Q935MW1PD96684_0935mdo sna tshogsAll versions of this work

'phags pa phyogs bcu'i mun pa rnam par sel ba zhes bya ba theg pa chen po'i mdo

Text

ff. 7a–13b · 14 folio sides

  1. 7a

    'di dag ni byang chub sems dpa' sems dpa' chen po kun tu bzang po'i spyod pa can/ dge ba'i bshes gnyen gyis yongs su zin pa'i byang chub sems dpa' sems dpa' chen po rnams kyis thos par 'gyur gyi/ / gzhan dag gis ni thos par mi 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa' chen po bsam gyis mi khyab pa'i rgyal po dang / thams cad dang ldan pa'i 'khor de dag dang / byang chub sems dpa' sems dpa' chen po de dag dang / lha dang / mi dang / lha ma yin dang / dri zar bcas pa'i 'jig rten ye rangs te/ bcom ldan 'das dang / byang chub sems dpa' sems dpa' chen po bsam gyis mi khyab pa'i rgyal pos gsungs pa la mngon par bstod do/ / 'phags pa bsam gyis mi khyab pa'i rgyal po'i mdo zhes bya ba theg pa chen po'i mdo// rdzogs s+ho// / rgya gar skad du/ Ar+ya da sha dig a na d+ha kA ra bi d+ha na sa na nA ma ma hA yA na sU tra/ bod skad du/ 'phags pa phyogs bcu'i mun pa rnam par sel ba zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das shAkya rnams kyi nang na/ ser skya'i gnas shing n+ya gro de'i kun dga' ra ba na dge slong stong nyes brgya lnga bcu'i dge slong gi dge 'dun chen po dang / 'jam dpal la sogs pa byang chub sems dpa'i 'khor chen po dang thabs gcig tu bzhugs so// de nas bcom ldan 'das snga dro'i dus kyi tshe/ sham thabs gsol nas/ snyun bzed dang chos gos man pas te/ dge slong gi dge 'dun gyis yongs su bskor cing / dge slong gi dge 'dun gyis mdun du ba dang nas ser skya'i gnas kyi grong khyer chen por bsod snyoms la gshegs so// de'i tshen

  2. 7b

    kya gzhan nu bzhin rab gas la zhes bya ba zhi ba nga gag sung shang rta la zhon nas sar skya'i gnas grong ltar can po nas byer byung ba dang / shakyagazhon nu bzhin rab gsal gyis// bcom ldan 'das thag khon nas gshegs pa mthong ngo / / mthong nas kyang shing rta las babs nas// bcom ldan 'das ga la ba der song ste phyin nas// bcom ldan 'das ga la ba de logs su thal mo sbyar ba btud de/ bcom ldan 'das kyi zhabs gnyis la mgo bos phyag 'tshal nas/ bcom ldan 'das la lan gsum bskor ba byas te/ thal mo sbyar nas bcom ldan 'das kyi spyan sngar 'dug go/ de nas bcom ldan 'das la shAkya gzhon nu bzhin rab gsal gyis 'di skad ces gsol to/ / bcom ldan 'das 'di na bdag gi pha ma gnyis gnyid log pa dang ma log pa dag la mi ma lags pa rnam par 'tshe bar bgyid la/ bcom ldan 'das bdag kyang gang gi tshe ljongs kyi phyogs gzhan du mchi ba'i tshe/ bdag la yang chom rkun pa dag rnam par 'tshe bar bgyid cing / gcan zan dag kyang rnam par 'tshe bar bgyid na// de'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas kyis bdag la thugs brtse ba'i slad du ci nas kyang bdag la mi 'am/ mi ma lags pa dang / dud 'gro'i skye gnas su gra togs pa 'ga' yang rnam par 'tshe bar mi bgyid pa de ltar bdag la legs par bsrung ba mdzad du gsol/ bsrung ba'i cho ga yang bshad du gsol/ de skad ces gsol pa dang / bcom ldan 'das kyis shAkya gzhon nu bzhin rab gsal la 'di skad ces bka' stsal to/ / gzhon nu de'i phyir legs par rab tu nyon la yid la zung shig dang ngas bshad do// bcom ldan 'das de ltar 'tshal lo zhes gsol nas/ shAkya gzhon nu bzhin rab gsal bcom

  3. 8a

    ldan 'das la nyan pa dang / bcom ldan 'das kyis de la 'di skad ces bka' stsal to// gzhon nu shar phyogs logs su sangs rgyas kyi zhing 'di nas sangs rgyas kyi zhing brgyad khri 'das pa na 'jig rten gyi kham nyon mongs pa thams cad bskyod pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rjes spyod ces bya ba da ltar bzhugs te 'tsho zhing gzhes so// gzhon nu khyod gang gi tshe bya ba 'ga' zhig gi phyir shar phyogs su 'gro na/ de'i tshe khyod kyis de bzhin gshegs pa de la phyag 'tshal te dran par byas shing mdun du byas te/ sems kyi rgyun gyis de mngon du byed cing song na khyod la 'jigs pa 'byung bar mi 'gyur ro/ / de'i tshe ma g.yengs par de yid la byas na khyod la bya ba gang gi phyir 'gro ba'i bya ba de 'grub par 'gyur ro// de nas bcom ldan 'das kyis de'i tshe tshigs su bcad pa 'di bka' stsal to/ / rdzogs pa'i sangs rgyas thub pa che// rje la rab tu phyag 'tshal te// rtag tu de ni mngon byed cing // 'gron khyod la 'jigs mi 'byung // gzhon nu lho phyogs logs su sangs rgyas kyi zhing 'di nas sangs rgyas kyi zhing dgu khri 'das pa na/ 'jig rten gyi khams mun pa dang mun nag gi tshogs bcom zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas sems dang po bskyed pa yid la mdzad pa rnam grangs bsnyengs pa dang bag tsha ba dang bral bas mngon par 'phags pa'i rgyal po zhes bya ba da ltar bzhugs te 'tsho zhing gzhes so/ / gzhon nu khyod gang gi tshe bya ba 'ga' zhig gi phyir lho phyogs su 'gro na/ / de'i tshe khyod kyis de bzhin gshegs pa de la phyag 'tshal te dran par byas shing mdun du byas te/ sems kyi rgyun gyis de mngon du byed cing / khyim la sogs pa yid la byed pa dang bral ba rnam

  4. 8b

    par ma g.yengs pa yid la byed pas song na/ khyod bya ba gang gi phyir 'gro ba'i bya ba de 'grub par 'gyur zhing khyod la 'jigs pa gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to/ / khyim gyi bsam pa rnams dang ni// kun nas ldang ba kun bral zhing // lho phyogs su ni 'gro ba na// khyod la 'jigs pa 'byung mi 'gyur// gzhon nu nub phyogs logs su sangs rgyas kyi zhing 'di nas sangs rgyas kyi zhing gang gA'i klung gi bye ma snyed 'das pa na 'jig rten gyi khams yul phebs pa zhes bya ba zhig yod de/ de ni de bzhin gshegs pa dgra bcom pa yang dag par rdzogs pa'i sangs rgyas kho na dang rgyags pa rnam par gnon pa zhes bya ba da ltar bzhugs te 'tsho zhing gzhes so/ / gzhon nu khyod gang gi tshe bya ba 'ga' zhig gi phyir nub phyogs su 'gro na de'i tshe khyod kyis de bzhin gshegs pa de la phyag 'tshal te/ dran par byas shing mdun du byas nas sems kyi rgyun gyis de mngon du byed cing zag pa med pa rnam par ma g.yengs pa dang dran pas khyod song na khyod la 'jigs pa gang nas kyang 'byung bar mi 'gyur ro/ / de nas bcom ldan 'das kyis de'i'atshe tshigs su bcad pa 'di bka' stsal to/ / chos 'ga' skyes pa yod min zhing // 'ga' yang 'gag par mi 'gyur te// gang gis chos rnams de ltar shes// de la 'jigs pa ci yang med// gzhon nu byang phyogs logs su sangs rgyas kyi zhing 'di nas sangs rgyas kyi zhing bye ba phrag stong 'das pa na 'jig rten gyi khams sangs rgyas kyi spobs pa can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin chen gzugs bkod 'od gnon zhes bya ba da ltar bzhugs te 'tsho zhing ga zhes so/ / gzhon nu khyod gang gi tshe bya ba 'ga' zhig gi phyir byang phyogs su 'gro na/

  5. 9a

    de'i tshe khyod kyis de bzhin gshegs pa de la phyag 'tshal te dran par byas shing mdun du byas te/ sems kyi rgyun gyis de mngon du byed cing rnam par ma g.yengs par yid la byed pas song na/ khyod bya ba gang gi phyir 'gro ba'i bya ba de 'grub par 'gyur zhing khyod la 'jigs pa gang nas kyang 'byung bar mi 'gyur ro/ / de nas bcom ldan 'das kyis de'i tshe tshigs su bcad pa 'di bka' stsal to// rtag tu sems can thams cad la// mnyam pa nyid la sems byos la// sems can de lam brnyes dang // khyod la 'jigs pa 'gyur mi 'gyur// gzhon nu byang shar gyi phyogs logs su sangs rgyas kyi zhing 'di nas sangs rgyas kyi zhing brgyad khri 'das pa na 'jig rten gyi khams bdud kyi sde bcom pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas bdud dang yid gnyis kun 'joms rnams gnon zhes bya ba da ltar bzhags te 'tsho zhing gzhes so/ / de bzhin gshegs pa de byang chub kyi shing drung du bzhugs pa tsam gyis stong gsum gyi stong chen po'i 'jig rten gyi khams na/ bdud kyi ris kyi lha ji snyed yod pa de dag thams cad bla na med pa yang dag par rdzogs pa'i byang chub las phyir mi ldog par mdzad de/ gzhon nu de ni de bzhin gshegs pa de byang chub kyi shing drung du bzhugs pa'i skyes bu'i rtsal de lta bu byung ba yin no// gzhon nu khyod gang gi tshe bya ba 'ga' zhig gi phyir byang shar gyi phyogs su 'gro na de'i tshe khyod kyis de bzhin gshegs pa de la phyag 'tshal te dran par byas shing mdun du byas de/ sems kyi rgyun gyis de mngon du byed cing rnam par ma g.yengs pas song na khyod bya ba gang gi phyir 'gro ba'i bya ba de 'grub par 'gyur zhing khyod la 'jigs pa gang nas kyang 'byung bar mi 'gyur ro/ / de nas bcom ldan 'das kyis de'i tshe tshigs su bcad pa 'di bka' stsal to// /

  6. 9b

    gang gis gang gis dang po'i thugs kyis ni// bdud rnams pa ma mdzad sangs rgyas de// dran bzhin du ni khyod song na// khyod la 'jigs pa 'byung mi 'gyur// gzhon nu shar lho'i phyog ma logs mu sangs rgyas kyi zhing 'di nas sangs rgyas kyi zhing nyi khri 'das pa na 'jig rten gyi khams rtag tu snang ba zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas sems dang po bskyed pas phyir mi ldog pa'i 'khor lo 'byung ba'i dpal zhes bya ba da ltar bzhugs te 'tshe zhing gzhes so/ / gzhon nu de bzhin gshegs pa des dang po thugs bskyed pa nas bzung ste/ sangs rgyas nyid kyi bar du bar chad med par sbyin pa byin/ tshul khrims bsrungs/ bzod pa kun tu bsten/ brtson 'grus brtsams/ bsam gtan bsgrubs/ shes rab spyad de/ gzhon nu de ni de bzhin gshegs pa de'i skyes bu'i rtsal de lta bu byung ba yin no// / gzhon nu khyod gang gi tshe bya ba 'ga' zhig gi phyir shar lho'i phyogs su 'gro na/ de'i tshe khyod kyis de bzhin gshegs pa de la yan lag lngas phyag 'tshal te/ phyis khyim nas song shig dang / khyod la phyis 'gyod pa'am 'jigs pa gang nas kyang 'byung bar mi 'gyur ro/ / rnam par ma g.yengs pas yid la byed na/ khyod bya ba gang gi phyir 'gro ba'i bya ba de 'grub par 'gyur ro// de nas bcom ldan 'das kyis de'i tshe tshigs su bcad pa 'di bka' stsal to/ / yan lag lngas ni phyag 'tshal te// phyi nas khyim nas song shig dang // chom rkun rnams kyis khyod kun du// zil gyis mi non 'gro bar 'gyur// gzhon nu lhonab kyi phyogs logs su sangs rgyas kyi zhing 'di nas sangs rgyas kyi zhing sum khri 'das pa na 'jig rten gyi khams gser gyi dra bas g.yogs pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas rin

  7. 10a

    chen gdugs 'phags snang zhes bya ba da ltar bzhugs te 'tsho zhing gzhes so/ / gzhon nu khyod gang gi tshe bya ba 'ga' zhig gi phyir lho nub kyi phyogs su 'gro na de'i tshe khyod kyis de bzhin gshegs pa de la phyag 'tshal te dran par byas shing mdun du byas te/ sems kyi rgyun gyis de mngon du byed cing rnam par ma g.yengs pa'i yid la byed pas song na khyod la 'jigs pa gang nas kyang 'byung bar mi 'gyur zhing khyod bya ba gang gi phyir 'gro/ ba'i bya ba de 'grub par 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// rdzogs sangs rgyas la phyag 'tshal nas// me tog sil mas gtor cig dang // khyod ni lho nub 'gro ba na/ / 'jigs pa 'byung bar mi 'gyur ro// gzhon nu nub byang gi phyogs logs su sangs rgyas kyi zhing 'di nas sangs rgyas kyi zhing gang gA'i klung drug gi bye ma snyed 'das pa na/ 'jig rten gyi khams yongs dag rab gnas mngon par 'phags shes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas byang chub sems dpa' 'dul zhes bya ba da ltar bzhugs te 'tsho zhing gzhes so/ / gzhon nu de bzhin gshegs pa de'i sangs rgyas kyi zhing ni mi gtsang ba med pa/ 'khrig pa med pa/ bud med med pa/ tsher ma dang / gseg ma dang / gyo mo med pa/ snyigs ma lnga med pa yin no// gzhon nu khyod gang gi tshe bya ba 'ga' zhig gi phyir nub byang gi phyogs su 'gro na tshangs par spyod pa yang dag par blangs nas phyis khyim nas rnam par ma g.yengs pa'i yid la byed pas song shig dang / gzhon nu khyod bya ba gang gi phyir 'gro ba'i bya ba de 'grub par 'gyur zhing khyod la 'jigs pa gang nas kyang 'byung bar mi 'gyur ro/ / de nas bcom ldan 'das kyis de'i tshe tshigs su bcad pa 'di bka' stsal to// tshangs spyod yang

  8. 10b

    ngag blangs byas te/ / phyi nas khyim nas song shig dang // khyod ni gang dang gar 'gro yang // chom rkun rnams kyis zil mi non// gzhon nu steng gi phyogs su sangs rgyas kyi zhing 'di nas sangs rgyas kyi zhing gang gA'i klung / drug cu'i bye ma snyed 'das pa na 'jigs rten gyi khams dmigs pa med pa yid la byed pa can zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas skrag med mun bral ting nge 'dzin mngon 'phags rgyal po zhes bya ba da ltar bzhugs te 'tsho zhing gzhes so/ / gzhon nu khyod kyis de bzhin gshegs pa de la phyag 'tshal te dran par byas shing mdun du byas te 'dug kyang rung / 'greng yang rung / sems can thams cad la byams pas khyab par byas nas rdzogs par byas shing gnas na khyod la 'jigs pa gang nas kyang 'byung bar mi 'gyur ro// de nas bcom ldan 'das kyis de'i tshe tshigs su bcad pa 'di bka' stsal to/ / khyod kyis ma g.yengs yid byed kyis// rtag tu rgyal ba de dran zhing // rtag tu byams pa'i sems byos dang // khyod la 'jigs pa 'byung mi 'gyur// gzhon nu 'og gi phyogs logs su sangs rgyas kyi zhing 'di nas sangs rgyas kyi zhing dgu khri nyis stong 'das pa na 'jig rten gyi khams yon tan thams cad kyis brgyan pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas dang po sems bskyed the tsom gcod mdzad nyon mongs bskyod ces bya ba da ltar bzhugs te 'tsho zhing gzhes so/ / gzhon nu khyod kyis de bzhin gshegs pa de la bya ba rtsom pa thams cad dang / 'greng yang rung / 'dug kyang rung / 'chag kyang rung ste/ spyod lam thams cad du phyag 'tshal cig/ yid la byos shig dang / sems can rnams la byams pa'i sems dang / phan pa'i sems bsgrubs shig dang / gzhon nu khyod la

  9. 11a

    'jigs pa 'byung bar mi 'gyur zhing / dgos pa thams cad kyang 'bad mi dgos par 'gyur ro// de nas bcom ldan 'das kyis de'i tshe tshigs su bcad pa 'di bka' stsal to// bya ba kun la nyin mtshan du// sangs rgyas de ni dran bya zhing // byang chub sems kyang ma btang dang // khyod la 'jigs pa 'byung mi 'gyur// gzhon nu khyod kyis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan legs par bzung bar gyis shig/ / legs par bcang bar gyis shig/ legs par kun chub par gyis shig dang 'jigs pa dang / bag tsha ba 'am/ spu zing zhes byed pa gang ci yang rung ba de dag thams cad khyod la 'thung bar mi 'gyur ro// de skad ces bka' stsal pa dang / bcom ldan 'das la shAkya gzhon nu bzhin rab gsal gyis 'di skad ces gsol to// bcom ldan 'das bdag gis de bzhin gshegs pa dgra bcom pa yang dag par rdzogs pa'i sangs rgyas de dag gi mtshan rnams bzung lags te/ bcom ldan 'das bdag la 'jig rten gyi khams de dag mun pa ma mchis shing / bcom ldan 'das bdag gis 'jig rten gyi khams de dag dang / de bzhin gshegs pa dgra bcom pa yang dag par rdzogs pa'i sangs rgyas de dag kyang dper na de bzhin gshegs pa da ltar 'khor rnams la chos ston pa bzhin du mthong ngo / / de nas 'khor de las shAkya gzhon nu bzhin rab gsal la sogs pa skye bo phal po che'i tshegs bcom ldan 'das la blta ba dang / phyag 'tshal ba dang / mchod pa dang / rim gro bya ba dang / chos kyi rnam grangs 'di mnyan pa'i phyir 'khor der 'dus par gyur pa'i srog chags stong tshang ba de dag thams cad stan las langs ste/ bla gos phrag pa gcig tu gzar nas pus mo g.yas pa'i lha nga sa la btsugs te/ bcom ldan 'das ga la bde logs su thal mo sbyar ba btud nas/ bcom

  10. 11b

    ldan 'das la 'di sad ces gsol to/ / bcom ldan 'das bdag cag gi don gyi sang dra bzhin gshegs pas chos kyi rnam grangs 'di bshad pas bcom ldan 'das bdag cag la rdzogs de dag dang 'jig na rje la de dag kyang mun pa ma mchis par gda' la/ bcom ldan 'das 'jig rten gyi khams de dag dang sangs rgyas bcom ldan 'das de dag kyang dper na/ da ltar de bzhin gshegs pa chos ston pa 'di bzhin du gda'o// de nas sangs rgyas kyi mthus tshe dang ldan pa shA ri 'bru stan las langs te/ bla gas zag bcig tu byas nas/ zas mo g.yas pa'i lha ngas la btsugs te/ bcom ldan 'das ga la bde logs su thal mo sbyar ba bcud nas/ bcom ldan 'das la 'di skad ces gsol to// bcom ldan 'das rigs kyi bu'am rigs kyi bu mo gang dag chos kyi rnam grangs 'di bshad pa na/ sangs rgyas bcom ldan 'das de dag gi mtshan rnams thos nas mig rnam par dag cing phyogs bcu dag na 'jig rten gyi khams gang dag mchis pade dag dang / sangs rgyas bcom ldan 'das de dag mthong ba de dag gi mig rnam par dag pa'i bsod nams de dag bcom ldan 'das lags/ tshe rabs gzhan du tshe 'phos na yang 'bral bar 'gyur ram/ 'on te mi 'gyur/ bcom ldan 'das kyis bka' stsal pa/ shA ri'i bu byang chub sems dpa'i theg pa la yang dag par zhugs pa'i rigs kyi bu'am rigs kyi bu mo gang dag 'di ltar mig rnam par dag pa de dag ni sgrib pa med pa'i tshul gyis shin tu rnam par dag pa nyid tu 'gyur ro/ / shA ri'i bu khyod kyis srog chags stong tshad pa 'di mthong ngam/ shA ri'i bu 'di dag thams cad ni sangs rgyas kyi mtshan bzung ba'i dge ba'i rtsa ba 'dis re res kyang 'khor los bsgyur ba'i rgyal srid gang gA'i klung gi bye ma snyed dag byed du bcug nas srid pa tha ma dang / lus tha ma la byang chub kyi tshogs

  11. 12a

    thams cad rdzogs par byas te/ bskal pa gcig la de bzhin gshegs pa dgra bcom pa yang dag par rdzogs pa'i sangs rgyas spyan dag pas brgyan pa zhes bya bar mtshan mthun pa sha stag bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro/ / bcom ldan 'das kyis rigs kyi bu de rnams lung bstan pa bshad pa 'di bka' stsal ma thag tu stong gsum gyi stong chen po'i 'jig rten gyi khams 'di rnam pa drug tu g.yos par gyur te/ / 'gul rab tu 'gul/ kun tu rab tu 'gul// g.yos rab tu g.yos/ kun tu rab tu g.yos// 'u ra 'ur rab tu bur/ kun tu rab tu'ur/ ldeg rab tu ldeg/ kun tu rab ru ldeg/ che ma che ma rab tu chem chem/ kun tu rab tu chem chem/ 'khrugs rab tu 'khrugs/ kun tu rab tu 'khrugs so// sa bla'i lha rnams kyis kyang kye ma grogs po dag 'di ltar rigs kyi bu 'di rnams kyis de bzhin g shegs pa'i mtshan bzung ba tsam gyis bla na med pa yang dag par rdzogs pa'i byang chub yongs su bzung zhing chos thams cad ji lta ba bzhin du mkhyen pas don thams cad thugs su chud pa'i de bzhin gshegs par 'gyur ba ni ngo mtshar che ste/ / su zhig sangs rgyas la dad par mi 'gyur zhes smra bsgrags so// rgyal chen bzhi'i ris kyi lha rnams dang / sum bcu rtsa gsum pa rnams dang / 'thab bral ba rnams dang / dga' ldan parnams dang / 'phrul dga' ba rnams dang / gzhan 'phrul dbang byed kyi bdud kyi ris rnams dang / tshangs ris rnams dang / tshangs pa'i mdun na 'don rnams dang / tshangs pa chen po rnams nas 'og min gyi lha rnams k yi bar gyis sa bla'i lha rnams kyi sgra de thos nas yi rangs shing rab tu dga' la dga' ba dang yid bde ba skyes nas tshig 'di skad ces kye ma grogs po dag 'di ltar rigs kyi bu 'di rnams kyis de bzhin gshegs

  12. 12b

    p a'i mtshan bzung ba tsam gyis bla na med pa yang dag par rdzogs pa'i byang chub yongs su bzung zhing chos thams cad ji lta ba bzhin du mkhyen pas don thams cad thugs su chud pa'i de bzhin gshegs par 'gyur ba ni ngo mtshar che ste/ su zhig sangs rgyas la dad par mi 'gyur zhes smras so// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo byang chub sems dpa'i theg pa la yang dag par zhugs pa'i rigs kyi bu'am/ / rigs kyi bu mo gang la la chos kyi rnam grangs 'di thos nas 'dzin par byed/ 'chang bar byed/ klog par byed/ kun chub par byed cing / gzhan dag la yang rgya cher yang dag par ston par byed pa dang / / than glegs bam la bris te 'chang bar byed na/ rigs kyi bu'am rigs kyi bu mo de dag sangs rgyas kyis byin gyis brlabs pa dang / sngon gyi rgyal ba la lhag par bya ba byas pa yin par rig par bya'o// de dag la 'chi ba'i 'jigs pa mi 'byung bar rig par bya'o/ / deg shes ngan du 'chi bar mi 'gyur ro// de dag pha rol gyi gnod pas 'chi bar mi 'gyur ro// de dag la chu dang / chom rkun dang / dug dang / mtshon gyis 'jigs pa/ mi 'byung bar yid ches par bya'o// de nas lha'i dbang po brgya byin byang chub sems dpa' sems dpa' chen po rnams kyi bsrung ba lung bstan pa 'di lta bu 'di shes nas chos kyi rnam grangs 'di gzung ba'i phyir lha'i bu stong tshad bas yongs su bskor cing mdun du bdar nas bcom ldan 'das ga la ba der song ste phyin pa dang / bcom ldan 'das kyi zhabs gnyis la mgo bos phyag 'tshal te/ bcom ldan 'das la lan gsum bskong ba byas nas/ bcom ldan 'das dang srog chags song tshang bapa gang dag bcom ldan 'das kyis ma'ongs pa'i dus na bla na med pa yang dag par rdzogs pa'i byang chub tu lung bstan pa de dag la lha'i can dan gyi

  13. 13a

    bye ma dang / skab ma tag man dar ba dang / man dar bcan pa rnams byas mngan par gtar nas thal ma sbyar daphyags gcig du 'daganas 'dasad ces kyang gas te// bcom ldan 'das bdag gas rigs kyi bu'am rigs kyi bu mo gang chos kyi rnam grangs 'di 'dzin par bgyid pa dang / 'chang bar bgyid pa dang / klog par bgyid pa dang / kun chub par brgyad pa de dag bsrung bar 'gyur// bcom ldan 'das rigs kyi bu 'am rigs kyi bu mo de dag khyim na mchis sam/ dgon pa na mchis sam/ shing drung na mchis sam/ khyim stong pa na mchis sam/ 'brog dgon pa na mchis sam/ lam dang lam gol ba na mchis sam/ gnyid log gam/ gnyid ma log pa dag na yang de dag la pha rol gyi gnod pas 'gum par mi 'gyur bar bdag gis bsrung bar bgyi'o// de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo da ltar de bzhin gshegs pa dgra bcom pa yang dag par rdzogs pa'i sangs rgyas bzhugs te/ 'tsho zhing gzhes pa la rigs kyi bu'am rigs kyi bu mo gang zhig gis ji srid 'tsho bar du chos gos dang / bsod snyoms dang / gnas mal dang / snyun gyi rkyen dang / sman gyi yo byad rnams kyis bsnyen bkur byed na/ kun dga' bo de tsam gyis ni de bzhin gshegs pa la bkur sti byas par mi 'gyur/ bla mar byas par mi 'gyur/ ri mor byas par mi 'gyur/ mchod pa byas par mi 'gyur gyi/ byang chub sems dpa'i theg pa la yang dag par zhugs pa'i rigs kyi bu'am rigs kyi bu mo gang zhig chos kyi rna grangs 'di thos nas 'dzin par byed dam/ 'chang bar byed dam/ klog par byed dam/ kun chub par byed dam/ gzhan dag la yang rgya cher yang dag par rab tu ston tam/ tha na glegs bam la bris te 'chang ma/ kun dag

  14. 13b

    bo de tsam gyis ni de bzhin gshegs pa la bkur sti dam pa dang / bla mar bya ba dam pa dang / ri mong ba dang pa dang / mchod pa dam pas bkur sti byas pa yin no// bla mar byas pa yin/ ri mor byas pa yin/ mchod pa byas pa yin no/ / de nas tshe dang ldan pa kun dga' bo stan las langs te/ bla gos phrag pacig tu byas nas pus mo g.yas pa'i lha nga sa la btsugs te/ bcom ldan 'das ga la ba de logs su thal mo sbyar ba btud nas bcom ldan 'das la 'di sad ces gsol to/ / bcom ldan 'das chos kyi rnam grangs 'di'i ming ci lags/ 'di ji ltar gzung bar bgyi/ de skad ces gsol pa dang / bcom ldan 'das kyis tshe dang ldan pa kun dga' bo la 'di skad ces bka' stsal to/ / kun dga' ba de'i phyir khyod kyis chos kyi rnam grangs 'di phyogs bcu'i mun pa rnam par sel ba zhes bya bar zung shig/ di de bzhin gshegs pa'i mtshan yang dag par brjod pa zhes bya ba dang / dngos po med par rtogs pa zhes bya ba dang / mtshan nyid med par rtogs pa zhes bya bar yang zung shig/ bcom ldan 'das kyis de skad ces bka' stsal nas/ tshe dang ldan pa kun dga' bo dang / tshe dang ldan pa shA ri'i bu dang / shAkya gzhon nu bzhin rab gsal dang srog chags stong tshang ba de dang / lha'i dbang po brgya byin dang / dge slong de dag dang / byang chub sems dpa' de dag dang / lha dang / me dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa phyogs bcu'i mun pa rnam par sel ba zhes bya ba theg pa chen po'i mdo/ rdzogs s+ho// rgya gar gyi mkhan po bi shud d+ha sir ha dang / lo ts+tsha ba ban de rtsangs de ben dra rak+Shi tas bsgyur / zhu chen gyi lo tsA ba ban de klu'i rgyal mtshan gyis zhu chen bgyis te gtan la phab pa//

Colophon

'phags pa phyogs bcu'i mun pa rnam par sel ba zhes bya ba theg pa chen po'i mdo|| rdzogs s.ho|| ||rgya gar gyi mkhan po bi shud dha sing ha dang| lo ts+tsha ba ban de rtsangs de ben dra ra+kṣi tas bsgyur| zhu chen gyi lo tsā ba ban de klu'i rgyal mtshan gyis zhu chen bgyi·s te gtan la phab pa||