Q874MW1PD96684_0874mdo sna tshogsAll versions of this work

'phags pa sgra chen po zhes bya ba theg pa chen po'i mdo

Text

ff. 115b–118b · 7 folio sides

  1. 115b

    po/ / nga 'das pa'i phyen byang chub sems dpa'i lag tu 'ong bar 'gyur ro// byang chub sems dpa'i glegs bam du 'ong ba dang / byang chub sems dpa'i sgom du 'ong bar 'gyur ro// byang chub sems dpa' gdol ba rnams kyi lag tu 'ong bar mi 'gyur/ glegs bam du 'ong ba dang / sbom du 'ong bar mi 'gyur ro// de nas bcom ldan 'das la tshe dang ldan pa kun dga' bos 'di skad ces gsol to// bcom ldan 'das chos kyi rnam grangs 'di de bzhin gshegs pas ji skad bshad pa bzhin du bdag gis bzung ngo / / bcom ldan 'das kyis bka' stsal pa/ kun dga' bo chos kyi rnam grangs 'di ji ltar zin pa bzhin du gang dag la byin pa'i sems can dag la khyed ston pa'i bya ba byed pa legs so legs so/ / bcom ldan 'das kyis de skad ces bka' stsal pa dang / tshe dang ldan pa kun dga' bo dang / tshe dang ldan pa shA ri'i bu dang / 'jam dpal gzhon nur gyur pa dang / lha dang mi dang / lha ma yin dang dri zar bcas pa'i 'jig rten rnams yid dga' ste/ bcom ldan 'das kyis bka' stsal pa la mngon par bstod do// glang po'i rtsal zhes bya ba theg pa chen po'i mdo rdzogs sgo rgya gar skad du/ ar+ya ma hA tra ba ma nA ma ma hA yA na su tra/ bod skad du/ 'phags pa sgra chen po zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong gi dge 'dun mang po dang thabs cig tu bzhugs so// de nas tshe dang ldan pa kun dga' bo snga dro sham thabs dang chos gos bgos te/ lhung bzed thogs nas mnyan yod du bsod snyoms la song ngo // mnyan yod du bsod snyoms la 'gro ba na/ tshe dang ldan pa kun dga' bos khang pa brtsegs pa chen po

  2. 116a

    phyi nang byugs shing byi dor byas pa/ sgo gtan legs par bcug pa/ skar 'ang bcad pa zhig mthong ngo // mthong nas kyang 'di snyam du sems te/ gang zhig gis khang pa brtsegs pa 'di lta bu zhig byas te phyogs dge slong gi dge 'dun la 'bul bar byed pa dang / gang shig gis de bzhin gshegs pa yongs su mya ngan las 'das pa'i ring srel yungs 'bru tsam mchod rten gyi bum pa sU rur tsam gyi nang du bcug ste/ srog shing khab tsam btsugs nas gdugs rgya shug gi lo ma tsam 'dogs par byed pa 'am/ de bzhin gshegs pa'i sku gzugs mtshon gar tsam zhig byed na/ de gnyis las gang bsod nams ches mang du 'phel snyam mo// de nas tshe dang ldan pa kun dga' bo mnyan yod nas bsod snyoms las slar 'khor nas zan zos te zas phyi ma spangs nas lhung zed dang chos gos bzhag te rkang pa bkrus nas/ bcom ldan 'das gang na bar der song ste phyin nas/ bcom ldan 'das kyi zhabs la mgo bos phyag 'tshal te/ phyogs gcig tu 'dug go// phyogs gcig tu 'dug nas bcom ldan 'das la tshe dang ldan pa kun dga' bos 'di skad ces gsol to// btsun pa 'di ni bdag cag snga dro sham thabs dang chos gos bgos te lhultu zad thogs nas mnyan yod du bsod snyoms la mchis te/ btsun pa bdag mnyan yod du bsod snyoms la mchi ba na khang pa brtsegs pa chen po slad nang byugs shing byi dor bgyis bsgo gtan legs par stsal pa skar khud bkum bzhig mthong lags so/ / mthong nas kyang bdag nyid 'di snyam du sems te/ gang zhig gis khang pa brtsegs pa 'di lta bu zhig bgyis te/ phyogs bzhi'i dge slong gi dge 'dun la 'bul bar bgyid pa dang / gang zhig gis de bzhin/ gshegs pa yongs su mya ngan las 'das pa'i ring bsrel yungs 'bru tsam mchod rten gyi bum pa skyu ru ra tsam gyi nang du stsal te/ srog shing khab tsam btsugs nas gdugs rgya shug gi lo ma tsam 'dogs par bgyid pa'am/ de

  3. 116b

    bzhin gshegs pa'i sku gzugs tshon gang pa tsam zhig bgyid na/ de gnyis las gang bsod nams ches mang du 'phel snyam bgyid lags te/ bcom ldan 'das la bdag don 'di yongs su zhu lags so// de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to// kun dga' bo legs so legs so// kun dga' bo khyod gang zhig gis khang pa brtsegs pa de lta bu zhig byas te phyogs bzhi'i dge slong gi dge 'dun la dbul bar byed la gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten gyi bum ba skyu ru ra tsam gyi nang du bcug ste/ srog shing khab tsam btsugs/ ras gdugs rgya shug gi lo ma tsam 'dogs par byed pa 'am de bzhin gshegs pa'i sku gzugs tshon gang tsam zhig byed na/ de gnyis las gang bsod nams ches mang du 'phel zhes pa ni khyod kyi zhu ba bzang la spobs pa legs te dpyod pa dge'o/ / kun dga' bo de'i phyir legs par rab tu nyon la yid la zung shig dang / ngas bshad do// kun dga' bo gang zhig gis khang pa brtsegs pa de lta bu zhig byas nas phyogs bzhi'i dge slong gi dge 'dun la dbul bar byed la/ gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten gyi bum pa skyu ra ru ra tsam gyi nang du bcug ste// srog shing khab tsam btsugs nas gdugs rgya shug gi lo ma tsam 'dogs par byed pa 'am/ de bzhin gshegs pa'i sku gzugs tshon gang tsam zhig byed na/ kun dga' bo bsod nams 'di bsod nams snga ma des brgya'i char yang nye bar mi 'gro/ stong gi cha dang / 'bum gyi cha dang / grangs dang / cha dang / dpe dang rgyur yang nye bar mi 'gro'o// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu dag dang ldan te/

  4. 117a

    tshul khrims dpag tu med pa dang ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par grol ba'i ye shes gzigs pa dpag tu med pa dang ldan pa'i phyir ro/ / kun dga' bo 'dzam bu'i gling chu zheng dang rgyar dpag tshad bdun stong yod pa 'di rgyun du zhugs pa rnams dang / lan cig phyir 'ong ba rnams dang / phyir mi 'ong ba rnams dang / dgra bcom pa rnams dang / rang sangs rgyas rnams kyis 'di lta ste/ 'bras sA lu'i zhing dam/ til gyi zhing ngam/ smig ma'i tshal lam/ 'dam bu'i tshal lam/ bu ram shing gi tshal bzhin du gang bar gyur pa de dag la mi la la zhig gis ji srid 'tsho'i bar du chos gos dang bsod snyoms dang / mal stan dang / nad kyi gsos sman dang / yo byad rnams kyis ci 'dod pa bstabs te// de dag thams cad yongs su mya ngan las 'das nas kyang mchod rten byas te/ gdugs dang / sil snyan dang / ba dan dang / dri dang / bdug pa dang / phreng ba dang / phye ma dang / byug pa dag gis mchod pa byed la/ gang zhig gis de bzhin gshegs pa yongs su mya ngan las 'das pa'i ring bsrel yungs 'bru tsam mchod rten gyi bum paskyu ru ra tsam gyi nang du bcug ste/ srog shing khab tsam btsugs nas gdugs rgya bug gi lo ma tsam 'dogs par byed pa 'am/ de bzhin gshegs pa'i sku gzugs tshon gang tsam zhig byed na/ kun dga' bo bsod nams 'di la bsod nams snga ma des brgya'i char yang nye bar mi 'gro/ stong gi cha dang / 'bum gyi cha dang / grangs dang cha dang / dpe dang rgyur yang nye bar mi 'gro'o// de ci'i phyir zhe na/ de bzhin gshegs pa dgra bcom pa yang dag par rdzogs pa'i/ sangs rgyas rnams ni dpag tu med pa'i chos 'di lta bu dag dang ldan te/ tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang / rnam par grol ba dpag tu med pa dang / rnam par

  5. 117b

    grol ba'i ye shes gzigs pa dpag tu med pa dang ldan pa'i phyir ro/ / kun dga' bo shar gyi lus 'phags gling chu zheng dang rgyar dpag tshad brgyad stong yod pa rgyun du zhugs pa rnams kyis gang bar gyur ces bya ba nas rnam par grol ba'i ye shes gzigs pa zhes bya ba'i bar du rgya cher snga ma bzhin du brjod par bya'o/ / kun dga' bo nub kyi b.lang spyod kyi gling chu zheng dang brgyar dpag tshad dgu stong yod pa rgyun du zhugs pa rnams kyis kyang gang / bar gyur ces bya ba nas snga ma bzhin du rgyas par sbyar ro// kuni dga' bo byang gi sgra mi snyan gyi gling chu zheng du dpag tshad khri yod pa rgyun du zhugs pa rnams kyis kyang gapar gyur ces bya ba nas snga ma bzhin du rgyas par sbyar ro// kun dga' bo lha'i dbang po brgya byin gyi khang bzangs rnam par rgyal ba zhes bya bka ba brgyad khri bzhi stong rab tu brtan pa dag yod de/ ka ba de dag thams cad kyang lha'i bai dUr+ya sngon po yin no// kun dga' bo khang bzangs rnam par rgyal ba gser gyi bye ma bdal ba la tsan dan gyi chus chag chag btab pa/ gser gyi drabs g.yogs shing gser gyi dril bu g.yer khas bskor ba ste/ kun dga' bo gang zhig stong gsum gyi stong chen po'i 'jig rten gyi khams khang bzangs de lta bu sha stag gis bkang ste/ phyogs bzhi'i dge slong gi dge 'dun la dbul bar byed la/ gang zhig gis de bzhin gshegs pa yongs su mya ngan las 'das pa'i sku gdung grangs 'bru tsam zhes bya ba nas/ rgya cher snga ma bzhin du sbyar ro// kun dga' bo lus 'phags mo'i bu yul ma ga d+ha'i rgyal po me skyes dgras pa rgyun du zhugs pa bsad nas de de bzhin gshegs pa'i sku gdung la mchod pa bya ba'i phyir sku gdung gi brgyad la bkur bstir bya ba dang / bla mar bya ba dang / ri mor bya ba dang mchod par bya ba dang / rjed par bya ba dang / gsol bar bya ba la brtson par 'gyur ro zhes sangs rgyas kyis bsngags pa'i dge ba'i las de des byas pas sems/

  6. 118a

    can dmyal bar lan cig sod nas las de nyid dang / dge ba'i rtsa ba de nyid dang / sngon legs par spyad pa de nyid kyis de nas thar nas bskal ba ni bung pog par ltung bar mi 'gyur la skra dang kha spu bregs nas gos dur smig bgos te yang dag par khyim nas khyim med par rab tu byung nas rang byang chub mngon du byed par 'gyur te/ rang sangs rgyas rnam par rgyal ba'i sde zhes bya bar 'gyur ro// de ci'i phyir zhe na/ de bzhin gshegs pa dgra bcom pa yang dag par rdzogs pa'i sangs rgyas rnams ni dpag tu med pa'i chos 'di lta bu dag dang ldan te/ tshul khrims dpag tu med pa dang / ting nge 'dzin dpag tu med pa dang / shes rab dpag tu med pa dang rnam par grol ba dpag tu med pa dang rnam par grol ba'i ye shes gzigs pa dpag tu med pa dang ldan pa'i phyir ro/ / kun dga' bo 'di ltar de bzhin gshegs pa dgra bcom pa yang dag par rdzogs pa'i sangs rgyas rnams dpag tu med pa'i chos rnams dang ldan pa de'i phyir de la mchod pa'i rnam par smin pa yang de ltar dpag tu med par shes par bya'o/ / chos kyi rnam grangs 'di bshad pa'i tshes chen po 'di rnam pa drug tu g.yos te/ shar phyogs mtho na nub phyogs dma' nub phyogs mthon shar phyogs dma'/ lho phyogs mthon byang phyogs dma'/ byang phyogs mtho na lho phyogs dma'/ dbus mthon mtha' dma'/ mtha' mtho na dbus dma' bar gyur to// de nas bcom ldan 'das la tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ bdag gis ji ltar bzung bar bgyi/ bcom ldan 'das kyis bka' stsal pa// kun dga' bo de'i phyir chos kyi rnam grangs 'di bdud rtsi'i rnga zhes bya bar zung shig/ sgra chen po zhes bya bar yang zung shig/ de nas tshe dang ldan pa kun dga' bo bcom ldan 'das kyis gsungs pa la mngon par bstod de rjes su yi rang nas bcom ldan 'das

  7. 118b

    kyi 'bas la phyag 'tshal te/ bcom ldan 'das la lan gsum bskor ba byas nas/ bcom ldan 'das kyi sman snganas song ngo // 'phags pa sgra can po zhes bya ba thag pa chen po'i mdo rdzogs so// rgyagar bya ma khan du shud d+ha sing ha dang / lo tsa ba bar de dge ba dpal gyis bsgyur/ rgya gar gyi mkhan po bid d+ha kar sing ha dang / zhu chen gyi lo ts+tshab ban de de btsan dras zhus te gtan la phab pa/ rgya gar skad du/ Ar+ya sing han di ka n+da ma ma hA yAn swA tra/ bod skad du/ 'phags pa seng ge'i sgra bsgrags pa zhes bya ba theg pa chen po'i mdo// sangs rgyas dang / byang chub sem sa da thams cad 'jug 'tshal lo// di skad bdag gis thos pa'i dus gcig na/ bcom ldan 'das nyi zla'i gnas rnam par rgyal byed kyi khang bzangs kyi nang na dge slong gi dge 'dun chen po dang / dgra bcom pa bya ba khrag khrig brgya stong phrag dgu curtsa dgu dang thabs gcig tu bzhugs so/ / de'i tshe bcom ldan 'das kyis byang chub sems dpa' rnam par rgyal ba'i phung po la bka' stsal pa/ rnam par rgyal ba'i phung po khyod sangs rgyas kyi zhing 'di nas byang phyogs logs na gang gA'i klur drug bcu'i bye ma snyed kyi sangs rgyas kyi zhing rdul phra rab snyed 'das pa na 'jig rten gyi khams mngon par dga' ba zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas chos 'phags zhes bya ba da ltar bzhugs te/ 'tsho zhing bzhes la chos kyang ston to// de bzhin gshegs pa de la blta ba dang / phyag bya ba dang / bsnyen bkur bya ba dang / mchod pa bya ba'i phyir song shig/ de nas byang chub sems dpa' rnam par rgyal ba'i phung po 'jig rten gyi khams der song nas/ bcom ldan 'das chos 'phags de'i zhabs la phyag 'tshal te lan bdun bskor ba byas nas phyogs gcig tu 'dug go// byang chub sems

Colophon

'phags pa sgra chen po zhes bya ba theg pa chen po'i mdo rdzogs so| |rgya gar gyi mkhan po bi shud dha sing ha dang| lo tsa ba ban de dge ba dpal gyis bsgyur| rgya gar gyi mkhan po bid dyā ka ra sing ha dang | zhu chen gyi lo ts+tsha ba ban de de ba tsan dras zhus te gtan la phab pa|