'phags ma 'od zer can gyi dkyil 'khor gyi cho ga 'od zer can 'byung ba'i rgyud stong phrag bcu gnyis pa las phyung ba'i rtog pa'i snying po bdun brgya pa zhes bya ba
Text
ff. 133a–170b · 76 folio sides
- 133a
grags pas bsgyur ba'o/ / / de nas lha mo 'od zer can 'di'i gzungs kyi rtog pa yin te/ rnam par snang mdzad kyi rgyal po chen po yongs su bzung ba'o// zla ba'i gzugs brnyan nam/ nyi ma'i steng du 'od zer can rnam par bsam par bya'o// de'i 'od zer las yongs su grub pa'i khab dang skud pa dang bcas pas gdug pa can rnams kyi mig dang kha drubs bzhin par mdun du rnam par bsam par bya'o/ / phyi rol mthong ba'i spyod yul du mtshams bcing ba byas la/ zla ba dang nyi ma gnyis dag gi 'od zer las yongs su rdzogs bzhin pa'i lha mo 'od zer can ma mnyan yod na bzhugs te zhes bya ba nas bzung ste/ lha mo 'od zer can zhes bya ba ni rgyal bas bka' stsal pa'o// de nyi ma dang zla ba'i mdun dang mdun nas 'gro ba'ang lha'i tshogs mang pos kyang mthong bar mi 'gyur ro/ / de'i tshe bdag kyang bltar med pa'i zhes bya ba la sogs pa 'di dang / de'ang dgu phrag gsum yin no// sngags kyi tshig ni 'di lta ste/ oM pa tA kra ma si/ pa rA kra ma si/ ut+ta ya ma si/ u dA ma si nair ma si/ an+tar+d+ha na ma si/ ming nyid rab tu sbyar te/ lha mo 'od zer can bdag lam du skyobs shig/ bdag lam log pa las skyobs shig/ rgyal po dang / me dang / dgra dang / seng ge'i 'jigs pa las skyobs shig/ bdag dus thams cad du phun sum tshogs par grub par gyis shig/ na mo rat+na tra yA ya/ oM A lo/ kA lo/ tA lo/ sar+b+ba lo/ sab mu rti/ rak+Sha rak+Sha nA~M/ sarba b+ha ye Sha
- 133b
dkon mchog gsum dang ldan pa zhes bya ba'i/ oM ba rA li/ btA li/ bat+tA li/ ba rA li/ ba rA ha mu khi/ sarba duSh+TA na mu kha~M/ ban+d+ha ban+d+ha/ dus thams cad du legs par srung bar 'gyur ro// bskul tshig bzhi bcu rtsa bzhi ni/ / rgya mtsho gsum ni mtshon brjod pa'i// oM dang bcas pa'i snying po dang // nyi shu rtsa gnyis pa dang / yi ge drug pa ni 'jigs pa thams cad las srung bar byed do// snying po'i sngags 'di 'dzin na blo rno bar byed do// gleng gzhi dang bcas pa sngags 'di bzlas pa byas na/ nor dang / 'bru dang / g.yog 'khor 'phel bar byed pa'i mchog sbyin par byed do// don de sgrub par 'dod pas thang ka 'am/ shing leb la bris sku bya ba ni mya ngan med pa'i shing gi sdong po'i rtsar pad+ma la gnas pa/ rgyan thams cad kyis brgyan pa ljang khu dang / ang ga rag sngon po dang / stong g.yogs sngon po dang / mgo bo na mchod rten yod pa/ gzhon nu ma g.yon pa'i phyogs su gzigs pa'i spyan can// mya ngan med pa'i 'od zer can zhes bya ba bri bar bya'o// sngon du bstan pa'i cho gas thang sku 'di mdun du blta zhing mchog tu sgrub pa'i snying po bzlas pa stong bya'o/ / oM mA rI ts+yai swA hA/ zhes bya ba'o// mchog gi snying po 'di nges par mchog tu 'grub par 'gyur ro// rims thams cad med par byed do/ / nad thams dang med par byed do// bzlas pa dang sbyin sreg gis kyang 'od zer can gyis nor 'phel ba skyed par byed do// zho dang dur ba gnyis kyi sbyin sreg gis ni nges par nad med par byed do//
- 134a
sbrang rtsi dang mar gyi sbyin sreg gis ni rgyal po rnams dbang du byed do// zho dang / 'bras sA lu dang / bu ram gyi sbyin sreg gis ni gnod sbyin mo 'grub par byed do// tsha ba'i mar dang nim pa'i yal ga stong gi sbyin sreg gis ni rims med par byed do/ / rang gi khrag dang / rus pa dang / dug dang / ske tshe stong phrag gcig sbyin sreg byas pas dgra bo 'chi'o// 'o ma'i sbyin sreg gis ni zhi bar 'gyur ro// rtag tu bzlas na dug 'joms par byed cing 'bad pa med par mkha' 'gro ma rnams 'joms so// nyi ma ra re brgya rtsa brgyad bzlas na 'dzin blo rno bar 'gyur ro// oM pa rA li/ ba dA li/ ba dA li/ ba rA ha mu khi sarba duSh+Ta pra duSh+TA naM/ ban+d+ha ban+d+ha mu khaM swA hA/ 'od zer can gyi snying po'o// oM ma rI ts+yai swA hA/ bcom ldan 'das ma 'od zer can gyi gsang ba'i snying po yi ge drug pa'o// snying po'i phyag rgya ni 'di yin te/ lag pa gnyis mnyam par byas la thal mo rnam par sbyar bar byas pa 'am kha phye ba'ang rung ste/ mtheb chen cung zad bkug ste gung mo gnyis phan tshun reg la zlum po'i rnam pa mtshan mar byas la/ skyil mo krung du gnas pas lte ba'i phyogs su gtugs par bya'o// phyag rgya 'di mchog gtso bo ste// las rnams kun la sbyar bar bya'i// pha ma dang ni 'bring la yang // mchog rnams la yang 'di bstan no/ / myur du 'di yis don byed cing // kun tu 'grub cing mchod par 'gyur// dag byed bsod nams chen po ste// bkra shis sdig pa nyams byed cing // bsod nams
- 134b
sdig pa kun zad pa/ / dngos grub rgyu ni phyag rgya yin// bcom ldan 'das ma 'od zer can ma'i mtshan brgyad brjod na srung ba dang / skyob pa dang / sbeng bar 'gyur ro// tad+ya thA/ arka ma si/ marka ma si/ u ra ma ma si/ ba ra ma si/ tsI ba ra ma si/ ma hA tsI ba ra ma si/ i tar+d+ha na ma si/ na mo rat+na tra yA ya/ tad+ya thA/ oM ba dA li/ ba rA li/ ba rA ga mu khi sar+b+ba duSh+Ta pra duSh+TA nA/ mu khaM ban d+ha ban d+ha swA hA/ rig pa 'dzin pa'i sde snod las phyung ba'i rtog pa ni 'di yin no/ / de nas sbyor ba gzhan ni 'di yin te/ gser mdog can gyi phag pa bsgoms la/ de'i steng du 'od zer can gos dkar po'i sham thabs can bsgom par bya'o// de'i spyi bor mchod rten dang / g.yon pa'i phyag gis mya ngan med pa'i yal ga me tog dang bcas pa'i phyag can no// 'jigs pa chen po'i dus su'ang bdag nyid phag pa'i tshogs kyis yongs su bskor bar bsgom par bya'o/ / snying khar chos gos kyi sne'u bzung ste/ lan bdun du bsngags la mdud pa bdun byas na lam du rkun ma la sogs pas choms par mi 'gyur ro// de nas mdud pa yongs su bkrol bar bya'o/ zhes bya ba ni bcom ldan 'das ma 'od zer can gyi rtog pa rdzogs so// / rang gi snying khar zla ba la la rnam par bsams la/ de nyid yid kyis brjod pas chos thams cad bdag med ba'i ngo bo nyid du bsgom par bya'o/ / de nas yang nam mkha'i phyogs su bsam pa ni/ bdag nyid rnam par snang mdzad kyi gzugs pad+ma'i lte bar seng ldeng gi khri la rdo rje'i skyil krung gis bzhugs pa/ gser
- 135a
gyi mdog can byang chub mchog gi phyag rgya can ting nge 'dzin la snyoms par zhugs pa/ ral pa'i das rgyan 'chang zhing zhi ba yi ge nA nyid kyis brjod pa'i rnam par bsam par bya'o// de nas mdun du zla ba'i gzugs brnyan rnam par snang mdzad kyi 'od zer las byung ba'i 'od zer can ma/ oM mA rI ts+yai swA hA/ zhes bya bas gser gyi mdog can gyi skud pa dang bcas pa'i khab 'dzin pa'i phyag gis gdug pa can gyi kha dang mig yang dag par drubs pa mdun du rnam par bsam par bya'o/ / bu mos bkal ba'i skung ba nyi shu rtsa gcig la rtsa ba'i sngags kyi rig pa lan cig yongs su bzlas pa na/ de nas na mo rat+na tra yA ya/ mA rI tsi da ba tA yai/ hri da ya A brta ye Shu/ tad+ya thA/ oM ba ti/ ti khai/ pa ta ti li/ pra ta ti li/ bA ra li/ ba rA ha mu khi sarba duSh+Ta pra duSh+Tan+taM/ tsak+Sha ra mu khaM/ ban d+ha mi hAH / zhes bya ba dang / yang khan brgya rtsa brgyad 'di bzlas te/ na mo rat+na tra yA ya/ mA rI ts+yai de ba tA ye/ tad+ya thA/ oM bat+tA le/ ba dA li/ ba rA li/ ba rA ha mu khi/ sarba duSh+Ta pra duSh+TA nAM/ gr-i thi bi d+d+hi ma swA hA/ zhes bya ba brjod do// de skud pa la rang nyid bsrung ba'i ched du mdud pa bdun bya'o// g.yog po'i ched du bya ste/ ming yongs su gzung ba'i sbyor bas mdud pa gcig bya'o// 'gro ba dang 'ong bas skud pa de rked pa la bcings te/ gleng gzhi dang bcas pa'i 'od zer can gyi rig pa bklag ste mdun du 'gro bar bya'o// de ltar byas na rang bzhin gyis srung bar 'gyur ro// nub mo bdun du zla ba la/
- 135b
ma na n+ti mA'i dkrol 'khor la sngon du gsungs pa bzhin du rang gi gnas ts+tsha// de'i rdu sa ji la dgungangs pa ran pa lan bdun du brjod pa sgyu/ nam sa r+b+ba phun pa d+hA/ oM A lo/ kA lo/ tA lo/ sadz+wA lo/ sarba mUd+d+hi/ rak+Sha rak+Sha mAM sarba b+ha ye Shu ye swAhA/ dkon mchog gsum dang ldan pa zhes bya ba'i rig pa'o// tad+ya thA/ oM mA rI r+yA bat+ta ta ma?/ ba rA li/ ba rA li/ ba rA ha mu khi sarba duSh+Ta pra duSh+Ta nAM/ ban+d+ha ban+d+ha/ mu khaM swA hA/ tad+ya thA/ oM btA li/ ba dA li/ baR+Sha ha mu khi/ sar+b+ba duSh+TA na pra duSh+TA nA~M/ ban+d+ha ban+d+ha nu khaM swAhA oM mA rI ts+yai sahA/ zhes bya ba ni bcom ldan 'das kyi snying po'i mchog nges par 'di yin no// oM mA rI ts+yai pa dA kra ma si/ ba rA kra ma si/ ud yaM ma si/ nau rlom mo/ arkas sa/ marka ma si/ urma ma si/ ban+da ma si/ gum+ma ma si/ tsI ba ra ma si/ ma hA tsI ba ra ma si/ aM tar+N+Na na ma si/ na mo rat+na tra yA ya/ tad+ya thA/ oM bat+tA li/ ba dA li/ ba rA li/ ba rA ha mu khi/ sar+b+ba d+haSh+Ta prad+yASh+Ta nA~M/ ban+d+ha ban+d+ha mu khaM swAk+Sh+ma/ oM mA rI ts+yai swAH/ zhes bya ba ni bcom ldan 'das ma'i snying po'i mchog ni nges par 'di yin no// oM mA dI ts+yai padA gram si/ pA ra wam si/ ud yam siHnai ra ma si arka ma si marka ma si/ urma ma si/ baM d+ha ma si/ guSh+ma ma si/ tsi ba rA ma si/ ma hA tsi ba rA ma si/ aM tar+d+ha na ma si/ na mo rat+na tra yA ya/ tad+ya thA/ oM bat+ta li/ ba dA li/ ba rA li/
- 136a
ba rA ha mu khi/ sar+b+ba duSh+Ta pra duSh+TA nAM/ ban+d+ha ban+d+ha sAhA/ oM bat+ta li/ ba dA li/ ba rA li/ ba rA ha mu khi/ sar+b+ba duSh+Ta pra duSh+TA nAM/ tsak+Sha mu khaM ban d+hA mi swahA/ zhes bya'o// oM bat+tA li/ ba dA li/ ba rA li/ ba rA ha mu khi/ sar+b+ba duSh+Ta pra duSh+TA nAM/ gaM d+haM baM d+hi ma swA hA/ zhes brjod par bya'o// rang nyid srung ba'i don du sngags 'di bya ste/ oM arka ma si swA hA/ zhes bya ba dang oM marka ma si swA hA/ zhes bya ba dang / oM aM tar+d+ha na me si swA hA/ zhes bya ba dang / oM te dzo ma si swAhA/ zhes bya ba dang / oM u da ya ma si swA hA/ zhes bya ba dang / oM gul+la ma si swA hA/ zhes bya ba dang / oM ba na ma si swA hA/ zhes bya ba dang / oM tsi ba ra ma si swA hA/ zhes bya ba dang / oM ba dA kra ma si swA hA/ zhes bya ba dang / oM pa ra kra ma si swA hA/ zhes bya ba dang / oM urma ma si swA hA/ zhes bya'o// de nas las gzhan yin te/ mchog tu gyur pa'i sngags ni/ oM mA rI ts+yai swAhA/ zhes bya ba'i sngags 'di'i las ni zhi ba dang / rgyas pa dang dbang dang / mngon spyod dang / dgug pa'o// bdag gi don du snying khar tI dang spel ba'i snying po oM dang spel ba byas la/ mgal me'i 'khor lo la gnas pa lugs kyu dang zhags pas dgug par bya ba ni dpag tshad brgya yin du zin kyang lha rdzas kyi bud med 'gugs par byed do/ / de nas sbyor ba gzhan yin te/ nyi ma 'char ka'i tshe bya ste/ gzhon nu ma la sngags brgya bzlas te ba'i
- 136b
bas dkyil 'khor byas la gzhag par bya ste/ tsan dan dkar pos yan lag byugs la/ me tog dang legs par khrus byas shing gos dkar po bskon la gu gul gyi bdug pa sbyin te mthe bong la rgya skyegs dang ma ra nag gis bskus pa la sngags brgyad brgya bzlas te dbang bskur ba bstan par bya'o/ / lha la sogs pa thams cad sngags kyi rgyal po 'dis bskul te/ oM tsi ri tsi ri mu swA hA/ zhes bya ba ni sngags so// oM mAH/ sngags 'dis mar me la brgyad brgya mngon par bsngags nas gzhon nu ma la bstan par byas na sngon bzhin du mngon par 'gyur ro// ma mo'i tshogs thams cad kyi dge ba dang mi dge ba'ang thos pa ni/ oM ba tA li ye muH/ sngags 'di khri tshe gcig bzlas te bstan par bya'o// yang na dgra bo rims kyis gzung bar 'dod na mi'i rus pa'i phye ma dang / dur khrod kyi thal ba dang / chu bo'i ngogs gnyis kyi sa dang / rkang rjes kyi rdul dang bcas pa la gzugs bsnyen byas te/ dug dang / me dang / ske tshe dang / nyin phyed dang / 'o ma dang ldan pa dur khrod kyi ras la sngags dang spel ba bris bzhin pa byas te/ oM mA rI ts+yai che ge mo rims kyis zung zhig zung zhig hUM phaT swA hA/ zhes brgya rtsa brgyad bzlas pas dgra bo'i khang par sbas na rims kyis 'dzin par 'gyur ro// yang na thod pa la sngon du bstan pa'i rdzas nyid kyis ming bris te yi ge a bzhi nang du bcug nas me'i nang du'ang ma gyis yongs su bskor la/ khros pas seng ldeng gi me la bdug par bya'o// steng nas skye ba bcings pa'i thod pa
- 137a
dgra bo'i khang par sbas na 'phral du rims kyis 'dzin par 'gyur ro/ / yang na dur khrod du bya'o// de nas dgra bo gsad par 'dod na dug dang / tsha dang / ske tshe dang / khrag gis mi rus pa'i sbu gus thod pa la ming mngon par bris te hUM dang phaT gnyis kyi nang du bcug na gsod par 'gyur ro/ / sngags kyis yongs su bskor bar bya ste/ oM mA rI ts+yai hUM che ge mo sod cig hUM/ zhes bya ba stong phrag brgyad bzlas na 'chi bar 'gyur ro/ / dur khrod du bris na ni zhag gsum nyams par 'gyur ro// yang na skrod par 'dod na/ oM mA rI ts+yai tsa la tsa la/ pra tsa la pra tsa la/ shI g+h+raM ga mi no che ge mo skrod cig hUM phaT/ sngags 'di bya rog gi gshog pa blangs la stong phrag brgyad bzlas te/ dgra bo'i khyim du 'bad pas sba bar byas la/ rnga mo'i steng du zhon pa bsgom par byas na de ma thag tu skrod par byed do// yang na dbye bar 'dod na dur khrod kyi thal dang / / chu klung gi ngogs gnyis kyi sa dang / rkang rjes kyi sa dang / yang dag par bstan pas so sor gzugs brnyan byas la rgyab sprad de/ ma he'i sha dang rta'i mgo spus legs par bcings la/ dug dang / ske tshe dang / tsha ba gsum gyis lus byugs la/ de nyid dang / ma he'i sha dang / rta'i khrag dang ldan pas dur khrod kyi ras la phaT bzhi'i dbus su hUM gis spel ba'i ming bris la/ mAM gyis yongs su bskor la de'i snying khar bcug ste sngags bzlas shing / ma he dang rta gnyis la zhon pa gnyis ka'ang 'thab bzhin rnam par bsams na dbye bar byed do// 'phrog byed dang dka' bzlog ma dang
- 137b
bcas pas dur khrod dus brkos la sra'o/ / oM mA rI ts+yai che ge mo phye zhig hUM swAhA/ zhes bya ba ni sngags so// de nas sbyor ba gzhan ni ma he'i ra dang rta'i rus pa la gzugs brnyan byas te/ dug dang gtum po'i sa bon dang / ma he'i sha dang / rta'i khrag gis snying khar ming mngon par bris la sngags bzla zhing / seng ldeng gi me la gdungs na de ma thag tu 'byed par byed do// yang na dgra bo'i khyim du sngas na'ang 'byed par byed do/ / de yang dag par brjod par bya ba ni 'od zer can chen po 'byung ba'i rgyud las byung ba ni dgra'i dpung rengs par byed pa'i tshig ston te/ kha cig tu rgyal po'i dpung gi tshogs g.yos par 'gyur zhing gzhan gyi yul khams phung bar byed par brtson na/ gang gi tshe de la rgyal po 'ongs nas slar byed cing mchod de sngags pa la gsol ba 'debs na/ de'i tshe slob dpon gyis sems can thams cad la rjes su brtse bas byams pa'i sems kyis ting nge 'dzin bya'o/ / de la 'chog chas dgos pa thams cad dang ldan zhing legs pa'i grogs pos de chad du byas te/ bcom ldan 'das kyi thang skra bkram la/ tsan dan dkar bos dkyil 'khor nye bar byugs la me tog dkar po bkram pa/ bdug spos dang / dri dang / 'phreng ba dang / gtor ma'ang byin la/ zho dang / sbrang rtsi dang / bu ram dang ldan pas lan bdun du bsngags la dbul bar bya'o/ / sngags ni/ oM mA rI ts+yai arga pra tIts+tsha swA hA/ oM mA rI ts+yai gan+d+ha pra tIts+tsha swA hA/ oM mA rI ts+yai puSh+pe pra tIts+tsha sAhA/ oM mA rA ts+yai d+hU paM pra tIts+tsha sAhA/ oM mA rI ts+yai dI bi pra tIts+tsha sAhA/ de nas
- 138a
bcom ldan 'das ma la mchod cing yongs su bsngo ste dgyes par byas la/ bdag nyid bcom ldan 'das ma'i gzugs su dmigs shing rang nyid nga rgyal dang ldan pas khri phrag gsum bzlas pa bya'o/ / de'i sngon du song ba'i bsnyen pa yin te/ mi dge ba'i mtshan ma mthong bar 'gyur ro// de nas phyis ni sbyin sreg bya ste/ sngon du bstan pa'i cho gas las thams cad pa'i thab khung du rgya skyegs kyi shing dang / byang chub kyi shing dang / u dum wa ra'i yam shing gis me sbar la/ zho dang / 'o ma dang / mar du bsnyugs pa'i dur ba nyag ma re re rnams stong phrag brgyad sbyin sreg bya'o// de nas las thams cad nus par 'gyur ro/ / oM bat+ta li/ ba dA li/ ba rA li/ ba rA ha mu khi sar+b+ba ri pu s+yaM b+h+yAM staM b+ha ya swA hA/ 'di ni rengs par byed pa'i sngags te 'angs pa'i las thams cad la sbar bar bya'o// sngags 'dis bzlas pa dang sbyin sreg kyang bya'o/ / phyis ni rgyal po dang mdun na 'don ni gro ga 'am/ ras la gur kum mam/ gi'u wang dag gis bsgrub bya'i ming dang sngags spel te mAM gyis dkris pa'ang yi ge bzhis yongs su bskor te/ oM maM baM maM/ phyi rol tu ba'i yi ges yongs su bskor ba'i 'khor lo 'di bris la/ gang gi spyi gtsug gam/ mgul pa 'am/ dpung pa la btags na las thams cad nyid la srung ba byed pa yin no/ / g.yul ngor zhugs na mtshon chas lus la mi chod par 'gyur ro// g.yul ngo las de ni rgyal bar 'gyur ro// de nas yang phyis ni mchog tu gyur pa'i glang po che 'am/ mchog tu gyur pa'i
- 138b
shing rta la rdo rje slob dpon zhon te/ g.yul la mngon par phyogs pas bcom ldan 'das ma'i thang sku bkram la rgyal mtshan ser po btsugs te ras ser po'i sham thabs dang ser po'i thod bcings te/ 'chog chas rdo rje dril bu gzung zhing bsnyen pa dang bcas pas sngon bzhin phag pa'i shing rta la bsgoms la sngags brjod par bya'o/ / oM mA rI ts+yai bat+tA li/ ba dA li/ ba rA li/ ba rA ha mu khi sar+b+ba duSh+Ta ri pu s+yai staM b+ha ya hUM phaT swA hA/ phag pas bskor ba'i nang du bsgoms na de ma thag tu dgra'i dpung tshogs las rgyal bar 'gyur ro// mtshon gyis bsad pa'i mi shi ba'i ro goso sam// dur khrod kyi ras la 'khor lo 'di ba bla lam yung ba'i khu bas bris te chu bo'i ngogs gnyis kyi sa 'am/ ri'i rtse mo'i sa 'am/ dur khrod kyi thal ba dang ldan pas dgra'i dpon gyi gzugs brnyan byas la 'khor lo de'i snying khar bcug la/ yang sa de dang lhan cig tu 'bras sA lu'i khu ba la yung ba'i khu ba dang ldan pas phag pa'i gzugs byas la/ de'i kha ru dgra bo'i gzugs brnyan kha thur du bstan la bcug ste/ phag pa de kham kyong kha sbar gyi nang du bcug la song ste/ dgra'i dpung la sngon du kha bltas pas gzhag par bya'o// zan dang / nya dang / sha rlon pa dang ldan par gtor ma byin la sor brgyad pa'i seng ldeng gi phur bus btab la sa brkos te bzlas laT sngags stong phrag brgyad rdo rje khro bo'i stobs dang ldan pas bzlas pa byas na dgra bo'i da pung rengs par 'gyur ro/ / de nas gzhan yang 'khor lo'i mtshan nyid ni bsgrub bya'i ming yi ges yongs
- 139a
su dkris par byas la/ yang tsa'i yi ges yongs su bskor bar bya'o// yi ge de gnyis kyi bar du bat+tA li la sogs pa'i sngags kyi 'phreng bas yongs su bskor bar bya'o// yang de la mAM gyis bskor ba byas la/ yang yi ge bzhis yongs su bskor zhing gru bzhi'i phyogs de mtshams su rdo rjes mtshan par byas nas/ de nyid kyis de ma thag tu dgra bo'i de pung rengs par byed cing nyams par byed pa la the tshom med do/ / dgra bo'i dpung las mchog tu rgyal ba zhes bya ba'i 'khor lo 'di slob dpon gyi man ngag las shes par bya'o// de nas gzhan yang rengs par byed pa dang / 'byed par byed pa dang / gsod par byed pa'i sbyor ba'i dbang du byas pa'i 'khor lo yin te/ grogs bzang po dang legs par bsrung ste/ mi'i bgegs yongs su spangs te dur khror du gnas la blo dang ldan pas 'bad pa dang bcas pas thang skra bkram la/ de'i mdun du lci ba'i dkyil 'khor byas te/ ji ltar 'byor pa'i mchod pa rnam pa lnga dang ldan par mchod la gos nag po bgo zhing thod nag po bcings la/ 'chog chas dang rdo rje dril bu'i mchog bstan pas khros pas sngon bzhin du lha mo 'od zer can bsgom par bya ste/ phag pa'i zhal gsum pa/ spyan gsum pa/ zhal 'gyur zhing mche ba gtsigs pa/ glog bzhin ljags 'jigs par byed pa/ nyi ma bcu gnyis dang 'dra ba'i 'od 'bar zhing 'phro ba/ mu men lta bu'i gos sngon po'i smad dkris byas shing / shang 'gag dang stod g.yogs sna tshogs pa'i gos kyis
- 139b
byas pa/ rgyan thams cad kyis brgyan pa/ phyag brgyad pa/ g.yas na mda' dang / rdo rje dang / khab dang / lcags kyu bsnams pa'i phyag go// g.yon du gzhu dang / zhags pa dang / shing mya ngan med pa'i yal ga dang / skud pa bsnams pa'i phyag go// mchod rten mgo la yod pa'i sgra dang ldan pa/ nyi ma'i dkyil 'khor la g.yas brkyang ba'i zhabs kyis bzhugs pa/ khros pas rkang pas bsgrub bya mnan pa nyid du bsam par bya'o/ / chu bo'i ngogs kyi sa dang / mi'i rus pa'i phye ma dang / dur khrod kyi thal ba dang ldan pas gzugs brnyan byas la/ tsha ba gsum dang / dug dang / khrag dang tshwa dang / ske tshe dang / da du ra yis ro'i gos la bsgrub bya'i ming sngags dang nges par byas la snying khar gzhug par bya ste/ oM mA rI n+yai bat+ta li/ ba dA li/ ba rA li/ ba rA ha mu khaM hUM/ che ge mo sod cig hUM phaT swA hA/ sngags 'di dang mang spel te mi sha skam po dang gu gul dang yang dag par ldan pas ril bu byas la/ mi'i tshal dang bsres te ro bsregs pa'i shing gi me la stong phrag brgyad sbyin sreg bya'o/ / tsha ba'i mar nag gis gzhan gyi dpung gi rgyal po'i ming bzung ste/ gal te gsod par 'dod na de nyid kyis bdugs na 'chi bar 'gyur ro// gal te rengs par 'dod na'ang rengs par 'gyur ro/ / yang na g.yul ngo la mngon du bltas te mi'i rus pa'i phye ma 'am/ mi tshil dang bsres pas sngags bzla zhing sbyin sreg byas na dgra'i dpung gi tshogs de ma thag tu rengs par byed do//
- 140a
de nas gzhan yang sbyor ba ni ci spyang gi nye bar 'tshe ba zhi bar bya bar 'dod na gnag gi gnas su song ste gnag 'jug pa'i sgo'i rta babs la sngags mngon par dris te/ rgyal mtshan dkar po'i rtse mo la btsugs te tsan dan dkar po dang / gur kum dang / ge'u wang gis khyu mchog gi gtso mo rgan pa dang phyugs rdzi'i ming dang spel zhing byang bu la bris te/ khyu mchog gi rA dang phyugs rdzi rnams kyi skye bar 'khor lo bcing ngo / / 'khor lo ni/ oM maM baM maM/ yang ba yis bskor zhing / yang tsa yis bskor te/ de'i phyi rol du mAM gyis bskor la 'khor lo de nyid bya'o// sgor yang seng ldeng gi phur bu sor brgyad pa'i tshad la tshon sna lnga'i skud pas dkris te/ sngags lan bdun du bzlas nas phur bus gdab bo// oM mA rI ts+yai sar+b+ba big+h+nA naM/ ud sA da ya hUM phaT swA hA/ bgegs bskrad pa'i phur bu'i sngags so// de nas phyis ni gnag lhas kyi dbus su bcom ldan 'das ma'i thang sgrab shar du bltas pa bkram la blo dang ldan pas 'bad pa dang bcas pas bya'o/ / de'i mdun du sbyin sreg gi thab khung gru bzhi pa la khru gang tsam brko/ bar bya ste/ mtshams bzhi ru dri zhim pa'i chu sa bkang ba'i bum pa 'bru sna lnga dang dri zhim po'i chus yongs su bkang la/ tsan dan dkar pos byugs la gos dkar po zung gis sbrel ba yal ga rnam pa lnga ste/ n+ya gro d+ha dang / byang chub kyi shing dang / u dus la ra dang / a 'bras dang / shing arka'i yal gas brgyan pa/ brgya phrag brgyad kyis mngon par bsngags la gzhag go// thab khung de nyid kyi mtshams
- 140b
bzhi ru seng ldeng gi phur bu sngon du bstan pa'i sngags bzlas la gdab par bya'o/ / yang phyis ni lu bas mal nye bar byugs la khrag gi gtor ma dang / ku mu da dang / ut+pa la dang / pad+ma'i 'phreng ba dang / dri zhim pa'i me tog gi rnam par bkram la/ dri zhom po dang tsan dan gyi chus chag chag btab la zho dang / sbrang rtsi dang / bu ram dang ldan pas zas kham gcig gi lha bshos dbul bar bya'o// ba'i mar gyi mar me'i 'phreng bas legs par brgyan cing bla res brgyan la me tog gi 'phreng ba sbyangs shing / gos dkar po'i rgyal mtshan gyi rtse mor sngags bris la btsugs la gu gul gyi bdug spos sbyin no// de ltar bcom ldan 'das ma lha mo 'od zer can ma yang dag par mchod la mnyes par byas te/ sngon du bstan pa'i sngags kyis mngon par bsngags la nye bar mkho ba thams cad dbul bar bya'o// yang thang sku'i mdun du sbyin sreg gi thab khung khru gang tsam brkos pa'i gru bzhi pa kha khyer sor bzhi pa rdo rje'i 'phreng bas bskor ba rtsa ba dang / bcas pa'i pad+ma'i rnam par bya'o// de'i dbus su pad+ma la rdo rje'i mtshan par byas te ba glang gi lci bas dkyil 'khor legs par byugs la me tog gi rnam pa bkram par bya'o/ / de nas sngags pas khrus byas shing / gtsang mas gos dkar po gyon la nye bar mkho ba'i bong dkar po bcings te/ rdo rje dang dril bu bzung zhing bsnyen pa dang bcas pas 'jug par bya'o// thab khung gi mdun du sngags kyis bgegs bslang la seng ldeng gi phur bus thab khung spyi phyi
- 141a
rol grwa bzhir gdab par bya'o/ / de nas sngon bzhin du thab khung gi shar nas nub tu mngon par phyogs par gnas la/ sngags dang phyas rgyas byin gyis brlangs pa'i bsngags pa'i ku sha rba bu'i steng du gnas la thab khung gi phyogs bzhir ku sha dgras par bya'o/ / de nas dgos pa thams cad la sngags brgya bzlas te g.yas phyogs su gzhag par bya'o// g.yon phyogs su chu'i snod bzhag cing mdun du mchod yon gyi snod dri zhim po'i chu dang me tog gis bkang ba bzhag la/ zho dang / bu ram dang / sbrang rtsi dang ldan pa'ang bzhag ste/ gtsub shing gis bton pa'i me thab khung gi nang du gzhug ste/ n+ya gro d+ha dang / u dum wa ra dang / pa la sha'i yam shing gis me sbar la/ de nas yang oM yongs su gyur pa las zla ba'i dkyil 'khor/ de'i steng du raM yongs su gyur pa las me lha bsgoms la gzhan pa ma / lha sngags kyis spun drangs te/ e h+ye hi ma hA b+hU ta de wa dza ra Shi sat+ta ma gr-i hI tA A hu tau A ha ra asmin saM ni hi to b+ha ba/ me lA spyan drang ba'i sngags so// oM ag+na ye dI pya dI pya A bi sha ma hA shri ye ha pya ka bya bA ha nA ya swA hA/ me lha'i sngags so// zla ba'i dkyil 'khor la gnas pa'i zhal dkar zlum pa/ phyag bzhi pa/ 'bar ba'i spyan gsum pa/ me lha bzang po ston ka'i zla ba'i 'od 'dra ba/ dri ma med pa bdud rtsi'i rgyun 'bab cing zhi ba/ dbyug gu dang / ril ba spyi blugs dang / 'phreng ba dang / mchog sbyin pa 'chang bar bsams la mchod yon sbyin la/ sngon du bstan pa'i snod du mchod pa rnam pa
- 141b
khA dang bcas pas de'i zhal du dgang blugs gsum dbul bar bya'o/ / yang chu ba sangs la zhi ba la ni 'bar ba'i ngo bo nyid du yongs su gyur nas/ gzhan yang de nyid du lha mo 'od zer can zla ba'i dkyil 'khor la gnas pa/ ston ka'i zla ba lta bu dkar zhing gzhon nu ma la ut+pal sngon po'i spyan can/ na bza' dkar po 'chang ba/ zhi ba la ni sna tshogs pa'i ngo bo bdud rtsi'i bum pa 'chang zhing 'bab la/ 'bar ba'i me tog lha bzhengs pa lta bu gzhon nu ma 'gro ba la bdud rtsi'i rgyan gyis 'bab bzhin pa'i lha mo bsams la/ de'i zhal du dgang blags dbul bar bya'o// phyags kyi mgo sla dang / rus pa dang / dur ba dang ldan pas/ zho dang / sbrang rtsi dang / mar dang / 'o ma dang bsres la lan stong phrag brgyad sprin sreg bya'o// gzhan yang ga nag lhas nas phyir song la 'byung po thams cad pa'i gtor ma mchod pa lnga dang bcas pa zho dang / 'o thug dang / 'o ma dang / 'bras kyi phye ma bu ram dang bsres pa'i gong bu byas la/ snying po gsum gyi mar dang / 'bras dang / srin ma ma Sha dang / chang dang / nya dang / sha dang / nang du sran ma blugs pa'i khu ba dang / sran ma ma Sha dang / bu ram dang bsres pa'i 'khur ba dang / 'khur ba dang bcas pa la lan bdun du mngon par bsngags te sbyin par bya'o// 'o thug ni klu rnams la'o/ / 'o ma ni lha ma yin rnams la'o// zho dang 'o ma ni lha rnams la'o// snying po gsum gyi mar ni gnod sbyin rnams la'o// 'bras kyi phye ma bu ram dang bsres te gong bu byas pa ni
- 142a
tshogs kyi bdag po la'o/ / 'khur ba ni sha za rnams la'o// 'bras dang ma sham bsres pa ni 'byung po rnams la'o// sha ni srin po rnams la'o// nya ni yi dgas rnams la'o// b+ha ba/ khA ti khA hI/ gr-ih+Na gr-ih+Na/ gr-ih+Na ts+tsha sar+b+ba b+hU tA ba ma~M sahA/ yang lha'i khang par zhugs te/ sngags brgyad brgya bzlas te drim pa chus bkang ba khyu mchog la gtor bar bya'o// des ni ci srung gi nyesas che ban bar 'gyur ro/ / de ltar byas te dus gsum du zhi ba'i bzlas pas sbyin sreg zhag bdun du byas na zhi bar 'gyur ro// oM mA rI ts+yai swA hA/ lag pa gnyis mnyam par byas la thal mo gnyis sbyar ba 'am rtse mo kha phye'ang rung ste/ mthe bong gnyis bkug la gung mo la sdigs mdzub gnyis 'khril ba'i tshul du sbyar ba'i rnam pas mtshan pa'o// skyil krung du 'dug ste lte ba'i phyogs su gtug par bya'o// phyag rgya 'di ni mchog yin te/ / las rnams kun la sbyar bar bya// glang po che dang / rta dang / phyugs dang / ma he dang / mi dang / mi mo dang / rgyal po dang / byis pa rnams ni 'dis the tsom med par zhi bar 'gyur ro// de nas sbyin sreg gi thab khung gi mtshan nyid yin te/ zhi ba la ni pad+ma dkar po'i rnam pa sdong bu bcas pa zlum po yin no// dbus kyi pad+ma la rdo rjes mtshan pa/ kha khyer zlum po la rdo rje'i 'phreng bas brgyan cing bskor ba'o/ / khru gang tsam brkos pa'i thab khung du pa la sha dang / n+ya gro d+ha'i yam shing byas la dur ba nyag ma re re'i sbyin sreg bya'o// tshe 'dod pa dang zhi bar 'dod pas mangs be da'o zhes bya ba'i me lha thams
- 142b
cad dkar ba'i rang bzhin ni zhi ba la bsreg par bya'o/ / rgyas pa la ni gru bzhi pa kha khyer sor bzhi pa la rdo rje'i 'phreng bas brgyan cing pad+ma dang / 'khor lo dang / rin po ches yang dag par brgyan pa/ phab khung gi mtshams su sna tshogs rdo rjes mtshan pa la arga dang u dum wa ra'i ya ma shing gis ku mu da dang / ut+pa la dang / pad+ma dkar po dang / zho dang / mar dar/ sbrang rtsi dang bsres pa'i rdzas kyis gser lta bu byugs shing / sar pa'i me'i lha legs par brgyan pa'i gnas par bsams la nye bar mkho ba thams cad ser po ni rgyas pa la dran par bya'o// yang dbang la ni gru gsum byang chub kyi shing gi 'dab ma lta bu'i thab khung / de'i dbu su'ang pad+ma byang chub kyi shing gi lo ma lta bu/ de'i steng du rdo rje rtse gsum pa/ kha khyer la rdo rje lcags kyu'i 'phreng bas rnam par brgyan pa byang chub kyi shing gis ya ma shing byas la til dang / tshwa dang / ske tshe'i rdzas dang / gos dmar po dang / 'phreng ba dmar po dang / tsan dan dmar po dang / ka ma to zhes bya ba'i me lha ban du ka dang / 'dza' ma'i me tog lta bu la dmar po bsam mo/ / mngon spyod la ni zla phyed kyi rnam pa lta bu'i thab khung / kha khyer la rdo rje'i 'phreng bas brgyan pa dbus su rdo rje kha phye ba'o// ro bsregs pa'i shing dang gtum mo'i me la mi sha dang / mi'i rus pa'i phye ma dang / mi'i tshil dang bsres pa'i rdzas ni mngon spyod la lta ste/ kro d+ha na zhes bya ba'i me lha nag po gos nag po 'chang ba/ mche ba gtsigs pa'i zhal 'jigs
- 143a
par byed pa/ / 'jig par byed pa'i bskal pa'i me lta bu langs pa'i rang bzhin no// sgyu ma'i 'od zer can 'byung ba'i rgyud las byung ba rtog pa'i rgyal po yang dag pa rnam par snang mdzad kyis gsungs pa ji lta ba bzhin du ji snyed pa rdzogs so/ / / lha mo 'od zer can la phyag 'tshal lo// sgyu ma'i ming lha mo 'od zer can 'byung ba zhes bya ba'i rgyud las/ 'od zer can 'byung ba zhes bya ba'i dkyil 'khor yang dag par rgyal bas gsungs pa brjod par bya ste/ sangs rgyas kun gyis byin brlabs pa'i// lha rdzas dkyil 'khor 'di nyid ni// gru bzhi pa la sgo bzhi pa// rta babs bzhi yis rnam brgyan cing / / dra ba dra ba phyed kyis spras// ka ba brgyad kyis mdzes pa ste// rdo rje rin chen zla phyed ni// 'od zer 'phreng bas mtshams char bri// dbus su 'khor lo yang ni bri// rdo rje brgyad kyi 'od 'phreng can/ / 'khor lo'i steng du rdo rje ste// rdo rje 'phreng bas bskor ba'o// lha rdzas 'bar ba yi ni ma// ston ka'i zla ba dri med 'od// bum pa brgyad ni bzhag pa ste// sman chen po lnga dang 'bru sna lnga dang / rin po che sna lnga dang / dri zhim po'i chus bkang la gos gnyis kyis yongs su dkris te/ tsan dan dkar pos yan lag byugs la me tog gi 'phreng bas brgyan te/ sna tshogs pa'i bza' ba'i lha bshos dang mar me'i 'phreng bas legs par brgyan no/ / de nas rnam par rgyal ba'i bum pa la brgyad brgya bsngags te/ sman chen po lnga dang / rin po che sna lnga dang / gos la ste dkar po dang /
- 143b
ser po dang / dmar po dang / ljang khu dang / sngon pos brgyan cing gzhag go// med na yang ras yug zung gcig gis bya zhing bla re brkyang ba nyid dang / sna tshogs pa'i rgyal mtshan la me tog gi 'phreng bas sbyangs te/ dri zhim po'i bdug spos kyis bdugs la slob ma de ru gzhag par bya'o// gos zung gis gdong dkris la/ de nas mgo la thod kyi rnam pa yongs su bcings la tsan dan gyis yan lag byug cing me tog gi 'phreng bas brgyan te dbang bskur bar bya'o/ / oM mA rI ts+yai swA hA/ nye bar mkho ba rnams la mngon du bsngags pa byas la/ de nas dbus su ming lha mo 'od zer can zhes bya ba 'dzam bu'i chu bo'i gser lta bu'i 'od byed pa lta bu'i ser mo/ sku la gos sngon po 'chang zhing shang 'gag dang stod g.yogs sngon po/ sna tshogs pa'i gdu bu la sogs pa rgyan thams cad kyis yongs su brgyan pa dbus su dgod de/ phyag drug pa zhal gsum pa/ spyan gsum pa/ phag pa la zhon pa/ mchod rten spyi bor skyes pa'i mgo skyes can/ phyag g.yon pa na gzhu dang / skud pa dang / mya ngan med pa'i yal ga bsnams pa// phyag g.yas pa na mda' dang / rdo rje dang / khab bsnams pa'i phyag rgya can/ mchod rten gyi khongs su g.yas brkyang ba'i zhabs kyis bzhugs pa'o// oM ar+k+ka ma si swA hA/ zhes bya ba ni shar phyogs su dgod do// rgyan thams cad kyis brgyan pa/ 'char ka'i nyi ma lta bu gzhon nu lang tsho la bab pa/ sngon po'i shang 'gag yod pa/ khab dang skud pa'i phyag gis kha dang mig 'drub pa'i phyag gnyis pa'o// lho phyogs su gnas pa'i lha mo ni/
- 144a
oM mar+k+ka ma si swA hU/ zhes bya ba ni ge'u rigaser gyi mdog can gzhon nu ma'i rnam pa 'chang ba/ gos sngon po dang / shang 'gag sngon po dang / stong g.yogs sngon po can/ mya ngan med pa'i yal gdang / khab dang / skud pa bsnams pa'i phyag gnyis pa/ rgyan thams cad kyis brgyan pa bri bar bya ba ni lho phyogs kyi lha mo'o// oM aM ta ra d+ha na ma si swA hA/ zhes bya ba ni nub phyogs su gnas pa'i lha mo'o// rgyan thams cad kyis brgyan pa/ gzhon nu ma zhags pa dang mya ngan med pa'i yal ga bzung ba'i mdog ser ba/ sngon po'i gos dang / shang 'gag dang / stod g.yogs can phag pa la bcibs pa/ phyag gnyis pa me lta bu 'bar ba nub phyogs su yang dag par gnas so/ / oM taM dzo ma si swA hA/ byang phyogs su gzhon nu ma rgyan thams cad kyis brgyan pa/ mdog dmar ba/ sngon po'i shang 'gag dang / stong g.yogs dang gos 'chang ba/ / phyag gnyis pa mda' dang gzhu bsnams pa'i phyag can/ go rims bzhin du byang gi phyogs su gnas brgyad lha mo dgod par bya'o// oM u da ya ma si swA hA/ me'i phyogs su'o// oM gul+la ma si swA hA/ bden bral gyi phyogs su'o// oM ba na ma si swA hA/ rlung du'o// oM tsi ba ra ma si swAhA/ dbang ldan du ji lta ba'i rim pas de ltar go rims bzhin du lha mo dgod par bya'o// de bzhin du de thams cang nyid de ni theg pa'i zhal gzugs gcig pa stobs che ba'o/ / phag pa yongs su myur ba sngon du song bas ji lta ba'i las kyi rjes su 'brang ste bsam par bya'o// de ltar shar gyi sgo ru/ oM A lo swAhA/ zhes
- 144b
bya'o/ / lho'i sgor/ oM tA lo swA hA/ zhes bya'o// nub kyi sgor/ oM kA lo swA hA/ zhes bya'o// byang gi sgor/ oM sats+tsha lo sar+b+ba mUrti swA hA/ zhes bya'o// me lha'i mtshams su/ oM bat+tA li swA hA/ zhes bya'o// bden bral du ni/ oM ba dA li swAhA/ zhes bya'o// rlung du ni/ oM ba rA li swA hA/ zhes bya'o// dbang ldan du ni/ oM ba rA ha mu kha~M swAhA/ zhes bya'o// lho'i snam bu la gnyis te/ oM pa dA kra ma si swAH zhes bya ba dang / oM ba rA li swA hA/ zhes bya'o// nub kyi snam bu la'ang gnyis te/ oM pa rA kra ma si swA hA/ zhes bya ba dang / oM ba rA li swA hA/ zhes bya'o// byang gi snam bu la'ang gnyis te/ oM gul+la ma si swA hA/ zhes bya ba dang / oM ba rA li swAhA/ zhes bya'o// shar gyi snam bu la'ang gnyis te/ oM ma hA tsi ba ra ma si swA hA/ zhes bya ba dang / oM ba rA ha mu khi swAhA/ zhes bya'o// 'dir shar la sogs pa'i sgo skyong rnams ni mi bskyod pa la sogs pa'i de bzhin gshegs pa rnams kyi mdog/ rdo rje lcags kyu la sogs pa'i mtshan ma bsnams pa/ bat+ta li la sogs pa ni ar+k+ka ma si la sogs pa dang mdog kyang 'dra zhing mtshan ma'ang 'dra bar 'chang ba'o/ / lho phyogs la sogs pa'i snam bu la lha mo gnyis ni de bzhin gshegs pa'i mdog ste rim pa ji lta ba bzhin rdo rje dang / mya ngan med kyi yal ga dang / mnga' radang / gzhu dang / khab dang / skud pa dang / lcags kyu dang / zhags pa 'chang ba/ thams cad kyang phag gi zhal can/ spyan gsum pa/ phag pa la zhon pa/ rgyan thams cad kyis brgyan pa bsam par bya'o//
- 145a
de ltar bsgom pa'i dkyil 'khor ni sdig pa thams cad sel zhing dpal dang g.yang 'chang zhing / nor dang 'bru skyed par byed pa/ dge ba yid la 'dod pa'i 'bras bu ni rtag tu bzlas patsam / gyis 'grub par byed do// de nas gzhan yang las 'di yin te/ oM mAM gyi sa bon mchog tu gyur pa'i/ oM mA rI ts+yai swA hA/ sngags 'di'i las thams cad bya'o// zhi ba dang / rgyas pa dang / dbang dang / mngon spyod dang radagug pa'i sngags ni dri dang spel bar bya ste/ snying khar hUM gis gsal bar bya zhing mgal me'i 'khor lo la zhon pa/ lcags kyu dang zhags pas 'gugs bzhin pa bsams na/ dpag tshad brgyan yod pa'i lha rdzas kyi bud med kyang 'gugs par byed do/ / de nas rgyal po dbang du byed par 'dod na tsha ba'i rang bzhin gyi gzugs brnyan byas la/ des dus gsum du ma la sbyin sreg byas na zhag bdun gyis mthong zhing yid ches par dbang du byed do/ / zhi bar byed par 'dod pa ni dur ba la bsnyugs pas bya'o// tshe ring bar 'dod pa ni u dum wa ra dang / byang chub kyi shing dang / n+ya gro d+ha dang / pa la sha'i yam shing gis me sbar la mya ngan med kyi me tog mngar gsum gyi nang du blugs te 'bum phrag gcig tu sbyin sreg bya'o/ / rgyal po dbang du 'gyur te zhag bdun gyis mthong zhing yid ches par 'gyur ro// gos thod du bcings pa'ang rnyed do// de nas gzhan yang las ni ba grang ser skya'i rwa g.yas pa'i phyi shun ni mchog tu gyur pa yin te/ de dag phag pa'i rna ba g.yon pa'i khrag dang mig sman cha mnyam par byas te/ oM mA rI ts+yai aM tadz+nyA na ma si swA hA/ zhes bya'o//
- 145b
zla ba gzas bzung ba'i dus su ji srid du ma btang gi ba du zlas na 'grub par 'gyur ro// de'i mig la bskus pa tsam gyis mi mthong bar 'gyur ro// byi la nag mo'i dri ma dang / byi la dang / byi mi la dang / mig sman la lcags gsum gyis dkris la zla ba gzas bzung ba'i dus su khar bcug ste bzlas pa bya'o/ / ji srid ma btang gi bar du byas na/ de nas 'grub par 'gyur ro// mi mthong ba la 'di ni mchog ste/ de bltar med/ gzung du med/ bcing du medad/ dgag tu med/ brgal du med/ rmongs par byar med/ chad pas gcad du med// mgo breg tu med/ gzhur med/ tshig par byar med/ dgra'i dbang du 'gro bar mi 'gyur ro// oM mA rI ts+yai aM tar+N+Na na swA hA/ mi mthong bar byed pa rnams kyi las la sbyar bar bya'o// de nas thab khung gi mtshan nyid ston pa yin te/ khru gang tsam gyi thab khung la/ / sor bzhi pa yi kha khyer bya// rdo rje 'phreng ba bskor ba yis// thab kyi dbus su pad+ma bri// pad+ma'i dbus su rdo rje bri// de nas pad+ma'i rnam 'gyur ba'i// blo ldan stong bcas thab khung bya/ / de nas ku sha phyogs bzhir bkram la g.yon du chu'i snod bzhag cing / g.yas su nye bar mkho ba thams cad gzhag go// oM mA rI ts+yai hUM phaT swA hA/ zhes bya ba'i sngags 'di ni tshu la mngon par bsngags la bsang bar bya'o/ / bgegs thams cad bskrad la/ de nas me lha spyan drang bar ste/ oM e h+ye hi ma hA b+hu ta de ba ga Na ri Shi di dza sat+ta ma gr-i hI tAM/ A hu ti A ha ra asmai saM ni hi to b+ha ba/
- 146a
oM ag+na ye tri pa tri swA hA/ A bI sha/ a bI sha/ mA hA shri ye/ ha bya ka bya bA nA ya swA hA/ sngags 'dis bkug nas thab khung gi dbus su me lha dgod par bya ba ni nyi ma la gnas pa/ spyan gsum pa/ phyag bzhi pa/ mchog sbyin dang / ril ba spyi blugs dang / pad+ma'i 'phreng ba dang / dbyug pa dang / bgrang 'phreng bsnams pa'o// skra kham pa gyen du 'bar zhing me lha bzang po sdig pa thams cad 'joms pa'i mchog ste/ de nas de'i zhal du dgang blugs gsum dbul bar bya'o// de nas phyis bkod par raM yongs su gyur pa las nyi ma'i dkyil 'khor gyi rnam pa'o/ / de nyid la a yongs su gyur pa las zla ba'i dkyil 'khor me 'bar ba lta bu dang / steng du dgod pa ni lha mo 'od zer can sngon bzhin bsams la/ de'i zhal du dgang blugs dbul bar bya'o// bdag nyid gal te dngos grub 'dod na rdo rje slob dpon gtsang sbra dang lus khrus byas te gos dkar po gyon pa la ni zhi ba'o// rgyas pa la ni gos ser po 'chang ba'o// dbang la ni gos dmar po 'chang ba'o/ / mngon spyod la ni gos nag po 'chang ba'o// de ltar rdo rje slob dpon gyi gdam ngag gis rtogs par bya'o// de nas zho dang / sbrang rtsi dang / mar la bsnyugs la pad+ma 'bum phrag gcig sbyin sreg bya'o/ / gal te sa gzhi bdag por 'dod pa 'am yin na'o// yang na thang sku'i mdun du pad+ma 'bum phrag gcig dbul bar bya'o// de nas 'od zer can rang gi gzugs kyis mthong ba 'am/
- 146b
yang na phun sum tshogs pa chen po thob par 'gyur ro// skye ba 'di la bde ba thams cad skye bar byed pa'i mchog go// yang ku mu da dang ut+pa la 'bum phrag gcig gis sbyin sreg byas na/ yid la 'dod pa'i longs spyod thob cing bcom ldan 'das ma 'dis mthong bar 'gyur ro/ / gzhan yang las ni/ oM mA rI ts+yai bat+tA li/ ba dA li/ ba rA li/ ba rA ha mu khi/ sarba duSh+TA nAM/ tsak+Sharmu khaM/ ban+d+ha ban+d+ha swA hA/ zhes bya'o// 'di ni gos la lan bdun bsngags la mdud pa byas te seng ldeng sor bzhi pa'i phur bu rnam par bcug nas song na rkun ma la sogs pas glang po che'i rgyal po mche ba gtsigs pa lta bur mthong zhing rkun ma thams cad bcings par 'gyur ro/ / skye 'gro'i tshogs thams cad rjes su chags shing rmongs par 'gyur ro// de nas sbyor ba gzhan ni zangs ma'i snod du gzugs brnyan nye bar bris la ba bla dang / yung ba dang / mu zi dang / sngags spel bas sna tshogs rdo rje rkang pas mnan pa bri bar byas na 'gro ba dang 'ong ba rengs par byed do// 'di ni chu'i steng du bzhag nas mthong ba la yid ches so// de nas gzhan yang sbyor ba ni/ gi'u wang dang rta'i khrag gis zangs ma'i snod la gzugs brnyan bris la ming dang sngags spel bar snying khar byas la chu'i steng du gzhag par bya zhing bzlas pa byas na dpag tshang stong na yod pa'ang 'gugs par 'gyur ro/ / rlung gi dkyil 'khor la gnas pa/ zhags pa dang / lcags kyus bkug bzhin par skyes pa 'am bud med rnam par bsams na 'gugs pa la the tsom
- 147a
med do/ / 'od zer can 'byung ba'i dkyil 'khor du dbang bskur ba bla ma dang lha gnyis la mchod par byed na/ de la lha'i gsang sngags yang dag pa'i rgyal bas gsungs pa 'grub par 'gyur ro/ / yi ge bzhi phyogs bzhir ri dang 'dra ba/ in+d+ra nI la'i 'od can/ dpag tshad stong du khyab pa la bkod de/ de'i dbus su zla ba'i dkyil 'khor ro// de'i dbus su mAM las yongs su sprul pa'i bdag nyid/ shin tu ser zhing 'thug pa'i skra brdzes pa'i gzugs yid du 'ong ba gos nag po 'chang zhing / gos sngon po'i shang 'gag dang stod g.yogs can/ phyag drug pa// phag gi zhal gsum pa spyan gsum pa/ rgyan thams cad kyis brgyan pa/ dbu la mchod rten bkod pa/ phyag g.yas pa na 'bar ba'i rdo rje 'od kyi 'phreng ba can/ mnga' dang khab bsnams pa'o// g.yon par gzhu dang / / skud pa dang / mya ngan med pa'i yal ga bsnams pa'o// zla ba la phag pa'i shing rta la gser gyi mdog shin tu mang zhing legs pa'o// nub mo'i dus su zla ba la/ nyin mo'i dus su nyi ma la gnas pa / 'grub bzhin blta ba bsam par bya'o// oM baM yaM raM baM maM/ ma me pA shAM tusta swA hA/ aM tar+d+ha na ma si swA hA/ sngags bzla zhing 'gro na de bltar med/ gzung du med/ bcing du med/ dgag tu med/ brgal du med rmongs par byar med/ chad pas gcad du med/ mgo breg du med/ gzhur mer/ tshig par byar med/ dgra'i dbang du mi 'gro'o// ldong ros dang / gi'u wang dang / mig sman dang bcas pas ta ka ra'i
- 147b
byang phyogs kyi rtsa ba gcer bu skra grol bar gyur pas zla ba'am/ nyi ma gzas bzung ba'i dus su phyung ste/ gong ma de dang gcig tu byas te ril bu byas la nyi ma dang / zla ba dang / me'i dbus su bcug ste kha ru bcug nas sbas te/ nyin mo dang mtshan mo mi mthong bar byed pa'i gtso bo'i rol bu'o// oM yang ni snying po mchog go// snying po'i las snying po/ gsang ba las shin tu gsang ba/ 'dod pa bzhin sbyin pa bskyed pa 'di las sangs rgyas nyid thob par 'gyur ro zhes bya'o/ / de nas gzhan yang sbyor ba ni zla ba'i dbus su bcom ldan 'das ma 'od zer can zla ba'i gdan la bzhugs shing 'dzam bu na nga'i chu bo'i gser lta bu'i 'od dang / 'od zer can yid du 'ong ma/ zhal rnga ma spyan gsum phyag drug ma/ gos sngon po 'chang zhing sngon po'i shang 'gag dang / stod g.yogs can dang / sna tshogs rgyan thams cad kyis brgyan pa/ dbu la mchod rten bkod pa/ zhal dang po ser po bzhad pa'i zhal/ g.yon pa phag zhal nag po mche ba gtsigs shing 'jigs par byed pa/ lce 'dril zhing dgra bo la khro gnyer byed cing 'jigs par byed pa/ g.yas pa'i zhal ni dkar po ston ka'i zla ba'i 'od dri ma med pa can no// g.yon pa'i phyag tu gzhu dang / skud pa dang / shing mya ngan med pa'i yal ga dang ldan pa'o// g.yas pa na mnga' dang / khab dang / rdo rje gsor ba la dgyes pa de lta bu'i rnam par bsgom mo// 'dod pa thams cad ster ba don yod pa/ dngos grub thams cad ster ba'o// dkyil 'khor
- 148a
'di ni rgyal bas bka' stsal pa yin no/ / 'od zer can 'byung ba zhes bya ba'i 'od zer can 'byung ba'i rgyud 'di gsungs pa ni/ gru bzhi pa la sgo bzhi pa// rta babs bzhi yis rnam par brgyan/ / gos zung gis ni dkris pa yi// bum pa brgyad dang yang dag ldan// tsan dan dkar po dag dang ni// me tog 'phreng bas mdzes pa ste// dkyil 'khor mchog tu gyur pa ni// tshon swAsna lnga yis bri bar bya/ / de yi dbus su bad+ma ni// 'dab brgyad shes dang bcas pa'o// me tog 'phreng ba dra phyed dang // drab rtababs dag dang bcas// mar me brgyad dang yang dag ldan// / tshogs bla re sa brgyan byas te// pad+ma'i dbus su yi ge baM// oM mA rI ts+yai swAhA/ zhes bya ba dang / oM arka ma si swA hA/ zhes bya ba ni shar phyogs su'o// oM marka ma si swA hA/ zhes bya ba ni lho phyogs su'o/ / oM aM tar+d+ha na ma si swA hA/ zhes bya ba ni nub phyogs su'o// oM te ma si swA hA/ zhes bya ba ni byang phyogs su 'dod pa'o// shar lho mtshams su ni/ oM pa tA kra ma si swA hA/ zhes bya'o// bden bral du ni/ oM urma ma si swAhA/ zhes bya'o// rlung du ni/ oM ba na ma si swA hA/ zhes bya'o// dbang ldan du ni/ oM tsI ba ra ma si swAhA/ zhes bya'o// steng du ni// oM mahA tsI ba ra ma si swA hA/ zhes bya'o// 'og gi char ni// oM pa rA kra ma si swA hA/ zhes bya'o// de ltar dkyil 'khor bkod la mchod pa byas na 'dod na thams cad ster ro// sngon du bstan pa'i rim pas
- 148b
thang su'am yang na bri bar bya'o/ / slob ma kha cig dkyil 'khor du dbang bskur na de la dngos grub thams cad ring ba ma yin no// rang gi nor ram/ rang gi lus po'ang dbul bar bya'o// yi ge bzhi pa'i cho ga rdzogs so/ / / nam mkha' la zla ba dang nyi ma mchod rten gyi nang du maM yig yongs su gyur pa las/ bdag nyid gzhon nu ma gser bzhus pa lta bu legs shing ser ba/ 'char ka'i nyi ma lta bu 'od gsal zhing 'bar ba 'phro ba'i 'od zer stong gi 'phreng ba can// ban du ka dang 'dza' ma'i me tog lta bu dmar po'i gos 'chang ba/ sna tshogs dmar po'i shang 'gag dang / stod g.yogs can dang / gdu bu dang / rna rgyan dang / ska rags g.yer ka dang ldan pa/ rkang gdub bam sna tshogs kyi gdu bu'i phyag rgya can rgyan thams cad kyis brgyan pa/ dbu la rnam par snang mdzad bzhugs pa/ mya ngan med kyi 'phreng bas mgo bo la brgyan pa/ phyag brgyad pa/ zhal gsum pa/ spyan gsum pa/ g.yon pa'i phyag na gzhu dang / mya ngan med pa dang / skud pa dang // zhags paba'i phyag can no/ / g.yas na 'bar ba'i rdo rje dang / khab dang / lcags kyu dang / mnyam par mda' gsor ba la dgyes pa'o// zhal dang po ni zhi ba'i zhal phye ba/ ser po lta bu shin tu ser ba ut+pal lta bu'i spyan/ li khricha phra mo can bskus pa lta bu'i mchu/ sgeg pa dang bcas shing yongs su rol pa/ g.yon pa phyogs kyi zhal ni khro ba dang bcas shing zhal 'gyur ba/ mche ba
- 149a
gtsigs shing 'jigs par byed pa/ in+d+ra nI la lta bu'i 'od mu men dang 'dra ba/ nyi ma bcu gnyis kyi 'od dang mnyam par ldan pa/ khro ba dang bcas pa'i khro gnyer gtsigs pa/ ljags 'dril ba/ 'jigs pa'ang 'jigs par byed pa'o// ga yas kyi zhal ni shin tu dmar ba/ lha rdzas kyi pad+ma rA ga'i 'od lta bu/ 'bar ba'i mchod rten gyi rkeng pa la gnas pa'i shing mya ngan med pa'i sdong po'i yal ga la dmar po'i me tog gis yongs su brgyan pa la/ de'i 'og gi rtsa bar rnam par snang mdzad ral ba'i cod pan 'chang bzhi pa/ gser lta bu'i mdog ser ba/ mgon po byang chub mchog gi phyag rgya yongs su 'chang bzhin pa// phag pa'i shing rta rtog pa mchod rten gyi nang du g.yas brkyang ba'i zhabs kyis bzhugs pa// gzhon nu ma lang tsho la bab pa/ de'i shing rta'i mdun 'og tu rlung gi dkyil 'khor la ha las yongs su rdzogs pa'i 'phrul pa'i gza' chen po ra hu la nyin mo'i nyim dang mtshan mo'i zla ba yongs su 'dzin pa'o/ / lha mo bzhis yongs su bskor ba ste/ oM mA rI ts+yai swA hA/ zhes bya ba ni sngags so// mdun du gnas pa'i yang dag par bskul ba'i shing rta'i mchog phyag bzhi pa/ mdog dmar ba/ phag pa'i zhal/ gos dmar po 'chang ba dmar po'i shang 'gag dang / stong g.yogs 'chang ba/ rgyan thams cad kyis brgyan pa/ khab dang skud par byed pa'i shing rta'i mchog mas lcags kyus bsgrub bya 'gugs bzhin pa dang / zhags pa dang /
- 149b
yal ga'i phyag can no// oM bat+tA li/ ba dA li/ ba rA li/ ba rA ha mu khi swA hA/ zhes bya ba'i sngags 'dis yid kyis 'dod pa'i bud med dam skyes pa rlung gi dkyil 'khor la bzhon nas 'gugs par byed do// lho phyogs ngogs su gnas pa'i lha mo ni/ oM bat+tA li/ ba dA li/ ba rA li/ ba rA ha mu khi sar+b+ba duSh+Ta tsak+Sha mu khaM baM d+ha baM d+hA mi swA hA/ zhes bya ba ni gdug pa can gyi kha 'ching bar byed pa'i sngags so// phyag bzhi pa gser gyi mdog gos dmar po 'chang ba/ dmar po'i shang 'gag dang stong g.yogs 'chang ba tsan/ mya ngan med pa'i yal ga dang zhags pa'i phyag can/ khab dang / skud pa dang / drub bzhin pa/ mya ngan med pa'i me tog gi 'phreng bas dbu la brgyan pa'o// nub phyogs su gnas pa'i lha mo ni/ oM bat+tA li/ ba dA li/ ba rA li/ ba rA ha mu khi sar+b+ba duSh+Ta pra duSh+Ta nI/ staM b+ha ya swA hA/ rgyab tu gnas pa'i lha dang / rgyab tu gnas pa'i lha mo phyag bzhi pa bsam par bya'o// rdo rje dang / zhags pa dang / yal ga dang / khab kyi spyan/ gser mdog gos dmar po 'chang ba/ shang 'gag dang stong g.yogs dmar po can/ gzhon nu rgyan thams cad kyis brgyan pa/ mya ngan med pa'i me tog gi 'phreng bas dbu la brgyan pa'o// oM bat+tA li/ ba dA li/ ba rA li/ ba rA ha mu khi sar+b+ba duSh+TA na me ba sha ma nA ya swA hA/ byang phyogs su gnas pa'i lha mo phyag bzhi pa/ sna tshogs kyis brgyan pa/ gos dmar po 'chang zhing / dmar po'i shang 'gag dang stod g.yog
- 150a
can/ nyi ma 'char ka lta bu'i 'od 'phro ba/ 'dod pa'i ma lta bu 'bar ba/ g.yon pa'i phyag tu 'bar ba'i gzhu dang / mya ngan med bzung ba'i phyag gis g.yas pa'i phyag na mnga' dang rdo rje 'od 'phro ba'o/ / 'dzag pa'i dus kyi bskal pa'i me lta bu gnas pa'i lha mo sems can thams cad dbang du byed ma/ rtsom pa'i dang po nyid du 'phags pa'i dge 'dun la ston mo bya ste/ ras gsar pa la bcom ldan 'das ma lha mo 'od zer can gyi thang sku lha bzo mkhan gso sbyong la gnas pas bri bar bya'o// gus pa dang ldan pas steng g.yogs yod pa'i phyogs gcig tu phyis ni thang sku rdzogs par bya ste/ dge slong ma rnams la ston mo sbyin zhing bu mo gzhon nu ma rnams la'ang ston mo sbyin no// de nas rdzing bu 'am/ rgya mtsho'am/ ri bo 'am/ dur khrod dam/ shing n+ya gro d+ha'i rtsa ba 'am/ skyed mos tshal lam/ lha khang ngam/ khang pa ru gdung dang bcas pa'i mchod rten gyi nang du sku gzugs bkram la/ mchod pa rnam pa lnga dang bcas pas yi ge'i grangs kyi 'bum bzla'o/ / de nas dang po dang / gnyis pa dang / gsum pas sdig pa 'dag par 'gyur ro// bzhi pa ni rgya mtsho las brgal ba dang / ri bo la gnas pa dang / gzhon nu ma dang phrad pa mthong ngo // de nas sdig pa dag pa yin no zhes rtogs par bya'o/ / lnga pa la me mar gyi rtse mo 'phel zhing dri zhim po snal bro'o// drug pa la sangs rgyas dang byang chub sems dpa' mthong ngo // bdun pa la ni 'od zer can mthong
- 150b
bar 'gyur ro/ / gang gi tshe sgrub po rtags 'di rnams mthong na/ de'i tshe sngags grub pa brtan por gyur pa yin no// gang gi tshe mi dge ba'i mtshan ma mthong na de'i tshe ni sbrul dang / spre'u dang / byi la dang / bong bu dang rta dang / glang po che dang / me he dang / khyi dang / de bzhin phan tshun du 'thab bzhin pa dang / sgrub pa po skrag bzhin par gal te mthong na de'i tshe nyis 'gyur gyi 'bum tsho bzlas na/ de'i tshe bcom ldan 'das ma'i gzugs su dngos su mthong ste/ de nas rtog pa las gsungs pa'i las 'grub bo// oM mA rI ts+yai swA hA/ zhes bya ba'i sngags 'di las thams cad la sbyar bar bya'o// rtag tu brgya phrag brgyad bzlas na 'dzin blo rno bar 'gyur zhing gzhung stong phrag gcig 'dzin par 'gyur ro/ / tshe ring ba dang / nad med pa dang / stobs dang ldan par 'grub cing / de thams cad kyi mchod pa'i 'os su 'gyur ro// tshe stong phrag gcig 'phel ba ni khri tsho gcig bzlas pas grub pa thob par 'gyur ro/ / mtshams med pa rnam pa lnga byas kyang bye ba phrag gcig bzlas na 'grub par 'gyur ba ni nges par yang dag par rnam par snang mdzad kyis gsungs pa'o// mi mthong ba dang / mig sman dang / mchil lham dang / ral gri dang / ril bu dang / gi'u wang dang / mkha' spyod dang / dbang dang / dgug pa dang / bskrad pa dang / gsad pa dang dbye ba dang / rengs pa dang / rmongs par bya ba dang / btsang ba dang / mnan pa dang / phur bus gdab pa dang / gnod sbyin mo dgug pa dang / mkha' 'gro mtshar gcad pa dang / rims
- 151a
dang / nad dang / dug dang / rims nyin bzhi pa la sogs pa med par bya ba dang / dbab pa dang / lha dgug pa dang / gter stor ba rnyed par bya ba dang / ngo mtshar ba mang ba ni 'dis byed de/ sngags kyi rgyal po bskul zhing 'od zer can gyi nga rgyal la yang dag par ldan pas rtag tu sngags bzla bar bya'o// de nas dbang dang 'gugs pa'i cho ga yin te/ steng g.yogs yod pa'i phyogs su tsan ngan dkar pos dkyil 'khor byug pa'am/ yang na lci bas dkyil 'khor byas te sku gzugs kyi mdun du bya'o// mya ngan med kyi me tog gi khu ba dang / rgya skyegs dang / tsan dan dmar po dang / gi'u wa nga la gzugs brnyan mngon par bris te snying khar sngags dang spel ba'i ming byas la/ de'i chos 'byung du g.yon pa'i lag pa bzhag ste rkang par lhung zhing sna tshogs pas myos te shin tu chags pas skra grol ba 'angar bzhin pa bsams la sngags bzla'o/ / ming gzung ba'i sbyor bas yid la 'dod pa zhag gsum gyis nges par dbang du byed do// de nas gzhan yang sbyor ba ni chu klung gi ngogs gnyis kyi sa 'am rkang rjes kyi rdul dang ldan pas gzugs brnyan byas la/ sngon du bstan pa'i rdzas de nyid kyis gro ga 'am/ dur khrod kyi ras la sngags dang spel ba'i ming bris te snying khar bcug la/ de ni skar ma rgyal la bya'o// sor brgyad pa'i mya ngan med pa'i phur bus skye gnas phug la phur bu de g.yon pa'i lag par bzhag ste/ ming bzung bas sngags bzlas pa bya'o// nges par zhag gsum gyis dbang phyug chen po'i
- 151b
chung ma'ang dbang du 'gyur na/ gzhan skye 'gro rnams smos kyang ci dgos/ de nas gzhan yang sbyor ba ni 'di yin te/ spra tshil gyi rang bzhin gyi gzugs brnyan byas la sin+d+hu ra'i rdul gyis mdzes pa'i snod du bstan pa'i sman chen pos gro ga la sngags dang spel ba'i ming bris te snying khar gzhag go/ / 'di kun kyang skar ma rgyal la bya'o// mya ngan med kyi phur bus chos 'byung phu ge la lus ske tshes byugs la seng ldeng gi me la bdugs pa tsam gyis brgya byin gyi bu mo'ang zhag gsum gyis dbang du 'gyur na/ mi'i bu mo lta smos kyang ci dgos/ de ltar skyes pa la'ang sngags bzlas pa tsam gyis 'grub bo// de nas gzhan yang sbyor ba ni 'di yin te/ dur khrod kyi thal ba dang / grog mkhar gyis dang / rdza mkhan gyi 'khor lo'i sa dang / rkang rjes kyi sa dang ldan pas gzugs brnyan byas la/ tsan dan dmar po dang gi'u wa nga gis sngags dang spel ba'i ming gro ga la bris te snying khar bcug ste/ seng ldeng gi me la gdung bar byas na mi'i rgyal po'ang zhag bdun du thun mtshams gsum du thang sku'i mdun du bzlas pa byas nanadabang du byed cing mthong zhing yid ches pa'o/ / de nas gzhan yang gus pa'i sbyor ba chen po ni dpyangs te shi ba'i mig g.yon pa'i mig sman dang / g.yon pa'i srin lag dang / g.yon pa'i rtsib ma'i sor drug pa blangs te skyes bu'i thod pas tsan dan dmar po dang / rgya skyegs dang / gi'u wang dang / shing mya ngan med kyi me tog gi khu ba skar ma rgyal gyi dus su blangs te pad+ma 'dab ma brgyad pa la ming
- 152a
spel ba'i sngags kyi rgyal po bri'o/ / me dug gis bskor ba rlung gi sa bon gyis bkang bar bsams la/ lha mo nyi ma'i dkyil 'khor la g.yas brkyang ba'i zhabs kyis bzhugs pa/ zhags pa dang lcags kyu bkug bzhin pa/ rlung gi dkyil 'khor dang dpag tshad stong na yod pa'ang 'gugs par byed do// bud med dgug pa mchog tu grub pa'o// de nas gzhan yang sbyor ba 'di yin te/ mya ngan med kyi shing la ba la mi'i bdag po'i gzugs gsal por bris la rang gi khrag dang / gi'u wang dang / gur kum gyis de'i snying khar ming bris te mAM gyis yongs su bskor cig yang tsa yis yongs su bskor ba byas la/ rkang pa g.yon pas mnan cing mi'i bdag po'i ming bzung ba'i sngags bzlas pa byas na zhag gsum gyis the tshom med par 'gugs par byed do// de nas gnod sbyin mo 'gugs par 'dod na/ dge ba'i skar ma bzang ba rgyal la dur khrod du shing n+ya gro d+ha'i rang bzhin gyi gzugs brnyan khru gang tshad tsam gyi gnod sbyin mo'i gzugs gsal po lang tshe la bab pa byas la/ rgyan thams cad kyis brgyan pa/ g.yas pa'i zhabs cung zhig bskum pa/ g.yon pa'i phyag gis shing n+ya gro d+ha'i yal ga la 'jus pa/ sgeg pa'i nyams kyis rol pa'i 'dod pa'i sdud pa la dga' ba sngon du bstan pa'i sman chen pos ming dang sngags spel ba'i snying khar byas la/ steng g.yogs yod pa'i sa phyogs gcig tu mi'i 'du 'dzi med par nub mor ngog sa tsan dan gyis dkyil 'khor nye bar
- 152b
byugs la thang sku'i mdun du gzhug par bya'o/ / me tog gi rnam pa bkram ste mar me sbar bar bya zhing / gu gul gyi bdug pa'ang sbyin par bya'o// gnod sbyin mo gang gi ming nas bzung nas bzlas pa byas na de 'ong bar 'gyur ro/ / zhag dang po la mtshan ma ston cing // de nas zhag gzhan gyis mthong bar byed do// de'i tshe ci'ang mi smra bar gnas par bya'o// sgra bcad kyi sdom pas ji srid zla ba gcig tu byas na 'grub par 'gyur ro/ / grub nas mchog ster bar byed do// ma nyid dam/ sring mo nyid dam/ chung ma nyid gang rung du sgrub pa pos brjod par bya'o// de'i tshe lus kyis khur nas rang gi yul du 'gro ste/ sgrub pa po bskal pa gcig gi bar du ci dgas 'tsho bar 'gyur ro// gang gi tshe skyon gyis bag med par gyur te ma grub na sbyin bdag chen por 'gyur te/ tshe 'di la longs spyod rgya chen po thob cing skye ba gzhan duganod sbyin gyi rigs su skye bar 'gyur ro/ / de ltar gnod sbyin mo'i sgrub thabs kyi cho ga brjod pa'o// gzhan yang rgyal po dbang du bya bar 'dod na shing n+ya gro d+ha'i rtsa bar mar la 'phyang ba la de'i rang bzhin gyi gzugs brnyan byas la legs shing gsal bar bya'o/ / de'i snying khar ming gi'u wa nga dang / rgya skyegs dang / gur kum gyis mngon par bris la zhags pa dang lugs kyu gnyis kyis bkug cing rkang pa gnyis su lhung bar bsam zhing sngags bzlas na khol po bzhin du ji srid 'tsho ba'i bar du 'gyur ro/ / sbyor ba mchog tu gyur pa 'di ni nges par 'bad par bya'o// yang na dge ba'i nyin skar ma rgyas la byas pa
- 153a
ni shing mya ngan med kyi rang bzhin la gzugs brnyan khru gang tsam byas la/ yang rgyal ba bcom ldan 'das ma 'od zer can ma phyag brgyad pa/ zhal gsum pa/ spyan gsum pa mchod rten gyi dpal la brgyan pa'i mgo skyes can/ mya ngan med kyi me tog 'phreng bas brgyan pa/ gser gyi rna rgyan dang / mgul rgyan dang / 'phreng ba phyed pa dang / gdu bu dang / ska rags dang / rkang rgyan dang / sna tshogs pa'i 'phreng ba brgya yis brgyan pa 'dzam bu'i chu bo'i gser lta bu'i 'od 'bar ba'i sku stong phrag bcu'i nyi ma'i 'od dang 'dra ba'i 'od gos dmar po 'chang zhing sna tshogs pa'i shang 'gags dang stod ga yogs can/ g.yon pa'i phyag tu gzhu dang / mya ngan med pa dang / zhags pa dang / skud pa'i phyag can no// g.yas phyogs na 'bar ba'i rdo rje dang / mnga' gsor ba dang / khab dang / lugs kyu bsnams pa'i phyag can no// g.yas dang g.yon na phag gi zhal lo// dang po'i zhal phye ba'i 'od zer can// gser zhun ma lta bu dang 'dra ba/ me tog rgyas pabalta bu'i spun no/ / mdzes pa'i zhal 'od 'phro ba b+hu r+yA dang / ban du ka dang / dza ba'i me tog lta bu'i mchu'o// g.yon pa ni zhal 'gyur ba khros pa/ mche ba gtsigs pa/ 'jigs par byed pa/ mi bzang ba'i khro gnyer can/ spyan mi khyom pa/ mnyams pa/ ljags 'dris pa/ 'jigs pa'ang 'jigs par byed pa/ yin+da nI la lta bu g.yon pa'i zhal lo// gams
- 153b
pa ni zhal 'gyur can pad+ma lta bu'i mdog go/ / mya ngan med kyi me tog sngon po me tog dang bcas pa ni rgyun du bcas pa'o// zla ba dang nyi ma'i rang bzhin gyi lha ma yin dang / phag pa'i shing rta dang nye bar sbyar ba g.yon brkyang ba'i zhabs kyis gnas pa'i lha mo lang tsho la gnas pa/ shing rta'i 'og na rlung gi dkyil 'khor la haM yongs su gyur pa las gza' rA phul yis nyin mo nyi ma la/ mtshan mo zla ba 'dzin payang skar ma rgyal la ci 'byor pa'i mchod pa bya zhing 'bad pa la gzhon nu ma'i ston mo bya'o/ / de nas nges par rdzogs par bya ba'i sku gzugs phyis nas gdung gi rol bu gser gyis dkris la spyi bon yod pa'i mchod rten gyi zhabs kyi nang du blo dang ldan pas bcug ste/ de nas sku gzugs de gdung dang bcas pa'i sku gzugs su shes par bya'o// yang sku gzugs de steng khab yod pa'i sa phyogs gcig yangs pa'i gnas su tsan dan nam/ ba glang gi lci bas de'i mdun du dkyil 'khor nye bar byugs la yang dag par mchod de bzlas pa byas na/ me tog gi rnam par bkram zhing me tog gi 'phreng ba dang / dra ba dang drab phyed pa dbyangs te mar me'i 'phrengasas brgyan la/ dri zhim po dang / dri dang / swA ba shos dang / tsan+da dan dang / gra yul gyi bdug spos sbyin no// de nas mchod yon gyi snong bshad par byaste/ dung dang / nya phyis kyi snod dang / gser dngul dang / zangs ma'o// yang na 'dab chags rang bzhin gyi bum pa la bya'o// sngon bzhin du bdag nyid kyis rnam par snang mdzad phyag rgya chen po'i
- 154a
gzung ba la bsam par bya'o/ / de nas bcom ldan 'das ma 'od zer can ma rang dgug pa'i sngags ni/ oM mA rA ts+yai e h+ye hi/ a ta sa ni ho to b+ha ba/ 'ongs nas sku gzugs de la bzhugs par bsgom par bya'o/ / de nas mchod pa rnam pa lnga dang ldan pas yang dag par mchod la/ oM mA rI ts+yai ba tA yai/ oM ta se ni/ hi to me b+ha ba/ a nu rak+to me b+ha ba/ su te n+yo ma b+ha ba sar+b+ba sid+d+him+me b+ha ba pra yats+tsha/ de ltar thub pa pos brjod par bya'o// de nas sngon du gsungs pa'i bum pa tsan dan dkar pos byugs pa me tog gi 'phreng ba 'dzin pas brgya phrag brgyad bzlas te arga byin la bum pa de gzhag par bya'o/ / bcom ldan 'das ma bdag nyid la dbang bskur zhing de ltar brjod pas deng nas khyed kyi sngags bdag la grub par mdzad du gsol/ de nas 'od zer can bdag la bsnyen pas bzlas pa dang bsgom pa bya zhing yi ge'i grangs kyi 'bum bza'o/ / de nas dngos grub kyi mtshan nyid skyes te sku g.yo ba 'am/ 'dar ba 'am/ me mar gyi rtse mo 'phreng ba dang / dri zhim po'i dri bro ba dang / dro ba dang / dud pa dang / 'bar ba bzhin mthong ngo // gal te ma mthong na de'i tshe nyis 'gyur gyi bzlas pa bya'o// yang na bye ba gcig bzlas pa byas na 'grub ste/ de nas bcom ldan 'das ma 'od zer can dngos kyi gzugs mthong bzhin 'grub par 'gyur ro/ / mchog ster zhing yid la 'dod pa 'grub pa'o// ral gri dang mig sman dang / mchil lham dang / gi'u wa nga dang / mi snang ba dang
- 154b
ril bu dang / bcud kyis len nyid kyang bya'o// dngos grub yid du 'ong ba'i ral gri bzung ba tsam gyis rig pa 'dzin rnams kyi bdag por 'gyur te/ rig pa 'dzin ma rnams dang lhan cig tu rol lo// ral gri'i dngos grub brjod pa'o// mig sman mig la bslus pa tsam gyis bltas na lha dang / lha ma yin dang / mi dang bcas pa dbang du 'gyur ro// mig sman gyi dngos grub brjod pa'o// mchil lham gyon na dpag tshad stong du 'gro ba dang 'ong bar byed do// mchil lham gyi dngos grub brjod pa'o// gi'u wang gis dpral bar thig le byas na sna tshogs kyi gzugs 'dzin par 'gyur zhing mthong ba tsam gyis dbang du 'gyur ro/ / gi'u wang gi dngos grub brjod pa'o// ril bu khar bcug na sa gzhi chen po la spyod cing gnod sbyin dang 'dra bar 'dod pa'i gzugs 'dzin pa'o// ril bu'i dngos grub bo/ / dngul chu yang dag par rnyed par byas na khams thams cad gser du 'gyur zhing rdo rje'i lus por yang 'gyur ro// dngul chu sgrub pa'o// yang na gang 'dod pa'i 'chi ba med cing mkha' spyod kyi bdag po lha rdzas kyi lus nyes pa thams cad las grol ba sna tshogs pa'i gzugs 'chang zhing 'od zer gyi stobs dang / rdzu 'phrul gyis gzhan gnon pa'i gzi brjid dang mtshungs par 'dod na de ltar thong sku dang sku gzugs la sgrub thabs 'di 'dra bar 'grub par 'gyur ro/ / yang na bdag med pa bsgoms pas 'grub ste/ yang dag pa 'di ni rnam par snang mdzad kyis gsungs pa'o// yang na
- 155a
rgyal po dbang du byed par 'dod na tsan dan dmar po dang / gi'u wang gis gro ga la bsgrub bya'i gzugs brnyan bris la/ de'i snying khar sngags dang spel ba'i ming bris te/ de sku gzugs kyi rkang pa'i 'og tu yang dag par bzhag la dmar po'i 'phreng ba dang gos 'chang bar 'gyur bar me tog dmar pos mchod pa byas la gur kum gyi bdug spos sbyin no/ / de la de nyid zhags pa la lcags kyus bkug ste/ rkang pa gnyis su lhung zhing skyug bzhin par bsam par bya'o// sngags kyi rgyal pos bskul bas mi'i bdag po'ang zhag gsum gyis dbang du 'gyur ro// de nas gzhan yang sbyor ba ni 'di yin te/ de nyid kyi sku gzugs la khrag dang bcas pa'i gur kum dang gi'u wang gis gro ga la bsgrub bya'i gzugs bris te/ de'i snying khar sngags dang spel ba'i ming sa bon gyis bskor ba/ yang sto gyis bskor ba/ yang tsa yis bskor bar byas pa sku gzugs kyi mdun du gu gul gyi bdug pas bdug cing sngags brgya phrag brgyad bzlas pa bya'o// de nas de nyid zhags pa dang lcags kyus bkug pa rlung gi dkyil 'khor la zhon par bsams na dpag tshad na yod pa'i bud med mchog tu gyur pa'ang 'gugs so/ / yang na de la gdung gi ril bu'i thabs brjod pa ste/ mi ro'i zhag dang / bud med kyi sA dang / dur khrod kyi thal ba dang / yongs su smin pa'i ka pi tha'i phye ma dang / gu gul dkar po dang / rta'i rdul gyis yongs su mnyes la/ bde bar gshegs pa'i gdung yid ches pa bal de nyid
- 155b
yongs su dkris te nyi ma dang / zla ba dang / me'i dbus su gtogs pa rgyal gsum gyis sgrub pa 'od zer can gyi mdun du sngags bzlas pas grub pa ni/ kha ru bcug na sa gzhi'i dkyil 'khor du gnod sprin du 'dod pa'i gzugs 'dzin par 'gyur ro/ / de nas gzhan yang ril bu sgrub pa yin te/ byi la nag po'i dri ma dang khyi nag po'i mig dang // nag po'i mig dang / khra nag po'i mig dang / phag nag po'i rna ba g.yon pa dang / khrag dang / bde bar gshegs pa'i gdung yid ches pa la phal de nyid yongs su dkris te nyi ma dang / zla ba dang / me gsum du gtogs pa'i rgyal gsum la bsgrubs te/ 'od zer can gyi mdun du gsang ba'i gnas su mchog gi khar bcug nas sngags bzlas na nor gyi drug cha len cing gzhan gyi bud med mchog rnams la longs spyod ngo do// de nas gzhan yang ril bu yin te/ srin bya nag po'i mig dang / khwa nag po dang / 'ug pa'i mig dang / ko skye nag po'i mig dang / bde bar gshegs pa'i gdung yin par yang yid ches pa dang / rdo rje'i 'od mas mnyed la/ ril bu nyi ma dang / zla ba dang / me'i nang du gtogs pas dkris la sgrub pa ni 'od zer can gyi mdun du sngags bzlas na 'grub par 'gyur te/ khar bcug na mi mthong bar 'gyur ro// de bltar med/ gzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo brag tu med/ gzhur med/ tshig par byar med/ dgra'i dbang du mi
- 156a
'gro'o/ / mi mthong bar byed pa'i gtso bo 'di yang dag par rnam par snang mdzad kyis gsungs te/ brtson pa'i mchog ni bzlas pa 'ba' zhig tsam gyis bya'o// de nas 'bebs par 'dod na gzhon nu dang gzhon nu ma lo bcu gnyis lon pa/ mig yangs pa/ bongs ring ba/ dben pa'i sa phyogs gcig tu gtsang zhing khrus byas pas gos dkar po gyon pa/ tsan dan gyis yan lag byugs pa/ me tog gi 'phreng ba dang / dri dang / bdug spos bya'o// de nas ba glang gi lci bas dkyil 'khor nye bar byugs par bzhag la/ gu gul gyi bdug spos la brgya phrag brgyad bzlas te byin la bsgrub bya'i snying khar zla ba'i dkyil 'khor gyi steng du mAM dmar po 'bar ba/ me lta bu'i rnam par bsams la/ 'od zer can gyi nga rgyal gyi bsnyen pa dang bcas pas dril bu mchog gi sgra dang / gu gul gyis bdugs na skad cig de nyid la 'bebs so/ / oM sA rI ts+yai a be sha ya/ d+hu na ka ba kam+ba kam+bA ya/ pra taM grA hA/ gr-ih+Na hUM/ oM a mA rI ts+yai swAhA/ zhes bya ba'i sngags 'dis 'bab par 'gyur te/ yang dag par rnam par snang mdzad kyis gsungs pa'o// char 'bebs pa zhes bya ba'i ting nge 'dzin gyis klu rnams skul bar byed pa de bzhin du/ klu rnams yang dag par bskul na char gyi rgyun 'bebs par byed do/ / gang gi tshe char med pa kha cig gis dus su gdug pa can gyi klu mi bzang ba gdug pa'i sems dang ldan pas lo tog dang / rtsa ba dang / yan lag dang / sman med par byed pas
- 156b
gal te char mi 'bab na de'i tshe/ rig sngags 'chang gis yang dag pa'i snying po'i sngags 'di lan cig bzlas pa byas na char chen po'i rgyun 'bebs par byed do// lo tog dang / rtsa dang / yal 'dab dang / sman gyi nags thams cad de yis skyed par byed do// oM mA rI ts+yai bi pu la ba re nA ge nA ga hri ya ba d+ha dz+wa la dz+wa la/ sar+b+ba nA ga hri da yaM/ kI la nA ga ku la ya ba ti swa ni/ ha na ha na sar+b+ba duSh+TA nA ga hr-i da yA ni/ da ha da ha sar+b+ba duSh+Ta nA ga b+ha ba nA ni/ pa tsa pa tsa/ ba tsa ya pa tsa ya/ sar+b+ba duSh+TaM nA ga na/ a kra ma a kra ma/ sar+b+ba mu drA sA ga ra/ nirma le/ bi kra ma bi kra ma/ ma hA nA ga te dza ba re swA hA/ kun tu 'bar ba'i glog klu'i snying po zhes bya ba'i gzungs kyi sngags kyi tshig rig sngags 'chang gis dran pa tsam gyis klu rnams kyis char rgyun 'bebs par byed do// tad+ya thA/ oM mA / rIts+yai/ tsa ta tsa ta/ bi tsa ta bi tsa ta/ sA thA sA thA/ sa pA ri tsi Ti swA hA/ de la ji lta bu'i gzungs kyi sngags tshig sngon bzhin du brjod par bya'o// de nas gtum mo'i sa bon brgya rtsa brgyad klu gnas pa'i chur sbyin sreg byas na myur du char pa'i rgyun 'bebs par byed do/ / gu gul dkar po sbrang rtsi dang bcas pas sbyar la lan nyi shu rtsa gcig gzungs kyis yongs su bzlas nas klu rnams la bdug pa sbyin no// phyi rol gyi dkyil 'khor kun tu phye ba dang / 'o ma'i klu bri bar bya'o// sgo bzhir bsgos te logs re rer bum pa gang ba bdun gzhag par bya'o// rnam pa sna tshogs pa ji ltar rnyed pa'i chu'ang gzhag par bya'o//
- 157a
me tog yongs su bkram par bya zhing / sna tshogs pa'i gtor ma sbyin zhing 'bras bu yongs su dag par bya'o// bum pa gang ba bzhi dang / yongs su rgyas pa'i gtor ma'i bus bzhi dang / bdug spos kyi snod bzhi ru gu gul bdug spos bsregs la mar me brgyad sbyin par bya'o// rig sngags 'chang gis shar gyi sgo du sbyin sreg bya zhing / ka ra wI rar shong gis me skar la yung kar dang rgya chu bsres pas brgya phrag brgyad sbyin sreg bya'o/ / brgya phrag brgyad rdzogs na klu thams cad char ba'i rgyun 'bebs par byed do// 'dzam bu'i gling thams cad du char 'bebs par 'dod pa lo brtson pa thob pa'o/ / yungs kar dang / tsha ba'i mar nag dang / sbrang rtsi dang / rta gsod kyi me tog dang / nA ga ge sha ra'i phye mas ril bu bya'o// de nas ril bu snying khar bcug ste sngags brgya phrag brgyad bzlas na bcug pa tsam gyis klu rnams dga' zhing char gyi rgyun chen po 'bebabs par byed do/ / gal te de ma thag tu char pa mi 'bebs na de rnams kyi lus rul zhing nyams nas mgo nad dang ldan te sdug bsngal chen po nyams su myong bar 'gyur ro/ / thal ba blangs pa rang sgyur dang btsos la lan drug cur bsngags te klu'i gnas kyi nang du blug par bya'o// de blugs pa tsam gyis klu rnams myos par 'gyur te/ char gyi rgyun 'bebs par byed do// gang gi tshe de ma phag tu char mi 'bab na de'i tshe lus rnams la sha dkar gyi mdze 'byung bar 'gyur zhing mig long bar 'gyur ro// pad+ma dang / ar+ha dang / ut+pal sngon po'i ge
- 157b
sar ba bla dang bsres bzangs ma'i phye ma can/ yungs kar dang / dbang po lag pa dang / rgya skyegs dang / bu ram gyi chus shes rab dang ldan par ril bu bya'o// lan brgyad cur bsngags te rgya shug gi 'bras bu/ tsam gyi ril bu byas te/ de nas klu'i gnas su ril bu bdun gzhug par bya'o// char med pa'i dus su nyin zhag bdun rgyun chad med pa'i char 'bebs so// gal te de ma thag tu char mi 'bebs na klu'i gnas kyi chu thams cad skam par 'gyur ro/ / klu thams cad sdug bsngal bar 'gyur ro// ril bu gcig klu gnas pa'i mtshor rgyal mtshan gyi rtse mo la gdags par bya zhing ba dan sngon po'ang gdags par bya'o// sngags 'di nyid bris te de nyid la gdags par bya'o// ji snyed du rgyal mtshan gyi rtse mo las ma grol ba de de nyid du klu rnams char 'bebs par byed do// de nas gzhan yang cho ga brjod de/ oM mA rI ts+yai su pra ti badz+ra tu nA d+he mi li mi li swA hA/ sngags 'dis 'bras sA lu'i khu ba la klu'i gzugs bya ste/ mgo dgu pa sor brgyad pa'i tshad de dag gis lus po la mtshal gyis byugs pa bya'o// sngags bris pa'i ba ngan phul la/ bcom ldan 'das ma'i mdun du gru bzhi pa'i maN+Dal bya ste/ me tog bkram pa ji ltar yod pa'i gtor ma dkar po sbyin zhing me tog dang bdug spos kyang sbyin par bya'o// se'u 'bru'i yal ga la lan nyi shu rtsa gcig bzlas pa bya zhing brgya rtsa brgyad kyang bzlas pa byas la/ klu'i gzugs brnyan gyi gzugs rdzogs par bya'o// klu gang gi ming byas pa'i klu 'khrugs par 'gyur ba/
- 158a
gal te rang gi gnas la mi dga' bas phyir mi 'gro zhing char pa'i rgyun 'bebs par byed do// gal te char gyi rgyun mi 'bebs na bsgrub bya'i srog dang bral bar byed do// de nas yungs kar re re la stong rtsa brgyad bzla zhing klu de la ga dab par bya/ stong rtsa brgyad tshang ba dang klu de'i gzugs 'gul zhing sbrul mgo'i gar yang byed do// se'u 'bru'i yal gas kyang gdegs par byas nas la ngas na ga na sa shing rtse gnyis ston par byed do/ / ji srid du nub mo ston par byed na de ltar kla thams cad dbang du 'gyur ro// gang bzlas pa de byed do// 'o ma dang yungs kar du bcas pa de ji / lta ba'i gzugs kyi sngags brgya rtsa brgyad yongs su bzlas te gnas thams cad du gzhug par bya'o// thams cad du thams cad so so nas 'gugs par 'gyur ro// tad+ya thA/ oM mA rI ts+yai/ tsa Ta tsaT/ pi tsa Ta bi tsa Ta/ swa thA swa thA/ sa pa ri tsi Ti tsi Ti swA hA/ nyin mtshan gcig gis nye bar spyod pa'i cho gas rig sngags 'chang gis byas na/ gang gi tshe 'dzam bu'i gling gi klu thams cad kyis sems can rnams yongs su bskyang bar bya ba'i don du char 'bebs par mi byed na/ de'i tshe rig sngags 'chang gi dam tshig dang / ji lta ba'i gzungs bklag par bya'o// sngags 'di'ang lan bdun du sngon bzhin du brjod par bya'o/ / de nas gtum mo'i sa bon brgya rtsa brgyad klu gnas pa'i chu mig tu sbyin sreg bya'o// de'i klu thams cad kyi gnas ni 'bar zhing / lhag ma'i klu'i rus pa'i gong bu rnams yongs su bskam par bya'o//
- 158b
nam shAt+ya m+ba na ye/ ta thA ga tA ya/ tad+ya Sh+Tha/ b+hu dzo b+ha dze/ sa man+ta b+hU dza/ tata b+hu dze/ pra ba ra b+hu dza/ sa ma~M ta A kar b+hu dza/ tu dud+ha ru sa ma ya/ cod ne sa hA/ nA ga sa ras ts+tsha nisahA/ char chen po'i dus sngags 'dis arga'i shing kha me sbar la nyungs kar dang rta gsod kyi me tog brgya rtsa brgyad dam/ stong klu'i mtsho'am/ chu mig tu sbyin sreg byas na zhi bar 'gyur ro// ma lus pa'i yul dang / phyogs kyi nam mkha' nyi ma stong gi 'od zer 'bar zhing rno ba'i rnam pa can gyi rdo rje gdengs pa 'phro bas sreg pa'i bdud kyi tshogs dang / 'dod chags dang / zhe sdang dang / gti mug dang / srid pa dang / skye ba dang / rga ba dang / 'chi ba kun bcom pa'o// 'bar zhing 'phro ba'i phyogs kyi 'khor lo'i dbus su mAM gi yi ge yongs su sprul pa'i bdag nyid gzhon nu ma lang tsho la bab pa/ skad cig gis yongs su snang bar byas te shin tu ser ba'i 'dzam bu chu bo'i gser bzhus pa lta bu'i 'od nyi ma stong gi 'od zer gyi tshogs glog lta bu snang bar byed pa'i 'od zer can/ ma lus pa'i nam mkha' gsal bar byed pa'i sngags de lta bu bsam par bya'o/ / phyag brgyad pa/ zhal gsum pa/ spyan gsum pa/ zhal gnyis ni phag gi zhal nag po/ bdag nyid dbus su zhabs gnyis rol pas gnas shing na bza' sngon po 'chang ba/ sna tshogs pa'i shang 'gag dang stod g.yogs can/ gser gyi rna cha dang ska rags la dril bu g.yer kha'i 'phreng bas brgyan pa/ lag gdub dang rkang gdub la sil sil gyi sgra sgrog pa/ rgyan thams cad
- 159a
kyis brgyan pa/ thams cad sna tshogs pa'i klu'i dbang pos brgyan byas pa/ klu'i dbang po ser po'i sbrul gyi gdengs ka'i nor bu'i 'od kyis spras shing 'od zer rnam par 'gro ba mya ngan med pa'i me tog gi 'phreng ba dbu la bcings shing dbu'i ral ba gyen du 'grengs pa la mchod rten gyis brgyan pa'i mgo skyes can/ / rgyab tu mchod rten mi skye ba'i steng du gnas pa'i mya ngan med pa'i sdong po mchog la gnas pa me tog rnam pas gang ba/ de'i 'og tu pad+ma dkar po kha phye ba la gnas pa'i dpal rnam par snang mdzad mgon po ral pa'i cod pan 'chang ba// zhi ba ye shes kyi spyan phye ba/ gser bzhu ba lta bu'i shin tu ser ba/ zhal mdzes shing yid du 'ong ba/ nyi ma lta bu bde bar 'bar ba'i sku/ byang chub mchog gi phyag rgya bcings pa'i skyil krung gi bsam gtan la rtse gcig par bzhugs pa'i gzi brjid las byung ba'i 'od 'bar ba me lce'i rtse mo 'bar ba lta bu rgyun gyis nam mkha'i phyogs khyab par 'khor lo la 'od zer gyi 'phreng ba sangs rgyas kyi rgyan 'phro ba/ bcom ldan 'das ma 'od 'bar ba'i g.yon pa'i phyag na gzhu dpag tu med pa'i yon tan 'gugs pa'i rna ba'i bar bkang ba'i gzhu/ gnyis pa khri gnyis pa 'dril ba'i nor rgyas bu'i skud pa 'od zer gsum pa kru tak+Sha ka ni mya ngan med pa'i me tog go// bzhi pa sdigs mdzub dang kar ko Ta ni zhags pa'o// g.yas na 'bar zhing rno ba'i rdo rje gdengs pa 'od 'bar ba ni rigs ldan no// gnyis pa na mda' bkang ba ni pad+ma'o// gsum pa na pad+ma chen po'i 'og tu dril
- 159b
bzhin pa'i lce gnyis ni khab dang skud pa bzung ba'i phyag go/ / bzhi pa na dung skyong lcags kyu la dkris pa phyag tu bsnams pa'o// yang klu rnams ni mche ba gtsigs shing ljags 'dril ba/ mthong ba dug can gyi sbrul mgo'i gdengs ka'i nor bu'i 'od zer gyis phyogs dang phyogs mtshams su gsal bar klu'i rgyal po shin tu ser ba/ bzhad pa'i zhal nyi ma 'char ka lta bu'i 'od zer gyi 'od glog gi 'od 'phro ba can/ ban du ka dang 'dza' ma'i me tog lta bu'i mchu dang / pad+ma rgyas pa lta bu'i mdzes pa'i zhal/ smin ma dang shangs kyi dbyibs mtho ba/ pad+ma rgyas pa lta bu'i spyan/ g.yas pa'i zhal ni me tog lta bu'i 'od dkar po dkar po'i 'od zer dkar po'i sprin lta bu/ dkar po ston ka'i zla ba lta bu dri ma med pa/ sngo zhing mi bzang la khro ba dang bcas pa/ g.yon pa'i zhal 'gyur zhing gsal ba'i 'od mche ba gtsigs pas 'jigs shing mi bzang ba'i nyi ma stong lta bur 'od 'phro zhing 'jigs pa'i dus kyi bskal ba'i me lta bu nye bar gnas pa/ blta bar dka' ba'i khro gnyer spyan mi mnyam pas bltas pas klu rnams kyi tshogs skrag par byed pa/ ltung na kha thur du bltas te chu skyug par byed cing / nam mkha' la gnas nas char pa'i rgyun 'bebs par byed pa/ de ma thag tu sa gzhi kun tu chu mang pos kun tu 'gengs par byed do// de la de nyid du nam mkha' la nyi ma las/ oM pa dA kra ma si swA hA/ zhes bya ba ni sngon bzhin no// oM ba rA kra ma si swA hA/ zhes bya bas mdun du gnas pa'i lha mo phyag bzhi pa/ gos ser po'i shang 'gag dang
- 160a
stod g.yogs can/ spyan gsum pa/ phag gi zhal/ phag pa ser po la zhon pa/ rgyan thams cad kyis brgyan pa/ in+d+ra nI la dang 'dra ba'i 'od sngon po me 'ab rab/ ma ba gtsigs pas smin ma dang khro gnyer gyi gnyer ma mi mnyam pa'i spyan/ klu'i dbang po ser po'i g.yon pa'i phyag tu 'bar ba'i rdo rje skud pa dang bcas pa'o// g.yas pa ru lcags kyu dang khab dang bcas pa'i phyag go/ / oM gul+la ya swAhA/ zhes bya ba lho phyogs su gnas pa'i lha mo gzhon nu ma'i rnam pa'i gzugs ser po dang sngon po'i shang 'gag dang stod g.yogs can/ phag pa'i zhal dang phag pa nag po la zhon pa/ spyan gsum pa/ rgyan thams cad kyis brgyan pa/ g.yon pa'i phyag na sdigs mdzub dang bcas pa'i zhags pa dang // me tog dang bcas pa'i yal ga'o// g.yas su ni lugs kyu dang bcas pa'i khab bsnams pa'i phyag go/ / oM ba dA ma si swA hA/ zhes bya ba ni nub tu gnas pa'i lha mo phyag bzhi ma dmar ba dang bcas pa'i sngon po'i gos 'chang ba/ sna tshogs pa'i shang 'gag dang stong g.yogs can/ sna tshogs pa'i phag gi zhal/ spyan gsum pa/ rgyan thams cad kyis brgyan pa/ g.yon pa'i phyag na gzhu dang mya ngan med pa'i yal ga'o// g.yas pa na mnga' dang lcags sgrog gi phyag rgya'o/ / oM aM tar+d+ha na ma si swA hA/ zhes bya bas byang phyogs su gnas pa'i lha mo margad ta ljang khu lta bu'i 'od/ na bza' dmar po dang / shang 'gag dang / stong g.yogs
- 160b
dmar po 'chang ba/ sbrul gyis brgyan pa'i ska rags can/ spyan gsum pa/ phag gi zhal/ phyag bzhi pa/ g.yon pa'i phyag tu rdo rje dril bu 'khrol zhing / skud pa dang khab kyi phyag go// g.yas bar zhags pa dang lugs kyu ste/ lha mo bzhis bskor ba'i thams cad la klu'i dbang pos ral pa bcings shing mchod rten gyis mgo skyes brgyan pa'o// oM mA rI ts+yai/ sngon du song ba'i rang gi sngags las skyes pa'i gser lta bu'i phag pa la zhon pa bsam par bya'o/ / de nas shar du klu'i rgyal po dga' bo nag po 'od 'bar ba/ sbrul mgo gdengs ka bdun pa/ gdengs ka gsum gyi klu mo dang gnyis ka gnas shing pad+ma bsnams pa'i phyag go/ / lha mo zhal 'gyur ba'i 'og tu sbyin pa la mgo skyes 'phyang ba thams cad kyang mthong ba'i dug ce na/ rin po che'i dbu rgyan can/ rgyan sna tshogs kyis brgyan pa/ sbrul mgo'i gdengs ka'i nor bu'i 'od kyis mun pa thams cad 'joms pa/ snying khar pad+ma'i thal mo sbyar ba/ sems mi dga' zhing 'jigs pas skrag nas skyug cing sbrul mgo nas chu'i rgyun 'bab pa/ lho phyogs su nor rgyas shin tu ser ba/ 'jog po dkar zhing dmar ba nub phyogs su'o// byang phyogs su gnas pa'i kar ko Ta ljang sngon no// me'i phyogs su dung skyong dkar po'o// bden bral du pad+ma cung zhig ser ba'o/ / rlung du pad+ma chen po cung zhig dmar ba'o// dbang ldan du ni rigs ldan sngon po'o// de ltar shar la sogs pa'i sgor gnas pa'i sgo skyong bzhi dgod par bya'o// oM A lo hUM sar+b+ba nA ga A kaR+Sha
- 161a
ya dzaHswA hA/ zhes bya'o// oM tA lo hU~M sar+b+ba nA ga na pra be sha ya hUM swAhA/ oM kA lo hU~M sar+b+ba nA ga na ban+d+ha ya baM sany+dzu/ oM sats+tsha lo sar+b+ba rmAr+ha hUM sar+b+ba nA pa sha na ya ho swA hA/ de nas mel sogs pa'i mtshams rnams su klu rnams gnon cing gnas pa'i lha mo 'dra la sogs pa bsam par bya'o/ / zhes gnas pa ni go rims sngon bzhin du klu brgyad po'i ming bri bar bya'o zhes bya'o// de nas chog 'dis dge ba'i skar ma bzang po rgyal la gus pa'i mchod pa lnga dang ldan pas thang sku gsal bar sgra nyag dang bral ba gso sbyong dang ldan pa'i lha bzos steng khabs yod pa'i phyogs gcig tu bri bar bya'o/ / phyis ni dge slong rnams dang gzhon nu ma rnams la ston mo bya'o// de nas char med pa'i dus su mnyam par zhag pa'i sngags pas legs par khrus dang gtsang sbra byas pas nges pa la gnas te/ 'o ma btung zhing gos nag po gyon te/ grogs bzang po dang de bzhin du bya'o// mthong ba'i mtshe'u 'am/ mtsho dang / chu dang / rdzing bu'i 'gram gyi klu gnas pa'i chu mig gam/ lha gnas sam/ gzhan yang yid dga' ba'i gnas su khang pa bya'o/ / de la lci bas dkyil 'khor byas la sku gzugs dgram ste sna tshogs kyi kha dog gi ba dan/ rgyal mtshan rtse mor bzhag la bri bar bya'o// bA ra bres la ske tshe dang bcas pa'i nyungs kar dang 'bras sA lu la chos byas pa'i tshon gyis gru bzhi sgo bzhi pa'i dkyil 'khor bri bar bya'o/ / phyi rol tu pad+ma chen po la rlung gi dkyil 'khor de'i dbus su gtso bo'i gnas su pad+ma 'dab ma brgyad pa 'od 'phro ba
- 161b
'jig pa'i dus kyi me lta bu rdo rje lte ba la hUM/ rgya mtshor 'gro ba'i chu bo'i ngogs kyis dang grog mkhar gyi sa dang ldan pa'i klu'i gzugs brnyan byas la pad+ma 'dab ma brgyad la gzhag par bya'o// rang gi 'khor gyis yongs su bskor cing phan tshun logs gnyis na/ klu gnas pa thal mo sbyar bar 'dug pa'o// klu'i snying khar hUM ngo // mgrin par phu'o// mjug ma la 'jams kyis dkris pa'o// sbrul mgo'i gdengs ka'i nor bu'i 'od thams cad 'bar ba'i me lta bu klu brgyad po zhes bya'o/ / dri zhim po dang tsan dan gyis yan lag byugs shing me tog 'phreng bas brgyan te dra ba dang dra ba phyed pa sbyangs pa/ ku mu da dang / ut+pal dang / pad+ma dkar po dang / ma lo ka'i me tog gi rnam pa bkram la chus yongs su bkang ba'i bum pa brgyad kyang gzhag par bya'o// mar me brgyad rtag tu sbar bar bya'o// sa'i kham kyong ba brgyad 'o mas yongs su bkang la gzhag par bya'o/ / ro thams cad kyi gtor ma zho dang / sbrang rtsi dang / mar dang / sha ka ra dang / 'bras kyi zan dang yang dag par ldan par sbyin par bya'o// spos dang yungs kar yongs su dag par bya'o// oM ba nA ma si/ zhes bya ba dang / oM nA ma swA hA/ zhes bya ste/ dga' bo shar phyogs su'o// oM kha la swA hA/ zhes bya bas nor rgyas lho phyogs su'o// oM su swA hA/ zhes bya bas kar ko Ta byang phyogs su'o// oM ba ma swA hA/ zhes bya bas ni dung skyong me'i phyogs su'o// oM phaT swA hA/ zhes bya bas ni pad+ma srin po'i phyogs su'o// oM d+ha ka d+ha ka pi si swA hA/ zhes bya bas ni pad+ma chen po rlung gi phyogs su'o// oM ba swA hA/ zhes bya
- 162a
bas ni rigs ldan dbang ldan du'o/ / thal mo gnyis bkan te mthe'u chung gnyis rtse mo khab lta bur byas la srin lag gnyis de'i rgya ba na gshibs te srin lag gnyis kyi tshigs gsum par gung mo gnyis kyi rtse mo gnyis gshibs la sdigs mdzub gnyis dang / mtheb chen gnyis so sor rtse mo bkug ste gdengs ka ltar bya'o// klu'i dbang po thams cad kyi snying po'i phyag rgya'o// lag pa gnyis thal mo sbyar ba byas la mthe bong gnyis kyi stang du gung mo gnyis dang / srin lag gnyis kyi tshigs gsum bskum par byas pa ni gshin rje mthar byed kyi phyag rgya'o// oM ya mA ta ka ya hUM/ de ltar rang rang gi sngags dang phyag rgya bkug la yang dag par brjod de/ phyis ni rig sdug 'chang bas kham kyong gsar pa 'o mas bkang ba sngags dang bcas pas bzung ste/ ske man chad chu'i nang du bcug la 'od zer can gyi bsnyen pa dang bcas pa'i nga rgyal gyis sngon du gsungs pa'i gsang sngags kyis klu rnams bskul zhing bzlas pa bya'o/ / de nas mnyam par bzhag pa'i sngags pas phyir song nas lha'i khang par zhugs te dkyil 'khor gyi shar sgor sngon du gsungs pa'i thab khung du ji lta bu'i chogs me la ske tshe dang / rgyam tshwa dang / rta gsod kyi me tog dang bcas pa'i tsha ba'i mar nag dang sbags te sbyin sreg bya'o// de nas klu thams cad kyis char gyi rgyun 'bebs par byed do/ / yang na sngags kyi sbyor ba brjod par bya ste/ nam mkha'i dbus su nges par mAM las skyes pa'i 'od zer can gse dopo dang ldan pa'i gzhon nu ma'i gzugs rgyan thams cad kyis brgyan pa/
- 162b
gos sngon po dang bcas pa/ sna tshogs pa'i shang 'gag dang stod g.yogs can/ sngon du bstan pa'i mtshan ma'i phyag rgya dang ldan pa phyag drug pa/ pad+ma kha phye ba lta bu'i zhal/ ban du dza ma'i me tog lta bu'i mchu/ ut+pal sngon po lta bu'i spyan/ mchod rten dbu la brgyan pa'i mgo skyes can/ rgyab tu zla ba dang mchod rten gyi skye ba las skyes pa'i shing mya ngan med kyi sdong po'i me tog gi rnam pas nye bar brgyan pa/ gser gyi mdog lta bu'i phag pa la zhon pa/ phag pa'i dbus su phyag rgyas bcings shing sngags bzlas shing lha mo bsgom par byas na dgra'i dpung gi nang du lha mo 'gro'ang bltar med/ gzung du med// bcing du med/ dgag tu med/ brgal du med/ rmongs par byar med/ chad pas gcad du med/ mgo breg tu med/ gzhur med/ tshig par byar med/ dgra'i dbang du mi 'gro'o// oM mA rI ts+yai bat+tA li/ ba dA li/ ba rA li/ ba rA ha mu khi/ sar+b+ba duShA pra duSh+TA na/ tsak+Shu m+bu khaM/ bai d+ha ba~M d+ha swAhA/ sngags 'di yis las byas pa'o// dal bus dal bus rlung kha sbyar bcug cing bkag la rtsel so mos bsdams la sna'i bu ga gnyis nas rlung phyir phyung nas bsdu zhing de ltar lha mo dran par byas te sngags bzlas pa bya'o/ / gos kyi tha ma la lan nyi shu rtsa gcig bzlas te/ kha dang / mig dang / lce bsdams shing gnas te mdud pa bya'o/ / rkun ma gdug pa can thams cad bcings nas gnas pa yin no// lha mos bsam zhing sngags dran na nags ngan pa'i lam du 'gro na'ang sngags pas rkun ma'i nang du bltar med/
- 163a
gzung du med/ bcing du med/ dgag tu med/ brgal du med/ rmongs par byar med ces bya ba la sogs pa yang dag pa'i cho ga bya'o// rgyal la gzhon nu mas bkal ba'i srung ba la ma chad pa/ sum sgril du byas la lan nyi shu rtsa gcig tu bzlas te/ phag gi khrag dang gi'u wang gnyis kyis byugs la bzla'o// sngags dang bcas pa'i ming bcug ste mdud pa'i 'phreng ba nyid bya ba ni lan nyi shu rtsa gcig tu mdung la gos kyi tha ma 'am lag par bcangs la rna bar phag gi mche ba bcug nas 'gro na bltar med/ gzung du med/ bcing du med/ dgag tu med/ brgal du med/ rmongs par byar med/ chad pas gcad du med/ mgo breg tu med ces bya ba la sogs pa phag gi rna ba'i sman rtsa ba dang me tog dang bcas/ gi'u wang dang phag pa'i sos skar ma rgyal la ldong ros dang mnyes shing gshings te ril bu byas la grib ma la bskams rgyal po chen po dbang phyug dang phrad pa'i dus su dpral ba la thig le byas na dbang du 'gyur ro/ / dza yan ta'i 'bras bu dang / rnam par rgyal ba dkar ba'i 'bras bu dang / gi'u wang dang lhan cig ji srid skar ma rgyal la phag gi sos mnye zhing gshibs te dpral bar thig le byas na rgyal po chen po dbang phyug gang gis mthong na dga' bar 'gyur te khro ba med do/ / g.yul ngor byas na rgyal ba thob par 'gyur ro/ / yul chos byed pa'i nang du'ang pu tra dza ri dang / a ba na tsa ti ka dang / ru tan ti dang / ngan thong pa la dang / lus kyi ma las byung ba'i drim dang / mig gi drims byas pa'i phye ma rag pa tsam gyis
- 163b
'gro'i bud med dbang du 'gyur ro/ / a sha pa tsa ti ka dang / kran ta dang / sra na ti dang / lag smi dang / rma nas byung ba dang / mig gi dri ma dang / mig chu'i sngags bzlas na de ma thag tu rgyal po dbang phyug gi bud med rnams kyang dbang du byed do/ / tran ta ni khyab 'jug rnam par gnon pa la bya'o// pra tsan ta ni ldum bu rtag tu sngun ma la bya'o// a na pa tsa ti ka ni ldum bu thal mo sbyar ba lta bu la shes par bya'o// sngun ma dang / ngan rjod pa la dang lhan cig pa ni bud med dbang du byed par 'gyur ro// sUr+ya brta dang / mig sman dang / dbang po lag pa dang / mi 'jigs pa'i lag pa dang / de rnams byung ba'i rtsa ba dang / saM ka dang / ha ri ti b+hA ba ha na dang / dung dang / 'di rnams phye ma byas te mig gi chus spangs te bdag nyid kyis myos byed dang bcas pa rang gi bud med kyi tshogs kyi de ma thag tu dbang du 'gro bar 'gyur ro// dran pa tsam gyis mchog tu gyur pa'i bud med bcom ldan 'das mas bsams su zin kyang nges par dran pa'i mtshon chas arga dkar po sdong po'i rtsa ba dang / btsod dang / lang ba'i bye'u dang / ru rta dang / rang gi lus kyi rma'i khrag dang / mig gi dri ma dang bsres pa ni rang gi myos byed kyis khams gsum yang dbang du byed do// si sa ram sa ra mong dkar po dang / a sa ka ta sa ra ma phye ma byas te/ de rnams kyi phye mas ni rang gi khyo ma yin pa ngo ma shes pa gdul dka' ba'ang dbang du 'gyur ro/ / mi shes pas kyang rang gi sa bon dang ldan pas skar ma rgyal la byas na dbang du byed do// ra dru ti dang
- 164a
sngon ma k+Shi bi ka dang / rang gi myos byed kyis spang zhing bsres te/ seng ldeng gi shing gi nang nas byung ba'i khe len sa ri lu dang / tam bu len lhan cig tu sum cu pa'i bdag po yis nges par rang gi chung ma dbang du byed do/ / dur ba dkar po dang / ri dgas kyi dur ba dang / gi'u wa nga dang lhan cig tu byas te dpral bar thig le byas na mthong ba tsam gyis rgyal po'ang dbang du 'gyur ro// nA ga ge sar dang / de bzhin du pad+ma'i ge sar dang / tsan dan dmar po dang / de bzhin du ku mu da dang / ut+pa la dang / ldong ros dang / shing rta la dang bcas pa'i go'u wa nga dang / ba ra ha kan ta dang / khyab 'jug gis gnon pa dang / phag gi khrag gis ril bu byas la/ 'od zer can gyi sngags bzlas na dpral bar thig le dang / spyi bo dang / mgrin pa dang / snying kha dang / lag pa gnyis dang / de bzhin du lte ba dang / rkang pa gnyis phyogs su byas na chen por gyur pas gnod sbyin bzhin du gnod sbyin 'dod pa'i gzugs 'dzin cings gzhi la longs spyod do/ / de'ang bltar med/ gzung du med/ bcing du med/ dgag tu med// brgal du med/ rmongs par byar med/ chad pas gcad du med/ mgo breg tu med/ gzhur med/ dgra'i dbang du 'gro bar mi 'gyur ro// ma he'i sha gtogs pa'i sna dag gser shing la bsregs pa dang bcas pa dang / ro bsregs pa'i sa dang / thal ba dang / bud med shi ba'i lag gdub ro bsregs pa'i shing gis bsregs la da ngu ra'i khu bas bsad de phye ma dang / rang gi myos byed kyis byas na lha'i dbang
- 164b
po'i bu mo'ang de ma thag tu dbang du 'gyur ro/ / kha ga ba ta'i 'khor lo dang / lha'i dbang po sbas pa dang / ldong ros dang / gi'u wang dang / dri ma dang ldan pas thig le dpral bar byas na dbang du 'gyur ro/ / kha ga pa ta'i 'khor lo dang / dbang po sbas pa dang / a na ba ti dza ta ka dang / sngun ma dang / mig gi mchi mas spangs pa'i phye mas ni mi'i bdag po'i bud med kyang de ma thag tu dbang du byed do// gsar du bag ma byas pa'i khyo ga shi ba'i mi ro'i me tog dang / ban du ka 'phrog byed kyi spyi bor 'khod pa'i me tog dang / mi shi ba'i bud med dang lhan cig tu bsregs pa'i thal ba dang bcas pas bud med la bsnun pa tsam gyis rang gi phyi nas 'ong ngo / / khyab 'jug gnon pa dang / dbang po sbas pa dang / lag khra na dang / sngun ma dang bcas pa'i sbrul gyi zhang po dang / mig gi mchi mas spangs pa'i phye ma dang / dbang po'i chung ma sha tsi 'od de ma thag tu dbang du byed do// lag pa gnyis mnyam par byas te thal mo gnyis bsnol bar bya ba 'am kha bye bar bya'o// mtheb chen gyi srin lag gnyis bzung ste gung mo'i sor mo gnyis yang dag par sbyar la sdigs mdzub gnyis 'khyil ba'i rnam par byas te/ skyil krung du gnas pas lte ba'i phyogs su dgod do// phyag rgya mchog gi gtso bo 'di// las rnams kun la sbyar bar bya// mchog la rab tu bsngags pa ste// tha ma yang ni 'bring la yang // myur du dngos grub 'di yis byed// thams cad du 'grub mchod pa'o// bsod nams chen po dag byed pa// bkra shis skyon rnams med par
- 165a
byed/ sdig pa thams cad 'joms byed pa'i// phyag rgya 'di ni dngos grub rgyu// 'di ni sbyor ba gzhan yin te// gser gyi mdog gi phag bsgoms la// de'i steng du 'od zer can ma gos dkar po'i sham thabs can phag pa'i tshogs kyis yongs su bskor bar bsgom par bya'o/ / de'i dbus su mchod rten dang / g.yon pa'i phyag na shing mya ngan med kyi yal ga me tog dang bcas pa'i phyag can bsgom par bya'o/ / 'jigs pa chen po'i dus su bdag nyid de bsams te snying khar rang gi chos gos kyi mtha' bzung ste lan bdun du bsngags te mdud pa byas te sngags bzla zhing lam du 'gro na rkun ma la sogs pa'i 'jigs pa mi 'byung ngo / / de nas gnas bde bar phyin na mdud pa dgrol bar bya'o// na mo rat+na tra yA ya/ na mo mA rI ts+yai/ de ba ta hri da ya mA brta yi Sh+ya mi/ tad+ya thA/ oM bat+tA li/ ba dA li/ ba rA li/ ba rA ha mu khi/ sar+b+ba duSh+TA nAM tsak+Shu ng+ku kha~M/ bi d+ha mi swA hA/ kha 'ching bar byed pa'i sngags 'di yin no// oM mA rI ts+yai/ de bA tA ye/ oM ba dA li/ ba rA li/ ba ra ha mu la~M/ sar+b+ba duSh+Ta pra pud+d+hA nA/ gran thi ban nA mo swAhA/ 'di yis mdud pa bya ste/ mdud pa lan bdun du byas la g.yog po ji snyed pa de rnams la'ang mi gzung bar so sor mdud pa byas la rang nyid kyi mdun du dgrol du gzhug go// dkon mchog gsum la phyag 'tshal lo/ / yang dag rgyal ba rnams la phyag 'tshal lo// 'od zer can ma ye shes mtsho// de yi mnyes thabs bdag gis brjod// btus shing myur du 'grub pa'i bsngags//
- 165b
ma lus stong par rnam par bsgom// snying khar yongs su 'khor ba ru// blo ldan dbyangs yig dang po las// zla ba'i dkyil 'khor dmigs byas la// de steng gnas pa'i sa bon 'di// gser ni bsregs pa lta bu'i mdog/ 'bar zhing 'bar ba 'khrugs bzang ba// 'jig rten gsum sgrub bsgom par bya// sa bon sde tshan gnyis dang po// dbyangs yige bzhi po dbye byas la// de nyid sbyor bas 'od zer can/ / dbang po de nyid bsgom par bya// pad+ma zla ba'i gdan gnas shing // sna tshogs gos ni 'chang ba dang // sgeg pa la sogs ro dang ldan// brgyad kyi phyed kyi phyag gis brgyan// g.yon na zhags pa yal ga bsnams// g.yas na rdo rje lcags kyu phyag/ snying khar phyag rgya sngags ldan pas// bltas na dngos grub thob par byed// bskyed rim rdzogs rim sbyor ba yis/ rang gi de nyid rdzogs byas la// yi ge grangs 'bum bzlas bsgom bya// de nas de nyid gsum dbye bas// stong phrag khro bo sbyin sreg bya// de nas cho 'phrul zla nya dus// dngos grub kun ster dkyil 'khor du/ / 'khrugs la rgya che'i mchod pa byas// stong phrag brgyad ni bzlas byas na// nges par dngos grub tu ni 'gyur// de nas de'i phyir bcom ldan 'das ma 'od zer can ma'i las gzhan gyi sgrub pa yin te/ kham kyong gnyis la mAM yig gi dbus su bsgrub bya'i ming spel bar byas la thal bas kham kyong bkang ste/ skud pa ser pos dkris la 'og ma'i steng nas rdo rjes mnan pa gsang bar bzhag ste/ rtsa ba'i rig pa
- 166a
ba dA li la sogs pa stong phrag brgyad bzlas na gang du 'gro bar 'dod pa der 'gro yang 'jigs pa dang skrag pa thams cad grol bar byed do/ / tad+ya thA/ arga ma si/ marka ma si urma ma si/ ba na ma si/ u dA ya ma si/ guSh+ma ma si/ rI ba ra ma si/ ma hA rI ba ra ma si/ aM tar+d+ha na ma si sA hA/ na mo rat+na tra yA ya/ tad+ya thA/ oM A ra li/ ha lo ka ni/ sats+tsha lo/ sar+b+ba mUrti/ rak+Sha rak+Sha nAM/ sar+b+ba b+hA ye b+h+yaH/ oM mA rI ts+yai/ de ba tA yaM/ ba rA le/ ba dA le/ ba rA ha mu khi/ sar+b+ba duSh+Ta pra duSh+TA nAM/ mu khaM bi d+ha naM ku ru swA hA/ sngon gyi sa bon gyi nang du sgrub pa po bskul tshig dang ldan pa'i ming bris la sa bon gyi phyi rol du rig pa 'dzin pa brgyad dang rtsa ba'i sngags dang bcas pa bri bar bya'o/ / thams cad du yi ge'i mgo nang du byas te ma tra gsum gyis dkris la skyes pa la ni gro ga la gur kum gyis bris shing bud med la ni go ro tsa na la bri bar bya'o/ / yang na gos la bris nas rig pa 'chang bas rig pa bcangs nas 'jigs pa thams cad las srung bar 'gyur ro// lha dang / lha ma yin rnam dang / gzhan rnams kyis kyang gnon par mi nus so// mngon par 'dod pa'i sngags kyi dngos grub 'thob bo// gdug pa can rnams 'ching bar 'dod na sngon du bstan pa'i sa bon gyi lte bar ban d+ha bin zhes bya ba'i bskul tshig dang ldan pas bsgrub bya'i ming mngon par bris te/ thal ba'i phye mas bkang ba'i kham kyong kha sbyor byas te dben pa'i gnas su bzhag par byas na gdug pa can rnams bcings par 'gyur ro//
- 166b
gsang ba la aM de nyid kyang bris/ dur khrod kyi ras la bris te de de nyid du snga'o// mthong bar byed pa ni sngon du bstan pa'i sa bon gyi lte bar bdag gi de nyid sprin sngon po lta bur lta'o// 'phro zhing 'bar ba rnam mkha' lta bur blta ste yi ge'i grangs kyi 'bum bzla'o/ / de nas bzung ste gang du'ang thogs pa med do// thams cad kyis mi shes par bya bar 'dod na sngon du bstan pa'i sa bon gyi lte bar ba tA li la sogs pa'i sngags bris la/ rtsa ba'i sngags dang bcas pa kham kyong kha sbyor gyi nang du bzhag ste skud pa ser pos dkris la/ dmar po dang ser po 'bar ba 'khrugs pa'i me tog gis mchod la dben pa'i gnas su bzhag ste/ stong phrag brgyad bzlas na gang 'dod pa der 'gro'ang gdug pa can thams cad rmongs nas gnas pa yin te de mi mthong ngo // sngon du bstan pa'i sa bon gyi lte bar 'khor lo rtsibs brgyad pa/ de'i dbus su ba tA li la sogs pa'i sngags rengs par gyis shig ces bya ba'i bskul tshig dang bcas pa kham kyong la sogs pa la bris te bsgrub bya ser po 'bar zhing 'khrug pa'i 'od kyis nam mkhara' khyab par dmigs la/ dben pa'i gnas su bzhag ste me tog ser pos mchod nas stong phrag brgyad bzlas na rkun ma rnams dang / g.yul ngo'i mtshon dang / dug dang / me dang / gzhan gyi dpung la sogs pa dgos pa ni the tshom med par rengs par byed do/ / de nas bcom ldan 'das ma mchog tu gsang ba las thams cad yid bzhin nor bu'i 'khor lo yin te/ sngon du bstan pa'i sa bon gyi lte bar 'khor lo rtsibs
- 167a
brkyang pa byas te/ de la rtsibs brgyad pa go rims bzhin du a ta ma si la sogs pa'i rig pa brgyad bris la/ ba rA li la sogs pa'i rtsa ba'i sngags bskul tshig dang bcas pa phyi rol mu khyud la bri'o/ / 'khor lo'i rtsibs la rig pa'i lha mo bri'o// dbus su ni bskul tshig dang bcas pa'i ming bris te/ zhi ba dang / rgyas pa dang / dbang dang / dgug pa dang / gsad pa dang / bskrad pa dang / rengs pa dang / dbye ba dang / mngon spyod la sogs pa'i las byed na mngon par 'dod pa'i dbang gis rig pa'i rgyal mo phyogs skyong ma chen mo 'dis yid bzhin gyi nor bu'i mchog sgrub pa po rnam gang 'dod pa byed do/ / 'phags ma 'od zer can ma rig pa'i rgyal mo yid bzhin gyi nor bu'i 'khor lo rdzogs so// // de nas gzhan yang bshad bya ba// 'od zer can gyi rtog pa mchog/ dang po gur gum gyis gro ga la bcom ldan 'das ma g.yas g.yon gnyis kyis rdo rje phag mo'i zhal sngon po'i zhal 'jigs pa bris la/ 'o ma'i nang du bcug la dkar pos mchod cing gos dkar po bris pa ni zhi bar 'gyur ro/ / rgyas pa la ni gi'u wang dang mar bsres pas bris la kham kyong kha sbyor gyi nang du bzhag ste chu'i nang du bcug na rgyas par 'gyur ro// nye bar 'tsho ba thams cad la gzhon nu mas bkal ba'i ras la ka ra wI ra'i sbu gus ga'u wa nga la mngar gsum gyi nang du bcug ste sngags bzlas pa byas na nye bar 'tshe ba chen po las thar par 'gyur ro/ / mngon spyod
- 167b
kyi khas la ni dur khrod kyi ras samatshon gyis bcas pa'i ras la dug la sogs pas bris te chu ngogs kyi sa dang / rgyal po'i sgo'i sa dang / lam gyi bzhi mdo'i sa dang / glang bu'i rwa la 'byar ba'i sa dang / bsgrub bya'i chu btang ba'i sa'o// sa khA las bsgrub bya'i gzugs brnyan byas te/ de'i nang du bcug la tsha ba'i mar gyis byugs te dur khrod du sbas la/ he ru ka g.yon brkyang ba'i zhabs kyis gnas shing khams gsum rnam par rgyal ba'i sbyor ba dang ldan pas sngags brgya phrag brgyad bzlas na de ma thag tu 'chi'o/ / yang na seng ldeng gi phur bus btab la dur khrod kyi me la gdung bar byas na de ma thag tu 'chi'o// skrod pa yin na ras de nyid la bya rog gi sbu gus khyi'i 'o ma dang / da du ra'i khu ba dang / dur khrod kyi sol ba dang bsres pas bri'o// 'bras kyi khu ba la gzugs brnyan byas te de'i nang du lam gyi bzhi mdor brkos te sbas la/ gshin rje gshed kyi sngags kyi rnal 'byor gyi bzlas pa dran na/ dpag tshad brgya yin yang mi gnas so// dbye ba ni gos de la 'ug pa'i sgo'i sbu gus de nyid kyi sol bas 'khor lo la sogs pa bris la chu ngogs gnyis kyi lho phyogs kyis blangs la/ bsgrub bya'i gzugs brnyan byas la de'i nang du bcug ste/ de nas gnyis rgyab sprang la skra'i the gu dkri bar bya'o// dur khrod du bzhag la de'i steng du lci ba'i nyal nyil la dur khrod kyi shing gi mes sro zhing gdung bar byas na/ de ma thag tu 'phrog byed dang chung ma'ang 'byed par byed na/ sa gzhi'i skye 'gro'i bud med lta smos kyang ci dgos/ rengs par byed na gos de nyid la yung
- 168a
bas bris la khu ba ser po la byas pa'i rje btsun ma'i lto bar gzhug pa ni de las byas pa'i bsgrub bya'i gzugs brnyan bcug ste/ me tog ser pos mchod na zhag bdun gyis dgra chen po'ang rengs par byed do/ / gzhan gyi dpung rengs par byed na de gnyis kyi gos la byi ba'i khrag gis yal ga bdun gyi sbu gus bris la/ de la phyugs kyi rwas bton pa'i sa dang / lam gyi bzhi mdo'i sa dang rgyal po'i sgo'i sa dang / chu klung gi ngogs gnyis kyi sa las tshogs bdag byas te/ de'i lto bar bcug nas lam gyi bzhi mdor brkos te sbas la khams gsum rnam par rgyal ba'i rnal 'byor gyis sngags 'di bzla bar bya'o/ / dgug pa ni bud med kyi thod pa la gi'u wang dang phag pa'i tshil bya mchil pa'i gshog pa'i sbu gus bris la sa la ma lhung ba'i lci bas dkyil 'khor byas la skra'i the gu ldan pas der bzhag na 'gugs par byed do/ / bskul tshig dang bcas pa'i bzlas brjod bya'o// ril pos 'gugs pa la ni de kho na bzhin du bris la/ de'i steng du seng ldeng gi me la gdung bar byas na dpag tshad brgya na gnas kyang 'gugs so/ / skyes pa ni de nyid kyi bod pa la sngon bzhin du bya'o// char med pa'i dus su u dum ba ra'i shing leb la tsan dan dkar po la rma bya'i sgo'i sbu gus 'khor lo bris la/ 'og tu klu'i rgyal por gzugs grog mkhar gyi sas byas la dri zhim po'i pad+ma 'dab ma brgyad pa'i rdzing bur bzhag la/ ka ra wI ra dang nA ga pus pa'i mchod pa bya'o// nA ga pus pa'i phye ma dang gu gul gyi bdug spos bsregs la/
- 168b
stobs po che'i rnal 'byor gyis gnas la bsgrub bu'i sngags kyis yi ga chu'i mapa can du brnal shing / shing lab cid bzung zhing bcom ldan 'das sa 'o ma'i mtshan gshegs par bsams na 'phral / char 'bebs so// yang na gal te char mi 'bebs na de'i tshe bcom ldan 'das mal blo dang ldan pas gtum po'i sa bon gyis bsnun par bya'o// rengs pa la ni kha 'og tu bltas la bzhag ste thal ba bsnun par bya'o/ / phan tshun du mthun par bya ba'i sbyor ba ni ma taM ga'i ras la dur khrod kyi sos pa dang ku sha'i khu bas 'khor lo bris la/ rkang pa g.yon pas mnan te skud pa dang lugs kyu bzung ba'i brda mchog gi rnal 'byor gyis sa la drud par bya'o/ / gzhan yang rig sngags gcod pa ni thun mong gi ras la chu shing gi lo ma'i khu bas chus khyer ba'i shing gi smyu gus 'khor lo bris la/ gcer bu skra grol ba zhi ba'i gnas su 'khor los sgyur ba lta bu'i go 'phang gi rgyal mtshan gyi mgo la bzhugs su gsol lo/ / bcings pa la ni sa la sogs pa la sgrub pa byas la zhi ba'i gnas su dkyil 'khor gru gsum pa'i dbus su byi la'i khrag gis 'khor lo bris la/ de'i nang du bcug ste ma mo'i khang par sbas na phan tshun 'bye zhing mi mthun pa chen por 'gyur ro// rmongs par bya ba la ni thod le kor gyis byugs pa la dug gis sbrul bris te/ sbrul mgo gsum pa g.yon pa'i lag pas bzung nas mdun du dgra la bsdigs pa/ zla ba dang nyi ma gnyis lan nyi shu rtsa gcig tu g.yas skor du bsgom par bya'o//
- 169a
spel tshig dang bcas pa'i sngags bzlas te dbyug pa'i steng gi rtse mo la rdo rje rtse gsum pa/ 'og gi rtse mo la rdo rje rtse gcig pa byas na rkun ma la sogs pas gnod par mi 'gyur ro/ / dbyug pa che zhing 'jigs pa chen po kha khyer zhing yi ge drug pa bzlas na 'jigs pa thams cad las yongs su srung bar 'gyur ro// 'og tu zla ba'i dkyil 'khor gyi steng du'ang zla ba'i dkyil 'khor a las skyes pa der bdag nyid yib par bya'o/ / 'od zer can bdag la skyobs shig ces bya ba la sogs pa sngon du bstan pa'i sngags pazlas pa bya'o// zla ba dang nyi ma phan tshun 'od zer gnyis 'dres pa ni 'jigs pa thams cad kyi dus su'o/ / nyal ba'i dus su mal stan la 'dug ste tsa'i yi ge mngon par bris la rkang pa g.yon par bzhag ste mi bskyod pa bsgom par bya'o// de nas ni rkun mas mi tshugs te bcings nas rmongs nas 'dug go/ / yang na bcom ldan 'das ma ni las kyi rjes su 'brang ba'i mdog yin te dbang la ni dmar po phyag gnyis pa gzhu dang mnga' bsnams pa'i phyag nyi ma'i dkyil 'khor la gnas pa'o/ / zhi ba la ni dkar po phyag bzhi pa/ gcig na mchog sbyin pa/ gnyis pa na rdo rje dang / g.yon pa'i dang po na shing mya ngan med pa'i yal ga/ gnyis pa na mi 'jigs pa'i phyag rgya pad+ma dkar po la gnas pa'o/ / rgyas pa la ni phyag bzhi pa/ cung zad dkar ba/ phyag gnyis pa na dgra sta dang zhags pa bsnams pa'o// bcings pa grol bar byed pa ni ljang khu phyag gnyis pa/ zhags pa dang /
- 169b
dgra sta bsnams pa'o// mngon spyod la ni nag mo phyag bzhi pa/ g.yas pa na ral gri dang / phyag gzhan tho ba'o// g.yon na thod pa'o// gzhan sdigs mdzub bo// skrod pa la ni du ba'i mdog can phyag gnyis pa/ zhags pa dang dgra sta'i phyag go// dbye ba la ni sngon mo phyag bzhi pa/ g.yas na ral gri dang dbyug pa/ g.yon thod pa dang mya ngan med do// rengs pa la mdog ser ba/ phyag drug pa/ g.yas na rdo rje dang / khab dang / mda'/ g.yon na zhags pa dang / gzhu dang / mya ngan med pa'i yal ba'o// gzhan gyi dpung rengs par byed pa la gzugs 'bar zhing 'khrug pa mi bzad pa/ phyag bcu gnyis pa/ sna tshogs pa'i phyag mtshan 'chang ba/ zhal drug pa/ zhabs drug pa/ dang po'i zhal dmar po/ g.yas nag po/ g.yon pa dkar po cung zhig khro ba dang bcas shing mche ba gtsigs pa'i zhal lo/ / g.yon pa ser po cung zhig bzhad pa'i zhal/ sangs rgyas kyi zhal g.yon pa'o// steng du ni phag pa'i zhal lo// g.yas pa na ni mdung thung dang / rdo rje dang / mda' dang / dbyug pa dang dgra sta dang / ral gri bsnams pa'o// g.yon gyi dang po na sdigs mdzub dang / mya ngan med kyi yal ga dang / kha T+wAM ga dang / thong pa dang / rtse gsum pa dang / mi mgo 'chang ba'o// dgug pa la ni gang po stsal bzhi pa/ zhal gsum pa// g.yas na lcags kyu dang mda'/ g.yon na nags pa dang thod pa'o// dbu me ni ga ser lta bu'i mdog/ g.yas pa ni gnag pa/ g.yon dmar pa/ phan tshun
- 170a
mi mthun par byed pa'i dus su zhal gnyis ni nag po ste/ rta dang phag gi zhal lo// g.yas na ral gri dang rtse gsum rdo rje'o// g.yon pa na yi dgas dang rjod pa'o// de ltar gnyis ka yang ste/ gzhan gyi rig sngags gcod pa ni ting nge 'dzin gyi phyag rgya dang mya ngan med kyi sdong po la brten pa'o// na mo rat+na tra yA ya/ ma sa tsi te/ ba tA ye/ hr-i da ya brta bya ba ma/ tad+ya thA/ bat+tA li/ ba dA li ba rA li/ ba rA ha mu khi/ sar+b+ba duSh+TA nAM/ tsak+ShAr+m+ma khaM ban+d+ha ban+d+ha/ dzam+b+ha ya dzam+b+ha ya/ stam+b+ha ya stam+b+ha ya/ mo ha ya mo ha ya/ hriHhUM phaT swA hA/ ma'i yi ge las kha ru zlum po nyi ma'i dkyil 'khor ro// sa'i yi ge las mgo bo dang rgyab tu zla ba'i dkyil 'khor ro// tsa'i yi ge snying khar bsgom par bya'o// bat+ta li ni dpung pa g.yas pa la'o// ba dA li ni g.yon pa'i dpung pa la'o// ba rA khi ni g.yas ba'i pus mo la'o/ / ba rA ha mu khi ni g.yon pa'i pus mo la'o// sar+b+ba duSh+TA nAM tsak+Shar+m+ma khaM baM d+ha bi d+ha ni g.yas pa'i gzhogs la'o// dzaM b+ha ya dzaM b+ha ya ni rgyab tu'o// stam b+ha ya stam b+ha ya ni g.yon pa'i gzhogs la'o/ / mo ha ya mo ha ya nI nu ma gnyis kyi bar la'o// hrIHni yon lag thams cad la dgod do// hUM ni gsal bar byas pa la'o// phaT ni long bar byed pa'o// swA hA ni tshim par byed pa'o// thal mo mnyam par byas la sdigs mdzub gnyis kyi mthe bong gnyis kyi bar du bzhag pa ni yan lag gi phyag rgya ste/ 'di yis yan lag thams cad la cho ga bya'o// 'od zer can 'byung ba'i rgyud stong phrag bcu gnyis
- 170b
pa las/ mchog tu shin tu'ang snying por gyur pa'i 'od zer can gyi rtog pa brgya phrag bdun pa phyung ba rdzogs so// / rgya gar skad du/ Ar+ya dzA ya ba ti nA ma ma hA bid+yA rA dzA/ bod skad du/ 'phags pa rig sngags kyi rgyal mo chen mo rgyal ba can zhes bya ba/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das lus 'phags ri la bzhugs te/ de'i tshe 'byung po rnams 'khrugs par gyur nas ma dad pa'i lha dang / klu dang / gnod sbyin dang / srin po dang / lha ma yin dang / nam mkha' lding dang / mi 'am ci dang / lto 'phye chen po dang / srul po dang / lus srul po dang / grul bum rnams 'khrugs shing khris te/ dge slong rnams dang / dge slong ma rnams dang / dge bsnyen rnams dang / dge bsnyen ma rnams gang dag sangs rgyas dang / chos dang / dge 'dun la mngon par dad pa de dag la gnod par byed de/ de dag la gnod par byed pa de'i tshe ku co'i sgra chen po byung bar gyur to// de nas bcom ldan 'das thugs rje chen po'i shugs kyis yang dag par zin nas phyogs bzhir rnam par gzigs te/ phyogs bzhi nas glog las ser ba dang / char chen 'bab pa dang / skar mda' ltung ba 'ong ba gzigs so// gzigs nas kyang rdo rje 'chang la brda mdzad do// de nas rdo rje 'chang gtum po khros te stan las langs nas shar phyogs su rdo rje 'bar ba stong mngon par sprul te 'di skad ces gsol to// 'byung po'i tshogs rnams
Colophon
sgyu ma'i 'od zer can 'byung ba'i rgyud las phyung ba rtog pa'i rgyal po yang dag pa rnam par snang mdzad kyis gsungs pa ji lta ba bzhin du ji snyed pa rdzogs so/