ye shes glong gi le sdebs
Text
ff. 404b–406a · 4 folio sides
- 404b
sgyurgyu thabs kyis chos 'tshol la// nam yang bstan par mi bya'o// de yang 'dus pa'i snying po nyon// gal te the tshom chos bshad na// phyi nang chos skyong kun khros nas// ma nyes kha g.yog sna tshogs dang // nyes pa med kyang mi rnams sdang // ser sna yis ni ci bsags kyang // rdzas rnams thams cad med pa'ong // rang nyid skyong 'bog lkugs par 'gro// 'dra rnams kun gyis bza' bar mthong // rgyal 'gong chags nas gnas mi rnyed// phyi ma dmyal ba chen por ltung // de phyir shin tu gsang bar bya// de tshe nges don yang snying 'di// gu lang gser bzhin mi nub tsam// snod ldan 'ga' la bstan pa las// snang dgu kun gyi spyod yul min// 'khor rnams nges pa de ltar zhog/ kun tu bzang po ye shes glong gi rgyud las 'khor rnams la rgyud gtad pa'i le'u ste so bdun pa'o// // rdzogs pa chen po ye shes glong gi rgyud ces bya ba/ nges don 'dus pa'i yang snying zhes kyang bya/ rin po che gser gyi yang zhun zhes kyang bya/ thugs kyi nying khu zhes kyang bya// rin po che gser gyi 'dril shing can zhes kyang bya ba 'di rdzogs so// // rgya gar gyi mkhan po bi ma la mi tras bod du ba rnams nas byon te/ myang ting nge 'dzin la bstan pa'o// des dbu ru bzong phug ma'i brag la rdzas/ 'brom ye shes bla ma'i snying pos bton nas/ mya ngadabang phyug rgya mtsho la bshad/ des myang shes
- 405a
rab mchog la bshad/ des shangs pa lce chung ba la bshad do// // kun tu bzang po ye shes glong gi rgyud 'di la gsum ste/ dbang po rab la mtshan bstan pa dang / 'bring la don phye nas bstan pa dang / tha ma la chog 'brus gnyer ba'o// mtshan la gsum ste/ don las mtshan btags pa dang / dgongs pa la mtshan btags pa dang dpe la mtshan btags pa'o// don phye na bstan pa gsum ste/ rgyud 'byung ba'i gleng gzhi dang / yongs su shes par bya ba'i rgyud kyi ngo bo dang / tha ma rgyur gtad cing gzung ba'o// gleng gzhi la gsum ste/ phun sum tshogs pa lnga dang / rkyen gleng blang ba'o// gleng blang ba la gsum ste/ 'khor gyis zhus te glang blang ba dang / ston pas gsung bar zhal ba zhes te gleng blang ba dang / bar bar du skabs pa la phog ste gleng blang ba'o// 'khor gyis zhus pa la gsum ste/ zhus pa dang zhu ba dngos so// byin rlabs kyis 'dus pa'o// 'di la gnyis te/ dpe'i sgo nas byin gyis brlabs kyis gnang ba dang / 'dus pa'i rnam grangs so// gsung bar zhal ba zhes pa la gnyis te/ zhal ba zhes pa dang / bzhes pa dngos so// dngos la lnga ste/ gnas lugs dang / bskul ba
- 405b
dang sangs rgyas kyi bka' ba gros pa dang / ma rig pa'i mun pa bsal ba dang / sku gsum gyi chos gsungs pa'o// 'di la gnyis te/ mdza bstan pa dang / rgyas par bshad pa'o// rgyas par bshad pa la lngaste/ kun tu bzang pos rtogs tshul dang / chos sku'i gleng gzhi dang / longs su'i gleng gzhi dang / sbrul sku'i gleng gzhi dang / mjug sku gsum don gcig par bstan pa'o// longs sku'i gleng gzhi la bcu ste/ longs klu'i gleng gzhi dngos dang / lha'i bus zhus pa dang / the tshom gcad pa dang / lha'i dbang pos bskul ba dang / 'gro ba'i don la bskul ba dang / byin gyis rlob par zhal ba zhes pa dang lha'i yul nas gshegs tshul dang / ngo mtshar che ba dang / gnod sbyin rnams kyis bar chod byas pa dang / bred nas srog snying phul de dam la btags pa'o// rgyud kyi ngo bo la drug ste/ le'u gnyis pas snod bcud bstan pa dang / bzhi las 'khor 'das byung tshul dang / ma rig pa'i 'khrul pa ldog thabs dang / nges don gyi gdam ngag dang / dam tshig nyams pa ltung ba'i sgo dang mthar thug 'bras bu'i ma shes bstan pa'o// / 'khor 'das byung tshul gnyis
- 406a
te/ 'khor ba'i gzhi las ma rig pa byung tshul// rang bzhin gyi lus las theg pa 'og ma 'khrul tshul lo// dang po la le'u gsum ste// le'u gsum pa 'khor ba'i gzhi lung ma bstan gyi le'u dang / 'chi ltas kyi le'u dang / ma rtogs na 'khor bar 'khyams pa'i le'u'o// gnyis pa la le'u drug ste/ le'u drug pa rang bzhin gyi lus dngos dang / le'u bdun pa mu stegs 'khrul tshul dang / le'u brgyad pa rgyu mtshan nyid pa 'khrul tshul dang / le'u dgu pa sngags phyi ba 'khrul tshul dang / le'u bcu pa lung gsum 'khrul tshul dang le'u bcu gcig pa rdzogs chen spyi'i 'khrul tshul lo 'khrul pa zlog thabs la le'u bcu gnyis te/ theg pa'og ma'i chos kyis 'khrul pa mi ldog pa dang le'u bcu gsum pa a ti'i 'khrul pa ldog thabs so// nges pa don gyi gdam ngag la lnga ste/ rigs 'dzin grub pa thob pa'i bka' rtags dang rig pa byin gyis brlabs pa'i bka' rtags dang / rnal 'byor pas nyams su myong ba'i bka' rtags dang