dpal 'khor lo sdom pa zhes bya ba'i sgrub thabs
Śrīcakrasambaramaṇḍalobikaratantradīpetyotanāma
Text
ff. 297b–302b · 11 folio sides
- 297b
mtshams med pa dang sdig ngan yang/ /chon rtsi mthong bas grol bar 'gyur/ /'dir dbang bskur ba tsam gyis ni/ /gtsang ma'i gnas su skye bar 'gyur/ /khung bu dgang dang rab gnas dang/ /sbyin sreg 'khor lo'i nar gang yin/ /de kun slob dpon nyid yin zhes/ /rdo rje 'dzin pa mchog gis gsungs/ /bde mchog dkyil 'khor chog ni/ /mkhas rnams mngon par 'dod pa bzhin/ /bdag gis 'dir ni bkod pa la/ /bsod nams rgya che gang thob pa/ /de yi bdag dang 'gro ba kun/ / rdo rje 'chang chen nyid gyur cig /bcom ldan 'das dpal bde mchog gi dkyil 'khor gyi cho ga rin po che rab tu gsal ba'i sgron ma zhes bya ba/ slob dpon dpal la ba pas mdzad pa rdzogs so// // */ (/dpal 'khor lo sdom pa'i sgrub thabs bzhugs/) /*/ /rgya gar skad du/ sh+rI tsakra saM pa raM sA d+ha naM nA ma/ bod skad du/ dpal 'khor lo sdom pa zhes bya ba'i sgrub thabs/ bcom ldan 'das dpal he ru ka la phyag 'tshal lo/ / yi dags gdan la bzhugs shing zhal rnams kun la spyan gsum dang ni phag mo dmar mo'i lus/ /rtsa ba'i phyag gnyis kyis 'khyud gzhan gnyis kyis ni myur du glang chen gtso bo'i pags pa brgyangs/ /lhag ma g.yon pa'i phyag bzhis kha TwAM ga dang zhags pa mi thod tshangs pa'i mgo bo 'phyang/ /g.yas pas gri gug rtse gsum dgra sta rnge chung 'chang ba'i he ru ka la phyag 'tshal lo/ /bde mchog 'khor lo gsang ba'i don/ /sgrub pa'i gsang sngags kun bsdus nas/ /brda yi skad kyis sbas pas te/ /sgrub pa'i thabs de bdag gis bshad/ /snying ga'i sa bon 'od tshogs kyis/ /mdun du bde gshegs spyan drangs nas/ /mchod pa kun gyis legs mchod de/ /dkon mchog gsum la sogs pa brjod/ /thams cad stong par rnam
- 298a
bsgoms nas/ /sna tshogs pad nyi hUM rdo rje/ /hUM byung mkha' 'gro'i tshogs spros te/ /blo dang ldan pas phung sogs bya/ /blo dang ldan pas mkha' dbyings su/ /'byung ba thams cad 'dus pa las/ /ji ltar sna tshogs gzhir gyur pa'i 'byung ba bzhi yi rnam par bsgom/ /de yi rim pa 'di yin te/ /ba lang gnas kyi lci skam dang/ /lhag ma mgo skam de nas su/ /dung chen po yi ngo bo dang/ /mi phyed rus sbal dag 'gyur bas/ /phyag bzhi pa dang zhabs bzhi pa/ /de bzhin phyag 'bum par du ste/ /sku mdog dkar po khro bo rje/ /rdo rje dril bu lus la 'khyud/ /dpa' bo thod pa'i phreng ba can/ /sku la thal bas nye bar byugs/ /zhal gyi mche ba cung zad gtsigs/ /yi dags chen po gdan du byas/ /rgyal ba'i 'od zer sprin chen po/ de las kun tu rnam par 'phro/ /phyag rgya drug gis lus la brgyan/ /ral ba yi ni thor tshugs can/ /g.yas kyi zhal ni gnag pa ste/ /g.yon pa dmar ba 'jigs pa can/ /rtsa ba'i zhal ni shin tu dkar/ /rgyab ni gser du snang ba'o/ / dus min 'chi las rnam rgyal zhing/ /yan lag kha TwAM ga dang sbyar/ /thod pa arg+ha snod kyis ni/ /zhal dang mtshon char nges sbyar ba'o/ /de yi shes rab 'jigs pa mo/ /thod pa'i dum bu'i ska rags can/ /thod pa shin tu gang ba dang/ /de yi kha dog lag tshar 'dzin/ /ri bo tshang tshing sman ljongs dang/ /rgya mtsho chen po'i ngos dag la/ /gdong nas grub pa'i dur khrod du/ /der ni dkyil 'khor bri bar bya/ /ji ltar chos kyi skur gyur pa'o/ /de ltar sprul dang bsrung bar bya/ /kha sbyor kha sbyor du gyur pa/ /rdo rje lu gu rgyud du brjod/ /rdo rje 'byed byed pad+ma la/ /de tshe bung ba lta bur 'khor/ /brud pa rdo rje nyid du bshad/ /de nas rim bzhin spros byas nas/ /lcags kyu nyid kyis 'khyud bya ste/ /gtun shing gis ni bskyod par bya/ /dbyig pa'i
- 298b
mda'i mnyam sbyor te/ /de nas rig ma khu bar gyur/ /sangs rgyas thams cad 'dus pa yi/ /myur ba nyid du bdag la bskul/ /oM mahA he ru ka badzra swAhA dza:hUM raM ho(rgyud 'grel): su ra tastwaM dri sh+ya ho/ /zhes bya ba'i yongs su bskul ba tsam gyis ni/ /'jig rten khams kyi bde ba'i bdag /ji ltar bskyed pa'i rims pa bzhin/ /gnyug ma'i sngags las byung gyur te/ /khu ba'i gzugs la rdo rje can/ /de nas A:hUM gnyis las bzhengs/ /kha dog sngon po 'jigs pa po/ /dmar po 'od kyis dkyil 'khor 'bar/ /zhal bzhi pa ste 'jigs pa can/ /drug gnyis phyag gis rnam par brgyan/ /u ma u ma'i bdag po mnan/ /nyin byed dbang phyug gdan du bting/ /rtsa ba'i zhal ni shin tu gnag /g.yas pa kun da lta bu ste/ /g.yon pa dmar po 'jigs pa po/ /nub ni gser du 'bar ba'o/ /sngar gyi lag char yang dag ldan/ /spyan gsum gyis kyang yang dag mdzes/ /cung zad khro zhing bzhad pa'i zhal/ /g.yon brkyang ba yi gar gyis bzhugs/ /de yi shes rab phag mo ni/ /dmur mo kha dog cher 'bar ba/ /zhal gcig phyag gnyis rnam par mdzes/ /rdo rje dang ni mi thod 'phyang/ /bcom ldan 'das kyis zhal bzhi byin gyis brlab pa ni/ /oM suM b+ha ni suM b+ha huM huM phaT/ oM grih+Na grih+Na huM huM phaT/ oM grih+Na ya ya grih+Na pa ya hu huM phaT/ oM A:na ya ho b+ha ga pA na bidya rA dza huM huM phaT/ de ni lugs las bzlog pa'o/ /oM d+harmA d+ha tu swa b+hA ba At+ma kohaM/ zhes bya ba ni bsnyen pa'o/ /oM hi snying gar rdo rje sems dpa' o/ /oM na ma hi spyi bor rnam par snang mdzad do/ /oM swA hu hu spyi gtsug? tu pad+ma gar gyi dbang phyug go /oM bau Sha Ta te mtshan khung gnyis su dpal he ru ka ro/ /oM hUM hUM ho mig gnyis su rdo rje nyi ma'o/ /oM phaT haM rta mgrin te/ yan lag thams cad la mtshon cha'o/ /oM baM lte bar rdo rje phag mo'o/ /
- 299a
oM hoM yoM snying gar gshin rje ma'o/ /oM h+rI moM khar rmongs byed ma'o/ /oM h+reM h+raiM spyi bor bskyod byed ma'o/ /oM hUM hUM spyi gtsug tu skrag byed ma'o/ /oM phaT phaT lha mo'i gnas thams cad la/ /nye ba'i sgrub pa'o/ /snying ga'i zla ba'i dkyil 'khor la gnas pa'i yi ge hUM ni thugs rdo rje'o/ /oM h+rI:ha ha huM hUM phaT klog mar gsung rdo rje'o/ /oM sh+rI badzra he he ru ru kaM hUM hUM phaT DA ki nI dzA la saM ba ra swAhA ni dpral bar sku rdo rje'o/ /oM sarbba bud+d+ha DA ki nI ye badzra war+Na nI ye huM hUM phaT swAhA zhes bya ba ni lha mo'i snying gar ro/ /oM tsa haM hUM phaT lkog mar ro/ /oM badzra bai ro tsa ni hUM phaT dpral bar ro/ /spyi bor yi ge oM mo/ /snying gar yi ge hUM ngo/ /ze 'bru la yi ge a'o/ /rked par ni yi ge swa'o/ /brlar ni yi ge ha'o zhes bya ba ni sgrub pa'o/ /ye shes dam tshig mnyam gyur pas/ /de phyir 'di ni rdo rjer brjod/ /dbang gi don ni bsgoms byas nas/ /phyis ni mchod pas mnyes par bya/ /ling ga gnyis la sngags bkod la/ /sna rtse ra a yig rnam par dgod/ /de bzhin ling ga'i lte ba la/ /yi ge baM ni rnam par bsam/ /blo ldan rnal 'byor ma la bsrub/ /dag pa'i lus ni dri ma med/ /ces bya ba 'di ni dang po'i rnal 'byor ro/ /oM sarbba ta thA ga ta a nu rA ga Na At+ma kohaM/ snying ga'i sa bon 'od zer gyis/ bde bar gshegs pa spyan drangs te/ /a ba d+hU tI gnas de bzhin/ /smin ma'i bar du nges par gzhug /dang por dbyangs dang yang dag ldan/ /de ni skad cig gis bsal bsgom/ /mgal me'i 'khor lo ltar gnas pa/ /rnal 'byor ma ni de bzhin no/ /'bar ba'i phreng ba du ma ni/ /'khor lo thams cad kyi ni sgo/ /zhal bzhi dpa' bo rnams kyis so/ /dpa' bo rnal 'byor mas yongs bskor/ /rtsa ba'i lam ni thams cad du/ /sngags pa ji ltar dbye 'dod na/ /de nyid dbye ba tha
- 299b
dad nyid/ /mkha' 'gro ma ni zhes sbyor byed/ /chags pa chen po'i dkyil 'khor ni/ /dgos pa'i phyir ni rab sgrub byed/ /dam pa'i rnal 'byor ma rnams kun/ /yul dang yul la nges par sbyar/ /de nas mkha' 'gro ma rnams ni/ /gnas la rnam par gnas pa te/ /shar nas mkha' 'gro ma sngo skya'i 'od can no/ /byang nas lA ma ljang ser ma'o/ /nub nas dum skyes ma dmar ser ro/ /lho nas gzugs can ma dkar ser gyi mdog can te/ 'di thams cad ni ro'i steng na thod pa dang gri khug lag na thogs pa/ skra gyen du mdzes pa/ rgyan rnams kyis brgyan pa zhal gcig pa/ dbu la sangs rgyas kyi gzugs brnyan gyis mtshan pa yang dag par ldan pa gar stabs kyis bzhugs pa'o/ /thod pa rnams su glang po che dang ce spyang dang mi dang ba lang rnams rim pa ji lta ba'o/ /mtshams bzhir yang sngar gcig gis ma tshang ba'i snod do/ /mgo bo pul+lI ra ma la ya nas khaN+Ta ka pA li dang rab tu gtum ma ste/ so dang sen mo 'bab pa'o/ /spyi gzugs 'bar ba 'dzin pa nas ma hA kaM kra la dang gtum pa'i mig can ma ste/ spu dang skra 'bab pa'o/ /rna ba g.yas pa o Da ya na nas kaM ka la dang 'od ldan ma ste/ pags pa dang dri ma 'bab pa'o/ /ltag pa na arbu da nas mche ba rnam par gtsigs pa dang/ sna chen ma ste sha 'bab pa'o/ /de dag ni shar phyogs la sogs pa rnams lugs dang mthun pa'o/ /rna ba g.yon pa'i mchod sbyin nas dpa' bo bzang po dang/ dpa' bo'i bla ma ste/ thams cad du chu rgyun 'bab pa'o/ /smin dbus dga' ba'i dbang phyug nas 'od dpag tu med pa dang/ mi'u thung ma ste/ rus pa dang dri ma 'bab pa'o/ /mig gnyis lha mo'i mkhar nas rdo rje 'od dang lang ka'i dbang phyug ma ste/ de ni rtag tu mchi ma 'bab pa'o/ /dpung pa mA la be nas rdo rje'i lus dang/ shing grib ma
- 300a
ste snying ga'i chu 'bab pa'o/ /de dag ni dbang ldan sa la sogs pa'i mtshams nas/ thugs kyi 'khor lo mkha' spyod ma rnams snyoms par zhugs pas zhugs so/ /de bzhin du mtshan khung 'dod pa'i gzugs nas aM gu ri dang/ i ra ba ti ste/ de rtag tu mig 'bab pa'o/ /nu ma gnyis po o dre nas/ rdo rje ral pa can dang/ 'jigs byed chen mo ste/ mkhris pa 'bab pa'o/ /lte ba tri sha ku ni nas dpa' bo chen po dang/ /rlung gi shugs can ma ste/ glo ba 'bab pa'o/ /sna'i rtse mo kos la nas/ badzra dU ka ra dang/ chang 'thung ma ste/ rgyu ma'i phreng ba 'bab pa'o/ /de dag ni shar la sogs pa gnas so/ /kha ka ling ka nas su b+ha dra dang/ ljang lha mo ste/ log gis rtsa 'bab par bshad pa'o/ /mgrin pa lampa ka nas rdo rje bzang po dang/ shin tu bzang mo ste/ lte bar 'bab pa'o/ /snying kany+tsi nas 'jigs byang chen mo dang/ rta rnam ste/ bi sna ma 'bab pa'o/ /'doms par hi mA la nas mig bzang dang/ kha ga na ste/ mtshogs ma'i srubs 'bab pa ste/ /mtshams su sngar bzhin te/ gsung gi 'khor lo sa spyod ma ste/ de rnam ni snyoms par zhugs pas rnam par gnas so/ /ling ga yi dags lhag par gnas so/ /stobs po che dang 'khor lo'i shugs can te/ bad kan 'bab pa'o/ /bshang ba'i lam khyim gyi gnas nas rin chen rdo rje dang/ dum skyes ma ste dri ni rtag tu 'bab pa'o/ /brla sau rASh+Ta nas/ rta mgrin dang chang 'chong? ma ste/ khrag 'bab pa rab tu grags pa'o/ /byin pa gser gling nas/ nam mkha' i snying po dang/ 'khor lo'i go cha ma ste/ rngul 'bab par gyur pa'o/ /de dag ni shar la sogs pa'i phyogs/ /sor mo nag ra nas ni dpal he ru ka dang/ shin tu dpa' mo ste/ tshil 'bab pa'o/ /rkang pa'i rgyab
- 300b
sind+hu nas ni pad+ma gar gyi dbang phyug dang stobs chen mo ste/ 'di? ni rtag tu mchi ma 'bab pa'o/ /mthe bo ma ru nas?/ rnam par snang mdzad dang 'khor lo sgyur ma ste/ mchil ma 'bab pa'o/ /bus mo ku lu tA nas/ rdo rje sems dpa' dang brtson 'grus chen mo ste/ byis pa'i snabs 'bab pa'o sngon bzhin mchi pas? rnams su ste/ sku'i 'khor lo sa 'og nas spyod pa rnams snyoms pa bzhugs pas bzhugs so/ /shar gyi sgo nas khwa gdong ma'o/ /byang na 'ug gdong ma'o/ /nub nas khyi gdong ma'o/ /lho phyogs nas phag gdong can te/ /mkha' 'gro ma la sogs pa rnams kyi kha dog dang mtshan ma dang ldan pa/ rol zhon cing? de? la 'od zer 'bar bas/ bzhin kun tu rnam par 'gyur zhing/ sna tshogs su rnam par bsgyur pa ste/ lugs dang mthun pa'o/ /pho nya mo rnams ni lugs dang mi mthun pas yang dag par rnam par bzhag ste/ me'i mtshams nas gshin rje'i pho nya ma'o/ /srin po'i mtshams nas gshin rje brtan ma'o/ /rlung mtshams nas/ /gshin rje mche ba gtsigs ma'o/ dbang ldan gyi mtshams nas gshin rje 'joms ma ste/ 'di dag kyang kha dog gnyis gnyis ma'o/ /yid du 'ong ma snga ma lta bur ro la zhon pa'o/ /dpal he ru ka la sogs pa dpa' bo rnams ni rdo rje dang dril bus 'khyud pa'i phyag rgya can no/ /lha mo thams cad kyi phyag na gri gug dang thod pa thogs pa/ sgeg pa la sogs pa'i nyams dang ldan pa/ spyan gsum ma mche ba gtsigs pa/ thod pa'i phreng bas brgyan pa/ 'od zer du ma spro zhing 'bar ba/ khro gnyer yon pos mig gis blta ba/ ro mnan cing de las 'od zer 'bar ba nyi ma la gar gyis bzhugs pa'o/ /khwa'i gdong can ma la sogs pa bshad pa ni/ stag gi pags pa'i sham thabs can/ thor tshugs kyi nor bu dang/ rna cha dang mgul rgyan dang/ gdu bu dang rdo rje'i
- 301a
sked? ba dang/ thod pa'i phreng bas mgul pa brgyan pa de bzhin du rkang pa gnyis la dril bu g.yer kas brgyan pa/ shin tu g.yon brkyang bas bzhugs pa'o/ /gong gi dpa' bo nyi shu bzhi?/ /he ru ka dpal rigs byung ba/ mkha' 'gro ma ni nyi shu bzhi/ /phag mo'i rigs las byung ba'o/ /ye shes dam tshig mnyam gyur pas/ /de phyir rdo rje zhes su brjod/ /dbang gi don ni bsgom byas nas/ /phyi nas mchod pas mnyes byas te/ /thams cad snga ma lta bu'o/ / da ni byang chub phyogs kyi sum cu rtsa bdun gyi lha'i sbyor bas rnam par bzhag ste/ lus dran pa nye bar gzhag pa ni/ mkha' 'gro ma zhes bya ba nas/ mi dge ba'i chos ma skyes pa rnams ma bskyed pa ni gshin rje brtan ma'o zhes bya ba'i bar/ bcom ldan 'das rdo rje 'chang chen pos gsungs te/ byang chub kyi phyogs kyi chos sum cu rtsa bdun gyi lha'i rnam par dag pa'o/ /snying gi nang song pad+mar ni/ /'dab ma brgyad pa ge sar bcas/ /de'i nang du son pa'i rtsa/ /mar me lta bu'i rang bzhin te/ /chu shing gi ni me tog bzhin/ /'phyang zhing kha ni 'og tu'o/ /de yi ngan song dpa' bo ni/ /yungs kar spom phra'i tshad tsam ste/ /gzhon med hUM des sa bon ni/ /ba mo lta bu 'dzag pa nyid/ /lus can rnams kyi snying dga' ba/ /de phyir zhes bya rnam par bshad/ /me ni chen po'i gzugs kyis ni/ /phag mo'i thig le ru ni brjod/ /las kyi rlung gis bskul ba yis/ /lte ba'i dkyil 'khor du ni 'bar/ /dpyid thob pas ni mnyes gyur nas/ /snyoms par 'jug pa rnam par dag /'di ni he ru ka dpal dpal/ /dpyid kyi thig ler brjod pa'o/ /stong pa nyid kyi tshul 'dzin ma/ /rgyu dang mi rgyu yang dag gnas/ /sku gsung thugs kyi dbye ba yis/ /sgo ni rnam pa gsum 'byung bar/ /
- 301b
'byung ba 'di ni 'jug pa ste/ /'di dag thams cad lus la gnas/ /lte ba'i a yi tshul gyis ni/ /thung du ru ni yongs su grags/ /snying la hUM gi yi ge ni/ /ring po tshang gnyis dag tu gnas/ /mgrin par oM sti? gzugs kyi ni/ /shin tu ring po tshang gsum pas/ /dpral ba'i haM zhes bya ba ni/ /mi shigs pa'i thig le'o/ /'khor lo bzhi yi dbye ba yis/ /sa sogs 'byung ba bzhi dag dang/ /thun bzhis byin gyis brlabs pa yis/ /skad cig bzhi ni 'byung ba dang/ /dga' ba bzhi yi rang bzhin gyis/ /sbyor ba bzhi yi sngon du'o/ /mchog tu dga' ba'i mtshan nyid kyis/ /bya dang byed pa'i dngos po min/ /rdo rje sems dpa' i tshul gyis ni/ /'dir ni ji ltar bde bar rol/ /pad+ma 'dab ma bzhi po yang/ /phyogs bzhir rnam par gnas pa ni/ /'byung ba bzhi yi rtsa yin te/ /mar me lta bu'i rang bzhin no/ /mtshams su rnam par gnas pa'i tshe/ /de yi nang song bzhi po yang/ /de nas bdud rtsi lnga 'bab pa/ /de nyid rang bzhin med tshul gyis/ /'dir ni mchod pa'i tshul gnas bas/ / mchod pa bzhin du yang dag bshad/ /lus kyi snying gi nang na ni/ /rtsa rnams brgyad ni rnam par gnas/ /gzhan yang sku gsung thugs dbye bas/ /nyi shu rtsa bzhi yang dag bshad/ /gnas sogs dbye ba la brten te/ /gnas dang gnas la rnam par gnas/ /ltung byed la sogs rnam dag pa/ /khwa gdong la sogs sngar ji bzhin/ /zhes bcom ldan 'das rdo rje can gyis rgyas btab pa'i phyir gsungs so/ /rdzas bcu las ni sngar bsam pa/ /yi ge a las byung ba'i snod/ /rlung gi me yi dkyil 'khor la/ /sbar bas 'khor bar gyur pa dang/ /dbyangs yig dang po yang dag ldan/ /skad cig de las 'bar zhing blta/ /bzlog pa'i ye ge mnyam sbyor ba/ /rgyud kyi sngags ni bsgom par bya/ /yi ge oM gyis kun gsal bas/ /de nyid
- 302a
gsum la yang dag brjod/ /de ltar bsgom gyur na lha mo/ /rdzas kyi dngos grub bzang po byed/ /'di yi rnal 'byor dngos grub ni/ /byin gyis brlab par yang dag 'gyur/ /oM a ra lI dza(rgyud 'grel): hUM baM ho(rgyud 'grel): sa ma ya stwaM/ oM badzra DA ki ni/ kha kha khA hi khA hi/ i maM pa liM b+huny+dza tha pi ba tha ma ma karma sA d+ha ya tha oM A:hUM pheM pheM swAhA/ oM na mo b+ha ga wa he pI re shA ya/ mahA kalpAgni saM ni b+hA ya/ dza TA ma ku Totka TA ya/ daMSh+TA ka rA lo gra b+hA Shi na mu khA ya/ sa ha sra b+ha su rA ya/ pa ra shu pA sho dyA ta shu la kha TwAM ga d+hA ri Ne/ byag+h+ra dzi nam+ba ra dyA rA ya/ mahA d+hU nbrAnd+ha ka ra wa pu ShA ya/ oM ka ra ka ra ku ru ku ru/ band+ha band+ha/ trA sa ya trA sa ya/ k+Sho b+ha ya k+Sho b+ha ya/ h+rauM h+rauM/ h+ra(rgyud 'grel): h+ra(rgyud 'grel): pheM pheM/ phaT phaT/ da ha da ha/ pa tsa pa tsa/ b+hak+Sha b+hak+Sha/ ba sa ru d+hi rAn+t+ra mA lA ba laM bi ne/ grih+na grih+na sapta pA hA la ga ta b+hu dzaM gaM sarbaM ShA/ hardza ya hardza ya/ A kaDDhya A kaDDhya/ h+riM h+riM dz+nyauM dz+nyauM/ k+Sh+maM k+Sh+maM haM haM/ hiM hiM/ hUM hUM/ ki li ki li/ si li si li/ hi li hi li/ d+hi li d+hi li/ huM hUM phaT phaT/ sngags thams cad kyi mdza' ru hUM dang phaT ces bya ba'i yi ge sbyar ro/ /rab tu gtum mo la sogs pa'i mkha' 'gro ma rnams ni/ rang gi ming gi sngags nye bar brjod do/ /dang por oM gyi yi ge dang/ mthar hUM gi yi ge rab tu sbyar ro/ /oM sh+rI badzra he he ru ru kaM huM hUM phaT/ DA ki ni dza la saM ba raM swAhA/ oM h+rI(rgyud 'grel): ha ha huM hUM phaT/ oM suM b+ha ni suM b+ha huM hUM phaT/ oM grih+na grih+na huM huM phaT/ oM grih+na pa ya/ grih+na pa ya huM huM phaT/ oM A na ya ho b+ha ga bAM badzra rA dza huM huM phaT/ snying po dang nye ba'i snying po'o/ /oM sarba bud+d+ha DA ki nI ye/ badzra war+N+Na nI ya huM hUM phaT swAhA/ snying po'o/ /oM bai ro tsa nI ye huM hUM phaT swAhA/ nye ba'i snying po'o/ /oM tsau rI hUM hUM phaT/ nye ba'i snying po'o/ /rje
- 302b
btsun ma'i rkang pa'i sngags so/ /oM ha na ma hi/ swAhA hu/ bau? Sha Ta he hUM hUM ho/ phaT haM/ dpa' bo'i go cha drug go /oM bi haM yoM h+rIM moM h+reM h+rEM hUM hUM phaT phaT/ yi ge oM ni thams cad du ste/ rnal 'byor ma drug gi go cha'o/ /dpal 'khor lo sdom pa'i sgrub thabs slob dpon chen po brtul zhugs kyi spyod pa'i zhal snga nas mdzad pa rdzogs so// //*/ (/bde mchog 'khor lo'i dkyil 'khor gyi cho ga bzhugs so// //) rgya gar skad du/ b+ha ga wA na sh+rI tsa kra saM ba ra maN+Dal bi d+hi/ bod skad du/ bcom ldan 'das dpal bde mchog 'khor lo'i dkyil 'khor gyi cho ga/ bcom ldan 'das dpal rdo rje sems dpa' la phyag 'tshal lo/ /dpal ldan khrag 'thung 'gro ba'i mgon/ /nyi shu rtsa bzhi gnyis med la/ /phyag 'tshal dkyil 'khor spyod pa dang/ /brtul zhugs rim pa bsnyen pa bshad/ /lugs su byung? dang bzlog pa dang/ /tha dad phyi ni spas pa dag /shes nas gang yang cho ga 'di/ bdag gi thams cad bshad par bya/ /sgra dang sgra nyams brda dang ni/ /sdeb sbyor mtshan nyid spangs pa yi/ /'khor lo mchod pa'i cho ga gsal/ /de ni bdag nyid dran phyir dang/ /gar gyi gnas dang mtshungs 'dra ba'i/ /phyi rol bstan bcos sun 'byin pa/ /don la rtog pa de nyid can/ /spyod dang thar pa'ang rang dga' yin/ /legs par brtags pa'i slob ma la/ /slob dpon gyis ni dkyil 'khor bri/ /'jam zhing snyan par smra ba dang/ /snying rje la sogs phan sems ldan/ /thos dang klog la mngon par brtson/ /gsang ba'i cho ga lhag par dang/ /rtag par rgyun du bla ma gus/ /slob ma de ni yongs su gzung/ /de ni dngos grub ma lus pa/ /sgrub byed ye shes bshad bya ste/ /lha ni mnyes
Colophon
dpal 'khor lo sdom pa'i sgrub thabs slob dpon chen po brtul zhugs kyi spyod pa'i zhal snga nas mdzad pa rdzogs so/