Q158MW1PD96684_0158rgyudAll versions of this work

'phags pa dkyil 'khor brgyad pa zhes bya ba'i theg pa chen po'i mdo

Text

ff. 37a–38a · 3 folio sides

  1. 37a

    bu chen gyi lo ts+tsha ba ban de ye shes sdes bsgyur cing shus te skad gsar chad kyis kyang bcos nas gtan la phab pa// rgya gar skad du/ Ar+ya aSh+Ta maNaDa la ka nA ma ma hA yA na sU tra/ bod skad du/ 'phags pa dkyil 'khor brgyad pa zhes bya ba theg pa chen po'i mdo// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das ri gru 'dzin na/ 'phags pa spyan ras gzigs dbang phyug gi gnas na/ byang chub sems dpa' bye ba khrag khrig 'bum phrag du ma dang thabs gcig tu bzhugs te/ de nas byang chub sems dpa' sems dpa' chen po rin chen snying po zla ba snang ba zhes bya ba byang chub sems dpa'i 'khor de nyid du 'dus par gyur nas 'dug pa de stan las langs nas chos gos phrag pa gcig tu gzar te/ pus mo g.yas// pa'i lha nga sa la btsugs nas/ bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to// gal te zhus nas zhu ba lung bstan pa'i slad du bcom ldan 'das kyis bdag la skabs phye na/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la bdag phyogs 'ga' zhig zhu'o// de skad ces gsol pa dang / bcom ldan 'das kyis byang chub sems dpa' sems dpa' chen po rin chen snying po zla ba snang ba la 'di skad ces bka' stsal to/ / rin chen snying po zla ba snang ba khyod ci dang ci 'dod pa dris shig dang / ngas dris pa de dang de'i lung bstan pas khyod kyi sems rangs par bya'o/ / de skad ces bka' stsal pa dang / byang chub sems dpa' sems dpa' chen po rin chen snying po zla ba snang bas bcom ldan 'das la 'di skad ces gsol to//

  2. 37b

    bcom ldan 'das rigs kyi bu 'am rigs kyi bu mo gang la la zhig dkyil 'khor brgyad pa bgyid par 'tshal na de ji ltar bgyi/ bcom ldan 'das kyis bka' stsal pa/ rigs kyi bu khyod skye bo mang po la shin tu phan pa dang / skye bo mang po la bde ba dang / dus gsum du skyes pa'i sems can rnams kyi mtshungs pa med pa'i ye shes bsgrub pa'i phyir rigs kyi bu khyod spobs pa skyes pa ni bzang ste/ legs so legs so// rigs kyi bu de'i phyir snying bo gang brjod pa tsam gyis mtshams med pa lnga byang zhing dngos grub thams cad kyang thob par 'gyur ba byang chub sems dpa' brgyad kyi snying po nyon cig/ oM ma hA hU~M ma hA rI ra swAhA// snying po 'di ni dbus kyi bcom ldan 'das mchod do/ / oM hri hU~M pad ma pra ya swA hA/ 'phags pa spyan ras gzigs dpang phyug gi snying po'o// oM se tA rA Na swA hA/ byams pa'i snying po'o// oM A kA sha gad+hA ya swA hA/ nam mkha'i snying po'o// oM swA tri rA ya dz+ra swA hA/ kun tu bzang po'i snying po'o// oM ku ru b+ha na ra ta swA hA/ lag na rdo rje'i snying nge'o// oM shrI ai rAM ga swA hA/ 'jam dpal gzhon nur gyur pa'i snying po'o// oM ni sA raM b+ha swA hA/ sgrib pa thams cad rnam par sel ba'i snying po'o/ / oM k+Shi ti ha rA dza swA hA/ sa'i snying po'i snying po'o// byang chub sems dpa' brgyad kyi snying po de bzhin gshegs pa dang ldan pa 'di rigs kyi bu 'am rigs kyi bu mo gad la la zhig gis dkyil 'khor gyi mdun du lan gcig brjod na de'i don thams cad grub par 'gyur te/ myur tu bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro// bcom ldan 'das kyis de skad ces bka' stsal nas/ byang chub sems dpa' sems dpa' chen po de dag yid rangs te/ bcom ldan 'das kyis gsungs pa la mngon par bstod do// 'phags pa dkyil 'khor brgyad pa zhes bya ba theg pa chen

  3. 38a

    po'i mdo rdzogs s+ho/ / rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban de ye shes sdes bsgyur cing zhus te/ skad gsar chad kyis kyang bcos nas gtan la phab pa/ rgya gar skad du/ Ar+ya ya la ba a k+Sha ra pradz+nyA pa ra mi tA nA ma hA yA na sU tra/ bod skad du/ 'phags pa shes rab kyi pha rol tu phyin pa yi ge nyung ngu zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das rgyal po'i khab na bya rgod phung po'i ri la dge slong khri nyis stong lnga brgya'i dge slong gi dge 'dun chen po dang / byang chub sems dpa' bye ba khrag khrig 'bum phrag du ma dang thabs gcig tu bzhugs te/ brgya byin dang / tshangs pa dang / 'jig rten skyong ba la sogs pa lha bye ba khrag khrig 'bum gyis yongs su bskor cing mdun gyis bltas te/ dpal gyi snying po'i seng ge'i khri la bzhugs so// de nas byang chub sems dpa' sems dpa' chen po 'phags pa spyan ras gzigs dbang phyug stan las langs te/ bla gos phrag pa gcig tu gzar nas pus mo g.yas pa'i lha nga sa la gtsugs te/ bcom ldan 'das ga la ba de logs su thal mo sbyar ba btud nas/ 'dzum dmyal te/ bcom ldan 'das la 'di skad ces gsol to// bcom ldan 'das shes rab kyi pha rol tu phyin pa yi ge nyung ngu la bsod nams che ba/ gang thos pa tsam gyis sems can thams cad kyi las kyi sgrib pa thams cad byung bar 'gyur ba dang / byang chub la nges par gzhol bar 'gyur ba dang / gang dag sngags sgrub par brtson pa de dag bgegs ma mchis par gsang sngags 'grub par 'gyur ba bshad du gsol/ de nas bcom ldan 'das kyis byang chub sems dpa' sems dpa' chen po 'phags/

Colophon

'phags pa dkyil 'khor brgyad pa zhes bya ba theg pa chen po'i mdo rdzogs s+ho // rgya gar gyi mkhan po dzi na mi tra dang /dA na sh'i la dang /zhu chen gyi lo ts+tsha ba ban de ye shes sdes bsgyur cing zhus te /skad gsar chad kyis kyang bcos nas gtan la phab pa / (na, 37b8-38a1)