S440MW22083_0440rgyudAll versions of this work

thams cad gsang ba rgyud kyi rgyal po

Sarbarahasyonāmatantrarāja

Text

ff. 178a–189a · 23 folio sides

  1. 178a

    mdzad/ sangs rgyas sangs rgyas khro bo che// khro bo rdo rje de bzhin gshegs// 'dod chags las byung de bzhin nyid// rdo rje khro bo khyod phyag 'tshal// mtshan brgya rtsa brgyad dam pa 'di/ / nyin re bzhin du lan cig ni// gang zhig 'don par byed pa de// dngos grub mchog ni thob par 'gyur// de dag la ni 'jigs pa med// 'phongs dang bran dag nyid mi 'gyur// sangs rgyas rdo rje 'dzin bstan pa/ / dngos grub mchog ni thob par 'gyur// dpa' bo khyod la gsol ba 'debs// gdug pa rnams ni gdul ba dang // de bzhin sems can don bya'i phyir// tshul chen bskyed par mdzad du gsol/ / gsang ba rnal 'byor chen po'i rgyud rdo rje rtse mo zhes bya ba rdzogs so// / rgya gar gyi mkhan po rdo rje slob dpon chen po karma badz+ri'i zhal snga nas dang / lo tsa ba dge slong gzhon nu tshul khrims kyis bsgyur cing zhus pa'o/ / bam po bcu gnyis pa'o// / n+ya/ rgya gar skad du/ sarba ra ha s+yo nA ma tan+t+ra rAdza bod skad du/ thams cad gsang ba zhes bya ba rgyud kyi rgyal po/ bcom ldan 'das ye shes sems dpa' la phyag 'tshal lo// 'byung lnga nyid kyis lnga yi bdag nyid can// mi rnams lus la nges par mthong ba dag/ rang sems rab tu bsgoms par gyur na ni// dngos der bsgoms pas nges par sangs rgyas 'gyur// rab shes gsang ba dam pa ni// sangs rgyas ye shes bla med de// gnyis

  2. 178b

    med gnyis kyi tshul can te/ / sangs rgyas rtag par rab tu 'dud// yang dag bdag med las byung zhing // gnyis med ye shes las byung ba// sdug dang mi sdug rnams spangs pa// ci la'ang phyag ni mi 'tshal to/ / ma skyes pa ni yang dag bskyed// skyes pa'i 'og tu rtag par ni// sangs rgyas skur ni sgom pa de// rang gi ye shes mchog phyag 'tshal// rnal 'byor pa dang sems can kun/ ma skyes pa ni yang dag bskyed// skyes pa'i 'og tu rtag par ni// nyon mongs bag chags kyis sun 'byin// lus can rnams ni 'khor gyur pa// sdug dang mi sdug rnam 'byed yin// sems gang de nyid sdug bsngal te// sems can rnams kyi lus 'byung ngo // sems de yi ni rgyun nyid kyis// 'gro ba sdug bsngal gnod par 'gyur// rnam par snang mdzad rgyal po mgon// sangs rgyas thams cad bsdus gcig pu// sangs rgyas thams cad rtogs gyur pa// sangs rgyas 'khor ba sgrol ba po// sems can kun la phan pa'i phyir// thugs rje'i nyams dang yang dag ldan rgyu yi de nyid mnyam sbyor bas/ / 'bras bu'i de nyid rnams kyang ston// 'bras bu'i de nyid yang dag zhugs// rgyu yi de nyid mi 'dod do// gang du 'dod pa skyes gyur pa// de nyid 'khor ba'i bags chags yin/ / mkhas pa yi ni cho ga yis// sgom pa ru ni yongs su brtags// gang zhig slar yang gcig gyur pa// rnal 'byor pa yi rnal 'byor byung // sangs rgyas rjes dran la

  3. 179a

    dmigs shing / / chos ni rjes su dmigs pa yi// tshogs gnyis kyi ni sbyor ba yis// rkang gnyis dam pa nyid du 'gyur// b+ha gar ling ga rab gzhag ste// sangs rgyas sguskur ni rnam par sgom/ / sangs rgyas rjes dran rnal 'byor pa// sangs rgyas sbyin ni bsgom par bya// b+ha gar ling ga rab gzhag ste// rdo rje chos ni rnam par sgom// chos ni rjes dran rnal 'byor pa/ chos kyi sprin las char rab 'bebs// mtshan ni ling ga zhes bshad de// phyag rgya'i mtshan ma rnam pa bzhi// 'joms pas b+ha ga zhes bshad de// nyon mongs 'joms pa'i dam pa yin// sems can kun gyi dngos kun gyi// rang sems chos ni bsdus pa yin// chos bdag med pa'i sbyor ba yis// bsad na rang nyid 'chi bar 'gyur// rang gyi sems nyid rdzogs sangs rgyas// rtogs par bya ba sems nyid yin/ / rang gi sems nyid gsad bya ba// sems nyid kho na gsad par bya// sbyor ba nyid dang yang dag 'brel// gang yang srid pa 'byung ma yin// gang tshe sangs rgyas de tshe ni// sbyor lnga sangs rgyas bdag ces sgom// ting 'dzin ye shes las byung ba// sangs rgyas nyid phyir mdor bsdus pa// sangs rgyas rnal 'byor med par ni// rnal 'byor pa ni 'tshang mi rgya// phra mo'i dngos po ji bzhin mthong / / sdug pa'i dngos por de bzhin te// dngos dang dngos med khyad par ni// sgom pa kun du brtags pa yin// dngos po sgom pa'i dngos ma yin// bsgom par bya ba sgom pa min/

  4. 179b

    dngos po sgom par gyur pa yis// rang gi sems ni yongs su sbyang // sangs rgyas sangs rgyas yul ma yin// sems can yul du'ang mi 'gyur gyi// rang sems rtogs pas sangs rgyas te// sangs rgyas sangs rgyas rtogs pas min// gnyis med sbyor ba 'di la yang // ting nge 'dzin gyi ye shes brtag/ rgyu yi de nyid ji ltar mthong // 'bras bu'i de nyid de nyid yin// rgyu yi de nyid cung zad med// 'bras bu'i de nyid de bzhin no// de nyid de ni de bzhin shes// de nyid rnal 'byor pa kun spyod// rgyu yis rgyun ni dngos por min// 'bras bu'i dngos por 'bras bus min// rgyu de 'bras bu'i dngos por rung // rang gi sems ni so sor snang // ye shes de ni rgyu dngos te// gsang de 'bras bu'i dngos po yin// gsang ba gnyis med spyod pa yis// de yi dngos pos mchog yin no// de nyid de nyid rtogs gyur pa// gsang de gsang ba'i rnal 'byor pa/ / gsang ba de rig shes pa ste// mchog ni mchog gi rnal 'byor pa// sdug pa'i ngo bor gang bshad pa// mi sdug pa yang de yi dngos// sdug dang mi sdug gzugs gang yin// mi mthong de ni de bzhin gshegs// rnam shes tsam ni med pa ru// rnal 'byor rnal 'byor 'byung mi 'gyur// ji ltar ye shes mchog dag pa// de ltar dag pa de bzhin gshegs// rnam par shes pa rnam pa babazhi/ phyag rgya bzhi yi cho ga yis// gsang ba gnyis med sbyor ba yis// sku gsung thugs ni yang dag byang // thugs ni phyag rgya chen po ste// dam tshig phyag rgya kun tu 'gro// chos kyi phyag rgya

  5. 180a

    gsung gi ste/ las kyi phyag rgya sku yi yin// rgya yis rgyas btab dngos po ni// gsang bdag gsang ba'i rnal 'byor pa'o// rang rig pa yi ngo bo yis// ting 'dzin ye shes brtags pa yin/ / lus ngag sems su rnam rtags pa'i// bya ba rgyud du rnam brtags pa// gsang ba rnam pa gsum du bshad// rdo rje las can sna tshogs bzhin// sangs rgyas lnga yi bdag nyid ni/ gsang ba'i ye shes bla med yin// phyag rgya bzhi po gsang ba de// rnal 'byor pa yis las grub byed// 'byung ba chen po bzhi po yang // phyag rgya bzhi zhes bshad pa yin// phyag rgya bzhi yis mnyam sbyor ba/ lha mo bzhi dang yang dag sbyor// sa ni spyan zhes bshad pa yin// chu ni mA ma kI zhes bshad// me dang rlung zhes grags pa ni// gos dkar mo dang sgrol ma yin// dbang chen sa yi khams yin te/ / chu yi khams ni chu dkyil 'khor// me ni me yi khams yin te// rlung ni rlung gi dkyil 'khor ro// dbang chen kha dog ser po ste// gru bzhi pa ste rgyas pa yin// chu yi dkyil 'khor zlum po ste/ / dkar po'i mdog can zhi ba'i yin// me yi dkyil 'khor kha dog dmar// gru gsum dbang gi las rnams la'o// rlung gi dkyil 'khor gzhu yi dbyibs// nag po'i gdug pa'i las rnams la/ / 'byung ba che'i bdag las grub pa// las kyi dngos grub yon tan bzhi// las kyi dngos grub dngos grub mchog/ 'khor los sgyur ba rnam pa bzhi// zhi ba la ni spyan gyi tshul//

  6. 180b

    rgyas pa pad+ma'i rdo rje can// dbang la rnam par snang mdzad gnas// rdo rje khro bo mngon spyod la'o// zhi ba dgongs ka bya ba yin// de bzhin rgyas pa snga dro la// gdug pa'i las rnams nyi ma'i gung // dbang gi las ni mtshan phyed bya/ / zhi la dkar po sbyar bar bya// ser por snang ba rgyas pa la// dbang gi las la dmar po ste// gdug pa nag por rab tu sbyar// ting 'dzin ye shes las byung ba// las kyi sgrub pa dam pa yin/ / bcom ldan dag pa bsgom bya ste// sangs rgyas kun las mi g.yo gyur// b+ha ga'i dbus su gsang ba'i bdag/ rdo rje dbyings ni de bzhin gshegs// lnga yi bdag gyur bdag nyid ni/ / bsgoms na g.yo ba med par 'gyur// snying la gnas pa'i lha mo che// rnal 'byor pa yi rnal 'byor bskyed// sangs rgyas thams cad skyed mdzad yum// rdo rje dbyings kyi dbang mor bshad// 'dod chags zhe sdang gti mug ste// 'di dag 'jig rten dug gsum yin// sangs rgyas bcom ldan dug mi mnga'// rdo rje dbyings ni de bzhin gshegs// chags dang sdang dang rmongs pa rnams// bsgoms nas khams gsum pa yi bdag/ sangs rgyas bcom ldan 'das gyur te// sangs rgyas bden pas dug bcom mo// rang sems so sor rtogs pa yis// gti mug sems ni de bzhin gshegs// rmongs pa nyid ni 'jig rten gyur// sems can kun la blta bar bya// zhe sdang rnams ni de bzhin gshegs// phra mo'i ye shes yang dag bskyed// sdang gyur rdo rje nyid du gyur// sems can thams

  7. 181a

    cad gzhig par bya/ / 'dod chags sems ni de bzhin gshegs// byang chub sems ni yang dag bskyed// chags gyur bzang po nyid gyur pa// sangs rgyas thams cad chags par bya/ / byams pa'i sems ni de bzhin gshegs// nga rgyal yang dag bskyed nas ni// mdza' bor gyur cing kun nyid gyur// sangs rgyas kun la 'khyud par bya// chags pa'i lta bas byams pa ste/ / thugs rje'i chos ni smra ba dang // kun la mi 'jigs sbyin pa dang // sangs rgyas thams cad mnyes bya'o// rnal 'byor sbyin las rab dga' ste// tshul khrims ldan las dri med 'gyur/ / bzod pa las ni 'od byed pa// brtson las 'od 'phro can dang ldan// bsam gtam las ni sbyang dka' ba// shes rab kyis ni mngon gyur mthong // thabs chen las ni ring // / du song / stobs dang ldan las mi g.yo 'gyur// smon lam gyis ni legs blo ldan// ye shes ldan las chos kyi sprin// rgyal ba de bzhin gshegs pa ni// rang rig bdag nyid bcu gcig 'gyur/ / pha rol phyin pa bcu rnams dang // stobs dang dbang ni rdzogs gyur cing // sa bcu las ni 'das gyur pa// mtshan ma brtan gyur de las ni// rdo rje chu ni rdzogs sangs rgyas// chos kyi bdud rtsi bcud len yin/ / sangs rgyas kun gyi mtha' yas pa// gzung dang 'dzin pa spangs pa yin// chos kyi bdud rtsi bcud kyis len// rdo rje'i chu ni ngag 'thungs pas// rdo rje slob dpon rnal 'byor pa//

  8. 181b

    gdod nas dag par de tshe 'gyur// gdod nas dag par gnas gyur pa// de nas byang chub sems su 'gyur// byang chub sems kyi bdag can 'gyur// byang chub sems dpa' de bzhin gshegs// rnam par grol ba'i ras kyis g.yogs// byang chub sems ni bla na med// yang dag bskyed gyur rnal 'byor pa// rdo rje sems dpa' snying la 'dug/ sems can khams ni mtha' yas pa'i// mar gyur dam tshig 'dzin byed pa/ / rdo rje dam tshig gis spyad na// rtag tu dam tshig gnas par gyur// khams gsum lam ni nyams dga' bar// bud med ces bshad ji snyed pa// cho ga bzhin du kun spyod cing / / thugs kyi rdo rje smad mi bya// rdo rje gsum gyi sku la gnas// dam tshig phyag rgya ji snyed pa// rdo rje dam tshig gsum gyis bya// gsung gi rdo rje smad mi bya// rdo rje sems dpa' las byung ba'i/ / phyag rgya kun ni bud med bzang // de rnams sten pa'i rnal 'byor pa// phyag rgya thams cad dbang du 'gyur// 'jig rten khams ni thams cad na// bud med ces bya ji snyed pa// phyag rgya chen po sbyor ba yis/ / de dag kun la nye bar spyad// gsang ba mchog gi rnal 'byor pa// ting 'dzin ye shes dam pa yin// gal te dngos grub mchog 'dod na// nga rgyal ma yin hUM ma yin// rig pa ma yin sngags rig min/ / lag pa'i phyag rgya'ang mi bca' 'o// mchod rten gyi ni las mi bya// glegs bam dag kyang bklag mi bya// dkyil 'khor dag ni mi bya zhing // rdo rje mchog gsum

  9. 182a

    phyag mi btsal/ / slob dpon snad par mi b+ha ste/ tha ma sangs rgyas kun dang mnyam// khyod kyis srog chags gsad par bya// brdzun gyi tshig kyang smra bar bya// khyod kyis ma byin blang bya zhing / / gzhan gyi bud med bsten par bya// sbyin sreg yang na bsam gtan min// lus ngag yid ni mi phyed pa// gzhan min sems kyis bya ba ste// 'di ni gsang pa'i mchog yin no/ / sngags rnams thams cad rab tu 'grub// rnal 'byor kun kyang rnam kun tu// de bas 'bad pa thams cad kyis// sangs rgyas chos nyid bsgom par bya// ma 'dres chos ni bco brgyad po/ sangs rgyas chos zhes bshad pa yin// de rnams rtag tu sgom pa ni// sangs rgyas chos ni sgrub byed yin// bsam gtan bzhi dang gzugs med bzhi// rtag tu thob par byas pa dang // 'gog pa'i snyoms 'jug de yis ni// sangs rgyas byang chub rab tu bsgrub// byang chub phyogs ni sum cu bdun// chos su yang dag bshad pa gang // de rnams bsgoms pas dag pa dang / byang chub sems dpa' 'gro phan yin// 'gro ba rnams la spro ba'i sems// brtan zhing snying po rab bsgoms pa// stong pa'i de nyid las byung ba// rdo rje ye shes zhes bya ba shad// chos bdag med las yang dag byung / / gnyis med ye shes dam pa ste// chos nyid mchog gi ye shes ni// chos kyi dbyings zhes yang dag bshad// 'di ni chos dbyings ye shes te// rdo rje lta bu'i ting

  10. 182b

    'dzin skyes/ / rdo rje ye shes rang bzhin sems// rdo rje dbyings zhes bya bar bshad// sems kyi spro ba'i sbyor ba yis// phra mo'i ye shes sogs sbyor ba// de bzhin gshegs kun ye shes ni/ rnam par snang mdzad ces byar bshad// byams pa spro bar sbyor ba yis// sbyor ba spyod par byed pa'i mchog/ zag med brtan par gyur pa yis// thugs ni mi bskyod pa zhes bshad thugs rje spro ba'i tshul gyis ni/ / sems can phan 'dogs mdzad pa po// thugs ni 'gro don yang dag ldan// rin chen 'byung ldan zhes bshad do// dga' bas spro ba'i sbyor ba yis// theg chen mchog ni dri ma med// thugs ni 'od gsal dag pa ni// 'od dpag med ces de bshad do// btang snyoms spro bar mdzad pa'i shugs// sems can thams cad rtogs mdzad pa/ / don yod bla med bya ba ni// don yod grub par de bshad do// byang chub rang bzhin ye shes mchog/ de 'dir rdo rje zhes bzhad de// rdo rje ye shes las byung ba// rdo rje sems dpa' de bshad do/ / sangs rgyas thams cad spyan 'dren pa// rdo rje lcags kyu zhes bshad de// rdo rje'i rigs rnams kun gyi rgyal// rdo rje rgyal por de bshad do// sangs rgyas thams cad chags byed pas/ mnyes par byed pa zhes bshad de// bdud kyi sbyor ba chags pa che// rdo rje chags par de bshad do// sangs rgyas thams cad mnyes byed cing // legs so zhes pa rab sogs

  11. 183a

    pa/ byang chub sems dpa' dga' byed pas// rdo rje legs par de bshad do// byang chub sems dpa'i sbyin pa gang // mkha' mnyam rdo rje las byung ba// don yod rin chen chen po de/ / rdo rje rin chen de bshad do// ma rig bral ba'i ye shes ni// tshogs dag las ni nges par byang // thar pa'i snang ba gzi brjid che// rdo rje nyi mar de bshad do// rnam pa kun gyi dngos ye shes/ / thar pa'i lam 'jug thob mdzad gang // chos kyi rgyal mtshan tog chen po// rdo rje dpal du de bshad do// rdo rje bzhad pa rnal 'byor che// sangs rgyas kun+da 'byung rmad byung ba/ 'di ni byang chub sems dpa' che// rdo rje bzhad par de bshad do// sangs rgyas kun gyi rgyal 'byor ni// seM sa rgyas chos ni rtogs mdzad pa// de badzin gshegs pa'i chos dag chos gang / / shes rab rnon po theg pa ni// nyon mongs thams cad sa gcing mdzad// shes pa'i sgrib pa gcod pa po// rdo rnon por da ba shad do// rangs rgyas rim ma'i la chos kyi 'khod mo btsar bas/ / sems dpa rkyen po theg pan// rdon mnas de bgad do// shes rab she nga bzhin da// byasrang gim+b+ha nAMnam paR+sha ny+dzas// 'jam pa'i gi bdag nyid gyur/ / rdo tshwab bshad do// pha rol phyin pa kun gyi zhabs// chos rnams thams cad rtogs mdzad pa// sems can kun don sprul pa'o// rdo rjelas zhes bya bar bgad

  12. 183b

    sangs rgyas rjes dran yang dag grub/ / theg pa dman pa rnam spangs shing // byang chub sems la rab zhugs pa// rdo rje srung bar de bshad do// sdig pa thams cad zang byed cing // de bzhin nyon mongs rnams sreg la/ / nyon mongs zad pa nyer len pas// rdo rje'i gnod sbyin de bshad do// sku gsung thugs kyi rdo rje rnams// bcing ba ru ni yang dag gyur// de nyid de nyid ye shes te// rdo rje khu tshur zhes bshad do/ / dam tshig phyag rgya thams cad ni// rdo rje bsdams las yang dag byung // rdo rje khu tshur gnyis gyur pa// las kyi phyag rgya zhes bshad do// nga rgyal med cing snang ba med// mtshan ma med cing zhen pa med/ / bdag med mnyam nyid ye shes ni// rdo rje sems dpa' zhes byar bshad// gsang ba'i mnyam par 'byor pa 'dir// ye shes pha rol phyin dge ba// rnam pa bcu gnyis yang dag byung // rdo rje pha rol phyin pa'i 'od// byang chub sems ni rab bsgoms pas// pha rol sangs rgyas nyid son pa'i// pha rol phyin thob ye shes ni// rdo rje sems mar bshad pa yin// bsdu ba'i dngos po bzhi rnams ni/ / shes rab pha rol phyin rdo rje// chos bzhi gcig tu gyur pa ni// rdo rje rin chen mar bshad do// gsang ba'i ye shes ye shes che// de nyid pha rol phyin dge ba// pha rol phyin pa rtse las byung / / rdo rje chos mar shes par bya// pha rol phyin pa'i dge ba ni// sbyor ba'i thabs su rab bstan pa// rdo rje las mar shes par bya// gang phyir de ni rol pa dge/ sgeg mo sbyin pa'i pha rol

  13. 184a

    phyin/ tshul khrims pha rol phyin dge bas// brgyan pa'i yan lag yid 'ong yin// glu ma bzod pa'i pha rol phyin// ched du brjod pa'i chos brjod pa'o// gar ma brtson 'grus pha rol phyin/ / myur du sangs rgyas nyid ster ba'o// bdug pa shes rab pha rol phyin// kun tu khyab par spros phyir ro// me tog bsam gtan pha rol phyin// 'dod pa'i 'dam gyis ma gos pa'o// mar me smon lam pha rol phyin// phyogs kun snang bar byed pa yin// dri ni thabs kyi pha rol phyin// dri ngan thur sel dge ba yin// sangs rgyas kun gyi thabs chen po// dbye ba rnam pa bzhi yis gnas// thams cad 'dod pa'i thabs chen po// rdo rje lcags kyu zhes bshad do// byang chub smad pa spyod byed pa// rdo rje zhags pa zhes bshad do// theg pa 'di la brten gyur gang // rdo rje lcags sgrog ces bshad do/ / chos rnams thams cad ma skyes shing // gdod nas zhi ba mkha' dang mnyam// de lha'i tshig ni rab 'jug pas// rdo rje dril bu zhes bshad do// tshogs gnyis kyi ni sbyor ba yis// sems can kun gyi don ston pa'i/ / sems ni rang bzhin gyis 'od gsal// zla ba'i dkyil 'khor yin par bshad// yang dag rdo rje rtogs pa ste// 'dzin pa'i sbyor nyid lcags kyu yin// phra bar 'bigs pa mda' zhes bya/ dgyes pas legs so zhes bya ba// spros pas rin po che ru bshad// gzi brjid ces bya nyi ma yin// sgreng bas tog tu bshad pa ste// rnam par 'byed pas bzhad par bshad// 'dod chags

  14. 184b

    dag pa pad+ma yin/ / nyon mongs dgra bcom ral gri ste// dkyil 'khor sbyor bas 'khor lo yin// gang gis brjod pas smra bar bshad// kun nyid sna tshogs rdo rje yin// gzhig dka'i sbyor ba go cha yin/ 'jigs pa'i spyod pas mche ba ste// phyag rgya'i sbyor nyid bcing ba yin// dkyil 'khor du ni gang bshad pa// yid kyi dkyil 'khor dam pa yin// gzhal yas khang ni ye shes te// sems kyi brtsegs pa sgreng ba yin/ / phyi yi gru bzhi pa gang yin// tshad kyis mnyam pa nyid gyur pa// byams pa la sogs sems gang yin// thig bzhi zhes ni bshad pa yin// chos kyi sbyor ba rjes dran nyid// gang de rdo rje thig tu bshad/ / lta ba kun las rnam grol ba// ye shes thig tu bshad pa yin// tshul khrims tshogs kyi dam pa ni// gang zhig rgyan du bshad pa yin// dad dbang la sogs sems gang yin// rab lngar ni yang dag byung // rnam par thar pa bzhi po ni// sgo rnams su ni yang dag bshad// yang dag spong ba bzhi po ni// rta babs rnams dang ka bar byung // dran pa nyer gzhag bzhi po ni// khyams rnams bzhi por shes par bya/ / rdzu 'phrul rkang pa bzhi po ni// de ni sgo khyud rnam bzhi yin// byang chub yan lag bdun po ni// 'phreng ba me tog chun brgyan pa// 'phags lam yan lag brgyad po ni// ka ba brgyad ces bya bar bshad/ / sgrib pa gnyis las rnam grol zhing // ting 'dzin ye shes kyis brtags pa// lam gyi ye shes khyad par rnams// rnga yab ces ni yang dag bshad// nyon mongs thams cad nges gcod cing //

  15. 185a

    nyon mongs 'phrog pas dra ba ste// yang dag gcod cing spong ba nyid// sel ba'i spong ba la gnas pa// tshogs gnyis kyi ni sbyor ba nyid// nyon mongs pa yi phyed 'phrog pa// dra ba phyed ces bya bar bshad/ / rang bzhin 'od gsal gang yin de// byang chub sems ni bla med yin// sems ni don kun skyed byed pa// zla ba'i dkyil 'khor yin par bshad// shes rab ye shes rang bzhin dag/ rdo rje lta bu'i ting 'dzin skyes/ / thar pa'i snang ba gzi brjid che// nyi ma'i dkyil 'khor yin par bshad// tshon rtsi lngar ni yang dag ces// lta ba lnga yi me tog yin// ye shes lnga yi nges sbyor nyid// sangs rgyas lnga zhes yang dag bshad/ / nam mkha' bzhin du bdag med pa'i// rnam shes ye shes dam pa yin// ye shes de yi rgyan bshad pa// chags pa'i sems zhes bya bar bshad// chags bral las ni byang chub 'byung // chags pa'i sems las gzhan yin no// de bas chags dang chags bral ba// byang chub sems zhes yang dag bshad// 'jig rten chags dang bral bas 'dul// phyag rgya'i dngos grub chags las byung // der ni thabs kyi sgom pa dag/ dngos grub thams cad ster ba yin// ji ltar 'jig rten 'dul 'gyur ba// de ltar rnal 'byor pa yis spyad// ji ltar gdul bya dag gyur pa// zhen pa kun tu mchod par 'gyur// mtshan nyid gang zhig yang dag bshad// mtshan nyid des ni mtshon par 'gyur// sku gsung thugs kyi phyag rgya yis// rgyas btab ye shes yin par bshad// phyag rgya bsgoms pas rnal 'byor pa// rtag

  16. 185b

    tu phyag rgya'i bdag can 'gyur/ / rgyas btab dngos po shes nas ni// bsgoms na phyag rgyas btab par 'gyur// mtshan dang mtshan nyid 'brel ba ni// shes nas rnal 'byor yang dag spyod// ji ltar mtshan nyid yang dag grub/ / de bzhin dag pa myur du 'grub// g.yas pa'i cha yi mtshan ma ni// shes rab can ni rab tu bstan// g.yon gyi mtshan ma ji ltar mthong // de yis thugs rje mtshon pa yin// phyag ni gnyis ka'i mnyam sbyor las// ting 'dzin gnyis su bshad pa yin// zhabs gnyis kyi ni mtshan ma yis// tshogs gnyis dag ni bstan pa yin// sor mo lnga yi mnyam sbyor las// dkyil 'khor lnga yis brgyan pa yin/ sangs rgyas lnga yi mngon byang chub// rim pa bzhin du bstan bya ste// gang zhig gung mo ston pa ni// nam mkha' las ni byung ba mtshon// gang zhig mdzub mo ston pa ni/ / des ni dbang chen dkyil 'khor yin// srin lag tu ni yang dag bshad// chu yi dkyil 'khor zhes bshad do// gang zhig mthe bong ston pa ni// de yis me ni mtshon pa yin// gang zhig mthu'u chung ston pa ni/ / rlung gi dkyil 'khor nyid du 'gyur// gang zhig lte ba ston pa ni// rdo rje dbyings kyi dbang phyug bshad// gang zhig snying kha ston pa ni// rdo rje sems mar rjes su dpag/ gang zhig smin mtshams ston pa ni/ / rdorje rin chen ma zhes bya// gang zhig lkog ma ston pa ni// rdo rje chos mar shes par bya// gang zhig spyi bo ston pa ni// rdo rje las mar shes par bya// byang chub lngar mngon byang

  17. 186a

    chub pa'am/ / yang ni ye shes lnga rnams sam// sangs rgyas lnga dang yang dag ldan// dkyil 'khor byang chub yin par bstan// sngon gyi sgrar ni ji skad bshad// mdun du de ni rab tu bstan/ / rgyab kyi slar ni ji ltar bshad// phyi mar de ni yang dag bstan// gang du thog ma'i sgrar gyur pa// de ni rgyu yi sgra ru bstan// gang zhig tha ma'i slar gyur pa// 'dir ni 'bras bur yang ngag bstan/ / sangs rgyas bcom ldan gnyis mi mnga'// rgyu dang 'bras bur ldan 'gyur min// gang phyir thog ma tha ma med// de phyir rtag pa zhes bshad do// rang sems rtogs pas sangs rgyas te// rtog par bya ba'ang sems nyid yin/ / sangs rgyas zhing zhes bshad pa dang // byang chub semasu shes par bya// rang bzhin dag pa'i sems can ni// kun tu rig par yang dag bshad// sems can rang bzhin dag pa ni/ / byang chub sems su shes par bya// dang por gyur pa snying khar rde bas// brtan pa nyid du'ang rang nyid 'gyur// sgra 'dzin pa ni ral pa'i dbus// 'od dpag med du mnyam gzhag yin// tsum+ba nar ni rjes bshad pa// de bzhin gshegs pa rdo rje gsung // dbang por gnyis ni mnyam sbyor ba// rnam par snang mdzad ces bshad do// bu mo lo grangs bcu gnyis par// skyes mchog thub pas gang gsungs pa/ / pha rol phyin pa bcu gnyis su// gsungs kyi gzhan du mi brtag go// bu mo lo grangs bcu drug par// de bzhin gshegs pas gang gsungs pa// rdo rje sems sogs sems

  18. 186b

    dpa' yi/ / sgom pa'i don gyi sgra yin no// lha mo lo grangs nyi shu par// 'khor los gyur bas ji skad gsungs// mchod pa nyi shu'i bdag nyid can// nyi shu po dang rim bzhin no// rang gi chung ma rang gi las/ / byung ba'i rang rig yin par bshad// gzhan gyi chung mar gang bstan pa// gzhan sdug gzhan gyi rig pa yin// gci dang rdo rje zhes bshad pa// rdo rje ye shes bla med yin// bshang dang pad+ma zhes bshad pa// chos kyi ye shes rnyog med yin// yongs su gsal bar rnam shes pa// dkyil 'khor thugs kyi dam pa yin// sku gsung thugs kyi spyod pa yis// 'bad pa yis ni mchod byed pa/ / rang gi rdo rje pad+mar ldan// dbang po gnyis las byung ba yi// rang gi khu ba thig le yis// rdo rje sems dpa' mchod par bya// tshogs gnyis kyi ni sbyor ba yis// sangs rgyas thams cad gcig bsdus pa/ / gnyis med gnyis nyid la brten pa// thugs rje nyams dang yang dag ldan// dbang po gnyis kyi mnyam sbyor bas// rang gyi khu ba mkhas pa yis// rnal 'byor chen po byung nas ni/ / dkyil 'khor yang dag byin gyis brlab// dgod dam rab tu smra ba 'am// sangs rgyas rol mo'i gar byed pa// lha mo bzhi yi mnyam sbyor bas// rgyu dang mi rgyu rnams kyis rol// gsar zhing legs par bsgril ba dang / / tshad dang ldan zhing mdzes pa yis// shes rab can gyis thig gdab pa// sku gsung thugs ni bsgoms pas so// zur bzhi pa la sgo bzhi pa// rta babs bzhis ni mdze/

  19. 187a

    byas la/ thig bzhi dang ni yang dag ldan// dar dang me tog 'phreng bas brgyan// grwa yi mtshams ni thams cad dang // sgo khyud kyi ni nang rnams su// rdo rje rin chen smras pas ni// phyi yi dkyil 'khor thig gdab po// rdo rje'i thig gis yongs bskor cing // ka ba brgyad kyis nye bar mdzes// ka ba brgyad kyi nang gnas pa'i// dkyil 'khor brgyad par bsnun pa dang // mA yi dkyil 'khor dor bar ni/ / rdo rje lha mo'i tshogs kyis mchod// 'khor lo lnga dang yang dag ldan// dkyil 'khor lnga yis rnam par brgyan// dra ba dra phyed kyis brgyan cing // rnga yab kyis ni nyer spras pa// khru ni bcu gnyis bya ba 'am/ / khru bcu drug tu rab tu brtags// yang na khru ni nyi shu tsam// nyi shu lnga dang ldan pa yis// khru ni nyi shu lnga pa yis// dkyil 'khor yang dag byin gyis brlab// sgo rnams kyi ni dbus ma'i cha/ / cha dgu ru ni rnam dbye ba// dkyil 'khor sgo ru bsams nas ni// sgo khrung dang ni bya ba yin// sgo khyud dkyil 'khor rnam pa ni// snying po'i dkyil 'khor dang mnyam par// dgu cha ru ni rnam bgos te// grA yi dkyil 'khor dor bar bya/ / tha mar khyams dang ldan pa yi// dkyil 'khor lngas ni brgyan pa dang // kha dog lnga dang yang dag ldan// gru bzhi par ni brtag par bya// lta ba lnga po bgrod dka' che// kha dog lnga yi de bzhin gshegs/ / sangs rgyas lnga dang mnyam sbyor bas// sa ni tshon gyis rab tu bsgyur// dkyil 'khor lnga yi dbus su ni// sangs rgyas lnga ni dgod par bya// kha dog lnga dang ting 'dzin gyis//

  20. 187b

    'dod pa'i yon tan lnga yis khyab// shel dang zla ba'i 'od 'dra zhing // sangs rgyas thams cad gcig bsdus pa// de bzhin gshegs pa rnam snang mdzad// dpa' bo'i lta ba de bzhin gshegs// ir+d+ha nI la'i 'od 'dra zhing / / rdo rje thams cad gcig bsdus pa// mi bskyod ye shes las byung ba// rdo rje'i lta ba de bzhin gshegs// 'dzam bu'i gser gyi 'od 'dra zhing // sangs rgyas thams cad gcig bsdus pa/ sems can kun gyi don du byung // 'bar ba'i lta ba de bzhin gshegs// dpa' bo chen po pad+ma 'dra// pad+ma rA ga'i nor bu'i 'od// chos kyi ye shes las byung ba// chags pa'i lta ba de bzhin gshegs margad kyi ni 'od 'dra zhing / / sangs rgyas thams cad gcig bsdus pa// sangs rgyas kun gcig las byung ba// byams pa'i lta ba de bzhin gshegs// dbus ma'i sa yi gzhi dag pa// nor bu chu shel mdog 'dra ba/ / shar phyogs nyid du sngon po che// lho ru ser po yang dag ldan// nub phyogs der ni dmar po ste// byang du ljang dang yang dag ldan// kun tu khyams dang ldan pa la// sgor ni khyams dang bral ba'o// gang zhig dbus mas yang dag bshad// sangs rgyas ye shes bla med yin// gzhan dag don kun yang dag ldan// ting 'dzin ye shes dam pa yin// nam mkha'i dbyings kyi dbus gnas par// zla ba'i dkyil 'khor dam pa bsam/ / sangs rgyas sku ni rnam bsgoms la// spyan ni dbus su bsam par bya// bzhin bzang spyan ni yangs pa dang // nor bu chu shel mdog 'dra la// mtshan rnams thams cad yod

  21. 188a

    su rdzogs/ bud med sgyu ma'i mchog 'dzin pa// phyag tu 'khor lo bsgom bya ste// khams gsum pa ni dbang byed pa// dngos kun grub byed ye shes ni// 'khor lo yid bzhin nor bu'i mdog/ nam mkha'i rdo rje dbus chud par// zla ba'i dkyil 'khor dam pa bsam// sangs rgyas sku ni rnam bsgoms la// nam mkha'i rdo rje mchog sgom mo// zhal mdzes spyan ni yangs pa dang / ut+pal sngon po'i 'dab ma'i mdog/ mtshan rnams thams cad yang dag rdzogs// nam mkha'i sgyu ma'i mchog bsam mo// phyag tu ut+pal sngon dmar te// khams gsum pas ni phyag byas pa/ sangs rgyas byang chub byed pa'i mchog/ gsang ba'i dngos grub rdo rje can// nam mkha' rdo rje'i dbus chud par// zla ba'i dkyil dam pa bsam// sangs rgyas sku ni rnams bsgoms la// rdo rje chos mar rnam par bsam/ / mdzes pa'i zhal la spyan yangs pa// pad+ma rA ga lta bu'i mdog/ sku mdog dmar po yang dag byung // chags pa'i pad+ma 'dzin sdug pa// mtshan rnams thams cad yang dag rdzogs/ / rgyan rnams kun gyis rnam por brgyan// phyag tu ut+pal dmar po ni// sangs rgyas thams cad rab bsgoms pa'o// chos kyi ye shes byed pa mchog/ gsang ba dam tshig rdo rje can/ / mkha' dbyings rdo rje'i bus chud par// zla ba'i dkyil 'khor dam pa bsam// sangs rgyas gzugs ni rnam bsgoms la// sgrol ma mchog ni bsam par bya// zhal mdzes spyan ni

  22. 188b

    yangs pa dang / / sna tshogs rgyan gyis rab tu brgyan// kha dog ser po nyid bsam zhing // bud med sgyu ma'i dregs bdo ba// phyag tu ut+pal dam pa ni// ser po snang ba bsgom par bya// / rdo rje nyid 'dzin las byung ba// sems can kun gyis phyag byas pa'o// oM ru ru s+phu ru dz+wA la tiSh+Tha sid+d+ha lo tsa ne sarba at+ma sA d+hA ni swAhA// oM shaM ka re shAn+tiM ka re g+huD+D+h+ya g+huT Ti ni g+hA ta ya g+hA ta ya g+hu Ta Ti ni swAhA/ oM ka Te bi ka Te nI ka Te ka TaM ka Te swAhA/ oM tA re tut+tA re tu re swA hA/ rig pa'i lha mo bzhi'o// sku ni lus kyi ngo bo yis// thugs ni sems kyi rnam pa nyid// gsung ni ngag gi rnam pa yis/ / mchod na mchod pa'i bdag nyid 'gyur// sku gsung thugs kyi gsang ba ni// mkhas pa yis ni bsrung bya ste// bsrungs na mchog tu gsang ba ni// rtag par kun tu 'byung bar 'gyur// dngos po yongs su dag pa ni// med pas kun tu brtag mi 'byung // rnal 'byor pa yis rnal 'byor thob// tshogs med yang dag mi mthong ngo // de bas gsang ba'i ye shes 'byung // rnal 'byor kun tu 'byung bar 'gyur/ / shes rab pha rol phyin pa'i thabs// ting 'dzin ye shes brtags pa yin// chos rnams thams cad rnam dag pa// dag pa nyid du gyur pa ni// ji ltar lha yi nor bu ni// rang gi 'od kyis rtag tu snang // srid pa yongs su dag pa yang // rnal 'byor rnal 'byor thob byed yin// rdo rje dbyings ni gsang chen du// gang zhig dbang bskur mkhas pa la// thugs kyi gsang ba'i

  23. 189a

    rnal 'byor mchog/ mkhas pas de la bshad par bya// thams cad gsung ba zhes bya ba'i rgyud kyi rgyal po rdzogs so// / rgya gar gyi mkhan po padz+ra kAr barma dang / zhu chen gyi lo tsa ba dge slong rin chen bzang pos bsgyur cing zhus te gtan la phab pa'o// rgya gar skad du/ tre lo kya bi dzA ya mahA kalpa rA dza/ bod skad du/ 'jig rten gsum las rnam par rgyal ba rtog pa'i rgyal po chen po/ dpal rdo rje sems dpa' la phyag 'tshal lo// 'di skad bdag gis thos pa dus gcig na/ bcom ldan 'das ri rab ri'i rtse mo na rdo rje dang nor bu rin po che'i rtse mo'i khang pa brtsegs pa na// byang chub sems dpa' bye ba phrag du ma dang / lha dang / klu dang / gnod sbyin dang / dri za dang / 'am ci dang / 'byung po dang / sha za dang / brjed byed dang / ma mo rnams dang / bltar rung ba dang / bltar mi rung ba dum sangs rgyas kyi bstan pa la mngon par dad pa rnams dang thabs cig tu bzhugs de nas bcom ldan 'das phyag na rdo rje byang chub sems dpa' chen po nam mkha'i dkyil nas babs te/ bcom ldan 'das kyi zhabs gnyis la spyi bos phyag 'tshal nas/ bcom ldan 'das la lan gsum bskor ba byas nas 'di skad ces gsol to/ / yang bcom ldan 'das bdag gis lha chen po la sogs pa sems can ma rungs pa de dag la dam tshig 'dzin du stsal bar 'tshal

Colophon

thams cad gsang ba zhes bya ba'i rgyud kyi rgyal po rdzogs so/ /rgya gar gyi mkhan po pad+ma kA barma dang/ zhu chen gyi lo tsa ba dge slong rin chen bzang pos bsgyur cing zhus te gtan la phab pa'o