MW21521_35A77Fབསྐྱེད་པ་མཧཱ་ཡོ་གའི་ཆོས་སྐོར།All versions of this work

gsang ba'i snying po de kho na nyid nges pa sgyu 'phrul brgyad pa'i rgyud

Text

ff. 290b–305a · 30 folio sides

  1. 290b

    tshul// skye shi med pa'i rdo rje yis// thams cad 'byung ba'i gter yin te// yon tan phun sum tshogs dang ldan// bla med byang chub 'grub 'gyur na// ye shes rdo rje 'grub par shog tshogs chen gnyis kyang rdzogs gyur shog/ thams cad kun gyi ston pa'o// thams cad mkhyen pa'i go 'phang brnyes// sangs rgyas zhing la dbang byed shog/ de rtogs kun kyang rdo rje'i rigs// sku gsung grugs kyang grub par shog/ rnal 'byor thabs dang shes rab dang ldan pa rnams kyis dus thams cad du 'dod yon lnga spyad cing / klu gar dang bro thabs bya'o// gsang ba'i snying po de kho na nyid nges pa las/ pro gar rtsed 'jo'i le'u ste so gsum pa'o// // 'phags pa rtog pa'i rgyal po/ sgyu 'phrul dra ba le'u stong phrag brgya pa las/ mtshan nyid dang lung gi spyi gsang ba'i snying po de kho na nyid nges pa las/ sgyu 'phrul le lhag bstan pa zhes bya ba rdzogs so// / rgya gar skad du/ gu h+ya gar+b+ha ta tA ni sh+tsa ya ma yA dz+wa la aSh+Ta tan+t+ra nA ma/ bod skad du/ gsang ba'i snying po de kho na nyid nges pa sgyu 'phrul brgyad pa zhes bya ba'i rgyud/ bcom ldan 'das dpal kun tu bzang po la phyag 'tshal lo// 'di skad bshad pa'i dus cig na/ de bzhin gshegs pa yang dag par rdzogs pa'i sangs rgyas bcom

  2. 291a

    ldan 'das longs spyod chen po phyogs bcu dus bzhi'i de bzhin gshegs pa thams cad kyi sku dang / gsung dang / thugs rdo rje'i bdag nyid ma lus mi lus lus pa med pa thams cad dang so so mo yin tha mi dad dbyer med pa'i rang bzhin te/ 'og min gyi gnas mtha' dang dbus med pa na/ gzhi tshad med pa'i ye shes kyi 'khor lo gsal ba la/ ye shes rin po che 'bar ba'i gzhal yas khang rgya phyogs bcur yongs su ma chad pa/ yon tan dpag tu med pas rgyas pa'i phyir gru bzhir gyur pa/ ye shes rnani ngo// che'i 'phreng ba dang / chun 'phyang dang / shar bu'i rgyan dang / gzugs sna tshogs dang / sgra sna tshogs dang / dri sna tshogs dang / ro sna tshogs dang / reg bya sna tshogs kyi sa phyogs bcur khyab par 'khrigs par rang byung ba la mi sgrib par gsal ba'i rgyan bsam gyis mi khyab par klubs pa'i rnam par thar pa bzhi'i sgo nas 'jug pa'i sgo khyud can rnam par thar pa brgyad kyi rta babs dang ldan pa/ phyi dang nang med par kun tu yang nang du gyur pa na/ mi 'jigs pa seng ge'i khri dang / stobs kyi glang po che'i khri dang / rdzu 'phrul rta'i khri dang / dbang rma bya'i khri dang / thogs pa med pa nam mkha' lding gi khri dang / rang bzhin gyis 'od gsal ba nyi zla'i dkyil 'khor dang / gos pa med pa pad+ma rin po

  3. 291b

    che'i gdan la/ sku mdun dang rgyab med par thams cad du zhal thal le bar gsal ba/ mtshan dang dpe byad du ldan pa/ thabs dang shes rab kyi zhabs gnyis mnyam pa'i brtul zhugs kyis skyil mo krung du bzhugs pa/ ye shes drug gi phyag ye shes rin po che'i phyag rgya 'bar ba can/ sku gsung thugs bsam gyis mi khyab pa'i dbu gsum dang ldan pa/ bcom ldan 'das de bzhin gshegs pa rnam par shes pa'i rgyal po dang / de bzhin gshegs pa gzugs kyi rgyal po dang / de bzhin gshegs pa tshor ba'i rgyal po dang / de bzhin gshegs pa 'du shes kyi rgyal po dang / de bzhin gshegs pa 'du byed kye rgyal po dang / de dag kun kyang mthing ka dang / dkar po// ser po/ le brgan/ ljang khu'i mdog tu 'tsher ba/ btsun mo dam pa snang ba'i dbyings dang / sra ba'i dbyings dang / mnyen pa'i dbyings dang / dro ba'i dbyings dang / bskyod pa'i dbyings la sogs pa btsun mo'i tshogs dang gnyis su med par chos kyi dbyings kun tu mtha' yas par khyab pa ni/ 'di lta ste/ dper na til gyi gang bu bzhin gang nas bzhugs so// de nas byang chub chen po rdo rje mthong ba dang / byang chub chen po rdo rje thos pa dang / byang chub chen po rdo rje snom pa dang / byang chu chen po rdo rje myong ba dang / btsun mo mthong bar bya ba dang / mnyan par bya ba dang / bsnam

  4. 292a

    par bya ba dang / myong bar bya ba'i tshogs dang / byang chub chen po rdo rje mthong byed dang / byang chub chen po rdo rje thos byed dang / byang chub chen po rdo rje sgom byed dang / byang chub chen po rdo rje myong byed dang / btsun mo 'das pa dang / da ltar 'byung ba dang / ma nges pa dang / ma byon pa'i tshogs dang / khro bo 'joms pa chen po reg pa dang / 'joms pa chen po reg bya dang / 'joms pa chen po reg byed dang / 'joms pa chen po reg shes dang / btsun mo rtag par ma yin pa dang / chad par ma yin pa dang / bdag tu ma yin pa dang / mtshan mar ma yin pa la sogs te/ de lta bu'i tshogs brjod kyis mi lang ba dang gnyis su med par bzhugs so// de nas bcom ldan 'das ying pyod pa po rje yi gus bzang po thams cad ma lus pa'i rang bzhin gyi tshul rdo rjes/ btsun mo bya ba mo chos kun tu bzang mo la 'jug par gyur to// zhugs pas phyogs bcu dus bzhi'o de bzhin gshegs pa ma lus pa thams cad gcig gi rang bzhin du dbyer med pas/ de bzhin gshegs pa nyid de bzhin gshegs pa nyid la ched du brjod pa 'di brjod do// e ma to rdo rje phung po yan lag ni// rdzogs pa'i sangs rgyas lnga ru bshad// skye mched khams rnams mang po kun// byang chub sems dpa'i dkyil 'khor nyid// sa chu

  5. 292b

    spun dang ma ma ki/ me rlung gos dkar sgrol ma ste// nam mkha' dbyings kyi dbang phyug ma// srid gsum ye nas sangs rgyas zhing // thams cad ma lus chos so cog sangs rgyas nyid las gzhan ma yin// sangs rgyas nyid las gzhan pa'i chos// sangs rgyas nyid kyis mi brnyes so// zhes brjod pas/ de bzhin gshegs pa thams cad mnyes par gyur to// de nas btsun mo bya ba mo kun tu bzang mos/ bcom ldan 'das yid kun tu bzang po dang gnyis su med par gyur nas/ ched du brjod pa 'di brjod do// e ma ho/ phyogs bcu'i stong khams ye nas dben// srid pa gsum nyid dag pa'i zhing // snyigs ma lnga nyid bde ldan gnas// phung po lnga nyid sngon sangs rgyas// thams cad mchog gi snying po bas// gzhan du rgyal bas chos mi btsal// nyid las gzhan zhes bya ba'i chos// btsal kyang rgyal bas mi brnyes so// zhes brjod pas/ thams cad ye nas sangs rgyas par de bzhin gshegs pa nyid kyis mkhyen to// de nas gnyis su med pa'i bdag nyid chen pos/ se nas sangs rgyas pa'i sems ye shes su bskyed pa 'di gsungs so// e ma ho ngo mtshar rmad kyi chos// rdzogs pa'i sangs rgyas kun gyi gsang // skye ba med las thams cad skyes//

  6. 293a

    skyes pa nyid na skye ba med// e ma ho ngo mtshar rmad kyi chos// rdzogs pa'i sangs rgyas kun gyi gsang // 'gag pa med las thams cad 'gag 'gag pa nyid na 'gag pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // gnas pa med las thams cad gnas// gnas pa nyid na gnas pa med// e ma ho ngo mtshar rmad kyi chos// rdzogs pa'i sangs rgyas kun gyi gsang // dmigs pa med las thams cad dmigs// dmigs pa nyid ni dmigs pa med// e/ ma hong mtshar rmad kyi chos// rdzogs spangs rgyas kun gyi gsang // 'gro 'ong med las 'gro dang 'ong // 'gro 'ong nyid na 'gro 'ong med// ces brjod pas/ de bzhin gshegs pa thams cad dang / btsun mo'i tshogs thams cad mnyes pas khyab par gyur to// de nas de bzhin gshegs pa thams cad dang / btsun mo'i tshogs dang bcas pas ched du brjod pa 'di brjod do// e ma'o ye nus gsang ba'i chos// sna tshogs snang la rang bzhin gsang // ngo bo nyid kyis rab tu gsang // gzhan du min la shin tu gsang // zhes brjod pas/ de bzhin gshegs pa thams cad dang chos thams cad ye nas sangs rgyas pa'i ngo bo nyid du gcig pa'i mtshan nyid yin pas dbyer med na 'gro ba'i

  7. 293b

    rnam par rtog pa ma rig pa las/ 'gro ba lnga'i ris bsam gyis mi khyab par smin pa la/ thugs rje chen pos sangs rgyas pa'i thugs rje ye shes chen po skyes nas/ ched du brjod pa 'di brjod do// me ma'o bde gshegs snying po las// rang gi rnam rtog las kyi 'khrul// sna tshogs lus dang gnas la sogs// bdag dang bdag gis so sor 'dzin// sus kyang ma bcings bcings med de// btsong bar bya ba yod ma yin// rnam rtog bdag tu 'dzin pa yis// nan gyi mkha' ya mdud pa 'dor// bcings med rnam par grol med pa'i/ ye nas lhun rdzogs sangs rgyas chos// bstan phyi re spro ba sna tshogs mdzad// ces de bzhin gshegs pa nyid de bzhin gshegs pa nyid la ched du gleng ngo // de nas de bzhin gshegs pa thams cad las thugs rje chen pos byin gyis brlabs pa zhes bya ba'i rig pa'i skyes bu grub pa drug/ de bzhin gshegs pa thams cad kyi sku dang / gsung dang / thugs rdo rje las 'thon to// bton nas kyang las kyi dbang gis snrel zhi dang / lan man gyi 'jig rten drug gi phyogs bcu mtha' yas mu med po'i stong gsum gyi stong chen po re re ra/ thub pa chen po bcom ldan 'das re res 'dul ba rnam pa bzhis 'gro ba rnam lnga'i don mdzad de/ bltam pa dang / rab tu byung

  8. 294a

    ba dang / dka' thub mdzad pa dang / sangs rgyas pa dang / bdud btul ba dang / chos kyi 'khor lo bskor ba dang / cho 'phrul chen po ston pa dang / mya ngan las 'das pa la sogs par ston pa'i thub pa bsam gyis mi khyab pa dang / bstan pa grangs par phyogs bcur snang bar gyur to// thams cad kyang 'di lta ste/ 'dul ba'i / dbang gis lha dang mi'i theg pa dang / nyan thos kyi theg pa dang / rang sangs rgyas kyi theg pa dang / byang chub sems dpa'i theg pa dang / bla na med pa'i theg pas/ ma rig pa'i rnam par rtog pa nyon mongs pa stong phrag brgyad cu rtsa bzhi'o gnyen por/ chos stong phrag brgyad cu rtsa bzhi gsungs so// gsung ngo // gsung bar 'gyur ro// de dag thams cad kyang gzung ba dang 'dzin pa'i phyi nang gi rten cing 'brel par 'byung ba 'dzin pa 'khrul pa las ldog pa dang / las dang las kyi 'bras bu chud mi za ba dang / las dang las kyi 'bras bus mi gos/ gos par mi 'gyur// gos su med par ston pa'i mthar thug go// de nas de bzhin gshegs pa thams cad kyis ched du brjod pa 'di brjod do// ji snyed 'jig rten 'khrul pa'i chos// ma rig 'khrul pa'i gzung 'dzin las// phyi nang rten 'brel gnyis su 'khor// mi mthun bde sdug myong bar 'gyur// rang bzhin nyid las nyams pa med// theg

  9. 294b

    pa bzhi yi nges 'byung la// theg pa gcig gi 'bras bur gnas// yang dag rtogs pas rab brtags na// rang bzhin med las cir yang 'grub// sangs rgyas mya ngan song mi 'da'// chos kyang nub par mi 'gyur te// ma rig smin mdzad 'dul ba'i phyir// byung nas mya ngan 'da' bar ston// 'dul ba mdo sde chos mngon dang // dam tshig sgrub dang grub pa dang // skra dang gsung dang thugs kyi rgyud// phyogs bcu kun tu rab gsang ba// gsang ba'i snying po las 'phros te// rang bzhin gsang ba'i snying po 'dis// sde snod kun dang rgyud kun gyi// 'byung gnas gtan la nges par 'bebs// zhes brjod pas/ thub pa drug gis sprul pa grangs med pa dang / de bzhin gshegs pa thams cad kyis gsungs pa yang don 'di dag tu 'dus par de bzhin gshegs pa nyid kyis mkhyen to// de nas de bzhin gshegs pa thams cad dgongs pa gcig tu gyur nas/ mnyam pa chen po'i tshul rdo rje'i dbyings su chos thams cad ye nas sangs rgyas pa'i ting nge 'dzin las mi g.yo bar/ chos thams cad ming tsam du gnas pa'i yi ge'i 'phreng ba'i 'khor lo zhes bya ba 'di sku dang / gsung dang / thugs rdo rje las phyung ngo // a ka kha ga b+ha nga / tsa tsha dza dz+nyA nya/ Ta tha ba D+ha Na/

  10. 295a

    ta tha da d+ha na/ pa pha ba b+ha ma/ yar la wa/ sha Sha sa ha/ k+Sha/ i I/ u U/ e ai/ o au/ 'di dag phyung bas 'jig rten drug gi phyogs bcu mtha' yas pa rnam pa drug tu g.yos/ rab tu g.yos/ kun tu g.yos nas/ chos thams cad ming gi mtshan nyid tsam du gyur to// de nas de bzhin gshegs pa thams cad kyi sa ched du brjod pa 'di brjod do// a ni stong dang mi stong gi/ dbu ma'ang dmigs su yod ma yin// thams cad ming tsam mtshan nyid du// yi ge'i 'phreng ba nyid la gnas// a nyid sna tshogs par snang ba'i// ka la sogs pa bzhi bcu gnyis// sgra yi mang gis thams cad bsdus// mngon rdzogs rgyal por de nyid nges// zhes brjod pas/ chos thams cad yi ger bsdus nas sangs rgyas pa'i de kho na nyid nges par thams cad mkhyen to// sgyu 'phrul dra ba stong phrag brgya pa'i gsang ba'i snying po de kho na nyid nges pa las/ rdzogs pa chen po'i tshul rang bzhin gyi rnal 'byor gyi le'u ste dang po'o// // de nas de bzhin gshegs pa thams cad kyi rang bzhin gcig dang du ma med pa'i bdag nyid thams cad kyis 'jig rten drug gi phyogs bcu thams cad la/ nyid kyi che ba'i dkyil 'khor

  11. 295b

    'byung bar bzhed nas/ ched du brjod pa 'di brjod do// ye shes phyogs bzhi dbus brtags te// dkyil 'khor bsam yas lhun gyis grub// rdzogs chen rtogs pa'i rnal 'byor pas// kun 'byung dkyil 'khor chen por spyod// 'khor lo rtsibs bzhi mu khyud bcas// gru chad bzhis ni rnam par brgyan// kun tu gru bzhi sgo khyud ldan// rol mo sna tshogs sprin phung bzhin// dkyil 'khor bzhi bcu gnyis kyis brgyan// seng ge glang chen rta dang khyung // nam mkha' lding gi khri chen la// nyi zla pad+ma rin po che// gdan la rdzogs dang sems dpa'i tshul// 'khor lo rgyal po rgyal mo dang // g.yas nas mthong thos snom pa dang // myong dang btsun mo'i tshogs su bcas// gru chad la ni mthong byed dang // thos byed snom byed myong byed rnams// btsun mo dag dang bcas par gnas// bar khyams la ni thub drug dang // mdun dang rgyab tu byed pa dang // / bya ba dag ni gnas par ston// sgo khyud bzhi la 'joms pa ni// btsun mo'i tshogs dang ldan par gnas// rdo rje 'khor lo rin po che// pad+ma ral gri dril bu 'bar// ut+pal klu shing la sogs mtshan// mdzes tshul mnyes pa'i yo byad 'dzin// mthing ka dkar po ser le brgan// ljang khu la sogs sna tshogs pa'i// mnyen

  12. 296a

    lcug 'khril ldem gzhon tshul can// gsal 'tsher lhun sdug gzi byin 'bar// 'od zer 'phro ba'i tshogs chen po// 'bar ba'i 'phreng bas 'khrigs pa ste// mtha' dbus med par khyab pa yi// dkyil 'khor bsam yas lhun gyis grub// ces brjod pas/ 'jig rten drug gi phyogs bcu mtha' yas mu med pa thams cad/ dkyil 'khor brjod kyis mi lang bzhing gi rdul snyed du gsal bar gyur to// de nas de bzhin gshegs pa btsun mo'i tshogs dang bcas pa thams cad kyi sku dang gsung dang / grugs rdo rje las 'di dag phyung ngo // b+h+yAM bi shA bi shud+he/ hUM badz+ra d+hika/ o dzi na dzag/ swa rAdwA d+h+r-ig/ yaM a ro lig/ ha pra dz+nyA d+hIka/ muM d+hA tu shwa ri/ lo de sha ra ti/ maM mo ho ra ti/ pyA tr-i rA gar ti/ tau badz+ra ra ti/ kI ho ra dza ya/ tra oM gar+N+Na ya/ hri hi hU pad+mA b+h+ya d+ham/ dza ku ru b+ha na hI/ hUM lA s+yai sa ma yA s+t+ri/ traM mA le sa ma ya ho/ hri girti ri ho ha/ a nirti rA ga yA mi/ mai tr-i d+ha ra na sAhA/ b+hU ni sA raM pa ya swA hA/ hU swe rA ya sAh+ma/ mu shre au r-i ga ya swA hA/ dzad+b+ha pa pra be sha/ hUM puSh+pA a be sha/ baM dI pa su ki ni/ ho gan+d+he pi ti tro/ hUM ya mAn ta krid phaT/ hUM big+ha nAn te krid phaT/ hUM pad+ma na ta kr-id phaT/ hUM pra dz+nyA na ta kr-id phaT/ oM ma hA badz+ra d+ha ra ma hA kro d+hi shwa ri dz+wa la ni hUM phaT/ oM ma hA/

  13. 296b

    rat+na d+ha ra ma hA kro d+hi shwa ri dz+wa la ni hUM phaT/ oM ma hA pad+ma d+ha ra ma hA kro d+hi shwa ri dz+wa la ni hUM phaT/ oM ma hA kaR+YA d+hA ra mahA kro d+ha shwa ri dz+wa la ni hUM phaT/ hUM hUM hUM badz+ra tsit+ta oM/ a a a badz+ra b+ha dra sa ma ya satwa oM/ oM mu ne tra me swAh+ma/ oM mu ne k+Sha swA hA/ oM mu ne b+h+rUM swA hA/ oM mu ne hUM swA hA/ oM mu ne sr-i swA hA/ oM mu ne ye swA hA/ oM h+ye haM b+ha ga wa na ma hA ka ru ni ka dr-i sh+ya ho/ sa ma ya ho/ sa ma ya s+t+waM/ dzaHhUM baM haMHzhes brjod pas/ gsung gi dkyil 'khor 'di dag gis/ 'jig rten drug gi phyogs bcu thams cad khyab par grags so// rab tu grags so// kun tu grags so// de nas bcom ldan 'das byed pa po rdo rje dang / byab mo chos kun tu bzang mo gnyis su med pa'i dkyil 'khor la thim par mdzad do// de nas phyogs bcu dus bzhi'i de bzhin gshegs pa thams cad kyi bdag nyid chen pos/ bdag nyid chen po'i ye shes dang byin rlabs bsdu ba zhes bya ba 'di sku dang / gsung dang / thugs rdo rje ye shes sgyu 'phrul dra ba las 'di phyung ngo // oM ma hA shU n+ya ta dz+nyA na badz+ra swa b+hA wa At+ma koHhaM/ oM ma hA a ta ri shadz+nyA na badz+ra swa b+hA At+ma ko&haM/ oM ma hA rat+na d+ha ra pre ba sha dz+nyA na badz+ra swa b+ha wa At+ma koHhaM/ oM ma hA sa man+ta dz+nyA na badz+ra swa b+hA wa At+ma koHha~M/ oM ma hA pr-i ta be shadz+nyA na badz+ra swa b+hA wa At+ma koH/ oM ma hA krita a nut+ta pra be shadz+nyA na badz+ra swab+hA wa

  14. 297a

    At+ma ko&haM/ oM sarba ta thA ga ta kA ya badz+ra swa b+hA wa at+ma ko&haM/ oM sarba ta thA ga ta bA ga badz+ra swa b+hA wa At+ma ko&haM/ oM sarba ta thA ga ta tsit+ta badz+ra swa b+hA At+ma ko&haM/ / oM sarba ta thA ga ta a nu ra ga badz+ra swa b+hA wa At+ma koHha~M/ oM sarba ta thA ga ta sa man+ta pU dza badz+ra swa b+hA wa at+ma ko&haM/ zhes brjod pas/ thim par gyur/ 'od zer gsal bar gyur/ 'bar bar gyur to// de nas de bzhin gshegs pa thams cad kyis dkyil 'khor la dgyes pa chen po'i glu 'di blangs so// oM phyogs bcu dus bzhi rdzogs pa yi// ye shes dkyil 'khor thig le che// bsod nams dkyil 'khor sku yi tshogs// snang stong thig le kun tu rdzogs ho// oM/ rdo rje thig le bsod nams che// rdo rje sa shes dkyil 'khor ldan// rdo rje sgra chen mtha' yas pa// rdo rje rgyal po thig le che ho// oM sku gsung thugs kyi rdzogs pa che// yon tan 'phrin las kun tu rdzogs// ye nas lhun rdzogs kun tu bzang // 'dus pa'i tshogs chen thig le che ho// o mi dmigs sgyu 'phrul mnyam pa'i dbyangs// mtha' yas kun nas sna tshogs 'phro// mtha' yas kun nas lhun gyis thim// sna tshogs sku gsung thugs chen po ho// oM phyogs bcu'i 'jig rten rdul snyed du// rgyal ba'i don rnams rdul phran snyed// sprul pa

  15. 297b

    rdul phran bsam yas kyis// skad cig yud la lhun gyis grub bo// oM/ thams cad ma lus sku gsung thugs// sku gsung thugs kyi bdag nyid che// sku gsung thugs kyis kun tu khyab// sku gsung thugs kyi thig le che ho// zhes glu blangs so// stong phrag brgya pa'i gsang ba'i snying po de kho na nyid nges pa las/ mnyes pa'i le'u ste gnyis pa'o// / de nas de bzhin gshegs pa che ba'i rdo rje bkod pa'i rgyu sgyu 'phrul dra bas/ 'jig rten drug gi phyogs bcu'i srid pa gsum 'dul ba'i de rgyal chen po'i gzi brjid chen po ston pa'i phyir// de bzhin gshegs pa thams cad kyi sku dang / gsung dang / thugs rdo rje'i bdag po/ bcom ldan 'das dgyes pa chen po khro bopo'i rgyal po chen po sprin rnam par 'phro ba'i sgyu 'phrul dra ba'i ting nge 'dzin la snyoms par zhugs nas/ hUM hU hUM bi shwa badz+ra kro d+ha dz+wa la maN+Da la/ phaT phaT phaT ha la ha la ha la/ zhes brjod pas/ 'jig rten drug gi phyogs bcu mtha' yas pa khyab par khro bo'i dkyil 'khor gyi tsho gas stong gsum gyi 'jig rten gyi khams tsam/ phyogs bcu 'jig rten gyi rdul phra mo snyed 'thon par 'gyur bas/ 'jig rten drug gi phyogs bcu thams cad g.yos/ rab tu g.yos// kun tu g.yongs// 'ur 'ur/ rab tu 'ur 'ur/ kun tu 'ur 'ur/

  16. 298a

    che mchem/ rab tu chem chem/ kun tu chem chem mo// shig shig/ rab tu shig shig/ kun tu shig shig go/ thor thor/ rab tu thor thor/ kun tu/ thor thor ro// 'jig rten drug gi stong gsum gyi stong chen po na gnas pa'i dbang che ba dang / gzi brjid che ba dang / mthu che ba la sogs pa'i dbang phyug chen po la sogs pa thams cad brgya la/ rab tu brgyal kun tu brgyal bar gyur to// de nas bcom ldan 'das dgyes pa chen po nyid/ 'jigs byed chen po shin tu rngam pa'i spyi bung zhes byed pa 'bar ba chen po/ khrag 'thung chen po sku mdog smug nag cir yang 'gyur ba/ dbu dang / phyag dang / zhabs stong khams kyis rdul snyed snyed mtshon cha sna tshogs 'dzin pa/ dbu gsum phyag drug zhabs bzhir gyur pa/ dur khrod chen por dgyes nas/ khrag gi rgya mtsho'i dkyil na/ keng rus chen po'i ri rab kyi steng / 'bar ba'i 'khor lo'i dkyil na dbang phyug chen po dang / dur khrod kyi bdag po dregs pa chen po khyo shug gi gdan la brkyang bskum gyi tshul du bzhugs so// khro bo'i sprin phung gi dkyil 'khor de dag kyang / la la ni dpal khrag 'thung chen per gyur te shar du bzhugs so// lal ni dpal khrag 'thung chen po rin po che gyur te lhor bzhugs so// la la ni dpal khrag 'thung chen po pad+mar gyur te nub tu bzhugs so//

  17. 298b

    la ni dpal khrag 'thung chen po las su gyur te byang du bzhugs so// de dag kun kyang 'jigs byed chen po'i cha lugs dang / rngam pa'i nga ro dang / 'bar ba'i klong na dbu gsum phyag drug zhabs bzhir dri za dang / gnod sbyin dang / srin po dang / gshin rje yi dgas khyo shug gi gdan du byas pa la bzhugs so// btsun mo khrag 'thung chen mo rnams kyang / so so'i sku la 'khril ba'i tshul du bzhugs so// de nas de dag gi 'khor dkar mo'i tshogs dang / rkun mo'i tshogs dang / rmongs mo'i tshogs dang / thal byed mo'i tshogs dang / spos mo'i tshogs dang / gtum mo'i tshogs dang / rme sha ma'i tshogs dang / ma mo'i tshogs rnams 'bar ba chen po'i 'khor lo'i mtshan shar phyogs nas 'khor bar 'jigs pa'i gzugs dang / rang gi lag cha dang bcas nas 'khod do// de nas seng gdong chen mo'i tshogs dang / stag gdong chen mo'i tshogs dang / wa gdong chen mo'i tshogs dang / khyi gdong chen mo'i tshogs dang / bzhad gdong chen mo'i tshogs dang / kang ka'i gdong chen mo'i tshogs dang / dur bya'i gdong chen mo'i tshogs dang / 'ug gdong chen mo'i tshogs dang / 'bar ba'i 'khor lo'i phyi rol shar phyogs nas 'khor bar rngam pa'i mdangs kyis 'khod do// 'bar ba

  18. 299a

    dkyil 'khor gyi sgor rdo rje sring 'gro ma'i tshogs dang / rdo rje gdong mo che'i tshogs dang / rdo rje 'jig rten ma'i tshogs dang // rdo rje ro langs ma'i tshogs rnams shin tu rngam pa'i gzugs kyis gnas so// de nas bcom ldan 'das dgyes pa chen po dpal khrag 'thung chen po de dag dbu dgu phyag bco brgyad zhabs brgyad du gnas so// de nas bcom ldan 'das rngam pa'i skad kyis hUM hUM hU ha ha ha kha hi kha hi kha ha/ zhes brjod pas/ gdug pa chen po'i tshogs de dag steng dang dbang po kun phyung / nang khrol kun drangs/ yan lag kun bcad gtubs nas za zhing khrag kun 'thungs/ rus pa kun 'chos so// de nas bcom ldan 'das dgyes pa chen po dpal khrag 'thung chen po de dag kun/ thugs rje chen po'i bdud rtsi 'byung ba zhes bya ba'i ting nge 'dzin la snyoms par zhugs nas/ skra dang / gsung dang / thugs rdo rje las 'di phyung ngo // oM badz+ra a mr-i ta ma hA kro ti shA ri oM aM aM/ zhes brjod pas/ dbang phyug chen po la sogs pa thams cad/ bcom ldan 'das khro bo chen po de dag gi gnas nas bton te// dran pa slar bskyed nas/ khro bo'i dkyil 'khor gyi tshogs de dag kyang dbu dgu brgya/ phyag stong brgyad brgya/ zhabs brgyad brgya/ sku 'bar ba chen po'i dkyi 'khor

  19. 299b

    na bzhugs par mthong ngo // de nas de dag shin tu 'dar zhing bred nas/ rab tu zhum pa'i smre sngags dang / 'bangs su mchi 'bangs su mchi// 'bangs su nan tan ma bgyis na/ mgo dang lus ni brgyar 'gas shing // stong yang 'gas shing gtubs gyur cig/ rul myags tshig nas brlag pa dang // dmyal bar lhung nas 'bod par shog ces 'bangs su mchi bar mna' bor nas/ dkyil 'khor gyi gdan du bzhag go/ thams cad kyis mgrin gcig tu yang smras pa/ bdag cag rnams kyi mchis brang dang // ma dang sring mo bu mo rnams// dkyil 'khor chen por ba zhes su gsol// dpa' bo lha rjes bzhes su gsol// bdag cag so so'i 'khor bcas kyis// tshogs kyi dkyil 'kho chen po 'di// ming tsam 'dzin par byed pa yang // gtsug gi nor bu 'bar ba ltar// g.yo sgyu med cing gus ldan pa'i// sems kyis blangs te spyi bo yi// gtsug tu gzhag ste bkur bar bgyi// de yi dgos pa ci yang rung // ma lus rdzogs par bdag cag bsgrub// gal te dpa' bo'i spyan snga 'dir// smras pa bzhin du ma bsgrubs na// bdag cag rnams kyi mgo lus snying // bkas gtubs dum bur rul myags chi// zhes smras so// de nas de dag gi chung ma la sogs pa dang /

  20. 300a

    sring mo dang bu mo'i tshogs de dag thams cad kyis mgrin gcig tu smras pa/ bdag cag 'khor bcas thams cad kun// dpa' bo chen po'i 'bangs su mchi/ dpa' bo chen pos bdag cag rnams// las kyi dngos grub stsal du gsol// zhes smras so// de nas bcom ldan 'das dgyes pa chen pos lag tu rdo rje byin nas ming gi dbang bskur te/ dkyil 'khor gyi phyi rim du bkod do// sgyu 'phrul dra ba'i stong phrag brgya pa'i gsang ba'i snying po de kho na nyid nges pa las/ khro bo rang bzhin gyi dkyil 'khor sprin rnam par spros pa'i le'u ste gsum pa'o// / de nas bcom ldan 'das dgyes pa chen pos/ dkyil 'khor gyi tshogs chen po 'di dag dam tshig gis grub par bya ba'i phyir/ de bzhin gshegs pa khro bo khrag 'thung chen po btsun mo dang bcas pa'i tshogs de dag gis sku dang / gsung dang / thugs rdo rje ye shes rngam pa las/ gsung gi dkyil 'khor 'di dag phyung ngo // oM sarba ta thA ga ta ma hA shri he ru ka ma hA tsan+da sarba duSh+TAn ta ka ha na da ha pa tsa hUM hUM hU~M phaT/ maM badz+ra mahA shriM d+hi ru ka ma hA tsan+da sarbaduwAn ta ka ha na da hA btsa nu hU~M hU~M phaT/ mo rat+na mahA shri h+ye ru ka ma hA ts+tshan+da sarba duSh+TAn ta ka he na da ta ba tsi hU hung+ku phaTi/ oM pad+ma ma hA shrI he ru ka~M ma~MhA

  21. 300b

    tsan+d+ra sarba duSh+ThAn ta ka ha na da ta patsa hU hUd+d+hA phaT/ oM kar+m+ma ma hA shrI hi ru ka mahA tsan+da sarba duSh+TAn ta ka ha na da t+ta ba tsa hU d+hA d+hA / mo sar+b+ba t+ta thA kA ta ma hA kro ti shwa ra sarba duSh+TAn hU phaT/ oM mahA badz+ro d+ha ra ma hA kro ti shwa rI dz+wA la nai hU~M phaT+Ta/ oM ma hA s+yer+ye rat+na ma hA kro ti shwar bi da ma hU~M phaT/ oM dz+ra shwa ra pad+ma ba su kha ma hA kro ta shA ri kha hi hU phaT/ oM sarba a mu ka ma hA kro/ tI shwa ra~M bi shah+Na phaT/ badz+dziHra~MHbaidz+ri \u0f7f raH/ badz+ra pr-i mo hi/ badz+ra pe tA li ta/ badz+ra puka siH/ badz+raHSh+ma riH/ badz+raSh+ma sha niH/ badz+retsan+da la~M ta/ badz+ra sid+d+ha mA badz+ra bya g+hi mu kha he/ badz+ra sri le mu kha he/ badz+ra shwa na mu kha he/ badz+ra kri ta mu kha he/ badz+ra kang ka mu kha he/ badz+ra kha kha mu kha he/ badz+ra hu lu mu ka he/ badz+ra AR+Ya te dza te nga dza a badz+ra e mo g+hA hU/ badz+ra a lo ka ba/ badz+ra b+ha sa maM pA la ho/ b+h+yo b+h+ya b+h+yo b+h+yo b+h+yAM b+h+ya/ b+h+yo b+h+yo b+h+yo b+h+yo b+h+yo b+h+yAM/ b+h+yob+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo/ ru lu ru lu ru lu hA/ e he haM A na ya/ dza hUM baM ho/ raM A li su li ta li ta pau ti/ da stam g+hon re'utAM/ khar lo gon/ khaM ho ho hU ha he phaT/ ces brjod pas/ 'jig rten drug gi phyogs bcu thams cad tshig/ rab tu tshig/ 'bar rab tu 'bar/ kun tu 'bar ro// thams cad 'bar ba'i dkyil 'khor gyi tshogs kyis gang / rab tu gang /

  22. 301a

    kun tu gang bar gyur to// gsang ba'i snying po de kho na nyid nges pa las/ khro bo'i tshogs chen po'i gsung gi dkyil 'khor spros pa'i le'u ste bzhi pa'o// / / de nas bcom ldan 'das dgyes pa chen pos de dag gi dkyil 'khor bshad pa'i phyir ched du brjod pa 'di brjod do// 'bar ba'i 'khor lo rtsibs bzhi pa/ gru chad bzhi yis rnam par brgyan// gru bzhi sgo khyud bzhi dang ldan// 'bar ba'i bar khyams gnyis kyis mdzes// thod sbrul sna tshogs nyi zlas brjid// 'bar ba'i spro ba mang po 'khrug/ khyu mchog ma haM gzig dang stag/ gtum pa'i dom gyis sbar ba sa ni// dbang phyug lha chen la sogs gzungs// smug nag ser nag sngo nag dang / dmar nag ljang nag 'jigs pa'i skra// dbu gsum phyag drug zhabs bzhir bgrad// ko rlon gos ni sna tshogs gyon// rnga ma pa'i sgra chen 'jigs par sgrogs// sbrul dang thod 'phreng nyi zlar bcas// stong gi 'jig rten khor yug bcas// rdo rje dung chen gang ba dang // ral gri dgra sta ga shol la sogs// rang gi lag cha sna tshogs bsnams// btsun mo 'jigs pa'i tshogs dang 'khril// gnas dang yul gyi phyag rgya dang // sgo bzhi phyag rgya rab mdzes shing // sras dang byi mo'i tshogs kyi gtso/

  23. 301b

    bcu gnyis dang ni brgyad kyis mdzes// rang gi stan dang lag cha dang // ci bgyi zhes ni chas te gnas// zhes brjod pas/ 'jig rten drug gi phyogs bcu thams cad 'bar ba'i dkyil 'khor kun tu gsal bar gyur to// sgyu 'phrul gsang ba'i snying po de kho na nyid nges pa las/ khro bo'i dkyil 'khor bstan pa'i le'u ste lnga pa'o// / / de nas bcom ldan 'das dgyes pa chen pos mnyes pa'i mchod pa chen po 'di ched du brjod do// de la mchod sbyin dam pa ni// thog mar bdag nyid rtogs goms bsgral// de nas gnyis med blo yis ni// blo ngan 'jig rten snying re rje// gnyis su med par bsgral bar bya// 'khril pa'i mchod chen mnyam sbyor las// bdag nyid mnyes pas mnyes par bya// mnyam la mnyam par sbyor ba yi// mnyam pa'i sgrub rdzas chen po dag/ bdag dang mnyam pa'i tshogs la dbul// bza' dang bca' dang btung dang bgo/ longs spyod lnga ldan thams cad ni// dkyil 'khor la ni dkyil 'khor thim// phyogs bcu dus bzhir gshegs pa yi// bde gshegs yon tan rmad po che// gzhan na yod pa ma yin te// lA srin la sogs smos ci dgos// rnal 'byor yas su rung rnams kyis// phyag rgya chen por rdzogs gyur cang // gsal ba'i yid gnyis

  24. 302a

    med pa na// dkyil 'khor chen po 'bar bar 'gyur// zhes brjod pas/ mnyes pa chen pos 'jig rten drug gi phyogs bcu thams cad khyab par gyur to// de nas bcom ldan 'das dgyes pa chen pos don yod par bya ba'i phyir/ dam tshig 'di ched du brjod do// bsrung zhing bsgrub pa'i dam chog ni// rtsa ba yin par rigs med 'gyur// mi spang mi dor lnga gnyis ni// yan lag dam tshig 'da' dka' 'o// mnyam la mnyam par sbyor ba yi// mnyam pa'i dam tshig la gnas na// / mnyam rdzogs chen po thob 'gyur bas// 'das na sangs rgyas ma yin no// rtsa ba nyams pa'i phyal pa dag/ gsol nye bar mi brtson na// skad cig yud tsam smra bar byed// nyams gyur nyes pa brjod mi lang // rtsa ba'i dam tshig nyams gyur na// bsgrub pa thams cad log par 'gyur// yid du mi 'ong sna tshogs pa'i// 'bras bu mi 'dod bzhin du 'du// yan lag dam tshig nyams gyur na// 'bras bu med cing ngan song ltung // dam tshig rnams ni rdo rje ste// sangs rgyas kun gyi bdag nyid yin// rtsa ba'i dam tshig lnga las ni// gcig la'ang gnyis dang bcu phrag gsum// yan lag dam tshig lnga gnyis la// gcig la'ang bcu phrag gnyis su dbye// dam tshig 'di ni rmad

  25. 302b

    popo che// 'jig rten drug gi phyogs bcun// sred gsum 'gro ba ji snyed par// rtog 'dul dam tshig de snyed spro// zhes brjod pas/ de bzhin gshegs pa nyid la de bzhin gshegs pa nyid 'dul bar gyur to// gsang ba'i snying po de kho na nyid nges pa las/ mchod sbyin dang / dam tshig gi le'u ste drug pa'o// // de nas bcom ldan 'das dgyes pa chen po lhun gyis grub pa'i dam tshig byin gyis rlob pa zhes bya ba'i ting 'dzin la snyoms par zhugs nas/ ched du brjod pa 'di brjod do// e yi tshogs kyi dkyil 'khor mchog/ 'bar ba gtum chen rngam pa la// khro bo'i yid kyis mchod sbyin bya// sangs rgyas bsod nams sku yang 'jig/ bdud rtsi lnga 'am zas lnga la// mtshan ma ming du bcas par bya// bkug nas rdo rje phur pas gdab// rdul du byas nos tshogs la dbul// e yi tshogs kyi dkyil 'khor du// lu gu rgyud du sbrel nas bsdams// ba cing 'gyur ba skyed nas phyogs bcur g.yo// myos nas gas te 'tshig par 'gyur// baM gyi tshogs kyi dkyil 'khor mchog/ 'bar ba'i gzi brjod lhan chen la// chags pa'i yid kyis mchod sbyin bya// rdo rje gsung yang dbang du 'gyur// bdud rtsi lnga 'am zas lnga la// mtshan ma ming du bcas par bya//

  26. 303a

    rdo rje chags pa'i phur pas gdab// chags pa'i tshogs la thim par bstabs// baM gyi tshogs kyi dkyil 'khor du// lu gu rgyud du sbrel nas bsdams// 'gug 'gyur ci yang phyi bzhin 'brang // ci 'dod de bzhin 'ong bar 'gyur// ma yi tshogs kyi dkyil 'khor mchog/ 'bar ba'i 'du 'phro gzi chen la// dga' ba'i yid kyis mchod sbyin bya// yon tan nam mkha'i mtha' dang mnyam// bdud rtsi lnga 'am zas lnga la// yon tan yid bzhin gter du brtag/ nga rgyal dga' 'phro'i phur pas gdab/ rdo rje gzi brjid 'phel bar bstabs// ma yi tshogs kyi dkyil 'khor du// lu gu rgyud du sbrel nas bsdams// gzi brjid 'bar ba'i dbul chen spro// yid bzhin nam mkha' gang bar 'gyur// ya yi tshogs kyi dkyil 'khor mchog/ gsal ba'i gzi brjod 'tsher ba la// dang ba'i yid kyis mchod sbyin bya// gtum chen rngam pa 'ang lhan ner 'gyur// bdud rtsi lnga'am zas lnga la// gtum rngam 'khrug pa'i ngo bor brtag/ lhan ner gsal ba'i phur pas gdab// 'bar balhan ne'i tshogs la bstabs// a yi tshogs kyi dkyil 'khor du// lu gu rgyud du sbrel nas bsdams// 'bar ba lhan ni'i byin gyis khyab// thams cad g.yo ba'ang med par 'gyur// smras dang

  27. 303b

    byi mo bran mo'i tshogs// lhag ma'i mchod sbyin 'dod pa sbyin// rang gi dmachog rab bsgrags nas// gang 'dod las de byed par bsgo// khrag 'thung chen po la sogs pa'i/ khro gar glu tshig chen pos ni// thams cad thams cad ci 'dod pa'i// thams cad thams cad byed pa yin// mdzod ldan chen mo la sogs pa'i// bro gar glu tshig chen pos ni// 'du bar 'dod na 'du bar byed// 'phel bar 'dod na 'phel bar byed// lbos mo chen po la sogs pa'i// bro gar glu tshig chen pos ni// lhan ner 'dod na lhan ner byed// rmugs par 'dod na rmugs par byed// seng gdong chen mo la sogs pa'i// bro gar glu tshig chen pos ni// thams cad kun la za bar byed// rdul cha tsam yang med par byed// bzhad gdong chen mo la sogs pa'i// pro gar glu tshig chen pos ni// thams cad kun la 'byin par byed// kun la rab tu nyams// par byed// slas dang bye mo bran mo yi// bro gar glu tshig chen pos ni// spos cing gtong bar bya ba ste// thams cad thams cad byed pa yin// de nas bcom ldan 'das dgyes pa chen pos// tshogs kyi dkyil 'khor gyis shin tu rngam pa'i mdangs kyis glu 'di blangs so// hUM/ gtum chen dus mtha'i me ltar 'bar/

  28. 304a

    'od chen nyi ma 'bum gyi gzi// khro gnyer glog stong 'grub bzhin// mche bzang lag za byed che ho// hU/ rngam pa'i nga ro 'brug stong lngar// tu che ma ri rab 'bum snyol skad// a a ha la'i gad rgyangs che// dpyugs pa'i 'thor rlung g.yeng ba che ho// hU khro bo'i shes rab 'ong po che// ye shes dkyil 'khor kun tu gsal// 'bar ba'i ye shes kun tu 'joms// sna tshog sa ye shes thig le che ho// hU/ khro ba'i rgyal po sprin chen po// khros pa'i dkyil 'khor char chen 'bebs// dkyil 'khor yid bzhin 'byung ba'i gter// sna tshogs khros pa'i thig le che ho// hUM/ bdud kun gyi ni bdag chen po// bdud kyi bdud de bdud rnams 'joms// 'jigs pa'i tshogs kyang 'jigs par byed// 'jigs byed chen po thig le che ho// hUM/ rdo rje brag chen sra ba po// rdo rje chu bo bdud chen po// rdo rje me ste kun 'bar che// rdo rje rlung ste 'thor rlung che ho// zhes glu blangs so// gsang ba'i snying po de kho na nyid nges pa las/ khro bo'i dkyil 'khor mnyes pa'i le'u ste bdun pa'o// // de nas bcom ldan 'das dgyes pa chen pos/ de bzhin gshegs pa nyid la gsang sngags kyi rgyal po brtan par gzung ba'i phyir

  29. 304b

    ched du brjod pa 'di brjod do// kye phyogs bcu dus bzhi rang bzhin ni// de bzhin gshegs pa'i ngo bo nyid// gzung 'dzin spros pa 'phel ba yi// rnam rtog zhags pas so sor 'dzin// sa rnams khyad par bkod pa yang // gsang ba'i snying por 'gro ba'i lam// ye shes ngo mtshar ya mtshan gyis// don du mi 'gyur yong ma gsungs// de bzhin gshegs pa thams cad kyi// rang bzhin gsang ba'i snying po 'di// rtogs nas smra bar gang byed pa// de nyid nga yin dbang yang rdzogs// de bzhin gshegs pa thams cad la// gsang ba 'di las gzhan mi mnga'// sgro dang skur pa zhi ba yi// gsang ba'i snying po de kho na// nyid de nges pa'i dbyings nas phyung // de ni nges par lung bstan te// sras ni thugs las skyes pa yin// sa rab rig pa 'dzin la gnas// zhes brjod nas/ de bzhin gshegs pa thams cad dbyer med pa dgyes nas/ dus bzhi mnyam pa nyid kyi dbyings/ sku gsum lhun grub stug po bkod pa'i rgyan nyid du bzhugs so// sgyu 'phrul dra ba'i le'u stong phrag brgya pa las/ de bzhin gshegs pa thams cad kyi gsang ba/ gsang ba'i snying po de kho na nyid nges pa'i brgyad pa las// rgyud yongs su gzung ba dang gtad papa len ste brgyad pa'o// /

  30. 305a

    rdo rje sems dpa'i sgyu 'phrul dra ba las/ dkyil 'khor mchog tu bstan pa'i rgyud/ sgyu 'phrul brgyad pa rdzogs so// rgya gar skad du/ de bI ma h+mA dza le su kha na tan+t+ra/ bod skad du/ lha mo sgyu 'phrul dra ba chen mo zhes bya ba'i rgyud/ bcom ldan 'das gsang ba chen po la phyag 'tshal lo// 'di skad bdag gis gsungs pa nyid du gyur pa'i tshe na/ bcom ldan 'das de bzhin gshegs pa nam mkha' dang mnyam po'i rnal 'byor chen po/ rnal 'byor ma chen mo dang / shin tu mos pa chen mo dang / mos pa dang bcas pa srung bar byed pa/ rab tu rnam par srung bar byed pa/ nye ba mo dang bcas pa/ nye bar zhi ba chen mo dang / zhi bar mdzad pa chen mdzes pa dang mdog tu ldan pa/ shes pa dang skyabs su ldan pa ni 'di lta ste/ de bzhin gshegs pa thams cad kyi sku gsung thugs gsang ba'i de bzhin nyid gtso bo chen po rnal 'byor tshogs kyi 'khor lo zhes bya ba dang / rnal 'byor chen po rdo rje nyid du 'dus pa zhes bya ba dang / rnal 'byor chen po btang snyoms zhes bya ba dang / rnal 'byor chen po dbang du mdzad pa zhes bya ba dang / rnal 'byor chen po shin tu rnam par rgya gram gyi tshul 'dzin pa dang bcas pa ni/ cir yang ston pa'i gzugs kyi kha dog bzhi dang ldan te/ gdug