rdo rje sems dpa' namkha' che rgyas pa yi ge med pa'i rgyud
Text
ff. 219b–222a · 6 folio sides
- 219b
gcig de la bzhin phyag 'tshal// de rjes lta zhing de bzhin gang 'chang ba'i// ma rabs tha mal pa la sangs rgya su// lta zhing lta zhing de bzhin phyag 'tshal// 'di la gang mos khwa dang khyi la sogs/ de yang sangs rgyas nyid de kun las 'phogs// 'phags rgyas khyod rnams la'ang de bzhin bzhin phyag 'tshal// mchog gsum mchog tu gyur pa'i rgyal po la// khyad par bstod pa rab mdzes don dang ldan// de nas rgyud kyi rgyal po la bstod pa// chos 'phags chos rgyal bla med snying po 'di/ yongs la khyab par mdzes pas na/ thugs rje'i gzer khyod dam pa rnams kyi don// yang dag bden pa de la ye nas gnas// sangs rgyas sa la rtag par bzhugs pa yi// lhun grub mchog la 'di yis bzhag par bya'o// byang chub sems kyi ga'u gleng chen du// sangs rgyas se naM ma lus bsres te shog/ byang chub kyi sems khyad chen gyi rgyud las// bdag po la bstod pa dang // chos la bstod pa dang // nge 'dzin pa la mchog gsum gyi tshul du bstod pa dang / rgyud gtad pa'i le'u ste bcu pa'o// / rgyas pa chen po sha bu rgyas pa ma'i sgo bkag ste// rgyas pa bag yangs bde bar bzhag pa'i khyud chen gyi rgyud rgyas pa chen po'i mtha' rdzogs so// / rgya gar gyi mkhan po shri sid+d+ha dang / bod kyi lo ts+tsha ba bai ro tsa nas bsgyur ba'o// / rdo rje bem pa po ma kyi mi ge ming ba'i rgyung yug/ rdo rje sems dpa' namakha' che rgyas pa yi ge med pa'i rgyud/ rgyal po'i rgyud du gsungs pa/ yi ge med
- 220a
pa 'di gsungs pa'i tshe na/ nyid dang tha mi dad pa rnams// sngon ma thos pa 'di thos pas skrag par gyur to// de nas rdo rje 'dzin pa la sogs pa 'dun pa rnams dang / sems pa dang / sems ma dang / sgo ba dang / sgro ma dam pa'i sgo gsungs gshin rje'i gshed po la sogs pa dang / bcom ldan 'das dpal mi skyod pa la sogs pa dang / btsun mo rnams dang / dper na til gyi gang bu bzhin du khyab par gnaso// de nas 'khor rnams kyi zhu ba zhus pa// de bzhin gshegs pa nyag gcig gis// thugasu chud pa'i don mchog de// gzu bo chen pos bshad du gsol// mtshan ma rnams ni spangs pa ni// thabs mchog dam pa bshadu gsol/ yi ge med pa bshad du gsol/ yi ge med pa las gleng gzhi'i le'u ste dang po'o// / de nas bdag po'i mchog rnam par snang mdzad kyi skur byung nas bkag par ma mdzad 'dzum par mdzad// 'khor gyi don thugs chud nas// rigs kyi bu khyed zhes gsungs te/ khyed rnams legs par nyan 'dod na// rgyud 'di shin tu rtags dka' ste// mtshan ma kun dang bral bas so// dpa' bo chen po 'dzem pa ni/ shin tu bzlog par dka' na yang // reg pa'i tshul gyis rnam par sbyang // 'dun pa dang po skyes pa yang / shin tu bzlog par rab tu dka'// de nas 'khor rnams kyis mgrin cig tu don zhus pa// bde bar gshegs pa'i don rtogs pa// mtshan ma med pa don gyi mchog/ yi ge med pa'i don ma 'tshal// bde ba ro gshegs pa yi ge med// gang zag nongs pa'i yi ge can// bdag cag mtshan
- 220b
ma las ldog lags// rtag rnams lnga las grol bar 'tshal// de nas thaMd mkhyen pa de// bka' yi don dam yi ge med// gsungs pa las ni ma log pa// dang pa'i rgyud la blo sbyangs pa// bar du bsam pa thag chod padang yang na yang rab blo yi rtsal/ don dag mgo smos go ba dang // thabs ma nor bar bslab pa dang / de la ta kyi nyid du snang // kha gsal bla blo tshogs la'o// don dam rig pa slob ma la/ grol ba bdag nyid rin chen rigs// bdag po rab tu mnyes pa ste le'u gnyis pa'o// // de nas bdag po'i mchog gis/ ye shes kyi rim pa gsungs pa// ye shes ma bskyed dbyings ma bskyed// rang sems rang gis mthong ba ni// mtshan ma yin te don dam min// bkag pa tha ma byung ba des// sems bcos thabs ni de la rigs/ spyod pa chos dbyings zad mi shes// sde snod gsum yang ma bkag ste/ chos gcig ngo bo de la med/ gal te mtshan ma snang ba las// ti nge 'dzin de reng na ni/ ma rig pa dang thar pa thob// byang chub lam dang dmigs pa gnyis// ti nge 'dzin gyi khyer ro// bde gshegs yi ge med pa las ye shes rim pa'i le'u ste gsum pa'o// / de nas bdag po'i mchog la// bde bar gshegs pa'i 'khor gyis zhus pa/ kye ma bde bar gshegs pa'i gtso// dam pa yi ge med pa 'dir nam yang ma khums de ring khums// dog sa rnams kyang cher g.yos pa/ 'khor rnams sngon ma thos pas dngangs// yi ge med pa 'di yi no// shes rab khyad par ji ltar lags// gtso bo dam pas bka' srul pas
- 221a
yi ge med pa'i shes rab ni// dmigs pa med pa'i shes rab ste// chos dbyings zang ma ma bcos la// ye shes spyi blugs skad cig mas// rang byung rig pa de yis gtsang // dbyings dang ye shes ngo ti phrad// de bzhin gshegs pa thams cad kyi rang bzhin// yi ge med pa'i rgyud mchog laso// shes rab dmigs med par bstan pa'i le'u ste bzhi pa'o// / de nas khyad par du zhus pa// brjod med rnam par mi rtog pa// yi ge med pa'i gsung mchog 'di// sgra yig rnam par spang sladu// bcom ldan 'das kyis bka' stsal 'tshal/ yang che du brjod pas bka' stsal pa// rang bzhin gnas pa'i chos nyid// zhi ba blang dor bral ba'o// chos kyi rang bzhin stong pa ste// sangs rgyas kyis kyang me gzigs te// mngon sum mthong ga la yin// gang yang mi zong ba med pa ni/ de ni mthong ba chen po'o kA ya dag pa chos dbyingaso// chos kyi 'khor lo bskor ba yang / skad cig tsam yang byas pa med// de don rtogs pa dmigs medo// yi ge med pa'i rgyud mchog 'di/ dper na rgyal po lta bu ste// rgyud rgyal yi ge med pa las/ rang bzhin gnas pa'i le'u ste lnga pa'o// / de nas yi ge med pa'i gtso mchog nges/ 'khor gyi zhu ba thugs chud nas// theg chen 'di ni sbyin pa'i gnas/ byang chub snying po tshe yis kyang // rin chen rig su gang ldan pas// bla ma'i kha nas shes par bya'o// lam gyi nang nas nye lam ste// thabs kyi mchog tu gyur pas na/ yi ge med par grags pa'o// rnam pa dang ni rmad grags par
- 221b
de yis thig chen 'bras bu thos theg pa kun las 'das pa de// yi ge med par grags pa'o// 'di yi tshul ni ma shes na// yi ge med par dbye ba med// 'di sri don dang gang ldan pa// rgyas pa chen po yi ge med pa las// bdag po mnyes pa'i le ste drug pa'o// / de nas bdag po yi mchog la// byang chub sems dpa' dgyes pa la sogs pa'i/ 'khor rnams kyi mgrin gcig tu zhus pa// dpa' chen 'khrul pa'i rnam rtogs 'joms rmongs pa'i bdud las thar pa'i mchog/ nyag gcig thugs chung don dam de// khyed kyis bla mas bshad du gsol// de nas sems pa dges pa la sogs pa'i// rnam par rtog pa mkhyen nas bka' stsal pa khyed cag legs par nyan 'dod na/ nyag gcig thugs kyi dgongs pa de/ bshad kyis sems nyid ldan par gyis/ dbyer med pa yin na mkha' de/ dang po'i tshe na na mkha' kun// bsam pa yin chod rung ba'ong tha ma la ni mi dmigs las// na mkha' gzhan ni bklag pa'o// don dam dbyer med na mkha' de// gang la bkag pa med pa ste// bkag pa med pa'i gtan tshig so// de na yod na bkag par 'gro// med pas na mkha'i me tog tshul// dgongs pa'i mtha' ni bkag medo// yi ge med pa'i rgyud laso// rnal 'byor mthong du med pa'i le'u ste bdun pa'o// // de nas bdag po'i mchog la yang zhus pa// mtshan ma 'di ni ming du yang // smon pa de yang 'gal lags sam// mnga' bdag khyod kyi mkhyen pa ru// blo rnams sbyangs phyir bka' stsal 'tshal// khyed bcag bsam pa dman pa la// zab mo rgyud rgyal yi ge med// gus
- 222a
dang bcas pasna mnyan par gyis// pho rang tshen gcad par bya// de nas red cing goms pa ni// yi ge med pa'i yan lag yin// mdzad skyong gtang rgya dang bcas pa// rin chen rigs ni 'das byas la dang bka' yi snod ni shes pa la// rgyud ni rim pa bzhin du sbyin// yi ge med pa rgyas pa chen po las// 'khor la gtang ba'i le'u ste brgyad pa'o// / de nas 'khor la gdam ngag du gnang ba bsgom bsgrub kun dang bral ba yi// ting 'dzin 'dis ni btsal dang bral// dang po'i 'du ba chung ma zong // bar du bsam pa thag chod pa// tha mar sems chos shes pa ste/ mi dmigs pa la gang gnas pa// de ni rtsal dang bral ba'o// bde bar gshegs pas gtang rgya dang bcas pa rdzogaso// / bod kyi dge slong bai ro tsa na dang / rgya gar gyi mkhan po dz+nyA na gar b+has sgyur cing zhus te gtan la phab pa'o// byang chub sems bsgom rdo la gser zhun bzhugs// rgya gar skad du/ bi d+hi tsit+ta sa mA d+hi/ bod skad du/ byang chub sems bsgom pa/ bcom ldan 'das dbyings gsum rnam par dag pa'i ngang la phyag 'tshalo// bdag med gnyis nyid bde gshegs mi rtogs ye shes chos dbyings sku brnyes pa// kun gyi rang bzhin zhi ba 'di la gsal zhing bla med lam mchog ste/ mi ldogs la sogs te dbang bcu rgyal ba kun dang gcig brnyes pad gnas gsum mnyam nyid de la mtshan med yid kyis rab tu dang pas mos// ston pa 'jig rten sgron mar gyur pa kun gyis mtshungs par rab bsngags pa/ chos la chos kyi snying por gyur pas 'jam dpal gzhon nu'i