Untitled work
Text
ff. 238b–239a · 2 folio sides
- 238b
rkyen gyi 'gyur mi nus// ye shes zang thal skye ba ni// de ni gsang bdag rnam lnga yin// yang gsang rtags la rtag tu med// sangs rgyas rtags dang sems can rtags// de rnams sems can rtog su bstan// sangs rgyas/ brtags la su rtogs pa// de yang sems can blo yi chos// sdug bsngal bde chen ye shes la// rtag tu dug lnga rang shar 'byung // rang las byung gi rang las grol// rang gis byas shing rang gis shes// rtogs dang mam/ blo dang dngos// 'khor dang mya ngan 'das dbyings ye shes// sangs rgyas sems can gnyis med na// yang sangs rtagasu bstan pa'o// kun tu bzang po'i srog len pa// rdo rje sems dpas srog gi yang snying // dga' rab rdo rjes zhus pa// ye shes 'khor lo'i rgyud le'u ste bdun pa'o// / rdzogaso// 'di lhag po yin/ bcom ldan kun tu bzang po yis// lhun grub sku la phyag 'tshal nas// thig le mthong brtol rgyud gsungs pa// ston pa kun tu bzang po yis// gnas ni thig le mkha' khyab tu// 'khor ni rang byung ye shes la// dus ni thaMd rang byung dus// bstan ni gnyis med the ga la'o// ces gsungaso// kun tu bzang pos bka' stsal pa// 'khor gyi rdo rje sems dpa' khyod// thig le mthong brtol rig pa'i 'khor lo bskor// phung sgo chen pos thob la sgrol// srid gsum dbang du bsdus la sbyor sgrol gyis// ces gsung so// yang bka' stsal pa// rig pa 'gag pa med pa la// shes rab 'gag pa med pa yis// snang srid dbang thob srog gi rtsa batshad// thugs kyi rig chos sprul skus tshol// 'dzin med zhags pas chod la thong // ces gsung so// yang bka' stsal pa// thig le mthong nas bco/
- 239a
ba ni// tsit+ta'i nang du rab brtags pas// rig pa stong par gsal ba ni// de ni thig le'i phyi brtol yin// nyams myong 'dres pa'i bde gsal ni// de ni thig le nang brtol yin// ces gsungaso// yang bka' stsal gathig le mthong nas ma brtol nas// rig pa'i gnang du sdig par bya// tshogs drug rol pa ha ra pa la// rig pa'i bde ba rang shar ltos// de ni thig le nang brtol yin// dkar po'i dus su rab tu sbyar// khong nas yid kyi 'gyu ba la/ 'gyu bas 'gyu ba'i dus tsho du// bde gsal nyid du lhang nge lha// de ni thig le nang brtol yin// gnyisu med pa'i ye shes la// rgyu dang rkyen gyis ma bskyed par// rang bzhin nyid shes pa gsal// de ni phyi brtol nang brtol yin// ces gsungaso// yang bka' stsal pa// rig pa slang skyil ngos bzung dang // bde stong nyi du bcur gyis 'byung // bde ba nyid la lte stang bya// / 'od gsol nyi du lhangs kyi 'byung // ces gsung so// thig le mthong brtol gyi rgyud// rig pa bcur 'byung gi brda'// srog gi 'chan pa/ yang ti nag po'i rgyud rdzogaso// rjel pa da la thas la mdzang ma gyi rgyu ba'i lhas po 'drungs pa yid/ gardzogs pa chen po ses lakho migs sa su 'i rgyud 'bugs/ rgya gar skadu/ sin+ta ma hA dz+nyA na tsak+Sha gu n+ya tsi d+ha tan+ta ra ma/ #bod skadadu/ rdzogs pa chen po ye shes 'khor lo gsang ba thugs rgyud zhes bya ba// dpal rang byung rig pa'i yis chos sku de kho na nyid la phyag 'tsha'o// 'di skad gsungs pa'i dus gcig na/ rang byung ngo ston pa de// yis klong gi gnas mchog na// nyid las mi zhen rtogs pa'i 'khor// don gcig bstan pa'i mngon 'gyur ro// de tshe chos sku snying po 'di// dpel gyi dpal gyur kun bzang gis// rgyud dag rdo seMdaM' la// dka' rtags lnga yi don bsdus nas// nges don gdam/