F132MW1KG13607_0132mdo sdeAll versions of this work

'phags pa gnas mchog ces bya ba'i mdo

Āryasthānadharanamasūtra

Text

ff. 317b–323b · 13 folio sides

  1. 317b

    'dri ba dang / yi ger 'drir stsol ba dang / 'dzin pa dang / kha don bgyid pa dang / me tog dang / bdug pa dang / spos rnams kyis mchod par 'gyur ba/ lha smos kyang ci 'tshal de nas bcom ldan 'das kyis byang chub sems dpa' sems dpa' chen po rgyal bas dga' la 'di skad ces bka' stsal to// rigs kyi bu gang dag gis sangs rgyas bcom ldan 'das gang ga'/ klung gi bye ma snyed la bsnyen bkur byas pa de dag gis/ mdo sde 'di snyed par 'gyur ro// rigs kyi bu chos kyi rnam grangs 'di gang dag gi rna lam du grag par 'gyur la/ the tsom mi za ba'i sems can de dag 'di nas shi 'phos nas 'jig rten gyi khams bde ba can du skye bar 'gyur ro// rigs kyi bu gang na mdo sde 'di lta bu dag 'dzin pa'i sa phyogs de dag phyag bya ba'i 'os su 'gyur ro// rigs kyi bu phyi mi'i tshe phyi ma'i dus na/ bud med la la zhig la chos kyi rnam grangs 'di skad ces bka' stsal na/ byang chub sems dpa' sems dpa' chen po rgyal bas dga' dang / byang chub sems dpa' de dag dang / thams cad dang ldan pa'i 'khor de dag dang / lha dang mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyis gsungs pa la mngon par bstod do// 'phags pa chos dang don rnam par 'byed pa zhes bya ba theg pa chen po'i mdo// rdzogs s+ho// chug skad du/ ud+ya sman d+ha ra nas mA dza/ @#bong skad bu/ 'phag pa gnas mchog ces bya

  2. 318a

    @mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das ser skya'i/ gnas na shing n+ya kro da'i kun dga' ra ba na bzhugs so// de nas drang srong chen po ser skya/ nyin re zhing rkang pas 'gro la 'chag cing rjes su 'chag pa/ bcom ldan 'das ga la ba der ched du song ste/ bcom ldan 'das dang yang dag par dga' ba dang yang dag par snyan pa'i gtam rnam pa sna tshogs dag byas nas/ phyogs gcig tu 'dug go// bram ze gnas mchog phyogs gcig tu 'dug par bcom ldan 'das kyis mkhyen nas/ de la 'di skad ces bka' stsal to// gnas mchog khyod ci'i phyir 'di ltar skem zhing mdog mi sdug/ a ga com dang / skra dang / sen mo dang / spu ring zhing lus rtsub la bcom chung ngur smra ba/ gnas 'jog gis gsol pa/ ko'u ta ma bdag ni dgung slar bsnyung ba bgyid pas/ 'di ltar skem zhing mdog ngan pa/ ag tsom dang / skra dang / sen mo dang / spu ring zhing lus rtsub la bcom chung ngur smra ba lags so// de nas bcom ldan 'das kyis mkhyen bzhin du/ drang srong gnas 'jog la smras pa/ gnas 'jog khyod 'phags pa'i lam yan lag brgyad dang / ldan pa'i bsnyen gnas la gnas shing / cho 'phrul gyi phyogs la yang nan tan gyis sgrub 'am/ gnas 'jog gis gsol pa/ kye ko'u ta ma gang 'phags pa'i lam yan lag brgyad dang ldan pa'i bsnyen gnas la gnas pa dang / cho 'phrul

  3. 318b

    gyi phyogs la nan tan gyis bsgrub pa de cir 'gyur/ bcom ldan 'das kyis bka' stsal pa/ bram ze de ni lha dang mi rnams kyi 'dod pa la spyod par 'gyur ro// gnas 'jog gis gsol pa/ ko'u ta ma 'phags pa'i lam yan lag brgyad dang ldan pa'i bsnyen gnas shes bgyi ba de gang lags/ ko'u ta ma ji ltar na 'phags pa'i lam yan lag brgyad dang ldan pa la bsnyen pas/ lha dang mi rnams kyi 'dod pa la nye bar spyod par 'gyur/ gnas 'jog rig kyi bu 'am/ rigs kyi bu mo dad pa dang ldan pa/ 'phags pa'i lam yan lag brgyad dang ldan pa'i bsnyen gnas la gnas par 'dod pas/ nang par langs nas dge slong ngam/ bram ze 'am/ gzhan gang yang rung ba shes pa zhig gi drung du song ste/ bla gos brag pa gcig tu byas la/ pus mo g.yas pa'i lha nga sa la btsugs te/ thal mo sbyar nas/ tshig 'di skad ces brjod par bya ste/ bdag ming che ge mo zhes bgyi ba dus 'di nas bzung ste/ gang dro nub kyi mtshan mo 'di dang / sang nyi ma shar gyi bar du/ srog gcod pa spong zhing / srog gcod pa las slar ldog ste/ dbugs pa spangs shing mtshon cha spangs ste/ ngon dang ldan zhing snying rje dang ldan par bgyis la/ sems can dang srog chags 'byung po thams cad las chung ngu na/ sreg chags bra mo grog sbyar yan chad kyi srog gcod pa yang spangs te/ srog gcod pa las srar ldog par bgyi'o// ji lur 'phags pa dgra bcos pa de dag dza srid 'tshe' bar du srog bzod pa spang / srog

  4. 319a

    / gcod pa las slar log nas/ dbyug pa spangs shing mtshon cha spangs te/ sems can dang srog chags 'byung po thams cad chung ngu na/ srog chags pra me grog sbur yan chad kyi srog gcod pa spangs te/ srog gcod pa las slar log pa de bzhin du/ bdag che ge mo yang dus 'di nas bzung ste/ do nub kyi mtshan mo 'di dang / sang nyi ma shar gyi bar du srog gcod pa spong zhing / srog gcod pa las slar ldog ste/ dbyug pa spangs shing mtshon cha spangs te/ ngo tsha dang ldan zhing snying rje dang ldan par bgyis la sems can dang srog chags 'byung po thams cad las chung ngu na/ srog chags phra mo grog sbur yan chad kyi srog gcod pa yang spangs te/ srog gcod pa las slar ldog par bgyi'o// yan lag dang po 'dis bdag 'phags pa dgra bcom pa de dag gi bslab pa la rjes su slob po// rjes su sgrub po rjes su bgyid do// ji ltar srog gcod pa las slar ldog pa de bzhin du/ ma byin par len pa dang / mi tshangs par spyod pa dang / rdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas dang / glu gar dang / rol mo'i sgra dang / phreng ba dang / spos nyug pa dang / rgyan dang / kha dog 'chang ba dang / khri stan mthon po dang / khri stan chen po dang / dus ma yin pa'i kha zas spangs te/ dus ma yin pa'i kha zas las slar ldog par bgyi'o// ji ltar 'phags pa dgra bcom pa de dag ji srid 'tsho'i bar du/ dus ma yin pa'i kha zas spangs te/

  5. 319b

    dus ma yin pa'i kha zas las slar ldog pa de bzhin du/ bdag chege mo yang dus 'di nas bzung ste/ gang do nub kyi mtshan mo 'di dang / sang nyis shar gyi bar du dus ma yin pa'i kha zas spangs te/ dus ma yin pa'i kha zas las slar ldog par bgyi'o// yan lag brgyad dang ldan pa 'dis bdag 'phags pa dgra bcom pa de dag gi bslab pa la rjes su bslob bo// rjes su sgrub po// rjes su bgyid do// de ltar lan gnyis de ltar lan gsum du'o// gnas mchog 'di ni 'phags pa'i yan lag brgyad dang ldan pa'i bsnyen gnas yin te/ de ltar 'phags pa'i yan lag brgyad dang ldan pa'i bsnyen gnas la gnas pa ni/ lha dang mi'i 'dod pa la nye bar spyod par 'gyur te/ gnas 'jog khyod 'phags pa'i yan lag brgyad dang ldan pa'i bsnyen gnas la gnas par gyis shig/ cho 'phrul gyi phyogs la yang nan tan gyis sgrubs shig/ lha dang mi rnams kyi 'dod pa yang spyod par gyis shig/ gnas 'jog ji ltar 'phags pa'i yan lag brgyad dang ldan pa la gnas pa'i rigs kyi bu 'am/ rigs kyi bu mo dad pa dang ldan pa de'i bsod nams 'di tsam mo zhes bsod nams sam/ bsod nams kyi 'bras bu rnam par smin pa'i tshad bzung bar mi nus te/ 'on kyang bsod nams kyi phung po mang po zhes bya ba'i grangs su 'gro'o// gnas 'jog dper na chu bo chen po lnga gcig tu gzhol bar 'bab pa ni/ 'di lta ste/ gang ga dang / ya mun dang / mtsho ldan dang / khyim ldan dang / sa ste dang / chu de dag la 'di tsam

  6. 320a

    \u0f7fmo zhes chu 'am/ chu bum pa bgyi 'am/ chu bum pa stong ngam/ chu buM ba brgya stong zhes tshad bzung bar mi nus te/ 'on kyang chu mang zhing chu klung che'o zhes bya ba'i/ grangs su 'gro'o// gnas 'jog de bzhin du/ 'phags pa'i yan lag brgyad dang ldan pa'i bsnyen gnas la gnas pa'i rigs kyi bu 'am/ rigs kyi bu mo de'i bsod nams 'di tsam mo zhes bsod nams sam/ bsod nams kyi 'bras bu 'am/ bsod nams kyi 'bras bu rnam par smin pa'i tshad bzung bar mi nus te/ 'on kyang bsod nams mang po zhes bya ba'i grangs su 'gro'o// gnas 'jog de ji snyam du sems/ gang zhig rgya mtsho chen po ni 'di tsam ste/ chu 'am/ chu bum pa brgya 'am/ chu bum pa stong ngam/ chu bri pa brgya stong yod ces tshad bzung bar nus pa yod dam/ gnas mchog gis gsol pa/ ko'u ta ma lnga la rgya mtsho chen po'i chu ni 'di tsam ste/ chu 'am chu bum pa brgya 'am/ chu bum pa stong ngam/ chu bum pa brgya stong zhes tshad bzung bar de ni gnas ma mchis te/ skabs ma lags so// ko'u ta ma de ci'i slad zhe na/ chu klung de ni tshad bzung du ma mchis pa'i slad du'o// bcom ldan 'das kyis bka' stsal pa/ gnas 'jog de bstan pa go bar bya ste/ gang zhig gang gi tshe/ thabs la mkhas pa gang gis rgya mtsho chen po'i chu 'di tsam ste/ chu'am/ chu bum pa brgya 'am/ chu bum pa stong ngam/ chu bum pa brgya stong zhes tshad gzung bar nus pa yod srid kyi/ gang 'phags pa'i yan lag brgyad dang ldan pa'i bsnyen gnas

  7. 320b

    la lan gcig gnas pa'i bsod nams 'di tsam zhes bsod nams sam/ bsod nams kyi 'bras bu 'am/ bsod nams kyi 'bras bu rnam par smin pa chad gzung bar mi nus te/ 'on kyang bsod nams mang zhing bsod nams kyi phung po che'o// zhes bya ba'i grangs su 'gro'o// gnas mchog 'phags pa'i lam yan lag brgyad dang ldan pa'i bsnyen gnas la gnas pa ni de ltar 'bras bu che ba yin/ de ltar phan yon che ba yin/ de ltar mthu che ba yin/ de ltar rgya che ba yin no// gnas 'jog khyod 'phags pa'i lam yan lag brgyad dang / ldan pa'i bsnyen gnas la nye bar gnas par gyis shig/ cho 'phrul gyi phyogs la yang nan tan gyis sgrubs shig/ lha dang mi rnams kyi 'dod pa la yang spyad par gyis shig/ de nas bcom ldan 'das la bram ze gnas 'jog gis 'di skad ces gsol to// kye ko'u ta ma 'di la skyes bu gnyis shig las de gcig gis ji srid 'tsho'i bar du/ sbyin pa stsal pa dang / gnyis pas kyang ji srid 'tsho'i bar du/ 'phags pa'i lam yan lag brgyad dang ldan pa'i bsnyen gnas la gnas pa de gnyis las/ bcom ldan 'das khyad par gang che lags/ bcom ldan 'das kyis bka' stsal pa/ gnas 'jog 'di la 'phags pa'i lam yan lag brgyad dang ldan pa la gnas pa dang / sbyin pa gnyis mnyam pa ma yin te/ gnas mchog dper na gang 'jam bu'i gling 'dir dgra bcom pa/ zag pa zad pa/ bya ba byas pa/ byed pa byas pa/ khur bor ba/

  8. 321a

    bdag gi don rjes su thob pa/ srid pa sbyor ba yongs su zad pa/ yang dag pa'i shes pas sems shin du rnam par grol ba rnams kyis gang bar gyur pa/ de dag la gang rigs kyi bu 'am rigs kyi bu mo gcig gis ji srid 'tsho'i bar da/ 'di lta ste/ yul chen po bcu drug la/ ang ga dang / ma ga d+ha dang / gA shi dang / bri dzi dang / mal cha dang / pun dra dang / sreg pa dang / ka mA dang / a ban ti dang / ku ru dang / lnga len dang / bad sa dang / dpa' sde dang / yab na dang / kam po rnams su 'di lnga ste/ rin po che rdo rje dang / mar rgad dang / pad ma ra ga dang / an da rnyil dang / zon ka chen po dang / nor bu dang / mu tig dang / bai dur+ya dang / shang ka shi la dang / bye ru dang / dngul dang sa le sbram dang / rdo'i snying po dang / sbag dang / mu tig dmar po dang / dung g.yas su 'khyil pa rnams brtson 'grus kyi stobs bskyed pas/ gang gnyis pas 'phags pa'i lam yan lag brgyad dang ldan pa'i bsnyen gnas la rtul zhing dri ma chags chagasu lag mthus sgrubs/ chos dang ldan zhing chos kyis 'thob pa de dag dang / yo byad chos gos dang / zas dang / mal cha dang / nad kyi rkyen gsos sman rnams kyis bsnyen bkur byas pa bas/ gang gnyis pas 'phags pa'i lam yan lag brgyad dang ldan pa'i bsnyen gnas la lan gcig gnas pa la/ snga ma sbyin pa las byung ba'i bsod nams kyi phung po des ni/ 'phags pa'i lam yan lag brgyad dang ldan pa la gnas/

  9. 321b

    pa las byung ba'i bsod nams kyi phung po'i brgya'i nar yang nye bar mi 'gro'o// stong gi cha dang / brgya stong gi cha dang / grangs dang cha dang / bgrang ba dang / dpe dang / rgyur yang bar mi 'gro ste/ gnas 'jog 'phags pa'i lam yan lag brgyad dang ldan pa la gnas pa ni de ltar 'bras bu che ba yin/ de ltar phan yon che ba yin/ de ltar mthu che ba yin/ de ltar rgya che ba yin no// gnas mchog 'on kyang lha'i bde ba la brten na/ mi'i rgyal srid dman te/ gang mi rnams kyi lo lnga bcu la rgyal chen bzhi'i ris kyi lha rnams kyi nyin zhag gcig ste/ nyin zhag gi tshad de'i zhag bcwo lnga la zla ba phyed/ zhag sum bcu la zla ba gcig/ zla ba bcu gnyis la lo gcig ste/ tshul des brtsis pa'i lha'i lo lnga brgya gang yin pa de ni rgyal chen bzhi'i ris kyi lha rnams kyi tshe'i tshad yin no// mi'i tshul gyis brtsis na/ lo brgya phrag dgu stong yod de/ gnas 'jog rigs kyi bu 'am/ rigs kyi bu mo gang dad pa dang ldan pa/ 'phags pa'i lam yan lag brgyad dang ldan pa'i bsnyen gnas la lan gcig gnas pa ni lus dang bral nas/ rgyal chen bzhi'i ris kyi lha rnams dang bskal pa mnyam par skye ba de ni gnas te/ gnas 'jog ngas 'di la dgongs nas lha'i bde ba la bsten na/ mi'i rgyal srid dman no zhes bka' stsal to// mi rnams kyi le brgya la sum bcu rtsa gsum pa rnams kyi nyin zhag gcig ste/ nyin zhag gi chad de'i zhag bco lnga la zla ba byed/ zhag sum bcu la zla ba gcig/ zla ba bcu gnyis la lo gcig ste/

  10. 322a

    tshul des brtsis pa'i lha'i lo stong gang yin pa de ni/ sum bcu rtsa gsum pa'i lha rnams kyi tshe'i tshad yin no// mi'i tshul gyis brtsis na/ lo bye ba phrag gsum la/ lo brgya phrag stong drug bcu yod de/ rigs kyi bu 'am/ rigs kyi bu mo dad pa dang ldan pa 'phags pa'i yan lag brgya dang ldan pa'i bsnyen gnas la lan gcig gnas pa ni/ lus dang bral na sum bcu rtsa gsum gyi lha rnams dang bskal pa mnyam par skye ba de ni gnas yin te/ gnas 'jog ngas 'di la dgod nas lha'i bde ba la brten na/ mi'i rgyal srid dman no zhes bka' stsal to// gnas 'jog gang mi rnams kyi lo nyis brgya la/ 'thab bral gyi lha rnams kyi nyin zhag gcig ste/ nyin zhag gi tshad de'i zhag bcwo lnga la zla ba phyed/ zhag sum bcu la zla ba gcig/ zla ba bcu gnyis la lo gcig ste/ tshul des brtsis pa'i lo nyis stong gang yin pa de ni 'thab bral gyi lha rnams kyi tshe'i tshad yin no// mi'i tshul gyis brtsis na/ lo bye ba phrag bcu bzhi dang / lo stong phrag bcu bzhi yod de/ rigs kyi bu 'am/ rigs kyi bu mo gang dad pa dang ldan pa 'phags pa'i lam/ yan lag brgyad dang ldan pa'i bsnyen gnas la lan gcig gnas pa ni/ lus dang bral na 'thab bral gyi lha rnams dang bskal pa mnyam par skye ba de ni gnas yin no// gnas 'jog ngas 'di la dgongs nas lha'i bde ba la brten na/ mi'i rgyal srid dman no zhes bka' stsal to// gnas 'jog gang mi rnams kyi lo bzhi brgya la dga' ldan

  11. 322b

    gyi lha rnams kyi nyin zhag gcig ste/ nyin zhag gcig gi tshad de'i zhag bcwo lnga la zla ba byed/ zhag sum bcu la zla ba gcig/ zla ba bcu gnyis la lo gcig ste/ ji ltar lor brtsis pa'i tshul gyis lha'i lo bzhi stong gang yin pa de ni/ dga' ldan gyi lha rnams kyi tshe'i tshad do// mi'i tshul gyis brtsis na lo bye ba phrag lnga bcu rtsa bdun dang / lo bye ba phrag drug bcu yod te/ gnas 'jog rigs kyi bu 'am/ rigs kyi bu mo gang dad pa dang ldan pa'i 'phags pa'i lam yan lag brgyad dang ldan pa'i bsnyen gnas la lan gcig gnas pa ni/ lus dang bral na dga' ldan gyi rnams dang bskal pa mnyam par skye ba de ni gnas yin te/ gnas 'jog ngas 'di la dgongs nas lha'i bde ba la brten nas/ mi'i rgyal srid dman no zhes bka' stsal to// gnas 'jog gang mi rnams kyi lo brgyad brgya la 'phrul dga'i lha rnams kyi nyin zhag gcig ste/ nyin zhag gi tshad de'i zhag bcwo lnga la zla ba phyed/ zhag sum bcu la zla ba gcig/ zla ba bcu gnyis la lo gcig ste/ lor brtsis pa'i tshul des lha'i lo brgyad stong gang yin pa de ni 'phrul dga'i lha rnams kyi tshe'i tshad yin no// mi'i tshul gyis brtsis na lo bye ba phrag nyis stong sum brgya dang / lo brgya phrag stong bzhi bcu yod de/ rigs kyi bu 'am/ rigs kyi bu mo gang dad pa dang ldan pas 'phags pa'i lam yan lag brgyad dang ldan pa'i bsnyen gnas la lan gcig gnas pa ni/ lus dang bral na 'phrul dga'i lha rnams dang bskal pa mnyam par skye ba de ni gnas yin te/ gnas 'jog ngas 'di

  12. 323a

    las dgongs nas lha'i bde ba la brten nas/ mi'i rgyal srid dman no zhes bka' stsal to// gnas 'jog gang mi rnams kyi lo stong phrag bcu drug la gzhan 'phrul dbang byed kyi lha rnams kyi nyin zhag gcig ste/ nyin zhag gi tshad de'i zhag bcwo lnga la zla ba phyed/ zhag sum bcu la zla ba gcig/ zla ba bcu gnyis la le gcig ste/ lor brtsis pa'i tshul des lha'i lo khri drug stong yod pa yang gang yin pa de ni/ gzhan 'phrul dbang byed kyi lha rnams kyi tshe'i tshad yin no// mi'i tshul gyis brtsis na lo bye ba phrag dgu rgya nyi shu rtsa gcig dang / lo brgya phrag stong drug bcu yod de/ rigs kyi bu 'am/ rigs kyi bu mo gang dad pa dang ldan pa 'phags pa'i lam yan lag brgyad dang ldan pa'i bsnyen gnas la lan gcig gnas pa ni lus dang bral na gzhan 'phrul dbang byed kyi lha rnams dang bskal pa mnyam par skye ba de ni gnas yin te/ gnas 'jog ngas 'di la dgongs nas lha'i bde ba la brten nas/ mi'i rgyal srid dman no zhes bka' stsal to// gnas 'jog khyod 'phags pa'i lam yan lag brgyad dang ldan pa'i bsnyen gnas de la nye bar gnas par gyis shig/ cho 'phrul gyi phyogs la yang nan tan gyis sgrubs shig/ lha dang mi rnams kyi 'dod pa la yang spyad par gyis shig/ de nas bcom ldan 'das la bram ze gnas 'jog gis 'di skad ces gsol to// kye ko'u tam bdag gis ni yun ring zhiganas/ dgung zla re rer dka' thub drag po sku sbyor bgyis pa ni/

  13. 323b

    bdag gis ci yang ma snyed de/ bdag ni ding slan chad sangs rgyas la skyabs su 'chi'o// chos dang dge 'dun la yang skyabs su 'chi'o// mthu ji lta ba dang / stobs ci mchis pas 'phags pa'i las yan lag brgyad dang ldan pa'i bsnyen gnas la nye bar gnas par bgyi zhing / sbyin pa yang bskul bar bgyi'o// bcom ldan 'das kyis bka' stsal pa/ gnas 'jog 'di ni legs par yin te// khyod kyi bya ba ni de yin no// bcom ldan 'das kyis de skad ces bka' stsal nas/ bram ze gnas 'jog dang / lha dang mi dang / lha ma yin dang / dri zar bcas pa'i 'jig rten pa rlangs te/ bcom ldan 'das kyis gsungs pa la mngon par bstod do// 'phags pa gnas 'jog ces bya ba'i mdo// / rdzogs s+ho// // rgya gar gyi mkhan po sarba dz+nyA na de ba dang / zhu chen gyi lo tsA ba ban de/ dpal brtsegs sogs pas/ bsgyur cing zhus te gtan la phag pa// rgya gar skad du/ Ar+ya dri sha ra na ga ma na ma hA yA na su tra ma/ bod skad du/ 'phags pa dkon mchog lha skyabs su 'gro ba zhes bya ba theg pa chen po'i mdo// dkon mchog gsum la phyag 'tshal lo// 'di skad bdag gis bla dus gcig na/ bcom ldan 'das mnyan yod na/ rgyal bu rgyal byed kyi tshal/ mgon med zas sbyin gyis kun dga' ra ba na/ dge slong nyis brgya lnga bcu'i dge slong gi dge 'dun chen po dang thabs gcig tu bzhugs so// de nas de'i tshe/

Colophon

'phags pa gnas 'jog ces bya ba'i mdo// rdzogs s+ho// rgya gar gyi mkhan po sarba dz+nya na ed ba dang/ zhu chen gyi lo ts+tsha ba ban de/ dpal brtsegs la sogs pas/ bsgyur cing zhus te gtan la phab pa/