kun tu bzang po klong drug pa'i rgyud
Text
ff. 197b–234a · 74 folio sides
- 197b
rgya gar skad du/ sarba b+ha las mun tra tan tran ma/ bod skad du/ kun tu bzang po klong drug pa'i rgyud ces bya ba/ bcom ldan 'das dpal kun tu bzang po rdo rje bde ba chen po la phyag 'tshal lo// 'di skad bdag gis bstan pa'i dus gcig na/ bcom ldan 'das dpal kun tu bzang po ye ji bzhin pa'i mnga' bad// nga/ sangs rgyas kun gyi rang bzhin du ye nas rang shar ba yin te/ nga ni snang ba thams cad kyi bdag nyid du rang byung bas/ 'di dag gi don ngas bstan gyis/ stong pa nyid kyi 'khor rnams nyon cig/ mi mdzad pa yi mdzad pa las// sangs rgyas kun gyi skur gsal bas// ngas ni rtog pa med pa rnyed// snang ba 'di la su spyod pa// bla na med pa'i zhing khams rdzogs// de phyir ngas bstan lung 'di nyon// de skad ces mi gnas pa'i yul la/ rang rig pa'i ston pas gzigs nas/ mkha' rnam par dag pa'i nam mkha' nas/ snying po bcud kyi rgyal po 'di dus gsum mnyam pa nyid du gsungs so// gsung ngo // gsung bar 'gyur ro// 'di skad bdag gis thos pa'i dus gcig na/ chos nyid rnam par dag brgyan ma bkod par snang ba'i pho brang na/ bcom ldan 'das dpal kun tu bzang po rgyud thams cad kyi mnga' bdag gis/ bstan pa rin po che'i 'dul stangs la gzigs te/
- 198a
'gro ba rnam par dag pa'i gzugs rnams mi gnas pa'i mya ngan las 'das pa'i lam du gzud pa'i phyir/ rdo rje snying po rgyan gyi dkyil 'khor zhes/ bya ba nyid kyi thugs las rnam par spros nas/ ljags kyi dbang po las/ gsung gi 'od zer dpag tu med pa rang byung ba'i tshe/ sangs rgyas thams cad kyi sku'i mdzad pa dang / gsung gi mdzad pa dang / thugs kyi mdzad pa dang / yon tan gyi mdzad pa dang / 'phrin las kyi mdzad pa dang / dus gsum mnyam pa nyid du bzhugs/ so// de nas byang chub sems dpa' 'od zer kun 'dul gyis/ ston pa kun tu bzang po la 'di skad ces gsol// kye ston pa kun tu bzang po sangs rgyas thams cad kyi mdzad pa med pa'i tshe/ ston pa nyid ji skad bya bar bzhugs/ bstan pa'i 'dul stangs no gang lags/ bdag la bstan du gsol/ de nas ston pas bka' stsal pa/ kye ma kye ma 'od zer kun nas 'dul byed khyod nyon cig/ sangs rgyas thams cad kyi mdzad pa ma snang ba'i tshe/ nga'i sku ni phung po thams cad gcig tu bsdus pa zhes bya ba/ mi snang / mi 'byed/ mi len/ mi 'dor/ mi rtog/ mi 'dzin/ mi gnas/ mi 'gyur/ mi mngon/ mi gos la/
- 198b
mi mdzad/ mi gtong / mi sems/ mi rig/ mi sdug/ mi stong pa'i rnam par rang shar nas/ stong pas yul gyi spros pa med// gsal bas yod med mtha las 'das// dran pasam brjed gzungs dang ldan// snang bas mngon sum nyid kyi lam// mtshon chag du ma'i spros dang bral// sngags las ma bskyed ye rdzogs nyid/ rgyu dang rkyen rnams yongs su bral// lta sgom dri ma kun dang bral// mtha' med dbus su dmigs pa med// rnam pa med cing yul rnams med// lha med sngags kyang yod ma yin// chos med brtag pa kun las 'das// dgra med pa shes kyang yod pa med// lus med dbang por snang ba med// chos ni bsam pas mi snang ste/ gang med gang du 'dzin pa med// nga me dang yi 'khor kyang med// dbyings med reg pa'i sku yang med// dge med sdig pa'i rnam smra ni med// srog med bcad pa'i dmigs pa med// tshogs med bsags pa'i yul yang med// sangs rgyas med cing sems can med// gnas med stong pa nyid kyang med// thabs med nyan pa'i 'khor yang med// yul med dus gsum nyid kyang med// dus gsum tshogs pa yod pa med// de phyir ci yang med par ni// da ni ma phye mi byed snang //
- 199a
bya/ sa las 'das pa nga yi yul// mdzad dang spyod pa ma phye bas// dus gsum mnyam pa nyid du ste// da ni yul med gzhi bsam bral// nyag gcig cha phra'i snying por gnas// stong pa chen po'i yi ga dang sa la// snang ba med pa'i phyogs las ni// dri ma bral ba'i reg pa nyid// brdzun med bden pa'i mngon sum pa 'di nyid sus mthong nga yi sras// nga yi snang ba de ltar na// 'di kun rig pa'i rang ga dang sa yin// 'dus pa'i snang ba glong gcig tu// nges pa'i lung chen 'di la spod// de nas byang chus sems dpa' 'od zer kun nas 'dus pas 'di skad ces gsol to// kye ston pa kun tu bzang po/ ston pa nyid kyi snang ba ji lta bu logs sems can kun gyi snang ba dang / khyad par mchis sam ma mchis/ bdag la bstan du gsol/ ces zhus so// de nas ston pa kun tu bzang pos bka' stsa la pabyang chub sems dpa' sems dpa' chen po 'od zer kun 'dul khyod nyon cig/ ngas bstan pa'i 'dul stangs kyi dgongs pa las langs la/ khyod la 'di lta bu'i don ngo mtshar che ba/ shin tu gsang ba chen po/ rang bzhin rdzogs pa chen po'i don ma nor ston pa'i tshig gis gtan la phab nas bstan na/ sangs rgyas thams cad kyi sku
- 199b
gsung thugs kun tu bzang po rang bzhin rnam pa dag pa'i snang ba yin te/ rigs drug gi 'gro ba rnams dus gsum mnyam pa nyid du bstan pa ste/ 'di ni de'i snang ba dang khyad par med par/ yul can du ma'i glong gcig tu 'dril ba zhes bya ba/ chos thams cad ngan pa'i rnam rtog dang bral te/ nga nyid spos bral kun tu bzang po'i gling du tham pa 'o// yang glong ni rgya mtsho lta bu ra nga'i snang ba rang shar nas/ dkyil 'khor thams cad kyi glong du ye nas rang 'dus pas/ phyag rgya chen po'i glong yi nas mi gan+da/ pa gcig tu 'khyil pa'o// sems dpa' chen po/ nga'i snang ba ni mi snang ba'i snang ba ste/ yod thos snang grags thams cad la khyab cing 'jug nus pa yin pas/ snying po gsang ba'i glong zhes bya ste/ sku kun tu bzang por rang byung ngo // nga'i snang ba 'di tsa yang med pa las cir yang sha ra nas khyab pa/ rang dag gi snying po 'dus pa'i glong zhes bya ste/ gsung kun tu bzang bai r-i rang byung ngo // / nga'i snang ba ni 'di smra bsam kun gyi bdag nyid du rang shar nas/ dran pa rang stong gi snying po 'dus pa'i glong zhes bya ste/ thugs kun tu bzang por rang byung ngo // kye sems dpa' chen po/ sangs rgyas thams cad dus gsum mnyam pa nyid du rig pa'i skyes bu nga kun tu bzang po'i glong gcig la
- 200a
'khyil ba zhes bya ste/ de bzhin nyid de ma bcos na// nam mkha' sprin gyis ma bsgribs bzhin// ye gdangs ye nas gsal ba'i cha// de ltar nam mkha' dngas pa la// nyi ma'i snying po rang snang ltar// ngo bo dri ma med pa'i sku// gcig bsdus nges pa'i snying po ni// nga yi dkyil 'khor nyid yin no// chos can rnams ni bsdus pa las// chos nyid rnams kyi grangs mtha' zang // 'di ni kun bzang nga yi sems// rtog pa med pa'i sangs rgyas ngas// dri ma phra ba'i zhen grol bas// ma bsgribs 'ong rnams mngon du snang // chos kyi chos rnams mi mthong bas// nga la mthong ba'i yul med do// kye sems dpa' chen po// dngos po thams cad kun tu bzang po'i rol pa yin no// snang ba thams cad ni nga kun tu bzang po'i mdzad pa yin no// stong pa thams cad ni de kun tu bzang po'i yul yin no// de'i phyir sangs rgyas kun tu bzang po ngas/ phyogs thams cad du mdzad pa med pa'i 'phrin las kyis/ 'gro ba rnams gnyis su med par byas nas/ lung nyid brjod pa thams cad zad pa zhes bya ba'i bsam gtan thob ste/ de nas mi snang ba'i nam mkha' dang gnyis su med par gyur to// sems dpa' chen po/ nga kun tu bzang po'i mdzad pa 'di
- 200b
ltar sku gsum gyi bdag nyid du byung ba zhes bya ste/ rgyu rnam par dag pa'i sangs rgyas kyi/ 'bras bu ye shes rdzogs pa chen po zhes bya ba'i lta ba thob ste/ de'i tshe ni byed pa med par rang byung nas/ ska'i ye shes dang / gsung gi rol pa dang / thugs kyi mdzad pa rgya chen por snang ste/ ye shes mi 'gyur pa'i snang ba rang snang chos nyid zad pa'i dus kyi mtha'i spros pa rang dengs/ nam mkha'i yid can du rang byung / snying po sra ba'i snang ba la dbang dus gcig tu thob nas/ kun tu bzang po'i dkyil 'khor thams cad kyi mnga' bdag chen po zhes bya bar gyur to// de nas yang 'od zer kun 'dul gyis 'di skad ces gsol to// kye ston pa kun tu bzang po dus gsum mnyam pa nyid ces bgyi ba gang la gsungs pa lags// bdag la gsung du gso la// de nas ston paku tu bzang pos bka' stsal pa/ kye ma byang chub sems dpa' sems dpa' chen po 'od zer kun 'dul khyod nyon cig/ skyes bu gang gis 'das pa'i rjes ma gzung / ma longs pas sngon ma slangs/ da l+la'i shes pa rang so la gzhag na/ shes pa thams cad snga phyi med par gcig tu 'dres nas/ gcig 'dus ngo bo gcig pa zhes bya ste/ dus gsum mnyam pa nyid du rig pa'i rnal
- 201a
'byor ro// yang 'das pa'i bag chags kyi rjes su ma 'brangs/ phyis 'byung bag chags rnams sngon ma ba su/ da lta bag chags rnams rgyud la mi rten pa ni/ dus gsum mnyam pa nyid du rig pa'i rnal 'byor pa zhes bya ba'o// dran pa rang zad kyi thabs kyis 'khor 'das gnyis med du bsre ba ste/ 'das pa'i dran pa rnam bar mtshams cad pa dang / ma 'ongs pa'i dran pa nyid mgo mnan pa dang / da ltar gyi dran pa rnams rang yal du btang ba ni/ dus gsum mnyam pa nyid du rig pa'i rnal 'byor pa zhes bya'o// yang 'das pa'i sems la phugs mi gtang / ma 'ongs pa'i sems la rgyab mi gtad/ da ltar gyi sems la blo mi gtad ba ni/ dus gsum mnyam pa nyid du rig pa'i rnal 'byor pa zhes bya 'das pa'i ma rig pa la zegs ma bskur/ ma 'ongs pa'i rig pa la yab ma bor/ da ltar gyi ma rig pa la pang du ma blangs na/ dus gsum mnyam pa nyid du rig pa'i rnal 'byor pa yin no// 'das pa'i zhe sdang la ne ma chags/ ma 'ongs pa'i zhe sdang la lcags kyus ma bzungs/ da ltar gyi zhe sdang la dar ma blung na/ dus gsum mnyam pa nyid du rig pa'i rnal 'byor pa zhes bya'o// 'das pa'i gti mug gis sprin ma bsdus/ ma 'ongs pa'i gti mug gis sam bcad/ da ltar gyi gti mug gis char ma ba ba na/ dus gsum
- 201b
mnyam pa nyid du rtogs pa'i rnal 'byor pa zhes bya'o// 'das pa'i nga rgyal la lan ma gdab/ ma 'ongs pa'i nga rgyal la khum gdab/ da ltar gyi nga rgyal la thog ma bstod pa ni/ dus gsum mnyam pa nyid kyi rnal 'byor pa zhes bya'o// 'das pa'i sangs rgyas la lan ma gdab/ ma 'ongs pa'i sangs rgyas la khu ma gdab/ da ltar gyi sangs rgyas la thog ma pa stong pa ni/ dus gsum mnyam pa nyid kyi rnal 'byor pa zhes bya'o// 'das pa'i 'dod chags kyi sun dbyung / ma 'ongs pa'i 'dod chags rnams zhe bcad/ da ltar gyi 'dod chags rnams yul phyung ba ni/ dus gsum mnyam pa nyid kyi rnal 'byor pa yin no// 'das pa'i phrag dog la dam du ma bzung / ma 'ongs pa'i phrag dog la sems ma bsdus da ltar gyi phrag dog la sems ma bcug pa ni/ dus gsum mnyam pa nyid du rtogs pa'i rnal 'byor pa ste/ 'khor 'das gnyis med du rtogs pa'i rnal 'byor pa chen po zhes bya'o// sems dpa' chen po/ mya ngan las 'das pa'i gzhi zang thal du rtogs pa'i rnal 'byor pa ni/ nga kun tu bzang po chos thams cad kyi byung khungs su byung ba ste/ 'das pa'i sku gsum la sna ga tad/ ma 'ongs pa'i sku gsum la rgyab rten/ da ltar gyi sku gsum la longs spyod pa ni/ sangs rgyas rnams
- 202a
kyi 'bras bu la mngon du byas pas te/ dus gsum mnyam pa nyid du ye nas gnas pa zhes bya'o// 'das pa'i ye shes lnga la gni bcas ma 'ongs pa'i ye shes lnga la rtse mo gtad/ da ltar gyi ye shes lnga lam du byed pa ni/ gsal bas gsal ba'i 'od 'dus pa zhes bya ste/ dus gsum mnyam pa nyid du ri/ pa'i rnal 'byor ro// 'das pa'i rig pa la yid ches/ ma 'ongs pa'i rig pa la tshad bzung / da ltar gyi rig pa lam du byed pa ni/ ma yis bu bzung ba zhes bya ste/ dus gsum mnyam pa nyid du rig pa'i rnal 'byor ro// 'das pa'i thig le la cha bzung / ma 'ongs pa'i thig le la zlo ga tAd/ da ltar gyi thig le rnams gcig tu bsdus pa ni/ nyag gcig rtsa ba bcad pa zhes bya ste/ dus gsum mnyam pa nyid du dril ba'i rnal 'byor pa zhes bya ba yin no// 'das pa'i dbyings dang mtshams sbyar/ ma 'ongs pa'i dbyings dang rgya bskyed/ da ltar gyi dbyings dang sa gcig la gnas pa'i rig pa dbyings su chud pa zhes bya ste/ dus gsum mnyam pa nyid du ye nas 'brel bar gnas pa zhes bya'o// 'das pa'i sgron ma rnams la sna bstad/ ma 'ongs pa'i sgron ma lag tu bzung / da ltar gyi sgron ma rnams gsal gdab pa ni/ ston pa
- 202b
chos 'byung sgron ma rang gi lta ba ste/ dus gsum mnyam pa nyid du ye nas snang ba yin no// 'das pa'i 'od rnams la lam btod/ ma 'ongs pa'i 'od rnams la sems bzhag da ltar gyi 'od rnams la blo phab pa ni/ snang ba thams cad la rang rgyas thebs pa zhes bya ste/ dus gsum mnyam pa nyid du ye nas 'du 'bral med pa'o// de nas yang 'od zer kun 'dul byang chub sems dpas gsol ba/ kye bcom ldan 'das dpa la kun tu bzang po/ dus gsum mnyam nyid ces bya ba'i dus ni/ ci la gzung / gsum zhes ni gang rnams lags/ mnyam pa nyid ni tsa la gzung / nyid ces pa gang lags/ 'di dag rnams kyi don bdag gis ma 'tshal na/ ston pas don 'ang bdag la bstan du gsol/ zhes gsol pas// ston pa sa zhal 'dzum pa mdzad de/ 'di skad ces bka' stsal to// kye ma kye ma byang chub sems dpa' sems dpa' chen po 'od zer kun 'dul/ ngas sngon yul dbyangs kyis shin tu gsang ba zhes bya bar/ sangs rgyas rnam par brgyan pa'i sar 'khor gyi byang chub sems dpa' rnams la 'di skad du lung bstan pa yin no// kye 'khor gyi byang chub sems dpa' rnams nyon cig/ snang ba thams cad
- 203a
rang dbang du gyur nas/ rig pa mngon sum du bstan pa'i tshe/ dgongs pa bden mthong gi dus zhes bya'o// snang ba thams cad rang thad du shar te/ nyams kyi sa bon 'phel ba'i tshe/ rig pa nyid srung la thebs pa'i dus zhes bya'o// skyes bu'i 'byung ba'i stobs zad nas/ shes pa rnams kha nang du ltas pa'i tshe rig pa'i byungs 'debs pa'i dus so// chos nyid rkyen dang bral nas snang ba thams cad bde bar bdel ba'i rgyu/ chos nyid ma bu mnyam pa'i dus zhes bya'o// sangs rgyus rnams kyi bden pa'i 'od zer gyis/ rang gi lus gang zhing rgyas nis/ sku mngon par byang chub pa'i tshe/ bstan pa rang thob kyi dus zhes bya'o// kye makye ma 'khor gyi byang chub sems dpa' rnams nyon cig/ lta ba stong pas sems rgyas/ sgom pa rang gsal gyis ngag rgyus/ spyod ba rgyas 'debs kyis lus rgyas pa ni/ 'bras bu rang lus kyi dus gsum zhes bya'o// chos sku spros dang bral ba'i rtse thobalongs su tshig dang bral ba'i bar bzung / sbrul sku mtshan dang bral ba'i rtsal bcang na ni/ drod rtags mthar phyin gyi sku gsum yi rdzogs kyi dus gsum zhes bya'o// sgrib phyogs 'byung rkyen bral ba'i nam mkha'i thog 'phangs/ mi 'gyur la/
- 203b
gu rgyud kyi gzer ba tAb nas/ rgya mtsho snang byed kyi lcags kyus de nyid rang bzung ba ni/ goms pa rang shugs kyi dus gsum zhes bya'o// e ma ho 'khor gyi byang chub sems dpa' rnams nyin cig/ chos nyid ma bcos pa'i glong du sangs rgyas kun gyi mdzad sprod du rang snang ba ni 'khor 'das gnyis su med par snang ba zhes bya'o// dbyings rig gcig tu goms pa'i gnad kyis/ yul du ma'i zhen pa rang 'gags nas/ 'bros bu me dag chen po'i dgongs pa rang byung ba'i tshe/ nyams blangs gdeng du chud pas lta sgom spyod pa rnams gnyis su med par bsres pas/ rang gnas yongs 'dres kyi mnyam pa chen po zhes bya'o// kye 'khor gyi byang chub sems dpa' rnams nyon cog/ dri ma rang sar dag pa'i chos sku la// rang rig gi rnal du phebs pas nyid ces bya// dran pa rang gis dag pa'i dgongs pa 2/ 'dzin pa dang gis nub pas nyid ces bya// phra rags 'byung ba zad pa'i 'od lnga la// bdag 'dzin yul dang bral bas nyid ces bya// stong pa ye nas khyab pas chos nyid la// dbyings rig zad sar phyin pas chos nyid ces bya// phyi nang 'byung ba zad pa'i rang lus la// lnga lnga zung du zhugs pas nyid ces bya// ma rig
- 204a
ye nas gnas lugs ka dag la// snang ba rang sar grol bas nyid ces bya// de ltar skyes pas rang gi rgyud dag kyang // 'dzin pas bzung ba'i phra ba'i las nyid do// zhes kun tu bzang po klong drug pa zhes bya ba'i rgyud rang bzhin rdzogs pa chen po'i don ston pa las/ chos thams cad dus gsum mnya pa nyid du bstan pa'i glong zhes bya ste dang po rdzogs so// // lha'i skye gnas dag par bye ba'i chos nyid rtsol ba dang bral bar byed pa'i skabs te dang po'o// / de nas ston pa kun tu bzang pos chos thams cad mnyam pa nyid gnyis su med pa'i ting nge 'dzin rdo rje snying po zhes bya ba la snyoms par zhugs so// de nas byang chub sems dpa' sems dpa' chen po 'od zer kun 'dul gyis 'khor rnams la bos nas/ bcom ldan 'das ni tong nge 'dzin la bzhugs nas/ sems can gyi don cang mi mdzad par snang bas/ bdag cag rnams kyis ston pa nyid mnyam par bzhag pa la sa bzhengs pa'i tshig gis rab tu bskul lo// zhes tshig tu brjod pas/ de'i tshe 'khor de rnams kyi nang nas/ byang chub sems dpa' sems dpa' chen po glog gi 'od zer zhes bya bas/ 'di skad du tshig tu brjod do// kya kyeston pa'i 'khor du
- 204b
'dus pa'i sangs rgyas dang byang chub sems dpa' dag lhayang mi rnams nyon cog/ ston pa ni ting nge 'dzin las bzhengs pa dang bzhugs pa mi mnga' 'o// de ci'i phyir zhe na/ chos thams cad mnyam pa nyid ye nas rdul dang bral bar mkhyen pa'o// de nas 'od zer kun 'dul gyis gsol ba/ byang chub sems dpa' mnyam pa nyid ces bya ba de'i don ci zhig/ glog gi 'od zer sprin dang bral bas smras pa/ chos thams cad mnyam pa nyid ye nas rdul dang bral ba zhes bya ba ni/ mtha' thams cad dang bral zhing / rnam par rtog pa'i dri ma med/ pa'o// yang gsol pa/ de nyid gang lags/ smras pa/ de ni brjod pa thams cad nye bar zhi ba ste/ blo gang yang mi 'jug pa'o// gsol pa/ de nyid ji lta bu/ smras pa/ de ni nyag gcig spros pa thams cad dang bral ba'o// gsol pa/ de de bzhin no// smras pa/ de ltar bcom ldan 'das nga la yang / ston pa kun tu bzang pos bstan pa yin no// khyod kyis de ltar go ba ni shin tu legs so// zhes smras so// de dag gis gleng ba ston pa kun tu bzang pos mi rtog pa'i ngang la gnas nas/ byang chub sems dpa' sems dpa' chen po glog gi 'od zer kun nas sprin dang bral ba la legs so zhes bya ba gnang ste/ 'di skad du gsung ngo // kye byang chub sems dpa' sems dpa' chen po 'od zer kun
- 205a
nas 'dul bas kyang / chos thams cad de ltar khong du chud pas/ mi skye ba mngon par gzigs pa zhes bya ba'i chos nyid rnyed pa yin no// de bzhi du byang chub sems dpa' sems dpa' chen po khyod kyis kyang / go zhing shes nas rtogs pa de bzhin du legs so// ngas kyang khyod la rnam par dag pa'i chos kyis tshig spro yis/ byang chub sems dpa' khyod nyon cig/ rgyu dag pa'i rdo rje 'chang chen pos zhing khams nyi ma stong gis rab tu brgyan pa'i tshad ces bya ba na yod pa'i dus na lung bstan pa/ mi gnas pa'i ye shes chen po ye rnam par dag pa'i tshe/ 'khor 'angs snod bcud du snang ba thams cad til 'bru gcig gi nang du mnyam par gzhag na/ 'khor 'das dus gcig la gsal ba'i ting nge 'dzin la mnyam par bzhag pa yin no// yang de la dbugs phyung nas/ sku rdo rje chen po la longs spyad pa yin no// de la longs spyod pas snying po 'od zer gyis brgyan pa'i zhing khams stong mthong bar 'gyur ro// zhes lung bstan pas/ nga snying po bsdud pa zhes bya ba'i chos kyi ro myong bas/ lus ngago thams cad rdo rje ltar cis kyang mi shigs pa'i ting nge 'dzin thob bo// de bzhin du khyod kyis kyang sems rnam par dag pa'i 'od gsal chen po'i don nyams su ma'ongs na/ sku rdo rje snying po la
- 205b
ltos shig/ de ltas pas 'jigs pa med pa'i gdeng thob nas/ rig pa thams cad sku gsum gyi bdag nyid du rang shar nas/ chos dang chos ma yin pa gang du yang ma grub pa'i rtogs pa khong du chud par 'gyur ro// byang chub sems dpa' khyod kyis thams cad mnyam par bzhag pa'i gtad pa'i tshad ma rnyed na/ bzhag pa'i sa lnga la goms par bya'o// snang ba thams cad sgyu ma lta bur sems mnyam par sbyong ba'i mi rtag pa rgyud la rten pa'i sa la goms par byas na/ 'khrul pa'i snang ba thams cad kyi gnod pas skyes bu'i sems la g.yeng bar ma nus pa ni/ sems rnam par sbyor ba la mkhas pa'i rnal 'byor pa zhes bya'o// 'byung ba thams cad 'dus pa'i gnas su sems rnam par zhi bar byed pa'i sbyor ba rgyud la rten pa'i skyes bu ni/ zhi gnas la bkod pa'i gnas zhes bya'o// rnam par shes pa thams cad 'dus pa'i sa yid rang 'byung gi rtog pa dang bral ba'i snang po/ sems rang bzhin gyi rnal du phebs pa'i rnal 'byor pas sems nyid rang nyid gnas su rnal du phebs pa'i gnas zhes bya'o// gzhi thams cad gcig tu gyur pa'i gnas su sgra'i don gyis sems rab tu gnas par byed pa'i sbyor ba'i skyes bus snang ba rang bcad nas sems rang dal du 'dus pa'i sa zhes bya'o// ye shes
- 206a
kyi rol par shar ba'i dus na/ sangs rgyas kun gyi mdzad pa rnam par rol pa ni/ sems rnam par dag pa'i dpung skyed pa'i sa yin no// byang chub sems dpa' sems dpa' chen po de dag gis bzhag pa'i thabs la mkhas par bya ba'i phyir/ bzhag thabs lnga la mkhas par bya'o// sems kyi snang ba'i dus na sems rnam par sbyang ba dang / rnam par gdul ba dang / rnam par mi rtog ste/ sems kyi las thams cad rnal du dbab pa'i thabs la mkhas par bya'o// ye shes kyi snang ba rnam par dag pa'i dus na/ ye shes kyi ngo bo dang / rang gi mtshan nyid dang / ye shes kyi ldog pa dang / log pa'i dus dang / de nyid log pa'i tshad kyi thabs la mkhas par bya'o// de'i chos nyid kyi snang ba rang snang ba'i dus na/ chos nyid rnam par dag pa'i yul dang / sa dang / lam dang / chos nyid rang gi ngo bo dang / chos nyid kyi tshad dang / snang ba dang / ji ltar shar ba'i yul dang / chos nyid ldog pa'i thabs la mkhas pa zhes bya'o// dbyings kyi snang ba rang snang ba'i dus na/ rang gi mtshan nyid rnam par dag pa'i dbyings rang gi ngo bo dang / de snang ba'i dus na/ snang ba ji ltar tshang la dbab pa dang / dbyings rnams kyi mtha' gang yin
- 206b
pa dang / de dag gi thabs la mkhas par bya'o// rig pa'i snang ba rang snang ba'i dus na/ 'khor 'das ru shan 'byed pa'i lus ngag gi spyod pa mngon du byas pa'i rig pa 'khor bapa dang 'brel ba gcad pa dang / lus ngag rna la du 'bebs pa'i rig pa rang gi de la so ba'i sa la sleb pa dang / de nyid la mngon sum du rig pa'i rnal 'byor gyi snang ba thams cad 'dris par bya ba'i thabs la mkhas par bya'o// dbyings rig gnyis su snang ba'i dus na/ dbyings dang rig pa tshad la dbab pa dang / snang ba thams cad ci yang ma yin pa chos nyid zad pa'i mtha' la mkhas par bya'o// byang chub sems dpa' chen po glog gi 'od zer kun nas sprin dang bral ba/ de'i don rnams la yod ches ma skyes na/ bzha/ pa'i thabs la mkhas par bya'o// snang ba thams cad kyi tshad ni/ rang gi lus rnams kyi lhas so mi snang bas bzung ngo // ye shes rnams kyi tshang ni/ thig le phyi nang du snang ba dang 'brel pas bzung ngo // 'od kyi tshad ni/ snang ba thams cad sku dang gnyis su med par bzung ngo // rig pa'i tsheng ni/ 'gro 'ong med pa'i ye shes su rang bzhag tu gnas pas bzung ngo // chos nyid zad pa'i tshad ni/ snang ba thams cad gang gi ngo bor yang ma grub pas bzung ngo / 6/ de nas byang chub sems dpa' glog gi 'od zer
- 207a
kun nas sprin dang bral bas/ ston pa kun tu bzang po la'adi skad ces gsol to// kye kye ston pa kun tu bzang // de ltar bzhag pa'i don rnams kyis/ bdag gis skye med dmigs kyang thob// shes rab rnams kyi lus gzung rdzogs// sku gsum 'bras bu gcer bzhag rnyed// bzhag pa lnga don de ltar na/ sems can rnams kyi rang snang yul// ma btsal bzhag pa'i don de gang // ston pa nyid kyis bdag la gsungs// kun bzang ston pas bka' stsa la pa/ kye ma byang chub sems chen po// nga yis bstan gyis nga la nyon/ sems can kun gyi rang snang che// gzhan nas btsal ba'i gnas med do// rang gi mthu yis rang rig pas// stong gsum 'jig rten gang nas kyang // de nyid btsal kyang rnyed pa med// 'jig rten kun gyi spyod yul ni// de nyid snang ba'i rang bzhin la// sus kyang mthong ba med pa yi// snang ba rang rig bde ba'i zhing // 'di la goms pa'i rnal 'byor pas// kun tu bzang po de yi sku// skal dang ldan pa 'di yis mthong / rang rig skal mnyam stong nyid grogs// 'di la goms pa'i rnal 'byor pas// rtogs pa med pa'i sku gzung ste// nga yi thugs rje'i 'od gzung nas/
- 207b
'di dang nga nyid skal ba mnyam// nga yi dkyil dang 'khor yang yin// nor bu rin chen 'od 'bar ba'i// sangs rgyas rnams kyi gsang chen 'di// sus kyang mthong med nga yis bstan// nga ni kun bzang rtog med la// thugs rje'i snang thabs ma 'gags pas// sems can rnams kyi re gnas sa// ma btsal gzhag pa'i rin/ po che// kun gyi spyod yul min pas na// 'di nyid rtogs pa'i rnal 'byor pa// rtogs pa'i nang nas rgyal ba'i sku// dbang phyug yid kyis gus phyag 'tshal// kun tu bzang po nga yi sems// su yis rig cing rtogs pa de// sangs rgyas stong dang skal ba mnyam// skal ldan skyes bu blo rtsal can// mi g.yo mnyam bzhag rjes su 'dzin// dkyil 'khor 'dus pa'i mnga' bdag go/ 'di ltar su yis rig cing shes// ma btsal bzhag pa'i don dang 'phrad// 'di 'phrad rnal 'byor skal ldan kun// bskal babargya phrag bye bar 'gyur// de phyir 'di la 'dris pa gces// rtag tu 'di la goms spyod na// de rjes sems dpa' nyid dang mnyam// 'di nyid glong du 'gyur bar bya'o// de nas glog gi 'od zer ni// kun nas sprin dang bral ba yis// ston pa kun tu bzang po la// tshig ni 'di skad nyid du gsol// kye kye ston pa kun tu bzang // ma 'ong
- 208a
sems can kun rgyud la// ston pa'i ye shes ji ltar gnas// 'di kun bdag gis ma 'tshal na// ston pa thugs rje chen pos gsungs// kun tu bzang po ston pa yis// zhal nas gsungs pa cang med par// tshig gi rgyal po 'di dag kun// ma gsungs 'khor gyi blo la snang // rnyog pa med pa'i rang sems dang / rtog pa med pa'i rang rig gnyis// 'dra'o 'dra 'o nor ra re// ma sgribs ting ga sa la snang ba dang // 'gro ba'i bsam rgyud zhen pa gnyis// 'dra'o 'dra 'o nor ra re// ma btsal bzhag pa'i bsgom pa dang // rtsa rlung sems kyi ngal bso gnyis// 'dra'o 'dra'o nor ra re// dran med rig pa yul snang dang // dran bsam 'gro drug 'khrul pa gnyis// 'dra'o 'dra 'o nor ra re// chos nyid dag pa'i bar do dang // yi dam lha yi sgyu lus gnyis// 'dra 'o 'dra 'o nor ra re// rang bzhin spa la sku'i zhing khams dang // theg pas 'amang ya'i sangs rgyas panyig// 'dra'o 'dra'o nor ra re// sku gsum 'bras bu'i mthar thug dang // sna tshogs ma nges lhun grub gnyis// 'dra'o'i dra'o nai ra ra re/ theg pa rnams kyi yid spyod dang // rig pa mngon sum lta ba gnyis// lta ba'i phyogs nas 'dra gnyis pas// 'dra'o 'dra 'o nor re re// rtsol med rig sku yul
- 208b
snang dang // mtshan ma bsgom pa'i gzugs brnyan gnyis// 'dra'o 'dra 'o nor ra re// rig pa'i mdzad sprod rol pa dang // 'gro drug 'khrul pa'i snang ba gnyis// 'dra 'o 'dra'o nor ra re// rang bzhin rnam dag thig le dang // rlung bzung mtshan bcas thig le gnyis// 'dra'o 'dra 'o nor ra re// chos sku rnam dag yul dbyings dang // mya ngan 'das pa'i grong khyer gnyis// 'dra'o 'dra 'o nor ra re// rang rig bsam pa bral ba dang // sems kyi byung tshor sna tshogs gnyis// 'dra'o 'dra 'o nor ra re// shwe rab rang rtsal rdzogs pa dang // yid kyi dran pa phyir shor gnyis// 'dra'o 'dra 'o nor ra re// gsang chen nges pa'i bde tshig dang // ldem dgongs bcud pa'i ga la tshig gnyis// 'dra'o 'dra 'o nor ra re// nges pa'i bcud gsum man ngag dang // mtshon pa dpe yi blo khrid gnyis// 'dra 'o 'dra 'o nor ra re// gal te gsang ba'i bden pa'i tshig/ nyid kyi zhal nas ma gsungs par// rmi lam lta bu'i mtshan nyid du// 'khor gyi sems dpa' rnams la no// shes rab rtogs spyod blo la snang / de ltar rang rang rgyud gro la nas// shin tu ngo mtshar nyid gyur nas// 'di skad tshig ni yang gsol to// kye ma ston pa kun tu bzang // nyid kyi zhal nas ma gsung
- 209a
par/ bden gnyis 'dra bzhi'i tshig rnams ni// bdag cag rnams kyang blo la yang // rmi lam lta bu'i tshig tu kho// 'di dag rnams ni ji ltar lags/ ston pa nyid kyis bdag la gsungs// de nas ston pa kun tu bzang // rang bzhin nyid kyi yul dag nas// glog gi 'od zer sprin bral la// 'di skad ces ni bka' stsal to// kye ma byang chub sems chen po// glog gi 'od zer sprin dang bral// nga yis bstan gyis khyod kyis zung // de ltar rmi 'ame lta bu'i tshig/ ngas ni tshig tu ma brjod kyis// khyod la sogs pa'i 'khor rnams kyi// blo yi steng du yid ches pa// ngas ni bshad pa ma yin gyi// nga la de yi bar dag tu// sangs rgyas stong phrag drug khri yis// lung rnams gcig tu dril nas bstan// de tshig khyed kyis thos pa legs// de kun sangs rgyas de dag dang // skal ba mnyam par 'gyur ba'o// mi rtog ye shes las byung ba'i// ma btsal bzhag pa'i man ngag gi/ ye yod dang po'i sangs rgyas rnyed// de tshe nga ni snang ba dag/ dag pa'i rtags ni chos rnams zad// 'di nyid zad pas 'khor ba stongs// 'khor ba nyid ni stongs pa'i rtags// rigs drug gzugs brnyan mi snang ngo // de ltar mi snang 'od kyi sku// 'gro dang 'ong dang 'dug pa dag/
- 209b
ji ltar ji bzhin sgra rig pa// 'di ni bden pa goms pa'o// bden goms rnal 'byor skal ldan pa// su sa ma rnyed pa'i nor bu rnyed// de la rin thang dpag tu med// dpag med nor dang 'phrad pa'i mis// sus ma mthong ba'i snang ba mthong // 'di nyid rang ltad nyid re che// de ltar sems la ltad che ba// chos can dum bu'i phyogs mas btab/ chos can dum bur sus tshad pa// 'dis ni rang rig spar gyis zin// de ltar zin pa'i skyes bu ni// sangs rgyas pas kyang sngar sangs rgyas// bden pa yi ni dkyil 'khor la// su yis lta bar nus pa de// rig sngags kun gyi gtso bor 'gyur// dpal ldan tshogs kyi bdag po zhes// he ru ka yi dbang rnams rdzogs// khyad par can zhes 'khor lo sgyur// mi de ngan song gsum 'da' zhes// 'das pa'i sangs rgyas thams cad kyis// 'di la lung 'di bstan par 'gyur// kye ma byang chub sems dpa' nyon// rnal 'byor skal dang gang ldan pa// khyad par 'di rtogs nyid du shes// sgra bzhi goms pa'i rnal 'byor pas// lus kyi rtags rnams mngon du 'byin// gang gi 'od la 'dris pa yi// sa rdo ri brag rang sar 'gag/ thig le dag la su goms pa// nya ga gcig goms pa'i rtsad kyang chod// ska la goms
- 210a
pa'i rnal 'byor pas// rigs drug gzugs kyang longs skur gsal// rig pa nyid la su goms pa// 'das ni chos rnams zad par 'gyur// snying po yang nas yang bsdus pa'i// nges pa 'di la gang goms pa// chos kun bslabs pa med par shes// de bzhin ma bsgoms ting 'dzin thob// de la grub pa'i mtha med pas// lung dang reg pa dus gcig rdzogs// sngags dang phyag rgya dkyil 'khor lha// mchod dang dbang dam tshig ni// ma btsal bzhag pa'i tshul du thob// 'das dang ma 'ongs da ltar rnams// skad cig gcig la dus gsum rdzogs// sa dang lam dang tshogs rnams ni// bgrod cing sbrang dang bsags med par// skal ldan sems la dus gcig rdzogs// gzhi dang lam dang 'bras bu ni// ji ltar gnas pa'i tshul du snang // ngo bo rang bzhin thugs rje ni// rnyog med rang sangs nyid du gnas// chos sku longs sku sprul pa'i sku// ma bskyed rdzogs pa'i tshul du thob// lta ba bsgom pa spyod pa yang // ma rten 'khor ba'i tshul du rdzogs// sangs rgyas chos dang dge 'dun dang // yi rdzogs rang gi lus la gnas// snang dang stong dang dbyer med ni// ma byas yi rdzogs nyid du gnas// sa dang chu dang me dang rlung // nam mkha' ye rdzogs
- 210b
tshul du gnas// dmigs pa dag pa'i rnal 'byor pas// dri ma med pa'i phyogs nas ni// gzung 'dzin med pa'i lta ba mthong // dpe bral ye shes gzhi dag la// nyan/ thos rang sangs rgyas rnams kyis// 'di kun rig pa rab tu dka'// gal te 'di nyid sus rig pa// stong gsum kun kyang til 'brur tshud// rgya mtsho chen po hu ba kyis btab// des ni re rib srang la ga ca la// khams gsum po ni gting nas bzlog/ srid pa gsum po brdar sha ba cad// sems can ma lus srog bcad nas// sangs rgyas rnams dang dbyer mi phyed// kun tu bzang po byang chub sems// me snang mi 'gyur lam rig gsal// gleng bral gting las 'dris pa'i mo// brjod/ med rang dag rnyed pa'o// 'di rnyed yon tan dpag tu med// dpag med sangs rgyas rnams dang mnyam// mnyam nyid shes pa kun gyi rje// rang rig mnyam pa'i rgyal po la// bla ma'i lung gi so gas la btab pa// 'dis ni gser 'gyur rtsi bzhin du// brjod du med pa'i glong zhes bya// gcig ces bya bar su sa shes pa// de ni gnyis kyi grangs zad par// kun bzang nga yi sems la shar// de la shar nub yongs kyis med// nub med snying po'i don 'di la// dang pas zhugs pa'i
- 211a
lung rab can// 'di kun sa te mi 'gyur rdzogs// 'gro ba'i mgon po dri med pa// 'dzad pa med pa'i thugs rje yi// zin pa med pa'i las rnams byas// chags dang bral ba'i yid kyis no// sngar ma mthong ba'i yul mthong bas// bla ma'i gdams pa rtsad rnams ni// dus ni skad cig mthag la chod/ kye ma yang nyon sems dpa' che// kun bzang nga la lta ba med/ lta ba med phyir snang ba zang // de bzhin sgom pa nyid kyang med// sgom pa med phyir dran pa 'gags// spong ba zhes ni brjod du med// spyod pa med phyir lus 'byung zad// zad pa 'di la mtha' rten na// mi de mi yi snang ba med// lha dang srid pa'i bdag po kun// 'di la skrag cing spangs nas ni// 'jig rten mthun pa'i gzugs bzung nas// 'phags pa'i bden pa nyid dang bral// 'khor ba'i dpung la mngon par zhen// 'di kun rang rig la spyod phyir// sngags 'jug pa yi yan lag gi/ thugs rje ldan pas sems gzung bya'o// de nas rig snang yul 'di bstan// / 'di la 'dris pas skal ba che// de yi phyir na kun bzang nga'i// 'di kun rig pa'i skyes bu ni// 'phags pa rnams dang rdzu 'phrul mnyam// sangs rgyas rnams
- 211b
kyis gsungs pa'o// ngas ni 'di kun yang che bar// tshig gis rnam par mtshon nas ni// yang dag gsang ba'i don rnams su// gzhung du rnam par bkod nas bstan/ 'di la 'bras bu su 'dris pa// rnal 'byor rnal 'byor rnal 'byor ro// zhes kun tu bzang po klong drug pa gsang ba'i rgyud chen po las/ chos nyid thams cad gtan la phab pa'i glong zhes bya ba ste gnyis pa rdzogs so// // lha min rnams gnas su dag par byed pa'i skabs zhes bya ste gnyis pa de nas yang ston pa kun tu bzang po nyid// chos nyid skye ba rab tu snang bar byed pa zhes bya ba'i ting nge 'dzin la snyoms par zhugs te/ zhal 'dzum pa mdzad pas/ zhal gyi sgo la sogs pa nas 'od zer stong phrag dpag tu med pa 'a phros te/ sangs rgyas dang / byang chub sems dpa' dang / nyan thos dang / rang sangs rgyas dang / lha dang / mi dang / lha ma yin dang / mkha' 'gro ma la sogs pa rnams kyis yid kyi rtog pa rnams rnam par skya bas so// de nas 'khor de dag gi nang nas/ byang chub sems dpa' sems dpa' chen po 'od zer kun tu mtha' yas pa zhes bya ba stan las langs te/ bla gos phrag pa gcig tu
- 212a
gzar nas/ ston pa kun tu bzang po la ma chags pa'i mchod pa rnams kyis mchod de/ maglengs pa'i tshig gis 'di skad ces gsol to// ston pa kun tu bzang po lags/ 'gro ba drug gis bsdus pa'i sems can rnams la/ sems nyid ces ces pa ji lta bu zhig lags/ 'di bdag gis ma 'tshal na// ston pas gsung du gsol/ de nas ston pa kun tu bzang pos ting nge 'dzin las bzhengs nas/ 'khor rnams kyi nang du 'di skad bsgrags so// kye 'od zer kun nas mtha' yas pa'i byang chub sems dpa'/ 'khor 'di dag gi nang du ngas seng ge'i sgra sgrags kyis/ khyod la sogs pa rnams dbang po rab tu dang bas nyon cig/ rigs drug gi sems can la sogs pa 'di dag rnams ni sems kyis bsdus pas ni/ sems can zhes tshig thams cad du byung ba'o// byang chub sems dpa' khyod sems la rnam par dad na 'di ltar yid la zung zhig/ mnyam par gnas pa'i sems nyid la// khyab brdal chen po'i yul snang bas// gnyis med snang ba ye 'brel zhes// kun tu bzang po nga yis bstan// mtshan ma med pa'i sems nyid la// chos rnams grangs su snang ba ni// rang grol gnyis med ces bya bar// kun tu bzang po nga yis bstan// brjod du med pa'i sems
- 212b
nyid la/ gleng gzhi bral ba'i tshig snang ba/ smra bsam yul las 'das pa zhes// kun tu bzang po nga yis bstan// btsal du med pa'i sems nyid la// rang byung chen// po rang snang ba// rang byung ye shes chen po zhes// kun tu bzang po nga yis bstan// dri ma med pa'i sems nyid la// yul rkyen bral ba'i snang ba ni// rang dag chen po'i/ dgongs pa zhes// kun tu bzang po nga yis bstan// rtog pa med pa'i sems nyid la// ma gzung 'gag med rang snang bas// rang rig gsal ba'i yul ngo shes// kun tu bzang po nga yis bstan// bsams pa med pa'i sems nyid la// rang gnas lhun 'byams snang ba ni// sgra bzhi rang log dgongs pa zhes// kun tu bzang po nga yi bstan// dran pa med pa'i sems nyid la// 'gyu byed rang dag snang ba ni// 'dzin pa rang grol bsam gtan zhes// kun tu bzang po nga yis bstan// byung tshor med pa'i sems nyid la// ma bsams lhag mthong snang ba ni// 'gro 'ong zad pa'i dgongs pa zhes// kun tu bzang po nga yis bstan// gzung ba med pa'i sems nyid la// ma 'gags dag pa'i snang ba ni// rol pa chen po'i ting 'dzin zhes// kun tu bzang po nga yis bstan// 'dzin pa med pa'i sems nyid la// rang shar snang ba chen po ni//
- 213a
ma 'gags mi rtog dgongs pa zhes// kun tu bzang po nga yis bstan// zug rngu med pa'i sems nyid la// bdag rtog bral ba'i snang ba ni// rang bzhag chen po'i dgongs pa zhes// kun tu bzang po nga yis bstan// rtag chad med pa'i sems nyid la// bzang ngan med pa'i snang ba ni// spang slang bral ba'i dgongs pa zhes kun tu bzang po nga yis bstan// blang dor med pa'i sems nyid la// phyogs med rang grol snang ba ni// khyab brdal chen po'i dgongs pa zhes// kun tu bzang po nga yis bstan// bying rgod med pa'i sems nyid la// btang snyoms chen po'i bsgom pa ni// tshogs drug lhug pa'i dgongs pa zhes// kun tu bzang po nga yis bstan// yang med pa'i sems nyid la// re dogs bral ba'i snang ba ni// ye bzhag gdeng ldan dgongs pa zhes// kun tu bzang po nga yis bstan// snang cha med pa'i sems nyid la/ nyag gcig cha phra'i snang ba na// spros bral chen po'i dgongs pa zhes// kun tu bzang po nga yis bstan// de ltar dgongs pa dgongs pa ru// sems kyang gtan la phab pa yi// rnal 'byor sems la dbang yang thob// dri mas bcings pa las grol ba'o// de nas byang chub sems dpa' ni// 'od zer
- 213b
kun tu mtha' yas pas// ston pa kun tu bzang po la// 'di skad tshig gis yang zhus so// kye kye ston pa kun tu bzang // med pa'i sems nyid de ltar na// yod pa'i sems nyid ji ltar lags// 'di dag bdag la bka' stsol cig/ ston pas gsungs pa sems dpa' che// nga yis bstan gyis nga la nyon// yod pa rnams ni 'di/ lta ste/ skye ba yod pa'i sems nyid la// 'gro drug snang ba rang shar bas// tha dadang gzugs rnams 'dzin pa ni// snang ba gzugs su smon par rdzogs// 'gag pa yod pa'i sems nyid la// mi rtag rgyu ru rang shar bas// rang bzhin med pa'i snang bar na// dper na rmi lam bzhin du rdzogs// spros pa yod pa'i sems nyid la// sna tshogs snang ba rang shar bas// sgo lnga so so'i snang bar ni// rang sa bzung ba'i cha nas rdzogs// bstan du yod pa'i sems nyid la// sgra tshig ming rnams rang shar bas// tha snyad blo rnams rang dag par// bla ma'i man ngag gsang ba rdzogs// mthong du yod pa'i sems nyid la// byung rkyen du ma rang shar bas// snang ba'i yul la mngon par ni// ma 'dres rang gsal nyid du rdzogs// rgyun du yod pa'i sems nyid la// snang ba'i phung po so sor shar// zung 'jug chen po'i rang 'brel bar// mi brjed gzungs dang ldan par
- 214a
rdzogs yul du yod pa'i sems nyid la// snang ba rnams ni rang shar bas// bdag 'dzin gnyis po rang dag par// yul drug rnams ni so sor rdzogs/ brjod du med pa'i sems nyid la// rgyud dang lung dang man ngag ni// gcig la gcig rten gcig par ni// grub pa'i mtha' dang bcas par rdzogs// sgom du yod pa'i sems nyid la// zhi gnas lhag mthong rang shar bas// mnyam par bzhag dang rjes su ni// mi g.yo bsam gtan nyid du rdzogs// lha ru yod pa'i sems nyid la/ snang srid gcig par rang shar bas// khams gsum rang sar grol ba ni// a ti rang bzhag chen por rdzogs// thob tu yod pa'i sems nyid la// re ba nyid dang rang dag pas// rtsol bsgrub rnams dang bral bar ni// sku gsum rang la log par rdzogs// bgrang du yod pa'i sems nyid la// theg pa so sor rang shar bas// 'dod rgyal yad dpyod min par ni// snying po yang gsang chen por rdzogs// dmigs su yod pa'i sems nyid la// snang ba sna tshogs rang shar te// ming dang kha dog so sor ni// gzugs su rnam pa gnyis su rdzogs// dpag tu yod pa'i sems nyid la// snang ba'i yul la ba de na shar te// ga tad pa'i sa nyid rang shar du// dmigs pa'i rten dang
- 214b
bcas te rdzogs// bsgrag tu yod pa'i sems nyid la// ngo mtshar tshig kun rang shar bas// brjod bya kun gyi gzhi mar ni// ston pa'i tshig dang bcas par rdzogs// bzhag tu yod pa'i sems nyid la// snang ba rang bzhag gzhir shar bas// bcog bzhag chen po'i lta bar ni// btsal ba med pa'i tshul du rdzogs// ba skyur du yod pa'i sems nyid la/ nyon mongs rnams ni rang shar bas// dug las sman du bsgyur ba bzhin// sku dang ye shes gnyis su rdzogs// dag tu yod pa'i sems nyid la// sgo lnga'i yul rnam rang dag par// ma rnyogs chu yi rang dag bzhin// snang ba rnams ni rang sar rdzogs// grol du yod pa'i sems nyid la// 'di ltar snang ba'i yul 'di dag/ sbrul gyi mdud pa rang grol bzhin// rang gi 'dug par grol te rdzogs// gzhan du yod pa'i sems nyid la// rang snang dag pa'i tshad rnams ni// bre srang tshang la phab pa bzhin// nyi mas myong gong nas gong du rdzogs// de ltar yod pa'i sems nyid ni// snang ba kun gyi bdag por byung // de nyid byung bas sems can gyi// dri ma thams cad rang dag pa'o// de nas byang chub sems dpa' ni// 'od zer kun tu mtha' yas pas// ston pa kun tu bzang po la// 'di skad chog gis rab zhus pa// kye kye ston pa kun tu bzang // yod pa'i sems
- 215a
nyid de ltar na// snang ba'i sems nyid ji ltar lags// ston pa thugs rje che mnga' bas// rim pa bdag la phye nas gsungs// ston pas gsungs pa sems dpa' che// sems 'dzin pa yi rnal 'byor pas// 'di ltar nyid du rnam par bshad// tshogs drug snang ba'i sems nyid la// rtogs tshogs rnams ni rang sar dag sgra tshig snang ba'i sems nyid la// tha snyad ming rnams rang sar dag/ rags pa snang ba'i sems nyid la// 'byung bzhi'i rkyen rnams rang sar dag/ gzung 'dzin snang ba'i sems nyid la// bcings pa'i bdag 'dzin rnams par dag/ yod par snang ba'i sems nyid la// dngos po rnams ni rang sar dag/ med par snang ba'i sems nyid la// stong pa nyid rnams rang sar dag/ yod dang med pa'i sems nyid la// grub pa'i mtha' rnams rang sar dag/ chos su snang ba'i sems nyid la// rang gi mtshan nyid rang sar dag chos med snang ba'i sems nyid la// 'khrul pa rnams ni rang sar dag/ gnyen por snang ba'i sems nyid la// dri ma rnams ni rang sar dag/ babs su grub pa'i sems nyid la// gzhi bzhag chen po rang sar dag/ thogs babs chen po'i sems nyid la// snang ba thad kar rang sar dag/ yin par snang ba'i sems nyid la// rdzun gyi tshig rnams
- 215b
rang sar dag/ min par snang ba'i sems nyid la// ma byin len pa rang sar dag/ yin dang min pa'i sems nyid la// mi tshangs spyad pa rang sar dag/ 'chal pa med pa'i sems nyid la// ngag 'khyal rnams ni rang sar dag/ yul la snang ba'i sems nyid la// phra ma'i tshogs rnams rang sar dag/ 'gyu bar snang ba'i sems nyid la// 'dod log rnams ni rang sar dag/ ka nas dag pa'i sems nyid la// srog gcod pa yang rang sar dag/ rkyen du snang ba'i sems nyid la// brna ba sems rnams ni rang sar dag/ 'bras bur snang ba'i sems nyid la// gnod sems rnams ni rang sar dag/ sgra ru snang ba'i sems nyid la// grags pa rnams ni rang sar dag/ gzugs su snang ba'i sems nyid la// 'dzin pa'i cha rnams rang sar dag/ dri ru snang ba'i sems nyid la// shes pa'i cha rnams rang sar dag/ ro nyid snang ba'i sems nyid la// myong byed shes pa rang sar dag/ reg tu snang ba'i sems nyid la// reg bya'i shes pa rang sar dag/ chos nyid snang ba'i sems nyid la// s+thi dang rang 'dzin rang sar dag/ bdag/ tu snang ba'i sems nyid la// zhen pa'i blo rnams rang sar dag/ bdag med snang ba'i sems nyid la// cha dang bral bas rang sar dag/ zag bcas snang ba'i sems nyid la//
- 216a
bskyed pa'i 'byung ba rang sar dag/ zag med snang ba'i sems nyid la// 'khrul rkyen dri ma rang sar dag/ dmigs par snang ba'i sems nyid la// dmig byed cha rnams rang sar dag/ blo tshogs snang ba'i sems nyid la// tshor ba rnams ni rang sar dag/ yid du snang ba'i sems nyid la// dpyod byed cha rnams rang sar dag/ gzugs su snang ba'i sems nyid la// 'byung ba 'dus pa rang sar dag/ rnam shes snang ba'i sems nyid la// rgyu rkyen rnams ni reng sar dag/ tshor bar snang ba'i sems nyid la// nyams myong rnams ni rang sar dag/ 'du shes snang ba'i sems nyid la// gzung 'dzin cha rnams rang sar dag/ 'du byed snang ba'i sems nyid la// nyon mongs grangs rnams rang sar dag/ rtog 'dzin snang ba'i sems nyid la// dran pa'i gzungs rnams rang sar dag/ ces ston pa nyid kyis gsungs pas// byang chub sems dpa' sems dpa' chen po 'od zer kun tu mtha' yas pa la sogs pa'i 'khor de dag gis// sems la ji lta ba bzhin du dbang thob nas// rdo rje chen po'i lta stangs dang ldan par gyur to// de nas yang 'od zer kun tu mtha' yas pa'i byang chub sems dpa' sems dpa' chen pos// ston pa kun tu bzang po la 'di skad ces zhus so// kye ston pa kun tu bzang po sems
- 216b
su snang ba de dag rnams kyi don ji lta bu lags// 'di bdag gis ma 'tshal na// gsung gi mnga' bdag chen pos gsung du gsol/ ces gsol pa dang / de nas ston pa kun tu bzang pos bka' stsal pa/ kye byang chub sems dpa' sems dpa' chen po khyod nyon cig/ sems kyi bye brag bsam gyis mi khyab kyang / 'di dag gi don 'di ltar shes par bya'o// rig pa dang rig pa las byung ba'i sems nyid dang / rang gi mtshan nyid 'dzin pa'i sems rnams so// yang gsol pa/ kye ston pa kun tu bzang po/ rig pa dang rig pa las byung ba'i sems nyid de gang lags/ rang gi mtshan nyid 'dzin pa'i sems gang lags/ 'di kun bdag la gsung bar zhu zhes gsol bas// ston pas gsungs pa kye sems dpa' chen po/ rig pa dang rig pa las byung ba'i sems nyid dri ma dang rnam par rtog pa thams cad las 'das pa ste/ mdor na mya ngan las 'das pa'i rgyu dang 'bras bu thams cad de/ rig pa rang snang mthong ba'i skyes bu rnams kyi spyod yul lo// rang gi mtshan nyid 'dzin pa'i sems ni/ 'di ltar brtag par snang ba thams cad dang / yod par snang ba dang / de bzhin du med par snang ba thams cad dang / snang ba dang / grags pa dang / lta ba dang / sgom pa dang / spyod par snang ba
- 217a
thams cad dang / 'dzin pa dang / rtog pa dang / nyon mongs pa rnams te/ bsam pa'i yul du snang ba thams cad yin no// mdor na 'khor ba'i chos thams cad ni/ rang gi mtshan nyid 'dzin pa'i sems te/ 'gro ba rigs drug gi rang ka ma'i snang ba thams cad do// kye sems dpa' chen po sems dang ye shes rang gi ngo bo ma phyed na nyi ma sprin phung gis bsgribs pa dang 'dra ste/ phyir snang ba'i don byed mi nus so// de'i phyir na sems la mkhas pa'i rnal 'byor pa rnams kyis/ phyi rol yul gyi bdag med du rtogs/ ye shes la mkhas pa'i rnal 'byor pa rnams kyis/ rig pa nyid kyi ye shes la dbang sgyur ba'o// yang gsol pa kye ston pa kun tu bzang po/ sems kyi gnas gang lags/ ye shes de'i gnas gang lags/ bstan du gsol ces zhus so// yang bka' stsa la pa/ kye sems dpa' chen po// sems kyi gnas ni kun gzhi yin no// de ci'i phyir zhe na/ kun gzhin bsam pa'i yul thams cad sdud cing sems su 'du shes pa'i phyir ro// ye shes kyi gnas ni chos sku yin no// de ci'i phyir zhe na/ chos kyi sku ni dran rtogs thams cad mi mnga' zhing / yul can tha dad du 'dzin pa'i shes pa med pa'i phyir ro// byang chub
- 217b
sems dpa' sems dpa' chen po 'od zer kun tu mtha' yas pa de'i phyir na kun gzhi dang chos sku ma phyed na/ gzugs gcig la tha dad du 'dzin pa'i shes pa dang 'dra ste/ don sor snang bar mi nus so// 'di ltar snang ba dang / mi snang ba dang / yod pa dang / med pa thams cad la sems kyis ma khyab pa gang yang med do// de ltar chos nyid brdal ba chen po la/ chos can tha dad du snang ba gcig tu 'dus te/ gnas mi 'gyur bar rang 'dug/ lam mi 'gyur bar rang byung / yu la mi 'gyur bar rang brda la/ snang ba mi 'gyur bar rang brdal ba ni/ kun tu bzang po'i mdzad spyod yin no// kye sems dpa' chen po/ chos sku nam mkha' lta bu la/ longs sku skar ma'i tshogs lta bur rang shar nas/ sprul sku sprin dpung lta bu rang 'dus te/ sems can kun gyi don ma 'gags par byed pa ni/ sangs rgyas kun gyi mdzad spyod dang // sems can kun gyi rang spyod gnyis// 'dra ga zhi gcig la khyad par che// de ltar kun bzang nga yis bstan// 'di la 'di 'dris su yin pa// kun bzong nga dang skal ba mnyam// zhes kun tu bzang po glong drug gi rgyud gsang ba chen po las/ sna tshogs spros pa sems su gtan la dbab pa'i glong zhes bya ste gsum pa rdzogs so// // mi'o skye gnas rnam par dag pa'i
- 218a
skabs zhes bya ba ste gsum pa'o// // de nas ston pa kun bzang nyid sangs rgyas thams cad kyi snang ba rjes su dran pas/ sems kyi sdug bsngal rnam par dag pa zhes bya ba'i dgongs pa las bzhengs te/ mi snang ba seng ge rnam par rtse ba zhes bya ba'i tshig 'khor gyi nang du 'di skad du gsungs pa'o// 'khor ba'i thog ma nga yin te/ mi zad pa rgyun gyi shes pa rang 'dzin du gnas pa'o// de'i phyir na 'khor ba rnams kyi tha mar yang dbyung ba yin pas/ zad pa shes pas don nyag gcig tu go ba'i rnal 'byor pa'o// kye nga'i 'khor du 'dus pa'i sangs rgyas dang / byang chub sems dpa' dang / nyan thos dang / rang sangs rgyas dang / lha dang / mi dang / lha ma yin la sogs rnams kyis/ 'khor ba nyid kyis thog mtha' dpyad pa la mkhas par bya'o// zhes tshig tu bsgrags pas// 'khor de dag ga ning nas/ byang chub sems dpa' sems dpa' chen po nyi ma 'dus pa'i 'od zer zhes bya bas/ 'di skad ces ston pa kun tu bzang po la gsol to// kye ma kye ma ston pa kun tu bzang po/ sangs rgyas thams cad kyi 'khor ba thog mtha' bcad pa'i dus de lags sam/ ston pa nyid kyis 'khor ba thog mtha' bcad ba de lags sam/ 1'de bstan
- 218b
pa la bdag nyan par 'tshal// de nas ston pa kun tu bzang pos bka' stsal pa/ kye byang chub sems dpa' sems dpa' chen po nyi ma 'dus pa'i 'od zer khyod nyon cig/ 'khor ba thog mtha' bcad pa zhes bya ba ni/ ngas ji ltar bcad pa de bzhin du sangs rgyas thams cad kyis kyang bcad pa yin no// sangs rgyas thams cad kyis bcad pa bzhin du ngas kyang bcad pa ste/ tha dad pa ni ma yin no// de bzhin du byang chub sems dpa' khyod kyis kyang rig par gyis shig/ nga kun tu bzang po spros pa thams cad nye bar zhi nas/ 'gran zla med par sangs rgyas pa'i tshe/ chos thams cad kyi mig rdul dang bral ba zhes bya ba rnyed do// zhing khams kun tu mtha' yas pa mthong nas/ snang ba phyi nang gnyis su med par 'dres pa'i tshe/ glong rnam par dag pa'i dgongs pa thob ste/ de'i tshe 'khor ba thog mtha' chod pa zhes bya'o// de nas byang chub sems dpa' sems dpa' chen po nyi ma 'dus pa'i 'od zer gyis 'di skad ces ston pa kun tu bzang po la gsol pa/ kye ston pa kun tu bzang po/ thog ma ston pa nyid med pa'i sngon rol na/ 'di ltar sems can sems can zhes kyang ma grub/ sangs rgyas sangs rgyas zhes bya bar yang ma grub pa'i sngon rol na/ gzhi 'di ltar gnas pa lags/ 'di bdag gis ma 'tshal na/
- 219a
ston pas bstan du gsol zhes zhus so// de nas ston pas bka' stsal pa// kye ma byang chub sems dpa' che// nga yis bstan gyis ngal nyon/ thog ma babs kyis grub pa'i gzhi// yod pa gcig las med pa la// 'khrul par snang ba'i phyogs dag nas// rtogs pa rnams kyis gtan phab na// rim pa bdun gyi tshul du snang // rim pa bdun gyi snang ba yang // ngo bo gcig gis snang tshul las// gcig ma shes pas de ltar snang // 'on kyang de don 'di ltar te// lhun grub nyid du gnas pa la// sna tshogs bsdus pa snying por snang // nges pa med par gnas pa la// 'gyur byed yid bcas rnam par snang // nges par rang ngo gnas pa la// dran byed 'pho ba med par snang // bsgyur du btub par snang ba la// 'bad de blo yi rnam par snang // spri yi ngo bor gnas pa la// gang snang rang gi ngo bor snang // khra bo dag tu gnas pa la// sna tshogs so so'i tshul du snang // ka nas dag par 'dod pa la// dri ma ye nas med par snang // 'di kun blo yi rim pa las// rang ngo ka nas dag pa'o// de kun brjod pa'i tha snyad tsam// yang na yod pa'i med snang bas// don gyi 'khrul pa'i blo rims phye// des na 'di dag snang ba'o// nyi ma 'dus pa'i 'od zer gyis// ston pa nyid
- 219b
la yang gsol pa// kye kye ston pa kun tu bzang // lhun grub ces bya'i gnas lugs de// nges pa kho nar gzhi lags sam// 'on te snang tshul nyid kyi gni// 'di la rten pa/ don rnyed dam// yang na 'di nyid shes bya las// dang du blang bas lags sam// 'di kun pa dag la ston pas gsung sa/ ston pas gsungs pa sems dpa' che// ngas bstan khyod kyis legs par zung / de nyid don yang 'di lta ste// 'di nyid shes par bya ba las// dang du blang ba ma yin no// snang ba nyid kyi tshul tsam las// 'di la rten pa ma yin no// de ltar gnas pa'i gzhi de/ la/ lhun grub mtshon pa'i bdag nyid do// de nas sems dpas yang gsol pa// kye ma ston pa kun tu bzang // lhun grub sna tshogs gzhi de yis// yang dag gzhi nyid ma lags te// gal te yin na'ang 'di ltar 'gyur// 'di dag sems can 'bad pas ni// grol ba nyid du mi 'gyur te// ma rig nyid kyis spags pa'i phyir// rig pa yod pas grol gsungs na// 'bras bu'ang grol nyid mi 'gyur ram// dper na sol ba nag po la// byi dor dag gis dkar po yi// mdog tu 'gyur bar mi nus bzhin// rgyu dang 'bras bu tha dad pa// yang na lhun grub ma lags so// de bzhin rgyu dang 'bras gcig ni// 'bad pa rnams la dgos med 'gyur// de phyir lhun grub ces pa'i gzhi// don
- 220a
ngo btub pa lags ma lags// kun tu bzang pos pa dag la gsungs// ston pas gsungs pa sems dpa' che// ji ltar khyod kyis go ba bzhin// 'di nyid shes bya'i chos can las// yang dag ngo bo ma yin no// nyi ma 'dus pa'i byang chub sems// ston pa nyid la 'di skad gsol// kye kye ston pa kun tu bzang // ston pa nyid kyis sngar gsungs pa'i// ma nges gnas pa'i gzhi gsungs pa// 'di yang gzhi nyid mi btub par// ba dag gi blo rim 'di ltar go/ 'bras bu re sa log can nyid dam// yang na ldog bcas nyid du 'gyur// ma nges nges pa mi btub par// bdag gis blo rim 'di ltar go/ 'gyur zhing ma nges pa ni ngas can 'gyur// rang gi ma nges rang yod pas/ nges pa yin na las mtha' bzhin// 'di kun shes bya ma lags sam// ston pas gsungs pa de bzhin no// yang gsol nyi ma 'dus pa yis// kye kye ston pa kun tu bzang // nyid kyi gong du gsungs pa yis// nges pa'i gzhi zhes bstan pa la// 'di yang yang dag snying po med// dper na mig ser can dag la// dung la ser po snang ba bzhin// rang la ldog pa'i khyad kyis ni// rang gzhan gnyis med nges mtha' khral// de phyir de yang yang dag min// yang na rgyur nges 'bras nges pas/ kha dag brtag pa dang khyad med
- 220b
'gyur/ 'di yang shes bya ma lags sam// gsungs pa de yang gong dang mtshungs// de nas 'di skad yang gsol pa// myur du btub ces sngar gsungs pa// rang gi gnas lugs bsgyur btub na// 'di yang nges pa med par mtshungs// 'bras bu nyid ni bsgyur ldog phyir// 'bad pa rnams la dgos med pas// yang dang yang du ldog pas na// bems po rnams ni reg bcas su// 'gyur ba rabatub pa ma yin zhing // 'di yang shes bya ma lags sam// gsungs pa de yang de bzhin no// byang chub sems dpas yang gsol pa// ston pas gong du phra bor gsungs// de yang phyogs dang mi 'thad pas// rgyu gcig 'bras bu tha dad pas// gang gi ngo ba de snang bas// 'bras bu tha dad don de mtshungs// mang ba'i sgra yis nyams pa'i phyir// 'di yang shes bya ma lags sam// gsungs pa de yang de bzhin no// yang gsol ston pa kun tu bzang // khas len rnam dang ldan par ni// ston pa nyid kyi sngar gsungs pa// 'di kun phyogs kyi 'phen pa tsam// thams cad yin ngor bsgrub pa'i phyir// thub pa med pa'i skyon 'gyur bas// 'di yang shes bya ma lags sam// ston pas gsungs pa sngar dang mtshungs// de nas byang chub sems dpa' yang // nyi ma 'dus pa'i 'od zer gyis// ston pa kun
- 221a
tu bzang po la// tshig na 'di skad rab tu gsol// kye kye ston pa kun tu bzang // ston pa nyid kyis sngar gsungs pa'i// ka nas dag pa'i gzhi zhes gsungs// de yi mtshan nyid bzhugs tshul gang // bdag la gsungs shig kun tu bzang // de nas ston pas bka' stsal pa// kye ho sems dpa' chen po nyon// ngas bstan tshig la 'khrul med pas// khyod kyis 'di la legs par zung // spros bral chos nyid ka dag ni// rang ngo rnam dag snying po'i gzhi// de la tshig dang yi ge bra la// brjod pas gtan la dbab tu med// sgro 'dogs tha snyad kun bral te// gzung dang 'dzin pa'i rnam rtog med// sangs rgyas med cing sems can med// chos dang chos kyi 'du shes med// gang med ci med ci yang med// de ltar med pa'i snying po la// re zhig tshig gis gtan phab na// rang bzhin du ni lhun grub bo// mtshon cha nyid la de ltar ro// sems dpas kun bzang la gsol pa// ngo bo nyid la ka dag pas// sems can 'khor ba 'di mi rigs// ma rig dri ma ye zad phyir// ston pas gsungs pa sems dpa' che// rang bzhin lhun gyis grub pa'i phyir// de yang ma 'gags rol par snang // sems dpa' nyid kyis yang gsol pa// rang bzhin nyid la lhun grub na// sems can 'di dag rang gro la rig
- 221b
ye nas lhun gyis grub pa'i phyir// gsungs pa sems can 'di dag ni// ngo bo ka nas dag pa'i phyir// grol ba rnams kyang rol par snang // byang chub sems dpas yang gsol ngo bo nyid ni ki dag pas// lhun grub la yang dgos med 'gyur// yang na lhun gyis grub pa'i phyir// ka nas dag pa med par 'gyur// ston pas gsungs pa'i 'dug tshul la// gang gis brjod pa'i tshig med pas// brjod pa'i sgra tshig dang bral bas// ci'i phyir ngo bor grub med phyir// tshig gis 'di la gnod pa bral// sems can pa dag 'dzin blo yul la// sna tshogs dran bsam ma 'gags pas// tshig gnod ngo bo khyad par med// don dam kun rdzob tha snyad phyir// de nas nyi ma 'dus pa yi// 'od zer gyis ni yang gsol pa/ kye kye ston pa kun tu bzang // gzhi de'i mtshon tshig de ltar na// de nyid bzhugs tshul ji ltar lags// 'di nyid bdag gis ma 'tshal gsungs// kun tu bzang pos bka' sku la pa/ kye ma byang chub sems dpa' che// 'di nyid ltar ni yang zung zhig/ ye shes nyid ni rnam gsum gyi// gzhi yi khyad par tshig tu bstan// ngo bo ka dag ye shes kyis// / ma rig pa yi dri ma bral// rang bzhin lhan grub ye shes kyis// 'khrul pa'i tshig ni gnod pa bral// thugs rje kun khyab ye shes kyis// thams cad dbyings gcig 'brel bar
- 222a
snang // de yang re zhig tshig mtshon tsam// de ltar chos nyid ka dag la// ye shes med cing sku yang med// 'od med kha dog rnams dang bral// gang gi ngo bor grub med pas// ma rig pa dang nyon mongs kyang // smos ci dgos te yod ma yin// rang bzhin nyid kyi snang ba la// mtshan par 'dzin pa ye med de// kha dog ma yin rang gsal bas// shes shing rig pa'i cha rnams tsam// 'dzin pa'i gzung yul gang med phyir// rnam par rtog pa'i 'dzin cha med// 'od las 'das pa'i ye gdangs su/ ye nyid nas ni khyab par gnas// sku las 'das pa'i rang gdangs su// rnam dag phyag rgya chen por gnas// 'on te rang bzhin snang ba la// mtshan ma dmigs par ye med do// don gyi cha la 'di ltar gnas// rang gdangs byed pa dkar po'i cha// gting gsal chen po nyid du gnas// gting gsal ngo bo skrag bskyed pa// snang ba rang zad ser po'i cha/ mi sngon gting nas rang ngo gsal// rang ngo chags med gdangs bskyed pa// rang gis bcings pa dang bral ba'i// chags sdang rang zad dmar po'i cha// gting gdangs ma 'dres chen por gnas// ma 'dres so so'i cha 'dzin pa// bya btsal skyod pa rang bral ba'i// mdzad pa med pa'i ljang khur ni// thog ma rnams kyi zer du yang // mi sngon gta
- 222b
nas gsal ba'i cha// gting gsal khyab pa 'bral med pa// 'gyur med rdzogs pa'i mthing khar ni// ye rdzogs byas pa med par gnas// de ltar de yi rang bzhin la// ni snang ba mtshan nyid bral// ye nas rang dag chen po la// rdzogs pa rnams kyi rtse mor gnas// 'di la dbang por snang ba med// rdos bcas mtshan ma rang dag phyir// ga ti// gsal chen po'i gzhi mar gnas// khyab dang khyab pa nyid kyis stong // byang dang chad pa med snang bar// gsal byed snang ba'i cha ma 'gags// snying po thams cad bcud bsdus pa'i// dri ma med cing rang sar dag/ sangs rgyas rnams kyi gsang chen du// rang bzhin gyi ni che la bzhugs// thugs rje snang cha sna tshogs las// stong cha 'gag pa med pa nyid/ shes bya ye shes rnam gnyis su// snang ba'i cha las snang bar ni// med pa'i snang ba rang dag las// rang bzhin shugs kyi thugs rje ni// mdzad pa'i rtsol ba ye med pas// ma byas snang ba'i tshul dag tu// ye nas 'byed pa med par snang // nyi ma la ni 'od bzhin du// rang gis byas pa ma yin te// rang gi rang bzhin de ltar snang // shes bya'i ye shes gnyis med na// bems po rnams dang khyad ci yod// yang na stong par 'chad du// 'di nyid 'gyur ba kho na'o// shes bya ji lta nyid mkhyen pa'i// thugs rje'i cha yi
- 223a
ye shes kyi// rang gi dngos po'i gnas lugs mkhyen// ye shes de yi cha med na// 'byung bzhi'i gzugs dang khyad ci yod// shes bya ji snyed mkhyen/ pa yi/ thugs rje ye ni ye shes kyis// gdul bya rnams kyi bsam pa mkhyen// 'di med nam mkha' nyid dang mtshungs// de phyir thams cad mkhyen pa yis// ye shes thug rje'i cha la snang // 'di kun dran pas bzung ba min// rang bzhin nyid du gnas pa las// gzung 'dzin rags pa mi gnas so// gting gsal phra ba'i char snang ba// 'di ni sems can rnams kyi lam// gong du sa bon bzhin du 'phel// 'di yi snang ba ma 'gags pas// rang 'thun sman gyi nus pa bzhin// rigs drug rnams dang mthun par snang // de yi phyir na thugs rje'i 'o// de phyir rang ga shis 'dug tshul las// ngo bo nyid dang rang bzhin dang // thugs rje yini snang ba dag/ blo can rnams la snang ba'o// ngo bo gang du ma grub pas// rang bzhin snang cha gsal bar snang // thugs rje'i cha la ye shes gnyis// bya dang byed pa med par shar// shar snang blo rim gnyis kyi phyir// ye shes mdzad pa 'di lta bu// rtsol sgrub rnams dang bral bar snang // sangs rgyas rnams kyi ye shes ni// gzhi nas 'di ltar snang ba dag/ de ltar snang ba'i 'dug tshul la//
- 223b
ngo bo'i'achi nas phar ltas pas// dge dang mi dger grub pa med// srog med gcod pa'i 'du shes bral// gang gi ngo bor grub pa med// mi mdzad snang ba'i bdag por gnas// de ltar gnas pa'i gzhi de la// lha dang sgom dang sprod pas kyang // de yi phyogs cha mthong ba med// sngags dang ting 'dzin bsam gtan gyis// de yi grwa la reg mi nus// sbyin dang tshul khrims bzod pa dang // brtson 'grus bsam gtan shes rab kyis// 'di la phan dang gnod pa bral// rgyud dang lung dang man ngag gis// 'di la dgongs pa rdul cha med// dbang dang dam tshig sdoms pas kyang // 'di la phan dang gnod ma bskyal// dus gsum bzhugs pa'i sangs rgyas kyis// 'di nyid nam yang mthong ba med// de yi phyir na dngos gzhi 'di// tshig gis gtan la dbab par dka'// brjod pa thog tu phebs pa med// bsam pas 'di rjes mi chod do// mngon sum thabs la gang goms pa// 'dis ni skyes bus mda' 'phangs bzhin// slar la ldog pa ma yin no// zhes kun tu bzang po glong drug pa'i rgyud gsang ba chen po las// gzhi dang po'i gnas lugs gtan la phab pa'i glong zhes bya ba ste bzhi pa rdzogs so// / khyol song gi skye gnas dag par byed pa'i skabs zhes bya ste bzhi pa'o//
- 224a
/ de nas ston pa kun tu bzang pos chos nyid mnyam pa chen po'i rgyan rnam par rol pa zhes bya ba'i dgongs pa la/ mnyam pa nyid du gnas par gyur te/ de'i tshe sangs rgyas mdzad pas 'jig rten gyi khams thams cad til gyi gang bu bzhin du/ sangs rgyas kyi mdzad par rang shar/ rang snang / rang grol// rang rig/ rang thob nas/ lha dang mi la sogs pa rnams kyis kyang / stong nyid kyi rang shugs kyi sprod pa la gnas nas/ shes pa rnams ji mi mnyam pa'i glong du rang dag nas/ rang sangs/ rang sad/ rang rnyed nas/ dran pa'i rgyun rnams dus gcig la chad do// bsam po thams cad kyang rang bzhin gyis rnam par dag nas/ dgongs pa rnams cig car dang / rim gyis dang thar chags dang / thod rgal dang / ye dag dang / ye gnas dang / ye rdzogs dang / ye 'byung dang / ye bkod dang / ye grol chen por rang grol nas/ rang la rang ngo mtshar rang la rang yid ches/ rang la rang stobs skyes nas/ de dag thams cad kyis kun tu bzang po la mgrin gcig tu thal mo sbyar nas/ 'di skad ces zhus so// kye ston pa kun tu bzang po/ 'di ltar ston pas sems can thams cad la byin brlabs mdzad cing / mya ngan las 'das pa'i dbyings la bkod pa shin tu ngo mtshar lags so// bdag cag ni mi skye ba'i
- 224b
chos nyid la rang bzhin gyis bzod pa thob nas/ sangs rgyas thams cad dang skal ba mnyam par gyur pa mchog tu dga' mgu yi rangs so// zhes gsol nas thugs kyi dgongs pa dbyer mi phyed par gyur to// de nas 'khor de dag rnams kyi nang nas/ byang chub sems dpa' sems dpa' chen po glang po che'i 'od zer rab tu snang bar byed pa zhes bya ba langs te/ bla gos gyon nas ston pa la 'di skad ces gsol to// kye ston pa kun tu bzang po/ sangs rgyas kun gyi snying po ji lta bu lags/ sangs rgyas kun gyi lam gang lags/ 'bras bu zhes gang la bgyi ba lags/ 'di kun ma 'tshal bstan du gsol/ ces zhu ba nyid rab tu zhus so// de nas ston pa kun tu/ bzang pos dgongs pa de dag las bzhengs nas/ zhal 'dzum pa mdzad de/ 'od zer bsam gyis mi khyab pa snang bar byas nas/ byang chub sems dpa' sems dpa' chen po glang po che 'od zer kun tu snang bar byed pa la 'di skad ces bka' stsal to// kye kye dad pas rab tu 'dus pas sems dpa' che// ngas bstan mi 'gyur dang ba'i sems kyis zung / 'das dang ma 'ongs da ltar bzhugs pa yi// sangs rgyas kun gyi snying po gsang mchog bla na med// 'di ltar yod ces brjod pa'i sgra dang bral// 'on kyang tshig tsam
- 225a
phyogs kyis mtshon pa ni// sems dang ba khyod la ngas bstan legs par gzung // yang dag snying po bcud bsdus sgron mar byung // nyon cig rtogs bra la rnyog ma rang dngas pa'i// dbyings kyi nang na sa stong nyid rang gsal snying po 'di// mtha' med rdul dang bral ba'i rang rig 'od po che// sgra tshig mang gis blo ba/ gting yid ches byas nas ni// re dogs g.yang sa chod pa'i snying po gsang chen las// 'di ni sangs rgyas kun gyi snying po gsang ba mchog yin te// dgongs don man ngag rnam kyi de'i phyogs brtags nas// lta ba'i snying po sgron ma rin po che 'di ni// rgya ma chad cing phyogs lhung med par snang ba ste// 'di la su 'dris skyes bu mya ngan 'das pa'i zhing // dgongs don snying po rnams kyi bcud du 'di 'gro bas// phyi phyir dkon pa'i don 'di smra bsam brjod med pa'o// bsgom pa kun gyi snying po lus kyi gan bcud pas// zhi bar gnas dang lhag mthong ye nas zung du 'brel// 'di nyid mnyam pa chen po'i don dgongs rnal 'byor pa// mi yi nang nas 'jig rten kun gyi gtso bo ste// ya rabs mchog tu gyur pa lha mi'i bkur sti'i gnas// mnyam gzhag gnad gsum zin pas bde ba rang bde che// bde ba nyid la mi rtog ye shes nyams shar bas// snang ba kun kyang bde
- 225b
ba'i glong du rol pa'o// de phyir lus kyi bde bas sku gsum gnad zin pa de// ngag gi bde bas chos kun brjod med rtogs te bde// sems kyi bde bas 'khor 'das gnyis med 'dres pas bde// bde ba'i snying po 'di ni sangs rgyas kun gyi yang snying ngo // bcos pa med pa'i snying pos thams cad rnal du phebs/ 'gag med snying pos rang snang thad kar gcod par byed// skye med snying pos 'khor ba dong nas 'don par byed// rang bzhin gnas pa'i snying po theg pa'i rung shan 'byed par byed// khyab brdal chen po'i snying pos chos kyi dbyings rnams sdud par byed// ye dag chen po'i snying pos chos kun cham la 'bebs par byed// stong pa chen po'i snying pos nyon mongs dngos rnam 'dul bar byed// rang gsal chen po'i snying pos mun pa'i dmag dpung zlog par byed// ye rdzogs chen po'i snying pos mtho dman thams cad snyoms par byed// rtog med gsang ba'i snying po sa 'khor ba gting nas zlog par byed// gsang ba yang tig snying pos sems can gnas rnams stongs par byed// dbyings rig rang rdzogs snying pos snang ba mngon gsum lta bar byed// lu gu rgyud kyi snying po mkha' la snang bas chos kun tshad la 'bebs par byed// snying po'i nges pa'i bka' gsang 'di lta nyag gcig rtsol sgrub kun bral ba'o//
- 226a
glang po'i 'od zer rab tu snang byed sems dpa' nyon// sangs rgyas rnams kyi lam ni lnga lnga zung dang ldan pas thams cad lam yang snang // lam snang ye shes cog bzhag rnal 'byor rtsol grub kun bral pa// sangs rgyas rnams kyi nyag gcig gting zab rgya che lam snang bas// spros bcas sdug bsngal rnams dang ye nas bral ba'i lam du su 'jug pa// 'di ni 'jig rten spyod spangs bde ba'i lam dang nye// sangs rgyas kun gyi gsang chen lam 'di sus shes pa// dri ma zad cing tshad med gzhal dang bral ba'i lam gyi snying po ni// ye lnga/ shes lnga/ yul lnga/ rtogs lnga'i bdag nyid du'ang snang // sems lnga/ chos lnga/ 'byung ba chen po lnga yi rang bzhin nyid du'ang shar// mdzad pa'i thugs rje lnga dang / spyod pa'i shes rab lnga yi snang ba nyid du'ang shar// snying po lnga dang / phyag rgya lnga yi bdag nyid du'ang rnam par rol// ma lnga/ bu lnga/ snang ba lnga ste thog ma babs kyi yul du'ang snang // rlung lnga/ sa lnga/ chu lnga'i bde ba rgyas pas lus kun la 'ang khyab// me lnga/ nam mkha' lnga'i rang bzhin du'ang khyab par yen sa rdzogs// sgra lnga/ dri lnga/ gzugs lnga'i yul can du'ang rang byung ngo // ming lnga/ tshig lnga/ tha snyad lnga'i bdag nyid du ni rang byung ngo // ro lnga/ reg lnga/ chos lngas lus sems ye nas tshim pa'i
- 226b
rgyu/ lung lnga/ rten lnga/ nam mkha'i byung khungs nyid du'ang ye nas shar// yid lnga/ dran pa lnga'i rten du lam nyid ye nas 'du 'bral med par snang // bdag lnga/ gzhan lnga'i chos can nyid du ye nas 'byung // 'dod chags lnga dang zhe sdang lnga ste gti mug lnga'i cho 'phrul du ni ye nas snang // nga rgyal lnga dang khong khro lnga ste phrag dog lnga'i mdzad pa rnams su'ang byung / gzung ba lnga dang / 'dzin pa lnga'i tshe nyid nges pa'i lam du'ang shar// yod pa lnga dang / med pa lnga ste mu bzhi ba sgrub pa rnams su'ang ye nas snang // dbyings lnga rig pa lnga/ kha dog lnga'i snang ba'o// dkar po lnga dang / ser po lnga ste/ dmar po lnga'i snang ba ye nas rdzogs// ljang khu lnga dang / mthing kha'i yul du rang rdzogs chen po nyid du'o// ye shes lnga dang sku lnga'i bdag nyid chen por ye nas rnam par zhugs// thig le lnga dang / dngas ma lnga'i dkyil 'khor du ni ye nas mnga' bdag go// rtsal lnga yon tan lnga'i 'bras bu ru ni// ye nas gdangs dang bcas// ye gdangs lnga dang / zer mdangs lnga dang / khyab byed lnga'i tshul du gnas te rang dag go// gsal ba lnga dang / stong pa lnga ste/ ldegs stobs lnga ni/ ye nyid nas ni grol bar ro// 'char byed lnga dang / snang tshul lnga dang / shes pa lnga'i ngor bzhugs// dpe lnga/ rtags lnga/ don lngar mtshon pa'i tshul du
- 227a
ye nas shar// dbang lda/ dam tshig lnga ste phyag rgya lnga'i rten du ye nas rdzogs pa'o// mngon shes lnga dang / gzungs lnga dang ni/ dran pa lnga'i ngo bor rdzogs// dkyil 'khor lnga dang / rigs pa lnga ni/ bdag po lnga'i lam du snang ba rang dag pa'o// rig lnga dang na rtogs pa lnga dang / shes rab lnga dang / lha dag gi ni snang bar ye nas rdzogs pa'o// ting 'dzin lnga dang / rang gnas lnga dang / mi rtog lngar ni yang dag rdzogs// lta ba lnga dang / sgom pa lnga ste/ spyod pa lnga'i rtsal du rdzogs par snang / snying po lnga dang brdal ba lnga ni rang dag chen po'i ye shes rdzogs pa'o// kye ma byang chub sems dpa' glang po'i 'od zer kun tu snang byed khyod nyon cig/ dus gsum 'byung ba'i 'bras bu ngas bstan khyod kyis legs par yid la zung // chos sku stong gsal khyab pa'i gdangs la su goms pas rang lus gcig tu grol// longs sku gsal snang gzugs skur shar ba'i 'od gsal gang gi mthong ba'i mo// dkyi lnga khor kun gyi bdag po yin par kun tu bzang po nyid du'ang 'dug/ spru la sku bdag tu gzung med ngang du su 'dris sems nyid mthong ba ni// 'khrul pa'i yul rkyen rnams kyis phan gnod gang yang grub pa med pa yin// sku gsum phyir mi ldog pa'i sa la rnal 'byor bde ba sus rnyed de ni rig pa can// 'di na
- 227b
sangs rgyas stong gi bde ba 'dzin pa nyid du kun bzang nga yi sems yin no// sku yi snang ba lhug par sus mthong rnal 'byor kun gyi rten pa yin par nga yis 'dir yang shin tu bkod// gang gi phyir mi ldog pa'i ga deng chen longs pa'i tshad rnams sus 'dzin pa// bla ma mkhas pa'i lha dang ngo 'phrad don 'di bde ba'i rin po che// de la dri ma med cing gdags pa'i sgra rnams kun gyi 'du shes nyid dang rnam par bral// de rtogs cog bzhag thabs nyid rnal 'byor gdengs su yang dag snying po tshud// dran shes rnams ni mya ngan 'das pa'i tshe na brjod pa'i mtha' kun rang gis rang zad pa'o// phung po khams dang skye mched mya ngan 'das pa'i tshon snang srid thams cad bde ba'i zhing du snang // dbang po yul rnams mya ngan 'das pa'i tshe na phyag rgya mchog gi longs spong chen por rang snang ba'o// sgra tshig rnams ni mya ngan 'das pa'i dus na snang ba kun la pha rol phyin pa'o// lta dang sgom dang spong ba 'bras bu mya ngan 'das pa'i dus na rtsol bcos dran pas rang zad yin// chos dang shes rab mya ngan 'das pa'i dus na lha yi sku rnams mi dmigs rgya yis thebs par rang yang snang // nyams myong mya ngan 'das nyid zad pa'i dus na byung tshor rnams kyi sgo yang rang gis rang 'gags so// drod dang brtags ni rang zad mya ngan 'das pa'i tshe na nyon mongs rnams ni rang gis rang zad stongs
- 228a
par byas pa na// zad pa'i smos ni spyod pa'i gang byas bskyed dang rang rdzogs pa/ rkang pa 'dul gnas pa'i skyes thag la dranu sras ma thong ga/ 'dan dus gsum sangs rgyas kun gyi 'bras bu kun tu bzang po'i ngo bo ring 'dug yin// sangs rgyas rnams kyi 'bras bu 'di la su goms po dpal ldan rdo rje 'dzin pa nyid du'ang 'gyur/ thog ma'i mgon po dri med dag pa 'od kyi sbubs nas rang byung shar bas ni// sangs rgyas kun gyi mdzad pa'i bdag nyid du yang gsang mchog chen po nyid kyi sku thob ste// de las mi ldog shes pa'i rnal 'byor blo rtsal stobs dang ldan pa'i skal ba can// 'bras bu kun gyi tshad du phyin par kun tu bzang po nga dang skal ba mnyam pa'o// zhes kun tu bzang po glong drug pa gsang ba chen po'i rgyud las/ snying po lam dang bcas pa 'bras bu dang dril bar bstan pa'i glong zhes bya ba ste lnga pa rdzogs so// // yi dgas kyi skye gnas dag par byed pa'i skabs te lnga pa'o// // de nas ston pa kun tu bzang po nyid kyis rang gi 'khor rnams bsdud pa'i ched du zhal gyi sgo nas/ 'od zer kha dog du ma byung ste/ sangs rgyas kyi zhing khams rnam par snang bar byas pa ni/ 'di lta ste/ 'od zer dkar po dang / rab tu dkar bar snang ba dang // shin tu dkar bar snang
- 228b
ba dang mchog tu dkar bar snang ba dang / tshad med par dkar bar snang ba dang / de bzhin du dmar po dang / rab tu dmar po dang / shin tu dmar po dang / mchog tu dmar po dang tshad med pa'i dmar po dang / yang ser po dang / rab tu ser po dang / shin tu ser po dang / mchog tu ser po dang / tshad med pa'i ser po dang / yang mthing kha dang rab tu mthing kha dang / shin tu mthing kha dang / mchog tu mthing kha dang / tshad med pa'i mthing kha dang / de bzhin du ljang khu dang / rab tu ljang khu dang / shin tu ldang khu dang mchog tu ljang khu dang / tshad med pa'i ljang khu rnams spos so// gzhan yang shel gyi kha dog lta bu dang / dngul gyi kha dog lta bu dang / mu tig gi kha dog lta bu dang / bya ngang pa'i sgong lta bu'i kha dog dang / rin po che mar gang lta bu dang / rin po che mthon mthing gi mdog lta bu dang / ra ga ta dmar po'i mdog lta bu dang / bum pa'i rgya ba lta bu'i kha dog dang bas bsgong snying po lta bu'i kha dog dang / rma bya'i mdongs lta bu'i kha dog dang / phug ron gyi ske lta bu'i kha dog dang / ri skegs kyi mdog lta bu'i kha dog dang / seng ge'i dpral ba lta bu'i kha dog dang / mkha' 'gro ma'i mig lta bu'i kha dog dang / brgya byin gyi lag pa lta bu'i kha dog dang / gser gyi g.ya' lta bu'i kha dog dang / dug gi kha blang lta
- 229a
bu'i kha dog dang / 'bring bya'i ga shog pa lta bu'i kha dog spros so// de ltar 'od kha dog de dag rnams rnam par spros pas/ sangs rgyas kyi zhing khams rnams rab tu snang bar byas te/ rgyan dang / kha dog dang / bzhugs tshul dang / sku'i ngo bor thams cad rang gsal zhing / rang dag chen po'i bsam gtan du bstan pa thob ste/ sangs rgyas rnams kyis rang rang gi tshom bu dang bcas pa'i zhal rnams dus gcig la mthong ngo // de nas 'khor de dag gi nang nas/ byang chub sems dpa' sems dpa' chen po rang gi 'od zer gyis 'khor ba thams cad 'jig par byed pa zhes bya ba stan las langs te/ bla gos phrag pa gcig tu gzar nas/ ston pa kun tu bzang po la 'di skad ces zhu ba rab tu zhus so// kye kye ston pa kun tu bzang po/ nyid kyi zhal gyi dkyil 'khor nas// 'od dang kha dog rnams spros pas// sangs rgyas kyi zhing rnams snang bar byas// de ltar sangs rgyas thams cad kyi// 'khor dang bcas pa'i dkyil 'khor ni// dus gcig la ni snang mdzad pas// bdag cag rnams kyi rnam rtog zad// nyid dang skal ba mnyam gyur kyang // ma 'ongs pa yi sems can rnams// yang dag lam la gzud pa'i phyir// nyid kyi ting 'dzin ji lta bu// de yi tshad rnams gang gsi gzung // ma
- 229b
'ongs pa yi sems can gyi// 'di la ji ltar bslab par bgyi// 'di kun sems can don slad du// snying rje chen po nyid bzhengs la// bdag gis zhus pa'i 'di don gsungs// de nas ston pa kun tu bzang // snying rje chen po'i thugs g.yos te// zhal nas spros tshig 'di skad gsungs// kye ma byang chub sems dpa' che// rang gi 'od zer 'khor ba 'jig/ khyod kyis zhus pa de legs so// nga yis tshig tu 'di skad dgod// khyod kyis 'di kun rab tu zung // ting nge 'dzin zhes ngas bshad pa'i// de kun don ni 'di ltar snang // nga la ting 'dzin gsum yod de// rang gnas ldog bzhag bsam gtan gyi// dngos po'i gnas lugs mnyam par rdzogs// thog babs chen po'i ting 'dzin gyis// rang gnad thad ka'i zhen pa ldog/ rgyas 'debs chen po'i ting 'dzin gyis// snang ba thams cad rang sar ldog/ rang gi 'od zer snang ba yis// 'khor ba 'jig pa'i byang sems kyis// ston pa nyid la 'di skad gsol// kye kye ston pa kun tu bzang // rang snang cog bzhag ting nge 'dzin// ston pa'i thugs la ji ltar shar// de yi don ni gang tsam zhig/ thog pabs chen po'i ting nge 'dzin// 'di ni gang gi dus su skye// 'di don blo la ji ltar bsgom// de bzhin rgyas
- 230a
'debs ting nge 'dzin// 'di nyid lam du ji ltar bya// bsgom na ji ltar bsgom par bya// 'di kun bdag gis ma 'tshal na// ston pa thugs rje chen po sa gsungs// de nas ston pas bka' stsal pa// byang chub sems dpa' chen po nyon// ngas bstan pa la nor ba med// khyod kyis nor med sems la zung // rang gnas bcog bzhag ting nge 'dzin// nga yi sems la gang shar ba// phyi rabs sangs rgyas 'dod pas kyang // 'di ltar blo la snang byas na// rdo rje sems dpa'i rigs su 'gyur// ting 'dzin dang po cog bzhag gis// sku gsum rim gyis goms pa yis// dngos po gshis kyi rnal 'byor la// don 'dis mchog tu nye bar 'gyur// sku gsum goms pa'i ting 'dzin nyams// cig char skye ba'i ma yin te// 'di kun rim gyis blo yul lo// thog mar ting 'dzin spu la sku thob/ de dus rang gi shes pa la// sngar ma mthong ba'i chos rnams ni// bsam pa med par blo la 'char// rang gi gdams pa'i tha snyad tshig/ ma gzung bzhin du sems la bkra// skyes bu skal dang ldan pa la// chos kyi ro yis sems rgyas pas// lus kyang zhag ni drug bdun na// yod pa dag ni mi tshor zhing // sa yi steng
- 230b
las 'phags nas ni// bar snang dag la 'gro ba'i nyams// rang gi spyod yul nyid du 'byung // rig pa bcos med mkhar bzhag na// rang gis sprul sku de ltar 'thob// de 'das rig pa ma 'gyur bas// longs spyod rdzogs pa'i sku nyid kyang // rang gi shes pa'i rgyun du ni// rang snang rtsol ba kun bral bar// nyams su myong ba 'di ltar 'byung // sngar ma mthong ba'i 'od snang yang // dum bu dum bur sus mthong ba// 'di yang longs spod rdzogs skur spyod// skal ldan rnal 'byor rigs ldan de'i// shes pa rang gsal nyams re gsal// dran bsam dbang po ma 'gags par// yid rtog gzhan lo mi 'jug cing // rig pa rang dal bde bdag med// rang gsal blo la goms pa yi// nang gsal 'gyu yid phyir mi 'chor// dngos po'i rjes su sems mi 'breng // 'jig rten bya ba blor mi snang // 'dis ni longs spyod rdzogs pa tho ba/ de nas rig pa nam mkha' la// cog bzhag chen po'i lta stangs kyis// yengs pa med par mnyam pazhag pas// yang ni chos ska'i ting 'dzin snang // de dus shes pa gting nas gsal// lu gu rgyud la sngon du spyod// snang ba 'phel ba'i tshad yin te// shes pa rnol myur ba yis// sngar ma mthong ba'i sangs rgyas kyis//
- 231a
'di yis de dus mi rnams ni// brgya stong bye ba blo la snang // lus kyi sngar ma byas pa yis// shes pa med pa'i bzo rnams dang // rgyu rtsal rnams dang yi ge dang // skad dang brda dang rten 'brel dang // ji ltar sngar ma mthong ba yis// 'di kun nyams su myong ba dang // sa dang chu dang me rlung gi/ sgra yang 'di yis rang dbang thob// mdor na mngon shes drug rnams kyang // skal dang ldan pa 'dis thob ste// rang dang pha rol don rnams ni// skyes bu 'di yis byed par 'gyur// kye ma byang chub sems chen po// sku gsum rang byung dgongs pa ni// mdor na 'di ltar nyams tshad rnyed// sprul pa sku yi rnal 'byor spyod// sngar med snying rje chen por ni// rang gi rgyud la mchog tu skye// 'di dus spru la sku'i ting 'dzin thob// gsal la mi rtog shes pa'i nyams// longs sku'i ting nge 'dzin zhes bya// zag med stong pa thig le'i sku// rtsol ba med par rang shar tshe// chos kyi sku yi ting nge 'dzin// rnal 'byor ldan pas 'di thob bo// kye ma byang chub sems dpa' nyon// thog babs chen po'i ting 'dzini ni/ gang gis 'di la goms spyod na// snang ba kun la dbang sgyur thob// de nyid rim pa'i rtsa thabs ni// rnam par bsgom par gang 'dod pa// 'di kun blo yi yul
- 231b
du bya/ yul la rkyen rtogs rang shar tshe// 'di kun rang bzhin med shes na// snang ba thams cad sgyu ma'am// rmi lam dang ni gzugs brnyan ltar// mi rtog gzugs brnyan chen po'i nyams// su yi rgyud la shar ba de// snang ba rnams ni thog pabs su// snang rkyen rgyud la mi 'char bar// phyir mi ldog pa'i ting 'dzin thob// kye ma rang gi 'od zer gyis// 'khor ba 'jig pa'i byang chub sems// rgyas 'debs chen po'i ting nge 'dzin// su zhig bsgom par 'dod pa'i mis// mi 'gyur ba yi gnad gzir phyir// lus kyi 'dug stangs gzir byas nas// shes pa nam mkha'i mthongs su 'phangs// de bzhin mig ni bar snang la// glang po che yi lta stangs kyis// dran med rgyas 'debs chen por bzhag/ de ltar rig pa nam mkhar gtad// 'di dang 'bral ba med par ni// rnal 'byor rgyun du gang bsgoms pa// nyin dus snang ba rgyas 'debs so// mtshan dus rang gi gnas khang du// dus bzhi mnyam pa'i tshad gzung phyir// dbang po'i sgo rnams rang bsdus nas// thig le stong pa'i sgron ma la// rnal 'byor ldan pas sems bzhag pas// thig le nyid ni 'phel ba na// shes pa nyid kyang 'phel bar gtad// de bzhin thig le 'phrar 'gyur te// thog le je 'phra
- 232a
je 'phra la// shes pa je 'phra je 'phrar bzhag/ gnyid dang rmi lam gnad kyi no// sngar zhe na bag chags rtsad nas dbyung // 'di ltar mtshan mo dus rnams su// rnal 'byor skal dang ldan pas spyod// 'das ni snang ba rang rgyas thebs// kye ma byang chub sems dpa' nyon// nga yi ting 'dzin tshad rnams ni/ sus kyang bzung bar mi nus te// 'on kyang tshig gis 'di ltar dpyad// rang gnas cog bzhag ting 'dzin tshad// 'byung ba'i dgras ma gnod pas bzung // de bzhin thog babs ting 'dzin tshad// 'dod chags la sogs nyon mongs rnams// rang gi rgyud la brtan mi skye// mi dge'i bsam pa skye mi srid// 'dis ni de yi tshad rnams bzung // rgyas 'debs chen po'i ting 'dzin tshad// rags pa'i snang ba 'gags pas bzung // kye ma sems dpa' chen po nyon// ngas bstan khyod kyis legs par zung // ma 'ongs pa yi sems can gyis// ting 'dzi ni gsum la 'di ltar bslab// rang gnas cog bzhag ting nge 'dzin// dbang po'i sgo rnams mi dgag cing / lus kyi spyod pa spyad mi bya// gnyid kyang spang bar mi bya ste// sems kyis gud du spyad pa med// mdor na lus ngag rang so la// yid 'byung cha rnams phyir ma
- 232b
shor/ dbang po'i yul rnams drug la yang // shes bzhin sprod pa'i yid ma 'gyus// rang snang mi rtog chen po la// gsal la rtog med nyams skyes pa'o// thog babs chen po'i ting 'dzin la// lus ni tha ma la lta bu la// ngag ni smre brjod tshig dang bral// sems ni dam du ma bcings pa'i// snang ba rgyas 'debs ting nge 'dzini// lus dang yul dang rig pa yis// rang snang dag pa'i tshad rnams bzung // de ltar rang snang tshad zin nas// 'gro drug 'khrul ba'i snang ba 'gag/ de nyid 'gags pa'i dus kyi tshe// rig pa srang la thebs pa yin// de ltar srang la nam thebs tshe// rang gi lus kyang mi snang ste// 'byung bas bskyed pa'i sha khrag lus// 'byung ba rang sar dag pa'i phyir// 'di ni yul du snang ba'i phyir// 'khrul pas gzung ba yid kyi lus// 'byung ba rang sar sangs pa'i phyir// 'di yang mi snang rang sar yal// rig pas bzung ba'i 'od kyi lus/ chu zla'i dkyil 'khor bzhin du'o// 'di tshe chos nyid zad dang nye// 'di la gang goms sangs rgyas zhing // de nas lus gsum mtha' zad nas// bya bral rdzogs ba'i lus thob ste// de tshe lus kyi mtha' rnams dang // bral ba la ni nye ba yin// gzhi la goms pa'i rnal 'byor pas// rang gi gnas kyang stongs par 'gyur// lam
- 233a
la goms pa'i rnal 'byor pas// 'byung ba rag pa'i dri ma zad// 'bras bu la ni su goms pa// mi ldog pa la 'di yis phyin// kye ma sems dpa' chen po nyon// de ltar nga yi ting nge 'dzin// 'di la goms pa skal dang ldan// snang ba gsum las rnyed pa thob// ting nge 'dzin 'di sus bzung ba// sku gsum la'ang mngon par gnas// 'di nyid su yis bslabs pa la// sde snod chos rnams blo la snang // 'di gsum gang gis goms pa'i mi// 'khrul pa'i zhen yul rtsad nas chod// 'di yi nyams myong shar ba'i mi// ma btsal bzhag pa'i bsam gtan thob// kye ma byang chub sems dpa' che// nga yi tIng 'dzin rnam gsum gyis/ tshad la goms pa'i rnal 'byor pa// ldog pa med pa'i lam zhugs nas// stong gsal chen po'i gnas su phyin// lu gu rgyud kyi lus blangs te// dran bsams zad pa'i rtser phyin nas// sngar ma mthong ba'i yul mthong bas// gsal byed dbyings kyi go ra ra tshud// tshud pas sku gsum rang lus zad// de ltar lus kyi mtha' zad nas/ nyams su skye ba nyid kyang med// 'di la ci yang yod pa min// brjod par bya ba'i tshig kyang med// med pa yang ni ma yin te// yon tan 'char tshul 'gag pa med//
- 233b
'di la gnas pa'i sa med pas// bsten par bya ba'i chos rnams zad// 'di la dmigs pa'i rgyu med pas// gzung ba'i cha rnams ye nas stong // dmigs par byed pa'i rkyen med pas// 'dzin pa yang ni rang sar stong // 'di la stongs zhes gdags su med// de bzhin gsal ba'i snang ba tsam// gang du'ang yod par ma myong ste// de bzhin med kyang ma myong bas// yod med mtha' yi dri ma med// dri med dag pa'i skur snang ngo // zhes kun tu bzang po glong drug pa'i rgyud gsang ba chen po las/ nyams su bslangs pa ting nge 'dzin gyi glong zhes bya ba ste drug pa rdzogs so// // dmyal ba'i skye gnas dag par byed pa'i skabs te drug pa'o// / de nas ston pa kun bzang gis// tshig gi mtha' sdud 'di skad gsungs// e ma ngo mtshar rmad du byung // lha rnams 'bros khungs bcad pa'i phyir// nga ni lha rnams kun gyi bdag/ lha min 'bros khungs bcad pa'i phyir// nga ni lha min kun gyi gtso// mi rnam 'bros khungs bcad pa'i phyir// nga ni mi rnams kun gyi mgon// byol song 'bros pa'i khungs stob phyir// nga ni byol song rnams kyi sgron// yi dgas 'bros khungs bcad pa'i phyir// nga ni yi dgas kun gyi gter// dmyal ba'i 'bros khungs bcad pa'i
- 234a
phyir/ nga ni dmyal ba'i rgyal por snang // de ltar ston pa kun bzang gis// rigs drug 'bros pa'i khungs bcad nas// 'khor gyi byang chub sems dpa' rnams// dga' mgu rang ba'i sems skyes te// ston pa nyid la rab bstod nas// de ltar gsung la rjes yi rangs// zhes kun tu bzang po glong drug pa'i rgyud ces bya ba/ 'gro ba rigs drug gi skye gnas dag par byed pa/ rang bzhin rdzogs pa chen po 'bum phrag drug cu rtsa bzhi'i bcud byung ba rdzogs so// / murka gran+d+ha sha/ raHk+Sha// rgya gar skad du/ pu tsa sa ne gi ga ta rad na a lo ke dza la ta tra nA ma/ bod skad du/ gser gyi me tog mdzes pa rin po che'i sgron ma 'bar ba'i rgyud ces bya ba/ bcom ldan 'das dpal snang ba rang shar ba nyid la phyag 'tshal lo// 'di skad bdag gis bstan pa'i dus gcig na/ stong pa nyid kyi gzhi tshad med par shar ba'i dkyil 'khor nas/ mi 'byed pa chen po'i 'dug stangs so so ma yin tha dad ma yin pa'i snang ba chen po rnam par bkod cing / thun mong ma yin pa'i phreng ga ki ye nas rang gsal chen gar ba na mong tsho lag po'i gzhi/ rang snang chen po'i spyod pa 'gags me du 'khor/ rang shar ba'i glong nas/ 'gag ma med pa'i rig pa rang shar nas/ brjod du med pa'i don