'phags pa rten cing 'brel bar 'byung ba zhes bya ba theg pa chen po'i mdo
Āryapratītyasamudpādanāmamahāyānasūtra
Text
ff. 328b–330a · 4 folio sides
- 328b
med par shes par bya'o/ / chos kyi rnam grangs 'di bshad pa'i tshe/ sa chen po 'di rnam pa drug tu g.yos te/ shar phyogs mtho na nub phyogs dma'/ nub phyogs mtho na/ shar phyogs dpa'/ lho phyogs mtho na byang phyogs dma'/ byab phyogs mtho na/ lho phyogs dma'/ dbus mtho na mtha' dma'/ mtha' mthon/ dbus dma' bar gyur to// de nas bcom ldan 'das la tshe dang ldan pa kun dga' bos 'di skad ces gsol to/ / bcom ldan 'das chos kyi rnam grangs 'di'i ming ci lags/ bdag gis ji ltar gzung bar bgyi/ bcom ldan 'das kyis bka' stsal pa/ kun dga' bo de'i phyir chos kyi rnam grangs 'di bdud rtsi'i rnga zhes bya bar zung shig/ sgra chen po zhes bya bar yang zung shig/ de nas tshe dang ldan pa kun dga' bo bcom ldan 'das kyis gsungs pa la mngon bstod de/ rjes su yi rangs nas/ bcom ldan 'das kyi zhabs la phyag 'tshal te/ bcom ldan 'das la lan sum bskor ba byas nas/ bcom ldan 'das kyi spyan snga nas song ngo // 'phags pa sgra chen po zhes bya ba theg pa chen po'i mdo rdzogs so/ / / rgya gar gyi mkhan pobi shrad+d+ha sing ha dang / lo tsa ba ban d+he dge ba dpal gyi bsgyur/ rgya gar gyi mkhan po bid b+ha kar sing ha dang / zhu chen gyi lo tsa ba ban d+he de ba tsan tras zhus te gtan la phab pa// rgya gar skad du/ Ar+ya pra ShI t+ya sa mud pA da nA ma ma hA yAn sU tra/ bod skad du/
- 329a
'phags pa rten cing 'brel bar 'byung ba zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo// 'di skad bdag gis thos pa dus gcig na/ bcom ldan 'das sum cu rtsa gsum lha'i nang na/ ar mo lig lta bu'i rdo leb la rta thul la sogs pa nyan thos chen po rnams dang / 'phags pa byams pa dang / 'phags pa spyan ras gzigs dbang phyug dang / lag na rdo rje la sogs pa byang chub sems dpa' sems dpa' chen po yon tan rin po che dpag tu med pas brgyan pa rnams dang / mi mjed kyi bdag po tshang pa chen po dang / sred med kyi bu dang / dbang phyug chen po la sogs pa lha rnams dang / lha'i dbang po brgya byin dang / dri za'i rgyal po gtsug bud lnga pa dang thabs cig tu bzhugs te/ de nas byang / chub sems dpa' sems dpa' chen po spyan ras gzigs dbang phyug stan las la dA sa te/ bla gos phrag pa gcig tu bzar nas/ pus mo yas pa'i lha nga ri rab kyi rtse mo la btsugs te/ bcom/ ldan 'das ga la ba de logs su thal mo sbyar ba btud nas/ bcom ldan 'das la 'di skad ces gsol to// bcom ldan 'das lha 'di dag ni/ mchod rten bgyid par 'tshal ba sha stag ste/ 'khor gyi dkyil 'khor 'dir mchis nas/ ci nas tshangs pa'i bsod nams 'phel ba dang / lha dang bcas pa/ bdud dang bcas pa/ tshangs pa dang bcas pa'i 'jig rten na/ dge sbyong dang /
- 329b
bram zer bcas pa'i skye dgu las dge slong dang / dge slong ma dang / dge bsnyen dang / dge bsnyen ma dag bsod nams shin tu mang du 'phel bar 'gyur ba de lta de ltar/ bcom ldan 'das de// / dag la chos bstan du gsol/ de nas bcom ldan 'das kyi rten cing 'brel bar 'byung ba'i tshigs su bcad pa bka' stsal pa/ ye d+harmA he tu pra b+ha bA he tun te ShAn ta thA ga to d+ya ba data/ te Shan tsa yo ni ro d+ha e baM bA dI ma hA shra ma NaH/ / chos gang rgyus byung de dag gi/ rgyu dang de 'gog gang yin pa'ang // de bzhin gshegs pas bka' stsal te// dge sbyong chen po de skad gsung // spyan ras gzigs dbang phyug 'di lta ste/ rten cing 'brel par 'byung ba 'di ni/ de bzhin gshegs pa rnams kyi chos kyi sku yin te/ sus rten cing 'brel par 'byung ba mthong ba des/ de bzhin gshegs pa mthong ngo / / spyan ras gzigs dbang phyugs rigs kyi bu 'am/ rigs kyi bu mo dad pa can gang la la zhig gis/ mi gnas pa'i phyogs su chod rten ni skyu ru ra'i 'bru tsam/ srog shing ni khab tsam/ gdugs ni bku la'i me tog tsam zhig byas la/ rten cing 'brel par 'byung ba chos kyi dbyings kyi tshigs su bcad pa nang du bcug na/ de tshangs pa'i bsod nams bskyed par 'gyur te/ 'di nas shi 'phos shing 'chi ba'i dus byas nas tshangs pa'i 'jig rten dag tu skye bar 'gyur ro// de nas shi 'phos te 'chi ba'i dus byas nas/ gnas gtsang ma'i ris kyi lho rnam
- 330a
dang bskal pa mnyam par skye bar 'gyur ro/ / bcom ldan 'das kyis de skad ces bka' stsal nas/ nyan thos dang / byang chub sems dpa' de dag dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yid rangs te/ bcom ldan 'das kyi gsungs pa la mngon par bstod do// 'phags brten cing 'brel b.ra'abyung ba zhes bya ba theg pa chen po'i mdo rdzogs so// rgya gar skad du/ Ar+ya bo d+hi sad tra tsAR+Ya ni de shan nA ma mahA yA na su tra/ bod skad du/ 'phags pa byang chub sems dpa'i spyod pa bstan pa zhes bya ba theg pa chen po'i mdo// sangs rgyas dang / byang chub sems dpa' thams cad la phyag 'tshal lo/ / 'di skad bdag gi thos pa'i dus gcig na/ bcom ldan 'das yangs pa can na/ tshal chen po'i khang pa brtsegs pa'i gnas na/ dge slong stong tham pa'i dge slong gi dge 'dun chen po thams cad kyang dgra bcom pa/ zag pa zad pa// nyon mongs pa med pa/ dbang dang ldan par gyur pa/ sems shin tu rnam par grol ba/ shes rab shin tu rnam par grol ba/ cang shes pa/ glang po chen po// bya ba byas pa/ byed pa byed pa/ khur bor ba/ bdag gi don rjes su thob pa/ srid par kun tu sbyor ba yongs su zad pa/ yang dag
Colophon
'phags pa rten cing 'brel bar 'byung ba zhes bya ba theg pa chen po'i mdo rdzogs so/