rdo rje phag mo mngon par byang chub pa'i rgyud ces bya ba
Bajrabārahyābhudayatantranama
Text
ff. 272b–283a · 22 folio sides
- 272b
med// stong nyid ye shes rdo rje yis// stong pa nyid du rnam par bsgom// legs so zhes ni bya ba byin// rgyud rdzogs pa'i sbyor ba las// legs so legs so ye shes che/ bshad pa'i rgyud phyi ma las rdo rje phag mo mngon par byang chub pa zhes bya ba rdzogs s+ho// / rgya gar gyi mkhan po dz+nyA na ka ra'i zhal snga nas// zhu chen gyi lo tsA ba khu ston dngos grub kyis zhus te gtan la phab pa'o// / rgyud 'bum dang // kar chags la la las// rgyud 'di nyid la// phag mo mngon par byang chub pa ru byas snang // 'di dang phag mo mngon par 'byung ba gnyis// rgya skad yod med ma gtogs// lus dang 'gyur byang sogs la khyad par mi 'dug pas ldabs pa yin nam de ltar yin// blo gsal rnams kyis sprad par gyis shig/ 'dir ni gnyis ka bris yod do// 'dir yang rnal 'byor ma'i sbyor ba mchog/ phag mo mngon par 'byung ba'i mchog/ gsang ba chen po'i gsang ba 'di// cung zad slu bar mi bya ste// zhes 'byung ngo // / dpal rdo rje phag mo la phyag 'tshal lo// de nas rnal 'byor bshad bya ba// 'dod ba'i don kun sgrub byed pa'o// phyi ma las kyang phyi ma ste// mkha' 'gro ma'i dra ba sdom// phag mo yi ni gtso mo yang // rnal 'byor rnams kyis grub ster ma'o// rnal 'byor ma lus rnams kyi yang // snying po rnal 'byor btus pa'o// sgrub pa po la phan don phyir// bla ma'i rgyud pa gsal ba'o// phyi rol nam tog med pa dang // kunaH/
- 273a
dam tshig chos nyid dang // spyod pa dogs pa med pa dang // kun tu ser sna rnam spangs te// tshes grangs dang ni rgyu skar med// bsnyen gnas cho ga gtsor med de/ dag dang ma dag gtsang yang med// chu'i gtsang sbra bya ba med// dus dang mal las rnam par grol// gtsang sbra'i spyod pa rnam par spangs// rang rgyud sngags dang rnal 'byor shes// sems can kun gyi don brtson pas// ri sul tshad cing phug rnams dang // chu bo 'gram dang 'dus pa dang // rgya mtsho chen po'i 'gram dag dang // shing gcig ba dang khang stong dang // bskyed mo tshal mchog sna tshogs dang // lha khang dang ni mchod rten gnas// khyim 'am yang na bzhi mdo ru// 'dod pa thams cad rab ster ba'i// bsgrub pa po yis bsgrub par bya// gnas ni bstan par byas pa 'am// gang du yi ni dga' ba ru// sdom pa sna tshogs bsrung 'dod pas// de ni dngos grub yang dag 'grub// gdul bya'i bsam pa'i sbyor ba yis// bsgom pa'i dbye ba mang ba'o// ye shes lnga'i bdud rtsi yis// sa gzhi byug pa bya ba dang // bzod pa'i pha rol phyin nan tan// me tog gcal du dkram par bya// sna tshogs phyag rgya'i gdan dag la// stong par shin du mnyam par bsam gtan pha rol phyin dmigs te// sems ni rtse gcig pa yis su// tshangs pa'i gnas ni bzhi po dang // bsdu ba'i dngos po bzhi dag dang // sems can kun la bde 'byung ba'i// dge ba bcu ni dmigs par bya'o//
- 273b
chos rnams stong pa nyid du ni// phyi nang bdag nyid mthong bya ste// de nas sems tsam du gnas te// byang chub kyi ni tshogs mchog go/ snying gi mkha' dbyings pad dbus gnas// nyi ma'i dkyil 'khor bsgom par bya// ye shes lnga'i rang bzhin ni// mchog gi de nyid der mthong ste// 'od zer sna tshogs rang bzhin bzang // kun tu rnam par spros pa las/ sngar grub rnams ni yang dag bskul// nam mkha'i khams ni nyams dga'abar/ dkyil 'khor dam mthong ba ste// byin gyis brlab pa dag kyang byed/ til gyi gang bu bzhin mthong ste// khro bo lha mo thams cad dang // sangs rgyas byang chub sems dpa' dang // bla ma byang chub sems dpa' dag/ mchod dang mchod pa da byed pa'i bdag/ lha mo rnam par dgu mthong ste// sangs rgyas tshogs kyi sprul pa spro// khro bo rgyal po rnal 'byor ma// 'gro ba rigs drug sems can yang / de ni sang nyid du bzhag/ nam mkha'i khams zhes bya ba'i dbus/ de nyid du ni zhugs mthong ste// ji srid byang chub snying po'i bar// thams cad du ni skyabs su mchi// sems can ma lus gyur pa rnams// sangs rgyas go 'phang la bzhag bya// bsgrub pos de la gsol ba gdab// rtag tu skyabs su gsol bar bya// phung po lnga la nga rgya ni// sems ba po ni bskyed par bya// gzugs dang tshor dang 'du shes dang // 'du byed rnam par shes nyid kyang // bruM e hra r+tha hU~M zhes pa// nam snang rdo rje nyi ma dang // de bzhin pad ma gar gyi dbang /
- 274a
@#@#rdo rje rgyal po zhes grags dang // de bzhin rdo rje sems dpa' mchog/ de bzhin gshegs pa thams cad nyid// dpal ldan rdo rje he ru ka/ mig dang rna ba sna dag dang // lus dang ngag dang de bzhin yid// oM hUM traM/ a khaM haM// gti mug zhe sdang phrag dog dang // 'dod chags ser sna nyid kyang ngo // skye mched kun la rdo rje dbang // sa dang chu dang me dang rlung / rlung dang nam mkha' nyid dang ni// laM baM saM taM khaM zhes pa// ltung bar byed dang gsod pa dang // 'gugs par byed dang gar byed nyid// pad ma dra ba lha mo// ni// nam mkha' dang mnyam lta bu'o// de ltar phung po khams dang skye mched rnams la rnal 'byor pa tha mal pa'i rang bzhin gyis rang bzhin yong su dag pa'i chos thams cad rang bzhin gyis yongasu dag pa'o// zhes rnam par rgyal ba'i nga rgyal bya'o// de'i 'og tu gsum la skyabs su gsol te// sngags kyi lus su gyur par bya'o// bdag nyid he ru ka ru bsgoms te// sems can kun gyi don kyang byed// he ru ka'i gnas thob par// bla na med pa'i go 'phang la// sems can thams cad bzhag par bya// oM/ swa b+ha wa shud d+ho sarba d+harma swa b+ha shud d+ho haM// / zhes lan gsum brjod do// nyi ma'i 'od zer phreng lta bu'i// dngos po kun rtse phyogs bcu ru// 'od zer de las ra ba dang // de bzhin du ni dra ba bya// rdo rje sa gzhi byin gyis brlabs// bla re mda' yi ra ba dang // rdo rje me 'bar ra ba ni// de'i phyi rol ring du bsam// oM mi di ni badz+ra b+ha ba badz+ra b+han
- 274b
d+ha haM// oM badz+ra pra ka ra hUM be// oM badz+ra pan dza ra hUM ba~M hU~M// oM badz+ra pi ta na hUM She hU~M// oM sha ra dzA la traM ba traM/ oM badz+ra dz+wa la a lA la rka tsUhUM hUM// / 'dzub mo mthe po dag sbyar te// se gol gtogs te phyogs bcur yang // oM suM b+ha ni hUM hUM phaT shar du'o// oM gr-i h+Na gri h+Na hUM hUM phaT byang du'o// oM gr-i h+NA pa a/ gr-i hA pa ya// hUM hUM phaT nub du'o// oM a na ya ho b+ha ga ban badz+ra hUM hUM phaT lho ru'o// / sngags kyi rgyal po 'dis bgegs thams cad kyi mgo la phub pa btab ste/ g.yas bskor dang g.yon pa bskor ba ma yin pa'o// oM g+ha g+ha g+ha ta ya// b+ha ta ya// sarba duSh+TAn bag+h+nAni hUM phaT// ki li ki li ya// sarba pA paM hUM hUM hUM// badz+re ki la ya badz+ra d+ha rod a dz+nyA pa yA ti// sarba duSh+Ta bag+hin kA ya bA ga cing ta badz+ra ki la ya hUM phaT// brdung bar bya ste// rdo rje phub pa la khro bo'i blta bas bltas nas// go rims dang go rims ma yin pas rdo rje bsgrub pa pos brdungs te// oM badz+ra mud ka ra badz+ra ki la badz+ra ke la ya a ko tA ya hUM phaT// / bdud med bdud kyi las kyang med// rang gi sems kyi bcings pa bzhin// gang gis rang gi sems 'dus na// gang las bdud ni gnas par 'gyur// stong nyid ye shes rdo rje yang // mnyam bzhag dang bas dran par bya// oM mthu shU n+ya tA dz+nyA na badz+ra swa b+hA wa ad ma ko haM// oM a ti ni mi ta dz+nyA na badz+ra sa b+ha ba ad ma ko ha~M// oM pra hi hi ta dz+nyA na badz+ra swa b+ha ba ad ma ke haM// mig yor tsam gyi ye shes ni// sems cam rnam par bsta
- 275a
mtshan #par bya// nam mkha' lta bu'i chos 'di dag/ chos can med cing chos nyid med/ nam mkha' lta bur gos pa med// dngos po med cing rtog pa med// snying rje'i bdag nyid phan bya'i phyir// smon lam dbang gis dmigs bya ste// ji srid pa'i 'og dmigs pa// rlung gi dkyil 'khor bsam par bya// laM gi yi ge las byung ba// gzhu'adra kha dog sngo dang ldan// rgyal mtshan+da bAsam bya ste// du ba'i phreng ba'i 'khrigs pa'o// de'i steng du raM las ni// me'i dkyil 'khor mchog yin te// zur gsum po la kha dog dmar// 'bar ba'i phreng bas 'khrug cing dmar// nyi ma bye ba lta bur gnas// rdo rjes mtshan bAr bya// de'i steng du chu nyid kyang // baM las bum pa mchog tu 'gyur// zlum zhing 'od zer phreng bar ldan// kha ba lta bu nyid kyang ngo // de'i steng du bsam bya ba// lam las byung ba ser por ldan// gru bzhi pa la rdo rjes mtshan// 'od zer ser po'i phyogs 'khrugs pa'o// de steng rnal 'byor pa bsgoms pas// ri'i rgyal po ri rab mchog/ zur bzhi rin chen rlung bzhin// rtse mo brgyad kyis nye bar mdzes/ sum las byung ba bzang po'o// 'od zer bzang po mchog gi mchog/ de'i steng du bsgom bya ba// bruM las byung ba btag pa ste// de yongs gyur las 'khor lo mchog gzhal yas khang pa rnam par bsam// gru bzhi pa la sgo bzhi pa// ta babs bzhi yis rnam par brgyan// dra ba dra ba phyed pas spras// dar dang me tog chun pos brgyan//
- 275b
grwa'i cha ni thams cad dang // sgo khyud kyi ni 'tshams rnams su// rdo rje rin po che yis spras// phyi'i dkyil 'khor thig gdab bya// pad ma 'dab ma brgyad pa bri// sna tshogs kha dog mchog gis mchog/ lte ba dang ni ge sar bcas// thams cad dag pa nyid gdan// de'i dbus su zla ba'i cha// gsal ba'i rang bzhin dri ma med// de steng a li ka li ni// dbus su baM gis brgyan pa'o// de'i dbus gzhengs gtso mo ni// phag mo rdo rje rnal 'byor ma// zhal bzhi phyag ni bcu gnyis te// sran gsum shin du chags pa'o// gdan la phyed dkyil gyis bzhugs te// shin du mdzes pas gar byed pa'o// phyogs kyi gos can skra grol ba// phyed ni dbus ma dbang phyug zhal/ dkar dang dmar dang 'di 'dra'i gzugs// thod pa'i dbus ni dbu rgyan mdzes// rdo rje dril bu phyag rgya bsnams// pad ma bskor zhing 'khor ba ldan// dpral bar phyag rgya 'bar ba dang // mi'i lpags pa bla gos dang // thod pa kha T+wAM ka 'dzin cing // zhags pa lcags kyu 'dzin pa gzhan// cang te'u gri gug mgo bo yang // zhal bzhi pa ni tshangs pa yi// sngo dang ser dang ljang khu yi// bzang po'i zhal gyis nye bar mdzes// zhal ni mche ba gtsigs pa ste// sna tshogs rdo rjes dbu rgyan mtshan// dngos grub thams cad rab sbyin byed// lha mo phyag rgya drug gis brgyan// dum bu rgyan pas ske rags ni// skye rags sil sil sgra sgrogs pa// rkang pa'i gdub kyis nye bar mdzes//
- 276a
ba @#dbu rgyan mdzes par byed pa dang // dpral bar rdo rje phreng ba dang // phyag rgya rdo rjes mtshan paso// shin tu gzugs bzang yid du 'ong // shar gyi 'dab mar mkha' 'gro ma// seng gdong ma he 'jigs pas byed// byang phyog su phag gdong ma// lha mo lA ma 'jigs byed ma// nub du lha mo glang po'i gdong // dum skyes ma ste drag mo'o// lho ru lha mo gzugs can ma// rta'i gdod pA'i gzugs// spyan gsum sna tshogs can ma'o// thod pa kha TaM ka 'dzin cing // mgo blo gug 'dzin pa can// gcer bu skya ni grol ba ste// kar byed pa yis shin tu mdzes// yid btags gdan la phyed dkyil gyis// drag cing gtum pa 'jigs pa'o// 'jigs byed dang ni dus mtshan ma// lha mo zhabs kyi 'og tu mnan// me lha sogs pa 'tshams bzhi ru// byang chub sems la sogs pa'i snod// bum pa'i steng du rnam par dgod/ dung dang kun ta zla 'dra ba'i// byang shar la sogs phyogs bzhi ru// rtsibs drug pa yi 'khor lo bri// 'khor lo dbus su bri bya ba// rigs kyi lha mo bzhi po ni// lha mo ma ma ki dang spyan// sgrol ma gos dkar mo dag ste// sngo dang dkar dang dmar ba ste// lha mo rdo rje'i rigs dbang phyug/ dkar dang sngo dang dmar ba yin/ lha mo brtan pa'i rigs yin no// ljang khu dkar dang dmar ba yi// lha mo las kyi rigs yin no// dmar dang ser dang ljang khu yi// lha mo pad me'i rigs las byung // spyan gsum skra
- 276b
ni grol ba yin// phyogs kyi gos ni 'dzin pa yin// rgyan thams cad yongasu rdzogs// phyag rgya drug gis rnam brgyan// thod pa kha Te ka 'dzin cing // rang gi mtshan ma rnam pa bzhi// rdo rje 'khor lo rgya gram dang // pad ma dmar po mchog gis mchog/ de bzhin thams dril bu 'dzin// pad ma bskor byed pa'o// bdud bzhi po ni zhabs kyis mnan/ gar dang bcas shing bzhad pa'i zhal// sna tshogs pad ma zla dbus bzhugs// rigs kyi dngos grub rang bzhin byed// mgo dang cang ti'u phyag na bsnams// rdo rje gri khug gyis kyang mdzes// thod pa'i phreng ba'i dbu rgyan can// mgo bo'i phreng bas rgyan pa'o// 'tshams kyi cha ni thams cad du// gnas la sogs pa'i dgod// 'khor lo'i rtsi drug dang po la// pu lI rA ma la yar rab tu gtum pa'o// rtsibs gnyis pa la dza lan d+ha rar gtum pa'i mig can ma'o// gsum pa la dbu rgyan du 'od ldan ma'o// bzhi ba ar bu der sna chem ma'o// lnga pa go ta ba rir brtan pa'i blo can ma'o// drug pa ra me shwa rir mi zung ma'o// gnyis pa byang gi 'khor lo rtsabs drug pa'o// de ba ko tar lang ka'i dbang phyug ma'o// gnyis pa ma la ya ra shing grib ma'o// gsum pa ka ma ru bar sa bsrungs ma'o// bzhi pa o dar 'jigs byed chen mo'o// lnga pa tri sha ku nir rlung gi shugs can ma'o// lnga pa tri sha ku ni rlung gi shugs can ma'o// drug po ko sa yar chang 'thung ma'o// gsum pa nub kyi 'khor lo rtsibs drug gi shar gyi 'khor mo'i
- 277a
rnams@#/ rtsibs dang po la ka ling kar ljang lha mo'o// gnyis pa lam pa ka ra shin tu bzang mo'o// gsum pa kan tsi kar d+ha na ma'o// bzhi pa la kha ba can du bya gdong ma'o// lnga pa pre ta pu rir 'khor lo'i shugs can ma'o// drug pa gri ha de ba tar dum skyes ma'o// bzhi pa lho'i 'khor lo'i rtsibs kyi shar du so'u ShAr chang 'tshong ma'o// gnyis pa gser gyi gling du 'khor lo'i go cha ma'o// sum pa na ga rar shin du dpa' mo'o// bzhi pa sa ni dur stobs chen ma'o// lnga pa ma ror 'khor lo bsgyur ma'o// drug pa ku lu tar brtson 'grus chen mo'o// dang po dkar ljang thod pa dang // kha T+wAM ka dang 'khor lo dang // cang ti'u dang gri khug go/ gnyis pa byang du ljang ser ro// rdo rje dang / thod pa dang // kha T+wAM ka dang // cang ti'u dang // gri gug go/ gsum pa nub du dmar ser thod pa dang // kha T+wAM ka dang // pad ma dang // cang ti'u dang // gri gug go/ bzhi pa lho'i lha mo ser+ya sna tshogs rdo rje dang // cang ti'u dang // gri khug dang // thod pa dang // kha Te ka 'dzin pa'o// lha mo thams cad bud med phyed dbang phyug spyan gsum pa// phyag bzhi pa gcer bu skra grol ba// phyed dkyil gyi gar gyi zhabs kyi bzhugs pa// yid btags kyi gdan gyi steng na// thod pa'i phreng ba'i dbu rgyan// phyag rgya lngas brgyan pa/ rkang gdub dang ske rags dang // dbu rgyan rnams rdo rjes mtshan pa'o// de nas 'khor phye bskor te// rdo rje'i phreng ba shar du'o// 'khor lo'i phreng ba byang du'o//
- 277b
sna tshogs rdo rje'i phreng ba nub du'o// pad ma'i phreng ba lho ru'o// dbus su rdo rje rabs mdzes// 'tshams kyi cha rnams thams cad du// sna tshogs rdo rje yang dag bri// blo ldan de'i phyi rol bskor// yid btags phreng ba sna tshogs ldan// phyi rol dkyil 'khor sgo rnams dang // 'tshams kyi cha ni bzhi rnams su// mkha' 'gro drag po'i gzugs can no// de la mnyam par bzhag pas dgod// khwa gdod ma ni shar du dgod// kha dog sngon mo yid 'phrog ma'o// 'ug gdong ma ni byang gi sgor// dmar zhing ldang la mdzes pa'o// khyi gdong ma ni nub kyi sgor// drag cing ser mo du ba 'dra// lho'i ngos phag gdong ma// ldang zhing sngo ba'i gzugs can ma'o// spyan gsum drag po 'jigs pa'o// phyogs kyi gos ni 'dzin pa'i mchog/ 'bri tshugs lta zhing bong thung ma// g.yas brkyang ba'i zhabs kyis bzhugs// sna tshogs pad ma'i nyi dbus gnas// phyag rgya lngas ni rnam par brgyan// thod pa'i phreng ba'i dbu rgya can// dbu skra grol zhing rnam brtags// gshin rje brtan ma ma he gdong // me'i phyogasu bcu pa'o// gshin rje pho nya bong bu'i gdong // bden bral gyi ni phyogasu bzhugs// gshin rje'i mche ba rnga mo'i gdong // rlung du brten cing drag por ldan// gshin rje 'jon ma ti'i gdong // dbang ldan brten cing rnam par 'khor// thod pa'i phreng ba'i dbu rgyan can// sna tshogs gzugs can yid 'phrog ma// gcer bu skra ni grol ba dang /
- 278a
@#/ phyed dkyil gyi ni gaR+Sha ldan// mche ba rnam par gtsigs pa'i zhal// spyan gsum zhal ni g.yo ba ste// sna tshogs pad ma nyi dbus gnas// 'dod pa'i drag pos btag pa'o// 'khor gyi lha mo dkyil 'khor rnams// thams cad yid btags steng du bzhugs// thod pa kha Te ka 'dzin cing // gri khug mgo bo 'dzin par byed// lag pa g.yon na rnga chung ni// brdung bar byed cing shin du 'jigs// phyi rol bskor ba'i rnam pa ni// gzhan yang rnam pa mang por 'gyur// glu dang gar gyi yo byang dang // sna tshogs dam tshig mchog rnams dang // spos dang me tog mar me sogs/ dri dang phreng ba byug pa dang // lha'i na bza' gzhal yas khang // lha'i rol mo mchog gi rnams// kun nas yongs su bskor ba yis// phyi'i rnal 'byor mas mchod byed// de la sogs pa mtha' yas mchog/ nam mkha'i kha ni yongs gang las// rnal 'byor ma'i sbyor ba mchog/ phag mo mngon par 'byung ba'i mchog/ gsang ba chen mo'i mchog 'di ni// cung zad smra bar mi bya ste/ phyi rol yid btag phreng ba dang // dkyil 'khor ba dang // 'akyil 'khor dam pa rnam pa rnam par bsgom// 'di ltar dgod par bya ba ni// ji ltar 'khor lo de rnams dgod// sen mo dang po dag la gtum mo'o// ska dang ba swa dag la gtum pa'i mag ma'o// lpags pa dang dri ma dag la 'od ldan ma'o// sha la sna ma'o// rtsa rgyas la brtan ma'i blo can ma'o//
- 278b
la 'jigs rus pa la me'u thung ma'o// 'khal ma la lang ka'i dbang phyug ma'o// snying la ni shing grib ma'o// mig las bsrungs ma'o// 'khris pa byed chen mo'o// glo ba la rlung gi shugs can ma'o// rgyu ma la chang 'thung ma'o// gnyis la ljang lha mo'o// lte ba la shin du bzang mo'o// rkang pa la rta rna ma'o// 'doms su bya gdong mo'o// bad kan la 'khor lo shugs can ma'o// rnagA dum skyes ma'o// khrag la chang 'tshong ma'o// rdul la 'khor lo go cha ma'o// tshal la shin du dpa' mo'o// mchin pa la shin tu stobs can ma'o// mchil ma la 'khor lo bsgyur ma'o// snabs la brtson 'grus chen mo'o// pU li ra ma la ya ste mgo la rab tu gtum mo'o// dzA lan d+ha ra ste sdi gtsug la gtum pa'i mag can ma'o// u rgyan te na ba g.yas pa 'od ldan ma'o// ar bu tar te lhag par sna chen ma'o// go ta ba ri ste rna ba g.yon pa la brtan pa'i blo can ma'o// rA mi sha ri ste smin ma'i dbus su mi thung ma'o// de bi ko Ta ste mig gnyis la lang ki'i dbang phyug ma'o// ma la la te phrag pa gnyis la shing grib ma'o// ka ma ru pa ste mchan khung gnyis su sa srungs ma'o// o ti nu ma gnyis su 'jigs byed chen mo'o// tri sha ku ne lte ba rlung gi shugs can ma'o// ko sa la ste sna rtser chang 'thung ma'o// ka ling kha ste kha la sdang lha mo'o// lam pa ka ste mgrin par shin du bzang po'o// kan tsi te snying khar tan ma'o// he ma la ya ste 'dos su bya gdong ma'o// preta bu
- 279a
/ rir ste gsang bar 'khor lo'i shugs can ma'o// gri ha de ba ste bshang la du dum skyes ma'o// sau'i raShA ste brla gnyis la chang 'tshong ma'o// su wa Nad pa ste/ rje ngar gnyis la 'khor lo'i go cha ma'o// na ga ra ste sor mo rnams la shin tu dpa' mo'o// sin du ste mthe ngo ba gnyis la 'khor lo bsgyur ma'o// ku lu ta ste pus mo gnyis la brtson 'grus chen mo'o// sa'i khams ni ltung bar byed ma'o// chu'i khams ni gsod par byed ma'o// me'i khams ni 'gugs par byed ma'o// rlung gi kham ni gar gyi dbang phyug ma'o// nam mkha'i khams ni pad ma'i dra ba can no// gzugs kyi phung po ni rnam par snang mdzad do// tshor ba'i phung po ni rdo rje nyi ma'o// 'du shes kyi phung po ni pad ma gar gyi dbang phyug ma'o// 'du byed kyi phung po ni rdo rje rgyal po'o// rnam par shes pa'i phung po ni rdo rje sems dpa'o// de bzhin gshegs pa thams cad nyid ni dpal he ru ka'o// mig gnyis la gti mug rdo rje'o// rna ba gnyis la zhe sdang rdo rje'o// sna gnyis la phrag dog rdo rje ma'o// kha la 'dod chags rdo rje'o// reg la ser sna rdo rje'o// skye mched thams cad la dbang phyug rdo rje'o// thugs la rdo rje mi bskyod pa'o// kha la rdo rje 'od dpag med// sku la rdo rje rnam snang mdzad// oM baM lte ba la rdo rje phag mo'o// haM yoM snying kha ra ya mi ni'o// hriM mau kha la rmongs byed ma'o// hr-i hri mgo la bskyed byed ma'o// hUM hUM spyi gtsug la skrag byed ma'o// phaT phaH
- 279b
yan lag thams cad la mtshon cha ma ste gtum byed ma'o// de ltar rab tu dged byas te// ye shes 'khor lo de mthong nas// de'i rnal 'byor brtsam par bya// dngos po kun gyi ngo bo 'dis// 'dzub mo mdud bya gung mo nges par sbyar// mthe bong rdo rje brtan por rab sbyar te// de'i dpral ba'i dbyings su rab sbyar nas// bskor zhing bskor zhing bskor bar bya// rkang pa mnan cing gyen du blta// gyen phye mig sgra sgrogs pas// phyogs bcu 'jig rten khams gnas pa'i// dpa' bo rnal 'byor ma rnams 'gugs// rdza hUM baM ho// rdo rje lcags kyu la sogs pa'i sbyor bas dgug pa dang // gzhug pa dang // bcing ba dang // dbang du bya ba'o// dpa' bo dang rnal 'byor ma rnams kyis rnam mkha'i dkyil yongs su gang bar bltas te// bdud rtsi lngas yongs su gang ba'i bum pas mngon par dbang bskur ba'i tshul gyis de ngag la dbang bskur ba sbyin par bya'o// ji ltar bltam tsam gyis kyang / de bzhin gshegs kun khrus gsol ba'i// lha'i chu 'di dag pa yis// de bzhin bdag khrus bya'o// oM sarba ta thA ga ta a b+hi She ka ta sa ma ya shri hUM A hUM// rlung dang me'i dkyil 'khor gyi steng du a las byung ba'i thod par ye shes lnga'i nI gang ba bcu drug dang // hUM ba~M dang / oM gyis byin gyis brlabs te// yi ge gsum du gyur par bsams la 'khor lo gsum bsgom par bya'o// oM sa ma ye shud d+ho sarba
- 280a
d+harma sa ma ya shud d+ho haM// chos thams cad kun tu ro gcig pas gnas par sems kyis bya'o// ye shes bdud rtsi sbyin pa yis// ye shes bdud rtsi'i chu btud pa/ oM a mri ta u ta hUM hUM Tha ba le hUM a khaM hUM phaT swA hA// ye shes bzlas pa'i sbyor ba yis// 'khor lo'i tsho gas mchog spro bar bya// rus pa chen po'i phreng ba yis// byis ni bzlas pa de nas bya// srog dang rtsol ba rab bsdams te// bsams na skad cig gis 'char ro// dbang bskur mchod dang dam tshig ni// ro gcig byas te bsgoms pa yis// / de snying ye shes sems dpa' dang // mchod pa ye shes bdud rtsi yis// sus dang ngag yid dam tshig ni// sems can bsams med shin tu brtag/ bzlas dang bsgom ba yang dag ldan// rtog pa thams cad rnam spongs te// dam tshig mchog gi bzas pa 'dis// gsang sngags rgyal po'i mchog bzlas so// oM bai ro tsa ni ye hUM phaT swA hUM/ oM sarba bud d+ha DA ki ni hUM hUM phaT swA hA/ oM dang ming ni yang dag ldan// hUM hUM phaT dang yang dag ldan// rab tu gtum sogs de sngags sogs// bzlas pa'i mchog la sbyar bar bya// oM badz+ra ba b+ha ra hi/ pro taM ge/ ha na ha na pra Ni// kau kau NaM// khi khi ni d+hu na d+hu na// badz+ra ha ste sho Sha ya badz+ra// kha TaM ga ka ba la de ri ni// ma hA pi shi ta me sA shi ni// ma nu shan tra prA bri te san ni d+ha na ra mA lA graM thi ta d+ha ra Ni/ sum b+ha ni sum b+ha/ ha na ha na/ prA NAM sarba pA pa sa twa ni sarba ba shu ba nAM ma hA maM ban+na da ni// kro d+ha mur
- 280b
te de ShA ka ra li ni// ma hA ma ni de bri// he ru ka de ba s+ya gra ma hi shi swa ta pra shi re sa ha sra// bA hA be sha ta pa ta pra a na ne// dza se dzA la mu khe bi ga la// lo tsa na/ badz+ra sha rI re// badz+ra a ba ni mi li mi li/ he he/ hUM hUM/ kha kha/ d+hu d+hu ru ru/ d+hu ru d+hu ru/ mu ru mu ru/ a d+hi te ma hA yo gi ni sa thi ta// sid d+he/ dro d+hi dr-i d+haM/ gre gr-i/ he he/ ha ha/ b+hi me// ha sa ha sa b+hi re swAhA// ho ho// hUM hUM/ trai lok+Sha bi na shi ni/ sha ta sa ta ko ti ta thA ga ta pa ni wa ri te/ hUM hUM phaT/ si ha ru be kha/ ga dza nu pe ga/ a hri lok+Sha su d+ha re/ ma hA su tra me kha le d+ha re/ ma hA su tra me kha le gra sa hUM hUM phaT/ bi ra de te/ hUM hUM/ ha ha/ ma hA pa shu mo ha ni ma hA yo ga sha re te/ TI ki ni sarba lo kA nAM ba na d+ha nI sar+ya/ pra t+ya ka ri Shi hUM hUM phaT b+ha ta ta sa ni ma hA bi re ba ra ma sid d+he yo gi shwa ri phaT// hUM hUM phaT swA hA// de ltar rdo rje phag mo'i mchog tu grub pa'i snying po dam pa'o// oM na mo b+ha b+ha ga wa ti badz+ra bA ra hI be hUM hUM phaT// oM na maHar+ya pa pa rA dzi ti trai lo kya ma te ma hA bi d+ya sha ri huM hUM phaT/ oM na ma saH/ b+hu ta b+ha ya ba he ma hA badz+ra huM hUM phaT// oM na mo badz+ra sha ni a dzi te ba shaM ka ri ne tre b+h+ra ma ni hUM hUM phaT// oM na ma sho sha ni ro Sha ni/ kro d+he ka ra le huM hUM phaT/ oM na maHtra sa nai ma ra Ni su pra be da ni pA rA dza ye huM hUM phaT/ oM na mo dza ye bi dza ye dzam b+ha ni stam b+ha ni mo ha ne hUM hUM phaT// oM na mo badz+ra bA rA hi ma hA yo gi ni kA me shwa ri khA ge hUM hUM phaT// / sngags 'di thams cad du byas te// a
- 281a
##/ li ka li rdo rje phag mo'i bdag nyid kyi dngos por bya ste/ rkang pa brgyad pa cho ga'i bdag nyid kyis mchod par bya'o// bzla ba yongs su rdzogs nas ni/ zhi ba'i btung ba btung ba'i mchog/ chos rnams mnyam nyid dam tshig mchog/ sum bcu rtsa bdun gnas kyi mchog/ de 'og rnam par dag pa bsgom// lus rjes su dran pa mkha' 'gro ma'o// tshor ba rjes su dran pa lA ma'o// chos rjes su dran pa kha na Da ro hi'o// sems rjes su dran pa ru pi ni'o// 'dun pa rdzu 'phrul bskyed pa ni rab tu gtum mo'o// brtson 'grus rdzu 'phrul bskyed pa'i mig can ma'o// spyod pa'i rdzu 'phrul bskyed pa ni 'od ldan pa'o// sems kyi rdzu 'phrul bskyed pa ni sna chen ma'o// dad pa'i dbang po brtan pa'i blo can ma'o// brtson 'grus kyi dbang po ni mi thung ma'o// dran pa'i dbang po ni lang ki dbang phyug ma'o// ting nge 'dzin gyi dbang po ni shing grib ma'o// shes rab kyi dbang po ni sra bsrungs ma'o// dad pa'i stobs ni 'jigs byed chen mo'o// brtson 'grus kyi stobs ni rlung gi shugs can ma'o// dran pa'i stobs ni chang 'thung ma'o// stobs ni ljang lha ma'o// shes rab kyi stobs ni shin du bzang mo'o// ting nge 'dzin yang dag byang chub kyi yan lag ni rta rna ma'o// brtson 'grus yang dag byang chub kyi yan lag ni bya gdong ma'o// dga' ba yang dag byang chub kyi yan lag ni 'khor lo'i shugs can ma'o// shin du spangs
- 281b
pa yang dag byang chub kyi yan lag ni dum skyes ma'o// chos rnam par 'byed pa yang dag byang chub kyi yan lag ni chang 'tshong ma'o// dran pa yang dag byang chub kyi yan lag ni 'khor lo'i go cha ma'o// btang snyoms yang dag byang chub kyi yan lag ni shin du dpa' mo'o// yang dag pa'i lta ba ni stobs chen mo'o// yang dag pa'i rtog pa ni 'khor lo bsgyur ma'o// yang dag pa'i ngag ni brtson 'grus chen mo'o// yang dag pa'i las kyi mtha' ni khwa gdong ma'o// yang dag pa'i 'tshe ba ni 'ug gdong ma'o// yang dag pa'i rtsol ba ni khyi gdong ma'o// yang dag pa'i dran pa ni phag gdong ma ste// rnam par thar pa'i sgo bzhi'o// yang dag pa'i ting nge 'dzin ni bcom ldan 'das rdo rje phag mo'o// dge ba'i chos ma skyes pa rnams bskyed par byed pa ni gshin rje brtan ma'o// dge ba'i chos skyes pa rnams rjes su gnas pa dang bsrung bar byed pa ni gshin rje'i pho nya ma'o// mi dge ba'i chos skyes pa rnams spong bar byed pa ni gshin rje mche ba ma'o// mi dge ba'i chos ma skyes pa rnams mi skye bar byed pa ni gshin rje 'joms ma'o// chos bdag med pa'i lam nas su// dkyil 'khor dam par bzhugs pa ni// shes rab pha rol phyin sbyor ba'i// de bzhin rnal 'byor pa gnas bya// snang ba med pa'i gnas la gnas// snang ba med la yang dag rten// spyod pa med pa'i chos rnams la// chos can med cing chos nyid med// rten 'brel mkhwa dang mnyam pa'i chos// dngos
- 282a
#med mtshan ma med pa'o// 'di ni de nyid go 'phang gnas// ye shes dag gi mig gis mthong // phra rab rdul phran dang mnyam pa// 'khor lo'i gnas/ mthong shin du nges// skra rtse stong phrag pa yis ni// cha dang cha ru yongasu brtag/ he ru ka dang rnal 'byor ma// lhan cig b+ha ga'i gnas mthong na/ 'khor lo bsgyur ba rab brtson pas// kha gdong ma ni phyi rol dgod// he ru ka sogs bdag po khyod// mkha' 'gro bzhi yis yongs su bskor// phan tshun du ni bdag po byed// rdo rje sems/ sogs sbyor bar ldan// phyi rol dur khrod drag po dang // kha dog sna tshogs mchog gi mchog/ shing mchog sna tshogs mdzes pa dang // khyi dang lce spang 'jigs pa dang // khA dang 'ug pa bya gar rgod// lce spyang de bzhin ro bsregs pa// keng rus gsal shing gis phug dang / 'gegs nas 'phyang dang phyed bsregs dang // thod/ pa skam po'i bu mo dang // mgo med lag na thod pa dkar// rnam pa sna tshogs sbrul gyis mdzes// drag po'i sbrul dang de bzhin rnga// seng ge phag dang stag dang ni// de bzhin ra dang lug dang // glang po rta dang bung bu dang / rnga mo sna tshogs dam tshig mchog/ rnam pa sna tshogs chang dang ni// 'bru chang btung ba'i mchog rnams kyis// dpa' bo bzang po 'dus pa dang // sna tshogs rnal 'byor ma tshogs dang // thod pa kha T+wAM ka dag dang // gri gug cang ti'u mchog rnams 'dzin// sna tshogs rol mo/
- 282b
bzang po dang // bza' ba'i ro mchog longs spyod dang // sna tshogs 'o dang 'byung ba dang // bca' dang lhag pa'i mchog rnams kyis// rnam pa de ltar du rjod ni/ gnod sbyin ro langs srin po rnams// he ru ka yi nga rgyal gyis// de la gtor ma sbyin par bya// tsang ti'u rdo rje dril bu dang / gar dang rol mo byed pa dang // phyogs kyi kyi gos can phyag rgyar ldan// hUM hUM phaT ki li ki li bya// g.yas brkyang ba'i sbyor ba yis// 'bar ba'i phyag rgya ma bcing bar bya// dam tshig kha ru bcug nas ni/ sngags 'di rjes su dran par bya// oM a ra li ho// badz+ra Da ki ni sa ma ya ste tri sha ho// de skad gsum dang bzhi dang lnga brjod par bya'o// g.yas bskor dang g.yon bskor gyis kyang // thod pa'i nang gi sbyin par bya ba rnams rdo rje thal mo kha gyen du phye la sngags 'di brjod do// oM kha kha khA hi khA hi// sarba ya k+Sha ra k+Sha sarba b+ha ta b+ha ta pre ta bi Sha tsa ta un ma tra a pa s+phar// Da ka DA ki ni a d+haM ya i maM b+ha l-i gri hAn+na sa ma ya rak+Shan tu ma ma sarba sid d+hi pra ya tsAn tu ya dze maM// yaM the ShAM/ bun nga ba bi bkra// ngi g+ha tha mthas hA// ma ma sa rba ka ra d+ha ya sang su khaM be shud d+he me sa ha li ka b+ha phan+tu/ hU~M hUM/ phaT phaT swA hA// de ltar chog dang tshogs thun 'am bzhir sbyin par bya'o// de nas bcom ldan 'das de bzhin gshegs pa thams cad kyi ye shes gsang ba'i gsang chen 'di gsungs pa// dngos po med pa'i 'ang
- 283a
@#nyid chos// nam mkha' lta bur dri ma med// stong nyid ye shes rdo rje yis// stong pa shin tu rnam par bsgom// legs so zhes ni bu 'byin/ rgyud rdzogs pa yi sbyor ba las// legs so legs so ye shes che// bshad pa'i rgyud phyi ma las// phag mo mngon par 'byung ba zhes bya ba// rdzogs s+ho// rgya gar gyi mkhan po dz+nyA na ka ra'i zhal snga nas dang // zhu chen gyi lo tsA ba khu ston dngos grub kyis bsgyur te gtan la phab pa'o// / 'di dang / phag mo mngon par byang chub pa gnyis rgya skad yod med ma gtogs// lus dang 'gyur byang sogs la khyad mi 'dug pas// ldabs pa yin nam de ltar yin nam blo gsal rnams kyis dpyad par gyis shig/ 'dir ni gnyis ka bris yod do// rgyud 'bum dang kar chags rnams las// 'di nyid la phag so mngon 'byung du byas snang ngo // dge'o// dag go// 6/ rgya gar skad du// badz+ra la na a b+hi tan tra rA dzan/ ma// bod skad du// rdo rje phag mo mngon par 'byung ba'i rgyud kyi rgyal po// rdo rje rnal 'byor ma la phyag 'tshal lo// dngos rnams thams cad stong nyid las// dngos po kun gyi 'byung gnas gcig/ bde ba thams cad 'byung ba'i gnas// dpal ldan ston byed ma la phyag 'tshal 'dud/
Colophon
bshad pa'i rgyud phyi ma las rdo rje phag mo mngon par byang chub oa zhes bya ba rdzogs s+ho// //rgya gar gyi mkhan po dz+nyA na ka ra'i zhal snga nas/ / zhu chen gyi lo ts+tsha ba khu ston dngos grub gyub kyis zhus te gtan la phab pa'o