'phags pa sangs rgyas thams cad kyi yul la 'jug pa'i ye shes snang ba'i rgyan ces bya ba theg pa chen po'i mdo
Sarbabuddhibakhayaabatarajñanaālokalaṅkaramahāyānasūtra
Text
ff. 274a–318a · 89 folio sides
- 274a
rgya yis char mi phod/ / gang zhig sangs rgyas mtshan 'di thos nas 'dzin// de dag mir gyur mchog ni legs par rnyed// mi yis 'jig rten dbyangs kyi yan lag ldan/ / rab tu 'byung ba legs rnyed zas legs spyad/ bcom ldan 'das kyis de skad ces bka' stsal pa dang / dge slong de dag dang / byang chub sems dpa' de dag dang / gnas brtan 'od srungs chen po dang / lha dang / mi dang / lha ma yin dang / dri zar bcas pa'i 'jig rten bcom ldan 'das kyis gsungs pa la rjes su yi rangs nas mngon par bstod do/ / theg pa chen po shin tu rgyas pa'i mdo las/ 'phags pa sangs rgyas kyi dbu rgyan zhes bya ba theg pa chen po'i mdo'i chos kyis rnam grangs chen po rdzogs so// / / rgya gar gyi mkhan po shUHsing ha dang / lo tsa ba ban d+he de ben dra rak+Shi tas bsgyur cing nus te gtan la phab pa// @#/ rgya gar skad du sarba bud d+hi ga kha ya a ba ta ra dz+nyA na A lo ka lang ka ra ma hA yA na sUtra/ bod skad du/ sangs rgyas thams cad kyi yul la 'jug pa ye shes snang ba'i brgyan theg pa chen po'i medo/ bam po dang po// sangs rgyas dang byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das rgyal po'i khab na bya rgod phung
- 274b
po'i ril rtse mo bzhi dang nye ba na/ snying po chos kyi dbyings kyi khang pa na/ dge slong stong phrag nyi shu rtsa lnga rnams kyi dge 'dun chen po dang lhan cig tu bzhugs te/ thams cad kyang dgra bcom pa sha stag go/ / zag pa zad pa sha stag go// nyon mongs pa med pa sha stag go// dbang du gyur pa sha stag go// sems shin tu rnam par grol ba sha stag go/ shes rab shin tu rnam par grol ba sha stag go/ cang shes pa sha stag go/ bya ba byas pa sha dag go/ byed pa byas pa sha dag go// khur bor ba sha dag go// bdag gi don rab tu rnyed pa sha stag go// sogs pa'i sbyor ba yongs su zad pa sha stag go/ bka' yang dag pas sems shin tu rnam par grol ba sha stag go/ sems thams cad la dbang dam pa'i pha rol tu phyin pa thob pa sha stag go// kun shes ko'u di n+ya la sogs pa nyan thos chen po drug cu rtsa brgyad dang / byang chub sems dpa' bye ba khrag khrig bdun cu rtsa gnyis dang yang lhan cig ste/ 'di ltar 'jam dpal gzhon nur gyur pa dang / nor dpal dang / sangs rgyas dpal dang / sman gyi rgyal po dang / sman g.yung drung 'phags pa byang chub sems dpa' sems dpa' chen po ste/ thams cad kyang phyir mi ldog pa'i chos kyi 'khor lo bskor ba sha stag go/ / thams cad kyang dkon mchog brtsegs pa shin tu rgyas pa'i mdo 'dri ba la mkhas pa sha stag go/ chos kyi sprin gyis rab tu thob pa sha stag go/ ri rab dang 'dra
- 275a
ba sha stag go/ / thams cad kyang shes rab kyis stong pa nyid dang / mtshan ma med pa dang / mi sman pa dang / ma skyes pa dang / ma byung ba dang / dngos po med pa'i chos yongs su rdzogs pa sha stag go/ / che zhing zab pa'i chos la snang ba sha stag go/ yang dag pa nyid kyi spyod yul sha stag go// 'jig rten gyi khams tha dad pa nas de bzhin gshegs pa bye ba khrag khrig brgya stong gyis bkye ba sha stag go/ / mngon par shes pa'i las kun gyis rab tu skyes pa sha stag go// chos thams cad kyi ngo bo nyid dang / rang bzhin la rab tu gnas pa sha stag go/ de'i tshe na bcom ldan 'das 'di snyam du dgongs so// kye ma bdag gis byang chub sems dpa' sems dpa' chen po rnams kyi mgyogs pa dang / stobs dang / shugs drag po bskyed pa'i phyir chos kyi mtha' zhig bya na/ gang gi phyir chu bo gang+gA'i bye ma snyed kyi 'jig rten khams nas/ gzi brjid che ba'i byang chub sems dpa' sems dpa' chen po rnams bsdus te/ chos chen po rab tu bstan pa skrag pa'i phyir/ gang gis byang chub sems dpa' sems dpa' chen po rnams 'ongs te/ chos chen po rab tu bstan pa 'dri ba'i mtshan ma bstan cing 'od chen po bya'o zhes dgongs te/ / de nas bcom ldan 'das kyis de'i tshe/ phyogs bcu bas ma yas grangs med pa'i stong gsum gyi stong chen po'i 'jig rten gyi khams kyi
- 275b
rdul phra mo dang mnyam pa'i 'jig rten gyi khams su 'od ga zer chen po sprin gyis snang bar mdzad do/ / de'i tshe na phyogs bcu'i phyogs re re nas sangs rgyas kyi zhing brjod kyis mi lang ba bye ba khrag khrig rgya stong bcu'i rdul phra mo dang mnyam pa'i byang chub sems dpa' sems dpa' chen po rnams 'ong bar gyur te/ byang chub sems dpa' re re yang bsam du med pa'i byang chub sems dpa'i rnam par 'phrul pas 'ongs so/ / 'ongs nas kyang bcom ldan 'das la tshul dang 'dra ba'i mchod pa bsam du med par byas nas/ bdag gi smon lam gyi mthus skyes pa'i pad+mo'i stan la bcom ldan 'das kyi spyan sngar/ bcom ldan 'das la mig mi 'dzum par lta zhing 'khod par gyur to// de'i tshe na yang snying po chos kyi dbyings kyi khang pa'i dbus na// sa rin po che chen po'i pad+mo dang ldan pa'i seng ge'i gdan 'byung ba zheng du dpag tshad bye ba grangs med de/ bags kyis gzhol bar langs par gyur/ 'od de thams cad yod pa'i nor bu rin po che ste/ glog dang sgron ma lta bu'i nor bu rin po che'i ra bas bskor ba/ rtsa ba nor bu rin po che'i 'od bsam du med pa ste/ dpe med pa'i nor bu rin po ches bskor ba/ mtha' med pa'i las 'das pa'i 'phreng bas mdzes par byas pa/ nor bu rin po che dbang gi rgyal po'i dra bas kun nas g.yogs pa/ nor bu rin po che rnam pa sna tshogs kyis spras pa/
- 276a
gdugs dang / rgyal mtshan dang / ba dan bsgreng ba dang ldan pa zhig byung bar gyur to// seng ge'i khri nor bu rin po che chen po'i snying po can de'i khor ra 'khor yug nas/ 'od gzer grangs med pa bye ba khrag khrig 'bum phrag bcu byung ste/ 'od gzer de dag gis phyogs bcu'i 'jig rten gyi khams gzhan dang gzhan dag snang ba chen pos khyab par gyur to/ / yang de'i chen phyogs bcu'i phyogs re re nas kyang / lha dang / klu dang / gnod sbyin dang / dri za dang / lha ma yin dang / nam mkha' lding dang / mi'am ci dang / lto 'phye chen po dang / brgya byin dang / tshangs pa dang / 'jig rten skyong ba sangs rgyas kyi zhing bye ba khrag khrig 'bum phrag brjod du med pa bcu'i rdul phra rab kyi rdul rnyed dag kyang lhag par gyur te/ de dag las kha cig ni rin po che'i khang pa brtsegs pa dag na 'khor/ lha'i bu mo bye ba khrag khrig 'bum phrag grangs med cing bsam gyis mi khyab pa glu dbyangs rol mo'i sgra 'byin pa dag lhags so// kha cig ni me tog las byas pa dag dang / kha cig ni tsan dan sbrul gyis snying po las byas pa dag dang / kha cig ni mu tig las byas pa dag dang / kha cig ni rdo rje las byas pa dag dang / kha cig ni nor bu rin po che rdo rje ltar snang ba las byas pa dag dang / kha cig ni 'dzam bu chu bo'i gser las byas pa dag dang / kha cig ni nor bu rin po che'i 'od thams cad yang dag par 'dus pa las
- 276b
byas pa dag dang / kha cig ni nor bu rin po che dbang gi rgyal po las byas pa dag dang / kha cig ni nor bu rin po che yid bzhin gyi nor bu las byas pa dag dang / kha cig ni nor bu rin po che brgya byin thogs pa las byas pa dag dang / kha cig ni rgya mtsho'i rten rnam par dag pa'i rin po che'i bkod pa stong lta bu'i nor bu rin po che chen po/ kun nas 'od zer snang ba las byas pa'i khang pa brtsegs pa dag na 'khod pa/ lha'i bu mo bye ba khrag khrig 'bum phrag grangs med cing bsam gyis mi khyab pa glu dbyangs dang rol mo'i sgra 'byin pa dag lhags so// lhags nas kyang bcom ldan 'das la bsam gyis mi khyab pa dang / mtshungs pa med pa dang / gzhal du med pa dang / dpag tu med pa las kyang shin tu 'das pa'i mchod pa byas te/ bcom ldan 'das kyis spyan sngar rang rang gi smon lam gyis stobs las byung ba'i stan dag la 'khod nas/ bcom ldan 'das la mig mi 'dzum par lta zhing sdod par gyur to// de'i tshe na stong gsum gyi stong chen po'i 'jig rten gyi khams 'di 'dzam bu chu bo'i gser las grub par kun tu gnas par gyur cing / nor bu rin po che chen po sna tshogs kyis shing ljon pa dag gis legs par brgyan pa dang / lha'i me tog gi shing ljon pa dag dang / gos kyi shing ljon pa dag dang / tsa na dan sbrul gyi snying po'i shing ljon pa dag dang / spos kyi shing ljon pa dag dang / a ga ru'i shing ljon pa dag gis kyang legs par brgyan cing / nor bu rin po che nyi ma
- 277a
dang / zla ba dang / glog gi sgron ma'i dra bas kun nas khebs pa dang / gdugs dang / rgyal mtshan dang / ba dan bsgreng ba dang ldan la/ shing ljon pa thams cad la yang lha'i bu mo bye ba khrag khrig 'bum phrag grangs med pa mu tig d+mo shal lus phyed thogs pa dang / rin po che chen po'i phreng ba thogs pa dag 'khod par gyur to// de'i tshe na seng ge'i khri nor bu rin po che chen po'i snying po can de las tshigs su bcad pa 'di dag byung ngo / / khyod kyi bsod nams stobs kyis bdag byung ste// ma dbang rgyal po tshur gshegs bzhugs su gsol/ rgyal ba rkang gnyis dam pa 'deg bgyi ste// di ring bdag gis brnag pa 'di rdzogs 'gyur// bdag gi lus 'di rin chen rgyus grub ste// 'dren pa khyod phyir bdag gis dkyil na ni// rin chen pad+ma yid 'ong gcig mchis te/ / skyob pa bdag gi brnag pa deng rdzogs mdzod// rin chen pad+ma 'di la bzhugs nas ni// bdag dang 'jig rten 'di kun mdzes par mdzod// gang thos seng ge'i khri 'di 'dra thob pa// chos de srog chags bye mang bstan du gsol// khyod kyi sku las 'od gzer stong byung ste// 'jig rten khams mang rab tu snang bgyid pa// de ni bdag gis dga' mchog skyes pa'i mtshan/ / 'dren pa bdag gi slad du bzhugs su gsol// sngon yang bdag gis phyogs 'dir rab byung ba'i// thub pa bye ba phrag brgyad bsteg gyur pas// myur du bzhugs
- 277b
te phan dgas mdzad du gsol/ / bcom ldan 'das deng 'dir phan bdags mdzad du gsol// de nas bcom ldan 'das gdan snga ma las bzhengs te// seng ge'i khra nor bu rin po che chen po'i pad+mo'i snying po can de la skyil mo krung bcas te bzhugs nas/ thams cad dang ldan pa'i byang chub sems dpa'i tshogs la rnam par gzigs te/ byang chub sems dpa' sems dpa' chen po de dag la yang dag phul gyi chos bstan pa'i ltas mdzad do/ / de'i tshe na thams cad dang ldan pa'i byang chub sems dpa'i tshogs rnams 'di snyam du sems te/ 'jam dpal gzhon nur gyur pa 'dis de bzhin gshegs pa dgra bcom pa yang dag par rdzogs pa'i sangs rgyas la bdag cag gos thos nas yun ring du lon pa/ skye ba med pa dang / 'gag pa med pa'i chos kyi rnam grangs de yongs su zhus na ci ma rung snyam mo/ / de nas 'jam dpal gzhon nur gyur pas/ bcom ldan 'das kyis ltas mdzad par yang rig/ byang chub sems dpa' sems dpa' chen po de dag gi sems kyis yongs su rtog pa yang sems kyis shes nas/ stan las langs te/ bla gos phrag pa gcig tu gzar nas/ pus mo g.yas pa'i lha nga pad+ma'i snying po la btsugs te/ bcom ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das skye ba ma mchis pa dang / 'gag pa ma mchis pa ste zhes bgyi na/ bcom ldan 'das skye ba ma
- 278a
mchis pa dang / 'gag pa ma mchis pa zhes bgyi ba de chos gang gi tshig bla dgas lag de'i tshe tshigs su bcad pa 'di dag kyang gsol to// mi skye 'gag pa ma mchis pa/ rnams 'dren khyod kyis bshad du gsol// de yis nges tshigs mtshan nyid de// ci 'dra shes rab chen po pa// mi skye 'gag pa ma mchis pa// de'i ji ltar brjod par bgyi// dpe rnams dang ni gtan tshigs kyis/ / thub chen bshad pa mdzad du gsol// byang chub sems dpa' mang po 'dus pa 'di dag ni// 'jig rten rnam par 'dren pa rnams kyis bkye lags te// ye shes 'tshal zhing khyod la phyag 'tshal mchis lags na/ / dam chos rgyal chen dam pa bshad par mdzad du gsol// de skad ces gsol pa dang / bcom ldan 'das kyis 'jam dpal gzhon nur gyur pa la 'di skad ces bka' stsal to/ / 'jam dpal legs so legs so// 'jam dpal khyod skye bo mang po la phan pa dang / skye bo mang po la bde ba dang / 'jig rten la snying brtse ba dang / lha dang mi rnams kyi skye bo phal po che'i don dang / phan pa dang bde ba dang / byang chub sems dpa' sems dpa' chen po rnams kyis sangs rgyas kyis thob par bya ba'i phyir zhugs te/ khyod de bzhin gshegs pa la don de lta bu yongs su zhu bar sems pa ni/ 'jam dpal yang khyod legs so// 'jam dpal de bzhin gshegs pas don de bstan pa na gnas de la khyod skrag pa dang /
- 278b
'jigs pa dang / dngang bar mi bya zhing 'jam dpal khyod kyis ye shes la bsten par yang bya'o// 'jam dpal skye ba med pa dang // 'gag pa med pa zhes bya ba de ni/ de bzhin gshegs pa dgra bcom pa yang dag par rdzogs pa'i sangs rgyas kyi tshig bla dag sa yin te/ 'jam dpal 'di lta ste dper na/ sa gzhi chen po 'di bai DUR+Ya chen po'i ring bzhin du kun nas gnas par gyur cing / de yang ji ltar bai DUR+Ya chen po'i rang bzhin gyi sa gzhi chen po ngal/ sum cu rtsa gsum pa'i gnas dang / lha'i dbang po brgya byin dang / khang bzang rnam par rgyal byed kyi gzugs brnyan kun tu snang bar 'gyur ba de ltar kun nas gnas par gyur la/ de na lha'i dbang po brgya byin lha'i 'dod pa'i yon tan lnga po dag gis brtse ba dang / dga' ba dang / dga' mgur spyod pa yang kun tu snang bar gyur cing de nas de'i tshe lha rnams kyis 'dzam bu'i gling pa'i skyes pa dang / bud med dang khye'u dang / bu mo thams cad la tshig 'di skad ces/ kye skyes pa dang / bud med kyi tshogs ngag tshur shog/ lha'i dbang po brgya byin 'di khang bzang rnam par rgyal byed kyi nang na/ lha'i 'dod pa'i yon tan lnga po dag gis brtse ba dang / dga' ba dang / dga' mgur spyod par byed pa la ltos/ kye skyes pa dang / bud med kyi tshogs dag tshur shog/ sbyin pa dag byin cig/ bsod nams dag gyis shig/ tshul khrims yang dag par long ste 'dug shig dang / khang bzang rnam par rgyal byed 'di lta bu dag gi nang na rtse bar 'gyur/ dga' bar 'gyur//
- 279a
dga' mgur spyod par 'gyur/ brgya byin nyid thob par yang 'gyur la/ lha'i dbang po brgya byin lha'i longs spyod dag gis 'byor cing ldan par 'gyur ba ci 'dra ba de 'dra ba'i 'byor pa dag dang ldan par yang 'gyur ro zhes yang dag par bskul bar yang byed la/ 'jam dpal de nas skyes pa dang / bud med dang / khye'u dang / bu mo de dag gis bai DUrma chen po'i rang bzhin gyi sa gzhi chen po nga la/ sum cu rtsa gsum pa'i gnas dang / khang bzang rnam par rgyal byed dang / lha'i dbang po brgya byin gyis gzugs brnyan mthong nas/ thal mo sbyor zhing me tog dag kyang 'thor bar byed/ spos dag kyang 'thor babar byed la tshig 'di skad ces/ bdag cag kyang lha'i dbang po brgya byin ci 'dra ba de 'dra ba'i lus thob par gyur cig/ bdag cag kyang ji ltar lha'i dbang po brgya byin khang bzang rnam par rgyal byed kyi nang na/ lha'i 'dod pa'i yon tan lnga po dag gis brtse ba dang / dga' ba dang / dga' mgur spyod par byed pa de ltar gyur cig ces brjod par byed kyang / sems can de dag gis ni 'di ltar bai DUR+Ya chen po'i rang bzhin gyi gzhi chen po la/ sum cu rtsa gsum pa'i gnas dang / khang bzang rnam par rgyal byed dang / lha'i dbang po brgya byin snang ba 'di ni/ bai DUR+Ya chen po'i rang bzhin yongs su dag pa'i phyir gzugs brnyan kun tu snang ba yin no zhes de ltar yongs su mi shes te/ de dag brgya byin nyid 'dod pas sbyin pa dag kyang sbyin bsod nams dag kyang byed/ tshul khrims kyang yang dag par blangs te gnas shing dge ba'i
- 279b
rtsa ba dag kyang sum cu rtsa gsum pa'i gnas snang ba der skye bar bya ba'i phyir yongs su sngo bar byed na/ 'jam dpal ji ltar bai DUR+Ya chen po'i rang bzhin gyi sa gzhi chen po de la sum cu rtsa gsum pa'i gnas kyang med/ khang bzang rnam par rgyal byed kyang med/ lha'i dbang po brgya byin yang med mod kyi/ 'on kyang bai DUR+Ya chen po yongs su dag pa'i phyir/ de la sum cu rtsa gsum pa'i gnas dang / bang bzang rnam par rgyal byed dang / lha'i dbang po brgya byin gyis gzugs brnyan kun tu snang ste/ de dag kyang yod pa ma yin zhing / skye ba med pa dang / 'gag pa med pa yin bzhin du/ bai DUR+Ya chen po yongs su dag pa'i phyir/ gzugs brnyan kyang kun tu snang ba de bzhin du/ 'jam dpal sems yongs su dag pa dang / bsgom pa shin tu gom par byas pa'i sems can la/ de bzhin gshegs pa'i sku snang bar 'gyur te/ 'jam dpal de bzhin gshegs pa'i mthus/ sems can rnams kyis de bzhin gshegs pa'i sku mthong ba de yang ma byung ba ma skyes pa/ ma 'gag pa/ dngos po ma yin dngos po med pa ma yin pa ltar snang ba ma yin/ bltar mi snang ba ma yin/ 'jig rten ma yin/ 'jig rten med pa ma yin/ sems pa yod pa ma yin/ sems pa med pa ma yin bsam du yod pa ma yin/ bsam du med pa ma yin/ yod pa ma yin/ med pa ma yin mod kyi/ 'jam dpal 'on kyang sems can rnams ni de bzhin gshegs pa'i gzugs brnyan
- 280a
la dmigs nas/ me tog dag kyang 'thor bar byed/ spros dang na bza' dang / rin po che dag kyang 'bul bar byed cing / tshig 'di skad ces/ bdag cag kyang de bzhin gshegs pa dgra bcom pa yang dag par rdzogs pa'i sangs rgyas ci 'dra ba de 'dra bar gyur cig ces brjod par byed de/ sangs rgyas kyi ye shes 'dod pa de dag sbyin pa dag kyang sbyin bsod nams dag kyang byed/ tshul khrim kyang yang dag par blangs te gnas shing / de dag kyang de bzhin gshegs pa'i ye shes thob par bya ba'i phyir/ yongs su sngo bar byed do// 'jam dpal 'di lta ste/ dper na bai DUR+Ya chen po'i ring bzhin gyi sa gzhi chen po do la/ lha'i dbang po brgya byin gyi gzugs brnyan gnang ba de la/ g.yo bar mi byed/ sems par mi byed/ spro bar mi byed/ rtog par mi byed/ rnam par rtog par mi byed cing / rtog pa med pa/ rnam par rtog pa med pa/ sems pa med pa/ yid la byed pa med pa/ zhi ba bsil bar gyur pa skye ba med pa/ 'gag pa med pa/ mthong ba med pa/ thos pa med pa/ bsnabs pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig par bya ba ma yin pa de bzhin du/ 'jam dpal de bzhin gshegs pa dgra bcom pa yang dag par rdzogs pa'i sangs rgyas kyang / g.yo bar mi byed/ sems par mi byed//
- 280b
spros par mi byed/ rtog par mi byed/ rnam par rtog par mi byed cing / rtog pa med pa dang / rnam par rtog pa med pa dang / sems pa med pa/ yid la byed pa med pa/ zhi ba bsil bar gyur pa/ skye ba med pa/ 'gag pa med pa/ mthong ba med pa/ thos pa med pa/ bsnabs pa med pa/ myangs pa med pa/ reg pa med pa/ mtshan ma med pa/ rnam par rig pa med pa/ rnam par rig par bya ba ma yin pa ste/ 'jam dpal de bzhin gshegs pa ni skye ba med pa'i gnas yin mod kyi/ 'on kyang 'jig rten na gzugs brnyan bzhin du mthong ba'i bye brag gis tshe'i bye brag ston par yang byed la/ yongs su smin pa dang / mos pa'i stobs bskyed pas byang chub kyi snod du gyur pa'i sems can rnams la gzugs brnyan snang bar yang gyur te/ sems can rnams kyi bsam pa dang mos pa ci lta ba bzhin du chos thos par yang 'gyur/ bsam pa ji lta ba bzhin du theg pa gsum du shes par yang 'gyur/ bsam pa ji lta ba bzhin du rnam par grol bar yang 'gyur ro/ / 'jam dpal 'di lta ste/ dper na sum cu rtsa gsum pa'i lha rnams kyi bsod nams kyi stobs kyi grub pa/ chos kyi rnga bo che chos kyi sgra zhes bya ba zhig khang bzang rnam par rgyal byed kyi steng gi bar snang la 'dug cing / lha'i bu thams cad kyi mig la ma las yang dag par 'das te/ bltar mi snang zhing mi mthong mod kyi/ 'jam dpal 'on kyang chos
- 281a
kyi rnga bo che de/ gang gi tshe sum cu rtsa gsum pa'i ris kyis lha rnams/ lha'i 'dod pa'i rtsed mo dang dga' ba dang / longs spyod dag gis rtag par rgyun tu shas che ba bag med par gyur cing / yang dang yang du lha'i mdun sa chos bzang gi nang du zhugs te/ chos yang dag par bgro bar mi byed pa dang / 'jam dpal gang gi tshe lha'i dbang po brgya byin yang lha'i 'dod pa'i rtse mo dang / dga' ba dang / longs spyod dag gis rtag par rgyun tu shas cher bag med par gyur cing / yang dang yang du lha'i mdun sa chos bzang gi nang du zhugs te/ chos kyi khri stan la 'dug nas chos smra bar mi byed pa de'i tshe chos kyi rnga bo che bar snang la 'dug cing mig gi lam las yang dag par 'das te/ bltar mi snang zhing mi mthong ba de las/ chos kyi sgra 'di lta bu 'byung bar 'gyur te/ chos kyi sgra des sum cu rtsa gsum pa'i ris kyi lha thams cad la 'di skad du/ grogs po dag gzugs dang sgra dang dri dang / ro dang / reg bya dag ni mi rtag pa yin gyis/ bag med par ma spyod cig/ gnas 'di nas myur du shi 'phos par gyur ta re/ grogs po dag 'du byed thams cad ni sdug bsngal ba yin no// grogs po dag 'du byed thams cad ni stong pa yin no// grogs po dag 'du byed thams cad ni bdag med pa yin no/ / grogs po dag 'di nas shing 'phos pa rnams ni yang 'dir skye bar 'gyur bar dga' ba yin gyis/ bag med par ma byed par/ grogs po dag chos
- 281b
yang dag par 'gro ba gyis shig/ chos kyi kun dga' la/ dga' bas dga' bar gyis shig/ chos gces par bya ba dang / chos la gzhol ba dang / chos rjes su dran pa yid la byed ba la gnas par gyis shig/ lha'i 'dod pa'i rtsed mo dang / dga' ba dang / longs spyod 'di dag dang yang mi 'bral bas bgyis shig ces sgras go bar byed do// 'jam dpal de'i tshe na chos kyi rnga bo che bltar mi snang ba/ gzugs med pa/ rtog pa med pa/ rnam par rtog pa med pa/ mig gi lam las yang dag par 'das pa/ ma skyes pa/ ma 'gag pa/ tshig gi lam las yang dag par 'das pa/ sems dang / yid dang / rnam par shes pa dang / bral ba/ de lta bu de'i sgra des/ sum cu rtsa gsum pa'i ris kyi thams cad la yang dag par bskul bas/ de dag 'jigs pa dang / skrag pa dang / skyo ba dang / yid byung bar gyur nas/ lha'i 'dun sa chos bzang gi nang du zhugs te/ chos kyi kun dga' la dga' bas dga' bar gnas shing / chos la gces par bya ba dang / chos la gzhol bar bya ba dang / chos rjes su dran pa yid la byed pa la gnas par yang byed do// de dag de nas shi 'phos nas khyad par du 'gro bar yang 'gyur ro// de'i tshe na lha'i dbang po brgya byin yang lha'i mdun sa chos bzang gi nang du zhugs te/ chos kyi khri stan la 'dug nas chos ston par byed do// 'jam dpal gang gi tshe lha ma yin rnams dang lha rnams lhan cig g.yul spong bar byed cing /
- 282a
der yang gang gi tshe sum cu rtsa gsum pa'i lha rnams pham par 'gyur ba de'i tshe na/ chos kyi rnga bo che de sgra 'di lta bu 'byin par byed do// sgra des lha ma yin rnams 'jigs pa dang / skrag pa dang / skyo ba dang / yid byung bar gyur nas 'bros par byed de/ 'jam dpal chos kyi rnga bo che de la ni sgrub par byed pa dang / lus gzugs cung zad kyang med de/ 'jam dpal chos kyi rnga bo che de ni ltar mi mthong ba mi snang ba/ yod pa ma yin pa ma byung ba/ bsam du med pa/ sems dpa' med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang sum cu rtsa gsum pa'i ris kyis lha'i bu sngon yongs su sbyang ba byas pa rnams la/ chos kyi rnga bo chede sgra de lta bu 'byin cing / sum cu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar byed do// 'jam dpal ji ltar chos kyi rnga bo tsheche de ltar mi snang ba/ mi mthong ba yod pa ma yin pa/ ma byung ba/ bsam du med pa/ sems pa med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa/ yin mod kyi/ 'jam dpal 'on kyang sum cu rtsa gsum pa'i ris kyi lha'i bu sngon yongs su sbyang ba byas pa rnams la/ chos kyi rnga bo che de sgra de lta
- 282b
bu 'byin cing / sum cu rtsa gsum pa'i ris kyi lha'i bu rnams kyi gnod pa dang / 'khrug pa dang / nye ba'i nyon mongs pa thams cad nye bar zhi bar bya ba'i phyir sgra 'byin par byed cing lha'i bu bag med ba rnams la yang chos kyi sgras yang dag par bskul bar byed la/ chos kyi sgra de yang sum cu rtsa gsum pa'i ris kyi lha'i bu rnams kyi gnod pa dang / 'khrug pa dang nye ba'i nyon mongs pa thams cad nye bar zhi bar byed do/ / 'jam dpal de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang bltar mi snang ba mi mthong ba/ yod pa ma yin pa/ ma byung ba/ bsam du med pa/ sems pa med pa/ mtshan ma med pa/ gzugs can ma yin pa/ sgra med pa/ dngos po med pa/ gnyis su med pa ste/ mig gi lam las yang dag par 'das pa yin mod kyi/ 'jam dpal 'on kyang sems can rnams kyi sngon gyi las kyi rnam par smin pas bsam pa dang / mos pa ji lta ba bzhin du chos kyi sgra 'byung bar kun tu shes shing / chos kyi sgra de yang sems can thams cad kyi gnod pa dang / 'khrug pa dang / nye ba'i nyon mongs pa thams cad nye bar zhi bar bya ba'i phyir 'jug par 'gyur te// chos kyi sgra skad kyis 'jig rten na de bzhin gshegs pa'i gsung zhes bya ba'i grangs su 'gro'o/ / 'jam dpal de bzhin gshegs pa ni yod pa ma yin mod kyi/ 'on kyang 'jig rten na chos kyi sgra skad kyis de bzhin gshegs
- 283a
pa zhes bya ba 'dogs par 'byung ste/ sems can rnams kho na'i sngon gyi dge ba'i rtsa ba'i las kyi rnam par smin pas/ sems can thams cad kyis de bzhin gshegs pa las sgra 'byung bar kun tu shes so/ / sgra des yang sems can thams cad kyi bde ba thams cad yang dag par bskyed par bya ba dang / bag med pa rnams la yang dag par bskul bar bya ba'i phyir 'byung ste/ 'jam dpal sems can de dag gis sgra de thos nas/ 'di ni de bzhin gshegs pa'i ske yin no snyam du de bzhin gshegs pa la rtog par yang byed do// byang chub sems dpa' las dang po ba rnams dang / byis pa so so'i skye bo thams cad de bzhin gshegs pa la dmigs pa'i dge ba'i rtsa ba yang dag par bskyed par bya ba'i phyir/ de bzhin gshegs pa'i gsung yang thos mod kyi 'jam dpal 'on kyang de bzhin gshegs pa dgra bcom pa yang dag par rdzogs pa'i sangs rgyas ni skye ba med pa dang / 'gag pa med pa yin par rig par bya'o// 'jam dpal 'di lta ste/ dper na/ sos ka'i dus kyi mthar thug nas dbyar zla ra ba byung bar gyur pa na/ sems can rnams kyi sngon gyi las kyi rnam par smin pas/ sa la gnas pa'i sa bon gyi tshogs dang / lo tog gi tshogs dang / rtswa dang / shing gel ba dang / rtsi dang / nags tshal thams cad kun tu bskyed par bya ba'i phyir/ steng gi nam mkha'i bar snang gi gnas la 'di 'dra ba'i rlung dag ldang ste/ des char pa sdud par byed cing / bsdus
- 283b
nas kyang sa gzhi chen po la 'bab par byed do/ / des sa gzhi chen po thams cad kun tu tshim par byed cing / de'i tshen 'dzam bu gling pa'i mi thams cad kyang rab tu dga' ba dang / yid bde bskye bar byed de/ de la 'jig rten sprin ces bya ba'i ming du 'gyur ro// 'jam dpal gang gi tshe steng gi bar snang las char pa'i tshogs chen po ma'i bab pa de'i tshe na 'dzam bu gling pa'i mi thams cad 'di skad ces/ 'dir sprim mi 'khor ro zhes brjod par byed do/ / 'jam dpal gang gi tshe na steng gi bar snang las char pa'i tshogs chen po sa gzhi chen po la 'bab pa de'i tshe na ni/ 'dzam bu gling pa'i mi thams cad 'di skad ces a la la sprin chen po ni cher gyi rgyun 'bebs par byed cing / sa gzhi chen po yang kun tu tshim par byed do// zhes kyang brjod par byed do// 'jam dpal de na ni sprin yang med la/ sprin du gdags pa yang med do/ / 'jam dpal sems can rnams kyi sngon gyi las kyi rnam par smin pas/ char pa'i tshogs chen po rlung gis kun nas bskyed na ni/ steng gi bar snang las 'bab par yang 'gyur la/ 'jam dpal char pa'i tshogs chen po rlung gis kun nas dkrugs pa ni/ steng gi bar snang de nyid du bag la zha bar yang 'gyur ro// 'jam dpal de ltar sems can rnams kyi sngon gyi las kyi rnam par smin pas/ steng gi bar snang la char pa'i tshogs chen po de rlung kun nas 'dus pa dang / rlung kun tu 'khrug pa dag gis char pa'i rgyun kun tu 'dzin pa 'am/ 'bebs par byed pa de la/ sprin ces 'dogs
- 284a
par 'byung mod kyi/ 'jam dpal de la ni sprin yang med/ sprin du gdags pa yang med de/ 'jam dpal sprin de ni/ ma skyes pa/ ma 'gag pa/ sems kyi yul du mi 'jug pa/ 'ong ba dang / 'gro ba dang bral ba yin no// 'jam dpal de bzhin du byang chub sems dpa' sems dpa' chen po sngon dge ba'i rtsa ba'i tshogs bsags pa dag dang / sems can nyan thos dang / rang sangs rgyas kyi shes pa 'dod pa gzhan dag dang / sems can dge ba'i rtsa ba'i skyed pa mya ngan las 'das pa yang dag par bstan pa'i rgyun can rnams la/ de bzhin gshegs pa dgra bcom pa yang dag par rdzogs pa'i sangs rgyas spobs pa thog pa mi mnga' ba dang ldan pa 'jig rten du byung ngo zhes bya ba'i grangs su 'gro ste/ de gang ci gsung ba de dag thams cad kyang de bzhin pa/ ma nor pa/ de bzhin pa gzhan ma yin pa de bzhin pa yin pas/ de la lha dang mi rnams kyi nang na/ de bzhin gshegs pa zhes bya ba'i mtshan du gdags pa yin te/ 'jam dpal de las lha dang mi rnams kyi nang du de bzhin gshegs pa zhes bya ba'i sgra 'byung bar 'gyur ro/ / 'jam dpal de bzhin gshegs pa ni yod pa ma yin pa te/ 'jam dpal de bzhin gshegs pa ni mtshan ma med pa/ mtshan ma dang bral ba/ yul na mi gnas pa/ phyogs na mi gnas pa/ ma byung ba/ ma skyes pa/ ma 'gag pa yin no// 'jam dpal de bzhin gshegs pa'i
- 284b
sbrebs pa des/ lha rnams dang bcas pa 'jig rten chos kyis yang dag par tshim par mdzad cing / yang dag par 'dzin du btsud na/ byang chub sems dpa' las dang po pa rnams dang / byis pa so so'i skye bo yongs su mya ngan las 'das pas 'dul ba gzhan dag gi sngon gyi las kyi rnam par smin pas mi snang bar gyur pa na/ de gzhi de dag gis 'di snyam du de bzhin gshegs pa yongs su mya ngan las 'das so snyam du yang sems te/ 'jam dpal de bzhin gshegs pa ni skye ba yang med/ 'gag pa yang med do// 'jam dpal de bzhin gshegs pa ni ma skyes pa ma 'gag pa ste/ 'jam dpal de bzhin gshegs pa ni gzod ma nas yongs su mya ngan las 'das pa yin no// 'jam dpal de bzhin gshegs pa dgra bcom pa yang dag par rdzogs pa'i sangs rgyas ni yod pa ma yin pa ste/ 'jam dpal ji ltar char pa dmigs pa las/ sprin ma byung ba/ ma skyes pa/ ma 'gags pa/ yod pa ma yin pa de la/ 'jig rten na sprin sprin ces bya bar 'dogs pa 'byung ba de bzhin du/ 'jam dpal chos ston pa dmigs pa las/ de bzhin gshegs pa ma byung ba/ ma skyes pa/ ma 'gags pa/ yod pa ma yin pa/ gzod ma nyid nas ma skyes pa de la/ 'jig rten na de bzhin gshegs pa dgra bcom pa yang dag par rdzogs pa'i sangs rgyas zhes bya bar 'dogs pa 'byung ngo // 'jam dpal 'di lta ste/ dper na/
- 285a
stong gsum 'bum phrag bcu la dbang bsgyur ba'i tshangs pa chen po zil gyis mi non cing zil gyis gnon par byed pa ni/ nyin gcig bzhin du rgyal chen bzhi'i lha'i ris kyi mthar thug pa'i bar gyi lha'i ris thams cad la rnam par blta bar byed de/ / 'jam dpal stong gsum 'bum phrag bcu la dbang bsgyur ba'i tshangs pa chen po zil gyis mi non cing zil gyis gnon par byed pa de lha'i ris thams cad la rnam par lta bar byed pa de'i tshe na/ lha'i ris thams cad kyi nang nu/ lha'i bu thams cad rang rang gi 'dod pa'i rtsed mo dang dga' ba dang longs spyod pa dag spangs te/ sil snyan dang / pheg rdob pa dang / gla dbyangs kyi sgra thams cad zhi bar byas nas/ 'dod pa'i rtse mo dang / dga' ba dang longs spyod yid la byed pa btang ste/ gus pa dang bcas pas thal mo sbyar nas/ tshangs pa chen po de la mig mi 'dzums par blta bar byed do// tshangs pa chen po de yang gnas nas mi g.yo bar lha'i bu tham par yud tsam zhig bdag la ltar 'jug par byed de/ de'i tshe na lha'i bu de dag tshangs pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir/ smon lam gyi yongs su sngo bar byed do// 'jam dpal tshangs pa chen po de yang tshangs pa'i gzhal med khang de nas 'chi 'phos par mi byed pa bzhin du/ sngon gyi smon lam gyi byin gyis brlabs dang / lha'i bu de dag gi sngon gyi dge ba'i rtsa ba bsags pa'i mthus/
- 285b
stong gsum 'bum phrag bcu la dbang sgyur ba'i tshangs pa chen po zil gyis mi gnon cing zil gyis gnon par byed pa gzhan zhig byin gyis rlob par byed do// 'jam dpal sprul pa'i tshangs pa chen po de yang nyin gcig bzhin du rgyal chen bzhi 'i lha'i ris kyi mthar thug pa'i bar gyi lha'i ris thams cad la rnam par lta bar byed de/ 'jam dpal de'i tshe na lha'i ris thams cad kyi nang na/ lha'i bu thams cad rang rang gi 'dod pa'i rtsed mo dang dga' ba dang longs spyod dag spangs te/ sil snyan dang / pheg rdob pa dang / glu dbyangs kyi sgra thams cad zhi bar byas nas/ 'dod pa'i rtsed mo dang dga' ba dang longs spyod yid la byed pa btang ste/ gus pa dang bcas pas thal mo sbyar nas/ tshangs pa chen po de la mig mi 'dzum par lta bar byed do// sprul pa'i tshangs pa chen po de yang gnas nas mi g.yo bar lha'i bu thams cad yud tsam zhig bdag la ltar 'jug par yang byed do/ / de'i tshe na lha'i bu de dag kyang tshangs pa'i 'jig rten du skye bar 'dod cing / dge ba'i rtsa ba rnams kyang tshangs pa'i 'jig rten du skye bar bya ba'i phyir yongs su sngo bar yang byed de/ 'jam dpal de la ni tshangs pa yod pa ma yin te/ 'jam dpal tshangs pa de ni stong pa/ ya ma brla ma byung ba/ yi ge med pa/ sgra med / yul med pa/ dngos po med pa/ bsam du med pa/ mtshan ma med pa/ sems dang yid dang rnam par shes pa dang bral ba/ ma skyes pa/ ma 'gags pa yin mod rgya
- 286a
'jam dpal 'on kyang tshangs pa chen po de nyid kyi sngon gyi dge ba'i rtsa ba dang / smon lam gyi byin gyi brlabs dang / lha'i bu de dag gis sngon gyi dge ba'i rtsa ba bsags pa'i mthus/ lha'i ris thams cad la bltar snang bar yang 'gyur ro// 'jam dpal 'on kyang lha'i bu de dag 'di snyam du/ tshangs pa chen po 'di ni sprul pa/ stong pa/ yA mu brla/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang yid dang / rnam par shes pa dang bral ba// 'gag pa med pa yin no/ snyam du mi sems so// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang stong pa/ ya ma brla/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang / yid dang / rnam par shes pa dang bral ba/ ma skyes pa/ ma 'gags pa yin mod kyi/ bajam dpal 'on kyang de bzhin gshegs pa dgra bcom pa yang dag par rdzogs pa'i sangs rgyas kyis/ sngon gyi byang chub sems dpa'i spyod pa'i smon lam gyi byin gyis rlabs dang / byang chub sems dpa'i las dang po pa rnams dang / nyan thos dang / rang sangs rgyas kyi zag pa la yang dag par zhugs pa rnams dang / byis pa so so'i skye bo thams cad kyi dge ba'i rtsa ba bsags pa'i
- 286b
/ mthus/ de bzhin gshegs pa'i gnas nas mi g.yo gzhin du/ mtshan brgya stong gis legs par brgyan pa 'jig rten gzugs brnyan bzhin du kun tu snang ngo // 'jam dpal byang chub sems dpa'i las dang po pa rnams dang / nyan thos dang / rang sangs rgyas kyi theg pa thams cad dang / byis pa so so'i skye bo thams cad ni 'di snyam du/ de bzhin gshegs pa ni stong pa ya ma brla/ ma byung ba/ yi ge med pa/ sgra med pa/ yul med pa/ dngos po med pa/ bsam du med pa/ mtshan ma med pa/ sems dang yid dang / rnam par shes pa dang bral ba// ma skyes pa/ ma 'gags pa yin par mi sems mod kyi/ 'jam dpal 'on kyang de bzhin gshegs pa ni/ spyod lam thams cad du/ de bzhin gshegs pa'i sku mtshan brgya stong gis legs par brgyan pa las/ sems can mos pa rnam pa sna tshogs tha dad pa rnams la chos ston pa chen po 'byung bar yang byed do// chos ston pa de yang sems can thams cad kyi gnod pa dang 'khrug pa dang nye ba'i nyon mongs pa thams cad nye bar zhi bar byed par gyur te/ de bzhin gshegs pa ni de la yang thams cad du mnyam zhing btang snyoms la rnam par mi rtog cing bye brag mi 'byed de/ 'jam dpal rnam grangs des kyang / 'di ltar skyes pa med pa 'gags pa med pa zhes bya ba de ni/ de bzhin gshegs pa'i tshogs bla dgas yin par rig par
- 287a
bya'o/ / de nas bcom ldan 'das kyis de'i tshe tshigs su bcad pa 'di dag bka' stsal to// de bzhin gshegs pa rtag tu skyes med chos/ chos rnams kun kyang bde bar gshegs dang 'dra// byis pa'i blo can mtshan mar 'dzin pa rnams/ 'jig rten dag na med pa'i chos la spong // de bzhin gshegs pa zag med dge ba yi// chos kyi gzugs brnyan yin te 'di la ni/ de bzhin nyid med de bzhin gshegs pa'ang med// 'jig rten kun na gzugs brnyan kun tu snang // 'jam dpal 'di lta ste/ dper na nyi ma'i dkyil 'khor gyi 'od gzer dag ni/ 'dzam bu gling du dang po kho nur ri'i dbang po'i rgyal po chen po rnams snang bar byed do// de'i 'og tu ri'i 'khor yug chen po rnams snang bar byed do// de'i 'og tu ri chen po gzhan dag snang bar byed do// de'i 'og tu ri nag po rnams snang bar byed do// de'i 'og tu sa phyogs mthon po dag snang bar byed do// de'i 'og tu 'dzam bu gling 'di'i sa phyogs dma' ba dma' ba dag kyang snang bar byed do/ / 'jam dpal 'on kyang nyi ma'i 'od gzer de dag ni rtog par mi byed/ rnam par rtog par mi byed/ sems par mi byed/ rnam par sems par mi byed/ 'jam dpal nyi ma'i 'od gzer rnams ni/ sems dang yid dang / rnam par shes pa dang bral ba/ ma skyes pa/ ma 'gags pa/ mtshan nyid med pa/ mtshan nyid dang bral
- 287b
pa/ yid la byed pa med pa/ yid la byed pa dang bral ba/ spros pa med pa/ spros pa dang bral ba/ yongs su gdung ba med pa/ yongs su gdung ba dang bral ba/ tshu rol na gnas pa ma yin/ pha rol na gnas pa ma yin/ mtho ba ma yin/ dma' ba ma yin/ bcings pa ma yin/ grol ba ma yin shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa med pa ma yin/ bden pa smra ba ma yin/ brdzun pa smra ba ma yin/ pha rol na ma yin/ tshu rol na ma yin/ 'gram na ma yin// gshong na ma yin/ thang la ma yin/ chu bo ma yin/ rtog ge'i spyod yul ma yin/ rtog ge'i ma yin pa'i spyod yul ma yin/ gzugs can ma yin/ gzugs med pa ma yin mod kyi// 'jam dpal 'on kyang sa gzhi mtho ba dang / dma' ba dang / bar ma'i bye brag gis/ snang ba chen po dang chung ngu dang bar ma'i 'od gzer sna tshogs snang bar 'gyur ro// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang rtog par mi byed/ rnam par rtog par mi byed/ sems par mi byed/ rnam par sems par mi byed de// 'jam dpal de bzhin gshegs pa ni sems dang yid dang rnam par shes pa dang bral ba/ ma skyes pa ma 'gags pa/ mtshan nyid med pa/ mtshan nyid dang bral ba// yid la byed pa med pa
- 288a
yid la byed pa dang 'bral ba/ spros pa med pa/ spros pa dang bral ba/ yongs su gdung ba med pa/ yongs su gdung ba dang bral ba/ tshu rol na gnas pa ma yin// pha rol na gnas pa ma yin/ mtho ba ma yin/ dma' ba ma yin/ bcings pa ma yin/ grol ba ma yin/ shes pa dang ldan pa ma yin/ shes pa dang mi ldan pa ma yin/ nyon mongs pa dang bcas pa ma yin/ nyon mongs pa med pa ma yin/ bden pa gsung ba ma yin/ brdzun pa gsung ba ma yin/ tshu rol na ma yin/ pha rol na ma yin/ 'gram na ma yin// gshong na ma yin/ zang la ma yin/ chu bon ma yin/ thams cad mkhyen pa ma yin/ thams cad mi mkhyen pa ma yin/ rtog ge ma yin/ rtog ge med pa ma yin/ spyod pa ma yin/ spyod pa med pa ma yin/ kun tu 'byung ba ma yin/ kun tu mi 'byung ba ma yin/ dran pa dang ldan pa ma yin/ dran pa dang mi ldan pa ma yin/ sems pa ma yin/ sems pa med pa ma yin/ yayid ma yin yid med pa ma yin/ sgra skad ma yin/ sgra skad med pa ma yin/ ming ma yin/ ming med pa ma yin/ gzugs ma yin/ gzugs med pa ma yin// brjod pa ma yin// brjod du med pa ma yin/ gdags pa ma yin/ gdags su med pa ma yin/ bltar snang ba ma yin/ bltar mi snang ba ma yin/ tshul ma yin/ tshul med pa ma yin/
- 288b
lam bston pa ma yin/ lam mi ston pa ma yin/ 'bras bu thob pa ma yin/ 'bras bu ma thob pa ma yin/ rtog pa ma yin/ rtog pa med pa ma yin/ rtog pa dang 'bral ba ma yin/ rtog pa dang ma bral ba ma yin mod kyi/ 'jam dpal 'on kyang de bzhin gshegs pa nyi ma'i dkyil 'khor gyi ye shes kyi 'od gzer dag ni/ khams gsum po de dag tu chos kyi dbyings mtha' dang dpung med pa dag la/ thogs pa med pa'i 'od gzer gyi snang ba dag gtong bar mdzad cing / ye shes kyi 'od gzer gtang ba dag gis kyang / dang po kho nar byang chub sems dpa' lhag pa'i bsam pa ri'i dbang po'i rgyal po chen po lta bu dang ldan pa rnams kyi lus la 'bab par 'gyur ro/ / de'i 'og tu rang sangs rgyas kyi theg pa la yang dag par zhugs pa rnams kyi lus la 'bab par 'gyur ro/ / de'i 'og tu nyan thos kyi theg pa la yang dag par zhugs pa rnams kyi lus la 'bab par 'gyur ro// de'i 'og tu sems can lhag pa'i bsam pa dge ba dang / mos pa ji lta ba dang ldan pa rnams kyi lus la 'bab par 'gyur ro/ / de'i 'og tu de bzhin gshegs pa nyi ma'i dkyil 'khor gyi ye shes kyi 'od gzer dag tha na sems can log pa nyid du nges pa'i sems kyi rgyud dang ldan pa rnams kyi lus la 'bab par gyur zhing / de dag la ma 'ongs pa'i rgyu yang dag par bskyed pas phan 'dogs pa dang / dge ba'i chos rnams kyi yang dag par 'phel bar yang byed do//
- 289a
'jam dpal de bzhin gshegs pa ni de dag la yang thams cad du mnyam zhing btang snyoms la/ rnam par mi rtog cing / bye brag mi byed do// 'jam dpal de bzhin gshegs pa nyi ma'i dkyil 'khor gyi ye shes kyi 'od gzer ni 'di snyam du/ bdag gis sems can 'di la ni chos rgya chen po bstan par bya'o// 'di la ni bstan par ma bya'o// snyam du yang mi sems la/ 'di snyam du sems can 'di ni rgya chen po la mos pa yin no// 'di ni bar ma la mos pa yin no// 'di ni nyan thos kyi theg pa la mos pa yin no// 'di ni bsam pa dge ba yin no/ / 'di ni dman pa dang / log pa la mos pa yin no// snyam du rnam par rtog par mi byed do// 'jam dpal de bzhin gshegs pa ni 'di snyam du/ sems can 'di ni rgya chen po la mos pa yin gyis/ 'di la ni theg pa chen po bstan par bya'o// 'di ni lhag pa'i bsam pa bar ma la mos pa yin gyis/ 'di la ni rang sangs rgyas kyi theg pa bstan par bya'o// bad ni nyan thos kyi theg pa la mos pa yin gyis/ 'di la nyan thos kyi theg pa bstan par bya'o// sems can bsam pa dge ba rnams kyi/ bsam pa brtogs par byas nas/ bsam pa rnam par sbyang bar bya'o// sems can log pa nyid du mos pa'i bar dag ni/ lta ba drang por bya zhing / ji ltar rjes su mthun pa'i chos bstan par bya'o// snyam du mi sems te/ de bzhin gshegs pa nyi ma'i dkyil
- 289b
sa shes kyi 'dug zer nA~M/ de ltar rnam par rtog par mi byed // tsang bya zhen/ de bzhin pa gas panyisa'i dkyil 'gyur gyi shes kyi 'odag byung na/ / rnam par rtog pa dang / dus sa ga pa dang / mas nga dag pa ro// 'angs dpa la khon kyang sems samams kyi p a'i rgyud sna tshogs pa/ de bzhin gshegs pa ni ma'i dkyil 'khor gyis ye shes kyi bdag zer gyi snang ba sna tshogs dag 'byung bar yang 'gyur ro// baphags pa sangs rgyas thams cad kyi yul la 'jug pa ye shes snang ba'i rgyun ces bya ba theg pa chen pa mdo/ / bam gri gnyis pa/ ba mdapal 'di lta ste dper na/ rnamamatshan pa nang na/ nor bu chen pa rgya chen po bsam pa thams cad yongs su rdzogs par byed pa zhes bya ba zhig yod de/ de rgyal mtshan gyi gyi mol btags na/ de las sems can gang gibasam paci'i dra ba des rna lung pa sems canarnams pa mni nga ban na na pa hrI sa da/ sems pa da/ rnas pa mas pa sems / mas nga / ded dang rnam pa tshags pa thal pa // 'angam dpa bzhin gshegs pa sa tshasems das par rdzogs ma
- 290a
mi byed/ rnam par rtog par mi byed/ sems par mi byed/ rnam par sems par mi byed cing / sems pa med pa/ sems med pa/ sems dang yid dang / rnam par shes pa dang bral ba ma bzung ba yongs su gzung bar bya ba ma yin pa ma thob pa/ thob par bya ba ma yin pa/ so so'i bden pa bsal ba/ 'dod chags bsal ba/ zhe sdang bsal ba gti mug bsal ba/ bden pa ma yin brdzun pa ma yin rtag pa ma yin/ mi rtag pa ma yin/ 'od ma yin/ 'od med pa ma yin/ 'jig rten ma yin/ 'jig rten med pa ma yin/ rtog pa med pa/ dpyod pa med pa/ ma skyes pa/ ma 'gags pa/ bsam tu med pa/ rab tu bsam du med pa/ rang bzhin med pa/ rang bzhin gyi gzhi med pa/ rang bzhin stong pa blang ba med pa/ dor ba med pa/ mngon par zhen par bya ba med pa/ brjod du med pa/ brjod pa yang dag par rgyun chad pa/ kun tu dga' ba med pa/ kun tu dga' ba dang bral ba kun tu dga' ba nges par bcom pa/ grangs su bgrang ba ma yin pa/ grangs su bgrangs pa dang bral ba/ 'gro ba med pa/ 'gro bar 'gro ba med pa/ 'gro ba thams cad yang dag par rgyun chad pa/ brjod pa thams cad yang dag par rgyun chad pa/ ltar mi snang ba/ mi mthong ba/ gzung du med pa/ tha snyad med pa/ nam mkha' ma yin/ tha gab med pa ma yin/ gzung
- 290b
bar bya ba ma yin/ gzung bar mi bye ba ma yin/ bltar snang ba ma yin/ bstan par bya ba yin/ tshogs pa ma yin/ tshogs pa med pa ma yin/ brtag pa ma yin/ rnam par brtag/ pa ma yin/ rnam par bsgrubs pa ma yin/ kun tu bstan pa ma yin/ kun nas nyon mongs pa can ma yin/ yongs su sbyang bar 'os pa yin/ ming med pa/ gzugs med pa/ mtshan ma med pa/ las kyi rnam par smin pa med pa/ 'das pa ma yin/ ma 'ong ba ma yin/ da ltar 'byung ba ma yin/ ci yang ma yin/ nyon mongs pa med pa/ yi ge med pa/ sgra skad med pa sgra skad thams cad las yang dag par 'das pa/ sgra med pa/ mtshan nyid med pa/ mtshan nyid thams cad dang bral ba/ nang na mi dmigs/ phyi rol na mi dmigs/ gnyis ka med pa yang mi dmigs pa yin mod kyi/ 'jam dpal 'on kyang de bzhin gshegs pa'i lhag pa'i bsam pa yongs su dag pa'i ye shes rin po che/ snying rje chen po'i rgyal mtshan gyi rtse mo la btags na/ de las sems can gang yin pa de'i bsam pa dang / mos pa ji lta ba de lta bu'i chos bstan pa 'byung bar sems can rnams kyis kun tu shes kyang / de bzhin gshegs pa ni de dag la yang thams cad du mnyam zhing btang snyoms la/ rnam par mi rtog cing bye brag mi 'byed do// 'jam dpal 'di lta ste dper na/ brag cha ni gzhan gyi rnam par rig pa las 'byung
- 291a
bar sems can rnams kyi kun tu shes kyang / de ni 'das pa ma yin/ ma'ong ba ma yin/ da ltar byung ba ma yin/ nang na ma yin/ phyi rol na ma yin/ gnyis ka med pa yang mi dmigs te/ ma skyes pa/ ma 'gags pa/ chad pa ma yin/ rtag pa ma yin/ shes pa dang ldan pa ma yin/ shes pa dang mi ldan pa ma yin/ shes rab ma yin// shes rab med pa ma yin/ rig pa ma yin/ rig pa med pa ma yin/ rnam par grol ba ma yin/ rnam par grol ba med pa ma yin/ kha na ma tho ba dang bcas pa ma yin/ kha na ma tho ba med pa ma yin/ dran pa dang ldan pa ma yin/ dran pa dang mi ldan pa ma yin/ gnas dang ldan pa ma yin/ gnas dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin// chu'i khams ma yin/ me'i khams ma yin/ rlung gi khams ma yin/ 'dus byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ med pa ma yin/ bltar snang ba ma yin/ bltar mi snang ba ma yin/ yi ge med pa/ sgra med pa/ sgra las yang dag par 'das pa/ gzhal du med pa/ gzhal ba las yang dag par 'das pa mtshan nyid med pa/ mtshan nyid dang bral ba/ zhi ba ma yin/ ma zhi ba ma yin/ ring po ma yin/ zung du ma yin/ sems pa yod pa ma yin/ sems pa med pa ma yin/ sems
- 291b
/ yod pa ma yin/ sems med pa ma yin/ snang ba ma yin/ mi snang ba ma yin/ bstan du yod pa ma yin/ bstan du med pa ma yin/ rang bzhin stong pa/ dran pa med pa/ yid la byed/ pa/ rtog pa med pa/ dpyod pa med pa/ sems dang yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing / bye brag mi 'byed pa/ dus gsum las yang dag par 'das pa yin mod kyi/ 'jam dpal 'on kyang sems can lhag pa'i bsam pa tha dad pa rnams kyi sgra skad dang rnam par rig pa sna tshogs dag las/ brag cha'i sgra skad sna tshogs dag 'byung bar 'gyur zhing / de dag kyang sems can rnams kyis de kho na bzhin du kun tu shes par 'gyur ro// 'jam dpal de bzhin du de bzhin gshegs pa dgra bcom pa yang dag par rdzogs pa'i sangs rgyas kyang 'das pa ma yin/ ma 'ongs pa ma yin/ da ltar 'byung ba ma yin/ nang na ma yin/ phyi rol ma yin zhing / gnyi ga med par yang mi dmigs te/ ma skyes pa/ ma 'gags pa/ chad pa ma yin/ rtag pa ma yin/ shes pa dang ldan pa ma yin/ shes pa dang mi ldan pa ma yin/ shes rab ma yin/ shes rab med pa ma yin/ rig pa ma yin/ rig pa med pa ma yin/ rnam par grol ba ma yin/ rnam par grol ba med pa ma yin/ kha na ma tho ba dang bcas pa ma yin/ kha na ma tho med pa ma yin/ dran pa dang ldan pa ma yin//
- 292a
dran pa dang mi ldan pa ma yin/ gnas dang ldan pa ma yin/ gnas dang mi ldan pa ma yin/ 'dug pa ma yin/ mi 'dug pa ma yin/ sa'i khams ma yin/ chu'i kham/ ma yin/ me'i khams ma yin/ rlung gi khams ma yin/ 'dus byas ma yin/ 'dus ma byas ma yin/ spros pa yod pa ma yin/ spros pa med pa ma yin/ sgra ma yin/ sgra med pa ma yin// bltar snang ba ma yin/ bltar mi snang ba ma yin/ yi ge med pa/ sgra med pa/ sgra las yang dag par 'das pa/ gzhal du med pa/ gzhal ba las yang dag par 'das pa/ mtshan nyid med pa mtshan nyid dang bral ba/ zhi ba ma yin/ ma zhi ba ma yin/ ring po ma yin thung ngu ma yin/ sems pa yod pa ma yin/ sems pa med pa ma yin/ sems yod pa yin/ sems med/ pa ma yin/ snang ba ma yin/ mi snang ba ma yin/ bstan du yod pa ma yin/ bstan du med pa ma yin/ rang bzhin stong pa/ dran pa med pa/ yid la byed pa med pa/ rtog pa med pa/ dpyod pa med pa/ sems dang yid dang / rnam par shes pa dang bral ba/ thams cad du mnyam zhing btang snyoms la rnam par mi rtog cing bye brag mi 'byed la/ dus gsum las yang dag par 'das pa yin mod kyi/ 'jam dpal 'on kyang sems can mos pa tha dad pa rnams kyis lhag pa'i bsam pa dang / rnam par rig pa sna tshogs dag las de bzhin gshegs pa'i gsung 'byung bar kun
- 292b
tu shes par 'gyur ro/ / 'jam dpal 'di lta ste/ dper nas la brten cing sa la gnas nas/ rtswa dang shing gel ba dang rtsi dang nags tshal thams cad 'phel zhing rgyas pa dang yangs par 'gyur ya/ 'jam dpalas ni rtog par mi byed/ rnam par rtog par mi byed do// thams cad du mnyam zhing rnam par mi rtog la/ bye brag mi byed cing sems par mi byed de/ sems dang yid dang / rnam par shes pa dang bral ba yin no/ / 'jam dpal de bzhin du de bzhin gshegs pa la brten cing de bzhin gshegs pa la gnas nas/ sems can nyan thos kyi theg pa pa'am/ rang sangs rgyas kyi theg pa 'am/ theg pa chen po pa thams cad kyi dge ba'i rtsa ba thams cad kyang 'phel zhing rgyas pa dang yangs par 'gyur la/ de bzhin gshegs pa la brten cing / de bzhin gshegs pa la gnas nas/ spyod pa pa dang / kun tu rgyu dang / gcer bu pa la sogs pa mu stegs can gyi gnas gzhan thams cad kyi dge ba'i rtsa ba thams cad dang / tha na log par nyid du nges pa rnams kyi dge ba'i rtsa ba gzhan gang dag yin pa de dag thams cad kyang / 'phel zhing rgyas pa dang yangs par 'gyur mod kyi/ 'jam dpal 'on kyang de bzhin gshegs pa ni rtog par mi byed/ rnam par rtog par mi byed de/ 'jam dpal de bzhin gshegs pa dgra bcom pa yang dag par rdzogs pa'i sangs rgyas ni/ rtog pa dang rnam par rtog pa dang dmigs pa dang yid la byed pa thams cad rgyun chad pa/
- 293a
sems dang yid dang / rnam par shes pa dang bral ba/ rtog ge ma yin/ rtog ge'i spyod yul ma yin/ mi snang ba/ mi mthong ba/ bsam du med pa/ bsam par bya ba ma yin pa/ yid la byed pa med pa/ sems pa med pa/ sems dang yid dang / rnam par shes pa dang bral ba/ thams cad du mnyam zhing btang snyoms la/ rnam par mi rtog cing bye brag mi byed do/ / 'jam dpal 'di lta ste/ dper na nam mkha' ni thams cad du mnyam zhing rnam par mi rtog la bye brag mi byed de/ ma skyes pa/ ma 'gags pa/ 'das pa ma yin/ ma 'ongs pa ma yin/ da ltar byung ba ma yin/ mtshan gzhi med pa/ spros pa med pa/ gzugs med pa/ brtan du med pa/ rnam par rig pa med pa/ reg pa med pa/ gnas med pa/ gzhal du med pa/ gzhal ba las yang dag par 'das pa/ dpe med pa/ dpe las yang dag par 'das pa/ mi gnas pa/ gzung ba med pa/ mig gi lam las yang dag par 'das pa/ sems dang yid dang / rnam par shes pa dang bral ba/ mtshan nyid med pa/ yi ge med pa/ sgra med pa/ yid la byed pa med pa/ blangs pa med pa/ dor ba med pa gdeg pa med pa/ gzhag pa med pa/ tshig gi lam las yang dag par 'das pa/ thams cad kyi rjes su song zhing rjes su zhugs pa yin mod kyi/ 'jam dpal 'on kyang sems can rnams
- 293b
kyi dbyings chung dru dang / 'bring dang / chen po dag gis nam mkha' yang chung ngu dang 'bring dang chen por kun tu shes par 'gyur ro// 'jam dpal de bzhin du de bzhin gshegs pa dgra bcoM/ pa yang dag par rdzogs pa'i sangs rgyas kyang / thams cad du mnyam zhing rnam par mi rtog pa la bye brag mi 'byed de/ ma skyes pa/ ma 'grags pa/ 'das pa ma yin/ ma 'ongs pa ma chin da ltar byung ba ma yin/ mtshan gzhi med pa/ spros pa med pa/ gzugs med pa/ bstan du med pa/ rnam par rig pa med pa/ reg pa med pa/ gnas med pa/ gzhal du med pa/ gzhan ba las yang dag par 'das pa/ dpe med pa/ dpe las yang dag par 'das pa/ mi gnas pa/ gzung ba med pa/ mig gi lam las yang dag par 'das pa/ sems dang yid dang / rnam par shes pa dang / bral ba/ mtshan nyid med pa/ yi ge med pa/ sgra med pa/ yid la byed pa med pa/ blang ba med pa/ dor ba med pa/ gdegs pa med pa/ gzhag pa med pa/ tshig gi lam las yang dag par 'das pa/ thams cad kyi rjes su song zhing rjes su zhugs pa yin mod kyi/ 'jam dpal 'on kyang sems can dman pa dang 'bring dang mchog gang dag yin pa de dag gis/ de bzhin gshegs pa yang dman pa dang 'bring dang mchog tu mthong ngo // 'jam dpal de bzhin gshegs pa ni 'di snyam du/ sems can 'di ni bsam pa dang mos pa dman pa yin gyis/ sems
- 294a
can 'di la ni gzugs kyi sku'i kha dog yongs su 'grub pa dman pa bstan par bya'o/ / sems can 'di ni bsam pa dang mos pa 'bring yin gyis/ sems can 'di la ni gzug/ kyi sku'i kha dog yongs su 'grub pa 'bring bstan par bya'o// sems can 'di ni bsam pa dang mos pa rgya che ba yin gyis/ sems can 'di la gzugs kyi sku'i kha dog yongs su 'grub pa rgya chen po bstan par bya'o snyam du mi sems so/ / 'jam dpal chos ston pa yang de bzhin du rtog par bya ste/ 'jam dpal de bzhin gshegs pa ni 'di snyam du/ sems can 'di ni dman pa la mos pa yin gyis sems can 'di la ni nyan thos kyi theg pa'i gtam dman pa brjod par bya'o/ / sems can 'di ni bar ma la mos pa yin gyis/ sems can 'di la ni rang sangs rgyas kyi theg pa'i gtam par ma brjod par bya'o/ / sems can 'di ni rgya chen po la mos pa yin gyis/ sems can 'di la ni theg pa chen po'i gtam rgya chen po brjod par bya'o snyam du mi sems so// 'jam dpal de bzhin gshegs pa ni 'di snyam du sems can 'di ni sbyin pa la mos pa yin gyis/ sems can 'di la ni sbyin pa'i gtam brjod par bya'o// sems can 'di ni tshul khrims dang / bzod pa dang / brtson 'grus dang / bsam gtan la mos pa yin gyis/ sems can 'di la ni bsam gtan gyi gtam brjod par bya'o snyam du mi sems so// 'jam dpal de bzhin du de bzhin gshegs pa ni 'di snyam du/ sems
- 294b
can 'di ni shes rab kyi pha rol tu phyin pa la mos pa yin gyi/ sems can 'di la ni shes rab kyi pha rol tu phyin pa'i gtam brjod par bya'o snyam du yang mi sems te/ 'jam dpal de bzhin gshegs pa la ni rnam par rtog pa de lta bu dag med de/ de ci'i phyir zhe na/ 'jam dpal de bzhin gshegs pa ni chos kyi sku yin pa'i phyir te/ 'jam dpal de bzhin gshegs pa ni shin tu ma skyes pa dang / ma 'gags pa yin no// 'jam dpal de bzhin gshegs pa'i rnam par shes pa ni/ ming dang gzugs dang nges pa'i tshig gi rjes su 'brang zhing 'byung ba ma yin te/ 'jam dpal de bzhin gshegs pa ni rtog par mi byed/ rnam par rtog par mi byed pa yin no// 'jam dpal de bzhin gshegs pa ni skad cig pa ste/ mi zad pa'i mtshan nyid dang / mi zad pa'i mtha' dang / yang dag pa'i mtha' nges par yin no// 'jam dpal de bzhin gshegs pa dgra bcom pa yang dag par rdzogs pa'i sangs rgyas ni/ chos thams cad kyis mnyam pa nyid kyi mtha' dang / gnyis su med pa'i mtha' dang / shin tu 'byung ba med pa'i mtha' yin te/ thams cad du mnyam zhing rnam par mi rtog la bye brag mi byed de/ dman pa ma yin/ bar ma ma yin/ mchog ma yin no// 'jam dpal de bzhin du chos thams cad kyang mnyam zhing rnam par mi rtog la bye brag mi byed de/ dman pa ma yin/ bar ma ma yin/ mchog ma yin no//
- 295a
de ci'i phyir zhe na/ 'jam dpal chos thams cad ni dmigs su med pa'i phyir te/ 'jam dpal chos thams cad kyi dmigs su med pa gang yin pa de ni mnyam pa nyid// yin no// mnyam pa nyid gang yin pa de ni gnas pa nyid yin no// gnas pa nyid gang yin pa de ni mi g.yo ba nyid yin no// mi g.yo ba nyid gang yin pa de ni mi rten pa nyid yin no// chos thams cad la mi rten pa'i sems kyi gnas med do/ / sems mi gnas pa ni skye ba med par gyur te/ de ltar mthong ba'i sems dang sems las byung ba rnams ni phyin ci ma log par 'jug par 'gyur ro// gang gi sems phyin ci ma log par nges ni ci lta ba bzhin thob par 'gyur ro/ / ci lta ba bzhin thob pa ni 'phro bar mi byed do// spros pa med pa la ni spyod pa yang med do// gang gi tshe spyod par mi byed pa de'i tshe mi 'khor ro/ / gang gi tshe mi 'khor ba de'i tshe rnam par mi 'phro ste/ rnam par 'phro ba med pa ni chos nyid dang 'gal bar mi byed do// chos nyid dang mi 'gal ba ni thams cad dang rjes su mthun par 'gyur ro// thams cad dang rjes su mthun pa ni chos kyi rang bzhin las mi g.yo'o/ / chos kyi rang bzhin las mi g.yo bas ni chos kyi rang bzhin thob par 'gyur ro// chos kyi rang bzhin thob pa ni cung zad kyang 'phro bar mi byed do// de ci'i phyir zhe na/ 'jam dpal rgyu dang rkyen gyis bskyed pa'i phyir te/ rgyu dang rkyen gyis bskyed pa gang yin pa de ni shin tu ma skyes pa yin no// shin tu ma skyes pa gang yin pa des ni nges pa thob bo// nges pa
- 295b
thob pa gang yin pa de na chos thams cad yid la byed pa dang lhan cig mi gnas te/ gang gi tshe chos thams cad yid la byed pa dang lhan cig mi gnas pa de'i tshi gnas par bya ba med pa yin no// gang / gi tshe gnas par bya ba med pa de'i tshe mi 'byung mi 'jig go// gang gi tshe mi 'byung mi 'jig pa de'i tshe gnas shing chos thob par 'gyur ro// gang gi tshe gnas shing chos thob pa de'i tshe tshul bzhin gyi chos la zhugs par 'gyur ro/ / tshul bzhin gyi chos la zhugs pa la ni gang sangs rgyas kyi chos ma yin pa'i chos de yang 'ga' yang med do// de ci'i phyir zhe na/ 'jam dpal stong pa nyid rjes su rtogs pa'i phyir te/ stong pa nyid rjes su rtogs pa gang yin pa de ni byang chub bo// des de ltar stong pa nyid dang / mtshan ma med pa dang / smon pa med pa dang / mngon par 'du bya ba med pa dang / gnas med pa dang / 'byung ba med pa dang / gzung ba med pa dang / gzhi med pa rjes su rtog pa'i phyir byang chub ste/ byang chub ni tshul bzhin la sbyor ba'o// tshul bzhin la sbyor ba zhes bya ba ni/ gdeg pa med pa dang / gzhag pa med pa dang / bya ba med pa dang / rnam par bya ba med pa la sbyor ba dang / chags pa med pa dang / grol ba med pa la sbyor ba dang / gcig pa nyid ma yin pa dang / tha dad pa nyid ma yin pa la sbyor ba dang / 'ongs pa ma yin pa la sbyor ba dang / tshul bzhin la sbyor ba yin no// tshul bzhin gang yin pa la sbyor ba de la ni/ sbyor ba yang med/ spang ba yang med/ 'bras bu mngon
- 296a
sum du bya ba yang med do/ / de ci'i phyir zhe na/ 'jam dpal sems ni rang bzhin gyis 'od gsal ba'i phyir te/ de ni glo bur gyi nye ba'i nyon mongs pa rnams kyis nye bar nyon mongs par/ zad kyi rang bzhin gyis kun nas nyon mongs pa ni ma yin no// rang bzhin gyis kun nas 'od gsal ba nyid gang yin pa de ni/ kun nas nyon mongs pa med pa nyid yin no// kun nas nyon mongs pa med pa gang yin pa de ni/ gnyen po gang gis nyon mongs pa spong bar 'gyur ba'i gnyen po med do// de ci'i phyir zhe na/ 'jam dpal de ni dag pa nyid gang yin pas/ dag pa ni dag par mi 'gyur ba'i phyir dag pa gang yin pa de ni skye ba med pa'o/ / skye ba med pa gang yin pa de ni ma smad pa'o// ma smad pa gang yin pa de ni 'dod pa spangs pa'o// 'dod pa spangs pa gang yin pa de ni sred pa thams cad 'gag go/ gang la sred pa thams cad 'gags pa de ni mi skye ba'o// mi skye ba gang yin pa de ni byang chub bo// byang chub gang yin pa de ni mnyam pa nyid do// mnyam pa nyid gang yin pa de ni de bzhin nyid do/ / de bzhin nyid la ni 'dus byas dang 'dus ma byas kyi chos thams cad gnas so// de bzhin nyid gang yin pa de ni 'dus byas kyang med/ 'dus ma byas kyang med/ gnyis su gdags pa yang med do/ / gang la 'dus byas kyang med/ 'dus ma byas kyang med/ gnyis su gdags pa yang med pa de ni de bzhin nyid do// de bzhin nyid gang yin pa de ni gzhan ma yin pa de bzhin nyid do// gzhan
- 296b
ma yin pa de bzhin nyid ga yin pa de ni 'gyur ba med pa de bzhin nyid do/ / 'gyur ba med pa de bzhin nyid gang yin pa de ni 'ongs pa med pa de bzhin nyid do// 'ong ba med pa de bzhin nyid gang yin pa de ni gro pa med pa de bzhin nyid do/ / 'gro ba med pa de bzhin nyid gang yin pa don ci skye ba bzhin de bzhin nyid do// ji lta ba bzhin de bzhin nyid gang yin pa de ni rnams yang de bzhin nyid ma yin pa ma yin no// nam yang de bzhin nyid ma yin pa ma yin pa gang yin pa de ni kun nas nyon mongs par mi 'gyur/ rnam par byang bar mi 'gyur ro// gang kun nas nyon mongs par mi 'gyur/ rnam par byang bar mi 'gyur/ ba de ni skye bar mi 'gyur/ 'gag par mi 'gyur ro// gang skye bar mi 'gyur/ 'gag par mi 'gyur ba de ni mya ngan las 'das pa dang mnyam mo// gang mya ngan las 'das pa dang mnyam pa de ni 'khor bar mi 'gyur/ yongs su mya ngan las 'das par mi 'gyur ro// gang 'khor bar mi 'gyur/ yongs su mya ngan las 'das par mi 'gyur ba de ni 'das pa ma yin/ ma 'ongs pa ma yin/ da ltar 'byung ba ma yin no/ / gang 'das pa ma yin/ ma 'ongs pa ma yin/ da ltar byung ba ma yin pa de ni dman pa ma yin par ma ma yin/ mchog ma yin no// gang dman pa ma yin/ bar ma ma yin mchog ma yin pa de ni de bzhin nyid de/ de bzhin nyid ces bya ba de ni de kho na'i don gyi tshig bla dgas yin no// de kho na zhes bya ba ni de bzhin nyid kho na'o// de bzhin nyid kho na ni de bzhin nyid do// de bzhin
- 297a
nyid dang bdag de ni gnyis su med de gnyis su dbyer med do/ / gnyis su med pa'i don gang yin pa de ni byang chub ste/ byang chub ni don rtogs pa'o// don ces bya ba ni chos bstan pa thams cad la rnam par thar pa'i sgo gsum du 'jug pa shes pa'o/ / shes pa zhes bya ba ni chos thams cad la dus gsum mnyam pa nyid du 'jug pa'o// chos thams cad kyi dbyer med/ pa'i don ces bya ste/ don ni sgra med pa/ brjod du med pa tha snyad med pa/ tha snyad yang dag par chad pa yin no// shes pa bya zhes bya ba ni don rjes su rtogs pa'i shes pa dang / rnam par shes pa rjes su rtogs pa'i shes pa gang yin pa ste/ de ni shes pa zhes bya'o// don ces bya ba ni/ de kho na'i don shes pa dang / rnam par shes pa rjes su rtogs pa'i shes pas nges par rtogs pa gang yin pa ste/ de nyid chos nyid yin no// chos nyid gang yin pa de ni don yin no// don rjes su rtogs pa'i shes pa dang / rnam par shes pa rjes su rtogs pa'i shes pa dang nges pa'i don rjes su rtogs pa'i shes pas rjes su rtogs pa gang yin pa de ni chos nyid do/ / chos nyid gang yin pa de ni don yin no// don gang yin pa de ni chos nyid dang / chos gnas pa nyid dang chos nges pa nyid dang / chos nges pa'i chos nyid de/ de ni chos la 'jug par mi 'gyur ro// chos lam zhugs pa gang yin pa dang / don dang tshigs 'bru mnyam pa nyid gang yin pa de ni/ gnyis su med pa'i
- 297b
don gyis mnyam pa nyid yin te/ mnyam pa nyid gang yin pa doni don yin no// don shes pa dang rnam par shes pa la mnyam pa nyid gang yin pa de ni/ gnyis su med pa'i sgor 'jug pas na shes pa yin no/ / nges pa'i don dang / drang ba'i don mnyam pa nyid kyis don mnyam pa de ni stong pa nyid do// stong pa nyid du don mnyam pas gang zag mnyam pa nyid mnyam mo// gang zag mnyam papa nyid kyis chos mnyam pa nyid mnyam mo/ / chos mnyam pa nyid kyis rnam par grol ba mnyam pa nyid mnyam ste/ rnam par grol ba mnyam pa nyid rjes su rtog pa ni byang chub bo// 'jam dpal gzugs la chags par gyur pa rnams kyis mig ni chags pa yin no/ / gzugs dang mig gi rang bzhin shes pa ni chags pa med pa yin no// lta ba la chags pas chags par gyur pa rnams kyi rang gi lus ni chags pa yin no/ / lta bar gyur pa thams cad kyi rang gi lus kyi rang bzhin stong pa nyid du shes pa ni chags pa med pa yin no// tshul bzhin ma yin pa yid la byed pa la chags pas chags par gyur pa rnams kyi chos kyi snang ba ni chags pa yin no/ / tshul bzhin yid la byed pa'i chos la so sor rtog cing ngo bo nyid kyis rang bzhin stong pa nyid du shes pa ni chags pa med pa yin no// the tsom gyi dri ma la chags pas chags par gyur pa rnams kyis thar pa ni chags pa yin no/ / mos pa dang / rnam par grol ba yang dag pa ji lta ba bzhin du shes pa ni chags pa med pa yin na// le lo'i dri ma la chags pas chags
- 298a
par gyur pa rnams kyi rtogs par bya ba la brtson 'grus brtan pa nyid ni chags pa yin no/ / chos ji lta ba bzhin du rtogs pa ni chags pa med pa yin no// sgrib pa la chags// pas chags par gyur pa rnams kyis byang chub kyi yan lag rnams ni chags pa yin no// sgrib pa med pa'i rnam par thar pa shes pa ni chags pa med pa yin no// rang bzhin gyis yongs su dag pa'i/ chos thams cad ni rgyu dang rkyen tshogs pa las byung ba ste/ de la byang chub sems pas kun nas nyon mongs pa'i rgyu dang / rnam par byang ba'i rgyu yongs su shes par bya zhing / kun nas nyon mongs pa'i rgyu rnam par dag pa dang rnam par byang ba'i rgyu rnam par dag pas kyang gnas par mi bya'o/ / bdag kun nas slong ba dang lta ba kun nas nyon mongs pa'i rgyu yin no// chos bdag med pa la 'jug pa'i bzod pa ni rnam par byang ba'i rgyu yin no/ / ngar 'dzin pa dang / nga rgyal gyi lta ba ni kun nas nyon mongs pa'i rgyu yin no// nang nye bar zhi ba dang phyi rol du rgyu ba med pa ni rnam par byang ba'i rgyu yin no// 'dod pa dang gnod sems dang rnam par 'tshe ba dang rtog pa dag ni kun nas nyon mongs pa'i rgyu yin no// mi sdug pa dang byams pa dang snying rje dang dga' ba dang btang snyoms dang brten pa'i chos la 'jug pa'i bzod pa ni rnam par byang ba'i rgyu yin no/ / phyin ci log bzhi ni kun nas nyon mongs pa'i rgyu yin no// yang dag pa'i dran pa nye bar gzhag pa bzhi ni rnam par byang ba'i rgyu yin no//
- 298b
sgrib pa lnga ni kun nas nyon mongs pa'i rgyu yin no// dbang po lnga ni rnam par byang ba'i rgyu yin no// skye mched drug ni kun nas nyon mongs pa'i rgyu yin no// rjes su dran pa drug ni rnam par byang ba'i rgyu/ yin no// dam pa ma yin pa'i chos bdun ni kun nas nyon mongs pa'i rgyu yin no// byang chub kyi yan lag bdun ni rnam par byang ba'i rgyu yin no// log pa nyid brgyad ni kun nas nyon mongs pa'i rgyu yin no/ / yang dag pa nyid brgyad ni rnam par byang ba'i rgyu yin no// kun nas mnar sems kyi dngos po dgu ni kun nas nyon mongs pa'i rgyu yin no// mthar gyis gnas pa'i snyoms par 'jug pa dgu ni rnam par byang ba'i rgyu yin no/ / mi dge ba bcu'i las kyi lam ni kun nas nyon mongs pa'i rgyu yin no// dge ba bcu'i las kyi lam ni rnam par byang ba'i rgyu yin no// mdor na mi dge ba yid la byed pa thams cad ni kun nas nyon mongs pa'i rgyu yin no/ / dge ba yid la byed pa thams cad ni rnam par byang ba'i rgyu yin no// de la ni kun nas nyon mongs pa'i rgyu gang yin pa dang / rnam par byang ba'i rgyu gang yin pa'i chos de dag thams cad ni rang bzhin gyis stong pa dang / sems can med pa dang / srog med pa dang / gang zag med pa dang / bdag med pa dang / yongs su 'dzin pa med pa dang / byed pa med pa dang / sgyu ma lta bu dang / mtshan nyid med pa dang / nang nye bar zhi ba yin no// nang nye bar zhi ba gang yin pa de ni rab tu zhi ba'o// rab tu zhi ba gang yin pa de ni rang
- 299a
bzhin no/ / rang bzhin gang yin pa de ni dmigs su med pa'o// dmigs su med pa gang yin pa de ni gnas med pa'o// gnas med pa gang yin pa de ni de kho na'o// de kho na ni nam mkha' ste/ des chos thams cad nam mkha' lta bu rab tu shes na/ kun nas nyon mongs pa dang rnam par byang bas spyod kyang / nam mkha'i chos nyid dag mi spong ngo // de ci'i phyir zhe na/ 'jam dpal gang la skye ba 'am/ 'gag par 'gyur ba'i chos de gang yang med pa'i phyir ro// 'jam dpal gyis gsol pa/ bcom ldan 'das bo na de bzhin gshegs pas byang chub ji ltar brnyes lags/ bcom ldan 'das kyis bka' stsal pa/ 'jam dpal de bzhin gshegs pas rtsa ba med pa dang gnas med pa'i byang chub thob bo// rkye ma 'jam dpal gyis gsol pa/ bcom ldan 'das de la rtsa ba ni gang lags/ gnas na gang lags/ bcom ldan 'das kyis bka' stsal pa/ 'jam dpal 'jigs tshogs ni rtsa ba yin no// yang dag pa yin pa'i kun tu rtogs pa ni gnas yin no/ / 'jam dpal de la de bzhin gshegs pas byang chub mnyam pa nyid kyis chos thams cad mnyam pa nyid du shes te/ 'jam dpal de'i phyir de bzhin gshegs pas rtsa ba med pa dang / gnas med par byang chub mngon par rdzogs par sangs rgyas zhes bya'o// 'jam dpal byang chub ni zhi ba dang / nye bar zhi ba yin te/ de la zhi ba ni gang / nye bar zhi ba ni gang zhe na/ nang ni zhi ba yin
- 299b
no/ / phyi rol ni nye bar ni ba yin no// de ci'i phyir zhe na/ 'jam dpal mig ni bdag dang bdag gis stong ste/ de'i rang bzhin de yin pa'i phyir de ni ni bzhes bya'o// des mig stong pa zhes bya bar yongs su shes nas/ gzugs rnams la mi rgyug ste/ de'i phyir nye bar zhi ba zhes bya'o// de bzhin du rna ba ni bdag dang bdag gis stong ste/ de'i rang bzhin de yin pa'i phyir ro mi ni ba zhes bya'o// des na bcwo pa zhes bya bar yongs su shes nas/ sgra rnams la mi rgyug ste/ de'i phyir nye bar zhi ba zhes bya'o// sna ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des sna stong pa zhes bya bar yongs su shes nas/ dri rnams la mi rgyug ste/ de'i phyir nye bar zhi ba zhes bya'o// lce ni bdag dang bdag gis stong ste/ de'i rang bzhin de yin pa'i phyir de ni zhing zhes bya'o// des lce stong pa zhes bya bar yongs su shes nas/ ro rnams la mi rgyug ste de'i phyir nye bar zhi ba zhes bya'o// lus ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o// des lus stong pa zhes bya bar yongs su shes nas/ reg bya rnams la mi rgyug ste/ de'i phyir nye bar zhi ba zhes bya'o// 'jam dpal yid ni bdag dang bdag gis stong ste/ de'i rang bzhin de yin pa'i phyir de ni zhi ba zhes bya'o/ / des yid stong pa zhes bya bar yongs su shes nas/ chos rnams la mi rgyug ste de'i phyir nye bar zhi ba zhes bya'o// 'jam dpal byang chub ni sems kyi rang bzhin 'od bsal ba nyid kyi rang bzhin 'od
- 300a
gsal ba yin te/ de ci'i phyir 'od gsal ba zhes bya zhe na/ rang bzhin gang yin pa de ni/ kun nas nyon mongs pa med pa/ nam mkha' dang mnyam pa/ nam mkha'i rang bzhin can/ nam mkhar yang dag par 'du ba nam mkha' lta bu ste/ rang bzhin gyis shin tu 'od gsal ba yin pa'i phyir ro// 'jam dpal byang chub ni blang ba med pa nyid dang dor ba med pa nyid yin te/ de la blang ba med pa nyid ni gang / dor ba med pa nyid ni gang zhe na/ blang ba med pa nyid ces bya ba ni chos thams cad gzung du med pa nyid yin no// dor ba med pa nyid ces bya ba ni chos thams cad spang du med pa nyid yin no/ / 'jam dpal de la de bzhin gshegs pa ni blang ba med pa nyid dang / dor ba med pa nyid kyis chu bo las brgal bar gyur te/ ji ltar de ltar de bzhin nyid kyis tshu rol yang dag par rjes su mi mthong / / pha rol yang yang dag par rjes su mi mthong ba de ltar chu bo las brgal to// de ltar de bzhin gshegs pas tshu rol dang pha rol dang bral ba'i chos thams cad mngon par rdzogs par byang chub ste/ de ci'i phyir zhe na de bzhin gshegs pa zhes bya'o// 'jam dpal byang chub ni mtshan ma med pa nyid dang / dmigs pa med pa nyid yin te/ de la mtshan ma med pa nyid ni gang dmigs pa med pa nyid ni gang zhe na/ 'jam dpal mig gi rnam par shes pa mi dmigs pa ni mtshan ma med pa nyid yin no// gzugs yang dag par rjes su mi mthong ba ni dmigs pa med pa nyid yin no// /
- 300b
rluba'i rnam par shes pa ma dmigs pa namatshan ma med pa'id yinan// rdzas can dum pa ni demigs pa med pa nyid yinano// rna rnam par shes pa mi dmigs pa ni mtshan ma med pa nyid sbyin mo// dribasnams du med pa ni dmigs pa med pa nyid yin no// lce'i rnam par shes pa mi dmigs pa ni mtshan ma med pa nyid yin no// ro myang du med pa ni dmigs pa med pa nyid yin no// lus kyi rnam par shes pa mi dmigs pa ni mtshan ma med pa nyid yin no/ / reg bya reg par byar med pa ni dmigs pa med pa nyid yin no// yid kyi rnam par shes pa mi dmigs pa ni mtshan ma med pa nyid yin no// chos rnams rnam par shes par byar med pa ni dmigs pa med pa nyid do// 'jam dpal de ni 'phags pa rnams kyi spyod yul yin te/ 'jam dpal gang khams gsum pa'i spyod yul ma yin pa de ni// 'phags pa rnams kyi spyod yul yin no// 'jam dpal byang chub ni 'das pa ma yin no// ma 'ongs pa ma yin/ da ltar byung ba ma yin/ dus gsum mnyam pa 'khor gsum yongs su chad pa yin no/ / 'jam dpal de la 'khor gsum yongs su chad pa gang zhe na/ 'das pa la sems mi 'jug pa dang / ma 'ongs pa la rnam par shes pa mi rgyug pa dang / da ltar byung ba la yid la byed pa mi 'byung ba gang yin pa ste/ de ni sems dang yid dang rnam par shes pa la mi gnas shing / rtog par mi byed/ rnam par rtog par mi byed do// rtog par mi byed/ rnam par rtog par mi byed pa
- 301a
ni/ 'das pa yid la mi byed/ ma 'ongs pa rlom sems su mi byed/ da ltar byung ba la 'phro bar mi byed do// 'jam dpa' byang chub ni lus med pa nyid dang / 'dus ma byas pa nyid yin te/ 'jam dpal de la lus med pa nyid ni mig gi rnam par shes pas rnam par shes par bya ba ma yin pa dang / rna ba dang sna dang / lce dang / lus dang yid kyi rnam par shes pas rnam par shes par bya ba ma yin pa glang yin pa'o/ / 'jam dpal sems dang yid dang / rnam par shes pas rnam par shes par bya ba ma yin pa de nyid 'dus ma byas pa nyid yin te/ 'dus ma byas pa nyid ces bya ba ni gang la skye ba med pa dang / gnas pa med pa dang 'jig pa med pa'o// de ni 'khor gsum yongs su dag pa/ 'dus ma byas pa yin te/ 'dus ma byas pa ji lta ba kho na bzhin du 'dus ma byas kyang de lta bu kho na yin par rtogs par bya'o/ / de ci'i phyir zhe na/ 'jam dpal chos thams cad kyi ngo bo nyid gang yin pa de ni ngo bo nyid med pa ste/ ngo bo nyid med pa gang yin pa de la ni gnyis su med pa'i phyir ro/ / 'jam dpal byang chub de ni dbyer med pa'i gzhi yin te/ de la dbyer med pa ni gang / gzhi ni gang zhe na/ ming med pa ni dbyer med pa'o// de bzhin nyid ni gzhi'o// gnas med pa ni dbyer med pa'o/ / chos kyi dbyings ni gzhi'o// tha dad pa nyid med pa na dbyer med pa'o// yang dag pa'i mtha' ni gzhi'o// dmigs pa med pa ni dbyer med pa'o// g.yo ba med pa nyid ni gzhi'o//
- 301b
ma dpag// mamam ma na nag/ um+WA mam na na byung me pa'o// ga/ ska ga/ se ms can gyi ngo bo nyid med pa ni dbyer med pa'o/ / nam mkha' ni gzhi'o// dmigs su med pa ni dbyer med pa'o// skye ba med pa ni gzhi'o// 'gag pa med pa ni dbyer med pa'o// 'dus ma byas ni gzhi'o/ / spyod pa med pa dbyer med pa'o// byang chub ni gzhi'o// nye bar zhi ba ni dbyer med pa'o// mya ngan las 'das pa ni gzhi'o// mngon par 'grub pa med pa ni dbyer med pa'o// skye ba med pa ni gzhi'o/ / 'jam dpal byang chub ni lus kyis mngon par rdzogs par byang chub par mi 'gyur te/ sems kyis kyang ma yin no// de ci'i phyir zhe na/ 'jam dpal lus ni bems po// g.yo ba med pa// sems pa med pa ste/ rtswa dang rtsig pa dang / shing dang bong ba dang / gzugs brnyan lta bu yin la/ sems kyang sgyu ma lta bu ste/ gsog dang gso ba dang yang dag pa ma yin pa dang 'dus ma byas pa ma yin pa'i/ phyir ro// 'jam dpal gang gis lus dang sems de ltar rtogs pa de ni byang chub ces bya ste/ 'jam dpal de yang tha snyad la brten pa yin gyi/ don dam par ni ma yin no// de ci'i phyir zhe na/ 'jam dpal byang chub ni lus dang sems dang / chos dang chos ma yin pa dang / yang dag pa dang / yang dag pa ma yin pa dang / bden pa dang / brdzun pas brjod pas bya ba ma yin pa'i phyir ro// 'jam dpal byang chub
- 302a
ni chos thams cad kyis brjod par bya ba ma yin pa ste/ de ci'i phyir zhe na/ 'jam dpal byang chub la ni gang gis tshig dang tha snyad 'jug par 'gyur ba'i gnas cung zad kyang med bapa'i phyir ro/ / 'jam dpal 'di lta ste/ dper na/ nam mkha' ni gnas med pa/ 'dus ma byas pa/ ma skyes pa/ ma 'gags pa/ brjod par bya ba ma yin pa'o// 'jam dpal de bzhin du byang chub kyang gnas med pa/ 'dus ma byas pa/ ma skyes pa/ ma 'gags pa/ brjod par bya ba ma yin pa'o// 'jam dpal 'di lta ste/ dper na/ yang dag pa yongs su tshol ba na/ chos thams cad kyis brjod par bya ba ma yin pa de bzhin du/ 'jam dpal yang dag par byang chub yongs su 'chol ba na yang / chos thams cad kyis brjod par bya ba ma yin no// de ci'i phyir zhe na/ 'jam dpal yang dag par na tshigs ni ma skyes pa dang / ma 'gags pa yin pas/ yod pa ma yin pa'i phyir ro// 'jam dpal byang chub ni gzung ba med pa nyid dang / gnas med pa nyid yin te/ 'jam dpal de la gzung ba med pa nyid ni gang / gnas med pa nyid ni gang zhe na/ 'jam dpal mig yongs su shes pa ni gzung ba med pa nyid yin no// gzugs dmigs su med pa ni gnas med pa nyid yin no// rna ba yongs su shes pa ni gzung ba med pa nyid yin no// sgra dmigs su med pa ni gnas med pa nyid yin no// sna yongs su shes pa ni gzung ba med pa nyid yin no// dri dmigs su med pa ni gnas
- 302b
med pa nyid yin no/ / lce yongs su shes pa ni gzung ba med pa nyid yin no// ro dmigs su med pa ni gnas med pa nyid yin no// lus yongs su shes pa ni gzung ba med pa nyid yin no// reg bya dmigs su med pa ni gnas med pa nyid yin no/ / yid yongs su shes pa ni gzung ba med pa nyid yin no// chos dmigs su med pa ni gnas med pa nyid yin no// de bzhin gshegs pas ni de ltar gzung ba med pa nyid dang / gnas med pa nyid du byang chub mngon par rdzogs par sangs rgyas te/ mngon par rdzogs par sangs rgyas nas kyang / mig gzung du med pa dang / gzugs dmigs su med pa'i phyir/ mig gis rnam par shes pa la mi gnas so// rna ba gzung du med pa dang / sgra dmigs su med pa'i phyir/ rna ba'i rnam par shes pa la mi gnas so// sna gzung du med pa dang / dri dmigs su med pa'i phyir/ sna'i rnam par shes pa la mi gnas so// lce gzung du med pa dang / ro dmigs su med pa'i phyir/ lce'i rnam par shes pa la mi gnas so// lus gzung du med pa dang / reg bya dmigs su med pa'i phyir/ lus kyi rnam par shes pa la mi gnas so// yid gzung du med pa dang / chos dmigs su med pa'i phyir/ yid kyi rnam par shes pa la mi gnas te/ de'i phyir de bzhin gshegs pa dgra bcom pa yang dag par rdzogs pa'i sangs rgyas ni rnam par shes pa mi gnas pa dang ldan pa zhes bya ba'i grangs su 'gro'o/ / 'jam dpal bzhi po 'di na sems can rnams kyi sems kyi gnas yin te/ bzhi gang
- 303a
zhe na/ 'di lta ste/ gzugs ni sems can rnams kyi sems kyi gnas yin no// 1/ 'jam dpal de bzhin du tshor ba dang / 'du shes dang / 2'du byed rnams ni sems can rnam kyi sems kyi gnas yin tes/ 'jam dpal de bzhin gshegs pa la ni sems kyi gnas bzhi po de dag ma skyes pa dang / ma bgags par shes so// 'jam dpal byang chub ces bya ba de ni stong pa nyid kyi tshigs bla dgas yin te/ 'jam dpal stong pa nyid gang gis byang chub stong pa nyid stong pa nyid des/ chos thams cad kyang stong ste/ 'jam dpal de bzhin gshegs pas ni de dag ji ltar stong pa de lta bu kho nar mngon par rdzogs par sangs rgyas so/ / 'jam dpal stong pa nyid kyi stong pa nyid mngon par rdzogs par sangs rgyas pa yang ma yin te/ 'jam dpal 'di lta ste stong pa nyid dam/ byang chub de ni shes pa tshul gcig pa yin no// 'jam dpal gang la stong pa nyid kyang med/ byang chub kyang med pa de la ni/ 'jam dpal gang gis stong pa nyid dang / byang chub ces gnyis su dbye/ ba'i gnyis su ni cung zad kyang med do// de ci'i phyir zhen/ 'jam dpal chos thams cad ni gnyis su med pa/ mtshan nyid med pa/ gnyis su dbyer med pa ming med pa/ mtshan ma med pa/ sem dang yid dang / rnam par shes pa dang bral ba/ ma skyes pa/ ma bgags pa/ rgyu ba med pa/ spyod pa med pa/ kun 'byung ba med pa/ yi ge med pa/ sgra med pa yin pa'i phyir ro// /
- 303b
'phags pa sangs rgyas thams cad kyi yul la 'jug pa ye shes snang ba'i brgyan ces bya ba theg pa chen po'i mdo// bam po gsum pa ste tha ma'o// 'jam dpal stong pa nyid ces bya ba gang / yin pa de ni mngon par zhen pa med pa dang 'dzin pa med pa'i tshig bla dgas yin te/ bajam dpal de la ni don dam par na gang stong pa zhes bya ba'i chos gang yang dmigs su med do// 'jam dpal 'di lta ste/ dper na nam mkha' nam mkha' zhes brjod kyang nam mkha' ni brjod par bya ba ma yin no// 'jam dpal de bzhin du stong pa stong pa zhes brjod kyang stong pa ni brjod par bya ba ma yin te/ chos thams cad kyi 'jug pa ni de lta bu yin no/ / 'jam dpal chos thams cad ni ming med pa yin na/ de dag la ming gis brjod par byed de/ 'jam dpal ming ni yul na gnas pa ma yin/ phyogs na gnas pa ma yin no/ / 'jam dpal ji ltar ming yul na gnas pa ma yin/ phyogs na gnas pa ma yin pa de bzhin du/ ming gang gis chos gang brjod par byed pa'i chos de yang yul na gnas pa ma yin/ phyogs na gnas pa ma yin no/ / 'jam dpal de bzhin gshegs pas ni chos de dag thams cad de ltar gzod ma nas ma skyes pa ma byung ba/ ma 'gags pa/ mtshan nyid med pa/ sems dang yid dang / rnam par shes pa dang bral ba/ yi ge med pa/ sgra med par shes so// 'jam dpal ji ltar shes pa de kho na bzhin du rnam par grol te/ bcings pa las grol bar gyur pa ma yin no// 'jam dpal
- 304a
byang chub ni nam mkha' dang mnyam pa ste/ nam mkha' ni mnyam pa ma yin mi mnyam pa ma yin la/ byang chub kyang mnyam pa ma yin mi mnyam pa ma yin no// de ci'i phyir zhe na/ 'jam dpal chos gang la yang dag par yongs su 'grub pa med pa de ni/ mnyam pa 'am mi mnyam par brjod par bya ba ma yin pa'i phyir ro// 'jam dpal de bzhin gshegs pas de ni de ltar chos thams cad mnyam pa med pa dang / mi mnyam pa med par mngon par rdzogs par sangs rgyas te/ ji ltar chos phra rab tsam yang mnyam par ma byas mi mnyam par ma byas pa de ltar/ mngon par rdzogs par sangs rgyas shing yang dag pa'i shes pas/ chos de dag ji lta ba de lta bu kho nar shes so// 'jam dpal yang dag pa'i shes pa yang gang zhe na/ 'jam dpal chos thams cad rtsa ba med pa dang / ma skyes pa dang / ma 'gags pa dang / ma byung ba las 'byung ba dang / byung nas kyang 'jig par 'gyur te/ 'jam dpal de dag kyang bdag po med pa dang / yongs su 'dzin pa med par 'byung zhing / bdag po med pa dang / yongs su 'dzin pa med par 'jig par shes pa'o// 'jam dpal de ltar 'byung ba dang 'jig pa la brten nas/ chos rnams 'jug par 'gyur/ yang / 'di la 'jug par 'gyur ba gang yang med de/ de ni lam gyi rgyun bcad pa'i phyir de bzhin gshegs pa chos ston pa zhes bya'o// 'jam dpal byang chub ces bya ba de ni ji lta ba bzhin gyi gnas
- 304b
yin te/ 'jam dpal de la ji lta ba bzhin gyi gnas gang zhe na/ 'jam dpal ji lta ba bzhin gyi gnas shes bya ba ni byang chub ste/ byang chub ji lta ba de bzhin du/ gzugs kyang de bzhin nyid las mi 'da'o/ / byang chub ji lta ba de bzhin du tshor ba dang / 'du shes dang / 'du byed rnams dang / rnam par shes pa yang de bzhin nyid las mi 'da'o// byang chub ji lta ba de bzhin du sa'i khams kyang de bzhin nyid las mi 'da'o/ / byang chub ji lta ba de bzhin du chu'i khams dang / me'i khams dang rlung gi khams kyang de bzhin nyid las mi 'da'o// 'jam dpal byang chub ji lta ba de bzhin du mig gi khams dang / gzugs kyi khams dang / mig gi rnam par shes pa'i khams kyang de bzhin nyid las mi 'da'o// byang chub ji lta ba de bzhin du rna ba'i khams dang / sgra'i khams dang / rna ba'i rnam par shes pa'i khams dang / sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams kyang de bzhin nyid las ma 'da'o/ / chos gdags pa de ni 'di tsam du zad de/ 'di lta ste/ phung po dang / khams dang / skye mched drug gdags pa'o// de bzhin gshegs pas ni de dag yang dag pa ji
- 305a
lta ba bzhin du mngon par rdzogs par sangs rgyas shing / phyin ci ma log par mngon par rdzogs par sangs rgyas so// de dag ni sngon ji lta ba bzhin du phyis kyang de bzhin/ bar yang de bzhin te sngon gyi mthar ma skyes pa dang / phyi ma'i mthar mi 'pho ba dang / dbus su bden pa ma yin no// de ltar de dag ni ji lta bzhin gyi gnas yin te/ gcig ji lta ba bzhin du thams cad de bzhin la/ thams cad ji lta ba bzhin du/ gcig kyang de bzhin te/ 'jam dpal 'di la ni gcig pa nyid dam/ mang po nyid dmigs su med do// 'jam dpal byang chub ni rnam pa'i 'jug pas rnam pa med par bzhugs pa yin te/ 'jam dpal de la rnam pa ni gang / rnam pa med pa ni gang zhe na/ 'jam dpal rnam pa zhes bya ba ni dge ba'i chos thams cad la rtsom pa'o// rnam pa med pa zhes bya ba na chos thams cad dmigs su med pa'o/ / rnam pa zhes bya ba ni sems mi gnas pa'i gnas skabs so// rnam pa med pa zhes bya ba ni rnam par thar pa'i sgo mtshan ma med pa'i ting nge 'dzin to// rnam pa zhes bya ba ni chos thams cad la sems pa dang / 'jal ba dang / bgrang ba dang / so sor rtog pa'o// rnam pa med pa zhes bya ba ni gzhal ba las yang dag par 'das pa ste/ gzhal ba las yang dag par 'das pa gang zhe na/ gang la rnam par shes pa'i las med pa'o// rnam pa zhes bya ba ni 'dus byas la so sor rtog pa'o// rnam pa med pa zhes bya ba ni 'dus ma byas la so sor rtog pa'o//
- 305b
'jam dpal byang chub ni zag pa med pa nyid dang / len pa med pa nyid yin te/ 'jam dpal de la zag pa med pa nyid ni gang / len pa med pa nyid ni gang zhe na/ 'jam dpal zag pa med pa nyid ces bya ba ni// zag pa med pa bzhi dang bral ba ste/ bzhi po de dag kyang gang zhe na/ 'di lta ste/ 'dod pa'i zag pa dang / srid pa'i zag pa dang / ma rig pa'i zag pa dang / lta ba'i zag pa ste/ zag pa bzhi po de dag dang bral ba'o/ / len pa med pa nyid ces bya ba ni/ len pa bzhi dang bral ba ste/ bzhi po de dag kyang gang zhe na/ 'di lta ste/ 'dod pa'i len pa dang / lta ba'i len pa dang / tshul khrims dang brtul bzhugs mchog tu 'dzin pa'i len pa dang / bdag tu lta ba'i len pa ste/ len pa bzhi po de dag dang bral ba'o// 'jam dpal de la sems can ma rig pa'i ldongs par byas pa/ sred pas/ dkrugs par gyur pa de dag ni phan tshun mngon par zhen par gyur nas len par byed kyi/ de bzhin gshegs pa ni bdag tu smra ba'i len pa rtsa ba yin par yongs su shes nas/ bdag rnam par dag pas/ sems can thams cad rnam par dag par rjes su rtogs par gyur te/ bdag rnam par dag pa gang yin pa dang / sems can thams cad rnam par dag pa gang yin pa de ni/ gnyis su med de gnyis su byar med la/ gnyis su med pa'i don gang yin pa de ni skye ba med pa dang 'gags pa med pa yin no/ / 'jam dpal skye ba med pa dang 'gags pa med pa la ni/ sems dang yid dang rnam par shes pa 'jug par mi 'gyur te/
- 306a
baja ma dpal gang la sems dang yid dang / rnam par shes pa mi 'jug pa de la ni/ yongs su rtogs pa gang gis tshul bzhin ma yin pa yid la byed par 'gyur ba'i yongs su rtogs pa gang yang med de/ tshul bzhin yid la byed pa la rab tu brtson pa de ni ma rig pa kun nas slong bar mi byed do// ma rig pa'i kun nas ldang ba med pa gang yin pa de ni srid pa'i yan lag bcu gnyis po dag gi kun nas spong ba med pa yin no/ / srid pa'i yan lag bcu gnyis po dag gi kun nas ltung ba med pa gang yin pa de ni skye ba med pa yin no// skye ba med pa gang yin pa de ni skyon med pa yin no// skyon med pa gang yin pa de ni nges pa'i don yin no// nges pa'i don gang yin pa de ni don dam pa yin no// don dam pa gang yin pa de ni gang zag med pa'i don yin no// gang zag med pa'i don gang yin/ pa de ni brjod du med pa'i don yin no// brjod du med pa'i don gang yin pa de ni rten cing 'brel par 'byung ba'i don yin no// rten cing 'brel bar 'byung ba'i don gang yin pa de ni chos kyi don yin no// chos kyi don gang yin pa de ni de bzhin gshegs pa'i don yin te/ de'i phyir gang gis rten cing 'brel par 'byung ba mthong ba des chos mthong ngo // gang gis chos mthong ba des de bzhin gshegs pa mthong ngo / zhes gsungs te/ ji ltar yongs su tshol ba na ci yang ma mthong ba de ltar mthong ngo // 'jam dpal de la ci yang zhes bya ba gang zhe na/ 'di lta ste/ sems dang dmigs pa ste/ des gang gi tshe
- 306b
sems dang dmigs pa yang dag par rjes su mi mthong ba de'i tshe na yang dag par mthong ba yin pas/ de bzhin gshegs pas ni chos de dag de ltar mnyam pa nyid kyis mnyam par mngon par rdzogs par sangs rgyas so/ / 'jam dpal byang chub ni dag pa dang / dri ma med pa dang nyon mongs pa med pa yin te/ 'jam dpal de la dag pa ni gang / dri ma med pa ni gang / nyon mongs pa med pa ni gang zhe na/ 'jam dpal stong pa nyid ni dag pa'o// mtshan ma med pa ni dri ma med pa'o// smon pa med pa ni nyon mongs pa med pa'o// skye ba med pa ni dag pa'o// mngon par 'du byed pab med pa ni dri ma med pa'o/ / 'byung ba med pa ni nyon mongs pa med pa'o// rang bzhin dag pa'o// yongs su dag pa ni dri ma med pa'o// 'od gsal ba ni nyon mongs pa med pa'o// spros pa med pa ni dag pa'o/ / spros pa dang bral ba ni dri ma med pa'o// spros pa nye bar zhi ba ni nyon mongs pa med pa'o// de bzhin nyid ni dag pa'o// chos kyi dbyings ni dri ma med pa'o// yang dag pa'i mtha' ni nyon mongs pa med pa'o/ / nam mkha' ni dag pa'o// bar snang ni dri ma med pa'o// nam mkha' ni nyon mongs pa med pa'o// nang yongs su shes pa ni dag pa'o// phyi rol tu rgyu ba med pa ni dri ma med pa'o/ / phyi nang dmigs su med pa ni nyon mongs pa med pa'o// phung po yongs su shes pa ni dag pa'o// khams rang bzhin med pa ni dri ma med pa'o// skye mched rnams spong ba ni nyon mongs pa med pa'o//
- 307a
'das pa la bzad par shes pa ni dag pa'o// ma 'ongs pa la mi skye bar shes pa ni dri ma med pa'o// da ltar byung ba la chos gnas par shes pa ni nyon mongs pa med pa'o// 'jam dpal de ltar dag pa dang dri med pa dang nyon mongs pa med pa ni gnas gcig tu yang dag par 'du ste/ 'di lta ste/ zhi ba'i gnas su'o// zhi ba gang yin pa de ni rab tu zhi ba yin no// rab tu zhi ba gang yin de ni nye bar zhi ba yin no/ / nye bar zhi ba gang yin pa de ni nye bar zhi bar gyur pa yin no// nye bar zhi bar gyur pa gang yin pa de ni thub pa zhes bya'o// 'jam dpal de ltar na nam mkha' ji lta bar byang chub kyang de bzhin no/ / byang chub ji lta bar chos rnams kyang de bzhin no// chos rnams ji lta bar sems can rnams kyang de bzhin no// sems can rnams ji lta bar zhing rnams kyang de bzhin no/ / zhing rnams ji lta bar mya ngan las 'dras pa yang de bzhin no// 'jam dpal de'i phyir chos thams cad ni mya ngan las 'das pa dang mnyam pa zhes bya ste/ mthar thug par gyur pa'i phyir gnyen po med pa yin la/ gnyen po med pa'i phyir gzod ma nas dag pa dang / gzod dam nas dri ma med pa dang / gzod ma nas nyon mongs pa med pa yin no// 'jam dpal de la de bzhin gshegs pa chos thams cad de ltar mngon par rdzogs par sangs rgyas pa sems can rnams kyi khams la rnam par gzigs pa ni sems can rnams la dag pa dri ma med pa/ / nyon mongs pa med/
- 307b
bAs/ rnam par rol pa zhes bya ba'i thugs rje chen po skye bar 'gyur ro// 'jam dpal ji ltar na byang chub sems dpa' byang chub sems dpa'i spyad pa la spyod pa yin zhe na/ bajam dpal gang gi tshe byang chub sems dpa' zad pa'i phyir rlom sems su mi byed cing / ma zad pa'i phyir yang ma yin/ skye ba'i phyir yang ma yin/ mi skye ba'i phyir yang ma yin/ gtan zad pa zad par bya ba'i phyir yang ma yin/ gtan mi skye ba rnam par 'khrug par yang mi byed pa de ltar spyod na/ 'jam dpal byang chub sems dpa' byang chub sems dpa'i spyad pa la spyod pa yin no// 'jam dpal gzhan yang byang chub sems dpa' 'das pa'i sems la zad pa zhes bya bar mi spyod/ / ma 'ongs pa'i sems la ma thob pa zhes bya bar mi spyod/ da ltar byung ba'i sems la yod ces bya bar mi spyod cing / 'das pa dang / ma 'ongs pa dang / da ltar byung ba'i sems la chags par mi 'gyur ba de ltar spyod na/ 'jam dpal byang chub sems dpa' byang chub sems dpa'i spyad pa la spyod pa yin no// 'jam dpa' gzhan yang byang chub sems dpa'i sbyin pa dang / byang chub dang / sems can rnams dang / de bzhin gshegs pa de la gnyis su med de gnyis su dbyer med pa de ltar spyod na/ byang chub sems dpa'i spyad pa la spyod pa yin no/ / 'jam dpal de bzhin du byang chub sems dpa'i tshul khrims dang / byang chub dang / sems can rnams dang / de bzhin gshegs pa de la gnyis su med de
- 308a
gnyis su dbyer med pa de ltar spyod na/ byang chub sems dpa'i spyad pa la spyod pa yin no// 'jam dpal de bzhin du byang chub sems dpa'i bzod pa dang / byang chub dang / sems can rnams dang / de bzhin gshegs pa dang / brtson 'grus dang / byang chub dang / sems can rnams dang / de bzhin gshegs pa dang / bsam gtan dang / byang chub dang sems can rnams dang / de bzhin gshegs pa dang / de bzhin du shes rab dang / byang chub dang / sems can rnams dang / de bzhin gshegs pa de la gnyis su med de/ gnyis su dbyer med pa de ltar spyod na/ byang chub sems dpa'i spyad pa la spyod pa yin no// 'jam dpal gal te byang chub sems dpa'i gzugs stong zhes bya bar mi spyod/ mi stong zhes bya bar mi spyod pa de ltar spyod na/ 'jam dpal byang chub sems dpa' byang chub sems dpa'i spyad pa la spyod pa yin no// de ci'i phyir zhe na/ 'jam dpal gzugs ni gzugs kyi ngo bo nyid kyis stong pa'i phyir ro// 'jam dpal de bzhin du gal te/ byang chub sems dpa'i tshor ba dang / 'du shes dang / 'du byed rnams dang / rnam par shes pa stong zhes bya bar mi spyod/ mi stong zhes bya bar mi spyod pa de ltar spyod na/ byang chub sems dpa' byang chub sems dpa'i spyad pa la spyod pa yin no/ / de ci'i phyir zhe na/ 'jam dpal sems dang yid dang / rnam par shes pa dmigs su med pa'i phyir/ gang yongs su shes
- 308b
ba bam/ spang ba 'am/ bsgom pa 'am/ mngon sum du bya ba'i chos de gang yang yod pa ma yin pa'i phyir ro// 'jam dpal zad pa zhes bya ba gang yin pa de ni gtan zad pa kho na yin no// gtan zad pa gang yin pa de ni zad par bya ba ma yin no// zang par bya ba ma yin pa'i phyir mi zad pa yin no// de ci'i phyir zhe na/ 'jam dpal de ni ji lta ba bzhin du zad pa yin la/ ji lta ba bzhin du zad pa gang yin pa de la ni/ zad pa cung zad kyang med la/ gang la zad pa cung zad kyang med pa de ni 'dus ma byas pa ste/ 'dus ma byas pa gang yin pa de la ni skye ba yang med 'gag pa yang med pa'i phyir ro/ / de ci'i phyir zhe na/ de bzhin gshegs pa rnams byung yang rung ma byung yang rung / chos nyid dang / chos gnas pa nyid dang / chos dbyings 'di ni gnas pa kho na zhes bya ste/ ji ltar chos kyi dbyings gnas pa de bzhin du shes pa de yang 'jug par mi byed/ ldog par mi byed do// ji ltar shes pa de 'jug par mi byed/ ldog par mi byed pa de lta bu'i chos kyi tshul la 'jug pas/ zag pa skye bar mi byed/ 'gags par mi byed do// 'jam dpal zag pa zad pa zhes bya ba de ni tha snyad dang / sgra dang / yi ge dang / brda gdags pa yin te/ 'di la ni skye ba 'am/ 'gags par 'gyur ba'i chos gang yang med do/ / de nas 'jam dpal bzhon nur gyur pastan las langs te/ bla gos phrag pa gcig tu gzar nas/ pus mo g.yas pa'i lha nga sa la btsugs te/ bcom ldan 'das ga la ba
- 309a
de logs su thal mo sbyar ba btud nas/ bcom ldan 'das la tshigs su bcad pa 'di dag gis mngon par bstod do// kha dog rtags dang dbyibs mi mnga'// rtsa ba mi mnga' gnas mi mnga'/ / mi 'gag 'byung ba mi mnga' ba// mi rten khyod la phyag 'tshal lo// mi gnas gnas pa ma mnga' ba// blang ba mi mnga' dor mi mnga'// skye mched drug las rnam grol ba// mi rten khyod la phyag 'tshal lo/ / chos rnams kun la mi gnas shing // dngos dang dngos med rnam par spangs// 'du byed mnyam pa nyid brnyes pa// mi rten khyod la phyag 'tshal lo// khams gsum dag las rnam par grol/ / mkha' ltar mnyam nyid thugs su chud// 'a dod pa rnams kyis mi gos pa// mi rten khyod la phyag 'tshal lo// gshegs dang bzhugs dang gzims pa yi// spyod lam rnam ba thams cad du/ / rtag tu mnyam par bzhag mdzad pa// mi rten khyod la phyag 'tshal lo// mnyam par byon cing mnyam par gshegs// mnyam pa nyid la gnas pa po// mnyam nyid 'khrugs par mi mdzad pa/ / mi rten khyod la phyag 'tshal lo// mnyam pa nyid la bzhugs gyur cing // chos rnams kun la mnyam par bzhag/ mtshan ma med la bzhugs gyur pa// mi rten khyod la phyag 'tshal lo/ / mi gnas dmigs pa mi mnga' ba// shes rab brtsegs shing mnyam par gzhag/ chos la mnga' dbang bsnyes gyur pa// mi rten khyod la phyag 'tshal lo// sems
- 309b
/ can kun gyi sgra skad dang // de bzhin gzugs dang spyod lam dag/ skad cig gcig gis gzigs mdzad pa// mi rten khyod la phyag 'tshal lo// ming dang gzugs las rnam par grol// rgyu dang phung / po thams cad bcad// rnam pa med la 'jug mdzad pa// mi rten khyod la phyag 'tshal lo// mtshan ma dag dang rnam bral zhing // mtshan ma'i rnam pa rnam par spangs// mtshan ma med la 'jug mdzad pa/ / mi rten khyod la phyag 'tshal lo// yang dag rtog pas rnam ma brtags// thugs yid rab tu mi gnas shing // yid mdzad mi mnga' mi dgongs pa// mi rten khyod la phyag 'tshal lo// nam mkha' 'dra bar gnas mi mnga'// thogs pa mi mnga' spros mi mnga'// nam mkha' mnyam pa'i thugs mnga' ba// mi rten khyod la phyag 'tshal lo// nam mkha' dpung mtha' ma mchis pa/ / sangs rgyas chos nyid de dang 'dra// dus gsum yang dag 'das gyur pa// mi rten khyod la phyag 'tshal lo// nam mkha' mtshan nyid sangs rgyas te// nam mkha'ang mtshan nyid mchi ma lags/ / rgyu dang 'bras bu rnam grol ba// mi rten khyod la phyag 'tshal lo// ngar 'dzin mi mnga' sgra mi mnga'// gzung ba ma mchis chu zla 'dra// chos rnams kun dang mi gnas pa/ mi rten khyod la phyag 'tshal lo// phung po rnams dang skye mched dang // khams rnams dag la mi gnas la// phyin ci log las rnam grol ba// mi rten khyod la phyag 'tshal lo// mtha' gnyis
- 310a
dag las rnam grol zhing / / bdag tu lta ba yang dag bcad// chos dbyings mnyam pa nyid brnyes pa// mi rten khyod la phyag 'tshal lo// gzugs kyi grangs las rnam grol zhing / / dam chos ma lags rnam par spangs// len dang stong pa mi mnga' ba// mi rten khyod la phyag 'tshal lo// bdud kyi mang las rab 'das shing // chos kun rtog par thugs su chud/ / sgrib pa mi mnga' chos gyur pa// mi rten khyod la phyag 'tshal lo// don 'tshal rnams kyis mchis mi brjod// ma mchis zhes kyang brjod mi bgyi// len med tshig la ma mchis pa// mi rten khyod la phyag 'tshal lo/ / gnyis kyi chos la mi rten par// theg pa'i rgyal mtshan kun tu btsugs// gnyis dang gnyis med rnam grol ba// mi rten khyod la phyag 'tshal lo// khyod kyis yid kyi nyes pa dang / / lus kyi nad bzhi pham par mdzad// bsam yas dpe dang rnam bral ba// mi rten khyod la phyag 'tshal lo// lhun gyis grub par 'jug mdzad cing // nyes pa thams cad rnam par spang/ spyod pa mkhyen pas thog drangs pa// mi rten khyod la phyag 'tshal lo// khyod dgongs zhib cing zag mi mnga'// 'byung min 'byung la de bdag nyid// gnas dang rtog pa mi mnga' ba// mi rten khyod la phyag 'tshal lo/ / dmigs pa mi mnga'i thugs kyis su// kun gyi sems ni rab tu mkhyen// bdag gzhan 'du shes mi mnga' ba// mi rten khyod la phyag 'tshal lo// dmigs dang dmigs pa
- 310b
rnams kyis ni/ / kun gyi sems ni rmongs par bgyid// sgrib pa med pa'i chos gyur pa// mi rten khyod la phyag 'tshal lo// dmigs pa dag dang sems rnams ni// ngo bo nyid kyis mchis ma lag// mtha' yas mnyam pa nyid brnyes pa// mi rten khyod la phyag 'tshal lo// gnas pa mi mnga' mkhyen pa yis// zhing rnams kun dang de bzhin du// sems can kun gyi spyod gzigs pa// mi rten khyod la phyag 'tshal lo/ / sangs rgyas rnams kyi lan 'ga' yang // sems dang chos kun gtan mi dmigs// chos rnams thams cad kun mkhyen pa// mi rten khyod la phyag 'tshal lo// chos kun sgyu ma lta bu ste/ / sgyu ma nyid kyang mchis ma lags// sgyu ma'i chos las rnam grol ba// mi ten khyod la phyag 'tshal lo// rdzogs sangs 'jig rten spyod mdzad kyang // 'jig rten chos la rten mi mdzad// 'jig rten rnam rtog mi mnga' ba// mi rten khyod la phyag 'tshal lo// stong phyir stong la spyod mdzad cing // khyod nyid stong zhing spyod yul stong // stong pa stong par ston mdzad pa// mi rten khyod la phyag 'tshal lo/ / sgyu ma lta bu'i ting 'dzin dang // rdzu 'phrul chen po rnam 'phrul zhing // tha dad ma mchis snyoms zhugs pa// mi rten khyod la phyag 'tshal lo// du ma ma lags cig ma lags// ring dang nye la mi 'jug cing / / gdeg dang gzhag pa mi mngab pa// mi rten khyod la phyag 'tshal lo// rdo rje lta bu'i tong 'dzin gyis// skad cig gcig la mngon sangs rgyas// dngos ma mchis par mnyam gzhag pa//
- 311a
mi rten khyod la phyag 'tshal lo// 'dren pa dus rnams thams cad du// mi g.yo mya ngan 'das pa rtogs// sna tshogs thabs dang ldan pa po// mi rten khyod la phyag 'tshal lo// sems can rnams kyi brgyud pa'i thabs// mkhyen pas mkhas par gyur pa lags// de phyir mi g.yo mya ngan 'das// mi rten khyod la phyag 'tshal lo// mtshan ma mi mnga' lhun gyi grub// spros pa mi mnga' skyon mi mnga'/ / snang med bdag gi mi mnga' ba// mi rten khyod la phyag 'tshal lo// rnam rtogs mi mnga' skyon ma mnga'// bdag gis bdag nyid ji bzhin par// kun tu mkhyen pa thams cad mkhyen/ / mi rten khyod la phyag 'tshal lo// stobs bcu chu bo brgal ba khyod la phyag 'tshal lo// 'jigs bral mi 'jigs stsol pa khyod la phyag 'tshal lo// ma 'dres chos rnams nges par thugs su chud gyur pa/ / 'gro ba kun gyi 'dren pa khyod la phyag 'tshal lo// kun sbyor 'ching ba bcad pa khyod la phyag 'tshal lo// pha rol byon te thang la bzhugs la phyag 'tshal lo// skye bo ngal ba'i rnam 'dren khyod la phyag 'tshal lo/ / 'khor bar gshegs shing mi gnas pa la phyag 'tshal lo// 'gro ba thams cad dag na sems can rnams dang ni// thabs cig gzhugs kyang thugs yid rab tu dben gyur pa// ji ltar pad+ma chab kyis gos par mi 'gyur bzhin/ / sangs rgyas thub pa khyod kyis stong nyid shin tu brten// mtshan ma thams cad rnam pa kun tu rnam par bshig/ khyod la gar yang smon par mdzad pa mchis ma
- 311b
lags/ / ston pa'i ko phang tha med dben pa nyid lags te// dmigs med chu bo brgal ba khyod la phyag 'tshal lo// sangs rgyas mthu chen bsam gyis khyab pa ma lags te/ mi gnas nam mkha' mnyam pa khyod la phyag 'tshal lo/ / yon tan kun gyi mchog mnga' khyed la phyag 'tshal lo// dpal 'phags lhun po 'dra ba khyod la phyag 'tshal lo// de nas bcom ldan 'das kyi 'jam dpal gzhon nur gyur pa la legs so zhes bya ba byin te/ / 'jam dpal legs so legs so// 'jam dpal khyod kyis legs par smras so// 'jam dpal de de bzhin te// 'jam dpal sangs rgyas rnams ni gzugs la blta bar mi bya ste// chos las ma yin// mtshan ma las ma yin// chos kyi dbyings las kyang ma yin no// sangs rgyas rnams ni nyag gcig bzhug pa ma yin/ skye bo mang po'i nang na bzhugs pa ma yin no// sangs rgyas rnams ni sa sus kyang mthong ba ma yin// thos pa ma yin/ mchod pa ma yin te/ mchod par byed pa yang ma yin no// sangs rgyas rnams ni chos 'ga' yang gcig pa nyid dam mang po nyid du mi mdzad pa yin no/ / sangs rgyas rnams kyis ni byang chub brnyes pa med do// sangs rgyas rnams ni chos gang gis kyang rab tu 'byed par mi byed do/ / sangs rgyas rnams kyis ni chos 'ga' yang ma gzigs ma gsan/ ma dgongs/ rnam par mi mkhyen/ kun tu mi mkhyen to// sangs rgyas rnams kyis ni ma gsungs ma brjod do//
- 312a
sangs rgyas rnams kyis ni mi gsung mi brjod do// sangs rgyas rnams ni gsung bar mi 'gyur brjod par mi 'gyur ro// sangs rgyas rnams ni mngon par rdzogs par 'tshang rgya bar mi mdzad do/ / sangs rgyas rnams kyis ni chos gang yang mngon par rdzogs par 'tshang ma rgyas so// sangs rgyas rnams kyis ni nyon mongs pa ma spangs so// sangs rgyas rnams kyis ni rnam par byang ba mngon sum du mdzad do/ / sangs rgyas rnams kyis ni chos gang yang ma gzigs/ ma gsan/ ma myangs/ ma bsnams/ ma reg/ mi mkhyen to// de ci'i phyir zhe na/ 'jam dpal chos thams cad ni gzod ma nas yongs su dag pa yin pa'i phyir ro/ / 'jam dpal byang chub sems dpa' chos kyi rnam grangs 'di lem mos pa gang la la zhig gis/ stong gsum gyi stong chen po'i 'jig rten gyi khams kyi rdul phra rab kyi rdul snyed kyi sems can rang rgyal ba nyid la bkod pa bas ni/ 'jam dpal byang chub sems dpa' gzhan gang zhig chos kyi rnam grangs 'di la mos par gyur na/ de ni de bas ches bsod nams mang du skyed par 'gyur na/ gang chos kyi rnam grangs 'di yi ger 'dri 'am/ yi ger 'drir 'jug pa lta smos kyang ci dgos te/ de ni de bas ches bsod nams mang du skyed par 'gyur ro/ / 'jam dpal yongs su rtag pa nye bar bzung na/ stong gsum gyi stong chen po'i 'jig rten gyi khams na sems can sgong las skyes pa dang / mngal las skyes pa dang / drod gsher
- 312b
las skyes pa dang / rdzus te skyes pa dang / gzugs can dang / gzugs med pa dang / 'du shes can dang / 'du shes med pa dang / rkang med pa dang / rkang gnyis pa dang / rkang bzhi pa dang / rkang mangs gang ji snyed yod pa de dag thams cad/ snga phyi med par mi'i lus thob par gyur la/ mi'i lus thob nas kyang byang chub tu sems bskyed par gyur la/ byang chub tu sems bskyed nas kyang // byang chub sems dpa' re res kyang sangs rgyas byang chub sems dpa' dang bcas/ nyan thos dang bcas pa/ sangs rgyas kyi zhing gang+gA'i bye ma ltar grangs med pa'i rdul phra rab kyi rdul snyed dag la/ bskal pa gang+gA'i bye ma ltar grangs med pa brnyed du/ na bza' dang / zhal zas dang / gzims cha dang / gdan dang / snyun gyi gsos sman dang / yo byad rnams kyi bsnyen bkur byed cing / bde ba'i yo byad thams cad kyang nye bar sgrub par byed la/ de dag yongs su mya ngan las 'das pa'i mchod rten rin po che las byas pa/ 'phangs du dpag tshad brgya yod pa/ rin po che'i lan kan gyis yongs su bskor ba/ nor bu dang mu tig dang rin po che'i chun po mdzes par byas pa/ gdugs dang rgyal mtshan dang ba dan bsgreng ba/ nor bu rin po tsha dbang gi rgyal po'i dra bas kun nas g.yogs pa lhag kyang byed du bcug pa bas ni/ 'jam dpal byang chub sems dpa' bsam pa phun sum tshogs pa gzhan gang zhig gis sangs rgyas thams cad kyi yul la 'jug pa ye shes snang ba'i rgyan ces bya
- 313a
ba'i chos kyi rnam grangs 'di thos nas/ mos par byed/ 'jug par byed/ yid ches par byed cing / yongs su rtog par byas nas kyang / tha na tshig bzhi pa'i tshigs su bcad pa gcig tsam zhig lung 'bog par byed na/ de ni de bas ches sangs rgyas kyi ye shes rjes su rtogs par 'gyur ba'i bsod nams grangs med pa skyed par 'gyur te/ bsod nams mngon par 'du bya ba de la/ byang chub sems dpa' de dag gis sbyin pa las byung ba'i bsod nams mngon par 'dus byas pa lnga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang / cha dang / bgrang ba dang / dpe dang / rgyur yang nye bar mi 'gro'o// 'jam dpal byang chub sems dpa' khyim pa gang la la zhig gis/ sangs rgyas byang chub sems dpa' dang bcas/ nyan thos kyi dge 'dun dang bcas pa/ gang+gA'i bye ma ltar grangs med pa snyed cig la/ bskal pa gang+gA'i bye ma ltar grangs med pa snyed du/ na bza' dang / zhal zas dang / gzims cha dang / gdan dang / snyun gyi gsos sman dang yo byad rnams kyi bsnyen bkur byed pa bas ni/ byang chub sems dpa' rab tu byung ba tshul khrims dang ldan pa/ bsam pa phun sum tshogs pa gzhan zhig gis/ tha na dud 'gro'i skyes gnas su skyes pa'i sems can la/ sbyin pa khams cig tsam byin par gyur na/ bsod nams mngon par 'dus bya ba de la/ bsod nams mngon par
- 313b
'dus bya ba snga ma des/ rgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang cha dang / bgrang ba dang / dpe dang / rgyur yang bar mi 'gro'o/ / 'jam dpal gal te byang chub sems dpa' rab tu byung ba'i tshul khrims dang ldan pa stong gsum gyis stong chen po'i rdul phra rab kyi rdul snyed dag las/ byang chub sems dpa' re res kyang phyogs bcu'i sangs rgyas byang chub sems dpa' dang bcas pa/ nyan thos dang bcas pa gang+gA'i bye ma ltar grangs med pa snyed dag la/ bskal pa gang+gA'i bye ma ltar grangs med pa snyed du/ na bza' dang / zhal zas dang / gzims cha dang / gdan dang / snyun gyi bsod sman dang / yo byad rnams kyi snyen bkur byed par gyur na/ byang chub sems dpa'i de dag gis sbyin pa dag las byung ba'i bsod nams mngon par 'du bya ba gang yin pa de bas ni/ byang chub sems dpa' khyim pa 'am/ rab tu byung ba bsam pa dag pa tshul khrims dang ldan pa gzhan gang zhig gis/ chos kyi rnam grangs 'di thos nas mos par byed/ 'jug par byed/ yid ches par byed/ yi ger 'dri bar byed/ yi ger 'drir 'jug par byed na/ bsod nams mngon par 'du bya ba de la/ byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye brag 'bum gyi cha dang / grangs dang / cha dang
- 314a
bgrang ba dang / dpe dang rgyur yang nye bar mi 'gro'o// baja ma dpal gal te byang chub sems dpa' sems dpa' chen po zhig gis/ stong gsum gyi stong chen po'i 'jig rten gyi khams rin po che sna bdun gyi yongs su bkang ste/ sangs rgyas rnams la dbul bar dbul zhing / de ltar dbul bas bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed du/ dbul bar phul ba pas ni/ byang chub sems dpa' gzhan gang zhig gis/ chos kyi rnam grangs 'di las tha na tshigs bzhi pa'i tshigs su bcad pa gcig tsam zhig/ byang chub sems dpa' gzhan la bstan par gyur na/ bsod nams mngon par 'du bya ba de la/ bsod nams mngon par 'du bya ba snga ma des ni/ brgya'i cher yang nye bar mi 'gro'o// stong gi cha dang / 'bum gyi cha dang / bye phrag 'bum gyi cha dang / grangs dang cha dang / bgrang ba dang / dpe dang / rgyur yang nye bar mi 'gro'o// 'jam dpal bskal pa stong gsum gyi stong chen po'i 'jig rten gyi khams kyi rdul phra rab kyi rdul snyed du/ sbyin pa'i bsod nams mngon par 'du bya ba lta zhog gi/ 'jam dpal gal te byang chub sems dpa' gang+gA'i bye ma ltar grangs med pa snyed cig byung bar gyur la/ de dag las byang chub sems dpa' re res kyang / sangs rgyas kyi zhing 'dzam bu chu bo'i gser las byas pa/ shing ljon pa thams cad kyang lha'i gos rnams kyis yongs su dkris pa/ nor bu rin po che
- 314b
'od thams cad yang dag par 'dus bya ba 'dra bas/ kun nas g.yogs pa nor bu rin po che dbang gis rgyal po las byas pa'i khang pa brtsegs pa nor bu rin po che glog gi sgron ma'i lan kan gyis yongs su bskor ba dag gis yongs su gang bar byas pa/ gdugs dang / rgyal mtshan dang / ba dan bsgreng ba/ gang+gA'i bye ma ltar grangs med pa snyed cig/ sangs rgyas gang+gA'i bye ma ltar grangs med pa snyed dag la/ nyin cig bzhin du dbul bar dbul zhing / de ltar dbul bas/ bskal pa gang+gA'i bye ma ltar grangs med pa snyed du dbul bar phul ba bas byang chub sems dpa' gzhan gang gis chos kyi rnam grangs 'di la mos par byas nas chos kyi rnam grangs 'di las tha na tshig bzhi pa'i tshigs su bcad pa gcig tsam zhig/ byang chub sems dpa' gzhan la bstan tam/ 'jug par byas na/ bsod nams mngon par 'du bya ba de la byang chub sems dpa' de dag gi/ sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi chu dang / bye ba phrag 'bum gyi cha dang / grangs dang cha dang / bgrang ba dang / dpe dang / rgyur yang nye bar mi 'gro'o/ / 'jam dpal 'di lta ste/ dper na khams gsum du gtogs pa'i sems can thams cad sems can dmyal ba dang / dud 'gro dang / yi dgas dang / gshin rje'i 'jig rten
- 315a
du skyes par gyur la/ de nas byang chub sems dpa' khyim pa zhig gis/ sems can de dag thams cad sems can dmyal ba dang / dud 'gro dang / yi dgas dang / gshin rje'i 'jig rten nas bton te/ rang sangs rgyas nyid la bkod pa bas ni/ byang chub sems dpa' rab tu byung ba gzhan gang zhig gis/ tha na dud 'gro'i skye gnas su skyes pa'i sems can la sbyin pa khams cig tsam zhig ci byin par gyur na/ de ni de bas ches bsod nams mang ba dang bsod nams grangs med pa skyed par 'gyur ro// 'jam dpal gal te byang chub sems dpa' rab tu byung ba sangs rgyas kyi zhing bcu'i rdul phra rab kyi rdul snyed cig byung bar gyur la/ de dag las byang chub sems dpa' re res kyang / phyogs bcu'i phyogs re rer sangs rgyas bcom ldan 'das sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed dag mthong bar gyur cing / de bzhin gshegs pa byang chub sems dpa' dang bcas nyan thos dang bcas pa re re la yang / bskal pa sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed du/ na bza' dang / zhal zas dang / gzims cha dang / gdan dang / spyan gsos sman dang / yo byad rnams kyis kyang bsnyen bkur byed la/ de bzhin gshegs pa re re la yang nyin cig bzhin du/ 'jig rten gyi khams
- 315b
sangs rgyas kyi zhing brjod du med pa bye ba khrag khrig 'bum phrag bcu'i rdul phra rab kyi rdul snyed du gang nor bu rin po che dbang gi rgyal pos yongs su bkang ste/ dbul bar phul ba bas/ byang chub sems dpa' chos kyi rnam grangs 'di la mos par gyur pa gang zhig gis/ tha na dud 'gro'i skyes gnas su skyes pa'i sems can la sbyin pa khams cig tsam byin par gyur na/ bsod nams mngon par 'du bya ba de la/ byang chub sems dpa' de dag gi sbyin pa las byung ba'i bsod nams mngon par 'du bya ba snga ma des ni/ brgya'i char yang nye bar mi 'gro'o// stong gi cha dang / 'bum gyi cha dang / bye ba phrag 'bum gyi cha dang / grangs dang cha dang / bgrang ba dang / dpe dang / rgyur yang nye bar mi 'gro'o// de ci'i phyir zhe na/ 'jam dpal 'di lta ste/ chos kyi rnam grangs 'di thos pa ni/ byang chub sems dpa' phyir mi ldogs pa rnams kyi phyag rgya yin pa'i phyir ro// 'jam dpal gal te byang chub sems dpa' la la zhig gis/ phyogs bcul/ 'jig rten gyi khams kyi sems can thams cad dad pas rjes su 'brang ba nyid la bkod pa bas ni byang chub sems dpa' gzhan gang zhig gis/ sems can gcig cig don gyi rjes su 'brang ba nyid la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems
- 316a
can thams cad/ don gyi rjes su 'brang ba nyid la bkod pa bas ni/ byang chub sems dpa' gzhan gang zhig gis/ sems can gcig cig chos kyi rjes su 'brang ba nyid la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa'al la zhig gis/ phyogs bcu'i 'jig rten gyi khams kyis sems can thams cad/ chos kyi rjes su 'brang ba nyid la bkod pa bas ni/ byang chub sems dpa' gzhan gang zhig gis/ sems can gcig cig rgyun tu zhugs pa'i 'bras bu la bkod par gyur na/ de ni de bas ches bsod nams grangs med pa skyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ rgyun tu zhugs pa'i 'bras bu la bkod pa bas ni/ byang chub sems dpa' gzhan gang zhig gis/ sems can gcig cig lan cig phyir 'ong ba'i 'bras bu la bkod par gyur na/ de ni de bas ches bsod nams grangs med pa skyed par 'gyur ro/ / 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ lan cig phyir 'ongs pa'i 'bras bu la bkod pa bas ni/ byang chub sems dpa' gzhan gang zhig gis/ sems can gcig cig phyir mi 'ong ba'i 'bras bu la bkod par gyur na/
- 316b
de ni de bas ches bsod nams grangs med pa bskyed par 'gyur ro// 'jam dpal gal te byang chub sems dpa' la la zhig gis/ phyogs bcu pa 'jig rten gyi khams kyi sems can thams cad/ phyir mi 'ong ba'i 'bras bu la bkod pa bas ni/ byang chub sems dpa' gzhan gang zhig gis/ sems can gcig cig dgra bcom pa nyid la bkod par gyur na/ de ni de bas ches bsod nams grangs med pa bskyed par 'gyur ro/ / 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ dgra bcom pa nyid la bkod pa bas ni/ byang chub sems dpa' gzhan gang zhig gis/ sems can gcig cig rang sangs rgyas nyid la bkod par gyur na/ de ni de bas ches bsod nams grangs med pa bskyed par 'gyur ro/ / 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad/ rang sangs rgyas nyid la bkod pa bas ni/ byang chub sems dpa' gzhan gang zhig gis/ sems can gcig cig byang chub kyi sems la bkod par gyur na/ de ni de bas ches bsod nams grangs med pa bskyed par 'gyur 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad byang chub kyi sems la bkod pa bas ni/ byang chub sems
- 317a
dpa' gzhan gang zhig gis/ sems can gcig cig phyir mi lcogs pa nyid la bkod par gyur na/ de ni de bas ches bsod nams grangs med pa bskyed par 'gyur ro// 'jam dpal gal te byang chub sems dpa' la la zhig gis/ phyogs bcu'i 'jig rten gyi khams kyi sems can thams cad phyir mi ldog pa nyid la bkod pa bas ni/ byang chub sems dpa' gzhan gang zhig gis/ chos kyi rnam grangs 'di la mos shing yi ger 'drir bcug nas/ gzhan dag la rgya cher yang dag par ston pa dang / tha na sems can gcig cig chos kyi rnam grangs bde la 'jug par byas na/ de ni de bas ches bsod nams grangs med pa bskyed par 'gyur ro// de nas de'i tshe bcom ldan 'das kyis tshigs su bcad pa 'di dag bka' stsal to/ / byang chub sems dpa' gang zhig zad pa'i dus mtha'i tshe/ sangs rgyas bye ba phrag bcu'i dam chos 'dzin pa bas// gang zhig mdo sde 'di ni nyen par byed 'gyur na// de ni de bas bsod nams chen po khyad par 'phags/ / gang zhig rdzu 'phrul stobs kyi phyogs bcur song nas ni// sangs rgyas bye ba phrag bcu dag la mchod byed cing // snying rje bskyed de bde ba kun la chags med par/ / skyes bu dam pa thams cad la phyag 'tshal btsud pa bas// gang zhig bde gshegs bstan la sems rab dad gyur cing // rgyal ba'i chos rnams smon par byed pa'i mdo sde 'di//
- 317b
gzhan la yud tsam cig cig ston par byed gyur na// de ni de bas bsod nams 'bras bu khyad par 'phags// bde gshegs bstan pa'i mdo sde sgron mar gyur pa 'di// gang gis lha dang mi la yang dag bstan byas na/ / de ni shes rab rno zhing mthu chen ldan 'gyur la// sangs rgyas rnams kyis yang myur du 'thob par 'gyur// gang gis bde gshegs sangs rgyas ma mchog de dag ni/ / phung po'i lhag ma med par yongs su mya ngan las 'das par gyur pa dag gi de 'dra'i sku thos nas// sems can gzhan la'ang yang dag sgrog par gyur cing // mchod rten gnam 'phang mtho ba srid rtse'i mthar thug la/ / khyon dang ldan par gyur pa'ang srid rtse ci bzhin pa// rin chen mdzes pas spras shing gdugs dang ba dan dang // de bzhin dril sgras mdzes pa byed du bcugs pa bas/ / 'di na byang chub sems dpa' gang zhig 'di 'dra ba'i// mdo sde 'di thos lus la gnas par 'gyur ba'am// glegs bam bri ba byas te gzhag par byed 'dod na// de ni de bas bsod nams 'bras bu khyad par 'phags/ / ser sna'i 'dri ma gsal bar gyur cing 'jigs med pa'i// byang chub sems dpa' gang zhig chos 'di 'dzin byed na// de yi bsod nams dpag tu yod par mi 'gyur te/ / ci ltar 'dod pa bzhin du byang chub thob par 'gyur// mdo 'di bde bar gshegs pa rnams kyis rab bsngags shing // byang chub sems dpa' mang pos yong
- 318a
su bzung ba yin/ / de bzhin gshegs pa rnams kyi sku lus nam mkha' yi// khams dang 'dra ba thams cad 'dir ni bstan pa yin// bcom ldan 'das kyis de skad ces bka' stsal nas/ / byang chub sems dpa' sems dpa' chen po 'jam dpal gzhon nur gyur pa dang // byang chub sems dpa' dang / nyan thos chen po grangs med pa bsam gyis mi khyab brjod du med pa de dag dang / lha dang / mi dang / lha ma yin dang / nam mkha' lding dang / dri zar bcas pa'i 'jig rten yid rang ste/ bcom ldan 'das kyis gsungs pa la mngon par bstod do/ / 'phags pa sangs rgyas thams cad kyi yul la 'jug pa ye shes snang ba'i rgyan ces bya ba thegs pa chen po'i mdo rdzogs so// / rgya gar gyi mkhan po su ren dra bo d+ha dang / bu chen gyi lo tsa ba ban d+he ye shes sde la sogs pas bsgyur cing zhus te gtan la phab pa// @#rgya gar skad du/ Ar+ya shad d+ha ba laH nA pa ta ra mu dra nA ma ma hA yA na sU tra/ bod skad du/ 'phags pa dang pa'i stobs bskyed pa la 'jug pa'i phyag rgya zhes bya ba theg pa chen po'i mdo/ bam po dang po// sangs rgyas dang byang chub sems dpa' thams cad la phyag 'tshal lo/ / 'di skad bdag gis thos pa dus gcig na/ bcom ldan 'das de bzhin gshegs pa'i gnas na/ chos kyi bas mtha' dgon pa na/ kun nas
Colophon
'phags pa sangs rgyas thams cad kyi yul la 'jug pa ye shes snang ba'i rgyan ces bya ba theg pa chen po'i mdo rdzogs so/ /rgya gar gyi mkhan po su ren dra bo d+hi dang / zhu chen gyi lo tsa ba ban d+he ye shes sde la sogs pas bsgyur cing zhus te gtan la phab pa/