man ngag thams cad kyi sdom
Text
ff. 370a–382a · 25 folio sides
- 370a
man ngag tu sdebs pa/ bang mdzod 'phrul gyi lde mig ces bya ba/ gsang ba'i bdag pos rdo rje sems dpa' la gdams pa'i rim pa bkod pa'i mdo rdzogs so// / rgya gar gyi mkhan po shrI sid+d+hi dang / bod kyi lo tsa ba bai ro tsa nas bsgyur ba'o// // rgya gar skad du/ u pa de sha sarba pu tra shrI ma hA su ka nA ma su ta/ bod skad du/ man ngag thams cad kyi sdom/ dpal bde ba chen po la phyag 'tshal lo// man ngag spyi yi rgya mdud 'di/ blo dman rnams kyis mi khrol ba// pho srung 'dra ba'i lta ba'i bkrol// ma rig thar mas sngon po 'di// rmongs pa rnams kyi mi phyed pa// 'phrul gyi lde mig 'di yis phye// de la thog mar gsang ba'i bdag pos nyid kyi byang chub kyi sems bsod nams kyi ngo bo yin pas/ sems dpa' rdo rjes rig cing rtogs sam zhes bya ba dri ba'i phyir 'di skad ces gsungs so// kye sems dpa' rdo rje nyon cig/ nga yi byang chub sems gcig ni// ye shes lnga yi rang bzhin pas// de don khyod kyis rtogs gyur tam// sems dpa' rdo rjes yang gsol pa// kye gsang ba'i bdag po lags/ nyid kyi byang chub sems gcig ni// ye shes lnga yi rang bzhin /
- 370b
de don bdag gis rtogs gyur te// sems nyid dbyings nas ma g.yos pa// chos dbyings ye shes yin par rtogs// gsal la rtog pa med pa ni// me long ye shes yin par rtogs// sems la dbye ba med pa ni// mnyam nyid ye shes yin par rtogs// sems nyid cir yang snang ba ni// kun rtogs ye shes yin par rtogs// sems kyis kun la dbang sgyur ba// bya grub ye shes yin par rtogs// zhes gsol to// yang gsungs pa/ nga yi byang chub sems gcig ni// brde gshegs rigs lnga'i rang bzhin pa// de don khyod kyis rtogs gyur tam// sems dpa' rdo rjes yang gsol pa// kye gsang ba'i bdag po lags// nyid kyi byang chub sems gcig ni// bde gshegs lnga yi rang bzhin pa// de don bdag gis rtogs gyur te// sems nyid cir yang snang ba ni// rnam paT snang mdzad yin par rtogs// sems la 'pho 'gyur med pa ni// rdo rje sems dpa' yin par rtogs// che ba'i ye shes byung bas na// rin chen 'byung ldan yin par rtogs// sems kyis kun la khyab pas na// snang ba mtha' yas yin par rtogs// bya btsal med par grub pas na// don yod grub pa yin par rtogs// zhes
- 371a
gsol to// yang gsungs pa/ nga yi byang chub sems gcig ni// sangs rgyas sku lnga'i rang bzhin pa// de don khyod kyis rtogs gyur tam sems dpa' rdo rjes yang gsol pa// kye gsang ba'i bdag po lags/ nyid kyi byang chub sems gcig ni// sangs rgyas sku lnga'i rang bzhin pas// de ngon pa dag gis rtogs gyur te// gzung 'dzin 'das pa'i byang chub sems// de ni chos sku yin par rtogs// gsal la rtog pa med pa ni// longs spyod rdzogs sku yin par rtogs/ sems la dbang thob bsgyur nus pa// de ni spru la sku yin par rtogs// rang rig mngon du gyur pa ni// mngon par byang chub sku ru rtogs// sems la nyes skyon med pa ni// rdo rje lta bu'i sku ru rtogs// zhes gsol to// yang gsungs pa/ kye sems dpa' rdo rje nyon cig/ nga yi byang chub sems gcig ni// nyon mongs dug lnga'i rang bzhin pa// de don khyod kyis rtogs gyur ta ma// sems dpa' rdo rjes yang gsol pa// nyid kyi byang chub sems gcig ni// nyon mongs dug lnga'i rang bzhin pa// dadon bdag gis rtogs gyur te// 'dod pa srid gsum sangs rgyas 'dod// chags pa chos nyid ngang la chags// sems ni 'dod chags
- 371b
yin par rtogs// zhe ba byang chub don la zhe// sdang ba 'khor ba'i chos la sdung // sems ni zhe sdang yin par rtogs// gtib chos nyid don la ga ti// mug pa 'jo ba'i chos la mug/ sems ni gti mug yin par rtogs// nga ni byang chub sems yin la// rgyal ni theg pa kun la rgyal// sems ni nga rgyal yin par rtogs// bra chos nyid dbyings kyi phrag/ dog pa mtshan ma kun la dog/ sems ni phrag dog yin par rtogs// zhes gsol to// yang gsungs pa/ nga yi byang chub sems/ 'di ni/ kha dog drug gi rang bzhin te// de don khyod kyis rtogs gyur tam// sems dpa' rdo rjes yang gsol ba// nyid kyi byang chub sems nyid ni// kha dog drug gi rang bzhin pa// de ni bdag gis rtogs gyur te// byang chub sems kyi chos nyid la// nyon mongs skyon gyi sa ma gos pas// byang chub sems ni dka/ por rtogs// che ba'i ye shes 'byung ba'i phyir// byang chub sems ni ser por rtogs// thugs rje kun la khyab pa'i phyir// byang chub sems ni dmar por rtogs// gang la'ang thogs pa med pa'i phyir// byang chub sems ni ljang khur rtogs// gzhan gyis bsgyur du med pa'i phyir// byang chub sems ni nag por rtogs// sna tshogs
- 372a
cir yang snang ba'i phyir// byang chub sems ni khra bor rtogs// zhes gsol to// yang gsungs pa/ kye sems dpa' chen po nyon cig/ nga yi byang chub sems gcig ni// 'dod spyod lnga yi rang bzhin pas// de don khyod kyis rtogs gyur tam// rdo rje sems pas yang gsol pa// kye gsang ba'i bdag po lags// nyid kyi byang chub sems gcig ni// 'dod spyod lnga yi rang bzhin pa// de don bdag gis rtogs gyur pas// snang ba thams cad sems las snang // des na sems nyid gzugs su rtogs// grags pa thams cad sems la grags// des na sems nyid sgra ru rtogs// ro mchog thams cad sems las bri// des na sems nyid ro ru rtogs// dri mchog thams cad sems la bro// des na sems nyid dri ru rtogs// reg mchog thams cad sems la reg/ des na sems nyid reg tu rtogs// zhes gsol to// yang gsungs pa/ kye sems dpa' rdo rje nyon gcig/ nga yi byang chub sems gcig ni// 'byung ba lnga yi rang bzhin pa/ de don khyod kyis rtogs gyur tam// sems dpa' rdo rjes gsol pa/ kye gsang ba'i bdag po lags// nyid kyi byang chub sems gcig ni// 'byung ba lnga
- 372b
yi rang bzhin pa// de don bdag gis rtogs gyur te// byang chub sems kyis kun bsdus pas// byang chub sems ni chu 'drar rtogs// byang chub sems la kun brten bas/ byang chub sems ni sa 'dra rtogs// kun la snyoms shing smin byed pa'i// byang chub sems ni me 'drar rtogs// gzugs med khams las rgyu bas na/ byang chub sems ni rlung 'drar rtogs// snang med mkha' la khyab pas na// byang chub sems ni mkha' 'drar rtogs// zhes gsol to// yang gsungs pa/ kye sems dpa' chen po nyon cig/ nga yi byang chub sems gcig ni// sku lnga mngon du phyung gyur pa// de don khyod kyis rtogs gyur tam// sems dpa' rdo rjes gsol pa/ kye gsang ba'i bdag po lags// nyid kyi byang chub sems gcig ni// sku lnga mngon du phyung gyur te// byang chub sems kyi ye shes ni// 'byung chen lnga// skur phyung nas// tshig dang yi ger mi ston te// rang gi ngo bos chos ston to// bdag tu mi rtog/ gzhan mi rtog/ mi rtog mnyam pa'i chos ston to// zhes gsol to// yang gsungs pa/ kye rdo rje sems dpa' nyon cig/ nga yi byang chub sems gcig ni// khams gsum dag gis rang bzhin pa// de don khyod kyis rtogs gyur tam//
- 373a
sems dpa' rdo rjes gsol pa/ kye gsang ba'i bdag po lags/ nyid kyi byang chub sems gcig ni// khams gsum dag gis rang bzhin pa// de don bdag gis rtogs gyur te// byang chub sems kyi chos nyid de// ma skyes stong la skye med pas// de ni gzugs med khams su rtogs// dbang po yul du snang ba ni// de ni gzugs kyi khams su rtogs// de nyid zhen pas bzung ba ni// de ni 'dod pa'i khams su rtogs// zhes gsol to// yang gsungs pa/ sems dpa' rdo rje nyon cig/ nga yi byang chub sems gcig ni// sku gsung thugs kyi rang bzhin pa// de don khyod kyis rtogs gyur tam// sems dpa' rdo rjes gsol pa/ kye gsang ba'i bdag po lags/ nyid kyi byang chub sems gcig ni// sku gsung thugs kyi rang bzhin pa// de don bdag gis rtogs gyur te// rang bzhin ngo bo thugs rje gsum// sems kyi sku las sku gzhan min// des na sems kyi sku ru rtogs// snod bcu du sgra skad sna tshogs pa// sems kyi gsung nas gzhan mi grags// des na sems nyid gsung du rtogs// kun gyi mi rtog mnyam nyid de// byang chub sems kyi thugs yin pas// des na sems ni
- 373b
thugs su rtogs// zhes gsol to// yang gsungs pa/ kye sems dpa' chen po nyon cig/ nga yi byang chub sems gcig ni// dus gsum bzhugs pa'i rang bzhin pa// de don khyod kyis rtogs gyur tam// yang sems dpa' rdo rjes gsol pa/ kye gsang ba'i bdag po lags/ nyid kyi byang chub sems gcig ni// / dus gsum bzhugs pa'i rang bzhin pa// de don bdag gis rtogs gyur te// 'das dang ma byon da ltar gyi// dus gsum dbye ba med pa ru// byang chub sems ni gnas pa'i phyir// sems nyid dus gsum khyab par rtogs// zhes gsol to// yang gsungs pa/ kye sems dpa' rdo rje nyon cig/ nga yi byang chub sems gcig ni// rgyu 'bras lam gyi rang bzhin pas// de don khyod kyis rtogs gyur tam// sems dpa' rdo rjes gsol pa/ kye gsang ba'i bdag po lags// nyid kyi byang chub sems gcig ni// rgyu 'bras lAm gyi rang bzhin pa// de don bdag gis rtogs gyur te// sems rtogs sangs rgyas byung ba'i phyir// sems ni sangs rgyas rgyu ru rtogs// ma yis gnas pa lam yin pas// sems ni sangs rgyas lam du rtogs// mngon du gyur pa 'bras bu bas// sems ni 'bras bu yin par rtogs
- 374a
zhes gsol to// yang gsungs pa/ kye sems dpa' rdo rje nyon cig/ nga yi byang chub sems gcig ni// phun sum tshogs pa'i rang bzhin pa// de don khyod kyis rtogs gyur tam// sems dpa' rdo rjes gsol pa/ kye gsang ba'i bdag po lags/ nyid kyi byang chub sems gcig ni// phun sum tshogs pa'i rang bzhin pa// de don bdag gis rtogs gyur te// rang byung ye shes sgrib med pas// ston pa phun sum tshogs par rtogs// rig pa 'du 'bral med pa ni// de bakhor phun sum tshogs par rtogs// sems nyid ma bcos rnal gzhag pas// bsnun pa phun sum tshogs par rtogs// zhes gsol to// yang gsungs pa/ kye sems pa' chen po nyon cig/ dra yi byang chub sems gcig ni// tshu lnga ni ji ltar yin par rtogs// sems dpa' rdo rjes gsol pa/ gsang ba'i bdag po lags/ nyid kyi byang chub sems gcig ni// tshul ni 'di ltar rtogs gyur te// yin tshul nges pa med pa la// snang tshul cir yang snang bar rtogs// zhes gsol to// yang gsungs pa/ kye sems dpa' rdo rje nyon cig/ yod par rtogs sam med par rtogs// sems dpa' rdo rjes gsol pa/ kye
- 374b
gsang ba'i bdag po lags/ nyid kyi byang chub sems gcig ni// mtshan ma'i dngos por med par rtogs// rig pa'i ngo bor yod par rtogs// zhes gsungs so// yang gsungs pa/ kye sems dpa' rdo rje nyon cig/ nga yi byang chub sems rtogs pas// yid ches dad pa ji ltar skye// de don khyod kyis rtogs gyur tam// sems dpa' rdo rjes gsol pa/ kye gsang ba'i bdag po lags/ nyid kyi byang chub sems rtogs pas// yid ches dad pa 'di ltar skye// byang chub sems kyi chos nyid kyis// ci ltar snang ba'i chos rnams kun// mi snang ba la mngon du 'byin nus pas// chos kyi snying po yin par yid kyang ches// rgyu la ma byung rkyen gyis ma bskyed pas// rang byung ye shes yin par yid kyang ches// rang bzhin bcu yis btsal du med pa'i phyir// ma btsal lhun gyis grub par yid kyang ches// chos rnams thams cad gtan la phab pa'i phyir// bstan pa'i sgron ma yin par yid kyang ches// nyams su blangs shing blo la gzhag pa'i chos yin pas// man ngag kun gyi rtsa ba yin par yid kyang ches// sde snod kun dang rgyud kun gyi// 'byung gnas gtan la 'bebs pas// kun gyi spyi 'brel yin par yid kyang ches// rgyu 'bras
- 375a
theg pa can la khyad 'phags pas// theg pa'i nying khu yin par yid kyang ches// dus gsum sangs rgyas thams cad kyi// lam du khyer pa'i chos nyid de// byang chub sems las med pa'i phyir// bsnyun pa'i yang chen yin par yid kyang ches// thams cad nyid du 'dus pa'i phyir// kun gyi rtsa ba yin par yid kyang ches// thams cad nyid kyis byas pa'i phyir// kun gyi mkhan po yin par yid kyang ches// thams cad nyid las 'byung ba'i phyir// kun gyi 'byung gnas yin par yid kyang ches// thams cad nyid la gnas pa'i phyir// kun gyi gzhi ma yin par yid kyang ches// thams cad nyid las gyes pa'i phyir// kun gyi sdong po yin par yid kyang ches// thams cad nyid las med pa'i phyir// kun gyi ngo bo yin par yid kyang ches// snang med kun la khyab pas na// brdal ba chen po yin par yid kyang ches// gcig las du mar bgrang du med pa'i phyir// thig le nya ga gcig yin par yid kyang ches// dus gsum 'pho 'gyur med par bya ba'i phyir// mi nub rgyal mtshan yin par yid kyang ches// rang la yod cing rtogs par dka' ba'i phyir// gsang ba'i man ngag yin par yid kyang ches// zhes
- 375b
gsol to// de nas sems dpa' rdo rjes// gsang ba'i bdag po la 'di skad ces gsol to// kye gsang ba'i bdag po lags// bla med byang chub chen po 'di// bcos pas grub bam ma bcos grub// gsang ba'i bdag pos bstan du gsol// gsang ba'i bdag pos gsungs pa/ kye sems dpa' chen po nyon cig/ bla med byang chub chen po 'di// bcos pas grub pa ma yin te// ma bcos rnal du gzhag pas grub// sngar 'das sangs rgyas thams cad kyang // ji bzhin pa la bcos pa med// da ltar sangs rgyas thams cad kyang // ji bzhin pa la bcos mi mdzad// ma 'ongs sangs rgyas thams cad kyang // ji bzhin pa la bcos mi 'gyur// gsang ba'i bdag po nga yis kyang // ji bzhin pa la bcos ma myong // sems dpa' chen po khyod kyis kyang // ji bzhin pa la bcos ma byed// sems dpa' chen po/ rang lus ma bcos pa la lha ma bsgom// smra ba'i tshig dang ngag ma bcos// kye sems dpa' chen po nyon cig/ chu ma sgrogs na dngas/ sems ma bcos na gsal/ lam ma bgrong na nye/ 'bras bu ma dmigs na thob/ kye sems dpa' chen po/ ji ltar snang ba'i chos rnams kun// de bzhin nyid du gcig pa la// de la su'ang 'chos par ma byed cig/ ma bcos
- 376a
mnyam pa'i rgyal po de la ni// mi rtog chos sku'i dgongs pa 'di la gnas// ji bzhin pa la bcos ma byed// ji bzhin pa la sus bcos pa// de yi rnal du 'byor pa med// rnal du ma 'byor don mi 'grub// ji bzhin pa la 'chos ma byed// ji bzhin pa la su 'chos pa// de yi mya ngan mi 'da' ste// de ni 'khor ba'i snying po 'grub// kye sems dpa' chen po/ rang las med kyi gzhan ma blta// 'gros med kyi cog gi sdod// phug na 'dug gi sgor ma 'byung // ye nas yin gyis gzod mtshol// rang byung ye shes phug nas sgor phyung bas// mtshan ma sna tshogs chos dang thug gis phrad// de la brtags shing dpyad byas pa// khams gsum 'khor/ ba'i snying po 'grub// rang byung ye shes phug nas sgor phyung ba sa// ltar med ltas pas ma mthong sgrib pa 'byung // btsal med btsal bas ma grub gol sa byung // kye sems dpa' chen po// byas pa'i spyod pa spyod pazang mA min// dmigs pa'i ting 'dzin sgoms pas sgom pa zang ma min// gsal ba'i ye shes ye shes zang ma min// sgrub pa'i 'bras bu 'bras bu zang ma min// phyogs lhung yod na lha bzang ma min// 'pho 'gyur yod na chos nyid zang ma min// 'byung ba'i spyod pa spyod pa zang ma yin// dmigs pa med na sgom pa zang ma yin// /
- 376b
gsal 'grib med na ye shes zang ma yin// lhun gyis grub na ye shes zang ma yin// phyogs lhung med na lta bzang ma yin// 'pho 'gyur med na chos nyid zang ma yin// kye sems dpa' chen po de lta bas na chos ji bzhin pa'i ngang la blo ji bzhin pa gzhag ste/ dbang po brgya yan/ rig pa khyab brdal/ lus sems bcos pa med par gzhag go// dbang po yul la yin pa bsdu mi bya// yul dang dbang po mi dbye lhug par gzhag/ chos rnams ngo yis mi gzung gyi nar gzhag/ mnyam gzhag yongs la gzhag cing rjes thob rta ltar btsa'// zhes gsungs so// yang gsol pa/ kye gsang ba'i bdag po lags/ dpe mtshon tshig gi lde mig gis don gyi gsang sgo dbye ba de'i don bdag la bstan du gsol/ gsang ba'i bdag pos gsungs pa/ kye sems dpa' chen po nyon cig/ dpes mtshon tshig gi lde mig gis// don gyi gsang sgo dbyi bya ste// de don bstan pa 'di lta ste// mkha' la shar ba'i gzugs sogs rnams// dang ba'i rgya mtsho chen po ru// de nyid ma 'dres yongs su rdzogs// de bzhin chos rnams thams cad kyang // gnyis med ye shes ngo kha la// de nyid ma 'dres yongs su rdzogs// mkha' la shar ba'i gzugs tshogs rnams// dang ba'i/
- 377a
rgya mtsho chen po yis// blang ba med cing dor ba med// gzung ba med cing dor ba med// mkha' la gzugs sogs shar ba rnams// chu nang gzugs brtan shugs kyis 'byung // kun gzhi mkha' la rig shar bas// rig pa'i rtsa la shugs shugs kyis 'byung // mkha' la shar ba'i gzugs sogs dang // chu rlung dag gi gzugs brnyan gnyis// gcig pa ma yin tha dad min// de bzhin rig pa'i rgyal po dang // rig pa'i rtsa la du snang ba gnyis// gcig pa ma yin tha dad min// dper na nam mkha'i gzugs gcig la// chu nang gzugs brnyan bsam mi khyab// de bzhin rig pa gcig pa las// rig pa'i rtsa la shugs bsam mi khyab// dper na chu nang zla ba yang // snang yang de la rang bzhin med// de bzhin rig pa'i rtsa la snang ba// snang yang de la rang bzhin med// tshon lnga 'dres pa'i kha dog la// 'di zhes gcig tu ngos gzung med// de bzhin so sor dbyer med kyang // kun bral ci yang ma spangs pa'o// chos rnams 'dus pa'i ye shes la// 'di zhes gcig tu ngos gzung med// de bzhin so sor dbye ba yang // kun bral ci yang ma spangs pa'o// sna tshogs dar gyi ming rnams kyang // za 'og snam bur byas
- 377b
tsam na// sna tshogs dar ming bral nas kyang // snam bur brtags pa ji bzhin du// de bzhin chos rnams thams cad kyang // gnyis med ye shes bsdus tsam na// sna tshogs chos kyi ming dang bral nas kyang // gnyis med thig le chen por gcig/ gser lngas byas pa'i rdzas rnams kun// ming dbyibs la sogs tha da kyang // ngo bo gser du gcig pa bzhin// sems kyis brtags pa'i chos rnams kun// ming dbyibs la sogs tha dad kyang // chos nyid ngo bor dbyer med/ gcig/ dper na ras snam yug gcig la// tshon gyi rkyen gyis so sor snang // snang yang ras su dbyer med gcig/ de bzhin chos kyi rgyu gcig la// dbang po rkyen gyis so sor snang // chos de ngo bor dbyer med gcig/ shel gong dag gi drung dag tu// kha dog sna tshogs ras gzhag pas// gang gzhag rkyen gyis de ltar snang // snang yang shel la 'gyur ba med// de bzhin sems nyid rgyud gcig la// 'gro ba rigs drug so so nas// las bag rkyen gyis so sor snang // chos nyid ngang la 'gyur ba med// rgyu nyid gser du gcig pa la// bzo yi las kyis bsgyur byas te// sku gzugs chen po byas pa'i tshe// gser yang bzo yi rdzas
- 378a
su snang // chol zong dri snod byas pa'i tshe// gser yang ngan pa'i rdzas su snang // de bzhin chos nyid rgyu gcig la// 'khrul pa can gyi rtag tsam na// yul yang ma dag 'jig rten khams// ngam grog g.yang sa lung khung rnams// ye shes can gyi ngo kha la// yul gyi zhing khams rnam dag ste// bde ba can gyi yul du snang // gnyis med ye shes ngo kha la// snang dang mi snang gnyis su med// sman dang dug tu gcig pa la// la li'i sman yang la la'i dug/ ha la nag po'i dug dag kyang // thabs mkhas bza' legs sman gyi mchog/ sman gyi rgyal po bcud len yang // thabs ma mkhas shing bza' nyes na// ha la nag po'i dug dang mtshungs// 'dod chags zhe sdang gti mug kyang // bskyed pa med pa'i ye shes yin// rang byung ye shes chen po yang // rnam rtog rlung gis bskyod tsam na/ 'dod chags zhe sdang gti mug yin// sa 'og gnas pa'i gser dag kyang // bdag po med na rdo dang 'dra// dgos pa ci yang tshe rgyu med// kun la yod pa'i byang chub sems// ye shes med na 'khrul pa yin// dgos pa ci yang tshe rgyu mang // mi g.yo ye shes ldan gyur na// thig le nyag gcig chos kyi sku// byin rlams
- 378b
yid bzhin nor bu'i tshul// de nas sems dpa' rdo rjes/ gsang ba'i bdag po la 'di skad ces gsol to// kye gsang ba'i bdag po lags/ rdzogs pa chen po'i nges tshig ji ltar lags// de la blang ngor yod dam med// gsang ba'i bdag pos gsungs pa/ ji ltar nam mkha'i mtshan nyid du// snang nyid ma bkag shong ba ltar// rdzogs pa chen po'i mtshan nyid du// med pa'i chos dang yod pa'i chos// de bzhin srid dang mi srid pa// sangs rgyas sems can bde sdug bsngal// / bzang ngan cha chung skyon yon tan// lhag ma med par yongs rdzogs pas// de phyir de la rdzogs zhes bya// rin po che yi gser gling du// thams cad gser las med pa'i phyir// dor du rung ba yod ma yin// rdzogs pa chen po'i chos nyid la// spang ba gang yang med pa'i phyir// dor du rung ba yod ma yin// gnyis med ye shes kho na la// mtshan ma ci yang mi snang phyir// blang du rung ba yod ma yin// zhes gsungs so// yang gsol pa/ kye gsang ba'i bdag po lags// ma 'dres yongs rdzogs zhes bya ba// de don bdag la bstan du gsol// gsang ba'i bdag pos gsungs pa/ mkha' la gzugs sogs ma 'dres pa// chun phyogs su
- 379a
yongs su rdzogs// 'byung ba rnam bzhi ma 'dres pa// nam mkha'i ngang du yongs su rdzogs// sna tshogs dar snam 'dres pa// za 'og snam bur yongs su rdzogs// tshon rtsi rnam lnga ma 'dres pa// dkyil 'khor chen por yongs su rdzogs// rin chen sna bzhir ma 'dres pa// ri bo mchog rab yongs su rdzogs// kun rdzob phyogs nas ma 'dres pa// don dam phyogs su yongs su rdzogs// chos chen phyogs nas ma 'dres pa// chos nyid phyogs su yongs su rdzogs// bsam dbang phyogs nas ma 'dres pa// dngos dbang phyogs nas yongs su rdzogs// 'khrul dbang phyogs nas ma 'dres pa// gnyis med phyogs su yongs su rdzogs// brgyad kyi lha spyod ma 'dres pa// a ti lo gar yongs su rdzogs// yang gsol pa/ kye gsang ba'i bdag po lags// spyi bcings rgyal po zhes bgyi ba// de don bdag la bstan du gsol// gsang ba'i bdag pos gsungs pa/ lam gyi spyi ni grongs kyis bcings// chu bran spyi ni rgya mtshos bcings// ri bdun spyi ni ri bos bcings// 'byung bzhi'i spyi ni nam mkhas bcings// theg pa'i spyi ni a tis bcings// sku gsum spyi ni gsang chen sku yis bcings// ye shes kun gyi
- 379b
spyi dag ni// rang byung ye shes chen pos bcings// snang srid chos kyi spyi dag ni// chos nyid byang chub sems kyis bcings// zhes gsungs so// yang gsol pa// kyi gsang ba'i bdag po lags/ gang zag dag gi bsam dbang dang // chos nyid dag gi dngos dbang gnyis// de don bdag la bstan du gsol// gsang ba'i bdag pos yang gsungs pa// brtag pa thams cad blo yis brtags// gzung ba thams cad blo yis gzung // phye ba thams cad blo yis phye// brjod pa thams cad blo yis brjod// snang ba thams cad blo la snang // grub pa thams cad blo la grub// dngos dbang de la zlog pa'o// re zhig blo la bsgom bya na// yin tshul nges pa med pa'i phyir// snang tshul cir yang snang ba yin// rgya chad phyogs lhung med pa yin// ma 'dres yongs su rdzogs pa yin// kun bral ci ma spangs/ pa yin// ldan ldog gnyis dang bcas pa yin// de la dbye ba med pa yin// sgro skur kun dang bral ba yin// zhes gsungs so// yang gsol pa/ kye gsang ba'i bdag po lags/ phyogs cha can gyi lta ba la// de la brten par bgyi mi bgyir// bde gshegs gsang ba'i bdag po yis// phyogs cha can du gsungs pa
- 380a
de// des don lags sam dgongs bshang lags// gsang ba'i bdag pos bskrun du gsol// gsang ba'i bdag pos gsungs pa/ phyogs gcig spangs na phyogs gcig blang // phyogs la chags pas phyogs thug mtha'// phyogs ris med pa'i lta ba la// phyogs cha can du bzung ba de// lci ba ngan te lding ba yin// de la brten par mi bya'o// khyed la sogs pa'i 'khor rnams kyis// bsregs bcang brdung ba'i gser bzhin du// yongs su brtags te nga yi bka'// blang bar bya yis gus phyir min// nga yi bka' ni dgongs pa can// yod mtha' dgrol phyir med mtha' bstan// med mtha' dgrol phyir yod ces bskrun// gnyis med dgrol phyir nyag gcig bskrun// spob dgrol phyir na brjod med bstan// brjod med dgrol phyir kha byam bstan// lta ba 'phrul gyi kha 'jam 'di// ji ltar nam mkha'i mdung bskor bzhin// gang ltar bskor yang dog pa med// ji ltar 'drub kyi phur ba bzhin// gang ltar tshul yang sbrul du tub// pags pa rlon pa'i mtha' bzhin du// gang ltar 'then yang 'then du btub// ji lta smyon pa'i tshig bzhin du// ga
- 380b
ltar smras kyang rang dbang che// zhes gsungs so// yang gsungs pa/ kye gsang ba'i bdag po lags/ chos kyi sku dang longs spyod rdzogs// sprul pa'i sku dang rnam pa gsum// gcig pa lags sa ma tha dad lags// chos kyi sku dang chos dbyings sam// gcig pa lags sam thang du legs// chos kyi sku dang ye shes gnyis// gcig pa lags sam tha dad lags// rang byung ye shes chen po dang // ma rig pa yi 'khrul pa gnyis// gcig pa lags sa ma tha dad lags// / chos chen mtshan mar 'dzin pa dang // chos nyid don gyi ngo bo gnyis// gcig pa lags sam tha dad lags// khams gsum 'khor ba'i sems can dang // dus gsum bzhugs pa'i sangs rgyas gnyis// gcig pa lags sam tha dad lags// gsang ba'i bdag pos bstan du gsol// gsang ba'i bdag pos gsungs pa/ bsam dbang 'khrul pa'i phyogs nas mi gcig tha dad kyang // gnyis med dngos dbang phyogs su thams cad dbyer med gcig/ ces gsungs so// yang gsol pa/ kye nam mkha'i dgongs po nyid ji ltar lags/ byang chub sems kyi bzhugs tshul ni// gsang ba'i bdag pos bstan du gsol// gsang
- 381a
ba'i bdag pos gsungs pa/ dbang po'i ngo la gang gsal ba// rang gsal de la mi rtog pa// de bzhin nam mkha'i dgongs par bshad// yul dang dbang po mi 'byed cing // chos nyid ngo yis mi 'dzin na// de bzhin nam mkha'i dgongs par bshad// rig pa nang nas mi g.yo zhing // de bzhin nang du mi rtsol na// de ni nam mkha'i dgongs par bshad// byang chub sems kyi chos nyid de// byang chub sems su zhugs tsam na// thams cad 'byung ba'i bdag nyid du// chos rnams kun gyi snying por bzhugs// chos kyi sku ru bzhugs tsam na// gzung 'dzin gnyis dang bral bar bzhugs// longs spyod rdzogs skur bzhugs tsam na// 'dod pa phun sum tshogs par bzhugs// sprul pa'i sku ru bzhugs tsam na// gang la gang dgos der sprul zhes// dgongs pa phun sum tshogs par bzhugs// rang byung ye shes bzhugs tsam na// gang yang chags pa med par bzhugs// gsal la gzhan rtog med par bzhugs// 'khrul pa'i bro ru bzhugs tsam na// ji ltar snang ba'i chos rnams kun// bden 'dzin blo yis gzung nas bzhugs// zhes gsungs so// yang gsol pa kye gsang ba'i bdag po lags/ rang byung ye shes zhes
- 381b
bgyi ba// sa dang sa yi rnam pa rnams// de don bdag la bstan du gsol// gsang ba'i bdag pos gsungs pa// rang byung rgyu rkyen med par ni// ye shes sgrib pa med pa yin// rang byung ye shes chen po la// ting 'dzin bag chags mi sogs 'di// rtsol sgrub dag las mi 'byung bas// rang byung las kyi dbang mi 'gyur// yul 'byung byas 'gyur ye shes de// yul las 'byung zhing gnas 'gyur pas// de la rang byung ming ma btags// sa dang sa yi rim pa dang // bsdus rgyas gsum gyi rim par bstan// kun tu 'od dang pad+ma spyan// 'khor lo tshogs chen bsdus pa'i tshul// kun tu 'od dang rdo rje 'dzin// stug po bkod dang rdo rje 'chang // dbyer med rang bzhin lhun grub pa// de ni 'bring du bstan pa yin// brgyad dang dgu dang bco lnga ni// rgyas par bstan pa'i sa yin te// rang rang skabs su shes par bya// zhes gsungs so// yang gsungs pa/ kye gsang ba'i bdag po lags/ chos kun rtsa ba sems gcig la// de don gang lags bstan du gsol// gsang ba'i bdag pos gsungs pa// sangs/ rgyas sku dang ye shes dang // sems can lus dang bag chags dang // snang srid chos dang 'byung chen lnga// rtsa ba byang chub sems su gcig/ spros pa med pa'i don du
- 382a
gcig/ rgyu ru gcig pas 'bras bur gcig/ dpe 'u gcig pas don du gcig/ rtags dang gtan tshigs 'thun pas gcig/ ces 1gsungs so// yang gsol pa/ kyai gsang ba'i bdag po lags/ sku dang ye shes don dam bden// gang gi phyogs nas grags pa lags// sangs rgyas sems can snang srid chos// gang zhig phyogs nas grags pa lags// gsang ba'i bdag pos bstan du gsol// gsang ba'i bdag pos gsungs pa// sku dang ye shes don dam bden// sangs rgyas sems can snang srid chos// bsam dbang phyogs nas grags shing snang // dngos dbang phyogs nas de mi bden// zhes gsungs so// lta ba thams cad kyi gnad/ man ngag thams kyi sdom/ tan tra thams cad kyi bcur byung nas don bsdus pa bang mdzod 'phrul gyi lde mig ces bya ba/ gsang ba'i bdag pos sems dpa' rdo rje la gdams ngag rim par phog pa rdzogs so// // bcom ldan 'das bya bral rdzogs pa'i ngang la phyag 'tshal lo// de nas gsang ba'i bdag pos chos nyid kyi ngang las bzhengs te phyogs bcur zhal rnam par gzigs nas 'di skad ces gsungs so// kye gsang bdag po nyon cig/ khyod la sogs pa'i 'khor rnams kyis//