bar 'gyur ro// sa ma lus pa rnams la longs spyod par 'gyur ro// 'dod na sdud par 'gyur ro// bcom ldan 'das 'di la ni brtul zhugs mi dgos/ spyod pa dang bsnyung ba mi dgos te/ rtog pa'i bya ba cho ga 'dis ci 'dod pa'i las rnams bya'o// gal te khros pas lan cig bzlas na bye ba gsod par 'gyur ro// zhi bas bzlas na 'tsho bar byed do// dur khrod kyi sol ba la lan cig bzlas

  28. 15a

    bas gang la bsnun pa de de'i mod la ltung bar byed do// thal ba la yongs su bzlas te gang la bsnun na de de'i mod la sha zas gzung bar 'gyur ro// dur khrod kyi sol ba la lan cig bzlas nas spang leb la sogs pa la mtshan ma gang gi ming bris pa de gdon chen pos gzung bar 'gyur ro/ a ti mug ta'i lcug ma la lan cig bzlas nas gang la bsnun pa de'i mod la rlung gi shugs kyis 'ong bar 'gyur ro// gseg ma la lan cig bzlas te gang la btab pa de rengs par 'gyur ro// gang du 'dod pa der 'gro bar 'gyur ro// gu gul gyi bdug pa la lan cig bzlas te spos su sbyar na sems can thams cad 'bebs par 'gyur ro// lag pa la lan cig bzlas te bkab na nag pos zin pa'i dug sos par byed do// mkha' 'gros rgyas btab la lan cig bzlas pa'i chus de gtor bar byed do// ka ra wI ra'i lcug ma la lan cig ba zlas pas mngal gang du 'dod pa der 'pho bar 'gyur ro// he ru ka dpal ye shes ni// mi shes dngos grub mngon 'dod pa// de ni phub ma rdung ba ste// gsang sngags 'di ni med pa ru// dngos grub dang ni bde ba dag / mi yis thob par mi 'gyur ro// gsang sngags 'di ni mi shes par// rnal 'byor pa ni mngon 'dod pa// de yi ngal ba don med de// 'bras bu thob par mi 'gyur ro/ gsang sngags 'di ni 'dod spyod pa'i// dngos grub thams cad sbyin byed yin// sgrub po sngags dang phyag

  29. 15b

    rgya dag / bder gshegs gsungs pa 'di shes pa// bza' btung la sogs tsa ru yi// bza' dang btung ba'i ro sogs pas// dngos grub thams cad sgrub byed yin// dpal he ru ka'i nges par brjod pa las rtsa ba'i sngags kyi las kyi cho ga'i le'u ste dgu pa'o//// de nas sku gsum bshad par bya// khrag 'thung dpal gnyis med sbyor bas// gang gis shes pa tsam gyis ni// 'dir ni grub par the tshom med// sku gsum po 'di bshad par bya// chos kyi sku yi lus can du// gang tshe sgrub pa po 'gyur ba// de ltar legs sems gyur pa la// de tshe ye shes nga smra'o// longs spyod rdzogs pa'i lus can du// gang tshe bsgrub pa po 'gyur ba// des nas mnyam par gzhag pa la// longs spyod rdzogs par nga rab smra// sprul pa'i sku yi lus can du// gangs tshe sgrub pa po 'gyur ba/ de tshe sems de rtse gcig la// sprul pa'i skur yang nga smra ste// ye shes longs spyod rdzogs dang sprul// yang dag thob par gdon mi za// bdag nyid shrI he ru kar ni// 'grub 'gyur 'di la the tshom med// gsang sngags 'di yi snying po 'di// gsang ba bshad kyis sgrub po nyon// snying po'i gsang sngags bzlas pas dpag tshad bye ba 'phags par 'gyur zhing 'gro ba dang 'ong bar 'gyur ro// gzugs stong phrag du mar byed do// khang bzangs dang shing dang / khyim la

  30. 16a

    'dzegs te mkha' 'gro ma rnams dang lhan cig dpag tshad bye ba'i bar du 'gro bar 'gyur ro// nam mkha' la 'gro zhing 'ong ba las gzhan du mi 'gyur ro// 'dod na snang bar 'gyur zhing 'dod na mi snang bar 'gyur ro// 'dod na byis pa dang / rgan po dang / dar la bab pa'i gzugs 'dzin par 'gyur ro// 'dod na glang po che dang / ma he dang / ba men dang / rta dang / stag dang / seng ge dang / khyu mchog dang / byi la dang / rnga mo'i gzugs 'dzin par 'gyur/ 'dod na rma bya dang / khyim bya dang / ngang pa dang / ngur pa dang / chu skyar dang / 'ug pa dang / khra dang / bya rgod dang / bya rog gi gzugs 'dzin par 'gyur ba dang / gang 'dod pa de'i gzugs su byed do// tshig 'phrog pa dang / mthong ba 'phrog pa dang / nyan pa 'phrog pa dang / sna 'phrog pa dang / lce 'phrog par byed do// gang gi 'dod pa de'i khrag 'dren par byed pa'am rengs par byed do// dpal he ru ka'i nges par brjod pa las sku gsum grub pa'i snying po'i sngags kyi las kyi cho ga'i le'u ste bcu pa'o//// de nas gzhan yang sgrub pa pos// skye ba bdun pa'i bar 'byung ba// gang gis bsten pa tsam gyis ni// myur du dngos grub la 'jug pa'i// dngos grub thob 'gyur bshad par bya// skyes bu gang zhig rdul gyi dri zhim par 'byung ba dang /

  31. 16b

    bden par smra ba dang / yun ring por mig mi 'dzums pa dang / khro ba med par gyur pa dang / kha nas dbugs dri zhim par 'byung ba de ni skye ba bdun du mi'i skye bar gyur pa yin/ grib ma bdun pa bya ngang pa'i 'gros can snying rje dang yang dag par ldan pa de bsten na de'i snying ga na ro tsa na yod de/ de blangs la dpal he ru ka'i snying po'i sngags brgya rtsa brgyad bzlas nas thig le byas na steng du lding bar 'gyur zhing dpag tshad bye bar 'gro bar 'gyur ro// de bsten pa tsam gyis 'jig rten gsum gyi ye shes can du 'gyur ro// dpag tshad bye ba lnga bcur nyin zhag gcig gis 'gro zhing 'ong bar 'gyur ro// lha'i lus kyang thob par 'gyur ro// dpal he ru ka'i snying po gang zhig shes pa de gang dang gang 'dod pa de dang de ster bar 'gyur ro// dpal he rU ka'i nges par brjod pa las skye ba bdun pa'i mtshan nyid kyi cho ga'i le'u ste bcu gcig pa'o//// de nas nye ba'i snying po ni// dngos grub thams cad 'jug byed cing // 'jig rten gsum 'gyur gang cung zad// de kun skad cig gis 'grub bshad// baT pha hU~M hU~M ha ha hrIHo~M// 'di ni snying po'i nye ba'i snying po'o// gsang sngags 'di 'bum bzlas pas 'jig rten gsum yang g.yo bar byed do// lha dang / lha ma yin dang / gnod sbyin dang / srin po dang / klu dang / dri za dang / mi'am ci rnams 'gugs par byed do// rgya mtsho dang / 'bab chu dang / mtshe'u la

  32. 17a

    sogs pa skems pa'am/ gnon par byed do// gang du bzlas pa'i gnas der mkha' 'gro ma thams cad sgrub pa po'i mngag gzhug byed par 'gyur ro// 'dis chu la yongs su bzlas te bdag nyid kyi mig bkrus na skye ba bdun pa'i mi shes par 'gyur ro// tshe zad pa dang 'chi ba bzhin du snang ba'ang tshe ring ba dang gson par snang bar 'gyur ro// mig la mngon par bsngags nas gang la bltas pa de gnon par 'gyur ro// dpa' bo shi ba'i rkang mthil gyi pags pa blangs te/ mi'i khrag dang btags te rna ba'i mig sman dang thod par bcug la ldong ros dang / gi'u wang dang / gur kum dang / khrag dang bsnol te grib ma la bskams la lcags gsum gyis dkris pa bya ste/ yang de lhag par gnas pa skar ma rgyal la bya ba yang dpal he ru ka'i zhal du bcug la lag pa g.yon pas kha bkab ste/ yang brgya rtsa brgyad bzlas na de de'i mod la mi snang bar 'gyur zhing grib ma med par 'gyur te/ lha rnams kyis kyang mthong bar mi 'gyur na/ sa steng gi mi rnams kyis lta smos kyang ci dgos/ de bzhin du kha las bton na ni snang bar 'gyur ro// rgyud 'dir mkha' spyod grub pa'i ril bu 'di ni dpa' bo rang nyid kyis gsungs pa yin no// dpal he ru ka'i snying po'i nye ba'i snying po'i sngags 'dis mdzub mo'i rtses mgo'i thod pa'i sha med par byas la mnyes na de'i khrag 'dren par byed do// g.yon pas yang dang yang du mnyes pas ni 'dzug par 'gyur ro//

  33. 17b

    mngon par bzlas te mgo'i thod par khu tshur bsnun na gang gi ming nas smos te byas pa de'i klad pa 'gas par 'gyur ro// gsang sngags rjes su dran la thod pa 'o mas bkang na nye bar zhi bar 'gyur ro// gi bu wang la bzlas te thig le byas na gang la bltas pa de rgyas btab par 'gyur ro// mdzub mo la yongs su bzlas te gang la sdigs mdzub byas pa de de'i mod la lhung bar 'gyur ro// sngags bzlas nas rkang pa sa la bsnun na gang gi ming la smos pa de de'i mod la 'chi bar 'gyur ro// chu la bzlas te sa la gtor na slar 'tsho bar 'gyur ro// gsang sngagasabazlas pa'i mdzub mo'i rtse mos stong la yang sdigs mdzub byas nas bltas pas 'dug pa de thams cad gnon par 'gyur ro// tshig gis ni grol bar 'gyur ro// sme sha can gyi thal ba la bzlas brjod brgya byas te sems can gang rjes su dran pa de la bsnun pa de'i gzugs 'dzin par 'gyur ro// sbyin sreg gi me'i thal ba la bzlas brjod rgya byas te gang la bsnun pa de lha nyid kyis kyang mi mthong ngo // chu la brgya bzlas pas gtor na slar snang bar 'gyur ro// thod pa'i phyag rgya kha sbyar bcings la dbugs mi 'byin par gang gi ming nas bzlas pa de smyo bar 'gyur ro// skye bo stong yang smyo bar 'gyur ro// yid kyis grol bar 'gyur ro// gang gi ming nas smos te gtsug pud la lan bcu bzlas te mdud na mkha' 'gro ma thams cad 'ong bar 'gyur ro// khang stong du song ste lan brgya bzlas nas spyi bor bcings la mig bgrad de ji srid du bzlas pa de srid du mi

  34. 18a

    snang bar 'gyur ro// bkrol na slar yang snang bar 'gyur ro// gseg ma la mngon par bzlas te steng dang / 'og dang / phyogs mtshams rnams su gtor na lha dang / lha ma yin dang / gnod sbyin dang / srin po dang / dri za dang / mi'am ci dang / lto 'phye chen po thams cad kyang 'ching bar 'gyur ro// mkha' 'gro ma'i sbyor ba thams cad kyang 'phrog par 'gyur ro// stan dang mal khri la skyes pa dang bud med 'du ba la bltas te sngags brgya rtsa brgyad bzlas na 'byar bar 'gyur ro// yid kyis ni grol bar 'gyur ro// gyo mog dang bcas pa la yongs su bzlas te chu bor bcug na rgyun phyogs las bzlog ste 'bab par 'gyur ro// gyo mog bcas pa de nyid kyis dpa' rlabs gnon par 'gyur ro// yid kyis na bzlog par 'gyur ro// sngags bzlas te steng du blta bzhin du stong bzlas na char chen po gcod par 'gyur ro// gzhan gyi dpung mngon du phyogs na bzlas brjod stong byas te g.yul du zhugs pa na mtshon cha brgyas bsnun kyang gnod pa'i tshor ba 'byung bar mi 'gyur zhing mtshon gyis kyang chod par mi 'gyur ro// rdo rje'i lus can du 'gyur ro// dpal he ru ka'i nges par brjod pa las nye ba'i snying po'i las kyi cho ga'i le'u ste bcu gnyis pa'o// de nas go cha'i las rnams ni// 'jig rten gsum na gang yod pa// yid la 'dod pa de dag kun// go rims bzhin du bshad par bya// de la go cha zlos bzhin du yang

  35. 18b

    lam du zhugs na rkun ma dang stag gis 'jigs par mi 'gyur ba'am/ mi snang bar 'gyur ro// go cha zlos bzhin du yang rgyal po'i pho brang gi bud med kyi gnas su zhugs na yang mi snang bar 'gyur te/ gang 'dod pa de blangs te 'gro bar 'gyur ro// lha rnams kyis kyang mi mthong ngo // go cha'i sngags brgya zlos pa'i lag pas gang la reg pa de mdung bzhin du rengs par 'gyur ro// sum cu rtsa gsum pas kyang mi g.yo'o// sngags zlos pa'i rkang pas bsnun na thar par 'gyur ro// rang gi khrag la lan gsum bzlas nas thig le byas la gang dang lhan cig smra ba dang / gang gis mthong zhing gang mthong ba de thams cad kyi khrag 'dren par byed do// gang gi khyim du khro ba dang bcas pas lan stong bzlas na thams cad la rims kyis btab par 'gyur ro// chu la lan lnga bzlas te gtor na slar 'tsho bar 'gyur ro// gang gi gdong la bltas te bzlas pa de'i tshig 'phrog par 'gyur ro// 'bab chu'i 'gram dang lteng kar gnas te stong bzlas na chu'i steng du gnas te/ thang la ji lta ba de bzhin du chu la'ang de bzhin du 'gro'o// chu la zhugs na chu bo'am rgya mtsho yang gnas so// lag pa gnyis dril phyis byas la lan stong bzlas na rnal 'byor ma rnams dbang du 'gyur ro// rnal 'byor ma ni sna tshogs gzugs// mkha' 'gro de bzhin lA ma dang // khaN+Da ro he de bzhin te// gzugs can ma ru rab grags pa// de la sogs pa'i rnal 'byor ma// de kun de yi dbang

  36. 19a

    du 'gyur// skar ma rgyal gyi sbyor bas ras byas la// de gyon pa'i lus kyis rnal 'byor ma mnyam par bzhag pas stong phrag bcu bzlas na de'i 'og tu 'grub par 'gyur ro// de gyon pa'i lus kyis dpag tshad stong gi bar du nam mkhar mi snang bar 'gyur ro// gang du 'dod pa der 'gro bar 'gyur ro// des rgya mtsho'i mthar thug pa'i sa rnams su 'gro bar 'gyur ro// steng gi rgyud du 'gro bar 'gyur ro// dbang po gang dang gang lam gyur// de dang de yi rang bzhin 'gro// mchog tu mnyam gzhag sbyor ba yis// thams cad sangs rgyas rang bzhin 'gyur// shing yongs 'du'i khu bcud blangs la bzlas brjod stong byas te gang la thig le byas pa de shing du 'gyur ro// chu la lan bdun bzlas pas gtor na 'di ni slar 'tsho bar 'gyur ro// glang po che'i rkang mthil dang bsgrub bya'i rdul blangs te bzlas brjod stong bzlas nas gang la bsnun na de glang po cher 'gyur ro// dpal he ru ka'i nges par brjod pa las go cha'i sngags kyi las kyi cho ga'i le'u ste bcu gsum pa'o//// bong bu'i rnam pa'i rnal 'byor bdag / yid kyi shugs ni bzlog bya'i phyir// gang gis sgrub po 'grub pa yi// sgrub pa de nas bshad par bya// mkha' 'gro de bzhin lA ma dang // khaN+Da ro he 'dod gzugs can// bong bu'i rnam pa khrag 'dzag zhal// mkha' 'gro rtse gsum lag na thogs// bsgrubs na tsha zad pa dang ni//

  37. 19b

    tshe ring ba yang snang ba yin// 'dir ni bong bu'i rnal 'byor bdag / de bzhin bong bur mthong ba yin// glang po nyid du sngon du gang // mthong ste glang po'i gzugs can yin// gang dang gang gi skye ba gang // sngon gyi skye bar gyur pa dag / de dang de yi gzugs snang bar// rnal 'byor pas ni 'dir mthong 'gyur// skyes bu dngos grub 'di sbyin 'gyur// sngon nas skye ba bdun du mi// grub pa ster ba yod gyur na// de yis gtor ma'i bya ba dag / byas na sgrub pos 'grub par 'gyur// de bzhin dpag tshad brgya phrag ni// stong gi steng du skad cig 'gro// 'di ni rnal 'byor sngags mchog gtso// mkha' 'gro ma yi sbyor sgrub byed// rnal 'byor mtshan mas gang zlos pa// zla ba gcig gis 'grub par 'gyur// de ni gsang ba'i rgyud 'di yi// sngags kyi snying po dge ba yin// de nyid mchog shes gang de 'dir// rnal 'byor pa ru the tshom med// mkha' 'gro dra ba'i sdom par ni// de dag thams cad brjod pa yin// dpal he ru ka'i nges par brjod pa las dpal he ru ka bong bu'i rnam par mdzad pa'i cho ga'i le'u ste bcu bzhi pa'o//// de nas sdom pa rnams la ni// gang zhig brdar gyur shes pa dag / de nyid kyis de grub pa ni// the tshom med par bshad par bya// DA zhes bya ba skyes bur bshad// DI zhes bya ba bud med yin// phU~M zhes bya ba gnon pa yin// su zhes bya ba bza' ba yin// mA zhes bya ba ma ru bshad// yo zhes bya ba chung ma

  38. 20a

    yin// b+hI zhes sring mo de bzhin te// bI zhes bya ba mdza' mor bshad// la zhes bya ba bu mo yin// shrI zhes khrag tu shes par bya// so zhes zhi ba'i btung ba yin// pe zhes de bzhin btung ba ste// hI zhes bya ba de bzhin sha// b+ha zhes bya ba za ba yin// b+hU zhes bya ba 'dres pa yin// pI zhes dur khrod de bzhin te// d+hu zhes bya ba ro ru zhes// hi zhes rnal 'byor ma ru bshad// ga zhes de bzhin lA ma yin// trI zhes bya ba gzugs can ma// ku zhes de bzhin mkha' 'gro ma// ha ni khaN+Da ro hi nyid// yA zhes bya ba byin pa gnyis// ka zhes bya ba dpung pa zung // b+ha zhes bya ba gsong por smra// su zhes legs 'ong bya ba yin// mi zhes bya ba nya yin la// ba zhes bya ba za ba yin/ pe zhes bya ba btung ba btung // g+ha ni bgrod dang bgrod min yin// ka zhes bya ba 'dod pa yin// sa zhes bya ba gzhan mi 'gro// ra zhes bya ba khyo med mo// du zhes bya ba spyod ngan mo// su zhes bya ba skal bzang ma// na zhes bya ba skal ngan ma// sa zhes bya ba dam tshig can// a zhes bya ba dam tshig med// A zhes bya ba 'ongs pa yin// na zhes bya ba ma 'ongs yin// so zhes bya ba chags pa yin// 'di dag ni yi ge re re'i brda yin te// dpa' bo dang sring mor 'du shes par byed pa// gus pa dang mi gus pa la sbyin par bya ba dam tshig gi mchog yid du 'ong ba phan

  39. 20b

    'dogs par byed pa ste gus pa la sbyin par bya ba'o/ / dpal he ru ka'i nges par brjod pa las yi ge'i brda'i cho ga'i le'u ste bco lnga pa'o// de nas skal ldan skal ldan min/ / mdor bsdus nas ni rab bshad bya// dam tshig mchog la gnas pa ste// skal ldan yid 'ong phan 'dogs byed// gus pa nyid la rab sbyin bya// de nas rigs kyi dbye bzung dpa' dang gnyis med rnal 'byor ma/ / gang gis shes pa tsam gyis ni// sgrub po dngos grub thob 'gyur ba'o// bud med pad rtsa ltar dkar gang // pad+ma'i 'dab ltar dkyus ring mig/ rtag tu gos ni dkar la dga'// tsan dan gsar pa'i dri dang ldan// bde gshegs pa 'dus nyid la dga'// de rigs rus byung shes par bya// bud med btso ma'i gser 'dra zhing // dmar dang ser ba'i gos la dga'// dzA ti tsam pa'i dri dang ldan// de ni dpa' bo'i rjes 'gror 'gyur// gang zhig ut+pal ltar sngo bsangs// gos ni sngon po 'dzin la dga'// ut+pal sngon por sdang ba'i dri/ / de ni dpa' bo dran rjes 'gro// bud med gang zhig mdzes ma ste// pags pa pad dkar 'dab 'dra ma// rtag tu pad+ma'i rtsa ba'i dri// de ni de bzhin dpa' bo'i bla/ dmar zhing dkar ba'i bud med gang // gzugs bzang kha ni dmar ba dang // ma li ka dang ut+pal dri// de ni rdo rje'i rigs byung yin// ser zhing ldang ba'i bud med gang // gos ni dkar

  40. 21a

    po 'chang bar dga'// mgo la me tog dri dang ldan// de bzhin gshegs rigs rjes 'gro yin// bud med gang zhig kha dog dmar// de yi mdog gi gos 'chang zhing // rtag tu ga pur dri dang ldan// rnam snang rigs kyi rjes 'gro yin// rnal 'byor ma yi rigs rnams ni// de ltar bdun po ngas bshad pa// g.yon pa'i kun spyod la rtag dga'// 'di dag rang rgya'i mdog gis khyab// rigs kyi rig pa'i yi ge yang // rigs kyi rjes su 'dir gyur pa// 'di la kha dog drug tu 'gyur// rang gi phyag rgya 'ching ba dang // rang rigs las byung tshig tu smra// g.yon nas 'gro ba'i bud med gang // rnal 'byor ma la'ang g.yon pa brtag / skad ni chen por rab smra ba// g.yon nas blta bas rnam par blta// bud med rnams mthong rab smra ba// de ni dam tshig ldan par bshad// bud med rnams gang gsol btab byed// rigs kyi sa bon rab tu smra// rigs kyi bya ba mi 'dor zhing // rang gi bstan bcos gsungs pa skyong // rang gi rigs kyi rig pa zlos// de ni dam tshig ldan pa brjod// phyag 'tshal ba ni gang 'ching ba// g.yon pa'i lus kyis rtag tu 'dud// lha mo rnams dang kun smra ba// de ni nges par bden par 'gro// mthe bong g.yon pas sa la ni// rkang pas ri mo 'dri byed cing // mgo ni 'phrug par byed pa ste// zur gyis lta

  41. 21b

    zhing lag g.yon gyis// sgrub pa po la khyad par du// de yi rang rig dran pa'o// mkhur ba'am kos sko dag dang ni// sna dag tu ni sor mo ston// zur gyis lta zhing lan cig sngags// bzlas nas rigs la rnam par blta// bden par 'gro ba'i rnal 'byor ma// nges par dam tshig can yin no// dpal he ru ka'i nges par brjod pa las rnal 'byor ma bdun gyi mtshan nyid nges par brtags pa'i le'u ste bcu drug pa'o//// de nas rnyed dka' rnal 'byor ma// de bzhin mkha' 'gro ma rnams kyi// bdud rtsi lnga rnams yang dag 'byung // ya mi ni dang skrag byed ma// nags tshal ma dang de bzhin 'jigs// gzugs kun spyod ma mdzes ma dag / b+hA su rA mkha' 'gro rnams bdun// bsdus ma rang mtshan nyid 'dir bshad// gzugs can ma dang tsUm+bi ka / lA ma yongs gyur byis bcas mo// mi ldog e hi ka lha mo// mkha' 'gro ma rnams bdun du bshad// mngon par zhen pas blta ba dang // smin ma 'degs pas gar byed cing // sngon gyi gzugs ni sdud byed gang // phyis ni 'jig par byed pa yin// de ni gzugs can mar shes bya// dpa' bo gnyis med bstan par bya// drung pa'am yang na mi drung pa// byis par 'khyud cing tsum+ban// de ni tsu mi kar zhes bya// mkha' 'gro sdig pa 'joms ma yin// zur blta gdong

  42. 22a

    la khro gnyer ldan// smin ma sgyur zhing sdigs mdzub dang // dbugs 'byin 'jigs par byed gang yin// 'di na gzhan yang dbugs mi 'byin// 'jigs par byed pa gang yin pa// de ni lA ma yin par bshad// phag dang dred dang byi la dang // ce spyang ri dgas rta dag dang // thams cad der ni 'jigs byed pa// yongs su gyur par de bshad do// shin tu dga' bas dgod pa dang // song nas slar yang mi ldog pa// rjes su chags pas gsol bar 'dod// khaN+Da ro her de bzhin bshad// yid ni byung bas lag pa'am// bong ba 'am ni rkang pas sam// gos mtha' 'am yang na shing dag gis// des reg pa ni 'tsho mi 'gyur// mi ldog par ni shes bya ste// bsgrub bya min par de la brjod// dgod smra rgyu med pa ru ni// ngu zhing rab tu khros pa ste// de ni e hi kar dran bya// lha mo gsong por smra ba yin// sangs rgyas pa dang rtag tu smra// de nyid rdo rje'i rigs las byung // mkha' 'gro ma yi rigs phyag rgya// dpa' bos bsten phyir mtshon par bya// thod pa dgra sta mche ba dang // 'khor lo rdo rje rgyal mtshan dang // ral gri kun tu skrag byed nyid// dung dang brgyad du shes par bya// rigs kyi phyag rgya yin par bshad// dpal he ru ka'i nges par brjod pa las rnal 'byor ma thams cad kyi gzugs yongs su brje ba dang / phyag mtshan dang / phyag rgya bstan pa'i

  43. 22b

    cho ga'i le'u ste bcu bdun pa'o/ / / de nas gzhan yang bshad bya ba// mkha' 'gro mchog gi go 'phang ni// gang gis yang dag shes pa yis// mkha' 'gro'i dam tshig la gnas pa'o/ / dmar zhing ser ba'i bud med gang // pad+ma'i dri ni rnam par gtong // lta stangs rang bzhin zhi ba dang // zhen par lta ba'i rjes 'gro ba// bud med gang zhig sen mo dmar/ / de bzhin skye bo kun la brtse// khyim du pad+ma 'dri ba ni// pad+ma gar dbang rigs byung yin// smin ma'i dbus su rtse gsum yod// lus kyi mdog ni skya bsangs dang / / rtag tu rdo rje'i rigs sgom pa// gang gi khyim du rdo rje 'dri// rtag par mchod pa byed pa yi// mkha' 'gro ma de dpal ldan ni// he ru ka yi rigs byung yin// gang gi dpral bar rtse gsum mam/ / mdung thung dag kyang snang 'gyur zhing // mig dmar mdog ni dmar ser dang // de bzhin rkang pa lag pa dmar// ra skyes khyim bya dag la yang // rtag tu yid ni dga' 'gyur zhing // de yi khyim du rdo rje'i mtshan// rtag tu gang zhig mchod byed pa// shrI he ru ka'i rigs las byung // mkha' 'gro yin par gdon mi za// 'khor lo gang gi dpral ba 'am/ / lag par yang ni snang gyur pa// sprin sngon dag dang 'dra ba ste// rtag tu dpral bar dar 'ching ba// skal ba chen por kun tshogs shing // mchog tu

  44. 23a

    bde ba gang yin dang // khyim du 'khor lo 'dri byed cing // rtag tu de la mchod byed pa// rdo rje phag mo'i rigs byung ba'i// mkha' 'gro ma yi stobs kyis dregs// gang zhig smin ma gnag 'dra zhing // so ni dkar zhing mtho ba dang // g.yon pa rtag tu ma rungs pa// snying stobs ldan par gyur pa dang // rtag tu khrus la dga' ba dang // mang du smra bar mi byed cing // khyim du rdo rje 'dri ba dang // rtag tu dge bas mchod byed cing // rdo rje phag mo'i rigs byang ba// stong phrag bcu ni lnga dang ldan// ser zhing gser gyi mdog 'drar snang // mig mi g.yo zhing kha spu ser// rdo rje gang gi dpral ba 'am// lag par yang ni snang gyur pa// rtag tu rgyal srid dag la gnas// snyems shing bden par smra ba dang // ma li ka yi dri 'byung zhing // gang gi khyim du rdo rje ni// rtag tu 'dri zhing cher mchod pa// khaN+Da ro ha'i rigs las byung // rnal 'byor ma yi dbang phyug mchog / gang zhig rtag par sha la dga'// skem zhing smin ma nag po'i mdog / dpral bar mdung rtse lta bu yod// gang zhig gdug pa'i las la dga'// rtag tu dur khrod dag tu 'gro// 'jigs pa med cing brtsog med de// gang gi dpral bar thig le dang // khyim du thod pa 'dri zhing mchod// dpal he ru ka lha yi ni// mkha' 'gro ma yi rigs las byung //

  45. 23b

    sprin gyi mdog 'dra'i bud med gang // so ni mi mnyam par gnas shing // rtag tu gdug pa'i las la dga'// g.yon gyi mche ba gtsigs pa dag / de yi khyim du dgra lta ni// 'dri zhing rtag tu mchod byed pa// rnam par 'dren pa'i rigs byung ba'i// mkha' 'gro yin par the tshom med// mkha' 'gro ma yi tshogs 'di dag / shrI he ru ka'i rigs las byung // sgrub pa po la phan pa'i phyir// gsang ba'i mtshan nyid sprul pa yin// dpal he ru ka'i nges par brjod pa las rnal 'byor ma thams cad kyi kha dog gi mtshan nyid dang // mtshan ma'i nges pa'i cho ga'i le'u ste bcwa brgyad pa'o//// de nas yang dag bshad bya ba// lA ma yi ni mtshan nyid ni// sgrub po gang gis yan lag gi / cha shas yang dag par shes pa'o// gang gi bzhin ni yongs rgyas par// kun nas zlum por snang 'gyur zhing // kha yi smra ra rtag par yod// spu dang smin ma ring ba dang // gos bzang gtsang zhing zhi ba dang // mi g.yo bden par smra ba dang // rtag tu dam pa'i chos la dga'// de ni dpa' bo'i sring mor bshad// pad+ma'i phyag rgya sbyin bya ba// yang na rus sbal phyag rgya bya// pags pa ril ba spyi blugs nyid// phyag rgya'i lan du brjod pa yin// de ni tshes bcu'i dus tshigs la// khyim du pad+ma 'dri bar 'gyur// lA ma'i bud med

  46. 24a

    rnams kyi ni// mtshan nyid gyur pa 'di dag yin// mchu gnyis glo zhing mig dkyus ring // mig ni dmar zhing ser skyar gnas// phyug cing skal bzang phan yon can// dkar zhing tsam pa lta bur snang // shin tu ring min thung ba'ang min// sna tshogs pa yi gos la dga'// dpral bar ri mo gsum yod cing // mtshams ni gyen du bstan pa las// dgod cing dga' ba nyid dag dang // lam ni rnam par gnon cing gnas// g.yul du 'chi ba rnams kyi ni// gtam dag la ni rtag tu dga'// de ltar rab dregs mthong nas ni// mdung gi phyag rgya bstan par bya// rkang pa g.yon pa bskum pa yi// gar nyid kyang ni bstan par bya// g.yon pa dag nas yongs bzlog pa// phyag rgya'i lan ni yin par bshad// bcu bzhi dang ni tshes brgyad ni// de yi dus tshigs yin par bshad// khyim du mdung rtse gsum pa yang // bris nas de ni rtag tu mchod// 'jig rten dbang phyug lA ma yi// mtshan nyid gyur pa 'di dag yin// gang gi mkhur tshos dag tu ni// khur bur snang ba'ang gnas gyur cing // de bzhin rtag tu dmar zhing ser// mig ni ljang ser dag tu snang // skra ni de bzhin 'khyil ba dang // mgo dang dpral bar dar bcings snang // ri mo gcig par rab tu gnas// de bzhin mgrin pa ring ba dang // rtag

  47. 24b

    tu gos dmar la dga' zhing // dgod cing glu ni len pa nyid// glo bur du ni khro ba dang // sems ni rnam par g.yo ba dang // rtsod pa la ni dga' ba ste// 'di 'dra'i rab dregs mthong nas ni// mdung gi phyag rgya rab sbyin bya// gnyis pa nyid ni 'bad pa yis// dril bu'i phyag rgya rab sbyin bya// g.yon gyi phyogs su bzlog pa ni// phyag rgya'i lan ni yin par bshad// thung zhing byin pa sbom pa dang // rtag tu gos ser la dga' zhing // phrag pa dag nas gos kyang 'phyang // de 'dra'i bud med mthong nas ni// 'khor lo'i phyag rgya bstan bya zhing // 'bad pa yis ni gnyis pa yang // dung gi phyag rgya bstan par bya// g.yon nas yongs su bzlog pa ni// phyags rgya'i lan ni yin par bshad// bcu bzhi de yi dus yin te// de yi khyim du rdo rje 'dri// shrI he ru ka lA ma yi// mtshan nyid gyur pa 'di dag yin// lus kun la ni ba spu yod// mig ni gnag cing ser ba dang // sbom zhing rnam 'gyur mi bzad pa// bzhin 'phel che zhing kha che la// gsus pa glo zhing kha dog gnag / mig zlum sna ni nyams pa dang // rtag tu glu la mkhas pa dang // sprin gyi mdog can yid 'phrog pa// 'di 'dra'i rab dregs mthong nas ni// glu yi phyag rgya bstan par bya/ gnyis pa yang ni 'bad pa yis// mdung gi phyag rgya bstan par bshad// g.yon

  48. 25a

    nas yongs su bzlog pa ni// phyag rgya'i lan ni yin par bshad// de yi dus tshigs bcu gcig ste// khyim du mche ba 'dri bar byed// rdo rje phag mo lA ma yi// mtshan nyid gyur pa 'di dag yin// dpal he ru ka'i nges par brjod pa las rnal 'byor ma thams cad kyi phyag rgya dang phyag rgya'i lan bstan pa'i cho ga'i le'u ste bcu dgu pa'o// de nas gzhan yang bshad bya ba// lag pa g.yon gyi brda rnams ni// gang gis shes pas yang dag par// ming sring du ni de bzhin 'gyur// gang gis lag g.yon ston pa ni// gsong por smra zhes ston pa yin// gang zhig srin lag ston pa ni// gsong por sma ba'i lan 'gyur yin// gang zhig lto ba rdebs pa ni// bdag nyid bkres par ston pa yin// gang zhig dpral ba ston pa ni// nam mkha' las ni 'ongs zhes pa'o// gang zhig khar ni sor mo 'jug / zos zin zhes ni sma ba yin// gang zhig lce ni bskyod pa dag / za 'o zhes ni smra ba yin// gang zhig pus mo la reg pa// ngal lo zhes ni ston pa yin// gang zhig sor mo'i rtse la reg / ngal sos zhes ni smra ba yin// ga zhig so ni 'cha' byed pa// bza' yis zhes ni ston pa yin// gag zhig khro gnyer ston pa ni// bcings so zhes ni ston pa yin// gnag zhig mkha' lding ston pa ni// grol lo zhes ni

  49. 25b

    ston pa yin// gang zhig khu tshur ston pa ni// de la pa ti'i sa bstan bya// rnam par 'gyur ba bltas nas ni// gang zhig skra ni ston pa la// kha T+wAM ga ni de la bstan// gang zhig yan lag bskyod pa dang // de la mche ba gnyis bstan bya// gang zhig lag pas lag pa ston// gtor ma za zhes smra ba yin// gang zhig lag pa g.yas pa ston// de ltar gyis zhes smra ba yin// gang gzhig rna ba la reg pa// gnas par bya zhes ston pa yin// gang zhig sen mos sen mo reg / shi yis khyer zhes smra ba yin// gang cig sa la dkyil 'khor 'dri// de ring 'jug ces smra ba yin// gang zhig nu ma la reg pa// bdag gi bu ni srungs zhes smra// gang zhig g.yon mthes sa la 'dri// bla ma'i skye bos nga bsrungs smra/ gang zhig mig ni rnam 'dzums byed// de ltar byos zhes smra ba yin// gang gi tshigs la reg pa ni// bde bar nyal zhes smra ba yin// pho nya mo ni gang yang rung // de dag kun gyis yang dag spyad// dpal he ru ka'i nges par brjod pa las rnal 'byor ma thams cad kyi lag pa'i phyag rgya'i brda'i cho ga'i le'u ste nyi shu pa'o//// de nas gsang ba chen po yi// lta ba nga yis bshad par bya// bud med spyi gtsug reg byed pa// mgo bo de la bstan par bya// gang zhig dpral ba ston pa ni// de la mkhur tshos bstan par bya/

  50. 26a

    gang zhig so ni ston pa la// de la lce ni bstan par bya// gang zhig mchu ni ston byed pa// de la kos sko bstan par bya// gang zhigs mgrin pa ston byed pa// brla ni de la bstan par bya// gang zhin lag pa ston byed pa// de la dpung pa bstan par bya// gang zhi gsum skyed ston byed pa// de la rgyab ni bstan par bya// gang zhag nu ma ston byed pa// de la kos/ sko bstan par bya// gang gang lto ba ston byed pa// de la lte ba bstan par bya// gang bzhin gsang ba ston byed pa// de las ling ka bstan par bya// gang zhig brla ni ston byed pa// de las 'phongs ni bstan par bya// gang shig pus mo ston byed pa// de la byin pa bstan par bya// gang gi rkang pa ston byed pa// de la/ rkang mthil bstan par bya// gang zhigasor tshigs ston byed pa// de la sor mo bstan par bya// gang zhing sa ni ston pa la// de la nam mkha' bstan par bya// gang zhig nam mkha' ston byed pa// de la nyi ma bstan par bya// gang zhi' 'bab chu ston byed pa// de la rgya mtsho bstan par bya// 'di dag mkha' 'gro ma yi ni// lus kyi phyag rgya the tshom med// 'di dag rtag bstan gsang ba ste// yang dag ston par 'gro bar 'gyur// dpal he ru ka'i nges par brjod pa las lta ba'i yan lag gi phyag rgya'i mtshan nyid kyi cho ga'i le'u ste nyi shu rtsa

  51. 26b

    gcig pa'o/ / // de nas gzhan yang bshad par bya// yan lag phyag rgya'i cho ga bzhin// gang zhig shes pas ming po 'am// sring mor the tshom med 'gyur pabapa'o/ / sor mo gcig ni ston pa yis// legs par 'ongs zhes smra ba yin// sor mo gnyis ni bstan pa yis// legs 'ongs lan ni smra ba yin// 'di ni rnal 'byor ma kun gyi/ / yan lag phyag rgyar rab tu bshad// g.yon gyi gung mo brkyang ba la// cung zad mdzub mo bskum pa ni// mig gi phyag rgyar shes par bya// sngags pas de la de bstan te/ / do mod ji srid 'tshe ba'i bar// dbang du 'gyur bar the tshom med// gang zhig gung mo ston byed pa// de la mdzub mo bstan par bya// gang zhig srin lag ston byed pa/ / de la lce ni bstan par bya// gang zhig pa tis ston pa// de la mdung ni bstan par bya// gang zhig spyi bo ston byed pa// de la mtshams kyi mtha' bstan bya// gang zhig sa ni ston byed pa// de la mkha' ni bstan par bya// gang zhig khro gnyer ston byed pa// de la mtshams kyi mtha' bstan bya// gang zhig so ni ston byed pa// de la mchu ni bstan par bya/ / gang zhig mgrin pa ston byed pa// de la kha ni bstan par bya// gang zhig dpral ba ston byed pa// de la mig ni bstan par bya// 'di ni rnal 'byor ma

  52. 27a

    kun gyi// rim bzhin yan lag phyag rgya yin// 'di dag rtags bstan gsang ba pa// yang dag lta bar 'gro bar 'gyur// dpal he ru ka'i nges par brjod pa las khyad par gyi phyag rgya'i mtshan nyid kyi cho ga'i le'u ste nyi shu rtsa gnyis pa'o//// de nas yang dag bshad bya ba// mkha' 'gro ma yi rnam rol pa// gang gis rig nas ring nas kyang // dpa' bo dpa' bo'i sring mo ru'o// dam tshig can gang rjes chags pa// dpa' bo'i longs spyod sa gzhi yin// gzhi ni sa gzhir byas nas su// rnal 'byor pa yi sdom pa mchod// 'di dag rnal 'byor ma rnams kyi// go bzlog pa yis lta ba ni// bzhin ni rnam par 'gyur ba nyid// bde ba rtag pa smin ma g.yo// sna tshogs myur du shes bya ba// de bzhin mkha' 'gro las byung ba'o// rnam 'gyur bskor bar shes bya ste// ri mo gsum pa yongs su zlum// mkha' 'gro ma rnams nges 'gro ba'i// de yi mtshan ma kun shes bya// glo bur rnam par bzlog 'gyur te// sngar bzhin gdong ni 'jigs gyur pa// rnam pa de lta de yi de// gang gi rdo rje lta bur gsal// sgra ni khu byug skad lta bur// mchog tu gsal bar de'i de nyid// 'di yi mtshan ma khyim du ni// rdo rje lta bur me long bcas// gnyis par yang ni gyur pa yang // ral gri 'dra bar me long

  53. 27b

    bcas// rgyal mtshan mdung 'drar rtag tu 'byung // me long kha sbyar bar shes bya// mtshan mar byas pa'i gzugs rnams ni// mdor bsdus rnam par shes bya ste// mtshan nyid 'di dag dang ldan pa// mkha' 'gro ma mchog yin zhes bya// dpal he ru ka'i nges par brjod pa las mkha' 'gro ma'i khyad par gyi mtshan ma'i phyag rgya'i mtshan nyid kyi cho ga'i le'u ste nyi shu rtsa gsum pa'o//// de nas gzhan skad brda rnams ni// sgrub po la 'dir bshad bya ba// gang gis ming po'am sring mor ni// the tshom med par shes 'gyur ba'o// po tang+gi zhes bya ba ni gsong por smra ba'o// pra ti po tang+gi zhes bya ba ni bsong por smra ba'i lan no// ga mu zhes bya ba ni 'gro'o zhes smra ba yin no// lum pa zhes bya ba ni 'ong ngo zhes brjod pa yin no// de ham zhes bya ba ni grong khyer zhes smra ba yin no// tsa tu ka zhes bya ba ni zung cig ces smra ba yin no// bI tA Na zhes bya ba ni snying nyid do// mA ra Na zhes bya ba ni sgra ngan no// kar Ni ka ni dril bu'o// a li ni spyi bo'o// ka ra Na ni phag pa'i ze ba'o// shra ba Na ni rna ba'o// man tha na ni bdud rtsi'i gnas so// sa mA ga mA ni mi'o// tA li ka ni mkha' 'gro ma'o// na ra ka ma ni dkyil 'khor ro// a mu ka ni dur khrod do// ka khi la ni sgo'o// sha sa nam ni bram ze'i rigs so// pa ri di ni rgyal rigs so// bi ra ta ni rje rigs so// ku ra ni dmangs rigs so// an+ta s+tha ni sme sha can no// pa shu li ka ni khyim mo// b+ha gi ni ni mkha' 'gro ma'o// me da ka ni chu'o// gr-i ha Ne ni phyag rgyas 'debs

  54. 28a

    pa'o// lce so la reg pa ni bdag cag ltogs so zhes ston pa'o// kr-iSh+NA ni dris bsgos pa'o// gan da ba si ni sred pa'o// ku ta ni gnas che ge mo nas 'ongs so zhes bya'o// ki ra Na ni me tog go// tu laM ba ni dgod pa'o// da ro ni so'o// ni ro d+ha ni char 'bab pa bzlog pa'o// tri pa ti ni zhu ba'o// dur yu ni phyi rol lo// d+hu pa pri ya ni sprin no// sA nu ni ri bo'o// sa ri ta ni 'bab chu'o// ang gu li ni yan lag go// ba da na ni gdong ngo // rA dzA ka ni lce'o// a da nA ni so'o// pag+ni ni rgyal mtshan no// chan+do ni phreng ba'o// tsa la ni rlung ngo // pra pa hA ni gru'o// pa shu ni ri dgas so// yA ti ni dkyil 'khor ro// na ra kaM ni dam tshig go// sa ma naM ni bzhi mdo'o// phAlgu sham ni skye ba'o// ma hA k+Sha ram ni phyug sa chen po'o// ts+tsha ni rwa skyes so// nA zhes bya ba ni mi'o// go zhes bya ba ni khyu mchog go// ma zhes bya ba ni ma he'o// b+ha ni za ba'o// ha rnams grangs so// a pe ka ni rgyal po'i skyes bu'o// brang la reg pa ni nags na gnas pa'o// kha la reg pa ni zos so zhes pa'o// so la reg pa ni ngoms so zhes bya'o// ho zhes pa ni rnam grangs te kha cig tu'o// hrI kA ni ngo tsha'o// stong pa la reg pa ni med do zhes pa'o// brla la reg pa ni mai thu na gyis shig pa'o// steng nyid ni de bzhin no zhes pa'o// e waM zhes bya ba ni 'og na med pa'o// phyag rgya dang phyag rgya'i lan gsang ba'i

  55. 28b

    brda nyid de dpa' bos gsungs pa sde bzhi'i mtshan nyid do// dpal he ru ka'i nges par brjod pa las sde bzhi'i mtshan nyid thams cad kyi brda'i tshig gi brdar btags pa'i cho ga'i le'u ste nyi shu rtsa bzhi pa'o//// de nas don kun 'dod pa yi// sbas pa brgyad mthar sbyar byas te// mos pa dman pa'i sems can dag / rmongs shing mi shes sems ldan la'o// de la dpa' bo dang rnal 'byor ma rnams kyis gsal bar gsungs pa'i gsang sngags ni 'di yin te// o~M na mo b+ha ga wa te bi rI rI shA ya/ ma hA ka lpA g+ni san+ni b+hA ya/ dza TA ma ku To tA TA ya/ raMSh+TA ka rA lo gra b+hI Sha Na mu khA ya/ sa ha sra b+hU dza b+hA su rA ya/ par shu pA sho d+ya ta shu la kha T+wAM ga d+hA ri Ne/ byA g+h+rA dzi nAm+ba ra d+hA ra ya/ ma hA d+hUm+bA n+ta kA ra wa pu ShA ya/ ka ra ka ra/ ku ru ku ru/ ban+d+ha ban+d+ha/ trA sa ya trA sa ya/ k+Sho b+ha ya k+Sho b+ha ya/ hrauM hrauM/ hraHhraHpheM pheM/ phaT phaT/ da ha da ha/ pa tsa pa tsa/ b+ha k+Sha b+ha k+Sha/ ba sa ru d+hi rAn+ta mA lA wa lam+bi ni/ gri h+Na gri h+Na/ sap+ta pA tA la ga ta b+hu dzaM/ gaM sarbaM b+hA/ tardza ya tardza ya/ A kaD+D+ha ya A kaD+D+ha ya/ hriM hriM/ dzauM dzauM/ k+Sh+mAM k+Sh+mAM/ hAM hAM/ hIM hIM/ hU~M hU~M/ ki li ki li/ si li si li/ hi li hi li/ d+hi li d+hi li/ hU~M hU~M phaT phaTaH/ dpal he ru ka'i nges par brjod pa las rtsa ba'i sngags kyi gsang ba'i cho ga'i le'u ste nyi shu rtsa lnga pa'o//// de nas gzhan yang 'jig rten ni/

  56. 29a

    gsum po dag na yod min pa'i// shrI he ru ka'i sngags shes na// gsang sngags thams cad yongs 'dor ba'o// lugs 'byung lugs las bzlog pa yis// pho nya rnams ni yang dag gnas// 'og dang steng gi dngos grub ster// bdag gi pho nya ma kun 'gro// pho nya mo de don kun ster// mthong dang de bzhin reg pa dang // tsum+ba na dang rtag par 'khyud// rnal 'byor gnas kyi khyad par nyid// ji snyed rnal 'byor tshogs rnams ni// thams cad dngos grub byed par bshad// bden dngos thams cad sbyin bya ste// gzhan du nam yang ma yin no// ma dang sring mo bu mo dang // chung ma pho nya mo gnas la// gang la rtag tu sngags sbyin pa// de yi de nyid cho ga bshad// de nas rnal 'byor rgyud du ni// rnyed dka'i dam tshig nga yis bshad// skyes pa bud med g.yon nas 'gro// 'dod pa'i dngos grub ster bar byed// khyim dang zhing du rnam gnas pa// shin tu ring yang shes par 'gyur/ he ru ka dpal rnal 'byor mchog / slob dpon rnal 'byor ma nyid yin// rgyud 'di ru ni sgrub pa po// legs par gyur pa nyid yin te// brnyas mi bya zhing spang mi bya// nus pa yis ni mchod par bya// kA khA'i gdong sogs brgyad po ni// grol dang dad pa 'phel byed pa// rtag par dngos grub rnams kyi rgyu// dam tshig rnams kyang skyong bar byed// lha mo gzhan

  57. 29b

    yang kun sbyor ba// rnam par rmongs pas 'dod pa min// gnyis su med dang thogs med yin// dam tshig spyod pa spyad bya ba// bud med dbang phyug legs par sbyor// tshangs spyod de bzhin bsam gtan te// khro med sbubs su kun tu spyod// 'di brgyad dam tshig kun spyod yin// sgrub pa la ni gnas pa yi// sgrub pa pos ni rtag shes bya// rgyud rnams thams cad thung mong ste// rgyu med par ni gzhom mi bya// dad pa nyid kyis blang bya yi// mig dang lag pas ma yin no// gsang ba 'di ni mi bstan cing // rab tu 'bad de sba bar bya// blo ldan mthe'u chung bskyod par ni// pho nya mo rnams yang dag gnas// dag dang ma dag 'dres pa ste// sgrub pa po ni gsum du gnas// mnyam byed rnam par dag pa ste// gsal byed yon tan ldan pa'i mi// dpal he ru ka'i nges par brjod pa las slob ma yongs su brtag pa dang sdom pa'i cho ga'i le'u ste nyi shu rtsa drug pa'o//// de nas dpa' bo'i spyod brtul zhugs// rnal 'byor ma kun rab sgrub pa// mtshan nyid dbye ba shes byas nas// dngos grub myur du 'jug byed ni// grong dang grong du de song nas// pho nya'i gzugs ni mtshon par bya// pho nya ral gri'i so 'phra zhing // dag byed bsod nams 'phel byed yin// de bzhin pho nya legs 'grogs pas// sgrub pa po yis dngos grub

  58. 30a

    'thob// bzlas brjod bsam gtan mchod med par// myur ba nyid du 'grub par 'gyur// sngags dang phyag rgyas sgrub pa po// mchod pa nyid la rab tu 'jug / 'di las gzhan pa'i mchod med de// de ltar bstan bcos nges pa yis// pho nya'i lam la dga' rnams kyi// sgrub pa po ni dngos grub brtson// rig sngags phyag rgyar yang dag ldan// tsA ru rtag tu bza' bar bya// sgrub po shin tu mnyam bzhag pas// rigs rnams kun la spyad par bya// bza' min par ni mi brtag go / de nyid dbyer med de yis ni// pho nya mo ni gnyis bsgrub bya// dngos grub cho ga la spyad tshe// pho nya gcig pu kho na yin// rang dga' nyid dang dngos grub ni// sgrub pa dag dang nye ba ste// bla ma brgyud rim gyis thob pa'i// dbang bskur bas ni sngags legs ldan// pho nya rnams su yang dag bshad// phyag rgyar legs sbyor ngang tshul can// legs rdzogs ye shes rgyu skyes pa'o// nang par sngar langs sems bdag nyid// lus la thams cad byas nas ni// yan lag las 'das mtshon cha rnams// lus la gnas pa kun tu spyad// lus ni dag byed byas nas su// rtag tu sngags ni brjod nas su// rnal 'byor gnas rnams nges bstan cing // mtshon cha rnams ni 'gom

  59. 30b

    mi bya// dam tshig can la khro mi byed// mngon par brtson las 'da' mi bya// de dang lhan cig bde bar bya// grol ba'i don dang bde don du// dam tshig spyod pa nyid du bya// rnam 'phrul sems pa las grol min// mtshan mor rtag par gcer bu ste// gnag dang dmar bar rtag tu 'gyur// srog chags yan lag na bzar gyon// bde ba 'dod pas bde bskyod bya// mchod phyir thogs ni yongs spangs la// gtsang sbra shrI he ru kar gnas// phyag rgya lnga dang yang dag ldan// sgrub pa po yi dngos grub brtson// mgul rgyan gdu bu rna rgyan dang // spyi bor nor bus rnam par brgyan// mchod phyir thogs dang thal ba dang // dus kun tu ni rnam par gnas// mtshan mo rtag par gsal bya zhing // nyin par gsang ba nyid du bya// dbye ba'i ye shes shin tu sbas// rab tu zhi zhing dal ba thul// gtsang sbra gsum du shes bya zhing // rang gi rgyun bzhin rnam par gnas// rigs dang rigs min ngor mi blta// spyi gtsug la sogs bcing ba spangs// pho nya gtsang sbra dang po yin// gnyis pa zhi ba yin par 'dod// zas gcig tu ni za ba nyid// gtsang sbra gsum pa yin par bshad// rnal 'byor pa yis rtag pa ru// gtsang sbra 'di dag rtag tu bskyang // gtsang ma dag pa'i rim thob na// dngos grub gang las 'byung

  60. 31a

    mi 'gyur// de nyid bsdus las gang gsungs dang // de bzhin bde mchog las gang gsungs// gsang ba'i rgyud las yang dag bshad// de bzhin dpal mchog dang po dang // rdo rje 'jigs byed rgyud du ni// bzlas dang brtul zhugs sogs grub ster// de 'dir bsam gtan tsam gyis ni// sngags pas skad cig gis 'grub 'gyur// rnal 'byor lam la dga' rnams kyi// 'di ni gtsang sbra'i spyod par bshad// gtsang sbra'i bsod nams gang gyur pa// smra bar nus par 'os ma yin// sgrub po'i yon tan rgya chen po// kha cig gis ni smra ba'am// gdong gcig gcig gis brjod de ci// stong phrag brgya yi gdong gyur min// he ru ka dpal ye shes che// rnam par dag pa'i mtshan nyid kun// sgrub pa po yi bde ba'i chu// gnyis med gnyis su med pa nyid// gnyis med sbyor bas reg pa ni// dag byed sdig pa 'joms byed pa// reg pa dang ni smra bas kyang // sdig pa kun las rnam grol 'gyur// lus dag pa las skyon med pa'i// mi mchog kun nas spyod byed pa// sdig pa thams cad rnam dag dngos// de bzhin gshegs pa'i sa thob bo// sdig pa thams cad rnam pa dag pa// de bzhin gshegs pa'i rigs skye zhing // chos dang ldan pa'i rgyal por 'gyur// de ltar rtag tu mchod byas nas// gus pa yis ni gtor ma sbyin//

  61. 31b

    rang 'dod las la rnal 'byor pas// cho ga ji bzhin sbyin par bya// mar gyi ngo yi tshes bcu dang // zla ba yar ngo'ang gang gyur la// myur du 'bad pas mchod bya ste// rdo rje phag mo myos byed sha rnams kyis// skye bo gus pas de rnams mchod byas pas// he ru ka dpal mngon dgar gyur pa la// gang phyir de rnams lag na mchog gi rnams// mgu ba'i thugs kyis mchog ni stsol 'gyur te// de rnams lag gnas mchog gi bya// mtshan mo brtul zhugs can gtor ma// skra grol gcer bur gyur pas sbyin// shrI he ru ka'i bdag nyid du// sbyor des ma mo rnams mnyes 'gyur// dpal he ru ka'i nges par brjod pa las spyod pa dang brtul zhugs la mchod pa dang gtor ma'i cho ga'i le'u ste nyi shu rtsa bdun pa'o//// gang yang legs mchod rnam dag dngos// mya ngan 'das 'byung dpa' bo ste// bdag nyid mchod pa de yis ni// sangs rgyas sogs kun mchod pa yin// dpa' bo kun dang rnal 'byor ma// brtan pa sngon 'gro'i g.yo ba ste// zhi ba'i 'dus pas legs gnas pa'i// spun dang dpa' bo mchod par bya// spun dang bu dang lhan cig tu// bde dang sdug bsngal kun 'byung bya// sngags dang phyag rgya nyid dag dang // ye shes der ni bstan mi bya// dag byed zas la bza' bar bya// rtag tu dam tshig spyod byas nas// gsang sngags

  62. 32a

    su la'ang sbyin mi bya// man ngag nyams par sbyin mi bya// dam tshig gnas la don ji bzhin// man ngag rnams kyang sbyin par bya// pho nya ma gtogs gzhan dag la// 'dod la rmongs pas 'gro mi byed// pho nya la rtag zhen thar pa// 'da' ba yis kyang longs spyod bya// skye gnas dman dang cig shos la'ang // bsnyen bkur nyid ni bya ba min// ma dang sring mo bu mo dang // chung ma pho nya mo nyid gnas// dka' thub nges par zad par 'gyur// 'khor lo'am de bzhin grub pa la// mchog la lhan cig dgug par bya// de ltar rdzas ni rnam nges yin// 'jig rten la rtag g.yon nas spyod// rkang pa g.yon pa sngon du 'dor// lag pa g.yon pa yongs su bsgyur// g.yon gyi spyod pas rab mchod byed// g.yon pas 'khyud pa tsam dang ni// g.yon pa yis ni mchod cing za// brtul zhugs ma nyams brtul zhugs rdzogs// sgrub pa po ni bya ba brtson// dam tshig rigs la spyod pa dang // gcig tu zas la spyod par byed// rigs lnga la ni kun spyod pa// rigs bzhir rab tu brtag par bya// rigs gcig la ni kun spyod pa// rnal 'byor grub pa rab tu mchod// ba lang sha dang rta sha dang // khyi sha dag dang bya dag gis// dkyil 'khor gru gsum byas nas ni// sangs rgyas dag kyang nges par 'jig /

  63. 32b

    phyag rgya sngags dang yang dag ldan// dpa' bo rnams kyi zas de bzhin// shrI he ru ka'i sprul pa// nyes spyod bstan bcos kun rnams spangs// gnyis med rnal 'byor ye shes sems// rtag pa nyid du 'dzin pa ni// las rnams kun la srung ba dang // bgegs med de bzhin de grub pa// 'dir ni 'gar yang 'grub ma yin// de yi pho nya ma mchog bzang // lhan cig brtson par ldan pa yin// kun nas chags dga'i legs sbyor bas// rnal 'byor rdzas kyi rnam 'byed nyid// bla ma'i man ngag la chags pa// de ni don nor sbyin dang mtshungs// dpal he ru ka'i nges par brjod pa las nang gi sbyin sreg dang / rigs gcig dang ldan pa'i cho ga'i le'u ste nyi shu rtsa brgyad pa'o// de nas gzhan yang bstan pa ni// pho nya'i mtshan nyid shes bya ba// gang gis yang dag shes 'gyur ba// mkha' 'gro'i dam tshig la gnas pa'o// ming po dang ni pha dang yang // bdag po nyid du skad cig mthong // lce sbom mig ni dmar ser la// rtsub cing spu ni dmar ser yin// thun mong dngos grub thams cad dang // bzlas dang brtul zhugs la rtag dga'// dran pa dang ni yang dag ldan// pho nya mo sogs go 'phang bcas// mkha' 'gro ma mchog nyi shu bzhi// spyod dang grol ba'i 'bras rab ster// rtsa ba'i sngags ni rtag tu zlos//

  64. 33a

    'dod pa'i don kun sgrub byed pa// bdud kun rab tu zhi bar byed// rgyu dang mi rgyu'i 'jig rten gsum// rnal 'byor rol pa'i 'bras rab ster// gsang sngags 'di las 'byung ba yin// sngags dang phyag rgyar yang dag ldan// sgrub pa po ni dngos grub brtson// phyag rgya dang bral gsang sngags te// lus can rnams la 'grub mi 'gyur// ji srid dro ba'i bya ba dag / mngon par brtson nas rtogs par bya// 'dod pa'i don kun sgrub pa byed pa'i// rnal 'byor che la gang zhig sdang // khyi yi skye gnas brgyar skyes te// sme sha can du skye bar 'gyur// dper na la la mar 'dod pas// 'bad pas chu ni bsrubs gyur kyang // mar gsar 'byung bar mi 'gyur gyi// lus nyon mongs pa kho nar zad// 'dzin cing mchod par byed pa ni// 'tsho ba'i thabs kyi rgyur gyur pa'i// rnal 'byor gzhan la brten pa yi// gzhan du de bzhin don med 'gyur// rnal 'byor che mchog dpa' bo che// yul phyogs gang na gnas gyur pa// rigs ngan kla klo yin na yang // yul de yongs su brtags pa ste// sems can yongs su gzung ba'i rgyur// de rung ni rtag par gnas// dpal he ru ka'i nges par brjod pa las pho nya'i mtshan nyid dang // nus pa'i gnas skabs kyi cho ga'i le'u ste nyi shu rtsa dgu pa'o////

  65. 33b

    de nas gzhan yang bshad bya ba// shin tu rnyed dka'i dgos pa ste// gang gis shes pa tsam gyis ni// myur du dngos grub sgrub byed pa'o// sa yi cha ni mnyam yid 'ong / tsan+dan gyis ni nye bar byug / dri bzang dri ldan sa la ni// me tog sil ma gcal bkram zhing // mar me'i phreng ba yang dag dkrigs// spos kyi dri yis nyams dga' bar// bdag gis thams cad byas nas ni// phyogs bcing ba ni byas nas su// de nas rdza rnga bcing bya ste// ri mo dgu pa yongs su zlum// zlum po'i ri mo dgu bya ste// yi ge phyi mo mnyam bris la// shin tu mnyam gzhag dgod par bya// der gnas pa las dpa' bo ni// 'dod pa'i don kun sgrub byed du// lugs su 'byung dang bzlog pa yis// dbyangs dang yi ge sgrub pa pos// grangs de dag gi nang chud par// dge ba thub pas byas nas ni// re mig sum cu gnyis pa blang // lnga pa yis ni khyad par bya// brgya phyed phyed pa yang dag blang // nyi shu rtsa bzhi pa yis phye// re mig sum cu drug pa blang // gsum pa yi ni khyad par dbye// de nas sum cu gnyis pa blang // lnga pa yi ni khyad par bya// de nas nyi shu lnga pa gzung // nyi shu bzhi pa dag dang sbyar// sum cu gsum pa yang dag blangs// re mig bco lnga pa yir ldan// lnga pa dag dang yang dag bcas//

  66. 34a

    mdzes pa'i mchog ni yin par 'dod// dang po'i tshig tu brjod par bya// re mig bcu dgu pa gzung bya// me yi bu dang yang dag ldan// re mig gsum pas phye ba'o// ya tshogs brgyad pa'i sa bon la// re mig sum cu drug pa dang // yang dag ldan pa'i yi ger gyur// slar yang tshig ni de dag nyid// 'dod pa'i don kun sgrub byed yin// de nas rang byung blangs nas ni// re mig las ni lnga par sbyar// spyi bor nA da thig ler sbyar// don kun sgrub ces bya ba yi// tshig ni gnyis pa yin par bshad// re mig bcu dgu pa nyid la// nyi shu rtsa bdun pa yis phye// gsum pa dag dang yang dag ldan// sum cu gsum pa legs blangs te// re mig gi ni gnyis par sbyar// nyi shu pa dang yang dag ldan// mdzes pa'i mchog ni yin bar 'dod// de bzhin nyi shu gcig pa nyid// de bzhin nyi shu drug pa yin// lan gnyis bzlas pa'i tshig tu ni// shin tu mnyam par bzhag ste btu// de nas go rims bzlog pas gzung // re mig las ni dang po nyid// bzhi pa'i mtha' dang yang dag ldan// de bzhin bco lnga pa dang bcas// chos don 'dod dang thar pa yi// tshig ni gsum pa yin par bshad// re mag gnyis pa'i sa bon dang // re mig sum cu drug pa nyid// de bzhin nyid shu drug pa yang // sum cu gsum pa yang dag blang // re mig bcu

  67. 34b

    gsum pa yir ldan// re mig las ni bcu pa nyid// go rims bzlog pas sgrub pos blang // re mig las ni bcu dgu pa// re mig nyi shu gsum pa la// re mig gnyis par yang dag ldan// steng du thig les rnam par brgyan// de nas sa bdag bzung byas la// brgyad pa yang ni de bzhin te// me yi bu yis khyad par dbye// yi ge hU~M gis mtha' ru sbyar// 'di ni khams gsum rgyal zhes bya'i// sngags tshig bzhi yis rnam brgyan pa'i// o~M ni kun la gsal byed yin// hU~M dang phaT ni mtha' ru sbyar// rig rgyal 'khor lo sgyur ba'i sngags// 'di ni ma byung 'byung mi 'gyur// de nyid bsdus dang dpal mchog dang // bde mchog rdo rje 'jigs byed du// khro bo bzhi dang yang dag ldan// skad cig gis ni sku brgyad 'gyur// de yi dkyil 'khor srung don du// gdug pa thams cad khyad par gyis// 'di ni rnyed pa tsam gyis kyang // brtag mi dgos par 'chi bar 'gyur// 'khor lo'i sbyor bdag nyid kyis bzla// dngos grub kun gyi 'bras bskyed pa'o// o~M su~M b+ha ni su~M b+ha hu~M hU~M phaT// o~M gr-ih+Na gr-ih+Na hu~M hU~M phaT/ o~M gr-ih+Na pa ya gr-ih+Na pa ya hu~M hU~M phaT/ oM A na ya hoHb+ha ga wAn/ bid+yA rA dza hu~M hU~M phaTaH/ dpal he ru ka'i nges par brjod pa las rdza rnga bcing ba'i sngags btu ba'i cho ga'i le'u ste sum cu pa'o//// de nas sha chen thams

  68. 35a

    cad kyis// 'jigs byed rdo rje bskyed yin bshad// 'di ni gdug pa thams cad kyi// 'jigs byed mi bzad par bshad do// 'di ltar khyi dang phag gi sha/ zangs kyi gtsug pud can de bzhin// mngon spyod kyi ni bya ba la// bza' dang sbyin sreg gtor ma yi// bya ba rnam dpyod med par bya// ma lus lus pa med 'grub cing // rgyal srid thams cad rab grub 'gyur// dung dang nya phyis mu tig gi// rgyu mtshan gsum po 'byung ba yin// chos kyi sku yi lus can gyi// thod pa la ni su zhig smod// dpa' bo thod pa'i phreng ba can// zla ba phyed pas rgyan du byas// rnam pa de ltar gyur pa nyid// dpa' bo'i dbang phyug yin par bshad// brda ni lnga po bstan pa dag / sgrub pa po yi lag g.yon gyis// 'di ni dpa' bo'i gnas yin te// brda rnams kyi ni rab 'jug pa'o// khams gsum rgyu dang mi rgyu dang // 'gro kun g.yon las 'byung ba yin// rdo rje sems dpa' bla mar bzhugs// lcug mar de bzhin rnam snang mdzad// cho ga'i rnam pa de lta bur// gtso bor pad+ma gar mdzad de// brtan par dngos grub thams cad ni// rab stsol ba yi dpa' bo bzhugs// mthe'u chung la ni mkha' snying po// mi zad sku dang ldan pa nyid// sen mo'i ngos ni rta mgrin gyi// gnas su gyur par bshad pa yin// 'di dag thams cad dpa' bo ni// g.yon pa las byung

  69. 35b

    rgyu yin no// lag mthil shrI he ru ka yi// phag mo'i 'dus pa dga' byed yin// rgyab tu shin tu nges byas nas// brda nyid lnga po bstan par bya// 'di dag lag tu dgod pa ste// bza' ba thams cad 'dus pa yin// rnam pa de lta'i cho ga yis// dpa' bo dam pa mchod par bya// sa ni spyan zhes bya bar bshad// chu khams mA ma kI ru brjod// me ni gos dkar mor bshad de// rlung ni sgrol mar rab tu brjod// tsum+bi ka ni stong pa ste// de bzhin pha rol phyin pa yin// dbus su dpa' bo kun gyi gnas// mkhas pas rgyab tu gshegs su gsol// gsang ba 'di ni mi bshad cing // rab tu 'bad de sba bar bya// de ltar brda bya dpa' bo rnams// gcig tu zas la brtsam par bya// dpa' bo thams cad mnyam sbyor ba// mkha' 'gro dra ba'i bde mchog yin// dpal he ru ka'i nges par brjod pa las bza' ba dang / sbyin sreg dang / gtor ma'i bya ba la lag pa'i brda'i cho ga'i le'u ste sum cu rtsa gcig pa'o//// de nas gzhan yang bshad bya ba// bza' dang ston mo 'dus pa ste// yang dag cho ga gang gis ni// dngos grub myur du rab 'jug pa'o// phyugs rnams kyi ni dgug pa nyid// sgrub pos sngar bstan rim pa 'dis// phyugs rnams dang ni de bzhin lnga// bong bu rus sbal mi rnga mo//

  70. 36a

    ce spyang rta la sogs rnams kyis// dngos grub sgrub pa'i dkyil 'khor du// phyugs 'di dag ni sgrub yan lag / rigs rnams las ni rigs mchog phyugs// rkang bzhi rnams las glang por brjod// 'dab chags rnams las ngang pa nyid// dud 'gro rnams las rus sbal rgyal// lha rnams las ni mchu g.yo ba// rnam pa de ltar brjod pa ste// dngos grub sgrub pa'i dkyo+il 'khor du// phyugs de dag ni rnam par bshad// khwa dang chu skyar ce spyang dang // skye gnyis blon po chen po dang // khrung khrung bzhad dang ka dam pa// bza' dang sbyin sreg gtor bya bas// 'dod pa dag ni 'grub par 'gyur// khyi nag po yi 'o thug ni// ma sha'i 'bras ni nag por ldan// 'dod pas dgos pa med pa ru// ji srid brgya rtsa brgyad kyi bar// ro yi khar ni sbyin sreg bya// de nas yi dgas langs nas ni// sgrub po de la 'dri byed de// ci bgyi zhes ni smra 'gyur zhing // sa 'og las sam ral gri'am// tshar gcod phan 'dogs nyid dag dang // ril bu mig sman gter rnams sam// rkang mgyogs dag gam bcud kyis len// dngos 'di de bzhin gcig byin nas// 'gro bar 'gyur gyis gzhan du min// steng dang 'og tu pho nya 'grub// rgyud 'dir the tshom med pa yin// ba lang

  71. 36b

    gnas dang lding ba nyid// lhag ma skam po rtsa de nas// bde ba chen po'i ngo bor bya// yang na rus sbal dag gi'o// 'di de dngos grub sbyin 'gyur zhing // phyag bzhi pa dang zhal bzhi pa// ji srid phyag ni 'bum gyi bar// sku ni dkar po'i khro bo che// de nas drag shul gzugs 'chang ba// rdo rje phag mo la gzigs pa// de yi sku mdog mtshon cha 'chang // dpa' bo thod pa'i phreng ba can// sku la thal bas nye bar byugs// ral pa'i cod pan mdung dang ldan// phyag rgya yis ni sku la brgyan// zhal gyi mche ba cung zad gtsigs// yi dgas chen po gdan du byas// sgrub pa po yis dus rtag tu// sngags de shes nas bsgom par bya// de lta'i yon tan khyad 'phags pas// 'dod pa yi ni dngos grub 'gyur// dpal he ru ka'i nges par brjod pa las/ dud 'gro'i phyugs dang ro langs sgrub pa dang / bskyed pa'i rim pa'i cho ga'i le'u ste sum cu rtsa gnyis pa'o// de nas sgrub po'i mchog kun ni// sbyor ba kun la med pa'o// bza' dang bca' dang nya sha sogs// nus pa ji bzhin bya ba ste// med par gyur kyang bza' ba dang // lnga po nyid du bya ba yin// bza' dang bca' ba rgya che ba// rtag tu mtshan mo nyid du bya// de nas pho nya rab sbyin zhing // khyad par du ni sgrub pa po// rang gi pang du mgo gzhag la/

  72. 37a

    dpa' bo gnyis med rab tu mchod// ma 'am yang na sring mo'am// bu mo'am yang na chung ma gnyen// rnam pa 'di lta'i cho ga yis// bcings pa las ni rab grol bya// de nas sngags ni grub 'gyur te// ji srid 'byung ba yod par du'o// slob dpon lus su legs gnas te// sgrub pa po las mchod pa len// dpa' bo rnams kyi stan dag dang // phyag rgya nyid du the tshom med// sgrub po shin tu mnyam gzhag pas// glu dang gar la sogs pa bya// ji srid lus can thams cad kyang // rnal 'byor ye shes zhen ma gyur// de srid 'khor bar 'khor 'gyur zhing // sdug bsngal mya ngan gyis g.yengs 'gyur// dngos po kun gyis sgrub pa pos// de nas phyag rgya mchod par bya// mchod pas mchod par 'dod pa ste// brnyas pa yis ni nges par bsreg / phyag rgya chen po dang po 'grub// rnal 'byor rgyud du mi rnams kyis// rab tu 'bad pas mchod par bya// dngos po kun gyis rnal 'byor pa// phyi nas dpa' bo rnams kyis ni// dpa' bo nyid la spyad par bya// de ltar mchod byas de nas ni// sa 'og sgrub po langs pa dang // zhi ba nyid dang rgyas pa dang // dbang dang dgug pa dag dang ni// gsad dang bskrad pa la sogs dang // rmugs dang rengs pa de bzhin te// dbye ba nyid dang tshar gcod dang // las kyi dngos grub mchod par bya// gang

  73. 37b

    ci'ang rung ba'i las gyur la// nyon mi mongs par 'grub 'gyur te// the tshom med par sgrub pa po'i// dngos grub thams cad 'grub par 'gyur// dpal he ru ka'i nges par brjod pa las gsang ba'i mchod pa dang bsnyen bkur gyi mchod pa'i le'u ste sum cu rtsa gsum pa'o//// de nas mkha' 'gro ma dra ba'i// 'khor lo zhes pa'i cho ga rgyas// las gang ci yang de myur bar// sgrub pa po ni the tshom med// dpa' bo kun dang rnal 'byor ma// pad+ma'i lte bar nges par sbyar// smin ma'i dbus su gzhug par bya// a ba d+hU tI'i gnas de bzhin// dpa' bo'i 'chol bar byas chags par// bza' ba yang ni de nas sreg / gau mang sa dang ru d+hi ra// 'bad pas bsreg bya lnga dag bya// de nas 'bar ba'i byin za la// sreg blugs dgu ni sbyin par bya// 'bar phreng rgya mtsho blta bar bya// kun nas sgo yi 'khor lo nyid// dpa' bo'i dbang po zhal bzhi pa// dpa' bo dpa' mo'i gnas de bzhin// 'dab la pho nya mo bzhi yin// dpa' bo kun dang gnyis med bde// cho ga ji bzhin rnam pa yis// khaN+Da ro he phyi rol sbyin// rang gi gzugs su rnam bzhugs pa// 'khor lo'i dbus su blta bar bya// 'khor lo 'di dag gsal bar ni// rim pa ji lta ba bzhin bya// rig pa'i rgya mtsho'i las de bzhin// mdor bsdus nas ni

  74. 38a

    gsungs pa yin// pho nya gnyis med sbyor ba'i bdag / 'grub 'gyur 'di la the tshom med// dpal he ru ka'i nges par brjod pa las pho nya mo'i sbyin sreg dang 'gugs pa'i las kyi cho ga'i le'u ste sum cu rtsa bzhi pa'o//// de nas las kyi rab mchog ni// ji bzhin rim gyis mtshon pa ste// mchod pa gnyis med sbyor ba'i bdag las ni so sor sbyar bar bya// gang dag rab grub byed pa'i sngags// de yi dbye ba rim bzhin bshad// kha dog pho nya sogs sngags gang // mda' yi shugs kyis yongs su 'khor// phan tshun mdud rgyus dpa' bo ni// yul nyid kyis ni phye ba'o// sa bon phreng bas de nas gzung // hU~M ni mtha' ru gnas pa yin// bsgrub bya 'gog par gyur pa ni// gom pa gcig kyang mi 'gro'o// kha sbyor sbyar bar gyur pa dang // rdo rje lu gu rgyud bcings pas// rdo rje dbye ba nyid dang ni// de bzhin bung ba ltar 'khor bya// lcags kyu nyid kyis dgug pa dang // gtun shing gis bskyod de bzhin te// rdo rje nyid kyis 'debs par bshad// dbugs la mdas ni sbyar bya ste// dus min 'chi ba bslu ba la// yan lag kha T+wAM dag dang sbyar// thod pa'i mchod yon snod du ni// zhal du mtshon cha nges par sbyar// dpal he ru ka'i nges par brjod pa las gnyis su med pa'i las dang das ma yin

  75. 38b

    par 'chi ba ba slu ba'i cho ga'i le'u ste sum cu rtsa lnga pa'o/ / // de nas phyag rgya'i mchod chen dang // sngags kyi dgod par rab tu grags// myur du dngos grub byed par ni// phyag rgya'i mchod 'di the tshom med// mtshan ma gnyis la sngags sbyar te// mkha' 'gro dpa' bo gnyis med pa// snying po rnams kyis de bzhin du// sngags pa mkha' 'gro ma la sbyar// blo ldan mkha' 'gro ma bsrub bya// gang yang phyag rgya gnon pa zas// las dang mtshon cha dag gi mthu// de bzhin sngags pas snying pos dang // de bzhin rnal 'byor ma sbyar bya// dag pa'i lus ni rang 'dod pa// dpa' bo mchod pa rnams byas nas// las ni 'bad pa nyid kyis bya// rnam dbye rang dgas sngags pa ni// phyin ci log tu nges par sbyar// tshar gcod pan 'dogs don rnams la/ / las kyi dngos por rnam par bsgom// de nyid dbye bar phye nas ni// rtsa yi lam du sbyar bar bya// rab tu sgrub pas sbyor don la// phyi rol ji bzhin nang de bzhin/ / 'di yis myur du lha dang ni// lha min mir bcas bsgrub par bya// dpal he ru ka'i nges par brjod pa las de kho na nyid kyi mchod pa dang las kyi cho ga'i le'u ste sum cu drug pa'o/ / de nas gzhan yang bshad bya ba// gzugs ni gnon pa'i cho ga ste// phan tshun sbyar ba'i gsang sngags ni// mkha' 'gro ma dang gcig tu

  76. 39a

    sbyar// bza' ba zos mid de nas ni// bzlas pa'i mthar ni skyug par bya// mtshan mo bdun ni rdzogs pa dang // bza' dang btung ba dag la sbyar// 'di yis ji srid 'tsho yi bar// dbang du 'gro bar the tshom med// ser skya'i mar ni 'thungs nas su// bzlas pa'i mthar ni smyug par bya// de yis rang gi gdong bskus na// gal te rtag tu khros gyur pa// mthong ba tsam gyis dbang du 'gyur// til mar sa lu btags pa dang // ldan pas lus ni bskus gyur cing // snum khur sngags pas byas nas ni// bza' ba la ni rab tu sbyar// gal te las 'di ma btang na// ji srid 'tsho bar rtag dbang 'gyur// til nag dag ni zos nas su// ska tshe bcas pas skyugs pa dang // ru rta bshang ba dang ldan pa// las skyes lto ba'i srin bu ni// rang gi khrag dang btags nas ni// rang gi khu ba nyid dang sbyar// bza' btung mig sman gos la ni// byug pa nyid du rab tu sbyar// 'di yis ji srid 'tsho yi ba// dbang du 'gyur bar gdon mi za// ba lang sha sreg sbyin sreg ni// khrag gis bskus na lha rnams ni// de mod dbang du 'gyur ba'am// gal te ma 'ongs 'chi bar 'gyur// bdag nyid de yi mdun du ni// bsgoms nas mkhas pas sbyin sreg bya// sbyin sreg mthar ni gtor ma bya// khams

  77. 39b

    gsum skad cig gis 'gugs pa// mtshan bdun gyis ni 'grub par 'gyur// 'jig rten gsum na rnyed dka' ba'i// dam tshig spyod pa'i mtshan nyid ni// rtag tu rang sngags sbas pa yis// rab tu 'bad de gsang bar bya// sbas don rnyed par mi 'gyur zhing // skal ba dman pas 'grub mi 'gyur// bsod nams chung ba'i sgrub pos kyang // nga mnyes byas pas rnyed par 'gyur// dpal he ru ka'i nges par brjod pa las nang gi bdag nyid kyi dbang du bya ba'i cho ga'i le'u ste sum cu rtsa bdun pa'o// de nas brda ni mkha' 'gro ma'i// lus kyi mtshan nyid gang yin dang // dpa' bo'i yan lag dbye ba ni// grub par 'gyur ba de 'grub 'gyur// dpa' bo'i dbang phyug mi bri zhing // rnam pa kun tu sba bar bya// gang gi thad du'ang mi gdon te// g.yon pa'i kun spyod sgrub pa pos// gsang ba'i mtshan nyid mkha' 'gro yi// sngags rnams bag med pas 'don na// de la nga ni mi blta ste// mkha' 'gro stong phrag du ma yis// ngan pa'i bdag nyid can de za// dam tshig 'joms shing ngan spyod de// bram ze gsod par the tshom med// sdig spyod rmongs pa'i bdag nyid can// bslus gyur ngan pa'i bdag nyid de// mkha' 'gro ma yis zos gyur kyang // de la nga ni skyob mi byed/

  78. 40a

    gsang ba pa yi nang na ni// sgrub po de ni phyugs dang 'dra// bla ma dam tshig la 'khu ba// sangs rgyas 'jig rten de las lhung // he ru ka dpal blta dka'i rgyud// gang zhig srung bar byed pa ni// mkha' 'gro mar bcas dge gdong zhes// de la nga ni rjes su 'dzin// bla ma la ni bsnyen bkur byed// gsong por smra ba'i sgrub pa po// mkha' 'gro ma la rtag dga' ba// de la dngos grub 'byung bar 'gyur// sgrub pa po ni dpa' nyid 'gyur// khams gsum mkha' la rgyu ba'i bdag / sgrub po dpa' bo nyid 'dod pa// thams cad du ni mchod par 'gyur// de ni rnal 'byor la rab 'jug / yang dag sbyin pa'ang rig par gyur// he ru ka yi brtul zhugs 'dzin// slob dpon dpa' bo mthong gyur na// mthong zhing mthong zhing kun tu dga'// sgrub pa pos ni sngags 'di yis// dpa' bo'i rtsa ba'i gsang sngags mchog / lan bdun du ni brjod par bya// rab bsngags hU~M la sogs pas phye// de rnams 'bad de phyag byas na// sangs rgyas la sogs thams cad mchod// rtag pa nyid du dpa' chen dang // rol par ldan par the tshom med// de yi thugs kar gnas phag mo// nga dang dpa' bo rnal 'byor ma// pho nya rnams dang lhan cig bcas// de dang gang zhig legs skyes pa//

  79. 40b

    srog chags bsod nams mthong ba yin// 'bab chu'i 'gram dang rgya mtsho dang // ri bo dang ni bzhi mdo dang // lteng ka dang ni khron pa mtshe'u// khang stong dang ni lam srang dag / thams cad du ni mkha' 'gro ma// kun tu zhen par lta la gnas// 'jigs pa chen po dur khrod du// mkha' spyod de bzhin sa 'og dang // ro langs kyang ni du ma zhig / 'jigs pa'i gzugs dang stobs chen pos// de dag lhan cig dpa' bo che// ci bde bar ni rol par mdzad// ri sul tshang tshing gsang ba dang // rnal 'byor ma dang gsang ba'i mi// phyogs ni de dang de dag tu// sgrub pa po dang sa steng rol// dpal he ru ka'i nges par brjod pa las rnal 'byor ma'i sgrub pa'i sa dang gsang ba'i dpa' bo'i gnas kyi cho ga'i le'u ste sum cu rtsa brgyad pa'o//// de nas bsgrub pa'i rnal 'byor che// sngags ni rnam pa brgyad kyis dgod// de nas 'di la yang dag mthong // gsol bar 'gyur bar gdon mi za// 'jigs pa'i sgra ni rnam mang po// mi bzad mkha' 'gro 'jigs byed pa// dpa' bo 'jigs par gyur na ni// skrag cing rnam par 'byer bar byed// gal te dpa' bo mi 'jigs na// lag pa g.yon pas bzung nas ni// rang gi gnas su khyer nas su// mkha' 'gro ma ni de dag dang //

  80. 41a

    rtag tu mngon par rtse byed de// bde ba can gyi gnas 'gro 'gyur// he ru ka dpal gus 'dod pas// mkha' la 'gro ba'i gnas su khyer// sgrub pa po ni sngags lus can// 'khor bar 'chi dang rga ba med// dpal he ru ka'i nges par brjod pa las blta ba dang ha har dgod pa'i cho ga'i le'u ste sum cu rtsa dgu pa'o// da ni rab tu bshad bya ba// gang gis sa steng dbang du 'gyur// dpa' bo'i sngags kyis zla ba yis// rnal 'byor cho gar gnas pas 'grub// sgron ma myos byed bcas pa dang // nya yi sha dang ldan par ni// dpa' dbang gnas skabs thams cad du// nyi ma bdun gyis sgrub pa po'i// mtshan mo'i sbyin sreg byed la gzhol// dngos grub rgya chen gsol bar 'gyur// brgya dang rtsa brgyad ldan nyid kyis// thun gsum du ni sgrub byed na// rgyal po dpung dang bcas par ni// nyin bdun gyis ni dbang du 'gyur// phyed kyis dpa' bo'i blon po ste// de yi phyed kyis blon po yi// rgyal phran sogs la sum cu gnyis// sreg pa'i rim gyis sbyin sreg bya// nyi shus bram ze nyid la ni// nyi ma bdun gyis sbyin sreg bya// de bzhin rgyal rigs dag la bdun// sbyin sreg lnga po rje rigs la// dmangs rigs la ni sbyin sreg gsum// tha ma la ni sbyin sreg gcig / de ltar dpa'

  81. 41b

    bos rigs rim gyis// zla ba gcig ni yang dag spyad// sngags kyi nus pa sgrub pa pos// 'gro ba thams cad dgug par bya// dpa' bos cho ga snga ma yis// 'dod pas bsten na thob par 'gyur// sa steng 'dod pa'i dbang phyug bzhin// dpal ldan skal ba bzang por 'gyur// sgrub po mkha' 'gro ma rnams kyi// yid 'ong 'gyur bar gdon mi za// dpal he ru ka'i nges par brjod pa las rigs lnga po dbang du bya ba dang phyag rgya chen po bsten pa'i cho ga'i le'u ste bzhi bcu pa'o//// de nas las kyi mchog rab ni// gang gis shes nas sgrub pa pos// dbang dang dgug dang dbye ba dang // gsad dang bskrad pa la sogs dang // rmugs dang rengs par bya ba dang // rmongs dang de bzhin phur bus gdab// tshig 'phrog lkugs par 'gyur ba dang // 'on dang de bzhin long ba dang // ma ning nyid du bya ba dang // gzugs ni yongs su sgyur ba ste// las chen bcu gnyis 'di dag ni// rtag tu sgrub pa po yis bsgrub// dngos grub sgrub pa po la ni// dran pas 'grub 'gyur gdon mi za// thams cad bla ma'i gnas la sogs// mkha' 'gro mas ni thams cad khyab// ye shes ldan pa'i rang skye gnas// yul dang yul du mngon par skye// rdo rje dkyil 'khor gtso mo yin// de rnams mkha' 'gro ma ru bshad//

  82. 42a

    ku lu ta dang dgon pa dang // sin+d+hu'i yul dang grong khyer dbang // gser gyi gling dang sau raSh+Ta// de bzhin lha yi khyim dang ni// yi dgas grong dang kha ba'i gnas// kAny+tsi'am laM pa ka yi yul// ka ling ka dang ko sa la// tri sha ku ne o te dang // kA ma rU pa mA la wa// lha mo'i mkhar dang rA mi'i dbang // go dA wa ri ar+pu tar// au D+yan dzA lan+d+ha ra dang // pu l+lI ra ma la ya sogs// yul 'di dag gi bu mo gang // dpa' bo gnyis med rnal 'byor ma// de kun 'dod pa'i gzugs can te// yid kyi shugs kyis 'jug pa yin// rnal 'byor ma drug ku lu tar// mya ngam yul na ma mo rnams// sin+d+hu'i yul na lA ma ste// rigs kyi gtso mo na ga rar// lam+pA ka dang sau raSh+Tar// rigs kyi lha mo rnams yin no// yi dgas grong du nag chen mo// mkha' 'gro rU pi kA ru bcas// kha ba'i ri dang kAny+tsir ni// byi bcas ma ru bshad pa ste// pany+tsa lA yi yul dag na// khyim gyi lha mo ka ling kar// brtul zhugs 'dzin pa rnams yin no// ko sa lar ni sha za ba// yi dgas grong du de bzhin du// rdo rje mkha' 'gro sbom dbang phyug / tri sha ku ner dum skyes ma// pul+lI ra ma la ya de bzhin// gser rir sme sha can rigs skyes// bud med stong phrag nyi shu gcig / lhag ma gzhan dag ji snyed pa/

  83. 42b

    dpal ldan he ru ka yi ni// 'khor lo'i rnal 'byor ma yin no// he ru ka dpal sbyor ba che// de yi dkyil 'khor gtso mo yin// mkha' 'gro nyi shu rtsa bzhi 'dis// rgyu dang mi rgyu 'jig rten gsum// 'gro ba kun ni 'di yis khyab// mkha' 'gro ma yi dam tshig 'di// sprul pa sgom pa nyid yin te// bsam gtan la sogs gang ci'ang rung // sa steng na ni rdzogs 'gyur ba'o// g.yon gyi spyod pa gcer bu yis// mtshan mo rtag tu mnyam bzhag pas// skyes pa'am gal te g.yon pa kun// rnal 'byor ma kun dpa' bo 'gro// phyag rgya gar gyi mchod pa yis// rang byung rtag tu mchod na ni// ma lus lus pa med grub cing // g.yon pa'i mchod pa la rab 'jug / dpal he ru ka'i nges par brjod pa las yi ge nyi shu rtsa bzhi'i dkyil 'khor dgod pa'i cho ga'i le'u ste bzhi bcu rtsa gcig pa'o//// de nas dpa' bo me tog chu// 'thungs nas sngags 'di rjes dran bya// rtag tu 'di ltar bya ba nyid// phyag rgya lhan cig sgrub pa pos// mtshan mo rtag tu sha bza' ba// sngags 'di nyid kyis lan gsum bsngags// myur du bde ba thob par 'gyur// 'thungs dang de bzhin byin pa dang // reg nas bzhag na gtso mo che// bden pas tshangs par spyod pa dang // thog mar bzhad pa'i phyag rgya yis/

  84. 43a

    blta ba'i bsnyems pa grags ldan pa// mtshan mo'ang de bzhin nyin mo ni// 'dis ni bzhad pa dag tu bya// gzugs dang las kyi gsang ba gang / ji ltar gnas pa dpa' bo nyon// rtag tu de yi mchi ma 'byung // dad pas de yi spu yang ldang // rdo rje la ni 'gom mi byed// de bzhin gcer bur mchod pa ste// 'dod pa'i dbang phyug thams cad kyi// phyag rgya'i tshogs kyi rim pa nyid// dbugs 'byin skul dang dgod pa dang // sgeg pa'i gar ni ngo mtshar bas// sna tshogs dbang phyug mdun byed cing // phyag rgya sngags ni rjes dran bya// ha ha he he rnam brgyad bzhad// sna tshogs dbang phyug chog tu dga'// hA hA zhes bya 'di nye bar// rtag tu mchi ma 'byung ba dang // de nyid kyis de dgar 'gyur zhing // bsam gtan gyi sngags legs par sbyor// gtso mo rnams dang dpa' bo ni// spu ldang ba dang lhan cig bde// rdo rje 'gom par mi bya ba// g.yon pas yongs su brtags pa yin// dpal he ru ka'i nges par brjod pa las bzhad pa'i sngags dang mkha' 'gro ma'i gzugs kyi sgyu ma'i cho ga'i le'u ste bzhi bcu rtsa gnyis pa'o//// de nas spyan ras gzigs bshad de// dpa' bo dang ni gnyis med ma// gnas kyi dbye ba cho ga shes// sgom la rtag tu mngon dga'

  85. 43b

    ba'o// lam gyi bzhi mdo'am khyim dag gam// dpa' bo'i gnas dang ri bor ni// mkha' 'gro ma yi dam tshig gnas// ring po nas kyang gzigs par 'gyur// phyag rgyas gcer bu mchod pa yi// lag pas go 'phang dam pa ste// gos nyid kyis ni bkab pa'am gzhan// 'dod pa rnams kyis gos mi 'gyur// de bzhin skra grol gtsor gyur pas// las rnams thams cad brtsam par bya// rtsa ba'i sngags dang de bzhin gzhan// phyogs bcing bar ni 'jug pa yis// lha dang lha yi tshogs kyis kyang // ma mthong bar ni mchod par gyis// snyim pa me tog gis bkang ste// mkha' la spyod la gyen du 'thor// me tog de dag ma lhung zhing // me tog sa la ma mthong na// gnas kyi khyad par la gnas dang // mkha' la 'gro ba stong phrag gi// gnas la dbang ni byed par 'gyur// ngag gi dbang phyug ma rnams dang // ngag gi dbang phyug 'gugs par 'gyur/ lha dang lha yi gtam shes shing // rim pa ji lta bzhin du'o// skar ma'i rgyu ba shes par 'gyur// sa 'og rnams su gang byung dang // grong dang grong dang dgon pa dang // grong khyer dang ni bzhi mdo dang // shing gcig dang ni dpa' bo'i khyim// ri rtse dang ni mtshan drung du// snying po'i nye snying rtag dran na// lha dang mi yis mthong mi 'gyur// de bas

  86. 44a

    yul phyogs 'di dag tu// sgrub pa po ni rtag tu gnas// yi ge bdun gyi bdag nyid can// shing rtser kha dog dmar bsams nas// myur du lhung ba mi phyed par// sa rnams kyang ni gzhan du min// bdag gi lus la rnam bkod de// sa la ku sha'i stan du nyal// yi ge bdun gyi bdag nid sngags// brgya rtsa brgyad ni nyid du bzlas// rmi lam du ni bya ba kun// yid la 'dod pa ston par 'gyur// dus min 'chi dang bcom dang nyams// bya ba kun tu gang 'gyur dang // rnam pa sna tshogs gzhan dag kyang // thams cad rmi lam dag tu ston// de bzhin sngags bzlas ral gri chu// mthe bong mar me me long la// sngags pa bdag nyid rtag rnal 'byor// pra na ni 'bebs par byed// bsgoms nas lan bdun bzlas brjod pas// dge dang mi dge ston par 'gyur// de nas dpa' bo'i yi ge bdun// sngags dgod dbye ba nyid kyis te// nyi ma'i dbus su bsams nas ni// stong gi bar du bzlas par bya// shel gyi rnam pa lta bur ni// nad kyis gdungs la bstan par bya// mthong ba tsam gyi mod la ni// nad kun 'jig par the tshom med// nad las rnam par grol gyur na// ston ka'i dus kyi zla ba 'dra// zla ba'i dbus su rnam bkod cing // lag pa g.yon

  87. 44b

    par 'khor lo nyid// yi ge shel gyi mdog ltar snang // nad rnams kun la dgod par bya// rims dang gdon sogs brjed byed dang // gzer sogs kun dang mdze can dang // dug gis zin sogs nad rnams dang // nad kun the tshom med par ni// zla gzugs yi ge bsams na ni// phyogs bcur rnam par 'byer bar 'gyur// mtshan mo gsang ba la gnas te// go mang sa ni mngar gsum btags// yig bdun gsang sngags shes pa dang // stong phrag brgyad du sbyin sreg byas// sngags pas nang par dus su ni// gser srang stong ni rnyed par 'gyur// sbyin sreg stong phrag bcu yis ni// yul 'khor dam pa rnyed par 'gyur// yang na gsang sngags rgyal po ni// gnas ni gang du bsams pa dang // de dang der ni de yi tshe// skye bar 'gyur bar gdon mi za// dkar po yis ni zhi bar 'gyur// nag pos skad cig dag gis gsod// dmar pos dbang du 'gyur ba ste// 'phral du nges par 'gugs par 'gyur// ser pos thams cad gnon 'gyur te// 'di ni bstan bcos nges pa yin// ser pos dpung ni gnon pa dang // gru dang 'khrul 'khor glang po gnon// dkar po bsams pa tsam gyis ni// 'chi ba nges par slong bar 'gyur// sbrul chen brgya yis zin pa ni// de yang myur

  88. 45a

    du slong bar byed// dug gis brgyal ba rnams mthong nas// rab tu sad pas sad par 'gyur// rims dang gdon dang brjed byed ni// lag pa mthong bas 'jigs par 'gyur// brgyan po'i dus su khu tshur bcings// yid la rtag tu zlos byed na// khu tshur ma bkrol de srid du// bya ba thams cad sgrub par 'gyur// dgra bo gal te lag na ni// mtshon cha 'phyar bar byed pa yang // ji srid khu tshur ma bkrol bar// mtshon cha gtong bar mi nus so// gzhan yang bya ba thams cad ni// de bzhin nyid du sgrub par byed// 'bras bu me tog 'dab ma dang // so rtsi de bzhin zas rnams la// lus kyi sbyor ba dang po ste// de bzhin gnyis pa nus pa yin// gsum pa dag ni ngag nyid do// bzhi pa dmigs par mi 'gyur te// sngags kyi rgyal po 'grub par 'gyur// sa gzhi shing dang bcas pa dang // rgya mtsho ske rags btags de la// 'dir ni 'grub par the tshom med// khams gsum rgya dang mi rgyu'i bar// dmod 'debs phan 'dogs nus pa yin// dpal he ru ka'i nges par brjod pa las nye ba'i snying po'i las sgrub pa'i cho ga'i le'u ste bzhi bcu rtsa gsum pa'o//// de nas pho nya la brten te// yi ge bdun pa dang ldan pa// gang du las ni yang dag brtsams// de yi mod

  89. 45b

    la myur du 'grub// yi ge bdun pa'i cho ga yis// rnal 'byor ma drug rnam par dgod// 'khor lor legs par gnas pa drug / rnam pa de lta'i cho ga yis// g.yon pa nyid du bskul dang bcas// gang gis gzugs 'dzin bsams nas ni// kha nas gsang sngags rgyal po zlos// gang la lag pa de bstan pa// de ni nges par 'gugs par 'gyur// tsan+dan dmar po'i rdul dang ni// de bzhin ske tshe lan tshwa dang // bsgrub par bya ba'i rkang rjes rdul// gcig tu byas nas btag par bya// lag pa gnyis kyis mnyes nas ni// rnal 'byor ma la sbyin sreg bya// mtshan mo sme sha can me'am// dur khrod me la phye ma sreg / bsgrub par bya la mngon phyogs te// sbyor ba 'di ni brtsam par bya// ji srid brgya yi bar du bzlas// des ni nges par 'gugs par 'gyur// bsgrub par bya ba'i bdag nyid dang // nor dang skye bo dbang du 'gyur// sbyor ba 'di ni grub pa ste// gzhan du na ni nga mi smra// rdul de nyid ni blangs nas su// lcags phye dang ni rnam par bsres// dur khrod ras la gtums nas ni// lan bdun bzlas la bzhi mdo ru// sor brgyad tshad du sa brkos nas// dgra yi ming dang bcas par ni// gang gi ming smos sbas gyur pa// de ni myur du gnon par 'gyur// phye ma de nyid bzlas nas su//

  90. 46a

    'bad de ba yi 'o ma yis// de ni slar yang gsos gyur na// 'grub pa nyid du the tshom med// phye ma de nyid blangs nas ni// myos byed lnga dang ldan pa ru// de ni dur khrod ras kyis bcings// dgra yi ming yang bri bar bya// bzlas brjod lan brgya byas nas ni// dur khrod du ni nges sbas na// bsgrub bya smyo ba nyid du 'gyur// bton pa nyid kyis thar par 'gyur// bton nas ba yi 'o ma yis// 'bad pas de bzhin bkru bar bya// slar yang gso ba de dag ni// 'grub pa nyid du the tsom med// dpal he ru ka'i nges par brjod pa las rnal 'byor ma drug gi yi ge bdun gyi las kyi cho ga'i le'u ste bzhi bcu rtsa bzhi pa'o//// de nas las kyi rab mchog ni// ngag gi dngos grub byed pa'o// ka ra wI ra'i me tog dmar// brgya rtsa brgyad ni blangs nas su// 'bad de ba yi 'o ma dang // bzlas brjod brgya yang bya ba yin// lan re bzlas pa'i me tog gis// ling ka'i spyi bor bsnun par bya// de ltar shin tu mnyam bzhag pas// nyi ma bdun du bya ba yin// de nas nyin zhag bcu gcig par// me tog dag ni blangs nas su// chu bo chen por song nas ni// re re nas ni chu la dor// de dag thams cad rim bzhin du// lan re bzlas nas rab tu bya// chu bor me tog tha ma ni// rgyun las bzlog ste

  91. 46b

    rab 'bab na// chu dang bcas par blangs nas ni// sos ma reg par de 'thungs na// gsang ba'i rgyud las byung ba yi// sgrub po'i tshig ni 'grub par 'gyur// de nas skye gnas rgya bcings la// brgya rtsa brgyad du bzlas nas ni// sngags pas bsgrub byar mngon phyogs na// bsgrub par bya ba'i lto bar gnas// de la yid kyi gnas bzhin du// blo ldan thun gsum mthe'u chung bskyod// bram ze gsod pa dag gis kyang // zhag bdun brgya byin sogs nges 'gugs// tsan+dan dmar po'i rdul las ni// bsgrub par bya ba'i gzugs byas la// tsha ba gsum gyis lus la bsku// pra tshil gyis kyang rab tu byug / sgrub pa po yi gsang gnas su// zangs ma'i khab kyis phug nas ni// seng ldeng mdag me du med la// mkhas pas nyi ma bdun du bsro// lan brgya bzlas te bzlas pa'i mthar// mi yi bdag po mdun na 'don// btsun mo'i 'khor dang bcas pa ni// nges par 'gugs par byed pa yin// mi bdag 'khor bcas gro ga yi// 'dab mar bri bya'i g+hi'u wang dang // ro yi sen rtsis bris nas ni// ming dang spel nas gang la ni// mngon par phyogs te brgya bzlas nas// seng ldeng me la de gdungs shing // dur khrod me steng sgrub phyir bshad// ji srid pra tshil ma zhu'i bar// bsros par gyur na rgyal po ni//

  92. 47a

    'khor lo sgyur dang bcas par yang // nges par 'gugs par 'gyur ba yin// bsgrub par bya ba'i rkang rjes las// tsan+dan dmar po nyid dang ni// dur khrod lhag ma thal bas spyos// sgrub pa po yis gcig bsdus la// seng ldeng me ni du med la// rab tu 'bad pas bsro bar bya// rdul de lag pa gnyis kyis ni// mnyes nas sbyin sreg byas nas ni// ji srid du ni bsregs pas 'grub// rdul de blangs nas ma yengs par// dbugs mi 'byin par sbas na ni// brgyal zhing sems dang bral 'dra la// myos shing nyon mongs pa nyid dang // rlung gi shugs kyis 'ongs nas ni// sgrub pa po yi steng du lhung // phyugs sam yang na pho nya mo// mkhas pa yis ni dbye ba yin// de nas las kyi pho nya mor// bya ba 'di ni 'dzin pa nyid// ka ra wI ra'i lcug ma ni// brlan bcas dpung pa'i tshad mnyam blangs// sgrub pa pos ni gang zhig gis// gang gis sngags ni mngon bris nas// 'bar 'gyur ro bsregs me la dor// ji srid de ni ma tshig pa// myur du song ste de blangs la// rig pa lan bdun bzlas nas ni// gang zhig bzlas te bskor na ni// de ni de yi skad cig la// skyes pa'am bud med rang gzugs can// rlung gi shugs kyi 'ong bar 'gyur// ka ra wI

  93. 47b

    ra'i me tog dmar// brgya bzlas rgyal gyi sbyor ba las// sgrub pos gi'u wang gis byugs la// me tog chu la gnas pa la// chu bo chen por zhugs nas ni// lte ba man chod chur bcug ste// lag pa sbyar ba'i dbus gnas la// rig pa stong du bzlas nas ni// lag pa gnyis kyis phyer blags te// chu dang bcas pa btung bar bya// de nas sgrub pa po de yis// tshig gi dngos grub thob par 'gyur// rgyal po'am rgyal po'i chung ma ni// yid kyis nges par 'gugs par 'gyur// lhar bcas lha min mi rnams ni// myur du dbang du byed par 'gyur// khros pas tshig gis gsod 'gyur zhing // dbye dang bskrad pa nyid kyang byed// sgrub pa po yi tshig nyid kyis// tshar gcod par ni byed par 'gyur// tshig tsam gyis ni chu bo dang // shing rta 'khrul 'khor rgya mtsho dang // glang po rta dang de bzhin sprin// skyes bu'am yang na bya yang gnon// yid kyis yid la gang 'dod pa// tshig gis thams cad byed par 'gyur// dgug pa yi ni sbyor ba dag / bud med thams cad rmongs byed pa// ka ra wI ra'i me tog ni// dmar po yang dag blangs nas su// rig pa lan brgya bzlas pa dag / skye gnas dbus su gzhug par bya// me tog de ni kha sbyar byas// gsang ba'i gnas su nges par sbyar//

  94. 48a

    gnyis med ye shes rnal 'byor ldan// sngags pas brgya phrag gcig tu bzlas// skye gnas dbus gnas me tog de// sgrub pa po yis gcig blangs la// me tog gis ni gang bsnun pa// de ni mod la dbang du 'gyur// brgyal zhing sems dang bral ba dang // yan lag tshigs kun gzhan dbang ste// mngon gyur sems ni bzlog pa ru// skad cig gis ni dbang du byed// 'di ni yid ches dngos grub ste// don yod dbang du byed pa yin// dpal he ru ka'i nges par brjod pa las rnal 'byor ma drug dang tshig gi dngos grub lung bstan pa'i cho ga'i le'u ste bzhi bcu rtsa lnga pa'o//// de nas yi ge ha lnga ni// las rnams thams cad sgrub byed pa// gang zhig shes pa tsam gyis ni// myur du dngos grub rab 'jug pa'o// haM hau hau ho ho ho/ yi ge ha lnga lag pa yis// bskul dang ldan pas mnyes na ni// kha nas kyang ni khrag 'dzag cing // dgra bo de yi mod la 'chi// rang gi khrag ni thod gnas pa// srin lag gis khrag mnye bar bya// ji srid bskams kyi bar du ste// des ni bsgrub bya rnam par 'jig / gal te khro ba 'bar ba dang // mig dmar ba yis bzlas na ni// dpung tshogs bzhon par bcas pa yi// rgyal po myur du 'chi bar byed// byi la dang ni ne'u

  95. 48b

    le dang // khwa dang wa dang chu skyar ni// mkha' 'gro ma la stobs can sbyar// 'di dag myur du grub yin par// rgyud 'di la ni the tshom med// ri bong la sogs spu las ni// srad bu byas te lan stong bzlas// gang gi mgul du bcings gyur pa// de ni de dang 'dra bar 'gyur// lag par bzlas brjod stong byas te// ka ra wI ra'i me tog dang // yi ge re re mngon bzlas la// sbrum ma la ni reg gyur na// mngal ni rnam par 'pho 'gyur te// btang na thar par 'gyur ba yin// gang la sdigs mdzub byas te 'chi// slar yang 'tsho bar byed pa yin// dpal he ru ka'i nges par brjod pa las yi ge ha lnga'i las kyi cho ga'i le'u ste bzhi bcu rtsa drug pa'o//// de nas yang dag bshad bya ba// mkha' 'gro kun gyi snying po ste// 'di ni brjod pa tsam gyis kyang // dngos grub thams cad skyed byed yin// de nas mkha' 'gro ma'i rig pa chen po bzlas na rigs thams cad dbang du byed par 'gyur ro// rtag tu bzlas brjod byas pas ni dpal chen po skyed par 'gyur ro// mi rus kyi rgyu la phur bu sor drug pa byas la brgya rtsa brgyad mngon par bzlas nas gang gi sgor sbas pa de'i rigs brgyud rnams gcod par 'gyur ro// zhing dang ra ba dang ma he dang glang po che dang rta'i gnas su sngar bzhin du brgya rtsa

  96. 49a

    brgyad du mngon par bsngags nas brkos te sbas na thams cad brlag par 'gyur ro// de nas rgyal po'am rgyal po'i blon po dbang du bya bar 'dod na rgyal po'i sgor sa la byas pa'i gzugs brnyan sor brgyad pa byas la/ mkhas pas bzhag nas nyin zhag dang po lam du lung ka'i me tog dang / 'bras bu rnams dang / ku su ma bsres pas sbyin sreg brgya stong byas na de dbang du 'gyur ro// sngags 'di nyid kyis dgug pa dang / gnon pa dang / skems pa dang / rmongs pa dang / tshig 'phrog pa dang / long bar byed pa dang / dig pa nyid dang / slar gtong bar byed do// de nas skyes pa bud med du bya bar 'dod na skyes pa'i ro'i me tog dang / kA kaN+Da kI'i 'bras bu dang / khwa'i sen mo dang / rkang pa'i 'og gi pags pa cha mnyam par byas la ri bong gi khrag dang btags te ril bu bcu gcig byas la grib ma la bskam mo// de bzhin du nyin zhag bzang po la lag pa la bcings te nyi ma bcu gnyis pa la gang gi spyi bor phye ma bzhag pa de bud med du 'gyur ro// de nas skyes pa khyir bya bar 'dod na skar ma rgyal gyi gnam lcags ne'u le'i mgo bor bzhag la mtshan mo bdun gyi bar du brgya stong bzlas par bya'o// nyin zhag brgyad pa la gur kum dang mnyam por sbyar te/ lan brgya rtsa brgyad mngon par bzlas nas phye ma'i sbyin sreg byas

  97. 49b

    la de'i thal ba gang gi spyi bor bzhag pa de khyir 'gyur ro// slar gso ba gcig ni mtshan mo'i dus su mkha' 'gro ma rnams la mchod pa chen po byas te gtor ma byin na de'i 'og tu rnal mar 'gyur ro// rdzas rdzas ma yin par bya bar 'dod na gser shing gi 'bras bu la sbyin sreg stong phrag brgyad byas na rdzas ma yin par 'gyur ro// a ru ra'i sbyin sreg byas na rnal mar 'gyur ro// de nas smyo bar bya bar 'dod na bya chen po'i gnas kyi sbyin sreg byas na nyi ma bdun pa la smyo bar 'gyur ro// slar bzlog pa ni 'bras kyi phub ma'i sbyin sreg byas na zhi bar 'gyur ro// byi la'i spu zla ba gzas zin pa'i tshe bsdus la gang gi ming nas smos nas sngags kyi sbyin sreg byas nas thal ba de gang gi spyi bor bzhag pa'i de byi lar 'gyur ro// slar bzlas na rnal mar 'gyur ro// bya rog gi rgyus pa la srad bu byas pa bzung la mngon par bzlas te gang gi mgul du bcings pa de bya rog tu 'gyur ro// gang dang gang gi rgyus pa srad bur byas pa la mngon par bzlas te mgul du bcings pa de de dang 'dra bar 'gyur ro// de bzhin du khwa dang / thi ba dang / rma bya dang / chu skyar dang / 'ug pa dang / khra dang / bya rgod kyi gzugs 'dzin par 'gyur ro// ba lang gi spu las srad bu byas la lan brgyad brgya bzlas brjod byas te mgul du bcings na de ba lang du 'gyur ro// rkang pa bzhi pa la sogs pa

  98. 50a

    gang dang gang gi spu la srad bu byas la mngon par bzlas te mgul du btags na de de'i gzugs 'dzin par 'gyur ro// bkrol na thar par 'gyur ro// 'bras so ba la bzlas la nor gyi bdag po chen po'i khyim du bcug la lhag mas bdag nyid dbang bskur na mtshan mo bdun gyis so ba thams cad 'gugs par 'gyur ro// dpal he ru ka'i nges par brjod pa las sangs rgyas thams cad kyi mkha' 'gro ma'i sngags kyi las thams cad kyi cho ga'i le'u ste bzhi bcu rtsa bdun pa'o//// de nas gzhan yang bshad bya ba// mkha' 'gro kun gar dge ba yi// snying po rnal 'byor ma kun gyi// 'dod don thams cad sgrub byed pa'o// gang zhig dran pa tsam gyis ni// 'jig rten gsum po g.yo byed cing // rjes su dran pa tsam gyis kyang // yang dag dngos grub rim gyis so// hA sa Ta pha hU~M hU~M ye nI rA Na badzra ye nI ki DA d+hA bu r+pas oM/ sngags 'di bklags pas 'grub par 'gyur// las rnams kun byed dge ba yin// mkha' 'gro rnal 'byor ma rnams dang // khaN+Da ro he lA ma sogs// mkha' 'gro ma ni thams cad kyi// sngags ni 'di nyid yin par grags// sa 'og yang na mtho ris sam// de bzhin mi yul dag tu yang // las ni gang dag yod pa dag / sngags kyis de dag thams cad sgrub//

  99. 50b

    dngos grub kun byed dge ba yin// dngos grub thams cad rab stsol ba// 'di las shin tu mchog gyur gang // 'jig rten gsum na ci yang med// gang phyir 'di ni bla med de// las rnams thams cad sgrub byed yin// lha yi thabs ni rab ston byed// mkha' 'gro ma ni kun gyi gnas// mdor bshad rgyas par ma yin no// me tog 'bras bu sna tshogs kyis// ri bo bzang po bri bya zhing // de yi steng du rtag bsgom pa// mkha' 'gro de bzhin lA ma dang // khaN+Da ro he rnal 'byor ma// dpa' bo rnams kyi dpa' bo nyid// ha ha he he zhes bya ba// dpa' bo nyi shu rtsa bzhi yi// mkha' 'gro dra ba'i bde mchog yin// rdo rje sems dpa' rnam snang mdzad// de bzhin pad+ma gar dbang dang // shrI he ru ka nyid dang ni// mkha' snying dang ni rta mgrin nyid// rin chen rdo rje stobs po che// mig mi bzang dang 'jigs byed dang // rdo rje bzang dang rab bzang dang // rdo rje hU~M mdzad dpa' chen po// de bzhin rdo rje ral pa can// myu gu can dang rdo rje'i lus// rdo rje 'od ni nyid dag dang // 'od dpag med dang lha yi dgra// de bzhin mche ba rnam gtsigs dang // keng rus keng rus chen po dang // thad pa'i dum bu la sogs pa// dpa' bo nyi shu rtsa gzhi yis// 'gro ba

  100. 51a

    'di dag thams cad khyab// dpa' bo rnams dang mkha' 'gro nyid// rnal 'byor ma ni rab gtum sogs// bya ba kun la sgrub pa pos// 'khor lor bzhugs par blta bar bya// grub 'dod shin tu mnyam bzhag pas// 'khor lo'i bdag nyid rtag tu bsgom// sngar bshad pa yi cho ga yis// mkha' 'gro dra ba'i bde mchog brjod// 'khor lo chen po grub kun gnas// de bzhin dngos grub kun gyi gzhi// 'di ni sangs rgyas bye ba dang // dpa' bo bye bas legs par gsungs// mkha' 'gro ma ni re re yi// 'khor ni bye ba dag tu 'gyur// rnal 'byor ma ni mkha' 'gro nyid// gzugs can ma dang dum skyes ma// de bzhin lA ma la sogs ni// dngos grub kun byed dge ba yin// dpal he ru ka'i nges par brjod pa las dpa' bo dang mkha' 'gro ma thams cad kyi gnas gsang ba'i dkyil 'khor gyi cho ga'i le'u ste bzhi bcu rtsa brgyad pa'o//// de nas gzhan yang bshad bya ba// ji bzhin cho gas phyugs bsgrub bya// gang gis shes pa tsam gyis ni// myur du dngos grub thob 'gyur ba'o// sngags pas 'bras kyi phye ma las// rim bzhin du ni phyugs gzugs bya// mi dang rus sbal rnga mo dang // bong bu spyang ki rta la sogs// de ltar sna tshogs phag dag

  101. 51b

    ste// phyugs 'di dag tu shes par bya// mtshan nyid ji ltar gyur pa dang // 'di rnams las ni bshad par bya// skye ba gcig dang skye ba gnyis// gsum mam bzhi'am lnga nyid dang // skye ba drug dang bdun gyur pa// phyugs rnams su ni gdon mi za// gang gi kha yi dri zhim zhing // mig mi 'dzums par rnam par blta// bden par smra zhing mthong na dga'// rtag tu dam chos dgar 'gyur zhing // rang gi skye ba shes pa dang // lus kyi dri ni rtag tu zhim// mtshan nyid 'di dag ldan par ni// skye ba bdun du 'byung ba yin// de ni zos pa tsam gyis ni// lha yi gzugs ni 'dzin par 'gyur// bsnams pa'am reg pa tsam gyis kyang // gang zhig thig le byed pa de// mod la 'grub par 'gyur ba ste// 'di ni rang dga'i gzugs 'chang 'gyur// de yi snying ka'i ro tsa na// mkhas pa yis ni blangs nas ni// snying po'i sngags ni bzlas nas su// de yi thig le bya ba yin// sems can gang dang gang gi ni// gzugs su byed par 'dod pa na// de dang de yi gzugs su ni// thig les 'gyur bar the tshom med// mkhas pas shing lo khu ba ni// ro tsa nar bcas blangs nas su// dpral bar thig le byas na ni// de gzugs 'gyur bar the tshom med//// phyugs nyid kyi ni ba spu yis// lag pa

  102. 52a

    spyi bor bcing bar bya// de yi yan lag lngar ldan zhing // de yi spu dang rnam bsres la// lag pa spyi bor bcings na ni// de yi gzugs 'gyur the tshom med// rnal 'byor la ni goms shing zlos// mi rnams nus pa ldan yin yang // dka' zhing nyon mongs la dga' ba// dngos grub lam ni 'gog pa yin// glang po rta dang bong bu dang // rus sbal rnga mo phag dang wa// khwa dang 'ug sogs bya rgod dang // khrang khrung khra dang sa ra la// gzugs bzang ba dang gzugs ngan dang // lha yi gzugs su de 'gyur ro// rnal 'byor dpa' chen rang dga'i gzugs// skye 'gyur 'di la the tshom med// 'di bas shin tu mchog grub pa// 'jig rten gsum na yod ma yin// dpal he ru ka'i nges par brjod pa las skye ba bdun pa bsgrub par bya ba'i gzugs yongs su brje ba'i cho ga'i le'u ste bzhi bcu rtsa dgu pa'o//// de nas sbyin sreg cho ga ni// nges par dbang du byed 'gyur ba// yang dag cho ga gang gis ni// myur du dngos grub thob 'gyur bshad// go mangs ni myos byed bsre// lag pa g.yon pas sbyin sreg bya// sangs rgyas kyang ni dbang 'gyur na// phran tshegs mi ni smos ci dgos// kha chu so shing dag dang ni// de bzhin rang gi lus mnyes pa// myos byed ming dang bcas pa yis// khams

  103. 52b

    gsum dag ni dbang du 'gyur// zla mtshan gyi ni khrag dang ni// zos nas rlon pa'i zas dag dang // mi yi skra dang ldan pa yis// mod la 'gugs par 'gyur ba yin// rang gi lus las skyugs pa'am// mkhas pas rang skras sbyin sreg bya// nim pa'i shing la rab sbar na// mod la dbye bar 'gyur ba yin// mnyam par bzhag pas d+ha dur me// nyungs mar tshan der bsgres pa yi// bya rog gshog pas sbyin sreg bya// 'phral du 'chi ba'am skrod par 'gyur// nyal dang ma nyal 'dug pa'am// zas dang sbyor ba sogs la yang // mkhas pas rtag tu zlos byed na// de la bgegs ni yod ma yin// wa yi sha yis sreg blugs brgyas// yang dag sreg blugs byed pa'i mi// de ni zla ba gsum rjes la// rigs kyi dbul ba 'jig par 'gyur// sha chen dag gis gang la zhig / myos byed ldan pas sbyin sreg byed// brgya rtsa brgyad kyi bar du ni// sgrub pa po ni thun gsum byed// ma lus sa rnams spyod pa dang // zla ba drug gis dbang du 'gyur// tshim 'gyur mkha' 'gro ma de la// rgyal srid ster bar gdon mi za// lha rnams thams cad bsgoms nas ni// thun gnyis bar du sbyin sreg byas// rang gi lus ni de nyid kyis// mkha' la 'gro ba nyid thob 'gyur// gau mA yu ba'i

  104. 53a

    sha chang gis// phyi dang nang gi sbyin sreg bya// myur du de yi lag tu 'gyur// dngos grub thams cad rab tu 'jug / sngags kyi bzlas brjod mtshan mo bzlas// yul 'khor yang ni 'gugs par byed// de ltar nyin re byas na ni// rgyal po nyid du de byed 'gyur// 'di las rab mchog gzhan dag ni// 'jig rten gsum na yod ma yin// rnal 'byor chen po rang dgas 'chi// sna tshogs gzugs ni 'dzin cing rol// bil ba de bzhin pa la sha// u dum+ba ra nyid dag ni// sbyin sreg 'bum byas myur du ni// nor gyi bdag po chen por 'gyur// go mang sa dang myos byed bsre// rgyal srid 'dod pas sbyin sreg bya// rnal 'byor dbang phyug mnyes byas na// dbul po nyid du ga la 'gyur// go mA yu ni bsreg byas pas// ci bde bar ni 'grub par 'gyur// go mA yu yi sbyin sreg gis// myur du nor bdag mnyam par 'gyur// brtul zhugs gtsang sbra med na yang // bstan pa'i dngos grub thob par 'gyur// lhag pa'i tshe dang kuSh+maN+Na N+TaM// mud ga mA sha tsa na ka// sbrang rtsi gtsigs ma ske tshe dang // khyim gyi ta ma la 'dab blangs// kha bcings par ni 'gyur ba yin// ci rung spyod pa'i rnal 'byor pa// gang du dga' ba der gnas so//

  105. 53b

    de nas gzhan yang bshad bya ba// rnal 'byor ma yi sa dang gnas// he ru ka dpal yan lag nyid// thams cad brtan g.yo'i bdag nyid can// gnas ni rab tu dga' ba'i sa// de bzhin nye gnas dri ma med// zhing 'dir 'od byed shes par bya// nye ba'i zhing ni 'od 'phro ba// tshan+do ha ni mngon gyur nyid// nye ba'i tshan+do sbyang dka' ba// 'dus pa ring du song ba yin// nye bar 'dus pa mi g.yo ba// dur khrod legs pa'i blo gros nyid// nye ba'i dur khrod chos kyi sprin// shrI he ru ka gzhung spyod pa'i// 'di ni nang gi bdag nyid sa// pha rol phyin bcu sa rnams ni// rnal 'byor ma yi brda yi skad// mtho ris sa steng sa 'og tu// dpa' bo'i yan lag brtan g.yo'i bdag / pu ril la sogs gang bstan pa// phyi nang bdag nyid can du gnas// dpal ldan khrag 'thung rgyal po che// 'dod pa kun gyi dbang phyug gtso// kun tu phyag dang zhabs ldan zhing // thams cad du ni spyan zhal dbu// kun tu thos ldan 'jig rten na// thams cad g.yogs te rnam par bzhugs// de nas dngos grub bsgrub bya ba// bsam gtan ldan pa'i sems kyis te// sgrub pa po la phan pa'i phyir// gsang ba 'di nyid gsungs pa yin// dpal he ru ka'i nges par brjod pa

  106. 54a

    las dbang gi sbyin sreg dang gnas la sogs pa'i sa bstan pa'i cho ga'i le'u ste lnga bcu pa'o//// de nas de yi rab bshad bya// man ngag shin tu rnyed dka' ste// dpa' bo'i brda yi skad du ni// nga yis rgyud du sbas pa yin// gos dang phyag rgya lnga la sogs// shes rab yan lag phur bu dra// A li kA li zhes brjod pa// rgyu la sogs stong mngon 'gro ba// 'jug pa sgra la sogs pa nas// ji srid bsdus pa'i sbyor ldan pa// bdud ni tshim byed mya ngan 'das// lag pa'i mchod pa'i dbang bskur ba// go cha chen pos yang dag srung // sngags rnams kun gyis mchod par bya// de ltar de nyid bcu bzhi ni// mdor bsdus nas ni bshad pa yin// mi mchog gang zhig kun spyod pa// sdig pa thams cad rnam dag 'dag / de bzhin gshegs pa'i sa 'thob cing // skye dang skye bar bde gshegs kyi// rigs skyes rgyal po chos ldan 'gyur// ji ltar sngon bsags sdig pa yi// mtshan nyid thams cad dman pa ste// gang zhig 'di ni rtag sgom pa// sa la 'dod pa kun dbang phyug / dper na mar gyis gang ba'i snod// me yi dbus su bzhag na ni// mar gsar steng du zhu 'gyur zhing // snod kyi dri ma 'jig par 'gyur// de bzhin shI he ru ka yi// mtshan gyis sdig pa 'jigs

  107. 54b

    par 'gyur// bsam gtan sems pa tsam gyis sam// klog cing kha ton bris pa yis// mtho ris longs spyod 'thob 'gyur ba'am// yang na 'khor lo sgyur ba 'thob/ rnal 'byor pa rnams 'pho ba'i tshe// khrag 'thung dpal sogs rnal 'byor ma// lag na me tog sna tshogs thogs// rgyal mtshan ba dan sna tshogs dang // rol mo'i sgra ni sna tshogs dang // sna tshogs glu yi mchod pa yis// 'chi ba zhes bya rnam rtog 'di// mkha' spyod gnas su 'khrid par byed// de 'dra'i dpa' chen rnal 'byor ma// sa steng na ni rnyed par dka'// dpal ldan he ru ka'i rgyud chen// gang zhig shes nas ma dad pa// dbul po sdug bsngal gyis gdungs par// de la rtag tu 'byung bar 'gyur// mgul rgyan gdu bu dpung rgyan dang // rna rgyan tshangs pa'i skud pa dang // do shal mgo yi phreng ba dang // ska rags sil sil sgra sgrog pa// ri steng sna tshogs pad+ma yi// lte bar A li kA li skyes// dkar mo bdag po rnams gnon cing // rdo rje dril bus sku la 'khyud// nyi shu rtsa bzhi'i phyed ldan pa'i// dpa' bo rnal 'byor ma tshogs dang // he ru ka dpal rgyal po che'i// go 'phang mchog ni bsgom par bya// dpa' bo kun dang rnal 'byor ma'i// 'khor bcas dbus su sbyor ldan pa// thams cad dgyes shing gnyis med

  108. 55a

    gyur// 'byin dang sdud par mdzad pa yin// mos pa du ma'i sems can la// spyod pa sna tshogs ston mdzad de// sna tshogs tshul gyis gdul bya ba/ thabs ni sna tshogs ston pa yin// zab mo'i chos ni ston pa la// gal te mos par ma gyur kyang // smod pa dag tu mi bya ste// chos nyid bsam mi khyab dran bya// gang gis 'dir bdag yul min pa// gang gis chos nyid mi shes yin// rdzogs sangs rgyas dang de'i sras ni// bdag nyid chen po rnams kyis mkhyen// sangs rgyas rnams ni byung gyur tam// ma byung na yang rnam kun tu// bsam mi khyab pa'i chos nyid ni// 'phel 'grib spangs pas gnas pa yin// de ltar rnam par gzhal nas kyang // 'jig rten pa kun yong mi smad// de yi bgrod pa bsam yas shing // sangs rgyas rol pa bsam mi khyab// mdo sde bya ba spyod pa rnams// rnal 'byor gsang tha'i dbye ba nyid// sems can mos pas 'jug pa rnams// de dang de la dga' ba bzhin// dpal he ru ka'i nges par brjod pa rgyud kyi rgyal po chen po 'bum pa'i nang nas phyung ba grub pa'i rtog pa rmad du byung ba ngo mtshar dang bcas pa byed pa bstan bcos thams cad kyi rgyal po dpal he ru ka dpa' bo chen po bklags pas grub pa thams cad mkhyen pa gzhan gyis mi thub pa gdod nas grub pa bla ma yin no//

  109. 55b

    dpal he ru ka'i nges par brjod pa zhes bya ba rnal 'byor ma chen mo'i rgyud kyi rgyal po las le'u lnga bcu rtsa gcig pa rdzogs so//// rgya gar paN chen pad+ma kA ra dang // grags pa yid 'ong rgyal mtshan mtho ldan pa'i// rin chen dang mtshungs rin chen bzang po yis// mkhas pa pad+ma ka ra'i zhal sngar ni// rig pa'i 'byung gnas kha che'i dpe las bsgyur// lhag pa'i tshul khrims dri yis bsgos gyur cing // dri med dka' don 'thad pa dang bcas par// rtog pa dang ldan grags pa'i zhal sngar ni// sgra bsgyur dge slong pradz+nyA kIrti dang // mar pa sgra bsgyur chos kyi dbang phyug gis// mkhas pa'i 'byung gnas yul dbus kyi bla ma nA ro pa'i phyag dpe dang gtugs pa'o//// rgya gar skad du/ a b+hi d+ha na ut+ta ra tan+t+ra nA ma/ bod skad du/ mngon par brjod pa'i rgyud bla ma zhes bya ba/ bcom ldan 'das dpal rdo rje mkha' 'gro la phyag 'tshal lo// ji srid 'gro ba drug gi mthar// sangs rgyas thams cad rnam par 'byung // rdo rje sems dpa' yis ni byed// chos kyi dbyings la phyag 'tshal bstod// dpal ldan rdo rje mkha' 'gro ni// sku gsum ye shes lnga yi dngos// mkha' 'gro ma yi 'khor lor bzhugs// 'gro ba sgrol la phyag 'tshal bstod// ji srid rdo rje mkha' 'gro ma//

Colophon

rgya gar paN chen pad+mA ka ra dang / /grags pa yid 'ong rgyal mtshan mtho ldan pa'i/ /rin chen dang mtshungs rin chen bzang po yis/ /mkhas pa pad+mA ka ra'i zhal sngar ni/ /rig pa'i 'byung gnas kha che'i dpe las bsgyur/ /lhag pa'i tshul khrims dri yis bsgos gyur cing/ /dri med bka' don 'thad pa dang bcas par/ /rtog pa dang ldan grags pa'i zhal sngar ni/ /sgra bsgyur dge slong pradz+nyA kIrti dang / /mar pa sgra bsgyur chos kyi dbang phyug gis/ /mkhas pa'i 'byung gnas yul dbus kyi bla ma nA ro pa'i phyag dpe dang gtugs pa'o