Gpb021.020MW1KG14783_0021_020All versions of this work

'jam dpal gsang ba'i rgyud phyi ma

Text

ff. 322a–327b · 12 folio sides

  1. 322a

    der bdag cag kyang gnas par bgyi'o// gal te bdag cag dus las g.yel bar gyur na ni/ khro bo rnams kyi mthus bdag cag rnams kyi lus khos shig/ dpal phyag na rdo rjes dpang mdzod la/ bdag cag g.yel bar gyur na/ phyag na rdo rjes bdag cag gi mgo bo tshal pa brgya ru khos la snying dum bu stong du gtubs shig bdag cag gi lus la me 'bar bar shog cig/ ces dam bcas nas slar de nyid du mi snang bar gyur to// 'jam dpal ma ru tse mched bzhi'i sngags rgyud las/ rgyud la dam bdar ba dang rjes su yi rang ba'i le'u ste dgu pa'o// // ma ru tse mched bzhi'i rtsa ba'i rgyud rdzogs so// // 'jam dpal gsang ba'i rgyud gyi ma'o// de nas de'i tshe de'i dus na/ lha ma yin g.yog 'khor dang bcas nas bcom ldan 'das ya mAn+ta ka'i thad du 'dus te/ de dag gi nang nas gshin rje'i rgyal pos 'di skad gsungs so// kye ma thugs rje'i bdag po'i gtso// ma ru tse yi sngags rgyud don// sa ma ti yi rim pa dang // dbang skur 'khor lo bshad du gsol// hoHzhes zhus pas/ bcom ldan 'das chos nyid la bzhengs nas 'di skad ces gsol to// rtog med spros bral chos dbyings ni// chos rnams kun gyi de bzhin nyid// rang bzhin dngos med spros bral la// rig pa spros bral mi rtog bsgom// kun tu snang gi ye shes

  2. 322b

    ni// chos nyid kun khyab ye nas don// ma rtogs sems can 'khor ba la// snying rje nam mkha' lta bur bsgom// rgyu yi ting 'dzin ye shes ni// skye ba med las sems nyid hUM// skye ba'i cho 'phrul dmar 'bar gsal// thams cad skye ba'i rgyu ru bsgom// sems nyid hUM gi byin rlabs las// 'byung ba dbang chen sa bon spro// e yaM ra baM suM raM kaM b+h+rUM// dur khrod 'bar ba'i gzhal yas khang // ye shes 'bar ba gnas chen po// mtha' dang dbus med nam mkha'i rgya// phyi dang nang med chos kyi mkha'// b+h+rUM bi shra bi shud+d+he/ de dbus e las gru gsum ni// 'bar ba'i 'khor lo rtsibs bzhi pa// pho brang zla gam mu khyud ldan// gru chad bzhi ru rnam par gsal// dbus su rak+ta 'khrugs shing 'khyil// dregs pa nyi zla'i gdan steng du// sems kyi rang bzhin yig 'bru'i mchog/ hUM gi rnam pa 'di nyid las// 'gyur ba'i sku ni rnam par 'jigs// oM many+dzu shrI ku mA ra/ ya mAn+ta ka ma ru tse de ba ta ye hUM/ yang dag dpa' bo phyag rgya che// gshin rje'i rgyal po nyid du gsal// zhal gcig spyan gsum phyag gnyis pa// dur khrod rgyan cha kun ldan bsgom// dpa' bo de yi thugs ka dang // ljags dang shangs kyi spyan nag las// yi ge 'bar ba dza 'phros pas// 'jig rten dregs pa'i tshogs btul nas// dpa' bo bzhi yi sku ru gsal// gong bzhin bskyed pa'i snying po

  3. 323a

    brjod// kun kyang dmar po sku che ba// zhal gcig phyag gnyis gtum bag can// gtso la bka' nyan sgrol ba'i ging // rgyan rnams so sor gsal bar bsgom// de la dbang bskur byin gyis rlobs// gsang sngags 'di yis rab tu bya// oM a kro te ka ya mAn+ta ka/ dza la dza la kA ya hUM phaT/ oM a kro te ka ya mAn+ta ka bAg sha ya ha na ha na hUM phaT/ oM a kro te ka ya mAn+ta ka/ tsit+ta pan ts+tshin+na ts+tshin+ta hUM phaT/ de ltar ting 'dzin gsal rdzogs nas// dmar po'i 'khor lo bca' ba ni// dur khrod ro ras kha tshon la// khrag chen dug dang thal chen gyis// mdog bsgyur phur bzhir brgyangs te bskam// ro sol dug dang thal chen gsum// de dag sbyar ba'i snag tshas bris// de nas 'khor lo bri ba ni// 'khor lo rtsibs brgyad lte ba nas// shar nub 'khor lo rtsibs bcur bri// de nas gsang sngags dgod pa ni// ma dang tsa dang pa dang ya// phyogs bzhir 'khor lo bzhi la bri// ru dang te dang ta dang hUM// mtshams kyi 'khor lo bzhi la bri// oM dang phaT ni shar nub bo// bsgrub bya'i ming rus dbus su bri// gnod sbyin phyogs nas brtsam par bya// 'khor lo'i rtsibs ni bcu dag la// nyi ma'i maN+Dal bcu gzhag la// ya ma rA dza yab yum gyis// shar nub gnyis la g.yas g.yon no// phyogs bzhir ma ru tse bzhi'o// mtshams bzhir bse yi mon pa

  4. 323b

    bzhi// de ltar bsgoms la gsang sngags bzlas// pho nya btang la bkug cing gsad// ting 'dzin rtse gcig bzlas brjod bya// grangs kyi bsnyen pa rdzogs pa dang // thebs byed mtshon pa'i dus dag tu// 'khor lo gzhung dang mthun pas gnan// des ni mi 'grub mi srid do// ma grub lan gsum spogs par bya// dmar po'i sngags rgyud phyi ma las// sa ma ti yi rim pa dang // dbang bskur ba dang 'khor lo'i le'u ste dang po'o// // de nas srin po'i rgyal pos 'di skad ces zhus so// bcom ldan ya mAn+ta ka yang // mi mngon chos kyi dbyings nas bzhengs// dregs pa'i 'khor tshogs 'dul ba dang // 'gro ba'i don la gshegs su gsol// 'jam dpal sgrol ging ma ru tse// gshin rje bdud dang gnod sbyin rnams// gru gsum 'bar ba'i dkyil 'khor nas// dam nyams bsgral phyir gshegs su gsol// thod pa mthun pa'i las bshad phyir// srin po bdag gis gdungs te smras// bcom ldan nyid kyi byin brlab mdzod// ces zhus pas/ de nas dpa' bos bka' stsal pa// dzaHhUM baM hoHa ma ha na sa nan/ ka nan ta ka pa ra s+ye/ dzaHhUM baM hoHsa ma ya dza/ nga yis khyod kyi las dag bshad// thod chen bzhi yi wa thod bzhi// yang na gcig la rab tu bsgrub// rak+tas bkang la gsang sngags bri// dpral bar ya nr-i g.yas su dun// lhag par nan bri

  5. 324a

    g.yon du yaM// hrISh+Te'i sngags dang spel bar bri// spyi bor hUM bri dza yis bskor// ma bzhi de yi phyi rol bskor// lhag rtse g.yon du ming rus gzhug/ mkhar nag bcings la dkyil 'khor gzhag/ gsang ba'i sngags rnams bstan pa ni// oM ru tse te pa na pa tra ye swA hA/ de ni yang snying rtsa ba'i sngags// gsang ba'i drag sngags bstan pa ni// oM shrI many+dzu ya ma rA dza/ e ka dza ti dza/ nr-i dza che ge mo mA ra ya/ oM sa many+dza shrI mu tra ya man+ta ka/ a kro te ka/ badz+ra ta kro ta ka/ dgra bo'i tsit+ta rbad/ thum ri li li b+h+yo/ sngags bzlas yungs kar gdab par bya// rat+na tra yA la sogs pa'i// gtso bzhi rtsa ba'i sngags kyis brab// de nas bal mo'i drag sngags ni// oM ma ma ma la yaM/ gro lo rno che gran las na ya/ ma ti ti ta rbad na thum ri li li/ sha ti ti ta rbad na thum ri li li khaM tshu na ya rbad na thum ri li li/ yak+ka ni ya sti rbad na thum ri li li/ dgra bo ni ya rbad na bruM ri li li/ bar bar hrIHSh+T+r-iHbzhi bskor gnan// shin tu rdzogs nas thun du 'phang // thems pa thems kyi mtshan ma rtags// mjug tu lung dang ldan par bya// las ma grub cing rtags 'gor na// srog dang bsgrags la thod par bsgrub// ging lcam pho mo'i phrin las bya// hrIHSh+T+r-iHdam tshig sngags kyis gnan// 'jam dpal ma ru tse'i sngags rgyud phyi ma las spyan drang ba dang thod pa sgrub pa'i le'u ste gnyis

  6. 324b

    pa'o// // de nas gnod sbyin gyi rgyal pos 'di skad ces zhus so// ya man+ta ka gshin rje gshed// thugs rje chen po'i byin rlabs las// 'khor ba'i dam gri gdul ba'i phyir// mya ngan mi 'da' bzhugs su gsol// thugs rje'i sprul pa sgrol ba'i ging // gnod sbyin chen po ma ru tse// mthu stobs drag po'i byin rlabs kyis// dam nyams bsgral phyir bzhugs su gsol// rdzas dang mthun pa'i las bshad phyir// bdag cag gis ni gnyis med bshad// dpa' bo nyid kyis byin brlab mdzod// ces zhus pas// oM ku ma ra dza/ yak+ka ma ru tse sa ma ya tista ldan/ khyed kyi las ni bshad par bya// gru gsum zla gam 'khor lo bzhi// ldan dkyil 'khor bris nas ni// de la rdzas dgod gru gsum dbus// lho smyug tshigs bcad ming rus gzugs// tsa ra dkar po'i tsit+ta dang / khyi phag dmar khra'i rak+ta dang // mAM sa chen po'i gtor ma bsham// rak+ta'i mchod pa sman phud rnams// zla gam gsum la rim bzhin dgod// 'khor lo bzhi la phur pa bzhi// kham phor nang du dug sna gsum// sngags bzlas thun zor dbab par bya// ya mA rA dza klu ling ba sang sang / kun ba sang sang / yo lcags sang ku ta ki hUM phaT/ mjug tu thod pa gtor mar bcas// lung dang mthun pa'i gnas su sba// ma ru tse ru mnga' gsol te// smyug ma thod pa'i steng du gzug/ thod pa

  7. 325a

    bkra mi shis par bya// 'jam dpal ma ru tse'i sngags rgyud phyi ma las/ bzhugs su gsol ba dang rdzas sgrub pa'i le'u ste gsum pa'o// // de nas bdud kyi rgyal pos 'di skad ces zhus so// sku gsung thugs yon rdzogs pa yi// ya mAn+ta ka gshin rje gshed// ma rig mun pa sel mdzad lha// rtse gcig dang bas phyag 'tshal lo// sku gsung thugs dang phrin las las// sprul pa sgrol ging dug lnga'i gshed// dam nyams dbyings su sgrol mdzad pa'i// ma ru tse la phyag 'tshal lo// srog sgrub mthun pa'i las 'tshal phyir// bdag cag lus ngag yid kyis phyag 'tshal lo// bcom ldan gshin rjes byin brlab mdzod// ces zhus pas/ de nas dpa' bos bka' stsal pa/ oM many+dzu shrI ku mA ra na mo// a ti pu ho// pra ti pu ho// khyod kyi las ni bshad par bya// rme lug dang ni nag po yi// sog pa dag ni g.yas pa la// gang yin de la bkug cig bstim// ma yengs brtson pa'i sngags kyis brab// gzugs dang shes dpral snying yang dbyung // nang grol gzugs su bcas pa rnams// gshin rje'i lha tshogs kun la bstab// mgo lpags g.yang gzhi ma bral dgram// dkyil du snying dang ming rus dgram// drag po'i phur bu 'degs par byed// snying dang ming rus mgo yi khar// bcug la phur gdab sngo dmar dkri// g.yang bzhi'i nang du dril gtums

  8. 325b

    la// lung dang mthun pa'i gnas su gnan// thengs gsum spogs pas ma grub na// gshin rje nyid kyang brlag par 'gyur// khrag dang sol ba sbyar ba yi// gtor ma dgong btang las gnyer gtad// 'jam dpal ma ru tse'i sngags rgyud phyi ma las/ phyag 'tshal ba dang srog bsgrub bstan pa'i le'u ste bzhi pa'o// // de nas drang srong gi rgyal po me lhas zhus pa/ e ma ho yang dag dpa' bo che// nyon mongs ru dra bsgral ba'i phyir// mAM sa rak+ta rus pa'i tshogs// dug gsum rnam dag mchod par bzhes// dpa' bo sgrol ging ma ru tse// dam nyams rdul du brlag pa'i phyir// sha khrag snying gi mchod pa bzhes// dug lnga rtsad gcod mchod par bzhes// sbyin bsreg mthun pa'i las 'tshal phyir// bdag gis dga' bar smras pa la// yang dag dpa' bos byin rlabs mdzod// ces zhus pas// de nas dpa' bos bka' stsal pa/ oM many+dzu shrI ku mA ra khA hi/ a nu ru pa khA hi/ su ru pa na khA hi/ ku ma ma ra tsan+d+ra khA hi/ ta ku pa ra ma ta khA hi/ khyed kyi las ni nga yis bshad// hom khung gru gsum gting du raM// dur khrod gdug pa'i me sbar la// seng lding shing la yam shing bya// dug dang ske tshe ra khrag gis// sbrul gyi pags pa dag la ni// gzugs dang ming rus bris la bsreg/ gsang sngags 'di yis sbyin bsreg dbul// sarba sha truM/ da ha da ha/ pa tsa pa tsa hUM phaT/

  9. 326a

    rtsa ba'i sngags dang me sngags spel// rab 'bring gsum gyis sbyin bsreg bya// raM las me lha ji lta bar// de la ye shes me lha bstim// mchod cing bstod la phrin las bcol// de nas gshin rje'i maN+Dal lha// rim pas mchod cing sbyin bsreg dbul// brtson pas yang nas yang sbyor bya// mchod lnga dbul ba'i me sngags ni// drag tu drag tu bzlas pa bya// me pra rtags kyi mtshan ma yi// gzugs dang kha dog sgra dang dri// dud pa tsha tsha brtag par bya// pra rtags ngan na rab tu spogs// des ni sbyin bsreg las su 'gyur// 'jam dpal ma ru tse'i sngags rgyud phyi ma las/ mchod pa dang sbyin bsreg bstan pa'i le'u ste lnga pa'o// // de nas klu'i rgyal pos 'di skad ces zhus so// mnyam nyid mthu mnga' gtum chen 'bar ba'i sku// dug gsum za byed bskal pa'i me ltar 'bar// ma rungs 'joms mdzad khro bo bgegs kyi rje// mthar byed gzhon nu khyod la phyag 'tshal bstod// 'jam dpal gshin rje gshed pa yi// sku gsung thugs dang phrin las las// sprul pa'i pho nya ma ru tse// ku ma rA dza sgrol ba'i ging // da sha g+hi ba bdud kyi ging // ya ma rA dza gnod sprin ging // khams gsum sgrol ging chen po bzhi// spu gri dbyug tho ral gri dang // zhags pa thogs pa'i dmag dpon bzhi// 'khor gyi ging bran mang bas bskor// las byed chen po bzhi

  10. 326b

    la bstod// gnan pa mthun pa'i las 'tshal phyir// bdag gis bstod pa smras pa la// 'jam dpal nyid kyis byin brlab mdzod// ces zhus pas/ de nas dpa' bos bka' stsal pa/ na mo rat+na tra yA ya/ tsa la pra tsa la/ shig ga mi ni swA hA// khyod kyi las ni bdag gis bshad// bya rog 'ug pa'i dang ru la// 'go ba'i lha dang ming rus gdags// sngags bzlas yungs kyis brab par bya// 'khor lo thod pa g.yang gzhi la// sngo dmar lcags thag dkar nag dkri// la cha'i rgyas btab re bas gril// la chas rgyas gdab zhabs mas gril// rgya ni rdo rje rgya gram gdab// dkyil du lam bris ri rab bskyed// gnas pa'i las ni rnam gsum ste// na ga gnas pa'i pho brang dang // mkhar po che'i sgo srang dang // shwa gro gsum mdo dag tu gnan// gnod sbyin gnas pa'i mdun srang ngam// rgya gram lam gyi bzhi mdo 'am// dur khrod chen po'i gting du lnga// maN+Dal chen po'i gting du bsam// yang na hom khrang nyid du gnan// lhag ma rlung la phyar te gnan// gshin rje 'bar ba'i lha tshogs dang // gnas kyi bdag po nyid la gtad// sngags bzlas log pa'i ston lam gdab// laM las gser gyi ri rab steng // de bzhin gshegs pa'i pho brang gdab// byang chub myu gu ma skyes par// sus kyang gtang bar mi 'gyur ro// 'jam dpal ma ru tse'i sngags rgyud phyi ma las/ bstod

  11. 327a

    pa dang mnan pa'i le'u ste drug pa'o// // de nas yang ma mo rnams kyis 'di skad ces zhus so// bcom ldan 'jam dpal gshin rje la// ma ru tse yi 'khor gyis bskor// gshin rje khyed la mchod pa'i byin rlabs kyis// phyogs bcu'i 'jig rten khams rnams su// sangs rgyas bstan pa rgyas gyur nas// gshin rje mang po bsrung bar shog/ log par lta ba'i sems can kun// rgyud rnams rtag tu brlag par shog/ bla med byang chub sa thob nas// khyed dang mi 'bral 'grogs par shog/ khrag thun mthun pa'i las 'tshal shog/ bdag gis smon lam smras pa 'di// bcom ldan gshin rjes byin rlabs mdzod// ces zhus pas/ de nas dpa' bos bka' stsal pa/ oM e sa hu/ pe sa hu sa ma ya bag sha ya// khyod kyi las ni bdag gis bshad// thod pa rabs chad nag po'am// mtshan ngan thod pas thun snod bya// khrag sna brgya'am yang na khri// thod par dug dang bsres la blug/ rgyud chen gzungs zag btags la bzung // rab tu gsang ba'i thun sngags bzlas// tri ling shang ka ru/ snying khrag rtsa la breng breng / dgra bo'i srog tsa dun rbad/ sngags de yungs kar ske tshe la// sngags la thod pa'i khrag la bstim// khol la rlangs pa byung ba dang // 'tshig cing 'gul nas 'phang bar bya'o// bdag nyid ma ru tse ru sgom// dbyug tho phyar

  12. 327b

    te stag lpags mgo/ 'jig rten lha 'dre thams cad la// bden bdar zor lam bsal bar bya// gshin rje bskul te khrag thun 'phang // thod pa bub na gdon mi za// g.yas g.yon bltas na pho mo la// tshur la bltas na rang la gnod// dngas kyis sod na bsgyur la bya// lo zla gza' skar gdug pa'i dus// nam phyed dag la brdeg par bya// zhes bka' stsal pas/ lha srin sde brgyad rjes su yi rangs te// de nyid du mi snang bar gyur ro// 'jam dpal ma ru tse'i sngags rgyud phyi ma las/ smon lam dang thun dang rjes su yi rangs pa'i le'u ste bdun pa'o// // 'jam dpal ma ru tse'i sngags rgyud phyi ma rdzogs so// // de nas yang de'i tshe de'i dus na dbang phyug chen pos bcom ldan 'das ya mAn+ta ka la 'di skad ces gsol to// rang rig ye shes blo dang ma ldan pas// bsnyen pa ma rdzogs las la bskul snga ba// rdzas dang lag cha gzhung bzhin ma rdzogs shing // rtags dang mtshan ma dus la ma phyin pa// sgrol bdag chen po'i sku la bzod par gsol// zhes bag chags sbyangs nas yang 'di skad ces zhus so// rgyud 'di'i gzhi rnams dpa' bo yi// 'gro ba'i don du bdag la shod// ces pas/ de nas dpa' bos yang dag bshad// ma skyes pa yi chos nyid las// dus gsum srid pas bsdus pa'i chos// skye ba'i cho 'phrul 'byung ba yi// gzung