MW21521_576DE4མན་ངག་ཨ་ཏི་ཡོ་གའི་ཆོས་སྐོར།All versions of this work

snying po rdo rje rin po che thams cad gcig pa'i rgyud

Text

ff. 395b–411a · 32 folio sides

  1. 395b

    snying po nyid dang rtag tu 'grogs te grub mthas pasgribs// e ma rang gis rang bslus rang ka snying re rje// shin tu dkon pa'i rin chen gser kyang byin pa'i sa rdo'o// nor bu rin chen snying po ma bu gdams pa rnams// bzhin pa'i snod med sgro skur sgrib pa'i sa stengs gsang // zhes pas pad+ma 'byung gnas kyis// nam mkha'i snying po la gdams nas// lho nub kyi gling phran du gshegs so// rgya gar skad du/ hr-i da ya badz+ra rat+na sarba e ka tan tra nA ma/ bod skad du/ snying po rdo rje rin po che thams cad gcig pa'i rgyud ces bya ba/ dpal rdo rje 'chang chen po chos sku ye shes nyag gcig la phyag 'tshal lo// chos sku rdo rje 'chang ba de// snying po rang 'byung nyag gcig gnas// snga phyi med pa snying po'i dus// rang 'byung rang shar bar snang 'khor// gcig pu kun snang gnyis med chos// yang med nyag gcig rdo rje'i sku// nam mkha' dbyings dkyil nyi ma bzhin// 'og min rigs brgya nyag gcig snang // de nas rdo rje sems dpa' sogs// mkha' 'gro rdo rje drag mo yis// rdo rje/ 'chang la bskor phyag 'tshal// spyan sngar 'dug ste thal mo sbyar// rdo rje 'chang la 'di skad gsol// kya kye ston pa rdo rje 'chang // snying po theg pa nyag gcig kyang // ris

  2. 396a

    drug gzugs 'dzin du mar 'khrul// thugs rje chen pos gzigs su gsol// 'og min rdo rje 'khor 'dus la// thams cad gcig la rdo rje'i rgyud/ gcig las du ma med par gsungs// zhes zhus pas// rdo rje 'chang gis bka' stsal pa// 'og min dbyings su 'dus pa yi// rdo rje rigs kyi mkha' 'gro khyad/ rjes 'jug don du zhu ba legs// snying po nyag gcig rin po che// thams cad gcig pa nga yis bstan// chos thams cad chos nyid gcig/ dbang dang dam tshig dkyil 'khor gcig/ 'phrin las mchod pa rnal 'byor gcig/ sngags dang phyag rgya bsnyen bsgrub gcig/ lta ba sgom pa spyod pa gcig/ 'bras bu sku gsung thugs kyang gcig/ dge bcu rnam grangs du mar gcig/ ces gsungs so// snying po rdo rje rin po che thams cad gcig pa'i rgyud las/ phun sum tshogs pa zhus len sdom gyi le'u ste dang po'o// / / de nas rdo rje drag mo yis// rdo rje 'chang la 'di skad gsol// kye kye ston pa rdo rje 'chang // de ltar snying po chos cig kyang // bdag cag 'og min dkyil 'khor dang // mkha' 'gro'i tshogs la gsal bar zhu// zhes gsol pas/ rdo rje 'chang gis bka' stsal pa// nyon cig dkyil 'khor rang 'byung dang // mkha' 'gro 'dus

  3. 396b

    pa'i 'khor tshogs khyed// chos can chos nyid ro gcig phyir// don gyi snying po chos nyid gcig/ gcig po kun gyi rang bzhin yin// nor bu rin chen yon tan 'dra// du ma gang snang gcig yin no// rnam grangs brgya stong phrag yas kyang // chos nyid snying po'i dbang po yin// gcig po rang snang rang 'byung bas// gcig po nyid kyang gang na 'dug/ yul med pas ni mi bral yin// 'byung ba me chu sa rlung yang // nam mkha'i ngang du ya nas gcig/ sangs rgyas sems can chos nyid gcig/ bde gshegs snying pos 'gro kun khyab// sangs rgyas sems can gnyis su med// gnyis med gnyis su med par ston// ces gsungs so// snying po rdo rje rin po che thams cad gcig pa'i rgyud las/ chos can nyid gcig par bstan pa'i le'u ste gnyis pa'o// // de nas yang dag bshad bya ba// ye nas snying po rang 'byung dbang // / rang chas yin pas gzhi ma gcig/ rtogs pas stang 'chang ba yi dbang // sku gsum rim pas khyad par med// dbang gi chu bo lhun grub na// 'gro drug khams gsum thams cad la/ til mar gyis khyab pa bzhin// bde gshegs snying po 'bri dkrol med// rang 'byung rang la bstan pas thob// ye nas ye shes rang dbang gcig/ dbul mo ye

  4. 397a

    nas gser rten can// rig pa can gyis bstan pas gsar// ya nas rang dbang rang gis thob// skad cig ma la longs spyod ba dag/ 'gro drug ya nas snying po'i gzhi// bla ma'i gdams pas rang chas bstan// rang 'byung rang dbang ye nas thob// dbang gi rgyal po ye shes cig/ snying po rang 'byung chos bzhi ldan// 'gyus dran 'dzin chags dbang gi chu// snying po rang 'byung chos kyi sku la// phyi nang drang gcad 'gyu ba bcad// dran pa'i ting 'dzin 'dzin pa chad// 'dzin pa 'dzin pa'i rgya thag grol// chags pa rang snang ye shes shar// rig pa rang stsa la dbang gcig po// dbang gi ngo bo lhun gyis grub// nges tshig 'khor 'das gnyis ka dbang // 'byed pa rang rab 'dod gzhung la// dpe ni rgyal bu 'khyams pa 'dra// snang ba sna tshogs gcig gi dbang // brjod sgra sna tshogs chos gcig dbang // tan bstags thams cad chos nyid gcig/ bum pa thams cad shes rab dbang // gsang dbang tshig dbang rnam grangs rnams// rig pa rtsal gyi dbang du gcig/ ces gsungs so// snying po rdo rje rin po che thams cad gcig pa'i rgyud las/ dbang gi le'u ste gsum pa'o// // de nas yang dag pa shad bya ba// dam tshig snying po bstan pa ni// ye nas rang

  5. 397b

    'byung snying po'i gzhi// gang snang ming du btags pas kyang // snying po'i dbyings las 'da' mi srid// snying po hUM gi rang bzhin gcig/ rdo rje'i don la g.yangs med// dgongs pa 'khu 'phrog dogs pa med// spyod pa chags sdang gzigs snang med// re dogs bral ba'i snying po la// dam tshig 'da' bsrung ye nas med// nyams pa med pas dam tshig gcig/ snying po chos skra yul med la// 'gyub gzigs snang 'da' sa med// snying po 'gag med rang sgra la// 'gyu ba'i ming btags smra sa med// snying pos 'gyur med chos nyid la// gnyen pos bsgyur zhing bcos su med// sku gsung thugs dam bcas pa la// 'das na sdug bsngal gyis bsreg cing // ma 'das nyon mongs dug gsum 'tshig/ ye shes ma lnga rang 'bar la// nyon mongs dug lngas tshig par nges// dam tshig nyi shu rtsa brgyad gcig/ dug gsum dam nas sku gsum 'tshig dug lnga dam nas ye shes 'tshig/ de ltar gcig gis gcig tshig kyang // snying po gyur dang tshig pa med// ces gsungs so// snying po rdo rje rin po che thams cad gcig/ pa'i rgyud las/ dam tshig gi le'u ste bzhi pa'o// // de nas yang dag bshad bya ba// nyon cig rdo rje rnal 'byor ma// snying po rang 'byung dkyil 'khor ni//

  6. 398a

    phye nas dkyil 'khor gang bris kyang // sems dpa'i dkyil 'khor bum pa gcig yin no// snying po brda yi dkyil 'khor dang // sems dpa'i ting 'dzin dkyil 'khor dang // rang bzhin snying po'i dkyil 'khor gsum// rang 'byung hUM gi dkyil 'khor gcig/ phyi ltar mchod pa'i dkyil 'khor ni// phyi nang dkyil 'khor gang bris kyang // sems dpa'i dkyil 'khor gsal 'debs yin// sems dang ting 'dzin gang bsgoms kyang // snying po 'od kyi gsal 'debs yin// snying po rang 'byung chos nyid hUM// dkar dang dmar dang mthing dang ldang // ser dang 'od gsal kun gyi gzhi// sku gsum sku lnga yang shas hUM// dkyil 'khor rnam gsum snying po gcig/ bum pa dkyil 'khor rtsa ba ste// brda yi bum pa mtshon pa'i tshes// rtags kyi bum pa snying po'i bstan// don gyi bum pa snying po hUM// dkyil 'khor bum pa snying po hUM// chos min skyed dang rdzogs pa min// ye nas dkyil 'khor rang 'byung yin/ snying po'i dkyil la 'gyur 'dod hUM// chos las ma byung rang byung hUM// dkyil 'khor chen po rang 'byung hUM// zhes gsungs so// snying po rdo rje rin po

  7. 398b

    tshe thams cad gcig pa'i rgyud las/ dkyil 'khor gyi le'u ste lnga pa'o// // de nas yang dag bshad bya ba// nyon cig rdo rje rnal 'byor ma// bsnyen pa'i dkyil 'khor sbrel ba ni// snying po rig pa'i chos min la// brda brtags sgra don bshad pa ni// snying po rang 'byung nye bar bsnyen// dad ldan lus sreg gtong phod can// snying po nyid la bsnyen pa yin// lta sgom spyod pa dge ba bcu// snying po'i don la bsnyen pa yin// rtsa rlung thig legs la stong bde// snying po nyid la bsnyen pa yin// 'gyu ba dran pa rang 'byung shes// dran pa 'dzin pa yangs pa med// chags pa nyams la 'phel 'grib med// nye bar bsnyen pa'i snying po gcig/ rang 'byung snying po chos nyid hUM/ brda bstan snang ba'i zhen pa log/ yul snang med pas srog dang bral// rtags bstan tshogs drug rang gzugs grol// las rlung ngo sprad ye shes shes// sgra ru bstan pas ming med sgra// gang snang ming btags snying po'i dpe// chos nyid don dang rtag tu 'grogs// bsnyen pa'i bsnyen pa nye bsnyen pa// rang 'byung rang shar bsnyen pa cig/ rang snang rang 'bar bsnyen pa cig/ ngo bo nges tshig dbye ba'i dpe// bsnyen pa gang gis bsnyen cig po// zhes gsungs so// snying po rdo rje rin po che thams cad gcig pa

  8. 399a

    rgyud las// bsnyen pa'i le'u ste drug pa'o// // de nas yang dag bshad bya ba// nyon cig rdo rje rnal 'byor ma// sgrub pa/ sgrub chen snying po gcig/ snying po don gyi gzhi ma la// gtan la 'bebs pa sgrub pa yin// brda bstan snang ba phebs pa yin// rtags bstan gnas lugs gtan la phebs// sa brtan thos pa gtan pa lebs/ da d+har shing don du tshig rang byung medags rtsub pa gcig/ chos nyid snying po rang 'byung hUM// brda rnams bstan pas snang ba rtogs// rang 'byung rang snang yul med rtogs// rtags su bstan pas gang zag rtogs// rnam shes chos kyi bdag las grol// sgra ru bstan pas tshig tshogs grol// thos pa'i grub mtha' ming med rtogs// sgrub pa chen po zhes bya yin// rtsol med re dogs hUM gis chod// snying po chos min rang 'byung hUM// sgrub pa'i sgrub pa chen po gcig/ ces gsungs so// snying po rdo rje rin po che'i rgyud las/ bsnyen pa'i sgrub pa'i le'u ste bdun pa'o// // de nas yang dag bshad bya ba// nyon cig rdo rje mkha' 'gro ma// dpa' bo gcig pa'i 'phrin las ni// dpa' bo gcig pas las kun byed// bya ba thams cad grub pa hUM// snying po las gzhi gcig las med// zhe rgyas dbang dang drag po rnams//

  9. 399b

    snying po ma 'gags 'grubs byed// 'gyub rtsal gsum rang chas yin// 'grub yid rtsa snying por chod// nyon mongs chags sdung zhi bar byed// nyon mongs dug lnga rang zhi bas// rig pa ye shes rgyas par byed// rang 'byung 'grub dran pas thul// rang 'byung rig pa rang rtsa la dbang // rang dbang thob pas theg chags med// drag po mngon spyod bya ba 'grub/ 'phrin las bzhi yi snying por gcig/ las kun snying po hUM gis byed// sangs rgyas kun gyi snying po che// chos sku dngos med rtsol bral hUM// rtogs pas 'khor ba thams cad zhi// zhi ba'i 'phrin las snying por gcig/ snying po 'od gsal longs spyod sku// yon tan ye shes sku lnga rgyas// rgyas pa'i 'phrin las snying po gcig/ snying po 'gag med thogs med hUM// 'gyu ba rlung chan thogs chags med// yul snang tshogs kun sgrol bar sbyor// drag po'i 'phrin las dpa' bo gcig/ 'gyus dran 'dzin chags zhi dbang rgyas// drag po zang thal dpa' bo gcig/ bya ba'i las grub ye shes gcig/ 'phrin las chen po'i snying po gcig/ ces gsungs so// snying po rdo rje rin po che thams cad gcig pa'i rgyud las/ 'phrin las kyi le'u ste brgyad ba'o// // de nas yang dag bshad bya ba/

  10. 400a

    nyon cig rdo rje rnal 'byor ma// mchod pa'i snying po gcig po ni// 'dres shing dbyer med gnyis su med// snying po 'gro kun sangs rgyas la// ti dang mar bzhin dbye ru med// gzhi gcig snying po'i mchod pa gcig/ gzhi dang ras twa sa gnyis su med// 'khrul pa las kyi mchod pa gcig/ snying po 'gyus dran 'dzin chags dngas// 'khrul pa rang ldog mchod pa gcig/ rtsa rlung thig le rang 'byung hUM// gsal stong 'gag med mchod pa gcig/ skra gsung thugs dang yon tan las// snying po ye shes mchod pa gcig/ bla ma yi dam mkha' 'gro hU~M// snying po chos med bla na med// bla ma slob dpon mchod pa gcig/ snying po yi dam sku lnga gsal// yi// dam rang 'byung mchod pa gcig/ snying po rang 'byung 'gyu ba 'gro// snying po'i mkha' la 'gyu ba 'gro// gnyis su med pa mchod pa gcig/ chos min snying po'i glong du gcig 'khor 'das kun rdzob don dam gcig/ 'di ni mchod pa chen po gcig/ ces gsungs so// snying po rdo rje rin po che thams cad gcig pa'i rgyud las/ mchod pa'i le'u ste/ dgu pa'o// // de nas yang dag bshad bya ba// nyon cig rdo rje rnal 'byor ma// rnal 'byor snying po dpa' bo gcig/ bla med snying po chos min la//

  11. 400b

    blo dngos rnal ma snying po 'byor// bla med rnal 'byor chos sku gcig/ snying po ye shes rnal ma 'byor// rang 'byung longs sku rnal 'byor gcig/ 'gyu ba ya med rnal ma 'byor// 'gag med sprul sku rnal 'byor gcig/ snang ba sna tshogs rnal ma 'byor// srog dang snying po rnal 'byor gcig/ rgyu la gnyis med 'bras bu gcig/ snying po'i don la 'byor na 'byung // chos med chos sku rnal ma 'byor// snying po hU~M gi rnal 'byor yin// gcig ni kun gyi rang bzhin te// du ma rang 'byung gdam ngag yin// du ma ro gcig ma rtogs na// rnal ma'i don la 'byor mi srid// ming gi rnal 'byor grangs med de// don gyi rnal 'byor shin tu dka'// chos min glong du chos can sbyor// don dam glong du kun rdzob sbyor// gcig med glong du du ma sbyor// ming med gleng du tshig tshogs sbyor// sku med glong du snang gzugs sbyor// rgyu med rkyen med snying pa gsal/ 'khor 'das gnyis med ye shes sbyor// snying po rang 'byung rnal 'byor gcig/ ces gsungs so// snying po rdo rje rin po che thams cad gcig pa'i rgyud las rnal 'byor gyi le'u ste bcu pa'o// // de nas yang dag bshad bya ba// nyon cig rdo rje rnal 'byor ma// snying po chos min sngags gcig ni//

  12. 401a

    sngon du gyur pas gsang sngags don// snying po rang 'byung rang chas gsang // sngags pa'i don de gsang bas na// gsang sngags zhes par nga 'chad do// / snying po kun khyab chad pa med// 'das dang ma byon da ltar med// 'gro drug 'khrul pa rigs gcig ste// rig sngags zhes par nga 'chad do// snying po 'khor 'das ya ma chad// dper na gser dang gzugs brnyan 'dra// bde gshegs snying po 'gro kun khyab// gzungs sngags zhes par nga yis bshad// snying po don gyi sngags gcig yin// gsang sngags don gyi ngo bo ni// shes rab snying rje gnyis su med// rig sngags dag gi ngo bo ni// shes rab ye shes gnyis su med// gzungs sngags dag gi ngo bo ni// shes rab ting 'dzin gnyis su med// snying po don du sngags gsum gcig/ shes skyob phyir na sngags zhes bya// snying po rang 'byung sngags la ni// gzhi nas bag chags sel ba dang / ma rig rtog pa sel ba dang // 'phrul 'byung nyon mongs sel bar gcig/ rang 'byung snying po sngags gcig yin// zhes gsungs so// snying po rdo rje rin po che thams cad gcig pa'i rgyud las// snying po don gyi sngags bstan pa'i le'u ste bcu gcig pa'o// // de nas yang dag bshad bya ba// nyon cig rdo rje drag mo khyod//

  13. 401b

    snying po rin chen phyag rgya ni// snying po dus gsum 'gyur ba med// phyag rgya chen po'i ngo bo gcig/ snying po chos las 'das pa med// phyag rgya chen po'i nges tshig gcig/ phyag rgya bzhi dang rtsa lnga hUM// chos dang bral ba'i snying po hUM// chos sku phyag rgya chen po gcig/ rang 'byung rang gdangs ye shes lnga// dam tshig longs sku'i phyag rgya gcig/ rang 'byung rang sprul 'gag pa med// sbrul sku chos kyi phyag rgya gcig/ snying po gcig 'byung rang 'gyu snang // sna tshogs las kun de yis byed// ma rig ye shes 'khor 'das las/ snying po las kyi phyag rgya gcig/ snying po phyag rgya kun gyi gzhi// nam mkha'i bdag po sna tshogs ston// snying po'i dpe ni nam mkha' bzhin// phyag rgya'i dpe ni rgyal ba'i bka'// rgyas btab de las 'da' mi srid// gsang sngags snying po ye shes yin// 'gag med shes pa shes rab yin// snying po chos med 'gyur med kyang // thugs rje phyag rgya 'gag med gcig/ 'gyu ba rlung gi ye shes na// ma rig nyon mongs chags sdung chags// chos med rgya las ma 'das so// 'gyu ba rlung gis gti mug na// rang reg ye shes rang grol phyag/ snying po chos can rgyal 'brums// de bas chos can chos nyid gcig/ gcig la las su rung bar gyis// zhes gsungs so// snying po rdo rje rin po

  14. 402a

    tshe thams cad gcig pa'i rgyud las/ phyag rgya'i le'u ste bcu gnyis pa'o// // de nas yang dag bshad bya ba// nyon cig/ rdo rje drag mo khyad// snying po don gyi gsang rgyud ni// don gyi rgyud dang tshig gi rgyud// snying po rang 'byung glong na gcig/ sangs rgyas kun gyi snying po che// bde bar gshegs pa'i thugs rgyud de// khams gsum snying po 'gro drug khyab// don rgyud chen po khyad par med// snying po rang 'byung gsung tshig bzhi// rdo rje hUM ste hUM zhes sgrog/ sangs rgyas kun gyi gsung yang yin// sems can kun gyi skad du hUM// tshig rgyud snying po khyad par med// sangs rgyas sems can 'brel ba hUM// hUM gi gling du chos kun rdzogs// rdzogs pa'i glong na kun ka chang // snying pi gling du chos kun 'khrul// rang 'byung hUM la phun sum tshogs// lha sgom spyod pa dbang la sogs// snying po rgyud kyi lnga tshad gcig chos sku longs sku sprul skur brgyud// rdo rje 'chang gsum rgyun ma chad// sangs rgyas sems can gnyis su med// gnyis med gnyis su med par ston// 'khor 'das/ gnyis po rgyun ma chad// rgyud chen snying po kun gzhi gcig/ ces gsungs so// snying po rdo rje rin po che thams cad gcig pa'i rgyud las/ rgyud kyi le'u ste bcu gsum

  15. 402b

    pa'o// // de nas yang dag bshad bya ba// nyon cig rdo rje drag mo khyod// spyi lung snying po rang 'byung ba rten// bla med snying po'i spyi gzhi 'di// lung chen kun gyi lung dang gcig/ lung ni zin sla khyer bar bde// rang 'byung snying po spyi chos hU~M// gang gi sgo nas 'jug spyod kyang // spyi tshes 'di la bstan te spyod// lung ni yid ches tshig yin te/ tshig sgo thams cad hUM las byung // nges par smra ba brdzun gyi tshig/ gcig las thams cad smra ba hUM// smra bar mi byed rgyu med phyir// gang snang 'khrul pa yin pas cho ga/ ming med yul dang bral bas chog/ ming med yul dang bral bas na// nyes zad lung du de zad dang // don gyi lung dang tshig gi lung // don gyi lung ni snying po'i gzhi// mi 'gyur chos min snying po hUM// tshig gi lung la bsam mi khyab// drang don nges don mdo rgyud sogs// theg pa phyi nang ston pa'i bka'// zhal nas gsungs pa dam pa'i chos/ rang 'byung snying po bkyer bar bde// rang 'byung dpa' bo kun nas 'brel// zin pa slal bkyer ba bde lung // rgyal po'i bka' dang snod pa shad lung // mtshon pa dpe rung nges ngar gyis// don mtshon yid ches lung zhes bya// bde gshegs dgongs pa'i thugs rje nas// 'gro drug sdug bsngal nyon mongs kun// las med rnam smin cir yang

  16. 403a

    snang // snying po don cig 'gyur ba med// rgyal dang ra ro bag med kyang // snying po rang bzhin 'gyur ba med// dper na gser dang gzugs brnyan 'dra// snying po lung gcig gang yang yin// zhes gsungs so// snying po rdo rje rin po che thams cad gcig pa'i rgyud las/ lung gi le'u ste bcu bzhi pa'o// da nas yang dag bshad bya ba// nyon cig rdo rje drag mo khyod// snying po don gyi man ngag ni// lo rgyus rtsa ba tshig don dang // yo ga dgos ched lnga po gcig/ rdo rje 'chang ba dang / po'i bar// rigs 'dzin bla ma mdzub tshugs bstan// lo rgyus yid ches snying po gcig/ rtsa ba snying po rang 'byung bas// chos can chos nyid 'khor 'das dang // phyi ba nang pa theg pa'i sgo// snying po'i gzhi las gyes mdo gcig/ tshig don snying po byin rlabs dang // rdo rje 'chang gsum bshad lugs dang // mtshon byed tshig gi snying po bstan/ rang 'byung snying po'i gdam ngag gcig/ yi ge don gyi snying po bstan// rang theg pa la shan dbye ba// snying po 'di ru chos nyid gcig/ rtsa ba'i snying po rang 'byung gcig/ dgos chen kun gyi spyi gzhi 'di// 'gro drug theg pa kha 'thor nas// bsdu ba'i don du rang 'byung hUM// 'khrul pa bzlog pas snying po gcig/ don gyi snying po spyi gzhi

  17. 403b

    'di/ khong nas gab sbas don 'byin pa// nyag gcig snying po bstan pa yin// rdo rje 'chang ba gsum mdzod 'di// tshig gis don la sbyar ba yis// zhal nas gsungs pa'i/ rgyud lung kun// ma nor don la khrigs su btab// gsal 'debs yi ge ris su bkod// tshig don gsal bar byed pa yin// tshigs chung don che snying po 'di// gang dang ci yang las rung bas// nges tshig gtan tshigs snying po hUM// bla ma slob bum bu 'dra// spyir na rgyud lung gdam ngag gsum// rje dang blon po 'brangs gsum 'dra// bla ma'i brgyud pa bar ma chad// de yi lung thob bka' bzhin bsgrub// bum pa'i chu bzhin gdam ngag thob// de la bstan pa yang thob bo// de yi snying po de bas na// snying bo don gyi man ngag gcig/ ces gsungs so// snying po rdo rje rini po che thams cad gcig pa'i rgyud las/ man ngag gi le'u ste bco lnga pa'o// // de nas yang dag bshad bya ba// nyon cig rdo rje drag mo khyed// snying po don gyi lta ba ni// ci yang yin no gang yang rung // phyogs dang bral bas nam mkha' 'dra// snying po rang 'byung blo yangs pas// dgag sgrub med pa'i chos ming yin// yul med ming med gcig kyang med// rang 'byung rang snang rtsol sgrub med// gsal med stong med chos las

  18. 404a

    'das// snying po hUM gi lta ba gcig/ thig le nyag gcig snying po dang // gang snang grogs su snang bar bya// rin chen 'phrul gyi snying po bsgom/ ma yangs gnang du hUM dang 'grogs// phyi rlung sdoms pa nang rlung zung // lus srong yan lag snying kha mkhal// dkar dmar rlung sdoms tshangs bug sdoms// mkha' la 'bru tshugs btsan thabs gnad// rdo rje pad+ma rtsa kha nas// dkar dmar ra tsa 'du ti tsa// mdud pa lnga na sgo thebs lnga// phyed par byed na 'dris par gyis// gyen dang thur dang thad ka gsum// lta stangs zhi khro sems dpa'i gnad// mtshad gzhu dang theg pa ste// yang g.yangs dang bcas par tshud// 'grus dran 'dzin chags yangs pa med// gang snang gang 'gyus lam slong zhing // gnyid dang ra ro g.yeng ba kun// khyad par med na bsgom pa gcig/ rang rang nyams myong nga rgyal gnod// dge sdig 'khrul chos lam du slong // bar med 'phro/ med 'bralas med// tshogs drug 'dod pa'i ri mo ltar// chags sdang dgra gnyen ngos mi 'dzin// skyes bu nad kyis gzir ba 'dra// bu bzhin ma yi sems las bzhin// yengs pa med na spyod pa gcig/ snying po rgyun chags spyod pa gcig/ ces gsungs so// snying po rdo rje rin po che thams cad gcig pa'i rgyud las/ lha sgom spyod pa'i le'u

  19. 404b

    ste bcu drug pa'o// // de nas yang dag bshad bya ba// nyon cig rdo rje drag mo khyod// snying po chos min grub mtha' gcig/ sku gsum chos sku'i ngang du/ gcig/ 'byung lnga nam mkha'i ngang du gcig/ sangs rgyas thams cad dgongs pa gcig/ dper na rgya mtshor chu bran 'dra// gdul bya'i don du skur bstan pa// rgya mtshor gza' skar shar ba 'dra// rdo rje 'chang gsum chos min sku// snying po chos min chos kyi sku// thams cad 'dus pa'i 'bras bu gcig/ yul snang yangs pas ye shes rgyas// rang rig ye shes chos kyi sku// dang po'i rdo rje 'chang du grags// rig pa'i chos med chos kyi sku// mdzad pa med pa'i byin rlabs ni// rtsol ba med par sku nyid 'byung / tathig le chos min longs spyod sku// so so rigs kyi 'bras bur ldan// sku lnga ye shes sgyu mar snang // 'od gsal rigs lnga mtshon rdzogs sku// rdo rje 'chang/ ba bar ma yin// don gnyis gzigs kyang shes bya'i 'phrang // 'od zer dpag med yum dang sras// ma skyed yongs rdzogs dkyil 'khor gcig/ sna tshogs chos min sprul pa'i sku// sku gsung thugs kyi 'bras bur snang // rang 'byung rang snang ye shes sku// sna tshogs sprul pas sna tshogs 'dul// rdo rje 'chang ba tha ma ste// mdzad pa'i las rnams

  20. 405a

    'gro don byed// gang la cis 'dul sprul pa med// sna tshogs theg pa blo dang sbyor// snying po rang 'byung dpal ba hUM// snying po til dang mar bzhin du// yongs la khyab pa'i sgra sgrog ste// rtsa rlung ye shes rang 'byung ston// snying po grub pa'i mtha' gcig yin// zhes gsungs so// snying po rdo rje rin po che thams cad gcig pa'i rgyud las/ grub mtha'i le'u ste bcu bdun pa'o// // de nas yang dag bshad bya ba// nyon cig rdo rje drag mo khyod// snying po chos min/ gru gsum las// thugs rje las 'byung bstan pa ni// dper na ston ka'i nyi ma sprin dang chas// byin gyis brlabs kyis 'byung ba yin// lus dang yan lag nying lag / ma dang dbang po rnam m+b+ha dra// rnyeng pa tshas smin la // gams pa med po'i myangangan 'das// mdzad pa med pa'i byinan pas 'byung // mongs 'od dang sprin dang yang // sprin 'das 'od gsal yan lag lnga// thig le chos min rdo rje 'chang // sprul sku char zer nying lag 'dra// gang la gang mos cis 'dul bzhin// 'phrin las 'gro don sna tshogs mdzad// theg rnams chos sgo rdo rje 'chang // lus ngag yid gsum dge bcu 'dzud// yi ge 'dri klog la sogs te// rgyud dang ye shes tshog

  21. 405b

    la bskul// dbang po rab 'bring tha mal// rang rang blo dang sbyar te 'khrid// bla med snying po yang gsang 'di// de la gdung bzhi bsnyen bsgrub bzhi// dam tshig rnam gsum sku gsung thugs// yan lag bcu gnyis gsang sngags don// 'phrin las rnam bzhi 'gro ba'i don// mchod pa'i bye brag phyi nang gsum// sgrub pa'i khyad par theg pa'i khyad// snying po rnam gsum bsdus rgyas dang // sku gsum grub pa'i 'bras bu dang // lnga ldan gsum ldan gcig ngo sprod// srog dang snying po mthar thug yin// sprul pa'i 'khor lo sna tshogs 'chang // sku gsum 'gro don mtha' la skyel// ces gsungs so// snying po rdo rje rin po che thams cad gcig pa'i rgyud las/ thugs rje dge bcu rang gzhung gi le'u ste bco brgyad pa'o// // de nas yang rdo rje drag mo dang // mkha' 'gro'i tshogs dang sems dpa' bzhis// rdo rje 'chang la 'di skad gsol// kye kye ston pa rdo rje 'chang // 'og min 'dus pa'i 'khor rnams la// snying po dpa' bo tshig sgrub dang // mkha' 'gro ma mo rgyud mtshan dang // bstan 'char dus dang gtad pa gsungs// rdo rje 'chang gis bka' stsal pa// nyon cig 'dus pa'i 'khor tshogs khyed// dpa' bo tshig sgrub nga yis bstan// ma khal gcig dang

  22. 406a

    bum pa gcig/ gtor ma gcig dang rak+ta gcig/ bdud rtsi gcig dang mar me gcig/ shes rab can gyis sgrub pa gyis// bkra shis dben pa'i sa phyogs su// dang po bla ma mnyes byas la// ma Dal khrag gis chag chag gdab// zlum po sgo bzhi pho brang cig/ rang 'byung hUM bri mtshon lngas bskor// rdo rje 'chang gi dkyil 'khor chag/ bum pa mthing ka 'o ka dang // sman dang dri dang rin po che// snying po 'bru dang phan pa cig/ kha rgyan rtsa gcig lo ma yin// lnga sgril gzungs thag cig btags te// gtsang ma ras kyis mgul bcings la// ma Dal pho brang dbus su bzhag/ mtshan ldan ya rabs thod pa ru// 'bru bshos sha che na gtor ma cig/ khrag che na me tog mthing kas brgyan// dkyil 'khor de yi g.yas su bzhag/ bud med mtshan ldan thod pa ru// na chung rdol pa'i mngal khrag dang // skyes pa dar ma'i khrag dang ni/ ta lce spyang khrag ni rab yin te// khrag sna rnyed tshad tha ma'o// ma Da la de yi g.yon du bzhag/ thod pa rin chen bum pa ru// sum bris 'bru yau khu ba la// bdud rtsi sman mchog rtsal la ni// sgrub pa dag gi mdun stengs bzhag/ drag po lcags kyi skong bu ru/ pho mo dar ma'i zhun blugs la// ro ras dri med sdong bu gzhug/ stegs

  23. 406b

    mtho bum pa'i rgyab tu bzhag/ tshogs dang mchod rdzas ldan pas bsgrub// thams cad 'dus pa kun gyi las// chos min snying po rang 'byung 'di// chos sku'i zhal gzigs long skur gsal// sprul skur lung ston 'byung bar nges// dpa' bo tshig sgrub de ltar sgrub// ces gsungs so// snying po rdo rje rin po che thams cad gcig pa'i rgyud las/ rang 'byung tshig sgrub kyi le'u ste bcu dgu pa'o// // de nas yang dag bshad bya ba// nyon cig rdo rje drag mo khyod// pho sgrub mo sgrub khrag gis dbye// sngags ni rdo rje pho mo rang rang 'dzab// dpa' bo tshig 'dzab lnga po ltar bsgrub// mkha' 'gro'i gling rnam pa lnga mo ltar sgrub// phyi ltar dkyil 'khor brda ru bstan// nang ltar rtsa rlung thig le'i chos// gsang bar 'gyu ba tshig ded byang // rang 'byung lus kyi dkyil 'khor la// pho mo yab yum mtha' dag rdzogs// snying po 'gyur ba rang 'byung la// 'khor 'das ye shes nyon mongs 'byung // nyon cig mkha' 'gro ma mo khyod// nam mkha' stong pa'i glong yangs la// 'byung ba bzhi po 'gro bar byed// kun gyi gzhi ma nam mkha' yin// don gyi snying po 'di la sbyor// spyi gzhi lus kyi khog pa la// yan lag dbang po rnam shes 'gro// kun gzhi ma mo rtsa dang rlung // snying po 'gag med rang la

  24. 407a

    sbyor/ spyi gzhi snying po mkha' chen la// gzhi rlung 'gyu ba 'gag med 'gro// gang la thol med ma thog rung // yang dag la zla mkha' 'gro'i tshogs/ 'byung ba ma mo mkha' 'gro yin// sa chu me rlung ma bran 'da'// spyi gzhi mkha' la kun gzhi mo// 'byung ba lnga ni ma mo yin// srid pa'i rgyal mo ma mo che// ma mo 'bum sde grangs med kyang // sman mo lnga bcu brgyad du 'dus// de yang mkha' 'gro sum cu gnyis// de las dbang phyug nyi shu brgyad// rje mo bcu bzhi yum chen drug/ mkha' 'gro/ sde bzhi srid pa'i rgyal// srid pa'i rgyal mo'i zhal mthong na// snang srid ma mo thams cad gzigs// phyi ltar ri rab gling bzhi mtshon// nang du rtsa rlung thig le 'od// sman mo lnga bcu rtsa brgyad kyang // 'khor lo rtsa mdud rnam lnga la// rtsa 'dab brgyad brgyad steng 'og gnyis// mtha' gnyis med pas lnga bcu brgyad// lus kyi 'khor lo spyi bo mkha'// gyes pa rtsa 'dab sum cu gnyis// mkha' 'gro sum cu rtsa gnyis rlung // mkha' 'gro ma yi cha 'dzin no// sgal tshigs nyi shu rtsa brgyad ni// gyes pa rtsi rlung thig le zhugs// dbang phyug nyi shu rtsa brgyad do// ma dang dza dang b+h+yo ru gnas// mgrin pa longs spyod thabs zhes bzhag/ bcu bzhi rtsa dang ma bran hUM// ye nas snying po kun skyed

  25. 407b

    byed/ rje mo bcu bzhi'i tshul du gnas// rnam shes tshogs drug rtsi tshul du// mtshan nyid 'dzin pa hUM las ma// yab la yum ni dgyes byed 'dra// dbyings kyi yum drug tshul du gnas// snying nas rtsa bzhi yig 'bru bzhi// dngas ma 'od kyi gdangs su gnas// thig le hUM las snying po ma// rlung gzhi 'od dang chas nas 'gro// snying po rang 'byung hU~M las srid// srid pa'i rgyal mo kun 'dul ma// spyi gzhi snying po hUM gi gzhi// sna tshogs chos rnams srid pa yin// zhes gsungs so// rdo rje snying po rin po che thams cad gcig pa'i rgyud las/ mkha' 'gro ma'i le'u ste nyi shu pa'o// // de nas yang dag bshad bya ba// nyon cig rdo rje drag mo khyod/ sde brgyad lha srin snying po'i rtsal// 'byung ba 'byung phran nam mkha'i glong // chos sku snying po kun gzhi la// longs sku rang 'byung 'gag med gdangs// sprul sku rang snang sna tshogs ston// thub drug srid pa'i bon chos sman// mo bzo lha srin drug tu sprul// gdul bya re re mngon rtags bstan// skul 'debs lha srin sde brgyad ni// gling bzhi ri rab rgya mtsho kun// phyi sten rang rang 'thun chos sten// brda ru phyi rabs rjes 'jug la// yang dag snying po yin phyir bstan// gdul bya phyi ltar dgye ba yin// lus dang

  26. 408a

    rnam shes don snying dang // yan lag rtsa rlung nying lag dang // nang rten rang rang chos mthun yin// ris drug thub drug lus la gnas// spyi bo rtsa gyis nye dbang lha// sum cu rtsa gnyis rgya spyi gtsug/ lha dang thub pa bsam pa ste// lus kyi ri rab rtse dang mthun// mgrin pa rtsod pa'i sgra ldan na// lha min thag bzangs bcas pa yin// snying min thag bzangs bcas pa yin// snying gi ri rab rtse bzhi gling // nga rgyal dge sdig shAkya mi// lte ba srid pa rgya mtsho na// sna tshogs byol song seng ge rta// gsang ba 'dod chags sgrib pa'i yul// 'di dag kha 'a bar chos mthun yod// yan lag dbang po smon shes la// zhe sdang rang sbyor rang sreg yul// 'dod yon chags cig tsha grang dang // rang la rang gsod glang mgo srid// lha dang klu dang gshin rje rlung // gza' dang rgyal po bdud dang btsan// srin po gnod sbyin ma mo rnams// ming dang tha snyad don du hUM// spyi gzhi snying po rang 'byung ngo // mig dang rna ba sna dang lce// lus dang yid dang rnam shes dang // kun gzhi rnam shes tshogs brgyad dang // mtshan 'dzin rang gnas de brgyad do// sten pa lus kyi spyi gzhi la// don gnyis lnga dang rtsa rlung khrag/ sde brgyad dngos por yod pa ste// mkhal ma klu yi mkhar yin te//

  27. 408b

    chu rtsa brgyad mtsho chen po'i gnas// 'tsher ba bdud kyi gnas yin te// lhag pa bdud rtsa nag po gnas// mchin pa btsan dang gshin rje'i mkhar// khrag mtsho srog pa rtsa dang 'brel// glo ba gnod sbyin ma mo'i 'khor// las rlung thugs dang 'brel ba'i rtsa// snying ni gza' dang rgyal ba'i mkhar// kun khyab rgyal po 'gyu ba'i rtsa// rgyal po dkar nag gnyis yin te// snying stod dkar mthing gnyis la gnas// snying rtse gza' yi rlung rtsar 'brel// lha dang khyab 'jug klu dang ma mo// dbang du bsdu ba shin tu gces/ lha ni dbang phyug chen po ste// 'gyu ba dbang phyug dbang du gyis// dran pas dbang du 'dus pa yin// gza' ni tshangs pa khyab 'jug ste// yid dang 'gyu ba khyab cing 'jug rang 'byung snying po ngo shes tshangs// tshangs pa'i bu ga 'byongs na 'char// klu rgyal nor bu rin chen ni// 'dod pa'i yon tan thams cad 'byung // snying po nor bu rin chen 'dra// rang 'byung 'od kyis ngo shes na// 'dod pa'i don grub rin po che// rdo rje pad+ma 'byongs na phan// gzhi la snying po hUM yin pas// srid pa'i rgyal mo ma mo'i gtso// mkha' 'gro bzhi ni rtag tu 'khor// 'khor bzhi dbang du bsdu b.ragaces// chos nyid gzhi ma snying po mkha'// nam mkha'i glog bzhin 'gyu ba 'gro// nam mkha' shugs 'gro dran pa

  28. 409a

    sogs/ 'dzin pa gzung 'dzin ting 'dzin gnas// chags pa rang 'dod nyams myong gnad// dran pa yang med spyod pa gnad// 'gyu ba rang 'byung lta stangs gnad// gnad bzhi shes pas lta sgom spyod// gzer bzhi thebs pas mkha' 'gro dbang // dbang bzhi thob pas 'phrang bzhi sol// 'phrang bzhi sol bas 'khor bzhi grol// 'khor bzhi grol bas bdud bzhi thul// bdud bzhi thul bas ye shes bzhi// ye shes rang 'byung chos kyi dbyings// srid pa'i rgyal mo'i zhal ngo gzigs// dbang phyug chen po dbang du bsdus// tshangs pa chen po'i lung ston gnad// dga' bo 'jog po'i nor bu thob// ris drug g.yang sa de ru chod// 'da' can 'phra ra de ru bsgral/ 'jigs pa'i bdud bzhi de ru choms// sde brgyad cho 'phrul de ru zad// srid pa'i bon la gyer sa med// dam pa'i chos la bshad sa med// 'tsho byed sman la bcos sa med// mthong byed mo la ltas med// so nam bzol byas med// sde brgyad 'dre yis gnod sa med// shes pa brgyad pos rtogs pa 'chang // bdag rig gzhan rig thams cad rig/ 'byung ba snying po chos las grol// ces gsungs so// snying po rdo rje rin po che thams cad gcig pa'i rgyud las/ sde brgyad rang grol gyi

  29. 409b

    le'u ste nyer gcig pa'o// // de nas yang dag bshad bya ba// nyon cig rdo rje drag po khyod// nga yi gdams pa'i chos rgyud 'di// 'byung ba'i rgyal po nam mkha' 'dra// rgya chang phyogs su lhung ba med// rgya mtsho chen po'i dpe dang 'dra// zab pa gting thag chod pa med// za 'og ber khyim phub pa 'dra// gcig la ma 'dres kun ka gsal// med par sna tshogs ston par byed// nor bu rin chen 'chang ba 'dra// thams cad mi 'byung gang yang med// rin chen gser gyi gzugs dang 'dra// gzhi la 'gyur med sna tshogs gzugs// rin chen gling du phyin pa 'dra// bor du rung ba gang yang med// 'phrul gyi me long g.ya' dag 'dra// yod dang med pa snga phyi gsal// ga pur tsan dan dug dang 'dra// mkhas na sman te ma rig dug/ brda rtags sgra don rnam bzhi yis// chos nyid shig thog mdzub bzhag 'dra// gcig par bstan pa'i gdams ngag 'di ta zangs kyi sbubs su chu btsud 'dra// gshor gyi nang du rlung btsud 'dra// zigs pa bzhin du gcig stengs gcig/ bya brgya thal mo gcig gis 'phur// rol brgya shal ba gcig gis subs// brgyad khri bzhi stong chos nyid gcig/ gcig tu bstan gyis legs par rtogs// gcig par bstan pa'i gsang rgyud 'di// chos can thams

  30. 410a

    cad chos nyid gcig/ gcig po 'khor 'das snying po gcig/ snying po khyab chos rgyud du zung // dpa' bo gcig pa rdo rje hUM// gcig po 'gyur myed thams cad 'joms// rdo rje gcig po'i rgyud du zung // gcig ni sna tshogs kun gyi gzhi// snying po kun 'byung rin po che// rin chen rang 'byung rgyud du zung // 'jug sgo theg ba bsam 'das kyang // snying po chos med chos nyid gcig/ thams cad hUM la bsdus pas na// 'thor ba bsdus pa'i rgyud du zung // sangs rgyas thams cad 'dus pa gcig/ dgongs pa gcig pa'i rgyud du zung // de yi dgongs pa de la bstan// dgongs pa gcig pa'i rgyud du zung // de yi dgongs pa de la bstan// dgongs pa rgyad pa'i rgyud du zung // de yis lung blangs de dang ldan// lung blangs zab mo'i rgyud du zung // tshegs chung bas ni don gcig bstan// man ngag zab mo'i rgyud du zung // de la de bsten de yang thob// thob pa gcig pa'i rgyud du zung // gnas kyi dang po 'og min du// mkha' 'gro drag mo khyod kyis zhus// ma rgyud mo yi rgyud du zung // thams cad snying po ma la gcig/ thams cad gcig pa'i rgyud du zung // zhes gsungs so// snying po rdo rje rin po che thams cad gcig pa'i rgyud las/ dpe dang rgyud kyi don mtshan du bkrol ba'i le'u ste nyer gnyis pa'o// /

  31. 410b

    / de nas yang dag bshad bya ba// nyon cig mkha' 'gro ma tshogs khyed// byin gyis brlabs pas rgyud 'di zung // phyi rabs rnal 'byor las can la/ snying po don gyi tshigs rgyud 'di// pha rol phyin drug snying por bstan// snying po don shes rab shes mchog/ shes rab pha rol phyin par smos// de yi don la yengs pa med// bsam gtan pha rol phyin par smos// rnal 'byor snying po'i tshul dang ldan// tshul khrims pha rol phyin par smos// de rtogs bde sdug gang yang bzod// bzod pa'i pha rol phyin par smos// snying po zab mo de sbyin pa// sbyin pa'i pha rol phyin par smos// don la gzhan don do la brtson// brtson 'grus pha rol phyin par smos// pha rol phyin pa'i don bsdus pas// yi ge gcig pa'i mdo gsum bstan// de ltar 'di ltar gcig pa'i sgor// thams cad rig pa'i don brgyud 'di// rdo rje drag mo khyod la gtad// khyod kyang mkha' 'gro rigs la gtod// rgyal po'i sras mo las rung gyis// der gtad nga yi tshad dang 'phrad// rdo rje 'chang ba tha ma des// las 'phro gcig pa'i mkha' 'gro gcig/ bod yul mun pa'i rgyal khams su// gtod du 'gro bar the tsom med// de nas rim par rgyud byas nas// lnga brgya dus la nye ba na// thos cung shes rab can dang ni// thos pa

  32. 411a

    rdzogs pas spyod par nges// gzhan dag smos skur sgrib pa sogs// 'di shes dus su gsangs la spyad// ces gsungs nas/ ston pa nyid mya ngan las 'das so// rdo rje drag mo dang / rin chen drag mo dang / pad+ma drag mo dang / las kyi drag mo dang / bud d+ha drag mo la sogs pa mkha' 'gro ma rnams rjes su yi rang nas/ mngon par bsdus te mngon par bstod pa/ ston pa'i ston pa rdo rje 'chang // snying po chos min chos kyi sku// byin rlabs 'gag med sku gnyis 'byung // rdo rje 'chang la phyag 'tshal bstod// ces bstod de/ mkha' 'gro ma'i rang skad la phyag 'tshal lnga yis brgyan te/ don dril nas sgra'i mchod pa phul lo// kun tu mi spel bar mkha' 'gro ma rang glus nas bskyal lo// rdo rje drag mo khu sdud kyi bdag mos sna med do// snying po rdo rje rin po che thams cad gcig pa'i rgyud las/ yongs su gtad pa'i le'u ste nye re gsum pa'o// // rdzogs so// // rdo rje drag mos sras mo 'gog ma de byil gnang / des pad+ma la'o// des rje 'bangs grogs gsum la gnang ngo // rgya rgya rgya// rgya gar skad du/ badz+ra DA ki ni dud lai ma hA tan tra nA ma/ bod