dpal dus kyi 'khor lo'i sgrub pa'i thabs yan lag bzhi pa zhes bya ba
Śrīkālacakracaturaṅgasādhanopikānāma
Text
ff. 87b–97b · 21 folio sides
- 87b
ni shes rab/ thig le ni thabs tsheg drag po ni shes rab ces rtsa ba'i rgyud chen po las gsungs pa yin pas/ gzhan du yang ci rig par sbyar ro// rkang gnyis gtso bos dang po'i sangs rgyas rgyud chen gsungs// nga sbyin sa dpa kyi nga gyul ba mang ba DU// rdus shA mig u mtha byung sa sa parnas pa ng+gA 'dab sa/ na bskyed phyir spyan ras gzigs dbang gis/ 'jam pa'i dbyangs dang sgrol ma'i sras su 'gyur zhes bsgrags// des kyang sngon gyi dam bcas bshol ba mi mnga' bas// sdud rgyud me tog phreng 'grel dri ma med 'di mdzad/ rab 'byed dbang gis 'grel pa rdo rje'i tshig/ legs par 'byed byed bdag tsam dge ba gang // chu bo'i rgyun ltar rab 'bab dge ba des// chos 'byung dri med grong khyer mchog thob shog/ dbang gi rab tu byed pa'i 'grel pa/ rdo rje'i tshig 'byed pa zhes bya ba/ dge slong mkhas pa chen po dA ri ka pas mdzad pa/ bod kyi lo tsA ba 'bro dge slong shes rab grags pas/ bla ma la mnyan nas bsgyur ba rdzogs so// dpal dus kyi 'kho lo badrugs pa yan lag pa'i pa zhes byab bzugs so// 66/ rgya gar skad du/ shI kA la tsakra tsa tu re ga sA d+ha naM pa~M kA nA ma/ bod skad du/ dpal dus kyi 'khor lo'i sgrub pa'i thabs yan lag bzhi pa zhes bya ba/ 'phags pa 'jam dpal la phyag 'tshal lo// 'phags pa spyan ras gzigs dbang phyug la phyag 'tshal lo// mchog gi snying rje dag gis ni// 'khor ba mi bzad sdug bsngal las// gdon phyir ye shes lam la ni// ston pa khyod ni nyid kyi gzhag/ khyod ni rgan yang gzhon nu ma// rgyal ba mtha' dag gi ni sras// dang po sangs rgyas kyi dang po// bud med sbyor la tshangs par spyod// mchog
- 88a
gi snying rje dag gis ni// 'jig rten gnyen ni gshin rje'i dgra/ khyod ni kho na'i rdo rje nyid// srid pa yi ni 'jigs sel ba// khyod ni rtag tu bdud kyi bdud// srid pa las ni rnam grol khyod// 'gro ba smin pa'i don du ni// 'jug pa yi ni gshin rje khyod// thug pa yi ni rigs 'dud pa// bram ze'i rigs kyi nyi ma bdag/ zhabs kyi pad+ma rab btud pa// sems can rnams ni grol don du// dus kyi 'khor lo mtha' dag ni// sa'i steng du gsal byed pa// snyigs ma can gyi rigs ni khyod// sa'i bdag pos phyag byas pa// ka lA pa ru dpal grags pa// khyod kyi zhabs kyi pad+ma la// lag pa'i thal mo sbyar nas su// yan lag mchog la gzhag nas su// spyi bo yis ni phyag 'tshal nas// mtha' dag ma tshang med pa yi// bsgrub pa'i thabs ni bshad par bya// skyed mos tshal dang ri brag dang // rgyal ba dam pa yi ni gnas// khang stong lho yi gnas dang ni// grub pa'i gnas dang dur khrod dang // mtsho yi gnas dang gab pa'i sa// gang du yid ni dga' bar ni// do ru bsgrub pa bya ba ru// 'gyur ro mi'i bdag po kye// zab cing rgya che ba yi sems// bla ma'i nges pa la dga' zhing // gtong ba'i sems dang yon tan shes// thar pa 'dod cing rgyud la dad// sems/ ni g.yo ba med pa dang // de nyid rnyed pa dang gsang zhing // gdug pa rnams kyi tshogs bral ba// dpal ldan dus 'khor dkyil 'khor du// dbang bskur rim pa bzhin thob gang // 'jam pa nyid kyi mal cha 'am// stan bde ba la 'jug par bya// maN+Dal skyang nul mdzes byas nas// rdzas bcur ldan pa'i mchod pa bsham// phyag rgya bzang po'i rjes phye ba'i// dag pa rnam gsum dran par bya// rdo rje
- 88b
gsum gyis phyogs su// dang po kho nar chos skyong la// gtor ma dag ni sbyin par bya// phyi nas rdo rje bzhi yis ni// phyogs dang mtshams su song ba ni// bdud kyi tshogs rnams nges par sreg/ dpal gyi rdo rje'i sa phyogs na// gnas pa yi ni bdud kyi tshogs// ma lus par ni nges par sreg/ phyi nas 'khor lo'i rtsibs bcu la// phyogs dang mtshams su song ba yi// khro bo'i tshogs ni bsgom par bya// sa'i mtshams kyi mthar thug par// ring po ru ni mthong gi bar// rdo rje gsum gyi ba gsum// sa'i bskor bar song ba ni// sa 'og gnas dang nam mkhar ro// rdo rje khang pa brtsegs par ni// dbus su 'dam skyes nyi ma'i khru// lte ba dang ni gdan la ni// dus dang lag pa'i khrur gyur pa// de'i steng du bdag nyid ni// dri ma dang ni bral ba nyid// 'khor lo'i dbus su khrod dbang po// phyag ni rgyal ba gnyis lhag pa// dus kyi zhal te rdo rje shugs// rnal 'byor pa yi bsgom par bya'o// // dang po'i snying ga'i zla dbus su// phyogs bcu ru ni sna tshogs la// de kho na'i 'od zer bsgom// kha la sogs pa dag byas te// slar la yang ni nam mkha' ru// 'od zer spros pas rgyal ba bkug/ mchod pa sna tshogs byas nas su// srid pa'i sdig pa mang po ni// bsags pa de ni bshags par bya// gsum la skyabs su 'gro ba dang // lus dang ngag dang sems dag pas// sgrub pa po yi bya ba yin// rdzogs sangs rgyas dang byang chub sems// 'phags pa'i dge 'dun gang mdzad pa'i// dge ba rnams la mang po yi// ma lus de la rjes ye rang // nyon mongs pa dang bral ba yi// byang chub spyod pa rjes su gnas// sangs rgyas chos dang dge 'dun te// srid pa yi ni 'jigs sel ba// byang chub thar pa skyabs mchi'o// rdzogs sangs rgyas su bdag gyur cig/ ces pa'i
- 89a
smon lam 'debs pa yis// 'di ni sems can don gyi phyir// 'gro ba ma lus 'di dag ni// dngos po'i ngo bo rang bzhin no// dngos dang bral ba stong pa'o// de phyir sangs rgyas byang chub med// gzhan la phan pa'i snying rje yis// mtshan ma med par dam bcas pa'i// de ltar mtha' dag shes byas te// sku gsung thugs kyi rdo rje ni// byang chub sems dpa' bsgom par bya// dpag tu med pa'i yon tan ldan// dkyil 'khor la ni dkyil 'khor gtso// dang por 'di ni sdom brtson gyis// chu yis me ni 'jigs pa ni// lus kyi dbus su bya ba yin// phyis ni sa ni chu ru 'gyur// tshwa bzhin chu yi dbus su zhugs// rlung gis chu ni skams nas su// nam mkha' ru ni mi snang bar// myur du 'gro'o de nas ni// sems dang me ni mun pa'i mthar// yul dang rnam par bral ba ni// dbus kyi sa ru bzhag par bya// stong pa rlung dang me dang chu// sa dang rgya mtsho raM pad+ma// zla ba nyi ma dang ni me// khang pa rtsegs ma kun nas ni// dri med 'od zer 'phro ba yi// rdo rje las ni skyes pa'i phyir// de na rdo rje sa gzhi la// sna tshogs nor bu 'od lta bu// dkyil 'khor la ni rnam 'phro ba// oM gyi ye shes las skyes pa// rgyal ba dam pa'i pad+ma la// zla ba nyi ma dag gi gdan// nang du brgyad gnyis ka ba ni// rigs gtso yis ni rang bzhin te// rgyal pa'i longs spyod 'khor lo ni// rgyal po rigs byed bsgoms rnams la// nor bugaser gyis rang bzhin gyi// rta babs dur khrod rnams kyi brgyan// a sogs ka sogs nyi ma zla// rigs kyi gtso dang lhan cig pa// me long lta bu la sogs pa'ang // dri ma med pa'i 'od 'phro ba// 'od zer lnga ni 'gyed mdzad pa// dus kyi 'khor lo bsgom par bya// rdo rje'i brgyan dang ldan pa'i lus// rgyal ba yi ni phyag pad+ma//
- 89b
nyi ma'i dpung pa dus kyi zhal// mgrin gsum nyi ma yis ni swan// zhal gdangs mche ba gcig pa yis// dpal ldan oM las skyes pa'o// nor gyi pad+ma'i 'dab ma la// zla ba nyi ma me'i ste// drag po 'dod lha gnyis kyis ni// snying gar shin tu rol pa'i zhabs// rgyal ba'i dbang po g.yas brkyang zhabs// mchog gi zhabs kyi 'og tu ni// bdud kyi dmar po g.yas kyi ste// drag po dkar po g.yon gyis so// mgrin pa dbus dang g.yon dang g.yas// dpung pa nyi ma zla ba'i mdog/ g.yas pa dang ni g.yon pa yi// phrag pa sngo dang dmar po dang // ri bong 'dzin pa ltar dkar ba// g.yas dang g.yon du gnyis kyi zhabs// dpung pa rnams su dkar min dang // nyi ma'i mdog dang zla ba'i mdog/ de bzhin du ni brgyad gsum gyi// mtshon cha rnams dang lhan cig tu// lag pa rnams ni rim pa bzhin// sor mo la ni tshigs gsum gsum// ri bong can lag pad+ma la// kha dog lnga ni 'phro ba'o// nag po dkar po dmar po yi// rab mchog lag pa'i mthil du ni// mtshon cha'i tshogs ni yang dag gnas// rdo rje ral gri rtse gsum dang // srid pa gsum ni 'jigs pa yi// gri gug dang ni me yi mda'// de nas rdo rje lcags kyu nyid// sgra dang bcas pa'i cang te'u// tho ba dang ni 'khor lo nyid// mdung dang dbyug pa dgra sta nyid// rdo rje can gyi g.yas pa yi// nyi ma'i phyag gi pad+ma la'o// dril bu phub dang kha T+wAM ga/ kha ni rnam par phye ba dang // khrag gi bkang ba'i thod pa dang // gzhu dang zhags pa rin chen dang // pad+ma dang ni chu la spyod// me long dang ni lcags sgrog dang // tshangs par rig byed gdong gis ni/ mgo bo dang ni pad+ma ni// rgyal ba'i phyag ni g.yon pas 'dzin// sman pa'i gdong du byed pa yi// zhabs kyi 'og tu mnan pa ni// bdud dang drag po rang lha mo// rig byed zhal te gser lta bu// nor gyi phyag ni pad+ma yis//
- 90a
'khyud pa sna tshogs yum yin no// g.yas ni gri gug lcags kyu dang // 'khrol ba yi ni cang te'u// bgrang phreng rim pa bzhin du'o// g.yon na nya phyis zhags pa dang // 'dab ma rgyas pa'i pad+ma dang // nor bu bzang po de bzhin te// g.yon brkyang ba la nyi ma'i spyan// rgyal ba'i bdag po'i cod pan can// phyag rgya rnams kyis rgyas gtab po// phyogs kyi pad+mar sangs rgyas bzhi// nges pa kho nar spyan ni dgu// me'i spyan dang dus kyi phyag/ mtshams su sgrol ma sogs lha mo// gzhan yang slar yang 'di dag gi/ mtshams brgyad du ni bum pa brgyad// nag po dmar po ser po dang // ri bong 'dzin pa dkar po ni// lha dang lha mo rnams kyi'o// nag po dmar po zla ba ni// gzhan yang phyogs bral du song ba// dmar po ser po nyi ma'i ste// rtsigs pa'i phyogs mtshams song ba la// nam mkha'i snying po la sogs dang // reg bya'i rdo rje ma la sogs// shar gyi g.yas dang g.yon pa dang // phyogs gzhan gyis ni pad+mar ni// kun tu bzang po de bzhin du// dpal ldan phyag na rdo rje dang // sgra yi rdo rje nyid dang ni// chos kyi dbyings ni rim pa bzhin// lkugs dang rengs dang nga rgyal can// rab stobs shes pa 'di dag ni// sgo skyong shar la sogs par ro// ri bong 'dzin pa'i pad+ma la// shes rab dang ni thabs byung ba// lha rnams dang ni lha mo rnams// phan tshun du ni 'khyud pa gnyis// rang gi lag pa chu skyes ni// rang rang mtshan ma rnams dang ldan// gang gi g.yas su mtshan ma gang // dang po yi ni lag pa la// de 'dir phyag rgya dang bral ba'o// shes rab stobs kyi 'khor lo yi// mchog tu bde ba yi ni gnas// pad+ma rdo rje'i gdan la sogs// nag po rnams kyi ral gri gug/ gnas rnams 'jigs par byed pa dang // g.yas kyi lag na rtse gsum mo//
- 90b
g.yon na phub dang thod pa dang // kha T+wAM ga ni dkar po ni// lag pa'i mthil na yod gyur te// dmar po rnams kyi de bzhin du// mda' dang rdo rje lcags kyu dang // sgra dang bcas pa'i cang te'u// g.yas kyi phyag na rim pa bzhin// g.yon ni gzhu dang zhags pa dang // nor bu dri ma med 'phro ba// ser po rnams kyis 'khor lo dbyug/ 'jigs par byed pa'i rdo rje ni// g.yas kyi lag par rim pa bzhin// g.yon dang dpal ldan lu gu rgyud// dril bu'i sgra dang bcas par 'gyur// ri bong 'dzin pa dkar rnams kyi// g.yas na dpal gyi tho ba dang // mda' dang rtse gsum pa ni nyid// g.yon na pad+ma dkar po nyid// 'dab ma brgyad dang bcas pa da // mi da na pabyung 'byung ngo // wang thu rnams kyi g.yas pa la// rdod+ha gr-igag dgas na// ma pa bzhin du 'gyur ba yan// ga yon na dul bu thod pa dang // man tanamatha' dag gis ni ga ter/ la ni de bzhin nyid// so so'i yon tan dbang gis na// sngon po rnams kyi rig par bya// lha mo rnams ni de bzhin du// nag po dmar po dkar po dang // gser ni zhun ma 'dra ba dang // shar gyi lha sogs lha mo'o// de ltar rdo rje can gyi yang // srid pa gsum ni ma lus pa// dkyil 'khor gyis ni rnam par gsungs// phyi dang lus dang gzhan la ni// spros pa'i rang bzhin med pa ni// dngos po'i skye ba yang dag gnas// lartag par mkha' rdo rje// srid pa rnam pa gsum song ba// mi rtag par ni 'gro ba'o// 'byung po'i tshogs ni rtag pa min// mig 'phrul dag ni ji bzhin no// rtag dang mi rtag par blta ba// de yang bem po'i blo can gyi// sems dag pa yi don gyi phyir// sgrub thabs nyid ni brjod par bya'o// ma las snying du song ba yi// sgrub par nus pa nyid ma yin// rdo rje can ni sgrub pa'i thabs// sgrub po bsgrub par bya ba gang // ma
- 91a
lus pa ni 'khrul pa'o// de phyir rgyal po rang gi sems// nyon mongs pa dang bral ba ni// dkyil 'khor nyid du bsgrub par bya// ho yig thog ma tha ma'i dbus// yang dag bde ba'i 'bras ster ba// sku gsung thugs kyi rdo rje ni// shes rab chags pas de zhub// ri bong can nyid lta bu ru// rdo rje can yang zhu mthong nas// lha mo rnams ni klu lin byed// bcom ldan 'das ni rdo rje can// sum cu pa dang me'i bla ma// sems can kun la bde mdzad pa// khyod kyis 'dod pa'i don gnyer ba// bdag cag rnams ni bsrung bar mdzod// glu ni rdo rje can son nas// srid pa gsum ni ma lus la// mig 'phrul lta bu nyid du ni// gzigs nas bskyed pa ru mdzad de// 'od zer dri ma med pa 'phro// mtshan ma bcas pa spro bar bya// rdo rje can ni rgyan dang ldan// rgyal ba'i dbang po'i cod pan can// shes rab kyi ni 'khyud pa nyid// rgyal po shes rab thabs kyis te// slar la yang ni dkyil 'khor ba// ma lus pa rnams 'byung bar bya// sngon po'i 'od 'phro 'jigs pa'i gzugs// rab tu bzhad pa yi ni zhal// zla ba phyed pa mche gtsigs pa// sgra ni sgrogs pa me'i spyan// gnyis lhag pa yi rgyal ba'i phyag/ rig byed zhal la zhabs gnyis pa// shes rab thabs kyi yan lag can// mtshon cha rnams kyis yang dag mtshan// rdo rje shugs kyi gzhug par bya// rkang pa brgyad pa'i shing rtanas// rgyal ba'i dgra ni 'jigs byed de// ye shes 'khor lo'i rgyu ru'o// mdun du ye shes de mthong nas// rnam pa bcu yi mchod pa dang // sngags rnams kun dang mchod par bya// lte bar lcags kyu yis btab nas// dri med pa yi 'od 'phro ba// ye shes 'khor lo dbang phyug nyid// rigs gtso ces pa'i gdong can gyis// zhags pa de nyid rab tu bcing // mtshon cha rnams kyis 'jigs byas te// ma lus pa ni bsgrubs byas nas//
- 91b
slar la yang ni log nas ni// rang gi 'khor lo bskor byas te// gzhug dang bcing dang dgyes pa dang // ro dag mnyam par byed pa ni// 'gugs byed la sogs pa yis so// sems nyid rnal 'byor bskyed pa ni// nang gi pad+ma'i nyi stengs su// nam mkha' dang ni bcas pa'o// shar du 'du byed dang ni sa// lho ru tsher ba dang ni chu// byang du 'du shes me ru 'gyur// nub tu gzugs ni gzhan nyid do// me ru rlung dang gzugs su 'gyur// bden bral me dang 'du shes gnyis// dbang ldan chu dang tshor ba gnyis// rlung du sa dang 'du shes ldan// sangs rgyas lha mo'i bar stong la// mtshan gyi phyogs su bdud rtsi'o// ro lir bkang ba'i bum pa brgyad// yang ni rim pa gzhan ma yin// steng du sna dang drir 'gyur te// lho ru mig dang gzugs dgod de// g.yon du lce dang ror 'gyur zhing // nub du lus dang reg bya ni// de bzhin du ni 'gyur ba yin// lho yi sgo yi g.yon du ste// 'og tu rna ba dang ni sbar// rigs kyi dbang gis 'gyur ba yin// shar gyi sgo yi byang du ste// nam mkha' ru ni yid nyid dang // chos kyi khams su 'gyur ba yin// dang po thabs ni rnam pa drug/ dkyil 'khor gyi ni lhag pa'i lha// rigs kyi dbang gis 'gyur ba yin// phyi nas shes rab la sogs drug/ rang rang pad+ma'i gdan la ni// gsal ba nyid du 'gyur ba yin// shar gyi sgo ru stobs po che// rab gtum ral gri 'dzin pa'o// de'i shes rab rengs byed ma// lho ru lkugs byed nga rgyal char// gyur te nor sbyin gyi phyogs su// nga rgyal byed ma rmugs ma'o// nub tu rengs byed brtson 'grus dpag med pa// chu lha ru ni gnas gyur pa// sgo yi dbus na pad+mar gnas// lha rnams 'di dag g.yon brkyang ste// rdo rje can gyi a thung ngu// ral gri can gyi oM thung ngu// 'od dpag med pa u thung du//
- 92a
'gyur te slar yang l-i yig ni// 'di ni rnam par snang mdzad kyi// ring po'i dngos po'i dbye ba yis// dbyangs kyi tshig ni ma lus pa// rigs drug rnams kyis rim pas so// dpal yum gyi ni mi shigs brjod// a las skyes pa nam mkha'i khams// I r-I U lI rim pa las/ rlung dang me dang chu dang sa// thams cad 'byung bar ru ni 'gyur// rgyal ba dam pa'i bdag po dang // sna tshogs yum gyi bde don du// lus kyi dngos po phan tshun no// mi bskyod pa ni stong pa'i khams// phyag gi pad+ma ral gri can// spyan ma rnams kyi dngos po'o// rin chen bdag po mA ma kI// gzhan yang pad+ma 'dzin pa dang // gos dkar mo ni lus kyi dngos// de bzhin 'khor lo can sgrol ma// rang bzhin yon tan dbang gis na// zung dang rnying ba'i dbyangs rnams kyis// aM ni kun du bzang po la// gyur te lus kyi dbang gis na// phyag na rdo rje 'di ni a// gyur te gzhan yang de bzhin du// sa yi snying po a ra ro ste// oM ni 'jig rten mgon po ste// de bzhin ar du gyur pa ste// 'di ni sgrib pa rnam sel lus// a ni chos kyi dbyings nyid du// de bzhin du ni nges par 'gyur// a las skyes pa sgra rdo rje// e las skyes pa reg rdo rje// ro yi rigs kyi gtso bo nyid// a lAs skyes pas lus dbye bas// oM las skyes pa gzugs rdo rje// gyur te de bzhin mi'i bdag po// a las skyes pa dri rdo rje// dpal gyi bzang mo chos kyi dbyings// sgra yi rigs kyi gtso mo dang // phyag na rdo rje yi ni gzugs// nam mkha'i snying po dri rdo rje// ro yi mchog gi rigs gtso dang // 'jig rten mgon po yang ni zung // sa yi snying po gzugs rdo rje// reg bya sgrib pa rnam sel dag/ zung du yang ni 'gyur ba'o// de ltar rigs ni drug po dag/ rigs rnams yon tan dbang gis ni// yang dag par ni rig par bya// ya
- 92b
la zung gi rim pa yis// stobs dang gnod mdzes ma ni zung // gsal ba nyid du 'gyur ba yin// rarka lkug dang nga rgyal ma// rigs kyi dbang gis 'gyur ba yin// wa dang ra ni 'di nyid las// nga rgyal byed pa lkug byed ma// la yA gnas mdzes brtson 'grus ma// rigs kyi dbang gi 'gyur ba yin// shes rab thabs ni yan lag dngos// rigs kyi dbang gi 'gyur ba yin// gang zhig gang la khas phyogs pa'i// / rdo rje 'chang dpal kun tu bzang // rigs kyi dbang gi 'gyur ba yin// mi bskyod phyag na rdo rje dang // don yod grub pa mkha'i snying po// dri med nor bu med pa dang // yang dag par nas snying po// 'khor lo'i phyag dang sgrib sel ba// rigs kyi dbang gi 'gyur ba yin// 'od dpag mod dang 'jig rten mgon// rigs kyi dbang gis 'gyur ba yin// dpal gyi yum dang chos kyi dbyings// rdo rje dbyings dang sgra rdo rje// rigs kyi dbang gi 'gyur ba yin// dpal gyi sgron ma reg rdo rje// gos dkar mo'i rigs dbye bas// ro yi rdo rje ma nyid do// mA ma kI dang gzugs rdo rje// rigs kyi dbang gi 'gyur ba yin// spyan me dri yi rdo rje ma// slar la yang ni stobs po che// don yod grub pa'i rigs las byung // rin chen phyag las lkug pa nyid// rigs kyi dbang gi 'gyur ba yin// 'od dpag med dang rlom byed ma// rengs paM nyid dang rnam snang mdzad// rlung dang me dang chus las// brtson 'grus lag med lcug ma dang // nga rgyal can ma rim pa bzhin// nges pa kho na gsal bar ni// gnod ma ru ni rab tu grags// dkyil 'khor gyi ni nang dbus su// ston pa lha mo sogs bum pa// lhan cig rgyal ba yi ni sku// sangs rgyas la sogs chos kyi sku// sgra rdor la sogs byang chub sems// longs spyod rdzogs pa yi ni sku// khro bo
- 93a
rnams ni sprul pa'i sku// yon tan gyi ni dbang gis 'gyur// thugs kyi dkyil 'khor gnas pa yi// sems can kun gyi don byed pa// sku yi rdo rje zung du 'gyur// rgyal ba'i sku dang lhan cig tu// sku rdzogs pa yi rgyu ru'o// gsung gi rdo rje chos kyi sku// zung du yang ni 'gyur ba yin// chos rnams ston par byed pa yi// sems dang longs spyod rdzogs pa yi// zung du yang ni 'gyur ba yin// sems can kun gyi don byed pa'o// ye shes dang ni sprul pa'i sku// srog chags rnams la thar ba ster// zung du yang ni 'gyur ba yin// shes rab thabs kyi yan lag dngos// mthun dang mi mthun pa yi rigs// nyi zla a ka la sogs pa// srid pa rnam pa gsum song ba// ye shes rnam shes dbye ba ni// rnal 'byor pa yis rig par bya// rdo rje gsum ho sA hAr ldan// spyi bor mgrin pa snying ga dang // lte ba gsang ba spyi bo ru// 'di rnams kyis ni lus byin brlabs// mchog gi rgyal ba'i bdag po ni// lha mo rnams kyi 'grub par 'gyur// rdo rje phan tshun rdo rje nyid// cod pan du ni 'gyur ba yin// res dga' sangs rgyas lnga yis ni// gzugs kyi steng du mi bskyod pa// g.yas pa ru ni pad mtshan gyi// rnam par sna mdzad nyid du 'gyur// rin chen lce yi pad+ma 'dzin// rab mchog nor bu byed pa ni// don yod grub pa'i dbu rgyan no// drug gi cod pan ral pa mdzod// yon tan gyi ni dbang gi 'gyur// lhag ma 'khor lo gzhan dag go// stong panyid dang chos kyi dbyings// rigs gsum gyi ni dam tshig dang // ye shes mchod pa rjes chags dang // gsum la skyabs su 'gro ba yi// de yi rang bzhin bdag nyid ni// sgrub pa po yis mchod par bya// du ba la sogs bum pa rnams// snying kha chos kyi 'khor lo yi// rtsa brgyad rnams kyi dag pa yin// rig pa rnams dang sangs rgyas rnams// spyi bo yi ni lhan cig skyes// rtsibs ni bcu drug pa ru grags// mgrin pa longs spyod 'khor
- 93b
lo yi// mi'i bdag po nyis 'gyur ni// byang chub sems sogs dag pa'o// lte ba sprul pa'i 'khor lo yi// nor lha gdengs can gyis bsgres pa'i// 'jigs pa la sogs dag tu'o// lag pa rkang pa dag gi tshogs// stong pa drug dang me'i grangs// las kyi 'khor lo'i lha rnams dag/ klu dang gtum mo'i bcu drug rnams// sor mo rnams kyi tshigs kyi mtshams// bya ba'i 'khor lo dag par 'gyur// rdo rje can dpal dus dag par// mi'i bdag por 'gyur ba ni// lo dang zla sogs dbye bas so// sems kyi snang ba snang ba med// nyi ma so so'i dbang gis ni// sna tshogs yul ni rnam dag pa// du ba la sogs rlung dag pa// rang gi snying ga'i pad+ma ni// rtsa yi 'khor lor gnas pa'o// drag po chung ma bcas mnan pa// nyon mongs pa yi bdud bcom mo// khyab bdag zhabs kyi mthil gyis ni// bdud mnan bdud tshogs bcom pa'o// dung dang gaN+DI nor bu dang // ljon shing zhes pa de bzhin du// sku'i rdo rje la sogs bzhin// bum brgyad lus ni bdud rtsi brgyad// rgyal ba rnam par rgyal bum pa// byang chub sems dang rdul bstan pa'o// 'du byed don yod grub pa ste// tshor ba rin chen 'byung ldan dang // 'du shes 'dod pag med pa'o// gzugs ni rnam par snang mdzad do// khu ba rkang dang khrag dang ni// dri chu dri chen rnam dag pa'i// khams drug rnam dag lha mo drug/ yul dang yul can rnam dag pa// byang chub sems dpa' phyag rgyar bcas// khro bo lnga ni stobs lnga nyid// gzhan ni dbang po lnga yin no// rgan byed la sogs brgyad dang 'khor// pad+ma'i 'dab mar song ba rnams// nyi dus chu tshod rnam dag pa'o// bden bral la sogs zla bcu gnyis// pad+ma'i 'dab mar song ba rnams// chu tshod kyi ni dbugs grangs tshad// klu dang gtum mo rnams gsang ba// mi yi bdag po nyis 'gyur ro// rtsa rnams kyis ni dag pa'o// de bzhin spyan
- 94a
ma la sogs pa// rang bzhin yon tan dbang gis ni// lus kyi bya ba dag pa'o// sgra rnams grub pa ma lus pa// ba smra rnams ni 'byung ba'i tshogs// sa yi steng na gnas rnams so// de nyid rnams ni gtso mtshan tshe// rang bzhin yon tan dbang gis ni// khams rnams dag pa'i phyag rgya'o// rdo rje rnams ni nang phyag rgya// gtso bo yis ni snying du ni// zla stengs yang dag gnas pa'o// rdo rje can dpal sA tshogs yum// srid pa rnam pa gsum song ba// dus gsum ye shes sbyar bas so// dpa' dag pa las chos kyi sku// tshes las longs spyod rdzogs skur 'gyur// longs spyod rdzogs las sprul pa'i skur// g+hur de rgyal ba'i bdag por ni// sems can gyi ni don gyi phyir// bzhi pa gnas ni nyal ba dang // slar la yang ni gzhan ma gnyis// lus kyi dbye bas sad po'o// de ltar lus kyi dbye ba yis// srog chags rnams kyis lus la yid// rnam pa bzhi ni gnas pa yin// sprul pa longs spyod rnams la yid// lus dang dbang gi rjes byed pa'o// longs spyod rdzogs pa'i sems lta ba// rigs kyi dbang gis gyur pa yin// chos kyi sku yi gnyid log pa// dag pa'i bde bar gyur pa ste// 'di ni nyin dang mtshan dag gis// thig le gsum gyi grol ba'i mthar// de yi phyir ni mi 'dzag don// nyin dang mtshan gyi dus su ni// rnal 'byor pa yi bsgom par bya// g.yon du srog ni rgyas 'gyur zhing // de bzhin g.yas su rdul ba dang // de ni g.yon brkyang gnas pa'o// gtum mo lte pa'i 'khor lo'o// dgu la lag 'gro yis bsnun pa// rgan byed la sogs pa yi lha// snying po ha yi ye shes ni// skad cig ma ru snang ba ste// ye shes gzi brjid sad pa'o// lte ba la ni rnam snang sogs// bsreg cing spyan ma mig la sogs// thams cad bsreg nas spyi bor gang // zla ba bzang las 'dzag pa ni// thig le de ni rdo rje can// shes rab chos 'byung la gnas pa// slar
- 94b
yang thig le nyid las ni// ma lus par ni spros pa dag/ sna tshogs pa yi rgyan dang ldan// me long nang song lta bu'o// ye shes 'khor lo rang ba byung ba// 'dod pa'i gzugs dang gzugs med pa// srid pa rnam pa gsum zhes pa// rim pa/ yis ni sbyangs nas su// phyi nang ye shes mchod pa ni// srid pa gsum ni ma lus pa// skad cig gcig gis dgug par bya// zla nyi a dang ka la sogs// rnam pa gsum du 'gro 'ong ba// sku yi rdo rje sogs bzlas pa// so sor skud pa la sogs drug/ gser ni btso ma'i 'dab ma la// sku dang gsung thugs sbyor ba yi// rdo rje pad+ma dga' la sogs// r-i ni mnyam par 'gyur ba yi// rdo rje gsum ni bsgom par bya// shes rab pad+mar sems thig le// lhan cig skyes la bde dbang gis// mi shigs pa ni bsgom par 'gyur// bsnyen pa bdud rtsi lnga la sogs// rigs kyi gtso mo bzhi yis ni// sngags kyi bzlas pa la sogs pa// so sor sdud pa la sogs 'gyur// rdo rje pad+ma las skyes pa'i// bdud rtsi nye bar bskul ba'o// dga' ba la sogs rdo rje gsum// pad+ma ro ni mnyam spong ba// / bsgom pa bsgrub par 'gyur ba'o// shes rab sbyor ba mi 'dzag gang // sgrub pa chen po nyid 'gyur te/ phra mo yi ni sbyor bas so// dang po stong pa'i byang chub nyid// de nas thig le zla 'dus pa// de nas sku ni bskyed pa nyid// rab mchog ro yi rigs kyis ni// yi ge rnams ni dgod pa nyid// 'di rnams thun mong bsnyen pa ste// rdo rje rnam pa parjod ni// dbu ma yin sgrub pa'o// 'di du thabs ni rnam pa bzhed// bsgrub pa'i yan lag de bzhin no// so ser sdud pa rnam pa b+haH// rgyal ba yi n+ti dbang por 'gyur// de bzhin pasam gtan mi brjo srob dang rtsol bar la gro can// gling sa yang ni rnam pa bcu// bzung ba rin chen phyag rgya can// gsung po rjes su dran pa ni// bang+ge 'dzin pa du 'gyur// dpal gyi ting 'dzin pa'i le can// de re yang ni la rung phyo//
- 95a
slar la yang ni gang dbye ba// a la sogs dang ka la sogs// so sor sdud pa yul can ni// yul can rnam pa bcu po rnams// yul la 'jug pa med pa'o// shes rab rtog pa dpyod pa rnams// dga' ba mi g.yo bde ba dang // bsam gtan sems ni gcig pa'o// gtum mo 'di ni snang ba gang // lus la nges par gsal 'gyur ba// nam mkha' de ni rjes dran 'gyur// srog dang rtsol ba gnyis kyi/ lam// ma 'khrugs pa ru 'gyur ba ni// dbu mar srog ni 'jug pa'o// thig le ru ni srog 'jug cing // gnyis kar 'gro dang 'ong ba dang // bzung ba nyid ni sems gcig pa// shes rab thabs kyi bdag nyid kyi// lhan cig skyes pa de dbang gis// ye shes sku ni ting 'dzin pas// 'di ni chu sogs dbye ba yis// gsum du yang ni 'gyur ba yin// sna tshogs bdag po'i sgrub thabs so// phyag rgya gsum dang tshad ni gsum// rnam pa gsumo ni srid dbang gis// las dang kun rtog bzang mo yis// so sor sdud pa'i rnal 'byor pa// yul dang rnam par bral ba dang // sngags rnams kyis ni byin brlabs nas// bsam gtan sbyor ba dag pa yis// mngon shes lnga ni thob par 'gyur// srog dang rtsol ba dag pas na// zla ba nyi ma dag dang bral// byang chub sems dpas mchod par 'gyur// bzung ba yis ni stobs kyis ni// nyon mongs la sogs bdud bcom zhing // stobs bcu la ni 'jug par 'gyur// rjes dran gyis ni dag par 'gyur// dri med 'od 'phro'i dkyil 'khor te// gzhan yang ye shes sku las so// de phyir dag pa'i ting 'dzin gyis// nyi ma cung zad tsam gyis ni// ye shes sku ni 'grub par 'gyur// so sor sdud la sogs pa yis// gal te gzir bar ma gyur na// sngags pa rnams kyi 'dod mi 'grub// sgra la sogs pa'i yan lag ma'i// pad+ma rdo rje nor bu ru// thig le bzung ba bsgrub par bya// bsnyen pa dang
- 95b
po'i sbyor ba ni// nam mkha' ru ni rnam pa bcu// 'khor lo can 'gro blta ba'o// bgegs ni mthar byed kyang blta ba// bdud rtsi'i lam du song ba yang // nye ba'i bsnyen po yan lag drug/ shes rab la sbyor zla thig le// gzhan yang rdo rje nor bu ste// yi ge gsum ni 'grub par 'gyur// bde ba ma nyams gcig zhi pa// lhan cig skyes pa ru ni 'gyur// bsgrub chen ye shes sbyor bas so// srog dang rtsol ba kun nas ni// mgo bo'i bar ni phan pa ste// mnyam pa'i bde ba 'bras ster ba// de las steng ni mi phan pa// 'chi ba'i 'jigs pa byed pa'o// sems can nyes pas bzlog pa'i rgyu// gtsug tor sgo ni phug nas su// mchog tu bde ba'i go 'phang du// 'di ni sbyar bar bya ba nyid// phung po med pa'i rnal 'byor pa// mnyam pa'i bde ba la 'jug mod// 'on kyang 'jig rten grags pa med// dbus su srog dang 'jug pa ni// yul dang rnam par bral ba nyid// sna tshogs yum gyis 'khyud pa'o// pad+mar bcug pa'i rang rdo rje// spros pa las ni de bzhin te// rdo rje'i dbus su zhugs par bya// sa la ma lhung ba bde ba// shin tu chags pa'i chags par song // rnal 'byor pa yi sbyor ba 'di// phyag rgya dngos grub don gyi phyir// mchog tu yang ni khyab pa'i bdag// dpal ni gsang las gsang ba yi// de ltar yan lag rnam pa bzhis// gal te bsgoms pas skyon ni// de nas sngags kyi bzlas pa bya// oM kA la tsakra ya huM hUM swA hA/ oM hAM hriM hUM swA hA/ oM badz+ra d+hU tI shwa re huM ho swA hA/ oM a mo g+ha sid+d+ha ye swA hA/ oM rat+na saM b+ha bA ya swA hA/ oM a smr-i ta b+hA ya swA hA/ oM bai ro tsa nA ya swA hA/ oM lo tsa nA ya swA hA/ oM mA ma kI ye swA hA/ oM paN+Da rA ye swA hA/ oM tA rA ye swA hA/ oM badz+ra pA Ni ye swA hA/ oM kha gar+b+hA ya swA hA/ oM k+Shi ti gar+b+ha ya swA hA/ oM le ke shwa rA ya swA hA/ oM sarba ni bar bi ska bi ni swA hA/ oM sa man+ta b+ha drA ya swA hA/ oM gan+d+ha badz+ra ye swA hA/ oM rU pa badz+ra ye swA hA/ oM rA sa badz+ra ye swA hA/ oM s+phar sha
- 96a
badz+ra swA hA/ oM kap+pa badz+ra ye swAhA/ oM d+harma d+hA tu badz+ra ye swA hA/ oM big+h+nAn+ta kA ya swA hA/ oM pradz+nyAn+ta ka ya swA hA/ oM pad+ma nA k+Sha ya swA hA/ oM ya mAn+ta kA ya swA hA/ de nas bzlas pa skyo ba na/ mchod pa bcu dang skegs sogs dang // chang dang bdud rtsis mchod nas ni// de nas bdud rnams tshar ga bicod pa'i// phreng ba'i sngags kyi bstod par bya// oM na mo badz+ra satwA ya/ na mo bud+d+ha bo d+hi satwe b+h+yaHna mo badz+ra kro d+hen+na rA dze b+h+yaHna mo bI shra mA trA~M/ na mo buSh+Ta bo d+hi satwA de b+hI b+h+yan mo badz+ra DA kIn+ti g+hun mo b+ha ga ba te kA la tsakrA ya/ badz+ra b+hai rA ba b+h+r-i kA rA ya/ ma ken+da nI la brda shwa rI rA ya/ ma ra kle sha~M tri dA ya/ kAn+te shi ti raHtsa ra nA ya/ kriSh+Na rak+ta sa tokaN+DA ya/ nI la si ta pI ta raH taiSh+Ta ka rA lo gr-i b+hI Sha Na mu khA ya/ kr-iSh+NA rak+tA shi tA sa bye ta ra skan+d+ha ya/ dwA da sha b+hu dza ye/ sha TI ka ti kA rA ya/ badz+ra khar+tha tI shU la kAr+ha ki bA Na aM ku sha Da mu ru ka mung+ga ra tsakra kun+ma daN+Da pa ra shu badz+ra g+hAtA khe Sha kha T+wAM ka pA la ts+tsha pa pA She sha rat+na ka ma le shaM khA daR+sha brah+ma shi rog dza tsarbad+h+wi ka rA yA byAg+h+ra tsarma ni bA sarbA ya/ kan+d+he pur+N+Na mA lA ba laM bi ne/ shi ri sa badz+ra pan+d+ha mu ku Te ka pA la pA lAr+d+ha tsan+na d+ha rA ya/ kuN+DA la ru tsa ka kar+b+bi k+Sha me kha lA nU pU ra b+ham+ba ya dz+nyo pa bI ta shro ro ma Ni mah+ma mu dra rA gin+na bi b+hu Sha NA ya/ badz+ra Da ki rI saR+Yo Shi tra hr-i da yA ya/ ir+thAg+na ya ma nr-i R+R-i t+ya ba ru Na bA yu/ ku be re shA na brah+ma/ biSh+Nu bi rA ya ke k+Sharti ke ya nan+ni ma hA ka la gr-i hA rak+Sha tra k+ShitraM/ pA la/ su ren+ta su ren+te pha Nin+d+ra b+hU ten+da na ren+d+ra saM stu ta tsa ra NA ya/ rigs drug bkod pa'i bstod pa dang // mchog sbyin rdo rje'i bstod pas bstod// de nas mtshan phyed gtor ma sbyin// o oM badz+ra tsan+d+ra sarba d+harma su bi shud+d+ha sarba d+harme su bi shud+d+hA yas+thAhA/ oM AHbadz+ra sAr+ya sarba d+harma pra bo d+ha ka sarba d+har+g+haM pra bo d+ha ya swAhA/ oM huM badz+nyA na la sarba d+harmA pra dI pa ka sarba d+har+m+ma pra dI pA ya swAhA/ oM ho sarba d+harma badz+rA pra tA ka ra sarba d+harma badz+rA mr-i taM ku ru ku ru swA hA/ de ltar sngags dang /
- 96b
phyag rgya yis// gtor ma byin rlabs zin nas ni// phyag rgya sngags kyi spyan drang bya// oM ha hA hi hrI badz+ra b+hai ra bA kaR+Sha ya kaR+Sha pra be sha ya pra be sha ya// bar+N+Na ya ban+d+ha ya/ to Sha ya to Sha ya/ dzaHhUM baM hoH/ sarba DA ki nI naM hri da yaM huM hUM phreM phreM phaT/ de rjes mgron rnams byon pa dang // lhar bskyed dbang bskur byin brlabs pa'i// cho ga'i rim pa rdzogs par bya// mchod pa rnams dang haM gtor hI ma bsngo// oM brah+ma/ bi Sh+Ta/ nai ri t+ya/ bA yu/ yA ma/ eg+ni/ sa mr-i dwe wa ra/ id+hA yat+te b+h+yaHsa pa ri bA re b+h+yaHi pa'o// gan+d+he/ pub+banad+hU bid+d+he baM aN+Da ta da dam he te ts+tshaka h+yas pa ri bA ra shrIg+h+ra mi pa li gr-id+d+ha du khadan bi ban+d+ha we hUM baM hoHsar+b+bap+tA sa~Mnas twa nA/ puSh+Tar k+Sha ba na gub+ha~M kun d+hu hUM hUM phaT/ badz+ra d+ha rAdz+nyA ba ya ti swA hA/ slar yang mchod cing bstod pa dang // yig brgyas phrin la so sor bshags// gtsug tor du ni rtse lnga pa'i// rdo rje du ni gyur pa yin// phyi nas rtse mo nyis 'gyur du// gyur pa chos kyi 'khor lo'o// des ni nyis 'gyur du bsgres pa// lhan cig skyes par 'gyur ba dang // de yi yang ni gzhan nyis 'gyur// longs spyod rdzogs pa'i 'khor lo dang // sprul pa yi ni 'khor lo'o// de yi nang du rtse gcig go// mnyam pa'i bde ba'i 'bras ster ba// gsang ba'i pad+ma la gnas pa// phyag rgya sgom pa'i don du gsungs// shin dang mtshan me'i dus su ni// 'dod chags zad don nyid du ni// gsung gi rdo rje myang don du// sngags pa rnams la gsungs pa nyid// nyes par bya ba kho na min// nyi ma so so'i dus su ni// zas kun bde ba'i don du ste// mi 'ju ba yi rgyu ru ni// dpal gyi spyod pa dngos grub rgyur// ro bsreg gnas su mtshan mo ni// 'gro ba rtse ba'i don du min// rnal 'byor pa gang srog gcod pa'i// nyin dang mtshan du byed pa na// de ni srog 'jig pa ru gsungs// sgra gang kha dang bral ba ni// snying la yod par rab gyur pa// de ni brdzun du smra ba nyid// kun mkhyen gyi ni ye shes sar//
- 97a
'dzin pa yang ni byed pa gang // rnal 'byor par yang de gsungs so// bde ba'i thig le ma lhung ba// gzhan gyi bud med du ni 'gyur// bsten pa chags bral min pa'o// srog dang rtsol ba'i me yis ni// ri bong can yang zhu ba'o// btung ba chang gi btung ba'o// mthe bong tshig nas gtsug tor du// chos kyi dbang gi 'gro ba ni// nya mthar thug pa rang gi sems// gtsug tor nas ni rang gi sems// yang ni 'di ni 'gro 'gyur ba// nag po'i phyogs kyi mthar thug pa// rnal 'byor pa yi spyod pa des// nyi ma re re'i dus su ni// 'dod pa'i dngos grub rab tu ster// spyir dang 'dor ba lus chad pa// mchog gi kha yi pad+ma las// tshig maM 'byung zhing gnyid log pa'o// 'gul dang na dang rdul ba dang // yid ni 'khrul dang brgyal ba ni// du ba la sogs rdo rje can// de rnams gsal ba rnam po bcu// sog can lus kyi gnas skabs so// 'jig rten 'dod pa'i gnas skyabs ni// nges pa kho nar gsal ba las// su zhig rgyal bar su 'dod pa// thig le dkar po'i rgyun ni gang // nyin dang mtshan mor lhung ba ni// mA ma kI ni de chang ngo // go ku la sogs mig la sogs// nyi ma re re bzhin spros pa// bdud rtsi lnga rnams bsten pa ni// rang gi rigs kyi sar song ba// lha rnams dag pa'i lus la'o// stong pa'i sems de brtson pa yis// lhan cig skyes pa khyab bde ba// de ni skye gnas 'khrig pa min// nor gyi sbyin pa btang ba dang // bud med sbyor ba yid kyis ni// mi 'dzag pa ni tshul khrims so// bzod pa sgra sogs mi 'jug pa// gnyis kar song ba'i le lo ni// rnam par 'jig pa brtson 'grus so// bsam gtan shes rab sems dang ni// bde ba lhan cig par song kun// 'gro ba thams cad brjed pa'o// sems can don du de rdzu 'phrul// srid pa'i don ni mi byed pa// thob pa gzhan ni bzhi pa'o// // dri med blo gros 'od
- 97b
zer gyis ni mun pa thams cad spong bar byed pa rnams// skye bos bla ma'i 'dod pa gang zhig dang po de ni gzung bar byas nas su// bcings las grol 'dod de ni bdag gis nges grol byas pa'o// de ltar dag pa dri med gang yin de yis rtag tu 'gro ba'i yid// dus 'khor zhabs zhes de la gnas pa'i go 'phang rtag tu bsam gyur cig// dus kyi 'khor lo'i yan lag bzhi pa'i sgrub thabs dus kyi zhabs chen pos mdzad pa rdzogs so// // paN+Di ta bi shA shrI dang / lo ts+tsha ba gyi jo zla ba'i 'od zer gyis bsgyur ba'o// @#/ dpal ldan chug kyid dkyil 'khor gyi sgrub thabs yan lag bcug cig pa zhes bya ba bzhugs so// // rgya gar skad du/ shrI nak+Sha tra maN+Da la sA dz+nyA na ma ka dA sAM ga nA ma/ bod skad du/ dpal ldan rgyu skar gyi dkyil 'khor gyi sgrub thabs yan lag bcu gcig pa zhes bya ba/ dpal dge ba'i bshes gnyen la phyag 'tshal lo// thams cad mkhyen pa'i ye shes sku// nyin mor byed pa'i 'od lta bu// pad+ma rgyas pa 'dra ba'i spyan// sangs rgyas seng ge'i gdan bzhugs pa// lha yi mchog la phyag 'tshal nas// dpal ldan dus kyi 'khor lo yi// skar dkyil 'khor sgrub thabs bri// mtshan nyid ldan pa'i gang zag gis// rgyud nas bshad pa'i gnas dag tu// rten dang yo byad bsams nas ni// dngos grub yan lag bcu gcig bsgom// bsrung dang kha sogs dag pa dang // bdag nyid dag bya bdag bsrung dang // tshogs gnyis bsags dang dkyil 'khor bskyed// byin gyi brlabs dang dbang bskur dang // phra mo'i thig le'i rnal 'byor dang // mchod bstod rjes kyi bya ba'o// cho ga de dag re re la'ang // tshe ga dang ni ting 'dzin dang // nga rgyal bzung ba gsum gsum mo// dang por tho rangs sngar langs nas// nam mkha'i dpa' bo rnal 'byor ma'i// rol mos gnyid sad pa ru bsams// thal
Colophon
dus kyi 'khor lo'i yan lag bzhi pa'i sgrub thabs dus kyi zhabs chen pos mdzad pa rdzogs so/_paN+Di ta bi shwa shrAi dang /_lo tsA ba gyi jo zla ba'i 'od zer gyis bsgyur ba'o