rdzogs pa chen po kun tu bzang po ye shes gsal bar ston pa'i rgyud phyi ma'i phyi ma
Text
ff. 287b–289a · 4 folio sides
- 287b
// rgya gar skad du/ san ti ma hA sa man ta b+hU tra dz+nyA na bi ta g+hu he nA ma tan+t+ra/ bod skad du/ rdzogs pa chen po kun tu bzang / po ye shes gsal bar ston pa'i rgyud phyi ma'i phyi ma zhes bya ba/ bcom ldan 'das rdo rje 'chang gi sangs rgyas kun tu bzang po la phyag 'tshal lo// de nas dpal kun tu bzang pos rigs lnga'i sangs rgyas la bka' stsal pa/ rig pa stong gsal gyi don nyams su len pa ni/ dang po sems gzung dgos pas sems gzung ba la 'di lta ste/ nyon cig rdo rje sems dpa' sogs// mtho la gzung ba dang / ri mo la gzung ba dang / 'jam po'i rlung la gzung ba dang / thig le la gzung ba dang / rdo rje slob dpon la gzung ba dang / drag rlung 'khor lo la gzung ba dang / yi ga 'bru la gzung ba dang / 'gro ba bzang mo shes rab ma la gzung ba dang / rdo rje slob dpon la gzung ba dang / drag rlung la gzung ba dang / nam mkha' la gzung ba'o// de la mtho la gzung ba ni/ mtho btsugs la de la mig phyir 'brengs la/ de la shes pa ga ta da la thun gsum/ lnga 'am bdun la sogs pa sgom mo// ri mo la gzung ba ni/ ri mo'i nang du shes pa bskyil la gzung ngo // 'jam rlung la gzung ba ni/ steng
- 288a
rlung gnan/ 'og rlung bsdams/ bar rlung rang sar gzhag la dbugs phar 'gro tshur 'gro a haM gtad la gzung ba'o// thig le la gzung ba ni/ smin phrag tu thig le ser yir re ba 'am/ sna rtser bsams pa la gzung ba'o// gdugs la gzung ba ni/ 'og tu rgya gdugs sam/ steng du rang nyid bsams la/ gdugs de 'khor ba la shes pa gzung ngo // 'khor lo la gzung ba ni/ nan tar ma zin na bla mas shog bu'i gdugs byas la de skor/ sna ru spos dud btang / rna bar dril bu gsil la gzung ngo // yig 'bru la gzung ba ni/ sems kyi gnas sa gzhi ru hUMng ma a lta bu'i yi ge la ma yang sa par gtad la gzung ngo // 'gro ba bzang mo shes rab ma la gzung ba ni/ yab yum mkha' gsang bslab pa byas la/ dbang po gnyis sprad de byang chub sems dpa'i rkeng par sleb pa la gzung ba'o// rdo rje slob dpon la gzung ba ni// spyi bor bla ma bsams la de la gzung ngo // drag rlung la gzung ba ni/ shes pa'i 'greng ldog byas gzung ngo // nam mkha' la gzung ba ni/ mdun gyi nam mkha' la shes pa gtang la/ khab mig tu skud pa 'dzud pa 'am/ gzhu brdung ba lta bu than pa hur byas la gzung ba'o// de rnams ma yengs par byas la gzung bar byas pa'o// zhes
- 288b
gsungs so// rgyud phyi ma'i phyi ma las le'u dang po'o// // de nas yang bka' stsal pa/ de nas log non bstan pa ni// sems gzung ba la rlung skyes na// shes pa rgod/ skra zeng por 'ong / gnyid mi phebs so// de la bsku mnye bya/ zas bcud can brten no// mkhris pa skyes nas ser por mthong ba l-i sogs pa byung na bsil gtang ngo // bad kan skyes na spo ba dang / 'khrog pa dang / dang kha mi bde ba byung na bcag khams bsang ngo // zhes gsungs so// rgyud phyi ma'i phyi ma las le'u gnyis pa'o// // de nas yang bka' stsal pa ni/ de ltar sems zin nas rig pa stong gsal du shes pa lta'o// de'ong du ga pa gsas pa skam pa'o// de las pa sangs par spyod pa'o// de 'chi ba'i dus su dran pa dang skye ba bskyed de gangadabs ngag gis 'ab bar bya'o// del 'bras bu sku gsum ye shes lnga'o// zhes gsungs so// rgyud phyi ma'i phyi ma las le'u gsum pa'o// // de nas yang bka' stsal pa rgyud 'di ni rgyud snga ma'i kha skong ba zhes bya ba yin pas/ rdo rje sems dpa'i gces spras kyis gzung zhing bcang bar bya'o// zhes bka' stsal te chos nyid kyi ngang du gyur
- 289a
to zhes gsungs so// kun tu bzang po ye shes gsal bar ston pa'i rgyud phyi ma'i phyi ma las le'u bzhi pa'o// / mthar thug pa'i rgyud ces bya ba rdzogs so// rgya gar skad du/ san ti ma hA sa man ta b+ha tra dz+nyA na gu h+ya man tra nA ma tan+t+ra/ bod skad du rdzogs pa chen po kun tu bzang po yang shes gsal bar ston pa/ gsang sngags kyi lam mchog 'dus pa'i rgyud ces bya ba/ bcom ldan 'das dpal kun tu bzang po sku gsum dbyer med ngang la phyag 'tshal lo// 'di skad bdag gis thos pa'i dus gcig na/ bcom ldan 'das dpal rdo rje 'chang gis sangs rgyas dpal kun tu bzang po sku dang ye shes dbyer med pa nyid/ chos nyid yum gyi mkha' b+ha ga la bzhugs te/ rigs lnga'i sangs rgyas la sogs te 'khor rnams dang thabs cig tu/ rig pa stong gsal bde ba chen po'i ting nge 'dzin la snyoms pa zhugs so// rdzogs pa chen po kun tu bzang po ye shes gsal bar ston pa gsang sngags lam mchog 'dus pa'i rgyud las/ gleng gzhi'i le'u ste dang po'o// / de nas dpal rdo rje sems dpas/ bcom ldan 'das la gsol pa/ kye bcom ldan 'das