Untitled work
Text
ff. 128b–249b · 243 folio sides
- 128b
pa ni// bdud la sogs pa thams cad kyi// de dag gi mi song mi tshugaso// sangs rgyas byang chub sems dpa' dang // dngos grub dam pa thams cad kyang // sangs rgyas kun gyi gsungs pa bzhin// ring por mi thogs thob par 'gyur// de skad gsungs nas gsang grub phyir// rdo rje can gyi bshad pa la// kun mchog sangs rgyas mkhas bcas pa// thams cad kyis ni mngon par bstod// bde ba chen po rdo rje don yod pa'i dam tshig gi rtag pa'i rgyal po chen po las shes rab kyi pha rol tu phyin pa'i tshul rdzogs so// // rgya gar gyi mkhan po sangs rgyas gsang ba dang lo tsa ba rma rin chen mchog gi bsgyur ba'o// slad kyi a tsar+ya shrad d+ha ka ra wa ra ma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa// spyang byeb bcug de nas bcom ldan 'das rnam par snang mdzad de bzhin gshegs pa thams cad kyis gsang ba'i chos nyid brnyes pa/ chos thams cad spros pa med pas yang bde ba chen po rdo rje don yod pa'i dam tshig ces bya ba/ rdo rje chos nyid shes rab kyi pha rol tu phyin pa'i sgo dpal mchog dang po thog ma dang tha ma dbus med pa'i dam pa 'di gsungs so// byang chub sems dpa' chen po rnams kyis 'dod chags chen po'i dngos grub dam pa ni/ bde ba chen po'i dngos grub dam par 'gyuraro// byang chub sems dpa' chen po rnams kyi bde ba chen po'i dngos grub dam pa ni/ de bzhin gshegs pa thams cad byang chub chen po'i dngos grub
- 129a
dam par 'gyur ro// de bzhin gshegs pa thams cad kyi byang chub dam pa ni bdud chen po'i dngos grub dam pa ni bdud chen po'i stobs thams cad rab tu 'joms par byed ba'i dngos grub dam par 'gyuraro// byang chub sems dpa' rnams kyi bdud chen po'i stobs rab tu 'joms pa'i dngos grub dam pa ni/ khams gsum pa thams cad dbang phyug chen po'i dngos grub dam par 'gyur ro// byang chub sems dpa' rnams kyis khams gsum pa thams cad kyi dngos grub dam pa ni/ sems can gyi khams ma lus shing lus par yongs su sbyor bar 'dod pa'i rgyu'i phyir/ 'khor ba la yang ma chags shing brtson 'grus chen po'i byang chub sems dpa' rnams kyis sems can gyi khams ma lus pa med pa rnams yongs su bskyab pa dang / sems can thams cad la phan pa bde ba'i mchog shin tu bde ba chen po'i dngos grub dam par 'gyur// de ci'i phyir zhe na/ ji srid 'khor ba'i gnas su ni// mkhas mchog 'dog par gyur pa'i tshe// de srid mtshungs med sems can don// mya ngan mi 'da' byed par nus// shes rab pha rol phyin thabs dang // ye shes gnas su bsgrubs pas ni// chos kun rnam par dag pa'i phyir// 'khor ba yongs su dag par 'gyur// chags la sogs pas 'dul na no// 'khor ba'i bar du rtog par yang // 'jig rten sdig bying ngo byang phyir// 'khor ba srid bdag nyid 'bul// ci ltar pad+ma rab 'bar ba// 'das gyis/
- 129b
nyes pas mi gos pas// de bzhin gnas pa'i nyes pa yis// 'gro phan rnams la mi gos so// 'dod chags chen po rnam par dag/ bde ba chen po nor che la// khams gsum dbang phyug thob pas na// sems can don rnams bstan par byed// nang par langs nas dpal mchog dang po shes rab kyi pha rol tu phyin pa'i tshul gyis sgo'i chos kyi rnam grangs 'di nyin re bzhin 'don pa dang / nyan pa dang / 'dzin pa dang / klog pa dang / bsgom pa des yis bde ba dang / yid bde ba thams cad kyang thob par 'gyuraro// bde ba chen po'i rdo rje don yod pa'i dam tshig dngos grub kyi mchog kyang tshe 'di nyid la thob par 'gyur ro// de bzhin gshegs pa thams cad kyi gsang ba mchog kyang 'grub ste/ rdo rje 'dzin pa chen po thams cad dam/ de bzhin gshegs par 'gyur ro// bde ba chen po rdo rje don yod pa'i dam tshig dpal mchog dang po las/ de bzhin gshegs pa thams cad kyi bde ba chen po rdo rje gsang ba'i shes rab kyi pha rol tu phyin pa'i sgo rdzogs so// / de nas bcom ldan 'das de bzhin gshegs pa thams cad kyi rdo rje sems dpa' byin gyis rlobs pa'i rdo rje gsang ba mchog gi dngos grub kyi cho ga rgyas pa'i rgyal po de bzhin gshegs pa thams cad kyi sku gsung thugs kyi rdo rje gsang ba'i don yod cing bstan pa'i cho ga phyag rgya btab pa'i sku gsung thugs thams cad kyi rdo rje de bzhin gshegs pa thams cad kyi dam tshig chen po thams cad
- 130a
la rab tu zhugs nas/ chos nyid rtogs pa'i ye shes la rab tu zhugs nas/ de bzhin gshegs pa thams cad kyis sna tshogs pa'i 'phrin las kyis dus gsum du 'jig rten gyi khams ma lus par spros pa las kyi mtha' can de bzhin gshegs pa rnam par snang mdzad chen po zla ba phyed pa du ma la rab tu gnas pa'i rdo rje rin po che rnams kyi 'od zer sna tshogs pa rnam par 'bar ba'i 'od kyis gsal ba gser gyi dril bu btags pa dang / sna tshogs pa'i ba dan rlung gis bskyod ba rnams kyis nye bar mdzes par byas pa/ me tog gi phreng ba sna tshogs pa dang / na bza' dang / me long dang / mu tig gi phreng ba rab tu 'phyang bas mdzes shing brgyan pa/ sna tshogs pa'i kha khyer la gnas pa mchog tu gyur pa'i lha'i bu mo dgod pa dang / sgeg pa dang / gar dang / glu yi rab tu brgyan pa dang / bstod pa sad por byed pa/ bde ba chen po rdo rje sems dpa'i gnas gzhal yas khang la bzhugs so// de nas bcom ldan 'das rdo rje sems dpa' de bzhin gshegs pa thams cad kyi sku dang gsung dang thugs rdo rjes byin gyis rlabs pa'i dam tshig sems dpa' thams cad dbang bskur ba thams cad dang / thams cad mkhyen pa'i ting 'dzin las thams cad mchog tu gyur pa/ khams gsum thams cad 'dul bar mdzad pa/ thams cad dbang du byed pa po 'byin pa po 'dod pa thams cad
- 130b
pa/ rgya che ba'i dngos grub kyi mchog thams cad pa/ rtag pa'i de bzhin gshegs pa la gsol ba btab pa/ ji srid srid pa'i bar gnas pa// de srid sems can don mchog mdzad// sems can khams ni mtha' yas dang // rgyul sras skyid par 'dong ba'i phyir// srid pa'i skyon rnams 'joms phyir dang // gsang ba'i rtog pa mchog gsung ba'i// rjes su snang ba bdag la stsol// de nas bcom ldan 'das de bzhin gshegs pas chos thams cad sgrib pa med pa nyid lo lhag dgongs nas/ gdul bya thams cad thugs rje chen po'i sna tshogs rdo rje zhes bya ba'i ting nge 'dzin la snyoms par zhugs te/ ma lus shing lus pa med pa'i sems can gyi bsam pa thams cad yongasu rdzogs par byed pa dang / thams cad yongs su sbyang ba dang / phan pa dang / bde ba dang / dngos grub thams cad phun sum tshogs pa dang / ye shes dang las dang / mchog gi dngos grub kyi rgyur ba'i bar du de bzhin gshegs pa'i las thams cad nyid dang / rdo rje 'chang chen po thob pa mchog gi dngos grub kyi don bde ba chen po'i rdo rje dang po de bzhin gshegs pa thams cad kyi 'khor lo sa sgyur ba nyid de bzhin gshegs pa thams cad kyi sku'i phreng ba'i cod pan gyi dbang bskur bas yin no// de nas bcom ldan 'das rdo rje 'chang chen po ma lus pa lus pa med pa'i bde ba chen po mchog gi nga ngos grub thams cad thob par bya ba'i phyir/ sems dpa'i dkyil mo dkrung bcas te sku drang por
- 131a
bsrang ste/ g.yon pa snyoms par tshul du mdzad nas g.yas na pa rdo rje gsor bas rang gi thugs kar dang po'i rdo rje mchog gi sbyor ba 'dzin cing bde ba chen po'i rdo rje zhes bya ba thams cad kyi phyag rgya 'di nyid kyi sku dang gsung dang thugs las 'byung ngo // oM ma hA su kha badz+ra satwa dzaHhUM baM ho su ra ta s+t+waM/ de nas phyung tsam gyis de bzhin gshegs pa thams cad byon nas/ de bzhin gshegs pa thams cad kyi khu tshur yongs su bzung ba rnams slar yang byang chub chen po mngon par rtogs nas de rnams kyi gzhad pa chen po mngon par mdzad do// 'jig rten gyi khams thams cad g.yos pa dang shin tu g.yos pas yongs su dag par 'gyur ro// khams gsum rgyas par spros pa thams cad kyang bcom ldan 'das kyi 'khor chen por gyur to// gang gis sems can thams cad bde ba dang yid bde ba thob par gyur to// de nas rdo rje 'chang chen pos de bzhin gshegs pa thams cad kyis don yod cing / thogs pa med pa las mngon par 'byung bar rngo rje chen po phyag ces bya ba'i tinge 'dzin la snyoms par zhugs te/ bde ba chen po'i dam tshig ces bya ba rnam par gnon par mdzad nas de'i sku thams cad dang bde ba dang yid bde ba stor ba rtag tu rje su 'brel pa tson lhan cig tu spyod pa bde ba chen po rdo rje'i dam tshig gis sems dpa' rnams byung nas phyogs thams cad byung ste mdun rdo rje gsang ba yid las byung ba g.yas su rdo rje kI li kI li/
- 131b
rgyab tu 'dod pa'i rdo rje g.yon du rdo rje sbyangs pa'o// mtshams rnamasu mchod pa'i lha mo rnams so// phyi rol gyi grong khyer mtshams su lha'i bu mo rnamaso// sgo srungs pa rnams ni rdo rje lcag kyu dang / zhags pa dang / lcags sgrogs dang / dril bu 'dzin pa dang / phyi rol tu rdo rje sgo srungs kyi tshogs dang pho nya dang bran rnamaso// de nas bcom ldan 'das de bzhin gshegs pa thams cad kyi khu tshur bcings te/ de bzhin gshegs pa thams cad byang chub rdo rje zhes bya ba'i ting 'dzin la snyoms par zhugs nas bcom ldan 'das rdo rje sems dpa'i rdo rje 'chang chen po la gsol ba btab ste/ sems can kun la bde don du// rgyal ba chen po 'byung ba ste// chags bral de rnams chags ldan yang // rang gi btsun mo'ang gsol mdzad pas// de phyir bdag gis khyod la gsol// bde ba chen po rdo rje ches gsang ba'i rtog pa'i dngos grub ste// 'dul ba mchog ni bshadu gsol// de nas bcom ldan 'das don yod cing thogs pa med pa'i bka' bde ba chen po thams cad kyi dngos grub 'dul ba rdo rje 'dod pa'i mchog ces bya ba'i rnam par gnon par mdzad nas rdo rje chen po gsang ba'i dam tshig ces bya ba'i dkyil 'khor chen po 'di gsungs so// de nas yang dag bshad bya ba// dkyil 'khor chen po dam pa ste// bde ba chen po rdo rje mchog/ dam tshig dam pa'i ming can yin// dkyil 'khor gnas ni 'dus byas nas// de dbus cho ga bzhin du ni// phyag rgya chen po mnyam gzhag nas// der
- 132a
ni dkyil 'khor bsgrub par bya// gsar zhing legs par bsgrub pa dang // 'dud pa dag ni med pa yi// thig skud dmar pos thig btab nas// mtshon gyi phye mas bri bar bya/ zur bzhi pa la sgo bzhi pa// mu khyud bzhi ni mdzes pa dang // kha khyer gyis ni yongasu bskor// mtshams su lha'i bu mos mdzes// dkyil 'khor gyis ni mtshams rnams dang // sgo dang sgo khyud mtshams rnamasu// zla ba phyed la gnas pa yi// rdo rje rin chen 'od zer 'bar// rlung gi bskyod pa'i dril bu mchog/ ba dan sna tshogs mdzes pa yin// me long 'dra ba me tog phreng // ldan pa'i byi rol dkyil 'khor bri// de'i nang du 'khor lo ni// 'khor brgyad pa dang 'dra ba// rdo rje thig gi yongs bskor ba'i// rdo rje 'khor lo yang dag bri// de dbus cho ga bzhin du ni// rdo rje sems dpa'o dgod par bya// blugs sam yang na byas pa'am// brdungs sam yang na bris pa yis// bzhad pa dang bcas zla ba'i 'ong // 'bar ba'i 'od zer dmar pos khyab// sangs rgyas phreng bas rnam par mdzes// sku la mtshon gyis yang dag byugs// sems dpa'i skyil mo krung gis bzhugs// rdo rje bsnyems pa 'dzin pa'i mchog/ sa ma ya s+t+waM zhes brjod nas snying kAr rnam par dgod par bya// de'i log ni thams cad// sems dpa' chen po rnams bris te// mtshon nam yang na rdul mtshon gyis// go rims ji bzhin bri bar bya// mdun du sku mjig dmar po ni// rdo rje mtshon cha la brtson
- 132b
pa/ g.yas su dag pa'i dkar po ste// legs par 'khyud pa'i rdo rje can// rgyab tu sku mdog ser po ste// chu srin gyi ni rgyal mtshan 'dzin// g.yon du sku mdog sngon po ste// phyag gnyis snyems pa 'dzin sogs// mchod pa'i snod rnams 'dzin pa'o// mchod pa'i lha mo bri bar bya// sgeg ma gzhang ma glu ma dang // dkar po lha'i bu mo'i tshogs// rdo rje lcags kyu zhags pa dang // rdo rje lcags sgrogs dril bu bsnams// sgo ni bzhi po rnams la ni// sgo srungs bzhi po dgod par bya// de nas de dag gi snying po rnams 'di yin te/ hUM badz+ra tiSh+Tha sA ma ke ma Ta/ hUM badz+ra ki li ki la/ hUM swA raM badz+ra ban d+ha hUM/ hUM puSh+Ta badz+ra ni hUM/ rdo rje bran no// de nas mchod pa'i lha mo rnams kyi ni/ hUM ma d+hu ra badz+ra hUM/ hUM badz+ra me khe hUM/ hUM shaM rang badz+ra hU~M/ hUM badz+ra shi ri hUM/ de nas lha'i bu mi rnams kyi ni/ badz+ra la s+yai/ ma hA ba rA badz+ra Ni/ oM badz+ra gI t+yai badz+ra/ A~M nri t+yai badz+ra/ de nas sgo srungasde rnams kyi ni/ dza oM ku shi pra ti ha ra/ hUM badz+ra pa shA gi na/ baM badz+ra s+pho ha ha/ a badz+ra g+hi Da ts+tsha da/ de ltar lha mo'i dkyil 'khor du// bud med grags pa nyid ni dgod// bkod na de dag rnams kyis ni// byin gyis rlabs pa nyid du 'gyur// de nas phyag ni rdo rje 'dzin// dkyil 'khor kun tu bri byas nas// bum pa gang ba ji snyed dang // me tog la sogs kun gyi mchod// dril bu btags pa'i ba dan rnams// mtshams rnams su ni bzhag par bya// bcug ma dang bcas
- 133a
bum pa rnams// sgo'i phyi rol dag tu gzhag/ rdo rje dang bcas bzhi dang bcas// bcug ma yongs su zlas nas ni// dri chus gang ba'i bum pa ste// phyag na rdo rje mdun bzhag bya// de la 'di ltar bde ba chen po'i dam tshig gi bdud rtsi chu byin gyis brlab pa'i snying po ni/ oM ma hA su kha badz+ra sa ma ya/ a b+hi She ka dza hUM ba~M ho// lan nyi shu rtsa gcig bzlas so// chu 'di gtor ba'am 'thungs na sdug bsngal thams cad rab tu byung ba dang / bde ba thams cad rab tu 'bel bar 'gyur ba yin no// de nas rang gi dam tshig rnams kyis rdo rje 'chang la sogs pa bsgrub par bya'o// dza hUM baM ho// zhes brjod nas dgug pa dang / gzhug pa dang / bcings nas skad cig gi dbang du 'gyuraro// phyag rgya chen po mnyam gzhag ste// de bzhin g.yas su 'dzub lcags kyur// dgug pa/ 'di ni lan cig gi/ grub par rab tu gzhug par bya// oM ma hA su kha badz+ra satwa/ a a hi shrI g+h+raM su badz+ra gu h+ye sa ma~M ya ma nu sma ra pra nu sna mar pra b+ha ta sA ma ya s+t+waM/ hri da ya/ su bo Sh+yo me b+ha wa a nu rak+to me b+ha wa/ a d+ha tiSh+Tha b+ha ga b+haM a na ti na da na sid d+h+r-i tu man+t+ra pa te/ dzaHhUM baM ho// de nas rtag tu bcom ldan 'das// dkyil 'khor du ni drang nyid phyin// dgug cing bcug nas brtan pa dang // dbang du 'gyur zhing 'grub pa yin// rmang du byung ba'i rdzu 'phrul du ma rnams mthong ba'am/ yang na bcom ldan 'das rang nyid kyi mthong bar 'gyuraro// de nas rang nyid rdo rje 'dzin pa kun gyis slob dpon ni phyag rgya thams cad 'grub pa/
- 133b
dam tshig thams cad shes pa/ las thams cad nus pa/ bcom ldan 'das kyis byin gyis brlab pa yin no// 'jug pa'i cho ga 'di yis rdo rje slob dpon rang nyid ci rnyed pa'i dris byugs shing bsgo ba rgyan dang bcas pa'i me tog gi phreng bsna lus shin tu brgyan pa/ gos dmar po gnyis bgos pas rang nyid kyi bcom ldan 'das la bstod cing rdo rje dang bcas pa'i rdo rje bsnyems pas rang nyid 'jug par bya'o// bstod pa ni drug ldan la sogs pa klu yi bya'o// 'dod chags la sogs pa bde kun yid khyod ni// kun nas bdag la bde ba la stsol cig/ rdo rje sems dgongs myur du bdag bstan mdzod// bdag dges mdzad dang bde mchog grub la 'dud// de nas zhugs nas dgongs su gsol bar bya ste/ thog mtha' med pa'i sems dpa' ni// rdo rje sems dpa' bde ba che// kun tu bzang po khyod yin te// rdo rje bsnyems pas khyab bdag yin// sems kyi sems dpa' ting nge 'dzin// de bzhin rdo rje rdo rje 'dzin// kun mchog dam tshig dngos grub can// rdo rje sems bdag de grub mdzod// de na bcom ldan de nyid kyis// rdo rje slob dpon byin/ brlabs 'gyur// de sngar ma byung ba'i so sor rang rig pa'i bde ba gnyis ka la skye bar 'gyuraro// phra mo dbab par 'gyur ro// de nas bcom ldan 'das grub par gyur to// zhes shes par bya'o// de nas de bzhin du 'dug la ci 'dod pa'i bzlas brjod bya'o// de nas de bzhin du 'dug la rang gi bsod nams kyi byin gyis brlabs kyis 'dod pa'i dngos grub thob par 'gyuraro// de nas brtsams te sems dpa' chen po thams cad
- 134a
'grub par 'gyur zhing mthong bar 'gyur ro// de rnams kyis kyang de las dngos grub thams cad stsol bar mdzad// phyag rgya thams cad kyang bdag nyid kyi bcings nas las thams cad 'grub par 'gyur ro// dam tshig thams cad kyang 'di la brten par 'gyuraro// yid kyi 'dod pa'i las rnams kyang byed pa yin no// bde ba dang yid bde ba thams cad nyams su myong zhing gzhan gyi mi thub dang mi song bas lo gcig 'das nas sangs rgyas nyid la sogs pa'i mchog gi dngos grub thob pa yino// de nas sems can thams cad zhugs pa'i don du brtag par bya ba yin no// rdo rje slob dpon rang nyid snga ma bzhin du lus la brgyan nas rab tu bde ba'i rdo rje'i dam tshig gi phyag rgya rab tu bcug ste/ de bzhin du de kho na nyid chen po bskul la dgug par bya la 'di skad ces brjod do// srid pa'i bde ba rnam dag phyir// sngar gyi srid pa la khyod dga'// 'dod pa kun gyi dngos grub che// 'gro ba kun la'ang 'grub par gyis// de nas mchod pa byas la/ rang gi lhag pa'i lho gang yin pa de'i dam tshig gi phyag rgya me tog dang bcas pa bzhug bar bya ste/ btsug nas rna bar 'di skad ces brjod par bya'o// chags bral nyid kyis 'dul bar 'gyur// 'dod chags chen po bde ba che// rdo rje sems dpa' sbas pa yin// 'dod tshogs bral ba lta bu yi// sdug bsngal gzhan ni rang bzhin med// de bas sems can chags bral la// slar yang yid ni me byed cig/ de nas me tog la sogs pa snying po 'dis 'dor du gzhug go// oM ma hA su kha badz+ra satwa pra ti gi hA sa ma
- 134b
ya s+t+waM/ de nas gang du 'bab pa de ni de'i lha yi no// de nas de kho na nyid chen por brjod par bya'o// gang 'dod pa'i snying po byin la sgrub tu bcug la rang nyid lhag pa'i lha'i dbang bskur bas dbang bskur nas de'i mtshan ma lag pa gnyis su byin te/ de'i rigs kyi ming gi dbang bskur la snying po 'dis dbang bskur bar bya'o// oM sarba ta thA ga ta At+ma ko&haM badz+ra d+ha ra sa mu kha b+hi She traM/ a b+hiShany+tsa mi grih+Na sid+d+hi badz+re he a mo ga sid+d+hi s+t+waM/ de nas phyag rgya bcings pa brlabs par bya'o// de nas ci 'dod pa'i mchod pa byas shing byed du btsug nas ci 'dod pa'i bza' ba dang / btung bas slob ma rnams tshim par byas la phyag rgya dang / phyag rgya'i lan dang gar dang rgod par byed bcug cing rang nyid kyis kyang bya'o// de nas thams cad bskrad nas 'di skad brjod par bya'o// thog mthar rgyu yi 'gro ba 'di// dga' bas mchog la rab lus te// sems dpa' chen po rdo rjer 'gyur// slar yong gshegs par mdzad gsol// de nas snyim po'i me tog dor nas dbyung ba'o// dkyil 'khor yang rang nyid kyi phyag la rdul mtshon de dag gi ri lu byas la gzhag na las thams cad 'grub par 'gyur ro// de nas bde ba chen po rdo rje dam tshig gi bdud rtsi'i tshul de yang bcug nas tshe 'phel ba la sogs pa'i las thams cad dgongs pa yino// de nyid kyis dbang bskur na yang / dkyil 'khor du dbang bskur ba thob pa dang mchog gi dngos grub kyang thob par 'gyuraro// gal te sku bri ba'i ri mo mkhan ma rnyed na rang rang gi phyag rgya rnams kyis dkyil 'khor bri bar bya'o// gal te de yang ma shes na/ phyag mtshan bzhag/
- 135a
bar bya'o// phyag rgya'i cho ga rgyas pa'o// de nas bcom ldan 'das don yod pa thogs pa med pa myur du 'grub pa'i cho ga rgya che ba'i dam tshig rdo rje zhes bya ba'i ting 'dzin la snyom par zhugs te rnam par gnon par mdzad nas rdo rje 'chang tshon po'i 'di gsungs so// bde ba chen po rab bsgrub dang // 'dod pa chen po rnam dge phyir// rdo rje sems dpa' 'grub pa ni// rtag par myur du bshad par bya// ci srid 'khor ba'i gnas su ni// de srid sems can gnon par bya// mya ngan 'das pa byang chub bsgrib// de nyid kyi ni dam tshig rnams// ji srid pa la gnas pa ni// de srid sems can don nyid byed// thams cad dag pa'i cho ga chos can// ci ltar sems can kun gyi don// dngos grub thams cad rab bsgrub pa// de phyir sbyin tshogs pha rol phyin// byang chub spyod pa mchog gi min// de bzhin gshegs ni 'dul min la/ sems can kun rnams don mdzad pa// 'di ni dngos grub rab bsgrub na// dus kun tu ni thams cad mdzad// de nas bsgrub 'di bshad bya ste// dngos grub shin tu rtag pa yin// gang gi srid pa 'di nyi du// shin tu brtag pa'i dngos grub thob// dkyil 'khor dag tu ma zhugs kyang // dam tshig rnam par spang ba'am// bsod nams med kyang thams cad du// slod pa 'di la myur du 'grub// gal te dngos grub bsgrub 'dod na// rtag tu yul dang ldan gyur na// gsang ba'i mchod bas mchod nas ni// rang rang phyag rgyas 'grub par 'gyur// drug ldan la sogs snyan pa'i glu// chags pa kun kyang phyir 'dong par// bzlas pa'i
- 135b
don ni ci nus pas// rdo rje sems dpa' bsgrub par bya// 'di yi 'dod pa'i kun dbang phyug/ ci 'dod 'ong ngo mkha' la rgyu// dngos grub kun gyi dbang phyug grub// rga shi med cing gtso bor 'gyur// rgyal ba kun gyi mchod byas la// rang bzhin kun gyi bskyon bkur zhing // rdo rje 'chang chen dang mtshungs shing // don yod kun spyod po yin no// ba ba chen po rdo rje grub pa'i rgyal po de bzhin gshegs pa la sogs pa'i dngos grub thams cad rab tu gter ba'i rdo rje 'chang byang chub sems dpa' yin na/ gal te de bzhin gshegs pa thams cad kyi dngos grub mngon par 'dod pa des/ bcom ldan 'das de bzhin gshegs pa de bzhin gshegs pa thams cad kyi phyag rgya'i khu tshur yongs su 'dzin pa'i ras ris la bri bar bya'o// gzhad pa dang bcas pa dngos po thams cad de bzhin gshegs pa rnams kyis yongs su bskor ba'o// de'i mdun du de bzhin gshegs pa thams cad kyi khu tshur yongasu 'dzin pas/ rdo rje'i tshig gi stong phrag brgya bzlas par bya'o// 'bum rdzogs pa na mtshan phyed na bdud kyi stobs gzhom pas bcom par bya'o// de nas tho rangs kyi dus su de bzhin gshegs pa thams cad nyid dang / byang chub sems dpa' nyid thob par 'gyur/ gal te rdo rje 'chang chen po nyid mngon par 'dod na des lugs ma'am/ 'dus bya ba'am/ brdungs pa dang / ras ris la sogs par legs par bris pa'i phyag na rdo rje'i dkyil 'khor bzhin du sngar grub pa la sku gzugs kyi khyad ci ltar thob pa rdo rje sems dpa'i bsgrub pa
- 136a
bshad do// zla ba drug gi rdo rje 'chang chen po'i dngos grub bo// gal te rdo rje 'chang chen po dgug na bde ba chen po rdo rje lcags kyus dgug cing ci 'dod pa bsgrub par bya'o// zla ba gcig bzlas nas thams cad gsol bar bya'o// gal te rang gi phyag rgyas bdag nyid bsgrub na rang gi lha'i phyag rgya chen po bcings te bsgoms pas bdag rdo rje sems dpa' yino zhes bsgoms la bsgrub par bya'o// de ci ltar mngon par 'dod pa'i bzlas pas bdag nyid bsgrub par bya'o// yang dang yang du bsgom zhing bzlas pas de nyid bdag gi bya'o// ci srid rdo rje 'chang nyid zla ba byed bzlas na thob par 'gyur ro// de nas 'dod pa thams cad kyi dbang phyug bsgrub par 'dod na/ de bzhin du rang yid du 'ong ba dang bcas par rab tu zhugs te phyag rgya bcings la de srod bzlas par bya'o// ci srid bdag 'dod pa rnams kyi dbang phyug dang khams gsum ma lus pa'i bdag por 'gyuraro// de nas bcom ldan 'das rdo rje 'chang khams gsum ma lus pa'i rdo rje rgyun gyi rang bzhin thams cad grub pa'i chos nyid kyi ye shes rnam par rol par/ mdzad nas ma bsgrub pa'i phyag rgya'i las kyi rgyun rdo rje'i cho ga rgyas pa 'di gsungs so// ma bsgrub pa'i snying pos las rnams 'di lta ste/ bdag nyid bsrung ba ni bde ba chen po'i rdo rje gsang ba'i gtsug tor gyis so// thams cad bsrung ba ni/ bde ba cheni po gsang ba'i mdzod bsrungs so// phyogs thams cad dang mtshams dang dkyil 'khor bcings pa ni/ bde ba chen po rdo rje gsang ba 'bar ba'i phreng bas so//
- 136b
bdud thams cad kyi stobs gzhom pa ni bde ba chen po rdo rje gsang ba mi bskyod pas so// tshe 'phel bar bya ba ni bde ba chen por rdo rje gsang ba'i bdud rtsis so// gzugs chen po phun sum tshogs pa ni/ bde ba chen po rdo rje gsang ba'i gzugs can gyis so// gzi brjid na tshod shin bzang por rab tu 'phel ba la ni bde ba chen por rdo rje gsang ba'i bcud kyis len gyis// stobs dang mdog 'phel ba la ni/ bde ba chen po rdo rje gsang ba'i mthu yis so// dbang bskur ba thams cad la ni rdo rje gsang ba'i cod pan gyis so// nor thams cad thob par bya ba ni rdo rje gsang ba'i dbug gis so// rgyal srid thob pa la rdo rje gsang ba'i rgyal po'i phyag rgyas so// sa ma lus pa thob pa la ni rdo rje gsang ba'i sbrul gyis so// thams cad dbab pa dang g.yo ba bya ba dang / gar byed gzhug pa dang / dus gsum bden pa nyid du smar gzhug pa la ni bde ba chen po rdo rje gsang ba'i dam tshig gi don du gzhugs pas so// byA se na thams cad grub pa la ni rdo rje gsang ba'i br-i se dbab pas so// gdon thams cad las thar pa la ni rdo rje gsang ba'i rengs pas so// thams cad gnyid log par bya ba la ni rdo rje gsang ba'i nyid kyiso// thams cad rgyas gdab pa la bde ba chen po rdo rje gsang ba'i dam tshig gi mkha' 'gro mas so// thams cad gsang ba la ni rdo rje gsang ba mthar byed kyis so// thams cad la rgyal ba rdo rje gsang ba'i hUM mdzad kyis so// thams cad bslang ba la ni rdo rje gsang ba'i dam tshig gis bslang ba'o// thams cad bcing ba la rdo rje gsang ba
- 137a
bcings byas so// thams cad thar bar bya ba la rdo rje gsang ba'i yi ge mus so// phra men ma thams cad las thar par bya ba la dang sngon gyi gnas skabs rjes su sbyin pa la ni gsang ba chen po he ru ka'i rdo rjes so// ma mo'i gdon thams cad las thar par bya ba la ni rdo rje gsang ba'i drag mos so// phra men ma thams cad kyi rgyas btab pa la dang // thar bar bya ba la dang / snyid zos pa las snying gzhan 'byung bar 'jug pa dang / shi ba gso ba la ni dam tshig chen po gsang ba'i he ru ka'i rdo rje'i dbang bskur ba'i phyag rgyas so// gdug pa thams cad kyi phyag rgya bzhi pa la ni rdo rje gsang ba'i rdo rjes so// rims thams cad zhi ba la ni rdo rje gsang ba'i 'bar ba'i lta bas so// dug thams cad gzhig pa dang / bza' ba dang / 'bab pa dang / 'chi ba gso bo la ni gsang ba chen po rdo rje nor bus phyag rgyas so// dug thams cad dang / sbyor ba'i dug thams cad rab tu zhi bar bya ba la ni/ rdo rje gsang ba'i dug med pas so// gshed byed thams cad dang / byad dang / ro langs dang / bur dang / gnod sbyin mo rnams kyi gzhig pa la ni rdo rje gsang po'i sbyin sreg gis so// rtsod pa thams cad dang / 'thab pa dang / 'thab mo dang / rtsod po gzhig pa la ni rdo rje gsang ba'i zhal rab tu gdags pas so// yams dang / 'tsho ba thams cad dang / sdig pa dang / rmi lam ngan pa gzhig pa la ni rdo rje gsang ba'i zhi bas so// gzhan gyi dpung thams cad rengs par bya ba dang / gnyid log
- 137b
par bya ba dang / rmongs par bya ba dang / lkugs par bya ba dang / rgyas gdab pa dang / gsad pa la ni bde ba chen po rdo rje gsang ba'i gshed byed kyiso// 'thab mo thams cad las rgyal ba thob pa ni rdo rje gsang ba'i rgyal mtshan gyi dpung rgyan gyis so// gdug pa thams cad gzhig pa ni rdo rje gsang ba'i rdo rje legaso legs so// bgegs thams cad zhi bar bya ba lA ni rdo rje gsang ba'i thabs sbyor gyis so// dgra bo thams cad rnam par gzhig pa la ni rdo rje gsang ba'i rnam par mthong bas so// bdud kyi stobs thams cad gzhom pa la ni rdo rje gsang ba'i rab tu 'dul bas so// sprin bskyod pa la ni rdo rje gsong ba'i sprin pos so// char dbab pa/ la ni rdo rje gsang ba'i sdig 'dzub kyis so// thog dbab pa dang / glog dang / rlung dang / char zhi bar bya ba ni rdo rje gsang ba'i sprin bsrung giso// sprin dang mun pa dang / khug sna zhi bar bya ba la ni rdo rje gsang ba'i bde ba chen po'i spyan gyis so// klu thams cad dgug pa la ni rdo rje gsang ba'i phyag rgyaso// klu thams cad dbang du bya ba la ni gsang ba thams cad kyis nor bus phyag rgyas so// klu thams cad rjes su 'brang bar bya ba la ni rdo rje gsang ba'i klu 'dul bas so// klu thams cad 'byin par bya ba la ni rdo rje gsang ba'i klu 'don pas so// sa ma lus pa g.yo zhing 'gul bar bya ba la ni rdo rje gsang ba'i thar pas so// chu med par chu'i phung por/ char gsil zhing dri ma med par bskyed pa la ni bde ba chen po rdo rje klu'i phyag rgyaso// mun pa nyi ma'i snang ba chen po bskyed pa la ni rdo rje nyi ma'i phyag rgyas so// rlung thams cad dbang du bya ba la ni rdo rje rlung thams cad kyis so//
- 138a
nam mkha' la gzugs thams cad kun tu ston pa la ni rdo rje gsang ba'i 'dzin paso// nam mkha' las dngos po thams cad 'byung bar bya ba la ni rdo rje gsang ba'i 'byung bas so// na mkha' la rang gi bdag nyid kyi dngos po kun tu bstan par bya ba la ni rdo rje gsang ba rdzu 'phrul gyiso// nam mkha' la de bzhin gshegs pa dang / rdo rje 'dzin pa la sogs pa byang chub sems dpa' thams cad dang / 'jig rten gyi khams thams cad bstan pa la ni rdo rje gsang ba'i rnam par 'phros pas so// nam mkha'i shing thams cad lo ma dang / me tog dang / 'bras bu thams cad 'byung ba la ni rdo rje gsang ba'i dus kyi phyag rgya so// sa'i cha thams cad la 'bras bu'i cha thams cad smin par 'gyur ba la ni rdo rje gsang ba'i shol gyis phyag rgyas so// thams cad las lha'i kha zas dang / btung ba dang / gos dang brgyan dang / gnas sar pa dang / bu mo gzho nu 'byung ba dang / skyes pa dang / bud med dang / bran po dang / bran mo dang / thams cad 'byung bar bya ba la bde ba chen po rdo rje dam tshig bsod nams kyi chu bos so// g.yul du dpung gi tshogs yan lag bzhi pa bstan te g.yul 'gyod pa la ni rdo rje bde ba chen po'i sdom pas so// sgyu ma thams cad bstan pa la ni rdo rje bde mchog giso// bde mchog gi bya ba thams cad la ni rdo rje sgyu ma'i bya bas so// mdu byung ba dang cho 'phrul thams cad bstan pa la ni rdo rje rmadu byung ba'i rdzu 'phrul gyi rnam par 'phrul bas so// lan thams cad gdab par bya ba la rdo rje la ni bstan pas so// me
- 138b
rengs par bya ba la ni rdo rje zla ba'i chu shel gyiso// dgon pa dang / grong dang / nags dang / chu bo dang / rdzing bu dang / skyed mos tshal dang / zas dang / skom dang / gtsug lag khang sprul pa la ni rdo rje grub pas so// chu'i steng du bzhag pa dang / bdag nyid gzugs mang po'i dngos po ston pa dang / mi snang ba dang / na mkha' la 'gro ba'i dngos grub la ni rdo rje gsang ba'i dngos grub kyi phyag rgyaso// lha sogs pa thams cad mdag gzhug par bya ba la ni rdo rje gsang ba'i bka' bsgo bas so// sems can thams cad dbang du bya ba la ni rdo rje gsang ba'i dbang giso// mi smra ba thams cad drang ba dang / dbab pa dang / bden par smrar gzhug pa la ni rdo rje gsang ba'i dngos grub chen po'i phyag rgya so// gzugs brnyan thams cad dbab pa dang / dgug pa dang / dgod par bya ba dang / gar byed bzhug pa dang / rol par bya ba dang / bsgo ba thams cad byed bzhug pa dang thams cad khyer te 'ong ba dang / las thams cad byed gzhug pa la ni bde ba chen po rdo rje dam tshig bsgrub pas so// thams cad rjes su chags par bya ba la ni bde ba chen po rdo rje yid las byung // rgyu ba dang / mi rgyu bo thams cad rtser gzhug pa la ni rdo rje kau li ki li'i gsang ba'o// thams cad bstan par bya ba lnga ni rdo rje chu srin gyis phyag rgya so// thams cad dang bya ba la ni rdo rje bsnyems pas so// rmi lam ngan pa zlog pa la ni rdo rje ngag gis so// gzhan dag gis rang 'dong ba'i rmi lam mthong bar bya ba la ni rdo rje rmi lam mthong bso// rmi lam ngan pa thams cad gzhig
- 139a
@#ba la ni rdo rje bsregs lugs kyiso// rmi lam bzang po thams cad bsgrub pa bstan par bya ba la ni rdo rje rmi lam grub pas so// nang dang gdon thams cad gsal ba la ni rdo rje sman gyis so// rims thams cad gzhig pa la ni rdo rje bcud kyis len gyiso// dus ma yin par 'chi ba gzhig pa la ni rdo rje dur bas so// dmyal ba la sogs pa'i ngan 'gro thams cad gzhig pa la ni rdo rje sdig pa dral bas so// sku thams cad bsgrub pa la ni rdo rje sku'i mchog giso// gsung thams cad kyi bsgrub pa la ni rang gi lce bzlas pa dang mi 'ongs pa dang da ltar gyi dngos po thams cad bden par ston pa'i rdo rje gsang ba'i ljags kyi mchog gis// thugs thams cad bsgrub pa la ni rdo rje thugs thams cad bskyed pas so// rdo rje thams cad kyi dngos grub ni rab tu dag pa'i rdo rje so// dkyil 'khor thams cad rab tu 'jug pa la ni rdo rje 'khor los so// phyag rgya thams cad bcings pa'i dngos grub la ni rdo rje gsang ba'i ngom tshigi phyag rgya chen pos so// las thams cad dam tshig thams cad bsgrub pa la nI/ rdo rje dam tshig gi phyag rgyaso// las thams cad bsgrub pa la ni rdo rje gsang ba'i mchod pas so// dngos grub thams cad la ni rdo rje gsang ba'i bde ba chen po grub pa'o// phun sum tshogs pa thams cad la ni/ rdo rje ltung ba las gdon po'i phyag rgyas so// thams cid mkhyen pa'i ye shes thob pa la ni rdo rje ye shes kyi phyag rgyaso// thams cad kyi mchod pa bya ba nyid la ni rdo rje gsang ba'i gor gyiso// rdo rje thams cad kyi
- 139b
dngos grub dam pa la ni rdo rje bde ba chen po'i rdo rje so// sems dpa' chen po thams cad kyi dngos grub pa las rdo rje sems dpa'i bde ba chen po de bzhin gshegs pa thams cad kyi dngos grub dam pa la ni rdo rje sems dpa' gsang ba'i mchog gis bde ba chen pos so// rdo rje 'dzin pa thams cad dngos grub dam pa la ni bde ba chen po gsang ba'i dam tshig gi phyag rgyaso// bde ba chen po rdo rje gsang ba'i rtog pa'i rgyal po las rab tu dga' ba'i rdo rje gsang ba'i mchod pa'i cho ga rgyas pa'o// de nas bcom ldan 'das bde ba chen po rdo rje'i dam tshig gis sems dpa' byin gyis brlabs pa gsang ba'i sems can rnam par snang mdzad chen po de bzhin gshegs pa thams cad khu tshur yongs su 'dzin pas/ de bzhin gshegs pa thams cad kyi 'khor lo byin gyis brlob pa'i rdo rje zhes bya ba'i tingange 'dzin la snyoms par zhugs te/ rang gi rdo rje sems dpa' la gsol ba btab bo// bde ba chen po rab grub dang // 'dod chags chen po rnam dag phyir// de bzhin gshegs pa mtha' yas nyid// dam pa'i rigs ni bskyed gsol// de nas bcom ldan 'das rdo rje 'chang chen po de bzhin gshegs pa thams cad kyi dam tshig bde ba chen po mi byed pa'i rnam par gnon par mdzad nas/ bcom ldan 'das kyi sgra dang gsung dong thugs rdo rje rdo rje thams cad la rab tu zhugs nas thams cad kyi bdag nyid mnyam par spros nas/ bde ba chen po rdo rje phyag rgya'i gzungs 'di gsungs so// oM hrIHde nas 'di ni gsungs tsam gyis// rnam pa drug tu
- 140a
g.yos gyur te// sangs rgyas sras dang bcas pa kun// kun nas 'dus shing bstan par gyur// dkyil 'khor chen po'i sbyor ba yis// thams cad grub phyir kun nas bzhugs// gzhad pa chen po'i khyad par gyis// rmad byung chen po rab tu bzhad// de nas bcom ldan 'das de bzhin gshegs pa rdo rje sems dpa' de bzhin du rdo rje la snyoms par zhugs te/ bde ba chen po'i dam tshig rdo rje gsang ba zhes bya ba'i gzungs kyi dkyil 'khor 'di gsungs so// ci ltar chos kyis bris nas ni// rgyal ba g.yon du bsnyems 'dzin pa// dam tshig mchog gi mchog bkod nas// sa mA ya s+t+waM zhes bzod do// de bzhin gshegs pa sras dang bcas// rdo rje mtshon cha la sogs bzung // byang chub sems dpa' sems dpa' che// me tog la sogs spyir thal sbyar// de la 'jug la sogs pa yis// cho ga rgyas pa'i khyad par ni 'di yin te/ de bzhin gshegs pa thams cad la phyag bya ba'i phyag rgya dang / rdo rje klu 'dis 'jug par bya'o// rdo rje sems dpa' bsdus pa yis// rdo rje rin chen bla na med// rdo rje chos ni glur blangs pas// rdo rje las ni byed par 'gyur// de nas rab tu bzhugs nas de bzhin gaushegs pa thams cad kyi ye shes kyi gzungs bde ba chen po rdo rje gsang ba'i lcags kyus dgug par bya'o// oM badz+ra d+hA ra su ra mA hA su khe sarba ha ra rma ba~M ma ta ya/ sarba ta thA ga ta dz+nyA na mo mu tra ba de dzaHhUM ba~M hoHde nas de bzhin gshegs pa thams cad 'dzin pa dang bcas pa yang dag par byin par 'gyur// yid bde ba dang btsas pa'i mtshan ma 'byung
- 140b
/ ngo/ cho 'phrul du ma dag mthong ba yin no// de nas cho ga rgyas pa dang / bsgrub pa dang / yid kyi 'dod pa'i dngos grub thams cad dang / don yod pa dang / thogs pa med par myur du dam pa grub pa yin no// de bzhin du bya'o// de nas ma grub par lan cig bzlas pas las rnams byed par 'gyuraro// thams cad bsrung ba la ni rdo rje gtsug tor gyis so// sems can thams cad dbang du bya ba la ni rdo rje mdzod spros so// chos nyid thams cad thob pa la ni rdo rje chos nyid kyiso// de bzhin gshegs pa thams cad kyi mchod pa'i dngos grub ni rdo rje mchod pas so// gdug pa thams cad 'dul ba/ la ni khro bos so// byang chub kyi spyod pa ma lus pa rdzogs par bya ba la ni rdo rje spyod pa'i phyag rgyaso// bdud thams cad gzhom pa la ni bdud thams cad 'joms par byed pas so// de bzhin gshegs ba thams cad kyi nyi du bya ba la ni rdo rje ye shes kyi khu tshur gyis so// bde ba chen po rdo rje gsang ba las/ de bzhin gshegs pa thams cad kyi gsang ba chen po'i cho gau rgyus pa'o// de nas bcom ldan 'das de bzhin gshegs pa don yod cing thogs pa med pa'i bka'i bstan pas/ de bzhin gshegs pa thams cad kyi thugs rdo rje chen po thabs bde ba chen po'i khro bo'i rdo rje zhes bya ba'i ting nge 'dzin la snyoms par zhugs te/ rang gi rdo rje sems dpa' la gsol ba btab bo// bde ba chen po rab grub dang // chags pa chen po rnam dag phyir// gdug pa thams cad gzhom pa'i phyir// ring gi sprul mdzod
- 141a
rdo rje 'dzin// de nas bcom ldan 'das rdo rje sems dpa' de bzhin gshegs pa thams cad kyi bka' rdo rje'i dam tshig ces bya ba'i rab tu dga' ba'i rdo rje khro/ bo 'di gsungs so// hUM rak+tA dza ma laM prA ti la ya/ ag ni pra bi ta te/ ma hA su ra ta badz+ra kro d+ha dzaHhUM phaT/ de nas 'di gsungs pa tsam gyis bcom ldan 'das phyag na rdo rje'i rdo rje las kun nas 'od zer dmar po 'bar ba'i snying po can sbyin ma 'gyur zhing khro gnyer bsdus pa/ smar ser zhing spyan 'bar ba'i rdo rje mche ba brtsegs pas chu sgros rnam par gnon pa'i zhal mnga' ba/ debu sku gyen du 'bar ba/ rdo rje dang gzhu la sogs pa yongasu 'dzin pa/ bcom ldan 'das kyi dkyil 'khor chen po'i tshul du bzhugs pa'o// bcom ldan 'das kyis kyang khams gsum pa'i gdug pa thams cad 'dul bar mdzad nas rdo rje dam tshig chen po'i byin gyis brlabs pa'o// dkyil 'khor thams cad thig gdab phyir// de la dang po'i khros pa bzhag/ su ra stong b+ha ba hUM zhes bzlaso// ud pa la sngon po'i 'od 'bar bya// rdo rje bsnyems pa 'dzin pa'i mchog/ mche ba cung zad gcig pa'i zhal// khro dang bcas pa bzhed pa'i zhal// rdo rje dkyil mo dkrungs kyis bzhugs// 'od zer 'bar ba 'khrugs pa'i 'od dkyil 'khor chen po'i tshul gyis ni// thams cad ni khro bo bri// rab tu dga' ba'i rdo rje khro bo'i phyag rgya chen po'i dang por slob dpon gyi 'jug par bya ste/ slob ma rnams kyang de bzhino// slob dpon zhugs
- 141b
nas khros pas lcags kyu de nyid kyi dgug par bya'o// hUM su ra ta badz+ra kro n+ta/ a ya te/ ma hA su kha badz+ra satwa dzaHsArba badz+ra ku la ne tra pra be sha ya hUM/ sarba mu dra ga na b+han d+ha ya baM/ sarba ma yAM bi sh+lo ka/ ru hoH/ sarba karmaN+DA tA ya a/ de nas rdo rje'i rigs thams cad bcom ldan 'das dang bcas pa byon zhing grub pa yino// slob dpon dang / slob mo rnams la dgyes pa dang / khro ba 'bab pa'i mtshan yang dag par 'byung bar 'gyur ro// gzhan yang cung zad 'byung ba yin na de grub pa dang dngos grub dang tshig rgyas pa yang de bzhin du'o// gal te ma grub na lan cig bzla'o// khams gsum pa ma lus pa lnga rgyal bar bya ba la ni rdo rje hUM mdzad kyis phyag rgyaso// sems can gyi khams thams cad 'dul ba la ni rdo rje khro bo'i gsang bas so// 'jig rten gsum las rnam par rgyal ba la ni 'jig rten gsum las rnam par rgyal ba'i phyag rgyas so// thams cad dgug pa dang / gzhug pa dang / dbab pa dang / bcing ba dang / dbang du bya ba dang / gzhig pa dang / rengs pa dang / gnyid log par bya ba dang / rgyas dbab pa dang / rgyal ba dang / gsad par bya ba la ni bde ba chen po rdo rje khro bos so// thams cad lhung bar bya ba la ni rdo rje khro mo'i khro bos so// thams cad dbab pa la ni rdo rje 'bebs pa'i khro bos so// thams cad nges par gnon pa la ni rdo rje gad rgyangs kyiso// las thams cad nye bar dgod pa la ni/ rdo rje dmi tshig gi khri bos so// bde ba chen po'i rdo rje'i gsang ba las
- 142a
#/ rab tu dga' ba las byung ba rdo rje gsang ba rnam par rgyal ba'i dam tshigi cho ga rgyas pa'o// de nas bcom ldan 'das de bzhin gshegs pa thams cad kyi don yod cing thogs pa med pa thams cad dag pa'i chos sgrib pa med pa de bzhin gshegs pa thams cad kyis rdo rje'i ye shes kyi phyag rgya zhes bya ba'i ting 'dzin la snyoms par zhugs nas/ rang gi rdo rje sems dpa' la gsol ba btab bo// bde ba chen po rab sgrub dang // 'dod chags chen po rnam dag phyir// pad+ma'i rigs chen dag pa la// mchog chen khyod kyis bskyed par mdzod// de nas bcom ldan 'das rdo rje 'chang chen pos chos thams cad la gzigs pa rdo rje zhes bya ba'i rnam par gnon par mdzad nas bde ba chen po rdo rje gsang ba zhes bya ba'i sngags 'di gsungaso// oM hrI baM ho// 'di gsungs pa tsam gyis bcom ldan 'das kyis zhal nas pad+ma'i mdog gi mdangs can zla ba'i dkyil 'khor gyi 'od lta bu pad+ma'i mdangs la sogs pa yongasu 'dzin pa/ de bzhin gshegs pa'i dbang bskur ba dang / ral pa'i cod pan dang / na bza' dmar po 'chang ba dang / pad+ma chen po'i sems dpa' rnams byung nas dkyil 'khor chen po'i tshul gyis bzhugaso// bcom ldan 'das zhal rab tu gzhed pas g.yas pas rdo rje g.yon pas pad+ma 'dzin cing de bzhin du rdo rje bsnyems pas dkyil mo dkrungs kyis bzhugs so// de nas dkyil 'khor ni dkyil 'khor chen po'i tshul gyis ni/ dkyil 'khor chen po thams
- 142b
/ cad thig gdab bo// rdo rje 'jig rten dbang phyug bzhag/ pad+ma'i mtshan ma'i tshogs rnams bri// de nas rdo rje pad+mas zhugs la 'dzub mo'i lcags kyu gnyis kyis dgug par bya'o// oM hrI baM ho// oM hri baM ho// oM hrIHma hA su kha badz+ra a lo ke shwa ra ye me/ A A he pra be sha d+hi d+hi me b+ha ba sid+hi ma me mu tra pA de dzaHhUM baM hoHde nas bcom ldan 'das spyan ras gzigs dbang phyug byon to mchog thams cad stsol bar 'gyuraro// snang ba'i mtshan ma 'byung bar 'gyur ro// cho ga rgyas pa thams cad dang / sgrub pa dang / dngos grub thams cad kyang de bzhino// ma sgrub kyang ldan cig bzlas pas las thams cad byed do// sgrub pa thams cad rnam par sbyang ba la ni pad+ma chen pos so// thams cad bsrung ba lnga ni pad+ma'i gtsug tor gyiso// thams cad rjes su chags pa la ni pad+ma la lta bas so// thams cad dag pa'i ting 'dzin thob pa la ni pad+ma'i kha 'byed pas so// bud med thams cad dbang du bye ba la ni pad+ma chen po 'dod chags kyiso// skyes pa thams cad dbang du bya ba la ni pad+ma chen po dbang phyug gis so/ rmi lam gdab pa la ni pad+ma chen po dmar pos so// bcom ldan 'das kyi mchog thob par bya ba la ni rdo rje gsang ba'i pad+ma rmongs pa med pas so// bde ba chen po pad+ma gsang ba las bde ba chen po pad+ma'i rigs kyi cho ga rgyas pa'o// de nas bcom ldan 'das khams gsum pa thams cad kyi bdag po dbang phyug de bzhin gshegs pas bsam pa thams cad yongasu rdzogs pa'i rin po che'i
- 143a
dpung bskur ba'i phyag rgya zhes bya ba'i tingange 'dzin la snyoms par zhugs nas rang gi rdo rje sems dpa' la gsol ba btab bo// bde ba chen po rab grub dang // chags pa/ chen po rnam dag phyir// nor bu chen po'i rigs mchog ni// mgrin sbyor phyir ni bskyed par mdzod// de nas bcom ldan 'das de bzhin gshegs pa thams cad kyi dbang bskur bar dam tshig rab tu bzhag pa zhes bya ba'i rnam par gnon par mdzad nas bde ba chen po'i rdo rje rin po che zhes bya ba'i sngags 'di gsungs so// oM li ti b+ha baM TaT tre traM/ de nas 'di gsungs pa tsam gyis bcom ldan 'das dbang bsgyur ba'i bde ba chen po'i rdo rje lus nor bu rin po che rab tu phyung nas phyag g.yon pa la rab tu gnaso// nor bu rin po che dag pa de yang mar gang rnyog pa med pa'i mdog can rdo rje rin po che rang gi 'od zer gyis dbang bskur ba can nor bu rin po che'i mnga' la sogs pa'i mtshan ma yongs su bsnams pa/ bcom ldan 'das kyis dkyil 'khor chen po'i tshul gyi zhugaso// de nas dkyil 'khor bri ba ni dkyil 'khor thams cad thig gdab bya// rdo rje rin chen gdab po bzhug/ nor bu'i rigs ni chen po bri// rdo rje rin chen gyi phyag rgyas zhugs te// de bzhin du 'dzub mo gnyis kyi rdo rje lcags kyus dgug bar bya'o// oM ma hA su kha badz+ra bi b+hu te ra ya~M b+ha ga bAM A kar sha ya gi ra baM sarba ta thA da ga ta a gr-i sa tra sa ma bi ne nA ma b+he ra ma tr-i b+h+r-i pa Da Da swA hA// de nas bcom ldan 'das na mkha'i snying ba'i nor bu thams
- 143b
cad dang bcas pa byon pa yino// spyi bo nas sku lta ba'i mtshan ma 'byung bar 'gyur ro// bcom ldan 'das kyi bdag la dbang bskur ba la ni zhes bshad par bya'o// de nas slob ma rnams bzhugs par bya ste/ cho ga rgyas pa thams cad de bzhin du bya'o// de nas ma sgrubs las rnams lan cig zlas pas 'grub par 'gyuraro// dbang bskur ba thams cad thob pa l-i ni rdo rje rin po che'i myu gus so// don thams cad thob pa la ni rdo rje rin chen gyi rgyal mtshon gyis rtse mos so// bsam pa thams cad yongasu rdzogs par bya ba la ni rdo rje nor bu rin po chen po'i mtshan ma'i phyag rgyaso// gtor chen po thob par bya ba la ni rdo rje rin chen gyis 'og gis phyag rgyaso// rdo rje'i dbang bskur bar thob pa la ni rdo rje chen po'i phreng bas so// byang chub sems dpa' chen po'i dbang bskur ba thob pa la ni rdo rje rin chen pa'i phreng bas so// de bzhin gshegs pa'i dbang bskur ba thob pa la ni rdo rje rin chen gyi dbang bskur ba dam pa'i phreng ba so// rdo rje 'dzin pa chen por dbang bskur ba thob pa la ni de bzhin gshegs pa thams cad kyi sku'i mchog gi rdo rje rin chen gyi cod pan gyis phreng bas so// bde ba chen po'i rdo rje gsang ba la bde ba dang yid bde ba thams cad kyi nor bu'i rigs kyi cho ga rgyas pa'o// de nas bcom ldan 'das rigs thams cad bsdus pa'i rdo rje byin gyis brlabs pa'i ye shes thob pas/ sems can thams cad gzhug pa'i 'khor lo rdo rje'i phyag rgya zhes bya ba'i ting 'dzin la snyoms par zhugs so// thog ma tha ma med pa'i
- 144a
bcom ldan 'das rdo rje sems dpa' la gsol ba btab bo// bde ba chen po rab grub pa// chags pa chen po rnam dag phyir// bde ba chen po'i don gyi phyir/ 'gro rnams ci bder bzhugasu gsol// de nas bcom ldan 'das thams cad pas rnam par rgyal ba 'gro ba kun 'dul ba/ dam tshig thams cad dang dngos grub thams cad stsol ba rdo rje 'chang chen po// ston pa po/ bsgrub pa po/ stobs dang pha rol gnon pa/ thog pa med pa thams cad la rjes su ston pas don yod par grub pa dam tshig rdo rje 'dzin pa zhes bya ba'i rnam par gnon par mdzad nas bde ba chen po dngos grub thams cad kyi dam tshig ces bya ba'i don yod pa mtshungs pa med pa'i thams cad kyi snying po 'di gsungaso// hoHA hUM hriHtraM/ de nas 'odadi gsungs pa tsam gyis de bzhin gshegs pa thams cad la sogs pa 'jig rten pa dang 'jig rten las 'das pa'i dkyil 'khor chen po der yang dag par gnas te/ dkyil 'khor gcig nyi du 'gyur ro// de nas bcom ldan 'das rdo rje 'chang chen pos sems can thams cad rjes su gzhug pa bde ba chen po'i rdo rje dam tshig gsang ba gsungs pa dkyil 'khor chen po'i tshul gyis ni/ dkyil 'khor thams cad kun tu bri// dkyil 'khor chen po dang por ni// de'i dbusu rtag par bya// de'i dbus su rigs rnams ni// dkyil 'khor chen po bri bar bya// phyi'i mtshams kyi tha ma ru// phyi'i dkyil 'khor tshogs rnams bri// sgo rnams kun tu
- 144b
'jug par ni// rang gi phyag rgyar rab tu gnas// dkyil 'khor dam par lnga bsdud cing // rdo rje shugs kyis 'jug par bya// cho ga rgyas pa thams cad dang // dngos grub thams cad dang // las thams cad kyang de bzhi no// de nas lha la sogs pa dam tshig sems dpa' thams cad bcom ldan 'das las rang rang gi rjesu gnang ba mnos nas sems can thams cad la bde ba'i don yod pa bcom ldan 'das rdo rje 'chang chen po'i zhabs la phyag byas nas rang rang gi gsang ba'i snying po 'di phulo// de nas 'jig rten gsum pos gsol pa/ oM b+haM traM b+h+rUM hriHde nas dkyil 'khor bri ba ni// zur bzhi pa la sgo bzhi pa// phyi'i dkyil 'khor mchog yino// de'i dbusu dngos grub phyir// gzhu'i se ral kar ldan zhing // mnga' dang rtsa shag thogs bri// sgra nga rtsir byed dang rgyal bar byed// bsgrub pa thams cad sgrub pa pos// rtse gsum mtshan ma'i phyag rgya yis// pus mo lha nga btsugs byas te// zhugs nas dam tshig bcings nas ni// yang dag dgug pa nye du bya// oM b+hur b+hu ba swA hU~M/ nyi shu rtsa gcig bzlas pa'i sa// thams cad kun ston 'ongs pa la// ci ltar rnyed pa'i gtor ma byin// slob dpon gyi ni 'jug pa'i sa// slob ma thams cad gzhug par bya// dam tshig mchog ni de nyid dang // gsang ba'i de nyid brjod par bya// gal te ma btags ma smras dang // 'on te 'di skad bshad pa'i chos// 'dir ni kun tu ma spyad na// rtse gsum gyis ni khyod snying 'joms// snying stobs rdul dang mun pa ni// tshangs pa
- 145a
khyab 'jug dbang phyug che// ming po gsum po 'di dag ste// nam yang bskus par mi bya'o// gang zhig 'di dag la bsnyes pas// yang dang yang du rab bzhugs nas// dkyil 'khor mchod par byed pa dang // dngos grub thams cad thob pa ni// phyag rgya dag kyang bstan byas nas// de yis gar gyi mchod pa bya// 'dod pa'i yon tan lnga po yis// rtag tu dkyil 'khor mchod par bya// de nas gsang ba'i lha mo rnams kyis rang rang gi phyag rgya phul lo// hriHhUM shrI b+h+yo// dkyil 'khor thams cad bya ba ni// gru bzhi pa la sgo bzhi pa// thig bzhi dang ni yang dag ldan// ka ba chen po bzhi dang bcas// gru chad bzhi yis rnam par mdzes// de'i dbus su de bzhin du// dkyil 'khor bzhi po bri bar bya// sgo ru mngon rdzogs bzhi po ni// snying po dang bcas bzhag par bya// dga' mo lag na mtshon cha thogs// dngos grub bya ba snyems dang bcas// de nas dang po dkyil 'khor du// de bzhin kun nas 'jog par bya// srin mo rang gi phyag rgya yis// go rims ci bzhin 'jug par bya'o// zhugs nas 'jug pa la sogs kyis// cho ga bzhin du mchod byas nas// gsang ba de nyid rab grub pas// dgug pa yang dag bye ba yin// oM ka l-i ma nir te pro ta la/ me b+hu rak+Sha sa bi ra sta ma ya he bai he ba/ ba rA he bi d+ye sta sa ma ya swA hA// sing+ge ki sid+hi sta ma a hau/ phyag rgya 'di rnams kyiso// hrIHhUM shrI b+h+yoHde nas thams cad 'bab par 'gyur ro// babs nas zhugs par bya'o// de nas de bzhin
- 145b
phyag rgya bcings pa bslabs la mna' skrags nas bsad par brjod par bya'o// sems can don la gang zhugs pa// gang du dkyil 'khor ston pa rnams// gal te gsang ba mi srungs na// khyod kyis de dag gausad pa yin// 'dod chags zhe sdang gti mug dang // de bzhin zas dang skom dang ro// chos kyi rten pas bde ba dang // chos min pas ni sdug bsngal te// phyag rgya gar gyi mchod pa yis// ci 'dod par ni mchod par bya// ci snyed pa dang ci 'dod bzhin// yul rnams la ni brten par bya// de nas lha ma yin thams cad kyi snying po phul lo// oM sarba ma hA tsA kau pra bar ta ya dar sha ya b+haM hUM phaT/ zur bzhi pa'i dkyil 'khor ni// khru gang tsam du brkos byas nas// gyen du kha ltas sgo bri bya// bde mchog la sogs bri bar bya// 'khor lo rab tu zhugs byas la// yang dag dgug pa dgug par bya// me tog la sogs/ gtor ma bya// sha la sogs pa'i gtor mo bya// oM paSh+Ti tsakra A na ya/ sha bir tsa ma tsit+ta tAM su ra a d+hi paM hau sho haM/ sarba ma ya gri taM d+hau ba me srid d+h+ye hA hA swA hA// de nas yid kyi 'dod pa'i sgyu ma thams cad grub pa yi no// slob ma gzhug pa yang de bzhin du bya'o// de nas klu rigs bzhis snying po phul lo// phu de nas dkyil 'khor ni// zur bzhi po li sgo bzhi pa// sbrul gi thig gi kun tu brI// klu'i gdengs ka'i btsun mos 'khyud// mtshams kyi char ni 'jug rtse 'dod// de'i dbus su si 'dzin pa// klu'i rgyal po she sha bri// shes rab can gyi klu chen gyis// rigs rnams thams cad bri bar
- 146a
bya// de nas 'dzin shugs kyi ni// khros shing krug pas 'jug par bya// dkyil 'khor der ni rab zhugs nas// gdeng ka'i phyag rgyas dgug par bya// oM hriH a nI la dzA ba be ga pri thi b+hi na d+ha ra sha sha nA/ a ya hrIHphu sarba nA ga ku la A nA ya hUM phu sa ma ya pra bi sha yau phu/ sarbaM sa d+ha ya pu pu phu phu/ de nas klu thams cing phu zhes bya ba bzlos shing dkyil 'khor du zhugs nas babs par 'gyur zhing 'thob bo// de nas slob dpon gyis ri mo'i phyag rgya dug med par bya'o// de nas brtsams te thams cad zos nas yang bdud rtsi bzhin du 'jug par bya'o// 'di rnams lhan cig tu gar byed pa dang / dug thams cad bsreg pa dang / 'jig pa dang / za ba nus par 'gyur ro// de nas ci 'dod pa'i dam tshig sbyin par bya ste/ 'dod chags zhe sdang gti mug ste/ 'di dag 'jig rten dug gsu mo// gal te bden las 'das gyur na// 'chi ba'i 'jig rten 'di rtag nas// gal te dngos grub thob 'dod na// klog brnyan pa yang mi bya zhing / ser ba bzlog par mi bya'o// / sbrul ni gang yang gsang mi bya// bde ba chen po rdo rje gsang ba'i rtog pa'i rgyal po las bde ba chen po'i dam tshig chen po rdo rje gsang ba la sogs pa'i cho ga rgyas pa'o// de nas rdo rje chen po yis// ri rab ri'i rtse mo ni// rdo rje rin tshon 'od gsal bas// dri med gzi brjid mdzes pa la// zur bzhi pa la sgo bzhi pa// sgo khyud kyis ni rnam par mdzes// kha khyer rnams la gnas pa'o// rdo rje lha me/
- 146b
tshogs kyi mchod// zla ba phyed la gnas pa yin// rdo rje rin chen rnams kyis mdzes// rlung gis bskyod pa'i dar bzangs kyis// ba dan dril bu'i sgra sgrogs pa// dra ba me long me tog gis// phreng ba chen po brtags pas brgyan// bde ba chen po rdo rje che// rdo rje kun gyi mngon 'dus byas// rdo rje sems dpa' gnas chen po// sangs rgyas kun gyi nges brten pa// byang chub sems dpa'i gnas chen po// rdo rje 'chang dbang kun gyis gnas// bde ba chen po rdo rje che// nor bu chen po mchog tsos bya// rdo rje chen po'i khang pa na// bde ba chen po'i bzhugs gnas yin// thogs tha med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje bsnyems tshul bdog po'i bdag/ sems can kun gyi sems gang yin// bstan phyir sems par bshad pa yin// mnyam par bzhag pas ting 'dzin te// nges pa'i phyir ni rdo rjer 'gyur// sems dpa' byin brlabs sbyor ba yi// slar yang rdo rje sems dpar 'gyur// de nyid rtag pa bcom ldan 'das// byang chub spyod pa'i rjes 'gro kun// rang sems so sor rtogs sogs na// sangs rgyas byang chub cho go bzhin// bdud ni sangs rgyas rdo rje can// rdo rje 'chang chen de nyid yin// de nyid de bzhin gshegs pa'i rigs// de nyid rdo rje'i rigs chen po// de nyid pad+ma'i rigs dam pa// de nyid nor bu'i rigs dam pa// de nyid 'dod chags bral ba yi// 'dod dang thar pa nyid yin te// dus gsum srid gsum mchog gsum dang // 'jig rten
- 147a
gsum dang khams gsum pa// mi g.yo thams cad mchog de nyid// bstan zhing snying po nor bu che// rgyu ba sems kyi 'du byed thabs// thams cad byed pa thams cad nyid// dang po'i sems dpa' sems dpa' che// byang chub sems dpa' bde rab stsol// sems dpa'i dkyil mo dkrungs bcas nas// pad+ma'i lte bar zhugs pa yin// btsun mo'i tshogs bcas sna tshogs pa'i// rdo rje lha mo rnams kyis bskor// bde bo chen po rab grub dang // chags pa chen po rnam dag phyir// ma lus gdul bya'i don dang ni// dngos grub thams cad rab grub phyir// bdag nyid la sogs sems dpa' che// dngos grub thams cad rab grub phyir// dam tshig chen po dam tshig rnams// rgyal bas kyang ni bsrung bar mdzod// snyen babs rdo rje gsor ba dang // rdo rje bsnyems bcas yang dag ldan// phyag rgya thams cad rnam dag dang // rdo rje sems dpa' mchog grub phyir// bde ba chen po rdo rje che// dngos grub thams cad grub pa la// ye shes phyag rgyar yang dag ldan// snying po chen por dam pa yin// gang gis bsod nams mi ldan dang // de bzhin dkyil 'khor mo lus zhugs// don yong thogs med nyid mchog gi/ dngos grub thams cad rnyed mi dka'// bde ba chen po rdo rje che// gsang ba'i mchog de dam tshig ldan// dngos grub thams cad bsgrub pa yin// rtog pa thams cad myur 'grub byed// thog mtha' med par dang po 'byung // bsod nams thams cad cher 'tho be//
- 147b
gzi can rnams dang bde mchog dang // 'dod chags chen po rnam dag phyir// rje su chags pa bsgom pa zhes// ci bzhin ye shes rab 'jug pa// nye ba'i snying po bcas snying po// bskal thob bcom ldan 'das kyis gsungs// hUM de nas 'di ni gsungs tsam gyis// sangs rgyas sras dang bcas pa rnams// nye bar 'dzin pa mdzad nas ni// 'gro ba thams cad bskyed par mdzod// sna tshogs 'gro ba kun bskyed nas// gtso bos dngos grub dris gyur pas// ci ltar skad cig gis 'di 'grub// sems dpa' chen po myur du mos// de nas dkyil 'khor chen po ni// thog mar dkyil 'khor byin brlabs ni// rdo rje kun mchog dam tshig ni// cho ga bzhin du bsgrubs nas ni// de nas phan chad sems can 'byung // ji bzhin las kyi rjes 'gro ba// rtag par sdig pa kun spyod dang // ngan sems drang ni le lo can// nga ni skye bo gsum gzigs nas// 'jig rten gtso bo rnams kyis gzigs// bcom ldan ci ltar 'o na ni// byis pa dge ba kun tu bskyed// de rnams kyis ni tshig gsan nas// tshig ni 'di skad gsungs pa yin// rdo rje 'dzin kun byed pa pos// las kyi 'chi ba ltos gyur pa// de yi tshig de thos nas ni// sras bcotsos sangs rgyas thams cad kyis// thugs rje chen pos 'di skad gsungs// bde ba chen po rab grub dang // shin tu chags pa rnam dag phyir// kun mchog cho ga rgyas pa yi// snying po 'di ni bshadu gsol// de nas ston pa rdo rje 'dzin// dngos grub thams cad rtsol ba yin// rtog pa kun gyi
- 148a
bde ba che// rdo rje gsang ba dang po mchog/ gzhan yang snying po bstan pa dang // dkyil 'khor la sogs cho ga che// sna tshogs phyi ma'i rgyud dang bcas// dngos grub/ thams cad rab grub byed// 'jig rten thams cad khams chen po// phra rab rdul rnams dang mnyam pa// snying po chen po 'di nyid kyis// grub pa'i bden pa dam par 'gyur// de nas bde gshegs de rnams ni// de yi tshig mchog gsan gyur nas// dang po'i dkyil 'khor grub stsol ba// de tshe de la gsol ba btab// chags pa dang bral 'dul ba'i phyir// chags bral brtan par bya ba'am// 'dod chags thams cad rnam dag par// nyid kyi thugs kyi cho ga gsungs// de nas bcom ldan 'das kyis rdo rje'i klu chen po gsungs zhing dkyil 'khor rtag par mdzad do// thams cad rjes su chags pa bde ba dam pa'i thugs// rdo rje sems dpa' khyod ni rab tu byung ba yin// rab tu dga' ba 'gro ba kun gyi bde chen po// bstan mtho de ring bdag la myur 'grub mngon mchog mdzod// ces bya ba'i dkyil 'khor glu len cing brtag par mdzad// dkyil 'khor chen po'i sbyor ba yis// dang po'i dkyil 'khor brtag par bya// phyag na rdo rje thams ca du// rdo rje lha mo la sogs tshogs// ci ltar cho ga bzhin du ni// brgyan par byas te rab 'jug bya/ g.yon du bu mo rdo rje 'dzin// bsdus te rnal 'byor bca' bar bya// rdo rje dang bcas snyems pa yis// phyag rgya mchog gi rang nyid 'jug/ dkyil 'khor de ru zhugs nas kyang // lan gsum
- 148b
du ni bskor bar bya// rdo rje sems dpa'i 'dun 'dug te// de nyid gsod pa'ang brjod par bya// hUM ma hA su kha badz+ra satwa dza/ hUM baM ho// sa ma ya s+t+waM a nu rag to me b+ha ba su to Sh+yo me b+ha ba/ Di d+hi me b+ha ba/ a d+hi tiSh+Tha bA ga bA~M/ a na di ni d+he na swA hA/ mahA su kha badz+ra satwA sa ma ya gu h+ya sa ma yau sid+d+hi maM pra yats+tsha oM ha ha ha ha oM/ de nas rab tu dga' bas rdo rje lha mo dga' ba'i gtam bya'o// oM badz+ra muSh+Ti sa ma ya ke ma Ta/ badz+ra ki li ki la hi// hUM sme ra badz+ra Na baM d+he hUM du shu badz+ra Na hUM/ de nas bcom ldan 'das kyi mdun du nye bar 'dug/ de bzhin du bcom ldan 'das bdag la 'grub par mdzod cig ces bcom ldan 'das la gsol bar brjod par bya'o// myur du thams cad rjes tshogs pa// ki li ki les thams cad nus// thams cad rje su chags pa dang // rtag tu legs par mnyes gyur bdag/ oM ma hA su kha sid+d+hi badz+ra satwa dzaHhUM baM ho// sid+d+hiM sa ma ya staM sid+d+hi hUM// de nas chen po rdo rje'i chus dbang bskur zhing 'thungs la rdo rje rtse lnga pa bzung ste/ bdag rdo rje sems dpa' yin zhes rang gi ming brjod pa la snga ma bzhin du gar gyis mchod pas mchod pa bya ste/ ci ltar rnyed pa'i yul dang ldan pas slob ma dang lhan cig mchod pa byas nas byung bar bya'o// slob ma gzhug par bya zhing rang nyid kyang der zhugs pas dkyil 'khor thams cad zhugs par 'gyur ro// rdo rje slob dpon thams cad phyag rgya thams cad kyi bdag po dam tshig thams cad shes pa thams cad la tshar gtsang ba dang phan
- 149a
'dogs par nus pa/ dngos grub thams cad phun sum tshogs pa'i ye shes kyi las byed pa/ rang nyid 'jug pa tsam nyid kyis slob dpon ma yin pa dang dkyil 'khor du ma zhugs par skad cig nyid kyi bcom ldan 'das kyi byin gyis rlob par 'gyuraro// de ci'i phyir zhe na/ 'di ltar bcom ldan 'das nyid nges par rang nyid rang gi dam tshig gi rdo rje slob dpon du gyur nas 'jug par mdzad do// las thams cad kyi cho ga rgyas par yang mdzad pa yi no// snying po 'di'i byin brlabs kyi dkyil 'khor du zhugs na yang dkyil 'khor thams cad du zhugs pa dang / thams cad kyi slob dpon du 'gyur ro// lan cig bzlas pas mi song ba dang / mi tshugs pa dang / thams cad sna tshogs pa'i yi ge rnams kyis mthong ba dang / thos pa dang / rig pa dang / shes pa yin no// rdo rje 'chang chen po dang bcas pa'i de bzhin gshegs pa thams cad ma lus par mdzad nas/ dngos grub thams cad bde ba stsol ba yino// yongs su sbyangs pa dang / rten pa'i don du ma yin no// bgegs byed pa rnams kyang sdug bsngal bar 'gyur ba yino// bcom ldan 'das bde ba chen po rdo rje 'chang chen shin tu bstan zhing shin tu dgyes pa rjes su chags pa shin tu rgyas pa dngos grub thams cad dang / phun sum tshogs pa thams cad dang / ye shes thams cad las thams cad gdon mi za ba'i grub pas myur du bsgrub par 'dzin pa yino// 'on kyang
- 149b
gang gis bris sam bri rA bcug gam/ lan cig brjod pa'am/ 'dzin pa des ma bsgrubs shing dkyil 'khor du ma zhugs na yang tshe 'di nyid la ci ltar mngon par 'dod pa'i mchog dngos/ grub thams cad grub pa yin/ de ci'i phyir zhe na/ 'di lta ste/ don yod cing thogs pa med pa de bzhin gshegs pa thams cad kyi bdag po'i bdag dang / de bzhin gshegs pa thams cad kyis kyang bar chad byed par mi nuso// thams cad rjes su chags pa nyid kyi phyiraro// sangs rgyas kyi byang chub kyang rjes su chags pa las byung ba yino// 'dod pa brtan pas rjes su chags te/ me mi 'dod pa ji ltar mchog gi bde ba chen po la sogs pa'i go 'phang thams cad 'gyur ro// zhes bya bar thogs pa med pa'i bcom ldan 'das chags pa chen po'i bde ba chen pos gsungaso// grub na bde ba chen po ni// rdo rje chags pas skad cig ster// grub pa'i dam tshig 'di yin te// 'di ni kun gyi 'da' bar dka'// sdig pa chen po byed pa'am// de bzhin dkyil 'khor ma mthong ba// lan cig bzlas sdig sbyangs pas// mchog grub pas ni grub par 'gyur// rtog par gsungs pa'am 'dod pa yi// gzugs brnyan rje su dran bsgoms na// snying po yang na glegs bam du// thams cad nyid phyir bdag po grub/ gang la gzugs brnyan med pa dang // glegs bam med par 'gyur na yang // yi ge hUM ni thams cad// bris te bdag bsgrub bsgrub par bya// zhes bya ba don yod pa'i thogs pa mong ba'i dngos
- 150a
grub can rdo rje 'chang chen pos gsungs so// de nas rtogs pa'i rgyal po 'di'i// las kun sgrub par 'dod na ni// dkyil 'khor thams cad thig btab pas/ mtshan ma'i phyag rgya bri bar bya// dang po'i rdo rjes zhugs nas ni// brjod par bya ste/ chags pa che las thogs pa che// thogs pa che las bde ba che// bde ba che las rdo rje brtan// rdo rje las ni phyag rgya 'byung // sku gsung thugs kyi rdo rje yi// gzugs brnyan rab tu sbyor ba yis// phyag rgya thams cad bshad pa ste// dam tshig 'da' bar dka' ba'o// phyag rgya bcings pa tsam gyis ni// sangs rgyas rdo rje 'chang la sogs/ yang dag bsdus par gyur nas ni// mnyam pa'i 'jig rten 'grub par 'gyur// ci ltar rgyal ba'i phyag rgya yi// bka' ni 'da' bar dka' ba ste// de bzhin rgyal ba kun gyis ni// phyag rgya 'da' bar nus pa min// sangs rgyas nyid dam rdo rje 'chang // de ltar bskal pa bye ba yis// thob min ji ltar phyag rgya mchog/ sdus pa tshe 'di nyid la thob// ci ltar gdul ba'i 'jig rten ni// de bzhin dngos po gsungs pa yin// de'i/ thabs ni phyag rgya ste// dngos grub thams cad byed pa mchog/ de bzhin cho ga rgyas pa dang // dngos grub thams cad gdon mi za ba'o// de nas dang po'i dkyil 'khor gyis// gsang ba'i dam tshig 'di yin te/ sor mo thoms cid kun sbyar nas// rdo rje thal mo zhes brjod// sor mo nang du bcings pa las// rdo rje bsdams pa'i nang du ni// 'dzub mo mtheng bong yang dag sbyor// g.yas pa yi ni mthe bong bteg/ bcug
- 150b
te btsir ba'i lcags kyu 'dzin// mda' lnga bsdus pa bcings nas ni// dbus ma'i bcings pa nang du gnas// mthe bo bsnyems pa'i mtha' rdo rje// dang po'i bde ba dam pa bstan// 'theb 'jug rtse sbyar dbus ma'i rtse// mig 'bras ltar sbyar 'dzin pa'o// dbus ma'i rdo rje'i 'og tu ni// mthe bong gis mnan rtsir bar bya'o// rdo rje 'dren ma dang 'dra ba// sbyin lag mthe chung kha che ba// bskor nas pus mor bzhag pa ni// dang po rdo rje las byung ba'o// gyen du gtor dang 'thur du blugs// mthe bo sbyar nas bskor ba dang // rab tu brkyang zhing byugs pa dang // bskor zhing spyi bor gnas pa dang // bskor nas snying kar/ bzhag pa dang // yongasu bskor zhing dgod pa'o// kha las gyen du 'byung ba dang // de bzhin gar gyis bskor ba dang // 'dzub mo'i ser mo gnyis kyis dang // g.yon pa'i 'dzub mo g.yas kyis gzung // 'dzub mo'i the bo bcings pa dang // mthe bo mtha ma'i nang du bzhag/ khu tshur gyi phyag rgya rnamaso// de nas ngan yod cing thogs pa med pa 'di rnams kho na'i las kyi phyag rgya bcings pa mchog tu gsang ba bla na med cing bla ma'i las kyi tshogs bsgrub par byed pa de bzhin gshegs pa thams cad dang bcas pa'i bdag gis kyang gnon par mi nuso// de la bde ba chen po'i rdo rje dbus ma'i las rdo rje sen mo rtse mo chu la sogs par gzhag pa dang / 'khor lo rab tu bskor ba dang / rdo rje nor bu dang / ci ltar 'dod pa'i dngos grub kun tu byed pa rnams kyis rdo rje 'chang chen po dang / sangs rgyas dang byang chub
- 151a
sems dpa' rnams dang / rdo rje rin po che dang / mchog gi dngos grub bo// rdo rje 'dren mas ni mig 'dras kyi laso// g.yas pa dang g.yon pa'i mig gis bltas pas thams cad rje su chags pas so// mig 'bras tshur 'dren pas ni dgug pa'o// gzhug pas thams cad gzhug pa'o// btsir bas 'ching ba'o// btsum pa med pas dbang du bya'o// rdo rje ki li kI li las dbus ma la btsum pa dang / 'khyud pa dang / rol pa dang / dbus ma dang mthe bo'i rtse mor bde bar brdeg pas mthong ba dang rol pa dang / btsir ba rnams kyi thams cad la rol pa ste/ rgyu ba dang mi rgyu ba thams cad lha'i gzugs kyi bud med rnams 'byung ba yin no// ci srid 'di rnams dang rol cing rdo rje sems dpa'i btsun mo la yang rol par byed// rdo rje chu srin mas btsir bas/ gyen du btags pa dang / myang ba dang / drung du 'gro ba dang / myur du za ba rnams kyis brten pa'i chags pas bcings pa dang / thams cad las rnam par rgyal ba dang / chu'i nang du gnas pa dang / 'chag pa dang / thams cad za ba grub pa'o// rdo rje bskor ba g.yo zhing g.yo ba dang / lhod par byed pa dang / btsir ba dang / dbus ma phan tshun lhan cig dgug pa dang / 'gyogs par dbus ma'i rdo rje dral ba rnams kyis khro bo thams cad 'bar ba dang / rab tu zhi ba dang / thams cad la rgyas btab pa dang / ltung ba dang / gsod pa rnams myur du 'grub po// mthe bo rdo rje'i nang du zhugs pa'i mchod pa rnams kyis mchod na rdo rje 'chang chen pos kyang mchod par
- 151b
'gyuraro// de bzhin du lha'i bu mo rnams kyis mthe bo rdo rje'i nang du zhugs pa'i las rnams kyi lha'i bu mo thams cad kyang bkug nas rol pa la sogs pa'i las thams cad nye bar sbyar ba'o// rdo rje lcags kyu ma la sogs pa'i nang gi khu tshur las rnams kyis yid kyis 'dod pa'i dngos grub thams cad// de nas dngos grub thams cad kyi rgyud ni rdo rje sems dpa'i phyag rgya chen pos dngos grub dang / dam tshig dang / ye shes dang / las kyi dngos grub grub pa'o// don yod pas grub pa myur du thams cad kyi bdag nyid bcom ldan 'das kyi byin gyis brlabs pas yid kyi 'dod pa grub pa'o// rab tu dga' ba'i rdo rje sems mi g.yo bar byed pas las thams cad bsgrub par byas na thogs pa med pa'i dngos grub kyi grub par 'gyuraro// de bzhin du rang gi phyag mtshan rnams kyis dngos grub thams cad grub par 'gyur ro// dang po nyin re lan cig tu// phyag rgya chen pos snying po bzla// rdo rje nye ba'i snying po yis// phyag rgya thams cad nges sbyar bya// thams cad don yod par bsgrub pa'o// bde ba chen po rdo rje che// gsang ba'i rtog pa mchog phyi ma// bsgrub pa don yod dam tshig ni// snying po skad cig dngos grub ster// rtsa rgyud phyi ma'i rgyud dang bcasau// phyag rgya'i rgyu dang ni bla na med// dngos grub mchog ni de bzhin du// bla na med pa'i ye shes grub// de nas dngango po'i dkyil 'khor la sogs pa'i phyag rgya thams cad kyi rgyud kyi cho ga rgyas pa'o// de nas bcom ldan 'das kyi phyag rgya chen po'i rgyud ni rkang pa g.yon du dgod bya ba/ zhabs kyi pad+ma ci bder bri// rdo rje dkyil
- 152a
mo dkrung bcas nas// sku ni drang por 'dzin pa bde// bsnyems bcas rdo rje gsor nas ni// rdo rje bsnyems pa yang dag 'chang // sku gsung thugs kyi rdo rje yis// rdo rje sems dpa' rang nyid 'gyur// 'dis ni rdo rje sems dpa' nyid// sangs rgyas nyid dam sras nyid dam// dngos grub kun gyi dbang phyug nyid// tshe 'di nyid la 'grub par 'gyur// sku gsung thugs kyi rdo rje yi// ci bzhin phyag rgya rjes 'brang nas// mtshan ma'i phyag rgya ldan pa yi// sems dpa' chen po nyid 'gyur// phyag rgya chen pos 'o// de nas dam tshig gi phyag rgya bcings pa ni// bde ba chen po'i rdo rje bshad do// rdo rje mda' la sogs pa'i bzhi po 'di las byung // 'dzub mo gnyis kyi lcags kyu'i phyi rol tu mngon par phyogs pa'o// mthe bos khyud pa'o// mthe bo gnyis kha phye la 'dzub mo gnyis dbus ma'i rtse mo 'dren cing srin lag dang 'theb chung mnyam par sbyar la rtse mo so sor phye bas chu srin gyi rgyal mtshan gyi bsgreng pa'o// brla gnyis la bskor zhing gnas pa'o// de bzhin du mtshams la rdo rje thal mos bskor bas so// sgo'i phyag rgya rnams ni rdo rje bsnyems pa'i khu tshur gyiso// bde chen mchog gi phyag rgya che// de bzhin dngos grub rab stsol ba// mda' sogs dam tshig sna tshogs pa'i// dngos grub chen po mchog ster ba'o// de nas chos kyi phyag rgya ni/ ho bing / hUM d+h+r-i ka hUM/ de rnams kyang dngos grub thams cad stsol ba'o// de nas las kyi phyag rgya ni rdo rje khu tshur rdo rje med pa rnams kyi rtog par bya'o// g.yon pa'i rdo rje bsnyems pa g.yas pa'i khu tshur
- 152b
bstod pa'i tshul gyis snying kar bzung bar byas pa ste/ rab tu dga' ba bstan par byed cing dngos grub thams cad stsol ba'o// mnga' gzhu gtong bas rdo rje mtshon cha ma'o// 'og tu 'khyud ba'o// rgyal mtshon gyen du bsgrengs pa'o// snyems pa gnyis bstod pa'o// sgeg pa dang bcas tha ma la sogs pas dkrol bas klog 'gyur ba'i gar g.yasu yongs su bskor bas me tog la sogs pa'i ka pu ta'i thal mo'i spyi bo nas phabaM/ rdo rje thal mo dkrol bas de bzhin du sgeg pa dang bcas pas mchod pa dor bar bya'o// rdo rje gar gyi nang gi mtshams kyi la'o// rdzogs pa'am ni ma tshang ba// yang na ci ltar rnyed pa bzhin// me tog mchod la sogs ma yin// dngos grub mchog stsol thun mong yin// dam tshig gi phyag rgya'i sbyor mtshan yongasu bzung ba'o// 'di rnams kyang don yod pa'i las bsgrub pa rnams so// rdo rje khu tshur gyi bdud rtsi'i chu bzla'o// 'jug pa'i cho ga'i phyag rgya bshad pa ni// dkyil 'khor chen po thams cad kyi// rdo rje slob dpon gyis byin gyis brlabs pa'i gsang ba'i dam tshig ces bya ba'i 'jug pa'i phyag rgya gnyis pa ni/ g.yon thebs 'dzub mo'i skye gnasu// g.yas pa mthe bo'i rtag bcu la la// btsir ba bde ba ster ba'o// 'dzub mo'i lcags kyu bcings pa dang / dkyil 'khor mchog tu 'jug par bya// yang na sems dpa' gang la 'jug/ de der myur du 'grub par 'gyur// rab tu dga' ba'i rdo rje ma'o// rang gi khu tshur gyi rdo rje'i bdud rtsi'i chu blangs nas chu'i rgyun nges dbang skur de thung ngu bcug na dbang bskur bar 'gyuraro// dbang bskur ba thams
- 153a
cad kyis// na tshod ngar la bab pa dang // nad med pa dang dngos grub thams cad dang ldan par 'gyur// 'di la rims dang / dug dang / sbyar dug dang / mkha' 'gro ma dang phyag rgya la sogs pa'i gnod pa byed par mi nus so// skyil mo krungs gi ni gar dang mchod pa 'bul bar bya'o// de nas mchod pa ni rdo rje gar gyiso// rdo rje glu blangs pas rdo rje gar dbul ba ni 'khor los bsgyur ba'i gar gyis so// rdo rje khu tshur yongasu bzung ba rdo rje stong pas rdo rje mtshon cha la sogs pa bskrad par bya ste/ mthar sgeg mo dga' ba'i rdo rje gsang ba'i gzhad pa dang bcas pa'i zhal dang spyan g.yo bas phyag 'tshal ba'o// bcom ldan 'das rdo rje 'chang dges pas dga' ba thams cad la sogs pa'i bde ba dang yid bde ba thams cad kyi dngos grub stsol bu yino// rdo rje bsnyams pa btsir ba rang gi snying kar bde ba bkrol na dkyil 'khor bkrol ba la rdo rje sems dpa' sgom pas reg pa dang rdo rje yid kyi gyen du btegs la rim pa nang gi dkyil 'khor du zhugs nas dam tshig nyams par mi 'gyur ro// rdo rje sems dpa'i sgom pas dkyil 'khor phyag na dam tshig nyams par yang mi 'gyur ro// de nas las kyi phyag rgya'i rgyud ni/ bde ba chen po rdo rje spyi bo dang / dpral ba dang / snying khar bzhag pa phab ste/ phyogs thams cad 'bar ba'i rab 'byung bar 'gyur te/ rdo rje khro bo'i rgyal po chen po rnams kyang 'jug par mi nuso// snying kar bsgom pa rdo rje dang bcas pa'o// gyen du kha lta bas ltung bar bya'o// rang gi g.yong yongs su sbyangs nas gdong bar dkrol bar
- 153b
bya'o// dbus ma'i rdo rje brtag par bya'o// dpung 'og gnyisu bzhag cing snying kar bzhag par bya'o// dar dpyang gi dbang bskur ba mthong ba'o// skye gnas las dong tshe 'byin pa'o// spyi bor bzhag par bya'o// sa la reg par bya'o// rab tu dga' ba'i rdo rje'i rtags kyi lcags kyus so// rtse mo gtod pa'i skye gnas bkrol ba lag pa g.yon pa'i thil nyed cing bsnun par bya'o// de btsir bar bya'o// mig btsum par bya'o// bskor zhir btsir nas khro bo'i blta bas blta bar bya'o// yongs su bskor na kha'i mthar tsho ba bstan pa'i g.yas pa'i 'dzub mo'i sdig 'dzub po// 'dzub mos lta bar bya'o// mthe bo btsir bar bya'o// yi ge mus phyag rgya bkrol ba'o// dang po'i the bo chung gi rdo rje bsnun par bya'o// de nyid rnam par 'gyur ba'i gdod pas so// de nyid yongasu bskor nas dpral bar gyen du kha lta bas gnas pa'o// de nyid kyi namakha' la 'deg pa'o// g.yo zhing btsum pa'i mig gi phyag rgya bcings par dgrol ba'o// mthe bo chung gi nor bus reg par bya'o// 'dzub mo mnyan pos zhabs kyi sor mo rje bar bya ste/ bza' ba'am yid kyi bzhag par bya'o// 'dzub mos sbyin sreg byed pa'o// rab tu dga' ba rdo rje gdod par dgrol bar bya'o// sbyin sreg byed pa'o// mtho'u chung gnyis skye gnas la sbyar te phyag rgya dral bar bya'o// srin lag dang mtha' 'am mnyam bar sbyar sor mo ba dan gyi tshul du bsgreng bar bya'o// rdo rje bsnams pas legs par byed pa 'dzub mo'i mthe bo mnyam po che ba dang bkug pa bskor nis bral bar bya'o// rdo rje bsdams pa rab tu brkyang ba'i mthil
- 154a
sa la reg par bya'o// dang po rdo rje sprin bskyed pa'o// 'dzub mos bzlog par bya'o// rdo rje lta bas 'phrog par bya'o// rab tu dga' ba'i rdo rje bshad// 'dzub mo gcig ni nor bu'o// mthe'u chung rdo rje sdigs 'dzub po// 'dzub mos sa 'og nas chu mig bkug la bstan pa'o// bde ba chen po rdo rje sa la bzung nas g.yo bar bya'o// 'dzub mo gnyis kyi gdeng ka'i tshul bstan pa'o// 'dzub mo rlung skyed pa'o// rab tu dga' ba'i rdo rjes 'dzub mo me long dang / long pa dang / na mkha' rdo rje lta ba dang / steng du bskor bar bya'o// rdo rje'i mdangs shing drung thams cad dang / nags dang / skyed mos tshal dang / 'bru thams cad la gzhag par bya'o// rnon pos klog par bya'o// bdag nyid kyis thams cad la drang bar bya'o// phyi rol gyi dpung mdun du bskor bar bya'o// rdo rje khu tshur gnyis kyi glog 'gyur bas bskor bar bya'o// glog 'gyu bas na mkha' lo skor bar bya'o// g.yas pas g.yon pa la 'deg par bya'o// rdo rje khu tshur gnyis g.yo zhing g.yo ba med la bzhag par bya'o// 'dzub mo mnyam pa'i dkyil 'khor ni nor bu'o// 'dzub mo'i rdo rje g.yon pa'i the bong gi bu gor g.yas pa'i 'dzub gzhug par bya'o// rab tu dga' ba'i rdo rjes steng du na mkha' la bka' bskyod pa dang / skye gnas g.yo ba dang / dbus ma'i rdo rje bskyod cing bcer ba'o// rdo rje yid las byung ba dang / rdo rje kI li kI li dang / rdo rje chu srin dang / rdo rje bsnyems ma ni bshad pa'o// rdo rje bsdams pa'i 'dzub mis ni gsol ba 'debs par byed pas 'dzum
- 154b
mo gnyis kyi rang gi mig bkab la yid kyi ci ltar mngon par 'dod pa bsgom par bya'o// sbyin sreg byed pa'o// 'dzub mos rang gi mig btsum par bya'o// snas bzung bar bya'o// btung bar bya'o// rtse mo bskyed cing sbyin sreg bya'o// mthe bo'i 'og tu rab tu bskyang la sbyin par bya'o// rdo rje'i sku'i phyag rgya'i mchog ni mthe bo 'dzub mo sems dpa'i dkyil mo krung gis 'dzub mo rdo rje ni rdo rje'i sku mchog go/ dbus ma'i mnyam pa'i mgo lcogs kyis ngag 'byin pa'o// snying kar gzhag nas/ oM bo d+hi tsit+taM ud pa ta ya mi shes bya ba bsgomo// mthe bo'i rtags g.yon pa'i the bo'i bu gar bzhugs pa'o// rdo rje khu tshur gnyis glog 'gyu ba ltar bskor bas rdo rje 'khor lo'o// rdo rje snyems ma rdo rje dang bcas pa'o// yi ge hUM gis sdig 'dzub bo// rab tu dga' ba'i rdo rje gar gyi kha sbyor ro// rdo rje snyems ma bshad// mthe bo chung gi zur gyi mdud pa'i rtse mo mnyam pa yongasu bskor/ 'og nas bteg pa 'dzub mo mnyam pa'i rtse mo dang dbang bskur ba'i gnas su gzhag na rdo rje mdzod spyi'o// de bzhin gshegs pa thams cad kyi khu tshur ni 'og nas bshad par bya'o// rdo rje gar gyi bzhad pa yi no// 'dzub mo phyir phyogs pa slang ba'i rdo rje snying kar badz+ra hUM zhes bya ba ni phyag rgya chen po'o// de bzhin du snying kar rdo rje sgom zhing ma hA sa ha hUM zhes bya'o// ye shes kyi khu tshur gyis ta thA ga to a hUM/ bcom ldan 'das kyi phyag rgya chen po bshad// de nas rdo rje khu tshur gyis bcings pa ni// 'dzub mo rdo rje bsdams pa bcings// 'dzub mo bkug pa gnyis kyis brgyan// mtha' ma gnyis kyis
- 155a
nang du ni// mthe bo gnyis kyi kha sbyar na// dam tshig chen po rdo rje mchog/ khu tshur dngos grub mchog kun stsol// rdo rje khu tshur rab tu brtags// de nas de bzhin gshegs pa'i rigs kyi phyag rgya'i rgyud chog rgyas pa ni rgya chen po rnams kyis ni/ ta~M thA ga to hUM zhes bya ba bcing bar bya'o// dam tshig cho ga mchog ni mthe bo mthe chung mnyam pa'o// rdo rje sna tshogs rdo rje'o// mngara' la sogs pa na de bzhin// las kyi phyag rgyu rnams ni de bzhin du bcings pa'o// lcags kyu ma bzhin no// khu tshur gyi khyad par rdo rje sngams pa'i khu tshur mthe bo gnyis la gnas pa dam tshig gi khu tshur te/ de gnyis su byas pa de bzhin gshegs pa'i khro tshu ro// de bzhin gshegs pa'i khu tshur gnyis dang / dkyil 'khor lngas phyag 'tshal zhing 'jug par bya'o// 'di dag kyang dngos grub thams cad sprul ba'o// de nas las kyi phyag rgya bcings pa ni rdo rje sku mchog gis spyi gcugs dang mdzod spu dang snying kar bzhag te skor zhing bskor bas khu tshur chos dang gtsug tor du bzung bar bya'o// de bzhin gshegs pa'i khu tshur gnyis kyi 'dzuH mo gnyis kyis sdigs 'dzub bya ba dang sbyin pa'i tshul bya'o// g.yon pa snying kar bzung ste g.yas pa'i 'dzub mo gcig gis la reg pa'o// gasmon pa'i khro bo'i 'dzu mo gA lpA swA pa'i lha tshur rgya na mngon par rdzogs pas de bzhin gshegs pa thams cad kyi khu tshur sangs rgyas nyidu myur du thob pa'o// rdo rje bsdams pa'i nyid du bcings pas bstan pa'i dkyil mo dkrungs// de nas rdo rje'i rigs kyi phyag rgya tshe
- 155b
ga rgyas pa'i rgyud ni 'jug pa'i phyag rgya rab tu dga'i rdo rje khro bo'i dgug pa'i phyag rgya de nyid do// phyag rgya chen po rnams kyang de bzhin// dam tshig ni 'og tu rdo rje bsdams pa'i sor mo thams cad 'bar ba'i nang du mthe bong rdo rje ni rdo rje khro bo ti ri ti ri s+t+wa~M/ rdo rje 'chang chen po sgrub par byed pa'o// gzhan dag kyang de bzhin no// chos kyi rnams ni de bzhin te// las kyi phyag rgya rnams ni de bzhi no// khu tshur khyad par ro// rdo rje khu tshur gyi 'dzub mo sdigs 'dzub po/ dam tshig las byung de bzhin no// de nas las kyi phyag rgya rnams ni hUM mdzad las byung ba'o// lag pa rdo rje'i mthe'u chung gdub bur bcings pa'i sdigs 'dzub ni/ rdo rje hUM mdzad de g.yon bskyang bas gnas pa'o// g.yon pa'i 'dzub mo'i rdo rje'i sdigs 'dzub po/ sna'i dbugs dang yi ge hUM giso// khros pa yi ge a sbyar ba'o// ha har dgod par gzhad par bya'o// snying kar rdo rje bsgoms pas rdo rje'i phyag rgya chen po'o// de nas pad+ma'i rigs kyi phyag rgya'i tshi ga rgyas pa'i rgyud ni de bzhin gshegs pa'i rdo rje'i 'dzub mo gnyis bkug nas de'i snying khar bzhag pa ni rdo rje pad+ma'o// phyag rgya chen po la sogs pa'i phyag rgya thams cad ni de bzhi no// dam tshig gi khyad par dang khu tshur gyi khyad par ro// kha 'bus pa'i thal mo las the bong dang mthe'u chung kha phye bas 'dab ma bzhi pa'i pad+ma chen po'o// thams cad bcings pa ni ci lta ba bzhin no// khu tshur gyi khyad par ni rdo rje bsdams pa'i 'dzub mo gnyis bkug la mthe bor mnyam par brkyang la dbus ma gnyis phyi rol tu bshibs pa dang bcas pa bzhag pa ste de gnyis su byas pa pad+ma'i
- 156a
khu tshur ro// de las las kyi phyag rgya rnams ni pad+ma chen pos bshad pa'o// de nyid spyi bo la'o// de nyid rdo rje lta bas lta bar bya'o// de nyid sor mo thams cad kha phye bas so// de nyid rdo rje gnyis kyi mig go// de nyid legs par byed pa'o// de nyid dpral byas nas gsol ba gdab par bya'o// de nyid g.yon pa'i skye gnasu mthe bo'i rtags bcug pa'o// de nas nor bu'i rigs kyi phyag rgya'i rgyud kyi cho ga rgyas pa ni/ rdo rje thal mo rab tu brkyang zhing mthe bong mnyam po la 'dzub mo bkug pa bzhag ste dpral ba'i mdzod spu'i phyogs su bzhag na dbang bskur ba thams cad gsol ba'o// phyag rgya chen po la sogs pa'i phyag rgya thams cad bcings pa de bzhino// dam tshig gi rdo rje bsdams pa'i ni 'dzub mo bkug pa'i sor mo nor bu the bong rdo rjes bkab pa rdo rje nor bu'o// gzhan rnams ni de las byung ba'i rdo rje rin po che'i khu tshur ro// de gnyis su byas nas rin po che'i khu tshu ro// de nas las kyi phyag rgya rnams ni rdo rje rin po che bsgreng ba bsgrub par byed pa'i myu gu'o// kha sbyar nas srin lag dang mthe'u chung mnyam po kha phye bas phyogs gi dar dbyangs 'dzin pa'o// dbus ma'i nor bu'o// mthe'u chung gi rtse mo'o// 'og tu gtor ba'o// rdo rje bsdams pa las ni 'dzub mo'i nor bu rgyang ba'i phreng ba'o// rdo rje rin po che gsum bdun dang log gnyis su bcing bar bya'o// rdo rje rin po che'i mdzod spu'i phyogasu bzhag ste/ 'dzub mos rtse mos steng du 'dud pa dar dbyangs kyi tshul du bya'o// mthe bo gnyis brtan pa'i skyil mo krung byas la 'dzub mo gnyis bkug nas mnyam pa'i kha 'bus
- 156b
pa'i mchog gi lus can de bzhin gshegs pa thams cad kyi sku'i mchog/ de spyi bo nas brtsams te mdun dang g.yas dang rgyab dang g.yon du bya ba byas nas de bzhin du mdun dang rgyab dang log gnyis su bsgeg pa/ dang bcas pas mtha' ma la sogs pa bkrol ba byas nas/ phreng ba bcings po'i mdud pa byang zhing dar dbyangs kyi tshul du bya ste/ rdo rje sems dpa'i dbang bskur ba dang srid pa gsum gyi dbang phyug thams cad kyi mchog rdo rje sems dpa' nyid thob pa yino// rdo rje thams cad kyi rtogs pa thams cad ni gong du ci lta ba bzhin no// de nas phyi'i phyag rgya shes par bya ba ni 'di yin te/ phyag rgya chen po ni g.yon por kham por dang g.yas su mda' stong pa'i phyag rgya'o// / dam tshig gi 'jug pa ni/ 'dzub mo dang / gung mo dang / srin lag mnyam par legs par sbyar la/ rtse gsum par byas la mthe bo dang mthe'u chung gnyis lu gu rgyud ni mgon po rnams kyi'o// ci nas ltar bzung ba bzhin du lha mo rnams kyi phyag rgya'o// dam tshig ni gung mo dang srin lag rdo rje bsdams pas 'dzub mo dang gung mo dang 'the'u chung dang srin lag mthe bo'i sor mo'i rtsa bar bsdus pa ni sring mo bzhi'i dkyil 'khor gyi phyag rgya'o// gal te dkyil 'khor rtag par mi nus na de'i tshe 'di bcings pas dkyil 'khor shin tu gsol ba yin no// lha mo rnams 'di nyid kyis spyan drang bar rang 'jug par bya'o// de nas sgyu ma'i 'khor lo ni g.yon pa'i steng du sor mo thams cad shin tu brkyang dam tshig dkyil 'khor 'khor lo ste/ lha ma yin thams cad kyi sgyu ma thams cad/
- 157a
don yod par bsgrub pa'o// gdengs ka can gyi dbang po'i mthe bo gnyis pa rtse mo'i phyi rol tu phyogs pa'i sor mo brgyad kyis klu thams cad dgug pa dang / bzhug pa dang / bcings pa dang / dbang du bya ba'i dam tshig ste/ lto 'phye chen po lag pa'o// gal te 'da' bar byed na 'chi bar 'gyur ro// gung mo dang srin lag bzhi pos mdud pa byas la mgu ba'i tshul gyis steng du bsgreng ste sdus nas mthe'u chung gnyis kyis rtse mos bteg par byas na dug thams cad 'bar ba dang / dug thams cad bcing ba dang / kun las bsdus te bteg pa dug thams cad 'jug pa'o// 'di nyid kyis dug thams cad za ba dang / 'pho ba dug med par bya'o// phyi rol gyi phyag rgya'i cho ga rgyas pa'i rgyudo// de nas rtogs pa thams cad bsgrub pa'i phyag rgya'i rgyud kyi cho ga rgyas pa'o// zhes bcom ldan 'das bde ba chen po'i rdo rje gsang ba'i dam tshig chen po rdo rje sems dpas gsungs so// de la sku'i phyag rgya lnga ni phyag rgya chen po rdo rje 'chang chen po'i rigs la'o// dam tshig gi phyag rgya de bzhin gshegs pa'i rigs la'o// rdo rje hUM mdzad ni rdo rje'i rigs la'o// pad+ma chen po ni pad+ma'i rigs la'o// rdo rje nor bu chen po ni/ nor bu'i rigs la'o// de nas gsung gi phyag rgya lnga ni mnyam pa'i glu thams cad kyi tshul rnams nus pa ci lta bu'i glu'i rgyan thams cad kyi glu blangs te bzlas pa ni rdo rje sems dpa'i rigs la rab tu dga' ba'i rdo rje'i ngag go/ lce dang chu gnyis shin tu g.yo ba med cing ngos shin tu ma 'byar pa dbyangs dang bral ba'i rdo rje'i 'di ni de bzhin gshegs pa'i rigs ste//
- 157b
rigs thams cad dgos pa'o// sprin gyi 'brug sgra yi ge hUM gi sgra phra mo dang ldan pa ni rdo rje khro bo rdo rje zhes bya ba'i rdo rje'i rigs so// tingange 'dzin gyi ngag pad+ma'i rigs la ste thams cad dag pa'i pad+ma zhes bya'o// chos kyi ngag nor bu'i rigs la ste mchod pa'i nor bu'o// de nas thugs kyi phyag rgya lnga ste/ thams cad bsgrub par bya ba la ni rdo rje sems dpa'i dngos pos so// sangs rgyas rjesu dran pas de bzhin gshegs pa'i rigs la'o// bdag gam bdag gi mdun du gsang bar bya'o// zhes bya ba ni rdo rje'i rigs la'o// sbyang bar bya'o// zhes bya ba ni pad+ma'i rigs la'o// nam mkha' thams cad bsgoms pas nor bu'i rigs la'o// de nas rdo rje'i phyag rgya lnga ni rdo rje rtse mo lnga 'od zer gyi phreng bas rtse mo yongasu khyab pa dang bde ba chen po'i rdo rje'i khu tshur gyis rdo rje sems dpa'i rigs la'o// rdo rje rtse lnga pa 'od zer dang bcas pa de bzhin gshegs pa'i rigs la'o// 'bar ba'i rang bzhin rdo rje rtse bzhi pa rdo rje khro bo khu tshur gyis rdo rje'i rigs la'o// pad+ma'i steng gi de bzhin gshegs pa'i rdo rje'i pad+ma'i khu tshur gyis pad+ma'i rigs la'o// rdo rje 'tshed pas rdo rje rin po che nor bu'i khu tshur gyis nor bu'i rigs la'o// de nas rigs thams cad rtogs pa'i gsang ba thogs pa med cing gdon mi za ba'i de kho na nyid kyi bden pa myur du mchog gi dngos grub cho ga rgyas pa bsgrub pa thams cad kyi rgyud bshad par bya'o// zhes bcom ldan 'das kyis don yod tsong thogs pa med par myur bas mchog gi dngos grub can rdo rje sems dpas gsungs so// rdo rje sems dpa'i phyag rgya
- 158a
chen po ni bde ba chen po'i rdo rje gsang ba'i dam tshig go/ gsang gi phyag rgya ni snying po'o// thugs kyi phyag rgya ni nye ba'i snying po'o// rdo rje'i phyag rgya ni rdo rje snyems ma'o// de nas phra mo'i las kyi phyag rgya'i rgyud don yod cing thogs pa med pa 'di yin te/ ma mchu'i sgros so rnams kyis bzungs nas rdo rje'i lta bas lta zhing thams cad rjes tshogs pa dang / dbang du byed pa dang / rol pa dang / brtan par byed pa'i dngos grub skad cig gis so sor mnyam myong ba ni rdo rje sems dpa'i rig la'o// rdo rje phra mos byin gyis brlabs te/ dam tshig tsam du lta bas de bzhin gshegs pa thams cad kyi tshul khrims dang / ting 'dzin dang / shes rab dang / rnam par grol ba dang / rnam par grol ba'i ye shes mthong ba'i dngos grub thob par 'gyur ba ni de bzhin gshegs pa'i rigs las byung ngo // khro gnyer dang bcas pa'i khro bos mi bzod pa'i lta ba bya ba shin tu mkhal bsdams nas thams cad ltung ba dang / dbab pa dang / rengs pa dang / nyal du bcug pa dang / rgyas btab pa dang / gsod pa dang / gzhan gyi dpung rmugs pa dang / thams cad las rnam par rgyal ba'i dngos grub skad cig mas 'byung bar 'gyur ba khro bo'i rdo rje khu tshur rigs la'o// btsums pa med pas rdo rje lta bas mchu mnyam pa ni sgrib pa thams cad rnam par sbyang ba dang / bsrung ba dang / ting 'dzin mngon du gyur pa'i dngos grub 'byung ba ni pad+ma'i rigs la'o// 'bar ba'i lta bas zhal rnam par gzhad pas dbang bskur ba
- 158b
thams cad dang phun sum tshogs pa thams cad dang mchod pa'i cho ga rgyas pa'i dngos grub myur du thob par 'gyuraro// de nas phyag rgya thams cad bcing ba bsgrub pa ni nyin re mngon du lan cig tu snying po rang nyid bsgrub pa ste/ rang gi bcings nas mdor sdus pas/ phyag rgya thams cad grub par 'gyur/ de nas phyag rgya thams cad kyi gsang ba grub pa ni/ snying po'i phyag rgya sngags rigs pa'i// bsgrub pa 'di ni rma du byung // ci nus tsa 'dod bzlas pa yi// nye ba'i snying po gsang ba'o// don yod thogs med gsang ba dang // rang bzhin grub pa de bzhin du// bsod nams med pa rnams la yong// dngos grub kun la grub par 'gyur// dkyil 'khor ma zhugs pa rnams la// snying po mchog 'di sbyin mi bya// gsang ba'am gsang rgyud dam pa ni// gal te dngos grub yid 'ongs 'dod// gang gi khyim du gnas gyur pa'i// phyag rgya sngags 'di dge ba ste// gzhan gyi mi thub mi gsod cing // dngos grub thams cad thob par 'gyur// sems can thams cad bde don dang // bsgrub pa thams cad bsgrub pa'i phyir// sras bcas sangs rgyas thams cad kyi// rdo rje mchog 'dzin de la zhus// bde ba chen po rab bsgrub dang // chags pa chen po rnam dag phyir// rtogs pa thams cad bsdus pa'i rgyud// sems dpa' chen po so bshadu gsol// rnam rtog med pa'i chos rnams la// 'dir ni rtog pa gang zhig brjod// snying po zhes ni gang bshad ba'i// ye shes rgyud ni ji ltar yin// dkyil 'khor zhes ni brjod par ci// der 'jug yon tan ci dang ldan// rigs kyi 'khor lo'i khyad par dang // gzhan yang bsgrub pa ci lta
- 159a
bu/ rdo rje sems dpa' sems dpa' nyid// 'di ltar ji ltar de nyid gang // thog ma tha ma med nyid dang // rab tu dga' ba ci ltar 'gyur// dang po snying po 'di yi yin// de bzhin nyid ni gang zhig yin// hUM gi glu ni gang gis gsungs// 'di'i don ni ji ltar brjod// sems ni rdo rje nyid dang ni// de bzhin phyag rgya rdo rje nyid// sangs rgyas rnams ni 'byung ba dang // rigs rnams kyang de bzhin du// sangs rgyas byang chub bsgrub pa dang // sangs rgyas bdud du ci ltar 'gyur// rtogs pa rnams kyang bsgrub pa dang // dang po'i snying po'i de nyid dang // snying po phyag rgya sngags rig pa'i// bsgrub pa de bzhin dngos grub rnams// bsod nams med pa ji ltar bsgrub// me tog spos dang mar me dang // dri rnams ci yin ci ltar 'gyur// mchod pa yang ni ci ltar bya// gsong ba'i mchod pa ci ltar yin// kun byed kun za sdig pa can// shin tu sdig can ji ltar bsgrub// don yod thogs med dngos grub kyis// de rnams ci ltar 'grub par 'gyur// gsang ba de yang gang zhig yin// 'di nyid du ni gang gis grub// bde ba/ chen po rab grub dang // chags pa chen po rnam dag phyir// gsang ba'i de nyid gsang ba ni// bdag cag rnams la kun bshad gsol// de nas bcom ldan 'das rdo rje 'chang chen pos de bzhin gshegs pa thams cad kyis gsol ba btab pa'i tshig gsan nas/ zhal rab tu bzhad pa'i/ bzhad pa chen po dam tshig chen po thams cad kyi de kho na nyid kyi rdo rje zhes bya ba'i rnam par gnon pas mdzad nas rtog pa
- 159b
thams cad kyi rgyud phyi ma 'di gsungs so// de la rnam par mi rtog pa khyab pa'i rgyud ni/ rnam rtog med pa'i ting 'dzin las// sems can don ni yongs su brtag/ de na rtag par bshad bya ste// rtog pa yongs su dag phyir ro// de la bde ba chen po'i rdo rje gsang ba'i dkyil 'khor rgyud ni 'di yin te/ sa la yi ge'i gnas bris nas// bde ba chen po zhes brjod pa// de'i dam tshig rdo rje ste// snying po thams cad bsgrub byed pa'o// dkyil 'khor gyi bshang ba'i rgyud ni/ ci ltar gnas dang ci ltar dus// ci ltar 'jig rten ji lta bu// 'khor ni dgod par bya ba ste// de lta bu'i dkyil 'khor bri// de nas dkyil 'khor thams cad zhugs pa'i rnam par smin pa'i rgyud ni rdo rje sems sogs sems dpa' yi/ 'khor bcas de tshe dkyil 'khor du// zhugs pa'i bsod nams ci 'dra ba// de ltar bris pa'ang de dang 'dra// de nas rigs thams cad kyi 'khor lo'i khyad par gyi rgyud ni/ rdo rje'i 'khor lor bstan pa bzhin// lcags kyi 'khor lo dam pa ste// 'bar ba'i 'khor lo de bzhin du// pad+ma 'dab brgyad nor bu che// de nas dkyil 'khor thams cad bsgrub pa'i rgyud ni/ dkyil 'khor brtag par byas nas ni// nang gi rim par zhugs bya ste// dkyil 'khor bdag la dza hUM baM ho// prang sid d+h+ya mi brjod bya// de nas rdo rje sems dpa' de nyid ni/ sangs rgyas la sogs 'gro kun gyis thams cad bdag nyid bcom ldan mchog/ sems can 'byung phyir sems dpa' che// rdo rje sems dpa' rab tu grags// de nas dam tshig chen po'i de kho na nyid bshad pa'i rgyud ni/ thog mtha' med pa'i
- 160a
sems dpa' ni// rdo rje sems dpa' dga' ba che// kun tu bzang po kun bdag nyid// 'khor ba mya ngan 'das de bzhin// de nas thog ma dang tha ma med pa'i de kho na nyid bshad pa'i rgyud ni/ thog mtha' med pa thams cad ni// nam mkha' 'byung ba chen po'i gnas// nam mkha' skye ba skye med phyir// rdo rje sems dpa' de bzhino// de nas bcom ldan 'das rab tu dga' ba'i bshad pa'i rgyud ni/ rab tu dga' phyir nyon mongs te// 'dod pa thams cad bde 'dod pa// de la bde ba rnam dag phyir// srid gsum snga rol bcom ldan 'byung // de nas dang po'i snying po de kho na nyid bshad pa'i rgyud ni/ chags pa kun las chags pa che// 'dod ldan thams cad sad par byed// 'dod chags 'bar ba dri za yi// snying po phyag rgya rdo rje'o// de nas yi ge hUM gi glu blangs pa'i rgyud ni/ glu las chags pa dga' las 'dod// rab tu dga' las thams cad 'byung // thams cad 'byung bar grub po'i phyir// bskal pa dang por bcom ldan gsungs// de nas yi ge hUM gis bzlas pa'i don gyis bshad pa'i rgyud ni/ myur du thams cad rjes chags pas// rje su chags par byed mchog ni/ snying po bzlas pa'i don yono// de nas rdo rje sems rgyud ni// glu rnams ji ltar khro bo ni// bsdus nas kun tu 'jug pa na// rdo rje thog ni brtan gyur pa// de bzhin rdo rje bsdus pa'o// de nas rdo rje sems dpa' 'byung ba shes pa'i rgyud ni/ thams cad de nyid sems dpa' ni// bdag gis bdag nyid la'ang gnas// rdo rje sems dpa' dngos su ni// myur du thams cad du'ang zhugs// de nis de bzhin gshegs pa 'byung ba bshes pa'i
- 160b
rgyud ni/ 'dod chags pas ni dga' las bde// bde las sdig pa sdig pa sdug/ sdug las ting 'dzin shin tu bstan// rdo rje nyid las sangs rgyas 'byung // de nas de bzhin gshegs pa'i rigs la sogs pa 'byung ba'i rgyud ni/ de bzhin gshegs pa'i rigs nyid dang / de nyid rdo rje rin chen dang // de nyid pad+ma'i rigs dag pa// de nyid nor bu'i rigs mchog bshad// de nas mngon par byang chub pa'i rgyud ni/ rang sems so sor rtog pa ni// byang chub sems ni yang dag 'byung // rdo rje nyid phyir sangs rgyas nyid// bdag nyid sangs rgyas rab tu sgom// de bzhin gshegs pa bdud nyi du shes pa'i rgyud ni/ rang sems nyid ni bdud nyid de// sems nyid de bzhin gshegs pa yin// rang gi sems ni 'dul ba'i phyir// sangs rgyas bdud nyi du ni 'gyur// de nas rtog pa thams cad bslab shes pa'i rgyud ni// rtog pa kun la grub bya gang // rgyu ba dang ni mi rgyu yin// rang gi lha'i rnal 'byor gyis// de dag thams cad bsgrub par bya// de nas dang po'i snying po sgrub pa shes pa'i rgyud ni/ bzlas pa'i don shes nus pa yis// rdo rje sems dpa' rab sgrub ste/ ci srid 'dod pa 'das pa'i mchog/ dngos grub chen po'i bde ba ste// de nas snying po dang / phyag rgya dang / sngags dang / rig pa sgrub par shes pa'i rgyud ni/ sems dpa' gang ga'i snying po dang // phyag rgya sngags dang rig pa dang / bzlas pa'i don du sems dpa' che// bdag nyid dang ni bsgrub bya ste// de nas dngos grub shes pa'i rgyud ni/ rdo rje sems dpa' dngos grub che// de bzhin de bzhin gshegs kun gyis// byang chub rdo rje sems dpa' nyid//
- 161a
las kun mchog gi dngos grub phyir// de nas bsod nams med pa rnams kyi grub par shes pa'i rgyud ni/ ci 'dod 'khor lo bris nas ni// ci'ang rung ba thal bas kyang // sems dpa' chen po bzhag byas nas// nyin zhag bzhir ni bsgrub par bya// de nas slob dpon nyid kyi dngos grub shes pa'i rgyud ni/ bde ba chen po'i rdo rje yi// gsang mchog dam tshig grong khyeraro// ci bzhin rang nyid rab bzhugs te// bdud rtsi chu'i dbang bskur bya// de nas me tog la sogs pa'i mchod pa 'bul ba'i shes pa'i rgyud ni// rdo rje can la mchod pa kun// de bzhin gshegs pa'i rigs la dkar// rdo rje bdag nyid nag po ste// dmar po pad+ma nor bu ser// de nas 'bul ba shes pa'i rgyud ni// rdzogs pa'am ni ma tshang ba// yang na ci ltar rnyed pa ni// rdo rje gar sogs mchod pa dang // rtag tu thams cad 'grub par 'gyur// de nas dus kyi mchod pa shes pa'i rgyud ni/ drug ldan la sogs snyan pa'i glu/ glu ni thams cad ci 'dod pas// rdo rje 'byed pa la sogs 'grol// mchod pa dag ni rab tu bya// de nas gsang ba'i mchod pa shes pa'i rgyud ni/ rdo rje gar bcas mchod pa ni// go rim ci lta ba bzhin du// bzlas pa'i don gyi ma rjod dang // mchog gi dngos grub 'grub par 'gyur// de nas sdig pa chen po byed pa'ang grub par shed pa'i rgyud ni/ dkyil 'khor la ni ma zhugs kyang // tshul khrims 'chal pa la sogs pa// ting 'dzin gyi stobs kyis ni// sdig pa kun las grol bar 'gyur// de nas dngos grub mi thob pa'i rgyu shes pa'i rgyud ni/ chags pa smad par mi bya ste// rnam
- 161b
/ ngag de bzhin bde ba gter// bcom ldan 'das kyang chags pa che// 'di ma dag pas 'grub mi 'gyur// de nas mchog gi dngos grub bsgrub par shes pa'i rgyud ni/ ci bzhin yul dang ldan gyur nas// mchog gi dngos grub bsgrub par bya// rtog pa kun las rnal 'byor 'di// tshe 'di nyid la bsgrub par byed// bde ba chen po rdo rje gsang ba'i rtog pa'i rgyal po chen po'i rdo rje rin po che chen po las rtogs pa thams cad kyi rgyud phyi ma'i cho ga rgyas pa'o// de nas bcom ldan 'das rtog pa de bzhin gshegs pa thams cad kyi rdo rje gsang ba de bzhin gshegs pa thams cad kyi dbang bskur ba'i rdo rje rin po che/ de bzhin gshegs pa thams cad kyi cho ga gzigs pa'i ye shes kyi dbang phyug gi rdo rje'i pad+ma/ de bzhin gshegs pa thams cad kyi sna tshogs pa'i mdzad pas 'phrin las dam pa'i cho ga rgyas pa'i rdo rje thams cad la khyab pa/ ma lus shing lus pa med pa'i rdo rje'i khams bstan pa'i dngos grub kyi cho ga rgyas pa na mkha'i khams kyi mthar thug par chos kyi dbyings spro bar thams cad khyab pa'i de bzhin gshegs pa thams cad kyi 'khor lo mngon par mkhyen par mdzad nas dang po'i snying po'i gsang ba'i de kho na nyid kyi rdo rje'i sgrub pa'i rgyud 'di gsungs so// ci srid 'khor ba'i gnas la zhugs// de srid sems can mngon par mdzad// mya ngan 'das bzhugs gzi brjid can// sems can don ni nus pa min// de phyir sems dpa' ngom pa rnams// 'khor ba'i srid 'khor bar zhugs// sems can don ni mngon par zheng // thams cad dag pa'i mchog chos can// de bzhin gshegs
- 162a
bas mi 'dul bas// sems can don ni mdzad pa ste// 'dir ni rab grub dngos grub mchog/ dus kun tu ni thams cad// rdo rje 'chang chen la sogs pa// 'di ltar bsod nams rnam smin gyis// kun la mthong ba la sogs kyang // rang gi las kyi mdzad mi spyod// dkyil 'khor la ni ma zhugs kyang // srid pa 'di la myur 'grub 'gyur// shin tu mthong ba la sogs kun// sems can thams cad rab rtsal mdzad// kun nas dus kun thams cad la// dngos grub thams cad rab rtsol 'gyur// rgyal po rdo rje 'chang chen po// srid pa'i dbang phyug kun gyiso// de phyir bsgrub bya 'di bshad bya// dngos grub shin tu rtag pa'o// gang gis srid pa 'di nyi du// shin tu rtag pa'i dngos grub thob// lugs ma'am ni sdungs ma'am// ri mo bris pa'am 'dus byas pa'i// phyag na rdo rje'i sku gzugs ni// ci bzhin bshad pa rab bzhugs bya// bde ba chen po rdo rje gsang ba'i dam tshig gi de kho na nyid bsgrub pa'i dngos grub kyi cho ga rgyas pa'o// de nas bcom ldan 'das de bzhin gshegs pa thams cad kyi phyag rgya'i ye shes kyis slar yang phyag rgya thams cad bsgrub pa'i dngos grub kyi rgyud 'di gsung so// nyin re snga rol dus ci bzhin// dang po'i rdo rje bde ba che// 'di ni rtag pa thams cad la// phyag rgya thams cad mdor bsdus pas// dam tshig yang dag bcings nas grub// phyi nas ma bsgrubs kyang 'grub 'gyur// de nas bcom ldan 'das kyi rdo rje chos kyi de kho na nyid kyi gsang ba'i sngags grub pa 'di gsungs so// langs pa'am ni 'dug pa'am// gang dang der ni gnas pa'am// thams cad rjes
- 162b
/ chags rnal 'byor gyis// dngos grub thams cad thob par 'gyur// de nas bcom ldan 'das kyis las kyi gsang ba'i de kho na nyid kyi rgyud 'di gsungaso// gsang ba'i mchog chod pa'am// yang na mchod pa ci bde bar byas te mgon po bsgrub byas nas// mchog gi dngos grub myur du thob// de nas rang gi phyag rgyas bdag nyid bsgrub pa'i rgyud ni// phyag rgya chen po mnyam bzhag ste/ rang gi snying pos lan cig bsgrub// brtan zhing shin tu dgyes kun chag so// shin tu rgyas myur bdag po grub// de nas yi ge hUM gi glu blangs pa'i grub pa'i rgyud ni/ ri b+hing sogs rgyan dang ldan// ci nus pa dang ci 'dod pa// dri za dang po blangs nas ni// yi ge hUM gis grub par 'gyur// zhes bcom ldan 'das tshogs pa chen po dang po'i rdo rje sems dpas gsungaso// de kho na nyid chen po'i gsang ba'i dngos grub bsgrub rgyud do// rtogs pa thams cad kyi las kyi phyag rgya bshad par bya'o// zhes bya ba bcom ldan 'das thog ma dang tha ma med pa'i 'phrin las kyi rdo rje sems dpas gsungs so// shin tu ring ba'i tshe 'phel ba ni bde ba chen po'i rdo rje'i choso// shin tu gzhon pa'i na 'tshod 'phel ba ni/ bde ba chen po'i rdo rje'i bcud kyis len gyis so// gzugs chen po dang gzi brjid chen po 'phel ba ni bde ba chen po'i gzugs kyi gzi brjid kyiso// 'du byed chen po thams cad 'phel ba ni bde ba chen po rdo rje 'du byed chen pos sems can thams cad kyi bdag nyid thams cad ni/ bde ba chen po rdo rje gsung bas so// phyogs thams cad dang mtshams dang dkyil 'khor bcing ba ni bde ba chen po rdo rje bskur bas te/ thams cad rdo rje chen po ma/
- 163a
ngo bo nyid khro bo'i rgyal po chen po rdo rjes kyang 'jug par mi nus shing mi phyed par 'gyuraro// bsrung ba ni bde ba chen po'i rdo rje'i byin gyis brlabs pas so// bdag nyid kyi dngos grub thams cad dam gzhan dag rdo rje byed pa ni bde ba chen po'i go chas so// 'thab mo thams cad las rnam par rgyal ba ni bde ba chen po'i rdo rje'i rgyal mtshan mchog gi dpung rgyan gyiso// 'thab mo bsrung ba ni bde ba chen po'i gzhan gyis mi thub pas so// gzhan gyi dpung thams cad bshig pa ni rdo rje'i bde ba chen po'i rdo rje 'dzin paso// gzhan gyi dpung nyams pa dang ldan pa dang ltung ba dang / bsod pa ni bde ba chen po'i rdo rje glog skor bas so// rims thams cad la sogs pa'i nad chen po zhi ba chen po rdo rje 'phrog paso// dug thams cad gzhig pa dang dug med par bya ba ni bde ba chen po'i rdo rje 'phrog pas so// phyag rgya gdon thams cad dgrol ba ni bde ba chen po'i 'byung po bkrad paso// ma mo mkha' 'gro ma dang / gzhom pa dang snying gzhan 'byung ba dang / shi ba gso ba dang / tshe 'phel ba de bzhin du bsrung ba rnams ni bde ba chen po'i rdo rje'i phyag rgya'i lan gyis so// thams cad dbab pa dang / g.yo ba dang / 'chi ba dang / gar byed gzhug pa dang / glu len du gzhug pa dang / snga ma 'byung ba so sor bstan pa dang / rma du 'byung ba dang / cho 'phrul bstan pa dang / bde chen thams cad pa thams cad slar gzhug pa dang / dgrol ba dang / bsrung ba dang / sos su bcug pa rnams ni bde ba chen po'i rdo rje dbab pas so// rgyu ba dang mi rgyu ba'i dngos po thams cad la yid
- 163b
'dod pa'i pra dbab pa thams cad grub pa ni bde ba chen po rdo rje pra dbab paso// rang gi lus dang / ngag dang / yid rdo rjes mthong ba dang / thos pa dang / smra ba dang ston pa'i shes pa grub pa ni bde ba chen po rdo rje'i/ bdag nyid bsgoms pa'o// thams cad las 'das pa dang / ma 'ongs pa dang / da ltar byung ba thams cad kyi bka' mthong ba'i yi ge sna tshogs pa'o// dngos po sna tshogs thams cad kyi rna ba'i shes pa rab tu 'jug pa ni bde ba chen po'i rdo rje thams cad mkhyen paso// klog dang / char dang / thog dbab pa thams cad bzlog pa dang / sprin gzhig pa ni bde ba chen po'i rdo rje khro bos stabs so// sa'i 'og thams cad las sngar ma byung ba'i 'bru la sogs pa'i 'bras bu 'byung ba dang / nye bar len pa dang / chu med pa'i gnas las chu'i dngos po 'byung ba dang / nye bar len pa dang / mun pa chen po snang ba chen po bskyed pa dang / nye bar len pa dang / rlung thams cad la bka' sgo ba dang / nye bar len pa dang / nam mkha' thams cad las yid kyi 'dod pa'i dngos po thams cad mthong ba dang / nye bar len pa ni bde ba chen po'i rdo rje dbyings kyi dbang phyug mo so// thams cad gzhom pa dang / rengs pa dang / dral ba dang / rmugs pa dang / gnyid log par bya ba dang / rgyas gdab pa dang / ltung ba dang / rmongs pa dang / gsad pa dang / phyir log pa ni bde ba chen po'i gdug pa'i rdo rje'i phyag rgyaso// thams cad rjes su chags pa dang / dgug pa dang / gzhug pa dang / dbab pa dang / bcings pa dang / dgrol ba dang / dral ba dang / lhung ba dang / ltung ba slongs
- 164a
ba dang / 'dren pa dang / bran du byed pa dang / mngag gzhug bka' sgo ba byed pa dang / thams cad tshur drang ba dang / par btang ba dang / gsang pa dang / slar gso ba la sogs pa'i las thams cad byed pa dang / dbang du byed pa'i bsgrub pa ni bde ba chen po'i rdo rje'i thams cad bsgrub pas so// rigs thams cad kyi mchog gi dngos grub la sogs pa'i mchog gi dngos grub thams cad dang / mchog gi dbang bskur ba la sogs pa thams cad dang / phun sum tshogs pa thams cad dang / thams cad rjesu chags pa la sogs pa'i bde ba dang / yid bde ba thams cad rab tu gzhug pa dang / mchod pa chen po thams cad la sogs pa'i las thams cad myur du grub pa'i cho ga rgyas pa ni bde ba chen po'i rdo rje'i mchog gi dngos grub kyiso// de la bde ba chen po rdo rje gsang ba'i dam tshig gi dang po'i mchog gi dam tshig gi las kyi phyag rgya'i rgyud ni 'di yin te/ bde ba chen po'i rdo rje'i ni rdo rje sems dpa' tsher ster ba'o// 'di'i las kyi phyag rgya thams cad bcing ba'o// dbus ma'i rdo rje btung bar bya/ rtse mo'i 'od zer byas nas gdong ba yongs su sbyangs te gdong bar dgrol bar bya'o// bdag kun tu bskor nas snying kar dgrol bar bya'o// gtsug tor dang phyogs thams cad dang dkyil 'khor bskor ba'o// snying kar dang / yid kyi rgyob dang / phrag pa dang / spyi bo dang / dpral bar bzhag la rdo rje'i khu tshur gnyis kyis phreng ba bcings la go cha byas te/ mdud pa byas nas rdo rje'i gnas rnamasu slar yang phreng ba byas pas rgyab tu mdud pa bya ste/ ngar sbyangs bya'o// snying kar dang /
- 164b
dpral ba dang / mgrin pa dang / spyi bor bzhag par bya'o// dbus ma'i ngar mchog go// byab pa'i gyen du kha bltas pa'i dbugs pa dang 'jigs pa'i gdong gis bltas paso// 'bar ba bzhi'i tshul gyis 'dor zhing khros pa'o// rang gi snying kar bcings te zhi ba'i lta bas rtse mo 'khrog par bya'o// dbab pas myur du dgrol bar bya'o// yongasu bskor nas dpral bar bzhag te/ dbus ma'i rdo rje sor mo'i rtse mo gnyis bskyod par byas nas ci lta ba bzhin du las byed pa'i snying kar bzhag te/ dbus ma rdo rje'i las ni 'di lta ste/ snying kar bstod pa dang / bskyod pa dang / bcings pa dang / gar bye du bcug pa dang / mgrin pa gsal ba dang / rtse mo btsir ba dang / kha 'bus pa dang / mgrin pa gsal ba dang / bcings pa myur du dkrol ba dang / bsang pa dang / byab pa'i laso// snying kar kha sbyor bskod pa'o// nyin re bzhin snga rol tu lan cig lus yongs su sbyang ba/ mgrin pa gsal ba'i ngag dang / snying kar bzhag pa dang / phyag phya lta ba ste/ nyin re snga rol tu lan cig dbang po thams cad la kun bskor bar bya'o// dbus ma rdo rjes byed pa ni khro bo'i rdo rje'i lta bas so// dbus ma rdo rje las ni 'og nas 'byung ste/ nye bar longs spyod pa dang / thams cad la dgug par byed pa dang / dbab pa sbyin pa dang / 'bar ba'i me stag byed pa dang / nye bar len po dang / rlung gis tshul dang / na mkhar bsgoms pas las du ma'o// dbus ma'i rdo rje'i lus ni phyag rgyas gzhom pa dang / rtse mo gnyis snying kar btsir ba dang / sor mo brung pa dang / maug la reg pa dang / btsum pa dang / sor mo mnyam pos snying kar
- 165a
bteg pa dang / ltung ba dang / glong par byed pa dang / phan tshun rdeg pa dang / rang gi snying kar rang bzhin du bzhag pa'i laso// dbus ma'i rdo rje las ni mnga' gtod pa dang / lcag sgrogs gnyis kyi dgug pa dang / g.yon pa la g.yas pa bcug pa dang / rtse mo bskyod pa dang / gdu bur bcing pa dang / myur du dgrol ba dang / sor mo mnyam por myur du bral ba dang / ltung ba dang / 'og nas bteg pa dang / g.yon pa g.yas pas drang ba dang / las thams cad la sbyor bar bya ba dang / 'og nas bskyod cing gyen du drad pa dang / tshur 'dren pa dang / phar gtang ba dang / g.yon dang g.yas kyi drang por 'deg pa dang / rang gi snying kar rtse mo'i 'dren pa dang / las thams cad la nges par sbyong bar byed pa'i las dang / snying kar 'khor lo gzhug pa dang // dbang bskur ba'i phreng ba dang // dar spyad 'ching bar byed pa dang / snying ka las drangs te bde ba tshur 'dren pa thams cad yongasu sbyangs pa dang / gar gyis blangs te spyi bor dgrol ba'i las so// bde chen po rab grub dang // tshogs pa chen po rnam dag phyir// don yod thogs med sna tshogs pa'i// phyag rgya'i rgyud ni rab tu bshad// rdo rje 'dzin pa chen po yis// sangs rgyas sras bcas bdag nyid kun// sems can thams cad myur grub dang // don yod dngos grub kun brtsol kha lo/ dkyil 'khor dag tu ma zhugs pa// sdig pa'i las ni kun dang ldan// de dag kyang 'grub 'gyur te// bcings pa tsam gyis sdig byang phyir// gang zhig le la nyid kyis sam// brtson 'grus ldan pa yang
- 165b
tshang ba// dkyil 'khor med pa'i sems can gang // slob dpon nyid phyir ma brlabs dang // de dag grub mchog rdo rje che// rdo rje slob dpon nyid du 'gyur// don yod mchog dang sna tshogs pa'i// bcings pa tsam gyis myur grub byed// bsam pa thams cad yongs rdzogs pa'i// mchog gi dngos grub kun la 'jug/ dang po'i 'byung ba'i rdo rje mchog/ bde ba chen po yang dag 'byung // dag cing shin tu grub pa dang // dgrol ba thams cad la yang ngo // de nas phyag rgya thams cad bsgrub pa'i gsang ba'i rgyud ni/ las 'dod thog mar phyag rgya ni// skal pa ci bzhin snying pos sgrub// rang gi bdag nyid nges sbyar bya// bde ba chen po'i rdo rje gsang ba'i rtog pa'i rgyal po las/ bde ba chen po'i thams cad kyi rdo rje'i dam tshig don yod pa'i dngos grub kyi mchog ces bya ba'i rgyud phyi ma'i cho ga rgyas pa yongasu rdzogs s+ho// / de nas bcom ldan 'das de bzhin gshegs pa thams cad kyis yongasu mthar thug pa med pa'i sku dang gsung dang thugs rdo rje thams cad kyis las kyi sbyor ba/ rdo rje 'chang ba dang bcas pa rnams kyis bde ba chen po'i rdo rje gsang ba'i dam tshig rtog pa'i rgyal po chen po 'di sems can gyi khams ma lus pa kun khyab cing spro ba dang dngos grub kyi thams cad kyi cho ga rgyas pa srid pa thams cad kyi rtse mo'i yongs su mthar thug pa'i gsung rab yongasu mthar thug pa'i don du thog ma dang tha ma med pa'i rdo rje sems dpa' la gsol ba btab pa yin// rdo rje na mkha' chen po yi// chos kyi dbyings ni spro ba mchog/ rdo rje na mkha' chen po mi/
- 166a
@chos dbyings spro ba'i dngos grub gter// rtag tu sangs rgyas thams cad ni// rdo rje 'chang chen bcas pa dang // rdo rje 'chang gi thig pa ni// yongasu mthar thug nus pa min// e ma'o mngon zhen sems can dang // le lo can dang las kun ldan// thugs rje dam pa'i rdo rje khyod// byang chub sems ni bla na med// bde ba chen po rab bsgrub dang // chags pa chen po rnam dag phyir// rtog pa 'di ni mthar thug pa// rab tu bsgrub phyir mthar thug brjod// de nas bcom ldan 'das de bzhin gshegs pa thams cad kyis gsol ba btab pa'i tshig gisan nas/ de bzhin gshegs pa thams cad tinge 'dzin rdo rje sems dpa'i byin gyis brlabs pa zhes bya ba'i ting nge 'dzin la snyoms par zhugs nas 'di gsungs so// bde ba chen po rab bsgrub dang // chags pa chen po rnam dag phyir// thams cad dngos grub don du ni// yongs su mthar thug byin brlabs pa'o// gang gi tshul mchog 'di ni nyan gyur dang // gang gi khyim na gsang ba thams cad gnas// bde chen mchog gi rdo rje mchog gsang ba'o// dngos grub tshe 'dir de dag rnams la brtan// brtan pa nyid phyir 'dul bar nga mi byed// sems can don du rgyal ba las dag phyir// rnam par sbyang bar mdzad pa yin te// rtog pa 'di ni bgegs med bdud rnams med// dngos grub 'phel med min par byin gyis brlabs// bdud dang brtan med nyid ni bdag mi byed// brtan pa nyid phyir 'dul ba'ango mi byed// rtog pa chen po'i mchog 'di gang grub pa// myur du dngos grub mchog phyir bdag brtan//
- 166b
'gyur// brtan zhing rab dges brtan pas rje su chags// bde ba chen po byed cing shin tu rgyus// nga'i dang po snying po gang bsgrub pa// de la nga ni rtag tu dngos grub ster// de nas de bzhin gshegs pa thams cad 'dus nas leg so zhes bya ba byin nas bcom ldan 'das kyis gsungs pa la mngon par bstod do// / bde ba chen po rdo rje gsang ba zhes bya ba rtog pa'i rgyal po mchog tu grub pa yongasu rdzogs s+ho// // de nas bcom ldan 'das byang chub sems dpa' sems dpa' chen po phyag na rdo rje 'di nyid sla ro yang ston par mdzad cing rab tu 'dzub pa dang mchog dang po'i rdo rje bde ba chen po rdo rje snyems pas gsor nas rang gi thugs khar stong pa'i tshul du 'dzin cing mchog tu gsang zhing mchog tu grub pa don yod cing thogs pa med pa bde ba chen po rdo rje don yod pa'i dam tshig 'di rtog pa thams cad kyi sdig pa dang / sgrib pa dang / bdud thams cad 'dul bar byin gyis brlabs pa'i dbang gi ma grub pa rnams kyang mchog dam pa grub par byed pa dang / mchog tu gsang ba thog ma dang tha ma med pa'i mtshon cha mchog dang po zhes bya ba'i rtog pa'i rgyal po dbang phyug chen po'i rgyud phyi ma gsungs pa/ de nas thog ma'i gnas nyams dgo'// na mkha' kun la rab tu gnas// rin chen 'od 'bar rab tu gsal// dri ma med pa'i mdangs kyis brgyan// zur bzhi pa la sgo bzhi pa/ sgo khyud rnams kyi rab tu brgyas/
- 167a
kha khyer gyis ni yongasu bskor// lha mo tshogs kyis mchod// zla ba phyed ni rab tu mchod// zla ba phyed ni rab tu gnas// rdo rje rin chen 'bar byed pa// rlung gis bskyod pa'i rtse mo/ mchog/ dar phan dril bu sgra sgrogs pa// dra ba me long rtag me long // me tog tshon bu'i rgyan gyis bskoraro// bde ba chen po rdo rje che// rdo rje kun gyis legs sbyar ba// rdo rje sems dpa'i bzhugs gnas che// sangs rgyas kun gyis rjes brtan pa// byang chub sems dpa'i gnas kyi mchog/ rdo rje 'dzin pa kun gyi gnas// bde ba chen po rdo rje che// rdo rje rin chen mchog ces bya// rdo rje 'chang chen bzhugs gnas ni// bde ba chen po rnam par bzhugs// thig mtha' med po'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje snyems tshul bdag bdag/ sems can kun gyi sems gang yin// brtan pa'i phyir ni dpa' zhes bya// brtan par bzhag pas ting 'dzin te// nges pa las ni rdo rjer gyur// sems dpa' byin brlabs sbyor ba yis// rdo rje sems dpa' nyi du 'gyur// de nyid bcom ldan sna tshogs pa// byang chub spyod po'i rjes mthun pa// bdud dang bdud las rgyal ba nyid// byang chub sems rgyas de nyid de nyid// rdo rje drag po mthar byeng nyid// phyag na rdo rje nyid kyang de// de nyid de bzhin gshegs pa'i rigs// de nyid rdo rje rigs chen po// de nyid pad+ma'i rigs dag pa// de nyid nor bu'i rigs bzang bshad// de nyid 'dod chags bral ba nyid// 'dod dang grol ba de nyid ni// dus gsum srid gsum mchog gsum ste// 'jig rten gsum mchog
- 167b
khams gsum pa// mi g.yo thams cad mchog de nyid// brtan par sra ba nor chen po// rgyu ba sems kyi 'dus byas pa// thams cad byed pa thams cad nyid// dang po'i sems dpa' sems dpa' che// byang chub sems dpa' bde bar stsol// sems dpa'i dkyil krung bcas nas ni/ pad+ma'i steng du bzhugs pa dang // btsun mo'i tsho gas bcas sna tshogs pa// rdo rje lha mo'i yongasu bskor// bde ba chen po grub don du// 'dod chags chen po rnam dag phyir// ma lus 'dul bya'i don du ni// dngos grub thams cad rab grub phyir// dam tshig mchog ni ma lus pa// rgyal bas kyang ni bsrung bar bya// snyems bcas rdo rje gsor ba dang // rdo rje snyems pa'i tshul 'chang zhing // phyag rgya kun myur grub mngon du// rdo rje sems dpa' mchog grub phyir// dngos grub kun gyi thabs chen po// bsod nams kun gyi cher mthong ba// ye shes phyag rgya yang dag ldan// snying po chen po dam pa yin// gang gis bsod nams mi ldan pa// de bzhin dkyil 'khor ma zhugos pa// don yod thogs pa med mchog 'gyur// dngos grub thams cad rnyed dka' min// bde ba chen po rdo rje che// gsang ba mchog gi/ dam tshig brtan// dngos po thams cad bsgrub pa ster// rtag pa thams cad myur ba sgrub byed// thog mtha' med cing dang por 'byung // mchog dang po zhes dbye bar bshad// tshig kun gyis ni ci 'dod pa// chags pa kun gyis ci dga' bar// rje su chags pa bgyi'o zhes// ci bzhin 'bab pa'i ye shes 'jug/ rtse ba'i snying po bcas snying po// bskal pa dang po bcom ldan gsungs// hUM/ de nas 'di ni gsungs tsam gyis/ sangs/
- 168a
@rgyas thams cad sras bcas par// rdo rje 'dzin bcas sna tshogs pa// skad cigi ni 'dus par 'dus// rdo rje 'dzin gyi thog mar ni// yud kyi 'jig rten gsum po 'byung // ci ltar 'gro ba/ rab grub ces// bde gshegs rnams kyi dngos grub bris// de rnams kyi ni bka' gsan nas// rdo rje 'dzin rang grol ba ni// 'byin dang stsol ba ston pa'o// byed pas tshig ni 'di skad gsol// chags bral gyis 'dul 'jig rten rnams// chags bral nyid kyi dga' bar 'gyur// 'dod chags chen po bde ba che// 'di ni ci ltar 'grub par 'gyur// de'i tshig de gsan nas ni// rgyal ba rang nyid kyis gsungs pa// byang chub sems de thob pa'i lha// / khyod ni thabs chen nyid yino// ci srid 'khor ba'i gnasu ni// mkhas mchog 'dug par gyur pa'i tshe// de srid mtshungs med sems can don// mya ngan ma 'da' byed par nus// ci rigs sems can rnams rtog pa// de sring byang chub srid pa che// byang chub sems can la phan phyir// rdo rje can gyis ci bder gyis// de nas thog mar dang dkyil 'khor// dang po dkyil 'khor byin gyis brlab// rdo rje kun gyi dam tshig mchog/ ci bzhin cho gis bsgrub pa nyid// de nas bcom ldan 'das de ni// bong ba chen po grub phyir dang // 'dod chags chen po rnam dag phyir// gtso bo mgon la gsol ba btab// bcom ldan khyod la gsol ba ni// 'dod chags chen po bde ba che// snying po 'di ni rtog pa mchog/ bde chen myur du grub byed pa'o// de rnams kyis ni bka' gsan nas// rdo rje sems dpa' bde chen po// bde ba chen po rdo rje che// dkyil 'khor chen po bka' stsal to// de nas
- 168b
rab tu bshad bya ba// dkyil 'khor chen po dam pa ste// bde ba chen po rdo rje mchog/ gsang ba dam pa zhes bshad// thog mar dam tshig gsum thob pa'i// rdo rje slob dpon rang phyag rgyas// 'khor lo kun gyi cho ga la// rtag tu rdo rje dril 'chang bya// rtog pa thams cad yang dag 'phel// dkyil 'khor thams cad bsgrub byed yin// dam tshig che gsum zhes bya ba'i// brgya 'di thams cad sgrub byed yin// dngos grub cho ga thams cad la// rdo rje dril bu rab bskul po// cho ga lhag gam ma tshang yang // 'grub 'gyur smad par mi bya'o// zhes bcom ldan 'das rdo rje sems dpas gsungaso// mchogi dang po mtha' yas mchog/ bla na med cing mnyam med pazhan mkha' kun la rab tu gnas// mchog de yi ge dam pa yin// dkyil 'khor gnas ni sbyangs las la// de'i dbusu cho ga bzhin// dngos grub byin brlabs cho ga yis// dkyil 'khor de ni grub par bya// glu dang rol mo'i cho ga dang // me tog spos sogs mchod pa yis// ci snyed pa dang ci 'dod par// mchog dang por ni rtag par bya// mchog dang por mtha' yos mchog/ bla na med cing dpe med pa// nam mkha' kun la rab tu nas// grong khyer dag ni me 'gyur mchog/ thog ma med mchog rtag pa'i par// sangs rgyas 'byung ba'ang rab tu zhugs// kun mchog mnyam pa nyid rten pa'i// lcug dang ma tshad med kun gang // mtha' dang dbus med na mkha' ni// 'di ni dbu ma rnam dag pas// phyag rgya sbyor ba'i ting 'dzin gyis// de'i dbu mar rnam dag nyid// de'i dbusu pad+ma'i gzugs// yu bar bcas pa rab tu gzhag/ sna tshogs pad+mas yang dag khebs//
- 169a
thams cad dag pa'i gdan de yin// de nas srang bu nyis 'gyur du// byas pa'i thig 'di gdab bya ste// na mkha' kun gyi tshad yin phyir// gdul bya'i blo ni mtha' yas pas// tshad ni tshad med pa yino// mi mnyam med par zur bzhi pa// dran dang dbang po'i sgo bzhi ste// bsam gtan rnams kyi rta babs bzhi// ting 'dzin khyamasu bshad pa yin// khyams la sten pa'i rdo rje gdab// gzugs rnams lha mos mchod pa'o// brgyan rnams kun gyi bkra ba ni// bsam pa thams cad rdzogs byed pa// gdul bas bskyod pa sna tshogs mchog/ dam chos mchog ste kun tu 'gro/ rlung gi bskyod pa sna tshogs pa'i// ba dan rtse btags dril sgra sgrogs// me long ye shes rtag me tog/ byang chub yan lag me tog phreng // dra ba me long me tog che// me tog phreng ba'i rgyan gyis skor// kun grub me 'gyur bde ba ni// bde ba chen po zhes bshad// bde ba chen po'i gzhal yas khang // dang po'i gnas de bri bar bya// mthar pa chen po'i grong khyer mchog/ kun mchog de ni legs bris nas// thog ma mtha' ma med pa'i dbyings// phyogs kun mnyam ba nyi du bsam// de na phyi'i dkyil 'khor// de'i nang gi 'khor lo ni// dkyil 'khor brgyad pa lta bu yin// 'di ni thar pa brgyad pa ste// dngos grub dkrun gyi bde ba ster// byang sems theg pa chen po yis// rdo rje'i 'khor lo rab bskor bas// rdo rje thig yongs bskor bas// rdo rje 'khor lo yang dag bri// de ni sna tshogs pad+ma cher// rdo rje sems dpa' dgod pa bya// lugs ma'am yang na brkos pa'am// byas pa'am
- 169b
yang na bris pa ste// 'dzum bcas zla ba'i mdog can la// dmar zhing sna tshogs 'od 'bar ba// sangs rgyas kun gyi dbang sogs dang // rgyan dang na bza' sna tshogs pa// sems dpa'i skyil krung dag gis bzhugs/ rdo rje snyems tshul 'chang ba'i mchog/ su rta ra s+t+waM zhes brjod cing // rang snying pos kyang bzhag par bya// de'i phyogs ni thams cadadu// mtshon nam de bzhin phyi ma yis// go rims dag ni ci bzhin du// rdo rje lha mo yang dag bri// rdo rje mchod bstod la brtson bya// rdo rje chags ma mdun du bri// lha mo rdo rje rol pa ni// rdo rje tson la rab tu 'khyud// rgyab tu rdo rje dran ma ni// chu srin rgyal mtshan 'dzin pa'o// rdo rje 'dod pa'i dbang byug ma// rdo rje khu tshur nyid bsnyems bri// de nas 'di rnams dgod pa'i phyag rgya ni// dza badz+ra diSh+Ta sa mya ke Ta hUM/ oM badz+ra kai li kI li hU~M/ baM badz+ra Ni sma ra Ta/ ho badz+ra kA me shwa ri s+t+waM/ mtsham su rdo rje sems ma sogs// dus kyi mchod pa yang dag bri// rdo rje sbrang rtsi dang sprin// ston dang dgun ni rdo rje ma// me tog gdug pa mar me che// dri de spyi bor thal sbyar ba// rdo rje rgyal po'i lha mo ste// de nas phyag rgya rab bshad bya// oM ma d+hu badz+ra g+h+raM g+huM/ oM badz+ra me ge gu lo g+hu lu/ oM sha rang badz+ri/ oM oM/ oM badz+ra shi Shi ri hUM hUM/ sgeg mo bshad pa glu chen po// gar mdzad pa yi lha mo'i tshogs// rdo rje rol mo 'di dag nau// phyi rol gyis ni mtsham su bya// he ra ti badz+ra g+hi baM la sa tri Ta/ he ra ti badz+ra ne t+yai be ba be ba/ sgo'i gnas ni thams cad// gsol ka bi ni bzhi po ste// rdo rje lcags kyi zhags pa dang // lcags sgrogs de
- 170a
bzhin dril bu ma'i// badz+ra a gu sha dza/ badz+ra pa sha hUM/ badz+ra shI ga le baM/ badz+ra g+haN+Te ho// dam tshig mchog ni bcings nAs// dzaHhUM baM hoHzhes brjod bya// sems dpa'i skyil klungs bcas nas ni// rdo rje can gyi spyan sngar 'dug/ bde ba chen po rdo rje mchog/ bdag po lan cig yang dag dgug/ hUM ma ha su kha badz+ra satwa/ ya hi shi g+ha~M/ mahA su~M sa badz+ra a mo g+ha ya~M/ a nu pA la/ br-i d+ha su ra ta tAM/ a nu rag ti me b+ha ba/ su to Sh+yo me b+ha ba/ b+ha ga bAM nan dri na sa satwa/ sarba sid+d+hi me brA yats+tsha/ a she tau ma traSha be Sh+ya sa ma ye ra ba d+ha/ bA shi ka r-i me/ yaM me ra mu tra pA de/ dzaHhUM baM hoH'di yis bcom ldan 'das rtag par// dkyil 'khor du ni rang nyid gshegs// bkug cing bcug la shin tu brtan// dbang du gyur nas rab tu thub// ces bcom ldan 'das dam tshig chen pos gsungaso// rdo rje slob dpon rang le ni// 'od zer kun tu ston la sogs// mtshan ma rnam pa mang po ni// ngo mtshar gyur pa mthong bar 'gyur// de nas rdo rje mchod yon ni// rdo rje thel mo kha dbye dbul// bum pa gang dang ci snyed pa me tog sogs kyis yang dag mchod// ba dan rtse mor dril rtags pa// mtshams kyi char ni bzhag par bya// bum pa spos chus gang ba la// de nas rdo rje mchod yon ni// lcug ma la nI yongasu bzlas// de la bde bachen po rdo rje na mong pa'i dam tshi gi chung bsgrub ba rje men / d+hamardzas la 'acom mi byas ma yongs ma b+hi / sarbas khas ma nas rgya nga 'ams
- 170b
gcig yongasu bzlas la bdag nyid la rdo rje dbang bskur bya'o// gsang gtor bya ba dang / 'thungs pas kyang sdug bsngal thams cad bsal ba dang / bde ba thams cad 'phel bar 'gyur// zhes bcom ldan 'das/ rdo rje sems dpas gsung so// de nas 'khor lor mo zhugs kyang // rang nyid thog mar byung zhugs shing // rdo rje kun gyi slob dpon che// rdo rje can gyis rang byin brlob// de nas rdo rje 'dzin slob dpon// rang nyid khrus byas dris legs byugs// ci snyed pa'i rgyan gyis brgyan// shin tu dmar ba'i gos bgo zhing // me tog phreng btags kha dris sgo// rnam bgeg dga' ba'i rdo rje dang // rdo rje gang gi sbyor ba yis// spyi bor me tog thal sbyar nas// gnas te mgon la phyag bya'o// zhugs nas dkyil 'khor de la ni// bskor ba dag ni lan gsum bya// de nas 'dun du 'dug nas ni// de kho na nyid lan cig brjod// 'dod chags chen po bde ba che/ rdo rje tshon po nor che ba// ye shes chen po las chen po// de dag rdo rje sems grub brjod// de nas me tog sil ma ni// mgon la gtor te cho ga bzhin// dang po shar ba la sogs// bstod pa'i glu ru lan cig blang // de nas bcom ldan 'das kyis bstod pa'i rgyal po mtshan brgya rtsa brgyad po de kho na nyid chen po ni 'di yin te/ dpal mchog dang po sems dpa' che// dga' ba chen po'i dga' ba che// kun tu bzang po'i kun bdag nyid// rdo rje snyems tshul bdag po'i bdag/ sems dang sems dpa'i ting 'dzin mchog/ rdo rje mchog ni mchog chen po// kun tu bzang po'i spyod pa mchog/ bdud dang bdud ni rab 'joms pa// thams ca/
- 171a
ni byang chub che// sangs rgyas sangs rgyas skyes mchog skyes// rdo rje hUM mdzad yi ge hUM// 'jig rten dbang phyug nor rab gsal// 'dod chags chen po'i bde ba nyid// 'dod dang thar pa nor/ che ba/ dus gsum srid gsum mchog gsum// 'jig rten gsum mchog khams gsum pa// brtan pa rang byung gsal ba ste// rab sgra sbom dang legs brtsegs pa// rgyu ba rab mchog thob mdzad pa// srid pa 'khor bar sbyong mdzad pa// thog mtha' med cing thog mtha' can// mdangs ldan dang por thams cad gnas// snying po phyag rgya sbyor dam tshig/ de nyid bden pa mchog pa ste// de bzhin gshegs pa'i dngos grub che// chos dang las ni khams chen po// dam pa'i chos te las mchog bdag/ byang chub sems ni rab sbyong mdzad// rdo rje khro bo khro bo che// dus mtha' lta 'bar 'dul ba po// 'dul mdzad chen po gdug pa'i mchog/ drag po drag nyid zad mdzad pa// thams cad dag pa pad+ma che// shes rab thabs te tshul chen po// 'dod chags dag pa ting 'dzin mchog/ sna tshogs chags pa dbang phyug che// nam mkha' mtha' yas rtag pa'i don// 'byung po thams cad gnas chen po// 'byor pa po ni thams cad gnas// 'byor pa dpal dang gtso bo rgyal// bsam pa thams cad rdzogs mdzad pa// phyag 'tshal khyod la phyag 'tshalo// phyag 'tshal 'dud cing phyag 'tshalo// dad pas khyed la bdag brten bgyid// rdo rje sems dang bdag grub mdzod// gang zhig bstod pa'i rgyal po 'di// nyin re nang par brjod byed dam// chos kyi tshig gis lan cig brjod// dngos
- 171b
grub shin tu myur bar 'gyur// gal te 'dir 'grub mi 'ong na// dang por nyin re dus gsum du// bstod na sdig pa las de grol// zhing dag pa de grub par byed// rtag tu sdug bsngal thams cad sel// lan cig rab tu brjod pa yis// dngos grub thams cad skal bzang byed// phun sum tshogs dpal 'phel bar byed// kun grub don yod yon tan can// mtshan rgya rtsa brgyad dam pa'o// de nas gsang ba'i mchod pAs ni// rab tu dga' bas mgon la mchod// rang gi phyag rgya lan cig ni// rang gi phyag rgyas bcings te grub// de nas lha'i chu dang ni// de bzhin sku mchog gis dbang bskur// rang gi snying po'i rdo rje phyag/ snying po 'di ni blang bar bya// de la rdo rje sems dbang bskur ba'i snying po 'di yin te/ hUM mA hA su kha badz+ra satwo a Shiny+tsA mi/ sarba badz+ra a d+hi pa ti staM Di d+hi me b+ha ba ma d+hi na ma ma staM b+ha ga wAn/ ma hA badz+ra d+ha ra su ra ta s+t+wa~M/ ma hA badz+ra satwa/ oM b+hu ra b+hu ba swa/ de nas rdo rje dbang bskur ba// phyag na rdo rje mi 'dzin pa// rdo rje 'dzin chen slob dpon du// 'di nyid du ni rab grub 'gyur// de nas kyang ni ci 'dod par// cho ga'i dam pa sgrubs/ nas ni// rdo rje gar gyis mchod po yis// legs par mchod la phyir phyung bya// de nas brtsams te rdo rje'i bdag/ rdo rje'i kun gyis gsang rab 'dzin// rdo rje thams cad 'dzin slob dpon// dngos grub thams cad grub par 'gyur// rdo rje sems dpa'i dngos grub che// phyag rgya kun bdag dbang phyug che// d+hi thams cad mkhyen pa'i rdo rje che// las rnams thams cad dus la brtag/ mi tshug pa dang mi song pa// kun
- 172a
byed dngos grub thams cad ster// sems can kun gyi rgyal po che// tshar gcod pa dang phan 'dogs nus// thams cad rjes chags byed kun mchog/ kun rigs pa dang kun gyi bdag/ 'dod pa thams cad la rab sbyor// phun sum tshogs kun gyi dbang phyug che// lha la sogs pa'i sems can kun// bsgom pa thams cad rtag tu byed// rdo rje sems dpa' rtag tu mthong // tshe 'di nyid la grub par 'gyur// de nyid kyi ni 'dod par ldan// dga' zhing rang nyid de dag bor// rdo rje slob dpon 'gyur ba yin// zhes bcom ldan 'das rdo rje sems dpas gsungaso// bde ba chen po rdo rje slob dpon byin gyis brlob cing 'jug pa'i cho ga rgyas pa'i rgyudo// rdo rje slob ma 'jug pa'i cho ga rgyas pa'i rgyud rjesu bshad par bya'o// bcom ldan 'das rdo rje sems dpas gsungaso// rdo rje mchod yon snying kar skor// bcings nas bsams yongs gzhan gyi ni// mgo bos yang dag phyag bya ba// dngos grub thams cad bsgrub byed yin// dkyil 'khor du ni rab bzhugs la// bskor ba lan gsum byas nas ni// 'dod chags chen po bde ba che// 'gro ba kun las grub mdzad pa// de nas dus kyi mchod pa yis// bde ba chen po yang dag mchod// de bzhin du dbang bskur bar// rdo rje gsang ba'i slob ma bzhugs// de nas ci bzhin rgyan nas ni// rdo rje slob dpon gyi rab gzhug/ slob ma'i tshogs rnams bcug nas ni// dga' ba chen po 'di brjod bya// rab dgyes rab bde bstan pa yis// rdo rje sems bdag 'di grub mdzod// de nas me tog phreng ba ni// spyi bo nas ni myur du dor// gang du me tog babs
- 172b
gyur te// lhag pa'i lhar ni rab grub 'gyur// de nas lha'i chu yis ni// rdo rje 'dzin pa rang dbang bskur// rdo rje chen po rdo rje lnga// byin la rdo rje bo d+hi brjod// oM ma hA su kha badz+ra badz+ra a b+hi She ka na s+t+waM/ a b+hi Shiny+tsa me/ ma hA/ badz+ra d+hA ra/ he badz+ra nA ma sid+d+ha na maHgang la rdo rje ming gang zhig yin pa de la kye zhes bya ba'i sgra dang sbyar bar bya'o// de nas snying po byin la/ phyag rgya bcings pa brlabs nas ci ltar mngon par 'dod pa grub par bya'o// rdo rje sems dpa'i go cha'am// gang 'dod rang gi grub pa la// de nyid kyis ni dam tshig nyid// 'jug la sogs pa'i cho ga bshad// 'jig rten pa ni sna tshogs dang // de bzhin 'jig rten 'das pa yang // thams cad rang gi ngo bo ni// rgyas par grub nas rab tu grub// 'di ltar rab tu 'jug tsam gyis// mi tshugs pa dang mi ldog pa// nyi du rgyal ba'i sgras 'gyur zhing // bde chen rab tu grub pa ster// de nas rdo rje 'dzin slob dpon/ mna' ni mang du bsgrags nas kyang // de nyid chos kyi dam tshig ni// rang nyid dang ni gzhan gyis brlabs// de la 'di ni min 'grub pa'i// rdo rje chu'i dbang bskur nas brjod par bya'o// 'di ni khyed kyi dmyal ba'i chu// dam tshig 'das nas bsreg par byed// dam tshig bsrungs na 'grub par 'gyur// dngos grub rdo rje bdud rtsi'i chu// de nyid chos dang dam tshig ni// gal te dkyil 'khor ma mthong smra// skye bo 'dug na gnas pa'am/ dang pa med pas bgang par 'gyur// de la 'di ni de kho na nyid dang dam tshig gi gsang ba'i cho ga rab tu sbyin pa yin te/ thog mtha' med pa'i sems dpa' ni// rdo rje sems dpa' dga' bo che// kun tu bzang po kun
- 173a
bdag nyid// rdo rje snyems tshul bdag po'i bdag/ de kho na nyid mchog gsang ba'i lnga'i de kho na nyid chen por bshad par brjod par bya'o// bcom ldan 'das de nyid chos kyi mchog bka' stsal par mdzad/ srid pa ngo bo nyid kyi dag/ ngo bo nyid kyi srid bral byas// rang bzhin dag pa'i sems dpa' mchog/ srid pa mchog ni byed pa yin// de la srid pa rnam par dag pa'i thabs rtog pa thams cad kyi gsang ba'i mchog dam tshig chen po rten par bya ba ni 'di yin te/ srid pa'i bde ba shin tu chung // sdug bsngal chen po dag bya'i phyir// shin tu bde ba dam pa'i thabs// dam tshig rtag tu brten par bya ste// 'dod pa'i longs spyod thams cad ni// ci 'dod par ni rten bzhin du// rang gi lhag pa'i lha sbyor ba// bdag dang gzhan la mchod par bya// de la rtog pa thams cad kyis gsang ba'i mchog dam tshig chen po 'di brjod par bya ste/ ci srid 'khor ba'i gnasu ni// mkhas mchog 'dug par gyur pa'i tshe// de srid mtshungs med sems can don// mya ngan mi 'da' byed par nus// gsang ba mchog gi dam tshig thabs// bsod nams byin brlabs bsgrubs byed pa// dngos grub kun gyis dbang phyug mchog/ rgyun du sems can don byed pa'o// de ltar sems ni rab dang rdo rje nyi du gyis// rang gis dam tshig mi zad bde skyid bstan par gyis// de ni 'gro la myur du sangs rgyas thams cad dang // rab tu mtshungs shing brtag pa nyid rtogs par 'gyur// de nas khyed kyi bcung dang bzas dang // gnas pa dang / klu dang / rol mo la sogs pa'i mchod pa rnams legs par stobs pas bdag nyid gang la sred pas kyang rdo rje slob
- 173b
dpon chen po mchod par bya'o// rdo rje slob dpon me tog sogs// ci 'dod par ni legs mchod cing // rdo rje gar gyis mchod pa yis// yang dag par ni mcho de byung // de nas rdo rje 'dzin slob dpon// gar gyi mchod pas mchod nas ni// rdo rje thal mo sbyor ba yis// slob ma kun gyi rab tu mchod// ro dang kha zas gnas pa dang // glu dang rol mo ci 'dod pas// rdo rje sems dpa' de bzhin bdag/ yang dag mchod nas phyir byung bya// dpal mchog dang po zhes bya ba'i// dkyil 'khor mchog tu gsang ba'o// de nas bsgrub pa bshad bya ba// dngos grub shin tu brtag pa ste// gang gi srid pa 'di nyid la// dngos grub rtag pa thob byed pa'o// 'di yis byang chub sems dpa' ni// srid par gnas shing srid par sangs// dngos grub kun gyi dbang phyug grub// rtag tu sems can kun don byed// mi yis ci ltar mchog grub pa// de ltar byang chub spyod sogs pas// dge ba'i tshul gyis gzhan gyis kyang // sangs rgyas kun sogs thob mi 'gyur// gdul bya min pa bsod nams med// sangs rgyas rdo rje 'dzin pa ni// rnam pa kun tu mthong sogs kyis// sems can don byed mi nuso// de bas rgyud chen las grub pa// sangs rgyas sam ni rdo rje 'dzin// mthong la sogs pas sems can don// nam mkha' mnyam par byed pa yin// 'dod chags chen po bde ba che// srid pa'i nges pa dri ma med// nam mkha' mtha' las sems can don// mya ngan ma 'dar byed pa yin// dkyil 'khor dag tu ma zhugs pa// bsod nams med pa'am le lo can// de yang kun mchog grub pa yis// tshe 'di nyid la grub par 'gyur// zhes bcom
- 174a
ldan 'das don yod grub pa rdo rje sems dpas gsungaso// de nas don yod pa thogs pa med pa/ myur du bsgrub pa'i mchog rjesu bshad par bya'o// zhes bcom ldan 'das rdo rje sems dpas gsung so// lugs ma'am ni bskos pa'am// byas pa'am ni bris pa yis// dang po'i sems dpa' rtag nas ni// mdun du de ni bsgrub par bya// nyin re zhing ni dang po ru// de bzhin yul dang ldan gyur pas// dang po'i gsang mchog gis bkug ste// phyag rgya chen por rab 'byin brlabs// rdo rje mi gi de bzhin bltas// rdo rje snyems tshul bdag po ring // rdo rje hU~M ni glur blangs pas// rdo rje sems dpa' bsgrub par bya// rdo rjes cha lugs ci bzhin du// mchog dang por rab dges par// gzugs brlan la sogs dang por ni// ci 'dod cir ni rab tu bsgrub// 'di yis 'dod pa kun dbang phyag/ 'dod pa tsam gyis 'gro 'ong lding // dngos grub kun gyi dbang phyug grub// kun mchog dang po'i dbang phyug yin// phun tshegs kun bdag thams cad pa// 'dod chags tshon po bde ba che// thams cad kun mdzod sna tshogs pa// rtag par kun tu 'dul ba po// dngos grub kun gyi bde ba mchog/ phyag rgya kun bdag dbang phyug yin// rdo rje kun gyi dngos grub che// thams cad mkhyen pa'i 'byung gnas che// mi tshugs pa dang mi sod pa// thams cad mkhyen cing kun gyi gnas/ khams gsum las rgyal sna tshogs pa// tsher gcod pa dang phan 'dogs pa// kun la rjes chags kun gyi mchog/ kun rig dngos grub thams cad ster// rang gi rnam 'phrul rab ston byed// kun mchog
- 174b
dngos grub chen po ste// dbang phyug chen pos dbang phyug che// gzugs dang tshe stobs rdo rje mchog/ rdo rje sems dpa' gnyis pa bzhin// 'gro ba rnams kyi mchod cing brjod// rang gi gnyen rnams kyis rten pa// rgyal po rdo rje 'chang chen ltar// dga' dang 'chi ba med par 'gyur// gal te rdo rje sems dpa'am// sangs rgyas byang chub sems nyid 'dod// dngos grub ci ltar 'dod pa nyid// tshe 'di nyid la 'grub par 'gyur// phyi ma'am ni 'jig rten pa'i// rtog pa kun bshad cho ga'am// rang nyid kyis mdzad kyis rtag tu// dngos grub thams cad grub 'gyur zhes// bcom ldan rdo rje dngos grub kyis// dbang phyug bde ba chen po ni// rdo rje 'chang ba chen rgyal po// kun mchog sa'i dbang pos gsungs// de la ci ltar rang gi phyag rgya sgrub pa'i rgyud yin zhe na/ phyag rgya chen po mnyam bzhag la// rang gi snying po lan cig bsgrub// Di d+ha su tob+h+ya san rag ta su bo sid d+ha ta la gu/ de la ci ltar yi ge hUM/ glu blangs pa yi rgyun yin zhe na/ ro d+hi ti sogs kyis brgyan ldan// ci nus pa dang ci dga' dang // gan+d+he la sogs glu blangs pa'i// yi ge hUM gis 'grub par 'gyur// de nas phyag rgya thams cad kyi mchog de bsgrub pa'i rgyud bshad/ gal te phyag rgya sgrub 'dod na// de bzhin yul dang ldan gyur pas// rang nyid kyis ni phyag rgya bcings la// yongasu mi skyo'i bar du bsgrub de la ci ltar dam tshig thams cad grub pa'i rgyud yin zhe ni/ dam tshig phyag rgya bcings nas ni// sa ma ya s+t+wa~M zhes brjod la// rang gi snying kar rim bzhin du// phyog rgya'i mchog de bsgrub par bya// de nas las/
- 175a
kyi phyag rgya yi// mchog bsgrubs pa 'di rgyu du ni// rdo rje gar gyi mchod pa yi// yongasu mi skyo bas bsgrubs na// mchod pa kun sogs las rnams ni// tshe 'di nyid la grub par 'gyur// rdo rje 'chang chen nyid dang ni// sangs rgyas byang chub sems nyid dang // gzhan yang dngos grub thams cad ni// dam pa myur du 'grub par 'gyur// rtog pa thams cad sgrub pa chen po don yod par grub pa'i cho ga rgyas pa'i rgyud de nas sgrub pa'i dngos grub kyi rgyud ni nyin re zhing dang por lan cig phyag rgya sgrub pa don yod pa dngos grub thog pa med pa bshad par bya'o// zhes bcom ldan 'das kyi gsungaso// thams cad rjesu mnyes par bya ba dang / dgug pa dang / bcing ba dang / dbang du bya ba bsgrub pa la ni bde ba chen po rdo rje lta bso// bde ba dang / yid bde ba dang / phun sum tshogs pa dang / dngos grub thams cad mngon par 'phel bar bya ba la ni bde ba chen po rdo rje cho so// tshe dang / lang tsho dang / gzugs dang / gzi brjid chen po dang / mngon par 'phel bar bya ba la ni dang po'i rdo rje bcud kyi lan gyis/ dpal chen po dang / bskal pa bzang po dang / grags pa dang / bsnyen pa 'phel bar bya ba la ni dang po'i rdo rje grub paso// skyobs chen po dang / ye shes dang chos dang las bsgrub par bya ba la ni dang po'i snying stobs che bas so// rdzu 'phrul dang / cho 'phrul dang / rma du byung ba dang / rnam par 'khrul pa thams cad ston pa la ni dang po'i rdo rje'i rnam par 'phrul paso// thams cadad yi ge dang / gzugs kyis bden pa thams cad mthong ba dang / thos pa dang /
- 175b
smra ba dang / 'bri ba grub par bya ba la dang po'i rdo rje don yod pa'i bden paso// dbang po thams cad kyi bden pa thams cad mthong ba dang / thos pa dang / smra ba dang / zil gyis gnon par bya ba la ni dang po'i rdo rje don yod pa'i bden pas so// sgyu ma thams cad dang / bde ba'i mchog dang / lung sgo ba dang / lan thob pa grub pa la dang po'i rdo rje rmadu 'byung ba so// gter thams cad 'byung ba dang / nor dbrog pa dang / rgyal srid 'thob pa dang / sa la nye bar longs spyod pa la ni/ dang po'i rdo rje dbang bskur bas so// yul thams cad dang / skye bo dang / grong khyer dang / nags dang / chu bor nye bar long spyod pa la ni dang po'i rdo rje grub pas so// thams cad las sngon ma byung ba'i lha yul dang / rin po che dang / kha zas dang / btung ba dang / g.yo ga 'khor shin tu bzang po la sogs pa yul de nye bar lodra spyod pa la ni dang po'i rdo rje sprul paso// skad cig gis sa gzhi thams cad 'bru la sogs pa smin par skyed pa dang / chu'i phung po chen po 'byung ba dang / snang ba chen po skyed pa dang / rlung thams cad dbang du bya ba la ni dang po'i rdo rje dbyings kyi dbang phyug giso// rgyu ba dang mi rgyu ba'i dngos po thams cad dang / btung ba dang / rang rtser gzhugs pa dang / lha thams cad la sbyor ba la ni dang po'i rdo rje don yod pa'i thams cad dbang du byed pas so// dngos grub thams cad las de bzhin gshegs pa dang / byang chub sems dpa' dang / rdo rje 'dzin pa dang / rdo rje la sogs po mthong ba la ni dang po'i rdo rje snyems pas so//
- 176a
rang gi bdag nyid rdo rje sems dpa' la sogs pa'i gzugs thams cad sprul zhing ston pa mi snang ba dang / nam mkha' la 'gro ba thams cad dang / shin tu phra ba dang / sgom ba dang / du mar ston pa la ni dang po'i rdo rje gzugs sna tshogs paso// 'jig rten gsum gyi bdag por gyur pa thams cad dbab pa dang / dbang du bya ba dang / las thams cad la sbyor ba la ni dang po'i rdo rje hUM mdzad kyiso// lha thams cad dbab pa dang / bcing ba dang / dbang du bya ba dang / las thams cad la nges par sbyar ba la ni/ dang po'i rdo rje lha'i bdag poso// klu thams cad gdon pa dang / 'dul ba dang / dbang du bya ba dang / las thams cad la nges par sbyar ba la ni dang po'i rdo rje 'bar ba'i rdo rjeso// gnod sbyin la sogs pa thams cad dgug pa dang / dbang du bya ba dang / las thams cad la nges par sbyar ba bya ba dang / skrag par bya ba la ni dang po'i rdo rje gdon 'dul bas so// dkyil 'khor thams cad brtag pa dang / 'jug pa dang / mchod pa dang / bsgrub pa dang / las thams cad las nges par sbyar bya ba la ni dang bo'i rdo rje 'khor lo so// phyag rgya thams cad dgug pa dang / bcing ba dang / dbang du bya ba dang / brtan par bya ba bsgrub pa la ni dang po'i rdo rje phyag rgya so grub pas so// dam tshig thams cad dgug pa bzhug pa dang / bcing ba dang / bsgrub pa la ni dang po'i rdo rje dam tshig gis mchog goso// las thams cad rab tu grub pa la ni rnam par mi 'jigs par bya ba dang / bstan par bya ba dang / grags pa chen
- 176b
po rab tu bsgrags pa la ni dang po'i rdo rje las kyiso// rdo rje thams cad dgug pa dang / gzhug pa dang / bcing ba dang / dbang du bya ba bsgrub pa la ni dang po'i rdo rjeso// sems dpa' chen po thams cad dgug pa dang / bzhug pa dang / bcing ba dang / dbang du bya ba bsgrub pa la ni dang po'i rdo rje sems dpas so// de bzhin gshegs pa thams cad dgug pa dang / bzhug pa dang / bcing ba dang / dbang du bya ba bsgrub pa la ni dang po'i de bzhin gshegs pas so// rdo rje 'dzin pa chen po dgug pa dang / gzhug pa dang / bcing ba dang / dbang du bya ba la ni dang po'i rdo rje 'dzin paso// zhes kyang gsungaso// dkyil 'khor dag tu ma zhugs pa'am/ sdig pa thams cad byas pa'am/ rang gi snying po ma bsgrub pa'ang / dngos grub thams cad grub par gyur/ ma bsgrub pa thams cad grub pa/ don yod par grub pa phyag rgya mchog tu grub pa'o// de nas dang po'i snying po ma bsgrubs pa'i thams cad don yod pa thogs pa med pa las thams cad kyi rgyu skad cig bsgrub pa rjesu bshad par bya'o// zhes bcom ldan 'das rdo rje thams cad kyi sna tshogs pa'i 'phrin las rdo rje 'chang chen pos gsungs so// don yod pa thogs pa med pa/ bdag kyang bde gshegs lhan cig tu// las kyi rab 'byams 'di dag ni// dngos grub skad cig gis bsgrub byed 'di lta ste/ thams cad shin tu bsrungs pa dang / yongasu sbyang ba dang / zhi ba dang / bde le gsu bya ba dang / tshe 'phel bar bya ba la ni rdo rje gar gyi sems dpa'i gtsug tor gyis phyag rgyaso// dkyil 'khor/
- 177a
/ @#thams cad mtshams dang / dam tshig dang / dngos grub bcings zhing bsrung ba ni rdo rje gar gyis so sor 'brang ba chen pos so// nyin gsum pa dang / nyin bzhi pa dang / slar bzlos pa dang / rtag pa can dang / khyab 'jug rigs thams cad gsal ba la ni rdo rje gar gyis nad med pas so// gdud pa thams cad dang / gnod byed dang / nad dang / mya ngan dang / sdug bsngal thams cad gzhig pa la ni rdo rje gar gyis sdug bsngal nye bar zhi bso// dug dang sbyar ba'i dug la sogs nye bar thar pa dang / dbab pa dang / bcing ba dang / bza' ba dang / bdud rtsir bya ba la ni rdo rje gar gyi nye ba'i dug giso// gdon thams cad dbab pa dang / bcing ba dang / dam tshig 'dzin du gzhug dang / rab tu 'dul ba dang / bsrung ba la ni rdo rje gar gyi gdon las thar pa'o// thams cad la bcing ba dang thar pa dang / dral ba dang / ltung ba dang / ldang ba la ni rdo rje gar gyi rdo rje chen po'i khro bos so// mkha' 'gro ma thams cad kyi phyag rgya gzhig pa dang / gdon las thar bar bya ba dang / shi ba bslangs pa dang / tshe/ mngon par 'phel ba dang / shin tu bsrungs pa la ni rdo rje gar gyis phyag rgya'i lan gyiso// sgrib pa thams cad dang / sdig pa thams cad dang / rmi lam ngan pa dang / ltas ngan pa dang / byur gzhig pa la ni rdo rje gar gyis zhi ba so// thams cad dbab pa dang / skyod pa dang / gar byed bzhug pa dang / thams cad bden par smrar gzhug pa dang / skra sen thams cad bsgrub pa la ni rdo rje gar gyis thams cad 'beb/
- 177b
ba'i phyag rgya so// thams cad rgyas gdab pa dang / gsad pa dang / ltung bar bya ba dang / bslang ba dang / slar gso ba la ni don yod grub pa'i rdo rje gar gyi mkha'agro mas so// thams cad rengs par bya ba dang / rmongs par bya ba dang / gnyid log par bya ba dang / bsang ba dang / bza' bar bya ba la ni rdo rje gar gyi gdug pa'i srin poso// gzhan gyis dpung thams cad skrag par bya ba dang / gzhig par bya ba dang / dbang du bya ba dang / ltung bar bya ba dang / bsad par bya ba ni rdo rje gar gyi gshed byed kyis// khro bo thams cad gsal ba dang / bzhin ras dad par bya ba dang / rtsod pa las rgyal ba dang / 'jig pa las thar pa dang g.yul 'gyed pa la sogs pa'i rgyal ba bsgrub pa la ni/ rdo rje gar gyi rgyal mtshan mchog gis dpung rgyan gyis// sprin thams cad yang dog par bzung zhing mi g.yo bar bya ba dang / char chen po dbab pa dang rlung dang / char dang / glog dang / ser ba bzlog pa dang / dro ba dang / grang ba gsal ba la ni rdo rje gar gyi dbang po'i rdo rje so// gzugs dang / sgra dang / dri dang / ro dang / reg bya thams cad shin tu grub pa la ni rdo rje gar gyis 'dod pa'i dbang phyug gis so// rgyu ba dang ni mi rgyu ba thams cad rjesu chags pa dang / dgug pa dang / dbang du bya ba dang / rtsa ba dang / las thams cad la nges par sbyar ba la ni rdo rje gar gyi dngos grub thams cad kyiso// lha thams cad dbab pa dang / klu thams cad dbang du bya ba dang / gnod sbyin dang / 'byung po dang / ma mo thams cad las la nges par sbyar ba la ni rdo rje gar rdo rje sku
- 178a
@mchog giso// rnam thos sras mnan nas dpal drang ba dang / lha'i bu mo thams cad rab tu dbrog pa dang / lha dang lha ma yin gyi bud med thams cad rtse ba dang / 'jig rten gsum ma lus las rgyal ba dang / 'dod pa'i dbang phyug thams cad las rgyal ba dang / dbang phyug chen po thams cad dbrog pa la ni rdo rje gar gyi skyes bu byed pa chen poso// mchod pa thams cad bsgrub pa dang / thams cad rdo rjer bya ba dang / bdud la sogs pa thams cad rab tu gzhom pa dang / phyag rgya thams cad bcings pa dang / dngos grub kyi mchog lo sogs pa ma lus shing lus pa med pa'i dngos grub thams cad kyi las kyi myur du grub par bya ba la rdo rje gar gyi don yod cing thogs pa med pa myur ba'i las sna tshogs kyi dngos grub gyiso// de nas phyag rgya thams cad bsgrub pa'i cho ga rgyas pa'i rgyu do// nyin re dang po lan cig ni/ phyag rgya thams cad rab sgrub byed// snying mchog lan cig bzlas nas ni// phyag rgya chen po rab grub bya// de'i rjes la nye snying po// las rnams kun la nges sbyar bas// don yod grub pas las rnams ni// kun la shin tu grub par 'gyur// phyag rgya thams cad rab byin rlob// phyag na rdo rje'i phyag rgya ni// dkyil 'khar dag kyang mthong ba la// ma bshad pa la'ang rab grub 'gyur// rtog 'dir 'jig pa yod min te// 'khor lo med la/ brgya byin la// gong phyir bdag la byin rlob pas// rang sras rgyu ni 'gyur ba yin// sdig pa chen po byed pa dang // bsam pa shes nas sbyin par bya// 'di dag bcing tsam nyid dag byed// dngos grub thams cad 'grub par
- 178b
'gyur// mchog dang po'i rtog pa chen po'i rgyal po chen po bde ba chen po'i rdo rje don yod pa'i dam tshig gi cho ga rgyas pa'i rtog pa'o// de nas ston pa rdo rje 'dzin// 'byin pa byed pa bde ba che// bde chen can du brten phyir dang // sems can thams cad rnam dag phyir// khams kun dang mnyam zad pa med// kun gyi bdag nyid la zhugs te// mnyam pa'i dngos grub mchog spros nas// de bzhin gshegs pa'i rigs phyung ngo // mtha' yas pa yi zhing thams cad// 'jig rten kun gyi khams bcas pa// de tshe sangs rgyas thams cad kyis// til gyi gang du bzhin myur gang // 'jig rten khams ni thams cadadu// sems can kun mdun yang dag bzhugs// sems can thams cad ma dag pas// rang rig las kyi dag par 'gyur// de tshe sems can khams rnams ni// rang bzhin gyis ni gsod dka' phyir// rang gi las ni spyang don du// btang snyoms chen po mdzad pa yin// de nas bcom ldan rdo rje can// sems dpa' chen po bde ba che// byang chub chen por thugs brtan pas// skad cig gis ni yang dag bskul// sems can la phan bsod nams tshogs/ byang chub sems ni brtan pa bdag/ sems can khams ni rgyud 'gyur bas// shin tu btang snyoms ma mdzad cig/ de nas sangs rgyas kyis gsungs pa// sku gsung thugs kyi rdo rje can// thugs rje'i bdag nyid can gyi thabs// byang chub sems mchog khyod smras shing // de nas ston pa rdo rje 'dzin// de tshe kun nas byin gyi brlabs// bde ba chen po rdo rje che// dkyil 'khor chen po dam pa yin// khams gsum 'khor ba'i rgya
- 179a
khyon gyis// 'khor lo chen po gdod nas byung // de'i khams gsum gnas pa yi// sems can thams cad yang dag bsgrubs// sangs rgyas kun sogs dngos grub la// de tshe dag pa grub par 'gyur// de nas sangs rgyas thams cad la// 'dus nas gsol ba 'debs mdzad pa// de bzhin gshegs pa'i rin po che// sangs rgyas kun mchog bsha du gsol// de nas sangs rgyas thams cad kyis// sku gsung thugs la yang dag gnas// sku gsung thugs ni rdo rje la// yang dag spros te 'di gsungaso// oM b+hu khams/ de nas 'di gsungs tsam gyis// sangs rgyas thams cad 'dus nas ni// bdud bcom la sogs mdzad nas ni// byang chub snying por byin gyi rlabs// de nas ston pa rdo rje 'dzin// dkyil 'khor gyis ni mchog gsungs pa// sems can la ni de don phyir// rtog pa kun gyi bde ba che// de nas yang dag bshad bya ba// dkyil 'khor chen po dam pa ste// dkyil 'khor chen po'i phyi rol mchog/ rdo rje 'khor lo yang dag bri// 'khor lo lte bar sangs rgyas nyid// 'dzum pa'i tshems ni mi snang ba// su ra ta sa ma sa ya s+t+waM/ oM sid+d+ha maM zhes brjod dgod// mdun du bdud las rnam par rgyal// mdzad pa'i sangs rgyas yang dag bri// g.ya su byang chub sems dpa' yi// nor chen pos ni dbang bskur ba// rgyab tu byang chub sems dpa' dang // mnyam du chos kyi 'khor lo bskor// g.yon du log par rnam grags pa// sdig pa bsdus pa 'byin pa'o// de nas 'di rnams kyi snying po ni badz+ra satwa/ badz+ra rat+na badz+ra d+ha ma/ badz+ra karma/
- 179b
de nas phyag rgya rnams te/ satwa badz+ra badz+ra rata na/ badz+ra pad+ma/ bi shwa badz+ra/ mtshams kyi char ni rdo rje dang // rin chen sdong bu nor bu bri'o// mtshams rnamasu ni lha mo ste// lcags kyu la sogs sgo rnams su// de/ bzhin snga ma ci lci bar// 'khor lo de ni rtag par bya// mchod pa'i thal mo snying kar bcings// g.yon du de bzhin bskor bar bya// me tog dang bcas phyag rgya 'di// sangs rgyas kun gyi dam tshig dri ma// me tog bcas te snying kar bcings// bsam pa g.yos pa bdud par bya// mgon la mgo bos phyag byas la// bskor ba lan gsum byas nas ni// zhugs nas me tog dor bar bya// shin tu gsang ba yang dag dgug/ de la de bzhin gshegs pa thams cad mnyes par bya ba dang / dbang du bya ba dang / bsgrub par bya ba'i snying po ni 'di gsungs/ oM a ka ro mu khaM sarba d+harma NaM/ ad+ya nu pan na tad/ de nas cho ga ji bzhin du/ ston la me tog sil ma dor// sangs rgyas byang chub rab grub phyir// 'gro ba'i mgon la de nyid brjod// de yis kun nas sangs rgyas nas// thams cad 'dus pa nyi du 'gyur// thams cad mi dmigs sbyor/ ba yis// dngos grub thams cad stsol bar mdzad// dkyil 'khor der zhugs pa la ni// dngos grub thams cad 'grub par 'gyur// dga' ba la sogs mtshan ma mchog/ sna tshogs pa ni 'byung bar 'gyur// de nas de bzhin cho ga ni// rgyas pas slob ma mchog tu zhugs// mchod pa'i thal mos 'khor lo che// mchod nas slar ni dbyung bar bya// bsgom pa byas nas dngos grub kyang // cho ga ji bzhin rab bshad bya//
- 180a
@ras la bcom ldan bdud la sogs// rnam par rgyal ba mnyes pa yi// bsgrub pa 'di lan cig tsam gyis ni// de 'dra'i bsgrub pas 'grub par 'gyur// sku gzugs sogs mdun yang dag par// ye shes khu tshur yongs bzung la// rdo rje'i tshig gi cho ga bzhin// bzlas brjod stong phrag brgya bya'o// mdor ni 'bum ni rdzogs pa na// ci 'dod dngos grub thams cad dang // tshe mchog 'di la sangs rgyas nyid// thob 'gyur 'di la the tshom med// de na de bzhin gshegs pa phyag rgya chen po'i bsgrub pa chen po'i rgyud ni/ phyag rgya gang rung gcig bcings nas// bdag ni sangs rgyas yin bsgoms na// phyag rgya chen po'i dngos grub che// brten par myur du thob par 'gyur// de nas dmau tshig bsgrub pa'i rgyud ni/ snying kar rdo rje gzugs bzhag ste// sa ma ya s+t+waM zhes brjod la// bzlas brjod 'bum gyis bsgrub/ nis ni// dngos grub thams cad thob par 'gyur// de nas las kyi phyag rgya thams cad bsgrub pa'i rgyud ni/ bdud las rgyal ba'i mchog bcings te// chos kyi 'khor lo rab tu bskor// mtshungs med sems can don byas la// las kyi phyag rgya rtag tu 'grub// ces bcom ldan 'das kyis gsungs so// de bzhin gshegs pa thams cad kyi dngos grub kyi mchog bsgrub pa'i cho ga rgyas pa'i rgyu do// de nas ma bsgrub dngos grub mchog/ las rnams rab 'byams dam pa ste// sdig pa kun sel sna tshogs pa// go rims bzhin du rab bshad bya// 'di lta ste/ nad thams cad dang / mya ngan dang / gnod pa dang / gnod
- 180b
byed dang / dug thams cad dang / sbyar ba'i dug dang / gshed byed dang / g.yeng byed dang / ro langs dang / sngags dang / sman dang / bgegs dang / log 'dren dang / sdig pa dang / rmi lam ngan pa dang / dus ma yin par 'chi ba dang / rims dang / gdon dang / mkha' 'gro ma dang / nye bar 'tshe ba dang / 'gro ba'i nad dang / nyon mongs pa dang / lus dang / ngag dang / sems kyi sdug bsngal thams cad rnam par bshig pa la ni de bzhin gshegs pa thams cad kyi sdug bsngal 'phrog par byed paso// tshe dang / lang tsho dang / gzugs dang / kha dog dang / gzi byin chen po dang / mdangs dang / stobs dang / spro ba dang / brtson 'grus dang / dpal dang / bskal pa bzang po dang / bsod nams dang / ming dang / snyan pa dang / grags pa dang / dran pa dang / blo gros dang / brtan pa dang / rtog pa dang / stobs dang / ti nge 'dzin dang / phung po dang / 'du byed dang / sku dang / gsung dang / thugs dang / 'phel ba la ni de bzhin gshegs pa thams cad kyis bde ba chen pos so// de bzhin gshegs pa thams cad kyi sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / ye shes dang / stobs dang / thabs dang / rdo rje dang / bsgrub pa dang / gzungs dang / sa dang / spyod pa dang / so so yang dag par rig pa dang / sangs rgyas kyi chos ma 'dres pa dang / chos dang / las dang / sna tshogs pa'i bya ba dang / sems can
- 181a
gyi don dang / sangs rgyas kyi mdzad pa'i don dang / sku dang / gsung dang / thugs sgrub pa la ni de bzhin gshegs pa thams cad kyis dngos grub thams cad kyi byang chub sems dpa'i sems bskyed pa dang / kun tu bzang po'i cho ga spyod pa rdzogs par bya ba dang / sems can thams cad kyi don dang / 'pho ba dang / skye ba'i sa dang / gzhon nu'i rol pa ston pa dang / mngon par 'byung ba dang / dka' bo spyod pa ston pa dang / byang chub kyi snying por gshegs po dang / bdud thams cad 'dul ba dang / byang chub chen por mngon par byang chub pa dang / chos kyi 'khor lo bskor ba dang / mu stegs thams cad tshar gcod pa dang / 'jig rten gsum las rnam par rgyal ba dang / lha las babs pa dang / 'dus pa chen po'i byin gyis brlabs pa dang / gdug pa thams cad 'dul ba dang / 'dul ba la rab tu bzhag pa dang / ngan 'gro thams cad las 'don pa dang / mdo sde thams cad ston par mdzad pa dang / rtog pa thams cad byin gyis brlab pa dang / dngos grub thams cad sbyin pa dang / de bzhin gshegs pa thams cad kyi sku dang / gsung dang / thugs las dmigs pa'i rdzu 'phrul dang / cho 'phrul bsgrub la ni de bzhin gshegs pa thams cad kyi sna tshogs kyi rdo rje so// ci ltar phyag rgya 'di dag gis// byang chub sems la mngon rten pa// de ltar byang chub spyo tshogs kyis byang chub dam pa thob mi 'gyur// don yod bsod nams dam pa yis// las kyi rab 'byams bsgrub byed pa// chog ma bsgrub pa rnams grub//
- 181b
sangs rgyas chos ni rab ster byed// rnam pa kun tu ldan pa yi// sems can kun la sbyin par bya// dkyil 'khor dag tu ma zhugs pa// skad cig ni sbyor bar byed// dpal mchog dang po rtogs pa'i rgyal po las de bzhin gshegs pa thams cad kyi byang chub rdo rje byin gyis brlabs pa'i rdo rje rtog pa rgyas pa'o// / de nas sna tshogs las chen po// khyab bdag rdo rje 'dzin chen po// gdug pa thams cad 'dul ba'i mchog/ sems can kun la rjes ston mdzad// de bzhin gshegs pa'i rigs skyed cing // gang phyir nyes byas kyis bdug pa'i// rang gi rang sems spyod pa yis// zhi ba'i sems can kun gyi don// gdul bar rab tu bsgrub mi nus// sangs rgyas kun gyi bsgrub bya ba'i// 'gro ba 'di dag thams cad yin// gang tshe bde gshegs sems can don// dam pa mdzad par mi spyod pa// de tshe nyid kyi dngos po kun// gtso bo rdo rje gsol ba btab// sems can thams cad 'dul mdzad pa// bcom ldan 'das la gsol ba btab// uSh+mA sa ma kro d+ha ni sum b+ha dz+wa la badz+ra hUM/ de nas 'od ni gsungs tsam gyis// phyag na rdo rje rang nyid gtso// sku gsung thugs kyi rdo rje las// slar byung nas ni mdun na gnas// khro chen rgyal po'i sku yis ni// sems dpa'i dkyil dkrungs gis legs bzhugs// 'bar ba'i 'phreng 'od kyis gsol ba// bsreg pa'i bskal gzhan 'dra ba// g.yon pa'i rdo rje bsnyems pa che// drag tu gsor bas skyong mdzad cing // 'bar ba'i rdo rje chen
- 182a
'bar ba// rnam par 'phros pas bsreg pa 'di// 'bar ba chen po gsod pa ni// bskal pa'i me'i phung po 'dra// ngang pa'i rdo rje khro gnyer bcas// rdo rje mchog 'dzin pas gsungs pa// de la rdo rje nyi ma ltar// 'bar ba zhes bya ba'i snying po 'di yin te/ hUM/ de nas 'di gsungs tsam gyis// sdig pa kun gyi bud shing zad// 'jig rten khams kyi 'jig rten gsum// thams cad g.yos shing 'dul bar 'gyur// lha chen la sogs lha rnams ni// g.yo ba med cing rmongs par 'gyur// rdo rje 'bar ba 'khrug pa kun// de bzhin 'jig pa lta bur 'gyur// nyan thos dang ni rang rgyal rnams// mya ngan 'das par nye bar 'gro/ lha la sogs pa'i srid gsum kun// de tshe kun tu rmongs par 'gyur// sangs rgyas thams cad 'dus pa yin// sangs rgyas byang chub yang dag mdzad// sems dpa' kun gyi thabs chen po// dam pa yang ni thugasu chung // de nas rdo rje 'bar ba'i mchog/ 'bar ba'i 'phreng ba 'khrugs pa'i 'od// rdo rje mche ba gtsigs pa'i zhal// zhal ras khro dang bcas pa yin// g.yon brkyang pas ni legs par bzhugs// spyan 'bar 'jigasu rung ba ste// dbu skra gyen du rjes shing g.yo// kun nas 'khyil cing 'bar ba che// rdo rje gsang ba'i rnal 'byor che// mkha' 'gro'i tshogs kyi yul can rnams// phyung nas kun tu 'phro ba rnams// thams cad ni 'bar bar 'khrugs// rlung bskyod pa'i bskal pa'i me lto bur// 'bar ba'i 'phreng ba kun tu 'khrugs// 'jig rten khams ni ma lus na//
- 182b
/ sangs rgyas thams cad sras bcas pa// yang dag zhugs pa legs bskul te// 'jig rten thams cad yongasu bkug/ lkugs nas sems can kun don dang // bstan pa thams cad 'grub pa'i phyir// 'jig rten gsum bdag de rnams dang // rgyu dang mi rgyu'i sems med byed// dri nas rdo rje 'dzin rgyal pos// kun mchog lha'i dbang po ni// de rnams la ni thugs rje yis// 'chi ba slar gso brtan por gsungs// oM u tIny+dza ma hA d+hi pa ti badz+ra Ni shri g+haM/ ud thA pa ya hUM/ rgyu ba dang ni mi rgyu ba thams cad bslangs pa'o// / de nas sa gsum blang ba na// thams ca du ni shi ba gso// sangs rgyas dpa' bos brtul gyur cing // rdo rje can gyis kyang rjes btul// de nas rdo rje 'dzin khro bas// 'bar ba'i rdo rje gsor byed cing // nga'i dam tshig la gnas zhes// sna tshogs pa la bka' rab sgo// de rnams kyis gsol pa/ 'di su zhig lags/ bcom ldan sku ni zhi ba la// gnod sbyin gzugs can gang lags gsungs/ khyed kyi dam tshig ci 'dra ba// zhus pa bde ba'i tshig tu gsungs// bcom ldan 'das kyis bka' stsal pa// 'di ni sangs rgyas rnam grol ba// gdod skyes rdo rje gnod sbyin che// dkon mchog gsum dang de bzhin du// nga la skyabasu 'gro bar gyis// 'jig rten gsum gyis 'di thos nas// tshogs bdag tshogs kyi dbang phyug bcas// bskal pa'i me dopung lta bu yi// 'bar ba'i mtshon gyis 'thab par brtsams// de rnams kyis smras pa/ bdag cag gis ni sangs rgyas
- 183a
rig rdo rje gnod sbyin shes ma yin// bdag cag 'jig rten gsum po gcig/ gnod sbyin sgo bas ci zhig bya// de nas rdo rje 'dzin khros nas// khro gnyer dpral bar bsdus te gnas// de nas khro gnyer thams cad ni// rdo rje 'dzin pa'i rjesu spyod// g.yon pa snyems pa rgya bcangs pas// smin ma spyan bsdus pas rgod cing // nam mkha' khyab pa'i dbyangs kyis ni// rtag tu khros bcas pas smraso// de la khams gsum rnam par rgyal ba'i nye ba'i snying po/ sems can ma lus pa las rgyal po ni 'di yin te/ hi/ de nas snying po 'di phyung bas// des rgyal bcu gcig bcings pa dang // dam tshig brtan pa 'dzin du bcug/ rdo rje ming gi dbang bskur nas// lag na rdo rje 'dzin mchog byas// rdo rje ming ni byin nas su// 'jig rten gsum po ting 'dzin bzhag/ de nas rdo rje mchog chen po// mgon po yis ni gsol ba btab// sems can kun la rjes ston pa// rtog pa 'di ni bsha du gsol// rdo rje 'dzin pas gsungs pa yi// dkyil 'khor chen po'i phyi rol tu// 'bar ba'i 'khor lo yang dag bri// de yi dbus su bzhag bya ba// sngon po 'bar ba gzugs bzang ba// zhal gyi mche ba cung zad gtsigs// zhal ni khro dang bcas pas bshad// sems dpa'i dkyil dkrungs kyis legs bzhugs// snyoms bcas shes che re 'bar ba la// 'od zer 'bar ba 'khrugs pa yi// rdo rje gsor ba mdzad la brtson// de yi nges ni thams cad// rdo rje rnal/
- 183b
'byor ma'i gzugs// rdo rje mtshon cha mdung chen dang // ral gri zhags pa mtshon 'dzin ma// mtshamasu mda' dang kha T+wAM ga/ 'khor lo ba dan sna tshogs 'dzin// rdo rje'i rigs ni sna tshogs pa// 'bar ba'i 'khor los yongasu bskor// dkyil 'khor dgod par bya ba ni// thig bdun gyis yang dag tu// dang po rdo rje phyag rgya gdab// gnyis pa sngags kyi lha mo ste// gsum pa rdo rje rgyal po ni// rdo rje lha mos yang dag bskor// rdo rje chen mo sgeg mo che// bzhi po glu mkhan ma la sogs// rgyal rigs gsol dka' bran rnams kyis// khro bi rnams ni lnga pa la// drug par rdo rje pho nya mchog/ gnod sbyin srin po king ka ra// dbang phyug dam pa drag po sogs// gtum po chen po 'dul bar mdzad// phyi yi dkyil 'khor dbyibs rnamasu// mdor na ming po gsum la sogs// lha la sogs pa'i tshogs thams cad// legs par dri'am bzhag par bya// mtshamasu lha mor rab bshad pa// de rnams kyis ni sgo dbus su'ang // lcags kyu la sogs de bzhin du// dkyil chen 'khor chen po tshul gyis ni// go rims dag ni ci bzhin du// cho ga rgyas pa ci bzhin bya// khros pas rdo rje gsor ba dang // khro gnyer 'dzum dang bcas pas 'dud// de nas khro zhing slob dpon che// rdo rje can mchog rab zhugs la// rdo rje hUM mdzad kyis sdig 'dzub// hUM mdzad rab tu sbyar bar bya// snyems dang bcas pas rgyab gdab nyid// de bzhin khro bas gdul ba la// rdo rje 'chang chen rgyas pa yi//
- 184a
gdug pa nyid la rab tu dges// de nas me tog blangs nas ni// khros pas bdag po che la gtor// rdo rje 'bar ba'i lcags kyu ches// yang dag par yang dgug par bya/ oM ma hA badz+ra badz+ra dz+wa la A na lArka ya hi dza/ sarba badz+ra ku la pra be sha ya hUM/ sarba mu traM ga nAn ban d+ha na tra Ta/ sarba sa ma ya staM sa d+ha ya phaT/ sarba duSh+Ta da ha pa tsa b+hasmi ku ru ma hA kro d+ha agau ni badz+ra na hUM phaT/ a a a a/ de nas bcom ldan khro bo ni// rgyal po brten pa che byon 'gyur// rdo rje rigs la sogs pa kun// dngos grub thams cad gsol bar mdzod// de nas hUM mdzad la sogs sgras// mtshan ma rnams kyang 'byung bar 'gyur// gal te slob ma la sogs la// snying kar dbab pa phra ba skye// de nas rdo rje hUM mdzad kyis// phyag rgya slob ma gzhug par bya// btsugs nas dang po'i sems dpa' yi// rang gi snying po brjod par byed// hU~M hUM badz+ra pra ha ra Ni hUM phaT/ hU~M hUM badz+ra pra ha Ni phaT/ hU~M badz+ra shu la ya gri Ni tri ta/ ma taM/ sa hUM badz+ra ko She tsin+ta da oM badz+ra a ma la pA she phaT/ rdo rje gdung dang / rdo rje ral gri dang / rdo rje zhags pa ste/ rdo rje khro bos bsrung ba'o// de nas 'di rnams kyi phyag rgya rdo rje don yod thogs pa med pa shin tu grub pa/ stobs dang pha rol gnon pa rnams sems can mngon par rgyas pa gdab pa nus pa rnams bskul bar bya'o// oM badz+ra gu h+ye sid+d+hi pa ra ma yo ge shwa ra hi/ hUM badz+ra tsan Da ho kha T+wAM ga ma hA badz+ra ka pA la yaM
- 184b
ku ste/ ru lu ru lu NI hUM badz+ra nA ra ya nI dzi/ hUM badz+nyA ba Ta ki dzi/ rdo rje khro bo'i mkha' 'gro ma lan cig bzlas te dgod pa'am/ bri bar bya'o// bcom ldan 'das de kho na nyid kyis snying pos bzhugs su gsol/ dngos grub thams cad la don yod pa'i dngos grub 'grub par 'gyur ro// de nas dam tshig brjod par bya ste/ sems can rnams la bde phyir dang / bstan pa thams cad 'grub pa'i phyir// gdug pa 'dul ba bsod nams ni// 'gyur zhes rdo rje 'dzin gyis gsungaso// de nas bcom ldan 'das hUM mdzad kyi phyag rgya dang / bcas pa'i 'dzub mo sbyar bar bya'o// de nas bcom ldan 'das gdug pa thams cad dang / bdud thams cad dang / 'jig rten gsum po thams cad yang dag par 'dul ba nyi du byin gyis rlobs par mdzad do// de nas dbang bskur ba rgyas pa la sogs pa de bzhin du byas la rdo rje khro bo'i las bzhi pa bslab par bya ste/ phyag rgya rnams kyis sems can rnams rgyas gdub pa dang / phyag rgya bzhig pa dang / gsad pa dang / slar 'tsho bar bya'o// gang la phyag rgya sbyar ba ni 'chi bar 'gyur ba de'i gdug pa yin par shes par bya'o// de nas 'chi bar byed pa'i phyag rgyas 'tsho bar byas la shin tu bsrung ba rab tu sbyar byas na shin tu bsrung ba'i phyir/ gdug pa rnams slar yang gnod par mi byed// de nas brtsams te slob ma bzang // dkyil 'khor tshogs ni kun gyis kyang // mi tshugs pa dang mi gsong bar// tshe 'di nyid la 'grub par 'gyur// de nas 'di bsgrubs bshad bya ste/
- 185a
@ci bzhin sgra ni dge 'dun du// rdo rje gsor zhing dang por ni// bzlas brjod stong phrag brgya bya'o// 'bum 'tshang nas ni sems dpa' che// rdo rje sems dpa' dang mnyam mchog/ rdo rje khron rgyal po mchog/ rgyas dang 'chi ba med par 'gyur// gdug pa rnams ni rjes 'dul zhing // sangs rgyas kun la rab mchod par// 'jig rten du ni legs snang zhing // cis kyang 'jigs pa med par 'gyur// de nas de kho na nyid kyi snying po bsgrub pa ni/ 'greng ngam yang na 'dug pa'am// 'gro ba'am nyal bar byed pa na// ci ltar de ltar 'bum bzlas na// tshe 'di nyid la 'grub par 'gyur// 'di yi 'dod pa'i dbang phyug kun// 'dod pa tsam gyis 'gro 'ong ldang // dngos grub kun gyi dbang phyug grub// rgas dang 'chi ba med por 'gyur// 'gro ba rnams kyis mchod pa dang // rang gi nye du rnams kyis brten// gdug pa thams cad rjes 'dul zhing // gang la 'jigs pa med par 'gyur// bcom ldan 'das khro bo'i rgyal po chen po'i gsungaso// de nas phyag brgya'i dam pa bsgrubs pa yin// ci bzhin dus su phyag rgya bcings// bdag nyid nye bar bsregs nas ni// srid 'di nyid khro bo chen po'i dngos grub thams cad 'grub par 'gyur// de nas dam tshig bsgrub pa ni// bdag ni thams cad gsang bya zhes// brjod mi phyag ni rdo rje yis// dam tshig phyag rgya bcings nas ni// bzlas na rdo rje 'dzin grub 'gyur// de nas las rnams bsgrub pa ni// las rnams dam pa bsgrub pa ni// rnam pa bzhir ni rab 'byed cing // thams cad bang ba'i phyir zos na// rdo rje las
- 185b
nyid thob par 'gyur// bsgrub pa chen po'i cho ga rgyas pa'i rgyud// de nas dngos grub bsgrub pa ni// rdo rje khro mchog rgyal po yi// las kyi rgyun ni dam pa rnams// go rims bzhin du bshad par bya// 'di lta ste/ thams cad bsregs pa dang / bkrang ba dang / gzhig pa dang / rengs par byed pa dang / gnyid log par bya ba dang / rgyas gdab pa dang / rmongs pa dang / gzhig pa dang / bcings pa dang / gzi ba dang / dral ba dang / brdeg pa dang / 'bar ba dang / bsgyel ba dang / gtso bo dang / gcad pa dang / dbug pa dang / phye mar bya ba dang / gtor ba dang / rnam par gzhom pa dang / rims dang / dug dang / gdon gyi zin du gzhug pa dang / sbyor bar bya ba dang / gsad par bya ba la ni rdo rje hUM mdzad kyiso// thams cad 'dug par bya ba dang / nges par bkod pa dang / bskyod pa dang / gar byedadu gzhug ba dang / glu len du gzhug pa dang / rgyal du gzhug pa dang / gcer gzhug pa dang / ha ha zhes dgo du gzhug pa dang / 'khor ba dang / drangs pa dang / 'ong du gzhug pa dang / sgom pa dang / nub par bya ba dang / dbyung ba dang / 'phang ba dang / nye bar 'deg par bya ba dang / bskur ba dang / nga ro 'don par bya ba dang / dur gzhug par bya ba dang / rang nyid brdeg par bya ba dang / 'ching bar bya ba dang / sgra 'bal bar bya ba dang / zhe 'dras par bya ba dang / gos bau shu ba dang / khro ba 'bar ba la ni khro bo'i gdan gyi phyag rgyas// thams cad dgug pa dang / gzhug pa dang / dbab pa dang / skra
- 186a
sen bsgrub pa dang / bden pa smra bar brjod pa dang / rgyu ma ston cing lan ston pa dang / dus tshigs kyi 'khor lo yongasu bzlog pa dang / dus ma yin par shing las me tog 'bras bu smin par byed par ston pa dang / 'bru thams cad yang dag par ston pa dang / rims dang sbyar ba'i dug dang / gdon dang / dug dang / mkha' 'gro ma las thar bar bya ba dang / g.yul 'gyed pa thams cad las thar bar bya ba dang / gzhan gyi dpung gzhom pa dang / phyogs dang / mtshams dang / dkyil 'khor bcings pa dang / shin tu bsrung ba dang / yongasu skyob par bya ba dang / thar par bya ba dang / bslab pha dang / dbang du bya ba la ni khro bo chen po sna tshogs grub pas so// lha la sogs pa thams cad ltung bar bya ba dang / klu gdon par bya ba dang / gnod sbyin rje su 'brang bar bya ba dang / srin po bkag pa dang / mkha' 'gro ma la sogs pa'i gdon thams cad dang / bdud kyi dpung thams cad gzhom pa dang / ma mo rnams gdul ba dang / gdug pa'i tshogs rnam par gtor ba dang / gdug pa rnams tshar gcod pa dang / 'dum pa dang / 'jig pa med par yang dge bar bskyed pa dang / nor bu bzang po dbang du bya ba dang / nor sbyin las nor thams cad dbrog pa dang / rnam thos sras mnan nas dpal drangs pa dang / lha'i bu mo gzhon nu ma thams cad dang rtse 'byo bya ba dang / brgya byin mnan nas bde sogs ma dbrog pa dang / skem byeng tshar gcang ba dang / tshangs pa ltung bar bya ba dang / khyab 'jug 'dul ba dang / dbang phyug chen
- 186b
po las rnam par rgyal ba dang / 'dod pa'i dbang phyug mnan nas dga' ba mo dbrog pa dang / rdo rje bsgrub pa dang / byang chub sems dpa' bsgrub pa dang / de bzhin gshegs pa thams cad mnyes par bya ba dang / dgug pa dang / bzhugs pa dang / dam tshig bcings pa dang / dbang du bya ba dang / bsgrub pa la ni rdo rje khro bo chen po rgyal po dam pa'i dngos grub kyiso// zhes kyang gsungs so// lan cig bzlas pas mchog grub ba/ thog ma'i rtsa snying bzang lan cig/ de'i 'og tu khro gnyer gyis// sgrub bya thams cad grub pa yin// dpal mchog dang po'i rtog pa chen po'i rgyal po las rdo rje me dang / nyi ma ltar rab tu 'bar ba'i rtog pa'i cho ga rgyas pa'o// de nas ting 'dzin thams cad ni// rnam dag mchog gi chos nyid las// spyan ras gzigs dbang chen po ni// rdo rje sems dpa' gtso chen yin// gdug pa thams cad 'dul don du// rang rig rin po che ni skyed// sangs rgyas kun gyi khro bo che// thabs med pas ni thabs yino// 'dod chags la sogs kun stsags pas// ma dag sems can khams ngag ni// de rnams la ni rab spyod par// skyes bu mchog ni rnam par mkhyen// mchog tu mi 'dul ba nyid kyis// sangs rgyas kyang ni mnga' mi mdzad// 'jig rten kun na 'jig rten mchog/ rang nyid bzang ba la snyoms zhugs// de la 'di ni de bzhin gshegs pa thams cad kyi ting 'dzin gyi rgyal po chos thams cad rang bzhin gyi rnam par dag pa'i chos nyid kyi ye shes kyi rdo rje zhes bya ba'i ting 'dzin te/ gang la gzigs pas de bzhin gshegs pa thams cad khams gsum pa thams
- 187a
@cad kyi dbang phyug thams cad kyi thugasu chud par gyur pa'o// snyems pas pad+ma g.yos pa ni// gzung ste 'dab ma 'byed mdzad pas// ci nus pa'i ting 'dzin gyis// rang bzhin gyis ni gzigs par mdzad// ci ltar pad+ma dam po 'di// tshon gyi nyes pas mi gos pa// gnas kyi nyes pa sna tshogs pa'i// khams gsum pa ni de bzhin dag/ 'di la gzigs pa la sogs pas// rgyal ba rnams ni dbang por 'gyur// de yis rdo rje sems dpa' ni// spyan ras gzigs kyi dbang phyug 'gyur// de bas sgom pa'i snying po 'di// dag par sgom pas sgom par ni// rdo rje 'chang ba chen po ni// pad+ma chen po 'chang bar 'gyur// gser sbyangs ri'i dbang po ste// rgyal po chen po dang mnyam pa// snyems pa g.yon pa'i bang mchog gis// tshul gyi 'dul ba mdzad pa ni// pad+ma'i rigs mchog ston pa'i phyir// rgyal po rnams kyi gsol ba btag/ de nas thams cad 'dul mdzad cing // shin tu dkar ba'i chos mdzad pa// rdo rje chos te rang rgyal po// 'jig rten dbang pos bka' stsal pa// phyi ni dkyil 'khor tshon po la// pad+ma 'dab ma brgyad pa bri// de yi dbus su spyan 'dzum pa// 'jig rten dbang phyug dgod par bya// gser sbyangs lta bu'i pad+ma ni// g.yon snyems tshul gyis gzigs mdzad pa// rgyal mtshan kun gyis rnam par spras// sangs rgyas sku mchog spyi bor bzhugs// de'i ngos ni thams cad// sangs rgyas sku ni brgyad po bri// rang gi 'dzin pa pad+ma che'i// ting 'dzin la rnam par gzigs// 'jig rten dbang po'i gzugs logs su//
- 187b
sangs rgyas la sogs rigs kyi lha// zhi ba tshad med bu tshangs pa// 'dod pa'i gzugs ni pad+ma can// spyi bor cher zhing mgrin 'degs pa// rta mgrin lcags kyu bcings nas ni// chos kyi tshig gi spyan drangs bya// de/ nas pad+ma'i snying po ni// sarba ta thA ga ta pad+ma dza/ hUM badz+ra pad+ma he pad+ma/ pad+ma baM/ ho pad+ma ni ra dza/ de nas mtshams rnams ni// hUM pad+me tsan De shwa ra hUM/ he ma hA ha bi shA pad+ma tsu ra Ni sid+d+ha hUM/ ma Ta hri/ pad+ma pad+mo/ hUM a ho pad+ma i shwa/ kra ma kra ma hUM dza/ dkyil 'khor chen po'i tshul gyis ni// cho ga rgyas par byas nas ni// pad+ma chen po me tog bcas// ma yengs yid kyis phyag rgya'o// dkyil 'khor zhugs nas ting 'dzin// las byung gzungs 'di brjod par bya// oM bi shwa d+ha ya/ mA nu sa ni shud+d+ha ma hA satwa/ d+ha tu su ma ya satwa/ ra gA dI pa rtse ye/ tsit+ta me sar+b+ba d+ha me Sh+ya badz+ra ni/ gzungs kyi phyag rgya gnas nas ni// dgyes pas pad+ma 'dzin pa ni// de nas 'dzub mo lcags kyu bcings// chos kyi tshig gis legs spyan drangs// oM sar+b+ba ta thA ga ta a be lo ka shwa ra pad+ma ha staM/ ya hi shA g+ha ma ma me badz+ra mu tr-i a gi sh+ya sa be sa ma yer b+ha bi sha ko mi/ dza hUM baM ho// sho d+ha ya sar+b+ba sa d+ha ya ba ma ma/ ma hA badz+ra d+ha staMs+t+waM/ de nas 'jig rten 'dzin par rang nyid byon// 'jig rten kun mchog grub 'gyur ba'i// ting 'dzin cho ga nges par mdzad// de nas de bzhin slob ma rnams gzhugs pa'i cho ga rgyas pa ni// dngos grub thams cad sbyin pa yis// ye shes dag ni bslab par bya// ting 'dzin snying po 'di yis ni// bsgrub pa chen po gdon nas 'byung // 'jig rten kun gyi dbang phyug nyid//
- 188a
go rims bzhin du bshad par bya// bud med rnams kyi nang zhugs pa'am// gdug pa kun gyi nang chung ba'am// gang yang rung bar 'dug nas ni// pad+ma chen po yongasu bzung // dus dang stobs ni ci bzhin du// nye ring ci nus bsgrub par bya// cho ga 'di yi tshe 'di la// myur du mchog ni 'grub par 'gyur// 'dod chags kun gyis bde myur bar// 'dod pa tsam gyis 'gro 'ong lding // 'jig rten kun gyi dbang phyug rgya la// rga dang 'chi ba med par 'gyur// sangs rgyas byang chub sems dpa' nyid// phyag na rdo rje nyid dang ni// dngos grub kun gyi mtha' yas mchog/ tshe 'di nyid la thob par 'gyur// de nas phyag rgya bsgrub pa ni// phyag rgya bcings te ting 'dzin gnas// dngos grub chen po nyid thob po// dam tshig mchog gis te// las kyi las mchog phyag rgyaso// bsgrub pa chen po cho ga'i rgyud do// de nas dngos grub mo grub pa'i// ting 'dzin las ni 'dres pa dag/ dang por ting 'dzin grub pa ni// go rims bzhin du rab bshad bya// 'di lta ste/ sgrib pa thams cad dang / sdig pa thams cad dang / rmi lam ngan pa dang / bltas ngan pa dang / yams dang / 'tshe ba dang / nad 'go ba dang / nyon mongs pa dang / dus ma yin par 'chi ba dang / 'jigs pa dang / skrag pa dang / gcod pa dang / 'bab pa dang / byis pa'i gdon dang / dmu dgod dang / nyon mongs pa dang / ngal ba dang / sdug bsngal ba dang / yid mi bde ba dang / dbul ba dang / rgyags pa dang / reg ni mi bde ba dang / bskal pa ngan pa dang / nad med pa ma yin pa dang / nor brlab pa rnams la ni pad+ma chen po zhi bso//
- 188b
rlung dang / mkhris pa dang / khrag dang / bad kan dang / 'dus pa dang / ma zhu ba dang / rims dang / sbyar ba'i dug dang / mdze dang / 'brum bu phra mo dang / g.yan pa dang / rkang shu dang / skran dang / chu'i dmu rdzing dang / mtshan mar rdol ba dang / sha bkra ba dang / zad byed dang / khrag zad pa/ khu ba zad pa dang / nad thams cad dang / gnod pa dang / gnod byed dang / gdon dang / phra man rnams gso ba la ni pad+ma chen po sman gyi phyag rgya 'dzin pas so// thams cad rdo rje bya ba dang / chos dang / go cha dang / gtsug phud dang / mtshams dang / phyogs dang / dkyil 'khor dang / sa dang / na mkha' dang / rdo rje'i gdan dang / khang pa chen po dang / rdo rje ra ba dang / me 'bar po dang / thal ba'i ra ba dang / rdo rje dang / ri bo don yod pa la sogs pa dang / srad bus yongasu bskor ba dang / phur bus gdab pa dang / zas dang / btung ba dang / gos dang / rgyan dang / phyag rgya dang / bsrung ba la ni pad+ma chen po thams cad bsrung bas so// tshe thams cad dang / stobs dang / kha dog dang / gzi brjid dang / mdangs dang / lang tsho dang / brtson 'grus dang / spro ba dang / nad med pa dang / dpal dang bskal pa bzang po dang / nor dang / 'bru dang / dbang phyug dang / 'byor pa dang / dngos grub dang / bla dang / rnyed pa dang / bkra shis pa dang / ming dang / grags pa dang / snyan pa dang / tinge 'dzin dang / shes rab dam pa 'grub pa ni/ pad+ma chen po mchog grub pas so// dpal mchog dang po snying po'i rtog pa chen po'i rgyal po las chos thams cad bsgrib pa med pa'i ye shes kyi
- 189a
rdo rje'i cho ga rgyas pa'o// de nas rgyal po rdo rje 'dzin// thams cad mi 'gyur na mkha' che// thams cad dbang bskur kun gyi don// kun dbang rin chen thams cad 'dzin// tinge 'dzin gyis rab byin brlabs// bdag po chen po rab sang mdzad// chos rnams la ni rnam gzigs pas// kun don dbang phyug gdon nas byung // nyi zla dang ni gza' skar can// nam mkha' nyi du 'gyur ba yin// de nas rin chen ting 'dzin ni// nges par rdo rje can du brjod// de nas nA mkha' rdo rje nyid// ljang sngon bai DUr+ya mnyam mdangs// rdo rje rin chen rnams dge ba// nam mkha'i snying po yang dag gyur// de nas bcom ldan thog ma nyid// mdzod bu kun gyi gnas na bzhugs// ting 'dzin la rnam gzigs pas// 'jig rten dbang phyug bdag po nyid// sangs rgyas thams cad sras bcas dang // de bzhin rdo rje 'dzin pa mchog/ rdo rje rin chen de yis ni// kur rigs kun gyi dbang bskur phyir// bsam pa thams cad rdzogs bya'i phyir// kun mchog kun la dbang bskur nas// shis pa brjod pa 'di gsungaso// oM sarba badz+ra satwa a d+hi pa ti tA ma a b+hi Shany+tsa bi b+hur b+hu ba swa/ de nas bzang po'i 'di gsungs shing // legs par shes brjod dbang bskur bas// rdo rje rin chen che de las// chos kyi gtso bor byung bar 'gyur// byung nas 'gro ba thams cad ni// ci rig pa ni kun dbang bskur/ rdo rje kun gyi dbang bskur nas// slar yang dkyil 'khor tshul gyis zhugs// bde gshegs kun gyi byin rlabs pa// rdo rje rin chen bla na med// shin tu dbang phyug chen po'i mchog/ dngos grub gsol ba'i
- 189b
rtog pa gsungs// dkyil 'khor chen po'i phyi rol ni// nam mkha'i 'khor lo na mkha'i mdog/ nyi ma zla ba skar ma dang // gza' rnams kyis ni brgyan par bri// de'i dbus na mkha'i snying po ni// bdag nyid thams cad gyis par gzhag/ dag pa'i bai DUR+Ya mdog 'dra// 'od zer 'bar ba sna tshogs 'khrugs// g.yon pa'i rin chen thugs kar btod// g.yas pas nor chen rab stsol bas// de'i ngos su sems dpa' mchog/ bzhi po gzugs bcas dam pa yin// dbang bskur ba dang gter nyid dang // nor bu chen po bla med dang // 'byor pa dpal ni phun sum tshogs// rang nyid mtshan mas mchod pa ni// de la de dag gi snying po 'di yin te// badz+ra satwa dza badz+ra rat+na hUM/ badz+ra/ d+harma ba/ badz+ra kArma ho// de nas gzungs rnams kyi snying po bshad/ oM pra ti badz+ra Ni phaT/ oM badz+ra pra ti hi hriHoM tsit+ta ma b+hi ho/ oM badz+ra ma hA ma hau haM/ dkyil 'khor chen po'i khu tshur gyis// cho ga rgyas pa ci bzhin bri// nor bu'i khu tshur gyis bzhugs pa// mkha' skyes la ni dgos phyag rgya// bzhugs nas na mkha' mkhas pa yi// dem tshig dam pa brjod par bya// khyed ni na mkha' las byung ba'i// thams cad kyis ni lnga pa yan// oM a sid+d+he b+hur b+hu sid+ha waM/ sid+hi swa sid+d+hi ma hA badz+ra rat+na ba ba Ta Ta traM/ 'di ni bzlas tsam gyis ni// mkha' snying dngos grub thams cad dang // phun tshogs kun la shin tu ni// 'grub 'gyur 'di la the tsom med// ces bcom ldan 'das rdo rje rin chen bla na med pas gsung so// de nas nor bu khu tshur gyis lcags
- 190a
kyus gus par bya'o// oM b+hu rA ya hi dza b+hA ba pra bi sha hUM swA hA/ gi hA baM ba ba Ta Ta sid+d+hi ho traM// de nas bcom ldan myur du ni// byon nas dngos grub thams cad ni// 'byor pa shin tu g.yo/ ba la// don ni rab tu 'grub par 'gyur// do nas slob mos phyag rgya na// me tog bces pas chog gis gzhug/ bcug nas de nyid mchog skyong po// bden pa lan cig brjod du bzhugs// de nas 'byor pa'i mchog brtag pa// dpal gyi phun tshigs mchod pa che// 'jig rten mchog gis dngos grub rnams// bde bar gshegs pa bzhin du thob// rdo rje rin chen rgyal mchog gis// dpag med bzlos pas bsgrub bya zhing 'di yis skye mchog 'di nyid la// 'dod chags 'gro dang 'ong bar 'gyur// rin chen kun gyi dbang phyug rgyal// rga dang 'chi ba med par 'gyur// dngos grub kyi dam pa thams cad kyang de bzhino// phyag rgya bsgrub pa ni dga' ba nyid kyis so// dam tshig gi phyag rgya bsgrub pa dam tshig gi khu tshur gyiso// de bzhin du las bsgrub pa na// dngos grub bla na med pa yin no// phyag rgya chen po bsgrub pa nyid de'i rgyu do// de nas de'i phyir las rnams kyis rab 'byams rgyun ni dam pa dang / dngos grub chen po kun bsgrub pa// go rims ci bzhin rab bshad bya// 'di lta ste/ 'byor pa thams cad dgug pa dang / gzhug pa dang / bcing po dang / dbang du bya ba dang / dbrog pa'o// bsag pa dang / len pa dang / 'dren pa dang / 'gugs pa dang / gtong ba dang / gzhig pa dang / 'phen pa dang / 'deg pa dang / 'beb pa dang / brdeg pa dang /
- 190b
sbyang ba dang / rnyed pa dang / nyo ba dang / btsong pa dang / kun tu 'gyed pa dang / nye bar dgod pa dang / bstan par bya ba dang / rdo rje bya ba dang / 'byor pa thams cad bsgrub pa dang / 'byor pa thams cad kyi mchog bsgrub pa la rdo rje rin chen gyi dbang bskur bas so// dpal thams cad dgug pa dang / gzhug pa dang / bcing ba dang / dbang du bya ba dang / dbrog pa dang / bsago pa dang / len pa dang / 'dren pa dang / 'grogs pa dang / gtod pa dang / 'phen pa dang / 'deg pa dang / brdeg pa dang / sbyangs pa dang / rnyed pa dang / nyo ba dang / btsong ba dang / kun tu 'gyed pa dang / nye bar dgos pa dang / bstan par bya ba dang / rdo rjer bya ba dang / 'byor pa thams cad bsgrub pa dang / 'byor pa thams cad kyi mchog bsgrub pa ni/ rdo rje rin dpal gyiso// phun sum tshogs pa thams cad dgug pa dang / gzhug pa dang / bcing ba dang / dbang du bya ba dang / dbrog pa dang / bsag pa dang / len pa dang / 'dren pa dang / dgug pa dang / gtod pa dang / gzhig pa dang / 'phen pa dang / 'deg pa dang / 'bebs pa dang / brdeg pa dang / sbyang ba dang / nyed pa dang / nyo ba dang / btsong ba dang / kun tu 'gyed pa dang / nye bar dgos pa dang / bstan par bya ba dang / rdo rje bya ba dang / 'byor pa thams cad bsgrub pa dang / 'byor pa thams cad kyi mchog bsgrub pa la ni rdo rje rin chen phun sum tshogs paso// mchog thams cad dgug pa dang / gzhug pa dang / bcing po dang / dbang du bya ba dang / dbrog pa dang /
- 191a
bsags pa dang / len pa dang / 'dren pa dang / gdugs pa dang / gtod pa dang / gzhig pa dang / 'phen pa dang / 'degs pa dang / 'bebs pa dang / brdeg pa dang / sbyang/ pa dang / rnyed pa dang / nyo ba dang / btsod pa dang / kun tu dgod pa dang / nye bar dgod pa dang / bstan par bya ba dang / rdo rjer bya ba dang / 'byor pa thams cad bsgrub pa dang / 'byor pa thams cad kyi mchog bsgrub pa la ni rdo rje rin chen gyis mchod pa bsgrub pas so// zhes kyang gsungaso// sems can thams cad bde don du// rdo rje sems dpa' nor che ba// rang gi rgyal mchog lan cig bsgrub// yi ge traM ni sbyar bar bya// dpal mchog dang po rtog pa'i rgyal po chen po las bsam pa yongasu rdzogs par byed pa rdo rje rin chen gyis rtog pa'i cho ga rgyas pa'o// de nas rgyal ba rdo rje 'dzin// 'jig rten gsum po khams gsum pa// 'jig rten gsum bdag thams cad la// 'jig rten gsum mchog 'dul mdzad pa// cho ga bzhin du bsgom 'gyur zhing // sems can don phyir cho gas bzhug/ 'dod chags zhe sdang gti mug rnams// rtag tu rnam par gnas pa yin// mi mnyam pa yis rten gyur na// dug nyi du ni nye bar 'gro// bdud rtsi nyid kyis brten 'gyur na// bdud rtsi nyid du'ang 'gyur ba yin// 'dod chags tshangs pa mchog 'byin pa// zhe sdang drag po'i ting 'dzin gyis// gti mug khyab 'jug bstan mdzad nas// 'jig rten gsum po byin gyis brlabs// 'dod chags zhe sdang gti mug rnams// rtag tu gnas pas
- 191b
srid gsum gnas// chos kyi rten pa gsum mchog ste// chos min rten pas ngan song gsum// 'dod chags sbrang rtsir byed par bshad// zhe sdang rgyal bar byed par bshad// gti mug don ni sgrub byed ces// kun tu gsang ba'i ming yino// nga ni 'jig rten cig pu nyid// 'jig rten gsum du rab tu bshad// da ni 'dod pa gcig pu nyid// tshangs pa drag po g.yung drung yin// de nas gsum po 'di yis mchog/ sbyong phyir rdo rje sbyong 'dzin pa// gzugs ni gsum po 'di dag nyid// bdag nyid kho na 'byung ba yin// gang phyir 'jig rten 'di dag ni// rtag tu yang ni 'di skad smras// tshad sogs kyis 'dul yang dag pa'i// sangs rgyas byang chub snod ma yin// de rnams sbyar phyir bcom ldan 'das// rdo rje 'chang chen rang nyid ni// gzugs ni gsum pa 'di mdzad nas// phyis ni sangs rgyas nyid mi 'gyur// de nas tshangs pa la sogs lha// 'jig rten gsum mchog dbang phyug che// dkyil 'khor de ni gsang snying po'o// rang gi rang grub phyir rab 'phrul// oM b+hur b+hu bA swa// zur bzhi pa la sgo bzhi pa// sgo srung bzhis ni rab bsrung ba// kha khyer gyis ni legs bskor ba// phyi'i dkyil 'khor bri bar bya// de'i nang ma nyid dang ni// dkyil 'khor gzhu'i dbyibs can la// sbrang rtsi byed dang rgyal nyid byed// bsgrub pa thams cad bsgrub pa ni// go rims dag ni ci bzhin du// legs par bri ba'am gzhag par bya// pus mo gnyis kyis bzhugs la der// ce gsum dam tshig gis mtshan pas// zhug te dam tshig btsongs nas ni// yang dag par ni dgug par bya//
- 192a
oM b+hur b+hu bA sA/ swa sti na ma swA hA// nyi shu rtsa gcig bzlas pa yis// thams cad thams cad kyis bskor ba// thams cad grub phyir 'ongs pa la// de rnyed pa yi gtor ma sbyin// slob dpon rab tu zhugs pa yi// slob mar thams cad bzhugs par bya// de nyid gsang ba brjod nas nI// dam tshig mchog ni sbyin par bya// ga lA te khyod kyis rtse gsum chags// snying po snod min la smos sam// ci skad smras pa'i chos rnams ni// gal te 'dir ni ma spyad ma// snying stobs rdul dang mun pa nyid// tshangs pa drag po g.yung drung ste// ming po gsum po 'di nyid ni// nam yang brnyes par mi bya'o// gang zhig 'di rnams bsgom pa slob// yang dag yang du zhugs nas ni// dkyil 'khor mchod par byed pa dang // dngos grub thams cad thob par 'gyur// rang gi phyag rgya bslab nas ni// de la gar gyi mchod pa dang // 'dod yon dam pa lnga rnams kyis// rtag tu dkyil 'khor mchod par bya// 'jig rten gsum po byin pa'i rgyud do// // de nas ston pa rdo rje 'dzin// sems can kun rje ston mdzad pa// 'jig rten gsum phyung don grub tu// slar yang sring mo rnam 'byin mdzad// kun tu chags dang zhe sdang rmongs// ston par byed pa'i rgyu yino// dga' dang phrag dog bud med ni// rab tu grags pa'i grub kun ster// gang zhig 'jig rten kun tu bshad// tshogs kun gyis mchod lha mo rnams// zhi dang 'jig pa de bzhin gser// grub pa dang ni zhi bar bshad// phyi rol sems
- 192b
can phan phyir dang // rtogs don khong du chud bya'i phyir// de rnams kyis ni snying po dang // dkyil 'khor de bzhin dam tshig bshad// haM hUM shri sh+ya// dkyil 'khor chen po bzhi pa ni// srang bu gsum gyi dkyil 'khor bya// mtshams kyi thig ni ka ba che// bzhi po dag gi de bzhin bya// rang gi snying po bzhi po ni// rang gi sgor ni phyogs par bzhag/ bskal bzang lag nA rang gi mtshon// srang mo phug can zhi ba'am// phag mo lag na gter nyid// grub pa mo ni snyems dang bcas// de nas dang po'i dkyil 'khor du// kun nas de bzhin gzhugs nas ni// sring mo rnams kyi rang gi rgyas// gau rim dag ni ci bzhin du// bzhugs nas de bzhin cho ga bya// spros la sogs pa mchod pa bya// de nyid gsang ba rab sgrub pas// kun nas dgug pa dag tu bya// oM suM b+ha ga ra ti ti kha ma ya hi b+hu/ rak+Sha sa ma tiSh+Ta ma ya hi b+hur ba// ba ra hA a mi r+ya trA sa ma ya s+t+waM hA/ sid+d+hi ke sid+ha sa ha I mA m+b+ha mu drA b+hI/ hI hUM shra b+h+yo// de nas lus thams cad kyis// de bzhin du ni legs zhugs la// de nas phyag rgya bcings bstan te// gsang ba mchog 'di brjid par bya// gal te gsang nyid ma bsrung na// gang zhig sems can don zhugs dang // gang yang dkyil 'khor grub byed pa// de rnams khyed kyis gsad par 'gyur// chos dang ldan la bdud rtsi nyid// chos min pas ni dug pas lhag/ ci snyen pa dang dus ci bzhin// yul rnams nye bar bstan pa dang // phyag rgya gar gyi bshad pa yis// ci bde bar ni rtag tu mchod// sring mo bzhi'i
- 193a
rgyu do// de nas ston pa rdo rje 'dzin// swa'i dbang phyug kun gyi mchog/ 'dod chags zhe sdang gti mug che// sgrub pa dag ni rab sgrub nyid// 'dod chags sogs dug gzhig phyir/ dang / kun nas bdud rtsi nyid bya'i phyir// zhe sdang las byung klu yi ni// dkyil 'khor dam par 'byung bar 'gyur// de la snying po ni 'di yin te/ pra/ zur bzhi pa la sgo bzhi pa// srad bu thams cad yang dag bri// sgo khyud klu yi gdeng ka mchog/ mtshams kyi rtse mchog 'jug ma 'dud// de'i dbus su klu rgyal ni// mtha' yas gdeng ka bcas pa ni// klu'i rigs ni brgyad po dag/ shes rab can gyis kun tu bri// de nas khros dang zhugs nas ni// klu 'dzin pa yi shugs kyis ni// zhugs nas dkyil 'khor de nyi du// sbrul gyis gdeng kas dgug par bya// oM hri a nI la dza ba bye ga pri thi b+hin/ dar rI She shwA ya hi phu/ sarba nA ga ku la n+ya na phu/ sa ma ya pra be sha ya phu/ sarba sa d+ha ya pu/ ta ta sarba nA ga bu ta ka phu/ de ltar byas na legs par bzhugs shing dga' bar 'gyuraro// de nas slob dpon gyi dug med par bsam par bya'o// de nas brtsams te dug thams cad dang zos pas kyang bdud rtsir 'gyur ro// nor rgyas par rtsa bar byed// dug thams cad sbyar ba dang gzhig pa nus par 'gyur ro// de nas man na'i snying po sbyin par bya ste/ 'dod chags zhe sdang gti mug rnams// 'jig rten na ni 'di gsum dug/ gal te bden pa las 'ongs nas// 'di dag gi ni rtag song 'gyur// khyed kyi glog la brnyas
- 193b
mi bya/ ser ba bzlog par mi bya zhing // gal te dngos grub la dga' na// ci nas sbrul ni bsang mi bya// klu'i dkyil 'khor ro// de nas ston pa rdo rje 'dzin// sdug bsngal thams cad sel ba'i mchog/ sems can kun la bde ba'i phyir// gdon gyi dkyil 'khor sdu ba yin// 'dod chag sa zhe sdang gti myig rnams// nyes byas kyi dug nyid 'gyur// gdon dang rims dang sdig pa dang // dmyal bar yang ni 'gyur ba yin// de nas gdug pa'i snying po ni// haM/ zur bzhi pa la sgo bzhi par// gdon gyi dkyil 'khor kun tu bri// de'i dbus dang por gdon la sogs// cho ga rgyas pa dgod par bya// de nas bshad pa bzhin bzhugs nas// dgod cing myur du dkyil 'khor du// rdo rje 'dzin pa bzhugs nas ni// khros pas rkang pa g.yon pas mnye// de nas gdon dang rims sdig kun// dmyal ba thams cad rtag tu ni// sdig pa chen po byed pa yang // rdo rje rab tu 'jigs par 'gyur// zhes bcom ldan 'das rdo rje sems dpas gsungaso// sdug bsngal thams cad 'dod pa'i rgyud do// de nas ston pa rdo rje 'dzin// kun mchog dbang phyug dam pa yis// sems can kun don rab bsgrub phyir// dkyil 'khor thams cad gsungs pa yin// de la snying po 'di yin te/ oM aHhUM hri traM/ de nas 'di ni gsungs tsam gyis// kun mchog dbang phyug dam ba yin// gzugs kun gyi ni kun mchog ni// dbang phyug dam pa mdzad pa yin// gsang ba chen po lnga yis ni// gang tshe 'dul bar mi gyur pa// de tshe sna tshogs cher mdzad pa// 'gro ba 'dul ba'i dam pa
- 194a
@/ yin// dam pa yang dag bshad bya ste// kun mchog sna tshogs rnam par rgyal// kun mchog dbang phyug dam pa yis// dkyil 'khor chen po bris nas ni// de'i dbus su cho ga bzhin// rdo rje sems dpa' rab bzhag la// rdo rje lha mo mchog dkyil 'khor// de'i ngos ni thams cadadu// kun mchog bdag po kun rnamaso// rdo rje mchog bcas mtshan ma ni// rang gi rigs ni bskor ba bzhag rgyal po rdo rje seng med bu'i// gzugs 'dzin 'khor rnam par bri// khyab bdag rdo rje can rdo rje// gtum dbang rdo rje mdung rnam pa// rdo rje pad 'byung pad+ma 'byung // rdo rje 'dzin pa tshangs pa'i gzugs// na mkha'i snying po 'dod pa'i gzugs// rdo rje dang bcas me tog mtshon// dkyil 'khor gyis ni mtshams rnamasu// rigs kyi lha mo bri bar bya// rdo rje dpal mo dkar mo dang // rdo rje sgrol ma mkha' rdo rje// de nas dkyil 'khor gyi bdag po 'di rnams kyi snying po bshad par bya ste/ oM badz+ra ne ra ya na ts+tshin+da pra tI ha na badz+ra tsag kre Na ho// b+ha ga bAM badz+ra ta thA ga tA/ dzaHhUM baM ho// badz+ra d+ha rA to/ badz+ra ta thA ga ta hUM badz+ra kro d+ha ma hA ga yo gaM ni ga nI sho ra/ ma hA badz+ra/ ku lo gra ba ne ho// b+ha ga baM badz+ra tsan+de shwa ra ya ha ha he ha hri/ badz+ra pad+mo b+ha ba ho/ b+ha ga baM badz+ra lo ki shwa re/ many+dzu pra be sid+d+ha/ oM b+hur b+hu bA swa/ sa ti nA ma swA hA/ he badz+re ku su ma su d+hi/ sarba ka ma me sA d+ha ya hoHb+ha ga baM badz+ra A kA shA gar+b+ha/ ba ba Ta Ta traM/ badz+ra a kaM shA garba a she Sha mu Da/ na mo ye na sA d+he ne/ b+ha gau ba te pradz+nyo pa ra mi tA yu d+ha/ ts+tshin+da badz+ra
- 194b
Ni tsakra Ne ta nA sa t+ya na sA bA pa ka nA/ oM d+hi shri shU ti s+thi ti/ bi dza ye swA hA/ badz+ra ba ra mi/ oM badz+ra go ri ma hA bid+yA ti lokya pi dza ye shwa ri badz+ra kro d+ha ag ni sa ma ye/ badz+ra d+ha ri na mo stu ste/ tad+ya thA oM hi li mi li/ laM lI lA li badz+ra mu ka ye swA hA/ badz+ra sa ma ya/ na mo ye na sA d+ha na b+ha gA ba hwe/ bud+ha bo d+hi b+hud+d+hi d+ha ra/ badz+ra d+har+m+ma pra yo ge na/ de nA sa te na sid+d+ha maM/ oM ta ra tud tA ra tu re swA hA/ badz+ra d+hag mo ti/ oM ka ma badz+ra tsI sid+d+ha sid+d+ha bi shud+ha sa b+hu ba hA/ ga ga nar+N+Na bi/ yo ge na sid+d+ha maM pa ra ma kau ra tad+ya thA/ ga gi na bi shud+d+he sarba ma b+hi pra ya pa ri pU ri Ni swA hA/ phyi'i dkyil 'khor gnas rnamasu// rdo rje 'dzin pa rab spyod gnas// lha dbong dang ni ma mo nyid// 'jig rten skyong rnams dgod par bya// tshogs kyi dbang phyug rdo rje yis// ro mo tsha bcu rdud byed pa// phyi'i dkyil 'khor kha khyer la// sgo dang mtshamasu 'di bri ba'o// sgo rnams kun tu 'jug pa ni// rang gi phyag rgyas rab tu gzhug/ dkyil 'khor dam pa lnga par ni// dang po'i sbyor bas 'jug par bya'o// de nas dbus su 'dug nas nr-i// dang po lcags kyu che ba nyid// snying po 'di ni brjod byed cing // 'gugs pa 'di ni brjod par bya// oM mahA khA kha badz+ra satwa sid+d+hi ts+tsha/ sarba ta thA ga ta na/ sa ma a kA ra ShA ya~M dzaHbadz+ra ku la dI ma ye tra pra me sha ya hU~M/ sarba~M mo kaM shwa ra pra be sha ya sa me yo b+has+thAn thaM/ sa ma ya sarba nga na di ba ma hAN+Da Sha dzA nAM bi sha~M ku ru tsa~M hUM oM hU~M tra~MtraM/ de nas gsang ba chen po yi// snying po bzang po 'ong brjid
- 195a
pas/ rdo rje 'chang chen po ni// 'khor lo thams cad dang bcas par// bkug cing rab tu bcug pa dang // bden pas bcings te dbang du byas// dkyil 'khor rgyal po mchog thams cad// dngos grub kun gyi sgrub par 'gyur// de nas go rims ci bzhin du// dkyil 'khor thams cad bsgrub pa dang // dngos grub de rnams nyid kyang ni// thams cad kyang ni bsgrub par bya// bde ba thams cad mi 'gyur gnas// bde ba chen po zhes brjod// rdo rje 'di ni bsgrub la sogs// 'di ni tshe 'dir 'grub par 'gyur// de ltar sna tshogs pa'i don sbyangs pa'i don gyis cho ga 'gro ba dpog tu med pa 'dul ba mtha' med cing / sna tshogs pas mnyam pa med cing phul du phyung ba de bzhin gshegs pa la sogs pa'i rigs thams cad 'dzin pa'i bde ba'i mchog byed pa rgyal ba thams cad kyis byin gyis rlabs pa srid pa'i mchog byed pa gsung ba yino// dpal mchog dang po'i rtog pa'i rgyal po las rtog pa thams cad kyi rgyud phyi ma'i rtsa ba'i rgyud kun gyi mchog dbang phyug dam dkyil 'khor gyi cho ga rgyas pa rdzogs s+ho// sangs rgyas kun gyi gsang ba che// dam tshig mchog gi bsgrub pa dang // bde ba chen po'i gzhal yas khang // dngos grub kun gyi lus byas pa// de bzhin gshegs mchog chen po yi// rin chen rgyal ba sogs kyis brgyan// bde ba chen po'i chags pa che// klu dang rol mo rjes chags pa// bla med dga' ba chen po yi// mchod pa kun gyis rab tu mchod// dga' ba chen po dpal gyi gnas// rang gi bzhugs gnas mchog
- 195b
de la// rab tu dga' ba'i rgyal po mchog/ mi 'gyur mchog tu yang dag bzhugs// rdo rje sems dpa' bdag rang nyid// rab tu dga' ba mi 'gyur mchog/ kun tu bzang po 'khor ba dang // byang chub sems dpa' de bzhin gshegs// dngos grub chen po kun gyi mchog/ rdo rje bsnyems pa'i bdag po'i bdag/ kun mchog chags pa chen po yi// glu dang rol mo thogs mtha' med// mchog ni bcom ldan 'das kyi gsung hUM de nas 'di ni gsungs tsam gyis// rdo rje thams cad 'dzin pa ni// gsang ba lnga'i de nyid che// phyag rgya'i lha mo 'byung bar 'gyur// rtag tu chags dang dngos grub che// rnam rgyal dbang phyug lhag pa'i lha// phyag rgya dam pa bzhi pa ste// sems dpa' byin gyi brlabs pa'i sku// de nas de rnams snying po 'di yin te// kun mchog so sor rtog pa dang // dngos grub kun gyi bde ba'i mchog/ kun mchog rnam rgyal mthong bau dang // thams cad dbang phyug mchod pa che// dngos grub rnams dang phun sum tshogs// dga' ba dag dang bdag po rnams// rdo rje lha mo thog mtha' med// rdo rje sems dpa' sku yi mchog/ ces bya'o// de nas mchog tu gsang ba'i mi rnams ni dga' ba chen po dpal don yod dga' ba'i dam tshig 'dod pa'i rdo rje ma dang / dga' ba chen po dpal don yod la chags pa'i dam tshig gi rdo rje ki li ki liM dang / dga' ba chen po dpal rdo rje don yod la chags pa'i dam tshig rnam par rgyal ba'i rdo rje ma dang / dga' ba chen po dpal rdo rje don yod la chags pa'i dam tshig rdo rje don yod pa'i dbang phyug mo// 'di
- 196a
rnams gsang ba'i mtshan dag ni// mkhas pas gang zhig dad pas brjod// de ni phyag rgya thams cad kyis// dngos po kun bdag bdag por 'gyur// zhes bya ba bcom ldan 'das rdo rje sems dpa' mchog tu gsang bas gsungs pa yino// de nas 'di sgrub bshad bya ba// dngos grub shin tu brtag pa te// sdig pa che bas dga' ba dang // sgrub pa gang zhig ma grub kyang // sems dpa' gsungs pa bzhin// de dag kyang ni myur du 'grub// nyin re'am ni zla re'am// de bzhin lo ni re re la// ci mngon mngon 'dod bsgrub par bya// ci rnyed pa dang ci bde bas// ras la bcom ldan bri bar bya// kun bdag dam tshig dbang phyug ste// gang zhig bris par gyur na ni// mchog tu rtag pa'i thar pa thob// gzhad pa dang bcas bzlas pa'i 'od // sna tshogs pad+ma'i 'od 'bar ba// sangs rgyas kun gyi dbang bskur sogs// sna tshogs brgyan dang nam bza' ldan// sems dpa'i dkyil mo dkrung gis bzhugs// rdo rje bsnyems pa'i mchog 'chang ba// g.yon pa dril bu mchog bsnyems pa// rdo rje sems dpa' rab tu brtag/ de'i log na bzhugs pa rnams// de'i 'od kyis dkyil 'khor brten// rab tu dga' ba'i sku// gsang ba chen po dgod par bya// dang po pad+ma ltar dkar dmar// gzhan ni ba la shwa ltar dkar// gzhi ni ud pa la 'dab ltar sngo// rdo rje skems ma ser po 'dzin// dang po dang ni gnyis pa dag/ g.yas kyi logs la rten pa ste// gsum pa dang ni bzhi pa dag/ g.yon gyi log su bzhi pa yin// rdo rje ki li ki li lam// dbus kyi rang /
- 196b
lha dgyes par spro// de'i log la rdo rje che// 'dara' ni gsor ba la brtson pa// snyems pa'i phyag gis yongasu 'khyud pa yis// chu srin rgyal mtshan bsgrengs dang bcas// de'i log la gzhang dang bcas// mchod pas bdag po la blta ba// sangs rgyas rin chen dbang bskur mtshan// thams cad can gyi phyag rgya gzigs// rang la bdag gis thugs gtad pa// zur du lta zhing bzhugs pa'o// ras ris 'di ni mthong ba yi// rtag pa'i bsod nams thob par 'gyur// mchod pa dang ni rtog pa yis// mchog tu dga' ba'i thar pa thob// zhes bya ba'i bcom ldan 'das rdo rje sems dpas gsungaso// de ltar mchog tu dga' ba rab tu 'dod pa yin// mchog tu dga' ba dam pa'i dngos grub 'grub// gsal zhing rgyal ba'i ras bris chen po 'di// thams cad gzigs rnams mchod pa chen po'i dpal 'dis rol// 'khor lo de ni brtag byas nas// mchog tu gsang ba'i dkyil 'khor ni// rnam par dben pa'i khang par ram// yang na bskyed mos tshal sogasu// de bzhin gshegs mchog chen po yi// ras ris rgyal po sogs kyi brgyan// dril bu dang bcas yid dga' ba'i// bla res phul ba'i mchog gyur pa'i// rdo rje'i klu'i mchod tshogs dang // klu dang rol mos rnam 'phrul pa// me tog spos sogs rab 'byor pa// mar me'i sbyor bas yang dag mchod// khang pa gsum rtsegs dkyil 'khor du// mchog gi gsang ba bsgrub par bya// yang na bdag nyid kho na mchog/ rang gi lhag pa'i kho na mchog/ rang gi lhag po'i lhar bsgom bya// de nas 'khor los ma zhugs
- 197a
kyang // rang nyid kyi ni rtag zhugs nas// rdo rje kun 'chang slob dpon ni// dngos grub kun la grub par 'gyur// rang nyid khrus byas dri zhim bsgos// ci rnyed rgyan dang gos dang lhan// sna tshogs gos kyi yang dag klub// phreng bcas kha ni dri zhim pa// rdo rje sems dpa'i sbyor ba yis// me tog spos dang dri snang bcas// rdo rje klu ni 'di dag gis// gar byed grong khyer 'jug par bya// de la mchog tu gsad ba'i dpal dam tshig gsum 'jug la mchog tu gsang ba'i klu'i mchod pa mchog tu grub pa 'di yin te/ dngos grub kun gyi bde ba nyams dga' ba'i// thar pa'i grong du bcom ldan bde chen 'jug/ mchog tu bde ba dam pa'i dngos grub kyis// dzaHhUM baM hoHrab tu grub par mdzod// rab tu bzhugs te g.yon pa yis// rdo rje mig gi mgon la 'dud// g.yon pa snyems pa cung zad bzhad// bstod cing mdzes pa'i mig gis btsum pa de la mchog tu gsang ba dam pa chad pa la dam tshig gsum gyi phyag 'tshal ba'i me tog sil ma dor ba'i mchog tu gsang ba rdo rje klu'i mchod pa mchog tu grub pa 'di yin te/ mchog tu bde ba'i sems ni rol par ldan// skegs pa'i phyag gis bcom ldan 'das la 'dud// dzAHhUM baM hoHhi hi hi hi hiHmgon po snyam pa'i me tog bzhi su gsol// de nas mi tog sil ma dor// rdo rje sems dpa'i dbang bskur bas// rdo rje dril bu'i phyag rgya dang dbang bskur// ldan pa'i 'od gsal sbyin par bya// de la mchog tu gsang ba dam pa'i dpal dam tshig gsum gyi rdo rje sems dpa'i dbang bskur ba'i
- 197b
mchog tu gsang ba'i rdo rje klu'i mchod pa mchog tu grub pa 'di yin te/ oM sangs rgyas kun ldan rin mchog gis brgyan// lha'i cod pan dang bcas khyod la 'dud// rdo rje 'chang bdag rin chen dbang bskur bas// rdo rje sems dpa' sa ma ya s+t+waM haM// de nyid kyi ni rdo rje bzung // chos kyi dril bu dkrol bar bya// dam tshig gis ni phyag rgya cher// byin gyis brlabs nas snying po bzlas// rdo rje la sogs thob gzung pas// rdo rje sems dpa' gnyis pa 'dra// rdo rje thams cad 'dzin rgyal po// rdo rje can gyis byin gyis brlabs// 'gyur zhes bya ba mchog tu gsang ba dam pa'i dpal// dam tshig gsum gyis bdag la byin gyis brlabs pa'i bsgrub pa gcig pu'i cho ga mchog tu grub pa bcom ldan 'das rdo rje sems dpas gsungaso// de nas 'dir grub bshad bya ba// dngos grub shin tu rtag pa yang // gang gis sgrub pa dam ba dam pa dang // sdig chen byed pa rnams kyis ni// rdo rje sems dpa'i gsungs pa bzhin// ma grub rnams kyang grub par 'gyur// lugs ma'am ni rdungs pa'am// 'dus byas pa'am bris pa'am// dang po'i sems dpa' gzhug gsol nas// de'i mdun du cho ga bzhin// rtag tu rdo rje dril 'chang zhing // dngos grub mchog ni bsgrub par bya// thams cad dgug dang mchod pa che// bdag byin brlabs sogs bsgrub/ rnam so// de la ci ltar mchog tu gsang ba dam pa'i dpal dam tshig gsum gyi dngos grub thams cad dgug pa'i rgyu 'di yin te/ rang lhag lha'i sbyor ba las// thams cad dgug pa'i sbyor ba laso//
- 198a
yan lag mchog rol bcas pas// gar bya zhing ni 'gug par bya// de nas de bzhin gshegs pa thams cad kyi mchog gi dngos grub mchog tu gsang ba'i dam tshig glu'i mchod pa ni 'di yin te/ dza mchog dang po'i rdo rje 'chang ba rdo rje sems dpa' bde ba bde rtogs rab tu dga' ba khyod bdag sangs rgyas so sor rtogs/ hUM mchog rdo rje las ni mchog tu zad med srid pa mi 'gyur ba de dang yid bde dam tshig bdag la de grub mdzod/ baM mchog bdag gis sku 'dzin rnal 'byor thams cad rnam rgyal bsgreng pa rab mchog dag pa bde bar 'gyur ba'i pad+ma'i rgyal po kye/ ho rab mchog gi ni mchog gi dngos grub dam pa thams cad dbang phyug dam par bdag gyur cig/ brtag par bdag 'phel na mkha'i snying po khyod// hU lu hU lu'i bsgrub pas dbab par mdzad// dam tshig chen po'i yang dag dgug/ de bzhin gshegs pa kun gyi dam tshig to// rab tu dga' ba mchog dang po// de la mchog tu gsang ba dam pa'i dpal dam tshig gsum gyi dngos grub thams cad kyi mchod pa chen po'i cho ga ji ltar yin// rang lha'i rnal 'byor ci bzhin du// mchod pa kun mchod sku rnams kyis// rol mo'i rnam 'khrul gyis rjes mchod// de nas de bzhin gshegs pa thams cad kyis mchog gi dngos grub kyis mchod pa chen po'i cho ga mchog tu gsang ba'i dam tshig gi rdo rje glu'i mchod pa ni 'di yin te/ thams cad rjesu chags pa bde ba dam pa'i thugs/ rdo rje sems dpa' khyod ni rab tu dga' ba yin/
- 198b
bde ba chen po gsal stong bdag la bstan gyur cig/ myur du so sor mkhyen nas rab tu 'dod pa bsgrub// de la mchog tu gsang ba dam pa'i dpal// dam tshig gsum gyi dngos grub thams cad byin gyis rlabs kyis bsgrub pa chen po ci ltar yin// rang lha'i sbyor ba ci bzhin du// phyag rgya kun gyis byin brlabs pas// de nyid chen po'i mchog gis ni// rang nyid bsgrub te snying po bzlas// de nas de bzhin gshegs pa thams cad kyi mchog gis dngos grub byin gyis brlabs pa'i gsang ba chen po'i dam pa'i dam tshig rdo rje glu'i mchod pa mchog tu grub pa ni 'di yin te/ oM na mkha' skye ba mtshan ldan phyir// thog mtha' med pa'i mchog/ sems dpa' rdo rje rang bzhin// rdo rje sems dpar bdag grub mdzod// kun mchog dngos grub chen po ste// dbang phyug chen po lhag pa'i lha// rdo rje 'dzin pa kun gyis rgyal// mi 'gyur mchog tu bdag grub mdzod// nyes pa mi mnga' rtag pa khyod// 'dod chags kyis ni rjes chags pa// 'dod pa chen po dga' ba che// bcom ldan de nyid kyis grub mdzod// shin tu dag pa kun gyi mchog/ gdod nas grol ba de bzhin gshegs// kun tu bzang po kun bdag nyid// byang chub sems dpa' bdag grub mdzod// dngos grub chen po kun gyi mchog/ dbang phyug chen po phyag rgya'i mchog/ grub pa'i rdo rje cher bstod pas// rdo rje sems bdag bdag mdzod cig/ dpal mchog dang po'i bcom ldan khyod// gang gis don dang glu yis bstod// de ni dngos
- 199a
grub kun gyi mchog/ dbang phyug chen po nyid grub 'gyur// zhes bya ba mchog gi de kho na nyid kyi mchog tu gsang ba'i glu chen po mchog tu grub pa bcom ldan 'das rdo rje 'chang gis gsungs so// dngos grub cho ga 'di yis ni// rdo rje sems dpa' yang dag rtog/ kun mchog dngos grub chen po yis// dbang phyug nyid ni rab grub pa'o// kun nas 'od zer sogs dang // so sor ston pa'i slad 'byung rnams// rdo rje tshig gi rang lha las// ngo mtshar gyur rnams mthong bar 'gyur// rtog pa kun gyi sna tshogs che// dngos grub dbang phyug bde rnams kyis// myur du rang gi byin brlab pas/ rdo rje slob dpon gyis thob pa zhes bya ba bcom ldan 'das rdo rje sems dpa' mchog dang pos gsungs so// de la mchog tu gsang ba dam pa'i dpal dam tshig gi lha thams cad kyis bdag la byin gyis brlabs pa'i bsgrub pa chen po'i rgyu de ci ltar yin/ rang la rnal 'byor ci bzhin du// lha kun bdag nyid sku rnams kyis// rang lha rnal 'byor bdag nyid kyis// rang lhag lha nyid bsgrub par bya// de nas mchog tu gsang ba dam pa'i dam tshig gsum gyi kun mchog dngos grub chen po'i dbang phyug chen po'i bdag nyid la sogs pa'i dngos grub thams cad kyi las kyi tsho gas mchog tu mi 'gyur ba dam pa bla na med pa'i dga' ba dang rab tu dga' ba bde ba dam pa dang yang bde ba thams cad kyi dngos grub dam pa'i cho ga rgyas brje su bsgrub pa ni 'di yin te/
- 199b
rang lha'i rnal 'byor ci bzhin du// rdo rje kun mchog sku rnams kyis// glu dang rol mo'i cho ga ni// rdo rje nyid kyis rjes chags 'gyur// rang lha'i sbyor ba ci bzhin du// dbyangs kyis rtsa ba rnams sad pas// glu dang rol mo'i cho ga ni// dril bu nyid kyi rjes su brjod// rang lha'i sbyor ba ci bzhin du// sna tshogs phyag rgya'i bdag po mchog/ glu dang rol mo'i cho ga ni// dam tshig gi ni rjes bsgrub bya// 'di yi rtog pa thams cad la// rdo rje 'bebs pa rab sad pas// rang gi lho'i dam tshig ni// thams cad gzhi 'gyur 'grub par 'gyur// mchog tu gsang ba dam pa'i dpal// dam tshig gsum gyis glu chen po dang // rol mo'i cho ga mchog tu gsang ba mchog tu grub pa bcom ldan 'das rdo rje sems dpas gsungaso// de nas de rdo rjes gnas ci bzhin// ci snyed pa ni ci bde bas// me tog spos kyis mchod nas ni// khang pa'am skyed mos tshal sogs su// bdag nyid ci 'dod rab bsgrub nas// ci snyed rgyan dang gos dang ldan// sna tshogs gos kyis yang dag klubs// me tog phreng bcas kha dri zhim// lugs ma'am ni rdungs po'am// 'dus pa'am ni ri mor bri// dang po'i 'khor li de mdun du// cho ga bzhin du bzhugs gsol nas// rang lha'i rnal 'byor ci bzhin du// rdo rje dril bu rab sad pas// thams cad dgug dang mchod pa che// bdag byin brlab sogs bsgrub par bya// sngon du lan cig bsgrub byas nas// de nas der rjes ci 'dod pa// ci 'dod ci spyod ci smras pa//
- 200a
thams cad bza' zhing thams cad byed// langs pa'am ni 'dug pa'am// rab tu dgong dang smra ba'am// ci bzhin de bzhin de dang der// ci 'dod par ni ci bzhin bzhag/ gsang ba mchog gi 'khor lo ni// me tog sogs kyi mchod nas ni// ci bzhin du ni rjes bsgrub bya// 'dis ni 'dod pa kun dbang phyug/ 'gro dang 'od dang 'dod na phur// dngos grub kun gyi dbang phyug 'grub// rba shi med pas gtso bor 'gyur// rdo rje sems dpa' 'grub chen po// phyag rgya kun gyi dbang phyug bdag/ rdo rje kun 'dzin rgyal po ni// rdo rje mtshon thams cad 'dzin// mi thub pa dang mi sod cing / thams cad byed cing kun gyi rton// sems can kun gyi rgyal po che// tshar gcong rje su bzung bar nus// kun mchog rjes su chags pa che// 'dod pa 'grub pa bde ba mchog/ kun las rnam rgyal grub 'gyur te// kun mchog dbang phyug dam pa yin// dngos grub chen po kun gyi mchog/ dbang phyug chen po'i go 'phang nas// rgyal po rdo rje kun 'dzin pa// sangs rgyas thams cad rab grub 'gyur// de ltar mchog tu rjes chags dga' ba pad+ma'i rab che// mchog tu gsang ba grub pa'i bla na med po'i dngos grub stsol// mchog gi rgyal mtshan bsgreng bas gang zhig rje su rten pa ste/ mchog gi dngos grub dbang phyug chen po nyid nges skams myong ba zhes bya ba bcom ldan 'das rdo rje sems dpas gsungs so// dpal mchog dang po las gsang ba chen po dam pa'i dpal dam tshig gsum dang dngos
- 200b
grub thams cad dgug pa dang mchod pa chen po dang bdag la byin gyis brlabs pa la sogs pa'i bsgrub pa'i cho ga rgyas pa'o// / gsang ba mchog gi dgyes pa dang / sangs rgyas kun gyi rjes brten pa// rdo rje sems dpa' rang gi gnas// thams cad bdag nyid rtag tu bzhug/ thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje snyems pa bdag po'i bdag/ 'di ni rang byung bcom ldan 'das// lhag pa'i lha ni gcig pu nyid ces bya bar 'grub par 'gyur// de ltar mchog tu rjes chags dga' ba pad+mar che// mchog tu sngags bla na med pa'i dngos grub stsol// mchog gi rgyal mtshan bsgreng ba gang zhig rjesu ston pa te// mchog gi dngos grub bde ba chen po nyid nges nyams su myong ba zhes bya ba bcom ldan 'das rdo rje sems dpas gsungs so// dpal mchog dang po las dga' ba chen po'i dpal rdo rje don yod pa'i dga' ba'i dam tshig rnal 'byor thams cad kyi dbang phyug de bzhin gshegs pa thams cad kyi dpal rang gi dam tshig dkyil 'khor mchog tu gsang ba yongasu rdzogs s+ho// // de nas de bzhin gshegs pa thams cad kyi dam tshig chen po'i slob ma'i cho ga rgyas ba rjes su bzung ba bshad par bya'o// zhes bya ba bcom ldan 'das rdo rje sems dpas gsungs so// de la dang po kho na re shig de bzhin gshegs pa thams cad kyi mchog tu gsang ba dam pa'i sngags
- 201a
'di lan cig brjod pa sems bskyed bcug ste/ oM sarba yo ga tsit+ta ud pa tA ya mi/ 'di brjod pa tsam gyis de bzhin gshegs pa thams cad dang mi 'bral zhing phyir mi ldog pa dang / bdud thams cad zil gyi gnon pa'i phyag rgya byang chub sems dpa' sems dpa' chen po de bzhin gshegs pa nyi du yang rtog par bya'o// zhes bya ba yang gsungs so// byang chub sems ni bla na med// mchog tu skyed par byas nas ni// snying kar rdo rje rab bzhag nas// su ra ta sa ma ya s+t+waM ho// snying po rdo rje ci bder bsgrub// 'di yis rdo rje bskul ba na// 'dod pa kun las 'grub par 'gyur// de nyid bskul bas myur du ni// byang chub sems ni bla med pa// kun mchog dngos grub chen po'i phyir// rdo rje sems dpa' nyi 'gyur// zhes bya ba'i cho ga bcom ldan 'das rdo rje sems dpas gsungs so// gar byas spyi bor thal mo sbyar// gos kyis gdong ni g.yog pa rnams// ci 'dod dngos grub 'dod pa yis// slob ma thams cad gzhug par bya// ci 'dod dngos grub sems dpa' yis// slob ma me tog dur du gzhug/ phyag rgya gang la de bcas pa'o// de de'i lha mo bsgrub par bya// de nas gdong g.yog dgrol byas la// rnam pa kun gyis yon blangs nas// sangs rgyas rin chen dbang bskur gyis// dam tshig gsum ni gsal bar sbyin// de la rdo rje chen po mna'i chus dbang bskur te 'di ltar dpyod par bya'o// 'od ni khyod kyi dmyal ba'i chu// dam tshig 'das na bsreg par byed// dam tshig bsrung
- 201b
na dngos grub ni// rdo rje bdud rtsi'i chu 'di 'grub// rdo rje dril bu'i phyag rgya ni// gal te dkyil 'khor ma mthong smras// skye bo 'dus pa'i nang na gnas// dad pa med pas gzhang smos// zhes bya bas mna' bsgag go/ de la sangs rgyas kyi rin po che'i dbang bskur ba'i cho ga ni 'di yin te/ rdo rje chu yis dbang bskur nas de bzhin gshegs pa thams cad kyi sku'i mchog dbang bskur ba'i gnasu gzhag ste/ oM sarba ta thA ga ta ma hA sa ma ya a d+hi ba d+hi s+t+waM/ a b+hi Shiny+tsa mi ma hA d+ha ra zhes bya ba'i sngags 'dis rdo rje lag tu sbyin par bya'o// 'di ni sangs rgyas thams cad nyid// rdo rje 'chang gi rdo rje ste/ rdo rje 'chang gi brtul shugs che// khyod kyis kyang ni rtag tu bcang // de bzhin gshegs pa thams cad kyi byang chub sems dpa' mchog gis sems chen po yongs mi spang bar rtag tu bsgrub pa shin tu gsang ba de 'di yin te/ oM badz+ra kArma bA d+hi d+hi shri badz+ra nA ma sid+hi sa ma ya s+t+waM b+hur b+hu ba sA/ gong la rdo rje'i ming rtag pa de la kye'i sgra dang por bya bAr bya'o// de'i ming de yang tsa sr-i dbyung chub snying po'i mthar thug pa'i bar gyis de bzhin gshegs pa yid yang mang du 'gyur ro// de mchog tu gsang ba dam pa'i dpal dam tshig gsum 'di sbyin pa 'di yin te/ thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje sems dpa' tshul bdag po'i bdag ces bya ba bcom ldan 'ongs dpal mchog dang po'i skyes bu
- 202a
@mchog gi de kho na nyid kyi gsang ba lnga'i de kho na nyid bshad par byas nas rdo rje sbyin par bya'o// 'dri bcom ldan 'das srid pa'i bdag po dam pa kun gyi mchog dbang phyug gi dam pa de bzhin gshegs pa de nyid chos kyi mchog gi bka' yang dag par stsol bar mdzad pa ni/ srid pa rang bzhin gyis ni dag/ rang bzhin gyis ni srid bral byas// rang bzhin dag pa'i sems dpa' mchog/ srid pa'i mchog mdzad pa yin// mchog tu gsang ba'i chos nyid 'bebs pa ni dril bu'o// de bzhin gshegs pa thams cad la mchod pa bya ba'am/ lha bsgrub pa dkrol bar bya'o// de nas chos thams cad kyi de kho na nyid rab tu sad pa'i phab pa rnams kyi sgrib pa thams cad rnam par byed pa yino// rdo rje 'bebs par byed pa dang / rab tu bsgrub par byed pa dang / dbang du byed pa dang / rab tu dang bar byed pa zhes bya ba bsgrub par 'gyuraro// de nas srid pa dag pa'i thabs kyi mchog rtog pa thams cad kyi gsang ba chen po dam tshig la rtag tu rten por bya'o/ zhes bya'o// de la 'di ni deng khyod kyi// srid bdade shin tu gyur pa yin// sdug bsngal chen po dag pa'i phyir// shin tu bde ba dam pa'i thabs// dam tshig 'di ni rtag tu bskyed// 'dod pa'i longs spyod thams cad la// ci 'dong bar ni rten bzhin du// rang gi lha'i sbyor ba yis// bdeg dang gzhan la mchod par bya// de bzhin gshegs pa thams cad kyi bla na med pa'i mchog tu gsang ba'i thog pa
- 202b
chen po'i yang chen po dam tshig gi sbyor ba ni bcom ldan 'das dam tshig go/ 'di ltar de bzhin gshegs pa kun gyis kyang // 'da' bar ni mi mdzad pas// phyag rgya dam tshig ces ni bsgrag/ yid// kyi sku ni bstan phyir ro// zhes bya ba mchog tu gsang ba bcom ldan 'das rdo rje sems dpas gsungaso// de la 'di brjod par bya ste/ ci srid 'khor ba'i gnas su ni// mkhas mchog 'dug par gyur pa'i tshe// ji srid mtshungs med sems can don// mya ngan mi 'da' byed par nus// gsang ba dam pa dam tshig thabs// bsod nams byin gyis brlabs bsgrub pa// rtag tu dngos grub kun dbang phyug/ sems can don ni byed pa yin// dam tshig 'dis ni bdag bsgrub cing // ci bde bar ni bsgrub byed pa// nyes pa spyad kyang sdig kun gyis// rnam pa kun tu gnod mi 'gyur// 'dod pa chen po grub par 'gyur// kun bdag dam tshig dbang phyug dang // thams cad rdo rje 'dzin rgyal po// kun mchog dbang phyug dam pa'o// las kyi tshogs kyi dngos grub kyis// ma lus bsgrubs pas 'grub par 'gyur// bdag gzhan thams cad rgyas btab pas// yang na bsgrub bya kun la yang // don yod mchog tu 'grub par 'gyur// rnal 'byor thams cad rjes bsgrub byed// dpal ldan sdug bsngal kun 'phrog byed// dam tshig 'di ni 'da' bar dka' ba'o// zhes bya ba mchog tu gsang ba bcom ldan 'das rdo rje sems dpas gsungaso// rdo rje la sogs thob 'dzin pos// dngos po kun gyi bde ba kun// phab pas rdo rje slob ma yin// dkyil 'khor du/
- 203a
ni nyams su myong // de nas thams cad gzeng bstod pas// sangs rgyas kun gyis bdag nyid dngos// rdo rje ming gi dbang bskur bas// de bzhin gshegs ni lung bstan bya// de la de bzhin gshegs pa thams cad kyi lung bstan pa'i rdo rje sems dpa'i cho ga 'di yin te/ sangs rgyas kun gyi bstan pa che// gzeng bstod pa yis gang lung bstan// de ni sangs rgyas thams tsod nyid// rdo rje ming gi dbang bskur ba'o// oM 'di ni ngas khyod lung bstan te// rdo rje sems dpa' de bzhin gshegs// srid pa shin tu grub pa'i phyir// srid pa'i ngan 'gro las khyod bston// he badz+ra nA/ mAHta thA ga ta sid+d+ha sa ma ya staM b+hur b+hu bA swa/ gang la gzeng bstod pa 'di dang / phyag rgya chen po'i lung bstan mchog tu gsang ba'i cho gso byas pa de la rdo rje sems dpa' la sogs pa'i de bzhin gshegs pa thams cad dang // rdo rje 'chang dang bcas pa'i byang chub sems dpa'i dkyil 'khor dang bcas pa de bzhin gshegs pa thams cad kyis rang gi dam tshigi slob dpon rnams mgrin gcig tu bla na med pa yang dag par rdzogs pa'i byang chub tu lung bstan pa mdzad do// 'di lta ste/ gzeng bstod pa 'di nyid kyi phyag rgya chen po dang / mchog tu gsang ba dam pa'i dngos grub kyi byin gyis brlabs pa 'di dang / sngags kyi stobs las dang par bya'o// de nas ci lta ba bzhin du zhugs pa rnams la de bzhin gshegs pa thams cad 'dus pa la sogs pa'i dbug dbyung bar sbyin par bya'o//
- 203b
de bzhin gshegs pa thams cad rdo rje 'chang dang bcas pa ci snyed pa byang chub sems dpa'i dkyil 'khor dang bcas pa gang yin pa de dag thams cad rang gi dam tshig la rje su chags pa 'dir dgug pa dang / rab tu gzhug pa dang / dbang du bya ba dang / sgrub pa dang / rjes su bsgrub pa rnams kyis rdo rje'i dbyibs thams cad bstan par 'gyur ba nyid kyis 'di bstan par 'gyur ba chos kyi dbyings thams cad kun tu khyab pa nyid kyi kun tu zhugs pa/ nam mkha'i khams thams cad kyis rgya che bo nyid kyis 'dir rab tu zhugs shing / legs par rab tu zhugs pa gang yin pa de dang de dag de bzhin gshegs pa thams cad kyi rang gi dam tshig la rag las pa'i de bzhin gshegs pa nyid la lhag par dmigs nas de bzhin gshegs pa thams cad kyis rang gi dam tshig gi slob dpon de bzhin gshegs pa thams cad 'di yino zhes bya ba byin gyis brlabs nas/ de bzhin gshegs pa thams cad kyis rang gi dam tshig gi slob dpon gyis/ dam tshig gi mgrin cig tu khyed rnams las dbugs 'byung ba mdzad pa yin te dad par bya'o// de bzhin gshegs pa thams cad kyi mchog tu gsang ba'i dbugs 'byung ba 'di yin te/ gsang ba'i dkyil 'khor med pa ni// mthong ba dang ni zhugs pas kyang // sdig pa kun las nges grol zhing / khyed rnams 'dir ni legs par gnas// bde chen theg pa 'di las ni// slar 'chi ba ni yod min te// mi tshugs pa dang mi gsod pas// cis kyang mi 'jig rol par gyis// srid pa'i sdug bsngal ldog pa ni//
- 204a
@srid pa shin tu grub pa'i phyir// ston pas mchog tu gyur pa khyod// srid pa shin tu grub pa yin// dam tshig sdom pa grub pa 'di// khyod kyis rtag tu bsrung bar bya// sangs rgyas kun gyi mthun par gsungs// dam pa brtag pa'i bka' yino// gang zhig skyed pa tsam gyis ni// sangs rgyas nyid dogs med pa'i// byang chub sems ni btang mi bya// phyag rgya rdo rje gang yin pa'o// dam pa'i chos ni mi smad cing // nam yang btang bar mi bya'o// mi shes pa dang rmongs pa yis// des ni smad par mi bya'o// rang gi bdag nyid yongs spangs nas// dka' thub rnams kyis gdung mi bya// ci bde bar ni bde bar gzung // 'di ni ma byon rdzogs sangs rgyas// rdo rje dril bu'i phyag rgya rnams// nam yang yongasu spang mi bya// slob dpon smad par mi bya ste// 'di ni sangs rgyas kun dang 'dra// sangs rgyas kun mtshungs bla ma yis// slob dpon la ni gang smod pa// des ni sangs rgyas kun smad pas// rtag tu sdug bsngal thob 'gyur te// rims dang dug dang sbyar dug dang // mkha' 'gro rnams kyis gtses pa dang // gdon dang log 'dren gtum po yis// bsad nas sems can dmyal bar ltung // de bas 'bad pa thams cad kyis// rdo rje slob dpon blo gros che// dge ba rab tu mi spyom bas/ nam yang smad par mi bya'o// bla ma la ni gus pas yon// rjes mthun khyod kyis sbyin par bya// des ni rims sogs gnod pa rnams// phyir zhing 'byung bar mi 'gyuraro// rang gi dam tshig slob
- 204b
dpon ni// sbyin min bu dang chung ma dang // rang srog gis bstan brten bya na// longs spyod g.yo ba smos ci dgos// gang gi skal pa bye ba ni// grangs med par rnyed dka' ba yi// sangs rgyas nyid kyang brtson ldan la/ tshe 'di nyid la ltar bar byed// rtag tu rang gi dam tshig bsrung // rtag tu de bzhin gshegs pa mchod// rtag tu bla ma yang dag mchod// de byin sangs rgyas kun dang 'dra// de byin sangs rgyas thams cad la// rtag tu byin pa nyi du 'gyur// de byin bsod nams tshogs yin te// tshogs las dngos grub mchog tu 'gyur// de phyir 'di ni legs gnas pas// deng khyod skye ba 'bras bur btsos// rang byung dam tshig lha dang mnyam/ deng khyod gyur pa the tsom med// sangs rgyas rdo rje 'dzin bcas pa// kun gyi deng khyod dbang bskur bas// khams gsum gyis ni rgyal po che// rgyal po bdag por bstan pa yin// de ni bdud las rnam rgyal te// grong khyer mchog tu rab tu zhugs// khyed rnams kyis ni sangs rgyas nyid// deng 'dir thob par the tshom med// ces bya ba de bzhin gshegs pa thams cad dang / rdo rje 'chang dang / byang chub sems dpa' chen po'i 'khor gyi dkyil 'khor gyi dkyil 'khor dbang bcas bcom ldan 'das rdo rje sems dpa' mchog tu bden pas gsung so// de nas de bzhin gshegs pa thams cad kyi mchog tu gsong ba de bzhin gshegs pa thams cad kyi dpal rang gi dam tshig gi slob dpon dang / slob ma'i tshogs rnams kyis dbugs dbyung ba ni 'di yin te/ phyir mi ldog pa'i phyag rgya yis// byang chub sems dang lan cig bskyed// sangs rgyas
- 205a
nyid ni rtog bya ste zhes bya ba'o// de'i rgyu gang yin zhe na/ gang gi phyir khyed rnams kyis bdag nyid thams cad kyi byang chub sems chen po bskyed pa tsam gyis mthu nyid kyis phyir mi ldog par 'gyur ba yin// phyir mi ldog pa nyid kyi phyir nges pa'i phung po la rnam par gnas pas bla na med pa yang dag par rdzogs pa'i byang chub tu mngon par rdzogs par sangs rgyas par rje su rtog par bya'o// zhes bya'o// de nas thams cad kyi dpal dam tshig gi slob dpon gyi mchog tu gsang ba'i dbugs 'byung ba 'di yin te/ rdo rje sems dpa'i bdog sbyor ba// rnal 'byor kun dang rjes sbyor ldan// sangs rgyas nyid du rtog bya ste// mkhas pa mchog tu rtag pa'o zhes bya'o// de'i rgyu gang yin zhe na/ gang gi phyir khyed rnams kyis bdag nyid thams cad 'di de bzhin gshegs pa thams cad kyi rang gi dam tshig yongasu bzung ba gdon mi za ba nyid kyis phyir/ de bzhin gshegs pa bla na med pa yang dag par rdzogs pa'i byang chub mngon par sangs rgyas pa nyi du rtogs par bya'o// de bzhin gshegs pa thams cad kyi dpal rang gi rje su bsgrub pa mchog gi dngos grub rnams/ de bzhin gshegs pa thams cad nyi du de dag rtog par bya'o// de'i phyir gnas skabs thams cad du yang ci nus pas sdug bsngal dang yid mi bde ba thams cad kyi skabs mi 'byed pa khyed rnams kyi rang gi bdag nyid thams cad kho na rje su bsrung zhing gsang bar mi bya'o// ci snyed pa'i longs spyod dang nye bar spyod pa thams cad kyis de bzhin gshegs pa thams cad kyis mchog tu gsang ba bla na med pa'i theg pa chen po'i dam tshig gi
- 205b
sbyor ba yang dag par mchod la bde bar bzung ba dang / yang dag par 'phel bar bya'o// bdag nyid la ji lta ba bzhin du mngon par brtson pa de bzhin du gzhan rnams la na tshod skyed pa yino// lta ba log pa dang / phyi rol mu stegs pa dang / nyan thos thams cad dang / rang sangs rgyas kyi sar lhung bas 'di shin tu gsang ba yin/ ngag ni shin tu mi smra bso sems ni shin tu 'gags paso// gang gis kyang khyod kyi lus ngag yid gsum gyi rdo rje rnams de bzhin gshegs pa thams cad sku gsung thugs kyi rdo rje dpal rang gi dam tshig bla na med pa'i dngos grub mchog tu rtogs par 'gyur zhes bya ba yang gsungaso// 'dod pa'i longs spyod thams cad kyis cis kyang mi 'jig rol par gyis// dam tshig 'di ni 'da' dka' ste// sdig pa med kyis ma 'jigs shig/ ces bcom ldan 'das rdo rje sems dpa' mchog tu bden pas gsungaso// byang chub sems dpa'i 'khor gyi dkyil 'khor dang bcas pa'i de bzhin gshegs pa thams cad kyis thugs la dgongs pa yino// de ltar yid ni rab dang rdo rje nyid gyis// rang gi dam tshig mi zad bde ster nyen par gyis// deng ni 'gro la myur ba de rdo rje sems dpa' dang / rab tu mnyam zhing rtag pa nyi du rtog par gyis// de nas ro dang bza' ba spyod pa glu// rol mo'i mchod sogs kyis ni mgon mchod la// rdo rje bla ma chen po bde phul nas// rang dang gzhan/ dag ci 'dod mchod par gyis// myong byed myong bral btung ba ni// ci 'dod pa yi bsten pa yis// glu dang rol mo'i cho ga sogs// ci bzhin rjes 'gro'i bzlas pa bya// rang gsang tsho gas blang ba'i glu dang rol mo gar
- 206a
rnams kyis// sna tshogs phyag rgya'i mchod pa dang // rdo rje sems dpa'i rol mo sogs// bud med sogs dang ldan pa'am// rang gi slob ma dang bcas pa// ci 'dod pa yi longs spyod kyis mchod pa byas pas myur du 'grub ces bya ba mchig tu gsang ba bcom ldan 'das rdo rje sems dpas gsungaso// de la gsang ba'i cho ga'i khyad par yin te/ hUM bcom ldan 'das mchog dang po'i sems dpa'i 'o// e de bzhin gshegs pa rnams kyi'o// hi dpal 'jig rten gsum rnam par rgyal ba'i 'o// oM pad+ma'i snying po'i 'o// ha na mkha'i snying po ste byang chub sems dpa' chen po'i rgyal po na mkha'i snying po yin zhes bya ba gsungaso// rang sangs snying po'i glu dag ni// yi ge lnga pos bya ba ste// rang sangs cho ga blangs pa 'di// mchog tu gshegs pa kun gyi yin// de nas mchog tu gsang ba rdo rje glu'i mchod pa ni// rdo rje dril bu mnyam sogs bcas// rna bar dben pa rol mo bkrol// rang gsang tsho gas glu blangs pa// gsang ba'i rol mo rab tu bsgrub// de nas mchog tu shin tu gsang ba'i rdo rje gar gyi mchod pa ni// 'dzin pa dang bcas bzung ba che'i// bgyi ba rab tu byas nas kyang // dkyil 'khor 'dra ba'i gar byas nas// yongasu bskor nas rab tu mchod// de nas mchog tu gsang ba'i phyag rgya sna tshogs pa'i mchod pa ni// rdo rje sems dpa' la sogs lha'i// rtog pa thams cad rnam 'phrul pa// gtam rgyud phyag mtshon phyag rgya yis// gang zhig gar de rol mo yin// gser ram yang na pa moM dang ni// de bzhin shing las byas pa yis/
- 206b
rang gi lha'i gdong rnams kyis// grub pa'i phyag rgyas gar rnams bya// dkyil 'khor gang dang gang brten pa// phyag rgya sna tshogs mchod pa yis// slob ma'i tshogs ni de dang de// zla zhing thams cad mchog tu gzhugs// sna tshogs cho ga 'di yis ni// sdig pa kun las rnam grol 'gyur// bsod nams kun kyang 'phol 'gyur te// rtag tu bsrung bar 'gyur ba yin// rims dang gdon dang dug dang nad// zhes shin tu gsang ba'i bcom ldan 'das rdo rje dpa' gsungaso// de nas phyag rgya sna tshogs pa'i mchod pa'i cho ga rgyas pa/ lhag pa'i lha thams cad re re'i mchog gsungs 'jug pa'i rdo rje glu'i mchod pa'i cho ga rgyas pa mngon par rjod nas rdo rje slob dpon gyis pa'am/ de nas gzhan ci 'dod pa'i klu dang rol mo rnams kyis rtog pa thams cad kyi sna tshogs pa'i dam tshig chen po'i mchog tu grub zhes bya ba ste/ de re shig thog ma kho nar bcom ldan 'das dpal mchog dang po'i rdo rje sems dpa' mchog tu gsang ba'i dam tshig 'jug pa'i klu'i mchod pa ni/ thams cad rjes chags pa bde ba dam pa'i thugs rdo rje sems dpa' khyod ni rab dga' dam tshig ste/ bde ba chen po bstan zhing mtho ba gsal gyur cig/ so sor rtog nas mngon du phyogs shing myur du bdag sgrubs shig/ de nas de bzhin gshegs pa thams cad kyis// rigs kyi mchog tu gsang ba'i dam tshig gi 'jug pa'i rdo rje glu'i mchod pa ni rdo rje sems dpa' bsdus pa na/ rdo rje rin chen bla na med// rdo rje chos ni glu gar blangs pas/ rdo rje las ni byed par 'gyur/
- 207a
de nas rdo rje rigs thams cad kyi mchog tu gsang ba'i dam tshig gi 'jug pa'i rdo rje glu'i mchod pa ni/ hUM rdo rje mnga' gzhu dang bcas khyod la bdud// rdo rje chags pa'i dam tshig dpal khyod bdud// kha T+wAM 'jigs dus rdo rje khyod la bdud// rdo rje dril bu bskyod pa'i dpal khyod 'dud// de nas pad+ma'i rigs thams cad mchog tu gsang ba'i dam tshig gi 'jug pa'i rdo rje glu'i mchod pa ni// la lar skye bo ma lungs pa'i srog 'phrog shin tu drag po'i sku/ la lar 'gro ba mtha' yas 'dul phyir shin tu rno ba'i 'khor lo 'dzin pa'i sku/ la lar pad+ma'i gdan gyi shin tu zhi ba'i sku ste 'gyur ba med pa ste/ la lar shin tu 'bar ba'i 'dod pa'i dam tshig pad+ma'i rgyal po bdag bsgrub shig/ de nas nor bu'i rigs thams cad kyi mchog tu gsang ba'i gsang ba'i dam tshig gi 'jug pa'i rdo rje glu'i mchod pa ni/ dbang bskur thams cad dbang phyug dam pa las/ yang dag bsgrub shing mi bzod gter gyi mchog/ kun mchog rgyal mtshan rnam rgyal bsgreng pa las// rdo rje rin chen dpal dag legs mchod 'gyur// de nas rang ming gsum gyis ni b+hur b+hu ba sA/ de nas sring mo bzhi rnams kyis hUM hUM shri b+h+yo// de nas glu'i rigs thams cad kyi dkyil 'khor gyi phu phu/ de nas gnod sbyin gyi sde dpon chen po lag na rdo rje'i sdig pa thams cad kyi dkyil 'khor gyi rdo rje glu'i mchod pa ni/ sarba maM ga mo Da la mi da~M badz+ri d+hi ra kr-i ma be mdza b+haM ki dza b+hi ki ra b+han+da u ta sA dA yA nA sha ya/ ha nad ha/ pa tsa b+hi smi kuM du kro d+ha hUM ka ra man+ti na/ de nas thams cad kyi
- 207b
mchog dbang phyug dam pa'i dkyil 'khor chen po'i mchog tu gsang ba'i dam tshigi rdo rje glu'i mchod pa ni/ la lar dri med zla ba'i dkyil 'khor stong gi sku ni rnam par mdzes/ la lar 'jug tu nyi ma 'char ka byed pa'i 'od zer 'jig chen 'bar/ la lar gdangs dang 'od zer dang ldan bde zhing zhi ba'i rgyal po'i sku 'dzin pa/ la lar shin tu mdzes pa'i gzugs 'chang mchog gi mnga' dang bcas pa'i gzhu 'dzin pa/ la lngar 'dul bya rnam par sbyang phyir brtson pa'i rdo rje sems khyod na mkha' bzhin zhugs/ ma lus 'dul ba mkhas pa'i bde ba dam pa nyid phyir bdag la 'grub gyur cig/ de nas mchog tu gsang ba'i cho ga dam ba'i gsang ba'i mchog dpal dam tshig gsum gyi 'jug pa'i rdo rje glu'i mchog tu grub pa ni 'di yin te/ dngos grub kun gyi bde ba nyams dga' ba'i// thar po'i grong khyer bcom ldan bde chen 'jug/ mchog tu bde ba dam pa'i dngos grub kyis/ dzaHhUM baM hoHrab tu grub par mdzod// de nas shin tu mchog tu gsang ba'i cho ga mchog gsang ba bla na med pa'i dam pa'i dpal dam tshig bla na med pa'i mchog shin tu gsang ba'i rdo rje glu'i mchod pa mchog tu shin tu grub pa zhes bya ba mngon par brjod nas/ shin tu mchog gi de kho na nyid kyi rdo rje mchod pa'i glu dang gar dang cho gas ci lta ba bzhin du rjesu bsgrub pas nas so so rjes su bsgrub par bya'o// zhes bya ba dang / de bzhin gshegs pa thams cad kyi mchog tu shin tu gsang ba bla na med pa'i rtog pa thams cad kyi sna tshogs pa'i dam tshig chen po'i mched po mchog tu grub pa yino//
- 208a
zhes bya bar yang gsungaso// sna tshogs cho ga 'di yis ni// rdo rje sems dpa' bsdus pa yin// kun mchog sna tshogs chen po'i// rnal 'byor dbang phyug rab tu grub// ces bya ba shin tu gsang ba bcom ldan 'das rdo rje sems dpa' gsungaso// de ltar dpal mchog dang po'i rtog pa'i cho ga rgyas pa gtam rgyud sna tshogs can/ mchog tu gsang ba'i rol mo bla na med pa'i dngos grub nyams dang ldan pa ste/ gang gis sna tshogs pa'i rgyal mtshan mthon po dang ldan kun tu rjes brten pa/ mchog gi dngos grub bde ba chen po nyid ni de yi yang dag nyamasu myong // don yod mchog tu bsod nams ldan// / cho ga mchog tu brtag pa ste// kun mchog gsang ba chen po ni// dngos grub thams cad myur grub byed// gang zhig grong mchog rab dges par// bzhugs te bsgrub par byed pa ni// shin tu mchog gi 'dod pa yi// dngos grub dbang phyug bde des thob// gang gi dngos grub 'thob pa ni// bsod nams phun tshogs byed pa rnams// dkyil 'khor mchog tu rab tu bzhugs na// sgrub po 'dir ni rab grub 'gyur// gal te rdo rje sems dpa' mchog/ nye ba'i snying pos bsgrub byas kyang // ma grub 'dir zhugs grub par 'gyur// dpal mchog dang po'i rtsa rgyu du// de bzhin myur du grub pa yin// ci ltar dang po'i khyim zhugs nas/ rdo rje'i dkyil 'khor grub pa ltar// dkyil 'khor thams cad grub pa yis// de ltar thams cad grub pa yin// ci ltar mchog tu gsong ba yi// khang bzangs dam pa mthong ba yi// dam tshigau rnams las
- 208b
nyams pa dang // sgrib pa kun gyis bsgribs pa dang // bdud sogs gdon gyi reg pa yang // rtag pa'i thar pa thob par 'gyur// dkyil 'khor du ni ma zhugs pa'am// yang na dkyil 'khor ma grub pa// slar yang mchog tu rab zhugs na// de dag myur du 'grub par 'gyur// sgrub min 'di ni cung zad med// dngos grub las dang bde de bzhin// dngos grub thams cad bzhin 'gyur du// rtogs pa kun las bsgrub par bya// zhes bya ba bcom ldan 'das rdo rje sems dpas gsungaso// dpal mchog dang po las de bzhin gshegs pa thams cad kyi dpal dam tshig chen po'i dkyil 'khor gyi cho ga shin tu gsang ba rdzogas+ho// de nas de bzhin gshegs pa thams cad kyi 'jig rten gsum gyi dam tshig mchog gi gsang ba'i cho ga ni 'di yin te/ sangs rgyas chos dang dge 'dun te/ dam tshig chen po gsum 'di yin// byang chub sem dpa' mchog 'dzin pa'i// ras la dkon mchog gsum bri bya// cho ga dang bcas rdo rje mchog/ go cha sogs kyis legs par brgyan// rdo rje mtshon cha brjod pa dang // pad+ma rin chen 'chang ba'o// 'khor lo de ni brtag na su// gsang ba'i dkyil 'khor dam pa'o// ci rigs par ni bsgrubs byas nas// sum 'gyur du ni bsgrub par 'gyur// de bzhin gshegs pa thams cad kyi dam tshig chen po zhes bya ba'i snying po mchog gi dngos grub ma lus par ster ba 'di yin te/ oM b+hu khaM/ khyim ma yang na nags tshal lam/ snga ma bzhin du brgyan nas ni// mtshon cha mchog gi cho ga yin// thams cad byas la 'di brjod bya//
- 209a
de nyid kyis ni bcom ldan 'das// byang chub sems dpa' de bzhin gshegs// lha ngan rnams la phan pa'i phyir// 'di dag mya ngan 'das pa ston// ma lus 'dul ba la brtson pas/ bstan zhing nges pa'i cho ga dgos// shin tu srid pa la gnas mchog/ cho ga la sogs dgos pa yin// sangs rgyas chos dang dge 'dun zhes// dkon mchog gsum du gyur pa yin// srid pa shin tu grub pa yin// rnam par rig pa'i dpal mdzad mchog/ ces bya ba de bzhin gshegs pa thams cad kyi mchog tu gsang ba'i rdo rje'o// de nas mchog tu gsang ba'i chos nyid kyi dril bu ni// thams cad na mkha'i mtshan nyid// nam mkha' la yang mtshan nyid med// nam mkha' dang mnyam sbyor ba yis// kun mchog mnyam pa nyi du gsal// zhes bya ba ni shes rab kyi pha rol tu phyin pa'o// de nas dam tshig chen po gsum gyi sdom pa zhes bya ba ni/ longs spyod kun la longs spyod pa// rang lha bdag nyid kyis bsten na// dkon mchog gsum la mchod pa'i mchog/ bdag gis bya zhing brjod cing mchod// ces pa ni de bzhin gshegs pa'i rnal 'byor bsgrub pa'o// thabs kyi cho ga 'di yis ni// 'dod pa'i yon tan lnga rnams kyang // gza' min pa yang bza' byas na// rtag pa'i dngos grub thob par 'gyur// zhes bya ba ni de bzhin gshegs pa thams cad mchog gsang ba'i dam tshig chen po gsumo// de ltar brjod nas snying po byin la// phyag rgya bcings pa slob du btsug nas ci ltar mngon par 'dod pa bsgrub par bya'o// de nas rdo rje 'dzin pa slob dpon
- 209b
gyis// rdo rje mchod pas mchod nas ni// ci 'dod pa yi mchod pa yis// slob ma thams cad mchog tu gzhug/ longs spyod kun la longs spyod kyang // dkon mchog gsum po la phul ba// 'dod pas bdag kyang / gzhan rnams la// mchod pa nyid du 'grub par 'gyur// dpal mchog dang po las mchog tu gsang ba'i cho ga'o// de nas rdo rje chen po'i khro bo'i rgyal po'i mchog tu gsang ba'i cho ga ni// ras la bcom ldan bri bya ste// rdo rje'i rigs kun bdag po ni// rdo rje nyi ma me ltar 'bar// cho ga ci bzhin mchog du'o// de'i pad 'dab gcig bzhug pa// de'i 'od kyi 'khor lo rten// gsang ba'i rdo rje'i rnal 'byor che'i// mkha 'gro ma rnams logs la bri// dang por dmar dang dkar ba dang // gzhan ni thal ba ltar dkar ba// gsum pa dkar dang lta ba ste// bzhi pa gser ltar dri med pa'o// rdo rje gtum pa'i dbang phyug grub// rdo rje kha T+wAM bsgreng dang bcas// rdo rje 'dod pa me ltar 'bar// de'i logs la mtshan ma gtod// rdo rje khyab 'jug ma rdo rje'i// 'khor lo btod pa de bzhin gzhan// rdo rje dril bu'i ba dAn ma// de'i logs na g.yon bsnyems ma// cung zad mche ba gtsigs pa yis// khro dang bcas pas zhal bzhad pa// rang bdag la ni lug gtad cing // sku ni zur gyi phyogs la bzhug/ de nas 'di yi snying po ni// hUM/ de nas ba'i snying po ni// rdo rje dri la sogs lhan cig tu// rnam dbyen rol mo rdungs pa yis// hi yi glu dang rol mo ni// brdung zhing zur bzhi rab tu bsgrub// ces bya ba ni 'dir bzlas pa'i cho ga'o// 'khor lo de ni
- 210a
brtag byas nas// gsang ba'i dkyil 'khor dam pa ni// mtshon cha mchog gi cho ga yis// cho ga thams cad rgyas pa'o// de nas de kho na nyid dang chos dang dam tshig gi cho ga byin pa// ni/ rtag tu chags pa las byung khro// rdo rje me'i phung po'i sku// 'bar ba'i rdo rje khro bo che// rab 'bar ba'i tshogs kyi sku// rdo rje 'bar ba'i rnal 'byor che// mkha' gro ma rnams kun tu 'bar// zhes bya ba ni rdo rje'o// de nas/ chos ni thams cad na mkha'i mtshan nyid// nam mkha' la yang mtshan nyid med// nam mkha' dang mnyam rnal 'byor pas// thams cad myur ba nyi du bsgrub// nam mkha' kun mchog sbyor ba yis// thams cad nam mkha' zhes brjod cing // rdo rje phyag rgya rgyas btab pas// 'jig rten gsum yang za bar byed// ces bya ba ni rdo rje rnal 'byor gyi mkha'agro ma'o mchog tu gsang ba'i dam tshig go// cho ga 'di yi thams cadadu// mnyam par gzhag pas bsgrub par bya// kun mchog dngos grub chen po yi// las kyi tshogs rnams mi zad pa'o// zhes bya'o// de nas ci lta ba bzhin du de bzhin gshegs pa'i cho gas rang gi phyag rgya rnams kyis gar gyi mchod pa byas nas 'grub par 'gyuraro// dpal mchog dang po las rdo rje rnal 'byor gyi cho ga'o// de nas mchog tu phra ba dang // shin tu bzang ba'i rdo rje yi// grub mchog gsong po'i rnal 'byor gyi// mkha 'gro mo'i 'khor lor bshad// grong khyer skyed mos tshal sogs ni// ci lta ba bzhin rgyas byas nas// rdo rje 'dzin kun slob dpon gyis// ci bzhin du ni rab bsgrub pa'i//
- 210b
yid 'ong bzhi dang lhan cig tu// rang gi phyag rgyas me tog stong // ci lta ba bzhin grong khyer 'jug/ g.yon pa'i kha ni gyen du stong // rdo rje drag po bzhad chen po// sgra sgrog mchog gi phyag rgya yis// 'jug te mgon la phyag 'tshal bya// de la phyag ni 'di yin te// oM zhes bya ba brjod byas la// shin tu dga' ba'i dbugs rlung gis// ru lu ru lu lpaM/ dug ldan/ bar me'i ru lu ru lulpaM/ 'di ni rdo rje drag po'i phyag 'tshal ba'i sgra sgrog pa'i mchog ces bya ba 'dir rdo rje phyag rgya thams cad dang / gzhan rmongs pa dang / thogs pa med pa'i dngos grub thams cad dang / las thams cad la dgongs shing mchog tu grub pa'o zhes bya ba bcom ldan 'das rdo rje sems dpa' mchog tu gsungs pas 'di gsungaso// de nas yid 'ong dam bcas pas// me tog sil ma gtor nas ni// rdo rje pad+ma'i dbang bskur gyis/ dam tshig gsum ni gsal bar byin// rdo rje sems dpa'i phyag rgya ni 'di yin te/ pad+ma'i phyag rgya ni 'di yin te/ de yang rdo rje byin gyi brlabs pas na rdo rje pad+ma zhes bya ba'o// de nas 'dir phyag rgya bcing ba ni// sor mo thams cad phan tshun sbyar// kun mchog rtse mo dang bcas pa// mthe bong rdo rje bkab pa ni// rdo rje pad+ma zhes grub bo// rdo rje pad+ma'i phyag rgya 'dis// rdo rje sems dpa'i dbang bskur ba'i sbyor ba dang / rdo rje pad+ma rin po che cod pan gyis dbang bskur bar bya'o// 'dis dbang bskur ba tsam gyi de bzhin gshegs pa rnams kyis shin tu gdug pa dang / drag pa dang / rab tu gtum pa dang / ma rungs po'i
- 211a
@#sems can thal bar brlag nas khams gsum ma lus pa'i stobs chen po dang ldan pa'i 'khor los sgyur ba'i de bzhin gshegs pa thams cad ces bya bar byin/ / gyis rlob par 'gyur ba dang / mchog tu rtag pa'i srung bar yang 'gyur// zhes mchog tu gsang ba bcom ldan 'das rdo rje sems dpa' gsung so// de nyid kyis ni rdo rje gzung // chos kyi dril bu dkrol bar bya'o// dam tshig gis ni phyag rgya che// byin gyis rlabs nas snying po zla// rdo rje la sogs thob par gzung // rdo rje sems dpa' gnyis pa 'dra// rdo rje rnal 'byor dbang phyug grub// rdo rje can gyis byin rlabs 'gyur// bud med rnams kyang 'bebs gyur nas// ston pa'i rdo rje phab pa yis// rdo rje dang bcas phyag mtshan 'dzin// rnal 'byor ma rnams rab tu 'gyur// de la thog ma re shig rdo rje nyi ma ltar 'bar ba chen po thal bar rab tu rlog pa zhes bya ba/ de bzhin gshegs pa thams cad kyi rdo rje rin po che khro bo'i rgyal po'i bdag po mchog dang po yang dag par 'bebs par byed pa ste/ de bzhin gshegs pa thams cad kyi thugs rdo rje chen po'i thams cad khon du 'dzin pa'i khro bo'i me 'bar ba'i rdo rje dang bcas pa'i kha T+wAM kha'i rgyal mtshan dang / nges par sbyor ba ba dan dang bcas po'i dril bu 'chang ba/ rdo rje snyems pa'i bdag po/ shin tu khro ba 'bebs pa'i sgeg dang / bcas pa'i smin mtshams kyi khro gnyer shin tu 'jigs par byed pa'i spyan ser po dang ldan po'o// de bzhin gshegs pa thams cad kyi rdo rje'i 'jigs pa chen pos
- 211b
/ 'jig par byed pa'i spyan gyis lta ba'i phyag rgya 'dis stong phrag brgya bzlas pas 'grub par mdzad// de bzhin gshegs pa thams cad rjes chags pa dang / dgug pa dang / gzhug pa dang / dbang du bya ba dang / 'bebs par nuso// thams cad na mkhor sbyor ba'i ting 'dzin dang lan cig brjod pa tsam gyis khams ma lus pa'i rdo rje bdud rtsi la sogs pa'i bdud thams cad dang / de bzhin gshegs pa thams cad la gdug pa dang / drag por rab tu gtum pa dang / ma rung ba'i sems can rnams dang / mkha' 'gro ma drag po thams cad dang / gang zhig nyan thos dang / rang sangs rgyas rnams te/ de dag kyang thal bar rlog par 'gyur na/ dag po la sogs pa gzhan lta smos kyang ci dgos/ don yod cing thogs pa med pa dang / dngos grub thams cad dang las kyi tshogs rnams dgongs shing mchog tu grub pa'o// de nas bcom ldan 'das thugs rje chen po'i thugs shin tu/ drag po'i man ngag gi bzlas pa ni sna'i dbugs phra ba nyid kyis bde ba'i rdo rje tshig gis grub pa'i yid kyis 'dod pa las thams cad kyi dngos grub kyi tshogs rnams la dam pa mchog tu grub pa'o// hUM de nas mchog tu gsang ba'i rdo rje rnal 'byor gyi dbang phyug ma'i lha chen mo rnams kyis bshad par bya ste/ de la thog mar re shig rdo rje chen po 'dod pa'i me 'bar ba zhes bya ba'i lha mo rdo rje gtsu dang / mdo'i stong pa'i spyan g.yon pa ste/ rdo rje can gyis lta b.ra'i phyag rgya 'dis thams cad bsgrub par mdzad po/ bsgres pa dang brngas shing g.yo ba'i spyan gyis drung
- 212a
gyis gzigs pa'i phyag rgyas btab pa tsam gyis thams cad la rgyas 'deb par mdzad pa dang / don yod cing thogs pa med pa dngos po thams cad dang las kyi tshogs rnams la dgongs shing mchog tu gyur pa'o// de nas bcom ldan 'das yum 'di'i rdo rje phra ma'i g.yon pa'i khro bo'i bzlas pa ni yid kyi 'dod pas dngos grub thams cad dang las kyi tshogs rnams las mchog tu grub pa'o// hri gnyis pa ni/ rdo rje chen po 'dod pa'i me 'bar ba'i dam tshig lan zhes bya ba'i lha mo ste dbus rang gi lhag pa'i lha stong pa'i zhal 'dzum pa'i can zhig 'dzum zhing dga' ba chen po'i rdo rje'i lta ba'i phyag rgya 'dis thams cad grub par mdzad pa dang / tsum pa dang 'khyud pa la sogs pa'i reg pa'i phyag rgyas btab pa tsam gyis thams cad la rgyas 'debs pas mdzad pa dang / phyag rgya thams cad 'joms par mdzad pa dang / thams cad kyi gsod par mdzad pa dang / don yod cing thogs pa med pa dngos grub thams cad dang / las kyi tshogs rnams las dgongs shing mchog tu grub pa'o// de nas bcom ldan 'das yum 'di'i bya rog gi mgrin ba'i dbyangs kyi rdo rje ngag gis khro bo'i 'das pa ni yid kyi 'dod pas dngos grub thams cad dang las kyi tshogs rnams la mchog tu grub pa'o// hUM gsum pa ni rdo rje chen po'i 'dod pa'i me 'bar ba thal bar rlog pa zhes bya ba'i lha mo chen mo ste/ bcom ldan 'das kyi rdo rje chen po dang / kha T+wAM ga'i rgyal mtshan 'chang ba dang / sgeg pa dang bcas pa'i bzhad pa smin mtshams kyi khro gnyer gyi khro bo'i spyan ste/ rdo rje chen po'i khro bo ki
- 212b
li ki la khro bo'i spyan gyis lta ba'i phyag rgya 'dis thams cad 'grub par mdzad pa'o// badz+ra zhes bya ba dang ru lu ru lu ru lu na ma hi zhes bya ba tsam gyis bdud thams cad 'joms pa dang don yod cing thog pa med par dngos grub thams cad las kyi tshogs rnams la dgos shing mchog tu grub pa'o// hi/ bzhi pa ni rdo rje chen po 'dod pa'i me 'bar ba thal bar rlog pa 'chi ba slong ba zhes bya ba g.yon snyems pa g.yas pas rang gi spyi bor rdo rje dril bu bskyod par mdzad pa/ bsgeg pa dang bcas pa'i spyan gyis shin tu gdangs pa ste/ rdo rje rgyal po drin gyi spyan gyis lta ba'i phyag rgyas thams cad grub par mdzad pa/ thal lcags la sogs pa dang / bzhad dgang dang / rdeg pa dang / phyag rgya rgyas btab pa'i 'chi ba thams cad slong par mdzad pa dang / don yod cing thogs pa med pa dngos grub thams cad dang las kyi tshogs la dgongs shing mchog tu grub pa'o// de nas bcom ldan 'das yumo 'di dril bu'i dbyangs kyis rdo rje khro bo'i bzlas pa ni yid kyis 'dod pa'i dngos grub thams cad kyi tshogs thams cad mchog tu grub pa'o// Sh+Tha/ de la sogs pa mtha' yas mchog/ chos dbyings mnyam dang mi mnyam pa// nam mkha' khams ltar grangs med cing // nam mkha' kun gyi gnas skabs kyis// dkyil 'khor du ni 'di la rab zhugs pa/ rdo rje mchog gi rnal 'byor gyi dbang phyug ma lus kun nas 'bebs/ de nas rdo rje rnal 'byor pa ston pa des rnal 'byor pa rang gi log dag tu dgod pa yin te/ zla tshes dkyil 'khor du dgod par bya// bkod nas thams cad kun mchog gi// dngos grub
- 213a
dam pa bsgrub par bya// thams cad dgug dang mchod pa che// bdag byin rlabs sogs grub pa yis// shin tu gsang ba'i dkyil 'khor de// brtag pa dang ni bsgrub nas kyang // rdo rje 'dzin kun slob dpon gyis// rdo rje slob ma rnams bzhug bya// de la re shig thog mar kho nar slob dpon gyi bcug te tshogs kyi dkyil 'khor du dam tshig gsum gyi byin gyis rlabs kyis/ rdo rje rnal 'byor ma rnam logs dag tu gzhag nas skyes pa rnams kyang gzhug cing byang chub kyi sems kyis rdo rje chen po'i khro bo'i dam tshig dang sdom pa dag len du zhug par bya'o// khye'u dang bu mo rnams rab tu bzhag la tshigs dang bcas pa'i rang nyid kyis zhugs te bsrung ba dang / bskyab pa dang / sba ba thams cad bya'o// de nas 'dir slob ma gzhug pa'i cho ga rgyas pa ni/ byang chub sems ni bla med pa// mchog tu bskyed pa byas nas ni// gar byas spyi bor thal sbyar mchog/ slob ma thams cad gzhug par bya// ci 'dod pa yi dngos grub bskyed// slob ma me tog dor du zhug/ rnal 'byor ma ni gang la babs// de dang de'i lha mo 'grub// de nas gdong g.yog dkrol nas ni/ rnam pa kun tu yon blangs nas// rdo rje pad+ma'i dbang bskur gyis// dam tshig gsum ni gsal bar sbyin// 'dir mna' bsgag pa dang / dbang bskur ba ni de nyid// de la 'dir dam tshig gsum sbyin pa ni 'di yin te/ mi byed pa dang so sor rtog/ gdug pa thams cad gnod pa dang / sangs rgyas kun dngos rdo rje ste// byang chub sems ni che zhing bstan// mtshon chad ni rgyal kun gyis// kun tu bzang po'i lag tu
- 213b
byin// bstan pa thams cad grub pa'i phyir// de phyir phyag na rdo rje yin// de nas rdo rje nyi ma me ltar 'bar ba'i mchog tu gsang ba ni/ rtag tu chags pa las byung khro// rdo rje sems dpa' 'dul bya'i phyir// rdo rje nyi maM me ltar 'bar// mchog tu 'jigs par byed pa yin// de nas mchog tu gsang ba'i rnal 'byor gyi mkha' 'gro ma rnams kyi gsang ba ni/ rdo rje nyi ma 'chang las byung // de bzhin gshegs pa'i grib ma 'di sprul te ma lus bdud la sogs// gdug pa'i khrag ni gsol bar spyod// ces bya ba ni gsong ba mchog gi de kho na nyid// de nas 'dir mchog gsang ba'i chos nyid 'bebs pa'i dril bu ni/ shin tu 'dug cing drag pa dang // bdag po rog po bu rnams dang // shin tu gnyid ni log pa dag/ rdo rje mchog ni 'dzin pa gsung // zhes bya ba ni bcom ldan 'das kyis gsungaso// mchog tu gsang ba'i chos nyid 'bab/ pa'i rdo rje kha T+wAM ga ba dan gyi dril bu thams cad 'bebs pa dang / rab tu bsgrub par byed pa dang / thams cad ltung bar byed pa dang / slong bar byed pa'o// de nas rnal 'byor mchog gi dam tshig ni/ khrag chen ga bur dang bcas pa// tsan dan dmar dang sbyang ba ni// tshogs kyi nang du rab zhugs nas// rdo rje dang bcas rdo rje 'dzin// srin lag mthe bo'i rtse mo yis// nam mkha' thams cad sbyor mchog ldan// zla ba'i btung ba bzhin mya ngan// rtag pa'i dngos grub thob par 'gyur// 'dod ba kun la longs spyod cing // ci 'dod pa ni bsten bzhin du// na mkha' kun mchog sbyor ba yis// dngos grub thams cad thob par/
- 214a
@'gyur// nam mkha' kun mchog sbyor ba yis// nam mkha' thams cad zhes brjod cing // rdo rje'i phyag rgyas btab pa yis// 'jig rten gsum yang bza' bar bya// dngos grub las dang de bzhin de// 'di la cung zad mi bsgrub med// las kyi tshogs kyis dngos grub kyis// don bsgrub ma lus bsgrub par 'gyur// don yod mchog tu grub pa dang // gdug pa thams cad gnod pa byed// sdug bsngal kun 'gro dpal dang ldan// rnal 'byor 'di ni las kun byed// ces bya ba mchog tu gsang ba'i bcom ldan 'das rdo rje sems dpa' gsungaso// de nas ro dang bza' ba spyod pa glu/ rol mo'i mchod pa sogs kyis mgon la spyod// phul ba de'i rdo rje bla mo che// bdag dang gzhan rnams mchod par bya// myos byed myos byed ltung ba ni// ci 'dod par ni rten pa yis// rdo rje nyi ma me 'bar sogs// ji bzhin rjes 'gro'i bzlas pa zla// rang gsod tsho gas blang ba yi// glu dang rol mo gar rnams dang // sna tshogs phyag rgya'i mchod pa dang // khams gsum rnam rgyal la sogs pa// bud med tshogs dang bcas pa yis// mchod pa rgya chen thams cad dang // ci 'dod pa'i longs spyod kyis// mchod pa byas nas rab tu 'gru'o// ces bya ba mchog tu gsang ba bcom ldan 'das rdo rje sems dpa' gsungaso// de nas de bzhin gshegs pa thams cad 'dus pa la sogs pa'i dbugs 'byung ba sbyin par bya ste/ 'gro ba kun gyi khams rnams kyi// phra rab rdul dang mnyam pa nyid// rtog pa'i rgyal po grub pa ste// sangs rgyas la sogs mchog grub pa'o// gang zhig blo/
- 214b
ni dpag med pa'i// khyad par du ni dmigs mi 'gyur// de bzhin gshegs pas bden pa ni// dam pa thams cad bsdus pa'o// zad pa thams cad zad 'gyur dang // 'phel ba thams cad 'phel bar 'gyur// gang zhig mthong ba'i mi snang 'gyur// gang nas kyang ni 'jig med byed// drag po dbang po nye dbang zla// nyi ma mkha' 'gro tshogs dkyil 'khor// khros nas yi ge hUM tsam gyis// mA lus pa ni thal bar byed// rnal 'byor mkha' gro ma'i dkyil 'khor// mchog tu zhugs nas mthong nas ni// sdig pa kun lasna rnam grol ste// khyed rnams dang ni rab tu gnas// slar khyod 'chi ba yod myin te// khyad par bu ni ngan 'gro med// gzhan gyis mi thub mi gsod cing // cis kyang mi 'jigs dga' bar gyis// shin tu srid pa'i dngos grub rnams// ston pa'i mchog tu 'gyur ba yin// dam tshig sdom pa grub pa 'di/ rtag tu yang ni bsrung ba 'di// sangs rgyas kun gyi mthun par gsungs// dam pa rtag pa'i bka' yin// byang chub sems ni spang mi bya// dam chos de bzhin dam tshig dang // slob dpon smad par mi bya ste// gang phyir rdo rje 'dzin kun de// sems can kun la phan phyir dang // theg pa thams cad grub pa'i phyir// gdug pa 'dul bas dag pa zhes// rdo rje mchog ni 'dzin pas gsungs// shin tu gdug cing gtum ba dang // bdag po'i grogs po bu rnams kyang // phyag rgya'i rnal 'byor mngon spyod kyis// shin tu gnyid ni legs du bzhug/ rtag tu rang gi dam tshig srung // rtag tu de bzhin gshegs rnams mchod//
- 215a
rtag tu bla ma la yang dbul// de la phul na 'bras bu che// de byin sangs rgyas thams cad la// rtag tu byin pa nyid du 'gyur// de byin bsod nams tshogs rdzogs te// tshogs las dngos grub mchog tu 'gyur// deng khyod skye ba 'bar bur bcas// gang phyir 'di la rab tu gnas// dam tshig rgyal po dang mnyam par// sangs rgyas kun gyis byin gyis rlabs// sangs rgyas rdo rje 'dzin rnams kyis// de rnying khyod la dbang bskur bas// khams gsum gyi ni rgyal srid che// stobs dpal 'khor los bsgyur ba yin// rdo rje dam pa'i gsang mchog rnal 'byor ma'i// mchog gi dam tshig gsang ba mthong nas ni// bdud la sogs pa'i sha yang zas nas ni// de bzhin gshegs sbyor thob nas khyod grub yin// zhes bcom ldan 'das rdo rje sems dpa' gsungaso// dpal mchog dang po las mchog tu gsung ba'i rdo rje rnal 'byor gyi mkha' 'gro ma dkyil 'khor gyi cho ga shin tu grub pa'o// de nas 'phags pa spyan ras gzigs kyi dbang phyug gi mchog tu gsang ba 'gro ba 'dul ba'i cho ga ni/ ras la bcom ldan bri bar bya// pad+ma gar gyi dbang phyug gtso// glog gi 'khor laM yongs gyur pa'i// 'khor ba'i rnamo 'phrul gar rnams kyis// pad+ma la sogs phyug mtshan bri// phyag rgya 'khor lo ltar mdzang ba/ log ni thams cad la// zla garnam pa sems bri ba bya// drag pa ma sogs phyag mtshan gzugs/ bang+gA'i lha mor bad+ma bcas// dkyil lakhor ngan rtag byas nas// gsang pa'i kyis
- 215b
'khor dam pa ni// mtshon cha mchog gi cho ga yis// thams cad byas nas 'di brjod bya// de nyid sangs rgyas bcom ldan 'das// spyan ras gzigs kyi dbang phyug ste// 'dul ba'i thabs kyis dag pa yi// rol pa'i gar ni mdzad pa yin// zhes bya ba ni mchog gi rdo rje ste// ci ltar pad+ma dmar po 'di// gnas kyi nyes pa sna tshogs kyis// mtshon gyi nyes pas mi gos pa// de bzhin khams gsum dag pa'o// zhes bya ba ni/ mchog tu gsang ba'i chos nyid kyi dril bu'o// cho ga gang dang gang dag gis// 'gro ba rnams kyi 'dul 'gyur ba// pad+ma dag mchog rnal 'byor pa dag/ de dang de'i bdag por bya// zhes bya ba ni rdo rje thams cad kyi chos kyi dam tshig go// de nas ci lta ba bzhin du pad+ma gar gyi mchod pas mchod la/ cho ga thams cad rjesu spyad par bya'o// de nas bcom ldan 'das na mkha'i snying po don thams cad grub pa'i cho ga ste/ nyi ma'i dkyil 'khor bris nas ni// ras ris de ni blo glos che// ljang khu bai DUR+Ya dang mtshungs// na mkha'i snying po bri bar bya// de'i 'od kyi 'khor lor rten// dbang bskur ma dang rter ma dang // rgyal mchog mnga' ba mchod pa'o// gsang ba'i dkyil 'khor dam pa de'i// 'khor lo rtag par byas nas ni// mtshon cha mchog gi cho ga yis// cho ga rgyas pa ci bzhin pa'o// de ni rdo rje mchog de ni// nyi ma 'di ni/ dam pa ste// de bzhin gshegs pa thams cad mthong // nam mkha'i snying po bcom ldan 'das// bsam pa thams cad yongs rdzogs mdzad// de nas chos kyi rin po che'i dril bu ni// bsam pa 'grub pa
- 216a
thams cad kyi// nor gyi bsam pa 'grub pa mchog/ de yang 'dod par rab grub phyir// 'dod las thar pa bde ba che// zhes bya ba'o// dman min rnams ni sbyin bya'o// 'dod pa kun gyi bde ba rnams// bdag nyid dang gzhan rnams la ni// bsam pa thams cad rdzogs phyiraro// zhes bya ba ni dam tshig gi mchogo/ dam tshig 'di yis mchog tu ni// rdo rje sems dpa' bde ba tshe// myur du yang dag dam pa mchog/ mi 'gyur mchog ni grub par mdzod// de ltar gsang ba mchog gi tshul dag ni// ci bzhin cho ga mchog tu rgyas pa ste// mchog chen de ni rtog pa thams cad kyi// khyad par dngos grub thams cad 'grub par 'gyur// dpal mchog dang po las rtog pa thams cad kyi bsgrub pa'i cho ga'o// de nas grub chen thams cad kyi// bsgrub pa'i mchog ni bde ba che// rdo rje sems dpa' phyag rgya che// rtog pa kun mchog grub ba'i phyir// snod ma yin pa'i sems can gang // sdig pa thams cing byed rnams la// mthong ba la sngogs sems can don// sems dpa' chen pos mdzad pa yin// mthong med long ba de rnams ni// bsod nams med tshogs stag ldan la// rdo rje sems sogs sems dpa' mchog/ mthong ba'i thabs kyis rgyu rnams ni// bsod nams sogs sems mchog gis// sku gsung thugs kyi rdo rje yis// dam tshig mchog ni bcings pa ste// dam tshig 'da' bar dka' ba'o// rdo rje sems sogs sems dpa'o// gang phyir sku rnams bstan pa ni// de'i phyag rgyar grags pa ste// dngos grub kun phyir de dag sprul/
- 216b
gang dag bzung ba tsam gyis ni// rdo rje sems dpa' la sogs mchog/ mthong zhing mngon par mthong ba nyid// mchog dus nyid du gyur pa yin// phyag rgya bcings pa tsam gyis ni// gang phyir bsdus par gyur pa ste// rdo rje sems sogs sems dpa' rnams// nyams pas 'jigs pas 'grub mi 'gyur// ci ltar rgyal po rnams kyi bka'i// rtags kyis phyag rgya 'da' dka' ba// phyag rgya gsang ba kun gyis kyang / 'da' bar nus pa ma yino// sangs rgyas nyid dam rdo rje 'dzin// de ltar bskal pa bye bas kyang // thob par mi 'gyur myur du ni// ci ltar phyag rgya mchog gsungs pa'o// ci 'du ltar 'dul ldan 'jig rten ni de ltar dngos grub gsungs pa yin// de'i thabs ni phyag rgya ste// dngos grub thams cad mchog tu byed// gang zhig bcing ba tsam gyis ni// 'dus na bde ba chen po rnams// rdo rje sems sogs skad cig gis/ byin gyis brlabs par bstan par mdzad ces bya ba'o// de na 'di gsung nas bcom ldan 'das kyis mkhas shing mchog tu phra ba dang zab pa dang rgya che ba bsam gyis mi khyab pa mchog tu dag pa thog ma dang tha ma med pa/ mi zad cing zad pa med pa don yod cing thogs pa med pa shin tu dagle' ba ma lus pa'i bde ba chen po dang / yid mi bde ba ma lus shing lus pa med pa'i sems can gyi khams thams cad kyi dngos grub chen po dbang phyug chen po'i mchog tu mi 'gyur ba'i dngos grub thams cad kyi mchog rdo rje dbab pa rnams kyis rab tu sad par mdzad nas bde ba chen po rdo rje gsang ba'i don yod/
- 217a
@#pa'i mchog gis gsang ba zhes bya ba'i mtshon cha mchog tu gsang ba'i cho ga rgyud phyi ma'i mchog byin gyis rlab par mdzad pa'o// de nas de bzhin gshegs pa thams cad kyi dam tshig gis bdag la byin gyis rlob pa gcig pu'i cho ga bshad par bya'o zhes bya ba bcom ldan 'das rdo rje sems dpas gsungaso// nyin re sngon du lan cig tu// phyag rgya che dang snying po zla// kun gyi phyag rgya rab grub pa'i// bdag byin rlabs pa gcig pus grub// ces bya ba ni mchog tu grub pa'o// len cig dam tshig gsum mchog tu// gsang ba dam pa'i khang par ni// rdo rje la sogs thob bzung na// rdo rje can gyi byin brlabs 'gyur// de nas shin tu mchog tu gsang ba'i bdag la byin gyi brlabs pa cig pu bsgrub pa'i cho ga rgyas pa'i khyad par shin tu mchog tu grub pa ni/ rdo rje dril bu kun bdag nyid// sna tshogs phyag rgya'i skur bdag ldan// phyag rgya kun gyi rnal 'byor bdag/ rdo rje sems dpa' nyi du 'gyur// grub pa'i cho ga 'di yis ni// rdo rje sems dpa' yang dag bsdus// kun mchog dngos grub chen po yi// dbang phyug chen po nyid byin brlabs// don yod rab tu bdag byin brlabs// rang bzhin gyi ni thams cadadu// mdor na phyag rgya thams cad ni// dngos grub las dang dri bzhin bde// thams cad byin brlabs bsgrub/ pa yi mi 'gyur ba ni kun bsgrub byed// zhes bya ba bcom ldan 'das rdo rje sems dpas gsungaso// dpal mchog dang po las dngos grub thams cad byin gyis rlabs pa'i cho ga mchog tu gsang po
- 217b
zhes bya'o// de nas yang mchog tu gsang ba'i rnal 'byor thams cad kyi cho ga rjesu bshad par bya'o zhes bcom ldan 'das rdo rje sems dpas gsungaso// de la thog ma kho nar re shig don yod cher ni rnal 'byor gyi skad gyi dbyangaso// 'di yang brtson pa yino zhes bya ba ni skad kyi dbyings kyi don to// gang gi'i brtson pa yin zhe na// smras pa rang gi lhag pa'i lha rje su dran par sbyor bas na rnal 'byoraro// slar yang bzhin yang dag par bsdu ba dang / yang dag par kun tu sbyar ba dang // yang dag par sbyor ba zhes bya ba ni rnal 'byor rjod pa'i rnam grangaso// gang yang dag pa kun tu sbyor ba yino zhe na/ rang gi lhag pa'i lha rjesu dran pa'i rnal 'byor rjes su bsgrub pas rang gi lhag pa'i lha'i rnal 'byor bsgrub pa'i sbyor ba zhes bya'o// de la ji ltar thams cad kyi rnal 'byor yin zhe na/ dam tshig gi rnal 'byor ni thams cad kyi rnal 'byor zhes bya ba yin no// de bzhin gshegs pa kun gyis kyang // 'da' ba ru ni mi mdzad pas// phyag rgya dam tshig cesu bsgrag/ yid kyi gzugs ni bstan phyi ro// zhes bya ba ni dam tshig gi don to// de la rjes su sgrub pa'i rnal 'byor ni dam tshig gi rnal 'byor te thams cad kyi rnal 'byor zhes bya'o// 'di lta ste/ rdzas mang po yang dag par sbyar bas sbyor ba zhes bya ba grub pa de bzhin du/ thams cad kyi bdag nyid kyi phyag rgya'i sbyor ba yis yang dag par kun tu sbyor bas ni thams cad kyi rnal 'byor ni dam tshig gi rnal 'byar ro// de la ji ltar na thams cad kyis bdag nyid kyi rnal 'byor yin zhes na/ sangs rgyas kun bdag yang dag sbyor// ce lha'i yid dang
- 218a
sku dang ldan// bdag nyid bdag nyid nyid la ni// bkod nas rjesu bsgrub par bya// zhes bya ba ni rang gi dam tshig rnal 'byor thams cad kyi rnal 'byor zhes bya'o// de la rjesu grub pa ni/ lhag pa'i lha ni gang gang gis phyag rgya gang dang gang 'ching ba/ de dang de'i rnal 'byor gyis// phyag rgya ngo dang der sbyor bya// zhes bya'o// gnas mchog tu gsang ba'i rab mchog gi rjesu sgrub pa'i cho ga rgyas pa'i mchog tu shin tu grub pa ni/ bdag ni sangs rgyas thams cad nyid// gzi brjid can ni nyid kyang yin// rang gi lha'i rnal 'byor gyis// de'i phyir bdag nyid rtag par bya// phyag rgya thabs kyi rnal 'byor chen po mchog tu gsang ba zhes bya'o// de nas mchog tu gsang ba'i mchog gi rjesu bsgrub pa'i cho ga rgyas pa'i khyad par shin tu mchog tu grub pa ni/ rang lha'i sbyor ba ci bzhin du// sna tshogs phyag rgya'i dbang bskur ldan// phyag rgya kun bdag rnal 'byor bdag/ mi 'gyur mchog tu grub par 'gyur// rtogs pa thams cad kyi sna tshogs pa'i dam tshig mchog gi rnal 'byor ni yang dag par kun tu sbyor ba zhes bya'o// de nas gzhan yang slar mchog tu gsang ba mchog gi rjesu sgrub pa'i cho ga rgyas pa'i khyad par mchog tu grub pa lis shin tu mchog tu grub pa zhes bya ba ni/ rdo rje sems dpar bdag sbyor ba'i// ji bzhin dbyings dang skur ldan pa// kun bdag phyag rgya'i rnal 'byor ba dag/ mi 'gyur mchog ni grub par 'gyur// 'di ni sangs rgyas thams cad kyi// dam tshig gsang ba'i rjes 'gro ba// rnal 'byor kun bdag grub pa ste// gsal zhing
- 218b
shin tu grub mchog yin// 'di yis mi 'grub cung zad med// dngos grub las dang de bzhin bde// las kyi tshogs kyi dngos grub dang // dngos grub ma lus myur du 'grub// ces bya ba ni gsang ba'i dam tshig gi rnal 'byor te shin tu mchog tu grub pa'o// 'dod pa kun la longs spyod cing // ci 'dod par ni brten pa yis// rnal 'byor dag ni 'di dag gis// rang gi bdag nyid rab mchod bya// zhes bya ba 'di ni de bzhin gshegs pa thams cad kyi shin tu gsang ba'i bla na med pa theg pa chen po'i dam tshig chen po'i rnal 'byor de bzhin gshegs pa thams cad kyi dpal gyi rang gi dam tshig rnal 'byor dga' ba chen po'i dpal rdo rje don yod pa'i dga' ba'i dam tshig gi rnal 'byor thams cad kyi bla na med pa'i bcud kyis len gyis mchog gi dngos grub kyi rnal 'byor gyi rgyal po de bzhin gshegs pa bcom ldan 'das dpal rdo rje sems dpa'o// rdo rje sems dpa' mchog gi tshe dang / na tshod gzhon pa dang / nad med pa dang / gzugs dang / kha dog dang / gzi brjid dang / mthu dang / stobs dang / spro ba dang / dngos grub mchog thams cad dang / dpal dang / skal pa bzang po dang / dga' ba chen po dang / shin tu bde ba dang / yid bde ba thams cad la dam pa mchog tu grub pa'o// ji srid ma lus shing lus pa med pa ma lus pa'i dngos grub chen po dam pa thams cad kyi dbang phyug chen po'i bdag nyid la sogs pa'i dngos grub thams cad kyi las kyi cho ga mchog tu grub pa ste/ rgyas btab pa tsam
- 219a
gyis skad cig rab tu grub pa yino// de'i rgyu gang gi'i phyir zhe na/ 'di lta ste/ spyod pa phyag rgya la rag lus/ phyag rgya rnal 'byor la gnas pa// rnal 'byor khyad par gyis bsgrub bya// rnal 'byor dam tshig gis bsgrub byed// sems ni stong pa skyo mar mtshungs// lus dang bral bar mo grub ste// lus de yang ni cig pa 'dra// bya ba med cing sems dang bral// lus kyang sems dang bral ba ni// grub pa ma yin de bzhin 'di// phyag rgya rnal 'byor cho gaur brjod// ci ltar lus ni sems kyis dang // sems kyang lus kyi 'grub 'gyur ba// de bzhin phyag rgya rnal 'byor gyis// rnal 'byor dam tshig bsgrubs pas so// de ltar dam tshig rnal 'byor dag/ phan tshun du ni bsgrub pa'i phyir// phan tshun du ni rtag bdag nyid// de bzhin gshegs par grub par 'gyur// zhes bya ba ni shin tu mchog tu gsang ba'i mchog bcom ldan 'das rdo rje sems dpas gsungaso// de la ji ltar phyag rgya thams cad dang rnal 'byor dag rje su bsgrub pa zhe na/ phyag rgya sku ni bstan pa'i phyir// de yang bde bas brtan par 'gyur// sdug bsngal gyi ni g.yo 'gyur ram// yang na 'chi ba thob par 'gyur// de ni rnal 'byor sems las byung // yid bde ba yid rab tu bsgrub// yid mi bde bas g.yo ba'am// yang 'gog pa yang thob par 'gyur// de'i phyir 'bad pa thams cad kyis// phyag rgya rnal 'byor rjes bsgrub byed// dka' thub med cing nges pa med// bde ba dga' bas bsgrub par bya// zhes bya ba shin tu
- 219b
gsang ba bcom ldan 'das rdo rje sems dpas gsungaso// de la dam tshig thams cad kyi rnal 'byor rjes su bsgrub pa'i bde ba de gang yin zhe na/ 'dod pa kun la longs spyod cing // ci 'dod par ni rten pa yi// rang gi lce'i rnal 'byor gyis// bdag dang gzhan rnams mchod par bya// zhes bya'o// de bzhin gshegs pa thams cad mchog tu gsang ba bla na med pa'i theg po chen po'i rnal 'byor bcom ldan 'das rdo rje sems dpa' mchog tu bde ba zhes bya'o// de la dam tshig thams cad rnal 'byor rjesu bsgrub pa de yang gang yin zhe na/ dka' thub nyes pa mi zad pas// sdug bsngal ldan pas myur du skams// sdug bsngal gyi ni sems g.yengs 'gyur// rnal 'byor pa ni sbyor ba min// de phyir ci 'dod la spyod pa// kun za de bzhin thams cad byed// ci 'dod bya ba la spyod pa// ci 'dod par ni spyad pa spyod// gang dang gang du 'chags pa dang // dgod pa'am ni smra ba'am// gang yang do ru ji bzhin te// dkyil 'khor du ni ma zhugs pa// sgrib pa rnams dang ldan pa'am// rang gi lha'i rnal 'byor bdag/ tshig gis kyang ni de bzhin 'gyur// de nyid rnal 'byor 'di yis ni// thams cad nyid ni bsgrub par bya// ngan spyod sdig pa thod tshad kyis// rnam pa kun tu gnod mi 'gyur// 'dod pa chen po kun bdag nyid// dbang phyug dam pa 'grub par 'gyur// thams cad rdo rje 'dzin rgyal po// kun mchog dbang phyug ngom pa'o// sanges rgyas byang chub sems dpa' nyid// rnal 'byor 'di yis rnyed sla na// dngos grub rnams dang las
- 220a
mchog gi/ tshogs rnams gzhan lta smos ci dgos// don yod mchog tu grub pa dang // phyag rgya thams cad rjes bsgrub byed// dpal ldan sdug bsngal kun 'phrog pa'i/ rnal 'byor 'di ni mi 'gyur mchog/ ces bya ba mchog tu yid bde ba bcom ldan 'das rdo rje sems dpas gsungaso// de la rnal 'byor thams cad bcings pa ci ltar yin zhe ni/ bsam pa med cing thams cad smra// de bzhin thams cad bsams nas kyang // ye shes tsam la snyoms 'jug pa// rang bzhin nyid du snyoms par zhugs// de la ji ltar rnal 'byor thams cad bcid pa dang lung bstan pa yin zhe na/ rang gi lha'i sbyor ba yis// dngos grub thams cad rab sbyor bas// ye shes tsam la sbyor ba 'dis// rnal 'byor zhes ni rjod pa yin// zhes bya ba ni phyag rgya thams cad kyi rnal 'byor gyi cho ga mchog tu gsang ba zhes bya'o// de nas bcom ldan 'das kyis thams cad rnal 'byor dang / rnal 'byor chen po dang / shin tu rnal 'byor bcings pa dang / lung bstan pa gsungs te/ rdo rje sems dpar bdag sbyor bas// mchod pa kun gyi rjes sbyor ba// rnal 'byor thams cad rab 'byor 'di// rnal 'byor zhes ni brjod par bya// de la 'di lhor brjod bya ste// de nyid chen po 'di 'grub ste// mchog gi bdag nyid 'di nyid no// shin tu mchog tu gsang ba ste// so so'i skye bo la brjod min// rdo rje slob dpon slob ma mchog/ de nyid dang po'i rjes 'brang ba// thams cad rnal 'byor cho ga sbyor// gzhan rnams la ni rims
- 220b
kyiso// 'di la bsgrub med cung zad med// dngos grub las dang bde ba dang // thams cad rnal 'byor rjes sgrub pas// mi 'gyur thams cad sgrub par byed// rnal 'byor cho ga gsal ba 'di// gcig pu'ang gang la yod gyur na/ gzhan gyis mi thub mi sod cing // bdud la sogs pas non mi 'gyur// de la rgyal po rdo rje 'dzin// rdo rje sems dpa' de bzhin gshegs// kun mchog dngos grub chen po yi// rnal 'byor dbang phyug rab grub 'gyur// zhes bcom ldan 'das rdo rje sems dpas gsungaso// dpal mchog dang po las shin tu gsang ba'i rnal 'byor thams cad kyi cho ga mchog tu gsang ba'o// de nas rtog pa thams cad don yod cing thogs pa med pa mchog tu mkhas shing phra la rgya che zhing zab la bsam gyis mi khyab cing shin tu tshad med pa/ ma lus shing lus pa med pa'i mchog gi dngos grub la sogs pa'i dngos grub thams cad rab tu mchog tu grub pa'i rgyas pa'i rgyud bshad par bya'o// zhes bya ba phyag rgya thams cad kyi ye shes kyi rgyud bcom ldan 'das rdo rje sems dpas gsungaso// g.yon pa'i pang par dgod pa la// zhabs kyi pad+ma ci bde bar// sems pa'i dkyil mo dkrungs bcas te// rang nyid lus ni drang por 'dzin// rdo rje gsor pas kun la rgyal// mchog gi dngos grub kun gyi phyir// sku gsung thugs kyi rdo rje yis// rdo rje sems dpa'/ nyi du 'gyur// 'dis ni rdo rje sems dpa' 'am// sangs rgyas nyid ni gzi can nyid// dngos grub kun gyi dbang phyug yin// tshe 'di nyid la 'grub par 'gyur// zhes bya ba thams cad kyi bdag nyid bstan pa'i bcom
- 221a
@#ldan 'das rdo rje sems dpas gsungs// dkyil 'khor du ni ma zhugs kyang // phyag rgya chen po yongs bzung bas// bde bar gshegs pa rnams kyis kyang // phyag byas mchod cing bkur bar 'gyur// gang gis 'di mthong phyag byed pa// bstod pa dang mchod par byed// ston pa mthong ba phyag byed dang // de yi bdag po mchod par 'gyur// dngos grub kun gyi phyag chen po// bde bo phun tshogs dbang phyug che// phyag rgya chen pos 'grub 'gyur te// rdo rje sems dpa' gnyis pa 'dri// lha la sogs pa'i dngos grub kun// las kun gyi ni bde ba yang // phyag rgya chen po'i byin brlabs kyis// khyad par du ni rab tu 'jug/ de yis mi 'grub gang yang med// dngos grub las dang de bzhin te// phyag rgya chen po'i byin brlabs pas// bsgrubs pa'i stobs kyi mchog kun 'byung // de nas thog ma dang tha ma mod pa'i rdo rje sems dpa' la sogs pa'i sems dpa' chen po kun gyi dkyil 'khor chen po/ thams cad kyi dam tshig dang / chos dang / los dang / gdon mi za bar dgug pa dang / gzhug pa dang / 'bebs pa dang / rjes su chags pa dang / dbang du byed pa dang / bsgrub pa thams cad dang / mchog gi bsgrub pa dang / mchog gi bsgrub pa thams cad kyi dam tshig chen po'i phyag rgya chen po'i rdo rje gsang ba'i dam tshig ces bya'o// de / cing ba'i 'di min te// sor mo thams cad mnyam skyong bas// rdo rje tham man po brjod// kun mchog na rdzo bsdams pa yis// rdo rje bsdams pas shad pa yin// rdo rje bsdams pa'i nang dun// 'a /
- 221b
bong yang dag sbyar// g.yas pa'i the bong rtags kyis ni// rtse mo bkug nas btsir bar bya// mda' lnga bsdus pas bcings nas ni// dbus ma bcing ba'i nang du gnas// mthe bong mthe chung rdo rje snyems// de'i dang po'i rdo rje mchog/ rdo rje bsdams pa de bcings nas// dbus ma'i rdo rje lcags kyus gnyis// dgug pa'i tshul ni de nyid kyis// rang gi snying khar lcags kyus 'deg/ lcags kyu'i rgyal po 'di yi ni// rdo rje sems dpa' rgyal po che// dga' ba'i rdo rje lcags kyu dgug/ slar yang nye ba'i snying po bsgrub// snying kar brdeg pa drag po ni// rje su chags pa'i me yis gdungs// snying po phyogs pas dbang phyug dges// myur du byon nas 'grub par 'gyur// zhes bcom ldan 'das chags pa chen po dang bde ba chen po bcom ldan 'das rdo rje 'chang chen pos gsungaso// de bzhin du de bzhin gshegs pa thams cad dang / byang chub sems dpa'i rdo rje la sogs pa dang / brtan pa dang / g.yo ba'i dngos po thams cad rgyas btab 'ongs te myur du 'grub par 'gyur/ gal te ma 'ongs na 'jigs par 'gyur// bde ba chen po rdo rje don yod pa'i dam tshig ces bya ba'i snying po mchog gi phyag rgya'o// rdo rje mchod yon rdo rje thal mo shin tu rab tu rkyang po'i thul mo'o// de nas dang po'i rdo rje'i phyag rgya dbus ma'i rdo rje bzung ba'i me tog gi lcug mas bzla bar bya'o// rdo rje'i chu dang / rdo rje khu tshur gyi dbang bskur na thams cad bdag po nyid dang / tshe 'phel ba la sogs pa'i dngos grub thams cad l-i dgos pa yin pas btung ba byas na/ sdug bsngal thams
- 222a
cad 'joms pa yin// de nas dang po dkyil 'khor du 'jug pa'i phyag rgya ni/ ba dan gsum dang kha T+wAM kha bcings nas ci nus par ni dga'/ rdo rje gar skor sgrol ba yi// yongasu bskor ba 'dzin pa che// ka pu ti'i kha sbyor ni spyi bor bzhag ste phab nas kyang / sgeg bcas 'dzub mo mthe chung sogs// bkrol nas rdo rje can la dbul// 'di'i 'khor du ma zhugs kyang // rdo rje slob dpon nyid thos 'gyur// rang nyid bzhugs pa tsam gyis ni// mchod pas don yod sgrub pa'i phyir// yongasu rdzogs pa'am ma tshang par// yang na slar yang ci snyed pa'i// me tog la sogs mchod pa yis// thun mong dngos grub kun 'grub pa'i// ba dan gsum mchog kha T+wAM ga/ sgeg bcas tha maM la sogs dkrol// glog 'gyur mchog tu bskor ba yis// rdo rje gar gyi mchod pas mchod// sgeg pa dang bcas pa'i 'dzum pa'i mig gi/ phyag 'tshal bas rdo rje sems dpa' dang de bzhin gshegs pa thams cad kyang rjesu chags par byas nas phyag byed gzhug pa'o// rdo rje thal mo bskor bas ma lus par byas nas thams cad lA stong pa'i phyag rgyo'o// de bzhin gshegs pa thams cad lcags kyu mchog gi na rdo rje bsdams pa'i mthe bong bstan pa'i dkyil mo krung 'dzub mo gnyis bkug pa'i lus can dbus monyam pa'i kha 'bus pa'i mchog go/ yan lag gi phyir bor bzhag la/ g.yas logs thams cad la cod pani bcings la mdun rdo rje khu tshur gnyis kyis bdud pa'i tshul te/ phreng ba bcings pa byas la sgeg pa dang bcas pas mthe'u chung la
- 222b
sogs pa bkrol te/ logs gnyis la dar dbyangs 'ching ba'i tshul byas la mnyam pa'i thal mo rgyas btab pas rdo rje sems dpa'i dbang bskur bar 'gyur ba yin// de nas bde ba chen po'i rdo rje bdud rtsi'i chus dbang bskur bar bya ste/ thams cad kyi rdo rje slob dpon nyid dang / rdo rje 'chang chen po nyid du 'gyur ba yino// rdo rje khu tshur gyis rdo rje rtse lnga po rdo rje'i 'od zer 'bar ba'i rtse mo can kha dog dmar por sbyin par bya'o// slob mas kyang slob dpon la yon phul la de nas me tog la sogs pa'i dbang bskur ba thams cad kyi slob dpon las rdo rje thul mo skor ba'i phyag 'tshal ba'i phyag rgyas blangs par bya ste/ de ltar na dkyil 'khor thams cad kyi cho ga'o// de nas dngos grub thams cad kyi dbang phyug grub pa'i rdo rje 'chang chen po rgyal po bsgrub pa'i phyag rgya'i rgyud ni bde ba chen po'i gsang ba chen po'i lcags kyu rang gi snying po'i sngags lan cig rjod pas rdo rje sems dpa' spyan drang ngo // sems dpa'i kyil mo dkrungs dang ldan pas rdo rje gar gyi mchod pas 'bul bas glog 'gyu ba'i gur dang / rdo rje khu tshur yongasu bzung bas snyems pa dang bcas pa'i rdo rje mtshon cha lnga sogs pa bsgreng bar byas la sgeg mo dga' ba'i rdo rje mas phyag bya'o// rdo rje glus ni glu len cing bzlas pa'i don ni// rdo rje gar gyis mchod pa yis// yang dag mchod na myur du 'grub// de las dang po'i rdo rje'i gsang ba'i glu 'di dang po la sogs pa rnams kyi blang bar bya ste/ thams cad bde ba dam pa rjesu chags pa'i thugs/ rdo rje sems dpa'
- 223a
khyed ni rab tu dga' ba yin// bde ba chen po bstan zhing mthong bar bdag gyur cig/ so sor rtogs nas myur du bsgrubs shing phyag 'tshalo// rdo rje glu 'di 'di nyid kyis// bde chen lam ni lan cig bstod// rje su chags nas shin tu dges// brtan par gyur nas sgrub par 'gyur// phyag rgya chen po lan cig tu// snying pos bdag nyid byin gyis brlab// shin tu g.yo med lce rtse dang // so dang mchu gnyis yang dag ldan// rdo rje dag ni dbyangs dang bral// rigs kun rab tu sgrub par byed// ri bi ta sogs hUM gi glu// brgyan ldan ci 'dod mi nus par// drug ldan la sogs ldan pa'i glu// ci 'dod dgra ma ra ga'i glu// rab dga' rdo rje mchog gi ni// gan dar pa'i glu mchog blang // ngag 'di ni mchog tu grub pa yin te bzlas pa thams cad la dgos pa ji srid mngon par 'dod pa'i bzlas pa'o// bzlas pa'i don ni nye ba'i snying po shes ba yin te// rdo rje sems dpa' bsgrub pa'o// phyag rgya chen pos rang la byin gyis rlabs pas/ rdo rje'i lta bas de bzhin du lta zhing rdo rje bsnyems pas 'dzin cing yi ge hUM gis glu'i bzlas pa bcom ldan 'das bsgrub par bya'o// lan cig bsgrub pa ni ji lta ba bzhin mngon par 'dod pa'i bzlas pas so// de nas de'i 'og tu ji ltar mngon par brtson pa dang ji ltar 'dod pa dang / ji ltar mngon par 'dod pa dang / ci ltar byin gyis rlabs nas yi ge hUM rlung gi bzlas pas dga' ba chen po rdo rje ngan yod pa'i dga' ba'i shugs kyis rdo rje sems dpa' la sogs pa'i dngos po thams cad ji lta ba bzhin du 'dong pa dang / ji ltar ngas/
- 223b
pa bsgrubs pa'o// de nas phyag rgya chen po ni// sku gsung thugs kyi rdo rje yis// ji bzhin gzugs kyis rjes 'brang bas// mtshan ma'i phyag rgya yang dag ldan// sems dpa' chen po rang nyid 'gyur// de nas dam tshig gi phyag rgya ni bde ba chen po'i rdo rje bshad pa'o// 'di las rdo rje mda' la sogs pa 'byung ba yino// 'di lta ste/ pha rol tu kha ltas pa'i 'dzub mo gnyis bkugs pa tsam ni rdo rje'i mda'o// mthe bong yongasu bcings pa ni// rdo rje kI li kI la'o// mthe bong gnyis kha phye nas 'dzub mo gnyis kyi rtse mos dbus ma 'dren pa'i srin lag dang mthe chung mnyam pa'i kha phye ba ni'i rdo rje chu sri no// brla gnyis/ bskor zhing gnas pa ni rdo rje 'dod pa'i dbang phyug ma'o// rdo rje thal mo rang gi snying khar bskor bar sgeg pa dang bcas pa'i mig gis lta zhing mgo bos phyag byas la spyi bor bzhag la phab ste gyen du gtor ba dang / 'og tu blugs pa dang / mthe bong sbyar nas bskor ba dang / rab tu byug pa ni me tog dang / spos dang mar me dang / dril bu dang ldan pa'i rdo rje'i mchod pa rnam sa rjod pa yi no// phyi'i mtshams rnam su rdo rje thal mo snying khar bskor ba sgeg pa'o// kha lA yongasu bskor nas spyi bor 'jog pa'o// g.yon pa'i 'dzub mo kug g.yon pa g.yas pas bkug pas rdo rje pi wang sgrengs zhing rdo rje glus mngon par bstong pa'o// rdo rje khu tshur gnyis kyis gar byas la spyi bor rdo rje thal mo bcings pa'o// rdo rje bsdams pa nang du bcings pa'i g.yas pa'i 'dzub mo lcags kyu'o// mthe bong gnyis kyi 'dud pa'o// 'dzub ma
- 224a
dang mthe bong gnyis kyis mdud pa'o// gnyis kyi nang du mthe bong bcings pa'o// de nas gsang ba'i dam tshig rnams ni bde ba chen po'i rdo rje'i dam tshig gi gsang ba'i lcags kyu ste de las byung ba ni/ mtheb 'dzub rtse sbyar dbus ma'i rtse// mig 'bras ltar byas 'dzin pa'o// dbus ma rdo rje'i 'og tu ni// mthe bong gis mnan btsir bar bya// rdo rje 'dren pa dang 'dra ba// srin lag mthe chung kha phye ba// bskor nas dbus mor bzhag pa ste// gzhan rnams thams cad ji bzhin bshad// dam tshig gi rdo rje 'bebs pa 'dzub mo gnyis bkug pa rdo rje khu tshu ro// de las dam tshig gi phyag rgya ni rdo rje dang bcas pa'o// khu tshur gnyis kyiso// 'di lta ste/ g.yon pa snyems pas g.yas pa stong pa'i tshul gyis/ snying kar bzung ba ni rdo rje snyems pa'o// bstod pa bcas pa'i snying kar 'dzin pa'o// rdo rje bstod pa'i tshul ni kI la kI la'o// rgyal mtshan bsgrengs pa'o// snyems pa gnyis stong pa ni 'dod pa thams cad kyi rdo rje dbang phyug ma'o// mtshams rnamasu rdo rje gar bshad pa'o// sgeg mo la sogs pa yang de bzhin// rdo rje sgo ba rnams kyi ni g.yon pa'i 'dud pa log pa g.yas pa steng du byung bas rdo rje bka' sgo ba byed pa'o// des g.yas pa stong pa'o// 'dzub mo dang mthe bong khrig mar gzung ste mdud de btsir pa'o// rang gi snying kar dril bu dkrol ba'i tshulo// 'di rnams kyis thams cad dgug pa dang / bcing ba dang gzhug pa don yod par bsgrub par bya'o// zhes bya ba yang gsungaso// ci bzhin grub pa'i mtshan ma rnams// dngos grub chen po myur du gsol// dang po'i
- 224b
phyag rgya dge 'di dag/ dkyil 'khor med pa rnams kyang 'grub// de nas dngos grub med pa bsgrub pa'i phyag rgya chen po bcad pa ni dang po'i rdo rjes phyag rgya bzhi'i 'phreng ba'i tshul du bsgrub par bya'o// gzhug pa dang / dgug pa dang / bstan pa dang / las rnams lta bso// lte ba dang snying ka dang / dbang bskur ba dang / spyi bor gzhag par bya'o// dbus ma'i rdo rje snying ka dang / rtags dang / kha dang / dbang bskur ba'i gnasu bzhag nas btung par bya'o// 'dzub mo dang / dbus ma dang / srin lag dang / mthe'u chung gi rdo rje'o// dpung pa dang / snying ka dang / lce dang / spyi bor bstod pa'o// nam mkha' skyed pa dang 'dzub mo dang / srin lag 'bar ba dang / snying kar dga' ba dang / rang gi lus la bskor ba'o// thams cad bskor nas dbang po kun la gzhag par bya'o// dbu mo'i rdo rje dbang po thams cad la reg pa'o// rang gi las byas pa'o// dbang bskur nas de bzhin du dngos grub byed pa'o// sa la bzhag nas bya'o// thams cad bskor nas yid kyis sprul par bya'o// 'dzum pa med pa'i khro zhing 'bar la gAyos pa ni lha ba'o// bza' ba dang btung ba dang / rkang pa bskyod pa dang / spyi bor bka' sgo ba'o// thams cad bskor zhing thams cad dran pa'o// mthe'u chung dang / mthe bong dang / dbus ma'i rdo rje bzhi snying kar bya'o// mdzub mo gnyis kyis yi ge hUM dang bcas paso dgug par bya'o// dbus ma'i rdo rjes dpral bar 'phreng la mig byed paso// rang gi snying kar bcings la g.yo ba med cing ma btsums pa'i lto bas
- 225a
5/ sa lag tu lta 'ang sar+b+bA hUM zhes brjod par bya'o// gnang sbyin la sogs pa'i gdong ba zlas nas rnga rje 'gug par byu// gi phyog su zhag na btag par 'gyur// kha'i da zhugs sa pa/ sgyus ni / ba/ snas la / sa su s+yA bcings pas spyi bor dang / snying ka dang / kha dang / phyogasu bskor ba'o// snying kar bzhag nas rang gi rdo rjer bsgom pa'o// rang nyid byang chub sems dpa' bsgom pa'o// rang de bzhin gshegs pa rjes su dran pa'o// rang nyid rdo rje 'chang chen por rjesu dran pa'o// de nas las kyi tshogs thams cad bsgrub pa'i phyag rgya'i rgyud ni rdo rje gar las byung ba'i phyag rgya rdo rje 'chang bdag dang de bzhin gshegs pa thams cad kyis kyang don yod cing thogs pa med pa'o// rdo rje sku mchog gi gtsug tor gyi las ni rdo rje bsdoms po btsir ba dang / dbus ma'i nor bu dang / bskor ba dang / sor mo thams cad kyi rdo rje dang / sor mo lhas pa'i 'od zer gyi 'khor lo'o// khro bo rdo rje khu tshur gnyis kyi 'khor lo bskor zhing bskor ba'o// khar bskor ba'o// snying kar phab cing 'bar bar byed pas phyogs thams cad rdo rje 'bar ba'i rab ste/ khro bo chen po/ 'bar ba'i rdo rje dag gis kyang 'jug par nuso// dam tshig brjod par bya'o// sgrub pa la bcom mo// rdo rje sems dpa'i rdo rje lta ba'i 'phrog pa rnams kyis gsum dang / bzhi dang / phyir mi ldog pa dang / rtag tu
- 225b
'byung ba dang / dpag tu med pa ni bskor zhing btsum pa med pa'i mig gis rab tu zhi ba'o// rdo rje khu tshur gnyis kyis mthe'u chung gi lcags kyu'i mdud pa dang / 'dzub mo gnyis mnyam pa'i las ni snying khar rab tu bzhag pa'o// bya ba pa'o// 'dzub mo'i rtse mos mnan par bya'o// dgod pas rab tu bzhag pa'o// yongasu bskor nas de bzhin du mdzod bur bzhag par bya'o// kha T+wAM ga gnyis kyis rdo rje bcings pas mthe'u chung rje rjer legs par byed pa'i tshul gyis nye bar 'phel ba'o// bsdus pa'i tshu lo// rdo rje ldeg pa'o// thal mos phrog pa'o// rdo rjes bsdus pa'o// rdo rjes bsdams pa'i 'dzub mo gnyis bkug cing bsnyams la nang du bzhag ste mthe'u chung gnyis kha phye ba'i mche ba ni rdo rje gnod sbyin gyi phyag rgya'o// des mthil pha bar brdab pa'o// 'dzub mo'i sen mo drug pa'o// dbus ma'i rdo rje brten pa'o// byabs nas myur du phyag rgya dgrol ba'o// sor mo sbyar nas rdo rje gautsug to ro// ba dan gsum pa gnyis kha gyen du lta ba dang / 'og tu kha lta ba'i 'dzub mo dang / dbus ma'i mdud pa byas la 'dzub mo dang dbus ma de dge 'dud pa'o// rdo rje hUM mdzad kyi laso// mdud pa btsir ba'o// cig car du phyag rgya dkrol ba'o// btsir nas dral ba'o// dbus mas bsnun te na mkha' la ltung ba'i tshulo// slong pa'i tshul yang ngo // ba dan gsum pa gnyis mnyam pa'i mthe'u chung rtse mo'i rdo rje dbus ma mdud pas yongasu bskor ba la dbang bskur ba'i gan su 'dzub mo'i rtse mi bzhag pa'o// dbye ba ni yi ge hUM gi so// don las grol ba ni yi ge hUM giso//
- 226a
'chi ba slong ba ni yi ge a yiso// tshe 'phel ba ni yi ge hUM gis gluso// shin tu srung pa ni yi ge hUM gyis chos kyi ngag giso// pad+ma chen po bcings nas ji srid 'dod pa'i bzlas pa'am/ yang na pad+ma'i khu tshur g.yon pa snyems pas ma ra dang / til dang / til dang / 'bras dang / khams kyi phye ma sbyin sreg mchog tu grub pa ste/ oM ni ba ra Na sarba d+harma tA badz+ra ha ni hUM/ oM bi ri dzo bi ga tA/ sarba d+harma ba ha ri Ni hUM/ oM saM no ba sarba d+harma pra ti Ni haM/ oM ni ri ti mi ta sarba d+harma ta badz+ra ha ra NI haM/ oM sarba b+ho wa b+ha sa ra sarba d+harma ha ra ni ha~M/ ka ta ka gnyis kyi rdo rje bsnams pa legs par byed pa'i tshul gyis sen mo drug pa'o// 'og dang steng du rdo rje bsdams pas bskyod pa'o// rdo rje bsdams pa'i mthe'u chung la sogs pa dgrol bas gar ro// rdo rje bsdams pa'i mdzub mos ngag 'byin pa'o// bde ba chen po rdo rje don yod pa'i dam tshig gi lcags kyus bstan pa dang / g.yo ba'i dngos po thams cad la rdo rje sems dpa' la sogs pa rnams dang / gzugs brnyan gyi tshul gyis gsal bar ston pa dang / sgra snyan gyi tshul gyis sems can thams cad dang / bdag nyid la bden pa thosu bzhugs pa'o// rdo rje khro bos khu tshur gnyis bcings nas rdo rje lta ba'i laso// 'di lta ste/ 'dzum med pa'i lte ba sbyin ba 'o mig 'bras steng du yongasu bskor ba'o// btsums pas myur du ltung ba'o// rig nas blang ba'o// byab pa yang ngo // rdo rje khu tshur gnyis bcings nas/ 'dzub mo bkrug cing yongasu bskor to/ mcha/
- 226b
bar rnam par gtsigs pa'i 'jigs pa'i gdong gi g.yo ba med pa'o// yan lag thams cad glong par gyur pa'o// rab tu gnyid log cing kha gdangs pa'o// rang gi snying kar brdeg pa'o// myur du myang pa'o// rdo rje khu tshur gnyis bcings nas kha gdengs te 'jigs par byed pa'i kha dang ldan pa skra gyen du mdzes pa'i spyi bos 'og nas gyen du blangs par bya'o// las ni yi ge b+ho dang rdo rje khu tshur mnan pa dang yi ge hUM dang / bcas pas yan lag gis mchog gi sdigs 'dzub dang rang nyid myur du khros pas ltung ba'o// rdo rje gnod sbyin gyis phyag rgya srin lag dang mthe'u chung mnyam pa kha phya ba'i ba dan rgyal mtshan mchog gi dpung rgyan gyi las ni phyag 'tshal ba dang / dgod pa dang / lce bskyed pa dang / dpung pa gnyis gnyems pas bstod pa dang / rgyal mtshan skyengs pa'o// sems dpa'i dkyil mo/ dkrungs kyi gnas shing rdo rje gsor ba nyid kyis ni na mkhar dbugs gtor ba dang / kun tu g.yo zhing btsums pa'i lta bas char 'bebs pa'i tshul dang / khro bo'i rdo rje nyi ma me ltar 'bar ba'i bzlas dang / lta ba 'brog pa dang / drang bas yan lag bskor zhing thams cad rab tu 'bar bar byed pa 'bebs pa'o// rdo rje bsdams pa'i rdo rje dran ma'o// rdo rje bsdams pa'i g.yon pa'i 'dzub mo bkug pa'i shing bu'i g.yas pa'i 'dzub mos bsdus pa ni rdo rje pi wang ngo // rdo rje bsdams pa'i lag 'thil dang mnye ba'o// kha dbus mnyam pa'i dbus ma lce'o// rab tu dga' ba'i rdo rje'i phyag rgya'o// bde ba
- 227a
chen po'i rdo rje mchod pa'i las nI dang po'i klu'i bzlas pa ci srid mngon par 'dod pa'o// g.yo ba med cing dgod pa dang / dgug pa ni rab tu dga' ba'i rdo rje'i lte ba'i lcags kyu mas so// rang gi ma mchu so ngag gis nang du yongasu bzung ba'o// rang gi dbang po bskyod pa'o// rab tu dga' ba'i rdo rje gar gyis yid kyis 'dod pa'i bka' bsgo ba yang ste bcom ldan 'das rdo rje sems dpa' las sbyor ba des kyang 'da' bar mi nus na rten pa dang g.yo ba'i dngos po gzhan lta smos kyang ci dgos/ rdo rje thal mo'i mthe bong gnyis sems dpa'i dkyil mo dkrungs gis 'dzub mo skyed pa ni bcom ldan 'das rdo rje sems dpa'i rdo rje'i sku mchog ste/ 'di skad cig tsam bzung bas shin tu byin gyi brlabs nas/ bcom ldan 'das bzung zhing mchod nas bsgrub par 'gyur pa dang / dngos grub thams cad la grub pa dang dgos pa yino// spyi bo'i steng na g.ya su bskor bar bya'o// sa la bzhag na khro gnyer gyis gyen du drang par bya'o// gnod sbyin gyis gzugs po rnyan bris la de'i snying khar bzhag par byas nas mngag gzhug tu 'gyuro// dbang phyug chen po'i gnas khro zhing bzla bar bya'o// ma mo'i gnas bcing ba la yi ge b+h+yo sbyar bya ste/ ma mo 'khor dang bcas pa thams cad kyis bsnyen bkur dang / rol mo la sogs pa'i bka' sgo ba thams cad byed par 'gyuraro// rdo rje gsor ba dang bcas pa'i gzhang pa'i gdong gi las 'di lhor bya ba yin te/ 'dus na rkang pa g.yon pas mnan nas bsgrub par bya'o// mdun du gzhonu ma
- 227b
bsgrub cing mig gnyis kyis 'phrog pa sbyor bar bya'o// b+ha ga bris nas bsdus ste bsgrub par bya'o// dbang phyug chen po rkang pa g.yon pas mnan la yi ge hUM la sbyar bar bya'o// 'dod pa'i dbang phyug rdo rje mangs snun te/ de nas 'og tu kha lta bar bzhag ste/ gsor bar bya'o// rdo rje gsang ba'i mau chod pa chen po'i dam tshig ces bya ba'i bshad pa'o// thams cad rdo rjer byed pa ni rdo rje khu tshur gnyis kyis go cha bcings par byas la spyi bo dbang bskur ba'i gnasu gnyis gnyis bzhag la/ logs gnyis gnyis dang phreng ba'i tshul de bzhin du dar dbyangs bcings pa'o// g.yon du rdo rje mda' 'phangs pa'o// rdo rje bsnyems ma'o// phyag rgya chen po yang ngo // dpal mchog chen po las phyag rgya thams cad kyi rgyud kyi cho ga rgyas pa'o// // de nas de bzhin gshegs pa thams cad kyi phyag rgya'i rgyud ni sems dpa'i rdo rje ma'o// de bzhin gshegs pa thams cad kyi khu tshu ro// rdo rje rin chen gyis dbang bskur bar byas na rdo rje rtse lnga 'od zer dang bcas pa sbyin par bya'o// mchod pa ni mnyam pa'i thal mo ji lta ba bzhin du gyen du gtor ba la sogs pa rnams kyiso// de bzhin gshegs pa'i khu tshur gnyis bcings pa ni g.yon pa'i 'dzub mo phyi rol tu kha ltas pa'i khu tshur kha ltas bas 'azung ste/ de bzhin gshegs pa thams cad kyi byang chub mngon par rdzogs pa'i byang chub mchog gi 'azhin gshegs pa thams cad kyi khu tshur zhes bya bar brjod pa ste/ doni yod cing thogs pa maung /
- 228a
'di bcings pa bla na med pa yang dag par rdzogs pa'i byang chub las phyir mi ldog pa dang / 'bras bu dang ldan pa dang bdud la sogs pa gzhan gyis thub par mi 'gyur ro// phyag rgya 'di gang gis bcings pa de ni de bzhin gshegs pa nyid du rtogs par byed pa'o// de mchod na de bzhin gshegs pa thams cad mchod par 'gyur ro// de la phyag rgya chen po thams cad kyi cho ga rgyas pa'i// dam tshig ni pad+ma chen po'o// rdo rje'i phyag rgya'o// de bzhin gshegs pa thams cad rtogs par byed pa'o// de mchod na de bzhin gshegs pa thams cad mchod par 'gyur ro// sku mchog ni bsha do// rdo rje las kyi phyag rgya bshad pa'o// rdo rje thal mo 'og tu rkyang la mthe bong dang 'dzub mo rtse bcing pa snying ka las bsteg ste dbang bskur ba'i gan su rtse mo rab tu gzhag pa rin chen mo'o// de nyid gyen du kha lta ba'i 'dzub mo gnyis phyir bkug pas rdo rje pad+ma'o// sems dpa' rdo rje ma ni phyi rol tu dbus ma bcings pa'o// chos kyi phyag rgya'o// de nas lus kyi phyag rgyu ni rdo rje khu tshur zhes bsha do// g.yon pa chos gros dang bcas pa rang gi snying khar stong pa'i tshul gyis bzung ste/ g.yas pos gnon cing rab tu rgyas par byed pa zhes bya ba byed pa zhes bya ba ste nges bdud kyi stobs rnams 'joms pa'o// de nyid yongasu bskor te gyen du kha lta bar bzung nas gzengs stong pa zhes bya ba ltung ba blong bar byed cing lung ston par byed pa'o// de nyid chos gos mtha' mor pad+ma'i 'dab ma kha 'byed par byed pa chos 'byung ste/ chos thams cad sbyor ba
- 228b
byed pa'o// de nyid ba ngan gsum gyis gzung ba blong bar byed pa ste gdon mi za bar dngos grub stsol ba'o// 'di rnams g.yas pas las byed cing don yod par dang bcing ba tsam gyis bsgrub pa'o// lhag ma ni ji lta ba bzhin du bzung ba'o// de nas las kyi phyag rgya rnams ni de bzhin gshegs pa thams cad kyi khu tshur nad gzer ba'o// mig yongasu sbyar ba'o// snying kar bzhag pa'o// bya ba pa'o khu tshur gyis 'phrog ba'o/ bza' ba'o// khros nas gtor bya'o// phur bu gdon pa'o// rting pa la stegs pa'o// yi ge oM bris nas dbye bar bya'o// so rnams kyis gzung bar bya'o// yi ge hUM dang bcas pas sdig par bya'o// mtshon cha bris nas dbrel bar byas/ kun tu sbyin sreg bya'o// dur ba'i sbyin sreg bya'o// spyi bor bzhag la lta bas byab par bya'o// steng du kha T+wAM ga bzung ba'o// rang gi khyim du bskor bar bya'o// rang gi khyim du bzhag par bya'o// 'jug par bya'o// snying kar las gdon par bya'o// lus la skor bar bya'o// ngag 'byin pa'o// snying kar btsir bar bya'o// de bzhin gshegs pa thams cad kyi phyag rgya chen po ni sku mdog go/ brtan par bya'o// dbang po la bzhag par bya'o// kha lo'o// de nyi du 'khor bar bya'o// dpral bar bzhag par bya'o// snying ka ro// dpung pa gnyis pa'o// brla gnyis la'o// phreng po bcings pa'o// dbang po rnams la'o/ / spyi bo la'o// gdong pa la'o// kha nas ston naso// thams cad du bskor bar bya'o// phyogs rnams bskor bar bya'o// rang dang gzhan dag de bzhin gshegs pa rjesu dran pa'o// snying kha las rjesu dran pa'o// snying khar
- 229a
gzhag nas dga' ba bskyed par bya'o// sangs rgyas thams cad nyid bsgom pa'o// phung po lnga la gzhag par bya'o// rdza mkhan gyi 'khor lo ltar bskor bar bya'o// lus rjes su dran pa'o// lce bzhag par bya'o// yid kyi mngon par bsdud par bya'o// rtong pa rjesu dran pa'o// tshul khrim so// byams pa'o// brtson 'gruso// tinge 'dzin no// shes rab bo// ye sheso// stobaso// thab so// nges par brjod pa'o// sa'o// spyod pa'o// so so yang dag par rig pa'o// ma 'dres pa'o// choso// lus sna tshogaso// sems can gyi don no// sangs rgyas kyang dono// luso// ngag go/ yid// rdo rje chen po'o// oM bo d+hi tsit+ta badz+ra/ oM sa man+ta b+ha tre tsA r+ye bi/ oM tsit+ta ma Ne oM a ni ro d+he/ oM dzi ti bi ra te/ oM sarba dz+nyA naM/ oM ma hA rA ga d+harma te/ oM bi d+ya ka bats+tsha oM badz+ra dri Ta tsit+ta hUM/ oM sarba ta thA ga ta/ oM sA b+ha ba bi shud d+ha/ d+harma tA dz+nyA na bi shud d+he/ hUM suM d+ha badz+ra Ni phaT/ oM ka ra ma ra ge/ oM dzaHbadz+ra Ni/ aM hUM sarba d+harma Ni/ oM hri/ oM a ka ro mu khaM/ oM pra dz+nyA pa ra mi tA yi baM hUM oM a~M/ oM sarbe ta thA ga ta kA ya gre oM sarba ta thA ga ta b+hI shud d+he/ oM sarba ta thA ga tsit+ta badz+ra a/ de nas de bzhin gshegs pa thams cad kyi ngag gi phyag rgya ni dbyangs shin tu zab pa'i sgra dang ldan pa'i phyag rgya'i chos kyi ngag ste de bzhin gshegs pa thams cad kyi ngag thogs pa med par 'grub pa'o// de nas bzlas pa ni rje su dran pas so// sgrub pa la de bzhi no// las la nye bar sbyor ba ni de bzhin gshegs pa thams cad rjesu dran pa'o// de bzhin gshegs pa thams cad kyi phyag rgya bcings pa'o// de nas rdo rje nyi ma me
- 229b
ltar 'bar ba'i phyag rgya bcings pa ni de la phyag rgya chen po ni bdag nyid thams cad kyi rjeso// dam tshig gi phyag rgya'i rgyud ni rdo rje bsdams pa nang du bcings sor mo thams cad kyi 'bar ba'i dkyil 'khor gyi nang mthe bong gi rdo rje bzhag la khams gsum pa thams cad bsreg pa'o// 'tshed pa dang / thal bar byed pa'i nus te bcom ldan 'das kyis kyang dbang du byed par 'gyuraro// de nyid kyi g.yon pa'i sor mo bsdig 'dzub bya zhing g.yas pa'i/ lcags kyus dgug par byas na thams cad 'gugs pa'o// rdo rje hUM mdzad kyi phyag rgya ni khro bo'i rdo rje khu tshur gnyis pa'i rdo rjes mthe'u chung gi lcags kyus bcings te/ des bsdig 'dzub bya zhing las thams cad dang dngos grub thams cad nyam su myong ba yino// rdo rje thal mos 'dzub mo bcings la khro gnyer thur du bzhag par bya zhing me stag tu 'phro zhing g.yo ba ni rdo rje khro gnyero// thams cad bsreg par byed pa dang / thams cad 'dul bar byed ba dang / rab tu 'dul bar byed pa ni khro gnyer gyi phyag rgya'o// rdo rje thal mo legs par bskor bas g.yon pa'i 'dzub mo lcags kyu ste dgug pa dang gzhug pa dang / bsgrub pa thams cad la don yod pa'o// rdo rje pad+ma dbus mnyam pa'i kha dbus kyis mdzad// rdo rje pad+ma ni thams cad gcod pa'o// rdo rje bsdams pa ni mthe bong dang 'dzub mo'i gdub bus g.yas pa'i hUM gis 'dzub mo bzung ste thams cad 'gugs pa dang gzugs ba dang mchog tu grub pa'o// rdo rje hUM mdzad las byung ba ni g.yas pa'i 'dzub mos g.yon pa'i yi ge hUM bzung ba ste gzhu rgyud 'dren pa zhes bya ba thams cad rjesu chags par byed pa dang 'bigs par byed pa'o// rngo
- 230a
@#rje bsdams pa las rdo rje hUM mdzad kyi mchog go// rdo rje bsdams pa g.yon pa'i rdo rje khu tshur g.yas pa'i rtse gsum gyis mtshan pas yongasu bzung ba ste/ thams cad dral bar byed pa'o// rdo rje hUM mdzad kyi g.yas pa'i khu tshur gyis mthe'u chung yang dag par bskyang ba g.yon pa'i lag pa'i steng du bzhag pa ni kha T+wAM ga bsgrengs pa ste/ gdug pa thams cad kyi phyag rgya phye zhing dral bar byed pa dang / rgyas 'debs pa dang / gsod pa dang / za ba la sogs pa'i yo byad thams cad g.yas pas 'khor lo bzung ba'i tshul gyis bstod cing dor ba ste/ thams cad gcod pa dang / gcod par byed pa'o// rdo rje chen po'i khro bo'i rdo rje'o// g.yas pa'i rdo rje 'bebs pa dang / sbyar ba spro zhing g.yo ba'i 'dab ma can gyi ba dan gsum pa'o// rdo rje bsdams pa'i mthe bong dang 'dzub mo gnyis kyi rdo rje las byung ba'i srin lag mnyam par sbyar zhing mthe'u chung kha phye'o// dpal thams cad byed po dang / rnam par rgyal bar byed pa dang / gdug pa thams cad 'joms par byed pa dang / thams cad 'bebs par byed pa dang / rdo rje sems dpa'i dbang bskor bshad pa'o// rdo rje'i rigs thams cad kyi ni/ rdo rje thal mo mnyam byas la// 'dzub gnyis kyi dar dbyangs bcings// mthe bong srin lag rdo rje ni// yongasu bskor te dbang bskuro// 'bar ma'i rdo rje rtse lnga pa phyug nas gzung bar bya'o// ci 'byor pas slob dpon la yon phul te dngos grub thams cad kyi mchog phun sum tshogs pa rnams 'grub par 'gyuraro// zhes bya ba bcom ldan 'das rdo rje sems dpas gsungaso// rdo rje phyag
- 230b
rgya rdo rje ti ri ta ri las byung ba ste/ don yod thams cad bsgrub par byed pa'o// de nas las kyi phyag rgya bzhi ni dam tshig gis phyag rgya lha mo rnamaso// de nas bcom ldan 'das kyis las kyi dam tshig ni rdo rje khu tshur g.yon pas snyems pa thams cad bsgrub pa dang / g.yas pa'i rdo rje khu tshur gyis rdo rje gsor ba ste/ 'dis thams cad rgyal ba dang / 'bar ba dang / sreg pa dang / ltung ba dang / rgyas btab pa dang / bsad pa dang / slong ba dang / khams gsum las rnam par rgyal ba dang / brtan pa dang / g.yo ba thams cad las nges par sbyor ba dang / dngos grub dang / mchog thams cad bsgrub pa'o// de nas las kyi phyag rgya ni/ rdo rje khu tshur sdig 'dzub dang bcas pa'i 'dzub mo ni khro bo'i khu tshu ro// de dag gi las dam tshig gi phyag rgya'o// 'dzub mo'i sor mo gnyis kyi thams cad dgug pa'o// snying kar gcig shos dang g.yas pas dgug pa thams cad gcod pa'o// khrig ma'i mdud pas g.yas pa'i khro bo 'gugs pas thams cad dgug pa dang rab tu gzhug pa'o// bstod pa dang bcas pa'i mda' 'phangs pa'o// de bzhin du rdo rje rtse gsum pa la sogs pa'i rdo rje gar gyi sbyor bas rang gi phyag rgya gyen du 'phang pa'o// las kyi dam tshig gi phyag rgya gnyisu byas la rdo rje thal mo rnams kyis las kyi phyag rgya ste/ rdo rje gar gyi sbyor bas rang gi dam tshig gi phyag rgya steng ngu ngo ba ste thams cad la rgyas bangob pa dang / bsgrub pa dang / gsod pa dang / 'babs pa dang / mtsho bar byed pa ni rdo rje gar gyi mchod pa'o// de nas ngag gi phyag rgyani sprin gyi sgra sgrogs pa'i/
- 231a
yi ge hUM pra ba'i sgra dang bcas pa la dro zhing gsal ba'i khro bo'i rdo rje ngag go// bsgrub pa'i don bsgrub par bya'o// de nas ma grub na las kyi phyag rgya bcings pa'o// bsgrub pa ni de bzhin du phyag rgya chen po lan cig tu bya'o// las la nges par sbyor ba khro gnyer gyiso// rdo rje hUM mdzad las byung ba'o// ske tsho dang bcas pa'i til mar rnon po'i sbyin sreg ni g.yas pa'o// de nyid kyis btang ba'o// de nyid kyi tham cad 'ching ba'o// g.yo ba med pa nyid// gnyid log pa brtan pa'o// khro bo'i rdo rje lta ba'i bsdig 'dzub pa'o// phyag rgya slong bar gyur pa'o// 'dzub mo gnyis yang dag par sbyar nas phye ba'o// de dag nyid kyi gdu bu bcing ba'o// mche bas btsir ba'o// de nas dral ba'o// g.yas pas rdeg pa'o// 'dzub mo gnyis kyis 'bar ba'o// g.yas pa'i 'dzub mo g.yon pa ltung ba'i tshulo// 'dzub mo gnyis kyi 'bar bar bye ba'o// gcod pa'o// 'dzub mo gnyis kyi sor mo sbyar ba'i rtse mo gcod pa'o// lag pa gnyis drag tu mnye ba'o// thams ca du sor mo thams cad dor ba'o// cig car du phyag rgya dgrol ba'o// drang zhing g.yo bAs sdig 'dzub bo// g.yas pa'i 'dzub mo gdengs ka bskyod pas sdigs 'dzub bo// g.yas pa'i 'dzub mo che bas gzung ba'o// du ba dang dgod pa dang / rgyug pa la sogs pas bstan pa'o// 'dzub mo gnyis kyi se gi la brdebs pa'o// g.yon pa'i stengs du g.yas pa nye bar gzhig pa'o// sa la rab tu bzhag pa'o// bskyod pa bya'o// gar bya'o// 'byin pa'o// bslab par bya'o// thams cad du bslab par bya'o// ha har
- 231b
/ dgod pa'o// bskor ba'i dgug par bya'o// drang par bya'o// btang bar bya'o// yongasu bskor nas nub par bya'o// de nas dor ba'o// myur du dor ba'o// de bzhin du kun nas 'dren pa'o// de bzhin du gyen du drang ba'o// rang nyid kyi nga ro bya'o// bdag nyid la rdeg par bya'o// snying kar rdeg par sbyin par bya'o// rang nyid kyis rang gi skra 'bal bar bya'o// sngangs par sdoms pa'o// rang gi gos stong par bya'o// khro bas de bzhin du 'bar ba stod pa'o// g.yas pa'i 'dzub mo lcags kyu'o// de nyid kyi rab tu gzhug pa'o// g.yas pa'i se go lo// g.yon po'i se gol lo// lce reg pa ni 'dzub mo gnyis kyiso// yan lag lab spu ga yasu bskor bskor bas 'khyil ba'o// ltung ba la sogs pa byed pa'o// dus su sgom pa'o// khro bo'i lta bas shing drung rnams la yid kyis 'dod pa'o// de bzhin du sa'o// lta ba'o// smin pa'o// so'o// bu'o// phyag rgyas brdeg pa'o// rgyal mtshan bsgreng ba'o// khro ba dang bcas pa'i 'jigs byed kyi lta bso// 'dzums pa med pa'i lta bas so// de bzhin du 'bar ba 'ching bso// phyag rgya bskor ba'o// gtsug tor las 'dzub mo'i rdo rje bzhag par bya'o// de bzhin du snying kar ro// phyag rgya de dgrol ba'o// phyag rgya zur du bslang ba'o// 'dzub mo rtse mo bstan par sbyar ba'o// lta bas steng nas 'og tu ltung ba'o// 'og nas gyen du 'dren pa'o// yi ge hUM khros pa'o// 'jigs byed kyi lha bas so// rdo rje kha T+wAM ga dral bas khro bso// rdo rje snying kar bsgom pa'o// rdo rje rtse gsum dril ba'o// gdug pa'i dkyil 'khor gzhig par bya'o// yi ge hUM gi so// hi 'o g.yas so dbugs dbyung ba'o// de nyid kyi
- 232a
@#/ dong rtse gsor ba'o// khro ba'i lta ba de bzhin du'o// khu tshur g.yas pas gnan te g.yon paso gzur nas dgug par bya'o// dong rtse gsor ba ni gnyis kyiso// g.yon pa'i dril bu dral ba'o// de bzhin du rdo rje hUM mdzad kyis g.yas pa'i khu tshur g.yon pa'i rdo rje khro bos mnan te mthe'u chung gi gdungab bu bkrol ba'i khu tshur gyis 'phrog par bya'o// g.yas pa'i dril bu dral ba'o// tshogs dang bral ba ltung ba ni yid kyiso/ 'khor lo dral ba'o// rtse gsum dral ba'o// rdo rje hUM mdzad kyi g.yon pa g.yas pa'i rdo rje khu tshur gyis mnan te/ de bzhin du gdu bu bkrol bas 'phrog par bya'o// rdo rje dang / byang chub sems dpa' dang / de bzhin gshegs pa thams cad dang / rdo rje 'chang chen po rjesu dran pas mdun du bsgrub par bya'o// rdo rje khro bo rgyal po'i phyag rgya'i rgyudo// de nas 'phags pa spyan ras gzigs dbang phyug gi phyag rgya'i rgyud ni pad+ma chen mo rdo rje'i thal mo kha spug pa dbu ma dang mthe bong dang / mthe'u chung kha phye ba'i 'odab ma bzhi pa chos nyid thams cad thob dang / thams cad rjesu chags por byed pa'o// phyag rgya chen po rnams ni de bzhin no// dam tshig phyag rgya rdo rje pad+ma bshad pa'o// pad+ma'i rigs rnams kyis rdo rje bsdoms pa las byung ba'o// de la pad+ma de bzhin gshegs pa rnams ni nang gi rdo rje bsdams pa las byung ba'o// de bzhin gshegs pa'i pad+ma bang por gyen du kha bye ba lta bu'i ting 'dzin gyi ming can gyi phyag rgya bad+ma'i sbyin zhes bya'o// rdo rje pad+ma chen po'i rdo rje pad+ma snying kar rdo rje pad+ma'i chags pa zhes bya'o// pad+ma chen po bdag po 'dzub mo mnyam pa 'od
- 232b
tu kha lta ba pang par gzung ba pad+ma'i sgrol ma zhes bya ba'i phyag rgya'o// pad+ma chen po'i ba dan rin po che gnyis bzung zhing des pad+ma byin pa'o// 'di rnams kyi chos nyid thams cad las thob pa dang thams cad rje su chags pa dang srid pa'i sdug bsngal gyi tshogs thams cad las sgrol ba dang / bsam pa thams cad yongasu rdzogs pa shin tu grub pa zhes bya'o// rdo rje rtse gsum dral ba'o// de nas pad+ma lha'i bdag po rnams kyis phyi rol gyi bsdams pa las byung ba'o// de la don yod rgyal po ni 'og tu 'dzub mo gnyis kyi kha 'bus pa khro gnyer la bzhag par bya ste/ pad+mo'i khro gnyer gyi spyan// rdo rje bsdams pa kha gyen du 'bar ba ni mgrin sngon gyi'o/ g.yon pa'i 'dzub mo bkug pa mthe bos yongasu bzung ste/ dung gi dbyibs de g.yas pa'i mthe bong sgreng pa bteg ste/ mtho'u chung mnyam pa'i 'bus po'i pad+ma dang / sor mo lhag ma yang dag par brkyang pa'i 'khor lo ni pad+ma'i khyab 'jug ma'o// pad+ma las byung ba'i 'dzub mo gnyis bkug pa'i lcags kyu dang / sor mo lhag ma kha phye ba'i pad+ma las byung pa zhes bya'o// rta mgrin gyi ni 'dzub mo gnyis shin tu sbyar ba'i lcags kyu rgod ma'i kha shin tu rab tu brkyang ba'i srin lag gi rtse mo dang / mthe'u chung gnyis rab tu brkyang pa so sor phyo la g.yon g.yo zhing gzung ba ni pad+ma'i lcags kyu zhes bya'o// 'di rnams kyi dbang bskur ba thams cad dang / las thams cad dang / grol ba thams cad dang / dgug pa thams cad kyi dngos grub don yod pa'o// de bzhin gshegs pa'i sku mchog gi tingange 'dzin gyi phyag rgya bshad pa'o// de nas
- 233a
#las kyi phyag rgya ni kha T+wAM gA bcings nas pad+ma'i rigs thams cad kyi dam tshig gi phyag rgya ci lta ba bzhin du bzung bso// ngag gi ting 'dzin gyis gzung dgug pa ni chos kyi ngag gi bzlas pa'i don shes pa'o// pad+ma chen po bcings nas yid kyi sbyin sreg bya'o// sems kyi zhi bar bya'o// dngos po gsungs par bya'o// rnam par spyad par bya'o// zhes bya ba bsgrub par bya'o// las thams cad pa'i phyag rgya'i tshogaso// 'phags pa spyan ras gzigs dbang phyug gi phyag rgya'i rgyu do// de nas na mkha'i snying po'i phyag rgya chen po de bzhino// dam tshig gi ni phyag rgya rdo rje rin chen te/ mthe bong dang mdzum mo sor mo bzhi'i rtse mo snyams nas 'og tu rab tu bsdus te/ dbang bskur ba'i rdo rje thal mos dbang bskur ba thams cad thob pa'o// des ci lta ba bzhin du dbang bskor ba'o// rdo rje de nyid snying karo// gyen du kha lta ba'o// de nyid khu tshu ro// khu tshur spyi bor bzhag la me tog la sogs pa'i mchod pa dbul bar bya'o// 'di nyid dbus su bzhag nas las kyi phyag rgyar bzung ba'o// dbang bskur thams cad kyi rin po che'i gter gyi mchod pa thob pa'i don du yang dag par rdzogs pa'o// bcom ldan 'das kyis las kyi dam tshig ni gsal ba yongasu rdzogs par byed pa'o// g.yon pa'i khu tshur snying khor bstod nas/ g.yon pa'i nor sbyin pa bkrol ba'o// nor bu'i khu tshur gyi phyag rgya nyid kyiso// snying po'i ngag klu'i rgyal pos bzla ba ste/ bka' sgo zhing de bzhin du las la nyo bar sbyor ba'o// gal te ma grub ni dbang bskur bar gnas pa'i rdo rje rin chen gyi
- 233b
nam mkha' las thams cad kyi bka' bsgo ba'o// chos kyi phyag rgya thams cad kyi tshogs ni 'di'o// don yod thogs med grub pa dang / las kyi tshogs ni bsgrub pa dang / ngag gi phyag rgya'i bka' sgo ba/ thams cad myur du mkha' la byung / zhes bya ba bcom ldan 'das rdo rje sems dpas gsungaso// dbang bskur ba thams cad kyi cho ga rgyas pa'o// de nas phyi'i rgyud ni phyag rgya chen po ni g.yon par kham phor dang g.yas na mda' stod pa'o// de rnams kyi dam tshig ni 'jug pa la bya ste/ lag pa gnyis kyis mthe bong dang mthe'u chung gi gdub bus lu gu rgyud bcing bar byas la/ 'dzub mo dang / dbus ma dang / srin lag bsnyams te rtse gsum pas mtshan pa ni ming po rnams kyi'o// ji lta ba bzhin du bzung bas lha mo rnams kyi'o// rdo rje bsdams pa'i dbus ma dang srin lag gis sor mo'i rtse mo bzhi la 'dzub mo dang mthe'u chung bzhi'i rtse mo 'dus pa ni lha mo rnams kyis 'da' bar bka' ba'i dam tshig go/ sring mo bzhi'i dkyil 'khor gyi phyag rgya'o// gang gi tshe dkyil 'khor gyi rtag par ma nus na de'i tshe 'di bcings te ltas na dkyil 'khor brtag pa dang mthong ba dang mchod pa ci dga' 'grub par 'gyuraro// gdengs ka can dbang po rnams kyis ni mthe bong bcings nas phyi rol tu kha bltas pa'i sor mo gdengs ka bsgreng ba ste klu thams cad dgug ba dang / gzhug pa dang / bcing ba dang / dbang du bya ba'i dam tshig ste/ gal te 'da' bar byed na 'chi bar 'gyur// lto 'phye la sogs pa ste thams cad bsgrub par byed pa'o// dbus mo srin lag bzhi'i
- 234a
bsdud pa legs par byed pa'i sbyor bas nye bar bstod cing bsdus la mthe'u chung gnyis kyis rtse mo gnyis sdig par bya ste/ nye bar 'phel ba dug thams cad 'bar ba'o// kun nas bsdus no dug thams cad 'ching ba'o// 'di nyid kyis dug thams cad bza' ba dang / 'pho ba dang dug med par bya ba'o// gdug pa'i dkyil 'khor ni rdo rje khu tshur gyis gzung ba'i rdo rje khros nas myur du zhig par bya'o// phyi'i rgyag rgya'i rgyudado// de nas bcom ldan 'das mchog dbang phyug dam pa sna tshogs pa'i phyag rgya ni rdo rje thal mo mnyam bzhag nas/ ba dan gsum ni yongasu bzung // rdo rje khyab 'jug ces bya ba/ dor na thams cad gcod par byed/ rdo rje 'khor lo'i phyag rgyas nyon mongs pa'i dgra thams cad kyi mgo rnams bcad nas mchog tu byung ba thams cad grub pa'i/ mthe'u chung mthe bong dang sbrel ba'o// lag gnyis steng dang 'og tu ni// dbus ma gsum gyi rtse gsum mtshan// rdo rje 'dzin ma zhes bsgrub pa'o// rdo rje dam tshig phyag rgya rdo rje gtum pa'i dbang phyug ma zhes bya ba don yod pa'i dam tshig gi/ rdo rje pad+ma mnyam bzhag nas// gang der ji bzhin de bzhin du// shin tu mthong dka'i sangs rgyas kyang // sgrub pa bzlas pas bsgrub par byed// rdo rje chos nyid ces bya ba'i phyag rgya sgrol ma'o// 'dzub mo bsdams pa'i phyi rol dgug/ mthe bong rdo rje bkab pa ste// rdo rje chen po'i nor bu ste// zhes bya ba ni rdo rje nor bu zhes bya ba'i phyag rgya'o// de nas thams cad
- 234b
kyi dbang phyug dam pas bsgrub pa'i dngos grub thams cad kyi tshogs kyi phyag rgya'i rgyud ni 'di yin ste/ de la dang po re shig dang po'i dngos grub brgya rab tu sgrub par byed pa'i phyag rgya chen po stong 'gyur to/ ji lta ba bzhin du dam tshig phyag rgya mtshan rnams kyis lag pa g.yas pa dang / g.yon pa dag gi rdo rje chen po'i sbyor bas las thams cad kyis dngos grub tu sgrub par byed pa'i stong nyi du 'gyur te/ rdo rje bsdams pa'i nang du bcings paso// de ltar na rang gi mtshan gyi khu tshur rdo rje gar las byung ba'i phyag rgya stong dang po'i las kyi tshogs brgya bsgrub par byed pa'i rdo rje las byed pa gsumo// de ltar lag pa g.yas pa dang / g.yon pa'i gcig shos kyi las thams cad rab tu bsgrub par byed pa'o las kyi phyag rgya stong bzhi pa'o// de ltar ma~M lus pa'i phyag rgya bcing pau ni lag pa gcig gis phyag rgya thams cad bcings pa rab tu bsgrub pa'o// de ltar 'gro ba don kun tu// 'khor dang dam tshig lasau dang bcas// kun mchog dbang phyug dam pa ni// rdo rje sems dpa' bsgrub par mdzad// de ltar gsang ba rgya chen rma du byung // mchog tu 'gro ba thams cad spyod byed pa// dpal mchog dang po'i bla ma bla na med// gsal ba'i rgyud ni dra yis yang dag bshad// dpal mtshig dang po'i rtog pa'i rgyal po las rigs thams cad phyag rgya'i rgyudado// de nas ston pa rdo rje 'dzin// gsang ba kun gyi bdag snyan pas// de nyid phyag rgya'i rgyud chen po// mtshon chad ma
- 235a
pa 'di gsungaso// de nas bcom ldan 'das rdo rje sems dpa'i rtogs pa thams cad kyi gsang ba'i dkyil 'khor gyi rtog pa'i tshogs mchog tu mkhas shing phra ba/ rgya che la zab pa/ bsam gyis mi khyab pa/ tshad med pa/ gsal zhing mnyam pa med pa/ bla na med pa'i bla mtha' thug pa med pa'i dngos grub kyi gsang ba bsgrub pa ma lus shing / lus pa med pa'i dngos grub thams cad kyi las rnams bsgrub pa po don yod cing thogs pa med pa bshad par bya'o// zhes bya ba bcom ldan 'das mchog tu gsang bas gsungaso// ma mchus rnams kyis gsang la dga' ba chen pos dang po'i rdo rje'i lta bas blta zhing byed pa dag gis ma lus shing lus pa med pa'i dngos grub thams cad las kyi tshogs rnams bsgrub par byed pa'o// bde ba chen po'i gsang ba chen po'i rdo rje spyan zhes bya ba'i phyag rgya'o// de bzhin ga pa thams cad kyi gzhad pa chen pos dgod cing brtan pa rdo rje lta bu'i byed pa dag gis de bzhin gshegs pa thams cad kyi las rnams bsgrub par byed pa ste/ de bzhin gshegs po thams cad kyi spyan zhes bya ba'i phyag rgya'o// khro gnyer dang bcas pa khro bo'i rdo rje lta ba dang bcas pa'i byed pa dag dang / sna'i dbugs chen po'i yi ge hUM gis rdo rje thams cad kyis dngos grub ste/ rdo rje nyi ma ltar 'bar po'i lta ba'i sbyin zhes bya ba'i phyag rgya'o// de bas cung zad 'dzum pas dngos grub thams cad kyi las kyi ye shes kyi rdo rje lta ba'i byed pa rnams kyis mchu mnyam pa'i ting 'dzin rdo rje la sogs pa'i dngos grub thams ca
- 235b
kyi las kyi ye shes kyi tshogs rnams bsgrub par byed pa ste/ pad+ma chen po'i spyan zhes bya ba'i phyag rgya'o// snyems pa dang bcas pa'i tingange 'dzin gyi phra bar 'dzum pa'i lta ba'i byed pa rnams dang / bzhin 'dzum pa dang gzhad pas na mkha' la dngos grub thams cad kyi las kyi tshogs sgrub par byed pa ste/ rdo rje rin po ni nor bu'i spyan zhes bya ba'i phyag rgya'o// don yod thogs med grub pa dang // bden pa'i bdag nyid 'jigs pa med// sangs rgyas kun dang bdag gis kyang // gsang ba'i phyag rgya legs bsgrub bcol// dkyil 'khor du ni ma zhugs kyang // de nas dri phyir mchog dang po// bcom ldan rdo rje sems dpa' mchog/ dang po shin tu mkhas shing phra// mchog gi mchog ni dang po dang // mchog tu gsang ba dam pa ste// 'dzum pa'i phyag rgya la sogs tshogs// rdo rje sems dpas gsungs pa yin// rdo rje 'chang chen slob dpon ni// mchog tu dang zhing rab dga' bas// snying po la sogs rnams med kyang // myur du thams cad sgrub par byed// snying po phyag rgya sngags rig pa// sgrub pa 'di ni rmad byung ste// dngos grub thams cad rab bsgrub pas// ma sgrub rnams kyang 'grub par 'gyur// gang zhig grub par ma gyur dang // bsod nams phun tshigs mi ldan na// bdag nyid de ni rdo rje sems// sgrub na de ni myur du 'grub// gal te rdo rje sems dpa' mchog/ snying ba~M sogs dang rtse stong pos// bsgrub pa byas kyang ma grub na// 'dzum pa'i phyag rgyas bsgrub par bya// de phyir gsang ba'i btsun mo 'di// rdo rje sems dpa' rab dga' byed// rdo rje sems dpa' dga' ba
- 236a
/ dges pa de yis myur du 'grub// de nyid chen po 'di grub pa// dam pa mchog gi bdag nyid ni// gsang ba mchog tu bsod nams ldan// so so'i skye bo la brjod min// de nyid grub pa'i rjes 'brang ba'i// rdo rje sems dpa'i grub pa gang // gal te dngos grub mchog 'dod na// de bzhin gzhan la sbyin mi bya// gang gis grub par ma gyur na// de la de nyid sbyin par bya// de nyid 'dzum pas myur du ni// bdag byin brlabs pas 'grub par 'gyur// de nyid chen po dag pa 'di// rdo rje spyan gyis mtshon cha mchog/ phyag rgya'i rgyud 'od bla med pa// mchog tu gsang ba bshad pa yin// de nyid dad pa'i rjes 'brang ba'i// rdo rje slob dpon kun mchog la// gal te dngos grub mchog 'dod na// gzhan rnams la yang de bzhin sbyin// phyag rgya'i rgyud na cig pu 'di// bdag nyid gang la yod gyur na// bdud la sogs pa rnams kyi ni// mi thub pa dang mi bsod 'gyur// de la rgyal ba rdo rje 'dzin// kun mchog dngos grub kun gsol ba// kun gsol kun byed thams cadadu// bka' sgo ba kun grub par 'gyur// dpal mchog dang po gsang ba'i bla ma dam pa'i dpal rang gi dam tshig gi bla na med pa'i phyag rgya'i cho ga'o// de nas bcom ldan 'das dpal mchog dang po rdo rje sems dpa'i mchog dang po mchog tu mkhas shing phra la zab cing rgya che ba bsam gyis mi khyab la mtha' med cing shin tu mtha' yas pa tshad med cing gzhal du med pa/ bla na med pa/ don yod cing thogs pa med pa'i mchog de kho na nyid kyi snying po/ mchog tu gsang ba'i snying po mchog tu gsang ba zhes bya ba thams cad kyi mchog gi dngos grub
- 236b
chen po'i bdag nyid la sogs pa'i dngos grub thams cad kyi las kyi tshogs mchog tu mi 'gyur ba'i dam pa bla na med pa'i gsang ba dang / rab tu dga' ba thams cad dang / bde ba dang yid bde ba'i dngos grub kyi mchog sgrub par byed pa dang / mchog gi phyag rgya'i rgyud bshad par bya'o// zhes bcom ldan 'das rdo rje sems dpas gsung so// tsum b+ha nas 'khyud pa la sogs pa'i bcom ldan 'das mchog dang / po rdo rje sems dpa'i phyag rgya thams cad ni dga' ba chen po dpal rdo rje don yod pa'i dga' ba'i dam tshig rnal 'byor zhes bya ba ste/ thams cad rnal 'byor zhes bya bar gang rjod pa'o// de gang dang gang la nye bar sbyor ba// de dang de la bcom ldan 'das ni// kun mchog dngos grub chen po yi// dbang phyug chen po lhag pa'i lha// byin brlabs mchog ni rtags mdzad nas// rdo rje sems dpa' myur du grub// tsum b+ha na/ 'khyud pa la sogs pa'i reg bya'i rgya btab pa tsam gyis kyang ma lus shing lus pa med pa dang / lhag ma med pa thams cad kyi mchog dbang phyug chen po'i bdag nyid la sogs pa'i dngos grub thams cad kyi las kyi tshogs yid kyi 'dod pa grub par byed pa yin// zhes bya ba shin tu mchog tu gsang ba'i phyag rgya'o// rnam par 'phrul pa dang bcas pa'i 'dzum zhing g.yo ba'i mig gi zur gyis lta ba'i phyag rgya ste/ bcom ldan 'das kyis dga' ba chen po'i rdo rje don yod pa'i mnga' zhes bya bas rgyas btab pas thams cad rje su chags pa dgug pa dang / dbang du bya ba dang / dngos grub mchog la sogs
- 237a
pa'i dngos grub thams cad kyi las kyi tshogs yid kyi 'dod pa rnams grub par byed pa'o// 'dzum zhing cung zad bye ba'i mig gi blta ba ni mchog tu dga' ba'i dpal rdo rje spyan zhes bya ba'i phyag rgya thams cad bsgrub par byed pa ste 'dis blta zhing btung bar bya'o// 'di ni bcom ldan 'das kyis rab tu dga' ba chen po dpal rdo rje don yod dga' ba'i bcud kyis len gyis mchog go dngos grub ces bya ba'i phyag rgya ste tshe zad pa thams cad kyang 'dis rdo rje sems dpa'i na tshod gzhon pa dang / nad med pa dang / gzugs dang / stobs dang / gzi brjid kyi stobs dang / spro ba dang / dngos grub kyi mchog thams cad dang / dpal dang skal pa bzang po dang / dga' ba chen po dang / shin tu bde ba thams cad dang / yid bde ba dang / dngos grub kyi mchog thob pa ste/ ci srid dngos grub kyi mchog thams cad kyi las kyi tshogs mchog tu dam pa grub pa ste/ bcom ldan 'das yum gyis rgyas btab pa tsam gyis skad cig tsam gcig gis grub pa'o// snyems pa dang bcas pa'i g.yon pa'i mig dgod cing bstod pa ni/ bcom ldan 'das dgyes pa chen po'i dpal don yod pa'i dga' ba'i rgyal mtshan mchog gi dpung rgyan zhes bya ba'i phyag rgya ste/ 'ongs rgyas btab pa thams cad las rnam par rgyal bar byed pa dang / phyag byed bcug pa dang / rab tu bsgrub par byed pa dang / ji bzhin ji srid mchog thams cad grub cing dngos grub chen po'i dbang phyug nyid rab tu sgrub par byed pa'o// sgeg pa dang bcas pa'i lta ba dang / 'dzum pa dong gso/
- 237b
zhing phyag 'tshal ba dang / ldan pa ni bcom ldan 'das kyi phyag rgya phyag 'tshal ba'i phyag rgya ste/ dga' ba chen po dpal don yod pa'i dbang phyug gi kI li kI la zhes bya ba'i phyag rgya ste/ 'dis rdo rje sems dpa' la sogs pa'i brtan pa dang g.yo ba'i dngos po'i thams cad la rgyas btab pas 'dud par gyur nas dngos grub mchog thams cad kyi las tshogs kyi mchog gi dam pa'i dngos grub kyi 'grub par 'gyur ro// rnam par 'phrul pa dang / sgeg pa dang bcas pa'i 'dzum pa'i zhal nyid ni bcom ldan 'das mchog dang po rdo rje sems dpa'i dga' ba chen po'i dpal rdo rje don dga' ba yis rnam par 'phrul pa brtson pa zhes bya ba chog tu gsang ba'i rdo rje 'dzum pa'i phag rgya ste/ bcom ldan 'das rdo rje 'dzin pa thams cad kyi slob dpon mchog dang po'i glu ni/ kun mchog dngos grab chen po ni/ dbang phyag chen po lhag pa'i lha/ rdo rje 'dzin kun rgyal po ste// mi 'gyur mchog ni 'grub par 'gyur// rnam par 'phral pa dang bcas pa'i sgeg pa'i 'dzum pa'i phyag rgyas btab pa tsam gyis dngos grub chen po'i dbang phyug chen po'i bdag nyid la sogs pa'i dngos grub thams cad las kyi tshogs yid kyi 'dod pa rnams 'grub par byed// sarba ku rA ya thA su khaM zhes bya ba brjod/ de bzhin gshegs pa thams cad kyi gsang ba theg pa chen po'i mdo sde'i dbang po rgyal po bcom ldan 'das phyag na rdo rje de bzhin gshegs pa thams cad kyi phyag rgya ste/ de bzhin gshegs pa thams cad kyi theg pa chen po'i mngon par rtogs pa'i gsang ba'i rdo rje byin gyis rlabs
- 238a
pa zhes bya ba 'di rang bzhin gyis 'od gsal ba'i phyir/ chos thams cad rnam par dag pa la sogs pa'i ma lus shing lus pa med pa'i de bzhin gshegs pa thams cad kyi chos nyid// thob pa'i ye shes dang / mngon par shes pa dang / mchog gi dngos grub la sogs pa'i dngos grub thams cad kyi las tshogs rnams bsgrub par byed pa'o// rnam par 'phrul pa dang bcas pa'i 'dzum zhing smin ma'i khro gnyer rdo rje lta ba'i phyag rgya ni bcom ldan 'das kyi khro bo kI li kI la zhes bya ba'i phyag rgya ste/ 'dis rgyas pas rdo rje sems dpa' la sogs pa'i brtan pa g.yo ba'i dngos po thams cad rjesu chags pa dang / dgug pa dang / dbang du bya ba dang / 'bebs pa dang / gzhug pa dang / gar dang / glu dang / rnam par 'phrul pa ston pa dang / bden ngag thams cad dang / grol ba dang / pra dbab pa thams cad bsgrub pa dang / sgyu ma thams cad dang / rma du byung ba thams cad so sor ston pa dang / sna tshogs pa'i gzugs thams cad kyis bya ba ston pa dang / thams cad la rgyas btab pa dang / gnod pa dang / 'dul ba dang / gsad pa dang / thams cad phyir 'dren pa dang / thams cad bsgrub pa dang / mchog gi dngos grub la sogs pa gzhom du med pa'i dngos grub thams cad kyi las kyi tshogs rnams bsgrub par byed pa'o// thams cad dag pa'i/ ting 'dzin gyis// thams cad mnyam pa nyid kyi gzugs// sna tshogs pa'i bya ba la// rab mchod pa byin gyis brlab// rdo rje pad+ma zhes bya ba ni/ bcom ldan 'das 'phags pa spyan ras gzigs dbang phyug gi
- 238b
phyag rgya ste/ thams cad rnam par sbyang ba dang / bsrung ba dang / yongasu sbyong ba dang / rims thams cad dang / dug dang / sbyar ba'i dug dang / gdon dang / nad dang / mkha'agro ma'i phyag rgya nye bar zhi ba dang / shi ba yang dag par bso ba dang / dbang phyug thams cad thob pa dang / gzugs sna tshogs pa'i bya ba thams cad rab tu 'jug pa la sogs pa'i dngos grub mtha' yas po de bzhin gshegs pa thams cad kyi ting 'dzin gyis rab tu byed pa'o// na mkha' phra rab bskyod pa dag gis drol zhing rnal 'byor thams cad kyi rjesu chags par bya ste/ 'di la bcom ldan 'das na mkha'i snying po rdo rje byin gyis brlab pa zhes bya ba'i phyag rgya ste/ 'dis rgyas btab pas bcom ldan 'das rjesu chags shing dgos pa dang / brtan par rjesu chags nas na mkha' thams cad kyi bdag nyid kun gyi dngos po nyid kyi phyir bsam pa thams cad yongasu rdzogs pas/ mchog gi dngos grub la sogs pa'i dngos grub thams cad kyi tshogs yid la 'dod pa rnams sgrub par byed pa'o// zhes bya ba yang gsungaso// mchog dang po ni mchog nyi du// gsang ba dam pa gsungs pa yin// mig sogs phyag rgyas rgyas btab pa'o// rdo rje sems dpa' gsungs pa yin// rdo rje kun 'dzin slob dpon gyis// tsum pa na dang 'khyung sogs kyis// thams cad rnal 'byor rjes bsgrub te// myur du kun la rgyas btab bya// snying po phyag rgya sngags rig pa'i// bsgrub pa 'di ni rmad byung ste//
- 239a
grub pa med pa rnams la yang // dngos grub thams cad rab bsgrub byed// gang la dngos grub med gyur dang // bsod nams phun tshogs med pa dang // bdag nyid rdo rje sems dpa' ma rgyus btab myur du 'grub par 'gyur// gal te rdo rje sems dpa' mchog/ snying po la sogs nye snying pos// bsgrub bya 'grub par ma gyur na// tsum pa sogs kyi rgyas gdab bya// gang phyir gsang ba'i phyag rgya ni dngos grub kun gyi bde dam pa// rdo rje sems dpa'i mchod pa mchog/ de yis myur du 'grub par 'gyur// de nyid chen po 'di grub pa// mchog gi bdag nyid dam pa ste// mchog tu gsong ba bsod nams ldan// so so'i skye bo la brjod min// rdo rje slob dpon slob ma mchog/ de nyid dad pa'i rjes 'brang la// gal te dngos grub mchog 'dod na// sbyin te gzhan la sbyin mi bya// phyag rgya'i rgyud 'di 'ba' zhig gis// bdag nyid gang lo yod gyur na// bdud la sogs pa thams cad kyis// mi thub pa dang song mi 'gyur// des na rgyal po rdo rje 'dzin// kun mchog dngos grub kun can po// thams cad mdzad cing thams cad mkhyen/ thams cad bsgrub par mdzad pa yin// zhes bya ba bcom ldan 'das rdo rje sems dpas gsungs so// dpal mchog dang po las mchog tu gsang ba zhes bya ba'i phyag rgya'i rgyud phyug rgya bcu pa rdzogs / de nas mchog tu mkhas shing phra la zab cing rgya che ba bsam gyis mi khyab pa shin tu mtha' yas pa tshad med cing gzhal du mod cing brjod kyis mi lang zhing rab tu khyab pa
- 239b
mchog tu bsgrub pa zhes bya ba'i phyag rgya'i rgyud bshad pa'o// zhes bya ba bcom ldan 'das mchog tu grub pa'i rdo rjes gsungaso// de la phyag rgya bcu ni bdag nyid thams cad skyed par byed pa'o// rdo rje sems dpa'i phyag rgya chen po'i bde ba chen po'i rdo rje don yod pa'i dam tshig las byung ba'o// sngon du dang po'i dngos grub thams cad mchog la sogs pa'i dngos grub thams cad kyi las kyi cho gas myur du bsgrub par byed pa ste/ de la 'di ni sku'i phyag rgya ste/ ba dan gsum pa dang / kha T+wAM ga'i phyag rgya bcings nas g.yon pa dril bu dang bcas shing g.yas pa slang pa'i tshul du byed pa ste/ sgeg pa dang bcas pa'i 'dzub mo la sogs pa bkrol ba'i gar gyi rdo rje 'dod pa'i dbang phyug ma bstod pa ste/ thams cad kyi mchog dngos grub chen po dbang phyug chen po'i mchog gi phyag rgyas dga' ba chen po'i dpal rdo rje don yod dgyes pa'i dam tshig dngos grub gyi rnal 'byor gyi dbang phyug mo zhes bya ste/ des rdo rje bsnyems ma yongasu btang bar byas nas dngos grub bzhir 'gyuraro// rdo rje bsnyems ma de nyid kyis rgyas btab na thams cad kyi mchog gi dngos grub chen po'i dbang phyug tshon po'i bdag nyid mi 'gyur ba'i mchogo/ mda' gsor bas rgyas btab na rdo rje lha mo rnams kyang rje su chags par byed na bud med gzhan rnams lha rmos kyang ci dgos/ rdo rje ki li ki las rgyas btab nas lha dang lha ma yin gyi bud med thams cad rol par byed cing ma grub na yang thams cad bsgrub par nus pa yino// chu srin gyi rgyal mtshan bsgrengs pa'i phyag rgya 'di thams cad las rnam par rgyal
- 240a
ba dang / gsod pa'o// rdo rje 'dod pa'i dbang phyug mas yongasu dgod cing phreng ba dor ba'i sngags dang phyag rgyas btab pa tsam gyis 'dod pa thams cad kyi dbang phyug thob pa'o// mchog tu gsang ba'i ras ris kyi phyag rgya ci lta ba bzhin du brjod par bya'o// bde ba chen po rdo rje don yod pa'i dam tshig gi mchod pas rab tu dga' ba la sogs pa'i mchod pa thams cad thob pa mi zad pa'o// rdo rje bstod pa'i phyag rgyas srid pa gsum thams cad bskyod pa dang rab tu byed pa'o// rdo rje hUM mdzad kyi phyag rgya dang / rkang pas lha'i gzugs brnyan mnan cing rgyas btab nas sdig 'dzub byas te/ lha la sogs pa'i sems can de dang de ring por mi thogs par rgyas btab pas bka' bsgo ba thams cad dang las rnams byed par 'gyuraro// stan mthon po la skyil krung phyed pas 'dug ste rkang pa g.yon pas rdo rje se de'i gzugs brnyan yang mnan nas rdo rje gsor zhing rdo rje sems dpa' mnan nas dngos grub yi du 'ong ba thams cad dang phun sum tshogs pa rnams nyam su myong ni lha la sogs pa'i sems can rnams smos kyang ci dgos/ g.yon pa'i rdo rje khu tshur gyis rang gi rtags gzung nas g.yas pa rdo rje la sogs pa stong pa'i tshul gyis 'dzin cing / yid la 'dod pa'i lha'i bu mo thams cad la rgyus 'debs shing stobs kyis rol par byed pa'am/ sgrub par byed pa ste rdo rje sems dpa'i phyag rgya chen po'o// de nas dam tshig gi phyag rgya ni bde ba chen po rdo rje don yod pa'i dam tshig las byung ba ni bcu ste snying kar sen mo/
- 240b
drungs pa'o// lcags kyu rdeg pa'o// g.yon pa'i lcags kyu la zhags pa ni gzhug pa'i lcags kyu'i rtse mo btsir ba'o// phan tshun sems brud pa'i snying kar byas pa'o// lce mnyam par byin pa'o// snying kar rdo rje bstan par rab tu bzhag pa'o// rdo rjes byab pa'o// rtse ba'i phyag rgya yang ngo // 'di rnams kyi dngos grub dang / phun sum tshogs pa dang / bde ba dang / phyag rgya dang / dam tshig dang / dkyil 'khor dang / chos dang / ye shes dang / las dang / bde ba chen po thams cad kyi dngos grub rnams don yod par thob par 'gyuraro// de nas gsang ba'i dam tshig gi rdo rje bsdams pa las byung ba'i las bcu ni dbus ma'i lcags kyu'o// kha sbyor gyi nang du rdo rje sor mo rnams thams cad kyi laso// mthe bong rdo rje'o// de nyid kyi mthil gnyisu brud pa'o// mdzub mo rdo rje de nyid kyi lcags kyi gnyis// dbus ma'i rdo rje'o// de nyid kyi sor mo'i rtse mo bcing par bya'o// srin lag gi rdo rje'o// de nyid kyis sor mo'i rtse mo dag gis rol mo'am/ mthe'u chung gi rdo rje'o// de nyid kyis mthe bong gnyis kyi sen mo btsir ba'o// 'di rnams kyis btab pas rdo rje sems dpa' la sogs pa'i dngos po thams cad sgrub pa dang / rjesu chags pa dang / dbang du byed pa dang / dgug pa dang / rol pa dang chags pas bcing pa dang / thams cad sgrar gzhug pa dang / gar byed du gzhug pa dang / dgodu gzhug pa dang / gsod pa'o// de nas las kyi dam tshig gi phyag rgya btsun rdo rje gar gyi mchong pa lha dang lha ma yin gyi bu mo thams cad dang / bu mo gzhonu ma thams cad brtan par rje sa chags pa ni rdo rje lta bas
- 241a
so// rab tu dga' ba'i sgrub pa ni ma mchu nang du g.yo bar byed pas myang ba dang btung ba'o// chags pa brtan zhing lhung ba ni dbugs ring por gtong bso// de nas las 'dod pa thams cad kyi dbang phyug thob pa ni dpung pa gnyis bstod pa'o// thams cad kyis mchod par 'gyur ba ni snying kar bzhug pas so// yod pa thams cad rnyed pa ni mig dgug paso// 'dod pa'i chags pa bskyed pa ni dbus dang bcas pa'i sman pa'i gdong gis lta bas so// thams cad 'bebs pa'i cho ga ni rang gi snying phra bar bskyod pa'i las rnams kyis// 'dod chags pa gsad pa ni dbugs btang pas rang nyid sdang pos byed pas so// / 'dod pa thams cad kyi rje su spyod pa la sogs pa'i las thams cad kyi byed pa ni bka' bsgo bas so// de rnams rdo rje sems dpa' la sogs pa'i brtan pa dang g.yo ba'i dngos po thams cad la yang nye bar sbyor na don yod sgrub pas skad cig nyid kyi brtan zhing mi 'gyur ba'i dngos grub kyis rgyas btab na 'grub par 'gyuraro// zhes bya ba bcom ldan 'das rdo rje sems dpas gsungaso// de nas las kyi phyag rgya bcu ni/ rdo rje snyems ma'i phyag rgyas thams cad bsgrub pa'o// rdo rje mtshon chams thams cad las rnam par rgyal ba dang rjesu chags pa'o// rdo rje kI li kI las rab tu dga' ba'i reg bya dang / dngos grub thams cad bde bas grub pa'o// rgyal mtshan sgreng bas 'thab mo thams cad las rnam par rgyalo// rdo rje 'dod pa'i dbang phyug mas bdag po chen po nyid// dus kyi mchod pas mchod par 'gyur ba nyid// rdo rje gsor bas
- 241b
thams cad 'dul ba'o// rdo rje dor bas thams cad gsod pa dang / thams cad 'brog pa'o// g.yon pa snyems shing g.yas pa'i rdo rje khu tshur gyis las rnams kyis sgyu ma dang rdzu 'phrul thams cad dang / so sor bston pa dang / rmugs pa dang / rengs pa dang / gnyid log tu gzhug pa dang / bskor ba dang / bskrad pa dang / 'bru dang / ltung ba 'pho ba dang / dbang du byed pa la sogs pa'i las thams cad sgrub par byed pa'o// rdo rje sems dpa'i dam tshig gi phyag rgya bcu ni rdo rje bcu ni rdo rje thal mo las byung ba'o// rdo rje sku mchog gi dngos grub thams cad// 'dzub mo gnyis kyi lcags kyus dngos grub thams cad do// rdo rje gnod sbyin gyis rgyud thams cad la sogs pa'i gdug pa 'dul ba'i de nyid kyis mthe bo'i rdo rjes bka' bas thams cad rnyed pa'o// de nyid kyi mthe bong gnyis bcug pa'i gtsug tor rdo rjes thams cad bsrung ba'i mtho bong rdo rjes nang du bcug pa de nyid kyi rdo rje sems dpa' la sogs pa'i sems can thams cad rjesu chags pa dang dgug pa dang / dbang du byed pa bsgrub pa dang / mthe'u chung rdo rje sor mo gnyis kyi rtse mo gnyis 'dzub mo gnyis kyi legs par bzung bas/ mtho ba ni dpal dgug pas dbang du byed pa'o// rdo rje gnod sbyin gyi rgyal mo de nyid kyis nor thams cad do ba lA dbrog pa'o// de nyid kyi dbus ma gnyis kyis srin lag gnyis kyi rtse mo yongasu btsir bas bdud la sogs pa'i gdon las grol ba dang / dbang du byas nos las thams cad la sbyor ba'o// rab tu dga' ba'i rdo rjes yul thams cad kyi mchog tu grub pa'o//
- 242a
de nas gsang ba'i phyag rgya rab tu dga' ba'i rdo rje las byung ba'o// sems dpa' mnan nus rdo rje lha mo rol tu gzhug pa'o// de yang rab tu dga' ba'i rdo rje chen pos rgyas pas so// rdo rje dang bcas pa'i rab tu dga' ba'i rdo rje so// de bzhin gshegs pa thams cad kyi chags pa dang bral ba'i 'khor los so// 'dzub mo dang / dbus ma dang / srin lag gi 'khor lo bsgreng bar byed la mthe bong dang / mthe'u chung snyams la 'bral bar bya ste/ rab tu dga' ba'i rdo rje bsgrub pa de kho na nyid kyis rgyas btab cing bsgrub par 'gyuraro// btsir bas 'dod pa thams cad rab tu bsgrub par byed pa'o// 'dzub mo lcags kyus 'dod pa thams cad kyi bde ba dgug pa'o// 'dzub mo phrag dog la sogs pa'i 'dod pa thams cad kyi sdug bsngal rab tu zhi ba'o// rtag tu bskyob pas rab tu dga' ba 'bebs shing de nas bsgrub pa'o// skye gnas g.yo ba'i bud med dang skyes pa dag gi rab tu dga' ba la 'jig rten las 'das pa'i 'dod pa thams cad kyi bde ba chen po shin tu mtha' yas pa'o// kha sbyor btsir bas ji srid 'tsho ba'i bar du 'dus pa dang bral ba yang ngo // rtags kyi sen mo g.yon pa'i mthil brud pas shin tu rtun pa'i 'dod pa la chags pa nyid du 'gyur ro// gzhan gyi 'dod pa la mi lta zhing gzhan la mi 'gro bar shin tu bde ba de yi bde ster ba'i bud med thams cad 'grub par 'gyuraro// skye gnas kyis sen mo brud nas skyes bu rnamaso// de nas thams cad kyi bdag nyid kyi gsang ba'i
- 242b
phyag rgya bcu ste/ de la lus thams cad kyi phyag rgya ni rdo rje khu tshur gnyis kyis 'khyud la ma mchu so rnams kyis bzung te/ rmongs pas bde ba ster du zhug bsgrub pas rab tu dga' ba'i dngos grub kyis rdo rje sems dpa' shin tu 'grub par 'gyur ro// mchog dang po'i dngos grub kyi su ra ta ste/ zhes bcom ldan 'das la brjod cing de kho na nyid bskul bas grub por 'gyuraro// rab tu dga' ba'i ye shes kyi thams cad kyi grub pa'o// lag pa g.yon pa'i gsang ba khu tshur ba ni thams cad bsgrub pa'o// bde ba chen po rdo rje las byung ba'i rdo rje chen po'i lte bas thams cad grub pa'o// smin ma gyen du rtog pas ltung ba slong ba'o// rang gi ma mchu nang du myang bas skal pa bzang po chen po bsgrub pa'o// rang gi lce bskyod pas rang nyid bden pa thams cad dang de kho na nyid gsal zhing mi sla bar smra ba'o// rang gi lus la 'bebs pas gzugs thams cad yongasu bsgyur ba ste/ rdo rje sems dpa' sangs rgyasu yang 'gyur ba yino// rang gi bdag nyid rdo rje sgom pas na mkha' la 'gro ba'o// de nas dang po las thams cad kyi phyag rgya bcu ni rdo rje thal mo kha T+wAM gso// dngos grub thams cad rdo rje khu tshur dag gis so// de bzhin gshegs pa'i khu tshur dag gis dngos grub thams cad// thams cad bsod pa ni khro bo'i khu tshu ri dag gis so// thams cad sbyor ba ni pad+ma'i khu tshur dag giso// nir thams cad dbrog pa ni nor bu'i khu tshur gyis so// thams cad 'bebs pa ni thams cad 'bebs pa'i khu tshur gyis// thams/
- 243a
cad gar byed gzhug pa ni kha T+wAM ga gtor ba'i khu tshur dag giso// thams cad sbyar gzhug pa ni 'dzub mo mnyam pa'i lce'i khu tshur dag gis so// thams cad bskyod pa ni brtan pa'i khu tshur dag giso// thams cad gzhug cing don yod pa'i bsgrub pa ni rdo rje lcags kyu'i khu tshur gyis so// de nas rdo rje khu tshur gnyis kyis ci 'dod pa'i lag pa'i sor mo'i phyag rgya bcu ste/ don yod cing thogs pa med pa'i skad cig mas myur du grub par byed pa 'di lta ste/ pi wang dang / gling bu dang / rdza rnga dang / mu kun Da dang / cha lang dang / rnga mo che dang / rnga zlum dang / dzo pa ta ha dang 'gun dza dang / ti mi li ste/ 'di rnams kyis rgyas btab na thams cad rjes su chags pa dang / dbang du byed pa dang / 'bebs pa dang / rims dang / dug dang / sbyar dug dang / gdon las grol ba dang / bsod pa dang / 'thab mo las rnam par rgyal ba dang / phun sum tshogs pa thams cad thob pa yin// zhes bya ba gsung so// 'dod chags chen po rnam dag phyir// rdo rje sems dpa' chen po yin// phyag rgya'i rtogs pa rab tu brtags// rdo rje slob dpon slob ma mchog/ de nyid dad pa'i rjes 'brangs la// rtogs pa tsam gyi skad cig gis// don yod kun grub bde bar gsol// zhes bya'o// dpal mchog dang po las mchog tu grub pa zhes bya ba'i phyag rgya'i rgyud rdzogs s+ho// / de nas mchog tu mkhas shing mtha' las 'das pa tshad med cing gzhal du med pa ma lus
- 243b
shing lus pa med pa'i mchog gi dngos grub chen po'i bdag nyid la sogs pa'i dngos grub thams cad kyi tshogs mchog tu dam pa grub pa zhes bya ba rdo rje gar las byung ba'i tshogs thams cad kyi phyag rgya stong bshad par bya'o// zhes bya ba bcom ldan 'das rdo rje sems dpas gsungaso// phyag rgya chen po mnyam gzhag nas// sgeg bcas 'dzum sogs bkrol ba yin// las kyi phyag rgya chen po rgyu// thams cad gar gyi bsgrub par bya// bde ba chen po rdo rje gsang ba'i lcags kyus khyad par du las kyi phyag rgya bcing ba ste brgya phrag dang po mchog tu sgrub ste rdo rje dam tshig lha mo rnams kyi phyag rgya'o// rdo rje bsdams pas btsi ngas nasau ni// kha sbyor nang du gsal ba ste// mchog dang po'i gsang chen gyi// las kyi phyag rgya gzhan yin// zhes bya ba rdo rje lha mo gsang ba thams cad kyi phyag rgya'o// rdo rje gar gyi mchod pa che'i// thal mo spyi bor gzung nas ni// las kyi phyag rgya grub pas na// dbang po rnams dang sbyar bar bya// zhes bya ba rdo rje thams cad kyi mchod pa chen po'i lha mo rnams kyis phyog rgya'o// rdo rje snyems mas gar bya zhing // sgeg bcas mthe chung sogs bkrol bas// de nyid cings nas gar bya zhing // phyi mo 'di ni 'byung ba yin// zhes bya ba rdo rje thams cad kyi las don yod pa'i dam tshig grub pa'i dbang phyug chen po'i/ mchog gi phyag rgya rgya'o// rdo rje thal mo mnyam gzhag nas// thams cad kyi ni grub par bya// mchog dang po'i las chen po'o// phyag rgya mchog ni gzhan yin// zhes bya ba rgyal mo thams cad kyi phyag rgya'o//
- 244a
mnga' lnga bsdus pa bcings nas ni// las kyi phyag rgya bde ba rgya// rab tu dga' mchog ma dkrol bar// bde ba nyi du mngon par sbyar// zhes bya ba rdo rje thams cad kyi mchog tu gsang ba'i 'dod pa ma'i phyag rgya'o// sku gsung thugs kyis rdo rje yis// ji bzhin phyag rgya mchog sbyor bas// las kyi phyag rgya sna tshogs rgya// mchog dang po ni rab tu brtag/ ces bya ba rdo rje thams cad kyi sku gsung thugs kyi rdo rje lha mo'i phyag rgya'o// rdo rje lha mo'i kha T+wAM ga/ lus kun gyi ni gar bya zhing // rdo rje gar mchog glu blang zhing // dang po'i phyag rgya chen po'o// zhes bya ba'o// ji lhor gong du rgyu gsungs pa// rol me mchog gi phyag rgya'i tshogs// rol mo brdung zhing glu len pa// phyag rgya kun gyi gsang ba rgya// zhes bya ba rdo rje thams cad kyi lha'i bu mo'i tshogs kyis phyag rgya ste/ phyag rgya stong mchog tu grub pa'o// de la sogs pa mtha' yas mchog/ chos dbyings mnyam dang mi mnyam pa// nam mkha' mtha' ltar grangs med pa'i// phyag rgya'i rgyal mo grub mchog ste raM// kun mchog dngos grub chen po yi// dbang phyug chen po'i mchog grub phyir// nam mkha' kun gyi go skabs kyis// dkyil 'khor 'dir ni rab tu zhugs// dam pa mchog tu grub par byed// mchog gi dam pa rgyud chen po// dam pa mchog gi dngos grub gter rdo rje slob dpon slob ma mchog/ de nyid dad pa'i rjes 'brang la// phyag rgya kun gyi tshul 'di ni// bstan par bya ste gzhan la mini// de ltar mchog tu mi 'gyur ba// dam pa'i dngos grub bde ba yi// mchog
- 244b
tu rnam dag rdo rje bde grub mtha' yas 'bras bur ldan/ dpal mchog dang po'i gsal ba'i de nyid mchog gi sku'i tshulo// mchog tu rtag pa'i tshul 'di yongasu mthar thug pa'o// dpal mchog dang po las dam pa mchog tu grub pa zhes bya ba'i phyag rgya'i rgyud rdzogs so// // de nas sems dpa' chen po kun// rdo rje 'dzin dang bcas pa'i mchog/ rdo rje 'chang chen gtso bo ni// mgon la bde gshegs rnams kyis gsolnga// kun mchog na mkha' chen po yi// dngos grub dbang phyug rab grub phyir// rtog pa thams cad kun bsdus pa'i// de nyid sems dpa' chen pos gsungs// rnam rtog med pa'i chos rnams la// rtog pa'i don ni gang brjod pa// gang gi rgyud 'di phyi ma la// dang po'i gnas mchog ji ltar lags// de bzhini rdo rje sems dpa' nyid// rab dga' nyid dang bzang ba nyid// rdo rje sems bdag ji ltar lags// sems dang sems dpa'i ting 'dzin dang // de bzhin rdo rje rdo rje 'dzin// rdo rje 'chang chen nyid dang ni// byang chub spyod pa ji ltar lags// bdud dang bdud las rgyal ba nyid// byang chub sangs rgyas ji ltar lags// rdo rje gtum po thar byed nyid// phyug na rdo rje ji ltar lags// ji ltar dang po'i rigs byung dang // 'dod pa thar pa ji ltar lags// ji ltar mgon// po rnam gsum dang // khyod ni ji ltar thams cad nyid// dang po'i snying po ji ltar lags// de ci nye snying po ji ltar lags// bde chen rdo rje chen po'o// don yod dam tshig ji ltar lags// dkyil 'khor zhes
- 245a
bya ji skad gsungs// de yi rnam smin ji lta bu// thig gdab pa dang brtag pa yin// dngos grub ji ltar gsungs pa lags// gsang ba lnga'i de bde ba// ji ltar gyur pa ji lta bu// dkyil 'khor bdag po rnams dang ni// rigs rnams gsal ba ji ltar lags// thams cad dbang bskur de nyid dang // phyag mtshan tshogs kyi de nyid dang // thams cad dgug gzhug mchod pa che// badrag byin rlabs sogs sgrub pa che// de ni de nyid gsang ba dang // don yod pa ni mchog nyid de// mi 'gyur dam pa grub pa'i phyir// thams cad bdag cag rnams la gsung // zhes bya ba bcom ldan 'das de bzhin gshegs pa thams cad kyi mchog gi mdo gsung so// de nas ston pa rdo rje 'dzin// rtog pa kun gyi bdag po ni// the tshom tshogs rnams gsan na su// de'i lan ni gsungs pa yin// de la rtog pa'i don gyi rgyud ji ltar yin zhe na/ rnam rtog med pa'i chos rnams las// sems can don ni yongs brtag pas// de nas rtog par gsungs pa ste// rtog pa yongasu dag phyiraro// de nas rgyud phyi ma ji ltar yin zhe na/ rgyud ni rgyun zhes bya bar bshad phyi ma sngar dang yang dag byung // de nyid gsang ba'i gsang ba dang // phyi ma dang bcas rgyu du 'dod// de la dang po gnas shes bya ba'i rgyud ji ltar yin zhe na/ nam mkha' kun la rab tu gnas// rdo rje kun mchog rang bzhin mchog/ bde ba chen po dga' ba che'i// grong khyer der ni mi 'gyur mchog/ ces bya ba bcom ldan 'das rdo rje sems dpa'i rtog pa thams cad kyi rtog pa'i de kho na nyid ces bya ba 'dis gsung so// de la thog ma tha ma
- 245b
med pa'i rdo rje sems dpa' ji ltar yin zhe na/ nam mkha' skye ba mtshan nyid phyir// thog ma tha ma med pa'i mchog/ sems dpa' rdo rje che rang bzhin// rdo rje sems dpa' zhes byar brjod// de nas bcom ldan 'das de gang yin zhe na/ kun mchog dngos grub chen po yi// dbang phyug chen po lhag pa'i lha// rdo rje 'dzin pa kun gyi rgyal// rab tu dga' ba mi 'gyur mchog/ de la bcom ldan 'das dga' ba chen po nyid ji ltar yin zhe na/ nyes pa med cing shin tu brtag/ 'dod chags kun gyi rjes chags pa// de nyid 'di yi gsang ba 'di// 'dod chags chen po dga' ba che// de la ci kun tu bzang po nyid ji ltar yin zhe na/ shin tu dga' ba kun gyi mchog/ gdod nas grol ba de bzhin gshegs// kun tu bzang po kun bdag nyid// byang chub sems dpa'i cho ga mchog/ de la rdo rje snyems pa'i bdag po bcom ldan 'das ji ltar yin zhe na/ kun mchog dngos grub chen po yi// dbang phyug chen po'i phyag rgya'i mchog/ rdo rje dbang phyug cher stong pas// rdo rje snyems pa'i bdag po'i bdag/ ces bya ba ni bcom ldan 'das mchog dang po'i skyes bu'o// mchog dang po'i de nyid ni// rdo rje sems dpa' gang gang brjod// dngos grub kun gyi 'byor pa rnams// de la thams cad 'grub par 'gyur// zhes bya ba mchog gi de kho na nyid bcom ldan 'das rdo rje sems dpas gsungaso// de nas de'i 'og tu las kyi bya bas bcom ldan 'das thams cad kyi mchog nyid bshad par bya ba'o// bcom ldan 'das rdo rje sems dpas gsungaso// de le bcom ldan 'das
- 246a
thams cad kyis sems can ji ltar yin zhe na/ bsam gyis mi khyab rgya che ba// zab dngos kun bde mi 'gyur ba// thams cad khyab cing dri ma med// byang chub sems ni bdag brtan pa// de nas 'di las khyad par ni// sems nyid brtan pa nyid sems pas// ting 'dzin de la mnyam par gzhag/ rnam shes las ni rdo rje kun// rdo rje las ni 'dzin gyur to// bcom ldan 'das rdo rje 'dzin ji ltar yin zhe na/ sems// dpa'i byin rlabs 'byor pa ni// bdag la byin brlabs mchog bsgrub pa// nyin re bsgrub par byed na des// rdo rje sems dpa' nyid thob 'gyur// de la bcom ldan 'das kun tu bzang po'i spyod pa ji ltar yin zhe na/ snying stobs rdul dang mun pas kyang // gang phyir sems can don gyur pas// de phyir nga ni kun tu bzang // byang chub spyod pa'i rjes 'jug pa'o// de la ji ltar bcom ldan 'das bdud nyid dang 'dul bas rgyal ba ji ltar yin zhe na/ sems nyid kho na bdud nyid de// sems nyid de bzhin gshegs pa'o// rang sems gdul bar bya ba'i phyir// bdag ni bdud nyid gyur pa ni yin// de la ji ltar bcom ldan 'das mngon par rdzogs pa'i byang chub dang sangs rgyas yin zhe na/ rang sems so sor rtogs pa'i phyir// byang chub sems mchog rdo rje nyid// de phyir de nyid sangs rgyas nyid// bdag byin rlabs mchog grub phyiraro// de la ji ltar bcom ldan 'das phyag na rdo rje yin zhe na/ mi phyed so sor rtogs pa dang // gdug pa thams cad nges par gnon// sangs rgyas kun dngos rdo rje ste// byang chub sems ni bstan pa bdag/ kun
- 246b
tu bzang po'i lag tu ni// mtshon cha de ni rgyal bas byin// bstan pa thams cad grub pa'i phyir// des na phyag na rdo rje nges// de la ji ltar dang po'i rigs las byung ba shes pa rgyud yin zhe na/ shes rab pa rol phyin pa'i yum// yab ni thabs la mkhas pa ste// rdo rje sems dpa' gdul ba'i phyir// rigs rnams rab tu byung ba'o// de la ji ltar bcom ldan 'das 'dongs pa dang thar pa yin zhe na/ bcom ldan 'ongs ni chags pa che// dngos grub thams cad rjes chags phyir// dngos grub thams cad mi 'gyur bde// bde ba chen po zhes brjod pa'o// de la 'di ltar bcom ldan 'das rnam pa gsum yin zhe na/ bdag ni dus gsum mtha' yas phyir// nga ni srid gsum gdul bya'i phyir// gsumachog 'jig rten gsum kun phyir// 'jig rten gsum nga khams gsum nga // 'di la ji ltar bcom ldan 'das thams cad nyid yin zhe na/ nga nyid brtan pa thams cad bde// bsod nams kun mchog che ba'i phyir// g.yo ba sems kyi 'dus byas phyir// sgyu ma thams cad nga yino// zhes bya ba rang gi las kyi bya ba'i de kho na nyid rdo rje sems dpas gsungaso// de la ji ltar dang po'i glu byung shes pa yin zhe na/ srid pa shin tu grub pa yi// dbang phyug chen po mchog grub phyir// gzi can sems can don mdzad phyir// bskal pa thog mar bcom ldan 'das kyis gsungs/ de nas de gang yin no ni// 'dod chags chen po bcom ldan 'das// rab tu dgo' ba mi 'gyur mchog/ gsang ba'i phyir ni snying po brjod// yi ge hU~M ni mi 'gyur
- 247a
mchog/ de nas nye ba'i snying po yi// de kho na nyid shes pa ni// de nyid gsang zhing gsang ba dang // snying po rab tu brjod par bya// snying po'i rjesu bsgrub pa 'grub// nye ba'i snying po nyid brjod// de la ji ltar bde ba chen po'i rdo rje don yod pa dam tshig gi bshad pa'i rgyud yin zhe na/ dngos grub kun gyis mi 'gyur bde// bde ba chen po zhes brjod do// rdo rje de nyid don yod grub// dam tshig 'da' bar dka' ba'o// zhes bya ba'i mchog gi dam pa'i glu bcom ldan 'das rdo rje sems dpas gsungaso// de la ji ltar dkyil 'khor gyis don shes pa yin zhe na/ ji ltar gnas dang 'khor lo dang // ji ltar dgod par 'gro ba dang // 'khor bcas pa dgod pa gang // de 'dra'i 'khor lo mchog gi sprul// de nas rnam par shes pa ni// rdo rje sems sogs lha rnams kyis// 'khor lo mngon sum mthong ba yis// rtag pa'i bsod nams ci 'dra ba// phyir na bris na'ang de bzhino// de nas thig gdab pa'i cho ga ni// shes rab can gyis dkyil 'khor bris// phyogs kun mnyam pa nyid dmigs la// shar dang nub dang byang dang lhor// thig bzhi btag pas dkyil 'khor brgyud// rdo rje thig gis yongs bskor ba// ka ba brgyad kyi nyer mdzes shing // sgo bzhi rta babs kha khyer dang // dra ba dra phyed la sogs rgyan// der bdag po'i don shes pa ni// rdo rje sems dpa' ji lta bu zhe na// na mkha' skye ba mtshan ldan phyir// thog ma tha ma med pa'i mchog/ sems dpa' rdo rje tshe rang bzhin// dpal mchog dang po zhes byar brjod// de nas bcom ldan 'das gang zhe na// kun mchog dngos grub
- 247b
chen po yi// dbang phyug chen po lhag pa'i lha// rdo rje 'dzin pa kun gyi rgyal// rab tu dga' ba mi 'gyur mchog/ ces bcom ldan 'das rdo rje 'dzin pas gsungaso// de nas spyan ras gzigs dbang gis// pad+ma ra ga dang mtshungs pa// thams cad dag pa bla na med// rdo rje sems dpa' rang bdag nyid// spyan ras gzigs kyis dbang phyug nyid// de nas pad+ma'i rigs kyi de kho na nyid ni/ rdo rje chos ni rab grub phyir// sems can thams cad rnam dag phyir// pad+ma chen po'i rigs dag pa'i// ting 'dzin ye shes kun nas sdus shes bya'o// de la ji ltar na mkha'i snying po yin zhe na// thams cad na mkha'i bcom ldan 'das// sems can bsod nams mthong zhing che// nam mkha'i snying po sems dpa' dang // de nas nor bu'i rigs kyis ni// dbang bskur ba dang gter dang ni// rdo rje rgyal mtshan mchod pa che// nor bu chen po'i rigs grub pa// bsam pa thams cad yongs rdzogs pa'o// zhes bya ba dkyil 'khor thams cad kyi de kho na nyid chen po bcom ldan 'das rdo rje sems dpas gsungaso// rdo rje rigs thams cad kyi dbang bskur shes pa ni/ sangs rgyas rin chen rdo rje cher// rdo rje rin chen rdo rje la// spyan ras gzigs la rdo rje sku// nor bu nor bu 'dzin pa'o// de nas mchog dang po'i phyag mtshan gyi de kho na nyid do// kun mchog dngos grub chen po yi// dbang phyug chen po mtshon cha che/ gsang ba lnga'i de nyid che// rdo rje rtse lnga zhes brjod// de nas rigs thams cad kyi phyag mtshan gyi de kho na nyid shes pa ni/ sangs rgyas thams cad sangs rgyas nyid// sna tshogs bya ba rdo rje can// 'jig rten
- 248a
dbang phyug rdo rje chos// nor bu nor bu bsags pa'o// zhes bya ba dbang bskur ba thams cad kyi phyag mtshan gyi de kho na nyid bcom ldan 'das rdo rje sems dpas gsungaso// de la ji ltar thams cad dgug pa'i rgyud yin zhe na/ rtog pa kun gyi gsang chen gyis// rdo rje lcags kyi dril bcas pas// bkug ste de nas rjes grub pa// dril bu nyid kyis bya ba yin// ji ltar mchod pa thams cad kyi cho ga yin zhe na/ rtog pa kun gyi gsang chen gyis// rab tu dga' bas mchod nas ni// glu dang rol mo rnams 'phrul bas// mchod slar yang rnal 'byor mchod// de la ji ltar dngos grub thams cad kyis byin gyis rlabs pa'i dam tshig chen po'i de kho na nyid yin zhe na/ rtog pa kun gyi gsang chen gyi// phyag rgya kun gyi legs byin brlabs// dam tshig chen po 'di nyid kyis// rang nyid bsgrub na snying po bzlas// thog mtha' med pa'i sems dpa' ni// rdo rje sems dpa' dga' ba che// kun tu bzang po kun bdag nyid// rdo rje snyems pa'i bdag po bdag ces bya ba'i mchog dang po'i skyes bu'o// de la ji ltar rang lhag pa'i lha thams cad kyi sgrub pa chen po'i rgyud yin zhe na/ brtan ba dang ni g.yo ba dang // rtog pa kun las bsgrub bya gang // rang gi lhag pa'i lha sbyor bas// de dag thams cad sgrub par bya// de nas thams cad rjesu bsgrub pa'i rgyud ni/ rdo rje dril bu 'dzin gyur nas// rdo rje dril bus rab sang cing rtog pa thams cad rjes bsgrub pas// mchog dang la sogs 'grub par 'gyur// de la ji ltar 'bang po med pa thams cad bsgrub pa'i rgyud yon zhe na/ bsgrub bya ci 'dod bsgrubs nas ni// phyi nas ji ltar 'dod pa/
- 248b
yis/ ci 'dod spyod pa la spyod cing // thams cad byed cing thams cad bza'// langs pa'am ni 'dug pa'am// gang dang de ru chags pa'am// dgod pa dang ni smra ba'am// gang der ci bzhin de bzhi no// dbang po gang dang gang lam 'gyur// de dang de'i ngo bor bya// mnyam par gzhag nas rnal 'byor gyis// rang gi lhag pa'i lha sbyor bya// de nyid rnal 'byor 'di yis ni// thams cad nyid ni bsgrub par bya// sangs rgyas kun ngos thams cad ni// rtag tu mthong zhing grub par 'gyur// dam tshig chen po de nyid ni// mkhas pa gang zhig dad pas klog/ de ni sdig kun dang bral bas// dngos grub kun gyi dbang phyur 'gyur// zhes bya ba dam tshig chen po'i de kho na nyid do// de ltar dpal mchog dang po'i cho ga ma nyams mchog gi bla ma gsal/ mchog tu gsang ba bsgrub pa'i cho ga bde mchog myur du grub phyir gsol/ rdo rje mchog 'dzin dang bcas bde gshegs sras bcas rnams kyis byin brlabs pa/ bde ba dam pa rdo rje 'dzin pa dga' chen mchog gis de gsungaso// dpal mchog dang po las mchog tu gsang ba'i cho ga/ de nas ston pa rdo rje 'dzin// nam mkha' ltar thugs med kun tu 'gro// sangs rgyas kun gyis ston nas ni// rtog pa'i mthar thug don gsungaso// bdag gi snying po dang 'di mchog chen po'o// bde ba chen po mchog gi mchog dang rje su chags pa che// kun mchog sems dpa' rnams kyi rtag tu 'byung nas ni// kun mchog sbyor ba'i dbang phyug gso ba yin// mtha' yas pa dang thog med mthar thug med pa ni// mchod bya chen po thams cad rnams kyis tshul chen po// nam mkha' dang mtshungs mchog gi dngos 'phel gsol//
- 249a
de ni sus kyang mthar thug byed par nus pa min// sems can rnams ni dman la zhen cing nyung la dga'// dad pa med cing glu ba byed la ma sbyangs pa// rtag tu rjesu chags shing chags bral la chags pa// de rnams la ni phan phyir 'di ni mthar thugs pa'o// gang gi khyim na 'di gnas gang gis rab tu bsgrub pa'o// yang na ji bzhin gsung pa rtag tu 'dir bsgrub byed// so sor nyamasu myong ba'i mthu yis thams cad du// bdud kyi la sogs rnams kyis de ni gnod mi nus// rdo rje 'chang sogs sku ni gang gis sgrub byed pa// gzugs brnyan la sogs thams cad 'dir ni ji bzhin gsungs// des ni thams cad so sor nyams myong/ nus pa ldan// bdud kyi la sogs rnams ni de ni gnod mi nus// gang zhig rdo rje la sogs gzugs brnyan la sogs pa// ji ltar 'dod pa 'di dag thams cad sgrub par byed// rab tu 'dod pas yi ge hUM las bris nas ni// 'dod pa'i dngos grub de yis ster zhing thob par 'gyur// rgyal po rnams kyis rnam par sbyangs par mdzad pa ni// gang la don kun dag phyir mdzad par mi 'gyur min// 'dir ni bgegs byed bdud rnams kyang ni yod ma yin// rtogs pas dngos grub dang byin gyi rlabs pa yin// nga ni bdud nyid mi 'gyur brtan med nyid mi 'gyur// brtan pa nyid phyir nga ni brtan par mdzad pa yin// rtag pa 'di ni mchog chen gang gis bsgrub byed pa// de la nga ni dngos grub myur du 'grub par byed// dngos grub chen po la thams cad rjes su chags shing shin tu mnyes pa dang / shin tu brtan pa dang / shin tu rgyas pa dang / rtag tu che bar 'gyur ba yin// gang zhig mchog
- 249b
gi rgyal po'i snying po bsgrub byed pa// rgyal ba thams cad dge shing rgyal ba dgos par mdzad// de dag grags pa chen po thob nas bde ba'ang thob// de phyir 'di la dad cing gus par bya ba yin// de nas rgyal ba rnams kyis/ bcom ldan 'das la logaso zhes bya ba byin te/ yab mchog sangs rgyas sras ni legaso legs// sras mchog sangs rgyas sras ni legs so legs// rdo rje mchog ni rdo rje 'byung ba legs// dam pa'i chos kyi bdag nyid legaso// sangs rgyas rnams kyi yang dag byin brlab pa// rtag tu mi 'gyur don yod grub pa che// ji ltar dang po'i grub pa de bzhin du// phyi nas kyang ni de bzhin 'grub par 'gyur// de ltar dag chen gsungs nas ni// sras dang bcas pa'i sangs rgyas rnams// rdo rje sems dpa' chen po yi// gsung la rjes su yi rang mdzad// dpal mchog dang po las rtog pa'i rgyal po thams cad kyi mchog rdzogs so// / thugs dam sa'i snying po tho ling du/ rgya gar gyi mkhan po paN+Di ta mkhas pa chen po man tra ka la sha dang / sgra sgyur gyi lo ts+tsha ba lha btsan po dge slong bla ma zhes pa'i 'od kyi zhal snga nas bsgyur cing zhus te gtan la phab pa'o// phrin las kyi rgyud 'ams pa'i rgyung 'azugs// / rgya gar skad du/ tan tra rA dza ma hA karma mA le na me/ bod skad du/ rgyud kyi rgyal po chen po las kyi phreng ba ces bya ba/ bcom ldan 'das dpal rdo rje sems dpa' la phyag 'tshalo// 'di skad bdag gis thos pa'i dus gcig na/ bcom ldan 'das de bzhin gabye