thos pa 'dzin pa'i gzungs
Text
ff. 136b–137a · 2 folio sides
- 136b
ཨོཾ་ཛྙཱ་ནཱ་བ་ལོ་ཀི་ཏེ་ས་མནྟ་སྥ་ར་ཎ་རསྨི་བྷ་བ་ས་མ་ཡ་མ་ཧཱ་མ་ཎི་དུ་རུ་དུ་རུ་ཧྲྀ་ད་ཡ་ཛ་ལ་ནི་ཧཱུཾ། འབབ་ཆུའམ། མཚོའི་འགྲམ་དུ་འདུག་སྟེ། ལག་པ་གཡས་པའི་ཁྱོར་བར་ཆུ་བླུགས་ལ། ཡེ་ཤེས་སྐར་མདའི་སྙིང་པོ་འདི་ལན་བདུན་བཟླས་ཏེ། ཆུ་ཁྱོར་བ་བདུན་འབབ་ཆུའམ། ཆུར་གཏོར་ན་སངས་རྒྱས་ཀྱི་སྤྱན་གྱིས་གཟིགས་པའི་ཡི་དགས་ཇི་སྙེད་ཡོད་པ་དེ་དག་ཐམས་ཅད་ལྷའི་ཁ་ཟས་ཀྱི་རོ་དང་། བཏུང་བའི་རོ་མཆོག་དང་ལྡན་པ་འཐོབ་ཅིང་ཡི་དགས་རེ་རེ་ལ་ཡང་ཁ་ཟས་དང་། བཏུང་བ་ཡུལ་མ་ག་དྷཱའི་བྲེ་བདུན་བདུན་གྱིས་ཚིམ་པར་བྱས་པར་འགྱུར་ཞིང་། ཆུ་དེ་འཐུངས་པ་ཙམ་གྱིས་དེ་དག་ཐམས་ཅད་ཡི་དགས་ཀྱི་སྐྱེ་གནས་ལས་ཐར་ཅིང་། བདེ་འགྲོ་མཐོ་རིས་ཀྱི་སྐྱེ་གནས་སུ་སྐྱེ་བར་འགྱུར་རོ། །སྐྱེས་པའམ། བུད་མེད་དམ། ཁྱེའུའམ། བུ་མོའམ། གཞན་ཡང་བྱོལ་སོང་གི་སྐྱེ་གནས་སུ་གཏོགས་པའི་རི་དགས་སམ། བྱའམ། ཆུ་ན་གནས་པ་ལ་སོགས་པ་གང་གིས་ཆུ་དེ་འཐུངས་པ་དེ་དག་ཐམས་ཅད་སྡིག་པ་དང་། སྒྲིབ་པ་ཐམས་ཅད་བྱང་ཞིང་བདེ་འགྲོའི་ལམ་དུ་འགྲོ་བར་འགྱུར་རོ། །ཡེ་ཤེས་སྐར་མདའི་སྙིང་པོ་རྫོགས་སོ།། །།༄༅། །རྒྱ་གར་སྐད་དུ། པྲཛྙཱ་བརྡྷ་ནཱི་ནཱ་མ་དྷཱ་ར་ཎཱི། བོད་སྐད་དུ། ཤེས་རབ་སྐྱེད་པ་ཞེས་བྱ་བའི་གཟུངས། ན་མོ་རཏྣ་ཏྲ་ཡཱ་ལ། ན་མ་ཨཱརྱ་ཨ་བ་ལོ་ཀི་ཏེ་ཤྭ་རཱ་ཡ། བོ་དྷི་ས་ཏྭཱ་ཡ། མ་ཧཱ་ས་ཏྭཱ་ཡ། མ་ཧཱ་ཀཱ་རུ་ཎི་ཀཱ་ཡ། ཏདྱ་ཐཱ། ཨོཾ་བི་བ་བི་བ། པྲཛྙཱ་བརྡྷ་ནི། ཛ་ར་ཛ་ར། མེ་དྷཱ་བརྡྷ་ནི། དྷི་རི་དྷི་རི། བུདྡྷི་བརྡྷ་ནི་སྭཱ་ཧཱ། རིག་ སྔགས་འདིའི་ཆོ་ག་ནི་འདི་ཡིན་ཏེ། ནང་རེ་ཞིང་རྩབ་མོ་ཁྱོར་གང་ལ་ལན་ཉི་ཤུ་རྩ་གཅིག་བཟླས་ཏེ། ཟླ་བ་གཅིག་གི་བར་དུ་འཐུངས་ན་ཐོས་པ་འཛིན་པར་འགྱུར་རོ། །ཤེས་རབ་སྐྱེད་པ་ཞེས་བྱ་བའི་གཟུངས་རྫོགས་སོ།། །།རྒྱ་གར་གྱི་མཁན་པོ་ཛྙཱ་ན་གརྦྷ་དང་། ལོ་ཙྪ་བ་བནྡེ་ ཀླུའི་དབང་པོས་བསྒྱུར། རྒྱ་གར་གྱི་མཁན་པོ་བིདྱཱ་ཀ་ར་སིང་ཧ་དང་། ཞུ་ཆེན་གྱི་ལོ་ཙྪ་བ་བནྡེ་དེ་བ་ཙནྡྲས་ཞུས་ཏེ་གཏན་ལ་ཕབ་པ།། ༄༅། །དཀོན་མཆོག་གསུམ་ལ་ཕྱག་འཚལ་ལོ། བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་
- 137a
སྤྱན་རས་གཟིགས་དབང་ཕྱུག་ལ་ཕྱག་འཚལ་ལོ། །ཏ་དྱ་ཐཱ། སྨྲྀ་ཏི་མ་ཏི་མ་ཏི། ཏེ་ཛ་བིདྱཱ། ཧུ་རུ་མེ་ཧུ་རུ་ཧུ་རུ་མེ་ཀྲྀཥྞ་ཧ་རུ་མེ་སྭཱ་ཧཱ། ཤུ་དག་ནག་པོ་ལ་སྔགས་འདི་ལན་བརྒྱ་རྩ་བརྒྱད་བཟླས་བརྗོད་བྱས་ཏེ་ཟོས་ན་གདོན་མི་ཟ་བར་ཐོས་པ་འཛིན་པར་འགྱུར་རོ། །ཐོས་ པ་འཛིན་པའི་གཟུངས་རྫོགས་སོ།། ༄༅། །སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྒྱལ་བའི་བླ་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་རྒྱལ་བའི་བླ་མའི་གཟུངས་སྔགས་ཀྱི་གཞི་འདི་གང་གིས་བཟུང་བས་ཆོས་ཐམས་ཅད་བཟུང་བ་དང་བཅས་པར་འགྱུར་རོ། །མི་ཁོམ་པ་བརྒྱད་ལས་འདས་པར་འགྱུར་རོ། །ཚེ་རབས་ཐམས་ཅད་དུ་ཡང་གནོད་སྦྱིན་དེ་ལ་བསྲུང་བ་དང་། བསྐྱབ་པ་དང་། སྦ་བར་ བྱེད་ལ་དེ་ལ་ནད་ཐམས་ཅད་ཀྱིས་འཇིགས་པ་མེད་དོ། །སྱཱདྱ་ཐེ་དཾ། བུདྡྷེ་བུདྡྷེ། ཛ་ཡོཏྟ་ར། བོ་དྷ་ནི་བོ་དྷ་ནི། སཾ་བོ་དྷ་ནི། མ་ཧཱ་སཾ་བོ་དྷ་ནི། ཨ་དྷི་སམྦོ་དྷ་ནི། ཧ་ལ་ཧ་ལ་ཧ་ལ། ཧི་ལི་ཧི་ལི་ཧི་ལི། ཧུ་ལུ་ཧུ་ལུ་ཧུ་ལུ། སརྦ་བུདྡྷ། དྷརྨཱ་བ་བོ་དྷི་ནི། སྥུ་ཊ་སྥུ་ཊ་སྥུ་ཊ། སརྦ་པཱ་པ་ནི། བུདྡྷ། ཨདྷིཥྛཱ་ནི་ན་སྭཱ་ཧཱ། འཕགས་པ་རྒྱལ་བའི་བླ་མའི་གཟུངས་རྫོགས་སོ།། ༄༅། །རྒྱ་གར་སྐད་དུ། མ་ཧཱ་ས་མཱ་ཛ་སཱུ་ཏྲ་ན་ནཱ་མ་ཧཱ་སཱུ་ཏྲ། བོད་སྐད་དུ། མདོ་ཆེན་པོ་འདུས་པ་ཆེན་པོའི་མདོ་ཞེས་བྱ་བ། དཀོན་མཆོག་ གསུམ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་ཤཱཀྱ་རྣམས་ཀྱི་སེར་སྐྱའི་གནས་ཀྱི་ནགས་ཚལ་ན། དགེ་སློང་ལྔ་བརྒྱ་ཐམས་ཅད་ཀྱང་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་ རྗེས་སུ་ཐོབ་པ། སྲིད་པར་ཀུན་ཏུ་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་ཏུ་རྣམ་པར་གྲོལ་བ་ཤ་སྟག་དང་ཐབས་ཅིག་ཏུ་བཞུགས་སོ། །དེ་ནས་བཅོམ་ལྡན་འདས་དགེ་སློང་གི་དགེ་འདུན་ལ་མྱ་ངན་ལས་འདས་པ་དང་ལྡན་པའི་ཆོས་ཀྱི་གཏམ་སྟོན་པར་
Colophon
thos pa 'dzin pa'i gzungs rdzogs so/