MW21521_70716Eམན་ངག་ཨ་ཏི་ཡོ་གའི་ཆོས་སྐོར།All versions of this work

byang chub sems kyi man ngag seng chen mchongs pa'i rgyud

Text

ff. 12a–13a · 3 folio sides

  1. 12a

    bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas/ byin gyis brlabs kyis bshad pa yi// rig pa thabs kyi brgyud pa yis// man ngag seng chen mchongs pa'i rgyud// 'khor rnams kun la bstan pa ni// seng ge rtsal rdzogs gang dkar rtsal mchod // phyogs bcu ku na bde gang la thogs pa med// rtsal gsum lus la rdzogs pas de bzhin kun tu mchong // gang la thogs pa med pas de bzhin kun tu bde// de bzhin man ngag snying po byang chub sems// ye shes rtsal drug rdzogs pas gang la nyam nga med// thams cad thig le gcig pas de bzhin nga la mchong // de la thogs pa med pas dor med kun tu bde// gang la thogs pa med pas man ngag seng chen mchong // zhes so// byang chub kyi sems man ngag seng chen mchongs pa'i rgyud// don rdeg tshig gi yang dag don bstan pas// seng ge rtsal rdzogs gang la thogs med ltar// man ngag don rdzogs byang chub snying po nyid/ gang ltar mchong yang thogs meng kun tu bde// gang la blo mi gnas pas thogs med sa la 'dug/ man ngag seng chen mchongs te gang la thogs pa med// byang chub myu gu nyid

  2. 12b

    la drun to// rgyu ba med// dran pa de shes pa'i snying po de don gyis// brdas mtshon dam pas dpal dang nyid pas// man nga ga seng chen mchongs te gang la thogs pa med/ ma yangs btang snyoms rab ldan shes pa'i mchog/ gzung 'dzin gnyis bral snying po'i don la bzhag/ ji ltar yang dag ma yin gang ltar mi 'jog pa// man ngag seng chen mchongs te gang la thogs pa med// gang la mi sems sems pa'i don dang bral// cir snang cir med 'di zhes bstan pa med// mi g.yo gang yang mi sems nyams kyi myong chags med// man ngag sad chen mchongs te gang la thogs pa med// 'gyur med dbyings na thogs med ye shes mchongs// mi rte// mi 'dzin pasgom par bya ba'i yul dang bral ji ltar yang 'jig pa med pa bde ba chen po'i ngang // man ngag seng chen mchongs te gang la thogs pa med// gang la chags med spyod med snang ba rang bzhin med// de bzhin blo gnas ma yangs rtog dang bral// ngang la dang gnas bde ba'i ngang la gnas// man ngag seng chen mchongs te gang la thogs pa med// sems la sems lta gang la mthong med gsal// ma mthong mthong ba de don rnam par dag/ rig pa rgyun gsal ngang la dang gnas pas// man ngag seng chen mchongs te gang la thogs pa med// gsal

  3. 13a

    la gsal lo rtag pa las 'das shing // gsal rtog med de sa yengs dang gnas pa// reg pa lhun chags bde ba chen po'i mchog/ man pa/ seng chen mchongs te gang la thogs pa med// lbu bstar med man ngag bzhag pa meng // 'di zhes mthong med don nyid sgom du med// bde ba'i ngang la dang gnas dgongs pa'i mchog/ man ngag seng chen mchongs te gang la thogs pa med// seng chen dgu mchongs man ngag don gyi dbyig/ gdeng chen man ngag don ldan yang // thugs rab gsal ba'i dkyil 'khor 'dir bcangs na// skye ba 'di la 'bras bu mngon sangs rgyas// 'di gzung thugs kyi dkyil du gter du chongs// zhes bstan to// byang chub sems kyi man ngag seng chen mchongs pa'i rgyud/ oM thai/ rdzogs so// bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yi// rig pa thabs kyi rgyud pa yi// man ngag dang mo 'gros kyi rgyud// 'khor rnams kun la bstan pa ni// dang mo'i 'gros rdzogs rin chen 'dam la 'gro// 'brel te ma chad 'grus med gnas su 'gro//