F297MW1KG13607_0297mdo sdeAll versions of this work

'phags pa rnga bo che chen po'i le'u zhes bya ba theg pa chen po'i mdo

Āryamahāberiharakaranamamahāyanasutra

Text

ff. 259a–324a · 121 folio sides

  1. 259a

    bu grong 'di nye'o zhes de ltar bu'i tshig smras pa de bzhin du/ sangs rgyas bcom ldan 'das 'gro ba rjes su srung ba rnams dge slong lnga brgya tsam dang thabs cig go zhes bya ba yin nam zhe na/ de dag la smras pa/ de dag la smras pa/ dge slong dag chos kyi gtam 'di ni lan gsum du bzlas pa yin te/ de bas na dge slong lnga brgya tsam zhes bya ba de dag ni skyes bu'i gtso bo rnams yin par bya ste don gzhan ni ma yin no// dper na khyu mchog re re la yang ba lang gi tshogs yod pa bzhin du skyes su'i gtso bo la slob ma brgya yod de/ re re yang slob ma lnga brgya yod do// de bas na nyan thos chen po lnga brgya tsam zhes bya ba ste/ 'di lta ste/ 'od bsrung chen po dang de bzhin du kun dga' bo la sogs pa nyan thos chen po lnga brgya tsam po thams cad kyang dgra bcom pa zag pa zad pa/ nyon mongs pa dbang po gyur pa/ nyon mongs pa dbang / bo gyur pa/ glang po chen po cang shes pa/ sems shin du rnam par grol ba/ bya ba byas pa/ khur bor ba/ rang gi don rjes su thob pa/ srid pa kun tu sbyor ba yongs su zad pa yang dag pa'i shes pas sems shin tu rnam par grol ba/ sems kyi dbang thams cad kyi dam pa'i pha rol tu phyin pa rjes su thob pa/ mi slob pa rnams dang / slob kha rgyun tu zhugs pa dang / lan cig phyir 'ong ba dang / phyir mi 'ong ba'i 'bras bu gnas pa la sogs pa/ dpag tu med pa rnams dang / zab pa'i chos can gyi/

  2. 259b

    skyes bu dam par 'gyur bas legs 'don min 'di ni bdag nyid bag med cing byas ste/ de bas bstan la bag med mchog yin no// nor ni dgra dang chom rkun sogs mang dang / rgyal po chu dang me dang mdza' bshes dang / nye du mi 'dza' bgo skal spyod mang gis/ sdig pa spyad pa'i yis ni zad par 'gyur/ rang dang gri longs spyod dag la yang / sprod par byed pa'i skyes bu rnams kyi nor// spyod pa nyid dang gnod pa gzhan gyis kyang / zad par mi 'gyur shes bya dam chos phyir// 'dir zad byas mchog pa rol mi 'gyur// 'jig rten 'dir 'phel 'jig rten pha rol tu/ zad par mi 'gyur kha dog mthur bcas byed mthong na thams cad dga' zhing rnyed pa dang / mdog dang grags pa rab tu gsal bar 'gyur// de'i phyogs rnams nyams par mi 'gyur zhing // de'i bran pho bran mo las byed dang / las kyi mtha' rnams nyam par mi 'gyur te/ de la thob mo rtsed dang 'gyed med cing // de ni nam yang gnod sems med mchog 'chog 'thob/ sprin la dga' ba'i skye bo 'jig rten du/ de la sogs pa'i yon tan 'thob 'gyur bas/ de lta bas na rtag tu chos 'dod pa/ sangs rgyas rnams lhan cig phrad par 'gyur// lus dang srog la mi lta lhag bar gtong / mi'i mi mchog de ni lag stong yin/ sems can kun la rjes su snying brtse bas/ bu bzhin mthong na sdug cing rigs par ldan/ bsam gtan bag ye

  3. 265a

    thos dpag tu med/ khyim na gnas pa'i shes rab can gyis ni/ rtag tu de ltar bya dgos de dag gi/ dpe ni de 'dra mang du pho pa yod/ yang de'i tshe de'i dus na dge snyen ma ci 'dra ba dag cig 'dug ces na/ ji tsam khab ma langs pa de tsam nas/ rang gi phyag ma blangs te/ rang gi nyen kor 'phyag cing / ba'i lci ba'i byug pas sa bzhi byugs pas sa rgyan gyis mdzes par byed legs par bya ba byed pa yin/ des der bsod snyoms pa rab tu mang po 'ongs par shes na rang gi lag gis bza' ba dang / btung ba gya nom pa legs par rgyun tu stobs par byed cing de dag dang bdag grong rdal lam grong khyer ram/ grong dag tu yang phrad cing 'grogs par gyur cig/ bdag nam yang yul mtha' 'khob du skye ba dang / dge ba'i bshes gnyen dang / skol bar dus stong bzhin byed par ma gyur cig/ bdag sbyin pa dang tshul khrims sprod pa dang / datho nyan pa dang bdag chom kyi gtam la rtag tu spod par gyur cig ces de lta bu'i yon tan phun sum tshogs pa'i sring mo dge snyen ma yid rnam par dag par ste/ de lta bu'i dge bsnyen ma'i yon tan dag yin no// de la dge slong ma ci 'dra ba dag cig ce na dul ba/ zhi ba bag tsha ba med pa zag pa zad pa/ ma ma'i lus 'dzin pa dang / tsan dan gyi snying po 'dra ba'i 'khor dag go// de la byang chub sems dpa' sems dpa' chen po ci 'dra ba dag cig ce na/ thams cad kyang de bzhin gshegs pa

  4. 265b

    chos 'dod pa dang / thams cad kyang de bzhin gshegs pa'i snying po'i mdo sde 'dzin pa thams cad kyang de bzhin gshegs pa'i snying po phan pa ston pa/ thams cad kyang sangs/ rgyas rtag pa nyid 'dod pa thams cad kyang dgongs pa'i tshig la byang ba thams cad kyang de'i ba'i don gyi mdo sde ston pa// srung thub pa thams cad kyang tshul khrims 'chal pa rnams tshar gcod cing phan 'dogs par zhugs pa/ nges pa rnams mchog tu gus pa/ theg pa chen po la dad pa chen thob pa/ nyan thos dang rang sangs rgyas kyi theg pa la yang mtshan du mi 'dzin pa/ 'ang 'di lta bu'i mdo sde rgyan chen po mchog bor nas mdo sde gzhan mi sgrogs pa'i shes rab can/ gang du sangs rgyas rtag pa de bzhin gshegs pa'i snying po// yod do// zhes bstan pa gzhan yang sgrogs shing mi spong ba/ brtan pa 'jig tshogs la lta bas/ stong pas stong pa nyid ma yin gyi/ 'dus byas thams cad rang bzhin gyis stong pa/ ther zug mchog gi gzhi de 'dod pa/ de lta bu'i logs pa'i yon tan la brtan pa dag ste/ yon tan lhags ma ni bsam gyis mi khyab po// 'od srung de khyed kyis lan gnyis du yang 'khor sol cig/ de nas gnas brtan 'od srung chen pos lan gsum gyi bar du yang bltas/ shi brtags te bsal na sbun pa lta bu'i skyes bu lhag ma'i 'khor dag yod par 'gyur te/ yang lan gsum gyi bar bsal bas bsal ba na/ skyes bu skrun pa lta bu ma yin pa sha stag tu gyur to//

  5. 266a

    de nas bcom ldan 'das kyis gnas bstan 'od srung chen po la bka' stsal pa/ 'od srung du 'khor 'di dag dag pa snying bar gyur pa yin mod// yang bcom ldan 'das kyis bka' stsal pa/ 'od srung 'khor 'di legs par sbyangs pa legs so// gsol ba bcom ldan 'das ji ltar 'khor yongs su spangs pa lag/ ston ka'i zla ba nya ba rnam par dag pa bzhin ni/ 'od srung dper na rtsis mkhan nam/ rtsis mkhan nam gyi slob mas sngon gyi sdom pas/ bsdoms pa la/ 'god pa'i chas phrin lhag ma gang yin pa de 'dug pa/ ji lta ba de bzhin du 'khor lhags pa gang yin pa 'di dag yin gyis/ thams cad ces bya ba nas/ grangs med dpag du med pa zhes bya ba'i bar snga ma bzhin te/ 'od srang de dag las bye ba brgyad stong gi cha'i cha gang dag yin pa ni mi mchog bag tsha ba med pa'i 'khor 'dus pa 'di dag yin gyis/ 'od srung khyod de yang 'khor rnams la grogs po dag ci khyed cag rnga bo che chen po zhes bya ba'i mdo chen po yangs pa theg pa cig pa/ 'di lta ste theg pa chen po dang / bar dkar ba yid ches pa 'di mnyan par nus sam zhes dris shig/ 'od srung de bzhin du khyod kyis lan gnyis len gsum du yang 'khor rnams la dris shig/ bco ldan 'das la legs so// zhes gsol nas/ de nas brtan 'od srung chen po brtan las langs te/ bla gos phrag pa cig tu gzar nas pus mo g.yas pa'i lha nga sa

  6. 266b

    la btsugs te/ bcom ldan 'das kyi zhabs la mgo bos phyag byas nas langs te/ lan gsum bskor ba byas nas/ 'khor mang po de la smras pa/ shes ldan pa dag ci rnga bo che chen po zhes bya ba'i mdo nyan pa'i 'os yin nam/ de bzhin gshegs pa theg pa cig pa 'di lta ste/ theg pa chen po nyan thos dang / rang sangs rgyas thams cad kyi yul las 'das pas te/ khyed la ston par 'gyur ro// de bzhin du gnas bstan 'od srung chen pos lan gnyis lan gsum yang bskul ba bskul ba dang de rnams kyi smras pa/ btsun pa 'od srang bdag cag dam pa'i chos nyan pa'i ched du mchis lags pas/ nyan par 'tshal gyis btsun pa 'od srung / de bzhin gshegs pas bdag cag la thugs rtse ba nye bar bzungs te/ mdo chen po de logs par bsgrubs par mdzad du gsol/ 'od srung chen pos smras pa/ ji ltar yid ches par 'gyur/ de dag gis smras pa/ btsun pa 'od srung dper na/ skyes bu btsas nas lo nya sha lon pa zhig la/ bu lo brgya lon pa dag yod do zhes smras la/ gal te de bzhin gsheg pa de khyod na bzhin du gsung na/ bdag cag gis kyang de bzhin du yid ches par bgyis lags na/ btsun pa 'od srung dam pa'i chos mnyan pa la smras kyang ci 'tshal de ci'i slad du zhe na/ de bzhin gshegs pa ni cig gsung ba de bzhin du mdzad pa/ de bzhin gshegs pa ni kun nas spyan mnga' ba/ de bzhin gshegs pa ni sangs rgyas

  7. 267a

    kyi spyan gyis gzigs pa yin no// btsun pa 'od srung gzhan yang bdag cag na de bzhin gshegs pas mkhyen te/ smras pashes ldan dag khyed/ cag ni/ nga bo che chen po'i mdo chen po mnyan pa dang / klog pa dang / bzung ba dang / bstan pa'i chos yin no// bcom ldan 'das kyis bka' stsal pa/ 'od srung 'di ni ji ltar skyes blatsas nas lo nyi shu lon pa'i bu lo brgya lon pa dag ltar/ rnga bo che chen po'i 'di yang de dang 'dra'o// de ci'i phyir zhe na/ de bzhin gshegs pa yongs su mya ngan las 'das bzhin du/ da dung du gnas so zhes bya ba dang / bdag yod pa ma yin zhing bdag gi yongs pa ma yin pa dag la yang bdag ces bya bas so// de dag gis gsol ba/ de ni bcom ldan 'das kho nas mkhyen pas/ bcom ldan 'das kyis ji skad gsungs pa de bzhin du/ gzung bar bgyi lags so// 'od srung gi/ gsol ba/ bcom ldan 'das de bzhin gshegs pas de ni rnga bo che chen po'i mdo chen po bshad du gsol// bcom ldan 'das kyis kyi chos kyi rnga bo che brdungs du gsol/ bcom ldan 'das kyis chos kyi dung 'bung du gsol// bka' stsal pa 'od srung nga ni khyod rnga bo che chen po'i mdo chen po nyin cig gsol ba bcom ldan 'das de dag gis mnyan par bgyi lags so// de ci'i slad du zhe na/ bcom ldan 'das gal te bdag gi spyod yul ma gyur kyang / de bzhin gshegs pas bdag rnga bo che chen

  8. 267b

    po'i slad du/ bdag la gus pa mdzod lags pas so// yang gsol pa/ ji ltar lags she na/ bcom ldan 'das kyis bdag la 'di skad ces/ 'od srung khyod dang lhan cig/ 'dug gis tshur shog ces gsungs so// bcom ldan 'das bdag ni don de'i slad du bgyis pa bzod pa/ bgyi ba tshor bar 'tshal lo// bcom ldan 'das kyis bka' stsal pa/ 'od srung legs so legs so// ngas kyang don 'di'i phyir gsungs so// 'od srung dper na rgyal po gsal rgyal gyis/ glang po che dang / rta dang dmag mi rnams kha zas dang / bza' ba btung ba dang / bldag pa la sogs pas gsor 'jug go/ de ci'i phyir zhe na/ gang gi tshe bdag rnga bo che dang / rdza rnga dang / dung gi sgra shin tu chen po 'byin pa dang / gdugs dang rgyal mtshan dang / ba dan dag skrang ba dang / gang gi tshe pha rol gyi dpung gi tshogs chen po nye bar gyur pa de'i tshe/ bdag gis gsor bcug pa'i phan yon rjes su dran nas/ pha rol gyi tshogs dang / lhan cig yul 'gyed par 'gyur zhing / de'i tshe sems can rnams la yang / phan par byed bar 'gyur/ bdag gi bka' la yang phan pa byed par ro snyam ste/ de bzhin du 'gyur/ 'od srung de bzhin dang yongs su mya ngan las 'das nas yang khyod kyi rnga bo che chen po'i mdo 'di 'byin par 'gyur ro// ngas khyod la stan gyi phyed bstabs pa yin gyis/ nges par de kho na bzhin du gyis shig gsol ba bcom ldan 'das bdag

  9. 268a

    na khyod kyis thugs las skyes pa'i sras bu thor bzhag pa'i rigs lags so// 'od srung dper na ko sa la'i rgyal po gsal rgyal rang gyi bu rnams la/ 'di ni ma 'ongs pa'i dus na/ bdag gis bdag gi rigs 'tshe ba par 'gyur ro// zhes bstan chos sna tshogs dang / gzo'i gnas la rnams la sbyor bar byed pa de bzhin du 'od srung khyod kyang da 'das nas mdo 'di 'byin par 'gyur ro/ 'od srung dper na ko sa la'i rgyal po gsal rgyal rgyal por mang pos bsdod nas/ de rnams dang / lhan gcig tu g.yul 'gyed pa de dang / de'i dus kyi dmag mi glang po che ba dang / rta dang dpung bu chung gang dag yin pa las go cha bzang po gos shing rnga bo che chen pos dang / dung gi sgra thos nas ma sdang ma skrag cing breng bar mi 'gyur ba gang yin pa de dag la ni rgyal pos btsa' ba dang / bza' ba dang / zas dang / skom dang / gos dang / brgyan dang / lta ba lhub dang / chas dag sbyin par byed do de las gzhan pa g.yul ngor zhugs nas yul 'gyed pa'i dmag mi gang yin pa de dag la na gser dang / nor bu dang / mu tig la sogs pa dang / grong rdam dang g.yul rnams sbyin par byed do// de nas skyes bu dpa' bo sde ngas bcas par phyir mi ldog pa/ glang po che dang / rta ba dang / shing rta ba dang / ldan pas gra'i dpung pham par byed pa gang yin pa de dag ni rgyal po rang gis rig par byas nas rgyal tshab du dbang bskur ba'i gcod pan 'ching bar byed do//

  10. 268b

    'od srung de bzhin du nga'i nyan thos dge slong dang / dge slong ma dang / dge bsnyen ma srab legs ji ltar bcas pa la legs par bslabs pa gang yin pa de dag dang / so sor thar pa'i bsdom pas bsdams pa dang / 'dul ba'i cho ga dang / spyod yul la gnas pa de dag la ni de bzhin gshegs pas/ lha dang mi'i bde ba sbyin par mdzad do// de las gzhan pa phung po'i bdud dang / nyon mongs pa'i bdud dang / 'chi bdag gi bdud dang / lha'i bu'i ba dang pham par byed pa gang yin pa de dag ni de bzhin gshegs pas 'phags pa'i bden pa bzhi'i rnam par grol ba'i cod pan 'chis par mdzad do// de las gzhan ba rgya chen po la de lhag par mos pa de bzhin gshegs pa'i snying po'i che ba'i bdag nyid/ rtag pa dang / brtan pa dang / zhi ba dang / ther zug pa 'dod pa'i sems can gang yin pa de dag la ni/ de bzhin gshegs pas rnam par thams cad kyi mchod dang ldan pa/ thams cad mkhyen pa'i ye shes theg pa chen po dbang bskur ba'i cod pan 'ching bar mdzad do// 'od srung de bzhin du khyod kyang de ring theg pa chen po dbang bskur ba'i cod pan bcings te/ sangs rgyas brgya stong phrag mang po spyan snga nas rnga bo che chen po'i mdo 'di 'byin par 'gyur ro// de lta bas na 'od srung khyod kyis kyang de ni da 'das nas mdo 'di 'gyur ba'i rigs so// gsol pa/ bcom ldan 'das re shig bdag gi rigs lta rngo mi thog kyang / bcom ldan 'das re shig/

  11. 269a

    @#de bzhin gshegs pa yongs su mya ngan las 'das sam/ bzhugs kyang bdag gis phyug nas bstan par bgyi lags so// bka' stsal pa/ 'od srang legs so// de ni de bzhin gshegs pa rnga bo che chen po zhes bya ba'i mdo chen po bshad par brtsam mo// de nas na mkha' las lha'i tshogs dang / 'brag gi tshogs kyis leg so zhes bya ba byin te/ 'od srung le gso leg so// sems can thams cad la phan pa dang / bde ba'i phyir de ni lha rnams dang / 'brug gi tshogs rnams kyang / me tog gi cher bebs shing bdud rtsi'i chus gang ba'i phye ma'i char gyi rgyu chen po yang 'bebs so// 'od srung khyod bcom ldan 'das kyi zhal dang / thugs las skyes pa ste de bzhin gshegs pa'i sras kyi thu bor 'os so// de nas lha'i tshogs dang / 'brag gi tshogs kyi skad 'thun par tshigs su bcad pa 'di smras so// mnyan yod grong khyer dag tu rnga chen dang // shin tu rnga chen dung rnams sgrogs pa na/ mgon po chos kyi rje yis rgyal byed kyi/ tshul du chos kyi rnga chen sgrogs par mdzad// 'od srung khyed kyis chos rnga chen brdungs par gyis chos kyi rgyal po dag gis gsungs pa'i mdo/ zhu ba'i dbyugs gus chos rnga chen brdungs na// lha'i lhas chos mang the tsom gcod par mdzad/ rnga bo che chen po'i mdo chen po las 'od srung 'asar 'ongs pa zhes bya ba'i le'u'o// / de nas

  12. 269b

    bcom ldan 'das kyis gnas brtan 'od srung chen po la 'di skad ces bka' stsal to// 'od srung ngas sngar mdo 'di las gong nas gong du/ dge slong yangs pa la dad pa'i yid can zhes bya ba zhig yod ces bshad pa/ dge slong de'i ming dge slong 'am/ dge slong ma 'am/ dge snyen nam/ dge snyen ma 'am/ sems can gang gis thos pa'i sems can gang dag gis thos pa'i sems de dag thams cad kyi 'dod chags dang / zhes sdang dang / ma gti mug gi zug rngu rnams 'byung bar 'gyur ro// de ci'i phyir zhe na/ 'od srung 'di lta ste dper na/ ko sa la'i rgyal po gsal rgyal la/ mtsho bod kyi sman mchog ces bya ba yod do// de gang gi tshe rgyal po gsal rgyal pha rol gyi dmag tshogs dang / lhan gcig yul 'gyed par 'gyur la de nas rgyal pos g.yul shom pa na/ sman pa sman mchog bkug ste/ bkug nas 'di skad ces kye sman gang gis sems can gang dang gang dag rngus zug par pa'i sems de dang dag ji lta ji ltar zug rngu 'byung bar 'gyur pa// de lta bu'i sman spor bar myur ta khyer te shog shig/ de nas sman pa sman mchog de dag gis sman gyi rgyal po// dug sman ton pa zhes bya ba khyer nas/ rgyal po chen po g.yul ngor 'jug po'i rnga bo che la/ sman de byugs shing bdugs te bsnyungs/ byugs shing 'dugs te brdungs ma thag tu sems can zug dus zug par 'gyur ba/ gang dag yin pa de dag gis sgra de/ dpag/

  13. 270a

    @#tshad dam/ dpag tshad gnyis su thos nas/ thos pa tsam gyis sems can de dang de dag thams cad kyis/ zug rngu rnam 'byung bar 'gyur/ zug rngu rnams bsal bar 'gyur ro// 'od srung de bzhin du dge slong yangs pa la/ dad pa'i yid can de'i ming thos pa'i sems can gang dag yin pa de dag thams cad kyi 'dod chags dang zhe sdang dang / gti mug gi zug rngu rnams 'byung bar 'gyur ro// de ci'i phyir zhe na/ des nga'i stan pa la/ mdo 'di byang zhing rgyas par byas te/ de bas na chos dang ldan pa mngon du byas pa de'i mthu'o// 'od srung stos re shig rgyal po rnga bo che sems med pham pa de yang sems dang bcas pas sman gyis byugs shing bdugs te/ brdungs ma thag tu sems can rnams la phan pa skyed par byed na/ byang chub sems dpa' sems dpa' chen po yangs pa la dad pa'i yid ming thos pas sems can rnams kyi nyon mongs pa rnams pa gsum 'bral bar 'gyur ba lta smos kyang mi dgos/ gal te de ltar re shig byang chub sems dpa'i ming thos pas sems can rnams kyi 'dod chags dang / zhe sdang dang / gti mug gi zug du rnams 'bral bar 'gyur na/ bcom ldan 'das shAkya thub pa phyag 'tshal lo zhes/ sangs rgyas bcom ldan 'das rnams kyi mtshan brjod pa 'am/ yon tan yongs su sgrags pa lta smos kyang ci dgos/ gal te de ltar bcom ldan 'das shAkya thub pa'i mtshan tsam gyis/ sem

  14. 270b

    can rnams kyi 'dod chags dang / zhe sdang dang gti mug gi zug rngu rnams 'bral bar 'gyur na/ sems can la phan pa ston pa'i zhig gis/ rnga bo che chen po'i mdo 'di las 'gres sam/ tshig su gcad pa 'am tshig gi 'ga' 'am/ ming tsam stan tam le'u bstan na/ sems can rnams kyi 'dod chags dang / zhe sdang dang / gti mug gi zug du rnams 'bral bar 'gyur ba lta smos kyang mi dgos/ de ci'i phyir na/ ngas dge slong dag tshul khrims dang ldan pa'i sems kyi smon lam 'grub bo zhe bshad do// sngon smon lam legs par spangs byas pa'i phyir ro// 'di ni sangs rgyas bcom ldan 'das thams cad kyis chos nyid yin te 'di lta ste/ rnga bo che chen po'i mdo chen po ma byas pa/ ma byung ba ma 'gags pa'o/ 'od srung khyod kyang de lta bas na/ ma 'ongs pa'i dus ni nga dang 'dra bar 'gyur ro// de ci'i phyir zhe na/ khyod kyi yang ming thos pa'i dge slong ngam/ dge slong ma 'am/ dge snyen nam/ dge snyen ma gang yin pa de dag dang sems can de dag thams cad kyi 'dod chags dang / zhe sdang dang / gti mug gi zug rngu rnams 'bral bar 'gyur ro// de ci'i phyir zhe na/ 'od srung khyod kyang mdo 'di zhug nas/ yun ring por 'jig rten du 'byin par 'gyur ro// gsol ba/ bcom ldan 'das gal te de lta lags nas/ rnga bo che chen po'i mdo chen po de las phyogs 'ga' tsam zhig bdag la legs par bshad du gsol/ 'od srung dus la bab kyis khyed nga la phyogs 'ga' zhig zhug shig/ 'od srung gis legs so zhes

  15. 271a

    gsol nas zhu ba 'di zhus so// bcom ldan 'das gang na srid yod pa der sdug bsngal/ gang na srid pa sdug bsngal med pa yin/ mya ngan 'das pa de ni mchog tu bde/ bde sdug spangs phyir mya ngan 'das mchog 'gyur/ srid pa yod na bde dang sdug bsngal te/ srid pa med na bde dang sdug bsngal med/ de phyir mya ngan 'das thob 'dod pa yi/ rigs kyi bu yis srid 'dod yongs su bcad// ces bka' stsal pa 'di'i don ci lags 'dir tshigs su bcad pas legs par bka' stsal pa// srid pa thams cad mi rtag pa mi brtan la/ thams cad du yang snying po med pas na srid pa gang yin de ni sdug bsngal te/ gang la srid med de na sdug bsngal med// srid pa yod pa min na sdug bsngal med// 'di na srid yod sdug bsngal bas na/ srid la sngon par dga' bar mi bya zhing / srid pa rnams la yid brtan 'gro mi bya/ bcom ldan 'das srid dang srid pa med pa dang // bde dang sdug bsngal 'gyur ba yod par ston// de skad ces gsungs nas/ bcom ldan 'das kyis gnas brtan 'od srung chen po 'di skad ces bka' stsal to// 'od srang de ltar tshig gi don yod pas/ reg shig 'od srung khyod kyis mi shes so// sems can ni phal cher srid pa gcod par ma byed na// sems can rnams ni 'du byed skud pas brgyus/ srid med mya ngan 'das pa mchog tu bde// 'od srung gi gsol pa/ gang gis mya ngan 'das thob pa/ mya ngan 'das pa de nas te/ de la bde ba med tsam te/ mes ni

  16. 271b

    myong bar 'gyur ma mchis// bcom ldan 'das kyis bka' stsal pa/ thar pa brtan pa ming tsam min/ yod dang med dang ther gzug bzhi/ de lta bas na 'di ni nyan thos dang / rang sangs rgyas thams cad kyi yul ma yin zhing spyod yul ma yin no// gsol ba/ bcom ldan 'das ji ltar gzugs kyang lags la/ ther zug kyang lags/ bcom ldan 'das kyis bka' stsal pa/ 'od srung dper na lho phyogs kyi yul skye bo'i bcom par lhag ces bya ba nas/ sems can gzhan 'ga' zhig 'ongs par gyur la/ mi de la mi dga' zhig gis khyod gang nas 'dir 'ongs shes dris pa dang / de nas des smras pa/ kho bo ni yul lho phyogs kyi bcom par lhag nas 'ongs so// mis yang smras pa/ de yul gyi phyogs gang na yod/ de nas mi des 'dzub mos lho phyogs kyi lam gyi nam mkha' bstan na/ 'od srung mi de la ji ga yid ces par 'gyur ram/ de ci'i phyir zhe na/ seng na de thong bar 'gyur ro// 'od srung de bzhin du khyod kyis ma mthong bar dad pas yid ces par gyi shig// bam po gnyis pa// / de nas bcom ldan 'das kyis tshig su bcad pa 'di dag bka' stsal to// ji lta mkha' la 'dzub mos ston pa ltar/ de bzhin thar ba ming tsam gyis bstan to// ji ltar lho phyogs bcom lhag mi bzhin du/ de bzhin pa nyid rten pa med nas byon/ 'od srung 'di la yang don mthong na

  17. 272a

    rgyun ni dgos pa med de/ mangs sum ma gyur don la ni/ rgyu dang rkyen kyang de bzhin no// 'od srung de lta bas na sangs rgyas bcom ldan 'das kyis bang rgyu mas thar pa'i tshig gi don nye bar ston par mdzad do/ bka' stsal pa/ 'od srung rgyu zhes bya ba yin par 'dod/ gsol pa/ rgyu ni byed rgyu zhes bgyi ba lag so// bcom ldan 'das kyis bka' stsal pa/ rkyen zhes bya ba gang gi tshig bla dgas yin/ gsol pa/ bcom ldan 'das rkyen ces gyi ba ni rten lags so// bka' stsal pa/ 'od srung rigs pa'i dpe dang rgya dang nye bar sbar ba dang / byed rga rnams kyis de ji ltar bu yin pa kho na bzhin du gsal bar ston cig/ gsol pa/ bcom ldan 'das dper na/ pha dang ma gnyis 'dus pa las bya 'byung bar 'gyur te/ de la ma ni rgyu lags so// pha ni rkyen lags te/ de lta bas na pha dang ma gnyis ni bu'i rgyu dang rkyen lags so// de bzhin du rgyu dang rkyen kyis chos kyi bar 'gyur te/ 'di ni grub pa zhes bgyi'o// grub pa zhes bya ba ci yin/ grub pa zhes bgyi ba ni/ 'jig rten gyi grags pa lags so// 'jig rten zhes bya ba ci yin/ 'od srung gis gsol pa/ sems can dang ldan pas btags pa gang lags pa'o// sems can zhes bya ba ci yin/ sems can zhes bya ba ni chos kyi brdar btags pa lags so// chos shes bya ba ci yin/ gsol pa chos ma lags pa'i chos dang chos kyi chos so// chos de dag

  18. 272b

    kyang rnam pa gnyis su bstan te/ rnam pa gnyis gang lags she na/ 'dus byas dang / 'dus ma byas dang / gzugs can dang / gzugs can ma lags te/ de las mu gsum ba ni ma mchis lags so// de la chos zhes bya ba ji lta bu yin/ gsol ba/ chos shes bgyi ba ni gzugs ma mchis pa lag so// bka' stsal pa/ chos ma yin pa ji lta bu yin/ chos ma lags pa bgyi ba de yang gzugs ma mchis pa lags so// bka' stsal pa/ gal te chos ma yin pa/ gzugs med cing mtshan nyid bu yin/ de la chos ni gang chos ma yin pa ni gang / gsol pa/ chos zhes bgyi ba de ma ngan 'das pa zhes bgyi ba lags so// chos ma lags pa zhes bgyi ba lags so// gas te shes bka' stsal pa/ gal te de ltar chos ma yin pa/ gzugs med cing mtshan nyid med pa yin na/ sangs rgyas rnams kyi ni ji ltar ci zhig mtshan ma gang yin pa de ni chos yi yin no// zhes rnam par mkhyen par 'gyur/ gsol pa/ sems can rnams 'khor bar skyes nas/ dge ba'i bsod nams dang dge ba'i rtsa ba'i rnam pa sna tshogs la sten pa na/ de'i tshul 'di dang der chos mngon du yang dag par smad pas dge ba'i mtshan nyid thams cad kun tu skye bar 'gyur ba ste/ de ltar chos mngon du yang dag par spyod pa gang lags pa de lta bu'i sems can de ni chos lags so/ sems can rnams 'khor bar skyes nas bsod nams ma lags pa sdig pa'i las/

  19. 273a

    @rnam pa sna tshogs kun tu spyod pa de kho na mi dge ba'i mtshan nyid de dag thams cad skye bar 'gyur te/ de ltar chos ma lags pa kun tu spyod pa gang lags ba de ltar bu'i sems can de ni chos lags pa legs so// de la sems can zhes bgyi ba ni/ nang gi sa'i khams dang / chu'i khams dang / me'i khams dang / rlung gi khams bzhis yang dag par bsdus shing btags pa dang mig dang rna ba dang / sna dang / lce dang / lus dang yid kyi skye mched drug dang / dbang po lnga dang / tshor ba dang / 'du shes/ dang / sems dang / yid kyi rnam par shes pa ste/ de ltar srid pa'i yan lag bcu sum gyi bar ni chos thams cad kyi ba lags so// bka' stsal pa/ 'od srung de dag kho na la sems can gyi chogs shes bya na/ de la sems can zhes bya ba'i chos gang yin/ gsol pa/ de la sems can zhes bgyi bar btags pa'i chos 'ga' yang ma mchis lags so// de ci'i slad du zhes na/ bcom ldan 'das dper na ko sa la'i rgyal po gsal gyi rnga bo che zhes pa gang lags pa de'i ba de'i rnga bo che zhes bgyi ba de gang lags pa/ bka' stsal pa/ 'od srung rnga bo che yin par shes par bya ba ste/ rnga bo che zhes bya ba ni lpags pa dang / dbyig gu dang / shing leb dang / chos 'di gsum tshogs pa gang yin pa'i chos de dag la rnga bo che zhes bya'o// gsol pa/ de la rdung ba'i mi la rnga bo che zhes kyi legs sam/

  20. 273b

    bka' stsal pa/ mi med par yang rnga bo che rlung gis bskyod pa na sgra 'byung ngo // gsol pa/ bcom ldan 'das ci lags/ rnga bo che zhes bgyi ba chos sam/ 'on te chos ma lags pa lags/ bka' stsal pa/ rnga bo che zhes bgyi ba 'di ni chos kyang ma yin/ chos ma yin pa yang ma yin no// gsol pa/ de'i ci'i zhes bgyi/ bka' stsal pa/ chos gang zhig chos dang yang lhan cig ldan pa ma yin zhing / chos ma yin pa dang / yang ma yin pa 'di ni lung du ma bstan pa'i chos shes bya'o// gsol pa dang / gal te lung du bstan pa'i chos zhig mchis ni/ des na 'jig rten na chos gsum mchis par 'gyur ro// bka' stsal pa/ lung du ma bstan pa zhes bya ba gang yin pa de ni ji ltar skyes pa yang ma yin/ bud med kyang ma yin pa ltar ma ning zhes bya'o// dper ji lta bu lags/ bka' stsal pa/ 'od srung khyod kyis dang 'di ni pha dang ma 'dus pa'i bu yin no zhes smras/ gal te pha dang ma 'bras bu med par gyur na kha cig skad ces ma dang pa ni rgyu dang rkyen ma yin no// zhes smras par 'gyur ro// yang bka' stsal pa/ sems can sa bon gyi dngos po med pa gang yin pa de dag ni 'bras bu med pas de dag ni rtag tu ma ning zhes bya bar shes par bya'o// de ci'i phyir zhe na/ 'od srung dper na ko sa la'i rgyal gas la rgyal po gang gi tshe/ pha rol gyi dmag tshogs dang / lhan cig lhag/

  21. 274a

    par nyam nga bar gyur pa/ brgya la ji zhig ltar gyur pa de'i tshe/ de'i drung na dbang thang gis 'chog dag de dang lhan cig rjes su mi 'brang zhing sgrol bar mi/ byed pa gang yin pa de ni bud med dang 'dra bar blta bar bya'o// gsol pa/ ci'i slad du bka' stsal pa/ rgyal po rnams ni zho shas 'tsho ba'i mi rnams kyi rang bzhin brtags nas gsor 'jug go// rgyu des na sa bon med pa'i sems can de dag pa dang / mar mi 'gyur bas/ sems can de dag ni rtag par ma ning yin par blta bar bya'o// yang bka' stsal pa/ dge ba'i chos dang mi dge ba'i chos dang / lung du ma stan pa'i chos te/ dge ba'i chos ni tshor ba bde ba yin no// mi dge ba chos ni tshor ba sdug bsngal ba yin no// lung du ma stan pa'i chos ni tshor ba bde ba yang ma yin/ sdug bsngal ba yin te/ sems can rnams ni chos 'di gsum gyis rtag tu reg par 'gyur ro// de la tshor ba bde ba zhes pa ni lha dang mi rnams kyi 'dod pa'i yon tan lnga yin no// tshor ba sdug bsngal zhes bya ba ni sems can dmyal ba/ dang / dud 'gro'i skye gnas dang / yi dgas kyi 'jig rten gyi yin no// tshor ba bde ba yang ma yin/ sdug bsngal ba yang ma yin pa ni ji ltar 'bram bu phra mo dang shu ba yin no// de la 'bram bu phra mo dang / shu bas nyon mongs pa'i sems can rnams ni lung du ma bstan pa yin no// 'od srung gis gsol ba/ bcom ldan

  22. 274b

    'das de ni ma lags so// bka' stsal pa/ ci'i phyir/ gsol pa/ bde ba las sdug bsngal 'byung zhing / sdug bsngal 'byung ste/ 'di gnyis ka lung du ma bstan pa lags pa lagaso/ bka' stsal pa/ ci kha zas las nad 'byung ngam/ gsol pa/ gang gi tshe 'tshal ba de'i tshe bde ba zhes bgyi lags so// gang gi tshe nad du gyur pa de tshe/ sdug bsngal zhes bgyi lags te/ de la shu ba gang lags pa de ni lung ma snyan pa bgyi lag so// bka' stsal pa/ gal te de lta na bde ba dang / sdug bsngal yang lung du ma bstan pa zhes pa la/ ba dang ma dang bu yang lung du ma bstan par 'gyur ro// gsol pa/ de ni ma lags so// bka' stsal pa/ 'o na ji lta bu yin gsol pa/ ji ltar 'du shes med 'du shes med min la sogs pa'i lha ther zug gi bzhi zhes mi bgyi ba lta ba'i chos dag pa 'di yang de dang 'dra lag so// / bka' stsal pa/ 'od srung khyod kyis tshor ba/ 'du shes la sems can no zhes smras pa/ des na 'du shes med 'du shes med min la sogs pa'i lha dag sem can rje ma yin par 'gyur ro// gsol pa/ bcom ldan 'das de rnams la yang 'du byed kyi ngo bo bcis lags so/ bka' stsal pa/ 'o na tshor ba dang / 'du shes ma gtogs pa'i chos 'di dag la sems can zhes bya ba 'am/ 'on te kha cig de lta bu'i sems can dag yod do/ zhes zer 'di ltar sems can ma yin/

  23. 275a

    pa'i chos dang ldan pa dag sems can du 'gyur ro// ci'i slad du/ tsaM sems can gzugs can yin nam/ 'on te gzugs can ma yin gsol pa/ gzugs can yang ma lags/ gzugs can la rma lags mod kyi/ chos de dag dang ldan pa ni sems zhes bgyi lags so/ bka' stsal pa/ gal te de ltar na/ sems can ma yin pa'i chos dang ldan pa de dag sems can du skye bar 'gyur bas/ gzugs med pa zhes bya'o// ji lta de ltar gyur na/ 'jig rten du chos rnams pa gnyis po zugs can dang / gzugs can yin pa de 'byung bar 'gyur te/ chos gzugs can dang / chos ma yin pa gzugs can no// / thar pa chos dang / lhan cig gam 'on te chos ma lags pa dang lhan cig lags/ gzugs ma mchis pa'i lha la yang thar pa mchis lags sam/ bka' stsal/ pa/ de ni yin te chos 'dus byas dang / 'dus ma byas yod pas de'i phyir/ gzugs med pa'i lha de dag kyang 'dus byas kyi nang du bgrang bar 'gyur gyis/ thar pa ni 'dus byas yin no// gsol pa des na gzugs ma mchis pa'i lha rnams kyang / gzugs dang ldan par gyur lags so// 'od srung ji ltar 'dus byas tham cad gzugs can yin pa dang 'dus ma byas gzugs can ma yin pa smros shig/ gsal bar smros shig/ gsol pa bcom ldan 'das gzugs ma mchis pa'i lha rnam/

  24. 275b

    gzugs dang ldan no// zhes bgyi ba'i gzugs sangs rgyas kyi yul du 'gyur lags grang / bdag cag gis yul du ni mi 'gyur lags so// bka' stsal pa/ 'od srung legs so legs so// de bzhin gshegs du thar par gshegs pa'i sangs rgyas bcom ldan 'das rnams kyang nga'i yul yin te/ de rnams kyang gzugs can yin pa thar pa de yang gzugs can yin no// yang bka' stsal pa ci khyod kyis gzugs med pa'i lha rnams lha'i gnas dang / byed pa yang dag par shes sam/ yang bka' stsal pa/ 'od srung ci khyod kyis gzugs can gyis lha rnams gzugs med pa zhes bya ba'i nang du bgrang bar dam ci na/ bdag cag gis yul ma lags so zhes zer ba ka' stsal pa/ thar pa bsnyes pa'i sangs rgyas blo shan ta rnam par dag pa rnams kyang de kho na bzhin du gzugs zhes bya bar gsal bar yang dag par ltos sho ga/ 'od srung gis gsol pa bcom ldan 'das gal te de ltar na thar pa'i thob pa gnas pa/ phyir yang bde ba dang / sdug bsngal myong bar 'gyur lags so// bka' stsal pa/ sems can nad pa zhig/ sman bcud kyis len 'thungs pas/ nad dang bral bar gyur na/ ci yang nad bu can du 'gyur ram gal te 'ga' zhig mchis na/ nges par 'gyur lag so// bka' stsal pa/ gal te las med kyang 'gyur ram/ gsol pa bcom ldan 'das de ni ma lags so// bka' stsal pa/ 'od srung

  25. 276a

    bde sdug bsngal spangs pa de dang thar pa yin te/ nad ni bde ba dang sdug bsngal lta bu yin la/ mi lta bur ni mya ngan las 'das pa thob par/ lta'o// gsom pa bcom ldan 'das ci lags/ bde ba dang sdug bsngal spangs zhes bgyi ba/ las ma mchis pas nad zad pa thob pa lags sam/ bka' stsal ba thar pa thob pa ni 'jig rten pa'i bde ba sdug bsngal gyi las gang yin pa de dang bral zhing zad pa bzhin no// bcom ldan 'das de ci'i slad du/ yang 'gum par/ mi 'gyur lags/ bka' stsal pa/ na mkha' nam mkha' lta bur 'o// zhes bya'o// rgya mtsho chen po nam mkha' lta bu zhes te/ ci nam mkha' dpe med pa rgya mtsho chen po lta bu yin nam/ de bzhin du thar pa ni dpe med pa yin no// ji ltar gzugs med pa lha rnams kyi gzugs yod kyang dga' ba de de lta bu'o gnas pa mi shis pa de bzhin du/ nyan thos dang rang sangs rgyas kyi thar pa yang btags pa med do// gsol pa/ bcom ldan 'das nam mkha' yang mi rtag pa lagaso// bka' stsal pa/ dper ji ltar rgyal po gsal rgyal gyis khang bzangs dang bltar dkar brtsigs pa'i che na mkha' nyams pas de ni ma mkha' zhig pa zhes bgyi legs/ bka' stsal pa/ chos gzugs med pa ji ltar 'jig/ gzugs med pa'i lha rnams kyang ji ltar 'jig lags/ bka' stsal pa/ gzugs med pa'i lha gang dag yin

  26. 276b

    pa de dag sems can zhes bya bar bgrang ngam ci bcom ldan 'das na mkha' sems mchis pa/ sems dang bcas par ji ltar 'gyur lags/ bka' stsal pa/ na mkha' la rten pa'i khang pa 'am/ ri gang dang gang dag yin pa zhig kyang / namakha' ni mi 'jigs pa ltar mya ngan las 'das pa'i dbyings kyis/ 'gro ba thams cad la khyab 'ang de dang 'dra'o// rten nam mkha' de ma 'jig pa ltar byed pa po dang / tsher ba po yang de dang 'dra lags sam/ bka' stsal pa/ 'od srung mya ngan las 'das pa'i dus na sems can rnams kyi las dang nyon mongs pa'i chos yod pa gang yin pa 'jig par 'gyur ro// bcom ldan 'das sems can thams cad dang / chos thams cad ma mchis pa ji lta bu lags/ rnga bo che'i tshogs pa ji lta ba bzhin no yang gsol ji ltar gdugs kyi 'od dang nor bu'i 'ong gnyis po de las 'jig rten du zhugs shes bgyis pa de bzhin du/ mi rnams las bdag gis bya ba zhes bgyi na/ bcom ldan 'das chos cig po 'di gi rnam par smin pa lagasabaka' stsal pa/ 'od srung khyod kyis mi shes sam/ gsol ba/ bcom ldan 'das 'tshal lags so// bka' stsal pa/ zla ba byung ba smros shig bcom ldan 'das zla ba ni sems can rnams kyi rnam par smin pa las skyes pa'i chos ma lags so// bka' stsal pa/ gal te de ltar na/ gal te dpe brjod dgos te/ ji ste nor bu dang /

  27. 277a

    zla ba dang / sems can gyis ma byas kyi tshogs pas byas pa yin na/ steng gi lha rnams kyis phyag bya ba'i nyi ma dang zla ba de dag ci yin nas bcom ldan 'das sangs rgyas bcom ldan 'das kyi yongs su mya ngan las 'das kyi bar du sems can zhes bgyi ba sa/ de dag kyang sems kyi grangs su bgrang lagaso// / bcom ldan 'das kyis bka' stsal pa/ de ni sems can ma yin no// de ci'i slad du legs/ sems can grong pa'i shes nyid can phal ba ma yin pa yang sem can rnams dang mnyam par mi brtsi bas/ sangs rgyas ni rnam par smin pa las skyes pa'i chos kyi rgyu mthun pa ste/ sangs rgyas pa ni yongs su mya ngan las 'das pa yang la/ sems can yang rnam par smin pa las skyes pa'i rgyu 'thun pa yin no// 'od srung gang gi tshe sems can thams cad zad par gyur ba de'i tshe gal te me byang nas 'jig pa 'am 'byung bar 'gyur ba de smros shig/ bcom ldan 'das ma 'tshal lags so// ngas sngar khyod kyis mi shes so zhes gsungs so// bcom ldan 'das skye ba dang / rga ba dang / na ba dang / 'chi ba gang nas mchis/ gang du mchis lags/ bka' stsal pa/ rnga bo che'i sgra gang nas 'ongs gang du 'gro/ bcom ldan 'das tshogs pa las legs so/ bka' stsal pa/ ji lta bu yin/ ji ltar chos thams cad ma bgyis pa/ byed pa po ma mchis pa byed pa po dang /

  28. 277b

    bral ba ltar rnga bo che'i sgra yang de dang 'dra lags so// bka' stsal pa/ de ni ma te rnga bo ches ni byed pa po yod do/ bcom ldan 'das ma mchis lags so// bka' stsal pa/ de bzhin du mya ngan las 'das pa ther zug gi gzhi thos pa'i sems can de dag su zhig byed de/ byed pa med do// sems can rnams rang gi bdag nyid kyis bdag med de/ ji ltar zhe na/ sems can gyis gal te bsod nams byed na ni/ sangs rgyas yin la 'od te mi byed na ni sems can no// sems can rnams sus bgyis lags so// bka' stsal pa/ 'das shes med 'du shes med min gyi lha la sogs pa gzugs kyi lha rnams kyang sus byas/ gson por yang ji ltar gnas/ bcom ldan 'das kyi ni gnas lags so// de dag las dang / de bzhin du khyim bdag tshong dpon dang tshul yang 'tshal bar ni rdo mi thog lags so// shin te gnas pa nyid su zhig byed gsol pa/ las kyis bgyid do// las las ni chos du ma skye ste/ dge ba las kyang chos du ma skye'o// de la dge ba las skye ba'i chos ni gang lags/ mi dge ba las skye ba ni gang dag lags/ bka' stsal pa/ las las ni srid pa skye'o// dge ba las ni thar pa skye'o// gsol pa/ bcom ldan 'das ma skyes pa'i gnas/ dge ba las ji ltar skyes par 'gyur lags/ bka' stsal pa/ gzhan ma yin pa de bzhin nyid lags so// gal te sangs rgyas dge ba

  29. 278a

    las skye ba yin lags na/ ma skyes pa'i gnas ji ltar 'thob lags// bka' stsal pa/ legs par snang ba'i las kyis so// nasus brlabs las/ bka' stsal pa/ thog ma med pa'i dus kyi sangs rgyas rnams kyis bslabs so// thog ma mchis pa'i dus pa thams cad su ni/ gis mngon par sprul cing bslabs lags/ bka' stsal pa/ thog ma med pa ni nyan thos dang rang sangs rgyas thams cad kyis shes pa bsam par mi nus so/ gal te 'jig rten du sha ri'i bu lta bur mang du thos par 'gyur ba'i mi 'gyur zhig byung te/ des 'di ltar sangs rgyas rnams kyi 'byung ba'i dngos po gang yin zhes dus ring po mtha' yas par rtag tu bsams kyang shes pa 'am/ bsams par mi nus kyis de'i bar skabs su mya ngan las 'das par gyur pa kho nar zad do// yang bcom ldan 'das kyis bka' stsal pa/ me'u 'gal gyi bu chen po lta bu dag phye ma'i mtha' yas pa rtag tu rdzu 'phrul gyi stobs kyi song yang / sangs rgyas rnams kyi sangs rgyas 'byung ba dang / zhing blta ba rtogs par mi nus te/ byang chub sems dpa' las byams pa la sogs pas bcus thos pa rnams kyi kyang de bzhin no// nyan thos dang rang sangs rgyas thams cad kyis de bzhin no// bka' stsal pa/ sangs rgyas 'byung ba ji ltar de bzhin du sems can 'byung ba yang de

  30. 278b

    kho na bzhin du sems can 'byung ba yang de kho na bzhin du shes par gyis shig/ bcom ldan 'das de bzhin du byed pa po dang / tshor ba po yang mchis pa ma lags/ sam/ bka' stsal pa/ 'od srung byed pa po dang / tshor ba po ni rgyu yin no// gsol pa/ bcom ldan 'das 'jig rten 'di la bas pa mchis sam/ 'on te ma mchi bka' stsal pa/ 'jig rten la ni nam yang ji ltar yang lan 'ga' yang zad pa med do// yang bka' stsal pa/ 'od bsrung khyod la dpe sten par bya'o// bcom ldan 'das ji lta bu lags/ bka' stsal pa/ 'od bsrung dper na rgya mtsho zad mi shes pa la/ mi 'ga' zhig gis skra'i rtse mos btsus nas pa glang gi mig rjes su tsam du 'gyur ram mi 'gyur ro/ gsol pa/ bcom ldan 'das de 'gyur lags so// bcom ldan 'das kyis bka' stsal pa/ 'od srung 'das pa'i dus bka' stsal pa/ grangs med cing ches grangs med pa/ bskal pa yangs shing ches yangs pa zhig byung ba/ de'i tshe de'i dus na/ 'jig rten du yang dag par rdzogs pa'i sangs rgyas sgra can zhes bya ba zhig byung ste/ de nas bcom ldan 'das des grong khyer chen po 'di nyan du chos bshad pa de'i tshe/ li tsa byi'i gzhon nu 'jig rten thams cad kyis mthong nas/ dga' zhes bya ba 'di chos kyi rgyal po chos dang ldan pa/ 'khor los sgyur ba'i rgyal por gyur to// de nas/

  31. 279a

    rgyal po des de bzhin gshegs pa de'i drung du song nas/ des 'byor pa chen po dang / klu'i bskor ba byas nas/ btsun mo dang lhan cig tu bcom ldan 'das mchod do// tshig gi 'di dag gsol to// bcom ldan 'das bdag nam zhig na byang chub sems dpa' 'gyur lags// de'i tshe bcom ldan 'das des bka' stsal pa/ rgyal po 'khor lo bsgyur ba'i rgyal por gyur pa gang yin pa de ni byang chub sems dpa' ba las gzhan du ma 'gyur ro// de ci'i phyir zhe na/ dbang po dang / tshangs pa las ni 'khor lo sgyur ba'i rgyal po nyid yod pa la yin pas/ de las gzhan du 'gyur ro// rgyal po chen po dge bsnyernyan du gyur pa gang dang / gang yin pa de dang de dag ni/ dbang po dang / tshangs par 'gyur ro// dbang po nyid dang / tshangs pa nyid kyi rgyal po mang po dam byas nas/ de'i 'og tu chos kyi rgyal po chos dang ldan pa/ 'khor los sgyur bar 'gyur te/ khyod kyi dbang po nyid dang / tshungs pa nyid gang ga'i klung gi bye ma dang mnyam pa byas nas/ de'i 'og tu khyod kyis 'khor los sgyur ba'i rgyal po 'di nyid thob pa yin no// de nas rgyal po des yang bcom ldan 'das de la zhugs pa bcom ldan 'das dbang po nyid dang / tshangs pa nyid ji lta bu lags/ de'i tshe bcom ldan 'das des/ bka' stsal pa/ dbang po dang tshangs pa la sogs pa ji snyed yod pa

  32. 279b

    khyod dang 'dra bar cod na thogs pa de dag thams cad ni/ khyod drung na cis kyang mdzes pa ma yin te/ dper na sangs rgyas kyi sku'i mdun na/ nyan thos dang rang sangs rgyas dang / byang chub sems dpa' thams cad lham mer ma yin/ lhan ner ma yin lhag ger ma yin pa bzhin no// de bzhin du rgyal po khyed dang sangs rgyas kyi sku'i kha dog dang / 'dra bar khong du chud par byas na/ 'od srung de ring 'khor los sgyur ba'i rgyal po'i dpe mi mched kyi bdag po tshangs pa dang / brgya byin ke'u shi ka las blang bar sems pa lta ci smos dgos/ de'i tshe 'od srung de nas gling bzhi'i dbang phyug 'khor los sgyur ba'i rgyal po des yang bcom ldan 'das de la zhag pa bcom ldan 'das ci ljags bdag 'jig rten du sangs rgyas su 'gyur lags/ sam/ de'i tshe bcom ldan 'das des bka' stsal pa/ rigs kyi bu khyod dus ring mo'i yang shin tu dus ring mo zhig na sangs rgyas 'thob par 'gyur ro// de ci'i phyir zhe na/ rgyal po chen po gal te/ khyod rang gi bsod nams spangs shing / gcig tu bar nas bsam te/ phal pa'i 'du shes su byas nas/ de'i tshe skra'i rtse mos rgya mtsho chen po 'di bcus te bgrang gi/ mig rjes tsam du byed na de'i tshe 'jig rten du yang dag par rdzogs pa'i sangs rgyas mar me mdzad ces bya ba 'jig rten du 'byung bar 'gyur te/

  33. 280a

    der rgyal po sa'i dbang phyug ces bya ba zhig 'byung bar 'gyur ro// de'i tshe bcom ldan 'das mar me mdzad des/ bram po chen po khyod ma 'ongs pa'i/ dus na/ shAkya'i skyes mchog go'u ta ma zhes bya bar 'gyur ro// zhes lung ston par 'gyur to// de'i 'jig rten du sreg pa'i bskal pa 'byung bar 'gyur ro// khyod kyis ded nas bzung ste/ rgya mtsho chen po ba lang gi rmig rjes tsam du byed na/ de'i tshe lo brgya phrag mang po dang / bar gyi bskal pa phrag mang po dang / bskal pa stong phrag mang po dag 'das nas bsreg pa'i bskal pa mang po dang / sangs rgyas rnams 'byung bar 'gyur te/ sangs rgyas de dag la mnyes par byed mchod par byed pas rgya mtsho chen po ba glang gi rmig rjes tsam du byed par 'gyur ro// 'od srung 'khor los sgyur ba'i rgyal po des/ rtag tu skra'i rtse mos rgya mtsho chen po de ji ltar zad par byed ce na/ de ltar la lar brgya byin dang / tshangs pa dang / 'khor los sgyur ba'i rgyal po nyid kyi shin tu bde ba yang dang yang du 'dod rgya mtsho chen po de rig pa pa 'dis zad par byed do// de nas sreg pa'i skal pa de dag kyang tshar phyin/ sangs rgyas bcom ldan 'das mar me mdzad des/ rgyal po sa'i dbang phyug de la rgyal po chen po khyod sangs rgyas su 'gyur ro// zhes lung stan to// de'i tshe rgyal po khyod rgyal po de'i bu gzhon nar mthu bor gyur nas/ de dang lhan cig sangs rgyas su lung

  34. 280b

    bstan pa 'thob par 'gyur ro// de na de bzhin gshegs pa des ched du brjod pa 'di ched du brjod par 'gyur te/ rgyal po chen po khyod kyis bus rgya mtsho chen po de ltar/ zad par byas nas/ de ltar khyod kyi bur gyur pas/ khyod kyi bu ni rgyal po bu phal ba'i rang bzhin ma yin gyi mi mdzod kyi bdag po tshangs pa 'am/ lha'i rgyal po brgya byin nam chos kyi rgyal po chos dang ldan pa/ 'khor los sgyur ba zhig yin no// khyod kyi bu ni brtson 'grus chen por 'gyur te/ sa'i dbang phyug de ltar byang chub ni rnyed dka'o zhes dpe ched du brjod pa 'di blangs pa yin no// sa'i dbang phyug khyod kyi bu 'di bud med stong phrag drug bcu nor bu dang rna cha gdug 'khor gyi 'phreng ba can dang / lha'i mo skegs ma lta bu'i bud med dag mchil ma'i thal ba bzhin bor nas/ e ma ho 'dod pa rnams mi rtag go zhes grag go// lha'i bu mo bsgegs ma lta bu'i bud med dag ni mchis ma'i thal bzhin du rtogs go/ e ma ho 'dod pa'i rnams ni ther zug ma yin pa/ mi rtag pa mi rtag go zhes grags pas/ bdag ni khyim nas khyim med par rab tu byung bla'o// zhes de ltar rab tu 'byung bar 'gyur ro// de bzhin gshegs pa des gzhon nu des/ gang gi tshe 'jig rten gyi khams mi mjed 'dir mgon po shakya thub pa zhes bya ba 'byung ba de'i tshe/ rgyal po chen po khyod li tsa byi gzhon nu 'jig rten thams cad kyis mthos

  35. 281a

    @nas dga' ba zhes bya bar 'gyur te/ des 'jig rten gyi khams der mgon po yongs su mya ngan las 'das pa'i 'og tu bstan pa nub pa'i dus/ kyi tshe/ lo brgya bcu lon pa na/ dge slong blo 'tshang zhes bya bar gyur nas/ rang gi srog la yang mi lta bar byas te/ mdo 'di 'byin par 'gyur ro/ de nas lo brgya lon pa'i 'og tu shi nas/ 'jig rten gyi khams bde ba can du skye bar 'gyur ro/ de'i tshe khyod kyis rdzu 'phrul tshen mang po 'byin par 'gyur zhing / sa brgyad pa la gnas/ te/ lus gcig ni bde ba can na 'dag/ lus gcig ni sprul te dga' ldan tu bzhag nas bam gon po mi pham pa la/ mdo 'di 'dri bar 'gyur ro// zhes lung bstan to// de nas rgyal po sa'i dbang phyug de rang gi lung bstan pa thos nas bdag gi bu sangs rgyas su lung bstan te zhes/ dbang po thams cad tshim par gyur to// / de nas gzhon nu de lhag par yang dam bstan par byed do// 'od bsrung gis gsol pa/ bcom ldan 'das de na ba rgya mtsho chen po yang thigs pa nas/ phrin pas mchis lags so// bka' stsal pa/ ji ltar bu yin bcom ldan 'das dper na tshong ba lam gyis 'tsho ba 'ga' zhig gis kar sha pa ni dag bgrangs te/ bum par sbas pa las de nas de'i bu du nas mgon tu dag stsal to// de nas de mgon bu 'di ni nyung ngo zhes 'tshal bar 'gyur zhing de dag thams cad bas par 'gyur bapa de

  36. 281b

    bzhin du byang chub sems dpa' sems dpa' chen pos rgya mtsho chen po'i thigs pa cig phri ba yang / yang dag par 'tshal la/ de bzhin du chab kyi lhag ma yang dag par 'tshal lags nas/ bcom ldan 'das sangs rgyas bcom ldan 'das rnams sems can gyi phung po'i zad pa mkhyen par mi 'gyur ba lta smos kyang ci 'tshal/ bcom ldan 'das sems can gyi phung po de ni bas pa ma mchis te/ de yang nyan thos dang rang sangs rgyas thams cad kyi ma 'tshal gyi/ 'di ltar sangs rgyas bcom ldan 'das rnams kyi ni mkhyen lagaso// bcom ldan 'das kyi bka' stsal pa/ 'od bsrung legs so legs so// de de bzhin te/ sems can gyis phung po la zad pa med do// gsol ba/ bcom ldan 'das sems can gang dag yongs su mya ngan las 'das pa de dag la bas pa mchis sam/ 'on te michis bka' stsal pa/ sems can la zad pa med do// bcom ldan 'das sems can bsam pa ma mchis pa ji lta bu lags/ bka' stsal pa/ gal te zad pa yod na des nas 'grib ba nyid yin la/ 'phel ba nyid na mdo 'di'i dgos pa chen por 'gyur bas/ sngar mdo 'dir tshigs su bcad pa gsum stong gsungs pa bsdus nas yangs par bstags pa las de dag thams cad rgyas par rig par bya'o// gal te tshigs su bcad pa sum stong yang dag par btags pa de las med na/ dge

  37. 282a

    slong yangs pa la dang ba'i yid ces na/ gyis zhus pa gang yin pa de kho na las legs par shes par gyis shig/ sangs rgyas/ bcom ldan 'das gang dang gang dag yongs su mya ngan las 'das pa de dag thams cad ni rtag pa brtan pa zhi ba ther theg pa yin no// rgyu gang gis nas/ sangs rgyas bcom ldan 'das yongs su mya ngan las 'das pa gang dag lags pa de dag bas par mi 'gyur lags/ bcom ldan 'das kyis bka' stsal pa/ ji ltar khyams sam/ khang bzangs dus dus su 'jig cing zhig na/ nam mkhar 'gyur ba de bzhin du yongs su mya ngan las 'das pa'i mgon po gang dang gang dag yin pa de dang de dag thams cad du thar pa kho nar 'gyur ro// dper na shi d+ha zhes bya ba'i skad kyi dbyings kyi don ni gta' zhes bya ba'i rkyen gyis de grub pa zhes bya ba'i rang bzhin du 'gyur te/ ji ltar 'jig rten pa'i bstan bcos rnams la/ mA na khyA ta u bas rku krid tad d+hi ta zhes bya ba la sogs bas bsdus pa'i grub pa'i tshig de la grub zhes bya'o// grub pa'i tshig de'i grub gang yang pa de ni yin mi mngon par med do// de bzhin du sems can gyis stong dang 'od tu nyon mongs pa bye ba zhi bar byas nas/ thar pa thob na yang skyes pa dang / rga ba dang 'chi ba'i srid pa 'byung bar mi 'gyur ro// brda sprod

  38. 282b

    pa ci dga' daklog pa dag sred d+ha zhes bya ba gang yin pa de'i de yang 'di zhes bya bar byed de yang gis tshig bsdus nas/ rang gis tshig gi ngo bor byed do// de ci'i phyir zhe na/ rgyud de'i phul du phyin pa'i phyir dang slob ma rnams phul du phyin par bya ba'i phyin par bya ba'i phyir dang / de 'di lta sngon gyi yig ge dang cho ga ci dag gam ma dag mi shes bar bcang bar dang / dbye ba bslabs nas su yang bcad pa dbye ba zhes bya bar byed do// de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'di ltar thog mar rdzogs pa'i sangs rgyas su yang bskur pa de nas bzung ste/ rgyun mi 'chad par 'khor ba nas sems can ji tsam pa de srid du la lar 'byung ba la lar yongs su mya ngan las 'das pa ston kyang de nyams par mi 'gyur ro// de ci'i phyir zhe na/ dgra bcom pa nyid kyi rgyas yang skye ba yang / rga ba 'chi ba'i srid pa 'byung bar mi 'gyur ro// 'od srung khyod kyis ji ltar steng dang 'og tu grub pa'i tshig tu mi 'gyur ba de bzhin du/ sangs rgyas bcom ldan 'das rnam shes par gyis shig/ 'od srung sangs rgyas bcom ldan 'das rnam ni sku cig gis/ sad rgyas su gsum du 'gyur ro// shakya mgon po'i skra cig gis de dag thams cad sangs rgyas nyid du byed pa dang / mi pham pa zhes byas pa mgon po bya mas 'gyur ba gang yin pa dang / de nyid ther zug pa yin te/ 'das

  39. 283a

    pa'i sangs rgyas kyang nga nyid yin te zhes bya ba de dang gsum ste gang yang bskal pa 'di'i sangs rgyas stong pa ji snyed pa de dag thams cad kyang sangs rgyas shakya thub pa'i zhes bya ba de ltar/ shes par gyis shes/ sangs rgyas shes bya ba'i skad kyi dbyangs ni mkhas shing rtogs pa'i skad kyi dbyings yin te/ sangs rgyas kyi skad kyi dbyings dang / mya ngan las 'das pa'i skad kyi dbyings ni de lta bu yin par gsungs so// ji ltar mkhas shing rtogs pa'i skad kyi dbyangs nyams pa de bzhin du/ sangs rgyas nga yang rtogs pa'i mya ngan las 'das par 'gyur ro// 'od srung mdo sde 'di dag ma 'ongs pa'i dus na thos na/ rang bzor byas pa'o zhes smras par 'gyur ro// de ci'i phyir zhe na/ sangs rgyas gsung la skad kyi dbyings mi snang bas grub pa'i skad kyi dbyings kyi mdo na 'ga' zhig gis byas so// sangs rgyas kyi gsung la ni de bzhin gshegs pa rtag pa mi snang na/ kha cig gis rang bzer byas so// sangs rgyas kyi gsung ra ba la ni bdag mi snang na/ kha cig gis yang rang bzor byas so yang gsung rab yan lag dgu la/ gang du yang mtshungs pa med pa zhes bya ba'i mi snang na/ 'ga' zhig gis rang bzer byas te/ cham mtshungs pa ma med pa'i mdo ni 'ga' zhig gis rang bzor byas par zad do zhes zer ro// dper na 'di ltar rgyal po gtong pa dang ldan par gyur de'i tshe/ rgyal po de'i nor

  40. 283b

    bsags pa bum pa mang po sa rum nas 'byung bar 'gyur ro// de ci'i phyir zhe na/ ji ltar ji ltar rin po che gang dang gang dag shi ba dang / bkren pa dang phongs pa dang / slong ba la sogs pa la/ bgo sha byed pa de lta de ltar de la 'jig rten du rin po che cha mtshan can de dang / de dag 'byung bar 'gyur ro// de bzhin du byang chub sem dpa' thabs chen po la mkhas pa/ chos zab mo rin po che gang dang gang dag yin pa sems can rnams la/ chos bstan pa ston cing ngos chog shes pa dang / yo byad bskangs pa thog mar byas nas/ de ltar chos ston pa la zhugs pa na/ dam pa ma yin pa'i rdzas spong ba'i mdo sde gang yin pa de dag 'thob par 'gyur pa/ 'di ltar stong pa nyid dang mtshan ma med pa dang / smon pa med pa dang / ldan pa'i sgo de lta dag 'thob par 'gyur ro// de bzhin gshegs pa rtag pa nyid dang / de bzhin gshegs pa snying po yod pa nyid kyi mdo sde snying po can gyi le'u 'di dag kyang thob par 'gyur ro// gsol pa/ bcom ldan 'das byang chub sems dpa' chos la gus par bgyid pa ji lta bu legs/ bka' stsal pa/ gang gi tshe rung ba ma yin pa la rung ba'i/ 'du shes kyi sprod na'o/ gsol ba/ ji lta bu lags/ bka' stsal pa/ dper na ko sa lis rgyal po gsal rgyal 'di'i drung du/ gang gi tshe rgyal po 'ga' zhig gi pho nya rigs dma' la skyes pa/ gsol ba/

  41. 284a

    bkren pa zhig 'ongs par gyur na/ de la rnga bo che dang rol mo'i sgra mang po dang / glang po che'i steng nas skad chen sgrogs shing / stan chen po gting nas rgyal las dri dang / 'phreng ba dang / byug pa dang / me tog dang / phye ma dang / gos dang / rgyan dang mang du 'thob par 'gyur zhing / rgyal po rang yang gos bzang po dag bgos nas/ bstan mthon po las babs te/ glang po che dang rta dang / shing rta yod bzhin du de'i mdun nas bsu ba'i phyir rkang gis gro zhing bstan dang gding ba yod bzhin du/ de'i mdun nas la 'dug par byed do// de ci'i phyir zhe na/ 'di ltar 'jig rten de dag gi gos dang / rgyan dang bcas par bcad par 'gyur mod kyi 'on kyang de rgyal po'i pho nya yin no// zhes bkur bsti byed do// de bzhin du chos smra ba'i mdun du gtam gyi dus na/ dge slong ngam/ khyim pas ji ltar nga'i snga na/ stan dma' ba la 'dug nas/ lha'i phye ma dang / dri dang 'breng ba dang / byug pa dang / gdug pa dang / me tog dang rkyen rnams kyis byed pa bzhin du bya'o// gang de ltar spyod pa de la ya mtshan de dang dag de'i drung du 'byung bar 'gyur zhing de la rtag du ngo mtshar du bya ba/ gnod sbyin dang / srin mo'i rgyal po rnams kyang rim 'gro byed par 'gyur ro// dper na byang gi sgra mi snyan gyi ba'i mi rnams kyi zas 'phel bar 'gyur gyi// 'grib par

  42. 284b

    mi 'gyur ro// de ci'i phyir zhe na/ 'di ltar de dag ji srid 'tsho'i bar du zas dang sgom kyi 'du shes med cing / mgrin pa dang / phrag dog dang sder sna mi 'byung ba'i phyir bar mdor 'grib par mi 'gyur ro// de bzhin du 'dzam bu gling 'di ni dge slong dang / dge slong ma dang / dge snyen dang / dge snyen ma mdo sde 'di lta bu 'di ba 'dri ba dang / klog pa dang / 'tshang ba dang / kun chub par byed pa dang / gzhan dag la yang ston par byed cing / bar mdor sgyid lug par 'gyur/ som nyi za bar mi 'gyur the tshom za bar mi 'gyur/ skur pa 'debs par mi 'gyur/ ba gang yin pa de dag gis rtag tu/ sangs rgyas kyis bin gyi rlabs kyis ngo mtshar du bza' ba dang / btung ba mang po rnyed par 'gyur te/ byang chub la thug pa'i bar du mi zad mi 'bri mi 'gong zhing / bar ma dor yongs su gtag par mi 'gyur ro// gzhan yang dper na/ dge slong bar ma dor g.yel bar mi byed pa gang yin pa de la/ lus tha ma 'dzin pa'i lha rnams rang gi lus khon nas/ ji srid mtsho'i bar du rim gro byed do// de bzhin du gang mdo sde 'di lta bu tha na yungs 'bru tsam yang skur pa gdab pa'i 'du shes skyed par mi 'gyur ba de dag ni de bzhin gshegs pa'i snying po// de bzhin gshegs pa rtag pa nyid thob par 'gyur ro// de dag 'chad pa dang / bsten pa dang / bkur bsti dang / rim

  43. 285a

    @byed yang de bzhin gshegs pa rnams las mngon du 'gyur ro// dper na 'khor los sgyur ba'i rgyal po gang dang gang du 'gro ba dang der rin po che sna bdun dag 'dong bar 'gyur ro// de bzhin du gang du gang phan pa ston pa de dang der/ mdo sde 'di lta bu 'di dag 'byung bar 'gyur ro// dper na gang dang gang du 'khor lo sgyur ba'i rgyal po 'dag pa de dang der rin po che sna bdun dag 'dag gi phyogs gzhan du gom pa gcig kyang mi 'dug go de bzhin du gang du phan pa ston pa mngon sum 'gyur ba 'byung ba'i tshe/ lho phyogs kyi lam nas/ mdo sde 'di dag 'ongs par 'gyur zhing / 'ongs nas kyang de dag gi drung ngo 'gro bar 'gyur gyin phyogs gzhan du ni gnas par mi 'gyur ro// / bam po gsum pa// / der ni stong pa nyid kyi le'u dang ldan pa'i drang ba'i mdo sde gzhan dag 'byung zhing / gal te de na ston pa yod na/ de nyid du gnas par 'gyur ro// yang 'khor los sbyar ba'i rgyal po phyogs gzhan du song na de na sems can dang bdag rgyal po'i zham 'brir byed pa de dag 'di snyams du bdag cag kyang rgyal gang du bzhud pa der 'dong ngo // snyam du sems dpa' 'gyur ro// de bzhin du gang du phan pa ston pa 'byung ba/ de dag gi lag du mdo sde 'di 'ong bar 'gyur ro//

  44. 285b

    dper na gang gi tshe 'khor los sgyur ba'i rgyal po 'byung bar 'gyur ba de'i tshe/ rin po che sna bdun dag 'byung bar 'gyur ro// de bzhin du phan pa ston pa gang du 'byung ba de'i tshe/ de dag gi lag tu mdo sde 'di lta bu 'di dag 'ong bar 'gyur ro// gzhan yang gang gi 'khor los sgyur ba'i rgyal pos rin po che sna bdun/ las sna cig ma mthong nas/ des btsal nas rin po che sna bdun po gang na yod pa de nyid phyin par 'gyur ro// de bzhin du mdo sde 'di lta bu'i mnyan na/ gang ba pa ston pa yod pa de dang de kho nar btsal ba rnyed par 'gyur ro// dper na gang 'khor los sgyur ba'i rgyal po med pa de na/ khams kyi rgyal po dang / stobs kyis 'khor los sgyur ba dang / rgyal bran gyi tshogs rnams 'byung ngo // de bzhin du gang na mi 'gyur ba/ deng phal pa ston pa dag 'di lta ste/ stong pa nyid kyi le'u dang ldan pa/ phal pa gzhan dag ston cing 'chad par 'gyur ro/ de'i de dag gis ni mdo sde lta bu mang po dag mthong nas sems can dag slob cing de dag gi lobs nas gang tshe de bzhin gshegs pa'i snying po de bzhin pa'i rtag par ldan pa'i mdo sde 'di lta bu 'di dag thos nas/ de dag yid gnyis dang the tsom thob cing blo phyin ci logs tu 'gyur ro// the tshom dang blo byin ci log tu 'gyur nas/ ci nas kyang phan pa ston pa la 'phya yang rung / mi 'phya yang rung dga' bar byed kyang rung / brnyas par byed kyang / snyom par

  45. 286a

    @#byed kyang rung / 'di skad ces ci'i 'di rang bzor byas pa zhig gam/ 'on te 'di snyan par bdun gyis bsams nas byas pa zhig ces smra zhing bsams nas/ de dang drung nas log ste/ rang rang gi yul du dong nas/ phan tshun tshul khrims nyams par byed/ lta ba nyams par 'gyur gyi de dag gis mdo sde lta bu 'di dag 'thob par ni mi 'gyur ro// de ci'i phyir zhes na/ gang phan pa'i ston pa der mdo sde 'di lta bu 'di dag 'byung bar 'gyur ro// de'i tshe 'jig rten 'dir sem can mang po dag gis mthong zhing na thos nas/ theg pa chen po la skur pa 'debs par 'gyur gyis zhum par mi bya'o// de ci'i phyir zhe na/ dus 'di ni snyigs ma lnga'i dus yin/ dus 'di ni bstan pa nyams par 'gyur ba yin pas/ sems can mang po dag/ theg pa chen po la shin tu skur pa 'debs par 'gyur ro// dper na khyim bdun gyi grong la 'gron bu cig yod pa/ de bzhin du gang na mdo sde 'di lta bu 'di dag rab tu spyod pa de na skye bo bdun las gcig ni gdon mi zad par dam pa'i chos spong bar 'gyur ro// 'di lta ste/ tshul khrims mtshungs pa dag mthong nas yid rangs par gyur cing / phan tshun gcig la gcig tshul khrims nyam par byed pas/ dag par 'gyur ro// de la tshul khrims mtshungs pa zhes bya ba ji lta bu zhe na/ gang zhig mdo sde 'di bu 'di dag thos shing / mdo sde de dag gis chos ston pa la sogs pa mthong na/

  46. 286b

    'di ltar yid ltar ya gcags nas/ phyir phyog par byed cing / gtam 'di lta bu dag smra ste/ de lta sems can gyi khams ni gang la de la de bzhin gshegs pa'i bdag gi ngog rtag pa 'am/ rang bzhin rtag pa ni gang yangs pa'i mdo bstan pa 'di'i gtam ci yin zhes/ kha gzhan du ltas te sems par byed cing / de dag 'di ni bdag phyogs byed par 'gyur ro// zhes de dag phan tshun byams par byed cing / de ltar rim gyis rang bzhin la 'jog par byed/ de dag gi rang bzhin cig par byed do/ dper na bram ze'i khyim 'jog bar byed/ khyim bdag gi khyim na khyim 'ga' zhig sprod pa ma yin pa la zhags par 'gyur ba na/ de pha dang mas bzlog ste/ de de las zlog pa na spyod pa ma yin pa de las ldog tu ma btub nas ji tsam na de rang gi khyim nas byung ste/ cha byung nas khye'u gzhan zhig dang lhan cig 'dres par byed do// de nas khye'u de yang khrid nas mnga' 'am bus pa'i rtsed mo 'am/ rtsed mo gang yang rung ba dag gis rtsed par byed de/ de ji ltar dga' ba de bzhin du de yang byed do// de nas dus gzhan zhig na de yang yid dga' bar 'gyur nas/ rang gi khyim nas 'byung zhing byung nas sems shing / bdag cag la 'di dang 'di skad ces zer bas/ ma la bdag cag cag yul gzhan du 'dong ngo zhes zer ba lta bu dag ni/ khrim mtshud pa zhes bya ba yin te/ de lta bu de dag ni mdo sde 'di lta bu 'di dag la dga' bar mi 'gyur/ mdo sde 'di lta bu 'di dag klog

  47. 287a

    par mi 'gyur/ gzhan dag la yang ston pa dang / gzhan dag sbyor bar byed pa de ltar gnas pa dang de ltar sbyor bar byed pa de dag la phyogs par mi 'gyuro// de ci'i phyir zhe na/ de 'dra ba'i dus la na sems can rnams chos 'phongs phod par gyur pas/ bcom ldan ba'i yid kyis lhod par mi 'gyur ba'i phyir ro// de nas de'i tshe gang dang gang du skal ba spyod de dang der dong nas/ skur pa 'debs par 'gyur ro// bcom ldan 'das kye ma'o dus ngan pa'i dus 'byung bar 'gyur lags bka' stsal pa/ 'od srung de 'dra'i dus byung ba phan ston pa rnams kyis ci 'dra ba dang / ji lta bu'i rang bzhin du bya zhe na/ dper na grong brdul la ma grong khyer ro// tshong 'dus kyi lam po tsha la rten pa'i zhing / glang po che dang / rta dang mis bza' bar 'os pa'i mon sran 'am/ mon sran gre'u 'am shing gi zhing lo tog phun sum tshogs pa zhig yod par gyur la/ de yang bzan khar bab pas de'i dbus su lam po che byad la/ de nas der khyim mi zhing bdag gis bsrung ma cig bzhag pa dang / de nas des nyi ma gcig zhing bsrungs nas/ ba ga tsha ste g.yel bar gyur to// de nas de bzhin du nyis pa dang gsum pa dang bcu dang / nyi sha dang / brgya pa yang de bzhin no// de la mi tha ma shos kyis bsam pa/ gal te bdag gis 'di dag thams cad phyir bzlog na/ de nyid kyis bdag gis zhing bsrungs par mi

  48. 287b

    'gyur ba dang / lo tog kyang grub par mi 'gyur ro// bas bdag gyis thabs legs pa gang gis bdag srungs su 'gyur ba/ zhig gi lo tog chung gzon par zhugs/ pa rnams la/ thabs legs pa zhig bsam par bya'o// snyam zhing / de nas des de ltar bsams nas des gang na mon sran tsan 'am/ mon sran sde'u 'am mon sran gre'u 'am/ rgya sran yod pa de las thog mar 'don pa rnams la/ gus pas bsu nas phun nu bdag gi 'di snoms shig ces smra zhing / sbyin pa byin ni de ltar byin zhing / de ltar smras pas zhing de thams cad 'grub par 'gyur ro// 'od srung khyod kyis kyang de bzhin dang 'das pa'i 'og tu thabs de lta bu byos la/ dmad do 'di byugs shig 'od srung gi gsol po bcom ldan 'das bdag gis rnam grangs 'dis/ skyes bu tha shal rnams yang dag par gzung ngo / mi thog lags so// de ci'i slad du zhe na/ bcom ldan 'das bskal pa brgya stong du ri'i rgyal po ri rab kar du thogs pa ni/ mi mngon lags kyi skyes bu tha ma shal/ tshul khrims 'chal ba/ dam pa'i chos la skur pa 'debs pa/ dam pa'i chos la smod ba'i sems can de dag gis tshig rtsub po nyan pa ni ma lags so// bcom ldan 'das gzhan gyis sug par mchis ter/ dbang du bgyis pa ni mi mngon lags kyi skyes bu tha shal tshul khrims 'chal ba/ dam pa'i chos las kha phyir phyogs pa dam pa'i chos las ring

  49. 288a

    du gyur pa/ dab pa'i chos mnyan pa ma bzung bas nyams pa'i rgyun chad kyi sems can de dag gyi tshig rtsub po dang / rang bzhin ngan pa'i dag dang / tshig nyan pa ni lags so// bcom ldan 'das sa chen po 'di/ rgya mtsho dang ri dang / bcas par skal pa bye ba sa ya phrag brgya stong mang por spyi bo la thog pa mi mngon lags kyi/ skyes bu tha shal tshul khrims 'chal pa/ bstan pa rab tu rnam par 'jig par byed pa/ bdag la stod cing gzhan la spyod pa'i de sems can de dag gis tshigs rtsub po nyan ni lags so// bcom ldan 'das 'on pa nyin dang zhugs pa nyid dang / dmus long nyid ni mi mngon lags kyi skyes bu tha shal tshug khrims 'tshal ba dang / mu ge'u tshe 'tsho ba'i phyir skra bregs shing ngur thig dgos nas/ zas dang skom lhar bgyid pa'i sems can de dag gi tshig rtsub po nyan pa ni ma lagaso// bcom ldan 'das myur du yongs su mya ngan las 'das pa ni mngon lags kyi/ skyes bu tha shal tshul khrims 'chal pa/ lug bong ltar kun tu spyod ba lus kyi tshul 'chos pa dang ngag gi tshul 'chos pa'i sems can dag gi tshig rtsu ba po dang / ngag dang tshig nyan pa ni ma lags so// bcom ldan 'das kyis bka' stsal pa/ 'od srung kha khyod yongs su mya ngan las 'das na yang bar mi 'gyur ram/ yongs su mya ngan las 'das pa'i mthar phyin pa de yin nam/ bcom ldan 'das

  50. 288b

    gang zhig yongs su mya ngan las 'das na/ yang skyes bur mi 'gyur zhing mgum par mi 'gyur ba'i sems can rnams kyi lam ni theg pa gsum lags te/ bcom ldan 'das can thos dang rang sangs rgyas dang / sangs rgyas bcom ldan 'das rnams kyis lags so// 'od srung gis gsol pa/ bcom ldan 'das yongs su mya ngan las 'das na yang / yongs su mya ngan las 'das par mi 'gyur ba ji lta bu lags/ bka' stsal pa/ 'od srung nyan thos rnams nyan thos kyi yongs su mya ngan las 'da' bas yongs su mya ngan las 'das na/ de ni yongs su mya ngan las 'das pa'i mthar phyin pa ma yin no// de ci'i phyir zhe na/ yang rang sangs rgyas nyid du 'gyur la/ rang sangs rgyas rnams rang sangs rgyas kyi yongs su mya ngan las 'da' bas yongs su mya ngan las 'das na/ yang de ni ji srid rnam pa tham cad kyi mchog dang ldan pa'i thams cad mkhyen pa'i ye shes/ theg pa chen po'i yongs su mya ngan las 'das pa mchog gi mthar ma byin gyi bar du yongs su mya/ ngan las 'das pa'i mthar phyin pa mi yin no// bcom ldan 'das ji lta bu lags/ bcom ldan 'das kyis bka' stsal pa/ 'od srung dper na ma 'ongs pa las zho dang / zho las mar sar dang / mar las zhun mar dang / zhun mar las mar gyi snying khu ste/ de la zhun mar ji lta bu de ltar ni sa bcu thob pa'i byang chub sems dpa'

  51. 289a

    @rnams te/ nyon mongs pa'i lhan ma lon pas so// mar sar ltar ni nyan thos rnams so// mar sar dgongs bltar ni rang sangs rgyas rnams// mar gyi snying khu ltar ni de bzhin gshegs pa rnams bltar bar bya'o// gsol pa bcom ldan 'das de bzhin gshegs pas ci'i slad du theg pa gsum bstan lags// bcom ldan 'das kyis bka' stsal pa/ dper na dmag mi'i mi mchog sgyu ma la mkhas pa zhig rang gi yul nas/ yul gzhan du chags pa na/ de'i skye bo'i tshogs kyang dang cing skye bo'i tshogs gzhan yang ded nas/ rnam pa mang po bsgral bar 'dod par gyur la/ de ni 'dron po che de'i ston pa'i yon zhig/ Dade nyid bon yang yin pas de 'dron po de rnams/ 'brog dgon pa de nas sgrol ba na/ de dag dbugs dbyung ba'i phyir/ sprul pa'i grong khyer ra ba dang / khyams dang / yang tog phun sum tshogs pa zhig mngon par sprul nas 'dzub mos brgyang ring po nas bstan te/ 'di skad ces grogs po dag yu bu cag gang 'dod pa'i grong khyer ni pa gi yin no zhes smras pa dang / de nas de dag nye bar gyur to snyam du bsams nas/ grong rdal lam/ grong khyer ram/ tsheng 'dus de ni nye'o// de ni rten du 'gyu ro snyam du shes nas/ dbus mchog tu phyin par 'gyur ro// de nas de dag grong khyer zhugs pa na/ bde ba dang ldan pas sems las chung ngur gyur cing /

  52. 289b

    yang gong du 'gro bar sems bskyed par mi byed do// de nas ston pa de 'di stsal du sems te sems can dag ni dman pa bde ba phal ba 'di tsam gyis/ tshim par rtsibs ma la grong khyer 'di mi snang bar bya'o snyam mo// de nas de dag gis grong khyer de mi snang bar rig nas/ ston pa de la 'di skad ces smras so// de lta bur gyur ba de ci'i sgyu ma yin nam/ 'od te rmi lam yin nam ci brdzun nad nam bden/ de nas ston pa de dag las thos nas 'di skad ces smras so// rigs kyi bu grong khyer 'di ni khyed cag nga la sor bzhag pa'i phyir/ kho bo spu gyis grong khyer chen po mchog tu bdag cag gnas dgongs te/ grong khyer gzhan gang na/ ba der 'dong ngo // de dag gis kyang bdag cag mtha' 'khob kyi grong khyer phal bar gnas pa 'di ci rung / de ltar bya'o zhes smras pa'i gong ma bzhin du shes pa ra ba'o// yang grong khyer chen po'i grong khyer chen po zhig s+tha sprul te der yang de kho na bzhin no// de nas ston pa de 'gron po de dag 'brog dgon pa de nas de ltar sgrol zhing de ltar dbugs 'byin pa na/ grong khyer der bcud de/ de nas de dag grong khyer der zhugs pa na 'di snyam du sems te jig grong khyer 'di'i pha rol na ches khyab par 'phags pa'i grong khyer gzhan yod dam snyam pa dang de nas ston pa de 'di snyam du sems te/ skye bo 'di dag grong khyer 'di nyid du gnas par 'dod do snyam nas/

  53. 290a

    de nas ston pa de dag la 'di skad ces smras pa/ grog po dag grong khyer 'di'i ba rol na/ ches khyad par du 'phags la bzad pa'i grong khyer yod do// de ni grong / khyer thams cad kyi mthar phyin pa yin pas/ de 'dra ba'i grong khyer gzhan med do// de nas 'dron po de dag ded dpon de'i tshigs la yid ches par byas nas/ de dag gi grong khyer gyi yon tan gyi khyad par gong du thos shing mthong ba dang / ston pa de la 'di skad ces smras so// grogs po bdag cag kyang thams cad lhan cig tu grong khyer tham cad mthar phyin pa'i grong khyer chen po gang ba der 'ong ngo // de nas ston pa de dag la 'di skad ces smras so// leg so thams cad lhan cig tu 'ong ngo // de nas ston pa/ des 'dron pa de dag 'brog dgon pa de nas sgrol ba na/ skye bo'i tshogs chen po de dag 'di skad ces smras so// rigs kyi bu dag ni khyed kyis grong khyer chen po de'i snga ltas dang / grong khyer chen po de dang bde ba mang po'i grong khyer 'thong bar 'gyur ro// de nas ston pa des 'dron pa de dag 'brog dgon pa dag de nas/ sgrol zhing de dag la dbugs 'byin pa na/ grong khyer de rgyang ring po nas stan te/ 'di skad ces kyang smras so/ grogs po dag grong khyer chen po de'i snga ltas la ltos/ de nas skye bo'i chog chen pos yul dang ljongs dang / grong khyer de na gnas pa'i longs spyod 'byor zhing rgyas pa dang / grong khyer chen po de mthong nas/ yid dga' zhing 'gu bar gyur te/

  54. 290b

    gcig gi gdong du gcig bltas nas yang mtshan du gyur te/ bsams pa ci grong chen po'i gsal ba gzhan/ 'di lta bu gzhan na yod dam skam mo// de nas/ ston pa de dag la 'di skad ces smras so// grogs po dag grong khyer chen po 'di ni grong khyer thams cad las khyad par du 'phags pa/ gsal pa yin te/ grong chen po'i grong khyer bde ba mang ba rtag pa/ brtag pa zhi ba rga ba med pa/ 'chi ba med pa/ rtag tu bde ba rgyun du bde ba/ bar chad med par bde ba yin no zhes/ de ltar dbugs byung nas/ 'di skad ces kyang smras so te/ grong chen po'i grong khyer chen por zhugs shig/ skye bo'i tshogs de zhugs pa dang yang 'di skad ces smras so// grogs po dag grong khyer chen po'i mchog 'di/ grong khyer thams cad kyi mthar phyin pa yin zhing / grong khyer 'di las pha rol na/ grong khyer gzhan med// de nas de dag grong khyer chen po der zhags pa na/ ngo mtshar du cing yang mtshan du gyur te/ rab tu dmagu nas ston pa de la skal ldan/ shes rab chen po snying rjes chen po can/ bdag cag la rjes su brtse ba/ khyed leg so legs so zhes bya ba byin nas/ de nas yang ston pa de la dris skal ldan ci bdag cag gis rgal ba'i grong khyer gang yin de dag thams cad yod de dam/ 'on te med ston pa des smras pa/ grong khyer zhes bya ba de dag ni dbugs

  55. 291a

    byung ba'i phyir yin te/ gal te gnas de gnas ston pa yin na gnas stong pa de na dgos pa med pas de nas 'ong ngo zhes bya bar ci dgos she na grong khyer de ston pa yin pa yin pa'i phyir ro// grong khyer gyi dbying dang rangab dang yang rtog slu po lta bu ni/ nyan thos kyi theg pa shes pa dag pa 'di lta ste/ stong pa nyid kyi mdo dag yin no// gcig shos lta bu ni rang sangs rgyas kyi theg pa mi gsal ba yin no// rang sangs rgyas nyid ni thar pa gsal ba yin no// de lta bas na sangs rgyas bcom ldan 'das rnams theg pa gsum du gtam rnams gsum ston cing mya ngan las 'das pa yang rnams pa gsum ston la/ theg pa gcig kyang ston par 'chad do// 'od srung gang zhig mdo sde 'di lta med do zhes smras/ de'i ston pa yang nga ma yin la de yang nga'i nyan thos ma yin no// gsol pa/ bcom ldan 'das theg pa chen po la yang ston par nyid kyi don ston pa'i ma mdo mang du ma mchis lags so// bcom ldan 'das kyis bka' stsal pa/ ston pa nyid ston pa gang ci yang rung ba de thams cad ni dgos pa can du rig par byas la/ bla na med pa'i mdo 'di lta bu 'di dag ni dgongs pa yin par rig par bya'o// 'od srung gzhan yang 'di lta ste/ ko sa la'i rgyal po gsal rgyal gyi dgun zla tha chungs te/ gang gi tshe dgun zla tha chungs la bab pa de'i tshe/ rgyal po shi ba dang / bgron pa dang / 'phongs pa dang / dge

  56. 291b

    sbyong dang / zam ze dang / rigs sna tshogs kyi slong mo la sogs pa la/ bu ram dang / zan dang / mar dang 'bras chan dang / bcab dang thung ba dang / thams cad bsres pa dang / 'bru thams cad las byas pa dag par byed de/ byin pa la/ de na kha cig ni thug pa 'dod pa nas kha cig ni sbyar ba dang / kha cig ni thams cad sres pa'i bar ro// de dag thams cad byin te/ de la kha cig ni bsres pa'i zas za/ kha cig ni mon bsran gre'u 'am/ mon sran sre'u 'am/ na le zham dag gi bar re re'i ro bsgrub nas btsugs btsugs su zos shing 'thungs so// de nas de'i 'og tu sems 'khrugs par gyur na/ 'di skad ces bdag gis zos pa gang yin pa de 'ga' yang ma za zhig ces zer zhing / de ni btsugs drod du za ba'i zas zhim po gang yin pa de/ sdug pa'i bu dang / skye ba 'am grong mi 'am/ rang gi skye bo 'am/ gzhan dag la sbyin pa de bzhin du/ 'od srung ngas sems can mos pa sna tshogs rnams la dgongs pa sna tshogs kyi mdo rnams bstan pa na/ de la snyoms las can tshul khrims 'chal pa dang / lus dang ngag dang / yid ma bsdams pa rnams de bzhin gshegs pa'i snying po sangs rgyas rtag pa nyid do// 'di lta 'di dag bor nas stong pa nyid kyi le'u yi mdo dag la slob par byed cing / de la kha cig ni phan tshun tshig dang yig ge 'dren par byed/

  57. 292a

    kha cig ni phan tshun tshig dang yig ge dag spong bar byed do// de ci'i phyir zhe na/ sangs rgyas kyis gsung thams cad las ni stong pa nyid dang / bdag med pa ston to// stong pa nyid bdag med pa'i don ma shes pa'i mi 'thun pa rnams ni nyams par 'gyur ro// gzhan yang stong pa nyid dang bdag med do// sangs rgyas kyi gsungs la nyon mongs la phrag byed pas rtag tu stong pa mya ngan las 'das pa nyid kyi tshigs gzhi rnams ni de dag thams cad kyi gzhi yin te/ sangs rgyas bcom ldan 'das de dag ni zhi ba ther zug pa'i mya ngan las 'das pa thob pa yin no// gsol pa/ bcom ldan 'das chad pa rtag pa ci ltar 'tshal bar 'gyur lags bka' stsal pa/ ji srid du sems can 'khor ba na 'khyim pa de srid du/ bdag 'jug pa yin te/ bdag med pa'i lta ba'i don ni ther zug pa dang rtag pa yin no// gal te rtag pa de bkag na ther zug nyams par 'gyur ro// bcom ldan 'das gzhan yang bdag med pa ni yun ring po nas/ zhags pa lags kyi bdag ni ring po nas zhugs pa la lags so// bka' stsal pa/ 'jig rten pa rnams kyi bdag ces bya ba de dag gzhig pa'i phyir bdag med par ston to// gal te de ltar ston pa'i bstan pa las gsungs na/ ji ltar grong pa'i yin par mi 'gyur/ sangs rgyas bcom ldan 'das ni bdag med pa gsungs par grog go zhes ya mtshar skyes par gyur pa dang / de'i 'og tu rgyu dang /

  58. 292b

    gtam tshig rgya stong gis bstan pa la 'dzud do// de ltar btsun pa las gang gi tshe yang gang gi tshe yang gong ma la dad pa skyes shing / zhugs pa na stong pa nyid kyi chos rnams la slob par byed/ brtso bar byed 'bad par byed do// de'i 'og tu de dag la thar pa ni/ zhi ba rtag gzugs dang bcas pa'o zhes ston to// gzhan yang 'jig rten pa thar pa yod do zhes zer te/ ngas de dag gzhig pa'i phyir thar pa ni cud zad kyang med do// zhes bya ba 'di gsungs so// gal te de ltar ston pas lta ba chud gzon par byed pa dang 'dri ba ma stan na/ ji ltar ston pa'i bstan pa la yid ches par 'gyur/ de lta bas na rgyu dang gtan tshig brgya stong gis thar pa chud gzon pa nyid kyi bdag med pa gsungs so// de nas de'i 'og tu thar pa chud gzon pa'i lta ba mthong na/ mi blun po rnams nyams par 'gyur pas/ de'i 'og tu ngas yang/ rgyu dang gtan tshigs brgya stong gis thar pa yin pa nyid du gsungs so// gsol pa/ gal te thar pa thob pa brtan pa dang / dbang phyug lags na sems can yang mchis shing brten par rig par mi bgyi lags so// de ci'i slad du zhe na/ du bas zhugs bzhin du gal te thar pa ther zug pa bdag lags na/ thar pa bdag tu smra ba gzugs dang / bcas pa bzhin du smra bar 'gyur lags sam/ ji ltar 'jig rten pa'i 'jigs tshogs kyi lta ba ltar yang mi yin la/ chang pa

  59. 293a

    dang rtag par smra ba lta ma yin no// 'od srung rigs yang gsol pa/ bcom ldan 'das de bzhin gshegs pa rnams la/ yongasu// mya ngan las 'das pa ma mda' na/ ci'i slad du de ltar yongs su mya ngan las 'das pa ston cing 'byung ba ma mchis/ ci'i slad du skye ba ston lags/ sems can rnams kyis re shig sangs rgyas kyang nongs par 'gyur na/ bdag ci lta ci smos/ re shig sangs rgyas kyi kyang bdag gis dbang ma thob na/ bdag cag ngar 'dzin pa dang / nga'i ra 'dzin pas zin pa rnams lta smos kyang ci dgos zhes shes par 'gyur bas so// dper na nyi 'og gi rgyal pos/ rgyal po zhig bzung ste/ lcags su btsugs nas/ brtson ra'i bcug pa dang / de nas des bsams pad+ma ni rgyal po yin/ bdag ni rje bo yin no snyam pa las yang smras pa/ bdag ni ma yin te/ bdag med pa ma rtog pa 'di ni sdug bsngal las ci zhig yod snyam pa de bzhin du ji srid du 'khor ba nas khyam pa de srid du/ nga ni bdag go zhes bdag du lta ste/ bdag med par lta bar don yin no// dper na chom rkun pas gsod pa ral gri gdengs pa/ de'i tshe rjes bzhin chas pa dang / de nas des bsams pa/ ci bdag chom rkun pa 'di'i lag nas 'tsher bar 'gyur ram snyam pa las/ bdag la lus kyi dbang la lus kyi dbang med do snyam du rtog par byed pa de bzhin du/

  60. 293b

    skye ba dang rga ba dang 'chi ba'i sdug bsngal rnam pa du ma dang ldan pa'i sems can rnams/ bdag ni dbang po 'am/ tshangs par cig snyam du rtog par byed pa/ de dag gi rtog pa gzhig pa'i phyir/ de bzhin gshegs pa grongs pa ston par mdzad do// re shig de bzhin gshegs pa ni lha'i yang lha ma yin na/ gal te de bzhin gshegs pa de ltar yongs su mya ngan las 'das te/ med par gyur na/ de'i tshe 'jig rten 'grib pa nyid snang bar 'gyur ro// gal te ma 'grib na ni brtan pa zhig pa yin no// gal te de ltar brtan pa yin na bdag yod par rig par bya ste/ dper du ba las me bzhin no// gal te yang bdag med par bdag tu gyur na/ de'i tshe 'jig rten 'phel ba nyid du rigs par bya'o// bdag bden pa yang bdag kyang ma yin la/ 'jigs par yang mi 'gyur ro// bdag med pa bden na bdag 'thad par ma 'gyur ro// 'od srung gis gsol pa/ bcom ldan 'das mchis pa zhes bgyi ba ci lags/ bka' stsal pa/ yod pa zhes bya ba ni sems can gyi spyod pa/ srid pa nyi shu rtsa lnga pa yin no// med pa zhe bya ba ni sems dpa' med pa'i dngos po yin no// / gal te med pa sems can du gyur na/ des na gzhan nas 'ong bar 'gyur ro// gal te sems pa zhig par gyur na/ des na 'grib pa nyid du

  61. 294a

    'gyur ro// gal te med pa sems can du gyur na/ des na 'phel ba nyid du 'gyur ro// de lta bas na de gnyis// mi skye zhing nyams par mi 'gyur te/ de'i bri ba med cing 'phel ba med pa nyid yin no// gsol pa/ bcom ldan 'das bdag ma mchis par ji ltar rig par bgyi lags/ bka' stsal pa/ 'od srung legs so legs so// zhu ba de lta bu ni zhum pa mi bya'o// 'od srung dper na gser 'tshod pa zhig gis/ gser gyi khams mthong nas 'di snyam du sems te/ nam zhig nas gser 'di dri ma can du gyur na/ bdag gis re shig gser gyi dri ma'i dang po'i mtha' btsal lo snyam na/ ji ltar de'i dang po'i mtha' rnyed par 'gyur ram/ bcom ldan 'das mi 'gyur legs so// gal te de'i dbang po'i mtshan ma dang / rtags ji srid 'tsho'i bar dang / ji srid mtha' med pa de srid du bsams kyang / ji srid mtha' rnyed par 'gyur ram/ gser yang slang bar mi nuso// gal te dri ma de dang thabs mkhas pa'i brtson 'grus drag pos dri ma sbyang ba byas na/ de'i 'og tu gser blang nus kyi shin tu skyo ba dang / rtag pas ni mi nus so// 'od srung de bzhin du bdag gi nyon mongs pa glo bur ba rnams kyang de dang 'dra bar shes par bya'o// yang 'ga' zhig bdag lta bar 'dod nas/

  62. 294b

    de 'di snyam du sems te/ ma la re shig bdag gis nyon mongs pa rnams dang bdag gis dang 'om ma btsal la snyam na/ ji snyed par 'gyur ram gsol pa/ bcom ldan 'das mi 'gyur lags so// gal te nyon mongs pa spyad pa byas na/ de'i 'og tu bdag rnyed 'gyur ro// bdag de yang mdo de dag thos pas// rnyed par mi 'gyur gyi/ thabs la mkhas pas skyo ba med cing ma ba rtogs par/ brtson 'grus drag po dang las rnam gsum gyis thob par 'gyur zhing / de nas mdo 'di lta bu 'di dag la yid ches par 'gyur ro// gzhan yang 'od srung gis gsol pa/ bcom ldan 'das gal te bdag mchis na/ ci'i slad du nyon mongs pa blo bur 'di dag gis 'di ltar gyur lags/ bcom ldan 'das kyis bka' stsal pa/ 'od srung khyod la dpe bstan te 'od srung dper na/ 'ga' zhig yig ge 'bru lnga pa bslang ba las/ skad kyi dbyings grub pa'i tshig gis tshigs su bcad pa'i don shes par byas la/ phyis bslab po zhes bzer na ci de shes bar 'gyur ram/ gal te ji bslab na de'i 'og tu shes par 'gyur mod/ rtag tu legs par bslab par gyur pa de'i tshe na de'i slob dpon gyi 'khor gyi de la/ skad kyi byings kyi grub pa'i don smra ba na/ de la dpe bstan ma dgos par des mnyan par nus pas des rang gi slob dpon gyi skad kyi byings grub pa'i ji lta bu bzhin

  63. 295a

    du yid ches par byas na/ phyis don shes shing yid ches par 'gyur ro// de bzhin du ngas de 'di nyon mongs par byed pa'i sbugs kyis khebs pa'i sems can de lta bu de la/ de bzhin gshegs pa'i snying po can zhes bshad do/ de yang la lta 'dod par 'gyur na/ ci de dag gis mthong bar nus sam/ gsol pa/ bcom ldan 'das rngo mi thog lags so// ji ltar slob ma de slob dpon la yid ches shing dang par byas na/ phyis des skad kyi byis kyi grub pa'i tshig gi don gyi gzhi shes par 'gyur ba de bzhin du 'od srung khyod kyis kyang de bzhin gshegs pa ni bden par gsungs pa'i tshigs gsung bar gyur pa yin pas sems can yod pa nyid do zhes gsung na yang rigs par byos shig dang / blo ba ma grub bzhin khyod kyis phyis shis par 'gyur ro// 'od srung yang khyod la dpe bstan to/ 'od srung bzhi po 'di dag ni sems can gyi khams na sgrib pa'i rgyu dang / stan tshogs kyi dpe yin te gang zhe na/ mig gi ling tog ser po dang / sngon pos rab rib tu gyur pa lta bu dang / zla ba sprin khyebs pa lta bu dang khron pa rko ba lta bu dang / bum pa'i nang gi sgron me lta bu'o// 'od srung bzhi po 'di dag ni snying po yod do zhes bya ba'i rgyu dang / gtan tshigs yin te/ rgyu dang gtan tshigs de dag sems can thams cad dang srog chags thams cad la/ sangs rgyas kyi khams

  64. 295b

    yod do// mtshan dang dpe byed bzang po mtha' yas pas brgyan pa na/ snang bar 'gyur zhing khams des sems rnams kyis mya ngan las 'das pa thob par 'gyur ro// de la mig rab rib can zhes bya ba ni ling gtog ser po dang / sngon pos g.yogs nas rab rib tu gyur pa bcos su rung ba/ ji srid du sman pa ma rnyed pa de srid du long bar 'gyur zhing / sman pa rnyed na myur du mthong bar 'gyur ro// sngon pos g.yogs nas rab rib tu gyur pa de bzhin du/ nyon mongs pa'i sbubs kyis khebs pa'i khams ji srid du nyan thos dang / rang sangs rgyas rnams la dga' bar byed pa de srid du/ bdag ni bdag ma yin 'gyur zhing bdag gi bdag du 'gyur ro// gang gi tshe sangs rgyas bcom ldan 'das rnams la dga' bar gyur pa de'i tshe/ gdag tu 'gyur zhing de'i log tu bsgrub tu rung ba'i mir 'gyur ro// mi de'i mig nang lid tog ser po dang / sngon po'i rab ri ba gang yin pa ltar nyon mongs pa rnams blta bar bya'o// de bzhin gshegs pa'i snying po ni mig bzhin du nges par yod do// de la zla ba sprin gyis khyebs pa zhes bya ba ni/ ji ltar sprin stug pos khebs pa'i zla ba'i dkyil 'khor du mi snang ba de bzhin du/ nyon mongs kyis khebs pa'i khams mi snang ngo // gang tshe nyon mongs pa'i tshogs sprin bzhin du bral bar gyur na/ de'i 'og tu zla ba nye ba bzhin du khams

  65. 296a

    snang bar 'gyur ro// de la khron pa rko ba zhes bya ba ni dper na mi zhig khron pa rko zhing rko ba na/ ji tsam ji tsam du sa skam po byung ba de tsam du rtags des na 'di nas chu ring ngo snyam du sems shing / gang gi tshe 'jim pa 'byung ba de'i tshe rtags des na 'di nas chu nye bo zhes shes par 'gyur ro// gang gi tshe chu la thug pa de'i tshe mtha' phyin no// de bzhin du nyan thos dang rang sangs rgyas rnams mnyen par byed cing / legs par spyad pa spyod pa sten pas/ nyon mongs pa rko bar byed do// rkos nas chu bzhin du de bzhin gshegs pa'i snying po rnyed par 'gyur ro// bum pa'i nang gi sgron me zhes bya ba ni ji ltar bum pa'i nang na sgron me zhod pa'i 'og lam mer ma yin lhag ger ma yin zhing / sems can rnams la ci yang mi byed pa de bzhin du/ de bzhin gshegs pa'i snying po mtshan dang dpe byad mtha' yas pa dang / ldan par gsungs pa yang sems can rnams kyi don ni byed do// gang gi tshe yang bum pa chag nas sgron me rang gi snang bas srog chags rnams kyi don byed par gyur pa de bzhin du nyon mongs ma byed pa'i sbubs can 'khor ba'i bum pa na/ de bzhin gshegs pa'i snying po gnas pa sgron me bzhin rab 'bar nas/ 'khor ba'i nyon mongs pa zad pa'i tshe/ bum pa chag pa'i sgron me bzhin du/ de bzhin gshegs pa sems can rnams kyi don byed par 'gyur ro//

  66. 296b

    gtan tshigs bzhi po 'di dag gis ji ltar nga la sems can gyi khams yod pa de bzhin du/ sems can thams cad la yang yod par rig par bya'o// de la bsgrub/ tu rung bar khams shes par bya ba'i ni cig tu gnas par yin par bya'o// ji ltar gong tu gtan tshig brgya brtsa brgyad pa'i gtan tshig re re zhing tshigs su bcad pa brgya rtsa brgyad du bsdebs pa las 'byung ba yin no// gsol pa/ bcom ldan 'das de bzhin gshegs pas/ ci'i slad du theg pa stan pa lags/ bka' stsal pa/ 'od srung khyod la dpe bstan te dper na/ khyim bdag nor bye ba yod pa zhig la bu cig pa zhig yod pa/ skye bo mang po'i nang du ma ma'i lag nas stor bar gyur la/ de nas khyim bdag de mchi ba'i dus la bab pa na 'di snyam pa dag gi bu stor te/ bdag la bu gzhan nam/ pha 'am ma 'am/ lhan cig skyes pa sbran nas nang mi med pas bdag gi nor gyi mdzod 'di dag ni/ rgyal pos bzhen par 'gyur ro// snyam du sems te/ de de ltar yang dang yang du sems pa na/ dus ring zhig 'dis pa dang / de nas bu gtor ba te/ grong khyer de nyid du 'ongs nas zas kyi phyir rang gi khyim du zhugs pa na/ khyim 'di ni bdag gi pha'i khyim yin no snyam du mi shes so// de nas de'i phas ni mthong ma thag kho nar bdag gi mthun pa'i bu yin na 'di la khyod bdag gi bu yin no zhes chung zad kyang sla bar mi bya'o// de ci'i

  67. 297a

    phyir zhe na/ slar yang gros dang mi rung zhes de/ des deng la nor gyi mdzod rab tu mang po byin no// de nas de la smras pa/ bdag ni/ khyed kyi khyim na gnas mi phod do// de ci'i phyir zhe na/ bdag gi khyim na gnas pa zhags pa'i 'chi ba'i bcings pa bzhin sdug bsngal lo// de nas khyim bdag des 'di skad ces smras te/ ci zhig bye des 'di skad ces smras so// bdag gi khyim gyi ba lang btsa ba 'am/ rtswa brdarnga ba 'am/ phyag dar dor ba 'am/ 'brus kyis zhing rmo lags so// de nas khyim bdag des bsams pa/ e ma'o bsod nams ma byas pa'i sems can kyi hud rim kyi dus shes par bya ba las/ gzhan ni mi nus snyam nas/ legs kyis re shig phyag der gyi phung po dag kho na phyogs shig/ de nas phyis dus gzhan zhig gis tshe/ phyag dar 'phyag pa ni des khyin bdag de 'dod pa mang po la rtse zhing gda' bar byed de/ bde ba'i yul nyams su myong bar bye ba mthong ngo // mthong nas kyang bsams pa/ jo bo bdag la nor gyi mdzod mang po ba sbyin par 'gyur ba'am/ yang na bdag bu nyid du byed par 'dod ni ci mi rung smra snyam ste/ mi de de ltar sems pa na/ phyag dar gyi phung po dag ha cang 'phyag par mi byed do/ de'i tshe de'i phas de'i las byed pa de dag mthong nas bsams pa/ bdag gi bu 'di nga ni bzang po'i skal pa yod do snyam

  68. 297b

    nas de'i phas bu de la 'di ces skad smras so// ke'i mi khyod ni rang gzhan du sems sam ci'i phyir las legs par ma byed/ des smras pa de bzhin te/ bdag de ring nyid du khyod kyi bu nyid du khas len par 'dod de/ de nas de ring bdag gi sems der ltar dang par gyur to// des smras pa legs so// nga ni khyod kyi pha yin la khyod ni nga'i bu yin na/ khyod kyis nga 'di ltar phan par 'dod cing rjes su brtse ba yin par ma shes so zhes byas nas/ de nas des de la rang dbang ba'i nor gyi mdzod mang po mang po thams cad kyi nas/ skye bo'i tshogs chen po'i dbus su/ de mngon gsum du byas te/ 'di skad ces 'di ni bdag gi bu gcig pa yin te gtor nas ring zhig lon pa las 'di nyid slar 'khor te/ rang gi khyim du zhags nas/ 'dis 'di ni bdag gi pha'i khyim yin no zhes byas par ma shes ma rtogs nas de'i tshe/ 'dis khyod ni bdag gi pha'o// bdag ni bu'i zhes bya ba'i mang yang mi 'dod pa las/ da ltar 'di mdo la bu yin no// zhes tshig tu smra so// / zhes smras pa de'i cho ga de na skye bo mang pos/ kye ma'o sems can ni las rnam pa mang po de dag gi nyon mongs par 'gyur to// zhes ngo mtshar du gyur to// 'od srung de de bzhin du nga'i bu nyan thos thams cad kyang phyag dar gyi phung po phyag pa'i bu bzhin du/ gdong shes nas/ e ma kyi hud bcom ldan 'das da dung bdag cag

  69. 298a

    gis rang gi pa dang 'dra bar ma 'chal bas na/ nyan thos kyi theg pa ni legs so zhes zer ro// de bas na/ 'od srung khyod kyi 'di ltar bslab par bya ste/ gal te re shig yongs su spang bar nus na/ gshe yang rung spros kyang rung / khyod kyis de dag gi yongs su smin pa'i 'du shes par bya'o// 'od srung gzhan yang 'di na theg pa chen po rnams dang / nyan thos kyi theg pa can rnams ni rtag par mi mthun pa yin te/ ji ltar 'jig rten pa dang / 'jig rten las 'das pa lta bu/ ngan pa ltar mi mthun pa yin no// / bam po bzhi pa'o// // 'od srung khyod kyis yang mdo sde spong ba de dag kun tu bzang bar bya'o// de ci'i phyir zhe na/ gal te spong ba de dag sems de dang bcas te dus byed par gyur na/ de nyid de dag gi shin tu gnas pa nyid kyi mthar phyin pa yin no// de lta bas na de dag la snying rtse ba'i phyir 'di lta ste/ theg pa chen po la sbyar ba'i ched du thabs thams cad las mkhas par bya'o// de la gang dag ma dad pa de dag ni zad par 'gyur zhing / gang dad pa de ni yid ches par 'gyur te/ de dag thams cad bsdu ba'i dngos rnams kyis kun tu bsdu bar bya zhing bzung bar bya'o// 'od srung gzhan yang yang 'di na mi 'ga' zhig rims sam/ rims nad drag pos thebs pa kho nar gyur na/ 'di ltar mi de la sman zhig dpyad kyang mi bya'o// /

  70. 298b

    de ci'i phyir zhe na/ bya ba'i dus la ma bab pa dang / bya ba'i dus la ma bab mi bya ba dang / bya ba'i gnas 'di gnyis mi shes pa'i sman pa gang yin pa de ni// 'jig rten na sman pa yin te/ de lta bas na nad smin na dpyad bya la/ ma smin na dus su bsdud de bzhin du sems can gang dag tshul 'di spong bar byed pa de dang de dag ni tshar gcad par bya'o// de dag gang gi tshe nad smin par gyur pa dang / de'i 'og tu de dag rjes su dran nas/ e ma'o bdag cag gis ngo mtshar byas so zhes shes par gyur pa de'i tshe/ de dag nyan thos sam rang sangs rgyas kyi theg pa la sbas nas dpyad par bya'o// 'on te gzhan du ma nus na/ de dag la gos dkar po dag byin te/ bskrad pa'am rim pa gzhan dag/ gzhan gyis gdul bar bya'o// de ci'i phyir zhe na/ de dag kho la snying bas ci yang rung bas theg pa chen po la sbyor ba'i phyir ro// rgya gnyis kyis sems can rnams theg pa chen po la sbyar bar ste/ gnyis gang zhe na/ rigs pa dang bsdigs/ de bas na de dag rigs pas sam/ bsdigs pa sbyar bar bya'o// de ltar sbyar na/ byang chub sems dpa' sems dpa' chen pos/ sa dang po gnon par 'gyur zhing / des dang po gnas par 'gyur ro// yang de de ltar sbyor de bzhin du smra na/ sa gnyis pa 'thob pas 'di lta ste byang chub tu mgo gcig tu lung stan pa yin no// 'di lta ste dper na mi zhig brtson

  71. 299a

    nas de ci'i slar btson rar 'jug par 'gyur rab/ de bzhin du nyan thos kyi theg pa las byung ste/ theg pa chen po'i lam du zhugs pa/ de ci nyan thos kyis theg pa la reg par 'gyur lag sam/ 'od srung de ni mi 'gyur te/ de khros 'khrugs nas/ sa la rdobs par 'gyur ro// yang bcom ldan 'das kyis bka' stsal pa/ 'od srung khyod kyis de bzhin gshegs pa'i snying po shes kyis/ 'od srung khyod de ltar ma du shig/ 'od srung dper na/ don mthong na gtan tshigs dgos pa med de/ dper na sngon skyu ru ra mthong ba la skyu ru ra ni 'di yin no// zhes bya ba dgos pa med kyi/ sngon skyu ru ma mthong ba la ni skyu ru ra gtan tshigs dang bcas dgos pa lta bu dang / dper na lho phyogs kyi mi rnams la/ mi 'am ci'i ri mo bris nas bstan dgos kyi byang phyogs kyi mi rnams ni bstan mi dgos pa lta bu'o// de ci'i phyir zhe na/ de dag gis mngon mthong ba'i phyir ro// de bzhin du khyod kyis kyang skyu ru ra bzhin du gshegs pa'i snying po mthong ngo // 'od srung gzhan yang nga bzhugs pa'i/ tshe dang / khyod 'dug pa'i tshe mdo 'di spong ba gang dag yin pa dang / spong bar 'gyur ba gang yin pa de dag/ gal te nus na khyod kyis tshar bcad cing gzung bar bya'o// de'i tshe tshar bcad cing bzung nas/ rigs pa 'am bsdigs pas rang

  72. 299b

    gi bu la bya ba 'am/ sdug pa la bya ba 'am rang dang 'dra bar sdug par byas pas/ theg pa chen po la sbyar bar bya'o// 'od srung de ltar na nyan thos kyi theg pa de dag thams cad kyang nga'i bu yin no// de dag thams cad sngon pa/ spyad pa spyod pa na/ yongs su smin par byas pa yin te/ bskal pa mang po grangs pa/ dpag tu med pa pha rol tu de bzhin gshegs pa 'jig rten gyi gnyen zhes bya ba de'i tshe de'i dus de na/ mdo chen po 'di theg pa bshad pa dang / de'i tshe 'di dag dang gzhan de dag thams cad spong bar byed/ de dag thams cad cig tu bsdoms nas khro ba dang / smon pa dang / 'chang 'dra bas rgyu bar byed do// de nas de dag la 'di dag ni bdag gi bu yin/ bdag gi slob ma yin pas dus las thal na mi rung gis ji ltar 'di dag nye bar zhi bar 'gyur ba de lta de ltar gdul bar ba'i thabs mkhas pa zhig ngas bsams so// de nas ngas de dag gi stobs dang stobs med pa shes par byas nas/ de lta bu'i gtam bston to de la gang dag theg pa chen po la ma dad par gyur pa de dag la ni/ ngas nyan thos kyi theg pa'i gtam smras te/ rigs kyi bu mthar phyin pa ni 'di lta ste theg pa chen po 'di yin gyis/ lhag ma ni spang ba'i theg pa yin par bzung ngo // bud med kyis ni legs par spyod pa spyod kyang thar pa mi 'tham 'thob ste/ grong khyer mas kyang de bzhin no// rte cang

  73. 300a

    shes la non te brgyugs pas ni/ zong rdal lam grong khyer du myur du phyin par 'gyur gyi/ bus pa'i gom pas kyang ri gyis song na/ ci des kyang son par mi 'gyur ram/ ji ltar bus pa gzhon nu ni ni 'dzub mos mar dang kha zas za la/ stobs dang ldan pas ni snod bkang ste za ba de bzhin du/ 'od srung ngas kyang gang dag theg pa chen po mi 'dod pa de dag bsdus nas ngas de'i tshe/ de dag la phyag dar gyi phung po 'phyag pa'i de bzhin du nyan thos kyi theg pa chen po nye bar bstan to// de dag mod la skur pa btab pa'i las gang yin pa de yang / nga'i sngon gyi byams pa'i rim pas theg pa chen po la zhugs par gyur na/ lus gcig po de la kha cig ni glad nad dam/ mya ngan nas sems mi bde ba tsam gyis yongs su zad par 'gyur ro// de'i tshe gang dag nga'i tshig ma mnyan cig ma blang ba de dag ni tshul ma yin pas gnod par gyur ro// 'od srung de ltar na phyag dar gyi phung po 'phyag pa'i bu bzhin du/ nyan thos de dag thams cad kyang nga'i bu yin te/ da gdog shes par 'gyur ro// e ma ho kye hud bcom ldan 'das bdag cag gis da dung rang gi pha ma 'tshal bas/ nyan thos kyi theg pa ni da gdod thams cad lags so// bcom ldan 'das kyis bka' stsal pa/ 'od srung de nyid kyi phyir ngas khyod kyis

  74. 300b

    shes par 'gyur gyis khyod gang 'dod pa byed la rag/ ma spongs shig ces gsungs pa yin gyis/ lag te khyed kyis mi nus na de shog/ 'od srung khyod kyi de ltar bslab par bya ste/ de dag khros sam pa smod da yang khyod kyis mnags par bya'o// 'di lta ste dper na/ 'bab chu 'am ldeng ka 'am 'tshe'u 'am/ mtsho phran nas rdzing bu 'am khron pa zhig yod la de la skyes pa 'am/ bud med 'am khye'u 'am bu mo 'am/ sems can gang dang gang dag gis snod ci 'dra ba dag thogs te lhags nas/ de tsam de ma tsam gyi chu blangs nas dong ste/ bum pa ni bum pa gang rdza ma ni rdza ma gang / khyer ba ni khyor pa gang gi snod chags pa kho na la ci yang med na/ rigs kyi bu de la khyod par skyed pas/ bum pas skyed pa la khro ba 'am/ 'on te stong pas khror ci yod/ de bzhin du/ rigs kyi bu khyod kyi rang gi nus pa'i stobs bskyed pas/ nyan thos kyi theg pa la zhugs te ded le theg pa chen pos/ ci bya zhes mi 'dod spang bde bar 'gyur to// gzhan yang dper na/ rgyal po ni 'bras sA lu'i kha zas za/ yi dgas dang bkren pa ni 'bras bu dang / rtsa ba za khyim bdag ni rang gi 'byor pa za na/ ci des rgyal po la khya bya 'am gang dang gang gis ci dang ci byas pa'i bde ba 'am/ sdug bsngal de legs par thob par 'gyur bas/ des gnas par bya'o//

  75. 301a

    de bzhin du gal te khyed theg pa la 'jug pa'i mthu med nas yang / ci ste de 'gog/ gzhan yang rgyal po ni dbyig pa dang gse dang / mu tig dang nor bu dang / bai DUr+ya dang man shel dang / byi ru la sogs pa sbyin par gtor la/ bkren pa rnams ni gzar bu gang gi kha zas sbyin par gtong ngo // gang dag mang du thos pa lung 'dzin par byed la/ blo zhan pa na rang gi spyod yul tsam mo// gzhan dag ni grong khyer chen po 'am dpag tshad med por rgyug la/ de la bus dag pa dag ni 'dom phyed du yang rgyug mi nus na/ ci de la bus pa gzhon nus 'di ltar ngas rgyug pa nus so zhes ci de la brdeg par bya'am/ de las sus nyes/ 'od srung gzhon yang grong gi bud med ni/ grong du dga' la grong khyer la dga' 'o// 'od srung de bzhin gshegs pa yang sems can rnams la/ snod ji lta bzhin chos ston to// gzhan yang bcom ldan 'das la/ 'od srung chen po pa 'di skad ces gsol to/ bcom ldan 'das la chos zhig zhu lags so// bcom ldan 'das kyis bka' stsal pa/ gang zhig gsol pa/ sems can gyi lta ba la balhums lags na/ sems can gyi lta ba ci lags/ ji lta bu lags/ bcom ldan 'das kyis bka' stsal pa/ 'od srung dper na/ yul tsam pa zhes bya ba'i grong khyer

  76. 301b

    chen po nas mi dga' zhig gnyen yod grong khyer du chas te/ de yang gnyen yod kyi grong khyer chen po dang / ha cang yang mi ring ba'i grong rdal zhig tu gnas btab po// de nas des 'dron po gzhan zhig la dris pa/ kye mi gnyen yod na yul log pa rnams ji ltar gnas/ de na khyim 'am bka' sa 'am/ 'dren gnas na gnas pa'i bud med rnyed par 'gyur ram/ de nas ma de pa thabs mkhas shing pha rol gyi sems shes pas/ lha'i mig gis de 'od ba la brtags na/ de nas des rig ste ngan pa 'di ni rang gi ma bka' ba byed pa/ bla ma dam yongs su spangs te/ brdzun can gyi bu zhig gi tshig mnyan nas/ bdag gnyan yod du song ste/ smad 'tshed ma dang / lhan cig brtse bar bya'o// snyam nas/ 'dis 'ongs so snyam du bsams nas/ de nas des mi de la 'di skad ces smras so// kye mi lam nas slar myur legs te/ yul log ma pa khyod 'dra ba rnam ni rgyal po gsal rgyal gyis/ srin po'i rigs kyi lag tu zas su sbyin par byed kyis/ kye mi myur du slar song shig/ de nas mi de'i tshig gnyan nas/ myur bar brgyugs te/ rang gi khyim ga la ba der song ste/ rang gi ma'i rkang pa gtugs nas bzod pa gsol lo// de nas dus gzhan zhig nas mi de'i ba shi nas rang gi dbang ba'i nor thams cad

  77. 302a

    thogs te/ yang gnyen yod gang na bar chas pa dang / de mi de nyid kyis mthong ngo // de mthong na nas yang de 'ong ba la bsams// nas/ 'di ltar bdag der song nas nor ba dog pa thams cad shi ba dang / bkren pa dang / phongs pa dang / slong ba po la sogs pa la dgo ba dang / de bzhin gshegs pa la mchod pa dag/ bkur sti dang / ri mo byas la nga rgyal bcag ste/ bdag gi med cing / nga rgyal med par rim gyis byas la smad 'tsheng ma dang / lhan cig ji srid 'dod par rtsed mo dang / dga' ba dang dga' bgur spyad nas/ de'i 'og tu de bzhin gshegs pa'i snyan pa la rab tu 'byung bar bya'o snyam par shes so// mi des mi de la dris pa kye ma de sang mnyan yod kyi grong khyer chen po ci 'dra ba smras pa/ kye mi nga ni mnyan yod kyi grong khyer sdug cing yid du 'ong ba/ dga' ba mthong na yid dga' ba yul gyi bzang mo'i smad 'tshong tshegs yod pa/ 'byor pa rgyas pa bde ba nyams dga' ba yin te/ 'od srung de skad du smra na/ ci de brdzun smra ba yin nam/ gsol pa bcom ldan 'das legs ces so// bka' stsal pa/ de ni ma yin no// gsol pa ci lags/ bka' stsal pa/ de'i thabs yin no// yang bka' stsal pa/ de bzhin gshegs pas ni/ rnam grangs kyis brdzun cung zad bya bar gsungs so// gsol pa ci'i

  78. 302b

    slad du 'od srung khyod dang bu mo ser skye bzang mor lhan cig khyim par gyur te/ 'od bor ba na bzang po'i pha dang ma gnyis smras zhing / pha dang ma gnyis kyis bsams nas bdag gis bu gnyis yul nyams su myong bar byed dam/ 'on te bdag cag gi bu mi nang mi la dris pa dang / nang mi nye bar song nas/ 'jig rten na su zhig gzugs dang / sgra dang dri dang ro dang / reg bya'i 'dod pa la brtse ba dang / dga' ba'i yul nyams su myong bar mi byed ces khyod kyis smras pa ma yin nas/ gsol pa/ bcom ldan 'das de ni bdag gi brdzun du smras pa ma lags so// de bzhin du 'di la yang de ni thabs mkhas pa yin par rnam grangs/ 'dis tha snyad gdags par nus te/ rgyud gnyis ka rnam grangs 'dis mgu bar byas so// gsol pa/ bcom ldan 'das bdag cag tshe rabs lnga brgyar pa shug du mchis na yang / chung da g.yar lam du yang nyal po ma myod do// bka' stsal pa/ de ni kho na ltar yin gyi gzhan du ma yin te/ de yang skyes bu'i thabs mkhas pa yin no// gsol pa bcom ldan 'das thabs mkhas pa zhes bgyi ba ci lags/ bka' stsal pa/ thabs mkhas pa zhes bya ba ni sde dang / phyi mar dga' ba dang phyi ma dang snga mar 'gal ba/ smra ba'i don to don kyis ma yin no// de ci'i phyir zhe na/ sangs rgyas rnams ni thabs gang dang gang gis

  79. 303a

    ba don 'grub par 'gyur ba'i thabs de dang / des nges pa'i don gyis sam drang ba'o don gyis gsungs pa yin no// gsol pa/ don grub pa zhes bgyi ba gsungs pa ci lags/ bka' stsal pa/ don grub pa zhes bgyi ba ni chos grub pa zhes bya'o// gsol pa/ de bzhin gshegs pas dge slong dag tshad ma rung ba yin pa de yang blang bar bya'o zhes rnam grangs cung zad ci gsungs pa/ gal te de ltar lags na/ de la yang blang bar 'gyur ram/ bka' stsal pa/ 'od srung de ni rgyu ma yin no// gsol ba ci'i slad du lags/ ci pha'i ched ma srog dang bral bar bya 'am/ ci gzhan gyi ched rang srog dang bral bar bya 'am/ ci ma'i ched du pha srog dang dpral bya 'am gsol pa/ bcom ldan 'das de ni ma lags kyis bka' stsal pa/ 'od srung de bzhin du pha dang mas mi byed pa gang yin pa de ni/ de bzhin gshegs pa snying pos byed do// 'od srung ji ltar gong du yul tsam pa na gnas pa'i mi bzhin no zhes gsungs ba ltar/ bdag bden yang ngas bdag tu 'dzin pa dgas pa mdzad do// de ci'i phyir zhe na/ ji ltar mi des rang gi ma bor nas de'i ma yang sdug bsngal bar gyur te/ de yang gi ma dang bral bar gyur pa las/ de nas mi des de skad tshig sgo nas slar bzlog pa dang / ma dang bu de gnyis phrad par gyur to// de nas de'i 'og tu

  80. 303b

    ma shi nas/ rang dbang rnams ji bshad pa bzhin du/ 'dod pa'i bde ba bstan nas/ de'i 'og du rab tu byung ba bzhin no// dge slong dag de bzhin du// ngas kyang gal te thog ma kho nar bdag yod do zhes bya ba stan na su zhig dang par 'gyur la gal te dang par gyur na/ 'jigs tshogs la lta ba'i bdag tu 'dzin pa 'di ni 'jig rten gyi spyi thun pas nga'i yang der 'gyur ro// ngas kyang yul pa na gnas pa'i mi bzhin du thog mar bdag med pa bstan nas/ de'i 'og tu bdag yod pa nyid sten par 'gyur te/ nya nyid dang bdag gi de kho na nyid kyang bshad do// 'od srung de lta bas na thabs mkhas par bya'o// 'od srung gzhan yang dper na mi zhig lam po che zhig nas/ 'brog dgon pa song ba las bya bar gnod pas byas pas/ sgra phyung ba dang de nas mi de laM du zhugs te/ 'gro bas bya'i skad de thos nas bsams pa/ ci tshom kun pa byung 'am zhes de chom rkun pas/ 'jigs skad ste byol ba las dgon pa gang na stag yod pa der chud nas tshul ma yin pas sdug bsngal bar gyur to// 'od srung de bzhin du ma 'ongs pa 'dus na/ dge slong dang dge slong ma dang / dge bsnyen dang dge bsnyen ma rnams/ bdag dang bdag gi zhes bya ba'i sgra tsam gyis/ 'jig rten pa'i 'jig tshogs la lta ba'i bdag med pa/ sems shing stong pa chen po chad pa'i lta ba smras

  81. 304a

    ba'i bdag nyid du 'gyur bas/ de bzhin gshegs pa rtag pa sangs rgyas rtag pa'i bdag nyid dang ldan pa'i mdo sde 'di lta bu 'di dag la dad par mi 'gyur ro// 'od srung gzhan yang zhing ba blun po/ mnyan yod kyi grong khyer chen po sbyar ma mthong ba zhig yod pa de/ der zhugs pa na skyes pa dang bud med gzugs bzang ba/ mdzes pa lta na sdug pa mthong ngo // mthong nas kyang mig mi 'dzums par rigs kyi bu dang rigs kyi bu mo dag ltas so// ltas te/ phyir byung nas de rang gi khyim gang na ba der song ste/ zhing pa blun po rnams la smras pa/ rgyal po ni 'di 'dra/ de na bud med kyi gzugs ni lha'i bu mo 'dri ma'i dbang po'i gzugs ni lha 'dra'o// zhes smra ba na/ mi pa la pa gzhan rnams kyang po mthong nas 'di snyam du/ bdag cag gis kyang lha'i bu mo dang bcas pa mthong ngo snyam pa dang / de nas rgyal po'i pho nya bkrabs pa dag gis thos nas/ tsal col she dag smra'o zhes te gsod par 'gyur ro// 'od srung de bzhin gshegs pa sangs rgyas pa'i dus mya lhas 'das pa nyid na/ rtag pa brtan pa zhi ba ther zug pa/ bdag ces bya ba'i tshig gi gzhi bstan pa yang / 'jig rten las 'das pa'i dus na/ bdag ci 'dra bar 'gyur zhing 'jig rten pa'i 'jig tshogs la lta ba groms par byas pa'i bdag nyid kyang zad par gyur/ zad par gyur zad

  82. 304b

    par 'gyur te/ lta ba de lta bu gang yin pa de ni nga'i ma yin pas/ de'i phyir rtag pa dang / chad pa spangs pa zhes gsungs pa ni/ ngas legs par gsungs pa yin no// 'od srung de bzhin gshegs nyid skyes so zhes gsung na/ ci de bzhin gshegs skyes pas/ nga tshems shing sten to zhes gsung na/ cing sten snyam 'am/ 'od srung snga ma dang / phyi ma'i tshig gi don 'gal gyi/ don la ni ma yin no// gsol pa ci ltar ma lags/ bka' stsal pa/ 'od srung khyod la dpe bstan te/ dper na// gtso blag mkhan mkhas pas gos phal pa zhig nyos nas/ dmar por byas te btsongs na/ rin chen por lom mo// de nas des phyis rin lhag pas nyos nas gos de nyid sngon pos/ tshig gur byas te gzhan gyi lag du btsongs na/ de nyis 'gyur gyi rin du ldom na/ 'od srung ci dgos de nyid yin nam/ 'on te gzhan yin zhe na/ de ni gzhan ma yin te/ kha dog sbyar bar zad do// 'od srung de bzhin du gos kyi rnam pa bzhin du bsod nams gser gyi rgyun chags pas/ de phyis mtshon ci'i thabs kyis thabs mkhas pas/ kha dog sgyur ba lta bur byed do// 'od srung gzhan yang dper na/ grong khyer chen po zhig na/ dge slong tshul khrims dang / ldan pa/ gcig yod pa 'chi ba'i tshe grong rdal la ma/ grong khyer du bsod snyoms la rgyu ba na/ slad 'tshed ma zhig mthong nas/ de sems chags par gyur te/

  83. 305a

    de nas des bsams pa/ gyon pa'i gos 'di byin la/ 'di lta bu zhig bya'o zhes nges par byas nas/ des gyon pa'i gos des smad 'tshong ma de blongs dang / smad 'tshod ma de chags pa'i rang bzhin pas/ de bzhin du bya'o zhes de la khas blangs so// de nas dge bsnyen thabs la mkhas zhig gis/ de mthong nas bsams pa/ e ma'o kyi hud/ dge slong tshul khrims dang ldan pa 'di/ nga ni tshul khrims 'chal par 'gyur te/ gnyis ni dge slong 'di lus 'dis shi ba sla'i/ tshul khrims 'chal ba ni ma yin pas/ de'i sdig pa gang yin pa de bdag la bab par gyur cig ces/ de nas des gtam ci zhig byas nas/ rmongs par byas te/ mod la gsang na/ 'od srung mi de dmyal ba par 'gyur ram/ 'od srung gis gsol pa/ de ni bcom ldan 'das nyid mkhyen lags so// / bka' stsal pa/ 'od srung mi de'i dge slong srog dang phral ba'i sdig pa'i gang yin pa de/ de zla ba bzhin rims kyis thebs nas/ lus de nyid la rnam par smin/ ba dang / dengs par 'gyur na 'od srung nga thabs mkhas pas/ sems can gyi don tu tshig tsam du smras pas/ nyes pa byed de/ bdag bden par yod pa la/ bdag med do zhes 'gog pa tshig tsam du smras pas/ cir yang mi 'gyur ba lta ci smos/ 'od srung gzhan yang khyod kyis kun dga' bo cal gyis mnan nas/ nga la

  84. 305b

    zhus pa/ srid pa yod na bde dang sdug bsngal te/ med na bde dang sdug bsngal ga la yod/ ces bya ba de'i don 'od srung khyod nyon cig/ 'od srung de bzhin gshegs pa ni dngos po med pa/ sems can med pa/ 'jig par 'gyur ba ma yin pa'o// gsol pa/ ji lta bu lags/ bka' stsal pa/ 'od srung dper na/ ri'i rgyal po gang can gyis drung na nor bu rin po che 'od mtha' yang ba sA ba zhes bya ba'i khams yod do// de nas nor bu rin po che'i khams de la/ nor bu rin po che'i khams byi dor byed pas bltas nas/ des de blangs te/ gser gyi kha dog bzhin du thabs kyis dri ma spangs te blangs nas/ de nas des gang gi tshe/ dri ma dag par gyur pa de phan chad 'am/ 'dam rdza ba 'am/ bye ma 'am/ snod gang dang gang du mi des bcug kyang / des der nor bu rin po che de/ de lta de ltar byi bdar byas pas/ ji ltar thog ma'i dri ma'i skyon de kho nas/ 'dres par mi 'gyur ro// de ci'i phyir zhe na/ dper na gang dang gang du mi sgron me thog se te/ song ba de dang de nyid du mun pa med par 'gyur zhing / sgron me yang gsal ba kho nar 'gyur ro// 'od srung de bzhin du nor bu rin po che de/ gser bzhin du dri mas gos pa med par gyur cing / nor bu rin po che de yang / mtshan mo ni rgyu skar dang / zla ba'i 'od kyi rkyen gyis/ chu 'dzag par 'gyur la/ nyid mo ni nyi ma'i 'od kyis me'i

  85. 306a

    kha dog ltar 'bar yang / chung zad kyang srog par mi byed do// 'od srung de bzhin du/ de bzhin gshegs pa dgra bcom pa yang dag par rdzogs pa'i sangs rgyas 'jig rten du byung nas/ byang chub sangs rgyas pa nyid kyis skye ba dang rga ba dang na ba dang / 'chi ba'i dri ma stsal cing / nyon mongs pa bye ba las rnam par grol/ bag chags kyi dri ma thams cad dang bral ba na/ nor bu dag dag pa bzhin du rab tu gsal zhing / pad+ma bzhin du thams cad du gos pa med par 'gyur ro// 'od srung gzhan yang de bzhin gshegs pa/ gang gi gzugs kyis/ 'jig rten gang dang gang du 'byung zhing byung nas kyang / phal pa bzhin du ston par mdzad de/ pha la par 'byung yang / ngan 'gro'i nyes pa de dag gis gos par mi 'gyur zhing / lha dang mi'i bde ba dang / sdug bsngal yang nyams su myong bar mi 'gyur ro// lha dang mi'i bde ba dang / sdug bsngal zhes bya ba ni/ 'dod pa'i yon tan lnga yin te/ sdug bsngal ni bka' la/ thar pa cig tu mthar pa phyin pa shin tu bde ba yin no// de nas gnas brtan 'od srung gis 'di skad ces gsol to// bcom ldan 'das leg so leg so// bdag ni da 'dod rab tu 'byung ba dang / bsnyen pa rdzogs pa/ dge slong gi dngos po dang / dgra bcom pa nyid du gyur pa lags te/ da ni bdag gis de bzhin

  86. 306b

    gshegs pa la bgyis pa/ gzo ba bgyis pa che bar bgyi lags so// gang de bzhin gshegs pas/ bdag la 'di skad ces/ 'od srung chur shog/ stan gyi phyed sbyin gyis/ bdag cag gnyis stan cig la lhan cig tu 'dug go zhes gsungs pa/ de'i don ni de ring bcom ldan 'das kyis/ 'khor bzhi'i dbus su/ bdag theg pa chen po la dbang bskur ba lags so// de nas 'khor de'i nang na skra dang kha spu bregs pa/ dge slong gi kha dog dang / gzugs 'chang ba dag kyang 'dag/ dge bsnyen gyi gzugs 'chang ba dag dang / kha dog sna tshogs pa'i gzugs 'chang ba dag dang / kha dog cig tu phyogs pa dang / snyan dgas mkhan dang / mgrin pa sta ri lta bu dang / dud 'gro dang / kha gyen du lta ba dang / kha thur tu lta ba dag 'khod do// de dag thams cad ni/ bdud kyis byin gyis brlabs pa yin no// de nas tshe dang ldan pa kun dga' bos/ bcom ldan 'das la 'di ces gsol to// bcom ldan 'das 'khor 'di ni shin te ma ma lags pa/ sbun pa bral ba/ phub ma ma mchis pa/ tsan dan gyi snying po lta bu/ sra ba brtan par gnas pa lags/ 'khor 'di lta bu'i nang du 'di dag ci'i slad du zhugs lags/ bka' stsal pa/ kun dga' bo khyod gnas brtan 'od srung la dris shig/ kun dga' bos leg so bka'

  87. 307a

    bzhin 'tshal zhes mnyan nas/ gnas brten la 'di skad ces smras so// btsun pa 'od srung 'di dag 'khor gyi nang du ji ltar zhugs// 'od srung gis smras pa/ kun dga' bo 'di dag ni skyes bu blun po bdud kyi 'khor te/ bdud dang lhan cig lhags pa yin no// kun dga' bo bdag ni rgyu 'dis skad ces/ bcom ldan 'das bdag ni zhing srung ba thabs mkhas pa bzhin du/ de bzhin gshegs pa 'das nas/ dam pa'i chos srung ngo mi thog lags so// / zhes gsol nas/ don de'i phyir bdag gis/ de'i tshe sa chen po 'di khur du thogs pa ni mi mod legs so zhes kyang gsol to// de'i tshe bcom ldan 'das kyis bdag la bka' stsal pa/ 'od srung khyod kyis nga 'das nas/ ji srid bstan pa nyams par ma gyur ba de srid du/ 'jig rten du dam pa'i chos 'byin par nus so// zhes bdag la/ bcom ldan 'das kyis spro ba de'i tshe bdag gi bcom ldan 'das re shig bdag gis/ bgung lo bzhi bcu zhig dam pa'i chos dbyung bar bgyi'o zhes gsol ba dang / de nas bcom ldan 'das kyis bka' stsal pa/ re shig de'i bar du yang khyod snyoms las skyed dam ci/ ji srid bstan pa ma nyams pa'i bar du/ brtson pa mi nus sam/ de'i tshe bcom ldan 'das kyis kyang / bdag la bka' stsal pa/ 'od srung re shig bdud rtsol

  88. 307b

    cig/ gal te rnyed na de'i tshe dam pa'i chos la byin nus par 'gyur shing / nga'i don yang shes par 'gyur ro// kun dga' bo bdag gis ni/ de'i de'i tshe lha'i mig gis bdud sdig can ltas na/ ma mthong ma shes so// dper na mnyan yod kyi grong khyer du skye bo mang po'i dbus su/ zhing pa bu tor ba zhig gis/ rang gi bu btsal te ma rnyed na/ bdu cing slar ldog par 'gyur ro// kun dga' bo de bzhin du/ bdag gis btsal ba na ma rnyed nas/ 'di skad ces bcom ldan 'das bdag ni bdud sdig can col bar spro ba ma mchis lags so// zhes gsol nas/ de'i tshe bdag phyogs gcig tu 'dug go/ de nas de bzhin du 'od srung chen po'i 'og ma'i gnas brtan nas/ nyan thos chen po brgya bcu'i bar gyi nyan thos chen po re re shing / 'di lta ste zhing pa bzhin du dpe sbyar ba la/ tshigs su bcad pa'i grangs kyis bgrangs na/ stong phrag 'byung bar 'gyur ro// de nas byang chub sems dpa' bzang skyong dang / phug sbas la segs pa lnga brgya dang / 'jig rten thams cad kyis mthong na dga' ma gtogs pa la sogs pa de dag gis kyang / de bzhin du btsal na ma rnyed de dag la tshigs su bcad pa de bzhin du bgrang bar bya'o// de nas bcom ldan 'das kyis gnas brten 'od srung chen po la bka' stsal pa/ 'od srung gang ma 'ongs pa'i dus

  89. 308a

    na/ dam pa'i chos kun 'byin par mi nus pa'i rgyu ni/ dam pa'i chos nub nas lo brgya bcu lon pa dang / !lo brgya bcu nyid la lho phyogs kyis byang chub sems dpa' bzang skyong dang / phug sbas la sogs te byang chub sems dpa' lnga brgya po gang yin pa de dag thams cad kyi tham shos des/ 'byin par 'gyur ba yin pas re shig de tsol cig/ gsol pa legs so btsal lags te/ li tsa byi gzhon nu 'jig rten thams cad kyis mthong na dga' ba 'di nyid lags so// bcom ldan 'das kyis bka' stsal pa/ de'i drung du song la gsol ba thob shig dang / des bdud btsal ba bar nus so// de nas 'od srung chen po la sogs te/ nyan thos chen po brgyad bcu dang / bzang skyong dang / phug sbas la sogs pa/ gzhon nu drung du dong nas/ go bar byas pa gzhon nu khyod kyis ni bdud sdig can btsal bar nas so zhes bcom ldan 'das kyis bstan to zhes grag go// de nas gzhon nus 'khor gyis gtso bo 'od chen po la/ 'di skad ces smras po// btsun pa 'od srung bdag gis bdud sdig can btsal ba ni bgyin 'on kyang btsun pa 'od srung bzang skyong la sogs te/ byang chub sems dpa' sems dpa' chen po dag nas/ 'jam dpal dang / spyan ras gzigs phyug dang / mthu chen thob dang / ngan song spong dang / byams pa la sogs pa'i/

  90. 308b

    khar dag yod na/ ci bdag la mthos patsam 'am/ btsun pa 'od srung bdag bdud kyi rdzi ba ma lags kyis/ re shig bsod nams dang ldan pa rnams kyis col shig/ 'od srung gis smras pa/ gzhon nu bdud sdig can tshar bcad pas/ bsod nams su mi 'gyur ram/ gzhon nus smras pa/ btsun pa gal te de ltar na bdag gis kyang / ci ste mi nus na/ khyod nyid tu shes pas khyod kyi tshel cig/ de nas bcom ldan 'das la/ 'od srung gis don de gsol pa dang / bcom ldan 'das kyis bka' stsal pa/ 'od srung de skad byas na/ gzhon nu ci zer gsol pa/ bcom ldan 'das gzhon nu 'di skad ces/ re shig bsod nams dang pa rnams kyis legs par tshol cig/ de'i 'og tu bdag gis bdud sdig tsan btsal bar bgyi'o// re shig nyan thos chen po brgya bcus le tsol cig/ bdag ni khyim na gnas pa/ rigs lhag par dag dpa' ba lags pas/ de'i 'og tu btsal bar bgyi'o zhes mchis lags so// de nas nyan thos mchog de dag dang / bzang skyong dang / phug sbas la sogs pas yang btsal na/ dper zhing pa'i chung ma grong khyer du bu tor ba bzhin du dag bdag ni spro ba med do// bdag ni spro ba med do zhes phyogs gcig tu 'khod do de nas bcom ldan 'das kyis gzhon nu bos te bka' stsal pa/ gzhon nu khyod kyis bdud tshol cig/ gzhon gsol

  91. 309a

    pa/ bcom ldan 'das 'dzin gyi rgyal po'i bu gzhon nu ma lnga bkar zhes bgyi ba/ bsod nams dang ldan pa de 'dir mchis te/ de'i slad du rnga bo che dang / dung dang rol mo'i sgra sgrogs shing mchis lags so// de nas bcom ldan 'das kyis thams cad dang ldan pa'i byang chub sems dpa'i tshogs la bka' stsal pa/ sa 'dzin gyi rgyal po'i bu gzhon nu ma lnga bkar zhes bya bas/ dri ba cig gi lan ma thob nas/ mu stegs can phab par te/ de ring/ du zhag bdun lon nas 'di skad ces/ rgyal po zas gtsang gi btsun mo sgyu 'phrul chen zhes bya ba zhig yod do// de'i sras de go'u ta ma'i rgyud/ gzugs bzang po sangs rgyas shes bya ba zhig yod do zhes grag gis/ de'i spyan sngar 'gro'o zhes smra zhing 'od do// de nas de 'od pa na de'i tshe mnyan yod na rgyal bu rgyal byed kyi tshal de'i bar 'khor gyis rgyas par gyur cig/ rnga bo che dang dung dang / rol mo'i sgras mnyan yod nas/ rgyal bu rgyal byed kyi tshal de'i bar grags par gyur to// de nas gzhon nus gsol pa/ bcom ldan 'das kyang bdud sdig can tshol la bsod nams dang ldan pa rnams kyang / de skad mchi na de'i dri ba su lan ldon par 'gyur lags de nas bcom ldan 'das kyis tshigs su bcad pa 'di bka' stsal to// skyes bu brtan pas rtag tu ni/ gnod sems med par bu bzhin sprin/ nyams la

  92. 309b

    nam yang min zhes grag/ dri ba 'di yi lan thob shig/ de nas nyan thos chen po rgyad bcu dang / phug sbas la sogs pa/ byang chub sems dpa'i tshogs kyis tshig 'thun par tshigs su bcad pa 'di smras so// gnod sems med pa'i sems kyis su/ g.yol lam tshul khrims ldan yang rung // mdza' bo dgra la bu bzhin du/ thams cad du ni sbyin pa bsngags/ bcom ldan 'das 'jig rten po yis/ dri ba 'di 'dra gsungs pa gang / 'dri 'dra bdag cag ma thos nas// re shig 'jam dpal gyis rtogs shig/ de nas 'jam dpal la sogs pa byang chub sems dpa'i tshigs de dag gis kyang // de bzhin du tshigs su bcad pa nyid lan blan no// de nas bcom ldan 'das kyis li tsa byi gzhon nu 'jig rten thams cad kyis mthong na dga' ba la/ bka' stsal pa/ gzhon nu khyod kyis dris pa 'di'i lan thob shig/ gzhon nu gzhon nus gsol pa/ bcom ldan 'das re shig glang po che po 'di dag thams cad kyis rgan rigs bzhin je lan 'debs su stsal du gsol/ de nas rgyal po'i bu gzhon nu ma lnga bkar/ rgyal po'i gzhon nu ma lnga brgya dang / lhan cig bcom ldan 'das la phyag byas te/ bcom ldan 'das la mchod pa dpe med pa dag byas nas/ rnga bo che dag brdungs so// brdungs nas 'di skad ces smras so// brtan po gang dang gang rnga po che chen

  93. 310a

    po'i mdo nyan par 'dod nas/ lhags pa de dag bdag gi rnga bo che bsgrags pa/ bsan nas dri ba de'i lan lon cig gzhon nus gsol pa/ bcom ldan 'das lan ldon du stsal gsol/ de dag gis kyang gsol pa/ bcom ldan 'das re shig bud med rang bzhin gyis brtan pa lags pas/ de'i slad du bdag cag lan ldon rngo ma thog lags so// gzhon nus kyang gsol pa/ bcom ldan 'das bud med 'di rang bzhin gyis gzhon nu ma lags na// bdag bskyes par gyur pas bud med kyis rmas pa'i dri ba lan lags sam/ lnga dkar gyis spras pa gzhon nu khyod/ mgon po'i bstan pa la zhags nas khyo kyi chos nyid kyang thos na/ cid dung skyes pa'o// bud med do snyam pa'i phyin ci log gi 'du shes ma spangs sam/ smras pa srid mo ji ltar de yin/ de nas lnga bkar gyis smras pa/ re shig bcom ldan 'das kyang gang gi phyir/ de skad gsungs na/ de'i phyir phyin ci log gi mtshan nyid can yin no// gzhon nu lnga bkar la smras pa/ re shig rje thog mar de bcom ldan 'das la gsol cig/ de'i 'og tu 'di bdag dang lhan cig smra bar bya'o// 'od srung gis gsol pa/ bcom ldan 'das gzhon nu de skad ces mchis lags so// bcom ldan 'das kyis bka' stsal pa/ re shig gzhon nu khyod lan 'debs par 'gyur ro// gzhon nus kyang smras pa/ bu mo khyed su yin smras

  94. 310b

    pa/ bdag ni lnga bkar zhes bya ba yin no// smras pa srid me ci khyod kyis bkar po lnga thob 'am/ lnga bkar gyis smras pa/ chos rnams ni ming med pa yin te/ ming mi rtogs pas kun rdzob du bstan pa'o// gzhon nu'i mchog 'di ltar don dam par ni/ de stong pa nyid yin gyis de ltar shes par gyis de ltar shes par gyis shig/ gzhon nus smras pa/ lha mo da dung yang phyin ci log ma spangs sam/ 'di la gal te gzhon nu 'am/ gzhon nu ma zhes bya ba rnyed na/ de myur du smras pa/ gzhon nu legs so legs so// da ni dri ba'i las bcad de de bas na khyod rjes su dpags nas/ 'jig rten du sangs rgyas su 'gyur bar shes so// des smras lha me ci khyod kyis da dung dri ba bcad pa shes sam ji ltar gzhon nu dang bzad par 'gyur zhing mi skye ba de ltar khyod mi shes te/ khyod ni nyan thos dag ji skad brjod pa de bzhin du brjod par byed kyi/ dri ba 'di ni 'dzam dpal gyis ji skad smras pa bzhin yin no// lnga dkar gyis sbas pa/ dper ji lta bu yin/ gzhon nus smras pa/ kye ma'o ji ltar skyes pa 'ga' zhig yi ge rnams kyi thar phyin nas/ bdag nyid kyi ming bris na/ klog mi shes pa de bzhin du lha po lnga dkar mi shes so// / bam po lnga pa ste tha ma'o// // de nas thams cad dang ldan pa'i byang chub sems dpa'i tshogs dang / na mkha'i lha'i tshogs dang

  95. 311a

    'brug gi tshogs kyis phyogs bcu rnams g.yos rab tu g.yos/ ldeg rab tu ldeg/ chem rab tu chem/ de dag thams cad kyis/ de lta bus mchod pa'i las chen po byas nas legs so zhes bya ba byin te/ gzhon nu gang gis ya mtshan thams cad dri ba cig gis/ tshar gtsad cing srog chags bye ba brgya stong phrag du ma dag/ de bzhin gshegs pa'i bstan pa la btsud pa'i bu mo dang thub pa dang / des bzhag pa'i dri ma kun shes pa legs so legs so// de nas de'i tshe mu stegs byed ya mtshan can thams cad/ rang rang gi rab tu byung ba spangs nas/ de bzhin gshegs pa'i bstan pa rab tu byung ste/ de na gang dag rab tu 'byung ba la/ mi rten pa de dag ni snyen du gyur to// de nas thams cad dang ldan pa'i 'khor des/ gzhon nu la legs so zhes bya ba byin te/ gzhon nu khyod kyis gang gi phyir dri ba 'di'i lan ldog pa legs so legs so// gzhon nus smras pa/ 'di ni bcom ldan 'das kho na'i mthu yin gyi bdag gi ni ma yin no// bcom ldan 'das kyis bka' stsal pa/ 'jig rten thams cad kyis mthong nas dga' ba/ ngas kyang tshigs su bcad pa/ de kho na bzhin du shes so// tshigs su bcad pa de'i don gyi tshul ni 'di yin te/ byang chub sems dpa' skyes mchog gi/ rtag tu gnod pa'i sems su bya/ kun tu sbyin pa sngags pa ni/ tshul khrims bkur bag yel la min/

  96. 311b

    byams dang dgra la bu bzhin min/ tshigs 'di'i rnam dbye sna tshogs nyon// skyes mchog gis tshul khrims 'tshal mthong na/ rtag tu gnod sems bya zhing // de dag la cung zad kyang sbyin pa sbyin par mi ste/ de dag ni bstan pa dgra dang mtshungs pa yin pas/ 'di la sbyin par bya'o// zhes 'byung ba po rnams kyi ched du bsams par bya'o// sbyin pa rnam pa gnyis sa gsungs pa ni/ so so'i skye bo tshul khrims dang ldan pa dang / sems can sdug bsngal la/ snying rjes sbyin pa'o// gal te tshul khrims 'chal pa la/ snying rjes sbyin na/ gos par mi 'gyur ram/ ji ltar rma dug gis byug pa des ma byugs pa yang gos par 'gyur pa/ de bzhin du dge slong tshul khrims 'tshal bas kyang / tshul khrims dang ldan pa gang yin pa de yang nyams par byed do// de lta bas na 'di la tshar bcad pa kho na legs kyi sbyin pas lta ga la gzung / mthong na rtag tu dgra bo dang 'dra bar bya ste/ de nas gnod sems su bya'o zhes gsungs so// tshul khrims 'dren ma mi bsten te/ rgyu de'i phyir na gnod pa'i sems ni bskyed par bya'o zhes sngon gyi sangs rgyas rnams kyis gsungs/ 'dza' dang dgra la mnyam pa gang yin dang / g.yel dang tshul khrims ldan la mnyam pa gang / gnod sems med par spyod pa de kun ni/ bstan pa 'di la rtse dang 'dra bar gzung / bstan pa la ni nges pa'i don//

  97. 312a

    de ltar rab tu bsngags pa yi// spyod pa spu gri'i so lta bur/ rno ba'i mchog ni spyad par gyis/ de'i phyir rnga bo che chen po'i mdos sgrags so// / rnga bo che chen po'i mdos ci zhig bsgrags she na/ tshigs su bcad pa de'i don gang yin pa de 'dir rnga bo che chen po'i mdo las smos pas des na mdo chen po 'di ni rnga bo che chen po zhes bya'o// de nas ji ltar lhags pa'i 'khor de thams cad kyis legs so zhes bya ba byin te/ kye ma gzhon nu 'jig rten thams cad kyis mthong na dga' ba mkhas pa/ ji ltar rgyal po gsal rgyal 'gro ba la phan pa'i don du/ g.yul ngor rnga bo che sgra 'byin pa de bzhin du/ rnga bo che chen po'i mdo 'di bsgrags pa na/ 'gro ba la dkon mchog gsum gyi bsngags pa'i sgra brjod pa'i tshul gyis sangs rgyas kyi gsang ba 'di lta ste/ de bzhin gshegs pa rtag pa brtan pa/ zhi ba thar zug pa'o// zhes sangs rgyas kyi gsang ba 'di sgrogs so// de nas bcom ldan 'das kyis yang 'od srung chen po la bka' stsal pa/ 'od srung khyod kyis gang gi tshe/ bdud bstan par mi nus pa de'i tshe/ 'od srung khyod kyis rnga bo che chen po'i mdo 'di nyon la/ nga 'das nas lo bzhi cu'i bar du da ltar gnas pa bzhin du/ dam pa'i chos zung shig/ chos chen po'i rnga bo che brdungs shig/ chos chen po'i rnga bo che dang dung sgrogs shig/ de'i 'og tu lo brgyad cu na dam pa'i chos rab tu rnam par 'jig par

  98. 312b

    'gyur ba de'i tshe de'i dus su gzhon nu 'jig rten thams cad kyis mthong na dga' bas de'i thog mar bdud kyis bsgyur ba'i sems can skra dang kha spu bregs pa dag gnas pa dang / de'i tshe gzhon nu sdig can 'khor dang bcas pa gzugs dang bcas pa bcing pa lngas bcings nas/ ri bo bzhin du ston par 'gyur zhing / rnga bo che chen po'i mdo las gsungs pa'i chos chen po sgrogs par 'gyur/ chos chen po'i rnga bo che brdung bar 'gyur/ chos chen po'i dung 'bud par 'gyur/ chos kyi mchod sbyin byed par 'gyur/ chos kyi rgyal mtshan 'dzugs par 'gyur/ gsol pa/ nam zhig na lags/ bka' stsal pa/ gang gi tshe lo brgyad cu na/ bstan pa nyams par 'gyur ba de'i tshe na'o// gsol pa/ bcom ldan 'das bdag cag gis lta lags na/ da ltar mngon sum du mdzad du gsol/ de nas bcom ldan 'das kyis gzhon nu la bka' stsal pa/ myur du bdud ston cig/ de nas gzhon nus bcom ldan 'das gang na ba de log su gdong phyogs nas/ bcom ldan 'das la 'di skad ces gsol to// bdud sdig can mchis pa'o ni lags te/ 'o na 'jig rten gyi khams gzhan nas mchis nas/ byang chub sems dpa'i bzhin du dge slong gi gzugs su mchis pa la gzigs shes 'dzub mos bstan to// thams cad dang ldan pa'i 'khor gyis kyang bdud de bcing pa lngas bcing bar mthong ngo // de nas bdud kying smras pa/

  99. 313a

    gzhon nu bdag mdo 'di la lan gnyis su bar chad mi byed do// zhes tshig de lan gsum du smras pa dang / gzhon nus smras pa/ ji ltar yid ches/ par 'gyur/ bdud kyis smras pa/ 'di ltar yid ches par gyis shig/ sbyor ba ji snyed kyi cha byad du byas nas/ sems can rnams dad pa bsgyur ba'i sbyor ba de thams cad bstan par bya'o// gzhon nu bdag gis rgyun tu zhugs/ pa la sogs pa/ 'bras bu bzhi'i bar gyis/ yongs su mya ngan las 'das pa dang / sangs rgyas kyi yongs su mya ngan las 'das pa yang bston/ stong pa chen po nyid sgom shig pa yang smras/ sems can du lta ba yang 'dod par byed/ 'di ltar sems can yod do zhes kyang smra'o// bdag ni bdag gi lus/ nam mkha' la 'bar yang ston/ du ba 'thul ba dang / me tog gi char chen po 'bebs pa yang ston cing / gang ngas stong chen po zhes bshad pa/ de thams cad ni zhi ba yin la/ gang ngas sems can yod do zhes bshad pa/ de thams/ cad ni stong pa yin gyis/ stong pa chen po ni de ltar gyis shig/ sems can yod do zhes bya ba ni/ de ltar shes par ces smra'o// de nas bcom ldan 'das kyis/ dge slong rnams la bka' stsal pa/ dge slong dag bdud sdig can de lta bu byed nus pa la bltos/ sangs rgyas yongs

  100. 313b

    su mya ngan las 'da' ba'i 'di yang ston par byed na dge slong dag bdud kyis de ltar byas nas/ sems can rnams ji ltar yid ches par 'gyur/ dge slong de lta bas na/ su yang rung yongs su mya ngan las 'da' ba na/ 'di lta bu'i tshig gnyis smra na/ de ni bdud yin par lta'o// gang dag de skad du sngar phyir tshig gnyis smras nas/ yongs su mya ngan las 'da' na/ de ni nga'i nyan thos ma yin par lta'o// dge slong dag de lta bas na/ chos rnam par 'phrul pas kyang ma yin/ 'bras bu bzhis kyang ma yin/ bsam gtan gyis kyang ma yin/ mngon par shes pa'i rtse bas kyang ma yin te/ de dag ni de'i phyogs yin pas/ de dag la yid ches par mi bya'o// gang dag ji ltar yang rung / de skad du snga phyir tshig gnyis smras nas/ de'i 'og tu yongasu mya ngan las 'da' ba de dag ni bdud kyi sprul pa yin par blta'o// 'od srung yongs su mya ngan las 'das nas/ lo bdun gyi bar gyis/ nga'i nyan thos rnams yongs su mya ngan las 'das par 'gyur te/ de dag ni 'di lta bu'i tshig gnyis po// nyon mongs pa gang yin pa de ni mya ngan las 'das pa'o zhes smra zhing / mya ngan las 'da' bar 'gyur ro// de phyin chad ni nyan thos sam/ byang chub sems dpa'i yongs su mya

  101. 314a

    sa pa'i ngan las 'da' bar mi 'gyur te/ de ci'i phyir zhe na/ 'di ltar sangs rgyas byin gyis phyir ro// yang de/ ci'i phyir zhe na/ de'i tshe mi rnams stong pa nyid la/ chad pa dang rtag par lta zhing spyad de/ rung ba ma yin pa dang / 'dre bar 'gyur ro// de lta bas na de dag stong pa nyid la rung ba ma yin pa/ chad pa dang rtag par lta zhing spyad de/ rung ba ma yin pa 'dre bar 'gyur ro// de lta bas na de dag stong pa chen po nyid la rung ba ma yin pa/ chad pa dang rtag pas 'grib pa nyid dang / 'phel ba nyid du smra zhing / de bzhin gshegs pa'i snying po'i tam bstan pa spros pas/ sangs rgyas rtag pa nyid kyis gtam spong bar 'gyur te/ de nyis kyis yongs su mya ngan las 'da' bar mi 'gyur ro// gang dag 'di ltar bdud kyi mya ngan las 'das par 'gyur ba de dag thams cad ni kye sprul pa yin par rig par bya'o// mya ngan las 'da' bar gyur pa gang dag yin pa de dag kyang phal cher bdud kyis sprul pa/ yongs su mya ngan las 'da' bar 'gyur ro// de nas bcom ldan 'das kyis 'jig rten thams cad kyis mthong nas dga' ba la sogs pa/ byang chub sems dpa'i tshogs la bka' stsal pa/ rigs kyi bu dag yongs su mya ngan

  102. 314b

    las 'das nas/ khyed la phyi ma'i phyi ma'i dus na/ dam pa'i chos byin par 'gyur/ 'od srung chen po legs song 'das nas/ dam pa'i chos byin par 'gyur ram zhes/ lan gsum gyis bar du spro ba bskyed kyang spro bar mi byed do// de'i tshe bcom ldan 'das kyis bka' stsal pa/ rigs kyi bu deg de bzhin gshegs pa la// khyad par du gsod par ma sems shig nga la gang dag phyi ma'i tshe phyi ma'i dus na/ dam pa'i chos 'dzin par 'gyur ba'i slob ma mang du yod de/ gong du mod las gsungs pa/ bzang skyong dang phug sbas la sogs pa/ brgya po de dag phyi ma shos gang yin pa de par 'gyur ro// 'od srung de yang gang zhe na/ ci li tsa byi gzhon nu 'jig rten thams cad kyis mthong na dga' ba 'di nyid yin te/ phyi ma'i dus ni lho phyogs kyi mkhas par gyur nas/ chos kyi rnga bo che chen po rdung bar 'gyur/ chos kyi dung 'dud par 'gyur ro// de nas gzhon nus bdud bkrol te/ bstan nas chos ji ltar de bzhin du mna' bsgrags te/ de'i 'og tu btung ngo // de nas thams cad dang ldan

  103. 315a

    pa'i 'khor des/ gzhon nu la smras pa/ gzhon nu khyod bcom ldan 'das kyis lung bstan pa yin gyis/ phan pa ston pa// chos kyi rnga bo che rdungs shig/ rnga bo che chen po mdo smros shig/ chos kyi dus bus shig ces tshig du smras so// de nas bcom ldan 'das kyis yang 'od srung chen po la 'di skad ces bka' stsal to// 'od srung khyod ni zhing srung ba lta bur mi nus te/ zhing srung ba bzhin du thabs mkhas pa'i gzhon nus mdo 'di thams cad mnyan nas/ lus la thogs te/ 'jig rten du mngon sum du 'byin par 'gyur ro// de ni ngas sa bdun pa la bzhag ste/ mi phal pa zhig tu byin gyis brlabs nas gang gi tshe/ lo rgya bcu la bstan pa nyams par 'gyur ba de'i tshe/ lho phyogs su yul mu run de zhes bya ba na/ chu bo'i 'gram la rten pa'i grong khyer dmag gis mi tshugs pa zhes bya ba dang / nye ba'i 'gro 'phreng chen po zhes bya bar/ ka le ri zhes bya ba'i rigs rgyud der skyes nas/ dge slong zhig tu 'gyur te/ zhing srung ba'i thabs mkhas pas/ nga'i dge slong g.yel ba rnams kyis nang du rab tu byung nas/ de dag snga ba'i dngos pos bsdus te/ mdo 'di rnyed nas lus la bcangs te/ 'dan dag par byas nas/ dang po

  104. 315b

    rung ba ma yin pa'i gagazhi chen po yongs su spangs te/ chos chen po bsgrogs par 'gyur/ rnga bo che chen po'i mdo las gsungs pa'i chos kyis dung dang / chos kyi rgyal mtshan sgrogs par 'gyur ro// gnyis pa theg pa chen po'i mdo stong pa nyid kyi gtam smra bar 'gyur ro// gsum pa sems can gyi khams rtag pa'i gtam dang / rnga bo chen po'i mdo gtam smra bar 'gyur/ chos chen pos rnga bo che brdung bar 'gyur/ chos chen po'i dung 'bud par 'gyur/ chos kyi rgyal mtshan 'dzugs par 'gyur/ nga'i mngon gsum du go gyon par 'gyur/ phyis mdo 'di thos nas/ na tshod chen por gyur te lo brgyar mdo 'di'i gtam smra zhing // chos kyi char 'phebs par 'gyur ro// lo brgyar 'das pa'i 'og tu lho phyogs kyi mi rnams kyi nang du rnams par 'phrul pa chos rnams par 'phrul zhing / yongs su mya ngan las 'das pa ston par 'gyur ro// rgyu des na zhing srung ba'i thabs mkhas pa bzhin no// 'od srung da ltar bzang skyong dang / phug sbas la sogs pa'i tshig ni// skyes bu phal pa'i bzhin

  105. 316a

    te/ 'dzin mi nus pa'i sgom las can du gyur te/ de ni skyes bu phal pa khro ba smod par byed pa de 'dra ba rnams kyi nang du rnam par 'phrul pa chen pos yongs su mya ngan las 'da' bar 'gyur ro// gsol pa ji ltar lags bka' stsal pa/ byang chub sems dpa' rnams ji lta ba de ltar ro// gsol pa/ byang chub sems dpa' rnams ji lta bu lags/ bka' stsal pa/ chos kyi rnam par 'phrul pas ma yin/ 'bras bu bzhi thob pas ma yin te dag ni sa 'pho ba dang / sangs rgyas dang bcas pa'i sangs rgyas kyi zhing du 'gro bas so// der yang gdul ba'i sems can dag yod na/ sems can de 'dra ba dag gi nang du/ bcom ldan 'das shAkya thub pa 'di byon pa la ltos shes smra zhing / de bzhin gshegs pa ni rtag pa brtan pa zhi ba ther zug pa yin pa/ de lta bu de ltos shig/ ngas brtan pa dang bde ba bstan pa bshad pa ni/ de lta bu yin par shes par gyis shig ces lung ston par 'gyur ro// de nas phyogs bcu nas nam mkha' las/ sangs rgyas bcom ldan 'das rnams kyis so so'i zhal de la ston cing 'di skad ces/ de ni 'di ltar yin no zhes gsungs par 'gyur/ 'jig rten thams cad kyang de'i chos bstan pa la legs par bstan to// zhes yid ches par 'gyur ro// de nas bar skabs der/ nga'i ming 'chad

  106. 316b

    pa'i de 'di skad ces/ kye ma gal te bdag la rdzu 'phrul gyi mthu zhig yod na/ ya mtshan can thams cad bdag gis gdul ba zhig na zhes smras par 'gyur zhing / bdag nyid shin tu phal pa yin no snyam du sems dpar 'gyur ro// de gang gi tshe nga la slob pa de'i tshe/ bdag nyid kyis shes par 'gyur te/ de bzhin gshegs pa'i byin gyi brlabs ni de 'dra'o// 'od srung dper na re shig kun dga' bo rang bzhi nyid kyis 'bras bu thob par mi shes te/ 'di sa bcu thob pa yin yang / bdag gis ni 'bras bu ma thob bo snyam du bdag nyid kyis shes so// de ci'i phyir zhe na/ nga'i byin gyi brlabs kyis gyur na/ sa bdan pa dang brgyad pa la gnas pa ci smos/ rab 'byor gzhan yang dper na de bzhin gshegs pas/ yungs dkar gyi 'bru'i nang du phyogs bcu'i 'jig rten gyi khams kyi sems can rab tu mang po gang dag yin pa de dag bcug na/ sems can la yang dog pa 'am nyam nga ba 'am/ gnod par 'gyur ba med cing / phan tshun yang bdag cag gang du khrid pa dang / khyer ba dang bcug pa yang mi shes la bya ba de yang rab tu spyod do// de bzhin du ji ltar ngas mkhyen pa de ltar gang gis kyang shes la/ gzhan gyis kyang shes so// kha cig ni ma shes so// de yang rang kho nas mi shes so// yang gal te de ltar

  107. 317a

    sangs rgyas mthu dang ldan pa lags na/ nyid ji lta ba bzhin du ci'i slad du/ sems can thams cad byin gyis mi brlabs/ lags/ rab 'byor re shig sbyor ba mkhan gyis chu'i bum pa kha ma bcad pa yang mi 'pho bar byed na/ ci'i phyir sangs rgyas bcom ldan 'das/ sems can rnams la/ byin gyis rlob par mi mdzad/ 'od srung gzhan yang re shig 'byung ba'i sbyor ba mkhan gyis/ chu'i bum pa yang 'gul ba byed na/ ci'i phyir sangs rgyas bcom ldan 'das byang chub sems dpa' rnams la/ ji ltar rang gis mi shes pa de ltar byin gyis rlob par mi mdzad/ ci de ltar mdzad dam mi mdzad/ gsol pa/ bcom ldan 'das mdzad lags te/ sa bcu thob pa rnams la yang mdzad lags so// gsol pa/ byang chub sems dpa' yon tan du dang ldan na/ de bzhin gshegs pa rtag pa/ mi byed pa'i sku mngon sum du mthong bar 'gyur/ rnam par 'phrul pa chen bos rnam par 'phrul zhing dus bgyid par 'gyur/ bka' stsal pa/ byang chub sems dpa' sems dpa' chen po yon tan brgyad dang ldan na/ de bzhin gshegs pa rtag pa/ mi phyed pa'i ska mngon sum da mthong bar 'gyur/ rnam par 'phru pa chen pos rnam par 'phrul zhing / dus byed par 'gyur te/

  108. 317b

    brgyad gang zhe na/ mdo 'di bshad pa na mi skyo ba dang / theg pa gsum gyis mi skyo zhing / gtam pa rnam pa gsum la skrag pa med pa dang / gdul ba'i sems can/ rnams mi spong ba dang / dge 'dun bye ba 'thun zhing cig tu gyur pa yang dag par spong ba dang / bud med dang ma ning dang / dge slong dang dge slong ma dang / kun tu 'dris par mi byed pa dang / rgyal po dang dbang phyug dang / lhan cig kun tu 'dris par spong ba dang / bsam gtan dang / spong ba la mngon par dga' ba dang / mi gtsang ba dang / bdag med pa'i 'du shes te brgyad po de dag go/ gzhan yang rgyu bzhis 'gyur te/ bzhi gang zhe na/ bdag gis chos nges par 'byung ba ni// shin tu legs par byas so// snyam pa dang / bdag nyid bdag gi skyabs yin no zhes de ltar sems pa dang / de bzhin gshegs pa rtag pa/ brtan pa zhi ba ther gzug pa'o zhes bya bar the tshom med pa ni/ bdag gis rnyed pa legs par rnyed do snyam pa dang / nyin mtshan rtag tu de bzhin gshegs pa'i yon tan 'di lta bu rjes su dran par byed na/ de bzhin gshegs pa mi byed pa'i sku mngon sum du mthong bar 'gyur/ rnam par 'phrul pa chen pos rnam par 'phrul zhing / dus byed par 'gyur ro// 'od srung ngas de lta bu rigs kyi bu dang / rigs kyi bu mo rnams la chos kyi ska bstan par bya'o// de grong rdal lam grong khyer ram/ tshong rdal

  109. 318a

    gang na 'dug kyang rung ste/ der ngas de dag la bstan nas/ 'di skad ces rigs kyi bu dag/ de bzhin gshegs pa nga ni rtag pa yin no zhes gsung ngo // deng phyin chad su mdo sde 'chang ba dang / klog pa dang / 'don pa dang / gzhan dag la yang sgrogs par byed cing / 'di skad ces de bzhin gshegs pa ni rtag pa/ brtan pa zhi ba ther zug pa'o zhes smras zhing / shes par byed pa dang / bcom ldan 'das ni rtag tu bzhag so zhes/ bdag nyid kyi bsam pa thag pa dang / ngan g.yo med pa dang / bcom pa ma yin pa dang / sgyu med pas de ltar shes par byed pa/ bsam pa dag pa phun sum tshogs pa de la ni/ ngas bdag nyid mngon sum du bstan par bya'o// 'od srung khyod dang bar gyis shig/ yid ches par gyis shig/ 'od srung gal te de ltar chos rnams la mi spyod na/ des nga mthong bar ji ltar 'gyur/ rnam par 'phrul par chen pos/ rnam par 'phrul par ji ltar 'gyur/ ngas yang nyan zos kyis theg pa 'dir/ dge slong dag chos cig rab tu spongs shing dang / lan cig mi 'ong bar 'gyur bar/ nga gnya' phod do zhes gsung ngo // dge slong dag de bzhin du 'dir yang / spyod pa'i yon tan dang ldan na/ khyed lha chen po rnams bkur sti byed par 'gyur ro// zhes gsungs pas khyed lus la song

  110. 318b

    ba'i dran pas zang zing che zhing ma 'dug shig/ 'od srung nga'i ming 'chang ba'i dge slong de rtag tu dge 'dun yongs su dag byed par 'gyur ro// 'od srung gis gsol pa/ ji ltar bgyid lags/ bka' stsal pa/ zhing srung ba bzhin du thabs mkhas pas/ de dag khwa'i tshigs ltar ji srid du/ kun tu bsnga ba'i dus yin pa de srid du gsol par 'gyur ro// de'i tshe bzang skyong dang / phug sbas la sogs pa/ byang chub sems dpa' lnga brgya yang de'i tshe/ da ni sngon gyi zhing srung ba bzhin du phyi ma'i dus na nga'i dam pa'i chos 'byin par nges par gyur to// nga'i ming 'di 'dzin pa'i dge slong de kyang / ji srid du kun tu snga ba'i des yin pa de srid du/ g.yel ba'i tshogs nye bar bsdus te bku sti dang / ri mo dang / glegs bam dang / zang zing gi sbyin pa dang / ba lang gi tshogs dang / zas kyi sbyin pas yid dga' bar gyur pa dang / de'i 'og tu tshar gcad pa'i dus shes nas/ tshar gcod par 'gyur ro// gal te tshar gcad pa'i phan brtags pas/ mi 'dug ni spyod pa pa yin pa la gnas pa gang dang gang yin pa de dang de dag ni/ ji ltar mda' dug gis reg pa yang 'bags pa/ bzhin du 'gyur bas/ tshar gcad nas spang bar sems so// de nas des de snyam de bsams nas/ dge slong tshul khrims dang ldan pa

  111. 319a

    gzhan dag/ tshul khrims nyams par gyur na/ mi rung ngo zhes 'di dag ni chos ma yin ston pa dang / spyod pa ma yin pa la zhags pa yin pas/ de dag dang lhan cig thal mo sbyor ba'i las kyang mi byed/ de dag dang lhan cig gso sbyong gi las dang smra ba dang / kun tu smra bar yang mi byed de/ ji ltar rgyal po la snying rings pas/ gzhan dag ma par byed pa ltar de dang 'dra'o// des de ltar byas nas lo brgyar chos kyi char phab/ chos chen po'i rnga bo rdang / chos kyi dang bus/ chos kyi mchod sbyin byas/ chos kyi rgyal mtshan btsugs nas rnam par 'phrul pa chen pos des byed par 'gyur ro// de nas phyis sangs rgyas su 'gyur te/ sangs rgyas stong yongs mya ngan las 'das/ bskal pa drug bcu rtsa gnyis 'das/ rang sangs rgyas 'bum yongs su mya ngan las 'das shing / gzhan yang mgon po brgyad yongs su mya ngan las 'das nas/ de'i 'og tu nga'i ming 'chang ba'i dge slong 'jig rten thams cad kyis mthong na dga' ba 'di/ sangs rgyas kyi zhing 'jig rten 'di nyid du/ de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od ces bya bar 'gyur ro// de'i tshe gang gis rgyal po'i bu mo lnga bkar gyi dri ba lan btab pa de ni re shig phyis 'jig rten du/

  112. 319b

    sangs rgyas su 'gyur la/ rgyal po'i bu mo gzhon nu lnga dkar ni sngar/ de bzhin gshegs pa dgra bcom pa yang dag par rdzogs pa'i sangs rgyas 'jig rten gsum gyi mgon por gyur te/ gzhon nu rgyas pa lung bstan pa ni phyis bya'o// 'od srung ltos 'od srung skye bo phal pas/ sangs rgyas 'di lta bu nyid legs par ji nas sam/ gsol pa bcom ldan 'das de ni mo lags so// bde bar gshegs pa de ni ma lags so// re shig de bzhin gshegs pa ni sangs rgyas kyi zhing gcig tu/ gcig kho na sangs rgyas kyi mdzad pa mdzad de/ gnyis pa gang yin pa dang / gsum pa gang yin pa de dag kyang de bzhin no// dper na yungs 'bru'i nang du 'jig rten gyi khams mang po bcug la/ de dag de nyid ni rgyu yang bdag cag gang de khyer ba 'am/ bcug pa yang mi shes la gzhan dag ni ji ltar shes la/ de ltar byed pa de bzhin du nga yang sems can gzhan dag gis ni shes la/ gzhan dag gis mi shes so// 'jig rten gyi khams cig po 'di nyid na shAkya thub pa dang / 'di nyid nam pham pa dang / 'jig rten gyi khams 'di nyid sreg pa'i bskal pa byung nas/ mi tshigs dang / 'di nyid na bya rgod kyi phung po'i ri 'di la dman pa'i bstan pa bston pa 'di lta bu'i ngo mtshar yod na/ 'jig rten thams cad kyi mthong na dga' ba

  113. 320a

    @dge slong phal pa'i ngo bo lta bur byin gyis brlab pa gang yin pa lta ngo mtshar ci che 'od srung khyod kyis rigs gang du/ de skye ba len pa de dag kyang byang chub sems dpa' yin par de ltar shes par gyis shig/ 'od srung bdag cag gis rigs su 'di lta bu skyes so zhes rigs dga' ba dang yid du 'ong ba'i rang bzhin gyis de rim 'gro byed pa gang yin pa de dag thams cad/ ngas bsngags pa yin par khyed kyis de ltar shes bya ste/ de dag kyang byang chub sems dpa' sems dpa' chen po yin no// rnga bo che chen po mdo 'di bsgrags pa bsgrogs pa na/ bdag nyid chen po de'i phyogs 'dzin pa'i 'khor po dge slong dang / dge slong ma dang / dge snyen dang / dge bsnyen ma gzhan gang dag yin pa de dag thams cad kyang / sngar gong de mdo 'di las 'jig rten thams cad kyis mthong na dga' bas zhus pa'i tshogs kyi le'ur lung bstan to// mdo 'di la mchod pa byed pa'i skyes pa dang / bu med gang yin pa dag thams cad kyang / gdon mi za bar rang rang gi mchod pa dang / ming 'thun pa'i sangs rgyas su 'gyuraro// 'od srung rnga bo che chen po'i mdo 'di ni nga'i ming 'chang ba'i dge slong 'di dang gnyis kyis chos chen po'i rnga bo che rdungs par 'gyur gyi gsum pa ni med do// yang bka' stsal pa/ 'od srung 'das

  114. 320b

    de zhin du gling bzhi dang / pa'i dus na/ dgrong khyer chen po yangs pa can du rgyal po dga' sde zhes bya bar gyur pa'i de'i tshe/ yangs pa can gyi grong khyer chen po ni/ de na gleng bzhi pa'i cha tsam du gyur to// 'dzam bu gling ni mi 'jed kyi 'jig rten gyi khams kyi tshad tsam la/ de bzhin du stong gsum gyi stong chen po yang de ltar bsgre bar bya'o// de na nga'i tshe ni bsam gyis mi khyab ste/ de ltar nga 'khor los sgyur ba nyid byed pa na/ de'i tshe grangs med pa'i sbyin pa byin bsod nams bsags tshul khrims 'phags pa dag la bsten to// skyes pa 'am/ bud med gang zhig/ rnga bo che chen po'i mdo bsgrags pa thos nas/ lan 'ga' mchod pa byed pa 'am/ dpyas gdags pa 'am/ bsting pa 'am/ ji lta bus 'gro yang rung ba'i sems cig tsam/ bskyed par sems pa des bsags pa'i bsod nams gang yin pa'i bsod nams de la ni/ ngas byas pa'i bsod nams gong ma de thams cad kyis/ dpe'i bar yang mi phod do// dper rigs pa'i rgyal po bram ze gzi ldan zhes bya zhig yod de/ rig pa de lan gcig blags nas/ zla ba bzhir snang ba thams cad las bsrung ba byas par 'gyur ro// 'od srung ltos/ re shig rig pa phal de'i mthu yang 'di yin na/ mdo 'di lan cig brags na/ che'i mthar thug gi bar du bgegs med par

  115. 321a

    bsrung ba thams cad byas par ci'i phyir mi 'gyur de lta bas na/ gang su yang rung ba dag gis mdo 'di la mchod pa byas par gyur na/ de ni sems can de dag thams cad kyi/ bla na med pa yang dag par rdzogs pa'i byang chub kyi rgyur 'gyur zhing 'di nas bzung ste/ byang chub la thug pa'i bar du mdo 'di rnyed par 'gyur ro// de nas 'khor thams cad kyis legs so zhes bya ba gsol to// dbyangs kyi mgrin 'thun par tshig gsol pa/ kye ma'o bcom ldan 'das gzhon na 'di khyod kyi mtshan nyid 'chang ba'i dge slong du gyur nas/ gang gi tshe das las 'das par 'gyur ba de'i tshe/ g.yang gzhi can gyi bug na gnas pa'i lta mgon ma mchis par 'gyur ro// de ci'i slad du zhe na/ 'di ltar 'di ni khyod 'das nas/ lho phyogs su mchis te/ des bgyis par 'gyur lags so// bka' stsal pa de mi 'ong na nga nyid der song ste/ bdag nyid bstan par bya zhing / yul der thog ma kho nar mdo 'di bskur bar bya'o// de ci'i phyir zhe na/ ji srid du mdo 'di de'i lag tu son par gyur pa de srid du/ de ldog pa'i sems bskyed par 'gyur ro// yang de nyid du 'dul bar dbang la rten te/ nga tshogs chen pos bdun gyi byas nas/ de'i mdun na 'dug par byas te/ ngas nga mthong na de nyid du log par 'gyur zhing /

  116. 321b

    der de'i dus byas pa yang ston par 'gyur ro// yang na ci 'dod pa bzhin du byed cing / de gdul gang na yo ba der dus byed par 'gyur ro// de bzhin gshegs pa nga'i slob sam sa bcu thob pa kun dga' bo yang rnam par 'phrul pa chen pos/ der 'gro bar 'gyur ro// brgya byin gyi bu mngon mchod ces bya ba yang / lo nyung zad cig gis theg pa chen po la lhag pa'i bsam pa phun sum tshogs te/ gcig tu zla med par lha dang mi dang / lha ma yin rnams kyi nang du theg pa chen po'i mdo 'dzin par 'gyur ro// de lta bas na thar pa'i rgyu bstan pa de nyid/ de'i sangs rgyas nyid du lung bstan pa dang / theg pa chen po rnam par gtan la 'bebs pa'i dge slong du lung bstan pa yin no// de ni de nyid kyi slob mar gyur nas nga nyid kyi ming 'dzin par 'gyur ro// de nas de lta bu dag byung nas/ lo lnga lon pa dang / de'i 'og tu phan pa ston pa'i mig nyam chung bar 'gyur ro// de rnams dus bdun gyi bar du gyur nas/ bar bskabs der byang chub sems dpa' dam pa de dag ma gtogs par skyes pa 'am/ bud med kyang rang sems can phal pa/ 'ga' yang med do// de nas 'khor de thams cad kyis mgrin cig tu yang tshigs su bcad pa 'di dag smras so// kye ma 'jig rten kun mthong dga'// brtan pa dge slong gzugs gyur nas//

  117. 322a

    ring zhing bstan pa 'bar byed cing // chos kyi rnga chen rdung bar 'gyur// de ni mya ngan yongs 'das nas// de 'og 'jig rten stongs par 'gyur// chos smra de ni 'das gyur na// de 'dra gzhan ni 'ga' mi 'byung // de 'dra'i dge slong rnyed dka' ste// rim kyis snang ba nyams bar 'gyur// 'di ltar de ni lho phyogs su// 'byung ba'i tha ma cig yin no// dam pa'i chos de nab dus su// chos smra ba de 'byung bar 'gyur ro// bcom ldan 'das kyis de skad ces bka' stsal nas/ 'od srung dang kun dga' bo dang / bzang skyong la sogs pa 'khor mang po de dag thams cad dang / phyogs/ bcu'i 'jig rten gyi khams nas/ 'das pa'i byang chub sems dpa' de dag thams cad yid rangs te/ de dag byang chub thob par bya ba'i phyir/ de bzhin gshegs pa rtag pa nyid kyi chos 'dod par 'gyur ro// 'phags pa theg pa chen rdza bo che chen po'i mdo zhes bya ba rdzogs s+ho/ rgya gar skad du/ Ar+ya ga ya shir sha na ma ma hA ya na su tra/ bod skad du/ 'phags pa ga ya 'go'i ri zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa'i dus cig na/ bcom ldan

  118. 322b

    'das mngon par rdzogs par sangs rgyas nas ring po ma lon par bcom ldan 'das rig yan ga ya 'ge'i mchod rten/ dge slong stong du tshang ba'i dge slong gi dge 'dun chen po thams cad kyang sngon ral pa can du gyur pa/ bya ba byas pa/ byed pa byas pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag pa'i shes pas/ sems shin tu rnam par grol ba/ sems kyi dbang thams cad kyi dam pa'i pha rol tu son pa/ dgra bcom pa sha stag dang / byang chub sems dpa' sems dpa' chen po rab tu mang po dang thabs cig tu bzhags te/ de nas bcom ldan 'das gcig tu dben par gshegs te nang da yang par bzhag nas/ chos kyi dbyings nyid la brtags te/ bdag gi byang chub ni thob/ bdag gis ye shes ni khong da chud/ bya ba ni byas/ bdag gi khur ni bor/ bdag 'khor ba'i 'brog dgon pa la ni rgal/ bdag gis rig pa ni bsgrubs/ bdag gi zug rngu ni phyung / bdag gi sred pa ni zad/ bdag gi chos kyi gru ni sbyar/ bdag gi chos kyi rnga ni brdangs/ bdag gis chos kyi dang ni bus/ bdag gis chos kyi rgyal mtshan ni bsgreng / bdag gis 'khor ba'i lugs ni zlog/ bdag gis chos kyi lugs ni brnyad/ bdag gis lam ngan pa ni bcad/ bdag gis lam ni

  119. 323a

    yang dag par bstan/ bdag gis zhing ngan pa rnams ni rnam par bzlog/ bdag gis bsod nams kyi zhing dag ni yang dag par bstan na/ 'di ltar bdag gis byang chub de ji ltar khong du chud pa dang / gang gis khong du chud pa dang / sus khong du chud par 'gyur ba'i chos de la nges par brtag par bya ste/ ci lus kyi khong du chud dam/ 'on te sems kyi khong du chud gal te lus kyi khong du chud du ni/ lus ni babs po// g.yo ba med pa/ rtsa dang shing dang / rtsig pa dang / bong pa dang mig yor lta bu ste/ sems pa med pa/ 'byung ba chen po bzhi las gyur pa/ pa dang ma'i mi gtsang ba byung ba/ mi rtag pa/ rtag tu brku ba dang / bkru ba dang / mnye dgos pa/ 'jig pa dang / rnam par 'gyes pa dang / rnam par 'jig pa'i chos can no// sems sgyu ma dang mtshungs pa/ rten cing 'brel par 'byung ba gnas med pa/ mtshan nyid med pa dngos po med pa/ bla bag med pa'o// byang chub ni ming tsam tha snyad tsam ste/ sgra skad med pa/ dpyang du med pa grub med pa/ rgyu ba med pa// 'jug pa med pa/ rnam par rig med pa/ gdags par bya ba ma yin pa 'ong ba dang / 'gro ba las yang dag par 'das pa dang / ma mthong ba ma thos

  120. 323b

    pa/ bye brag ma byed pa/ gzhi med pa dmigs pa med pa/ rgyu ba med pa/ spros pa med pa/ 'jug pa med pa/ brtag tu med pa/ dpag tu med pa/ bstan du med pa/ sgra med pa/ yi ge med pa/ tshig gi lam med pa/ de ltar na su mngon par rdzogs par 'tshang brgya/ gang gis mngon par rdzogs par 'tshang brgya/ mngon par rdzogs par 'tshang rgya bar bya ba ni gang yin/ chos 'di dag thams cad ni ming tsam/ btags pa tsam pa/ rnga tsam/ tha snyad tsam ste/ btags pa yongs su brtags pa ma byung ba/ byung ba med pa/ rdzas med pa/ rdzas ma yin pa/ len pa med pa/ bstan da med pa/ mngon par chags pa med pa yin te/ de la ni mngon par rdzogs par 'tshang rgyab su yang med/ cis mngon par rdzogs pa'i 'tshang rgya ba yang med/ mngon par rdzogs par 'tshang brgya par bya ba ci yang med/ rnam gang gis mngon par rdzogs par 'tshang rgya bar bya ba yang med de/ 'di la de ltar mngon par rdzogs par byang chub de'i phyir/ byang chub mngon par rdzogs par 'tshang rgya ba zhes bya ste/ byang chub ni 'gyur ba med pa/ mi 'gyur ba/ mtshan nyid med pa'o snyam mo// de nas bcom ldan 'das la/ 'jam dpal gzhon nur gyur pas 'di skad ces gsol to// bcom ldan 'das ga la

  121. 324a

    te byang chub kyi mtshan nyid de lta bu lags na/ bcom ldan 'das rigs kyi bu 'am/ rigs kyi bu mos ji ltar byang chub kyi slad du 'jug pa bgyi/ 'jam dpal byang chub de ji lta ba de bzhin du byang chub sems dpas byang chub kyi phyir 'jug par bya'o// 'jam dpal gyis gsol ba/ bcom ldan 'das ji ltar rab tu 'tshal bcom ldan 'das kyis bka' stsal pa/ 'jam dpal byang chub ni khams gsum pa las yang dag par 'das pa/ tha snyad las yang dag par 'das pa/ yi ge'i sgra skad las yang dag par 'das pa/ sgra las yang dag par 'das pa/ 'jug pa med pa/ bzod ma nyid nas 'jug pa med pa'o// 'jam dpal de lta bas na byang chub sems dpa' 'jug pa las yang dag par 'das pa rnams kyis/ byang chub kyi phyir 'jug par bya'o// 'jam dpal 'jug pa med pa ni/ byang chub la 'jug pa'o// 'jam dpal dngos po med pa la 'jug pa ni byang chub la 'jug pa'o// 'jam dpal bla bag med pa la 'jug pa ni byang chub 'jug pa'o// 'jam dpal chos kyi dbyings kyi rang bzhin la 'jug pa ni/ byang chub la 'jug pa'o// 'jam dpal chos thams cad la mngon par zhen pa med pa la 'jug pa ni

Colophon

'phags pa theg pa chen po rnga bo che chen po'i mdo zhes bya ba rdzogs s+ho/