Q2165MW1KG13126_2165rgyud 'grelAll versions of this work

dpal bde mchog 'khor lo'i sbyin sreg gi cho ga

Śrīcakrasambarahomabidhi

Text

ff. 363a–371b · 18 folio sides

  1. 363a

    nyid ma brgya stong ldan// rnam mang su dang cha lugs rjes chags sems dpar ldan// he ru ka dpal sngags pa lhan cig gar byed do// ha ha hu hu hUM/ sems can kun la phan byed pa'i// dkyil 'khor cho ga byas pa las// bsod nams thob pa de yis ni// 'gro ba he ru kar gyur cig/ bcom ldan 'das dpal bde mchog 'khor lo'o// dkyil 'khor gyi chog/ slob dpon nag po'i zhal snga nas/ mdzad pa yin no// / rgya gar gyi mkhan bo d+harma shrI b+ha~M dra dang / zhu chen gyi lats+tsha bdage slong rin chen bzang pos bsgyur slad nas pa na Tita su ma ti kir ti'i zhal snga nas// bod kyi lots+tsha ba a d+ya mar pa chos kyi dbang phyug gis zhu chen bgyis pa// de das gsa' ba byin pa ga zag rgya gar skad du/ shA tsakr-i sam+ba ra ta ma~M bid+d+hi/ bod skad du/ dpal bde mchog 'khor lo'i sbyin sreg gi chog/ bcom ldan 'das dpal rdo rje mkha' 'gro la phyag 'tshal la sngas dadamar ba man ta ljang bu'i sku 'chang spyan gsum can// dbang chen la sogs phyogs bzhi'i zhal mnga' shes rab dmar spyan gsum// phyug gnyis bgegs kyi lpags 'dzin rdo rje dril bu gnyis na 'chang // phyag gzhan phyag mtshan brgyad po 'dzin pa bde ba mchog gis bsrungs// thog mar bde mchog 'khor lo yi// rnal 'byor ma yi rgyud las ni// sems can rnams la pan gdags phyir// sbyin sreg rim pa bdag gis bshad// dkyil 'khor dag ni sgrib dus su// sbyin sreg gis ni tshim par byas// gsang sngags ma bzlas mi 'grub la// sbyin srem

  2. 363b

    ma byas 'bras mi 'byung // las rnams thams cad rab bsgrub phyir// sbyin sreg las rnams brtsam par bya// sbyin sreg las rnams med pa las// dngos grub 'byung bar mi 'gyur ro// de bas 'dir ni sngags pa yis// brtson pas sbyin sreg las rnams bya// bla med nang dang phyi yi ste// sbyin sreg dog ni gsum du 'dod// gzhan dag zhi ba la sogs la// sbyin sreg dag ni bzhi ru 'dod// de la bla na med pa dang por brjod par bya ste// rnam rtog med pa'i sems nyid ni// thab khung sgra yi mtshun ma dag/ rnam dben me yi dbus su ni// gzugs la sogs pa'i phung po lnga// sems las byung ba ma lus pa'i// yam shing dag gi sreg blugs byas// gzugs la sogs pa'i 'byung ba rnams// yam shing du ni rab grags yin// pad+ma thab khung yin par bshad// rdo rje blugs gzar yin par grags// rtag tu se bon sred blugs kyis// bla med gnas ni thob par 'gyur// bla med rjes su sbyor ba yis// phung po pa'i rtsa rnams ni// bzhi po yang de du sen pa'o// bdud rtsi lnga 'bab pa de ni// mchod pa'i ngo bar gnas pa ste// de yi gzugs nyid dngos po yis// mchod pa bzhi zhes rnam par bshad/ lus can snying gi nang du ni// sna rnam lnga ni rnam par gnas// sku gsung thugs kyi 'khor lo la// nyi shu rtsa bzhir yang dag brjod// gnas sogs bye ba la brten te// gnas dang gnas la rnam par gnas// spyi bor yang dag 'byung ba yi// rtsa rnams spyi bor skyes zhes dran// de yi nang na 'dren pa ni// rdul dang snying stobs mun po'i tshul// pul+lIr rab gtum

  3. 364a

    mo zhes dran// so dang sen mo 'bab par dran// dzA lan+d+ha rar gtum mig ma// de bzhin skra dang ba spu 'bab// o Di ya na gnas chen por// 'od ldan ma ni rnam par gnas// g.yas pa'i gnas la brten nas ni// pags pa'i dri ma 'dzin la gnas// arbu dang ni sna chen mo// mkha' 'gro ma ni sha zan bsam// gnas kyi 'dren pa mkha' 'gro ma// gnas bzhi ru ni yang dag bshad// gang zhig chu rgyus 'bab pa'i rtsa// go dA ba ri rnam dag gnas// de ni sra ba'i tshul gyis gnas// dpa' bo'i blo gros ma zhes bshad// rA me shwa ri'i rtsa gang zhig/ de ni ma'u thung ma zhes grags// rus pa'i phreng ba rnams gnas pa// sra ba yi ni dngos pos gnas// lham mkhar du'ang gang zhig rtsa/ 'jam lus lang ka'i dbang phyug ma// de ni rtag tu mchin pa 'bab// kun gyi lus ni rtag par gnas// ma la bar ni shing grib mig/ rgyal ba'i dbang phyug snying la gnas// mkha' 'gro 'jig rten ma mo rnams// nye ba'i gnas su yang dag bshad// thugs kyi 'khor lo mkha' spyod ma// gnas dang zheg nas yang dag gnas// mig 'bab pa yi rtsa gang zhig 'dod pa'i gzugs su rnam par gnas// gzugs ni mthong bar 'dod pa ste// e ra ba ti zhes byar bshad// a Ter mkhris pa 'bab pa'i rtsa// 'jigs byed chen mo ru ni brjod// mkha' 'gro rnal 'byor ma mo dag/ 'di dag zhing du yang dag bshad// tra~M sha ku ner yang dag byung // rlung gshugs me 'gro bar bcas// chang 'thung man ka sa yang // rgyu ma'i phre

  4. 364b

    ba 'khrug lha rdzas// mkha' 'gro rnal 'byor ma mo dag/ nye ba'i zhing du yang dag bshad// ljang lha ma ni ka ling+gar// logs su yang dag gnas pa'o// lhor gnas shin tu bzang mor nges// la ma b+hA kar ni yongs su grags// mkha' 'gro rnal 'byor ma mdag/ mtshan de hang ni rnam bshad pa'o// rta rnam ni kAny+tsi gnas// bshang ba rtag tu 'bab pa'o// hi mA ya ra bya gdong ma// mtshams mtha'i dbus su son pa'i ste// mkha' 'gro rnal 'byor ma mo dag/ nye ba'i tshan do ha zhes bshad// gsung gi 'khor lo yang dag bshad// sa spyod po nya rnam gnas pa'o// yi dgas lhag gnas yang dag gnas// 'khor lo shugs ma bad kan can// gang zhing rtag tu rnag 'bab pa// khyim gyi lhar ni yang dag gnas// mkha' 'gro dam pa'i dbang phyug ma// dum skyes ma zhes rnam par bshad// mkha' 'gro rnal 'byor ma me dag/ 'dra ba can du yang dag bshad// sau rASh+Ta ni dmar pos mnan// tshang 'tshong ma ni mkha' 'gror 'dod// rdul ni 'bab par 'gyur ba'i rtsa// gser gling du ni yang dag gnas// shin tu bzang lugs yang dag 'khrug/ de yi 'khor lo go cha 'dod// mkha' 'gro rnal 'byor ma mo dag/ nye ba'i 'du ba can rab smras// na gar shin tu dpa' mo zhes// tshal can sbom po'i lus can ma// sin+d+hu stobs chen ma zhes bya// mya ngam gyi ni mchi ma 'bab// mkha' 'gro rnal 'byor ma mo dag/ 'di dag dur khrod yang dag 'bab// mchil ma skam po 'bab pa gang // mya ngan 'khor los sgyur ma'o// ku lA tA ni

  5. 365a

    brtson chen mo// la sogs bud shing bsregs// ye shes me ni skyes gyur pas// phyi rol bsreg pa bdag med yin// dz+nyA na pU da pas bshad pa// sbyin sreg tsheg phyi rim pa// sems dang sems byung dag yin te// phung po la sogs bud shing bsreg/ ye shes 'bar ba bla med 'dod// sems kyis ji tsam pa sam pa dag/ phyi rol sbyin sreg yin par 'dod// ye shes me la phung po la// yam shing sreg pa bla med yin// de nas yang nang gi brjod par bya ste/ nyon mongs se bzhi byed yin// ting nge 'dzin ni rgyas byed phyir// rang gi lha yi sbyor bas bdag/ ji lta bar ni sems kyi bya// skye ba'i las las rnam grol zhing // tshe ni yang dag 'phel ba'i phyir// ci 'dod sreg blugs las bya ba/ nong gi sbyin sreg dag tu bshad// ji ltar dus bzhi'i rim pa yis// sbyin sreg bzhi yang rab tu bshad// zhi ba dang ni rgyas pa dang // dbang dang mngon spyod shes par bya// sdig pa 'jig phyir zhi ba ste// bsod nams yongs 'dzin rgyas pa yin// chags pa bsgom phyir dbang 'gyur te// rtog pa zad phyir gsod pa yin// de nas yod phyi'i bshad par bya ste rgyud so so las slob dpon tha dad pas sbyin sreg gi cho ga ji skad bshad pa bya// 'di ni rnal 'byor ma'i rgyud las bstan te/ bdag gis 'khor lo sdom pa'i man ngag cung zad brjod par bya'o// de la thab khung ni/ sems can dbye bas mtha' yas te// rigs kyi dbye bas lnga ru 'gyur// las kyi dbye bas bzhi ru 'gyur// thab khung rnams ni de ltar bshad

  6. 365b

    zhi ba la ni zlum la dkar// rgyas la ser po dbang chen te// dbang la dmar po gru gsum pa// mngon spyod zla ba phyed pa yin// khru gang tshad nas brtsams nas ni// khru ni bcu drug pa yi bar/ de'i phyed du bgos nas ni// rang gi tshad du bya ba yin// khru gang tshad kyis thab khung la// sor bzhi dong bar kha khyer sor bzhis gsod// khru phyed brkos la de bzhin du// thams cad la yang blta bya ste// kun kyang rang gi kha khyer du bya'o// thab khung gi dbus su rdo rje dang zangs gri bri'o// thab khung gi nang du phyogs bzhir kha T+wAM ga dang de bzhin gshegs pa'i phyag mtshan rnams// bri'o// kha khyer la pad+ma'i steng du zangs gri'i phreng ba/ thab kyi phyi rol tu gru bzhi pa la sgo bzhi par dkyil 'khor gyi thig btab ste/ 'khor lo gsum gyi byin gyis brlabs la/ sgo bzhi dang ldan pa dur khrod brgyad dang bcas pa/ ji ltar 'khor lo gsum gyi dkyil 'khor gyi phyag mtshan bzhin du 'dir yang de ltar blta'o// shar gyi sgo la sogs par lcags kyu la sogs pas mtshan par bya'o// phyi'i dkyil 'khor la// pad+ma nags kyi sdug ma dang // phreng ba dang ni spyi blugs dang // yi dgas pags pa mdung rtse gsum// zla ba phyed pa rgyal mtshan dang // ral pa'i tshogs dang mig dang ni// 'khor lo dung dang dbyug pa dang // ral gri phu ba dang mdung dang ni// dril bu ba dan rma bya dang // ra skyes lnga lnga byas nas ni// shar phyogs snam bu dag la bri// de ltar zab thams cad byas nas// las dang rjes su mthun pa'i kha khyer bya'o// zhi ba la ni rdo rjes mtshan pa'am// 'khor los mtshan pa'o// rgyas pa la ni rin po ches mtshan pa/ dbang la ni pad+mas

  7. 366a

    mtshan pa/ drag po la ni rtse gsum pas mtshan pa ste/ 'di ltar las rjes su mthun par rang rang gi mtshan mas mtshan pa'i kha khyer bya'o// shar du zhi ba bya bar bshad// lho phyogs su ni rgyas pa ste// dbang gi las ni nub tu bshad// gsad pa byang du bye ba yin// ji ltar las dang rjes mthun par// rdul mtshon gyis ni rdzogs par bri/ yang na me tog dag kyang rung // thab khung dag kyang de ltar bya// yam shing bud shing rdzas la sogs// mtshan nyid me yi rtags rnams ni// gzhan du rgya cher bshad pas na// 'dir ni bdag gis ma bsgrubs so// man ngag gcig pu'i rim pa dag/ rnal 'byor gyi rgyud las grags pa rnams/ mdor bsdus nas ni nges par yang // ji tsam nus pa bshad par bya// de nas rdo rje slob dpon gyis lus khrus byas te/ dri zhim pos bdug la/ gur gum dang / tsan dan dang / thal ba bsres pas lus byugs te/ ji skad bshad pa'i rgyan bsgo bar bya ste/ stag gi pags pa bgos shing / phyag rgya lngas brgyan te/ na ra'i rus pa'i rgyan dang las sems can gyi don rtag tu bya'o// phyi rol bzlog tshul 'tshang ba ni/ de ni zhi sogs las rnams la/ thugs ni zhi bar shes par bya// nyi mas gdungs pa'i rgya mtsho tshe// gangs ltar nang grang phyi rol tsha// thugs rje chen po'i khro bo yis// de bzhin 'gro ba tshul 'di gsungs// de lta/ bu'i las dang rjes su mthun par gos kyi bye brag bgo bar bya'o// de ni sgrub pa po'i las so// de nas rang gi lha'i nga rgyal bskyed de/ ji ltar bshad pa'i las dang rjes su mthun pa'i

  8. 366b

    gzugs su byas la/ zhal bzhi pa dang sku gsung thugs kyi phur bu'i sngags dang / de bzhin du gsal byed ni rak+Sha k+Sha dang / hUM gsum dang paT ni brjod par gsang sngags de las khro bo la sogs pa spros te/ bgegs kyi tshogs thams cad bsreg par byas nas/ thal dang bgegs rnams bsregs te/ phyogs bcur byer bar bsam mo// de bzhin du g.yas brkyang ba la sogs pa'i stangs stabs kyang bya'o// 'di ltar bgegs kyi tshogs rnams phur bu dang / rdo rje dra ba dang ra ba la sogs pas thob khung gi thon khor dgegs par bya ste/ thab khung byin gyis brlabs par shes par bya'o// yi ge hU~M dam rang gi lha'i tshogs kyi yi ge gang yang rung ba las dang rjes su mthun pa thab khung bskyed la// de'i dbus su lte ba la yi ga re pha 'bar ba yongs su gyur pa las gru gsum par byas shing bsgoms la/ de'i grwa gsum la oM AHhUM yi ge gsum gyis 'dod pa dang / gzugs dang / gzugs med pa'i khams gsum 'og dang sa bla mtho ris kyi gzugs pad+ma dang 'khor lo dang rdo rje gsum bskyed de/ dbus su re phe 'bar ba yongs su gyur pa mthong ba dang / mtshan ma'i yi ge gsum dang / re ba yongs su gyur pa las 'bar ba'i dbus su chu'i dkyil 'khor gnas pa la khams gsum gyi bdag po dpal khrag 'thung bar spros te/ zhi ba'i don du pA ba ka'i me bsgoms la zhi ba'i gzugs can dkar ba zhal gcig pa/ phyag bzhi pa/ spyan gsum pa/ ral pa'i cod pan can/ phyag g.yas pa gnyis na dbyug to dang / mi 'jigs pa ni bgrang phreng dang / spyi blugs 'dzin pa/ rgyan dang

  9. 367a

    gos dkar po bsnams pa/ mchod phyir thogs 'chang ba/ lus thams cad la bdud rtsi dkar po'i rgyun 'bab pa/ ral pa la mkha' 'gro ma gnas par bsgom mo// de bzhin du rgyas pa la ni khyad par du mdog ser po'i rgyan can/ dbang chen gyi dkyil 'khor la gnas pa/ ye shes kyi sems can thams cad la mchog stsol ba/ stobs dang mdog dang dpal rdzogs par mdzad pa cod pan du bsgom mo// rim pa gzhan yang dbang dang dgug pa la 'dod pa'i me dmar po ma'i dkyil 'khor la gnas pa/ gos dmar pos brgyan pa/ khaN+Da ro ha cod pan la gnas pa/ khyad par du g.yas g.yon na lcags kyu dang zhags pa 'dzin pa/ gzhan ni snga ma bzhin no// bsad pa la rlung gi dkyil 'khor la gnas pa mdog nag po 'jigs pa spyan zlum po hUM gi sa bon las skyes pa gos dang rgyan nag po mo rus kyi phreng bas rgyan pa/ zla byed lta bur 'bar ba'i dbu skra gyen du brdzes pa/ gzugs can ma'i cod pan can/ g.yas na ral gri 'dzin pa 'jigs byed chen po nag po 'bar ba las bya rgod dang khra la sogs pas/ nam mkha' khyab par bkug ste/ gang dang gang byas pa de zos par bsgom mo// rlung gi sems ni gsad pa la sogs pa las bya'o// me lnga'i mtshan nyid do// de la zhi ba la ni 'o ma can gyi shing las byung ba'i me 'am/ rgyun bzhag gi me 'am/ bram ze tha ma'i mes bya'o// rgyas pa la ni rgyal po dang / blon po dang / dgon pa dang / rgyal rigs kyi khyim nas byung ba'i mes bya'o// dbang la ni smad 'tshong ma dang // rje'u rigs kyi khyim nas byung ba'i mes bya'o// dgug pa ni gar mkhan dang / rol mo pa dang / lam du bus

  10. 367b

    ba'i mes bya'o// gsod pa la ni rdo las byung ba'i me 'am/ gdol pa'i khyim nas byung ba'i mes bya'o// thams cad kyang dur khrod kyi med pa/ dur khrod kyi sol bar ldan par bya'o// me'i mtshan nyid do// de nas mchod yon snod gnyis ni// ma chag sdug cing mdzes pa la// chang ngam yang na sbyar ba'i chang // me tog ldan pas dgang bar bya// de la bdud rtsi lnga po yis// gnyis ka yang ni blugs par bya// yi ge bdun pa gcig pu dang // gnyis pa gnod mdzes rgyal po dag/ gcig ni brgya rtsa brgyad pa ste// gnyis pa dag ni bzhi cha yin// gnas la legs par bzhag nas su// gos kyis bkab ste mchod par bya// mchod yon gyi snod kyi cho ga'o// sbyin sreg yo byad thams cad kun// bdag gis g.yas su dgod par bya// rdo rje de bzhin dril bu dang // mchod yon snod ni g.yon du bzhag/ dgang gzar dang ni blugs gzar dang // mar ni mdun du bzhag par bya// thams cad kyang ni bsangs nas gzhag/ 'di ni rdzas gzhag pa'o// de nas phyi rol gyi me blangs la// gnod mdzes kyi rgyal po'i gsang sngags kyis ku sha blangs te// de'i chus lan gsum bsangs la/ rtswa skam po gtsang ma dang bcas pas dag par byas te/ bdud rtsi lngas bsreg te thab khung du bzhag ste/ oM shrI he ru ka ma hA badz+ra dz+wa la dz+wa la hUM hUM/ gsang sngags 'di dang bcas par rlung ga yab kyis g.yabs te thab tu me sbar ro// de'i dbus su dam tshig sems dpa'i me sngar bshad pa'i rnam par bsams te/ ye shes sems dpa'i me sngags dang bcas pa'i phyag rgya 'dis spyan drangs te/ lag pa g.yas pa mi 'jigs par byas la/ mthe bong srin lag gi tshig la bkug

  11. 368a

    pali thabs kyis spyan drang ngo // e h+ye hi ma hA b+hU ta d+ya ba ri Shi dri sa twa ma gri he tra yu d+haM ma hA rA smai asmi na si nan ni hi to b+ha ba/ oM he ru ka ma hA badz+ra pA ba ka/ ag+na ye ma ma shAn+ti ku ru swA hA/ zhi ba'i'o// oM he ru ka ma hA badz+ra ma hen+na/ ag+na ye ma ma puSh+Ti ku ru bau ShaT rgyas pa'i 'o// o he ru ka ma hA badz+ra kA ma aka na ye ma ma a mu kaM ba shriM ku ru ho// dbang gi'o// / oM he ru ka ma hA badz+ra kro d+ha a ka na ye dza hi kro d+ha ya hUM a mu kaM mA ra ya hU~M phaT/ mngon spyod kyi'o// me lha 'ongs pa dang 'thor 'thung dang nye reg byas te bkug la dam tshig gi me lha la gzhug/ go/ de nas mchod yon gyi snod blangs la/ bdud rtsi lnga dang bA sres te thugs ka nas zhabs bsil dbul lo// oM shrI he ru ka ma hA badz+ra pra ba ra sat+kA raM pra tIts+tsha swA hA/ de nas lag pa gnyis kyis lan gsum aN+Da 'di dbul te/ oM ma hA ma ma yatat+ma gr-ih+Na sa d+him+me pra yats+tsha swAH/ spyan drang ba'i cho ga'o// de nas 'khor lo gsum byin gyis brlab par bya ste/ oM AHhUM mgo bo dang mgrin pa snying ka rnams su'o// de nas yan lag drug tu dgod par bya'o// de nas rdo rje sems ma la sogs pas yid kyis dbang bskur ro// lA s+ya sogs pa brgyad kyis yang dag par mchod de/ dar dpyangs dang phreng ba la sogs pa bcings te go bskon no// de nas me long dang sman la sogs pa khrus kyi yo byad dang / dril bu dkrol zhing spos dang rdzas snga ma dang bcas pa la yi ge brgya pa bzlas te khrus bya'o// yi ge brgya pa ni 'di dag ste/ oM he ru ka badz+ra sa ma ya ma nu pA la ya zhes bya ba la sogs pa'o// de nas mkha' 'gro ma la sogs pa bzhi'i gsang sngags dang /

  12. 368b

    yi ge nyi shu rtsa gnyis kyi gsang sngags kyis btab pa'i bum pa lngas dbang bskur ro// zhi ba la ni mkha' 'gro ma'i gzugs can rnam par snang mdzad dbu rgyan du bsam mo// rgyas pa la ni lA ma'i tshul can rin chen 'byung ldan dbu rgyan du bsam mo// dbang la ni dum skyes ma'i tshul can snang ba mtha' yas dbu rgyan du bsam mo// gsad pa la ni gzugs can ma'i tshul can don yod grub pa dbu rgyan du bsam mo// me lha'i zhal dang dgang gzar gyi kha la rang gi bdag po'i sa bon gyi yi ge dgod do// de nas oM DA ki ni dzi ni dzi ka stahA/ 'dis maral mngon par bsngags te/ de bzhin du rgyas pa la yang lA ma dang rin chen 'byung ldan la sogs pa'i sngags kyis gdab bo// de ltar me 'bar bar shes nas thog mar blugs gzar gyi dgang blugs gsum// oM shrI he ru ka dz+wa la dz+wa la hU~M sngags 'di dang bcas par dbul lo// de nas me 'bar ba dang mdog dang sgra la sogs pa las bgegs med par shes nas/ bgegs thams cad bcing bar bya ba'i phyir phyogs bzhin sa ku sha dgram mo// oM I me ku sha shu b+ha dib bya// su ra br-ih+ma pa bi ta trin rat+na tra ya rat+na hi d+hi pr-i thi bi dza gar+b+ha a big+h+nAM ma ma shAn+ting+garban+tu swA hA// 'di lta bu'i rim pas rtsa ba dang bcas par phyung ste/ mdog ljang gu'i mtshan nyid dang ldan pa zhi ba dang rgyas pa la sbyor ro// gzhan rnams la ni mnyam por bcad par bya'o// me'i rim pa ni shar ni shar gyi mdun nas/ lho ni lho'i mdun nas so// nub ni nub kyi mdun nas so// byang ni byang gi mdun nas so// me thabs kyis phyogs kun tu zhal bzhi pa'i sngags kyis mchod yon gyi snod la bsngags te bsang ngo // de nas

  13. 369a

    zhal bzhi pa 'thugs sam/ Shar tu'i gas rtsugs gang yang dadu bsam 'dudu can la btab ste/ mnga' ba ni phyogs marnams su brgyags pa m+b+ha'i bas yongs su bsod na rdo rje'i btsang ba byis par 'gyur ro// ku shal sogs pa dgram pa'i chaga'o// de nas ma'i las dang / rjes su mthun pang dngul gyi rjod dang / bad+ma'i dgas yang rung ba mdun du bsams te/ yang mchod yon dang zhabs bsil dang / 'thor 'thung byin la dgang blugs dbul lo// de la rim pa ni 'di yin te/ pus mo gnyis kyi nang du lag pa bzhag ste/ lag pa g.yas pa rdo rje khu tshur gyis dgang gzar blangs la/ mthe bong dang mthe chung brtan par bzung ste/ sor mo lhag ma rnams su yu bA'i steng du bzhag la mar gyis yongs su bkang ba'i dgang blugs bdun nam gsum ma ma gcig me lha'i sngags kyis me lha'i zhal du dbul lo// oM he ru ka ag+na ye a mu ka s+ya shAn+tiM ku ru swA hA/ de bzhin du thams cad la yang sbyor ro// de nas pazlog pa'i rim pa blta ba bya ste/ dang por dag blugs dbul/ de nas yam gang ni 'di kyi dkyil labar du'o// me ni TalA du'o// de nas til dang 'bras can dang / zho phyag du'o// de nas gu sha dang duR+Ya'i myu gu ni smyig tsug la'o// de nas nas dang gro dang 'bras dang mon sran gre'u rnams ni zhal lo// de bzhin du zhi ba'i rdzas la sogs pa rnams kyang de bzhin no// drin thugs kar ro// me tog ni dbu la'o// bdug spos ni 'od 'bar ba la'o// zhabs bsal ni zhabs la'o// mchod yon dang 'thor 'thung ni

  14. 369b

    phyag la'o// mar me ni mAdun du ste/ de dag ni rim pa'o// de nas sdig pa bsreg pa'i phyir dang por til gyi sbyin sreg bya ste/ oM sarba pA baM da ha na badz+ra ya swA hA/ de nas rdzas thams cad gsang sngags/ gcig gis bya'o// oM badz+ra a na la ma hA b+hu ta dz+wa la ya sar+b+ba b+hasmiM ku ru sar+b+ba big+h+nAM hUM phaT/ a mo ka s+ya shAn+ti d+hu ru swA hA/ yang na oM he ru k+Sha ya bid+me he bi d+ya rA dzA ya d+hi ma he tan+do bI ra pa ra dze ta ya ya hUM/ a mo ka s+ya shAn+tiM ku ru swA hA/ yang na rgyud de gzhan las bshad pa so so'i spyi'i gsang sngags kyang rung ngo // oM badz+ra yadz+nyA ya swA hA/ yam shing gi'o// oM ag+na ye swA hA/ mar gyi'o// oM sarba pA baM da ha na badz+ra ya 'di zhes bya ba/ b+hA ba~M da hA swA hA/ til dang yungs kar rnams kyi'o// oM sar+b+ba saM pa de swA hA/ zho dang zan gyi'o// oM a pra ti d+yA ta badz+ra ya swAhA/ ku sha'i 'o// badz+ra A yuHShe b+h+yaH/ duH'i myu gu'i'o// oM mAny+dzu be s+t+rai ya swA hA nas kyi'o// oM badz+ra b+has+pha re swAt+ma/ grwa yi'o// oM badz+ra badza yA ya swAH/ 'bru'i'o// oM maHpa lA ya~M swAH/ ma sha'i/ oM badz+ra puSh+pa ye swA hA/ 'bras ma grug pa'i 'o// oM ma hA shrI ba ye ba ye swA hA/ star ka dang / gla gor zho sha dang / rda ti pa la rnams kyi'o// zhu ba'i rdzas lhag ma rnams kyi ni me'i rang gi gsar sngags rnams kyis sbyin sreg bya'o// u dum+ba ra'i shing gi yal ga la sogs lhag ma rnams la ni/ oM la sogs pa nas rang gi ming dang mthar swA hA bcas pa'i rim pas sbyin sreg bya'o// rdzas thams cad la bdud rtsi lnga dang bsres te/ sbyin sreg bya'o// thams cad de nas me la 'thor 'thung dang / bsang gtor la sogs pa bya ba ste/ ye shes kyi me lha spyan drangs la/ snying ga nas

  15. 370a

    yaM ge hUM gi 'od zer gyis bskul nas nam mkha' las bklag ste/ las ma lus pa'i gzhi 'jig rten 'das pa'i ye shes kyi me lha ji skad bshad pa'i las kyi rgyan dang / nab dang / ji skad bshad pa'i mdog dang / phyag ji ltar gnas pa'i dpal khrag 'thung gi gzugs byon pa dang / de'i thugs kar ye shes sems dpa'i sa bon gyi 'od zer rnams dang / rang gi dam tshig gi phyag rgyas ye shes sems dpa' spyan drang ngo // 'khyud pa'i phyag rgya bcings la/ oM shrI badz+ra he ru ka e h+ye hai b+ha ga ban/ i ha bak+Shu sa ma ye ma tsa pany+dza a mr-i ta ar+g+haM saM pra tits+tsha swa bu tsam bi t+ya si ta me/ 'dis thab khung g.yas kyi drung du bltas te/ oM shrI badz+ra he he ru ru kaM hUM hUM phaT DA ki nI dzA la saM ba raM swA hA/ zhabs bsil dang mchod yon dang / 'thor 'thung dang lhab shos dang / lA s+ya la sogs pas yang dag par mchod de/ rtsa ba'i sngags brgyad kyis bstod do// rdo rje bcings la lcags kyu dang / zhags pa dang / lcags sgrog dang / dril bu rnams kyis dgug pa dang / gzhug pa dang bcing ba dang / dbang du bya'o// dri sh+ya dzaHdza hUM baM hoHsa ma ya s+t+waM sa ma ya ho 'dis mi'i dam tshig sems dpa'i zhal du thams cad kyi bdag nyid rab tu gzhug go/ de ltar snga ma bzhin du me long gi thog tu khrus byas la dbang lnga gsol te/ dang dpyangs dang / phreng ba bcings te/ ye shes sems dpa' rang gi thugs khar mtshan ma'i dbus su rang gi bla chos kyi yi ge la dkyil 'khor ma lus pa drug bcu rtsa gnyis kyi lha'i rang bzhin mthong ba la yang mchod yon phul te/ snga ma bzhin du sbyin sreg gi yo byad thams

  16. 370b

    cad bsangs te/ de nas dgang gzar blangs la ji tsam nus pa'i dgang blugs me lha'i zhal du dbul lo// de bzhin du blugs gzar gyis stong ngam/ brgya rtsa brgyad dam/ phyed dam/ bzhi cha yang rung bsreg go/ de nas yang dgang blugs gsum dbul te/ 'di ltar dkyil 'khor ma lus pa kun la bcu chu'i sbyin sreg bya'o// thams cad la dgang blugs dang skyes dang / dril bu'i sgra dang yi ge brgya pa gsum mam gcig bzlas te/ me tog la sogs pa dag pa dbul lo// sbyin sreg gi yo byad thams cad kyis snga ma bzhin du sbyin sreg bya'o// dbyangs skyong / go sngags snyam yi ge bdun pa 'am/ rdo rje phag mo'i nye ba'i snying po'i gsang sngags grang yang rung ba las 'di zhes bya ba shAn+tiM ku ru swAhA/ zhes bya ba mthar gdags so// rgyas pa'i mthar ni puSh+Ti ku dra bo ShaT/ dbang gi mthar ro// bsad pa'i mthar phaT/ yang dri zhim po las byung ba ci yang rung ste/ thams cad bdag gis kha zas la sogs pa 'byor pa'i don du sbyin sreg bya'o// de ltar mngon par 'dod pa'i sbyin sreg byas la dngos grub kyi phyir/ rgyud las bshad pa'i rdzas rnams kyis sbyin sreg bya'o// ba lang sha dang rta sha dang // shra na'i sha dang khyim bya dag/ dkyil 'khor gru gsum byas na no// sangs rgyas nyid kyang nges par 'jig/ phyir bzlog phreng ba'i gsang sngags kyis// zhi ba la sogs las rnams bya// rdo rje phag mo'i sngags gnyis kyis// dgug pa la sogs bya ba yin// de nas ji ltar 'dod pa'i sbyin sreg byas pa'i mthar oM hrIHha ha huM hUM phaT/ nye ba'i snying po 'di gsum mam bdun nam nyi shurtsa

  17. 371a

    @// gcig mar gyi sreg blugs kyis skur la/ mchod yon dang zhabs bsil dang / 'thor 'thung dang / dril bu'i rol mo snga ma bzhin du dbul lo// dgang blugs kyi mthar ba de legs su dang rol mo dang / bkra shis pa'i tshigs su bcad pa dbul lo// de nas bstod pa bya ste/ mngon par 'dod pa'i dngos grub gsol la/ bzod pur gsol lo// rdo rje bcing ba'i phyag rgya bcings la/ oM he ru ka muH'dis steng du dgrol te/ oM khyed kyis sems can don kun mdzad// ces pa la sogs pa brjod do// de nas oM kha kha khA hi zhes bya ba'i gsang sngags kyis nya dang sha dang / chang dang / zan dron la sogs pas yongs su gang ba'i gtor ma byin no// me'i dbus nas ye shes sems dpa' chos kyi dbyings su gyur te/ gshegs su gsol lo// de nas me la mchod yon la sogs pa phul te/ sbyin sreg gi yo byad lhag ma rnams kyang sbyin sreg bya'o// sreg blugs kyi mthar bsgrub bya bzung la dgang blugs dbul lo// mchod yon dang zhabs bsil dang bsang gtor yang bya/ sgrub pa po mngon par 'dod pa'i dngos grub kyang gsol te/ oM ag+na ye ya hi ya hi/ sar+b+baM rtse kha ba ra a thaM tsa sa ti d+ha ma ga tsa ha phyag byug ces bya'o// spyan drang ba'i phyag rgya las mthe bong phyir bkyed pa'i me 'bar ba'i gzugs can du blta ba de gshegs su gsol te/ rang gi lha'i nga rgyal dang / ldan pas phyogs skyong rnams la gtor ma sbyin no// rje btsun gyi yoM ge brgya pa yang lon bdun gyi bar du bzlas brjod bya'o// / oM badz+ra kI li kI la ya/ zhes bya bas phyogs kyi phur bu

  18. 371b

    mda' rnams phyung la/ las thams cad pa'i chu'o ma dang bcas pa khaN+Da ro ha'i rig sngags kyis btab ste/ khrus byas la gzhag go/ de nas lan gsum bskor ba byas te/ glu dang gar la sogs pa mdun du bya zhing ji ltar bde bar gnas par bya'o// dpal sdom rnal 'byor ma rgyud las// sbyin sreg rim pa phyung ba 'dis// rnal 'byor pa ni rtag dga' ba'i// dngos grub myur du grub par shog/ dpal he ru ka'i ming gi rgyud las// dpal bde mchog 'khor lo'i sbyin sreg gi chog/ grub pa'i slob dpon chen po nag po zhabs kyis mdzad pa rdzogs so// / chu gar gyi mkhan po narmA b+hA rba dang / khri chen gyi lo tsa ba dge slong rig pa gzhan nus bsgyur cing zhus te gtan la phab pa'o// / bkra shes/ rgya gar skad du/ b+hA san+na ti la ka nA ma/ bod skad du/ dpyid kyi thig le zhes bya ba/ bcom ldan 'das bde mchog 'khor lo la phyag 'tshal lo// mnyam dang mi mnyam bde chen sum cu rtsa bdun byang chub chen po'i phyogs bzhugs phung po chos kyi rang bzhin gnas pa rang lus rtsa yi 'khor lo gtso bo bzhi// dbyangs yig lngar bcas bcu gnyis dbyangs yi ga dan gyi b+h+yo mo gos la byed sa ma d+hAnA bzhis brgyan cing sgra gsung thugs kyi dbyebs gnas la sogs// sa bcu'i dbang phyug kun 'gro 'gro kun rang snying dbus gnas nam mkha'i ngo bo mchog zhi he ru ka dpal dam pa'i de nyid mya ngan 'das rang bzhin// rab gsal dpyid kyi thig le 'od 'phros 'bar ba sku gsum rgyas pa legs rtogs 'gro ba'i rang bzhin don bde

Colophon

dpal he ru ka'i ming gi rgyud las/_dpal sde mchog 'khor lo'i sbyin sreg gi cho ga grub pa'i slob dpon chen po zhabs kyis mdzad pa rdzogs so/_/rgya gar gyi mkhan po d+harma b+ha dra dang /_zhu chen gyi lo tsA ba dge slong rig pa gzhon nus bsgyur cing zhus te gtan la phab pa'o