'phags pa shes rab kyi pha rol tu phyin pa'i tshul brgya lnga bcu pa
Aryapradjñaparamitanayaaryardgaśati
Text
ff. 232b–247a · 28 folio sides
- 232b
bkra shis/ swe he he/ sarba mang+ga laM// rgya gar skad du/ ar+ya prad dz+nyA par mi ta na ya ar+ya r+d+ha sha ti/ bod skad du// 'phags pa shes rab kyi pha rol tu phyin pa'i tshul brgya lnga bcu pa// bcom ldan 'das ma shes rab kyi pha rol tu phyin pa phyag 'tshal lo// 'di skad du bdag gis thos pa'i dus gcig na// bcom ldan 'das de bzhin gshegs pa thams cad kyi rdo rje'i gnas dam tshig dang mkhyen pa'i bye brag rnam pa tha dad pa dang ldan pa/ de bzhin gshegs pa rin po che thams cad kyi cod pan gyis khams gsum du dbang skur ba brnyes pa/ de bzhin gshegs pa thams cad mkhyen pa'i ye shes dang ldan pa/ rnal 'byor can chen po'i dbang phyug de bzhin gshegs pa thams cad kyi phyag rgya/ thams cad kyi mnyam nyid thugs su chud pa sna tshogs kyi bya ba mdzad de/ ma lus ba ni sems can gyi khams lus pa med pa/ thams cad kyi re ba yongs su bkang ba'i phrin las mdzad pa// thugs rje che ba rnam par snang mdzad chen po rtag pa
- 233a
las gsum gyi mnyam pa nyid la zhugs pa dang / sku dang gsungs dang thugs thams cad rdo rje/ de bzhin gshegs pa lha'i rgyal po gzhan 'phrul dbang byed kyi gnas/ 'dod pa'i khams na nor bu rin po che chen pos rab tu spras pa dang / dar gyi ba dan kha dog sna tshogs dril bu rgyus pa dang / rlung gis bskyod pa dang / me tog gi phreng ba dang / rnga ma dang / rgyan phreng dang / blun 'chang dang zla ba lta bus mdzad par byas pa/ de bzhin gshegs pa thams cad bzhugs pa shis pa ston pa/ byang chub sems dpa' bye ba phrag brgyad dang / thabs gcig tu bzhugs pa la 'di lta ste/ byang chub sems dpa' sems dpa' chen po lag na rdo rje dang / spyan ras gzigs dbang phyug dang / na mkha'i snying po dang / rdo rje khu tshur dang / 'jam dpal dang / sems bskyed ma thag tu chos kyi 'khor lo bskor ba dang / na mkha'i mdzod dang / byang chub sems dpa' sems dpa' chen po bdud kyi
- 233b
stobs thams cad rab tu 'jom pa dang / de dag la sogs pa byang chub sems dpa' bye ba phrag brgyad dang / thabs gcig ste yongs su bskor cing 'dun gyi ltas nas chos ston to// shes rab kyi pha rol tu phyin pa'i tshul chos thams cad kyi ngo bo nyid rnam par dag pa'i sgo zhes bya bar thog mar dge ba bar tu dge'i don bzang po// ma 'dres pa yongs su rdzogs gi yongs su dag pa/ yongs su byang ba yang dag par ston to// 'di ltar rab tu dga' ba rnams par dag pa'i gnas de ni 'di lta ste/ byang chub sems dpa'i gnas so// kyi mnga' rnam par dag pa'i gnas de ni 'di lta ste/ byang chub sems dpa'i gnas so// reg pa rnam par dag pa'i gnas de ni 'di lta ste/ byang chub sems dpa'i gnas so// sdug pa'i 'chi ba rnam par dag pa'i gnas de ni 'di lta ste/ byang chub sems dpa'i gnas so// thams cad la dbang phyug dang / dbang po rnam par dag pa'i gnas de ni 'di lta ste/ byang chub
- 234a
sems dpa'i gnas so// lta ba rnam par dag pa'i gnas de ni 'di lta ste/ byang chub sems dpa'i gnas so// dga' ba rnam par dag pa'i gnas de ni 'di lta ste/ byang chub sems dpa'i gnas so// srid pa rnam par dag pa'i gnas de ni 'di lta ste/ byang chub sems dpa'i gnas so// skems pa rnam pa drag pa'i gnas de ni 'di lta ste/ byang chub sems dpa'i gnas so// rgyan rnam par dag pa'i ba de ni 'di lta ste/ byang chub sems dpa'i gnas so// yid tshim par byed pa rnam par dga'i gnas de ni 'di lta ste/ byang chub sems dpa'i gnas so// sna ba rnam par dag pa'i gnas de ni 'di lta ste/ byang chub sems dpa'i gnas so// lus bde ba rnam par dag pa'i gnas de ni 'di lta ste/ byang chub sems dpa'i gnas so// gzugs bde ba rnam par dag pa'i gnas de ni 'di lta ste/ byang chub sems pa'i gnas so// sgra rnam par dag pa'i gnas de ni 'di lta ste/
- 234b
byang chub sems dpa'i gnas so// dri rnam par dag pa'i gnas de ni 'di lta ste/ byang chub sems dpa'i gnas so// ro rnam par dag pa'i gnas de ni 'di lta ste/ byang chub sems dpa'i gnas so// de ci'i phyir zhe na/ 'di ltar chos thams cad ni ngo bo nyid kyi rnam par dag ste/ chos thams cad ngo bo nyid kyis stong pas nyid pas/ shes rab kyi rol tu phyin pa yongs su dag pa'o// lag na rdo rje la chos thams cad kyi ngo bo nyid rnam par dag pa'i sgo bsgrub pa shes rab kyi pha rol tu byin pa'i tshul 'di lan gcig thos na yang de byang chub kyi snying po'i bar du bsgrub pa thams cad dang / chod pa dang nyon mongs pa'i sgrib pa dang / chos kyi sgrib pa dang / lus kyi sgrib pa dang / las kyi sgeg pa chen po bsags kyang / sems can dmyal ba la sogs pa ngan song du nam kyang skye bar mi 'gyur ro// sdin pa byas na yang de ma thag tu sdug bsngal med par byang bar 'gyur ro// su zhig 'dzin pa dang / nyin re klog pa dang / kha don byed pa dang / tshul bzhin byed
- 236a
pa de tshe 'di nyid la chos thams cad kyi rdo rje ting nge 'dzin thob nas chos thams cad la dbang bar 'gyur ro// chos thams cad la dga' ba dang mgu ba dang mchog tu dga' ba myong bar 'gyur ro// byang chub sems dpa' sems dpa' chen po chos bcu drug gis de bzhin gshegs pa 'am/ rdo rje'i ting nge 'dzin thob par 'gyur ro// de nas bcom ldan 'das lag na rdo rje/ de bzhin gshegs pa thams cad pa/ theg pa chen po mngon par rtogs pa dkyil 'khor thams cad pa/ rdo rje 'dzin mtha' dag gi sems can gyi mchog/ khams gsum ma lus pa mtha' dag na/ 'jig rten gsum po mtha' las rnam par rgyal ba/ sems can gyi khams lus pa med pa 'dul ba don thas cad grub pa/ dam tshig chen po'i rdo rje gsang ba'i sems can du mas g.yogs byas pa de shes rab kyi pha rol tu phyin pa'i don 'di ston te bzhin rab tu 'dzum zhen/ lag pa g.yon pa rdo rje bgyings te/ theg ma'i rdo rje chen po
- 236b
gsor nas/ rang gi snying khar bstod pa'i tshul gyi 'dzin cing / bde ba chen po rdo rje don yod pa'i dam tshig ces bya ba rang gi de kho na nyid kyi snying po 'di smras so// hU~MHde nas bcom ldan 'das de bzhin gshegs pa rnam par snang mdzad kyi/ yang de bzhin gshegs pa thams cad kyi zhi ba'i chos nyid mngon par rdzogs par byang chub par 'grub pa zhes bya ba shes rab kyi pha rol tu phyin pa'i tshul 'di bshad de/ rdo rje sra ba nyid kyi phyir mnyam pa nyid mngon par rdzogs par byang chub pa ni byang chub chen po'o// den gcig pa'i phyir don gyi mnyam pa nyid mngon par byang chub chen po'o// ngo bo nyid rnam par dag pa'i phyir chos kyi mnyam nyid mngon par byang chub pa ni byang chub chen po'o// thams cad rnam par rtog pa'i phyir/ thams cad mnyam pa nyid mngon par byang chub pa ni byang chub chen po'o// lag na rdo rje su la la chos mngon par bsgrub pa bzhi pa 'di dag mnyan pa dang / 'dzin pa dang / klog pa dang / bsgom pa dag sdig pa thams cad spyod kyang byang chub
- 237a
kyi snying po la 'dug gi bar du ngan song thams cad las yang dag par 'das par 'gyur ro// myur du bla na med pa yang dag par rdzogs pa'i byang ba mngon par rdzogs par 'tshang brgya bar yang dag 'gyur ro// de nas de skad ces bka' stsal nas/ bcom ldan 'das ye shes kyi khu chur yongs su 'dzin pa don gnas 'di nyid rgya cher ston cing bzhin rab tu 'dzum mu le ste/ chos thams cad mnyam pa nyid kyi snying po smras so// / aHde nas ma rungs pa thams cad 'dul ba bcom ldan 'das de bzhin gshegs pa shAkya thub pas kyang chos thams cad kyi mnyam pa nyid kyis rnam par rgyal bsdu ba zhes bya ba shes rab kyi pha rol tu phyin pa bsgru ba 'di bshad do// 'dod chags kyi spros pa med pa nyid kyis zhe sdang gi spros pa med pa nyid do// zhe sdang gi smras pa med pa nyid kyis/ gti mug gi smos pa med pa nyid kyis/ chos thams cad sbas pa me
- 237b
pa nyid do// chos thams cad spros pa med pa nyid kyis/ shes rab kyi pha rol tu phyin pa spos med pa nyid du rig par bya ste/ lag na rdo rje su la la/ shes rab kyi pha rol tu phyin pa'i tshul 'di nyan pa dang / 'dzin pa dang / klog pa dang / bsgom pa des 'dul ba'i dbang gi phyir khams gsum du skyes pa'i sems can thams cad bsad kyang ngan song du 'gro bar mi 'gyur ro// de nas bcom ldan 'das lag na rdo rje chos nyid 'di'i don rgya cher ston te// 'jig rten gsum las rnam par rgyal ba'i rdo rje zhes pa'i phyag rgya bcings nas khro gnyer dang bcas shing smin mar btags te/ 'bar bar lta la pade ma'i gdong khro zhing dgod de che brtsigs nas/ rkang pa g.yon brkyang pa'i tshul du gnas nas rdo rje hUM zhes bya ba'i snying po 'di smras so/ hUM/ de nas bcom ldan 'das de bzhin gshegs pa ngo bo nyid dag pa'i chos nyid thob pas/ yang chos thams cad kyi mnyam pa nyid spyan ras gzigs dbang phyug gi ye shes kyi phyag
- 238a
rgya zhes bya ba shes rab kyi pha rol tu phyin pa'i tshul 'di bshad de/ 'dod chags thams cad rnam par dag pas/ yang 'jigs rten na sems can thams cad rnam par dag par 'gyuraro// dri ma thams cad rnam par dag pas/ 'jigs rten na sdig pa thams cad rnam par dag par 'gyur ro// chos thams cad rnam par dag pas/ 'jig rten na sems can rnam par dag par 'gyur ro// shes rab pa thams cad rnam par dag pas/ 'jig rten na shes rab kyi pha rol tu phyin pa rnam par dag go// lag na rdo rje gang la la shes rab kyi pha rol tu phyin pa'i tshu la 'di nyan pa dang / 'dzin pa dang / klog pa dang / bsgom pa de'i 'dod chags dang / dri ma thams cad kyi nang na 'dug kyang / pad ma lta bur 'dod chags kyi nyes pa dang / dri ma rnam dang / bla bur gyi nyon mongs pa rnams kyis gos par mi 'gyur te/ myur du bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// de
- 238b
nas byang chub sems dpa' chen po spyan ras gzigs dbang phyug don gas pa 'di nyid rgya cher ston cing / bzhin rab tu 'dzum mu le te/ pad ma'i 'dab ma kha 'bye bas/ 'dod chags la sogs pa'i dri mas mi gos pa la lta zhing 'gro ba thams cad kyi phyir pad ma'i gzugs sna tshogs zhes bya'i 'di smras so/ hriMH/ de nas bcom ldan 'das de bzhin gshegs pa khams thams cad kyi dbang pos yang de bzhin gshegs pa thams cad kyi dbang skur ba las byung ba'i ye shes kyi snyi po zhes bya ba'i shes rab kyi pha rol tu phyin pa'i tshul 'di bshad de/ dbang bskur ba sbyin pa ni khams gsum thams cad kyi rgyal srid thob par 'gyur ro// sbyin pa ni re ba thams cad yongs su rdzogs par 'gyur ro// chos sbyin pa ni chos thams cad kyi mnyam pa nyid yongs su rdzogs pa 'gyur ro// zang zing sbyin pa ni lus dang ngag dang sems kyi bde ba thams cad thob par 'gyur ro// de nas byang chub sems dpa' sems dpa' chen po na mkha'i snying po bzhin rab tu 'dzum
- 239a
ste/ rang gi mgo la rdo rje rin po che dbang bskur ba 'phreng ba 'ching zhing don nyid rgya cher ston to// dbang bskur dam tshig rin po che zhes bya ba'i snying po 'di smras so// traM/ de nas bcom ldan 'das de bzhin gshegs pa thams cad kyi ye shes kyi phyag rgya thob pa// de bzhin gsheg pa thams cad kyi khu tshur 'dzin pa de bzhin gshegs pa rtag pas yang de bzhin gshegs pa thams cad kyi ye shes kyi phyag rgya'i gnas rdo rje zhes bye ba shes rab kyi pha rol tu phyin pa'i tshul 'di bshad de/ de bzhin gshegs pa thams cad kyi sku'i phyag rgya yongs su 'dzin pa ni de bzhin gshegs pa thams cad nyid du 'gyur ro// de bzhin gshegs pa thams cad kyi gsungs gi phyag rgya yongs su 'dzin pa ni chos thams cad thob pa 'gyur ro// de bzhin gshegs pa thams cad kyi thugs kyi phyag rgya yongs su 'dzin pa ni ting nge 'dzin thams cad thob par 'gyur ro// de bzhin gshegs pa thams cad kyi rdo rje'i phyag rgya yongs su 'dzin pa ni lus dang ngan dang /
- 239b
sems can rdo rje'i dngos grub thob par 'gyur ro// su la la shes rab kyi pha rol tu phyin pa'i tshul 'di nyan pa dang / 'chang ba dang / klog pa dang / lung 'bog pa dang / bsgom pa des dngos grub thams cad dang phun sum tshogs pa thams cad dang / shes thams cad dang / dgongs pa thams cad dang lus dang ngag dang sems thams cad rdo rje rdo rje'i dngos grub dam pa thob nas/ myur du bla na med pa yang dag par rdzogs pa'i byang chub mngon par rdzogs 'tshang rgya bar 'gyur ro// de nas byang chub sems dpa' sems dpa' chen po rdo rje'i khu tshur dam tshig chen po'i phyag rgya yongs su 'dzin pas don gnas 'di rgya cher ba ston te/ de bzhin rab tu 'dzum zhing / rdo rje sra ba'i phyag rgya dngos grub thams cad kyi dam tshig ces bya ba'i snying 'di smras so/ A/ de nas bcom ldan 'das chos thams cad spros pa med pa'i de bzhin gshegs pas/ yang 'khor lo ltar yi ge bskod pa zhes bya ba shes rab kyi pha rol tu phyin pa'i tshul 'di ga /
- 240a
@/ ngo bo nyid med pa'i tshul gyi chos thams cad stong pa'o// mtshan ma med pa'i phyir chos thams cad mtshan ma med pa'o// smon pa med pa'i tshul gyi chos thams cad smon pa'o// shes rab kyi pha rol tu phyin pa yongs su dag pas// chos thams cad rang bzhin gi 'od gsal ba'o// de nas bcom ldan 'das 'jam dpal gzhon nur 'gyur ba don 'di nyid rgya cher ston te/ gzhin 'dzum bzhin du ral gri des de bzhin gshegs pa thams cad la 'debs shing / shes rab kyi pha rol tu phyin pa snying po mchog 'di smras so// AH/ de nas bcos ldan 'das de bzhin gshegs pa thas cad kyi 'khor lo 'dus pa'i de bzhin gshegs pas 'khor lo chen po la 'jug pa zhes bya ba shes rab kyi pha rol tu byin pa'i tshul 'di bshang // rdo rje mnyam pa nyid la 'jug ni de bzhin gshegs pa thams cad kyi 'khar lo la 'dug par 'gyur ro// don gyim /
- 240b
pa nyid la 'jug pa ni/ bya chub sems dpa' sems dpa' chen po'i 'khor lo la 'jug par 'gyur ro// chos thams cad kyi mnyam pa nyid la 'jun pa ni/ dam pa'i chos kyi 'khor lo la 'jug par 'gyur ro// thams cad kyi mnyam pa nyid la 'jug pa ni/ 'khor lo thams cad la 'jug par 'gyur ro/ de nas byang chu sems dpa' sems bskyed ma thag tu/ chos kyi 'khor lo bskor ba chos nyid kyi don 'ang rgya cher bston cing / bzhin 'dzum nas rdo rje'i 'khor lo bskor cing / rdo rje'i 'khor lo thams cad la 'jug pa zhes bya ba'i snying po 'di smras so// hUM/ de nas bcom ldan 'das de bzhin gshegs pa la mchod pa thams cad kyi mchog rgyas pa'i snod kyi mchod thams cad kyi mchog ces bya ba shes rab kyi pha rol tu phyin pa'i tshul 'di bshad do// byang chub kyi sems bskyed pa ni/ de bzhin gshegs pa thams lnga mched pa'i cho ga rgyas pa'o// sems can gyi khams yongasu skyob pa ni de bzhin gshegs pa thams cad la mchod
- 241a
du / pa'i cho ga rgyas pa'o// dam pa'i chos yongs su 'dzin pa ni/ de bzhin gshegs pa thams cad la mchod pa'i cho ga rgyas pa'o// shes rab kyi pha rol tu phyin pa yi ger 'bri ba dang / yi ge 'brir 'jug pa dang / 'dzin pa dang / klog pa dang / brjod pa dang / ston pa dang / nyan pa dang / sems pa dang / bsgom pa dang / mchod pa byed pa ni de bzhin gshegs pa thas cad la mchod pa'i cho ga rgyas pa'o// de nas byang chub sems dpa' sems dpa' chen po na mkha' mdzad don 'di nyid rgya cher ston te/ bzhin rab tu 'jum zhing las thams cad don yod pa'i dam tshig ces bya ba'i snying po 'di smras so// oM/ de nas bcom ldan 'das de bzhin gshegs pa sems can thams cad 'dun nus pas yang ye shes kyi khu tshur longs 'dzin pa/ sems can thams cad 'dul ba shes pa'i snying po zhes bya ba shes rab kyi pha rol tu phyin pa tshul
- 241b
'di bshad do// seMs can thams cad mnyam pa nyid pas khro ba mnyam pa nyid do// sems can thams cad 'dul ba nyid pas/ sems can thams cad chos nyid pas khro ba chos nyid do// sems can thams cad rdo rje nyid pas khro ba rdo rje nyid do// de ci'i phyir zhe na/ 'di ltar sems can thams cad 'dul ba ni byang chub sems dpa'o// de nas byang chub sems dpa' bdud kyi stobs thos cad rab tu 'joms pa don de nyid rgya cher ston te/ bzhin rab tu 'dzum zhing che ba'i phyag rgya dang rdo rje ga sbyin gyi gzugs kyis rdo rje kho bo'i gad me zhes bya ba'i snying po 'di smras sa/ hAHde nas bcom ldan 'das de bzhin gshegs pa chos thams cad kyi mnyam pa nyid la gnas pas/ yang chos thams cad kyi mchog ces bya ba shes rab kyi pha rol tu phyin pa'i tshul 'di bshad do// thams cad mnyam pa nyid pas/ shes rab kyi pha rol tu phyin pa mnyam pa nyid de// thams cad don nyid pas shes rab kyi pha rol tu phyin pa'i don nyid do//
- 242a
thams cad chos nyid pas/ shes rab kyi pha rol tu phyi ba chos nyid do// thams cad las nyid pas/ shes rab tu pha rol tu phyi ba las nyid du rigs par bya'o// de nas bcom ldan 'das lag na rdo rje de bzhin gshegs pa dang / byang chub sems dpa' thams cad kyi don yod ba'i dam tshig gi dkyil 'khor byin gyis brlabs pa zhes pa'i ting nge 'dzin la snyoms par zhugs nas yod pa thams cad kyi dam tshig ces bya ba'i snying po 'di smras so// hU~MHde nas bcom ldan 'das de bzhin gshegs pa thams cad la rnam par snang mdzad kyis/ yang sems can byin gyis brlabs pa zhes bya ba shes rab kyi pha rol tu phyin pa'i chu la 'di bshad do// byang chub sems dpa' kun tu bzang po thams cad kyi rang bzhin yin pas/ sems can thams cad ni de bzhin gshegs pa'i snying po can no// thams cad rdo rje'i snying pos dbang bskur ba nyid pas sems can thams cad ni rdo rje'i snying po can no// ngag thams cad rab tu 'byung bas/ sems can thams cad ni chos kyi snying po can no// sems can thams cad ni bya ba byed pa la sbyor bas sems can thams cad ni las
- 242b
kyi snying po can no// de nas phyi rol gyi rdo rje'i rigs rnams kyis ca co'i sgra byung nas/ chos nyid kyi don rgya chen ston cing snying po phul te/ den rdo rje'i dbang phyug chen pos rang gi de kho na'i snying po 'di phul lo// hriHde nas ma ma thams cad kyi bcom ldan 'das la phyag 'tshal te/ mgrin cig tu tham cad dgug pa dang / gzung ba dang / gzhig pa pa dang / bsgrub pa'i dam tshig ces bya ba rang gi de kho na'i snying po 'di phul lo// b+h+yoHde nas sbrang rtsi byed pa la sogs pa ma mo gsum gyis bcom ldan 'das la phyag 'tshal te/ mgrin cig tu rang gi de kho na'i snying po 'di smras so// swaHde nas sring mo bzhis bcom ldan 'das la phyag 'tshal te/ rang gi de kho na'i snying po 'di phul lo/ hUMHde nas bcom ldan 'das de bzhin gshegs pa mtha' yas ru/ med pa la mthug cing mu med pa'i chos dang ldan sa/ yang cho ga 'di mthar thug par byin gyi brlabs pa'i phyir/ chos thams cad kyi mnyam pa nyid kyi mthar thug pas byin gyi brlab pa'i rdo rje zhes bya ba/ shes rab kyi pha rol tu phyin pa'i tshul 'di bshad do// shes rab kyi pha rol tu phyin pa mu med pa nyid//
- 243a
shes rab kyi pha rol tu phyin pa mthar thug pa med pa nyid pas/ chos thams mthar thug pa med pa nyid yin no/ su la la shes rab kyi pha rol tu phyin pa'i tshul 'di nyan pa dang / 'chang ba dang / klog pa dang / ston pa dang / brjod pa dang / bsgom pa de sangs rgyas dang / byang chub sems dpa'i spyod pa zug med pa'i mthar phyin te/ sgrib pa thams cad zad nas/ de bzhin gshegs pa'am rdo rje 'dzin par myur du 'gyur ro// de nas de bzhin gshegs pa thams cad 'dus te/ chos kyi rnam grangs 'di ni don yod pa dang / phog pa med par myur du grub par bya ba'i phyir/ lag na rdo rje la legs so zhes bya ba byin no// sems can chen po leg so leg so// bde ba chen po leg sa lags theg pa chen po leg so leg so// blo gros chen po leg so legaso// cho ga 'di ni legs par smras/ sangs rgyas rdo rje 'dzin kun gyis 'bras bu yod pa 'dul ba'i mchog/ rdo rje mdo sde byin gyis brlabs/ cho ga'i rgyal po bla na med/ gang rnams 'di dag 'dzin pa ni/ bdud la sogs pa thams cad kyi/ de dag mi gsod mi tshungs pa/
- 243b
sangs rgyas byang chub sems dpa' dang / dngos grub dam pa thams cad kyang / sangs rgyas kun gyi gsungs pa bzhin/ ring por mi thogs de bzhin 'gyur/ re skad gsungs nas gsang grub phyir/ rdo rje can gyis bshad pa la/ kun mchog sangs rgyas mkhas bcas pa/ thams cad kyi ni mngon par sted// de nas bcom ldan 'das de bzhin gshegs pa rnam par snang mdzad de bzhin gshegs pa thams cad kyi gsang ba'i chos nyid rnyed pa/ chos thams cad spros pa med pas/ yang bde ba chen po rdo rje'i don yod pa'i dam tshig ces bya ba'i rdo rje'i chos nyam pa nyid shes rab kyi pha rol tu phyin pa'i sgo mchog dang bal/ thog ma dang tha ma dang dbus med pa'i dam pa 'di gsungs so// byang chub sems dpa' chen po rnams kyi 'dod chags chen po dngos grub dam pa ni de bzhi/ gshegs pa thams cad kyi bde ba chen po dngos grub dam pa 'gyur ro// byang chub seMs dpa' chen po rnams kyi bde chen po'i dngos grub dam pa ni/ de bzhin gshegs pa thams cad kyi byang chub chen po dngos grub dam mar 'gyur ro// byang chub sems dpa' chen po rnams kyi de bzhin gshegs pa
- 244a
/ thams cad kyi byang chub chen po dngos grub dam pa ni bdud chen po'i stobs thams cad rab tu 'joms pa dngos grub dam par 'gyur ro// byang chub sems dpa' chen po rnams kyi bdud chen po'i stobs thams cad rab tu 'joms pa dngos grub dam pa ni/ khams gsum pa thams cad kyi dbang phyug chen po dngas grub dam par 'gyur ro// byang chub sems dpa' chen po rnams kyi rno khams gsum pa thams cad kyi dbang phyag chen po dngos grub dam pa ni ma lus pa na/ sems can gyi khams lus pa med pa yong su sbyor bar 'dod pa rgyu'i phyir 'khor ba la yang chags shing / brtson 'grus che ba'i byang chub sems dpa' chen po ma lus pa na/ sems can gyi khams lus pa med pa yongasu sbyor bar 'dod pa'i sems can thams cad lu phan pa dang / bde ba dang / mchog shin du bde ba chen por dngos grub dam par 'gyu re/ de ci'i phyi zhe na/ ji srid 'khor ba'i gnas su ni/ mchog 'dug par gyur pa'i tshe// ji srid mtshungs med sems can don// mya ngan mi 'da' byed par nus/ shes rab pha rol phyin thabs dang / ye shes gnas su bsgrubs pas na/
- 244b
chos kun rnam par dag pa'i phyir/ 'khor yongasu dag par 'gyur/ chags la sogs pa 'dul na ni/ 'khor ba'i bar du rtag par yang / 'jigs rten sdig byed spangs phyir/ 'khor ba'i srid du bdag nyid 'dul/ ji ltar pang ma rab dmar yang / mtshon gyi nyes pas mi gos pa/ de bzhin gnas kyi nyes pa yis/ 'gro ba na rnams la mi gos so// 'dod chags chen po rnam par dag/ bde ba che zhing nor che ba/ khams su dbang phyug thob pas na/ sems can don rnams rtag par byed/ lag na rdo rje su la la nang par langs nas/ mchog dang po shes rab kyi pha rol tu phyin pa'i tshul gyi sgo'i chos kyi rnams grangs 'di nyin re bzhin 'don pa dang / nyan pa dang / klog pa dang / bsgom de yid bde ba dang / bde ba thams cad thob par 'gyur/ bde ba chen po rdo rje don yod pa pad ma tshig dngos grub kyi mchog kyang tshe 'di la thob par 'gyur ro/ de bzhin gshegs pa thams cad kyi gang ba'i cho ga kyang 'grub ste/ rdo rje 'dzin pa thams cad kyi chen po 'am/ de bzhin gshegs par 'gyuraro/ de nas bcom ldan 'das kyis gsang ba'i bdag po lag na rdo rje la bka' stsal pa/ gsang ba'i bdag po shes rab kyi pha rol tu phyin pa'i tshul gyi sgo'i sngags kyi tshig ni nyi shu rtsa lnga po 'di rnams so// oMHbyang chub sems kyi rdo rje/ oMHkun tu bzang po'i spyod pa/ oMHyid bzhin gyi nor bu iH'gog pa med pa/ oMHskye ba med pa/ oMHrnam par shes pa thams cad/ o 'dod chags
- 245a
dang bral ba'i chos nyid chen po// oM brtson 'grus kyi go cha/ oM ku tu 'gro ba/ oM rdo rje sra ba'i sems/ oM de bzhin gshegs pa thams cad/ oM/ ngo bo nyid rnam pa/ de bzhin gnas kyi nyes pa yis// 'gro phan rnamase la mi gos so// 'dod chags chen po rnam par dag bde ba che zhing nor che ba/ khams su dbang phyug thob pas na// sems can don rnams rtag par byed// lag na rdo rje su la la nang par langs nas// mchog dang po shes rab kyi pha rol tu phyin pa'i tshul gyi sgo'i chos kyi rnams grangs 'di nyin re zhin 'don pa dang / nyan pa dang 'dzin pa dang klog pa dang bsgom pa de yid bde ba dang / bde ba thams cad thams cad thob par 'gyur ro// bde ba chen po rdo rje don yod pa dam tshig dngos grub kyi mchog kyang tshe 'di la thob par 'gyur ro// de bzhin gshegs pa thams cad kyis bsang ba'i chog kyang 'grub ste// rdo rje 'dzin pa thams cad kyi chen po'am/ de bzhin gshegs par 'gyur ro// de nas bcom ldan 'das kyis gsang ba'i bdag po lag na rdo rje la bka' stsal pa/ gsang ba'i bdag po shes rab kyi pha rol tu phyin ta pa'i tshul gyi sgo'i sngags kyi tshig ni nyi shu rtsa lnga po 'di rnams so// oMHbyang chub sems dkyi rdo rje/ oM kun tu bzang po'i spyod pa/ oM yid bzhin gyi nor bu/ oM/ 'gog pa med pa/ oM/ skye ba med pa/ oM rnams par shes pa thams cad/ oM 'dod chags dang bral ba'i chos nyid chen po// oM brtson 'grus kyi go cha/ oM kun tu 'gro ba/ oM rdo rje sra
- 245b
ba'i sems/ oM de bzhin gshegs pa thams cad/ oM ngo bo nyid rnams par dag par/ oM chos nyid shes pa rnams dag pa/ oM/ las rnam par sbyor/ ba trAM oM nges par snod mdzes rdo rje can phaT/ oM/ 'dod pa la 'dod chags/ oM spong ba'i rdo rje can/ oM hUM thams cad 'dul ba/ oM hri/ oM A/ zhes bya'i sgo/ oM shes rab kyi pha rol phyin pa/ A ba ma hUM oM A oM/ de bzhin gshegs pa thams cad kyi sku mchog/ oM de bzhin gshegs pa thams cad kyi gsungs rnam par dag pa/ oM de bzhin gshegs pa thams cad kyi thugs rdo rje/ oM A/ sdig pa'i 'ching ba thams cad chom shig/ ngan song gi rgyud thams cad las thar bar gyis shig oM dam tshig thams cad kyi rdo rje/ hUM tra Ta/ sdig pa gzhom pa'i phyag rgya dang sngags te/ de bzhin gshegs pa thams cad kyi thugs gsang ba dngos grub dam pa/ rdo rje 'dzin chen po deng de bzhin gshegs par 'gyur ro// lag na rdo rje 'di ni sems can dge ba'i rtsa ba'am bskyed pa rnams kyi rna lam du thos par mi 'gyur ro// 'di ni sems can dge ba'i rtsa ba ma bskyed
- 246a
pa rnams kyis mnyan pa 'am/ yi ger bri ba'am/ yi ge 'brir 'jug pa 'am/ klog pa'am/ 'chang ba 'am/ sgom pa 'am/ sti stang du bya ba 'am/ ri mor bya ba 'am/ mchod par mi nus so// gang dag gi shes rab kyi pha rol tu phyin pa'i tshul gyi sgo'i chos kyi rnams grangs 'di las tha na yi ge 'bru cig zos na yang / sems can de dag ni gzhan na/ sangs rgyas mang po la dge ba'i rtsa ba bskyed pa yin na/ mtha' dag rdzogs pa lta ci smos/ lag na rdo rje gang la la dag sangs rgyas bye ba phrag khrig gang ga'i klungs brgya bcu'i bye ma snyed la bkur sti ma byas pa dang / bla mar ma byas pa dang / sti stang ma byas pa dang / mchod pa ma byas pa de dag gis/ shes rab kyi pha rol tu phyin pa'i tshul gyi sgo'i chos kyi rnams grangs 'di thos par mi nus so// chos kyi rnams grangs 'di gang na/ spyod pa'i sa phyogs de mchod rten du 'gyur ro// chos kyi rnam grangs 'di gang gi lus la thogs sam/ glegs bam labris te spyod pa'i gang zag de phyag bya ba'i gnas su 'gyur ro// de skal pa bye ba
- 246b
mang por skye ba dran par 'gyur ro// de la bdud sdig can bar chad byed par mi nus so// rgyal po chen po bzhin dang / lha gzhan rnams kyang de bsrung ba dang / bskyab pa dang / snga ba'i phyir rtag tu phyi bzhin 'brang bar 'gyur ro// yang ba ma spang bas 'chi bar mi 'gyur ro// sangs rgyas dang byang chub sems dpa' thams cad kyi dgongs par 'gyur ro// mdor na sangs rgyas kyi zhing gang dang gang du 'dod pa de dang der skye'o// de ltar shes rab kyi pha rol tu phyin pa'i tshul gyi sgo'i chos kyi rnam grangs 'di phan yon mang mod kyis/ ngas phyogs tsam zhig brjod do// bcom ldan 'das kyis de skad ces bka' stsal nas/ byang chub sems dpa' chen po lag na rdo rje dang / byang chub sems dpa' de dag dang / thams cad dang ldan pa'i 'khor de dang / lha dang /
- 247a
mi dang / lha ma yin dang / dri zar bcas bcas pa'i 'jig rten yid rangs te/ bcom ldan 'das kyi gsungs pa mngon par bstod do// shes rab kyi pha rol tu phyin pa'i tshul brgya lnga bcu pa rdzogs s+ho// sna 'di nyid la la dag gis bya rgyud byas cing / kha gcig gi ni 'di rgyud ma yin gyi mdo yin par yang 'dod do// / dge'o// bkra shis// / sarba mang+ga laM//
Colophon
shes rab kyi pha rol tu phyin pa'i tshul brgya lnga bcu pa rdzogs s+ho// //'di nyid la la dag gis bya rgyud byas cing/ kha gcig gi ni 'di rgyud ma yin gyi mdo yin par yang 'dod do/