'phags pa sangs rgyas kyi snying po zhes bya ba'i gzungs kyi chos kyi rnam grangs
Āryabuddhahridayanāmadhāraṇidharmaparyāya
Text
ff. 23b–26b · 7 folio sides
- 23b
no/ / zhes de bzhin gshegs pa rnams gsung ba'i phyir ro// su zhig gis 'di bris nas yan lag la btags na de'i yan lag thams cad bsrungs par 'gyur ro// bcom ldan 'das kyis de skad ces bka' stsal nas/ rgyal po chen po bzhi dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do/ / 'phags pa sangs rgyas thams cad kyi yan lag dang ldan pa zhes bya ba'i gzungs rdzogs so// / rgya gar gyi mkhan po dzi na mi tra dang / dA na shI la dang / zhu chen gyi lo tsa ba ban de ye shes sdes bsgyur cing zhus te/ skad gsar bcad kyis kyang bcos nas gtan la phab pa'o// / @rgya gar skad du/ Ar+ya bu d+hA hri da ya nA ma d+hA ra Ni d+harma parA ya/ bod skad du/ 'phags pa sangs rgyas kyi snying po zhes bya ba'i gzungs kyi chos kyi rnam grangs/ sangs rgyas dang byang chub sems dpa' thams cad la phyag 'tshal lo/ 'di skad bdag gis thos pa dus gcig na/ bcom ldan 'das de bzhin gshegs pa'i spyod yul/ chos kyi dbye dgon pa rin po che bkod pa'i 'khor gyi khyams/ ye shes kyis rnam par spyad pa/ sngon gyi sangs rgyas kyis byin gyis brlabs pa/ sems can thams cad kyis mngon par bstod pa/ byang chub sems dpa' chen po'i gnas/ rnam pa thams cad kyi mchog dang ldan pa/ chos thams cad mnyam pa
- 24a
@#nyid kyi rjes su spyod pa/ kun nas 'od zer gyi khang bzangs kyi dbus na/ byang chub sems dpa' bye ba khrag khrig 'bum phrag du ma thams cad kyang 'jig rten gyi khams tha dad pa nas lung bstan pa/ thams cad kyang 'jig rten gyi khams tha dad pa nas 'dus pa/ thams cad kyang de bzhin gshegs pa'i chos kyi rgyal po'i sras/ thams cad kyang gzungs dang ting nge 'dzin sna tshogs thob pa sha stag gis yongs su bskor cing mdun gyis bltas nas thabs cig tu bzhugs te chos ston to/ / de nas bcom ldan 'das kyis/ byang chub sems dpa'i 'khor rgya chen po la bka' stsal pa/ rigs kyi bu dag skye bo mang po la phan pa dang / skye bo mang po la bde ba dang / 'jig rten la thugs brtse ba dang / lha dang mi'i skye bo phal po che'i chos kyi don dang / phan pa dang / bde ba'i phyir de bzhin gshegs pa dgra bcom pa yang dag par rdzogs pa'i sangs rgyas gang+gA'i klung gi bye ma snyed kyis gsungs pa/ sangs rgyas kyi snying po zhes bya ba'i gzungs kyi chos kyi rnam grangs yod do// rigs kyi bu 'am/ rigs kyi bu mo gang la la sangs rgyas kyi snying po zhes bya ba'i gzungs kyi chos kyi rnam grangs 'di 'chang ngam/ 'dzin tam/ klog gam/ kun chub par byed dam/ gzhan dag la'ang rgya cher yang dag par rab tu ston tam/ dad dam/ lhag pa'i bsam pas mos par byed na/ de bla na med pa yang dag par rdzogs pa'i byang chub las phyir mi ldog par 'gyur/ chos thams cad 'dzin pa dang mi 'bral bar 'gyur/ sangs rgyas bcom
- 24b
ldan 'das rnams dang mi 'bral bar 'gyur/ de bzhin gshegs pa la lta ba dang bsnyen bkur byed pa dang mi 'bral bar 'gyur/ chos nyan pa dang mi 'bral bar 'gyur/ dge 'dun la rim gro byed pa dang mi 'bral bar 'gyur/ bskal pa stong du 'khor ba'i srid pa'i rgya mtsho phyir snyil bar 'gyur/ bla na med pa yang dag par rdzogs pa'i byang chub mngon par rdzogs par sangs rgyas kyi bar du tshe rabs dran par 'gyur/ myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur/ de la 'byung po'i tshogs thams cad srung bar 'gyur/ lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa thams cad dga' bar 'gyur/ de'i lus la nad kyis mi tshugs par 'gyur/ pha rol gyi gnod pas 'chi ba'i dus byed par mi 'gyur/ chad pa spang ba dang / mtshon cha spang ba dang / dug gzhil ba dang / 'chi ba'i dus byed par mi 'gyur/ de la bdud sdig can gyis glags rnyed par mi 'gyur/ bdud kyi ris kyi lha rnams kyis skabs rnyed par mi 'gyur te/ gang du yid la byas pa der bdud kyi ris kyi lha de dag thams cad skrag cing dngangs la/ dngangs par 'gyur zhing / phyogs bcur 'bros par 'gyur ro/ / de la 'di dag ni sangs rgyas kyi tshig go// sangs rgyas kyi tshig chen po'o// sangs rgyas kyis gnang ba'i tshig chen po'o// sangs rgyas thams cad kyi tshig go/
- 25a
bzhin gshegs pa thams cad kyi tshig yin no// tad+ya thA/ bud+d+he su bud+d+he/ ma hA bud+d+he/ i hA bud+d+he/ ta tra bud+d+he/ bud+d+he bud+d+he/ bud+d+ha ma ti bud+d+he/ sarba bud+d+ha/ a nu ma sar+b+ba bud+d+he/ a nu dz+nyAn te/ bud+d+he/ prad+d+ha/ bud+d+ha/ bud+d+ha/ bud+d+ha/ bud+d+ha/ bud+d+ha/ bud+d+ha/ bud+d+ha/ bud+d+ha/ sangs rgyas kyi yul mtha' yas te/ chos bstan pa'ang mtha' yas mod kyi/ gcig yid la bya ba ni mdor ni chos bsgom pa'o/ / gzungs 'di ni sems can rnams la thugs brtse ba'i phyir/ sangs rgyas thams cad kyis gsungs pa ste/ chos thams cad kyi phyag rgya yin no// tad+ya thA/ shud d+he/ su shud d+he/ su shud d+he/ sho d+ha ni/ saM sho d+ha ni/ nir+m+ma le ma la a ba ga te/ ga ti sa mA d+hi taM ti/ kra me sa ma sa re/ sa rA sa ra pa ri a sho ka/ bi sho ke/ ba sho ka sha ma ni/ shAM te/ u pa shI te/ pra shr-I te/ a ba b+hA se/ sar+b+ba praN+ye pa ri ma ti te/ sar+b+ba d+har+m+ma pra ti miN+Da te/ ha ra ha ra/ ma la ha ra/ tsa ra tsa ra/ saM tsa ra/ tsa la tsa la saM tsa la/ ta la tA la ma ta la/ sa ma ta la/ ri Ne ri Ne/ su ri Ne/ sa ma ri Ni/ ri Na ma ti lo ka d+ha re/ lo ka d+hA ra NaM/ d+ha ra d+ha ra/ Da ra Da ra/ ro d+ha ro d+ha/ ma hA bi dza ya/ bA hi ni/ ha na ha na/ sar+b+ba bud+d+he/ he pre shi tra si/ sar+b+ba dz+nyA pa the/ sar+b+ba dzA pa ri mi ta/ ma hA pra ti b+ha na/ saM ban+d+he/ sa man+ta/ A lo ke bud+d+ha/ bidza ye/ bud+d+ha/ pra ti maM Di te/ b+ha ga ba te sa ra sa ra/ pra sa ra pra sa ra/ bi sa ra bi sa ra/ pra sa ra sar+b+ba sho ka a ba ga te sA hA/
- 25b
bcom ldan 'das kyis sangs rgyas kyi snying po gzungs kyi chos kyi rnam grangs 'di bshad ma thag tu ri dang gnas su bcas pa dang / tshal rnam pa drug tu g.yos/ stong gsum gyi stong chen po'i 'jig rten gyi khams kyi sa'ang g.yos/ rab tu g.yos/ kun tu rab tu g.yos so// rgya mtsho chen po'ang 'khrugs/ rab tu 'khrugs/ kun tu rab tu 'khrugs so// ri'i rgyal po ri rab ldeg cing 'gul to// bdud kyi gnas thams cad skrag nas/ bdud kyi ris kyi lha rnams dang / bdud sdig can rnams shin tu sdug bsngal zhing yid mi bde bar gyur nas nyam thag go// sems can gang dag sa chen po g.yos par mthong ba de dag gis/ de bzhin gsheg pa dgra bcom pa yang dag par rdzogs pa'i sangs rgyas la phyag 'tshal lo// de bzhin gshegs pa dgra bcom pa yang dag par rdzogs pa'i sangs rgyas la phyag 'tshal lozhes ched du brjod pa lan gsum ched du brjod do/ / lha gang dag sangs rgyas la mngon par dad pa de dag gis/ lha'i me tog man da ra ba dang / man da ra ba chen pos bcom ldan 'das la gtor mngon par gtor nas/ gang dag sangs rgyas la skyabs su dong ba de dag thams cad rab tu dga' ba skyes so// de la 'di skad ces bya ste/ shAkya seng ge yang dag rdzogs pa yi// sangs rgyas skyob pas skad cig/ yud gang la// sangs rgyas thams cad kyi ni snying po yi// gzungs 'di dag ni rab tu bshad pa yis// skad cig yud de ra sa yang rnam drug g.yos// rgya mtsho 'khrugs shing bdud kyi gnas kun kyang /
- 26a
rab tu g.yos nas bdud kyi rigs rnams ni// lha dag rab tu dngangs shing 'khrugs par gyur// bdud yid mi bde sdug bsngal mya ngan non// de tshe lha rnams ngo mtshar rab thos nas/ 'jig rten mgon la mchod pa bya ba'i phyir// nam mkhar gnas nas me tog man da 'thor// gang dag sangs rgyas mngon dang gzhan rnams kyis// se mo do dang do shal spos rnams dang // phye ma dag dang byug pa gos rnams dang / / rgyan dang dpung rgyan dag kyang rab tu 'bul// brgyad po 'di dag ni de'i yon tan gyi phan yon gyi rgyan du 'gyur ba'o// brgyad gang zhe na/ 'di lta ste/ byang chub kyi sems mi brjed pa'i rgyan dang / thos pa thams cad yongs su 'tshol bas mi ngoms pa'i rgyan dang / chos zab mo rnam par nges pa rten cing 'brel bar 'byung ba'i rgyan dang / sems can thams cad kyi dbang po mchog dang mchog ma yin par shes pa'i rgyan dang / ji ltar thos pa dang ji ltar khong du chud pa'i chos rnams la tshul bzhin so sor rtog cing dpyod pa'i rgyan dang / sems can yongs su smin par bya ba'i phyir chos thams cad mi dmigs pa'i rgyan dang / rgyan de'ang sangs rgyas kyi byin gyi rlabs kyis thabs la mkhas pa'i rgyan dang / gzungs thob pa'i rgyun te/ brgyad po de dag ni de'i yon tan gyi phan yon gyi rgyan du 'gyur ro// gzungs 'di ni rtag tu rgyun du yid la bya'o// sangs rgyas rjes su dran pa bsgom par bya'o// gzungs kyi gzhi 'di dag rnams yid la byas na/ las kyi sgrib pa thams cad yongs su byang bar 'gyur ro//
- 26b
pad+ma rnam par bkod pa zhes bya ba'i ting nge 'dzin kyang thob bo// nad thams cad dang na ba thams cad la lag pas byab par bya'o// bzlas brjod kyang dpag tu med pa bya'o// bcom ldan 'das kyis de skad ces bka' stsal pa dang / byang chub sems dpa' sems dpa' chen po de dag dang / nyan thos chen po de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis gsungs pa la mngon par bstod do// 'phags pa sangs rgyas kyi snying po zhes bya ba'i gzungs kyi chos kyi rnam grangs rdzogs so// / rgya gar skad du/ Ar+ya puSh+pa ku Ta nA ma d+hA ra Ni/ bod skad du/ 'phags pa me tog brtsegs pa zhes bya ba'i gzungs/ sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das mtsho chen po ma dros pa na/ klu'i rgyal po ma dros pa'i khang pa na/ dge slong lnga brgya'i dge slong gi dge 'dun chen po dang thabs gcig tu bzhugs te/ byang chub sems dpa'i tshogs chen po 'jig rten gyi khams gzhan dang gzhan dag nas 'dus pa/ byang chub sems dpa' stong du tshang ba thams cad kyang gzungs thob pa/ ting nge 'dzin thob pa/ skye ba gcig gis thogs pa/ sa bcu la rab tu gnas pa/ de ma thag tu rgyal tshab tu dbang bskur bas dbang bskur ba/ go cha chen po bgos pa/ sangs rgyas kyi yon tan thams cad la the tshom med pa sha stag
Colophon
'phags pa sangs rgyas kyi snying po zhes bya ba'i gzungs kyi chos kyi rnam grangs rdzogs so/