Q2052MW1KG13126_2052bstod tshogsAll versions of this work

bcom ldan 'das la bstod pa dpal rdo rje 'dzin gyi dbyangs kyi rgya cher bshad pa

Śrībajradharadaṅgītabhagabatistotraṭīkā

Text

ff. 270a–277b · 16 folio sides

  1. 270a

    sdig sprul dag/ phan tshun 'tshe bar 'dod pa yi// sems can thams cad de yi tshe// rtsod med 'tshe ba med par gyur// de tshe gang yang sdug bsngal dang // nyis spyod byung bar ma gyur to// 'gro ba 'di dag nad med cing // bde zhing lo yang legs par gyur// de tshe kun du'ang mdun du ni// gter rnams der ni byung bar gyur// de tshe srid gsum rgyas par ni// dga' zhing bde ba dag tu gyur// rgyal ba dbang bskur bsod nams gang // bsod nams pa'i sems kyis ni// nyan par byed pa de dag la// phun sum tshogs kun lag mthil gnas/ tshe dang nad med dbang phyug dang // dgra'i rgyas dang rgyal dang grags// rdzogs sangs yon tan sgrogs pa yi// dad pa'i mi yis thob par 'gyur// sangs rgyas dbang bsrung ba zhes bya ba'i rgya gar skad du/ shrI badz+ra d+ha ra saM gI ta b+ha ga bA~M g+ho traM/ bod skad du/ bcom ldan 'dasal bstod pa dpal rdo rje 'dzin gyi dbyangs/ dpal rdo rje sems dpa' la byug 'tshal lo// mnyam med mig yo mnyam nyid mchog chos can// thugs rje'i bdag nyid 'gro ba'i sdug bsngal sel// yon tan kun mnyam mtha' med dngos grub stsol// dri med mi g.yo mnyam med mchog rab chos/ sems can khams la rtag mchog grub stsol ba// dngos grub mnyam dang mtha' med dpe bral ba// mnyam pa'i dpe nyid nam mkha' la med de// yon tan shas phra'i ches kyang mtshungs ma yin//

  2. 270b

    rtag tu dri med thugs rje'i shugs las byung // smon lam grub pa 'gag med chos nyid can// 'gro ba'i don sgrub lhung mdzad mtha' yas pa// thugs rje'i bdag nyid rtag tu rnam par snang // dpag med gas rnas sa rdug // gnas gas nga / nam lam ga ga ma mchog stsol sbyin mchog nyid gnas chos nyid brnyes// 'jig rten gsum rtag dam pa stsol mchog sgrub// bde gshegs dus gsum mkhyen sgrib mi mnga' ba// kun gyi dam tshig gsum mchog grub bdag sbom// bcom ldan 'das la bstod pa dpal rdo rje 'dzin gyi dbyangs rdzogs so// n+ya gar gyi mkhan po bid+yA ka ra pra b+ha dang / klu chen gyi lo tsA ba ban+ded pal brtsegs kyis bsrud cing / zhus na bstod pa dpal rdo rje 'dzin gyi dbyangs kyi rgya cher bshad pa/ 'jam pa'i mgon la phyag 'tshal lo// gang zhig bstod du blo bzang rnams kyi blo gros dang // tshig gis 'dod pa'i 'bras ldan 'jug pa mi rnyed pa/ 'phags pa gsung 'jam yon tan nam mkha' mtha' yas shing // dag pa lta bu de la rtag tu bdag phyag 'tshal// mnyam med mi g.yo mnyam nyid chos mchog can zhes bya ba la sogs pa'i bstod pa na gtsor gsol ba gdab pa yang yin te/ 'di ltar mjug du kun gyi mtshig gsum mchog grub bdag stsol zhes ston to// mchog gi dngos grub gsol ba gdab par 'os pa de dag kyang gang she na/ gang

  3. 271a

    dag rang yongs su dag pa'i bdag nyid can nga rtse ba chen po'i dbang du gyur pa/ brtse ba'i 'bras bu gnyis byed pa// de'i rjes su mthun pa'i yon tan dang ldan pa rnams yin te/ rnam par ma dag pa'i bdag nyid can rnams ni rang la phan pa'ang bya bar mi nus so// yongs su dag pa'i bdag nyid can yin yang snying rje chen po dang bral na gzhan gyi don chen po mtshar cig mi byed ste/ rang rgyal ba dag bzhin no// snying rje chen po dang ldan du zin kyang gal te de'i 'bras bu dang mthun pa'i yon tan dang bral ba nyid kyis nus pa med pa'i phyir brtse ba'i 'bras bu gnod pa sel ba dang / phan pa sgrub pa mi byed na de'i tshe gsol ba gdab pa'i yul ma yin par gyur te/ sems dang bcas pa rnams ni bdag nyid rdos non pa dbyung ba'i phyir/ 'phye bo dang long ba la sogs pa la gsol ba 'debs par mi byed do// de bas na yongs su dag pa'i bdag nyid can nyid shes par bya ba'i phyir/ mnyam med mi g.yo mnyam nyid chos mchog can zhes bya ba 'di gsungs so// brtse ba'i ngang du gyur pa nyid bstan pa'i phyir/ thugs rje'i bdag nyid ces bya ba 'di gsungs so// thugs rje'i 'bras bu gnyis mdzad pa nyid brjod pa'i phyir/ 'gro ba'i sdug bsngal sel zhes bya ba dang / yon tan kun mnyam mtha' med dngos grub stsol zhes bya ba 'di gsungs so// brtse ba'i 'bras bu gnyis dang mthun pa'i yon tan dang ldan pa nyid rab tu bstan pa'i phyir dri med migayo mnyam med mchog rab chos zhes bya ba 'di gsungs te/ 'di ni bsdus pa'i don yin no// tshig rnam par dbye ba ni/ de ni mnyam pa med pa'ang yin la mi g.yo ba'ang yin pas mnyam med mi g.yo ba'o// de ni mnyam pa med pa dang mi g.yo ba'ang yin la mnyam pa

  4. 271b

    nyid kyang yin pas de skad ces bya ste/ mnyam pa nyid de lta bu de nyid mchog chos yin no// de gang dag la yod pa de dag la de skad ces bya ste/ 'dis ni de bzhin gshegs pa rnams kyi de bzhin nyid kyi chos kyi sku nyid bstan to// de la mnyam pa med pa ni glo bur gyi dri ma mtha' dag dang bral te rnam par dag pa'i mthar phyin pas dpe med pa'i phyir te/ su dang yang mnyam zhing mtshungs pa med pa'am/ 'di dang mnyam zhing 'dra ba 'ga' yang med pas na mnyam med do// 'dis ni de bzhin nyid phyin ci ma log par yongs su dag pa bshad do// g.yo ba ni gzhan du 'grung ba'o// g.yo ba med pas ni mi g.yo ba sa dus thams cad du gnyis su med pa'i chos nyid shin tu rnam par dag pa las mi 'da' ba zhes bya ba'i don to// 'dis ni mi 'gyur bas yongs su grub par bshad do// mnyam pa rnams kyi ngo bo ni mnyam nyid de/ dngos po 'ga' yang stong pa nyid kyi rang bzhin las mi 'da'o// de'i phyir rang bzhin 'dis chos thams cad stong nyid du ro gcig cing mnyam mo// 'di ni mchog kyang yin la chos kyang yin pas mchog chos te/ rtog ge dang lung gsal bas shes par bya ba yin pa'i phyir/ de bzhin nyid rigs pa dang ma bral ba yin no// de ji lta zhe na/ rig par bya ba dang rig par byed pa'i mtshan nyid dang bral ba nyid 'dzin pa'i phyir te/ de'adzin pa nyid kyi phyir chos kyang yin no// rnam pa gcig tu na mchog chos kyi mchog ste/ de ni rnam par bsgoms na sgrib pa thams cad spong ba'i phun sum tshogs pa'ang 'dren la/ yon tan ma lus pa'i 'byor pa'ang thob par byed do// yang stong pa nyid ni sems can tshogs thams cad la'ang khyab na/ ci'i phyir de bzhin gshegs pa rnams kho na'i chos kyi sku zhes bya zhe na/ shin tu rnam par dag pa nyid kyis

  5. 272a

    de dag gi rgyud kho na la gsal ba'i phyir te/ gzhan dag la ni sgrib pas bsgribs te mi gsal bas med pa rang 'dra'o// gang dag la thugs rje'i bdag nyid ngo bo nyid yod pa de dag ni thugs rje'i bdag nyid can te/ de dag gi de ni bskal pa grangs med pa mi nyung bar rab tu gus par goms pa brgud pas shin tu dang du gyur pa yin no// 'gro ba'i zhes bya ba ni 'jig rten gyi'o// sdug bsngal ni ci yang rung ste mdor na nye bar len pa'i phung po lnga'i rang bzhin no// gang dag la de sel cing 'dor ba'i ngang tshul yod pa de dag la de skad ces bya ste/ de dag gis bstan pa'i bsgoms pas sdug bsngal ma lus par ldog pa'i phyir ro// mnyam pa ni 'dra ba'i dngos po'o// mtha' ni mthar thug pa'o// stobs dang byang chub kyi yan lag la sogs pa'i yon tan gang dag yin pa kun la mnyam pa dang mtha' med pa de dag rnama'am mtha' med pa'o// dngos grub ni yongs su grub pa'o// gang dag de stsol ba'i dang tshul yod pa zhes tshig rnam par snar te 'gro ba la zhes bya bar gyur ro// de bzhin gshegs pa'i yon tan dpe med cing so sor tshad med cing so sor tshad med pa gang dag yin pa de dag stsol ba zhes bya ba tha tshig ste/ de dag gis bstan pa la nan tan byas pas 'gro ba mtha' dag la phan pa bde bar gshegs pa'i go 'phang thob pa'i phyir ro// de nyid kyi phyir kha cig ni yon tan kun rdzogs med pa'i dngos grub stsol zhes 'don to// kha cig ni yon tan kun mnyam mnyam med dngos grub stsol zhes 'don to// 'di ni gzhan bsgrim mi dgos par grub pa nyid du bstan pa'i phyir phan pa bsgrub pa'i mchog bstan par zad de/ mngon par mtho ba'i ngo bo 'khor los sbyar ba nyid la sogs pa phan pa gzhan

  6. 272b

    yang stsol bar mdzad pa nyid do// dri med mi g.yo zhes bya ba la sogs pa'i tshig rnams ni khyad par gyi tshig bsdu ba yin te/ gang dag la gzhan la phan pa'i rgyu phun sum tshogs pa so so yang dag par rig pa la sogs pa'i chos de lta bu mnga' ba de dag la de skad ces bya'o// de la dri ma med pa ni rnam pa thams cad rnam par dag pa dang ldan pa'i phyir ro// mi g.yo ba ni yongs su mi nyams pa'i chos nyid kyis sam/ 'khor ba ji srid par gnas pa'i phyir ro// mnyam pa ni snga ma bzhin du dpe med pa nyid kyi phyir ro// mchog/ gtso bo// 'jig rten las 'das pa/ sangs rgyas la sogs pa'i chos rnams kyi rab ni mchog rab ste/ ma 'dres pa yin pa'i phyir gtso bo rnams kyi yang gtso bo zhes bshad pa yin no// yang na chos kyi dbyings shin tu rnam par dag pa la dmigs pa'i phyir gang dag la yul mchog rab yod pa ste/ de dag ni de rang rig pa'i ngo bo yin no// gzhan dag na re mchog ni don du gnyer bar bya ba'o// rab ni thams cad pas phul du gyur pa'i phyir ro zhes zer te/ 'dir tshig gi mdo ni de lta bu'i bde bar gshegs pa rnams kyis mchog gi grub pa bdag la stsol cig ces bya ba yin te/ tshigs su bcad pa dang po dang tha ma 'di gnyis kho nar mngon par 'dod pa'i don gyi de kho na nyid thams cad rdzogs pa nyid du bstan do// 'di las gzhan tshigs su bcad pa gsum ni klan ka ngan pa yongs su spang ba'i ched yin no// de la klan ka ngan pa ni 'di yin te/ ltar na mnyam pa nyid dang / so so yang dag par rig pa la sogs pa'i chos rnams mnyam pa med pa yin/ 'di ltar 'di dag dang mnyam pa nam mkha' rang bzhin gyis yongs su dag pa tshad med pa yod pas

  7. 273a

    de nyid kyis 'di dag gi dper byas te/ ji skad du de bzhin gshegs pa'i gsang ba'i mdo las/ su dag sangs rgyas chos rnams la// dper byed pa ni ji snyed pa// de dag sangs rgyas 'tsham min pas// 'dren la skur pa 'debs par zad// de la gcig pu dper gyur pa// sangs rgyas chos dang mnyan pa gang // nam mkha'i khams su bstan pa ste// de la tshad ni gang na'ang med// nam mkha' ji tsam thub pa yi// tshul khrims ting 'dzin shes rab dang // ye shes rnam grol ye shes gzigs// 'di yang de tsam kho nar bshad ces gsungs pa lta bu yin no// de lta bas na dpe med pa nyid mi 'grub po zhe na/ de'i phyir mnyam pa'i dpe nyid nam mkha' la med de zhes bya ba la sogs pa 'di gsungs so// nam mkha' ni nam mkha' ste de dpe nyid du brjod par 'dod na yang bcom ldan 'das rnams la mnyam pa'i dpe nyid do// gang dag mnyam pas dpe yin pa de dag ni mnyam pa'i dpe'o// de dag gi ngo bo ni mnyam pa'i dpe nyid do// re zhig de yang med na lhag pa'i dpe nyid lta zhig ga la yod/ dman pa'i dpe nyid ni mi dgag go/ nam mkha' ji lta bu zhig ce na/ yon tan shas phra'i chas kyang mtshungs ma yin// yon tan gyi shas ni shas chung ngo // de'i phra mo ni shin tu phra ba'i cha'o// de'i yang cha ni gang phan chad blos kyang dbri bar bya mi nus pa'o// sangs rgyas nyid kyi gnas skabs na yod pa'i yon tan thams cad kyi shas ni che ba dang / mi zad pa la sogs pa'i yon tan gang yang rung ba 'ga' zhig go/ de'i phra mo ni de rtsom par byed pa'i rgyu'i gnas skabs na yod pa sa bcus bsdus pa'i yon tan no// de'i cha ni mos pas spyod pas bsdus

  8. 273b

    pa'i byang chub kyi sems skye ba thams cad do// cha de dang yang mtshungs pa ma yin zhing 'dra ba ma yin te/ 'di ni mnyam pa'i dpe nyid med pa'i rgyu yin no// ji ltar de dang yang nam mkha' mtshungs pa ma yin zhe na 'di ltar sangs rgyas bcom ldan 'das rnams ni sems can khams la rtag mchog grub stsol ba ste/ sems can gyi khams ni tshogs so// de la mchog grub pa stsol ba ste/ mchog ni stobs dang byang chub kyi yan lag la sogs pa'i yon tan no// de dag gi grub pa ni yongs su grub pa ste/ gang dag la de skal pa ji lta ba bzhin du stsol ba'i ngang tshul yod pa de dag la de skad ces bya'o// sangs rgyas thams cad 'du ba'i rgyud las ni sems can khams la mchog grub gsal sgrub pa zhes 'byung ste/ de la don ni gang dag la sems can gyi khams la skal pa ji lta ba bzhin mchog grub pas gsal zhing khyab pa de sgrub pa'i ngang tshul yod pa zhes bya ba yin no// ci'i phyir de dag de lta bu yin zhe na/ 'di ltar de dag ni dngos grub mnyam dang mtha' med pa can yin no// de dag la rang gi yon tan yongs su grub pa mnyam pa med pa'i mtha' med pa yod pas gzhan la'ang rang dang mthun pa kho na'i 'bras bu mngon par sgrub par mdzad do// de'i phyir de dag ni dpe bral yin no// de ni dpes mtshon par bya ba la de la yod pa'i yon tan brjod par 'dod pa dang cha mthun pas rab tu sbyor ba yin te/ ji skad du/ yul dang dus dang bya ba la// sogs pas 'gal ba'i dpe yin na// mtshon pas bya ba dpe dang ni// 'dra ba gang yin de dpe yin// zhes bshad pa lta bu'o// 'di ni bcom ldan 'das rnams yon tan thams cad mnyam pa dang mtha' med pa'i dngos grub stsol ba nyid kyis dpe med pa nyid du

  9. 274a

    brjod par bzhed pa yin no// bcom ldan 'das kyis yon tan ni gal te cha shas dang bcas pa zhig tu gyur na de dag gi cha shas dang cha shas kyis kyang rtag tu sems can gyi khams la/ mchog gi dngos grub stsol bar 'gyur ba nyid na/ rgyu dang 'bras bu'i gnas skabs na yod pa yon tan rangs pa'ang / tshogs pas lta smos kyang ci dgos/ nam mkha' 'am gzhan yang rung ste tshad med pa yin yang gang gis na bcom ldan 'das kyi dper 'gyur ba de lta bu'i chos can ma yin gyi/ tshad med pa tsam zhig tu mtshungs pa la dgongs nas mdo las/ de la gcig pu dper gyur pa// sangs rgyas chos dang mnyam pa gang // nam mkha'i khams su bstan pa ste// de la tshad ni gang na'ang med ces nam mkha' dang 'dra ba 'di man chad de skad du gsungs par zad do// klan ka ngan pa gzhan yang gal te sa gsum gyi bla ma rnams thugs rje'i bdag nyid can yin na/ des na ji ltar dri ma med pa'i chos can yin/ snying rje ni sems can rnams sdug bsngal dang bral bar 'dod pa rnam par rtog pa'i bdag nyid yin pas de dang ldan na skabs med do// de nyid kyi phyir 'di ni bde ba 'gogs pas na snying rje zhes bya'o// rnam par rtog pa yang thams cad rang gi rnam pa la phyi rol gyi ngo bor zhen nas zhugs pa yin pa'i phyi rang bzhin kho nas byin ci log pa ste/ ma rig pa yin no zhen/ de'i byer 'dir rtag tu dri med thugs rje'i shugs las b+hu zhes bya ba la sogs pa smos so// rtag tu dri med ni rtag tu drim med pa ste smon lam grub pa zhes bya bar sbyar ro// thugs rje'i shugs ni breng chags pa ste// bar ma chad par 'byung ba nyid do// de las byung ba ni yang dag par byung ba'o// smon lam ni byang chub sems dpa'i

  10. 274b

    gnas skabs na yod pa 'gro la phan phyir sangs rgyas 'grub par shog ces yid la smon pa'o// de grub pa ni 'bras bu ste thams cad mkhyen pa nyid do// de ji lta bu zhig ce na/ mi 'gag chos nyid de/ chos nyid/ kyi rang bzhin gang la 'gag pa ste rgyun chad med par yod pa de ni mi 'gag pa chos nyid do// smon lam grub pa gang la mi 'gag pa'i chos nyid yod pa de la de skad ces bya'o// smon lam grub pa de'i 'bras bu ce zhe na/ 'gro ba'i zhes bya ba la sogs pa gsungs so// 'gro ba'i don ni phan pa ste/ bde 'gro gnyis 'thob pa dang / 'gro ba'i sdug bsngal thams cad ldog pa'o// de bsgrub pa ni 'grub pa'o// de ltar mang pa zhi der gzhol pa'o// Ni dri yul dang / dus kyi marnams so sar nges pazhig yin namanyan/ ma yin+daH/ mtha' yas pa'o// 'gro ba'i dan mdzad pa'i yul ni yul dang dus ma yas shing ma lus pa yin te/ gang la de yod pa de la de skad ces bya'o// gang dag la thugs rje chen po'i bdag ngo bo nyid dam rgyu yod pa de dag la de skad ces bya'o// de lta bu de ni rtag tu sprul pa sna tshogs kyi 'od zer gyi dra ba 'gyed pa la sogs pas rnam pa sna tshogs su snang zhing mdzes so// rtag tu zhes bya ba ni nye bar mtshon pa ste phyogs thams cad du yang zhes bya bar yang khong du chud par bya'o// sangs rgyas thams cad 'du ba las ni bdag nyid chen po'i thugs rje rtag rnam snang zhes 'byung ngo // der ni tshig 'di thugs rje'i shugs las byung zhes bya ba 'di nyid kyi 'jug sdud pa yin te/ gang dag la rnam par mi rtog kyang gzhan la phan pa mdzad pa rgyun mi gcod pa nyid kyis bdag nyid che ba yod pa de dag la de skad ces bya'o// 'dir bsdus pa'i don gyi de kho na nyid ni 'di yin te// byang chub sems dpa'i gnas skabs na yod pa'i

  11. 275a

    snying rje sems can thams cad sdug bsngal las yongs su bskyab par 'dod pa'i ngo bo rnam par rtog pa dang bcas pa gang yin pa de ni rnam par rtog pa'i dra ba ma lus pa dang bral ba rnam pa thams cad mkhyen pa nyid kyi 'phen par byed pa yin no// de bas na rgyu dang 'bras bu mi dbye bar nye bar btags pa'ang / bdag ces bya ba'i sgra rgyu'i rnam grangs yin pa'i phyir thugs rje'i bdag nyid ces bya'o// rnam pa gcig tu na rnam par rtog pa dang bcas pa'i snying rje de nyid bsgom pa mchog gis goms pa dang ldan pas 'bras bu sems can gyi rnam par rtog pa med par 'byung bar 'gyur te/ 'dod pa dang mya ngan la sogs pa goms pa bzhin no// de dag gi snying rje den ni dmigs pa med pa/ byin ci ma logs pas don dam pa pa/ rang gi nga gis 'byung ba/ dang du 'gyur ba yin pas rje'i bdag nyid rjes kyang byab la/ de ni 'phen par byed pa sngon 'byung ba'i chos kyi ming dang mthun par snying rje zhes kyang bya'o// gnas skabs de na ni mtshan ma thams cad dang bral ba'i phyir tshig thams cad kyi spyod yul ma yin te/ mi brjod du mi rung ba'ang 'dir 'di skad ces gang zhig rnam par mi rtog kyang yul dang dus thams cad du med pa thams cad du 'gro ba mtha' dag gi don mdzad cing / chos kyi 'khor lo bskor ba yid bzhin gyi nor bu rin po che'i rgyal po bas kyang lhag pa'i chos de 'ga' zhig yod do zhes bstan par bya bar zad do// 'di nyid la klan ka ngan pa ji ltar na 'di smon lam grub pa mi 'gag chos nyid can yin/ ji ltar na mtha' yas pa'i bdag nyid chen po'i thugs rje rtag rnam snang ba yin te/ 'di ltar skyob pa rnams yongs su mya ngan las 'das na 'di thams cad kyang rjes su 'gro ba med par rgyun 'chad do zhe na/ de'i 'gag nyid mi 'gyur zhes bya ba la sogs pa smos so//

  12. 275b

    'gag pa ni rgyun 'chad pa'o// 'gag pa nyid 'gag nyid do// 'gyur ba ni 'gro ba ste 'gyur ba zhes bya ba'i don to// gang zhig ce na/ thugs rje'i spyod pa ste thugs rje rnam pa gnyis ka'i 'o// spyod pa ni spyod pa sde de nyid thams cad mkhyen pa nyid do// ci'i phyir mi 'gag ce na/ 'di ltar de ni mi g.yo ba ste/ bcom ldan 'das rnams ni mi gnas pa'i mya ngan las 'das pa yin pa'i phyir 'khor ba ji srid par 'byung ngo/ zhes bya ba'i don to// de lta yin pas de dag ni 'jig rten gyi khams gcig tu mya ngan las 'das pa nye bar bstan nas gzhan du skye ba la sogs pa nye bar ston pa nyid do// ji lta bu zhig ce na/ 'jig rten gsum la zhes bya ba ni 'jig rten gsum po la'o// mchog ni sangs rgyas kyi chos la sogs pa'o// grub pa ni yongs su grub pa ste de stsol ba'o// gang dag tu 'gag par mi 'gyur zhe na/ dpag med mi dpog par te/ gang dag la yon tan gyi tshogs dpag tu yongs su dpag tu med cing 'di tsam zhes yongs su chad pa med pa yod pa de dag ni dpag med de sangs rgyas bcom ldan 'das rnams so// de dag gis kyang mi dpogs ste/ dpag tu med pa de dag kho na phan tshun 'di dag ni yon tan phun sum tshogs pa 'di tsam dang ldan no zhes bya bar mi dpogs pa de dag tu nam yang rgyun chad par mi 'gyur ro// gnas nyid legs rdzogs pa/ bde gnas gshegs kyang / zhes bya ba ni gnas gang la legs par rdzogs shing mthar phyin pa yod pa de ni legs rdzogs pa ste/ phung po'i lhag ma med pa'i mya ngan las 'das pa nye ba ston pa'i gnas skabs so// 'dir yang rang gi don nyid kyi rkyen yin no// de nyid bde gnas yin te 'di la gzhan la phan pa mdzad pa'i spyod pa yod pas so// 'di ltar mya ngan las 'das pa nyer bar bstan pas ni

  13. 276a

    lus dang de'i longs spyod dag bstan par nga rgyal byed pa rnams kun tu skyo ba bskyed pas btul lo// 'di ni 'di ltar mya ngan las 'das pa rnams kyang mdzad pa'i rgyun mi 'chad do zhes theg pa chen po'i tshul la mgoms pa rnams la mchog tu ma mtshan bskyen pas de dag gi bsam pa'i mi ma chos nyid bzang shes bya ba gsungs so// de bzhin gshegs pa rnams kyi chos nyid nga bzhin shin tu rmad du 'byung ba bzang po yin no// theg pa chen po'i ngang tshul du gyur pa rnams la ni mtshan mi che ste/ mya ngan las 'das pa med pa'i phyir ro// la la las ni bde gnas zhes bya ba mi 'byung ste/ der ni sdeb sbyor mi tshang bar 'gyur ro// sa ma kyi gas pa ga pa T+Ta/ ba ga pa ba grus / de sa sgru ba 'i smras r+dz+nyA/ myen pa/ ba b+h+rU~M ma ma zhes bshad pa lta bu'o// de ni gsol ba gdab pa mchog stsol zhes bya ba la sogs pa gsungs te/ ji ltar 'dod pa'i 'bras bu mchog skal pa ji lta ba bzhin du sems can rnams la stsol bas na mchog stsol lo// 'di yang gsol ba gdab pa'i rgyu yin te/ rtog pa dang ldan pa rnams ni sbyin pa po dag kho na la slong gi/ 'byor pa bdog kyang 'jungs pa rnams la ni ma yin no// bcom ldan 'das rnams ji ltar 'byor pa dang ldan pa yin zhe na/ sbyin mchog nyid gnas mchog nyid brnyes zhes bya ba gsungs so// sbyin pa ni zang zing dang / mi 'jigs pa dang / chos sbyin pa'i ngo bo yin pa'i phyir pha rol tu phyin pa thams cad do// gang dag la 'khor gsum yongs su dag pas sbyin pa mchog shin tu yongs su dag pa de dag ni sbyin mchog can no// de dag gi ngo bo nyid ni sbyin mchog nyid do// gang dag la gnas mchog ste dbang phyug gam/ go 'bang ngam/ rtogs pa yod pa de dag ni

  14. 276b

    gnas mchog can te/ sangs rgyas bcom ldan 'das rnams so// de dag gi ngo bo ni gnas mchog nyid do// de nyid thams cad mkhyen pa nyid de sangs rgyas kyis kun tu 'od yin no// sbyin pa mchog nyid kyis gnas kyi mchog nyid kyi ni sbyin mchog nyid gnas mchog nyid do// de brnyes pa ni de'i bdag nyid du bsgrubs pas thob pa ste/ ye shes kyi tshogs yongs su dag pa'i rgyus sangs rgyas nyid bsgrubs pa dang ldan pa zhes bya ba'i don to// yang na mchog gi sbyin pa sems can rnams la sbyin pas na sbyin pa mchog go// des na rang gi don gyi rkyen yin no// des gnas mchog nyid skyes pa ste gnas la phan pa byas pa kho nas go 'phang de bsgrubs pa dang ldan pa'o// mchog sbyin zhes spyir smos pas mchog ngan ngon tsam sbyin pa tshangs pa la sogs dang yang mtshungs par shes par 'gyur bas yang 'jig rten gsum rtag dam pa stsol mchog sgrub ces bya bas khyad par du mdzad do// 'jig rten gsum pa la'o// 'bras bu mchog sgrub cing grub par mdzad pas na mchog sgrub pa'o// dam pa stsol pas bcu pa'i dbang phyug rnams kyi nang na mchog bsgrub pa gang yin pa dag ni dam sum mchog sgrub pa yin no// sangs rgyas thams cad 'du ba las ni mchog gi dngos grub stsol zhes 'byung ste/ der ni mchog sangs rgyas kyi chos rnams kyi dngos grub yongs su grub pa de stsol ba zhes rnam par bshad par bya'o// bde gshegs ni rab tu zhi bar phyir mi ldog par ma lus par gshegs pa'i phyir ro// gang dag la dus gsum la thogs pa mi mnga' ba'i mkhyen pa'i blo mnga' ba de dag la de skad ces bya ste/ 'das pa dang ma 'ongs pa dang da ltar dag la thogs pa med pa'i ye shes gzigs pa zhes bya ba'i don to// de'ang ci'i phyir zhe na/ 'di ltar de dag ni sgrib pa mi mnga' ba'o// sgrib pa ni/

  15. 277a

    chod cing sgrib par byed pa ste/ nyon mongs pa'i sgrib pa dang / shes bya'i sgrib pa zhes bya ba gang yin pa'o// gang dag la de dag spangs pa'i phyir med pa de dag ni sgrib pa mi mnga' ba ste/ 'di ni/ bde bar gshegs pa'i 'bras bu yin no// la la las ni mgon po zhes 'byung gi bde gshegs zhes mi 'byung ngo // der ni sdeb sbyor zhams te lan yang snga ma yin no// mgon po ni sa gsum gyi rje'o// sman gyi zhes bya ba'i phyogs bcu mtha' yas pa'i 'jig rten gyi khams na bzhugs pa rnams so// dam tshig gsum zhes bya padam tshig gsum pa'i rgyud la brtson pa bdug la 'am/ de las gsungs pa'i mchog gi dngos grub bam/ de rtogs pa'i rgyu mtshan bdag la stsol cig pa'o// rgyud gang las dam tshig ste nges pa gsum po sangs rgyas dang / chos dang / phyir mi ldog pa'i dge 'dun la dang ba'i bdag nyid 'byung ba de ni dam tshig gsum pa'o// yang na dam tshigs gsum ni don kun grub par bya ba'i phyir/ byang chub sems yongs mi gtang dang / thub pa'i brtul zhugs bsnyen pa dang / de nyid shes pa btsal ba spyad ces bya ba 'di dag yin te/ rgyud 'di nyid las/ gang gi byang chub sems brtan zhing // blo gros chags pa med gyur pa// de la 'di ni nges 'gru // the tshom nyid ni mi bya'o// zhes gsungs pa lta bu'o// 'jig rten pa dang / 'jig rten las 'das pa'i phun sum tshogs pa thams cad kyi mchog ni/ rnam pa thams cad mkhyen pa nyid phun sum tshogs pa'o// yang na rig sngags 'chang dang / 'khor los bskur ba nyid la sogs pa'i dngos grub thams cad kyi nang na mchog gi dngos grub ste/ de nyid thams cad mkhyen pa nyid do// de grub pa ni yongs su grub pa ste mngon sum du byang rung ba nyid du sgrub pa

  16. 277b

    de bdag la myur du stsol cig pa'o// gsang sngags bdag pos gsungs pa bstod pa'i rgyal po nyid// rnam par phye las bsod nams rgya chen gang thob des// sems can rnams myur 'jam pa'i mchog la rten nas ni// bsod pa 'di la bu'i snod dur rab gyur cig/ bcom ldan 'das la bstod pa dpal rdo rje 'dzin gyi dbyangs kyi rgya cher bshad pa med du thos pa'i slob dpon ni nga 'tsho 'phags pa jam pa'i mchog gi zhabs kyi pad+ma'i rdul la brten pas mdzad pa rdzogs so// / rgya gar gyi mkhan po bid+yA kar pra b+ha dang / zhu chen gyi lo tsA ba ban+de dpal brtsegs kyis bskur cing zhus nas gtan la phab pa// ga sa/ / na dug gi gas pa la pa/ sa shepa bag pa / lag nagasu pa mag sa mtha' med pha rol phyin// 'o ma'i mtsho ltar dkar yangs mdzes pa'i sku dang ldan// mnyam nyid de bzhin nyid dngos seng ge'i khri la bzhugs// thub mchog rnam par snang mdzad de la mgos phyag 'tshal/ mdangs ldan nor bu mthon ka chen po ltar 'phro ba'i// 'od kyis phyogs rnams ma lus snang bar mdzad pa po// 'jig rten gsum na rmad byung glang po'i khri la bzhugs// bsnyengs bral sangs rgyas mi bskyod de la rtag phyag 'tshal// rin chen dbang bskur 'byor pas 'gro don mdzad la mkhas// bsod nams tshogs mnga' ri rgyal mngon sum rgyu 'dra zhing // gser gyi rgya mtsho lta bus rta yi gnal bzhugs// thub pa rin chen 'byung ldan de la rtag phyag 'tshal// rma bya'i rigs mchog rgya yis mdzes byas snang ba yi// 'od kyis phyogs kun khebs pas mngon dga' pad+ma ni// rA ga'i ri bo ltar mdzes rma bya'i gdan bzhugs pa// thub pa dpag med 'od mnga' de la phyag 'tshal lo//

Colophon

bcom ldan 'das la bstod pa dpal rdo rje 'dzin gyi dbyangs kyi rgya cher bshad pa mang du thos pa'i slob dpon zhi ba 'tsho 'phags pa 'jam pa'i mchog gi zhabs kyi pad ma'i rdul la brten pas mdzad pa rdzogs so//rgya gar gyi mkhan po bid+yA ka ra pra b+ha dang /_zhu chen gyi lo tsA ba ban+de dpal brtsegs kyis bsgyur cing zhus nas gtan la phab pa/