'phags pa don dam pa'i chos kyis rnam par rgyal ba zhes bya ba theg pa chen po'i mdo
Aryaparamarthadharmabijayanamamahayānasutra
Text
ff. 324a–337a · 27 folio sides
- 324a
sbyin par mnyam// mtshungs par byang chub 'tshang yang rgya// bde bar gshegs pa'i las bzung ste/ ngan par 'gro ba'i lam yang bcad/ mya ngan 'das par 'gro ba'i lam// de yang de la mi dkon no// sangs rgyas tshul khrims dam pa dang // sangs rgyas ting nge 'dzin mchog gyis// de phyir mchog la dad byas nas/ de bzhin gshegs pa mchog tu 'gyur// mchod pa dam pa byas nas ni/ myur du mchog tu 'gyur ba yin/ chos kyi dam pa ston mdzad pa// rdzogs pa'i sangs rgyas mchog tu 'gyur// mi gang mkhas pa sang+yas kyi// chos la ston par 'dod pa de// mos pa drag po skyed par bya// mang du thos nas tshul bzhin 'khor los sgyur ba'i rgyal po dang // tshangs pa dbang byed gyur nas ni// yon tan mang ba'i 'gyur gnas dang // mya ngan las 'das nges par 'gyur// de'i tshe bcom ldan 'das kyis tshe dang ldan pa sha ri'i bul dka' stsal pa/ sha ri'i bu de bas na rigs kyi bu 'am rigs kyi bu mo theg pa chen po la yang dag par zhugs pa// bla na med pa yang dag par rdzogs byang chub tu mngon par rdzogs par 'tshang rgya bar 'dod pa dag gis/ byang chub sems dpa'i sde snod chos kyi rnam grangs 'di la drag po bskyed de// shin tu mthun par/ bya bla dag bya bzung bar bya klag par bya kun chub par bya gzhan dag la brjod par bya/ gzhan dag la rgya cher yang dag par rab tu bstan par bya'o// de ci'i phyir zhe na/
- 324b
byang chub sems dpa'i sde snod kyi chos kyi rnams grangs shin tu mnyan tam blangs sam bzung ngam kun chub par byas sam gzhan dag la brjod dam/ gzhan dag la rgya cher yang dag par rab tu bstan na/ dkon mchog gsum po dag kyi rgyun mi 'chad par bya ba'i phyir zhugs pa yin no// tshad med pa bzhi po dag dang mi 'bral ba yin no// tu phyin pa drug po dag la brtson pa yin no// 'du ba'i dngos pa bzhi dog gyis sems can rnams bsdud par mthong ba yin no// sha ri'i bu gang byang chub sems dpa' sde snod kyi rnam grangs 'di ni byang chub kyi lam yin no// de ci'i phyir zhes na/ bla na med pa yang dag par rdzogs pa'i byang chub ni byang chub sems dpa'i sde snod kyi chos kyi rnam grangs dang 'bral to// sha ri'i bu byang chub sems dpa'i rnams kyi nor ni byang chub sems dpa'i sde snod kyi chos kyi rnam grangs kyi nang du brubs so// sha ri'i bu ngas byang byang chub sems dpa'i sde snod kyi rnam grangs 'di la bslabs nas dbul lo shin tu chad pa rjes su thob bo// pha rol tu phyin pa thams cad kyi pha rol tu phyin pa yang rjes thob bo// pha rol tu phyin pa thams cad pha rol tu phyin pa dag gang zhe na/ gang bla na med pa yang dag par rdzogs pa'i byang chub kyi pha rol tu phyin pa ni/ de bzhin gshegs pa/ pha rol tu phyin pa thams cad la nges par byas pa/ de bzhin gshegs pa'i mdzad rgyun chad pa/ rnam pa thams cad kyis tshad med pa'i rjes su thob pa zhe na gshegs pa
- 325a
@#dpag tu med pa rjes su thob pa pha rol tu phyin pa thams cad rjes su thob pa pha rol tu phyin pa thams cad la shin tu gnas pa'o// de nas bcom ldan 'das/ kyis de'i tshe tshig su bcad pa 'di gnyis gsungs so// las kyis las dang rnam smin gyis/ rnam par smin pa shes par bya// las smin rnam smin ma yin gang / de bde de ni mya ngan 'das gang la shes pa med pa'i/ 'das byas thams cad sdug bsngal te/ de'i phyir shes pa skyes nas ni// 'das byas kun las rnam par grol// bcom ldan 'das gyes/ shing de skad ces dka' stsal to// tshe dang ldan sha ri'i bu dang dge slong degra dang / lha dang mi dang lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// / 'phags pa byang chub sems dpa'i sde snod ces bya ba'i chos kyi rnam grangs// thegs pa chen po'i mdol/ rdzogs s+ho// / rgya gar skad du/ ar+ya ba ra ma rA d+harma bi dza ya na ma ma ha yA na su tra/ bod skad du/ 'phags pa don dam pa'i chos kyis rnam par rgyal ba zhes bya ba theg pa chen po'i mdo// bam po gcig go// sangs rgyas dang / byang chub sems dpa' thams cad la phyag 'tshal 'tshal lo// 'di skad bdag gis thos pa dus gcig na/ bcom ldan 'das mngon par rdzogs par sangs rgyas nas/ ring por ma lags pa ga ya'i ri la dge slong mngon par zhugs pa/ mngon par zhugs pa rnams dang / byang
- 325b
chub sems dpa' bye ba phrag dgu bcu rtsa dgu dang / thams gcig tu bzhugs te/ lha bye ba phrag nyi shu rtsa brgyad dang / dge slong dang / dge slong ma dang / dge snyen dang / dge snya ma brgyad khri drug stong dang / rgyad drug khri dang / gcer bu pa bye ba phrag bcu gnyis dang / drang srong chen po mngon par shes pa lnga dang ldan pa/ gdung ba lngas la/ lag tshig pa lnga brgyad yan lag dkar ba sha med cing / rus 'go pags kyis g.yogs pa/ lto zhar zhing skra'i khur khyer ba/ lus dgu pa/ g.yas gzhi dang / shing shun gon pa/ lag na rin po che thogs pa brgyad khri bzhi stong dang yang thabs gcig go// rgal bar 'dus pa rnams dang thabs gcig go/ de nas bcom ldan 'das ri nag po rnams kyi nang na/ ri'i rgyal po ri rab ltar/ drang srong rnams kyi nang na lam me/ lhan ne lhang nge ste/ lug rnams kyi nang na/ glang po che'i rgyal po mche ba drug pa 'dra la/ srin bu me khyer gyi drung na nyi zla dang mtshungs shing / rdza ka'i me tog gyi nas na/ man da ra ba'i yal ga dong 'dra ba/ nam mkha' lding gi rgyal po bya rog gis bskor ba dang 'dra bar bcom ldan 'das drang srong rnams kyi nang na nyis 'gyur du mdzes so// de nas bcom ldan 'das rin po che gtong ba zhes bya ba'i ting nge 'dzin la snyoms par zhugs te/ rdzu 'phrul gyi cho 'phrul dpag tu med par mdzad cing / gro g.yas g.yon gnyis nas 'od gaper phyung ste/ de bzhin gshegs pa bye ba dpag tu med pa phyung / byang chub rtsom
- 326a
dpa'abye ba dag tu med pa dang / brgya byin dang / tshangs pa dang / 'jig rten skyong ba dpag tu med pa phyung / dgra bcom pa brgya stong dpag tu med pa bya ba dag slong dang / dge slong ma dang / dge bsnyen dang / dge bsnyen ma brgya stong dpag tu med pa phyud/ 'khor los sgyur ba dang / stobs kyi 'khor los sgyur ba/ khams kyi rgyal po dang / rigs sngags 'chang dpag tu med pa phyung / rgya dang ri brags pa dang / 'gro lding ba dang / lho phyogs pa dang / nags khrod pa dpag tu med pa phyung rgyal rigs shing sa la chen po lta bu dang / bram ze dang / khyim bdag shing sa la chen po lta bu dang / mi gzugs dang / cha byad dang / mdog dang / sba ba'i skad sna tshogs pa ji snyed pa dang / lha'i ris ji snyed pa de dag thams cad de bzhin gshegs pa'i sku las byung ngo // de nas 'khor chen po de the tsom du gyur nas/ phan tshun gdong du lta'o// byang chub sems dpa' rnams rab tu dga' ste/ rin po che'i char 'bebs pa nas/ rgyan thams cad kyi bar gyi char 'bebs so// de nas bcom ldan 'das rin po che gtong ba'i ting nge 'dzin las bzhengs te/ seng ge bsgyings par phyogs bcur rnam par gzigs so// bcom ldan 'das kyis phyogs bcur rnam par gzigs ma thag tu/ de nas phyogs bcu'i sas rgyas kyi zhing dag nas/ sangs rgyas bcom ldan 'das ji snyed sangs rgyas kyi spyan la/ snang ba de dag thams cad lag 'thil du bzhag pa de bzhin du mi mjed kyi 'jig rten
- 326b
gyi khams su kun tu snang ngo // de bzhin gshegs pa thams cad kyis kyang / bcom ldan 'das shig kya thub pas/ ji ltar phyung ba de 'dra ba'i rdzu 'phrul gyi cho 'phrul/ phyang ste/ de bzhin gshegs pa rnams kyis sprul pa phyung ba ji snyed pa/ de dag thams cad kyang bcom ldan 'das ga la pa de/ legs su dong ste phyin nas/ bcom ldan 'das kyi 'khor gyi nang du 'dug par gyur to// byang chub sems dpa' dpag tu med pa dag kyang / dge slong dang / dge slong ma dang / dge bsnyen dang / dge bsnyen ma gas ga'i bye ma snyed dag dang / lhan cig tu de bzhin gshegs pa la mchod pa chen po dpe med pa thogs te 'dir lhags so// de bzhin du lce dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang mi ma yin padu ma de dag kyang / bcom ldan 'das kyi rdzu 'phrul gyi cho 'phrul de mthong nas/ bcom ldan 'das ga la ba der dong ngo // de nas gang dag phyogs bcu nas lhags pa'i byang chub sems dpa' de dag gis mchod pa bla na med pas// bcom ldan 'das bsnyen bkur byas te/ pha rol tu phyin pa drug gis yongasu bsgrubs pa/ stan dag la 'khod do// mi dang mi ma yin pa'i bar du yang ci rigs pa'i stan dag la 'khod do// gang dag bcom ldan 'das kyis sprul pa phyung ba/ de dag kyang mnar med pa lan cad 'og min gyi gnas man cad du mngon par byung ste/ yang sngar la
- 327a
go/ phyogs bcu'i sangs rgyas rnams kyis sprul pa phyung ba/ ji snyed pa de dag thams cad ni bcom ldan 'das shAkya thub pa'i sgra'i khung bu thams cad du nub bo// gang dag bcom ldan 'das kyis sprul pa phyung ba de dag ni/ sangs rgyas thams cad kyi sku rnams su nub bo// de nas byang chub sems dpa' sems dpa' chen po rgyal ba'i phung po zhes bya ba stan las langs te/ gos phrag pa gcag tu bzang nas/ pus mo g.yas pa'i lha nga sa la btsugs te/ bcom ldan 'das ge la ba da logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do// kye ma mi dag gi ni 'dren pa yis/ sngon chad ma byung mdzad pa sna tshogs 'di// skye dgu kun la myur du kun/ bstan pa de yis bdud sde thams cad mog mog bgyis// phan tshun dag tu tshig tu spa bgyid pa// kye ma'o shin tu ngo mtshar che zhes mchi// bdag cag ci zhig phyir ni 'dir lhags ke/ bdag cag bcom mo bdag cag bcom zhes mchi// dka' thub can bdag dka' thub can mi 'gyur// nyam chu lus la lags pa tsam zhig las// bdag 'khogs bdag bskams bde ba rnams las nyams// bdag cag rdzu 'phrul thob par gyur pa yin// yi ge ma mchis rdzu 'phru gsung rnams kyis// bstan pa'i dgra rnams mog mog gyur par mdzad// bstan pa'i 'dren pa khyod kyis de ring ni// sangs rgyas sras rnams dus ston chen po mdzad//
- 327b
'khor 'di thams cad the tsom 'tshal bar 'gyur// dga' ba skyes shing sems kyang rab dka' ste// gang zhig gnas na lha tshogs bdag cag kyang / 'jig rten 'gon pa sangs rgyas gyur du mchi/ 'jan dbyangs sangs rgyas mang po bsnyen bkun bgyis// sangs rgyas sras po mtha' yas rnams kyis bskor// 'jam pa'i dbyangs ni 'khor gyi nang na mchis// chos 'phrul rnam par phye ste bstan du gsol// 'di dag chos ni gang gi ltas shig lags// thub pa chos ni gang zhig gsung bar bzhed// 'khor 'di tham cad 'gyod cing mchis lags na// sems can thugs brtse slad du bdag la gsungs/ de nas sangs rgyas kyi byin gyi rlabs kyis 'khor de'i nang nas// drang srong chen po me sgron zhes bya ba gcig gis/ byang chub sems dpa' rgyal ba'i phung po la 'di skad ces smras so// kye gzhon nu re shig/ khor pos dri ba dri bar bya'o// gal te kho bo dri ba khong du chud par byed na ni/ de thams cad mkhyen pa zhes bya ba'i ming dang yang 'thun no// 'on te sred med kyi bu dang dbang phyug chen pos phyung ba'i 'gro lding ba rnams kyis sprul pa byed du zin na ni/ 'dir ngo mtshar yang mi che ste/ skyes bu ngan pa dang / sgyu ma mkhyen rnams kyis 'di grub bo// de nas bcom ldan 'das kye 'dzum pa'i zhal gyis drang srong gi tshogs la kun tu gzigs nas/ drang srong chen po e sgron la 'di skad ces bka' stsal to// tshe dang ldan pa drang srong chen po ci
- 328a
nus kyis/ dri ba dris shig dang / rnam par sbyang par bya'o// de nas bcom ldan 'das la drang srong chen po me sgron gyis 'di skad ces gsol/ to// kye go'u te ma sems can gyi skye ba gang nas byung / ci'i slad du bskal pas bsreg par 'gyur/ sems can rnams gnas gang du 'du bar 'gyur/ nang na sem can phra ba khru gang tsam 'am/ mtho gang tsam 'am/ 'dzub mo tsam 'am/ 'the bo tsam 'am/ nas dang / gro dang / mon sran sde'u dang / mon sran gre'u dang / til dang / yungs 'bru tsam 'am/ sems can ji tsam zhig nang na mchis bka' stsol cig/ de nas bcom ldan 'das kyis drang srong chen po me smon la drang srong chen po legs so legs so zhes bya ba byin no// drang srong chen po che bskal pa drug cu pa'i dri ba 'di ni mthun pa'o// de nas drang srong chen po rnams ngo mtshar du gyur te/ drang srong chen po me sgron gyi tshe'i tshad ni ma brjod par bdag cag gnas pa rnams kyis kyang ma shes na/ 'dis ji ltar yongs su shes snyam mo// bcom ldan 'das kyis bka' stsal pa/ srong chen po// de'i phyir legs par rab tu nyon la yid la zung shig dang bshad do// drang srong chen po gang nga la sems can gyi skye ba gang nas byung zhes smras pa de ni yi ges brjod pa ma yin pa'o// sems can zhes bya ba ni ma rig pa'i rkyen nas/ skye ba dang / rga sha'i bar du 'byung ba'o// drang srong chen/
- 328b
chen po'i yid rgyu rkyen las sems can skye ste rgyu rkyen ne ma'o// drang srong chen po yang pha ma 'grogs pa ni de'i rgyu'o// gang gi tshe yongs su rtog pas bslab ba'i las kyi rlung rnams kyis bud med kyi grong du 'jug pa de ni de'i rgyan to// drang srong chen po yang sdug bsngal 'phags pa'i bden pa dang / sdug bsngal 'gog pa dang / sdug bsngal 'gog par 'gro bar 'gro ba'i lam 'phags pa'i bden pa ni sems can no// nye bar len pa'i phung po lnga dang / khams bco brgyad ni sems can no// drang chen po sems can yang gzhan la las gzhan ma yin/ las kyang gzhan la sems can yang gzhan ma yin no// drang srong chen po sos can gyi 'grib pa ma yin 'phe kha ma yin no// drang srong chen pos gsol pa/ kye go'u ta ma gal te/ sems can la 'grib pa ma mchis/ 'phel ba ma mchis na/ ci'i slad du sems can tI'i skye gnas nas/ shi 'phos te dbang sgyur du 'gyur/ bcom ldan 'das kyis bka' stsal ga drang srong chen po de ni ji skad sbas pa de bzhin du yin no// gal te dbang sbyar dbang sgyur yin du zin na ni/ dbang med par 'chi ba'i mi rigs so// drang srong chen po gang rang gi lus kyi gtso bo ma yin pa de ji ltar dbang sgyur ba 'gyur/ drang sring chen pa 'di lnga ste dper na/ srin bu me khyer 'di snyam du/ bdag gi 'jas du gling snang bar bya'o snyam du sems pa'i rkyen gyis/ srin bu mi khyer gyis 'das sa
- 329a
gleng snang bar byed dam/ sems mdul ba ni dbang sgyur yang dag pa ma yin no// drang srong chen po yang gal te dbang sgyur nyon mongs pa 'bri bar gyur na na/ khyi la nyon mongs pa shas che bar 'gyur ro// gang gi tshe dbang sgyur dang / nyon mongs pa dag khyi la yang yod cing / dbang sgyur la yang yod pa de'i tshe/ sems can la 'a pa yang mi dmigs/ 'phel ba yang me dmigs so// drang srong chen pos gsol pa/ go'u ta mas nyon mongs pa'i 'grib par mdzad dam/ bcom ldan 'das kyis bka' stsa pa/ drang srong chen po ngas phyin ci log dag bzlog pa yang med/ 'grib par byas pa yang med do// drang srong chen pos gsol pa/ gal te de lta na khyod kyang dbang sgyur ma la so// bcom ldan 'das kyis bka' stsal pa/ drang song chen po de de bzhin te/ ma byung ba'i phyir nga yang dbang sgyur ba ma yin no// drang srong chen pos gsol pa/ go'u ta ma dka' mched 'di re shig zhog/ go'u ta me'i sras kyis pha ma 'grogs pa las/ sems can skye'o zhes gsungs na/ sems can mang du 'grogs pa las/ sems can skye ba nyung bar 'gyur ba 'di ji lta bu/ bcom ldan 'das kyis bka' stsal pa/ khyod la dpe bstan par bya'o// drang srong chen po 'di lta ste/ dper na/ sa bon gcig las shing skye bar 'gyur te/ 'bras bu gcig las kyang 'bras bu mthar yas par 'gyur ro// de la res 'ga' ni gcig sa bon gyi ngas su 'gyur gyi/ lhag mas ngan gyi'os su me
- 329b
ba de ji la bu/ drang srong chen pos gsol pa/ kye go'u tam rlung dang nyi mas shing thog rnams ma rung bar bgyis sa// bcom ldan 'das kyis bka' stsal pa/ drang srong chen/ po de de bzhin te/ las kyi rlung gis kyang sems can gyi 'bras bu rnams ma rung bar byas so// drang srong chen po kha cig ni mngal na gnas pa nyid kyi tshe/ srin bu rnams kyis zos so// kha cig ni las kyi rlung rnams kyis phye mar byas so// drang sro chen po shing gi nyes pa ni nyung ngo // sems can gyi nyes pa ni yang ngo // drang srong chen po yang sems can gyi khams ni yongs su rtog pas/ kun nas bslang ba ste/ drang srong chen po sems can rnams kyi sems dang / sems las byung ba 'jug pa ji snyed du srid pa la dmigs/ te/ drang srong chen po de'i phyir/ sems can gyi khams ni yongs su rtog pas kun nas bslang ngo zhes nga smra'o// drang srong chen pos gsol pa/ kye go'u ta ma de de bzhin te/ zhu ba brjod pa 'di ni rnam par dag go/ ci'i slad du/ bskal pas sreg par 'gyur ba bka' stsol cig/ bcom ldan 'das kyi bka' stsal pa/ drang srong chen po chos kyi dbyings 'dus ma byas pa'i phyir bskal pas sreg par 'gyur ro// drang srong chen po gal te bskal pas sreg par mi 'gyur na/ chos kyi dbyings gnyis su 'gyur te/ la la mi rtag pa la la la rtag par 'gyur ro// de'i tshe de bzhin gshegs pa bden pa sba bar mi 'gyur ro// drang srong chen po gang gis phyir 'di thams cad rtag pa ma yin/ brtan pa ma yin/ dbus
- 330a
phyin gnas pa ma yin pa de'i tshe/ de bzhin gshegs pa thams cad mkhyen pa zhes bya ba'i ming thob bo// drang srong chen pos bram ze'i khye'u la smras pa/ 'di thams cad mkhyen mtshan gsol ba ni 'thun no// bcom ldan 'das kyis bka' stsal pa/ drang srong chen po gal te bskal pas bsregs par ma gyur na/ 'di ni dus ngan pa/ zhes bya bar dus tha dad pa med par 'gyur ro// drang srong chen po gal te yang bskal pas sreg par ma gyur na/ legs par byas pa dang / nyes par byas pa'i las rnam pa tha dad pa med par 'gyur ro// drang srong chen po yang 'di lta ste/ bskal pas sreg pa 'di ni de bzhin gshegs pa rnams kyi thabs mkhas pa ste/ drang srong chen po sems can ji snyed bskal pas bsreg par gyur pa mthong nas/ dad par 'gyur ba'i sems can de snyed kyis/ de bzhin gshegs pas bsdu ba'i dngos pos sdud par 'gyur ro// drang srong chen po 'di lta ste dper na/ kha chu ldag pa'i sbrul ni mig shes kyang rngub po// rna ba dang sna dang kha'i sgo nas kyang rngub bo// drang srong chen po de bzhin gshegs pa la yang de ltar blta ste/ sbyin pas kyang sdud/ don mthun pas kyang sdud do// drang srong chen po 'di lta ste dper na/ gser la gnod par bya ba'i phyir mer 'jug pa ma min gyi/ gser dul ba ma yin pa 'di ji ltar na/ dul mar gyur snyan nas/ de'i phyir mer 'jug ste/ shin tu bsregs pa'i phyir rin po che'i 'os su 'gyur ro// rin po che
- 330b
ces smras na/ de'i rin rin tang med par 'gyur te/ drang srong chen po de'i phyir gser bsdung ba dang / bsregs pas rnam par sbyong ngo // drang srong chen po de bzhin du/ sangs rgyas bcom ldan 'das rnams kyang / rgyu med par bsreg pa'i bskal pa mi 'byin te/ 'dir sems can gang la yang gnod par mi 'gyur ro// de nas bcom ldan 'das la drang srong chen po me sgron gyis 'di skad ces gsol to// bskal pas sreg pa'i me phyung yang / sems can gang la yang gnod par mi 'gyur ba ni ngo mtshar to// bcom ldan 'das kyis bka' stsal pa/ drang srong chen po de bzhin gshegs pa rnams ni sems can gang la yang gnod pa mi mdzad do// drang srong chen po 'di lta ste dper na/ phyogs bcu rnams su char phra mo'i rgyun 'bab pa de bas ni drang srong chen po de bzhin gshegs pa rnams dang / sa bcu la gnas pa'i byang chub sems dpa' rnams nye bar gnas/ te/ rang gi lag gis sems can thar par byed pa ches mang ngo // drang srong chen po de'i tshe sems can de dag gis de bzhin gshegs pa dang / byang chub sems dpa' de dag gi gzugs kyang mthong / kha dog mdzes pa yang mthong / bskal pas bsreg pa'i 'jigs pa las/ bdag nyid sgrol bar yang mthong nas dga' ba dang / mchog tu dga' ba skyes te/ 'di skad ces bka' cag kyang 'di ltar sgrol ba por gyur cig/ bdag cag kyang 'di ltar gzugs mnges par gyur cig/ bdag cag kyang 'di ltar kha dog mdzes par gyur
- 331a
cig ces 'dzeg to// kha cig ni yid byung nas sems rnam par grol te/ rgyun tu zhugs pa'i 'bras bu mngon sum du byed cig/ kha cig ni phyir 'ong ba'i 'bras// bu dang / phyir mi 'ong ba'i 'bras bu mngon sum du byed/ kha cig ni dgra bcom pa nyid/ kha cig ni rang byang chub/ kha cig ni mi skye ba'i chos la bzod pa rab tu thob/ kha cig ni phyir mi ldog pa'i sa non/ kha cig ni rgyal chen bzhi'i ris kyi lha rnaMs kyi nang du skye/ kha cig ni sum cu rtsa gsum du/ kha cig ni mche mar/ kha cig ni dga' ldan du/ kha cig ni 'phrul dgar/ kha cig ni gzhan 'phrul dbang byed kyi lha rnams kyi nangad kyi nang du skye'o// drang srong chen po rnam grangs 'di lta bur/ 'og min gyi bar gyi lha rnams kyi nang du skye'o// de bzhin du 'khor los sgyur ba'i rnams dang / stobs kyi 'khor los sgyur ba rnams dang / khams kyi rgyal po rnams su 'gyur te/ drang srong chen po rgyal rigs dang / bram ze dang / khyim bdag rnams kyi nang du 'gyur ro// drang srong chen po rnam grangs 'di lta bus/ de bzhin gshegs pa'i gzugs kyi sku mthong zhing / bdag nyid kyang rgyal po chen po las grol bar mthong nas/ de bzhin gshegs pa la byas pa bzo zhing byas pa shes par 'gyur ro// de bzhin gshegs pa las chos nyid thos nas/ bslab pa'i gnas rnams la bag byed par 'gyur ro// thabs 'dis na ngan song du 'gro bar mi 'gyur ro// drang srong chen po yang sa bcu la gnas pa'i byang chub sems dpa' rnams kyi mig la/ sa'i khams ji snyed
- 331b
snang bar 'gyur ba de bas ni sems can gyi khams gang 'khor ba la skyon chags par shes nas/ phung po ma lus pa'i mya ngan las 'das pa'i dbyings su yongs su mya ngan las 'ad/ bar byed pa ches mang ste/ drang srong chen po de'i phyir bskal pas sreg par 'gyur ro// de nas drang srong chen po med sgron gyis rang gi yid kyis rnam par dpyad nas tshig tu smras pa/ kye ma'o gang bdag la drang srong chen po zhes 'bod pa/ shAkya'i sras ni 'di ba nyid ni rgya che'o// bdag gis 'di la bgams pas kyang cho ga ste/ 'di ni thabs cad mkhyen par mngon gyis/ bdag gis kyang 'di la yang dag pa'i ming gis bod par bya'o zhes nga smra'o// de nas bcom ldan 'das la drang srong chen po sngon gyis 'di skad ces gsol to// / yon tan gyi 'byung gnas su gyur cing mkhyen pa dpag tu ma mchis pas/ thams cad mkhyen pa zhes mtshan gsol pa/ sems can gnas gang du 'du bar 'gyur ba/ bdag la bka' stsol cig/ bcom ldan 'das kyi bka' stsal pa/ drang srong chen po gnas med pa la/ sems can 'du bar 'gyur ro// mnyam pa nyid la sems can 'du bar 'gyuro// drang srong chen po theg pa gcig gis 'byung ba la sems can 'du bar 'gyur ro// byang chub sems kyi snying po la sems can 'du bar 'gyur ro// drang srong chen po phung po ma lus pa'i mya ngan las 'das pa'i dbyings su sems can 'du bar 'gyur ro// drang srod chen po 'di la ste dper na/ chu chung ba dang pa dang / krung zan dang / klung chen po dag/
- 332a
kyang rgya mtsho chen por 'bab nas ro gcig par 'gyur ro// drang srong chen po de bzhin du sems can gyi khams ji snyed zag pa zad par byed pa de dag thams cad rnam par grol ba'i ngang du gyur pas 'du bar 'gyur ro// drang srong chen po 'khor bar 'du bas/ sems can 'du bar 'gyur ba ni 'du ba ma yin no// zhes nga sba'o// drang sro chen po 'di lta ste dper na rlung gis bdas nas/ phye ma leb phyi phye zha la 'du bar 'gyur te/ rlung med na so sor 'gyes so// drang srong chen po de bzhin du sems can dmyal bar 'gro bar 'gyur bar phan tshun las 'brel ba'i sems can gyi khams de dag kyang der 'du bar 'gyur ro// drang srong chen po rnam grangs 'di lta bur/ phan tshun las kyis 'bre ba dag yi dgas su skye bar 'gyur/ dud 'gror skye bar 'gyur te/ ded dag tu 'du bar 'gyur ro// drang srong chen po lha dang mi rnamasu de dag 'du bar 'gyur ro// drang srong chen pos gsol pa/ thams cad zil gyis gnon pa/ thams cad mkhyen pa mir skyes pa 'di sems can che ge mo zhes bgyi ba zhig dang 'dus par gyur to// dud 'gror skyes pa 'di zhes bgyi nas/ yi dgas su skyes pa 'di 'dus par gyur to zhes bgyi ba'i bar du ji ltar 'tshal bar bgyi ba bka' stsal cig/ bcom ldan 'das kyis bka' stsal pa/ drang srong chen po sems can gang zhig sems can gang dang lhan gcig tu sems can dmyal bar skyes nas 'dus par gyur pa des/ de mthong na yid mi bde bar 'gyur ba de nye/
- 332b
sdang bar yang 'gyur/ des de mthong ba nas gal te na de klad pa na bar 'gyur/ bshang ba 'am gci ba 'byung bar yang 'gyur te/ drang srong chen po 'di ni sems can dpya/ ba'i skyes pa rnams kyi 'du ba'i mtshan nyid do// gang la la de ltar gyur pa des kyang / bdag dang 'di lhan cig tu sems can dmyal ba rnams na/ gnas gnas par mngon zhes de ltar khong du chud par bya'o// drang srong chen pos gsol ba/ rigs gsol bar mdzad pa/ thams cad mkhyen pa/ dud 'gro ba dang lhan cig gnas gnas pa rnams kyi mtshan mar 'gyur ji lta bu lags/ bcom ldan 'das kyi bka' stsal pa/ mir skyes pa'i sems can rnams gang gi tshe/ phan tshun mthong ba na/ 'khon du mdud par 'dzin cing / 'di las bdag gi skyon ji ltar rnyed snyam du/ skyon tshol ba 'di ni drang srong chen po dud 'gror skyes pa'i sems can rnams kyi 'du ba'i mtshan nyid de/ bdag dang 'di lhan cig tu drud 'gro' ning na gnas gnas par mngon no zhes de ltar shes par bya'o// drang srong chen po yi dgas su skyes pa rnams ni/ dri nga ba 'dod cing kha zas la shin tu sred par 'gyur ro// pha rol la sbyin par bsams kyang chags pa skye bar 'gyur ro// gang dang de'i yi dgas su skyes nas/ lhan cig 'dus par gyur pa de'i dbang phyug mthong nas/ zag dog skye bar 'gyur/ gzhan gyi nor la 'dod par 'gyur te/ 'di ni yi dgas su skyes pa rnams kyi skyes pa nas/
- 333a
kyi 'du ba'i mtshan nyid do// de la bdag dang 'di lhan cig tu yi dgas kyi nang na gnas gnas par mngon no zhes de ltar shes par bya'o// drang srong nas chen po ser skyes pa gang la la zhig tshe babal rabs gzhan dag na 'dus par gyur pa ni des de mthong na/ 'dod chags kyi sems skye bar 'gyur te/ drang chu chen po 'di ni myir skyes pa'i sems can rnams kyi 'du ba'i mtshan nyid do// de la bdag dang mi rnams kyi nang na gnas gnas par mngon no zhes de ltar shes par bya'o// drang srong chen pos pa/ bcom ldan 'das gang dag lhar skyes te/ 'dus par gyur pa las/ mir skyes pa de dag gi ji lta bu lags/ bcom ldan/ 'das kyis bka' stsal pa/ drang srong chen po gang dag lhar skyes te/ 'dus par gyur pa de dag ni/ phan tshun mthong na lta ba la 'jug par 'gyur te des na/ bdag dang 'di ltar skyes te/ lhan cig 'dus par gyur to zhes shes par bya'o// drang srong chen po rnam pa de lta bu dag tu sems can 'du bar 'gyur ro// de/ nas drang srong chen po so sngon dga' mgu ste/ yid rang nas bcom ldan 'das la 'di skad ces gsol to// bcom ldan 'das gang dag thams cad pa nyid du smon par mi bgyid pa'i sems can de dag ni bslus pa'o zhes bdag 'chad do// de nas yang bcom ldan 'das kyis drang srong chen po me smon la 'di skad
- 333b
ces bka' stsal to// drang srong chen po nang na/ sems can zhes bya ba phra ba ji tsam cig yod ces nga la de skad zer ba ni/ drang stong chen po gang sems can du dpag/ pa de dag sems can phra mor rnam par 'byed do// drang srong chen po 'di lta ste dper na/ la la zhig gis dmus long zhig la 'di skad du skye bu kha dong dkar po zhes bya ba ci 'dra zhes sbas nas/ drang srong chen po 'di ji snyam du sems/ ma mthong ba'i phyir kha dog dkar po 'di 'dra'o zhes de smra bar nus sam/ drang srong chen pos gsol pa/ 'brel pa ga la mchis/ bcom ldan 'das kyis bka' ba/ drang srong chen po de bzhin du ngas kyang dmus long ltar ma mthong ba'i phyir/ sems can zhes bya ba ni phra mo 'di lta bu zhig go zhes sems can brjod par mi nus so// drang srong chen po yang mig le sems can zhes bya ba mi rnyed do// rna ba dang / sna dang / lce dang / lus dang / yid sems/ can zhes bya ba mi rnyed do// drang srong chen po nye bar len pa'i phung po lnga po dag la sems can zhes bya ba mi rnyed do// drang srong chen po khams bco brgyad dang / rten cing 'brel brar 'byung ba yan lag bcu gnyis pa dang / nang stong pa nyid la sems can zhes bya ba mi rnyed/ phyir stong pa nyid dang / phyi nang stong pa nyid la sems can zhes bya ba mi rnyed do// drang mo ririn po mig ni ngan pa'o// 'jig pa'o// gad cig mi gnas pa'o// de bzhin du na pa dang / sna dang / kye dang / sras dang / yid kyang ngan pa'o// 'jig pa lasang
- 334a
cig kyang mi gnas so// drang srong chen po nye bar len pa'i phung po lnga yang ngan pa'o// 'jig pa'o// skad cig kyang mi gnas pa'o// drang srong chen po mi gtsang ba'i rdzas sum cu rtsa drug kyang ngan pa'o// 'jig pa'o// skad cig kyang mi gnas pa'o// sems can zhes bya ba yang med/ gzugs kyang med de/ drang srong chen po rdzas pa ni sems cad zhes bya ba'i grangs su 'gro// yongs su rtog pa pa yang gang dag rdzas rnams rnam par 'byed pa de dag ni srog dang / gso ba dang / skyes bu dang / gang zag dang / shes las skyes dang / shed bu mi dmigs so// drang srong chen po gal te sems can yod du zin na/ de bzhin gshegs pa 'phags pa'i bden pa bzhi po dag gis shin tu chos ston par mi 'gyur ba zhig na/ drang srong chen po gang gi phyir sems can med pa de'i phyir de bzhin gshegs pa nyid 'thob ste/ de'i phyir ji lta ji ltar yang dag par bsgrub par/ byed pa de lta bur de ltar yang dag par 'grub bo// de nas bcom ldan 'das la drang srong chen po me sgron gyis 'di skad ces gsol to// bcom ldan 'das deng slan chad drang srong chen po me smon bdag thams cad mkhyen pa nyid du smon par bgyid do// bcom ldan 'das gal te bdag bskal pa mu ma mchis par/ sems can dmyal ba'i zhugs kyi 'obs su gnas par 'gyur ba 'am/ ri rab 'og min gyi gnas tsam du gyur pa mthon po'i kha de nas bdag gis bdag 'dor bar 'gyur ba 'am/ mthon po'i kha de nas bdag gis bdag
- 334b
'dor bar 'gyur ba 'am/ gdung ba lnga bskal pas sreg pa lta bur 'gyur ba 'am/ nyi ma bskal par 'gyur ba 'am/ bskal pa sum cu'i zla ba gcig du sbyang bar 'gyur ba de lta bur dka' ba spyad par ni/ bcom ldan 'das bdag spro ste/ 'dun gyis thams cad mkhyen pa nyid kyis slad du ni/ brtson 'grus nyams par mi bgyi'o// drang srong mngon par shes/ pa lnga dang ldan pa ji snyed/ bcom ldan 'das kyi gan du lhags pa de dag kyang stan las langs te/ bcom ldan 'das la 'di skad ces gsol to// bcom ldan 'das bdag cag kyang / deng slan chad bla na med pa yang dag par rdzogs pa'i byang chub tu smon par bgyi'o// rdo ci thog gis brtson 'grus brtsam par bgyi'o// drang srong rnams kyis tshig de skad smras ma thag du/ bcom ldan 'das kyis smin mtshams nas/ 'dul ba can zhes bya ba'i 'od gzer phyung / phyogs bcu'i sangs rgyas thams cad kyis kyang smin mtshams nas/ 'dul ba can zhes bya ba'i 'od zer phyung ste/ 'od zer de dag gi mthus sa chen po 'di rnams pa drug tu g.yos/ rab tu g.yos/ 'gul rab tu 'gul/ ldeg rab tu ldeg ste/ shar phyogs mtho na/ lho phyogs dma'/ nub phyogs dma' na/ byang phyogs mtho/ shar phyogs dma' na/ lho phyogs mthon/ byang phyogs dpa'o// phyogs bcu'i sangs rgyas thams cad kyis kyang de bzhin gshegs pa'i steng du me tog gi char bab/ rnga bo che yang brdungs so// dri za'i bdag po/
- 335a
yid du 'ong ba rnams kyis kyang / yang dag lnga pa'i sil snyan gyis kyang / yan lag lnga pa'i sil snyan gyis bcom ldan 'das la mngon par bstod do// lha'i gdug pa dri zhim po dag kyang rlung gis dad pa bslang ste/ de bzhin gshegs pa'i gan du nga ldang bar byed do// byang chub sems dpa' rnams rab tu dga' ste/ mchog tu bde ba'i sems kyis de bzhin gshegs pa'i steng du/ do shal dang se so do rnams 'thor zhing / rin po che'i tshar yang 'bebs/ me tog dang / gdug pa dang / spos dang / phreng ba dang / byug pa dang / phye ma dang / gos dang / gdugs dang / rgyal mtshan dang / ba dan dag gis kyang mchod pa byed do// lha'i tshogs rnams kyang rag tu dga' nas/ me tog man da ra ba dang / man da ra ba'i char 'bebs so// thams cad dang ldan pa'i 'khor de yang dga' mgu yid rangs te/ ji ltar gon gon pa'i gos rnams de bzhin gshegs pa'i sku la gsol to// de nas 'dul ba can zhes bya ba'i 'od gzer des/ 'og min gyi gnas man chad/ sems can dmyal ba chen po mnar med pa yan chad snang bar byas te/ phyogs bcu'i sangs rgyas thams cad la bskor bar byas nas/ skar log ste/ bcom ldan 'das kyi dbu'i gtsug tu nub bo// de nas bcom ldan 'das la che dang ldan pa rab 'byor kyis 'di skad ces gsol to// rgyu ma mchis par shag thub de ring 'dir// phyogs bcu dag tu 'od gzer mi gtong ste/ 'khor 'di thams cad the
- 335b
tsam gyur lags na/ thub pas rgyu dang byed de bdag lung ston// mi'i 'dren pa'i rnam par 'phrul mthong nas// dka' bar gyur cing spro ba cher gyur te// rab tu dga' bas lag pa bstod bgyis nas/ kha cig 'di na bcom ldan 'das legs shes mchi// brgya byin tshangs pa 'jig rten skyong ba rnams// na mkhar gnas nas 'byung po'i tshogs dang bstod// mkha' las lha'i me tog chur du 'bebs// ma brdungs rnga chen dag ni sgra yang 'byin// de nas bcom ldan 'das kyis tshe dang ldan pa rab 'byor la 'di skad ces bka' stsal to// rab 'byor khyod kyis drang srong chen po me sgron mthong ngam/ rab 'byor gyis gsol pa/ bcom ldan 'das mthong lags so// bcom ldan 'das kyis bka' stsal pa/ rab 'byor/ drang srong chen po me sgron 'di ma 'ongs pa'i dus na/ sangs rgyas stong 'das pa'i 'og tu bskal pa bzang po 'di nyid la/ zla ba can gyi 'jig rten gyi khams su de bzhin gshegs pa dgra bcom pa yang dag par rdzogs pa'i sangs rgyas rnam par gzigs shes bya bar 'gyur ro// rab 'byor de bzhin gshegs pa rnam par gzigs kyi ming yang yid bzhin gyi nor bu rnam par dag pa'i bya ba byed par 'gyur ro// rab 'byor drang srong chen po brgyad khri bzhi stong gis chos kyis rnam grangs 'di thos ma thag tu phyin mi ldog pa'i rjes su thob ste/ rab 'byor de dag thams cad ni de bzhin gshegs pa'i byams pa'i gsung rab la sa bcu la gnas par 'gyur ro// bskal pa sum brgya'i 'og tu/ de bzhin
- 336a
gshegs pa dgra bcom pa yang dag par rdzogs pa'i ting / bdag gling zhes bya bar 'jig rten du 'byung bar 'gyur ro// rab 'byor byang chub sems dpa' tshad med pa de dag gis kyang chos kyi rnam grangs 'di thos ma thag tu dpa' bar 'gro ba'i ting nge 'dzin thob ste/ skad dang skad ma yin pa shes pa'i ting nge 'dzin dang / rgyal bas dbang bskur ba'i ting nge 'dzin dang / sgyu ma lta bu'i ting nge 'dzin dang / khams rnam par 'byed pa'i ting nge 'dzin dang / blo gros rgyal po'i ting nge 'dzin dang / rgyal mtsho'i snying po'i ting nge 'dzin dang / mnyen pa'i sa'i ting nge 'dzin dang / bsam pa'i snying po'i ting nge 'dzin dang / 'od gsal ba'i ting nge 'dzin thob bo// rab 'byor lha bye ba phrag gang ga'i klung gi bye ma snyed dag gi skye mi skye ba'i chos la bzod pa thob bo// dge slong dang / dge slong ma dang / dge snyen ma dang / dge bsnyen me stong phrag tshad med pa dag gis/ dgra bcom pa nyid mngon sum du byed do// rab 'byor lha dang / klu dang / gnod sbyin dang / dri za dang / lho dang dang / na mkha' lding dang / mi 'am ci dang / lto 'phye chen po dang / mi dang mi ma yin pa gang ga'i klung gi bye ma snyed dag gis/ bla na med pa yang dag par rdzogs pa'i byang chub tu sems skyed do// rab 'byor de zhin gshegs pas don gyi dbang de mthong nas/ bla na med pa yang dag par rdzogs pa'i byang chub tu sems skyed do// rab 'byor de bzhin gshegs pas don gyi dbang de mthong nas/ 'dul
- 336b
pa can zhes bya ba'i 'od gzer rnams phyung ngo // de nas bcom ldan 'das nyid kyi ljags kyi dbang pos khyabs par mdzad de/ ljags kyi dbang po de las/ kha dog du ma/ kha dog tha dad pa'i 'od gzer 'di lta ste/ sngon po dang / ser po dang / dmar po dang / dkar po dang / leb rgan dang / shel dang / dngul gyi kha dog lta bu dag byung ste/ de dag 'jig rten gyi khams mtha' yas mu med pa dag tu mngon par byung nas slar log ste/ bcom ldan 'das la lan gsum bskor ba byas nas/ bcom ldan 'das kyi zhabs gnyis su nub bo// de nas byang chub sems dpa' sems dpa' chen po blo gros mi zad pa stan las langs te/ bla gos phrag pa gcig tu bzang nas/ pus mo g.yas pa'i lha sa la btsugs te/ bcom ldan 'das ka la ba de logs su thal mo sbyar ba btud nas/ bcom ldan 'das la 'di skad ces gsol to// sangs rgyas bcom ldan 'das rnams ni rgyu ma mchis par 'jug pa mi mdzad na/ bcom ldan 'das 'dzum pa mdzad pa'i rgyu gang lags/ rkyen gang lags/ de skad ces gsol pa dang / bcom ldan 'das kyis byang chub sems dpa' blo gros mi zad pa la 'di skad ces bka' stsal to// rigs kyi bum dad pa rnams kyi don tu ljags 'di lta bus ni lte brdzun mi gsung ngo snyam du bya ba'i phyir sngags kyi dang bas 'dzum pa yang // de nas pacam ldan 'das la byang chub sems dpa' tha gros me bad pas 'di skad ces gsal to// bcas ldan /
- 337a
gang dgis chos kyi rnam grangs 'di las than tshigs su bcad pa gcig tsam lung 'bog na/ rigs kyi bu phyogs bcu'i sangs rgyas bcom ldan 'das sangs rgyas kyi spyan la snang bar 'gyur ba ji snyed pa de dag la/ yongs su mya ngan las 'das kyi bar du gang zhig gis/ bde ba ni sbyor ba thams cad kyis/ bsnyen bkur byas / yongs su mya ngan las 'das nas kyang rin po che sna bdun gyi mchod rten byed pa/ de bas gang zhig chos kyi rnam grangs 'di las/ tha na tshigs su bcad pa gcig tsam lung 'bog na/ 'di'i bsod rnams ches mang du skyed do// rigs kyi bu chos kyi rnam grangs 'di 'chad pa na/ gang zhig dang ba'i sems kyis legs so zhes bya ba byin pa de la/ sangs rgyas thams cad kyis stod par 'gyur ro// gang gis 'di la rim gro byas pa des/ nga la rim 'gror byas par 'gyur ro// de nas bcom ldan 'das kyis thams cad dang ldan pa'i 'a de la rnam par gzigs nas/ 'di skad ces bka' stsal to// rigs kyi bu dag nga ni bden par mi ba ste/ sa phyogs gang na chos kyi rnam grangs 'di gnas pa'i sa phyogs de la/ sangs rgyas thams cad dgongs par 'gyur ro// rigs kyi bu dag chos kyi rnam grangs 'di ni 'dzam bu'i gling pa'i sems can rnams kyi sman du gyur par 'gyur ro// gang gis chos kyi rnam grangs 'di la lan gsum brjod dam/ rjod du bcug na/ des ston pa la chos kyi 'khor lo rab tu bskor bar bskul bar 'gyur ro// rab 'byor gang zhig chos