Q2088MW1KG13126_2088rgyud 'grelAll versions of this work

sbyor ba yan lag drug gi man ngag rje dus 'khor zhabs kyi_(sa)_mdzad pa'i snyan rgyud zhal gyi gdams

Text

ff. 249a–252a · 7 folio sides

  1. 249a

    yang dag 'jug/ lte bar gtum mo spang ba yis// de bzhin gshegs pa lnga bsregs te// spyan la sogs pa yang bsregs nas// haM bsregs pa las zla rgyun 'bab// dam tshig sems dpa' spyod yul can// sku mthong nas ni nyin ro yis// dus su srog gi rlung dag ni// rnal 'byor thar pa 'dod pa yis// bum pa sbyor bas dgag par bya// ji srid du ni 'khor bzhin ma// rang gi lus la yongs bskor ba// 'od zer 'khor lo mthong 'gyur te// sngon gsungs sku la rang gi yin// des ni rma drug reg spangs bde// chu nyi lta bur rab snang bar// dri ma med par sna tshogs mdog/ rnam pa kun tu rang gi sems// rang gi sems nyid bde ba nyid// ting 'dzin bde chen rnal 'byor la// spyan lnga mngon shes drug 'byung ste// chu srin la sogs khyim rnams su// ma rig la sogs lugs bzlog pas// sa ni bcu gnyis thob 'gyur te// rtog pa med pa'i chos can la// skad cig gcig la mngon sangs rgyas// rdo rje nyi ma snang ba che// rdo rje zla ba dri ma med 'od// sa rnams yongs su rdzogs pa yi// dngos po gnyis su rab bstan te// ye shes yod pa des na de// skyob pa ye shes can du brjod// dmigs pa med pa'i snying rje yis// sgyu 'phral dra bas byang chub pas// yid bzhin nor bu lta bu ni// mtha' yas sems can re ba skong // sems can sgrol ba'i bde ba che// 'dzag pa'i 'dod chags sel bar byed// 'gro drug sdug bsngal sil byed pa'i// lam mchog tshel dang phrad par shog/ rnal 'byor gsum gyi snying po gsal ba zhes bya ba// byang chub sems dpa' 'jam dpal rgyal po grags par gdul bya/ la dgongs nas skye ba bzhes nas mdzad pa rdzogs so// / paN+Di ta so ma nA tha dang / lo tsA ba 'bro shes rab grags kyis bskur ba'o// // dpal ldan bla ma dam pa rnams dang dpal dus kyi 'khor lo la phyag 'tshal lo//

  2. 249b

    dus kyi 'khor lo phyag 'tshal nas// rnal 'byor yan lag drug bshad bya// so sor sdud dang bsam gtan dang // srog rtsol de bzhin 'dzin pa dang // rjes su dran dang ting nge 'dzin// rnal 'byor yan lag drug tu ni// rgyud du sangs rgyas mchog gi gsungs// kun la rab tu shes bya ste// rab kyi dang po rtogs pa'o// 'bring gis srog rtsol la sogs yin// thams drug po rim pas bsgom// byis pa gzhug dang bum pa dang // gsang ba ye shes sngon song bas// bzhi pa yi ni dbang byas te// dam tshig rtsa ba yan lag can// de yi dben par gnas byas la// so sor sdud pa 'di ltar bsgom// bsgom pa stong nyid bsgom pa yis// 'gag pa rlung ni 'gag par byed// skye ba shugs la bde ba skye// 'byung ba lam rtags dngos su 'byung // ngo ba stong pa nyid yin te// se so'i rtog pa thams cad sdud// dbye ba bcu du gsungs pa yin// dbang po'i mngon sum dag tu gzhed// ye shes phung po shes rab bo// 'bol ba'i bstan pa byed pa ni// lus bsrang rdo rje skyil krung bca'// lce bzlog gsus sbyar mig gyen bzlog/ gtsug tor sgyur ba'i lta stangs so// lag gnyis rdo rje bsdams par bya// des ni rlung rnams 'ching byed pa'o// dpral ba'i thig lang srog bcug la// g.yas pa sa'i rlung dus su bsgom// mtshan mo bla ga ba bcas pa ru nam mkha' la dmigs stong nyid bsgom// srod dang tho rangs gung la min// nyin mo \u0f7f/ gal med pa ste// nam mkha' la bltas snga dro phyi// nyi zer nyi ma'i gung la min// de ltar bsgoms pas yul sogs dgag/ nang du lta ba'i mig sogs te// stong nyid gzugs te dmigs bcas mthong // chos la pha rol bcu gnas pa// lha la lha mo bcu zhes bya// rtags su lam la bcu mthong 'gyur// du ba smig rgyu mkha' snang dang // mar me 'byung ste 'byung rlung thim// tha ma sprin med nam mkha' ni// rtags can shes rab pha rol phyin//

  3. 250a

    'bar ba zla nyi glog sgra gcan// thig le drug ste tha ma yin// thams cad rlung mthong rtags can te// 'byung lnga ye shes phung po lnga// gsang 'dus mtshan brjod nas phyed phyed// sprul sku longs sku rtog med do// rdo rje bslang ba'i bde ba 'byung // bsgoms pas dus car ri mo nag/ mthong ba nang du stong gzugs so// des ni stong gzugs rtogs par byed// so sor sdud la snyoms zhugs nas// sngags kun byin gyis rlob byed pa// ngag ni bden par 'grub pa'o// gzung ba'i yul dang bral bar 'gyur// gnyis pa bsam gtan yan lag ni// stong gzugs brtan phyir byed pa'o// ngo bo yul ni stong gzugs te// dus ni nam mkha' rgyu dus su// dbye ba rnam pa lnga zhes bya// lta stangs de nyid phyag rgya ni// mnyam gzhag yid kyi mngon sum ste// sgom pa sngar gyi stong gzugs la// sems gzhag nam mkha' lta ba yin// 'byung ba'i rim pas gong thim pas// sa sogs gang mthong sgyu ma ltar// mnyam gzhag rjes thob med par mthong // bsam gtan chags pa'i bde ba 'byung // lha mos bsngal la lung bstan thob// stong nyid sems 'jug shes rab ste// dngos rnams sems 'dzin rtogs pa'o// de 'dzin 'jug pa spyod pa'o// sems kun gzhag pa dga' ba'o// bde ba phun sum mi g.yo bde// mtha' yi bdag nyid rnam shes so// bsam gtan la ni snyoms zhugs na// mngon par shes pathob par 'gyur// de gnyis thog mar dge ba ste// stong gzugs rtogs pas bsnyen par gsungs// de nas stong gzugs mthong nas ni// mi 'gyur bde ba skye ba'i phyir// srog rtsol yan lag bsgom par bya// rkang pa gcig gis gcig mnan cing // mthe bong nang bcug khu tshur bsdam// yul ni rtse gsum rlung yin no// 'du byed phung po rlung rgyu'i dus// lta stangs bdud rtsi 'khyil pa'o// phyi ru dang po rlung gtor nas// nang du myur dang skam

  4. 250b

    sdad dang / rengs dang sngags sbyor gda' yi ni// bum pa can dang rdul mtha' yis// rlung gnyis dbus su rab bcug nas// rlung bcu rab tu zhi bar bya// rdo rje'i me la srog zhugs pa'i// bde ba nges par skye bar 'gyur// zla ba drug tu brtson byas pas// zhag re rlung ba na 'gag 'gyur te// nyi khri chig stong drug brgya 'gag/ de yis lte bar rlung gnyis 'dom// ye shes gtum mo 'bar ba yis// sangs rgyas lha mo bcu bsad nas// khu ba bcas/ pa'i bde ba 'byung // steng dang 'og tu gnas gnyis dod// ma zos bkres med zos kyang 'jug/ thur sel mi 'dzag bde ba 'dzag/ sgyu 'phrul rdo rje gsus po che// lus yang la sogs mi rtog bde// yid kyi mngon sum zhes bya'o// smyig dang tshul byas nges par ni// sasas rgyas byang chub sems rnams gzigs// rlung sems rab tu brtan bya'i phyir// 'dzin pa'i yan lag bsgom par bya// yul ni bde ba'i rlung nyid de// brtan pa 'dzin pas 'dzin pa'o// tshor ba'i phung po dbus mar gnas// lta stangs la sogs de 'dra la// log pa gnyis bsdam nam mkha'i dus// d+hU tIr rlung ni tshud tsam gyis// lam du mi gsal thig ler gzhug/ lus sogs thig le bzhi po la// rim dang cig char rlung sems ni// nges par btsud nas mi g.yo bya// de la mi g.yo brtan gyur pas// thig ler chags pa'i bde ba skye// bud med kun la snyoms 'jug kyang // thig le ltung bar mi 'gyur ro// lung ston bde skye lus brtan 'gyur// de yang yid kyi mngon sum mo// rtag tu 'dzin pa'i stobs kyis ni// rdo rje sems dpa' yang dag 'jug/ 'chi bdag la sogs kyis mi tshugs// 'gro dang 'ong ba zad byed cing // nyon mongs lo sogs zad par byed// stobs bcu la ni 'jug par 'gyur// tshe ring nad med khams cha snyoms// de gnyis bar du dge ba ste// nye bar bsgrub pa zhes bshad la// drag shul spyod//

  5. 251a

    par gsungs pa'o// de nas bde ba spel sbyang phyir// rjes su dran pa'i yan lag bya// yul ni bde ba nyid yin te// bde brgyud la dran pa'o// ye shes rlung rgyu'i dus su'o// lta stangs lha'i lta ba ste// 'du shes phung por mthe'u chung gzhug/ dbye ba gsum ste bsgom stobs dang // lag pa bud med sbyor ba yis// 'khor gnas dpral gnas byang sems dbab// rdo rje nor bur rab gzung ba// dngul chu'i dpe yis shes byas la// steng nas 'og tu rdo rje gcig/ de 'dra rlung sems gtad pas ni// dga' ba bzhi la bcu drug skye// yang ngo chags chen mtshan nyid do// ras bal rtag la be shing dpe// spros bcas spros med shin tu med// 'pho ba'i bag chags spangs byas pas// sgrib pa gsum po dag par 'gyur// chags pa shin tu sbyang bar bya// de don bsgoms pas bde chen ni// lhan cig skyed pa skye bar 'gyur// mngon shes drug kyang cher 'gyur zhing // gzugs sku rnam gnyis mngon sum mthong // nges par lung bstan thob par 'gyur// rang rig mngon sum du ni 'dod// rjes dran la ni snyoms 'jug pas// 'od kyi dkyil 'khor 'byung bar 'gyur// gzhan yang ye shes sku las so// bsgrub pa zhes ni gsungs pa'o// de nas mi 'gyur ba de bsgrub phyir// ting nge 'dzin ni nges par bsgom// ngo bo bde stong gnyis med de// de la rtse gcig gnas pa'o// gzugs kyi dbyings kyi phung po sogs// ye shes rlung rgyu'i dus su'o// sangs rgyas zhi ba'i lta stangs ste// lag pa ting 'dzin phyag rgya'o// bsgom pa dmigs bcas stong gzugs dang // dmigs med bde ba ro mnyam la// sems ni mi g.yo brtan par gnas// dngos po thams cad bde 'char ro// dpal ldan mi 'gyur bde ba skye// sangs rgyas dngos su yang dag mthong // de la brtan par gyur pa des// thig le gyen log/

  6. 251b

    spyi bor 'gro/ rdo rje nor bu ngo bo nyid// thob nas chos sku longs sku dang // sprul sku gnas bzhir thob par 'gyur// rdo rje bzhi dang rnam thar dang // byang chub bzhi yang rtogs par 'gyur// gsang gnas bzhi yang rtog/ por 'gyur// gsang gnas spyi bor rlung dag ni// stong dang brgyad brgya 'gag pa yis// sa ni bcu gnyis rim pas thob// sku ni bcu drug dag par 'gyur// thig le spyi bo rdul nor bu// mi gnas mya ngan 'das par brjod// yon tan thams cad rdzogs par 'gyur// ting 'dzin dbang sgyur tsam gyis ni// sgrib pa thams cad bral bar 'gyur// dri ma med par dag par 'gyur// gzugs kyi phung por gsungs pa'o// sgrub pa chen po zhes bshad de// rnal 'byor mngon sum yin par 'dod// de gnyis tha mar dge bar 'dod// de ltar yan lag drug po la// lo gsum zla phyed gsum gyis ni// sangs rgyas 'dra bar 'gyur ba ste// sa dang thob pa zhes kyang 'dod// khams drug sbyangs pas ye shes drug/ rigs drug pha rol phyin drug 'dod// mngon shes drug dang rjes dran drug/ rlung drug ye shes bla ma gsungs// lus gzir 'phags la phyag rgya gsal// de nas spyod pa gsum byas pas// dag pa'i sku bzhi ye shes 'grub// stobs sogs yon tan kun rdzogs pa// tshe 'dir nges par 'gyur ba'o// bar dor sangs rgya'i man ngag 'di// 'og rlung steng gi bu gar gdon// sbyor drug man ngag 'di pa dag/ ma sgoms na yang skye bdun 'grub// so sor sdud pa'i rtags byung zhing // gal te shi rab gyur pa na// de ni lam dam pa dang 'phrad// de nas dngos drug thob par 'gyur// chags can sbyor drug man ngag ni// dbab dang gzung dang bzlog pa dang / gnas su bsgyel la rtsa dmigs gdab// rlung ba sre sbyor ba drug pos bya// so sor sdud pa'i spog pa ni// drag tu byed cing 'tsham par bya// bsam gtan stong gzugs drag

  7. 252a

    tu bsgom// btsan thabs sbyor ba rlung bzung ba// mgo bo mi na'i bar du bya// rlung sems drag tu thig ler gzung // chags la las rgya mang la sbyar// bde chen ro mnyam dag tu bya// 'di min mchog ni mi 'grub ces// gsungs pas nges par 'di bsgrub bya// rtog bsgom 'jig rten 'khor gsungs pa// bskyed rim la sogs ci zhig bya// dus 'khor zhabs kyi gsungs pa yin// sbyor ba yan lag drug gi man ngag rje dus 'khor zhabs kyi mdzad pa'i snyan rgyud zhal gyi gdams pa rdzogs so// // paN+Di ta so ma nA tha dang / lo tsa ba 'phro shes rab grags kyis bsgyur ba'o// dge'o// @#/ da sa kyil la'i ga gci c-i da la phre gas// rgya ga skad dri/ shrIkA la tsakro pa dwe shwa yo ga Sha ShAD+ga Than+t+ra bany+dzi kan+t+ra ma/ bod skad du/ dpal dus kyi 'khor lo'i man ge sbyor ba yan lag drug gi rgyud kyi dka' 'grel zhes bya ba/ dpal dus kyi 'khor lo la phyag 'tshal lo// yod min med min yod med min// gnyis ka'i bdag nyid med pa'ang min// mu bzhi las ni rnam grol ba// bde chen sku la phyag 'tshal lo// dang po sangs rgyas rgyu med las/ 'jam pa'i rdo rjes phyung ba yis// sku rnams bzhi yi don bsdus pa// mtshan nyid de ni dgrol bar bya// shes rab thabs min zhes bya ba la sogs pa gsungs pa la// 'drir shes rab ces bya ba ni cha bco lnga'i bdag nyid dkar po'i phyogs so// nag po'i phyogs ni zla ba'i cha zad pa'i phyir na thabs so// de ltar dkar po ni mtshan mo ste// nag po ni nyin mo'o// de'i phyir lhan cig skyes pa'i sku ni shes rab las kyang ma yin no// thabs las skyes pa yang ma yin no// lhan cig skyes pa'i sku 'di lta bu zhes bya ba ni sangs rgyas rnams kyi yul lo// de ltar yod pa min te/ dkar po'i phyogs kyi bde ba zad pa'i phyir ro// med pa yang ni ma yin te// skad cig ma

Colophon

sbyor ba yan lag drug gi man ngag rje dus 'khor zhabs kyi mdzad pa'i snyan rgyud zhal gyi gdams pa rdzogs so/_paN+Di ta so ma nA tha dang /_lo tsA ba 'bro shes rab grags kyis bsgyur ba'o