man ngag rig pa klong rdzogs kyi rgyud
Text
ff. 17b–20b · 7 folio sides
- 17b
ngag ru sbrul bskums te kun gyi mthong bar dka'// de bzhin man ngag bskum thabs dgus// byang chub sems kyi btsal thabs thig le gcig/ khar dbyung ma yin blo yi gting du'o// mnyam chen bde ba'i ngang la yun gnas pa// mngon sum bde ba'i rig pa myur du 'char// bsgrub med btsal med 'bras bu mngon sangs rgyas pa'o// 'di yang don la ma yangs na// gang la rnam rtog mi skye'o// lta ba khyung chen ldings pa yin// kun bzhi byang chub sems la sel med na// dam tshig shel gong phyis pa yin// ci yang chags sdang ma skyes na// nang rtags phyi ru phyin pa 'i// byang chub sems kyi don rtogs na// rang byung ye shes rnyed pa yin// blang dor gtsang sme mi lta na// spyod pa glang po chur zhugs yin// byang chub sems kyi spyi lung chen po rdzogs pa'i rgyud/ byang chub sems lta ba'i man ngag gi bu lnga/ lta ba don gyi bca' bzhi rdzogs so// // rgyurgyaH!/ dpal kun tu bzang po la phyag 'tshal lo// 'di skad bshad pa'i dus gcig na/ rang byung ji bzhin bde chen po// zab mo rang rig bsam mi khyab// ma bcos gsang ba rdzogs pa'i bdag/ lhun grub dang la bzhugs par gyur//
- 18a
sangs rgyas sems can thams cad dang // snang srid rjes ste mtha' yas pa// dus gsum 'byed med gcig pa'i phyir// thig le rdzogs par 'dus te gnas// de tshe sems dpa' rdo rje yis// rab tu gsal la mi g.yo bas// mi rtsol ji bzhin 'dun pa las// bsam gyis mi khyab dgongs par zhus// bde chen rig pa'i rgyal po nyid// ji bzhin ma bcos dgongs pa'i brdas// skal ldan don du gtan la phab// 'da' med bde chen dam la gnas// dang por rna ba rgyud gdams pa'i lung // rin chan gus pas nod par bya// rin chen 'od kyi bstan pa'am// rtsi bcu bung bas gzhibs pa ltar// ma lus snying po thugs chud nas// de nas so bzhag nyams pa med// don mthong rig pa cha sbyangs pas// snang gsum rdzogs chen rgyas btab la// thig le rdzogs par gnas/ par bya// rang sems nges pa'i don rtogs pas// nges par don la 'da' med pa'o// gdams pa'i rnam grangs ci bstan pa// kun gyi nges don ston pa yin// bla ma'i gdam ngag lung med cing // rna brgyud dgongs pa mi ldan pas// gang bstan log pa'i khams su 'gyur// de bas gdams ngag thob par bya// nges par thob
- 18b
par shes pa yis// de dag don las mi 'da' yang // rin chen gling la bgrod pa'am// mun pa 'od dang phrad pa ltar// gzhi gcig stobs kyis khyad par 'phags// du bzhi thog ma dang po nas// 'khrul bcad brtags pa rnam par bzlog/ dbang po goms pa che chung gis// mi gnas pa dang cung zad gnas// yun rings dal bas 'bab chu 'dra// de la ye shes ma btsal na// bar chad med pa'i brtson 'grus kyis// 'bab chu lta bur gnas gyur na// rgya mtsho lta bur mi g.yo ba// mkha' gsal 'od kyis brdal ba ltar// dus 'tshams med par gnas par 'gyur// dus gcig 'jug pas rnal 'byor pas// man ngag nges pa'i lung thob nas// rgya mtsho 'od kyis phog pa'am// mkha' la nyi 'od 'bar ba ltar// de ma thag par lhun gyis grub// thag gu sbrul mthong sel ba ltar// nges pa thob pas dbugs chen phyin// ma btsal lhun bzhag rnal 'byor pas// thun dang ma nyam gzhag rtser med pas// dus gcig mi g.yo rnal 'byor thob// 'on kyang ma yangs gzhi gcig la// rnam pa'i bye brag cir 'gyur ba// ye shes srog gsum 'gyur ba med// mtshan ma chu dang rlabs bzhin nam// bcud dang snying po rnam pa'am// mkha' yi cho 'phral ji lta bar/
- 19a
ma btsal rang bzhin g.yo mi 'gyur// gang dag thugs rje'i ngang yin pas// gang la dga' ba'i don ched du// ye shes mtshon sgor ma gyur pa// cung zad tsam yang yod ma yin// kun kyang ye shes nyid rtogs pas// lcags la thabs kyis mdzad pa ltar// man drug thabs kyis pha rol phyin// gang yang g.yang sa lam du bde// bde sdug gang yang mi 'dor na// de dag len par ga la yin// dang po rang bzhin bstan pa ste// gnyis pa rig pas phrad pa yin// gsum pa gzungs dang ldan pa ste// bzhi pa gtang snyoms chen po yin// lnga pa 'bab chu lta bu ste// drug pa mkha' la nyi shar bzhin// mi 'da' 'byed pa med pa'o// bdun pa rin chen gling phyin te// brgyad pa rin chen na rdzogs sam// nyi ma'i 'od dang snying po ltar// bdag gzhan don kun rdzogs par gnas// rin chen gzhi la 'gyur med kyang // dbang po shes rab goms tshul gyis// rin chen sel dang bral ba ltar// goms pa'i shugs kyis grub pa yin// dang por mos dang ldan pa ste// gnyis par mi g.yo rtse gcig pa// gsum pa 'brel pas bar chad med// bzhi pa rang yan lkug pa yin// lnga pa gang yang 'brel med spyad// drug pa glang po dogs med nyid// srog ldan nyam nga re dogs /
- 19b
med/ bdun pa thams cad dag pa'i phyir// bya dang mi bya cung zad med// brgyad pa lhun rdzogs spyod pa ste// srog ldan ji bzhin rnal 'byor pas// thabs ldan rig stobs khyad par du// gang gyur ma yangs spyad par bya// mi 'gyur bral na rang bzhin btang // nges bral ma rtsol tha mal sems// ngos can mthar 'dzin log srad can// ched byas rtsol dang grab pa dang // zin chags blang dor dgag sgrub dang // zhan dang 'gog dang phyal ba dang // btang snyoms yod dang med pa dag/ mi dor rgyu med rang bzhin btang / thogs chags med pa'i ye shes kyis// phyogs bral ye shes chen pos rgyas// rig pa rdzogs pa gting dpag med// myong ba bde ba'i rang bzhin te// rtog spyod rgyu ba bral ba yis// bsam med dran med sa la le ba// ting 'dzin shes rab rdzogs pa ste// lhag pa'i slab pa kun rdzogs pa'o// nam mkha' rdo rje 'gro 'dul thabs// ji snyed spyod pa mdor bsdus pa// dang po nas gzung mthar thug par// khyab pas dgongs pas spyod pa yin// ji snyed rgyal ba thams cad kyi// sku gsung thugs kyi ngo bo ni// bde chen rig pa'i ye shes te// ma lus mkha' ltar khyab pa yin// 'di dag nges par thugs phrad du// nges par bstan gyis shes par gyis// de dag rtogs goms de phyin chad//
- 20a
dbul po gter dang phrad pa ltar/ bde bar gnas nas bcings par grol// khyung phrug sbubs dang bral ba 'am// seng ge dong brag bkrol ba ltar/ nyi 'od sprin dang bral ba ltar// phyin chad stobs dang ldan pa yin// 'dod pa'i dngos po gang mthong tshor// bde chen rdzogs pa'i ngo bor gnas// 'di dag ye shes rdzogs pa'i phyir// ma nyams rig pa'i ngang las spyod// shes rab ma lus gcig la rdzogs// gcig po rig pas ngos bzung na// theg pa'i rnam grangs ma lus pa// dus gcig rdzogs par rtogs gyu ra nas// ma yengs gzhag pas grol ba yin// 'dul ba'i dus na bsams pa bzhin// thugs rje 'gro 'ong med par ba dal// dngos grub thogs med lhun rdzogs kyis// zhes bcom ldan 'das bde ba chen po rig pa'i rgyal po rdo rje sems dpas gsungs nas de bzhin nyid du gnas par gyur to// man ngag rig pa klong rdzogs kyi rgyud rdzogs so// // dge slong bai ro tsan la// rdo rje sems dpa'i thugs kyi gte ra// mkhas pa'i gdams ngag brgyud pa 'di// rdo rje yang dag rtsal la sogs// skal lnga na re las ma gtogs pa// gcig la mi sgrub gnyis la mi spel te// thugs kyi gtar du bcang zhing sems
- 20b
la basman/ rgya gar skad du/ u ti yo ga d+harma ma hA tan tra/ bod skad du/ rdzogs pa chen po rnal 'byor chos nyid kyi rgyud/ bcom ldan 'das dpal rdo rje 'chang chen po la phyag 'tshal lo// de nas yang de'i tshe bcom ldan 'das kyis/ dpal rdo rje sems dpa' la 'di skad ces bka' stsal to// bdag gzhan gdod nas med pa yi// lhun gyis rdzogs pa'i ngang nyid la// 'chi 'pho 'gyur ba'i chos med de// mi 'gyur brtan pa'i gser bzhin no// dge ba'i phyogs dang sdig pa sogs// tha dad tsam yang yod ma yin// rnal 'byor rnam par 'ching ba nyid// gnyis po 'di dag gdod nas med// gang gis de ltar ma rig pa'i// don med sgra phyir de 'brangs nas// dge ba'i phyogs spong sdig pa spyod// de nyid 'thoms pas da myal bar 'gro// dkar bas dkar ba'i nyi ma med// gnag pa'i mun pa dag kyang med// 'khor ba med cing myang 'das med// rig pa med cing gnas pa med/ bri ba med cing gang ba med// 'grib pa med cing 'phel ba med// su la'ang phan med gnod mi 'gyur// snang ba med cing 'gyur ba'ang med// shes rab med cing thabs kyang med// lam med byang chub yod ma yin// dran pa med cing yid