'phags pa 'jam dpal dri ma med pa'i gsang ba'i rgyud
Aryamañjuyamasabhavaśuddhaguhyatantra
Text
ff. 2b–19a · 34 folio sides
- 2b
che dang / pad+ma dang / las dang / de bzhin gshegs pa dang / ye shes lngar ldan pa'i tshem bu nyi shu rtsa lnga sogs te/ bsam gyis mi khyab pa'i 'khor mang po spros shing / thams cad kyis brgyan pa dang / mi bzang rgyan gyi 'khor gyis bskor ba laM/ 'jam dpal spros bral gyi rgyob btab nas/ yid la mi byed pa'i ting nge 'dzin la snyoms par zhugs nas/ mi rtog chos kyi dbyings su ban la log/ 'phags pa 'jam dpal dri ma med pa gsang ba'i rgyud las/ 'das pa sngon byung ba'i le'u ste dang po'o//
- 3a
@##/ de'i tshe de'i dus na ri rab kyi 'og/ gser gyi sa gzhi spris ma bdun mas rims kyis chags pa'i 'og/ chu'i dkyil 'khor gyi yang 'og/ rlung gi dkyil 'khor gyis bteg pa'i steng du/ gnam lcags kyi khang pa shin tu che ba bcu bdun gnas te/ phyogs phyogs kyi nang mi ro gsar rnying gis brtsigs pa/ 'og khrag gis brtsigs pa rgya mtshor 'khyil pa/ kha zur kun rno ba/ sgo med yid kyi sgro can de lta bu'i nang na khams gsum gyis sems can zas su za zhing gsod pa las kyi rnam par smin pa de/ zhe sdang drag po'i mthu las grub pa'i/ gshin rje/
- 3b
nag po thar byed bdud bye ba gu rings zhes bya ba dang / de'i chung ma dus mtshan nag po zhes bya ba yi dwags thams cad kyi gtso mo byed cing / skye ba thams cad khram la 'debs shing / zas su sha khrag rlon pa za zhing / srid pa gsum lto na yod pa cig dbus kyi khang pa na gnas so// de gnyis kyis sprul pa las kyi gshin rje gshed po bzhi byung te/ chos kyi rgyal po ma he nag po la zhon nas skye 'gro thams cad mgo 'khor bar byed cing / srid pa'i rgyal sa 'dzin pa dang / myos byed 'bar ba a pa glang mgo can/ dur ka nag po rdo rje ro langs ni// dril rta rkang gsum la zhon nas/ skye 'gro myos shing brgyal bar byed cing srid pa'i khog sbrebs pa dang / gsod byed smug nag ral pa tshar dgu ni// sbrul nag po la zhon nas skye 'gro thams cad gsod cing / srid pa'i byan byed pa dang bzhir
- 4a
@##/ byung ngo // de bzhin la zur thar byed rA tsa ha la yag sha me dpal gshed po bzhi zhes bya'o// de bzhi la bka' nyan bzhir yod do/ gshin rje phya sangs ni/ chos kyi rgyal po'i 'khor na/ lam rgyud lnga la dbang byed pas ded dpon chen po tshangs pa kun dril zhes bya ste/ nyi zla'i 'khor lo zhon nas srid pos bskos 'debs shing gcod sbyong byed/ gshin rje rten 'brel pa ni ya Sha ti'i 'khor na dbugs len cing dbang po the'u shan zhes bya ste/ rlung gi rnga mo la zhon nas srid pa'i dbugs len to// dam sro nag po lcags kyi spyang mgo can gyi 'khor na/ tshe rtogs pa'i dbang po cher byed ces bya ste/ smyo 'bog sha ba la zhon nas srid pa'i sla rku'o// gshin rje mi dmar ni ral pa tshar dgu'i 'khor na/ srog gcod pa'i bdag po ma ru rtsi zhes bya ste/ lkugs pa lugs
- 4b
la zhen nas/ srid pa'i srog gcod pa dang bzhi'o// gzhan yang de la sogs te/ 'jig rten dreg pa can lha ma srin sde brgyad kyi 'khor dang thabs cig pa la 'jig rten gyi khams phung bar byed pa las/ bcom ldan 'das 'phags pa 'jam dpal chos kyi dbyings las rnal sad de/ dregs pa mtshar gcod de ting nge 'dzin la snyoms par zhugs so// de ma thag tu gtum chen gnyis po'i lhar gyur te/ gcom gser gyi kha dog la// rta gzil 'dra ba'i mdog tu brten// ud pa la sngon po'i phyag mtshan ni// gshin rje dbyug pa nag por bstan// 'jam dpal zhi ba'i sprul pas ni// gshin rje 'phros pa'i sku ru bstan// zhal drug phyag kyang bcu gnyis so// dbu drug skra yang gyen du 'khyil// zhabs kyang bcu gnyis yi dwags gnan// dur khrod chas kyis rnam/
- 5a
par brgyan// 'jam dpal 'khrod pas gshin rjes gyur// ro langs gtum mos g.yon nas 'khril// g.yas na bka' sdong dza ta ma de ltar yab yum gnyis su med pa'i 'khor yang 'di lta ste/ gshin rje chen po bzhi dang / de'i yum bzhi dang / phyogs skyong gshin rje bcu dang / de'i yum bcu dang / sgo ma bzhi dang / de ltar 'khor 'bum phrag bsam gyis mi khyab pa dang thabs cig tu bzhugs te/ de kun kyang 'o bar 'phro la rngam pa'i cha byad can la/ zhal re re nas kyang hUM hUM dang / phaT phaT dang hal la ha la'i sgra sgrogs pa/ dur khrod 'bar ba'i gzhal yas khang // nam mkha'i rgya dang mnyam pa la// bar 'khyams dang sgo bzhi dang rta babs su bcas la// thong sbrul dang g.yang gzhis brgyan cing // yang ba'i tsa'i gdan la ma he la sogs pa dang nyi zlas mtshan pa/ yi dwags
- 5b
pho mo'i bam gu gu thul du brdzis pa gcig tu gyur to// de'i tshe de'i dus na khro bo gshin rje gshed pos/ khams gsum dbang bsdud pa'i ting nge 'dzin la snyoms par bzhugs so// oM a kro ta ka ya man ta ka ha na ban dza hUM phaT/ zhes pas nyi ma 'bum pas lhag pa'i 'od zer phyogs bcur brdal nas/ bskal pa'i 'brug stong dus gcig na 'dir ba'i sgrar brjod pas/ stong gsum gyi stong chen po'i 'jig rten gyi khams thams cad kyang / g.yos rab tu g.yos/ kun tu rab tu g.yos so// 'gul rab tu 'gul/ kun tu rab tu 'gul lo// ldeg rab tu ldeg go/ 'ur 'ur rab tu 'ur rur ro// kun tu rab tu 'ur ro// chem rab tu chem/ kun tu rab tu chem mo// 'khrug rab tu 'khrus/ kun tu rab tu 'khrugs so// de lta ba khams gsum dbang du bsdud shing sred gsum zil gyis gnon// 'chi bdag grong khyer zhabs
- 6a
'og tu brdzis pas/ las kyi gshin rjes rang rang gi srog gsang ba na/ rlung srog me'i 'khor lo btsun la/ lcags kyi sdig pa kha brgyad pas mtshan mar gnas te/ ya ma snying sha sha dza dza dun/ ya ma snying ru pa na/ a kar sha ya hUM phaT/ zhes srogs 'phrogs pas/ las kyi gshin rje thams cad gcer bu la lhag pas btab pa'i ma/ nya bye tshan la 'khor ba bzhin 'dar yid yed/ skas tod to lcang lgang 'o dod gnam la 'bod cing / nga 'jigs byed chen po ci bgyi ba bka' nyan 'bangs su mchi/ 'bangs la nan tan ma cung cig/ zhes zer te rang rang gi srog gi snying po mdongs sol tu phul ba ni/ ya ma me dang k+Sha dang ra dza sa do// ru na yo ni/ ra dza ni/ zhes phul lo// 'jig rten gyi lha ma srin sde brgyad kyis kyang rang rang gi dpon dang g.yog du bcas nas kyang spyi srog gcig tu dril nas phul bas/ a/ ya/ ma du/ ruHtsang sha na la zhes phul nas bsgo ba'i bka' nyan par khas blangs so// de nas bcom ldan 'das 'jam dpal 'jigs byed chen po de/ las kyi gshin rje 'khor dang
- 6b
bcas pa'i khar rak+ta dmar chen blug nas/ dam bsgrags nas lung bstan te/ nga ni dus gsum sngon du 'byung // nga ni dus gsum phyis kyang 'byung // da ni da ltar mngon pa'i lha// dus gsum 'di ni dA'i dbang // nga'i bka' las ma 'da' bar// dus gsum bstan pa'i bsrung ma gyis// zhes brjod pas/ dam tshig rdo rje mgo 'gas shing // dam tshig snying po rnam par grags rdo rje tha tshig snying la bzhag/ dam zan dam chu kha ru blud// dam tshig rdo rje mgo 'gas shing // lus kyang thal ba bzhin song nas// snying la za byed me dpung 'bar// oM hriHtri wi tri ta a nan hUM hUM phaT phaT swA hA// zhes dam bsgrags so// phyis lung bstan pa sangs rgyas bstan pa mi gnas shing // chos nyid bden pas mi 'dul ba'i// lnga brgya tha ma byung tsa na// bstan pa thams cad nub pa na// las ngan mtshams med byed pa dang // zas ngan lci ba za ba dang // gos ngan dug hrul gon pa dang // ngam tshig nyams pa mang ba dang // 'dul ba'i sgo la bab pa'i tshe// ma mo'i bstan pa byung ba'i tshe// bstan pa nub la nye ba'i tshe// mu stegs bstan pa dar ba'i tshe// de'i tshe bstan pa'i bsrung ma gyis/ zhes lung bstan te tha tshigs bcas so gshin rje chos kyi rgyal pos 'khor tshogs bya bar dam bcas so// ya ba ti sa gdan mchog bya bar dam bcas so// a pa glang mgo can gyis// bran mchog bya bar dam bcas so// ral pa
- 7a
tshar dgus pho nya bya bar dam bcaso// phya ba sangs kyis bskos mkhan bya bar dam bcas so// dmigs pas rtsis mkhan bya bar dam bcas so// tel bas khram pa bya bar dam/ bcas so// mig dmar gyis srog gcod par dam bcas so// ging chen po bco brgyad kyi sgrol ging bya bar dam bcas so// 'phags pa 'jam dpal dri ma med pa gsang ba'i rgyud las/ gdul bya drag po'i le'u ste gnyis pa'o// / de nas bcom ldan 'das 'jam dpal gshin rje gshed po la/ dpal ldan rdo rje 'chang chen chos bstan pa'i rgyud kyis don rgyas par zhus pa'o// e ma ho// 'jigs byed chen po lags/ thugs rje chen pos byin brlabs kyis// ston pa bstan pa dus gsum du// ma nub 'dzin cing bsrung ba la// lha spyod dbang dang dam tshig dang // bsgrub dang 'phrin las khyad par dang // ngo bo nges tshig dbye ba rnams// 'jigs byed chen pos bshad du gsol// zhes gsol pas/ khro bo 'jigs byed chen pos bka' stsal pa// nyon cig dpal ldan rdo rje 'chang // gdul ka 'dul ba rnams kyi mchog/ dpa' bo 'jig rten gsum las rgyal// dri ma med pa gsang ba'i rgyud las// lta ba'i khyad par bstan pa ni// yo ga rnams pa gsum du bstan// gzugs snang dgra bgegs sems rtogs kun// gshed po gtso 'khor sku gsung thugs// kun rdzob dkyil 'khor thabs su lta// don dam rang bzhin med par lta// thabs dang shes rab dbyer med du// rnal 'byor ma hA yo ga lta// gshed po gtso 'khor kun rdzob de// don dam
- 7b
/ spros bral chos kyi dbyings ka rang rig ye shes gnyis med du/ shin tu rdzogs pa'i rnal 'byor lha// gshin rje gshed po'i gtso 'khor de// rang byung ye shes rol pa'i sku// longs spyod rang la rdzogs pa'i rgyan// yon tan thams cad 'byung ba'i gter// rang bzhin gyis rdzogs pa'i sku// rdzogs pa chen po'i rnal 'byor lha// kun rdzob lha'i dkyil 'khor bzhi// dmigs pa rten gyi dkyil 'khor dang // dam tshig sems dpa'i dkyil 'khor dang // rang bzhin grub pa'i dkyil 'khor dang // las la grub pa'i dkyil 'khor bzhi// dmigs pa rten gyi dkyil 'khor ni// 'bur ram bris su bris pa'o// dam tshig sems dpa'i dkyil 'khor ni// mi yangs ting 'dzin bstan pa dang // rdo rje las su rung ba'o// rang bzhin grub pa'i dkyil 'khor ni// chos nyid sku las ma g.yos bzhin// longs spyod rdzogs skur gnas pa'o// / las la grub pa'i dkyil 'khor ni// rang rgyud sa bon rtsub mo yis// chos nyid sgyu mar ma rtogs te// las la grub pa'i grags pa can// nga dang bdag tu 'dzin pa'o// 'phags po 'jam dpal dri ma med pa'i gsang ba'i rgyud las/ lta ba bstan pa'i le'u ste gsum pa'o// / de nas dpal ldan rdo rje 'chang // rnal 'byor pa'i spyod pa ni// kun rdzob lha'i sku gsung thugs// yon tan 'phrin las rnam pa lnga// khyad par thabs kyi spyod sgrol rnams// don dam rang bzhin med pas na// babs dang shes rab gnyis med spyod // shin tu rnal 'byor spyod pa ni// kun rdzob lha'i
- 8a
@dkyil 'khor te// don dam rnam dag chos kyi dbyings// rig pa'i ye nas gnyis med pas// dbyings la ye nas rol par sbyong // shin tu rnal 'byor spyod pa ni// kun rdzob lha'i dkyil 'khor ste// don dam rnam dag chos kyi dbyings// rang rig ye shes gnyis med pas// dbyings la ye shes rol par spyod// rdzogs pa chen po'i spyod pa ni// kun rdzob lha'i dkyil 'khor ste// rang byung ye shes nges med pas// ma btsal mnyam pa nyid du gnas// ma chags dgag bsgrub med par spyod// 'phags pa 'jam dpal dri ma med pa gsang ba'i rgyud las/ spyod pa bstan pa'i le'u ste bzhi pa'o// // de nas dpal ldan rdo rje 'chang // dri med dbang la rnam pa gsum// thun mongs thugs rje'i dbang dang ni// khyad par ye shes dbang dang gnyis// nang gi dbang chen bskur ba gsum// thun mongs dbang la rnam pa gsum// phan pa'i dbang dang nus pa'i dbang // rim pa chud ma zod par ni// mos shing dad pa'i stobs dang sbyar// phan pa'i dbang la rnam pa bzhi// dgra bgegs zhi ba'i dbang bskur na// sa phyogs zla ba nya lta bur// man+dal byi dor byas pa la// glang chen glad pas chag chag gang ba// ta la'i shing la dgra bgegs gzugs// man+dal la gnas ting nge 'dzin la bstim// byams dang snying rje ma lta bu'i// thugs rjes bzung la gsol ba btab// gsang sngags 'di zlas zhi bar bya// oM hriHSh+Ti wa kri ta nan/ che ge mo shan ting ku ru ye swA hA// bsod nams rgyas pa'i dbang skur na// rin chen 'bar ba'i sa phyogs su// maN+Dal byi dor byas pa la// gu gul dag gis chag chag gdab// rdo rje che
- 8b
dang bum pa la// da la'i byang bu 'dod gsol gdab// maN+Da la gnas dmigs pa'i rten// yid bzhin gter gyi dgongs pa yis// oM hrIHSh+NI wi kri ta na na su tra a yu dz+nyA na tshe a ba nA ya b+h+rUM swA hA/ khams gsum rang gi dbang 'dod na// sa phyogs zla tshe pad+ma ru// maN+Dal byi dor byas pa la// pad+ma ra ga'i chag chag gdag/ bla gab med pa'i long tshad la// byang chub sems kyi 'dod pa bri// maN+Dal de la dmigs khaMs bstan// bstan pa thob dang gsang sngags bzlas// khams gsum dbang bsdud dgongs pa yis// gang 'dod rang dbang 'gyur bar byas// oM hrIHSh+NI wi kri ta na na pa shang ku ru swA hA// drag po tshar gcod dbang bskur na// sa phyogs gru gsum he zhal du// maN+Dal byi dor byas pa la// khrag chen dag gis chag chag gdab// zhing ras bshad pa'i gzugs gnas la// maN+Dal steng na dmigs ba bstim// gdug pa sbrul gyi bsam lta bus// gsang sngags bzlas shing 'byung bar bya// a e d+hI ma ma e d+hI/ gsang sngags tshad du phyin pa dang // gshed pos dgra bgegs tshar gcod 'gyur// gang mos dad pas gdung pa la// thun mongs snying rjes skyob par nges// nus pa'i dbang rnam pa bzhi// nyan bshad bsgom bsgrub 'gro don rnams// rim pa'i nges par snyed par nI/ gang la mos pa bde la bskur// nyan par rus pa'i dbang 'dod na// khri'u dang po ti nyan pa rnams// ma rig sgo lnga'i dbug bye la// srid pa dra ba gcad pa dang // nyon mongs ma lus ni
- 9a
byas la/ 'khor ba'i pha rol phyin par bskur// 'chad par nus pa'i dbang 'dod na// seng ge khri dang po ti dang // chags shing rdo rje rtsa rnams kyis// 'khor ba zil gyis mnan pa rnams// lam lnga rims kyi bgrod pa dang // sa rnams mnyam par sbyar ba dang // 'khor 'das la shan 'byed par bskur// bsgom bsgrub nus pa'i dbang 'dod na// shas ra ting 'dzin yo byad kyis// mnyam bzhag rjes thob bstan par bskur// 'gro don byed pa'i dbang 'dod pas// rdo rje dril bu ldan byas la// byams dang snying rje bzung nas kyang // thams cad shes rab gnyis med sku// khyad par ye shes dbang la gsum// phyi nang gsang ba rnam gsum ste// rims par thabs kyis rdzogs par ni// shes rab blo dang sbyar te bskur// de la phyi'i dbang bskur ba ni// gsang ba mchog gi dkyil 'khor du// gshin rje lha ngo bstan byas te// thun mong rdzas kyis dbang bskur la// phyir mi ldog par bstan par bya// nang gi dbang chen bskur ba ni// skal ldan rigs kyi lus sems dang // 'jam dpal gshin rjeg shin sku gsung thugs// yon tan 'phrin las rnam pa lnga// rang dbang thob par bskur bar bya// oM na maHsarba ta thA ga ta hri ya man ta ka ya badz+ra/ sa b+ha ba At+ma ko&haM/ sku dang dbyer med pa'o// oM na maHsarba ta thag ta/ hrI ya man ta ka/ bA ga badz+ra swa b+hA ba At+ma ko&ha~M/ gsung
- 9b
dang dbyer med pa'o// oM na maHsarba ta thA ga ta/ hriHya man ta ka/ tsit+ta badz+ra swa b+hA wa At+ma ko&haM/ thugs dang dbyer med pa'o// oM na maHsarba ta thA ga ta/ hrIHya man ta ka/ a nu dgra nan mardzas snru a d+ha/ yon ta nga na ya // rnapa sna hU~M da/ mams// ma ba dz+ra swA la / 'phri la dang byeng ma ga shes lnga ruM dbang bskur ba// oM ma hA shu n+ye ta/ dz+nyA na badz+ra swa b+hA wa At+ma ko&haM/ me long lta bu'i ye shes dang dbyer med pa'o// oM mahA a dar sha/ shU n+ya dz+nyA na badz+ra swa b+hA wa At+ma ko&haM/ stong pa nyid kyi ye shes dang dbyer med pa'o// oM sa man tA dz+nyA na badz+ra swa b+hA wa At+ma ko&haM/ mnyam pa nyid kyi ye shes dang dbyer med pa'o// oM pra ta pra ta be sha dz+nyA na badz+ra swa b+hA wa At+ma ko& so sor rtog pa'i ye shes dang dbyer med pa'o// oM ma hA tri ta a ru ta dz+nyA na badz+ra swa b+hA wa At+ma ko&haM/ bya ba nan tan gyi ye shes dang dbyer med pa'o// sku gsung thugs yon tan 'phrin las lnga// rig+sa lnga ye shes lnga dang dbyer med par// lhun gyis grub par dbang bskur ro// gsang ba'i dbang chen bskur ba nI// bdag nyid lha'i sku gsung thugs// rang sems snying por shes bya ste// sems nyid ma bcos klong gyur pa// sems la rang thob thob par bskur// mtshon pa'i dpe dang gong byed gad nga// nyi zla thabs dang shes rab brdal// me shel chu shel rgya long gis// sems la dbang ba'i dbang rtag sbyin// 'phags pa 'jam dpal dri ma med pa'i gsang ba'i rgyud las// dbang gi khyad ltar bstang
- 10a
@/ pa'i le'u ste spangs// de nas dpal ldan rdo rje 'chang // dam tshig khyad par bstan pa ni// dam tshig 'bum sde sa ma ya// thun mong khyad par 'dus pa ste// de las thun mong dam tshig ni// dam tshig nyi shu rtsa brgyad do// rtsa bsku gsung thugs yin no// thun mongs sgron me lta bu'o// bla ma gtsug gi nor bur bskur// ngag gi las su gsang sngags brjod// gsang tshig gzhan du mi smra zhing // mnyam pa'i don lam yengs pa// sku gsung thugs kyi dam tshig go// yan lag dam tshig bstan pa ni// mi spang ba dang dang du bskyang // dpyad par bya dang shes par bya// bsgrub par bya ba'i dam tshig lnga te nyi shu lnga// g.yel bar med par bsrung bar bya// dam tshig bka' la gang gnas pa// yon tan yid bzhin gter ltar 'byung // de dag thun mong dam tshig te// khyad par dam tshig 'di dag go/ bdag nyid lha mchog gnas pa las// bdag tu 'dzin pa spangs bya ste// lta ba spyod pa gnyis med pa'i// rgyu ba dag la gnas pa'i tshe// stag lpags gon la skrod dkar 'gro// gdug pa dam gyi lpags dmar gding // sdig 'dzub sgreng zhing be con 'phyar// slong ldeng ba'i oM mkhar bzung // zas dang skom dang bdud rtsi bza'// mi rkang mchog phur mtshon du mthong // phyag myi btsal zhing lam mi zur// ral ba mun dza tsid pa Na bcings// ma yangs mtshon chen ral gri 'chang // 'di dag khyad par dam tshig de// gshin rje gshed po'i thugs dam mo// 'phags pa 'jam dpal dri ma med pa gsang ba'i rgyud las// dam tshig bstan pa'i le'u ste drug pa'o// // nyon cig dpal ldan rdo rje 'chang // bsgrub pa thabs kyi khyad par ni// shes rab ting 'dzin stobs 'chang bas// nor bu rin chen yon tan bzhin// rang la 'byung bzhin rang la spyod// thun mong lha'i dkyil 'khor yang // khyad
- 10b
bar dngas kyim pa yis sa rnam pa gsum du ba gang // skye nga rdzogs dang rdzogs chen gsum// bskyed ba bas kyi bsgrub ba ni// rang bzhin dgal lakhyod dmigs pa rten// rdul mtshon dkyil lakho byu skye bdag med lha'i skur gsal nas// dmigs bya rdo rje gur pas te// phrin las gdul bya don dang sbyar// mi skyed rdzogs pa'i bsgrub thabs ni// las dang ye shes dmigs pa'i rten// ris dang 'bur du byung ba yang // snying po chog tsom dran rig gis// chu las chu bur rdol ba 'am// chu zla'i tshul du rdzogs par bskyed// rtag tu dor gnas rnal 'byor de// phrin las gdul bya'i don dang sbyar// ye nas lhun gyis grub pa ni// yo byad nor bu gter 'chang bas// sems nyid lha'i sku gsung thugs// rang las byung ba rtsal du med// thig le nyid la gnas pa la// bsam gyis mi khyab gcig gi dang // ming gtong 'dzin pa dngos grub cing // rang la byung ba shes rin rab// mchog dang thun mongs gnyis kar rdzogs// 'phags pa 'jam dpal dri ma med pa gsang ba'i rgyud las/ bsgrub thabs kyi rim pa bstan pa'i le'u ste bdun pa'o// // de nas dpal ldan rdo rje 'chang // gsang sngags rim pa 'di lta ste// nor bu dgos 'dod skong ba yang // bsod nams can gyi gang zag gis// kud sti rim gro cher byas nas// nor bu yon tan rgyas par 'gyur// gsang sngags 'dzin pa'i skyes bus kyang // dbang dang dam tshig ldan byas la// gsang sngags bsnyen cing bsgrub byas nas// dngos grub myur te 'thung bar 'gyur// gang dmigs te grub gdon mi za/ oM a kro d+hi ka/ ya~M mA na ta ka ha na ma tha b+hany+dza hUM phaT/ sku'i snying po bcu bdun pa'o// A~M kA la rU pA ye AHhUM phaT/ gsung gi snying po 'bru dgu pa'o// oM hriHSh+T+rI wi kro tA na na hUM hA
- 11a
phaT phaT swA hA// thugs kyi snying po'i 'bru bco lnga pa'o// oM sa ma ya many+dzu shrI/ ya mAn ta ka pan tsa te ro ni hUM dza/ nye bar bsnyen pa dang yon tan gyis snying po 'bru nyi shu lnga pa'o// ya ma/ maHdaHk+She DaraHdzaHsa do/ ru/ yo/ ni ra/ ya/ tsad nI/ 'phrin las g.yon bskor gyi snying po yi ge bcu bdun pa de phyi'o// yang ma k+ku/ dang me ra ra ni/ tsa yat+ta ra/ ma/ yo na/ du/ ngos phyi'i gsang ba'o// ya ma rA dza sa ngo me ya ya me do ru Na yo da ya yang yo ni ra ya k+She ya yak+She ya tsa ni rA ma ya/ 'phrin las g.yon bskor gyi snying po sum cu rtsa gnyis pa nang gi phyi'o// ya ma rA ni tsa ya k+She ya/ yak+Sha ya ra ni yo da ya/ ya da ya na ru do me ya/ ya me dos dza ra ma ya/ 'phrin las g.yas bskor gyi snying po las nang gi gsang ba'o// ya ma ra dza sa do me/ ya ma ra dza sa do ma ya/ ra dza sa do me ya ma dza sa do me ya ma ra dza sa/ me ya ma ra dza sa do// 'phrin las g.yon bskor gyi snying po drag sngags 'bru bdun pa/ gsang ba'i phyi ltar bskor ba'o// ya ma ra ni tsa ya k+She ya/ ni dza ya k+She ya ma ra ya k+She ya ma ra ni/ yak+She ya ma ra ni tsi/ k+She ya ma ra ni dza ya/ 'phrin las g.yas bskor gyi snying po// drag sngags 'bru bdun pa las// gsang ba'i gsang bar bskor ba'o// 'phags pa 'jam dpal dri ma med pa gsang nga'i rgyud las/ gsang sngags kyi le'u ste brgyad pa'o// / de nas dpal ldan rdo rje 'chang // gsang sngags mthar thugs 'di lta ste// shAn+ti ku ru swA hA/ zhi ba'i las kyi mtha' bsgyur ro// puSh+TiM ku ru swAhA/ rgyas pa'i las kyi mtha' sbyar ro// bshang ku ru swA hA/ dang gi las kyi mtha' sbyar ro// a mu ka pra ma ya hU dzaH/ nyi ma dang po'amathar sbyar ro// bag 'khor byed pa'o// a mu ka pre dza ya swA wa/ nyi ma gnyis pa'i mkha' sbyar ro// mes shing rgyal bar byed pa'o// a mu ka rag thamar la sbre /
- 11b
staM bA ga hUM phaT laM na nyi ma gsum pa'i mam bsdur te// thag tu sgrug par byed pa'o// sam+mA a nas / nyim bzhi pa'i mamar sgyur te// gsod par gdon mi za'o// aka papa la spru/ gan nas bkrugs pa ra babyud // ji di shi la rdu ba/ na da bral da'i mtha' bsgyur ro// um+mAT+Ta ya d+hA yai/ gnas nas smyud pa'i mama' bsgyur ro// ru kanA da hA Ta/ skyugs su bzhugs pa'i mtha' bsgyur ro// u man d+hA ya~M hUM phaT/ spyo gzug pa'i mtha' basbyor ro// mnan pa byaba'o ma ba ra/ dun dun khrim shing ma ral pa sa la ts+tsha Ta/ bad pa bya ba'i sa gyur ro// mar ma dze dza~M/ sprin shA pa bsgyu ro// oM moM grol/ shing seng ba'i mapar bsgyu // 'dugs pa la ma dang la drim med pa soms lngas/ lus kyi mtha' bsgyur ba'i le'u ste dgu pa'o// / de nas dpal ldan rdo rje 'chang // 'phrin las rim parten pa ni// dur khrod gnas sam dben pa ru// zag par dgu'i tshogs bsags la// lus sems rgyud kyang dag pa bya/ zhib brten cing mtshan yang brjod/ khro ba brten pa'i kyil 'am na// shA Ta byang byegs brtan par / 'dom gang gru ba'i maN+Dal la/ 'chag 'dag byi byus nas kyang / gargyas sematshan ldan dpang rdzogs la// dag slong brgyud kyin sa thig bskor bzhi dang ldan pa la// thig bskor gsum la thig bzhir gdab/ le tshe dag ni dgu par bya// phyi rol thig bskor rdo rje gnyis// thig bskor gnyis pa dag la ni// bcu gnyis rtsibs dang ldan par bya// ya ma ye dkre zhes pa// phyogs bzhi dbus kyi le tshe la// ra tsa sa do zhes pa dang // pu na yo ni zhes pa dang // ra ya tsa ni zhes pa ni// bcu gnyis 'khor lo rtsibs la dgod// thig bskor gsum la bcu drug rtsibs// hriSh+Ti'i sngags la ming yig spel// rdo rje ra ba'i phyi rol du// sgo dang sgo khyud ldan
- 12a
@#/ bar bya// dbus kyi le tshe drag po e// phyogs bzhi le tshe rims dang sbyar// gru gsum cha gang btson khang nang // bcu gnyis drag pos bcu drug rgyas// rdo rje lcags la mu khyung ldang // mtha' lcags sgo bzhi ring dang sbyar// rgyal chen sa'i 'khor lo la// ldarnams dgod pa'i rim pa ni// rim po che'am mchog shing la// tshad dang ldan gyis phyung ba dris// lha rnams rims pa'i grangs kyi dgong // ya man tika dbus su dgod // le mo bzhi la gsheng po bani// rtsibs rkyen bcuganyis phyogs sbyong 'dra/ bcu drug rtsibs la ka sing dgod// bar 'khyam sgo bzhir bse mo bzhi// lcags ri sgo bzhi sgo ma bzhi// sgo 'khyam dbang phyug nyi shu brgyad// rdzas rnams dgod pa'i rim pa ni// gshin rje'i shar ni lho yin pas// bu don lho phyogs su dgram// nyin gung yang zhum pa dmar gdub// ut+pal be con ka ti ri// gang 'dod gsol byang rdo rje tshe// dngos grub mthun mongs rdzas su bsham// bsnyen bsgrub zhi khro gshin rje gshed// ma gshin gling bdud gtor ma re// sman dang 'dod yon longs spyod tshegs// phyi nang mchod bar rgyas par bsham// skye dang rdzogs dang rdzogs chen gyis// bsgrub pa rnam gsum lam dang sbyar// gdan dang stobs su gyur pa dang // dngos grub gang 'dod rang dbang bya// snying rje las su rung ba dang // 'phrin las gdul bya don dang sbyar// 'phags pa 'jam dpal drim med pags ba'i rgyung las/ ye shes pa nga byin las su chung bar bstan pa'i lan sgo bcu ro// de nas dpal ldan rdo rje 'chang // las kyi phrin las bstan pa ni// 'chi dag lpags yang dmigs pa'i tshon// drag po rags 'khang se te// mi dgas grong khyer btsam nas kyang // tsi rung gis phung gan pa blang // mi drag spang la dug gi bkra// cer te bu bani rgyang la skam// ngag zus dag/ bal bas drug// tsan trag la chos gcig gnas// nyi shu drug tu bzlam par bya// gzhin
- 12b
rje'i dam tshig snying po ste// hriSh+Ti sngags la dam tshig che ge mo// ma ra ya hU~M phaT kyis spyod// nyin phyed tshun chad drag tu bzlas// 'khor lo bri ba'i snag tsha 'di// gzhal med sol ba thal ba gnyis// ka ni ka'i khru ba dang // pra rtsi spos dang dug sna tshogs// til nag nyung dkar mar khu dang // rang gi srin lag khrag dang ni// snying nas phyi sau ra khAg dang // rkye tse tsan dan sa dkar dang // rgya skyeg ldong sgros yung ba dang // ma do ldum bu thang phrom dang // khrag gshog dug sna tshogs pa yos// sdug pa las kyi dmigs dang sbyar// sbug gu bya rog 'ug pa'i sgo// grir shi ska la par byas la// sngon par zhing gis rgyud pas bsdams// lho'i phyogs su kha bstan te// ya man ta kas bri bar bya// 'khor lo rim pa gsum ldan la// thig bzhi btab pas le tshe dgu// ya ma me ta k+Sha zhes pa// phyogs dbugs kyi le tshe la'o// mtshams kyi gru gsum btson khang bzhir// hUM gnyis bar du bsgrub bya'i ming // rim pa gnyis pa dag la ni// khang pa bcu gnyis cha mnyam la// ra dza so do ru na yo na ri ya tsa ni bcu gnyis pa// g.yon nas skor te bri bar bya// rim gsum bcu drug khang pa ru// hriSh+Ti ming dang spel ba la bri// de dang cha mnyam ma grub par// g.yas su bskor ba'i cha 'khor lo gcig/ ya dang ya mnyam ma dang ma// me dang me mnyam da dang da// k+Sha dang k+She mnyam dbus su'o// ra dang ra mnyam dza dang dza// sa dang sa mnyam do dang do// ru dang ru mnyam na dang na// lo dang yo mnyam ni dang ni// ta dang ta mnyam ya dang ya// tsa dang tsa mnyam ni dang ni// bdag yig las kyis dmigs dang sbyar// 'khor lo bris pa zin pa dang // smon lab darig pa la sbyang ba bdang / mtshad cing byung ba dag bya// spun byed dang 'asrung dab bdas bya/ las kyig shin rdzang jug cing rtsom/ mar rjo sdig ga nga gtsug ra yang ba ma yid par gathug bras lam 'ang rgyag po sa/
- 13a
'am / thod pa gsum kyi skyed khar bzhag/ skyed nas kyi bang gcad bzhi la// snron mar sbyangs la yas ma ga // brkyang bzhi'i mang do ni// lci shu bdun man stong gi bar// nyin bzhi 'khor lo khro bzhir spyod// banan mo khri bzhi dril la bzlas// mgo 'khor khrag skyug lus brgyan cing // mar gdon mi za bar byas// ga'u nag po'i lha tshogs la// rim pa'i tshul gyi las la bzung // g.yon du bskor bas ma 'grub na// g.yas su bskor bas myur du grub// bdag yig mnan pa'i 'khor lo bcas// gdug pa sde rtsegs sar phyin pa// gshin rje bod pa'i dmigs pas gtad// 'phags pa 'jam dpal dri ma med pa gsang ba'i rgyud las// drag po 'phrin las kyi le'u ste bcu gcig pa'o// de nas dpal ldan rdo rje 'chang // 'phrin las zhi bar bstan pa ni// dar dkar nges la 'khor lo ni// rim pa gsum dang ldan par bri// dbyibs ni zla nya lta bu// dkar la mdzes pa ldan par bya// ga'u'i dbyibs kyang de bzhin no// gsang sngags rim pas bkod nas kyang // dam tshig sems dpa' zhi ba'i lha// las dang ye shes dgug stim nas// gang dmigs zhi ba'i 'khor lo bskor// g.yon du bskor bas ma grub na// g.yas su bskor bas gdon mi za// ga'u 'khor lo dben par swa/ 'phags pa 'jam dpal dri ma med pa gsang ba'i rgyud las// 'phrin las zhi ba'i le'u ste bcu gnyis pa'o// // de nas dpal ldan rdo rje 'chang // rgyas pa'i las su bya ba yang // stobs ldan glang po'i lpags pa la// gur gum gser gyi glang po che// rgyab du gser gyi 'khor lo bri// gsang sngags rim par g.yon du bskor// bdag gi yon tan stobs dang sbyar// smin pa sa'i rin po che// ga'u rin chen 'bar bas bzhugs// gshed po 'khor bcas rgyas pa'i lha//
- 13b
gcom gser gyi mdog 'dra las// gang dmigs rgyas pa'i 'khor lo bskor// g.yon du bskor bas ma grub na// g.yas su bskor bas gdon mi za// gang du sa phyogs rgyas par sba// 'phags pa 'jam dpal dri ma med pa gsang ba'i rgyud las/ 'phrin las rgyas pa'i le'u ste bcu gsum pa'o// / de nas dpal ldan rdo rje 'chang // dbang gi las su byas pa yang // bud med dag gi zhing lpags la// ro langs gtum mo'i gzugs bris te// de'i gsang bar tsakra ni// rim pa gsuM dang ldan pa la// thig bzhi btab pa'i la tshe dgu// rim pa gnyis pa dag la ni// khang pa bcu gnyis char mnyam bri// rim pa gsum pa dag la ni// bcu drug khang pa sa dang mnyam// gsang sngags 'bru yang rim pas dgod// bdag yig gang dmigs don dang sbyar// rin po che las byas pa'i// ga'u pad+ma'i dbyibs 'dra bar// 'khor lo bcug la gzungs thag gdags// bdag nyid gshin rje gshed po ni// las dang ye shes gnyis med pas// 'khor lo bskor la dbang du bsdus// g.yon du bskor bas ma grub na// g.yas su bskor bas gdon mi za// ga'u gnam sa zla gam mam// btsun mo'i b+ha ga lta bur sgra// 'phags pa 'jam dpal dri ma med pa gsang ba'i rgyud las// 'phrin las dbang gi le'u ste bcu bzhi pa'o// // de nas dpal ldan rdo rje 'chang // gdugs par bya ba'i las dag ni// dre'u seng ge'i gzugs bris te// de'i thugs kar 'khor lo ni// rim pa gsum ldan lto sbyar gnyis// gsang sngags rim pas lto ba mnyam bar bya// bdag yig gang la dmigs pa bri// dre'u seng spu'i gzung thag gdags// bdag nyid gshin rje gshed po ni// las dang ye shes gnyis med pas// 'khor lo nyi ma bzhir ni bskor// mtshan mo bzhir ni dril ba 'am/ hriSh+Ti
- 14a
@#/ bzlas shing dgug par bya// g.yon du bskor bas ma grub na// g.yas bskor rang dbang med par 'gug/ 'khor lo ga'ur bcas pa ste// rang gi 'og tu sba bar bya// 'phags pa 'jam dpal dri ma med pa gsang ba'i rgyud las// gang la dmigs pa dgug pa'i le'u ste bco lnga pa'o// / de nas dpal ldan rdo rje 'chang // mdza' ba dbye ba'i las dag ni// rta dang ma he'i lpags pa las// rta dang ma he 'thab pa yi// bar du 'khor lo bri bar bya// rim pa tshul gyis ma 'tshol bar// mkhas pa rigs pas gcad par bya// gang dmigs dbye ba'i gdags yig kyang // rim par 'khor lo'i bar du gzhug/ yang na bya rog 'ug pa yi// lpags pa gnyis la 'khor lo bri// lto sbyar bar du gdags yig gsal/ 'khor lo ga'ur gsal nas kyang // ga'u dag gi blo sgor ni// rlung lha'i phyogs nas dbul bar bya// bdag nyid gshin rje gshed po ni// las dang ye shes 'gug bstim zhing // tsakra bskor zhing dbye bar bya// g.yon du bskor bas ma grub na// g.yas su bskor bas dbang med 'grub// ga'u rlung lha'i phyogs su sba// yang na bya rog 'ug pa 'am// rkang ka 'du ba'i phyogs su sba// 'phags pa 'jam dpal dri ma med pa'i gsang ba'i rgyud las// mdza' bo dang dbye ba'i le'u ste bcu drug pa'o// // de nas dpal ldan rdo rje 'chang // bkrad cing dgar ba'i las byas na// rnga mo gra ba'i gzugs byas te// de'i 'phongs su 'khor lo ni// rim pa gsum ldan lto sbyar gnyis// gsang sngags rim pas ma nor bar// g.yon du bskor te bri bar bya// gdags yig gang la dmigs pa dag/ nyi shu rtsa lnga rang sar bzhag/ bdag nyid dam tshig rnal 'byor pas// las dang ye shes gnyis med de// bgrang ba'i 'khor lo nyi ma bzhir// mtshan mo dril la hri sti sbas// g.yon
- 14b
du bskor bas ma 'grub na// ru khug g.yas su bskor bar bya// de nas rang dbang med par bskyod// tsakra rnga mo thod pa 'am// spyad thod bcug las 'tshams sba// 'phags pa 'jam dpal dri ma med pa gsang ba'i rgyud las// yul nas bskrad pa'i le'u ste bcu bdun pa'o// / de nas dpal ldan rdo rje 'chang // ud man ti'i las dag ni// skyo 'bog shi ba'i lpags pa la// shan dmar dag gis gzugs byas te// de'i rgyab tu 'khor lo ni// sum rtseg rtseg ma lho sbyar gnyis// gsang sngags gdags yig ma nor dgod// smyo 'bog shi ba'i ga'ur gsal// gshin rje gshed po yab yum yang // las dang ye shes gnyis med pas// nyin bzhi sngags kyi 'khor lo bzhi// khri rdzogs smyo 'bog sbyar bar bya// g.yon du bskor bas ma grub na// g.yas bskor tshur las zlog par bya// des ni ud man ta ru 'gyur// 'khor lo ga'u bya ba de// mgon khang snying par mnan par bya// 'phags pa 'jam dpal dri ma med pa gsong ba'i rgyud las/ smyo 'bog gi le'u ste bco brgyad pa'o// / de nas dpal ldan rdo rje 'chang // kha mnan lkug pa'i las byas na// lug nag dag gi lpags pa la// lkugs pa lugs gi gzugs gcig bri// de'i khong par 'khor lo ni// rim pa gsum ldan lto bar bri// rim gsum thig bzhi le tshe dgu// rim pa gnyis pa rtsibs bcu gnyis// rim gsum bcu drug rtsibs can bri// bcu bdun rtsa ba'i gsang sngags dang // hriHsti bsgrub bya spel la dgod// gdags yig rim par ma nor dgod// mi gtong 'dzin pa'i stobs can gyis// las dang ye shes gnyis med pa// lkugs pa'i 'khor lo nyin bzhin bskor// mtshan mo dril la dzaSh+Ti bzlas// des kyang ma thin na// ru khrug
- 15a
@g.yon bskor las byas na// rgyal khams spyi mtshan gcig pa'am// thang gcig yud tsam 'gug par byed pa'i// 'khor lo dag gi rkyen lkugs kyi// thod par bcug la klu la gtad// de ni lkugs ba'i las su 'gyur// 'phags pa 'jam dpal dri ma med pa gsang ba'i rgyud las// lkugs su gzhug pa'i le'u ste bcu dgu pa'o// // de nas dpal ldan rdo rje 'chang // gzir cing gnas pa'i las dag ni// yaM dgas gos la yi dwags gzugs// rim bdun lcags ri mtha' bskor te// gling dang gling phran 'khor yug bcas// rdo rje rgya gram lam gyi mtshan// de'i dbus su 'khor lo ni// rim pa gsum ldan 'khor lo la// gsang sngags rim pa bzhin du dgod// gang dmigs mnan pa'i gdags yig kyang // nyi shu rtsa lnga tshang bar bya// bdag nyid ting nge 'dzin ldan pas// las dang ye shes gnyis su med// de'i dbang dang ldan byas la// gang dmigs mnan pa'i 'khor lo bskor// nyi ma bzhi pa'i gsang sngags la// mnan pa'i so thabs rims kyis sbyar// g.yon nas bskor ba ma nor na// / g.yas bskor khug ar la gtad// des ni rang dbang med par grub// 'khor lo mu su thod par gzhug/ lhun grub ri bo'i 'od dang ldan// thar par med pa'i brnag par 'gyur// 'phags pa 'jam dpal dri ma med pa gsang ba'i rgyud las// 'phrin las gzir cing mnan pa'i le'u ste nyi shu pa'o// de nas dpal ldan rdo rje 'chang // drag po'i las 'di bya ba yang // nyes pa che na nye bar bsgrub// nyes pa chung na las ring ste// rang gis nyes na rang la ldog/ rigs dang lo grangs yang dag mthun// de la byas kyang skyon 'byung //
- 15b
'dod pa'i sems kyis gsod par 'dod// de bzhin gshegs pa'i dngos grub dag/ rmi lam du yang mi 'byung ngo // rtsa ba'i sdom pa mi gnas shing // bsnyen pa'i tshad du ma sgrol bas// tshig tsam lung la bsten pa yis// don mi 'grub pa rangs bshad do// 'phags pa 'jam dpal dri ma med pa gsang ba'i rgyud las// mi 'grub pa'i skyon bstan pa'i le'u ste nyi shu rtsa gcig pa'o// / de nas dpal ldan rdo rje 'chang / dkon mchog bla ma'i don ched du// drug po'i las 'di bya ba yang // lus kyi nyes pa gsal ba'i phyir// de bzhin gshegs pa'i chos kyang daklag/ nyin mtshan phyed pa'i dge ba bya// mchod sbyin bya zhing nyes pa bshags// ngag gi nyes pa gsal ba'i phyir// yi ge brgya pa'i bshags chen 'don// yi ge re la ngargya yis bshags// yid kyi nyes pa gsal bya'i phyir// rang gi skyon dag gsal byas la// snga ma bshags la phyi ma gdam// mi rtogs me'i legs bya'i phyir// chos nyid blo la ma yengs bzhags// ri dwags khri snyan lta bu'i sems// snying rje sems dang ma bral zhing // byams pa la sogs ma bral na// rang sems rnam par dgu 'gyur te// yid bzhin nor bu lta bur gyur// dngos grub ster bar rang sems shes// ji ltar nor bu rin po che// ga'u'i nang du bcug byas nas// shin tu gces par ma byas na// dgongs pa'i don mchog mi ster te// nor bu de la 'tshe ba mang // de bzhin rang sems rin po che// ga'u lta bu'i phung po la// nyon mongs lnga las gyur pa'i dgra/ rlung mkhris bad kan 'dus pa'i nad// phan zas gnon dang kha zas kyis// ga'u lta bu'i phung po mchod// ji ltar pha rol skyes pa'i grur//
- 16a
/ gas chag can gyis byin mi 'gyur/ klu da'ardos legs byas gyur na// ji ltar ba pa phyin pa ldang / de bzhin phyung po zla stsu tha / bcos legs bya byi ma las kyang mnyam/ nywal dang drang dang 'chags pa dang / phan pa'i zas rten gnod pa spangs// gnyid dang brtsol mkhas sbyar te brten// ji ltar grub tshe nang gsal ba'i// rin chen lta bu'i phyag gi gnas// de bzhin nad med phung po dang // rang sems dag pa'i rin po che// dus gsum bde gshes phyag 'tshal nas// ji ltar nor bu rin po che// dri ma yod pa'i rang bzhin can// dgos pa'i don rnams mi 'byung te// rang la sogs pas phyis 'gyur zhing // dri ma dag par byas 'gyur na// dgos pa'i don rnams ster ba ltar// de bzhin rang sems rin po che// lus ngag yid kyi dri ma can// rang skyon rtag la bor bar bya// lus kyi nyon mongs dge ba 'bad// de ltar rang sems dag pa las// dus gsum bde gshegs mngon phyogs shing // de bzhin chos skyong mgon po dang // rnal 'byor ma tshogs mkha 'gro dang // 'jig rten las kyi mthu chen rnams/ ring po'i gnas nas stong grogs byed// 'phags pa 'jam dpal dri ma med pa gsang ba'i rgyud las// 'grub pa'i gnas dang phan yon brten pa'i le'u ste nyi shu gnyis pa'o// de nas dpal ldan rdo rje 'chang // snying rje bral ba'i byang chub sems// dam tshig nyams pa'i rang bzhin la// de dag rnams kyi srog 'phrogs nas/ tshe'i dus byas ngan song skye// de ltar rang sems ma khrel ba'o// ma nyams snying rje ldan pa yis// rnal 'byor chen po de yis kyang // bla med 'bras bu thob 'dod na// rang gi nyon mongs gzhoms pa'i phyir// bzlas pa'i phyag rgya che chung gis// bsnyen bsgrub mtha' byung bstan pa bsrung // nyon mongs zhi nas byang chub thob// de'i phyir ni phyag
- 16b
na// sags sbrul zung sa/ nas gol sgru / bas dang gas pas nyis med sa/ sa gsum dgagags sa pa / da ni la ldan pam / nga ba mags dpa mapa khal mos / dag las// 'bum gyi 'char yang mi 'gro'o// 'phrin las drag po'i dus su ni// phyag brda' chung ba thal mo'i sgra// thabs dang shes rab 'khor lo te// drag tu bskor zhing lan bdun gdab// 'jig rten mi ma yin pa'i 'jal// gang dmigs lus sems rgyud kyang sreg/ se gol sgra ni 'di 'debs pas// de bzhin gshegs pa kun gyi gnas// thal mo 'jigs pas thams cad dngangs// yi dwags bod pa'i sgra ru shes// 'phags pa 'jam dpal dri ma med pa gsang ba'i rgyud las// phyag brda' che chung gyi le'u ste nyi shu gsum pa'o// // de nas dpal ldan rdo rje 'chang // ro langs drag po'i 'khor lo yis// lha rnams gnas la gdab pa dang // gang dmigs myur du sgral ba ni// dgon pa chen po'i sa phyogs su// dpa' bo chen pos bgrod nas kyang // bdag gam 'on te gsum dag gis// 'byung po'i gtor ma sbyin nas kyang // phyi nang gsang ba'i mtshams kyang gcad// 'jigs pa spangs pa'i sems kyis su// ral gri dag ni thog nas kyang grogs ni gsum dang lhan cig tu// gshin rje'i phyogs nas rdzas dag btsal// 'jigs pa med pa'i sems kyis su// rma med pa'i rdzas btsal la// bgegs mthar byed pa'i snying po gdab// tshig dag smra bar mi bya la// phyir yang lta bar yod mi bya// de dag byas na bar chad 'byung // de nas rdzas mchog dam pa des// spos lnga bdud rtsis khrus byas la// ro langs gnyen po'i don dang dpral// de nas dpa' bo chen po'i sa// rdzas mchog ngan la 'dug nas ni//
- 17a
@#/ bkra shis tsal tur byas nas ni// zhal dag g.yas g.yon dbus dag kyang // dkar dmar nag po'i rdzas kyis bsnun// drag po lha'i nga rgyal gyis// mi skyo'i bar du gsang sngags bzlas// de nas rdzas mchog dam pa de// gru gsu lpags pa'i steng du bzhag/ mgo ni gshin rje'i phyogs su ste/ rkang pa yag shi'i phyogs su shes// de nas dpa' bo chen po yis// drag po'i sngags kyi 'khor lo yang // yi dwags gos la yang dag bri// khrus dang ldan pa'i ras mchog la// khrag sna dug sna tshogs pas snun// rims bzhi ldan pa'i bzlum po la// rims gcig thig bzhi ling che dgu// rim gnyis dag la bcu gnyis ste/ rim gsum bcu drug dag tu shes// rim bzhin bcu drug dag tu bya// rim pa dang po'i 'khor lo la// yi ge 'khor lo bri bi yang // dbus la ya bris de bzhin phyogs// ya a me ta k+She// yi ge phyogs drag po'i sngags kyi 'khor lo bri// mtshams kyi stong 'khor lo la// hUM gnyis bar du bsgrub bya'i ming // rim pa gnyis pa'i 'khor lo la/ ra dza do gsang ba'i sngags// ru tra yo na yo zhes dang // ra yo tsa ni gsang sngags bri// rim pa gsum pa'i 'khor lo la// gsang sngags hri ti yi ge dang // ru tra'i ming yig spel te bri// rim pa bzhi pa'i bcu drug la// gsung yig dbyangs kyi yi ge bri// g.yon bskor legs zin de nas kyang // g.yas bskor tshul las zlog ste bri// ya dang ya mnyam de bzhin du// ya gnyis ya ru stsol nas bzung // phrad pas ya ru shes par bya// yi ge gzhan yang de bzhin du/ log na sngags kyi 'khor lo ldog/ de bas nan tan skyed de bya// nyi shu drug la legs zin nas// ril te rdzas mchog lho ru swa// byang thag bzhi gdags zin par zung // nyi shu gsang sngags bdun nas bzlas// nub mo gcig tu dril ba 'am
- 17b
yang na hri tri'i sngags su shes// dkyil 'khor chen po bskor bya zhing // g.yang gzhi 'og mgo zlog la dgon// drag po'i sngags bzlas maN+Dal bskor// de nas rdzas la gnas pa'i lha// ldang ngam g.yo'am 'on te smra// ro langs dam tshig mu tra bstan// lag pa thal sbyar sor mo stsol// 'dzub gnyis dag gis srin lag gnyis// 'khyud de bkug la theb gnyis snol// ro langs phyag rgya'i gsang sngags bzlas// na mo bud d+ha d+harma sang gi bya// oM sarba ta thA ga ta kro d+ha bi tsa ya// a ga nir dz+wa la ti/ dza ha pre ta shri ya hUM phaT/ bzlas pa phyag rgya bskor zhing bzlas// mi 'jigs sems kyis gtor ma sbyin// dngos grub gang 'dod zhu gsol gdab// gal te de ltar ma gyur na// dur khrod me yis rdzas mchog bso// thor to bcings bstan bslangs te bzhag/ ro langs gsang sngags bzlas par bya// ya med do sar dza ma ya da yon tu ro me ya// yak+She ya ra ni yod med// ya ma ni ri rtsa yak+She yaM// i mu kaM mu ra ya/ ro langs 'khor lo'i gsang sngags ni// skyes bu sems ni mi sba bas// gal te ro langs sngags bzlas na// grogs dang bcas nas 'ching bar 'gyur// de bas gzhan du bya ba min// de bas dpa' bo chen po des// ro langs 'khor lo'i gsang sngags 'di// skyes bu sems ni mi spabs// gal te ro langs sngags bzlas na// grogs dang bcas nas 'chi bar 'gyur// de las gzhan du bya ba min// de bas dpa' bo chen po des// ro langs 'khor lo'i gsang sngags 'di// bzlog de bskor ba de bzhin du// byas na rdzas la rtag chen 'byung // smra ba 'am 'gul lam g.yo ba 'byung // mchog la sogs pa'i dngos grub blang // gal te rdzas la rtag med kyang/ gsad dang bso ba phra mo rnams// 'grub par
- 18a
'gyur ba gdon mi za// de nas rdzas kyi 'khor lo ni// mtshan ngan thod par dril te bzhag/ lho phyogs rnyar khrod rnying pa 'am// mi ro gnas pa'i khung du swa// de nas rdzas mchog dam pa de// lha'i lha'i gshegs gsol nas// gang yin ru trar bsam byas la// mtshon sna lnga'i char pa dbab// drag po'i sngags kyi bsgral bar bya// nang khrol blo snying mkhal mar bcas// gshin rje'i lha tshogs rnams la 'bul// dbang po rnam lnga'i me tog kyang // de bzhin du ni shes par bya// zhing chen mgo bo thod pa yang // ma tshogs yongs kyang rdza su bzhag/ ma thod dag gis kha ru yang // ya ma dam sri bcug la gnan// 'khor lo lcags kyu la sogs pa// dbang mo rnams la gtor ma sbyin// rdzas mchog lha ma dag la yang // drag po me lha sbyin sreg bya// ling ka ling yig sreg te dbul// me nyid lha ru bsam bya zhing // lcags phye zangs phye rdo phye dang // tshe dang 'bru na gnyung dkar mar// dug rdzas ko bo ba'i drum bu dbul// hriSh+Ti drag po'i las sngags bzlas// AM hriMHSh+Ti wi kri ta na na hUM hUM che ge mo mA ra yaM phaT phaT// de nas drag po'i thal ba dang // thal khung sbas te mnan par bya// ro langs drag po'i 'khor lo 'di// skyes bu'i sems ni mi sba bas// rang don phra mo'i don byed du// bskor na reng la ldog 'gyur bas// de bas nan tan bskyed de gsang // 'phags pa 'jam dpal dri ma med pa gsang ba'i rgyud las// ro langs 'khor lo'i le'u ste nyi shu bzhi pa'o// // de nas dpal ldan rdo rje 'chang // gsang sngags rnal 'byor nang thabs na// bsad pa'i 'khor lo bskor bar gsung // mu stegs bram ze'i lpags pa la// 'khor lo//
- 18b
rim bzhi lto sgyur bri// thig bzhi btab pas le tshe dgu// ya ma ye dang k+She lnga dgod// de'i phyir rim pa bcu gnyis la// ra dza sa to ru na yo// ra ya tsa ni bcu gnyis dgod// de phyir rim pa bcu drug la// driSh+Ti ming dang spel la dgod// de'i phyir rim pa bcu drug la// rdo rje 'ged bu bcu drug bri// mu stegs thod pa'i ga'ur gzhug/ zhing gi rgyud pa gsum sgril bcing // bdag nyid gshed pos gnas pa yis// ro langs 'khrugs pa'i nad dpal dang // 'khrug byed dmar po'i shi sngags bzlas// ya ma ra tsa snying ro sho gA na// sa do me ya kro d+hi shwa ri/ sa me do ru/ tsi ta ro la shan ting / na lo da ya sa ma ya dza dza/ ya da yo ni ro tsa smug/ ra yang kle ya sa ma ya dza dza/ yakr-I ya tsa/ snying khrag chod/ ni ma ra ya/ srog srog mA ra ya phaT/ snying tse dgra bo mA ra ye/ nyin mtshan med par gcig tu dril// ga'u dag 'od 'phro ba// gdug pa sme brtseg sa ru gnan// des kyang myur du ma 'grub na// g.yas bskor mtha' la dgug rdogs bzlas// nyi shu rtsa gcig smra gcad la// mchod rdzogs gtor ma rgyun mi 'chad// des ni lo rta mA ra ya'o// 'phags pa 'jam dpal dri ma med pa gsang ba'i rgyud las/ sngags pa gsang ba'i le'u ste nyi shu lnga pa'o// / de ltar bcom ldan 'das// dpal gshin rje gshed pos bstan pa rgyud kyi don le'ur phye nas/ rgyas par bka' gsal ba las/ zhu ba bai rdo rje 'chang chen po la sogs pa'i 'khor de dag thams cad la tshim ste/ rjes su yi rings nas mngon par bstod do// / rang rang gnas su dengs nas mi snang bar gyur to// 'phags pa 'jan
- 19a
dpal dri ma med pa gsang ba'i rgyud las/ rjes su yi rang ba'i le'u ste nyi shu drug pa'o// // dri ma med pa gsang ba'i rgyud rdzogs so// das pa'i po cu byi pa 'gyu 'i rgyud 'azhugs// rgya gar skad du/ shri ya ma kra la kri tsa ag+ni ro sha tan tra rA dza/ bod skad du/ dpal gshin rje nag po mi rlung sbyin thang 'khrug pa rgyud kyi rgyal po// tshe bdag nag po 'phags pa 'jam dpal khro bo 'jigs pa can la phyag 'tshalo// thams cad gsum ldan bde ba cig/ zung thub mtshan ma kun spangs pa'i// yon tan ma lus kun ldan pa'o// rdo rje 'chang la phyag 'tshalo// 'di skad bdag gis thos pa'i dus cig na// bcom ldan 'das 'og min gyi gnas na/ dur khrod chen po lcang lo can gyis pho brang nas/ yum chen mo dang gnyis su med pa'i b+ha ga la/ de bzhin gshegs pa thams cad kyi sku gsung thugs kyis bcud nas/ byin gyis brlabs te bzhug so// de nas bcom ldan 'das btsun mo gsang ba'i yum chen mo dang gnyisu med pa'i ngangal snyoms par bzhug so// de nas nyid las ma g.yos pa'i 'khor lo sprul pa'i sku yis/ mi g.yo ba la brlang ba'i phyir gsol ba btab bo// ye nas ma skyes chos sku dag pa la// mi skye rnam dag ngang las ma g.yos kyang // rdzogs pa'i tshul du longs spyod skur bzhengs pa// mnyam pa'i ngang las 'gro ba'i don mdzad cig/ zhes bskul bas gsang ba'i rtsa g.yos te// byang chub kyi sems rin po che'i 'od dang // mnyam pa chen po'i sgra thung nas// 'jig rten gyi khams rab tu g.yos par gyur te// 'khor thams cad rab tu rgya'o// de nas gshin rje'i rgyal po sprul pa yis// 'khor rnams